سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..

سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..


25-03-2007, 02:22 PM


  » http://sudaneseonline.com/cgi-bin/sdb/2bb.cgi?seq=msg&board=242&msg=1188376160&rn=0


Post: #1
Title: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: حسين يوسف احمد
Date: 25-03-2007, 02:22 PM


الأخ تاج السر الحسن شأنه شأن كل أقلام اعلام الفول
ظل على الدوام يشكك في قدرات اسطورة السودان الملك
فيصل العجب (سـيدو) ..
وظل يطالب باستقالة هذه الجوهرة الكروية الفريدة
وكل ما طالبوه بذلك كل ما أوجعهم وحرق فشفاشهم ..
ويكفي سـيدو أنه اليوم ( هداف السودان العالمي)
وهداف مباريات المريخ والهلال ( من الجيل الحالي)
وأهدافه شهدها جوزيف بلاتر رئيس الاتحاد الدولي لكرة
القدم ..
وهو هداف السودان الأوحد وفي مختلف الأجيال بالنسبة
لبطولات الكاف ..

ومع كل ذلك كتب الأخ تاج السر الحسن ما يلي :

Quote: وألان يصر على بقاء (العجب) الذى لم يتبق له الا أن يصرخ ويقول (اتركونى أعتزل)!!


وطبعا ده مخطط خبيث لاعلام الشئ الاسمو الهلال للتخلص من الرجل الذي جرعهم
كأسات المنون ..
ولكن نقول لهم :
تلقوها عند الغافل ..
ولو كان عامل السن مدعاة للاعتزال فالأولى به السمسار
بتاع المضيفات ، خناق الحكام ، طباز العيون ، الذي قرأنا
في منتدى الهلال أن علاء الدين شرارة قعدو في علبو ..

الأولى بالاعتزال ناس عمو ريتشاد جوزيف وهيثم الصادق
وعمر مرق ، وخالد جوليط ..
وليس درة أفريقيا سـيدو ..

وشـوفوا غيرها ..
ودام الملك فيصل للسـودان ، ولسـودان المريخ ..

Post: #2
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: ismeil abbas
Date: 25-03-2007, 08:15 PM
Parent: #1

ألأخ/جسن يوسف


أولآ مبروك للسودان

ووالله فيصل العجب عجبنا اليوم

بالرغم من هلاليتى الباينة لكن نحن أولاد السودان اليوم



السودان يفتقر الهدافين...ونحن إن شاءالله جقدول ويجى يلعب بعد ده ويجيب أهداف دايرنو



وسلامى ليك

إسماعيل محمد أحمد عباس

Post: #9
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: حسين يوسف احمد
Date: 26-03-2007, 05:58 PM
Parent: #2



عزيزي اسماعيل ..
تحياتي وتقديري ..

Quote: أولآ مبروك للسودان

ووالله فيصل العجب عجبنا اليوم

بالرغم من هلاليتى الباينة لكن نحن أولاد السودان اليوم



السودان يفتقر الهدافين...ونحن إن شاءالله جقدول ويجى يلعب بعد ده ويجيب أهداف دايرنو


فعلا مبروك للسودان ..
وكل التقدير على هذه الروح الوطنية ..
وأنا أعلم تماما أن هنالك أهلة لا يهمهم سوى
الوطن ..
ولكن !!؟؟؟
ماذا نفعل مع بعض أقلام الضلال والنظرة الضيقة ؟؟
لا مناص سوى أن نسقيهم من ذات الكاس ..
وأكيد زول زيك ح يكون خجل من كلام المدعو خالد
عذالدين أمس عن لاعبي المريخ بين شوطي المباراة
خلال الاذاعة ..
ونحمد الله كثيرا ان وفق سـيدو في الرد على تخارف
وأحقاد خالد عجب الدين ..

كل التقدير لك ..

Post: #3
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: جعفر سومي
Date: 26-03-2007, 06:15 AM
Parent: #1


فوق
فوق فوق عجنا فوق

Post: #4
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: keiga2000
Date: 26-03-2007, 06:28 AM
Parent: #3

نقولها مرات ومرات

من غيرنا يعطي لهذا الوطن معنى ان يعيش وينتصر

هكذا دائمااصحاب الاخلاق العالية الرفيعة

ولاعلام الفول نقول ليهم شوفوا ليكم شغله ياما عندكم شغله اصحاب الحقد والجهل

وفوق فوق مريخنا فووق

ابومصطفى

Post: #11
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: حسين يوسف احمد
Date: 26-03-2007, 06:22 PM
Parent: #4


عـزيـزي كيجـا ..
تحية حمراء من القلب إلى القلب
ومـن الدم إلى الدم ..

Quote: ولاعلام الفول نقول ليهم شوفوا ليكم شغله ياما عندكم شغله اصحاب الحقد والجهل


إنت عارف يا صديقي أنا وصلت لقناعة غنو فعلا
اعلام الشئ الاسمو الهلال يمكن استمالته بصحن
فول ، كما قال هيثم الصادق ..
لأنو ما في واحد فيهم قاليهو ، تلت التلاتة كم ..
الظاهر الزول دا قال كدا بعد ما استورد ليه شوالين تلاتة
من فول الشمالية ..
ومع دا كلو مصرين على اعتزال سـيدو ..
إنت دحين الناس ديل ، عايزين مصلحة المريخ
فيرون أن سـيدو غير مفيد وعجوز ، أم عايزين
يتخلصوا منو لأنو فاقع مرارتهم..
وفاضحهم قدام بلاتر ؟؟

أكيد ما لقو حل للزول دا غير انو يخلي
ليهم الكورة ..

لكن يلقوها عند الغافل ..

مع الحب ...

Post: #10
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: حسين يوسف احمد
Date: 26-03-2007, 06:10 PM
Parent: #3


عـزيـزي سـومي ..

تحياتي وحبي ..

Quote: فوق
فوق فوق عجنا فوق


ونحن عاجبنا عجب السودان
والما عاجبو عجب السودان
ذاااتو ما عاجبنا ..

أجب أجيب قونين يجيب ..

Post: #5
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: abas
Date: 26-03-2007, 06:33 AM
Parent: #1

عاجبكم العجب

نحنا سيدا ومقددها عاجبنا

ومنو الجدع الباصين بتاعت الاقوان اعترفوا وقولوا الحقيقه

Post: #6
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: keiga2000
Date: 26-03-2007, 06:38 AM
Parent: #5

ياعبس ياولدنا

الحقد دا من ماشيمتك من شيمة اناس اخرون وعيبك الوحيد انك هلالابي


لذلك الباب مفتوح اليك لتمتع مع الاحمر الوهاج نحن عارفنكم مريخاب لكن زعلتو يوم من الايام من المريخ وباب الريده وانسدا

ومرحب بيكم لتمتعوا مع ابداعات العجب سيدو ومراواغات البلدوزر وانطلاقات هيثم طمبل


وهاك العجب دا

اكتب كلمة حق في حق اللاعب الكبير

ابومصطفى

Post: #12
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: حسين يوسف احمد
Date: 26-03-2007, 06:37 PM
Parent: #5


عزيزي عباس ..

تحياتي وتقديري ..

Quote: عاجبكم العجب


أيوة عاجبنا العجب ..
وليه ما يعجبنا ، وهو :

* هداف مباريات المريخ والشئ الاسمو الهلال ب 5 أهداف ..
* هداف السودان على مستوى بطولات الكاف 11 هدف ..
* هداف السودان العالمي ( كره رمضان في هذا الأمر) ..
* واحد من أهدافه في شباك الشئ الاسمو الهلال شهد
عليه جوزيف بلاتر ..

كدا كفاية ما تسحروه ..

Quote: نحنا سيدا ومقددها عاجبنا


يعجبكم ، ده شئ بخصكم ..
لكن نحن ما بعجبنا الزول :

* البشتم اعلام فريقو ، وبقول تشتريه بصحن فول ..
* البخنق الحكام ..
* البسمسر في اللاعبين وهو في مهمة وطنية ..
* البعاكس المضيفات ..
* العجوز ..

Quote: ومنو الجدع الباصين بتاعت الاقوان اعترفوا وقولوا الحقيقه


كدي عليك الله راجع الشريط أولا !!!
عشان تشوف طمبل جدع باص القون الأول كيف !!؟؟
أما الباص التاني فنحن معك جدعها هيثم الصادق ..

وعلمني لون الجرح النازف ..
إن الأحمر أسمى من كل الألوان ..

Post: #7
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: abas
Date: 26-03-2007, 10:28 AM
Parent: #1

كيقا الحبيب

العجب زول لعاب

لكن شوف عنوان صديقنا حسين

فريق فيه 8 لعيبة هلال

والصنعوا الاقوان لعيبة هلال

هو مفروض يكون حقاني

ما نكرنا انو العجب جاب اقوان حلوه

لكن برضو صاحب الحق

وربنا يوصل السودان لي غانا

Post: #8
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: سامى عبد الوهاب مكى
Date: 26-03-2007, 10:34 AM
Parent: #1

Quote: ألأخ/جسن يوسف


أولآ مبروك للسودان

ووالله فيصل العجب عجبنا اليوم

بالرغم من هلاليتى الباينة لكن نحن أولاد السودان اليوم



السودان يفتقر الهدافين...ونحن إن شاءالله جقدول ويجى يلعب بعد ده ويجيب أهداف دايرنو



وسلامى ليك

إسماعيل محمد أحمد عباس


فعلاً خلونا في السودان و بس.

Post: #13
Title: Re: سـيدو وسـيد سـيدو ، يحـرج تـاج السـر الحسـن .. واعلام الشئ الاسمو الهلال ..
Author: حسين يوسف احمد
Date: 26-03-2007, 06:48 PM
Parent: #8


عباس العزيز ..
تحياتي وتقديري ..
العجب زول لعاب

Quote: لكن شوف عنوان صديقنا حسين

فريق فيه 8 لعيبة هلال

والصنعوا الاقوان لعيبة هلال

هو مفروض يكون حقاني

ما نكرنا انو العجب جاب اقوان حلوه

لكن برضو صاحب الحق

وربنا يوصل السودان لي غانا


يا عباس والله العظيم أنا لم أكتب هذا البوست
إلا كرد فعل لما ظل اعلام الهلال يكتبه ..
وأتيتك بنموزج مما كتبه الأخ تاج السر ..
وفي هذا المنبر تجد بوست آخر للأخ تاج السر
يتحدث فيه عن ماذدا ، من زاية أنه مريخابي
وما ظل يكتبه اعلام الهلال عن المريخ كفيل
بأن يجعلنا نرد له بضاعته الفاسدة ..
وأتمنى أن تكون قد سمعت ما قاله المدعو
خالد عذالدين عن العجب أمس عبر الاذاعة ..

اعلام الهلال هو من يأتي بالفعل القبيح
ولابد أن نأتي برد الفعل الأقبح ..

مع الحب والتقدير ..

ومعا من أجل متخب وطني عظيم
حتى لو كله من فريق واحد ..