ما هو أفضل مركز للشئ الاسمو الهلال في كاس المجاعة يا سامي وكيجا وراكوبة وعبدالمجيد ؟؟؟

نـريـد اجـابة وتاريخ يا سامي
وكيجا وراكوبة وعبد المجيد ومحمد عمر الفكي
وعلى محمد على بشير وإدريس البدري وجمال الصادق

أنـا غايتـو البعـرفـو إنـو أسـوأ مركـز
للزعـيم القـائد سودان المريخ في بطولة المجاعة
كان المـركـز التالت ..

وداير أعرف الشئ الاسـمو الهلال حقق شـنو
في الكاس البسميهو اعلام الفول كاس المجاعة ؟؟
ولا يكونوا ما شاركوا فيهو أصلا ؟؟؟

طبعـا ماندلا ودبي وجوبا معروفة ..

فـي انتظـار الرد ..

وعلمني لون الجرح النازف
إن الأحمر أسمى من كل الألوان ..

الأخ الفاضل حسين
تحياتي

Quote: أنـا غايتـو البعـرفـو إنـو أسـوأ مركـز للزعـيم القـائد سودان المريخ في بطولة المجاعة كان المـركـز التالت ..

وهذا لعمري هو افضل مركز للهلال.. (وكفى)

وهذا الكأس هو فاتحة الخير لدخول كأسات محمولة جواً عن طريق الزعييييييييييم الأحمر الوهاج ..


لكن يا سحس كدي اليومين ديل نحن عايشين نشوة فرح مزدوج بصعود القطبين الكبيرين وتقديمهم لمستوى راااائع يبشر بقدوم امجاد كروية سودانية انشاء الله .

سلمت يا ابو علي

عزيزي أمير ..
تحية حمراء من القلب إلى القلب ..

Quote: وهذا لعمري هو افضل مركز للهلال.. (وكفى)

طيب الفصاحة وطول اللسان فوق أم كم ؟؟

Quote: وهذا الكأس هو فاتحة الخير لدخول كأسات محمولة جواً عن طريق الزعييييييييييم الأحمر الوهاج ..

لتصحيح المعلومة فقط :

أول كاس محمول جوا ، كان قادما من جوبا ..
بعد أن استطاع فتية الزعيم انزال الهزيمة
بالشئ اللي اسمو الهلال بهدف الاسطورة سامي عذ الدين ..

Quote: لكن يا سحس كدي اليومين ديل نحن عايشين نشوة فرح مزدوج بصعود القطبين الكبيرين وتقديمهم لمستوى راااائع يبشر بقدوم امجاد كروية سودانية انشاء الله .

النشوة الحقيقية ليس في انتصار عابر صديقي
النشوة الحقيقية في احراز البطولات ..
النشوة الحقيقية في مغادرة محطة الصفر الدولي الكبير
وهذه هي عقدة الشئ الاسمو الهلال الأساسية ..

وهي العقدة التي جعلت أحباب الشئ الاسمو الهلال
يكرهون الزعيم القائد سودان المريخ أكثر من
حبهم للشئ الاسمو الهلال ..

وعلمني لون الجرح النازف
إن الأحمر أسمى من كل الألوان ..