وسجـــارةٌ .... في كل الشــوارعٍ أكسجــــينة!!!

اكسجينة مرقت لافحــة لي توب المطر ....دقّت شبابيك الرئة .... ما شافت
الباب العريض..... أتجاهلت أنو ساعة أتنفــسا ...و أمد الشهيق أتحسـسا...
بطلع زفير الآهــــــــة برحل ما بعود ..... و أنقـُر براي طار الحنين.....
أقرمش كسرة التزكار و أجيك علي صهوة أنفاس السجارات المبرطعة
في زقاقات الدماغ...!!!!!!!!! وكديســـــــــة الكيف كانت تخربشُ في دهاليز
الرؤوس الفارغات الفاضيات.... ماطاردت فــأر المطابخِ بالمخالبِ والأظافر
شفناها في معبد مزاجنا تشعل براكين البخــائر .... ماكافرة لمّن رددت..:
اللاتِ يا هذا السجــائر .... العُزّي يا هذا السجـــائر!!!.
نقطــة نفس جديد...!!؟؟
تصاب الأنفاس بالحمي .... ونشيِّد من الخزعبلاتِ مدينةً فاضلة!
ثم طلع الكـــيفُ علينا من ثنيــــّاتِ الدماغ ...!!
وأنقشعت غيمة بليدة كانت تغطي حقل ألغـــام النخـــاع .... ترجــّلت عن ظهر السما
و أمطرت في صحــراء عيوني .. مثلها مثل أكسجــينة مرقت لافحة لي
توب المطـــــــر ....دقّت شبابــيك الرئــــــــــــــــــــــة !!
شان تبدأ ترتيب البهدلــة ... تهـري العيون بالزغــللة ... تدرس جوانب المسألة!

منتهـــي السجـــارة !!!!
تلك التي تعيدك الي نقطــة الصفــر و درجـــة الصفـــر ... ثم تحشي دماغك بالأستواء....!!
كانت في غاية الأدب معي حين حاولت أمتصاص شفتاها ... فقبلتني في أمومةٍ
كانت ترفض نزق الرجـــال ... ولكنها تستسلم لشقاوة الأطفـــال.....
لا أريدهـــا أن تفطمــني منذ الولعـــــة الأولي !!!
ففصـــالهُ في عامين.... أقصد في نفسين !
والدماغ يحتشـِد ....و النخـاعُ يتّقــِد ... والمسامُ تتّحـــِد ... والعيونُ تنفقــِد .....
والأنفاس تتعـــاور مع أدخنة البخور العدني .... انا أول أنا أول
أنا أول ...!!! يا جماعة براحة.. بي الدّور عليكم الله ... أصلو دة راس واللا
كلومبيـــــــــــا؟؟؟!
on love on love
بوب يعسكر في خياشيمي .... ويمنحها أستثنائـــية أنيقة .....
كديســـــــــة الكيف تخربشني في نعومــةٍ ... وتناوشني في ألفــة وعدوانية!
وتوجعني بروح الشعراء المساطيل ... وتهدّ حيلي بطاقة الأنفعــال...!

سجارتي لم أهدِر دمهــا ... ولكني أردت لها الخلود... فتسلقت رئتي مثل
أكسجــينة أفريقية بطعم الصندل والقرنفل .... وروح الأبنوس في محرقــة البخور
العدني.... لم أكن يائس من الحياة .... فالحالة مسطولة والحمد لله !!!
فقط أحب ان أعبئ جميع الرؤوس الفارغة بصراخي !! و أغمد خنجري في قلب
الضجيج .........!
حتي أنت يا بروتس ؟؟؟؟؟
حتي انا يا بوب مارلي !
فمن حقي انا أعيش حياتي مسطولاً ...طالما كان الوعي يتأرجــح من شدة السكـر!
من حقي ان أختار وقت الغيبوبــــــــــة ... وشكل الغيبوبــــــــــة .... ودرجة
التخدير .... أذا كان العالم كله يرقد في غرفة العناية المركزة !!
وانا أخترت أن تكون حبيبتي ....... أكسجينـــــــــــة تولد في رحم سجارة بنت حرام!!!!!!.... أزفـّها في القفص الصدري ... ويحتويها النخــاع و يشتهيا الدماغ
و تمرق لافحــــــــــة لي توب المطر... تدق شبابيك الرئـــة... منتظرة تأشيرة دخول
مجنونــــة ياالأصلك حرررررريق ... يا واسعة لما الناس تضيـــق.....يا شينة
لما خلاس أفيــــــــــــق.....!

شوشاوة
يا أكسجينة لكن ما طلعتي بت لزيــنة!!!

لم أكن وحدي
فهناك انا وانا وانا
انا في قلب الصراخ
وهو من أمستردام ينبض بحبي
يوحدنا العشق الكبير
والحب السرمدي
الالهام مستورد من كينيا...و انا لونى السباسى كنياتا و جبهة الماو ماو
ود شداد وفلان و كثير من يتدثرون بعبائة الرهبة من سلطان
الرقيب الأجتماعي
اما نحن فمن حقنا أن نعيش حياتنا كما شئنا
لا كما يشاء هؤلاء و هم و أولئك

أحي انا

فـاجأ المخاض عيون سيجارتي و فاضت بعد ان أسلمت نفسها الي
عود ثقاب شهواني !! ولكنها لم تكن تبكي الخطيئة و أنا كانت
تبكي التجاهل الشديد ,, فقد كان الجميع يصر علي تكريم الغيمة
ومنحها وسام الهطول من المطرة الاولي !! ويتجاهلون الماء ,, و
لا يزكرونهُ الا حين ألتقاء زرتي هيدروجين مع أكسجينة في معادلة
كيمائية !! والناس أيضاً يحتفون بالغابة و ينكرون علي اللون
الاخضر دورهُ ,, تري لو كانت الغابة صفراء هل كانت تسر الناظرين؟

حبيب نورا ,, المحب
والشوق الجاري عليك
(( توب المطـــــــر ....دقّت شبابــيك الرئــــــــــــــــــــــة !!
شان تبدأ ترتيب البهدلــة ... تهـري العيون بالزغــللة ...
تدرس جوانب المسألة!))
الاقي الجاي متاكي بيناتك ومزاج اليوم المافي
صباح يا في
صباح يا خلوق مشتتة في اتجاهات الودار

أما انت
فافتح لك من جزيل الود اوكسترا (( جبنة)) ..

لا تنصت لياني
أفتعل الجمال
ثم
حلـــــــــــــــــــــق
والريد نيلين

زوربا بجلالة عشقهِ ؟؟ّّ

....!!!!!!!!!!!
أكادُ لا أصدقٌُ يا أنت
توب المطر دقّت شبابيكك
أغاني الليل فضحت مساديرك
وصوت البلبل المصقوع
عبّ الليل سكون و ضجيج
وفات لي ناس تفتش ليكا يا راحل

Quote: الاقي الجاي متاكي بيناتك ومزاج اليوم المافي صباح يا في صباح يا خلوق مشتتة في اتجاهات الودار أما انت فافتح لك من جزيل الود اوكسترا (( جبنة)) ..

و أما أنا
فسأصنع لك من دماء القهوة الأستوائية مدينةً للكيف الوريف!!!.
فقط كن معي.....................................

ما لقينا في صمت الكلمة التكــتح!!
لكن البوح عن جرحنا أريح...!!!!!

أخترنا نكون يا أنتي أغــاني
نقول للهم والغم ما تجرح.....

حبيب نورا الشفيف
والشوق الجاري عليك
قالت عصافير المطر
يا واقفين بين نخلة الشوق والعشق وموحدين في السكتين
الموت طريق المعرفة
هكذا قالت العصافير المطر أما أنا أقول
الريد طريق المعرفة
....
ونحن نرتكب جزيل ( الريد )
نتكيء علي شرف مزاج هادي
نرتب الحكايات من البداية
ونتواق بينات الموج
يمكن نلقي السكة طالعة من جوف الرحيل
أو
نلقي الرحيل جوف الوطن
والريد نيلين
همسة / كن آمـــن

زوربا بكلِ كثافة الشوق!! ما ألطفها من كلمات
ما أجملها من لحظات..!! ما ؟أجملها ما أكملها
والمرة دي قدرت علي يا زوربا
لكن ح أجيك مرة تانية و أعتبروا وعد مني!!!

******


لاول مره..
في هذا المنتدى ..
أقراء موضوع ..
اكثر من مره ..
خلال اليوم..
حبيب نورة..
ياحبيب ..
ثم طلع انت علينا من ثنيــــّاتِ الحروف ...!!







************

ود نورا
الطفاية واقفة تعبى مسامها شوق وحنين ...
والبرنسيسة خلفت كرعينها وفتحت قوسين .. لفت دورين قال أف
شهقت حس العافية الركنت في الصبارص
فك النفس ليمينك ولو عدوك

يا صديق
االسجارة راقدة في حضن الوطــــة
مشهية تقبيل الشفــــاه
رافضة كان يبرد حشـاهــا
مجنونة بي أمر الألـــه
ياخي هسة زكرتني الرفاق الحنان
ناس غندقلية وعزوز و عوض كورينا
والبنية العاملة معاي مشاكل
بعد ما مزقت فاتورة الحليب
وتاني عايزاني من جديد أرجع علاقاتي مع الجماعة في حلة كوكو
يا كريهة هولندة شنو و دري لاند بتاع ماذا؟
انا عايزالحليب من أمو!!
ست اللبن قالت الود دة خلاس نفطموا
معقولة في شهرين؟؟؟؟؟
أجي يا كوستي!! هسة عليكم الله دي مانعمة الياباها يعمي!
أمينة ياخ
لكن ما مبالغة يا ولية
هسة في داعي للغيبوبة دي
يا معاز شخـِّل لي شريط خدعني وخَدر بي
علي قول بنت جيرانكم الفلاتية

يا صديق
أسمح لي بالرقصة دي يا أخوي
معليش ياخ
عشان كانت برّة الدارة
بس أوعدك تاني تكون جوة المسرح!!!

و للترترة
علاقة متجزرة مع الحنين
شكل أكسجينة دقت لي شبابيك الرئـــة وكدة!!

!!!!!!!!!!!!!!!!!!!?

ملامح

..........!!!!
شكلك عايز تأرخ لي سؤال صعب
وما قادر تفصح عنو في مطلع هذه الورقة
لكن انا عندي حزمة اجابات ممكنة
تعال كوس ليك منها حاجة
اها.......


!!!؟؟؟؟!!!!

sumah
أما انا فلأول مرة أفرح بي مداخلة
فرحي بي قولك
أسكت لسانات الكلام
من وهجوتسطُل تنشي
يغلب خطاها المشي
ما بتلقي غير قولة سلام
سلامٌ حتي آخر أنفاس البرنسيسة
لافيهُ عارض يعترض
لافيهُ تخميسة
برااااااااااااك انت و بس
فقطٌ فقط!!!

I’M ALIVE
Mmmmm ... mmmmm ...
Mmmmmmmmmmmm
I get wings to fly
Oh, oh ... Im alive ...
Yeah

When you call on me
When I hear you
Breathe
I get wings to fly
I feel that Im alive

When you look at me
I can touch the sky
I know that Im alive
Mmmmm ohhhhh ahhhhhh

When you bless
The day
I just drift away
All my worries die
Im glad that im
Alive

Youve set my heart
On fire
Filled me with love
Made me a woman on
Clouds above

I couldnt get
Much higher
My spirit takes flight
Cause I am alive
Ohhhhh

When you call on me
When you call on me
When I hear you breathe
When I hear you breathe
I get wings to fly
(fly)
I feel that Im alive
(Im alive)

When you reach
For me
Raising spirits high
God knows that

That Ill be the one
Standing by

Through good and
Through
Trying times

And its only begun
I cant wait for the
Rest of my life

When you call on me
When you call on me
When you reach for me
When you reach for me
I get wings to fly
I feel thatIm alive
Yeah

When you bless
The day
I just drift away
All my worries die
I know that Im alive

I get
Wings to fly
God knows that Im alive

I’M ALIVE

ياحبيها اخد نفس واجيك ...
ولى سنين بريدك مافترت عواطفى..

عزو
نفس واحد بس!!!
والله انا نفسي ومناي أستنشق كل أكسجينة
كان مرقت لافحة لي توب المطر
كان مرقت لافحة لي ريحة الوطن
في كلا الحالتين الامر سيان!
شن يبقي الوطن بلا طعم مطرة
شن فايدة تراب ما قامت فيهُ لا شجرة
لا برطعت في سمـأ القمرة

شيل النفس وتعال لي سريييييييييييع
كدي نشوف سجارات الصين عاملة أزاي!!؟؟

حاجةتصقع
في الزمن الصقيع
قلت أنجع
سفراً بشتت للنجيع
زمني أوجع
هدئة الليل في الهجيع

وهذه لافتة
كثيرا ما اشعر انه عندما يدعونا البعض الى مزيدا من الالفه؛فانه حقيقة نجد ان هذا يمنحنا اسرار الحياة ومجدها..

يعطينا خرائط الذهاب الى ايامنا المثلى بارجلنا التى انهكها التـقـرفص فى مراتع التوبه ومرابع الانتظار...

كنت اشعر انها روح بعضهم نيل الوطن الاخر الذى لبس امواجه الذابلة واغتسل بماء العيون ودخل مزارعنا خلسة من ثغرة فى جدول الدموع...

كنت اشعر بان روح بعضهم انها النيل والترعة والجدول وانها الرشاش والمسرة والحصاد ؛

وانها شعاع الفجر الخارج من ليل الوطن الصوفى...

اصدقاء يحترقون ويحترقون وما اجملهم ونحن الذين بدانا نضئ ؛

وفى اخر المطاف صار احتراقهم امتداد للاشتعال الذى فى تاريخنا ..

وعندما يفقد الماء خاصية الماء نصيح خلفهم ..

نحبكم...

معتز تروتسكى..

تروتسكي
صديقي في المسافات العنيدة
السجم الخلاني أريدك أكتر
انو للهضربة أيقاعٌ جديد

زي الفجـّر في شريان صمتك دم القول
وسل لسان صرخاتك شوق
ما عبّ دماغـــك بالفارغـات
أداك مليان الزمن البنهي سكـاتك
ما شوكــش فرحك وفرتق حبل الضحكـة مآسي وجرحك!
ما طلّق الا خطاوي الوجعة
وقال للعالم زف البسمـــة!
يا بت يا الأصلك من أنفاسي !
ما تركبي فيل القسوة الظالم
ويغشي رماد الدنيا حنينك
ياني يمينك !! لو كنت عدوك!
فكيني عليك وأبقي سحائب من تدخينك!
ما تكوني وجايع الجابو أسايــا
أبقي خلاصة الشوق ومنايا
كوني حدايــا
أصلو نهاية الخطوة البعدت
مصيرا ح ترجع للطـفــاية!!!!
فهمتني يا معتذ طبعا وما محتاج اقولو ليك بالصيني!

حبيب نورة غير

Quote: نقطــة نفس جديد...!!؟؟

Quote: منتهـــي السجـــارة !!!!

Quote: لا أريدهـــا أن تفطمــني منذ الولعـــــة الأولي !!! ففصـــالهُ في عامين.... أقصد في نفسين !

Quote: فالحالة مسطولة والحمد لله !!!

Quote: من حقي ان أختار وقت الغيبوبــــــــــة

شكررررررررررررررررررن حبيبي نورة وحبيب بدرالدين شنا

من حقي ان أختار وقت الغيبوبــــــــــة ... وشكل الغيبوبــــــــــة
التخدير .... أذا كان العالم كله يرقد في غرفة العناية المركزة !
----------------------------------------------------
سخف بلبس بنطلون الجينز في اليد الشمال ...
لم الحاجة تكون قويه شديد ...بعكس الالفاظ ...
والشوت ضفاري في الحيطه ...
ياخي انت بتشبه زول معاي ... او فيني
حواااااااام وبتكل علي الضل الواقف تحتو ...
المشكله في السجار الملون ...
لون الاهلي ...
ضفاري وزمنك كان محمود صالح
وقتك وهدفك لو بتصالح

لا لا تصالح
عندما هبشني الدخان وانا كنت طالع من خانة هوي ..
اتنفست دخانين من سجارتين بشبهني ...
وتفيت عدم العرفه ...
الريق ناشف والنضافه قست علي ...
طقطقت طقطيع ...
وأف ... لا تقل لهما أف ...
تصدق ... قرشت الدخان وتفيت حب الشباب
انا بجيك تاني اهترش معاك ...
وعندي حق المواصلات ....

Quote: اكسجينة مرقت لافحــة لي توب المطر ....دقّت شبابيك الرئة .... ما شافت الباب العريض..... أتجاهلت أنو ساعة أتنفــسا ...و أمد الشهيق أتحسـسا... بطلع زفير الآهــــــــة برحل ما بعود .....

الود المناكف حبيبه

شقّا لهات الشوق روح ايدي

وما اتعودتا ادس اللهفه

دفرتا حنين الجوف لي جوه

وقلتا اشوف لي ريدك صرفه

مرقت ريحة الخوف من جلدي

وحكه زفيرا شهيق العرفة

بحصل ايه لو مرة سقيتك

من جواي واخترتك حرفة؟

محمد الامين حامد
تسلم والله
مع أنها فكـّت يا مان

Quote: دفرتا حنين الجوف لي جوه وقلتا اشوف لي ريدك صرفه مرقت ريحة الخوف من جلدي وحكه زفيرا شهيق العرفة

دة كلام حنين والله
سكتني عديل كدة
جزاك الله خير يا محمد
طلعت كدة

محمد أبو عاقلة

Quote: طقطقت طقطيع ... وأف ... لا تقل لهما أف ... تصدق ... قرشت الدخان وتفيت حب الشباب انا بجيك تاني اهترش معاك ... وعندي حق المواصلات ....

كلامك لذيذ يا أبو عاقلة
و انا كمان منتظرك يا حبيب و الشوق لهيب
تعال لي أنشاء الله بي كرت!
ما كلو بي البركوتـــّة ... لو كان ح يكابس جوة نخـاعي... لو كان
أتسلل خش دماغــي .... لو حاول يفضل في الكبريــتة
آآآآآآآآآآآي ياخ... بعض اللهيب من أنفاس كبريتـة!
أكسجينايـــة شدّت حيلا و ومرقت لابسة الأخضر غابـة وطين
جات تتلبـّت نص الشارع قلب الليل... عارية وحفيــانة!
لا بتعرف هم لا خوف لا خيــانة!ّ
شايفك بتقبّلي في أنفاســي
يا بت يا ملهلبـــة يا خـدرا!!!
في عالم كلو سجــارة و دفتر!!!
مجنون البلغي اللون الاخضــر!!!!!

الاحباب
راجعين.......!!!!!!!

أكسجينة مرقت شايلة لي توب المطر
دقت شبابيك الرئة
يا أخواني ما قالو أدخلوا القلوب من أبوابها!!

بدر الدينا شـنا
حبيبي انا
أديك نفس واللا أصلك انت مسطول بالمطــر؟؟؟؟
يبرد حشـاك ياالحـافي في ممشي الدمـاغ
هات ولعـــة من نار الشهيـــيق!
خلي الحواس ترحل تقيــّل في القمـــر
يا هودنـة الليلة وين السـنســنة؟
أحمد بعيد من الركايب فات النخيلات و البحـر

........
وجانا كلب سنونو صـُفر حلب الناقة في الشنقــاقة!
شرط الدفتـر .. لاتنوم لا تحوم لاتاكل تشرب.. لا هباب لا تسكــر
تربّع أيدك.... تسمع حصـــــة خمج العسكـــــــر!!!
وتسلم يا بدر الدين
شوق عشرين ألف والله

الله يلعن ليك التفتفه البدون ريق
ولم تتفن في الواطه ساكت
اركب الهوا واقيف لم السبارس تكتر
وركوب الفيل في الجنينه ........ جنينه عديييييييييل
شر الجناين ما يضحك )عليك الله شده في اليا(..آآآآآآي
وفوووووووت قبل الصباح يدخل
جيتك بطرف الاصابع
أعفص في الضلام
صحيانك مصيبه
العالم كلو داقس
بتشرد من واقع تافه
وحلم درويش بنطط ساكت
غيبوبه شالت وجودك وشلتني شلل
وربطت شوقي في جناح حديه
طارت فرررررررررر
افتكرت نفسها حمام زاجل وهي كانت بتفش للحمام
وداخل روضه غنت
غنايه غنا
وزغردت لم نفسي انقطع
لخبته وكلام بره الراس او بره الهامش
ما كلو واحد
لكن الحباسه مشت وين
جهجهتني وخلت الفيني كايس للحدود
جاري للفرح المغربل من القدود
ولقيت بلاويك جنب ضريسه
وطفايه فاضيه
اتاريك زرعت السبارس في الرمال
ومنتظر رهاب غشّاش
وقول كدا لو قامت
وااااااااااااااااااااااو
ده شنو ده
انا سرحت
وضحكت ضحك
اصبعي حمّر
والشوشوه رحيق البتاعه
يا زول هاي
انا مدمن حاجه من تلك الاكسجينه

Quote: محمد الامين حامد تسلم والله مع أنها فكـّت يا مان Quote: دفرتا حنين الجوف لي جوه وقلتا اشوف لي ريدك صرفه مرقت ريحة الخوف من جلدي وحكه زفيرا شهيق العرفة دة كلام حنين والله سكتني عديل كدة جزاك الله خير يا محمد طلعت كدة

الود حبيبه

والله فعلا فكت

احتمال تكون نسيت اسمي بس تقراء اسمي محمدالامين حامد دي بالغتا فيها

التحية ليك وكل الشوق حبيب نورا


عبدالله

حبيب نورة

إنت زول مجنون شديد

والليلة عرفنا الجن الكلكى ده من شنو؟

ياخ أمتعتنا بالبوست الجميل ، وأظن مصدره من (واو) الظاهرة على آخره

شكرا يا أديب

هشام ود الشيخ
ياخي تحايا يا جميل
صدقني واحشني انت والزولة طمطم
ياخي بالمناسبة وين تماضر شيخ الدين!!!
بالله سلم لي عليها شديد
قول ليها الود نورة مناهو يتمتع بي طلّتك
الأوراق مشتهياها يا زول
تسلم علي المرور اللطيف!!!!!!!!!!

عبد الله وداعة
هههههههههههههههه ما ممكن والله
والله انا آآآآآآسف يا أخوي
ما عارف كيف لخبطتة بينك وبين
قلم الزميل محمد الأمين حامد
وتبقي في الخاطر مزروع شتلة

Quote: احتمال تكون نسيت اسمي بس تقراء اسمي محمدالامين حامد دي بالغتا فيها

هسة بالطريقة دي الجماعة يقولو الزول دة وقت ما بقدر علي الشغلانة
دي ما يخليها.... كااااااااااااك من الزول اب راساً خفيف!!
أها سويتها فيني و قعدت
عاجبك كدة
تسلم يا سيد الذوق.... تشكرات علي هميم المرور الهطول
والعتبي لك حتي ترضي يا أخوي

فلانة
يا الطبعك بانة
وطولك زي نسمة جميلة وفنانة
خلي بالك من الأكسجيناية
وكلام هناية
حتي لو أضطريتي انك تمرقي لافحة
لي توب السجم والرماد
و تتشعلقي في السما و الودار
ما مشكلة
الحلنقي زاتو شايفو زي مستاء من نفسو
وحاسس بي وجعتنا و فرحنا المشرّط توبو ساكت
يا بت يا ود اللزين!!!

أبو عاقلة
أخي في السجارات وحين أحتدام الأنفاس المدارية
في شفتين لم تنسي طعم القرنفلاية ولا البنفسجاية
مع انو الهناية كانت معبية بي أتنين
حلمين وحنين
والتالت برة
كلما تباعد بينا عوارض
ألقي هواك يا فردة خنقني
شكلك عايز تفطس الزمن الشين
وتبدأ معاي أرهاص اللحظة العاشت جواك مزروعة بنبض الحلم

Quote: أعفص في الضلام صحيانك مصيبه العالم كلو داقس بتشرد من واقع تافه وحلم درويش بنطط ساكت غيبوبه شالت وجودك وشلتني شلل وربطت شوقي في جناح حديه طارت فرررررررررر

أعفص يا أبو عاقلة جناح اليوم الأشتر
خليه يرك في دنيا بعيدة
مع أنو بنت جيراننا الحلفاوية
مصرة أنها تمتحني في اللغات الغير مكتوبة
وهي بتقول لي ميسكاقرو من صباح الرحمن
هسة عليك الله في داعي للأحراج والبشتنة دي؟؟!!!

صمت الشوق.... في نص الليل كوراك

علي شفتينك ...... أنتحرت كل أنفاس الموج الأزرق .. والدخان مجداف
الشجــرة و صفق المركــب!!
و أنتي شهيق اللون الواسع ..و انتي زفـير الأُفق الضيــّق!
والنخلة سايرة عديلة لي وش البحــر ... يا الجاية من قلب المداخن والحريق
مولودة من صلصـــال مزاجـــك يا سجـــارات!!!!


نُص القصــة النص... انك وجعــاً ساكن لسـة..... من أول سطـــر الشوق القايم هسـة
لي شوشــاوة نبض النبض الصّبــّح ومســّي ....
و شكــل تحــدي جديد .... بحتـاجك تهبـش جوة المـخ!!
تخت توقيعـك تزكــار في الحيطــة الفاضيــة
والمدرســـة فتحت !! وست الفول الحاجــة بتول تقول للشفّع
أدوا العالم معني نكون الحــــــلم التـــــاني!!!!!!!!!!!!!

Quote: و تمرق لافحــــــــــة لي توب المطر... تدق شبابيك الرئـــة... منتظرة تأشيرة دخول مجنونــــة ياالأصلك حرررررريق ... يا واسعة لما الناس تضيـــق.....يا شينة لما خلاس أفيــــــــــــق.....!

حبيب نورة

انتا ود متجدع ولذيذ بشكل ما عتيادي ..
دخاخينك في السماء ..
شهيتنا السجاير من بعد فرقتا ديك..







منو الغبي القال:
لواراد الله من الانف مدخنة لجعلها الى اعلى..

حبوب
دة
مخرج دخول
لي عالم خاص

غيبتك لحظه ونص
تشيتك لم سرحت وانت بتفتل في اصبع فاضي
او بالاحري اصبعين جيران
العاده الغلبت طبعك
عاده يوميه
حك الجبهة لمن تجيب الهم
----------------------
جبهتك ما ليك براك
وبركتك ما ليك براك
وقعدتك يا انت ساكنه بدون حراك
كبر عيونك للمصاقيع الوراك
تلقانا في اللون الخماسي
دبل وتر
وتيبان مطر
وتيبار بنقط
نقطه ... نقطه
علي نشاف الريق
----------------------
وقمت اتوترت تاني
اشتهيت ذاك الفلان الفلتكاني
الرجل الذي يستعجل رزقه
بتنفض مع آخر نفس طالع
بفتش سفنجتو التحت جعباتو
كان بسرح كتير
لا فوق
في واحده نجمه
وقطع رحط السما الممدود بعين حاره
فقال : اني زوجتك نفسي
فتلألأي كما تشائين
لي وحدي
في هذا الظلام الحالك والحانف وشو
وما بستعجل عليك
بيتك سما ... والشوف راس الكوارث والرغبة الغلط
سألتك بالذي سواك بتضوي
يا السني الضوي
لحن لي دي
لي براي
وبزغرد براي
خليك سارح من امبارح
وسرحت
سرحت
رحت
حت
ت
خلي رويحك قشه تبريد

هبشه صغيره

خلي قعر الفناجين لين
وانت بتطلع منك
القهوه مفتاح انجليزي للمدعوه كفن هندوس

أبو عاقلة
ياااااااه بحبك والله و الشوق ساكيني زي كتاحة تهري العين هري
لو سمحت يا باشمهندس بكري واحد جبنة مظبوط
عشان أقدر أتفاهم مع الزول دة
بالمناسبة انا باخد مع الفنجان معلقة واحدة حنين
حقو خلي البت الفترت من تمشيط المـِرعـِد طول اليوم
تقدموا لي شان أفضح جواي بي قولة آآه

Quote: كبر عيونك للمصاقيع الوراك تلقانا في اللون الخماسي دبل وتر وتيبان مطر وتيبار بنقط نقطه ... نقطه علي نشاف الريق

الكلام دة يا أبو عاقلة ما ينفعش أجيه بالطريقة دي
أحسن أمشي أخش الفورمة و أرجع ليك
ياااااااااااه!!!!!!!!!!!!!!!!!1

الخواض لي فوووووووق
تسلم يا أخوي
لكن الشغلانة العلقتها لي دي خلت ليك البوست
زي الزول الراكب في الحافلة
ومصر يعاين في الطريق بالجمبتين
و بالطريقة دي ح يفوت المحطة
وعلي الآقل الكمساري ح ينوم بالباقي!!
وتبقي عليه فُرجــة وخراب جيوب

دكين
يا الممسح أنت بي ريحة المطر
جاييك يا نبض السجارات الفسيحة
يا أنتي يا متسكــّعة جوة دفق الموية موج
ما خايفة من جدول يودي هناك بعيد
لا حنفية بتكب في راس الصرف الصحي الفاضي
يا دكين يا
يااااااااااااه
منك ومن حرفين قلناهم يوم
الحرف الرابع حب
ونمرة تلاتة الشوق الغالب
و ياااااااااااااااه
منك و من أحساساتين
كانو رفقة يوم عصيب
ويااااااااااااااااااااه!!!!!!!!

زغرودة تشّـت لي شفاه الدنيا حجـّت في دماي
وانا وانتي واقفين في سجود
البن في المُصــلاية و السبحــة في القلايــة!!!
وكنا بنســأل !!!
وين البنت اللونهــا قرنفـــل ؟؟؟
مالو صباحك طعم القهوة ولي الليل بي شكل السكـر؟
نبض الخاطر سـدِّة مال الفكــــــــرة
وطلاق لي فكــــرة أنو مزاجك كان مستنـِّي
هناك في قعر الفنجــان
والشوق تخميســـة!!
مفروض يتقسّم بين أتنين
انا... و طيف البنت القاعدة تسرّح في النخلات..
........!!!!!!!!!!!

لمحتــك
قلت بر آمـن
لقيتك زي الواطــــة دي!!

ياود الذين احبهم ..
فك النفس ياحبة ... باقيلك انا واقف دُد ياحبة ..
الخواض وابوعاقلة مرة واحدة امانة ماسيجارتك قوية يافردتي ..
حمدلله علي السلامة

يا الكل يوم معانا وما قادرين نقول ليك
دخاخين عباره عن دلاقين ... دريل الروح مساماتنا .. تسل الروح مقاماتنا ... وماشين ساي ...
شاكوش شر ... ومرزبة للعيون الحمر ... دخانه مبريه بالجنبين ...
مسامات مفتحه ما عشان نضيفه .. ضفور ساكنه فيها بكتريا الشر ... بتحك في الخير الفينا ... وشوية خلايا ماتت غير مأسوف علي شبابها ...
دس الدخاخين في كيس شفاف . تعب... والحاصل فارغ...
وكل يوم معانا ...وما قادرين نقول ليك
قفيس مصدي.. لروح بتروح حبه حبه علي البحر ... سكنك .. بدون معاناه ..
احتل شهيقك ساعة تمرق منك كلمة دين .. كلمة بتمرق من حلقوم اللذه ..
وشريانك اشتر لم سقيتو بدم وسخان .. وريحة وسواس ..
انداست كل الفكرة اللعنت وسبت .. بكلام غير مرغوب وغير مكتوب ..
كان بتكلم تحت الطاوله وفوق الطاوله .. مساديرك .. او دخاخينك ...
نفس مكان الحته الحاده ..
طعنك ... آآآآآخ ... دم ... دم اسود ..
وجسد بلون الجير ..
فقط للماره الذين لا يتناولون وجبة اللون بصلصة الطماطم ...
فضيحة داخلية لا تنتمي للملابس ..
في حالة ضعفك ... كل المسامات دخاخين ..
ولكل المسامير مطامير . في داخلك ...
اللعنه لا تأتي إلا من هوا ...
--------------------------------------
قاسمني الهوا
خليتك تفز
تردح للصباح
في راسك وتهز
وكم الباقي عندك
من الراس البنز
--------------------------
المسألة تحتاج ... لكرتين دعوة ... وطاولة مفاوضات

أبوعاقلة
تعال نتفسـّح جوة الروح المرقت هسة
تعال نتدسّي فينا وننسي الفات
الفات الفات في دينو سبعة ولفات في دينو
وعمي علي بياع الزيت جاب مرتو وداها البيت
وفي البيت عامل زعلان وفي الجبنة شارب فنجان
شكلو قاصد يظبط الشغلانة ويدي الغيبوبة لون الطشاش
الأكسجيناية زااااتة بعد ما مارقت لافحة لي توب المطر
ودقت شبابيك الرئــة... شافوها ترقص في السما
سايقة الشفع عز الوهج الأزرق
في عملية أختصار صريح لي قوس قزح
عاملة مشاكل مع علبة مكياج السما السابع
ما سائلة الا في الخضرة الدقاقة
حيييييااا
ما قلت ليك
انا جواي فضيحة لي كل الشعارات البليدة
وعايش حياتي بي بالطريقة حقتي انا... ونفسي تكون النسخة التانية

ود رملييييييييييييييييية
أشتياقات يا مان قدر ما تقول غلبنا الشوق وغلبنا
والله بحبك من سنين زمن الحنين
والدابو لسة في سوق عكاظ
بين مزادات الحروف
غيّبت رسمك و أحتكرتك للظروف
تشكرات أفندم تشكرات وتسلم علي لطيف المرور

انا زاتي عايش بطريقتي البحبها شديد
مسافر
بستقبلوني في المطارات بالعراريق والعواليق والطقاطيق
تنويه: العواليق هنا جمع علوق وهو وجبة الدابه عندما تحس بالخرم
بسافر بالسفنجات من المطار دا للمطار داك
ما السفنجه فردة الاوستن
السفنجه البتلقط اللبان من باب مدارس البنات
يا دخلتها الفريزر ... يا سيحت دمها
وفي الحالتين حفيان جوه اوضه
عارف ... مره نمت في السوق تحت شدره
كنت مستني خميس بتاع القلاب
شراني
وما صحاني الا بتاع البلديه لم جا يكنس
عشتن ... عشتن ... عشتن
انا كنت راقد وجنبي محل صعوط
مع انو كنت سافي شنقه
قالي
أليك الللا دا مكان ينوموا فيهو
افتكرتو ما عارف حاجه
لكن نقشني
ترتيبه يا مان
هسي كان نمنا اهنا يقولو شماشه
وجاااااااااااك
فقعتها ضحكه ... وانت عارف لم تضحك
اي حاجه بتبدا تضحك
السمك في المويه بضحك
النيمه عز الحر بتضحك
اللساتك فوق قفا الزفت المملس ليك بتضحك
العواميد الشايلا نورا وكم دِرب في الليل بتضحك
اي حاجه بتبدا تضحك
باختصار
بحبها وانا قاعد تحت الكيبل الكان ببدا ب 23
وكنت براي
وجاني حنين الكون اتكوم
لابس كرفته ... عزمني بكرتين فرح
لقيت الطاوله مستفه ... ومليانه حنين
حنين الزول في المطبات البعيده ... عالي واطي

جيناك يا أبوعاقلة تعينا
لقيناك يا حبيب نورة قادي القصبة ومسوي حميل
خالط الفلتر بأمباز الشاي التفلو يتفتف
وخالف كراع فوق راي ، ودايس أبنص لحام في الصاج
تضحك ، تضحك لمن سمكك يبقي Cleanup
وانت تغني في الحمام ، عشان الموية القاطعة تشاغل الجردل والبشكير
الظلط ، الظلط ، يكاد عقلي يشهق ، ويلحس كرت الأفراح
جمبلغ ، جوة الموية

صديق ...
ود نورا ... تورابورا ... طماطم بالبندوره
لون الفكره وشكل الضحكة ... فريم الصوره
خش في الصوره وما تفجخ القزاز
ابنصينا خالي محطات ... ركاب طريق اكلو نيم
لحسة القرود .. اقصد الكروت
تصبينه للزمن الصعب
زمن الكشات جات بالركشات شايلين رشاشات
ومشينا بعييييييييد
شايلين العيد
لقلوب طاشات
... فارشات الهم بالجمله
ماشات في بالن لستك وطاسه
----------------------
جمبلغ ...زكرتني القيفه
----------------------
القيفه واطي وطرمبة مزعجه
تك ... تك ... تك ... تك ... تك
بابور جاز
اوتوميزرات بتكركب في المويه
لستر ... كل اسبوع في السمستر
تك ... تك ... تك ... تك ... تك
تك يا غنمايه انك لا تفهمين الاعشاب الطبيه الخضراء
----الجاب سيرة الغنم شنو -----

أبوعاقلة
جات البت الكاسرة مساعد في الأمية
تمشي هوينة ، تسوى شتارة
ونحن نكورك "أم قيردون الحاجة
وريني مشيك يا الحاجة" وريني مشيك
لكن الطيرة السرقت فكرة أنك تخبط حلة
ركت في الماسورة ، وشالت رشفة من النقاطة
خلت جيبنا يحتحت ...
عشان ما نخش في الصورة ونفبخ قزازك بصورتنا
وتزعل من أقشي اللحمة الراقد سلطة في العشش
نفوت بعافية وخلي حبيبها يجيب "راس كايا" كان كفاهو براهو
جمبلغ ذكرتك القيف ؟؟؟
القيف ما النيل ، والنيل نادي عطبرة ، وعطبرة مدينة الحديد والنار
النار نار الموقد الراكب الفيل السواها رقدت عاملة زرافة
تصبح على حلم

يا ود رحمة
القصة قصة كديسة حايمة في الرأس الخلا
بالخربشة و الكنكشة ومرة مرات حنكشة
يا أكسجينة يا دقلوشة أعملي حسابك من
حركات البنت نوارة عشان ما تبقي عليك
سطليتة و بشتنة كبريتة
أها !!! هو في شنو يا جماعة

صديق رحمة
شايفك تتلبت جوة الروح
يا زول ما تطلع لي برة و تتخارج
خليك مجدوع في الخاطر
خليلك لي الليلة ولي باكر
وما تنسي أنو الأكسجيناية حارسك في الخلا
زي سبحة في برش الصلا
وزي ما تقول
بحبك ولو ألي حين
عفواً سيمتد هذا الحينُ طويلاً!!!

أبو عاقلة

Quote: مسافر بستقبلوني في المطارات بالعراريق والعواليق والطقاطيق

وانا راجع يا أبوي
بتستقبلوني في المحطات بالكواريك و الكواريك و المزازيك
الكواريك الأولي الصراخ والتانية كواريك بمعني معاول بكسر الواو
وقع ليك يا الهميم؟؟؟ شكراً جداً!!!!

Quote: يا زول ما تطلع لي برة و تتخارج

أتخارج وين يا حبيبها ؟؟؟ يعني أقد سلك
والا الحق أمات طه ؟؟؟
ماخلاص عدى فات زمن السجائر والليل بيسرق مني جرح الغناء
زي صابرين
والعلاقات المعاني صاحية في الصبح الأبيضاني وعايشة جوة عينيك
كيفك يا حبيب

يا صديق
خليها بالبركوتة يا مان
شكل أنك حاسي ومتناسي
شبيه لي حتة أنك طيب و قاسي
ديل لونين عمرهم ما طلعوا من كرش قوس قزح
لو شافتهم المطرة ما بتغسل ليهم وش
لكن بتمسحهم بي نغم الغيمة
وريحة الضل الباقي دعاش
فكها يا أبوعاقلة
معقولة سنة!!!!!!!!!!

حبيب نورا الشفيف
والشوق الجاري عليك
(االسجارة راقدة في حضن الوطــــة
مشهية تقبيل الشفــــاه
رافضة كان يبرد حشـاهــا
مجنونة بي أمر الألـــه )
أسالك يا صديق بلون المزاج الدافي
كيف يبدوا طعم السيجارة أكثر اكتمالا عند ناصية الألق ؟؟
كيف يبدوا الغناء أكثر مزاجا بحاشية المحبين ؟
أما الأهم
كيف يبدوا العاشقين أكثر زهوا في عرس ممالك الناي
(يا صديق
أسمح لي بالرقصة دي يا أخوي
معليش ياخ
عشان كانت برّة الدارة
بس أوعدك تاني تكون جوة المسرح )
اسمح لي التلصص قليلا علي مدن الرقص البهي
مديتك فوق عين الشمس ضليلة
واتاكيت في عروش ضلك
فجيت البلود ياني
جيب الغيم ...
راجيك
ت
ر
ا
ق
ص
ن
ي
والريد نيلين
همسة ... كن آمــــــــــــــــن

زوربا الهطول
عز ما سمحة المطرة وقدر ما حلوة البت الجات في الشارع
شايلة الفرح القدامي ولابسة التوب قنديل للجوة وخافي
في عز الفرح الخافي و الهم والكسرة والخبذ الحافي
في عز الناس الباقية مرافي
انا بنط جواتك ملمح لي بكرة و بعدو
أصلاً أنت بتشبه يوم غنيت للموج والمركب
وقبال ما تسأل!!!

Quote: أسالك يا صديق بلون المزاج الدافي كيف يبدوا طعم السيجارة أكثر اكتمالا عند ناصية الألق ؟؟ كيف يبدوا الغناء أكثر مزاجا بحاشية المحبين ؟

طعم السجارة المدنكلة في نص المطرة الكابة كبابي و أخضر
زي ما تقول كلوروفيل في خشم بت أم لعاب في أيدين شافعة ملظلظة
وسمح الغنا في وتر زرياب
وسمح النغم في خشم رباب
بت جيراننا الحلفاوية... المية المية ندي الردمية!!!!!!!!!

الرائع حبيب نورة

يا صاحب الجمال والقلم البديع الذي ما زال يمطرنا دفئاً ودهشة ومودة

سافرت معك عبر رحيق الأزمنة التائقة للعشق والإبتهال

فكنت والحرف نغماً يتوسد أجنحة الفجر نضار

تحياتي لك أيها الحبيب

ولي عودة بعد أن أعود لوطني البحرين

ما تمسك ياخ ...
ناس تغبي وناس تعبي وناس قبل ما تمشي توصل
ويا بروف انت معانا والا مع الخيانه
عيييييييييك من الزمن داك
البعد التالت ... الخنفسه
الشاشة ... الحرسه
الدقسه ... الحب كان بفووت قبل المغيرب
وتتفن .... قعاد طاعم بريحة بن
زمن ما شفنا فيهو ملل
بتتذكر لم لاقيتك في بيت الممثل السمين
كرتك معاي
كرت واحد
يحير ...
ما بتلفا ... 200 جرام ... ورق انجلتري
الكرت طار ... والرقم قاعد
المخ طار ... والاعصاب فلتت
مفكاتك ... مفاتيحك ... سويدك ... مرقت ساي
حاصل فارغ ... مع الفوت تايم وضرب بلوتين
يا حبيب
تدي والا تجلي
نط ... الزول ما طويل
البال لغاية هناك
مهلك
فك

أبو عاقلة
يمينك ولو عدوك
السجارة بتاعت الزول دة
مالك عايز تلخبت القصة و تطلعنا برة القصة
ونحن ........... يا داااااابك لسة
و الشوق باسطة عديل كدة
وخليها بالبركوتة
الغيبوبة يا حنين و هكذا الدنيا زي ما بتقول حبوبة

دكتور معز
من غير ما تغشاك النسمة الفواحة
عبيرك واصلنا
ودعاشك ما قصر مع سكة خطاوينا
تسلم يا أبو علاء
وأمانةً تكسرك!!
مش لسة في فرصة للحلم الأنيق؟؟؟!!!

حبيب نورا الشفيف
والشوق الجاري عليك
قالت ريح شوف الناس قنديل
لو مانور
يحرق كوخ وباقي الحلة تنور
هكذا قالت ريح قدال
أما المنثورين فرحا في زوايا الضوء العميد فغنوا
شقيق جواك الطشة
شقيق لبلاك الممشه
أمشيك في ضلك وضلك درب قدامي بروق وقفاي خلوق والجاي كتر
ودليلنا النجمة
أمشيك من صقيعة المسري
ولا عروج الروح بالدفرة
وتمشيني شيق
...
كهذا غنوا
فدعني اقترح عليك الرقص
ت
ر
ا
ق
ص
ن
ي
والريد نيلين
همسة / من آمن

الريد نيلين يا زوربا
و الشوق في الدلتا حرارة لقيا
يا زول يا أبيض يا متوسط!!!
و عشان فنجرية كلماتك
وجلالة جياتك
وعظمة طلاتك
بديك الدفترو انت لف لي من تبغ التوق للقيــا الصبحت منية
وخلي الدنيا وكل العالم
تعرض يوم سيرة الفرح أم قناية
ولي قدام عيلة وزين
واشوفك حلم عشم ممدود قدح كسرة
حلم بنوتة بالسترة
كلام ناساً حنان بالحيل
ولي قدام ........ باكر ضواي

حبيب نوره أنت مجنون

إنعل أبو سته وسته جونى

ومن النوم صحونى وللكرام مدونى

هنيه للشربونى

تقول لى عبدالرحيم والعوبه

والله حسين ود عبدالحميد

فى اللول لول اللول لول

أمسكو الزول................


تحياتى يا حاج وما تسوق للسجار إنه ضار



منصور

منصور المنصور
تشكرات أفندم تشكرات
تسلم علي المرور
وعارفك ما بتاع سجارات
لكن بتاع كلامات
من الطراز الرفيع
وشكراً ليك من جديد

up

Quote: اكسجينة مرقت لافحــة لي توب المطر

لافحة توب المطر..لافحة توب المطر
مبدع كثير يا حبيب نوره.!!!!

عبد الكريم
وانا جيت لافح معاني القمرة لما الليل يطول فينا
يا الفرشت لي عاشقين غصن شجرة
واغاني السنسنة القمرة
حجا الحبوبة في المطرة

تسلم يا ذوق

الود ده
كتاااااااااااااااااااب ومشروع سمح..

ياحبيب
رمضان كريم
والسلامات لي نورة..

دكين

Quote: الود ده كتاااااااااااااااااااب ومشروع سمح..

يا حبيب
بعد الكلام دة كلو
يعني ح أحتاج لي اعتراف الأكاديمية السويدية؟؟؟؟

تسلم يا سيد الذوق و تصوم وتفطر علي خير

حبيب نورة الشفيف الفطن - سلام وتحية لمهرجان فرحك هذا !

ملحوظة : تحية للأخ أبو عاقلة - ولهفى على أطفال بلادى الحفاة العراة الجوعى !

ست البنات .

ست البنات لا حدّهِن
تسلمي والله
والله الشوق من شدّة أوارو
شكلي ح أفطر من جور كفرو

Quote: ملحوظة : تحية للأخ أبو عاقلة - ولهفى على أطفال بلادى الحفاة العراة الجوعى !

وانا كمان بقول للاخ أبوعاقلة
كل سنة وانت طيب
وربنا يتقبل منك
ولي انتي
ياااااااااااااااااااه منك
ومن حسك يا زولة
وانا بتسحر بيك أمبارح صباح الليل
مسّيت علي صمتك
كوراك الحس البهتف عالي
وجيتك عطشان
وانا شايف فيك
صوت الأزان
وهمسة ديك الحاجة بهانة
البنده يوماتي بقول للدنيا صباح الخير
ربنا يديكي العافية وكل سنة وانتي طيبي

حبيب نورة - سلام -

تصور دائما اتابع كل بوست لك ! لانى موقنة من قيمة ما أقرأ لتخيرك

الكلام !

وأتعقب ثرا اخر - هو تروتسكى !


شكرا لكما لأنارتكما للمنبر .

ست البنات .

ستنا
وستهم
كلهم


الله يخليكي و يغطيكي وينجيكي و يعليكي
ومحل ما تدوري يوديكي!!!!!!!!!!!!!!

ويخليك يا حبيب نورة - ويخليلك نورة وردة فوق السماء !

ويغطيك ويعلى مراتبك ويجعل البركة فى لياليك .

ويزيدك فهم وعقل .

وتحياتى للزول السمح تروتسكى .

ست البنات .

ست البنات
شكراً علي المسينجر
وفعلاً انا بفتقد الأخ تروت
ربنا يديه العافية
وعايزك تقودي معاي حملة
عشان يرجع لينا من جديد
علي فكرة
هو لخبط الباس وورد
عشان ما يخش تاني

Quote: وكديســـــــــة الكيف كانت تخربشُ في دهاليز الرؤوس الفارغات الفاضيات

يا للكتابة!!!!!!!!!!!!!!!!!!!!!!!!!!!!!!!!!!!!!

أم سبعة
و سبع .....

نقطة
.
نفس جديد...
.
.
.
عين
.
.
.
روح

أححححححححححححححححححححححح

أنامنك
يا نورة ومن الولد دا الطالع من ثنيات الغمام
ومن الطريفي ركّاب الجُمل فيلاً على فيل
....

أكسجينننننننااااا... يا محسنين

هاشم الحسن

يااااااه


ويا للفرح
أب سبعة أشواق!!!!
يا للوهج المابنطاق
يا للقانا البعدو فراق



ويااااااااااه

ما أظن أنساك علي الأطلاق!!!!

و عشان ما تفك
خلي الشوشاوة تنفعكم يا رفاق
مجنون زي صاحبي القاعد وراي في بص الخرتوم
ومصر أنو يثبت لي مجانية الثقافة
يا ود الحلال جريدة الصحافة كلها بي خمسمية
انت ما قريت البشير الريح؟؟




سلام مربع لي الكساري وست الفول!!!