أعتذر لكل من مسه حرف من حروفي .. العفو و العافية

أعتذر لكل من مسه حرف من حروفي .. العفو و العافية


02-10-2007, 06:29 PM


  » http://sudaneseonline.com/cgi-bin/sdb/2bb.cgi?seq=msg&board=239&msg=1193582802&rn=0


Post: #1
Title: أعتذر لكل من مسه حرف من حروفي .. العفو و العافية
Author: فيصل نوبي
Date: 02-10-2007, 06:29 PM


من عادتنا السمحة
عندما يودع سوداني سوداني يقول له العفو لله و للرسول صلى الله عليه و سلم
يعني اعف عني لخاطر الله ورسوله صلى الله عليه و سلم
و هي تتكرر في الاعياد و المصالحات كطلب للمسامحة
و يردد السودانيون عند الوداع ايضا
اودعناك الله و الرسول صلى الله عليه و سلم
اي اودعتك الله وجاه رسول الله صلى الله عليه و سلم
وتقول السودانية ايضا للتعوذ من المكروه خاصة اتحسبنا الله و الرسول اي حسبنا الله و بجاه رسول الله صلى الله عليه وسلم لنجاتنا
و عند الدعاء بالتوفيق يفضل بعض السودانيين أن يقول
بركة الله ورسول الله صلى الله عليه وسلم



التقينا هنا... لا نعرف بعضنا .. تعارفنا ... تناكفنا ... تحاببنا ... و تواددنا ...

إختلفت الاطياف و الالوان و التوجهات و بعد هنيهة و متابعة إتضح لي أن البعض يحمل في قلبه شيئا من حتي
قد تكون مقصودة او قد تكون مزحة او مهاترة و إنقلبت الي جدية ....
في اواخر شهر كريم ... يعفو الله عن عباده و يعتقهم من النار ... و يبقي ما بين العبد و العبد ...
أتقدم صادقاً بإعتذاري لكل من مسه حرفي و كتم في قلبه او كتبها علي الملاء ...
و أخص منه إثنين من الاعضاء لأنني لمستها فيهم مع العلم التام أنني لا أعرف اي واحد منهم

Mustafa Mahmoud
&
معاوية الطيب

اطلب منهم السماح و العفو و العافية جميعًاً و في أمان الله الي اجل غير مسمي .


و كل عام و أنتم بخير.





Post: #2
Title: Re: أعتذر لكل من مسه حرف من حروفي .. العفو و العافية
Author: Raja
Date: 02-10-2007, 06:49 PM
Parent: #1

فيصل نوبي العزيز..

كل عام وأنت بخير..

ولأنو عشمي في بركة الشهر والنفحة (حلوة النفحة دي ) المتلفحاك دي. أرجو منك الإعتذار أيضا للرجل الفاضل محمد سيد أحمد..

ودي للكل

Post: #8
Title: Re: أعتذر لكل من مسه حرف من حروفي .. العفو و العافية
Author: فيصل نوبي
Date: 02-10-2007, 07:30 PM
Parent: #2

العزيزة رجاء
شاكرا تذكيري ... سقط سهواً
Quote: أرجو منك الإعتذار أيضا للرجل الفاضل محمد سيد أحمد..

متابعتكـ لصيقة
و له من إعتذار عما بدر مني من ممازحة تجاهه إن سببت له أي ضيق.
داعياً الله ان يكتب لابنه الف سلامة ببركة هذا الشهر الكريم.

Post: #18
Title: Re: أعتذر لكل من مسه حرف من حروفي .. العفو و العافية
Author: Raja
Date: 02-10-2007, 09:01 PM
Parent: #8

فيصل يا عزيز..

سلامات تاني..

أشكر ليك تلبيتك للرجاء..
وبالمناسبة لم ألاحظ أنك قلت ستذهب إلى أجل غير مسمًى!!!
الحاصل شنو اليومين دي في المنبر..؟؟؟؟

أتمنى أن يكون الأجل غير المسمًى قد إنقضى..

ومرحبتين حبابك..

وعيدك سعيد

Post: #3
Title: Re: أعتذر لكل من مسه حرف من حروفي .. العفو و العافية
Author: معروف حمدين
Date: 02-10-2007, 06:57 PM
Parent: #1

نوبــي العسل ..
كما عهدتك دوماُ ..
نقي القلب .. حلو المعشر ..
خلوق ..وكامل الدسم ..
تشكر ياملكـ ..
هي دعوة للتصافي ..وأنا اول المسامحين !!!!

Post: #4
Title: Re: أعتذر لكل من مسه حرف من حروفي .. العفو و العافية
Author: تماضر الخنساء حمزه
Date: 02-10-2007, 07:00 PM
Parent: #1

سيد السماحة

Post: #5
Title: Re: أعتذر لكل من مسه حرف من حروفي .. العفو و العافية
Author: محمد البشرى الخضر
Date: 02-10-2007, 07:01 PM
Parent: #1

تحية و تقدير
يا معلم

Post: #6
Title: Re: أعتذر لكل من مسه حرف من حروفي .. العفو و العافية
Author: bob
Date: 02-10-2007, 07:09 PM
Parent: #5

العفو والعافيه!!

Post: #7
Title: Re: أعتذر لكل من مسه حرف من حروفي .. العفو و العافية
Author: طارق جبريل
Date: 02-10-2007, 07:12 PM
Parent: #1

نوبي كيفنك
كدي قول بسم الله وخت الكورة واطة
الناس الزينين ديل بيسامحوك
لانه اصلك طيب ومعدنك نفيس


محبتي الاكيدة

Post: #9
Title: Re: أعتذر لكل من مسه حرف من حروفي .. العفو و العافية
Author: على محمد على بشير
Date: 02-10-2007, 07:31 PM
Parent: #7

تمشى وتجى بالسلامه ... يانوبى

Post: #10
Title: Re: أعتذر لكل من مسه حرف من حروفي .. العفو و العافية
Author: عمر الفاروق
Date: 02-10-2007, 07:35 PM
Parent: #1

ياخي تخ...
الدور ده ما حبابو معاك ..

Post: #12
Title: Re: أعتذر لكل من مسه حرف من حروفي .. العفو و العافية
Author: Nesta
Date: 02-10-2007, 07:45 PM
Parent: #10

انا زعلالالالالان منك ......

Post: #11
Title: Re: أعتذر لكل من مسه حرف من حروفي .. العفو و العافية
Author: ALGARADABI
Date: 02-10-2007, 07:40 PM
Parent: #1

فيصل نوبي
دي صلاة مودع ولا شنو؟؟

غايتو انا ما بسامحك
الا اذا.....

Post: #13
Title: Re: أعتذر لكل من مسه حرف من حروفي .. العفو و العافية
Author: الطاهر ساتي
Date: 02-10-2007, 07:53 PM
Parent: #11

مالك يا الحبيب ..؟
عمك زارك في المنام وقاليك ارح ولا شنو .؟......


العفو والعافية ياراجل ياطيب

Post: #14
Title: Re: أعتذر لكل من مسه حرف من حروفي .. العفو و العافية
Author: abubakr
Date: 02-10-2007, 08:27 PM
Parent: #1

كدة كويس يابني
البيطلب السماح والعفو اكيد امين مع نفسو وغيرو
فلبغفر الله لنا جميعا
كل عالم وكلكم بخير

Post: #15
Title: Re: أعتذر لكل من مسه حرف من حروفي .. العفو و العافية
Author: Amir Omer
Date: 02-10-2007, 08:39 PM
Parent: #1

نوبي الجميل

الإعتذار أدب لا تعرفه إلاَّ نفس أبية ذات قدر عالي من النقاء والشفافية تقدر الناس حق قدرها.
لله درك فقد علوت بهذه الحروف البسيطة قدراً ومكانة

كل عام وأنت بألف خير
أمير

Post: #16
Title: Re: أعتذر لكل من مسه حرف من حروفي .. العفو و العافية
Author: Muna Khugali
Date: 02-10-2007, 08:46 PM
Parent: #15

انت ماشي العمره يا فيصل ولا ماشي حته تانيه؟
رافقتك السلامه اينما ذهيت وكنت..

خالتو..

Post: #17
Title: Re: أعتذر لكل من مسه حرف من حروفي .. العفو و العافية
Author: هند محمد
Date: 02-10-2007, 08:49 PM
Parent: #1

Quote: الإعتذار أدب لا تعرفه إلاَّ نفس أبية ذات قدر عالي من النقاء والشفافية تقدر الناس حق قدرها.
لله درك فقد علوت بهذه الحروف البسيطة قدراً ومكانة


اعتذارك جميل ..والآجمل الاحساس والكلمة الطيبة ..

كل عام وأنت أكثر نقاء .. كن بخير ..

Post: #19
Title: Re: أعتذر لكل من مسه حرف من حروفي .. العفو و العافية
Author: محمد عمر الفكي
Date: 02-10-2007, 09:36 PM
Parent: #17

غايتوا يا نوبي انا ما حصل دخلت معاك في موضوع واتزاعلنا ومع ذلك فانا ما مسامحك الا لما الشريف ينبسط منك.

Post: #20
Title: Re: أعتذر لكل من مسه حرف من حروفي .. العفو و العافية
Author: عمر عبد الخالق سعيد
Date: 03-10-2007, 10:17 AM
Parent: #1

اللخو ....
فيصل نوبي
زول الحارة جد ....
سلامات
Quote: أعتذر لكل من مسه حرف من حروفي

معقووول ده انت تمس زول (لو بهمسه)
فهموك غلط



_______________________
بس قميصي البيجي ما عفيتو ليك

Post: #21
Title: Re: أعتذر لكل من مسه حرف من حروفي .. العفو و العافية
Author: sudania2000
Date: 03-10-2007, 10:41 AM
Parent: #20





رمضان كريم

وحاة شيخي الولد بدور يموت ... تكون عندك حمي الصيام


رمضان كريم يا زول والعفو والعافية

علا انا حقي ما عافياهو ليك


الا تمشي تعتذر لتراجي مصطفي

Post: #22
Title: Re: أعتذر لكل من مسه حرف من حروفي .. العفو و العافية
Author: humida
Date: 03-10-2007, 10:48 AM
Parent: #21

خلاص حـ( تموت ) يا فيصل ..

Post: #23
Title: Re: أعتذر لكل من مسه حرف من حروفي .. العفو و العافية
Author: حيدر حسن ميرغني
Date: 03-10-2007, 11:01 AM
Parent: #22

يا ريتني واحد منهم

كنت بقول ليك ابيت عديل كده









يا زول انت جادي

طيب الفضل منو من السمحين هنا لو انت كده

Post: #27
Title: Re: أعتذر لكل من مسه حرف من حروفي .. العفو و العافية
Author: محمد نور أحمد
Date: 03-10-2007, 11:12 AM
Parent: #23


تفارق كيف تخلينا ..
لشوقنا وذكرى ماضينا..
كيف بعدك يكون الحال ..
وكيف تصبح ليالينا..



--------------------------
عليكم الله لو ما جا ابن حلال نزل
مسامحك يا حبيبي ..
مهما قسيت عليا..
بصوت أسرار بابكر.

Post: #28
Title: Re: أعتذر لكل من مسه حرف من حروفي .. العفو و العافية
Author: الزنجي
Date: 03-10-2007, 11:12 AM
Parent: #23


أعتذارك ما بيفيدك والعملتو كان بايديك

العزيز فصيل

كل عام والذى بيني وبينكم
بحر من الوصل اللطيف ومزن


يا سيدى الاختلاف فى البورد لا يفسد للود قضية



حاولت ان اجد وسيلة اتصال بك لدعوتك للفطار السنوي لبورداب الامارات
الذى تم يوم 16 رمضان الماضي .. فافتقدناك كثير


لك منى كل الود

والعفو والعافية

Post: #25
Title: Re: أعتذر لكل من مسه حرف من حروفي .. العفو و العافية
Author: الواثق الصادق
Date: 03-10-2007, 11:06 AM
Parent: #22

Quote: و في أمان الله الي اجل غير مسمي




شكلك كده زايغ من كورة النجم الساحلي والهلال



ما أشوفك هنا بعد نغلب

Post: #24
Title: Re: أعتذر لكل من مسه حرف من حروفي .. العفو و العافية
Author: ابو عثمان
Date: 03-10-2007, 11:06 AM
Parent: #1

شكرا" يا نوبي



ليتنا جميعا" نملك هذا الهرمون الرائع من التسامح

رمضان كريم

Post: #26
Title: لله والرسول
Author: ملكة سبأ
Date: 03-10-2007, 11:08 AM
Parent: #1

الله والنبي فيصل ماتطولا

Post: #30
Title: تنويه
Author: sudania2000
Date: 03-10-2007, 11:23 AM
Parent: #26

نوبي السخيف سلام تاني

جاتني الرسالة دي
_________________

الأخت الكريمة
السلام عليكم ورحمة الله وبركاته
رمضان مبارك وتقبل الله طاعاتك
حسب متباعتي لبعض كتاباتك في المنبر عرفت عنك الحرص على الحق والدين والخير لذا وجب علي نصحك.
كتبت في بوست إعتذار الأخ فيصل نوبي كلمة (وحات شيخي) في مقام الحلف والصحيح أيتها الكريمة ألا يكون الحلف إلا بالله كما جاء في الحديث الشريف (من كان حالفاً فليحلف بالله) وقول النبي صلى الله عليه وسلم (من حلف بغير الله فقد كفر وفي رواية فقد أشرك) وقد عد العلماء الحلف بغير الله ضمن أنواع الشرك الأصغر.
مع خالص المودة والتقدير
____________________

التنويه هنا انني لا شيخ لي (بس ما يجيني صوفي ناطي من لا شيخ له شيخه الشيطان) والكلام كتبتو بلسان الفكاهة ع لسان حبوبة

اللهم تقبل من صالح الاعمال



خربشة
مش البوست بتاع السخيف نوبي عادي يمشي غلط

Post: #29
Title: Re: أعتذر لكل من مسه حرف من حروفي .. العفو و العافية
Author: حمد فتح الرحمن
Date: 03-10-2007, 11:16 AM
Parent: #1

شنو يا معلم ؟
قوم تعال العمرة نضف شوية بتروق

Post: #31
Title: Re: أعتذر لكل من مسه حرف من حروفي .. العفو و العافية
Author: Elmosley
Date: 03-10-2007, 02:34 PM
Parent: #1

فيصل
اعتذارك مقبول باذن الله
وتمشي وتجي بالسلامه
تاني ماتعمل كده

Post: #32
Title: Re: أعتذر لكل من مسه حرف من حروفي .. العفو و العافية
Author: عبدالله داش
Date: 04-10-2007, 00:31 AM
Parent: #1

يا لســماحتك يا نوبى





الله يديك ألف عافيه



من يعرف ثقافة الإعتذار


هو جدير بالثقه
بالإحترام
بالحب
بالموده

Post: #33
Title: Re: أعتذر لكل من مسه حرف من حروفي .. العفو و العافية
Author: أبو عبيدة البصاص
Date: 04-10-2007, 07:08 AM
Parent: #1

نوبي نحنا عافين منو ظاهر وباطن

لكن حق المريخ ما بنخلي تب

Post: #34
Title: Re: أعتذر لكل من مسه حرف من حروفي .. العفو و العافية
Author: Ishraga Haimoura
Date: 04-10-2007, 07:14 AM
Parent: #1

فيصل نوبي.... لكن ما اتعرفت عليك!!!!!!!!!!!!!

كل سنة وانت طيب

Post: #35
Title: Re: أعتذر لكل من مسه حرف من حروفي .. العفو و العافية
Author: الشفيع عوض شوشتا
Date: 04-10-2007, 07:19 AM
Parent: #34

لا حولتن ..



شو فيك يا ريال .....



..















..
.
تعال بدري

Post: #36
Title: Re: أعتذر لكل من مسه حرف من حروفي .. العفو و العافية
Author: Ahmed Abdallah
Date: 04-10-2007, 07:24 AM
Parent: #35

فيصل ما تنسى قروشي ...

Post: #37
Title: Re: أعتذر لكل من مسه حرف من حروفي .. العفو و العافية
Author: انعام حيمورة
Date: 04-10-2007, 07:39 AM
Parent: #1

والله يا جماعة انا كل يوم اقول اضرب لنوبي دا اعزيه في عمو .. اهة في الليلة وفي بكرة لما امبارح ربنا سهل وضربت ..

لقيت ليك الزول دا مسكين وما زي عوايدوا قلت ليه مالك في شنو؟ بصوت براحة كدة قال لي كل سنة وانتي طيبة .. قلت ليه لا لا ..قول بسم الله مالوا صوتك الحصل عليك شنو .. انت مضايق ؟؟!! قال لا بس شوية كدة ..

وجيت لقيت البوست دا ..

لا لا الزول دا داخل ليه في دور كدة عجيب ..

يا سلام ربنا يتوب علينا ويسامحنا ..

نوبي كل سنة وانت طيب

العفو والعافية

Post: #38
Title: Re: أعتذر لكل من مسه حرف من حروفي .. العفو و العافية
Author: الطاهر عثمان
Date: 04-10-2007, 08:14 AM
Parent: #1

يااخوانا والله عااادي مالكم مستغربين

الدنيا دي مافيها خير وبتلمس الحقيقة دي تماام عند موت غريب
وارجعوا كده ورا واتذكروا موت غريب وعزيز عليكم والحالة التي كنتم فيها...

اسال الله ان لايريكم مكروها في عزيز لديكم لتحسوا بهذا الاحساس

واسال الله لنا المغفرة جميعاً والعفو والعافية

Post: #39
Title: Re: أعتذر لكل من مسه حرف من حروفي .. العفو و العافية
Author: فيصل نوبي
Date: 06-10-2007, 08:05 PM
Parent: #38

السلام عليكم
و التحايا لكم جميعا
عُدنا و عاد وجع الوش

بعد إذنكم نبداء بـصديقي الواثق ...
Quote:
Quote: و في أمان الله الي اجل غير مسمي






شكلك كده زايغ من كورة النجم الساحلي والهلال



ما أشوفك هنا بعد نغلب

قبل المباراة بـ نصف الساعة ..
وقد لا أعود

Post: #40
Title: Re: أعتذر لكل من مسه حرف من حروفي .. العفو و العافية
Author: فيصل نوبي
Date: 13-10-2007, 09:13 PM
Parent: #39

الي لكل من مر من هنا قاريءً و كاتباً

كل عام و انتم بالف خير


Post: #41
Title: Re: أعتذر لكل من مسه حرف من حروفي .. العفو و العافية
Author: محمد على طه الملك
Date: 13-10-2007, 11:18 PM
Parent: #40

جيناك متأخرين ..
عموما مابينا إلا الود ..
كل سنه وإنت طيب .

Post: #42
Title: Re: أعتذر لكل من مسه حرف من حروفي .. العفو و العافية
Author: Adam Mousa
Date: 13-10-2007, 11:28 PM
Parent: #41

الاخ فيصل نوبى ..كل سنه وانت طيب يا طيب ..................

Post: #43
Title: Re: أعتذر لكل من مسه حرف من حروفي .. العفو و العافية
Author: sudania2000
Date: 17-10-2007, 09:12 AM
Parent: #42


اها مت ولا حي
كل سنة و انت طيب



والعفــــــــــــــــــــــــــــــــــــــــــــــــــو