Post: #1
Title: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-02-2007, 10:28 PM
كتبت ثروت في منتديات عكس الريح
--------------------------------------------------------------------------------
كل المداين اترملت..
والقمرة حلمت بالعرس..
ما كلمت باقي النجوم..خايفا العتاب...
الفرحه لبست توب جديد.. مغزول بالوان الحداد..
والنيل طبق مركوبو في عتم الدجي..
قال يسيب فكتوريا يتواري الضباب..
والسحاب مادي كورية اللبن للغيمه شان تسقي الجروف...
والنخيل داقي الكواريك في المسيد...
سامعلو تاني شمارجديد...
قالو الحكومه اتفرعنت..
ومنعت حصاد تمر البلد..
من شان تعدمم السند...
وياااااااااااا الله
مديت عيوني علي الوطن..
شان استبيح فهم المساجين للشمس..
رسلتا اخر ضو شعاع..
يستحلف الكلمات يمش..
ويااااااااااااااااااا الله...
مين الجاب فعل التبادر في الخواطر..
واداهو فرضية الولوج..
مين حمل الجوع بالحلال..
شان تمشي حافية النعال..
وتدسي في بطن البلد..
مين ودر احساس الفصول
لخبط مواعيد الزمن
وعكس النحول
في كل شوارعك يا وطن
وللوجع بقية...
http://www.drmoiz.com/phpBB2/viewtopic.php?t=26860
|
Post: #2
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-02-2007, 10:31 PM
Parent: #1
كتب حبيب نورة
عزيزتي..ثروت..
الجوع ما بنطق الشهادة لا بقول بسم الله!
كافر زي عبادة ناس عقـيدة شوقـــا .. لي كسرة!
والفول ترقرق موية عيونو في قدرة فوراوي
تقرقـــِر سنون الحِلة
تفرح بي نضمي الكتاتيب و الروادي
لا غـــادي يا المحَـــــــل البِشــَوشــِو لي خشم بنوتة تلعب في حجيلة!!
لو ضبح جزارنا كان لعبت شليل!!!!
لكن شليل الليلة أصبح مقرشة
الجوع يلخبت كل أفكــار القبيلة ويشخبت برضو أفكارنا القديمة
ماعون ساســاق في الحِلَّة .......
ما بغرف الا الزلـّة
والكورَة البترسـخ ملامحــا عند شفع الجيران!!
بترجع مكسوفـــــــــــة .. شان شافوها الناس من غير توب!!
الكـــيزان لازم تلبس طرحــــــــــــــــة!!
والمواعين تتغطــَّي تستر حالا تب!
النيل كان يتدســَّي في حشــا السنابل!
ما يتضــــــــــاري لو عطش القمــح!
هسة الأزرق مادِّي قرعــــــــــــــــــة علي الغمـــــــــــــام
و أبيض موية لابـِد في جـزرو
يتلاقوا آخر الليل في سكـوت
بي ورقـــــــــــــــــــــة زواج عرفـي ما شهدت عليه السحابات لا السيول
لا كان الدِندِر ود حــرام!!
لا أتلقي الرهـــــــــــد مجدوع قدام باب الخريطـــــــــــــة!!
النيل بكــون شرعـــي لما القمح يبطــِّل أنطلاقـــتوا !!
يصنقـــِر يبقي كسرة في بطون ملايين الجـيـــــــــــــاع!!
النيل يستاهــل البطـــاقة الشخصية ... والجنسيـــــــــــــــة!
لكن ممنوع من السفـــــــــر !!
في غربــة الجغــرافيـــات البعيدة علي جناحـــات الروافد والسواحل
النيل بكون شرعـــي في كل الظروف !!
لو يشيل مغس السنين ... ما يبقي هدَّام للجروف
|
Post: #3
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-02-2007, 10:33 PM
Parent: #2
كتبت ثروت
الغالي بعمق الوطن..
حبيب نوره..
قت لي كيف...؟
رجع صوت الشرق مبحوح..
من موج البحر والقيف..
وهذّة سيف..علي الناقة العشارية...
و ضحكة بت.. في تيه رقصة زنجية..
مناحات الصبر عدت..و اصوات الخلاص كملت..
شياطين..(ماروده) ست الزار..
و حكامة كبيرة الحلة من غير دار..!!
لا حولاااااااااااااااااااااااااااااااا
ده حالاً مُر.. لا بيبكي لا بيسر...
حكومة...فقر...
وكيف تنفع...هي جاتنا تضر...
ويااااااااااااااااااااااااااااا الله
أديني..حق القُدرة...
لي ساعة الظلم...
أديني حق الكسرة..لي اطفال جياع...
شافوا الضياع...
عايشين صراع...دخلوهُو هُم...
أديني مدخل للولوج...
أديني احساس الزمن...
واهديني فرحة..علي الوطن..
مخرج...
حبيب نورة
راجياها اخبار الفريق...
من دييييييييييييك وعيييييييييييك
و ااااااااااااااخ يا خي...رسلا لي
|
Post: #4
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-02-2007, 10:35 PM
Parent: #3
وكتبت أيضاً ثروت
يا زول...يا نيل...
ما جاك خبروا... قبضوه قبيل...
قبال مايلاقي الابيض...
بتهمة .. تليفق..الهزيان...الضالع في مؤامرة النسيان...
قبال ما يصل المقرن... وغدروه قرن...
***
قت لي كيف...
الفرح الودر جنياتوا...في عيون البت المهرية...
بدموع الجوع...و نشاف الكوع...وكدر الهم...
ااااااااااااااااااااااه يابت يا سكرة خطرية
في الجوف متحكرة محرية....
قول ليها..تلم...زيت السمسم..البنفع في تفعيل القول..والجوع الليلي..و مرض الزهري..
وتمليح الفول..
و يا بت يا ليل... ما تحلمي بجموح الخيل...اديهو عتاب تلقيهو ثواب...
امنتك بحق أُماتك... حلفتك بحق جنياتك...شاركيهو الهم........الهم ينجم.....
*
*
*
و ح ارجع ليك...في الوجع الجاي...
|
Post: #5
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-02-2007, 10:38 PM
Parent: #4
كتب حبيب نورة
--------------------------------------------------------------------------------
كان فاطّي سطر
أحساس النخلة في نص الحوش
زي خواطر نجمة آخر الليل
راجعة البيت تاخد جمّة في عنقريب بنات نعش!!
بحبك يمكن!
أكيد في صمت الليل يصرخ باكر فجراً دغري
وانا فاطِّي سطر
عشان بنده لك
منتهي الفراش أحساس الزول القاش!!
جبل التاكا فاطّي سطر
عشان بتونس مع توتيل
و زمن المطرة كان فاطّي سطر!!!!
علي فكرة
ــــــ يا ثروت أنتي فاطّة مطبعة عديل كدة!!!
|
Post: #6
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-02-2007, 10:41 PM
Parent: #5
ثروت
انا فاطّة سطر....
تسلم ياحنين...
... اوجاع مكتومة...علينا سنين...
و جبل توتيل...ما كان فاضي...
كان خالط ابعاد المنفي.. بقصة..تفعيل الماضي..
ويا زول انساااااااااااااك....دي قصة طويلة خلاص...راجياك...
السندس في بطن العتمور...والقمح الحارد واطاتنا...الجوع المغس جنياتنا...
المرض السهر اماتنا...والدمع البلل حجواتنا..جواك بتفور...
قماك يازول...نشيل احلامنا علي امالنا...ونمشي بعيد...
وانا كنتا هناك...ما بعرف زول سرقو هديماتو..
و لا زو بالجوع ماتوا بسيماتو..
الزول كان عندو...الناس تديهو....
هو الله كريم بس في حلتنا.....ولا الناس هنا مابيعارفوهوا....
*
*
*
وللوجع بقية
|
Post: #7
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-02-2007, 10:43 PM
Parent: #6
ف قمت رديت عليها
قومي يا بنية
بي شناة سماحتك!!
وبي تفاصيلك الغامضة
أدي موج النيل طعم اللوبيا و شكل الخدار
ما تتاوقي جواي خليكي محكرة في الوريد
انا لساتي بهتف ليك من بعيد
يا بت تعالي
أعملي شخيت ــــــــــــــــــــ و أقيفي قريب!!
أبقي عشرين يا بنية
وانا ح أفضل في التقابة
قابض علي نار الزمن
ساعات بتحفر في مقابر للمكان!
لما ترحلي
سيبي موية النيل بتنزف في عروق الدنيا غابة
ما تخلي الظروف تلغي حتة أنو الغابة سماحتا شايلاها من طعم المطر
شكل المطر
و غني معاي يا ثروت
يا مطيرة
كبي لينا
في عينينا
و أحمد حضور!!
في سنسنة السنابل الخدراء
وفي ركايب الشوق لي بت محكرة في ضباب البلودات البعيدة
يا بت يا فروم ليفت تو رايت!!!!
واااااي انا من جية حروفك في كراريس الوجع
أتلفتي!!
عايني خطواتك تفتش في السراب
أتوهطي
خلي أيامك تكون ضد الضباب
أتمشطي!!
خلي السواد يصبح بياض في كل لحظات الغياب!!!
|
Post: #8
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-03-2007, 01:14 PM
Parent: #7
كتبت ثروت
الغالي النبع الحالم...
فتشت في حروف الوطن...
عن قاموس الفرح المخفي...
بوصلة قياس الشهيق المنضم..لقوانين نيوتن...
و لكن انعكاس المد المرتد...
جاوبني وما وراني
لكني منتظرة السحاب...
يدبني هو...سبب العتاب..
|
Post: #9
Title: Re: لقـاء السحاب ( ثروت عكس الريح) ــ (حبيب نورة)
Author: عادل جبارة
Date: 03-03-2007, 02:59 PM
Parent: #8
Quote: أتلفتي!!
عايني خطواتك تفتش في السراب
أتوهطي
خلي أيامك تكون ضد الضباب
أتمشطي!!
خلي السواد يصبح بياض في كل لحظات الغياب!!! |
حبيب نورة
أعترف بأن الدخول معاك صعب عليَّ شوية .. عارف ليه لأنو أسلوبك حلو ومتفرِّد .. وعشان الواحد يفهمك كويس لا زم يشفط ليهو نفس من سيجارة ( حمرا ) .. بس مشكلتي والله ما بدخِّن ؟؟
|
Post: #10
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-03-2007, 04:51 PM
Parent: #9
عادل جبارة
الصعوبة مش في تفرّد الكلمات!!
أصعب مشاوير الحروف تلك التي تخطوها تجاه الذي هو مصنوعٌ من حليب الشموس!!
|
Post: #11
Title: Re: لقـاء السحاب ( ثروت عكس الريح) ــ (حبيب نورة)
Author: الشفيع عوض شوشتا
Date: 03-03-2007, 05:05 PM
Parent: #10
حبيبنا وحبيب (نورة)
ابهار حد الدهشة
جميل هذا التوحد
لك وللرايعة جدا (ثروت) التحية
|
Post: #12
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-03-2007, 05:19 PM
Parent: #11
شوشـتا
تسلم يا ذوق
أحييك يا جميل
شكراً لمرورك الطيب
|
Post: #13
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-04-2007, 06:22 PM
Parent: #12
up
|
Post: #14
Title: Re: لقـاء السحاب ( ثروت عكس الريح) ــ (حبيب نورة)
Author: عادل جبارة
Date: 03-05-2007, 02:30 PM
Parent: #13
ليه غبتي يا القمرا
نركب جياد الليل
ينشرا بينا صباح
سفر العتامير ليل
نرجاك في المطره
أرجع تعال يا شليل
درع الأميرة سرِقْ
سووهو حدوة خيل
بحر العطاشا نشِف
نشرب بواقي السيل
صُد لي ملامحك يا حراز
ريح العوارض غرَّبت
فرتق ضفايرك في الرزاز
جية العصافير قرَّبت
ليه غبتَ يا القمرا ... قاسم أبو زيد
|
Post: #15
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-05-2007, 05:24 PM
Parent: #14
يا عادل
Quote: ليه غبتي يا القمرا
|
والله السؤال دة ألا كان توجهوا للسنسنة الحمراء!!
أشكر مرورك اللطيف يا رائع
|
Post: #16
Title: Re: لقـاء السحاب ( ثروت عكس الريح) ــ (حبيب نورة)
Author: خالد المحرب
Date: 03-05-2007, 07:49 PM
Parent: #15
تسجيل حضور يا لورد
|
Post: #17
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-05-2007, 07:59 PM
Parent: #16
حضورك غياب الليالي الحزاني
تسلم يا أمير الناس كلها
|
Post: #18
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-05-2007, 08:45 PM
Parent: #17
بس ظالمة الدنيا الصبحت غش , ما ظالمة حروف الريد يا حلوة , الحرف البنده ليك من حس الزول العشقك كلمة , ما عندو ذنب في الجاكم وحشة سكة شوق الناس للصدق المعني , طعم الغنية مرير في حلقك , ما ضقت نغيم الاهــــة في مسامع دنيا بتحلم , لم الصوت الجواك يطلع مبحوح بي قسـوة.
بسمع منك كنت ,,كليمة شوقك لي بنية طفولة , بنية زي ما قال الزول المدهـش , سمحة وسمرية , بي لون قمرية وقولة عيدية ,ومدة أيد الغيم بالمطـرة , بتدي المحل الفيك القمحــة هــدية , لما الاقدار يا أحمد تكمن ليك في بطن الحلم وتقلع منك صوتاً قال يا سلمي ,أتوكل علي حلمك أحمد أخوي , باقي الحلم الفاضـل هسة ,بغمز ليك يا أخويا تخش , مرق الشجن الكان مرسال لي اللوعة ,و مديت جـرحـك تاني نزيف , أصــلا شريانك شجرة سنـطـة , بتفضل شايلة الصـمغ الشـوق جواها , وما حايشــوف الدنيا جنـاها , الا الفاس الحــاني يزور أغصــانا .
|
Post: #19
Title: Re: لقـاء السحاب ( ثروت عكس الريح) ــ (حبيب نورة)
Author: ثروت همت
Date: 03-16-2007, 07:02 PM
Parent: #16
الاعزاء..كل من ساهم برده هنا..
وقفت علي خطوات المنفي..
سقيت الكلمه بوجع القول..
وشديت زمنا ًًُقاسي علي..
بعد شهر ح يتم الحول..
اديت النيل جلاد الليل..الماشي وساكي جبين القمرة..
يابت يا فرحه...ياماخده اللمحة...
اديني اخبار الزمن الودر..ضحك وطنا..وفرح اهلنا...
وشوق اطفال لي دفا تقابة...
افكار...و كتابة..
يا بت يا نيل...
اشجانك ويل...
عتمور بيخبي حوافر خيل..
اصوات مكبوتة..في شهقة ليل..
النيل حردان..جبروت الفكرة
بتأمل نفسو...وعايش بالذكرة..
واحشاهو حبيبتو..احساس بالفطرة
tharwat
|
Post: #20
Title: Re: لقـاء السحاب ( ثروت عكس الريح) ــ (حبيب نورة)
Author: حبيب نورة
Date: 03-17-2007, 11:06 AM
Parent: #19
خلاس!!!
يا بت يا غيمة!!!
خلاس خلاس !!!!
|
|