Post: #1
Title: حـارة المسـاخيت!!!
Author: حبيب نورة
Date: 04-01-2007, 05:08 PM
Parent: #0
هبيش الزكري ... تسكع طيف الزول في شارع الروح
نور بيتنا و شارع الخاطرة التنده ليك!!
قرار أعتبرك أنتي نبيـّة بتهدي الناس للحنين المستقيم
ولا الضالين آمين الفكرة الباقية رسالة !!
أستغفر خاطرة بتلغي وجودك و تمحي حدودك!
تخلي مسامك منطقة نزاع قبلي و انا شوقي
جندي منزوع السلاح!
فرمانة
السختة هي قصقصة لجنحين الهضربة الطايرة و أبدالها
بالحلم المجنَّح !!
لمن الظروف تكون (نِبلة) في أيدين شافع ود لزينة!
تنقض مشاط أحساسك و تنكش شعورك
تعيد تسريحتك و تسريحك !!
يعرفها المساخيت بأنها في السكة جغمة برتكان
ترطب حيرقان المسافات !
أما أولاد الحرام يعتبرونها أعلان أستقلال لي كمين
حرف أتباعت في سوق نخاسة أطلق الحنين سراحا
بي الضمانة وقال ليها أذهبوا فأنتم الطلقاء
من دخل الكتاب الأخدر فهو آمن ومن دخل دار
بنت جيراننا الحلفاوية فهو آمن ... ومن شهد
الشهادة والعمل الطيب ..برضو آمن !
مدخل ساخط
ح نسب الدين لي زمناً كافر بيك وانا شوقي عقيدة
عديل يا زول
!!.......!!
بروتوكولات آل سخطون
نمرة واحد
معقولة بس دي تكون هضربة؟؟؟
راجعين....!!!
|
Post: #2
Title: Re: حـارة المسـاخيت!!!
Author: تماضر الخنساء حمزه
Date: 04-01-2007, 05:26 PM
Parent: #1
Quote: وانا شوقي عقيدة
عديل يا زول |
|
Post: #3
Title: Re: حـارة المسـاخيت!!!
Author: حبيب نورة
Date: 04-01-2007, 05:32 PM
Parent: #2
خناس
قالوا لي سكنتي معانا بيجاي
مرحب بيك في الخطة الاسكانية الجديدة
شكرن جزيلن
|
Post: #4
Title: Re: حـارة المسـاخيت!!!
Author: mamkouna
Date: 04-02-2007, 07:28 PM
Parent: #1
على بالطلاق يا حبيبها...
بوستاتك دي ...جغمة لبن بااااارد
يرطب حيرقان البورد و مرارتو...!!!!
|
Post: #5
Title: Re: حـارة المسـاخيت!!!
Author: حبيب نورة
Date: 04-04-2007, 05:44 PM
Parent: #4
ممكونة
وعلي اليمين أنتي جيتك هنا عندي بالدنيا
شكرن جزيلن!!!
|
Post: #6
Title: Re: حـارة المسـاخيت!!!
Author: هاشم أحمد خلف الله
Date: 04-04-2007, 06:38 PM
Quote: يعرفها المساخيت بأنها في السكة جغمة برتكان
ترطب حيرقان المسافات !
أما أولاد الحرام يعتبرونها أعلان أستقلال لي كمين
حرف أتباعت في سوق نخاسة أطلق الحنين سراحا
بي الضمانة وقال ليها أذهبوا فأنتم الطلقاء
من دخل الكتاب الأخدر فهو آمن ومن دخل دار
بنت جيراننا الحلفاوية فهو آمن ... ومن شهد
الشهادة والعمل الطيب ..برضو آمن ! |
ومن دخل بوست حبيب نورة برضو آمن , تسلم يا شفيف ياظريف .
|
Post: #7
Title: Re: حـارة المسـاخيت!!!
Author: عبد المنعم ابراهيم الحاج
Date: 04-04-2007, 06:47 PM
Parent: #6
يامسخوت!!!!!!
ــــــــــــــــــــــ
جاي لكن بعد ما استحم بلبن
|
Post: #10
Title: Re: حـارة المسـاخيت!!!
Author: حبيب نورة
Date: 04-04-2007, 06:52 PM
Parent: #7
عبد المنعم
بس أوعك تجيني في الصباح
خايف الشوق يقوم بعاتي
وانت اصلك عارف الحنين عاتي!!
|
Post: #8
Title: Re: حـارة المسـاخيت!!!
Author: حبيب نورة
Date: 04-04-2007, 06:48 PM
Parent: #6
مرسي يا هاشم
أهو غايتو
بنحاول نخفف شوية وجعنا دة
مع أنو زي لذيذ كدة
لكن برضو بفضل وجع
شكرن جزيلن
|
Post: #9
Title: Re: حـارة المسـاخيت!!!
Author: Randa Hatim
Date: 04-04-2007, 06:48 PM
Parent: #6
حبيب نورة
انا اتخيل لى انت بتكتب بوستاتك دى لما السما يكون شايل سحاب وفى رزاز خفيف كدا نازل وهواء سااااقط مليان بى ريحة الدعاش .. وطلقات رعد صوتها خافت (فى حالة تضامن معاك عشان شيطانك ما يطفش) وحبة خيوط برق تشوف بيها كراسة خيالك ..
ولا انا غلطانه يا ربى ...
كلامك يدخل الواحد فى مود عجيب ..
|
Post: #11
Title: Re: حـارة المسـاخيت!!!
Author: حبيب نورة
Date: 04-04-2007, 06:59 PM
Parent: #9
رندوية
كدي خليني أرندك معاك شوية
الكلام المغتغت بي توب السترة
بزكرني قصة الكتابة الحلال!!
انا بتعتبر الكتابة مولود غير شرعي!!
احتمال يكون جايي نتيجة لي قرفة الطلق الصناعي
وعوامل زواج عرفي
انا بكتب لمن أحس أني في حالة شوق ود حرام
وأحساس أبن ستين لزينة
عشان كدة بمارس تشردي و أنطلاقتي
والكراع الحوامة
بتجيب النصايب
رندا حاتم
أزيك كدة
و شكرن جزيلن
|
Post: #12
Title: Re: حـارة المسـاخيت!!!
Author: معاذ حسن
Date: 04-04-2007, 07:01 PM
Parent: #9
Quote: تسكع طيف الزول في شارع الروح
نور بيتنا و شارع الخاطرة التنده ليك!! |
لا اله الا الله محمد رسول الله
زي ما قالت رندا
كلامك يدخل الواحد فى مود عجيب ..
|
Post: #13
Title: Re: حـارة المسـاخيت!!!
Author: Randa Hatim
Date: 04-04-2007, 07:04 PM
Parent: #12
بعد مداخلتك دى
عايزه اضيف للمشهد الاتخيلتو انا دا حاجه تانية ..
(كباية مليااااااانه ....... لبن)
الله يجازى شيطانك ... واصل
احنا غايتو قعدنا واتوهطنا ....
|
Post: #15
Title: Re: حـارة المسـاخيت!!!
Author: حبيب نورة
Date: 04-04-2007, 07:20 PM
Parent: #13
رندوية
وللرندوك مساحات جديدة أكتر سختة
برعاية من أبليس شخصياً
الجماعة القاعدين يجوا يشبختوا هنا
و بخلوا تزكار في حيطة بكري القدامية
انا بحب فلان
و بموت في فرتكان
و يا هناي الليلة انت لو راجل تعال لي في المنتزه الجمبنا
واللا طالعني الخلا
و عيييييك يا بت أمي
انا غايتو ما بقدر أطلع من النص و امرق علي السهلة في الضو
عشان أقل حاجة الفقرة دي زي ما قلت ليك برعاية أبليس
يعني الحاجات البتتعلق بي الدعاية و الأعلان دي
متفقُ عليها
ورواها البخاري زااتو !!
أها
يعني عايزة تجيبي لي كاروشة الكتابة وانتي ماك جايبة خبر
للصومالي أب جلحات دة
عشان هو بحدر لي من قبيل عشان عارفني قاعد في الجهاز
وما عندي غير حق ساعة واحدة
وانا كاروشتي دايرة ليها (أنتستين) ما بقدر أجيب حقوا الا في
تلاتة ساعات شخبتة
يا أختي الكيبورد جاهو صداع نصفي
شكرن جزين
|
Post: #14
Title: Re: حـارة المسـاخيت!!!
Author: حبيب نورة
Date: 04-04-2007, 07:12 PM
Parent: #12
معاذ حسن !!
أنت سكنت جديد؟؟
أعدم نظري لو كنت عارف
كان جيتك بي كورة لبن ساااقط
وخليتك تستحمي من اللبن دة
و أطلق ليك البخور
وافقع ليك بيضتين في عتبة الباب
وبخيت و سعيد
|
Post: #16
Title: Re: حـارة المسـاخيت!!!
Author: عبد المنعم ابراهيم الحاج
Date: 04-04-2007, 10:17 PM
Parent: #14
كع ..ككع ..شوووووط.شنن
ماخ ..ملخخ ..وشعرة
جلدي كلبت..الشمش مارقة
وقرن الشيطان خاين ..
ختّاها بين فرقاتو..
كورة في راس تور هائج
في سيرك احساسي..
وحبيبتك نورة ..ناداها
الصباح ..ملس كرعينا بي زيت
الشوق..وغبار النور
يلمع في الساق..
وعينيي منديل تمسح جنس مسح..
انت وين كنت ياخي؟
والله فاتتك فووته !!
لكن انا ماقصرتا..كتّحتها
من فرناقة حسي ..واتمردقت شديد
لامن اضنيي وقفن زي دحش
الوادي السادر غيّيك فيهو..
وحين اسمعلك صوت غنماية
في آخر حوش
في الدنيا..
شاققت مسكت شوارعن بين
الريح وطويت سجادة شاعر..
قنصت قريب متلصص..
من خازوق الكون..والاريل لاقط
موجة خفيفة..ومشاعري تلاوي
الخوف..صنقرت مرقت
النأي ..زمبرت
سفر داوود..
وزبور النوته يدوزت
شفق الروح ...
يامسخوت
|
Post: #17
Title: Re: حـارة المسـاخيت!!!
Author: عبد المنعم ابراهيم الحاج
Date: 04-06-2007, 00:04 AM
Parent: #16
up
|
Post: #18
Title: Re: حـارة المسـاخيت!!!
Author: عبد المنعم ابراهيم الحاج
Date: 04-06-2007, 06:46 AM
Parent: #17
شبيت تاوقت بعد ما خدر
عود وجدان
مزمار الشوق ..
قشيت نظارة الشوف في
فروة جلدي ..
ودعكت مشاعري شديد..
هاجمني حنين متسكع
وضال ..وانا انهر فيهو
واجرجر في موال
شكّع غنيات..في غنم ابليس
واحاحي بطان النحلة
السارحة..تفتش في كعكول
من ريق الوردة..
وحارسك يامسخوت
صاريلك من سنمكة قلبي
حبوب ..
شان كاروشتك ديك..
|
Post: #19
Title: Re: حـارة المسـاخيت!!!
Author: عبد المنعم ابراهيم الحاج
Date: 04-07-2007, 05:38 PM
Parent: #18
وانا متقمص دور انسان حايم
في حارة تلاتة نجوم ..
الجكسي نضيف ومتمّر زي كباية
شاي في بيت اهل المحبوبة..
الناس بتعزل في الخطوات
وصاحبك داقش ساكت ..لكن
قاشر قشرة تضلل بوبي
ومتحزم من نفسي..
كشتات رجلي الناقصة شوية
وعرجة روحي تجر
الذكري ..واتذكر كيف
وانا حالي مشرّد
مطرود من وش الدنيا
فقران... وممحن ..متشلتت
من دلقان باصاه
حبيب عارف حتاتو يجازف
كيف !!!
جلّيت من كم دورية..
ودقّست شريط متعارض
في احساس بوليس مترقي..
وكجّامة سيد جرسة ..هبرت ..صج
في الفاضي ..
سكاني كلب هرّاش
ما بيعرف ينبح الا قريب
من سيدو..
ياالله اتخارجت وجيت ..
جاورتك ..
هنا ..في
حارتك..
يامسخوت.
|
Post: #20
Title: Re: حـارة المسـاخيت!!!
Author: حبيب نورة
Date: 04-07-2007, 06:21 PM
Parent: #16
منعم
قرطعت براك برمة المريسة
وجاييني آخر الليل تفتش للمزّة!!
ياخي ممكن تمزمز ميرندا
و تتكلوا في الدعاية المجانية لي شركة الببسي كولا!!!
|
Post: #21
Title: Re: حـارة المسـاخيت!!!
Author: ابو جهينة
Date: 04-08-2007, 06:46 AM
Parent: #20
حبيب نورة
| Quote: لمن الظروف تكون (نِبلة) في أيدين شافع ود لزينة! |
تعرف الحتة دي يا حبيب ..
رجعتني ورا عشرات السنين
لما كنت شافع .. و أحسن واحد يعمل نبلة و ( و نياش ) أجيب الزرازير الطايرة للأرض.
و لما الظروف تكون بالشكل ال أنا أتخيلتو ..
معناتا ظروف ( متشربكة ) الخيوط ..
نبلة
و حجارة
و عصافير طايرة
واحدين يقعوا مفرفرين
واحدين يقعوا و يقوموا
و ريش متطاير
واحدين يتزاوغوا و تاني بي سما الحلة دي ما يجوا
و لما تغيب الطيور
يبدا ( فليع ) الراكب العجلة
و كلب الجيران
و كديسة ضالة جنب الكوشة
و لمبة خشم البيت ناسينها مولعة
و قزاز مكسر مرصوص فوق الحيطة ( يمكن يمنع حرامي يتلب ) ..
شايف كيف يا حبيب ( كيف ظروف زى دي ممكن تكون ؟ )
و ممكن أكون غلطان .. و دة ما جا في خيالك ال بعرفو خصيب و قشيب ..
في كل الأحوال .. يديك العافية .. فقد أمتعنا دخول هذه الحارة
دمتم
|
Post: #22
Title: Re: حـارة المسـاخيت!!!
Author: عبد المنعم ابراهيم الحاج
Date: 04-08-2007, 11:31 PM
Parent: #21
ويحك!!!
مرة كدة والليل هوّد والقمرة عاملة
سبعتاشر يوم ..وطالعة باحساس
خجلان ..وانا لافي في زقاقات العالم..
شدر العشر كان غزير..
وزير حلة جالوص بيوتا مفرقات مويتو ساااقطة
فوق ميزرة
تحت نيمة مضلّمة..ومتخلفة
والكوز من قرعة كاذبة..
والموية خمرانة ..
والناس نجيضة تب .. مبيت فيها نعاس
يومين ..يشخروا ساكت..
انا ماعارف اليوم داك المحومني
ِشنو!! ..
لانو كان يوم اجازتي
وشغل الاولاد..
"اولاد وبنات ابليس"..
تعرف بعد مااقنعت ليك الشيطانة
امهن بانو نمشي نحرس
الشمش في قمة "افريست"
قامت قالت لي :
- امش اقفر بناتك ديك ..واتأكد
من انهن حملن من اولاد "فريق الطين"
وبنات افكارن حامت حول الشيخ "تلب"
والحارس كل ما يمرق من بين ايدو..يساسق
بين المزيرة يجقم كوز..
يقرطع ساي..
كل ما يقرب من الشيخ
يختلو رصاصة علي "غدارتو"
ويتبسم زي نيران في قصبة
حالو...
ولمن صاح الديك في نص فجرية
مرق الشيخ خلوة روح
وغتّا جبهتو بكاب
الحارس..
وبدل مايمشي تجاه
الجامع ..صنقر
في كرسي وثير في "النقطة"
رسالة من ابليس
الجمعة 30\يونيو\1989
|
Post: #24
Title: Re: حـارة المسـاخيت!!!
Author: حبيب نورة
Date: 04-12-2007, 06:30 PM
Parent: #22
عبد المنعم أبراهيم
يااااااااااه انا منك
عارفك!!
كلامك دة عديل كدة بزكرني فلم سفينة الاشباح
بس الرؤية هنا علي رومانسي ساخط كدة\
شكرن كتيرن
|
Post: #25
Title: Re: حـارة المسـاخيت!!!
Author: حبيب نورة
Date: 04-12-2007, 06:33 PM
Parent: #22
عبد المنعم أبراهيم
وااااااو
Quote: اولاد وبنات ابليس"..
تعرف بعد مااقنعت ليك الشيطانة
امهن بانو نمشي نحرس
الشمش في قمة "افريست"
|
والله بعد الكلام دة
انا بديك الخلافة
نبايعك !!!
|
Post: #23
Title: Re: حـارة المسـاخيت!!!
Author: حبيب نورة
Date: 04-12-2007, 06:24 PM
Parent: #21
أبو جهينة
ياخي الحاجات الحنينة دي انا برضو هبشتني
رجعتني لي نورانيتي من قديم!!
ما عايز أقول من جديد
عشان السماح كلو في الزمن الفات
شكرن كتيرن!!!
|
Post: #26
Title: Re: حـارة المسـاخيت!!!
Author: عفاف أبو حريرة
Date: 04-12-2007, 08:55 PM
Parent: #23
السخطه تفوتك تمشي وين
جبت ليك المساخيط ظاااااااااااطم
تسلم ياحبيب
عفاف
|
Post: #27
Title: Re: حـارة المسـاخيت!!!
Author: حبيب نورة
Date: 04-13-2007, 07:28 PM
Parent: #26
عفاف أبو حريرة
يا بت أمي مالك جايبة لي البعاعيت في البوست!!
هسة انا ناقص
براهم الجماعة شايلين حالي و داقين طاري!
يا زولة
شكرن كتيرن!
|
Post: #28
Title: Re: حـارة المسـاخيت!!!
Author: حبيب نورة
Date: 05-02-2007, 01:57 PM
Parent: #21
أنتوا في زول قال بسم الله في البوست دة؟؟!!!!
|
|