طارق ابوعبيده (خدر) و جوله فنيه الي اوسلو واسكندنافيا (الموصلي في عيد الاضحي)

صديقي منذ ايام معهد الموسيقي والمسرح حين كان المعهد بشمبات واول المغنين في اول تكوين لنا(مجموعه ساورا الغنائيه)
قد لبي النداء والصرخه في هذا البوست
نداء للزملاء الفنانين والعازفين ,اوسلو تناديكم

Quote: تصدقوا وتامنو والله من السنه الفاتت اوسلو ما جاها فنان سوداني واحد, وانا وسمندلاوي ما خلينا هاوي ما جربناه عشان يعمل لينا حفله اتخيلوا انا من شده ما البلد فاضيه بقيت اغني في المهرجانات اما حفلات السودانين والله ما فضل ليهم الا يبكوا ام الجكس علي شويتهم خلوا لينا البلد ورحلوا والله بقينا جحمانين عديل كده للغناء السوداني يا ايها الفنانين, الموسيقين والعازفين عليكم الله انا زول زميلكم ارجوا المساعده محتاجين حفله في العيد ده واقول ليكم حاجه تاريخ الحفله اختاروه انتو وكمان عشان اشجعكم ح انسق لكم في المدن والدول الاسكندنافيه المجاوره العيد ده لو ما عملنا حفله كبيره ناس اوسلوا ح يقتلوني عديييييييييل فالرجاء المجامله المجامله وحق الحافله والساوند بره والله بتلقوني وقت الحوجه يلا مين فيكم يلبي النداء يا اصدقائي الاعزاء ياخ خلوني بس القاكم واشوفكم للدنيا والزمان بعدين اخونا بكري سمندلاوي جابو ليهو بنت اموره قبل يومين وانا احتمال اعرس بعد العيد مباشره اها بنحتاج مجامله ولا لا

اشتهر الاخ طارق ابوعبيده باسم خدر لانه كان ياتي والانفراج في اساريره حين الحوجه وحين نجوع لنتقاسم بعض رغيف فانه الخدر الذي ياتي بالحل, اتذكر جيداً كيف كان يفاجئنا بالاخبار الساره ويالها من ذكريات جميله وايام خوالي,
لم نلتقي قرابه ال17 عاما برغم المسافه القصيره بين امستردام و اوسلو

لقد قام الاخ خدر برحله الي مدينه لندن وهناك اقام عده حفلات,هناك االتقته زميلتنا الباشمهندسه من اوسلو وتحدثت اليه عن اوسلو ووجهت له الدعوه وسألها عني فاخبرته باننا اصدقاء وجيران, وهكذا تمت الاتصالات و التنسيق بصوره سريعه
الاخ طارق ابوعبيده سيصلنا الي اوسلو ان شاءالله يوم الخميس الاول من اكتوبر ومعه صديقه عازف الاورغ مؤمن عثمان من بريطانيا
بقيه المجموعه الموسيقيه المقترحه من اوسلو الاخ بكري سمندلاوي كمان, الحاج اكورديون, مورتون ساكس, يوسف وجدو و مصطفي جعفر علي الايقاعات من السويد طارق ابوشنب علي الاورغ ومن الدنمارك حامد موسي باص جيتار
تكون البروفات من يوم الخميس والجمعه وحفل اول في المدينه الطلابيه سيكون هنالك تنسيق لاقامه حفلات للجاليات السودانيه في السويد والدنمارك وفنلندا.

الحفل الرئيسي والذي هو تحت رعايه رابطه الجاليه السودانيه بالنرويج(اوسلو) سيكون يوم السبت الموافق03.10 من الساعه 19.00-2200 وذلك بصاله الاحتفالات بمنطقه تورشهوف العنوان في اوسلو هو ٍOskar Braatens gate 35
الخريطه http://www.gulesider.no/kart/#lat%3D6645094.8978%26lon%...%3D0%26tab%3Daddress
مزيد من التفاصيل علي صفحه الرابطهhttp://sudanese.no تاتي لاحقا
قمنا ايضا بمحاولات اتصال بالاخ الفنان ضياءالدين ولم اتوفق في لقائه فاتصلت بالاخوان شهاب شرحبيل واسامه مليجي وهيثم وموسي ليشرفوناالا انهم مشغولين مع حفلات استاذنا الفنان عبدالقادر سالم الموجود حالي بالمانيا وقد وعدونا برحله الي اوسلو ان توفرت الظروف او في مهرجان عيد الاضحي والذي سيشرفنا فيه كما وعداستاذنا الكبير يوسف الموصلي ان شاءالله

ودام الفرح لينا
مع تحيات
ود زكريا

تنفعكم يارب
وسلامى الشديد خالس جدا
لطارق وبكرى السمندلاوى
وكان لقيت طريقة تمرق لينا قاسم نصر من عزلته المجيدة يكون تمت الخياطة بالحرير
تسلم حبيب

شوفوا لي حلل

بوستات ذات صلة

ياخدر بطل خستكة
الدنيا صباح
صباح فخرى وشركاه للانتاج الاعلامى
اسفين يا محمد اخوى

سلامات يا سلمي
انت زاتك لو جيتونا بنفرح بيكم
قاسم خاطر لابد في الدوحه لكن بنجيبه ليكي
بالله خدر ده قولي ليهو بطل خستكه الطياره الليك شنو

Quote: شوفوا لي حلل بوستات ذات صلة

ماتخاف حجزنا ليكم درجه اولي في البوينج الكبيره, انا كنت فاكرك قاصد حلل الملاح واستغربت الصله شنو يعني ههههه
========
يا خدر فتشت ليك لي صوره ما لقيت اي واحده تنفع للبوستر
اخت ليك صوره بروفايلك ولا ترسل واحده
000000
لو في زول عنو صوره للزول ده يرسلها ليا لو سمحتو

ايوة بلاهي يا شباب
عاوزين صور لي طارق ابوعبيدة علي ان تكون
كالتالي :

- خنفس
- لابس ساعة في اليد الشمال و خاتي يدو في خدو
- مبتسم






____
الشعر مهم عشان الواحد يحس انو ما اصلع

يا طارق الف سلام

اهديك نشيد اصبح الصبح

و بث

الصوره دي كيف ؟
في زول يقدر يساعدنا في عمل البوستر
كوستاوي كيف؟ حدي يكلم