أحوال البورداب !!

أحوال البورداب !!


08-04-2008, 03:12 PM


  » http://sudaneseonline.com/cgi-bin/sdb/2bb.cgi?seq=msg&board=239&msg=1207748439&rn=0


Post: #1
Title: أحوال البورداب !!
Author: فيصل نوبي
Date: 08-04-2008, 03:12 PM

مساكم خير .. بتوقيت هنا..

كتير جدا اكون قاعد قدام الجهاز اتخيل احوال البورداب في حياتهم الطبيعية ..
و حركاتهم أثناء قراءة المداخلات ..
أتخيل البعض منهم ممن أعرفهم شخصيا ..
اجد نفسي لا شعوريا اقراء مداخلاتهم بطريقتهم
الصوت الحركة .. و كده ..
محادثاتهم مع بعضهم البعض ..
دقيقة خليني ادور ليكـ فلان ..
فلانة ما رسلت ليكـ !!


مثال اول

أساسي
جاب كباية الشاي بعد الغداء و نومة كاااربة كده ..
جر الكيبورد لانه ما بيقدر يمد يدينه نسبة للكرش و كده
همهم .. جيتكم يا وهم .. اها الواحد يبداها من وين !!
تراجي .. بشاشا .. دكين .. و لا الهلالاب الحاقدين ديل ..
و بدأت الابتسامات ترتسم علي وجهه بعد ان وقع صيده في يده
_
أساسي
يا عمكـ المايكـ معاكـ





_
الفرصة متاحة للجميع دون أدني تحسس يا حلوين ..
_
فاصل مع اعلانات بكري ..

Post: #2
Title: Re: أحوال البورداب !!
Author: فيصل نوبي
Date: 08-04-2008, 03:18 PM
Parent: #1

دكين
بعد بحث طويل في اللستة الطويلة في مسنجر الهوتميل ..
و كل القائمة (مُبلكة) .. اصابه الملل منهم ..
حركـ الماوس إتجاه البورد .. ساين إن .. مافي ولا رسالة خاصة ..
تململ في قعدته .. و هتف (جفّت خلاس) !!
بداء محركاً دائرة الماوس يتمحركـ بين البوستات ..
يائساً من أن يجد ضالته في اي بوست يفوح منه عبق يسيطر علي مزاجه دوماً
وجدها .. هنا تهللت أساريره بعد ان قراء مداخلة ..
و ذهب سريعا الي المسنجر .. ليبداء بها موضوعه
مشمرا ساعديه .. و انفاسه تتعالي




_
فاصل تاني مع الاعلان الاخير في هذا البوست

Post: #3
Title: Re: أحوال البورداب !!
Author: فيصل نوبي
Date: 08-04-2008, 03:24 PM
Parent: #2

تراجي

ممسكة بالريموت كنترول تبحث هنا و هناكـ
حازم و سند ينامان كُلٌ علي جانب ..
لم تجد صورها او فيديوهاتها علي اي من القنوات الفضائية..
لملمت افكارها .. و ذهبت تبحث في المطبخ ..
ما بين التوم و الشمار علها تجد ما قد يعطيها الفكرة ..
تذكرني دائما بأرخميدس (وجدتها .. وجدتها)..
تهجم علي البورد بسرعة البرق .. كتابة موضوع جديد .. إرسال ..
ثم تمر علي الصفحة الرئيسية بسرعة البرق ..
يا سلاااااام فلانة ماتت !! ...
يا الله فلان عرّس .. دقّست معاو فلانة دي ..
ثم تبحث عن عناوين دارفور و اسرائيل ..
مداخلتين سريعا تبعا لاخر رد في الموضوع ..

و هنا يأتيها حازم مطالبا بأن تذهب معه الي سريره لينام


_
تراجي عليكـ دينكـ ده ما حالكـ
_
التعديل لحرف ناقص اودي بالمعني ..

Post: #4
Title: Re: أحوال البورداب !!
Author: فيصل نوبي
Date: 08-04-2008, 03:42 PM
Parent: #3

ود البشري

صحن حلويات عن يمينه و صينية كنافة عن شماله ..
يكاد ان يحتضن اللابتوب .. تمنعه الكرش ايضاً ..
يعدل نظارته بحركة عفوية كلما وجد اسبوع طاير ..
مسنجر الهوتميل (يكنتكـ) وهو يتمتم "صبر ماف" ..
يرن هاتف المكتب .. يا محمد مفروض نعمل كذا .. آآي جدا بنعملها ..
يكتب مداخلة سريعة .. يبداء الحركة .. يرن هاتفه السيار ..
رقم لا يعرفه .. الو !! آآآي انا .. فلان !! اصلو ما بصدق
الاخبار و الامور و الشمارات .. شلت رقم تلفونكـ من البروفايل في سودانيز اون لاين ..
داير اسالكـ ياخ .. بتعرف فلان !! .. آآي بعرفو .. زول كويس ياخ .. (مقتضباً)
طيب ياخ بتعرف فلانة !! .. لا لا ما بعرفها مداخلاتنا دي بس !! .. ضغط الزر الاحمر مودعاً ..
اكمل اعماله و عاد بسرعة ليتابع ما فاته ..
و يعيد القراءة بتأني باحثا عن صاحب الاسم الذي هاتفه ..


_
ود البشري جاييكـ تاني شيل شيلتكـ ولا رسل لي صحن تورته تاني سريع

Post: #5
Title: Re: أحوال البورداب !!
Author: فيصل نوبي
Date: 08-04-2008, 03:50 PM
Parent: #4

يا اخوانا اذا خايفين من الاسامي ممكن تكتبو فلان او فلانة و كده !!















_
في حال العدم ... ود فلان او ود فلانة

Post: #6
Title: Re: أحوال البورداب !!
Author: اساسي
Date: 08-04-2008, 04:05 PM
Parent: #5

Quote: أساسي
يا عمكـ المايكـ معاكـ


واحد واحد هوووووووووف هوووووووووووف واحد واحد



ـــــــ
ياخي الحاجة الوحيدة القدرت اتخيلها عن الجماعة بتاعين البوست حق السبعة دقائق والجنس المثالي اتخيلت ليك اي زول بيدخل يشارك في البوست دا الساعة واحدة صباحا وكلهم لابسين فنايل داخلية وانكسة كماين

Post: #7
Title: Re: أحوال البورداب !!
Author: محمد البشرى الخضر
Date: 08-04-2008, 04:38 PM
Parent: #1

فيصل نوبي - أيام زرة الـ 9000

يفتح البورد بلهفة و إشتياق يطالع البوستات
يضغط زر اضف موضوع يكتب كتابة طويلة عريضة منمقة مليانة بالألوان و مختلف الخطوط
لا ينسى إضافة فيديو ظريف و بعض الصور
شاهده قبل نشره - و ابتسامة رضى على وجهه- متمتما
" ايوة كدة...
دي البتستاهل ارجع بيها بعد الوقفة الطويلة "
تخفت الإبتسامة رويدا رويدا و تختفي من وجهه مع تقدمه في القراءة
و تخيل رد فعل هناية و كيفية تجاوب فلانة
و الفقري داك كمان قاعد لينا
اخيرا يمسح و يغلق الصفحة منقنقا " ميتينك يا ود الـ......"
يرفع سماعة الهاتف يتصل على صديق

- آلو .... يا عمك
- وين يا عمك كيف تمام
- الحمد لله اها الخبر شنو ؟ في جديد
- مافي جديد اها إنت ما ناوي ترجع
- لا ما عندي مزاج اسي بعدين مرتاح كد؟
- دقييييييييقة باللاي
- لا بالجد . اسمع المكتوب في بوست الأسابيع دا قاصدين بيه شنو؟
- ياتو؟
- ياخي القلت ليه اشرح وامسح قاصدين منو؟
-..............................
-..............................
-..............................
- اها مع السلامة
- مع السلامة

بعد دقيقتين...
يرفع السماعة مرة اخري و يتصل على نفس الصديق
- آلو يا عمك
- اهلا
- اسمع عندك فكرة انو فلان دا و بكتب بإسم هناية
- لا ياخ
- و الزولة الجديدة دي طلعت سوركتي
- يا زول
- اسي التحريات جارية اصبر انا بجيب آخرها
- وما معقول ياخ
- وانت عارف البكتب باسم ديك منو؟
- منو؟
- عمك داك ياخ
- ما بصدق , وانت بتعرف الحاجات دي من وين
- كيف دا كلامك و البيض داك رسل مسنجر لهناية طرح ليها
- وانت عرفت كيف؟
- لا دي خليها أها مع السلامة
- مع السلامة


نواصل مع نوبي بعد الزرة

Post: #8
Title: Re: أحوال البورداب !!
Author: فيصل نوبي
Date: 08-04-2008, 08:53 PM
Parent: #1

بكري ابوبكر


يصحي من الصباح
يشيل ليو سفّة يتكلها بجنب كده ..
يفتح اللابتوب .. و لسان حاله يقول " يا مهون القواسي " ..
يفتح المنبر و الماوس متحفزا اكثر منه للسحب
و علي الواجهة الاخري الايميل مفتوحاً ليقراء صندوق الوارد ..
رسالة بريدية عنوانها " يا بكري ما تطنشنا ياخ "
يعاين ليها كده و طوالي يمشي للبعديها .. " يا بكري فلان ده كرهنا المنبر "
و التي تليها " يا بكري عليييييييييييييكـ الله باسورد "
يليها اسم رنان " يقف عندها متأملاً حروف الرسالة و قارئاً ..
يا سلام دي الايميلات اللي تفتح النفس ..
يضغط Alt + Tab ليتوجه للمنبر العام ..
يقابله بوست لحسين ملاسي .. ياخ حسين ده مالو ما داير يروق المنقة !!
كفاهو خلاس .. كلكـ بالماوس .. تحويل الي مكتبة الادارة المخفية ..
يعود للمنبر العام .. يا سلاااااااام ياخ بوست جميل والله ..
يكتب ليو عنوان و يعلقو فوق ... في صدر المنبر ..
ليعود و ينقل بعض من الاخبار و عيناه تترقبان حركة البوستات السريعة
فهذه البوستات اما مشاكل او مزاح و ونسة ..
يدخل البوست و يقراء سريعا ان كان مزاح تركه و ان كان مشكلة لحقه امات طه
ليعودمرة اخري الي صندوق الوارد في بريده مع رسالة من سوركتيياية ..
ليذهب للوحة التحكم .. يوزر جديد املاء البيانات .. OK Done
ليعود باسما الي المنبر ..



_
يا حبيب خلي روحكـ رياضية .. دي تهيئات يا جدع

Post: #9
Title: Re: أحوال البورداب !!
Author: فيصل نوبي
Date: 09-04-2008, 07:30 AM
Parent: #8

إنعام حيمورة

باسمة دوماً قبل ان تفتح شاشة الكمبيوتر ..
تتوسد كرسي وثير في مكتب راقي .. مع كوب عصير لا يفارقها ..
تفتح المنبر .. موضوع جديد .. رحبو معي بفلان بيننا في الخرطوم ..
نقطة .. ارسالـ .. ضحكة و معاها يا ســـــلام ..
تبداء في اتصالات ببورداب الخرطوم لاعلامهم بالضيف الجديد و البوست المفتوح ..
ما بين مكالمات او رسائل ..
ثم تبداء رحلة البحث عن اخر تطورات آمنة عبدالكريم او محمد عبدالكريم ..
في دواخلها تقول " ما وقعت معاي وقعت السواد .. ما لقيت غير تقول ساكن الامتداد "
ياااااااخي تخ !! .. كويس كان ما اجيب خبركـ !!
تبحث في الدرج عن وصلات الموبايل لتضيف الصور الي ذلكـ البوست ..
كل ما تنزل صورة تتبعها بضحكة بصوت مسموع من المكاتب المجاورة





_
انعام كفاكـ ولا اواصل