Post: #1
Title: الاتحاد العام والمريخ الجريح
Author: هشام المجمر
Date: 09-29-2009, 06:35 AM
Parent: #0
حسنا فعل الاتحاد العام بعدم برمجته لمباريات المريخ بالدورى الممتاز فى الوقت الحالى نسبة للظروف التى يمر بها نادى المريخ
بدلا من ذلك اختار الاتحاد العام أن يبدأ المريخ الرجوع للعب المحلى بمباراة سهلة ضدفريق الجريف (درجة اولى) بينما واجه منافسه الهلال مباراة خارج ارضه ببورسودانفى بطولة الدورى الممتاز.
الاتحاد العام جنب المريخ عناء مباراة حى العرب التى كانت مبرمجة بتاريخ 23/8 ولم يبرمجها الآن مراعاة لظروف النادى الكبير الحرجة
ونحن لابد أن نشد على يد الاتحاد العام الذى يراعى دائما ظروف انديته الكبيرة بغض النظر عن عدالة المنافسة.
|
Post: #2
Title: Re: الاتحاد العام والمريخ الجريح
Author: saif massad ali
Date: 09-29-2009, 06:39 AM
Parent: #1
هشام المجمر
يا اخوي خليهم عليك الله انتو عايزين تفرتقوا المريخ ده ولا شنو
|
Post: #3
Title: Re: الاتحاد العام والمريخ الجريح
Author: هشام المجمر
Date: 09-29-2009, 06:52 AM
Parent: #2
| Quote: يا اخوي خليهم عليك الله انتو عايزين تفرتقوا المريخ ده ولا شنو |
لا والله ياسيف
المريخ كان فرتق حنغلب منو تانى غلب لذيذ زى ده
المقصود هنا توضيح مجاملة الاتحاد العام للنادى الكبير و دعمه له فى ظروفه الحالية
السبب واضح للجميع
المريخ لو فقد اى نقطة فى بورسودان على الدورى الممتاز السلام
ستصبح بقية المباريات أداء واجب و سيهبط مستوى دخلها بشكل قياسى وهو ما لا يريده الاتحاد
|
Post: #4
Title: Re: الاتحاد العام والمريخ الجريح
Author: saif massad ali
Date: 09-29-2009, 06:59 AM
Parent: #3
هشام المجمر
Quote:
المريخ لو فقد اى نقطة فى بورسودان على الدورى الممتاز السلام
ستصبح بقية المباريات أداء واجب و سيهبط مستوى دخلها بشكل قياسى وهو ما لا يريده الاتحاد |
يعني هم راقدين ليهم فوق راي
انا فكرتهم رحمة بالمريخ
|
Post: #6
Title: Re: الاتحاد العام والمريخ الجريح
Author: هشام المجمر
Date: 09-29-2009, 08:07 AM
Parent: #5
شكرا الطيب على التنويه
الاتحاد العام يفكر بصورة براقماتية عندما يتعلق الامر بدخل المباريات
ولأن الدورى الممتاز اما للهلال و اما للمريخ عزوف جماهير احدى الناديين سوف يتسبب فى خسائر كبيرة للاتحاد العام
الاتحاد العام ضرب عصفورين بحجر واحد
1- تحسين علاقته بنادى المريخ التى شابها التوتر بسبب اعلام المريخ السالب
2 - ضمان تأخير اعلان بطل الدورى مما يعنى استمرار المنافسة وبالتالى ثبات الدخل على ما هو متوقع
|
Post: #7
Title: Re: الاتحاد العام والمريخ الجريح
Author: هشام المجمر
Date: 09-29-2009, 11:04 AM
Parent: #6
برهان تية مدرب الموردة صرح لصحيفة المشاهد أن فترة التوقف الطويلة جعلتهم يبدأون من الصفر
كما صرح فوزى المرضى ايضا ان فترة التوقف التى دامت 35 يوما كانت من نتيجتها الطبيعية أن ينهزم هلال الساحل امام 4/0
الاتحاد العام يظلم الاندية الصغيرة بسبب اضطرراه لتاجيل بل لآيقاف الدورى الممتاز لخاطر عيون الهلال و المريخ
لايمكن لدورى فى دورته الثانية أن يتوقف لأكثر من شهر
الاندية الصغيرة لا يمكن ان تتحمل هكذا مصاريف من غير لعب و تضطر ان تسرح لاعبيها وان تبدأ الاعداد من الصفر مرة اخرى
يصب هذا فى مصلحة الناديين الكبيرين الهلال و المريخ الذين يواصلان التنافس الافريقى و عندما يعودان للمحلى يواجهان اندية متهالة لا لياقة بدنية او ذهنية لها
هذا يضر بالدورى الممتاز وانديته الاخرى و يجعل التنافس محصورا بين الهلال و المريخ و تظل الاوضاع السالبة كما هى عليه
لذا تتدهور الكرة السودانية على مستوى المنتخب
|
Post: #8
Title: Re: الاتحاد العام والمريخ الجريح
Author: أحمد ابراهيم عثمان
Date: 09-29-2009, 11:40 AM
Parent: #3
| Quote: المريخ لو فقد اى نقطة فى بورسودان على الدورى الممتاز السلام |
ولو ما فقد برضو السلام
|
Post: #9
Title: Re: الاتحاد العام والمريخ الجريح
Author: معاوية محمد الحسن
Date: 09-29-2009, 12:26 PM
Parent: #8
عزيزى هشام
تحياتى
يعنى برضو يمكن لنا ان نقول فعل الاتحاد حسنا ببرمجة مباراة الهلال مع هلال (الساهل) قبل مباراة مازيمبى لرفع الروح المعنوية للاعبى الهلال المتدنية بعد هزيمة زيسكو المذلة.
|
Post: #10
Title: Re: الاتحاد العام والمريخ الجريح
Author: محمد البشرى الخضر
Date: 09-29-2009, 03:46 PM
Parent: #9
| Quote: بعد هزيمة زيسكو المذلة. |
قادر الله
كان دي هزيمة مذلة
طيب تلاتة زيسكو الفي نص ساعة الجوة امدرمان و البكت العجب بدموعو تكون شنو
ضرب رقاب ؟!!
|
Post: #11
Title: Re: الاتحاد العام والمريخ الجريح
Author: motaz
Date: 09-29-2009, 04:31 PM
Parent: #10
بالعكس يا اخوي المجمر
كدا الاتحاد وقف ضد المريخ
قول لي كيف؟
المريخ والهلال الفريقين الوحيدين الجاهزين حاليا
لمشاركتهما في البطولة الإفريقية
لذلك طلب الهلال برمجة مباراته مع هلال بورسودان في هذا التوقيت
لأن بقية الفرق الأخرى تبدأ إعدادها حاليا من "الصفر" وبهذه الطريقة الفوز عليها لا يحتاج جهد كبير
وتأجيل مباراة حي العرب ضد المريخ سيتضرر منها المريخ كثيرا،، حيث يعتبر حي العرب الضلع الثالث في الكرة السودانية هذه الأيام
وتأجيل المباراة سيمنح حي العرب فرصة ليستعيد أجواء المباريات الكبيرة ومحاولة "عرقلة" المريخ،، وفي هذه الحالة المستفيد الوحيد هو الهلال
اصلو الاتحاد ما ممكن يقف مع المريخ،، ما عارف السر في ده شنو؟
الله يصبرنا بس
|
Post: #12
Title: Re: الاتحاد العام والمريخ الجريح
Author: هشام المجمر
Date: 09-30-2009, 05:53 AM
Parent: #11
أحمد ابراهيم عثمان
سلام
| Quote: ولو ما فقد برضو السلام |
احتمال كبير جدا
|
Post: #13
Title: Re: الاتحاد العام والمريخ الجريح
Author: هشام المجمر
Date: 09-30-2009, 07:45 AM
Parent: #12
| Quote: يعنى برضو يمكن لنا ان نقول فعل الاتحاد حسنا ببرمجة مباراة الهلال مع هلال (الساهل) قبل مباراة مازيمبى لرفع الروح المعنوية للاعبى الهلال المتدنية بعد هزيمة زيسكو المذلة. |
يا قريبنا معاوية
هزيمة الهلال لم تكن مذلة والهلال لو اراد النصر فى تلك المباراة للعب بقوته كلها وانت تعلم انه دفع بلاعبين اغلبهم من الصف الثانى لأنه ضمن دور نصف النهائى وصرح مدربه انه ما بتفرق معه من يلاقى فى هذا الدور من الفرق.
عموما رغم العنوان كان يشير للمريخ لأنه جريح الا انى بهذا البوست اقصد مجاملة الاتحاد لفريقى القمة على حساب اندية الممتاز الاخرى مما ينتج عنه ازدياد ضعف هذه الفرق مما يجعلها فرق هامشية تؤدى دور الكمبارس فقط فى الدورى الممتاز.
|
Post: #14
Title: Re: الاتحاد العام والمريخ الجريح
Author: هشام المجمر
Date: 09-30-2009, 08:27 AM
Parent: #13
Quote: عجلة الدوري تعود للدوران ) 20 ( أكتوبر
السوكرتا يستضيف المريخ يوم 21
والهلال امام الميرغني يوم 22
تعود عجلة الدوري للدوران مجددا بعد توقف اضطراري دام شهرين
بسبب مشاركات المنتخب الوطني وفريقي الهلال والمريخ في البطولة
الأفريقية وذلك في العشرين من أكتوبر المقبل، وقررت لجنة البرمجة
في الاجتماع الذي عقدته ظهر أمس بالمقر الجديد للاتحاد العام لكرة
القدم بالخرطوم 2 استئناف المنافسة بأربع مواجهات ضمن الأسبوع
الحادي والعشرين على أن تتواصل المنافسة بمباراتي حي العرب
والمريخ باستاد بورتسودان يوم الحادي والعشرين على اعتبار أن
استاد بورتسودان سيستضيف مباراة هلال الساحل والموردة يوم 20
وأيضا الأهلي مدني وهلال كادوقلي لكون استاد مدني سيستضيف
مباراة الاتحاد والنيل في اليوم الأول لهذه الجولة،وتستكمل مباريات
الجولة بلقاء الميرغني والهلال باستاد كسلا يوم الثاني والعشرين
من نفس الشهر نظرا لارتباطات الهلال القارية وخوضه لمباراة
مازيمبي في إياب الدور نصف النهائي للبطولة الأفريقية بلوممباشي
الكنغولية.كما تقرر أن تعلن لجنة البرمجة مواعيد الأسابيع المتبقية
للمنافسة في الاجتماع الذي ستعقده ظهر اليوم بالمقر الجديد |
نقلا عن صحيفة المشاهد عدد الامس
بالله ده اسمو كلام ده
دورى يؤجل فى عز المنافسة لمدة شهرين؟ بيحصل وين ده؟
|
Post: #15
Title: Re: الاتحاد العام والمريخ الجريح
Author: هشام المجمر
Date: 09-30-2009, 09:08 AM
Parent: #14
يا محمد البشرى
سلام
Quote: كان دي هزيمة مذلة
طيب تلاتة زيسكو الفي نص ساعة الجوة امدرمان و البكت العجب بدموعو تكون شنو
ضرب رقاب ؟!! |
دى القصة الما بيقدروا انسوها تب
وخلت بعضهم يفتش لى مازيمبى عشان ياخد ليهم تارهم
لكن قريبنا معاوية ده خليك حنين عليهم فهو من المؤلفة قلوبهم
|
|