Post: #1
Title: راكـوبة سودانيز... هل ندعها تتحول الي عكاكيز؟
Author: حبيب نورة
Date: 11-26-2004, 02:45 PM
غرفة الدردشة في سودانيز اون لاين كانت واحة هديئة تلملم شتات
الطيور المهاجرة ولكنها تحوّلت بقدرة قادر الي غابة رصاص وحقل
ألغام... مجرد سباب وترهات و شتائم.... والرقابة مفقودة.....
تري اين تكمن المشكلة واين هي الحلول الجزرية؟؟؟؟؟؟؟؟؟؟؟؟؟؟
الشوق بطّال لي زولاً طبعوا شحيح وضنين ..... الوجع الكان جواي مستور
ما تكشفي حالو مرارة وخوف ... ما درتك الا تسكني الجوف... يا الصورتك
سرقت حد الشوف ... أخترتك لمّن شفت الطل يا زهرة ..يغسل وشّك
بالبسمات .....ناديتك تملي دريبي ...تشيلي عليك كل الخطوات...
وما كضّبتي كمان يا السمحة !!! شحدتي الخطوة الجاتك تزحف بي جنحات
مدّيت رجليني لقيتك هاوية !!!! بتكتم حس الفرحة الجات.....
وعاد يا أنتي بعد ما فتّي كيفن يصحا الشوق المات؟؟
تعالوا نغني ...الفات الفات...في قلبوا أكبر طعنات في قلبوا
|
Post: #2
Title: Re: راكـوبة سودانيز... هل ندعها تتحول الي عكاكيز؟
Author: محمد الامين احمد
Date: 11-26-2004, 02:51 PM
Parent: #1
تحية طيبة للجميع
الحبيب حبيب نوره
كلامك صاح و فى محلو
غرف الدردشة مليئة بفاحش القول
ممكن اتقدم باقتراحين
واحد : الدخول لهذه الغرف يكون فقط لمشتركى سودانيز اون لاين ، يعنى تدخل باسمك الانت مسجل بيهو هنا
اتنين: يكون فى مشرفين متواجدين على مدى الـ24 ساعة، ديل يكون متطوعين ساى، انا غايتو ما منهم 
شكرا ليك على التنبيه
|
Post: #3
Title: Re: راكـوبة سودانيز... هل ندعها تتحول الي عكاكيز؟
Author: حبيب نورة
Date: 11-26-2004, 03:00 PM
Parent: #2
محمد الامين
تحية ملوكية خاصة
كلامك جميل و انا رافض فيه حاجة واحدة
هو أحقية الدخول للجميع
لكن لازم تكون في رقابة صارمة
او يقفلوها و نرتاح
وغير كدة دة أهداء خاس جدا ليك ولي ناس الراكوبةكمان
انا برحل ليك... ياسفراً ما أتعرفت ليه دروب... قسوة حنيتك...
مزاق الالفــــة الجفوة الهم... تركيبة غريبة....زي ما حضن النيل الازرق
أبيض مــويـــة!
وقال للناس ديك الخرطــوم ... بترجــف من قبلات النيل .. ولقيتك نيل!
وجيتك مركــب ... اتوكلت علي مجدافي.... شخبطت الجــزر الكانت رملة ..
وبتمسح خد الموجــة جفاف ... ورسمت خرايط الطين في الصحــــرة وصفق
النخـــــلة .... تاكيت النيل عبيت شرياني سماحة شوفتك في أحلامي ...
و أنا جيتك رويان حلقي سموم و مغــــــايس
|
Post: #4
Title: Re: راكـوبة سودانيز... هل ندعها تتحول الي عكاكيز؟
Author: حبيب نورة
Date: 11-26-2004, 03:31 PM
Parent: #3
اين المسؤول
سنعود....
|
Post: #5
Title: Re: راكـوبة سودانيز... هل ندعها تتحول الي عكاكيز؟
Author: سجيمان
Date: 11-26-2004, 03:45 PM
Parent: #4
حبيب نورة
التظليل ما مخلينا نفرا الكلام السمح الكاتبو دا
|
Post: #9
Title: Re: راكـوبة سودانيز... هل ندعها تتحول الي عكاكيز؟
Author: حبيب نورة
Date: 11-29-2004, 01:02 PM
Parent: #5
دكتور عادل
تسلم يا حبيب
و الشوق لهيب
الا موقعك أبي لي
كلما أجيه يتعزّز الليمون
|
Post: #6
Title: Re: راكـوبة سودانيز... هل ندعها تتحول الي عكاكيز؟
Author: tabaldy
Date: 11-26-2004, 03:46 PM
Parent: #1
_ معاي منو والله ؟
_ معاك الحنكوشة ؟
_ومن وين يا حنكوشة ؟
_ امريكا ..
_ أمريكا مرة واحدة !! وبتدرسي شنو يا دلوعة ؟
_ انا ما دلوعة , دلوعة دي أختي , بتعرفها من وين كمان ؟
_ لوووووووووول إنتي عسل والله , بس ما قلتي لي بتقري شنو يا حنكوشة ؟
_ أول حاجة بقرا طب في التقانة الخرطوم , وتانياً عرفتني كيف عسل ؟ الظاهر انت كضاب كبير .
_ أنا كضاب ؟ كدي خليك من كضبي .. بس وريني كيف بتقري في التقانة وساكنة في أمريكا في الوقت نفسو !!
_ لا ما تتحير أصلو الأسرة في أمريكا وانا بجي امريكا اجازات وكدة .
_ وما تقولي لي عمرك 22 سنة ؟
_ عرفت كيف عمري 22 سنة ؟
_ لا ده الإستداندارد بتاع التعارف وكدة .حسب ما جا عند ناس الآيزو والمواصفات . وبتقري شنو في التقانة فرع واشنطون دي سي ؟ ما تقولي لي مختبرات طبية ؟
_ عرفت كيف ؟ !!!
_ انا حاوي .
_ .......
_ .....
وتبدا يا قبيح _ زي ما قال المثل _ او يا حاوي رحلة طوووووويلة في راكوبة الصفر واحد وفي كل زقاقات النيت . و ..
_ موضوووووووووع للنقاش : أثر هجرة الشباب في مشكلة العنوسة المتزايدة في السودان ..
_ انا ما بحب النقاشات السياسية.
_ بتحبي شنو ؟
_ اللون البنكي ..
_ موضوووووووووووع تاني عشان اللون البنكي للنقاش : أثر اللون البنكي في مشكلة قلبي وهجرة الشباب وبالتالي عنوسة الشابات .
وتضحك ونضحك وما يضحك زمنا الملانا حلم وإفتراضات يا اب قلبن ميت .
ومن تاااااااااني ..
_ آيه ياخ منها .. ما جات ؟
_ وين يا مان , كل يوم تجي بقيت تسأل منها ولا تجيب لينا خبر , أها جات قبيل وشتت .
_ والقاعدين ليها شنو ؟ راكوبتكم من غيرا زي سوق الناقة من غير لحم .
_ لوووووووول ما تقول لي بتحبها شاشة الأل جي 17 بوصة ؟
_ البت الخلت الراكوبة زي التاكسي الهنتر في شارع المطار .. ياخ أقول ليكم دي حكايتها حكاية .. بت بيضاء قمرة , لابسة زمام , محجبة , عمرها 22 سنة , ما بتتكلم مع أولاد في الشات إلا انا .
_ وإنت صدقت ؟
_ صدقت شنو ؟
_ إنها الأسطورة الفوق دي ؟ شاشتك ال أل جي 17 بوصة قصدي ..
_ والله يا ابو الشباب أهو ملي فراغ عاطفي وزمن وكدة وأخبار دلوعة شنو ؟
_ دلوعة منو ؟
_ دلوعة بتاعة البالتالك ياخ ..
_ ..
_ ...
أبنوسي
|
Post: #7
Title: Re: راكـوبة سودانيز... هل ندعها تتحول الي عكاكيز؟
Author: motaz
Date: 11-26-2004, 04:31 PM
Parent: #6
حبيبنا حبيب نورة
كل سنة وانت طيب
عجبني العنوان ساي قلت اجي اتاوق هههههههههه
بصراحة موضوع في غاية الاهمية وقبل يومين كنت مع اخت قالت انها اول مره تدخل فيها غرفه دردشة سودانية وبتقول (انا ندمانة على اني جيت هنا) .. المهم حاولت اقول ليها انو اي مكان فيهو ناس طيبين وفيهو ناس (شريريين) هههههههههه عشان كدا ما تزعلي والمهم كلام من النوع ده
لكن حكاية انو لازم يكون في مراقبين دي لازم تكون وفي اسرع وقت ولا يقفلوها الغرفه دي ويريحو الناس منها مع احترامي للناس العاوزين تستمر .. كلنا عايزين كدا طبعا لكن البيشوف المنبر الحر ما يشوف الراكوبه .. عكس تماما
امبارح بس عرفت انو غرفة الدردشة بدل ان تكون متنفس للناس اصبحت كاتمه لانفاسهم
تخريمة:
تبلدينا مشتاقين وكدا هههههههه
خلينا نشوفك وقرب تعال ما تبتعد
ولكم كل المودة
|
Post: #11
Title: Re: راكـوبة سودانيز... هل ندعها تتحول الي عكاكيز؟
Author: حبيب نورة
Date: 11-29-2004, 01:32 PM
Parent: #7
معتز ود الجيران
ههههههههههه والله محنك دي عمرك ما ح تخليها
لوووووووووول @ شريرين
دي لقطتها من وين يا سجم
وبعدين لسة ما جانا مسؤول هنا
و مسؤول من الخير... انت بتشوف فوكس و برهوم وعووضة؟
سلم عليهم شديد يا اخوي
و سنعود للموضوع انشاء الله
|
Post: #10
Title: Re: راكـوبة سودانيز... هل ندعها تتحول الي عكاكيز؟
Author: حبيب نورة
Date: 11-29-2004, 01:17 PM
Parent: #6
ابنوسي
انا لسة راجيك جوة المسام
بي نفس السيناريو زاتو
امبارح أختي رسلت لي جواب في الهوت ميل
دي شوية مقتطفات منو
اسمع معاي
دا كلو من حبوبة أزيك يا حبوبة وكيف حالك يا حبوبة
دق الباب بالطوبة فتحت لى حبوبة قالت ليه مخطوبة والله مخطوبة
أنشاء يرجع ياسين ألقاها ماتت حبوبة
أزيك يا عسل وفى نفس الوقت بصل وحاولنا نتصل لكن الخط فصل
أخبارك شنو عامل كيف؟ والجكس كيف حالك ؟كمية من الجرسة والجرس
نقول شنو؟ قلبى يا مألم وحكمة الله تتظلم ومن فراق ياسكو تتألم
بت خالتك بايرة ولو بديت الحكاية بنلقى ما عندها نهاية وعشان كده مافى داعى
وامهم والأهم راجياك يا أبوشرة دايرة أتموا معاك وما تقول لى ما موافق لأنك ما حتلقى أحسن منك أنت تفك بورتى وأنا أحل مشاكلك أوعى تقول لىلسه بتحب حباب كورة الشراب دى واحدة عاضة(مصطلح جديد وما تستغرب من الكلمات الغريبة)
يمكن دة يكون ما ليه علاقة بالموضوع... لكن ممكن نلولب شوية من خلف
الأطار وح نوصل أكيد لي حال بلد حالة وطن حالة امة!!!
البنت لحدي ما جيت البلد دي خليتها منتدي شعري مصغّر.... غادة السمان
بتاعت البيت هسة بقت عشة مشاكل... ( عشة مشاكل دي واحدة فنانة ركشات)
Quote: لوووووووووول إنتي عسل والله , بس ما قلتي لي بتقري شنو يا حنكوشة ؟
_ أول حاجة بقرا طب في التقانة الخرطوم , وتانياً عرفتني كيف عسل ؟ الظاهر انت كضاب كبير .
_ أنا كضاب ؟ كدي خليك من كضبي .. بس وريني كيف بتقري في التقانة وساكنة في أمريكا في الوقت نفسو !!
_ لا ما تتحير أصلو الأسرة في أمريكا وانا بجي امريكا اجازات وكدة |
و بعدين انا ما بحب الخباثات دي يا مسخوط.... اوكي
|
Post: #8
Title: Re: راكـوبة سودانيز... هل ندعها تتحول الي عكاكيز؟
Author: محمد الامين احمد
Date: 11-27-2004, 01:43 PM
Parent: #1
تحية طيبة للجميع
المتألق حبيب نورة
انت الكلام السمح ده بتجيبو من وين !
انت رجل من كوكب آخر، اجزل الشكر و ارق التحايا
د.سجيمان
كدى البس النضارة و تعال
تبلدى
قلت لى جاى بالادلة ، المهم انت ما تزعل نفسك
معتز
(شريريين) دى لذيذة
|
Post: #12
Title: Re: راكـوبة سودانيز... هل ندعها تتحول الي عكاكيز؟
Author: حبيب نورة
Date: 11-29-2004, 01:37 PM
Parent: #8
الروعة محمد الأمين
انا بجيب الكلام دة من روعة و نقاء دواخلكم العامرة بالحب
و صدقني لولاكم لما كنت
شكراً للمرور الأنيق
سلمت يداك
|
|