نانسـي عجـــاج

نانسـي عجـــاج


06-30-2007, 08:03 PM


  » http://sudaneseonline.com/cgi-bin/sdb/2bb.cgi?seq=msg&board=239&msg=1190755815&rn=67


Post: #1
Title: نانسـي عجـــاج
Author: فيصل نوبي
Date: 06-30-2007, 08:03 PM
Parent: #0







Post: #2
Title: Re: نانسـي عجـــاج
Author: فيصل نوبي
Date: 06-30-2007, 09:21 PM
Parent: #1





إضغط للتشغيل

Post: #3
Title: Re: نانسـي عجـــاج
Author: Tragie Mustafa
Date: 06-30-2007, 09:26 PM
Parent: #2

ما قلت لي يا النوبي
الزوله العسل دي بتقرب لام رياله ديك شنو؟؟؟

Post: #5
Title: Re: نانسـي عجـــاج
Author: طارق الأمين
Date: 06-30-2007, 09:31 PM
Parent: #2


Quote: إضغط للتشغيل



ابت تشتغل

كلو كلو

اها

Post: #4
Title: Re: نانسـي عجـــاج
Author: غباشي
Date: 06-30-2007, 09:26 PM
Parent: #1

الأخ نوبي ....
اليوم باستوكهولم تحيي الفنانة نانسي عجاج حغل استقبال سفير السودان بالسويد

Post: #6
Title: Re: نانسـي عجـــاج
Author: بشير جبريل علي
Date: 06-30-2007, 09:36 PM
Parent: #4

أبت تجي ..أقصد تشتغل..أقصد نانسي

Post: #7
Title: Re: نانسـي عجـــاج
Author: Tragie Mustafa
Date: 06-30-2007, 09:41 PM
Parent: #6

خساره يا غباشي بقت نانسي سدنه انقاذ كمان؟؟؟
Quote: الأخ نوبي ....
اليوم باستوكهولم تحيي الفنانة نانسي عجاج حغل استقبال سفير السودان بالسويد

Post: #8
Title: Re: نانسـي عجـــاج
Author: طارق الأمين
Date: 06-30-2007, 10:22 PM
Parent: #7

[QUOTE] الأخ نوبي ....
اليوم باستوكهولم تحيي الفنانة نانسي عجاج حغل استقبال سفير السودان بالسويد



غباشي

سلام

خاف الله ياخي

نانسي الان في لندن

اتصلت بها مستفسرا

وهي الان معي علي الخط

خلو الناس في حالا

مطلوب منك
Quote: Quote: الأخ نوبي ....
اليوم باستوكهولم تحيي الفنانة نانسي عجاج حغل استقبال سفير السودان بالسويد
نفي الخبر الان

كده مايصحش ياحبيب

أتأكد بنفسك وانفي الخبر الان

يلا مستنينك

حرام ياخي

وعيب

Post: #13
Title: Re: نانسـي عجـــاج
Author: Haytham Abdulaziz
Date: 06-30-2007, 10:51 PM
Parent: #8


يا طارق الأمين حاول أمسح كلمة الكود جم كلمة الأخ نوبي ... لأنو ما مقتبس بطريقة صحيحة في خلال ردك لغباشي عشان كدة فتلت البوست ... و تسلم يا ظريف...

Post: #9
Title: Re: نانسـي عجـــاج
Author: طارق الأمين
Date: 06-30-2007, 10:28 PM
Parent: #7

غباشي

خاف الله ياخي

نانسي الان بلندن

اتصلت بها مستفسرا

وهي الان معي علي خط التلفون

مطلوب منك نفي الخبر الان

تاكد بنفسك وانفي الخبر

خلو الناس في حالا

مايصحش ياحبيب

عيب كده

وحرام

Post: #10
Title: Re: نانسـي عجـــاج
Author: طارق الأمين
Date: 06-30-2007, 10:33 PM
Parent: #9

خساره يا غباشي بقت نانسي سدنه انقاذ كمان؟؟؟



الاخت تراجي

العجله من الشيطان

ما هي صاحبتك


او كما قالت

الاستعجال لي شنو؟

يلا اتصلي الان

وشوفيها في السويد

ولي في لندن

رفقا بالمبدعين

والمبدعات


Post: #12
Title: Re: نانسـي عجـــاج
Author: طارق الأمين
Date: 06-30-2007, 10:50 PM
Parent: #10

ماعلينا

نسمع الغنا يانوبي

كل الاخبار كاذبه

الكضب حرام والقبر قدام

اختي التي اعرفها

ليست كما تقولون

تحياتي

دور المزك يانوبي

Post: #11
Title: Re: نانسـي عجـــاج
Author: Haytham Abdulaziz
Date: 06-30-2007, 10:45 PM
Parent: #1

يا حبة بطل كسل و خلي البوست تكون خلفيتو رابة ... شنو أضغط للتشغيل و لا دوس بنزين ...

المفروض الغنية تشتغل اوتوماتيك ... مش gear عادي .... بالمناسبة قالو تلفونك ما بجيب مسكول....







Post: #15
Title: Re: نانسـي عجـــاج
Author: فضيلي جماع
Date: 06-30-2007, 11:31 PM
Parent: #11

ما الفائدة من ترويج وإشاعة أخبار غير صحيحة وذات مردود سلبي لمطربة سودانية في مستهل طريقها؟ نانسي عجاج التي أراها لآول مرةأمس الجمعة، كانت قد شرفتني بالزيارة وأسرتي الصغيرة في شمال غرب لندن ليلة البارحة. ولآن الجلسة كانت أسرية(بحضور قلة من الأصدقاء) وبطلب منها- فقد أصرت أن نزودها بالنصح ما أمكن. كانت تصغي بانتباه شديد، وتقبل نقد تجربتها بصدر رحب. شابة في منتهي التواضع وعليها أمارات ذكاء ونباهة. وحين طلب منها بعض الحضور أن تسمعهم شيئا لبت الطلب بابتسامة عريضة وغنت ثلاث أغنيات ، من بينها رائعة خليل فرح (في الضواحي وطرف المداين) بصوت مريح ، لو لقي الرعاية والتدريب العلمي الدقيق لأعطى أمتنا مطربة نباهي بها إن شاء الله.
علمت من الدكتورة نهلة ومن الأخ نقد(مضيفها) أن نانسي غادرت لندن جوا قبل قليل إلى هولندا - محل إقامتها كما- هو مخطط.
كتبت هذا الكلام لتذكير بعض الإخوة والأخوات هنابأن يتحروا الدقة في نقل الأخبار خصوصا ما يمكن تفسيره بما يجعل الخبر حمال أوجه. أكرر أن الفنانة نانسي عجاج التي كانت في ضيافتي وأسرتي في سهرة أصدقاء حتى الساعة الثانية صباحا ليلة البارحة، موهبة في غاية التواضع والأدب..ومن الأفضل أن ننأى بها وبأمثالها من حرب الشعارات السياسية.

Post: #14
Title: Re: نانسـي عجـــاج
Author: ابراهيم عدلان
Date: 06-30-2007, 11:06 PM
Parent: #1

غدا نكون كما نود




رحم الله ابوالسيد

اختيار موفق يا نانسي

شكرا نوبي و هيثم

Post: #16
Title: Re: نانسـي عجـــاج
Author: طارق الأمين
Date: 06-30-2007, 11:43 PM
Parent: #14

علمت من الدكتورة نهلة ومن الأخ نقد(مضيفها) أن نانسي غادرت لندن جوا قبل قليل إلى هولندا

هذا ما كتبه الاستاذ الفنان فضيلي جماع

تحياتي واحتراماتي

وحتي لايقول احد انها ربما غادرت الي السويد

فاني اقول لك انها الان بلندن وتاجل سفرها الي هولندا

وتستطيع ان تتصل علي صديقك نقد واسرته الان وتؤكد لنا ذلك الان

حتي لايكون هذا الخبر من الاخبار

حماله الاوجه ايضا

والحرب ضد النجاح لن تتوقف ابدا

لك تقديري وسلامي

Post: #17
Title: Re: نانسـي عجـــاج
Author: فضيلي جماع
Date: 07-01-2007, 00:01 AM
Parent: #16

أخي الأستاذ طارق الأمين
شكرا على إخطاري بتأخير سفر ألفنانة نانسي. الوقت عندنا في لندن متأخر بعض الشيء، لكني قطعا سأتصل بالأخ نقد وأسرته صباح الغد إن لم يبادروا هم بالإتصال. وكما تكرمت أنت بالقول: إن الحرب ضد النجاح لن تتوقف..بس ياخي لو يخلوها تنجح بالأول. نانسي في بداية سلم الحياة ومحاولة صناعة مستقبلها الفني ، ولأنها موهبة ومتواضعة كان من الواجب أن نمسك بيدها حتى يقوى عودها.

Post: #18
Title: Re: نانسـي عجـــاج
Author: Tragie Mustafa
Date: 07-01-2007, 00:06 AM
Parent: #16

الاخوة طارق ابوبكر واستاذنا فضيلي جماع
اولا
لا اعتقد غباشي قصد اي سوء وانما سمع خبر وجاء فرحان
وقائل روحه بيزيد في عدد الناس المتشوقه للحضور للنانسي عجاج.
ثانيا
انا ورغم حبي للناسي عجاج
والما ليه علاقه اطلاقا ببنت اهلها الهبله دي الامسها بت عجاج
عضوة هذا المنبر وحتى لو هي اختها برضو ما بتهمني لانه واضح انه
مافي علاقه فكريه بين الاثنتين.
لذا اكرر لم اتررد ان اصف نانسي بالسدنه رغم حبي لها
لو غنت في حفلة سفير انقاذي حتى لو عامل حركه شعبيه
زي السفير بتاع واشنطون الاهبل الفضح الحركه الشعبيه.
يبقى الموضوع ما ننانسي ولا حوجه لوصف الناس بأعداء النجاح وغيره
وانما عندنا خطوط واضحه هنا لا مجامله حتى لاخواننا واخواتنا.
وقدوتنا هشام هباني المسح باقرابائه الارض لانهم كيزان.

التحيه للمبدعه نانسي عجاج
وربنا يحفظك ويبعدك من السدنه ودهائهم.
نتابع مسيرتك بفخر ومحبه
ورفعت راسنا وكلنا ثقه انك نموذج لفنانات السودان الجديد المرتبطات بقضايا شعوبهم
الغير بائعات لفنونهن وموهبتهن لمن يدفع اكثر.


وشكرا يا طارق لاهتمامك بتصحيح الخبر
وشكرا استادنا فضيلي جماع لاشراكنا في رايك حول نانسي عجاج.
وتأكدي بان الاخ غباشي ليس الا عاشق لفنك
وكان ناوي يحضر لك لو جابتك السفاره او الجن ذاته.

Post: #19
Title: Re: نانسـي عجـــاج
Author: القلب النابض
Date: 07-01-2007, 00:19 AM
Parent: #18

الاخت تراجي ..

كتبت في هذا البوست

Quote: الزوله العسل دي بتقرب لام رياله ديك شنو؟؟؟


لا يجوز وهي لا تسنطيع ان ترد عليك ..
Quote: والما ليه علاقه اطلاقا ببنت اهلها الهبله دي الامسها بت عجاج
عضوة هذا المنبر وحتى لو هي اختها برضو ما بتهمني لانه واضح انه
مافي علاقه فكريه بين الاثنتين.


تراجي اعقلي عليك الله ماف داعي للإساءة ولا اعتقد ان نانسي تقبل ان تقولي كدة في اختها او بت عمها ..

Post: #20
Title: Re: نانسـي عجـــاج
Author: طارق الأمين
Date: 07-01-2007, 00:22 AM
Parent: #18



كتبت الاخت تراجي


الاخوة طارق ابوبكر واستاذنا فضيلي جماع


شكرا اختي تراجي عبد المنعم

Post: #21
Title: Re: نانسـي عجـــاج
Author: عبدالله وداعه الامين
Date: 07-01-2007, 00:31 AM
Parent: #20

Quote: الأخ نوبي ....
اليوم باستوكهولم تحيي الفنانة نانسي عجاج حغل استقبال سفير السودان بالسويد


تحية لك نوبي والتحية عبرك الى الاخت العزيزة نانسي

وتاكيدا لكلام الاخ الحبيب طارق واستاذ فضيلي

لقد كنت على اتصال تلفوني مع الاخت نانسي قبل اقل من ساعة

وكان من المفترض ان نسجل لها زياره ولم نتوفق انا وبصحبتي اخوة كرام

فعلا كان مقرر ان تسافر اليوم السبت الى هولندا ولكن ولظروفها الخاصة

ستقادر الى هولندا غدا صباحا

على كل من ينقل خبر علية التاكد والصحة من ما ينقل حتى لا يرمي البعض

اللوم والفرضيات السيئة دون التدبر

التحية لك طارق وبقية الاعزاء

Post: #22
Title: Re: نانسـي عجـــاج
Author: Azhari Nurelhuda
Date: 07-01-2007, 00:38 AM
Parent: #20

Quote: تراجي عبد المنعم


يجازي مــــحـــــنــــك.............
غايتو حالة..........

Post: #23
Title: Re: نانسـي عجـــاج
Author: فضيلي جماع
Date: 07-01-2007, 00:49 AM
Parent: #18


أختي تراجي
لم نختلف أبدا في المسألة كلها وصدقيني لم أنتبه حتى الآن لإسم كاتب البوست - مع عميق احترامي له. تعاملت مع محتوى الخبر وليس حسن النوايا. فماكينة الإنقاذ في فبركة الخبر وصناعة العلاقات العامة لم تتوقف لحظة في حرق الساسة والمفكرين والأدباء والفنانين. وأن أقول هذا الكلام لشخص مثلك فإنني لا أوصي حريصا.

كما أرجو أن أؤكد بأن الأخ غباشي ليس موضع تهمة عندي (أعوذ بالله)..قصدت فقط أن أشرح أنني تعاملت مع مضمون الخبر وما يحمله من حساسية لمطربة تتأكد موهبتها كل يوم ،بينما دولاب الدعاية الإنقاذي الرخيص في سفارة السودان باستكهولم يريد لسفير الهنا أن يدخل مكتبه الفاخر على أنغام أغاني المطربة نانسي عجاج..ودا ياهو الفضل من هموم السفارات في الخارج!

Post: #24
Title: Re: نانسـي عجـــاج
Author: فضيلي جماع
Date: 07-01-2007, 01:03 AM
Parent: #23

أخي الأستاذ عبدالله وداعة
شكرا على اهتمامك والمتابعة. تلقيت محادثة من نانسي قبل قليل - بعد أن أخطروها بأنني ما زلت صاحيا وأتداخل معكم. ليس مهما ماذا قالت وماذا قلت ، فالحديث كله لم يخرج من مضمون ما قلناه -أنت وأنا. نانسي اتصلت لتؤكد بأدب شديد أسفها في عدم تمكنها من مهاتفتي وزوجتي في التعبير عن سرورها بجلسة البارحة..وأنها تأخرت لسبب هو من صميم لا مبالاتنا نحن السودانيين مما جعلنا نضحك بشدة عبر الهاتف. نانسي ومثلها كثيرون وكثيرات من الموهوبين والموهوبات في الطرب والأدب والصحافة والفنون يحتاجون منا الدعم الأخلاقي Moral support لا أكثر ، وهو ما لا يكلفنا شيئا.


Post: #25
Title: Re: نانسـي عجـــاج
Author: طارق الأمين
Date: 07-01-2007, 01:38 AM
Parent: #24

شكرا استاذنا فضيلي جماع

الاخ فيصل نوبي

فلتتقدم لقياده بوستك

واجد نفسي اسفا للمقاطعه

فقد كانت لازمه

وضروريه


تشكراتي

Post: #26
Title: Re: نانسـي عجـــاج
Author: mohmed khalail
Date: 07-01-2007, 01:58 AM
Parent: #25

سلااااااااااماااات

كنت قد كتبت قصيدة عن تأويلنا للاشياء نحن معشر السودانيين واستمتاعنا بنقل الاخبار مع تفخيمهاأثارت علي حنق الكثريين ولكنها تظل ابنا شرعياً لي ولو كان عاقاً. اخذ منها بعض المقتطفات

يأخذ التأويل منا في البشر
نصف ما نقضيه من وقت السمر
فنصنف كيفما نحن نريد
ونظن في القريب وفي البعيد
والجريمة..
اننا في الاصل صرنا..
صرنا نحترف النميمة
وادخرنا لأجل ذلك كل اخلاص وهمة
صار سوء الظن جلباب وعمة
نرتديها ..والاهمّ ..
ليس بين ظهرانينا من يحمل همّا.

كل التوفيق للواعدة نانسي عجاج واتمنى تحري الدقة في الاخبار والشكر لصاحب البوست رغم ان الاغنية (معصلجة) لكن شكرا للإجتهاد.

محمد

Post: #27
Title: Re: نانسـي عجـــاج
Author: غباشي
Date: 07-01-2007, 03:04 AM
Parent: #26

Quote: غباشي

خاف الله ياخي

نانسي الان بلندن

اتصلت بها مستفسرا

وهي الان معي علي خط التلفون

مطلوب منك نفي الخبر الان

تاكد بنفسك وانفي الخبر

خلو الناس في حالا

مايصحش ياحبيب

عيب كده

وحرام


السيد / طارق الأمين
الناطق الرسمي و رئيس هيئة الدفاع باسم الفنانة نانسي عجاج
أولا لم أقصد التشهير أو الإساءة لنانسي عجاج أو لشخصها أو حدث أن جئت بسيرتها
لكني أحببت ان ازف هذا الخبر بعد أن أكد لي أكثر من شخص هذا الخبر
و بما اني الآن خارج استوكهولم و بالتحديد في مالمو سأعود لك بعد ان
اتأكد من الذي احيي الحفل وذلك حتى لا اقع في نفس الخطأ السابق ...
مع العلم بأني لم أخطئ في البخاري حتى تتسلم أنت زمام الأمر للدفاع عن المبدعة
نانسي عجاج .... و اعلم بأني والآن فقط قد اطلعت على الهيلمانة التي اقمتها لي
و استغربت من رفع البوست بهذه الطريقة و كمية الردود ... في الأول فرحت و قلت يمكن
يكون زول حضر الحفلة و للا ناس تكون عارفة الخبر تقوم تأكدو ... لكن للأسف لقيت أغلب
الردود مبنية على زبحك لي دون أن تنتظر مني الرد ..... و جابت ليها خاف الله و كأنني
جئتك بالإفك .... على العموم يا أخ طارق يا ود حلتنا و يا فنان قبل أي شي ممكن أطلب منك
طلب واحد قبل ما تنفذ فيني حكمك بالإعدام ...؟؟؟؟؟؟
امهلني عدة ساعات و خللى الناس الكانو في الحفلة يصحوا عشان أديك الأكيدة الكتلتني عشانا
و لو ضربت لنانسي قبل ما أرد عليك ... اسالها لي اذا كان تلقت أي عرض من الجالية السودانية
بالسويد و ليس السفارة السودانية بالسويد و جاييك يا فنااااااااااااان مادام ما دخلتنا في
العيب و الحرام
حلال عليك ياعم و عاجباني الصداقة
مودتي

Post: #28
Title: Re: نانسـي عجـــاج
Author: Tragie Mustafa
Date: 07-01-2007, 04:56 AM
Parent: #27

القلب النابض
نانسي تقبل ولا ما تقبل دي ما قضيتنا
قضيتنا انه عندها قريبتها هبله وريالتها سايله .
يكون عندها باس ويرد ولا ما عندها برضها ما بتقدر تسكتني وانت عارفه.
Quote: تراجي اعقلي عليك الله ماف داعي للإساءة ولا اعتقد ان نانسي تقبل
ان تقولي كدة في اختها او بت عمها ..

عليك الله يا القلب النابض هي الزوله دي خلت محال للعقل
و المؤسف قالوا بتخضر في دكتوراه!!
انا غايتو ما محيراني الا الدكتوراه البقى بحضرها كل من هب ودب دي؟؟؟

Post: #29
Title: Re: نانسـي عجـــاج
Author: فيصل نوبي
Date: 07-01-2007, 06:28 AM
Parent: #28

هو في شنو ؟
و منو قال لي منو شنو ؟؟
أصبحنا و أصبح الملك لله !!!!


كنت فاكر انه نانسي دي بتذهبي بعقلي لوحدي .
إتضح لي أنها تذهب بكل العقول .. حتي الصفوة !!



زي ما قال واحد صاحبنا انه صاحبه بيقول
التحية لكل من مر من هنا ...


الي حين عودة

Post: #31
Title: Re: نانسـي عجـــاج
Author: محمد البشرى الخضر
Date: 07-01-2007, 07:03 AM
Parent: #29

تاني بالله يا نوبي لو عاوز تطربنا
جيب لينا حاجة لي علوية جلكسات أو لي منى تبش
ديل كان غنو لي إبليس نفسه مافي زول بجيب خبرهم

Post: #30
Title: Re: نانسـي عجـــاج
Author: tmbis
Date: 07-01-2007, 06:59 AM
Parent: #28

Quote: انا ورغم حبي للناسي عجاج
والما ليه علاقه اطلاقا ببنت اهلها الهبله دي الامسها بت عجاج
عضوة هذا المنبر وحتى لو هي اختها برضو ما بتهمني لانه واضح انه
مافي علاقه فكريه بين الاثنتين.
لذا اكرر لم اتررد ان اصف نانسي بالسدنه رغم حبي لها
لو غنت في حفلة سفير انقاذي حتى لو عامل حركه شعبيه
زي السفير بتاع واشنطون الاهبل الفضح الحركه الشعبيه.
يبقى الموضوع ما ننانسي ولا حوجه لوصف الناس بأعداء النجاح وغيره
وانما عندنا خطوط واضحه هنا لا مجامله حتى لاخواننا واخواتنا.
وقدوتنا هشام هباني المسح باقرابائه الارض لانهم كيزان.
التحيه للمبدعه نانسي عجاج
وربنا يحفظك ويبعدك من السدنه ودهائهم.
نتابع مسيرتك بفخر ومحبه
ورفعت راسنا وكلنا ثقه انك نموذج لفنانات السودان الجديد المرتبطات بقضايا شعوبهم
الغير بائعات لفنونهن وموهبتهن لمن يدفع اكثر.
وشكرا يا طارق لاهتمامك بتصحيح الخبر
وشكرا استادنا فضيلي جماع لاشراكنا في رايك حول نانسي عجاج.
وتأكدي بان الاخ غباشي ليس الا عاشق لفنك
وكان ناوي يحضر لك لو جابتك السفاره او الجن ذاته.
..
Quote: القلب النابض
نانسي تقبل ولا ما تقبل دي ما قضيتنا
قضيتنا انه عندها قريبتها هبله وريالتها سايله .
يكون عندها باس ويرد ولا ما عندها برضها ما بتقدر تسكتني وانت عارفه.

Quote: تراجي اعقلي عليك الله ماف داعي للإساءة ولا اعتقد ان نانسي تقبل
ان تقولي كدة في اختها او بت عمها ..


عليك الله يا القلب النابض هي الزوله دي خلت محال للعقل
و المؤسف قالوا بتخضر في دكتوراه!!
انا غايتو ما محيراني الا الدكتوراه البقى بحضرها كل من هب ودب دي؟؟؟
تراجي بالمناسبة إنت شخصية عجيبة جدا .. وكل يوم بتوضحي مدى ضحالتك وركاكتك وضخصنتك للأمور ..
أولا البوست ده بتاع غنا .. ما ليهو علاقة بالحركات البتعملي فيها هنا ده .. يعني بي كل هدوء اطلعي منها .. علشان بعد شوية ما تجي تقولي لينا نانسي دي أول فنانة دارفورية ..
بعدين واحد + واحد = اتنين ..
الكلام الكتبتيهو ده لو جات أي واحده كتبتو هنــا كان سمعت كلام فارغ لحدي ما ربنا يغفر ليها .. الناس الهللت ليك هنا قبل يومين وانصفتك لما اتعرضت ليك بت عجاج . مفترض هنا تجي تكتب ليك كلمة واضحة .. علشان ما تكون في سياسة إزدواجية وتسرحي وتمرحي إنت وتشتمي وتسبي على هواك وبالتالي تحولي لينا المحل ده لي ماخــور .. امخــر من كدا ..
حقك خلصوهو ليك وفوق عليهو بوسه .. مليون بوست مفتوح بيمجد فيك .. جيتي الآن بي كل وقاحة معروفة فيك .. بتهاجمي في زولة مفصولة هنا بي مفردات لو اتقالت ليك بيجي مليون واحد بيفتح بوست ويكورك تراجي عملو ليها وتراجي قالو ليها ..
ما ملاحظة انك بتحرجي الناس القاعده تدافع عنك هنــا ..؟

لما نكتب عن الفن وعن الغناء .. إنت ومجموعتك قاعدين تطيرو لينا في حلقنــا ..
بلاي البخليك تجي تفتي هنا في نانسي عجاج شنــو ..؟
خلاص انتهيتو من مشكلة دارفور ومشكلة العبيد واولاد العرب قبلتو على الغناء كمان ..
نانسي شنو العايزه تدخليها لينا في جدليات سودان جديد وسخف فارغ ..؟


استغرب جدا .. لماذا تسرح هذه الشخصية الغريبة الأطوار ..

ولماذا أرى أمثال الاستاذ فضيلي جماع يتقاضون عن توجيه نصحهم المعهود في أمثال هذه الحالات المتطرفة ؟؟


في انتظار أن نرى ما حقيقة هذه المتناقضات التي اصبحت تصدمنا هنا كل صباح .. في ظــل استهبال عديدة كبيرة من البشر ..

هل وجب احترام الاسماء هنا أم التعامل معهم حسب مواقفهم الهزيلة الجبانة المزدوجة المعائير ..؟؟

Post: #37
Title: Re: نانسـي عجـــاج
Author: Tragie Mustafa
Date: 07-01-2007, 07:55 AM
Parent: #30

تمبس
انا طبعا ما عندب زمن لزي كلامك الفارغ ده
فبالله لو عايزني اقرأه ما تكثر منه

Quote: تراجي بالمناسبة إنت شخصية عجيبة جدا .. وكل يوم بتوضحي مدى ضحالتك وركاكتك وضخصنتك للأمور ..
أولا البوست ده بتاع غنا .. ما ليهو علاقة بالحركات البتعملي فيها هنا ده .. يعني بي كل هدوء اطلعي منها .. علشان بعد شوية ما تجي تقولي لينا نانسي دي أول فنانة دارفورية ..
بعدين واحد + واحد = اتنين ..
الكلام الكتبتيهو ده لو جات أي واحده كتبتو هنــا كان سمعت كلام فارغ لحدي ما ربنا يغفر ليها .. الناس الهللت ليك هنا قبل يومين وانصفتك لما اتعرضت ليك بت عجاج . مفترض هنا تجي تكتب ليك كلمة واضحة .. علشان ما تكون في سياسة إزدواجية وتسرحي وتمرحي إنت وتشتمي وتسبي على هواك وبالتالي تحولي لينا المحل ده لي ماخــور .. امخــر من كدا ..
حقك خلصوهو ليك وفوق عليهو بوسه .. مليون بوست مفتوح بيمجد فيك .. جيتي الآن بي كل وقاحة معروفة فيك .. بتهاجمي في زولة مفصولة هنا بي مفردات لو اتقالت ليك بيجي مليون واحد بيفتح بوست ويكورك تراجي عملو ليها وتراجي قالو ليها ..
ما ملاحظة انك بتحرجي الناس القاعده تدافع عنك هنــا ..؟

لما نكتب عن الفن وعن الغناء .. إنت ومجموعتك قاعدين تطيرو لينا في حلقنــا ..
بلاي البخليك تجي تفتي هنا في نانسي عجاج شنــو ..؟
خلاص انتهيتو من مشكلة دارفور ومشكلة العبيد واولاد العرب قبلتو على الغناء كمان ..
نانسي شنو العايزه تدخليها لينا في جدليات سودان جديد وسخف فارغ ..؟


استغرب جدا .. لماذا تسرح هذه الشخصية الغريبة الأطوار ..

ولماذا أرى أمثال الاستاذ فضيلي جماع يتقاضون عن توجيه نصحهم المعهود في أمثال هذه الحالات المتطرفة ؟؟


في انتظار أن نرى ما حقيقة هذه المتناقضات التي اصبحت تصدمنا هنا كل صباح .. في ظــل استهبال عديدة كبيرة من البشر ..

هل وجب احترام الاسماء هنا أم التعامل معهم حسب مواقفهم الهزيلة الجبانة المزدوجة المعائير ..؟؟


وغارف انت شوبيرك ده هو البجيب لك الشتميه
وابقى في السكلبه وفتح البوستات قالوا لي وعادوا لي والحقوني....


Quote: نانسي شنو العايزه تدخليها لينا في جدليات سودان جديد وسخف فارغ ..؟


والله الزوله ممتازه وامشي اقرأ كلام كودي عنها ....وبيوضح التزامها بقضايا شعبها.
بس الفقره الاخيره كتبته رودا مرد فلا تهتم بها.

Post: #69
Title: Re: نانسـي عجـــاج
Author: tmbis
Date: 07-01-2007, 12:46 PM
Parent: #37

Quote: تمبس
انا طبعا ما عندب زمن لزي كلامك الفارغ ده
فبالله لو عايزني اقرأه ما تكثر منه
.. كلامي اكيد بيكون فارغ .. لانو مليان حقائق وليس به اسفاف ..
Quote: والما ليه علاقه اطلاقا ببنت اهلها الهبله دي الامسها بت عجاج
.. زي الكلام ده ما بيصدر من شخص زيك واقفو معاهو الناس كلهم ولسه البوستات مفتوحة ..
Quote: قضيتنا انه عندها قريبتها هبله وريالتها سايله .
هذه قضيتك بالفعل تفريغ كل القاضايا هنا واستعمال الشخصي والاساءة .. هذه اساءة مباشرة لا يجب ان تصدر منك في حق العضوة المفصولة بسبب توديه نفس الاساءة لك ..
إذا كنت تعتقدين أنك خلصتي حقك بلسانك ولك الحق كما ذكرتي .. فكيف سترد لك هذه العضوة وهي بالخارج ؟؟
اما كان الاجدر بك ان تحترمي نفسك وتحترمي من وقف بجانبك وتحترمي نانسي عجاج وتحترمي روادج هذا البوست ..؟
متى تتعلمين الاحترام دون اشهار العضلات اللسانية ؟؟
Quote: وغارف انت شوبيرك ده هو البجيب لك الشتميه وابقى في السكلبه وفتح البوستات قالوا لي وعادوا لي والحقوني....
من يشتم هو ضعيف الحجة .. خاوي الفكر والرأس ... استمتع بكل الذين يوجهون السباب وأنت زعيمتهم .. يدل هذا على تواضعهم الفكري .. فعندما يعجز العقل يتكلم الجسد واللسان البذئ .. فأنت لم تجعلي خيارات تعتقدين أن الشتيمة يسترد بها حق ..
ثم:
أنني اخلص حقي بكل موضوعية .. لا اسكلب وافتح البوستات لاستجدا العطف .. وانتظر حتى تأتيني الشلة اياها المعتادين على أن نراها تركض من خلفك .. وتصمت عند الحق .. فيظهروا بالمظهر الهزيل .. الذي يبعدنا عن احترامهم مهما كانت مكانتهم هنا.. فكل من ينصفك على الغير في تحيز واضح .. اعتبره في مكان لا يرتقي إلى مستوى المسؤولية ولا هو الشخصية التي يجب احترامها..

Post: #32
Title: Re: نانسـي عجـــاج
Author: Khalid Kodi
Date: 07-01-2007, 07:06 AM
Parent: #24

أستاذنا فضيلى،

تحياتى،

نانسى ليس فنانه موهوبه وذى ملكات صوتية ومتميزه وحسب،

ففوق كل هذا نانسى فنانة "مغايرة"...و فنانة ملتزمة ومنحازة.

تشرفت بالعمل معها وآخرين /أخريات عدة مرات لدعم أهلنا فى دارفور منذ بدايات العام 2004 ومابعدها فى عدة فعاليات ذى علاقة بدارفور تحديدا...

قبل ذلك عملت نانسى فى منظمات نسوية معروفة بإنحيازها للهامش وقامت بإحياء عشرات الفعاليات لدعم الهامش ونساء الهامش...مساهمات نانسى فى تلك الفعاليات لم تكن "بالغناء والذى تتغمصه ويتغمصها " وحسب، إنما قامت بمهام كثيرة لايقوم بها إلا إنسان ملتزم .

الفنانة نانسى ذى حس وطنى عميق ، هو بوصلتها لإختيار اين تشارك بأعمالها وأين لاتفعل...

فإن إختارت المشاركة فى الغناء فى مناسبة ينظمها أحد سفراء السودان عن الحركة الشعبية ...لابد أن هنالك سببا ما لهذا القرار...نانسى كما أعرفها من الداعمين لبرنامج الحركة الشعبية.

أثق فى خيارات نانسى فهى ليس من النوع الذى يمكن التأثير علية سلبا من قبل المرجفين الذين من الافضل لهم الابتعاد عن محاولات التشهير وتشويه مواقف الشرفاء.

Post: #33
Title: Re: نانسـي عجـــاج
Author: Saifeldin Gibreel
Date: 07-01-2007, 07:28 AM
Parent: #32

كتبت الاخت تراجي فى ردها على القلب النابض:

Quote: نانسي تقبل ولا ما تقبل دي ما قضيتنا
قضيتنا انه عندها قريبتها هبله وريالتها سايله .
يكون عندها باس ويرد ولا ما عندها برضها ما بتقدر تسكتني وانت عارفه.


الاخت تراجى خالص تقديرى لك ولكن هذا القول ما كان يجب عليك ان تتفوهين به فما دخل نانسي عجاج بقريبتها وهذا اسفاف يضر بمجمل القضايا التى تدافعين عنها فبالامس وقفنا معك بما تفوهت به بنت عجاج فى حقك ولكن اليوم لابد ان نقول لك هذا الكلام خطأ ويجب ان تعالجى هذا الموقف بشئ من الحكمة.

Post: #40
Title: Re: نانسـي عجـــاج
Author: طارق الأمين
Date: 07-01-2007, 07:59 AM
Parent: #32

الاخ غباشي

سلامات

خلاص عرفتك زول غنا وبهجه

عذرا فقد اندهشت

ليس لتلبيتها الدعوه من عدمها

فهذا شأنها وتقديرها

لكن اندهشت لاني كنت متأكدا

من وجودها في لندن

في ذات لحظه ظهور مداخلتك

ونانسي عجاج اخت فاضله

وفنانه حقيقيه

وربمالايفيد اقحامها

في تصنيفات حاده

فالكثيرون يستمعون لها

ولوارادت ان تعلن لها اي انتماء

او موقف سياسي لفعلت

في الزمان والمكان الذي تراه مناسبا

وقد رأيتها متناسقه الافكار

وهزني نحيبها وهي توزع الحلوي والهدايا

للاطفال مجهولي الابوين

الذين اصرت علي زيارتهم

منذ اللحظات الاولي لقدومها للسودان

مثلما غنت لهم اغنيه محجوب شريف

ورأيتها تشارك في مناسبات تخص قضاياناالكبري

مثل ماساتنا في دارفور

كما تفضل وذكر الاستاذ الفاضل كودي

وعرفت ان الاخت تراجي تعجب بها

وكذلك معتز القريش وانت وانا

والكثيرون

لذا اري ان نحذرالتناول المتعجل للاخبار

فقد يضر برحلتها باكرا في مثل هذا المكان

ولو سمعت اخبار عنك كمان مش صحيحه

حتلقاني برضو المحامي والناطق الرسمي

اقتراح قفل الموضوع

والتركيز علي موضوع البوست

ويانوبي

عشان تاني تفتح ليك موضوع وتنوم بدري

تحياتي ومودتي للجميع

Post: #47
Title: Re: نانسـي عجـــاج
Author: فيصل نوبي
Date: 07-01-2007, 08:56 AM
Parent: #14

الف شكر أستاذ ابراهيم عدلان.
أسعدني مروركـ
لك التحايا .

Post: #34
Title: Re: نانسـي عجـــاج
Author: Alfarwq
Date: 07-01-2007, 07:40 AM
Parent: #1

يا تمبس ياخوي انت لسع بتفتش في عدل في هذا المنبر ياخي الحكاية اصبحت كومي و كومك. اؤكد ليك انو مافي واحد من الشرفاء الواقفين المخلوفة دي عندو الشجاعة يدينها اذا اخطاءت, شنو اخطاءت هي الخطاء يمشي على قدمين.

تمبس خليك منها و منهم ... جاي في شهر 8 زيارة عمل لمدة اسبوعين للملكة اناء الله نقابلكم

تراجدي المتسلقة عرفنا انك ما محترمة في شئ تاني دايرنا نعرفوا؟

Post: #35
Title: Re: نانسـي عجـــاج
Author: Tragie Mustafa
Date: 07-01-2007, 07:44 AM
Parent: #34

الاخ سيف جبريل
انت يفترض انك لم تقف معي وانما وقفت مع الحق
فان قلت رايك لاجلي فاسحبه
وان قلته لاجل الحق فابقيه.

انا لم اكتب ذلك الا للقلب النابض التي ارادت ربط اعجابي بنانسي
عجاج بان اكف لان ذلك لن يعجب نانسي.
وانا اكدت لها بانني لا انتظر صكوك غفران من نناسي او سواها.
ولن اكف.
وشكرا لكتابتك وانا حره في كتابتي ايضا.

Post: #36
Title: Re: نانسـي عجـــاج
Author: Tragie Mustafa
Date: 07-01-2007, 07:47 AM
Parent: #35

خالد كودي
انت منو عشان تثق او ما تثق؟؟؟
Quote: أثق فى خيارات نانسى فهى ليس من النوع الذى يمكن التأثير علية سلبا من قبل
المرجفين الذين من الافضل لهم الابتعاد عن محاولات التشهير وتشويه مواقف الشرفاء.

المرجفين الذين سقط اخلاقيا امامهم ولا منو؟؟؟والشهر منو؟؟
احسن تحمل بقج غبائنك بعيد وتبتعد عن هذا البوست.
كل يوم مواقف جديده تثير الرثاء عليك.

Post: #38
Title: Re: نانسـي عجـــاج
Author: Khalid Kodi
Date: 07-01-2007, 07:57 AM
Parent: #36

سنعود إليك.

Post: #39
Title: Re: نانسـي عجـــاج
Author: Tragie Mustafa
Date: 07-01-2007, 07:57 AM
Parent: #36

يا تمبس
نسيت اقول لك ناس استاذ فضيلي جماع ديل عارف بقوا محترمين ليه؟؟؟
لانهم ما بحشروا نفسهم في الما ليهم فيه
Quote: ولماذا أرى أمثال الاستاذ فضيلي جماع يتقاضون عن توجيه نصحهم المعهود
في أمثال هذه الحالات المتطرفة ؟؟

محاوله رخيصه لاستدارج الاتساذ فضيلي جماع ليتبنى وجهة نظرك المعروف دوافعها.

Post: #41
Title: Re: نانسـي عجـــاج
Author: Hussein Mallasi
Date: 07-01-2007, 08:10 AM
Parent: #39

و ما تغني في حفل استقبال السفير كان داير تغني!

____
عاش محمد عثمان وردي
البغني محل ما داير!!

Post: #43
Title: Re: نانسـي عجـــاج
Author: Tragie Mustafa
Date: 07-01-2007, 08:14 AM
Parent: #41

طارق الامين
عامل زعلان يعني
Quote: شكرا اختي تراجي عبد المنعم

عشان كتبت
Quote: طارق ابوبكر
ولا يهمك يا اخي ولك العتبى
اعتقد انت بتاع سودانيات ايضا مش كده؟؟؟

Post: #45
Title: Re: نانسـي عجـــاج
Author: طارق الأمين
Date: 07-01-2007, 08:45 AM
Parent: #43

تراجي

Quote: ولا يهمك يا اخي ولك العتبى
اعتقد انت بتاع سودانيات ايضا مش كده؟؟؟


الله يجازي المحن والله

سودانيات وين والجابا شنوهنا

انا بكتب في منبر واحد بس

هو سودانيز اونلاين

وحاخليهو قريب انشالله

بس اتعالج من

ادمان الجلوس امام هذه الشاشه اللعينه

وعندي اسم واحد في اي مكان

طارق الامين

ابو صلعه

وتقدري تتأكدي من اي مكان

ياتراجي اظنك بقيتي تشككي في اي حاجه

مين طارء ابوبكر دا؟

المهم ماعلينا بكره تعرفي الحئيأه

ياخوانا اختنا نانسي عجاج دي

البحبوها الناس المتباينين ديل

من تراجي وحتي القريش

بقت من الشدرات القليله وحبببببببه

عشان نستريح في ضلها كلنا

بدون تناحر او تنابذ

وبدون اخوها منو وبت خالاتا منن

ماتفوتو فرصه صوت زي دا

فيهو ضل قدر دا

والزوله لوعرفتوها

تستحق انو نجنبا اي نقاش سالب

اسي فيصل نوبي دا

يسمعكم غناها كيف مع العجاجه دي؟

فيصل

اعمل زغبير وافتح بوست تاني سريع

ونزل الغنا

واكتب فيهو

الرجاء عدم اصطحاب السياسيين

مودتي وتحياتي للجميع

Post: #46
Title: Re: نانسـي عجـــاج
Author: طارق الأمين
Date: 07-01-2007, 08:51 AM
Parent: #41

ههههههههههههههههه

اقبض

جابت ليها حسين ملاسي

الليله اظنو ربه للصباح

Post: #71
Title: Re: نانسـي عجـــاج
Author: tmbis
Date: 07-01-2007, 01:00 PM
Parent: #39

Quote: يا تمبس
نسيت اقول لك ناس استاذ فضيلي جماع ديل عارف بقوا محترمين ليه؟؟؟
لانهم ما بحشروا نفسهم في الما ليهم فيه
.. عندما يصدر كلام فاحش فيه الكثير من الاساءات الشخصية .. وعندما نرفع صوتنا بالشتم والسباب في حضرة اساتذتنا ونضعف وضعهم ونحرجهم بتصرفاتنا الغير مسؤولة .. هنا تظهر القيمة الفعلية للاحترام .. ودونه ..
في وجود من عتقد انهم اساتذتنا وقدموا لهذا الجيل ما قدموا يجب اولا انا نتأدب حتى في مفرداتنا .. فأهل اللغة والادب وهبوا من نفسهم وزمنهم لتسخير اللغة في خدمة البشرية لا في سباب البشرية .. وعليه ما زلت اصر على كيف أن ليس هناك كبير لديك .. ؟
وكيف أن كل هذا الكم الهائل من الذين ركضوا من خلفك مهللين بعظمة سلطانك .. كيف انعقد لسانهم الآن ..
وكيف لا يستطيع مثل الاستاذ فضيلي جماع الذي احرجتيه بالبوست المجاور ... الذي ذهبتي بسرعة ورفعتيه وكتبت مداخلتك المضحكه محزراني عن عدم الدخول هنا قبل مراجعة تاريخ البوست ..
كيف لا يتسطيع ان يرسل لك عبارة واحده فقط ليثنيك عن هذه الممارسات وهذه الشتيمة التي في غير موضوعها وليس الغرض منها إلا تصفية حساب في غير موضعه..
Quote: محاوله رخيصه لاستدارج الاتساذ فضيلي جماع ليتبنى وجهة نظرك المعروف دوافعها.
.. لا تعتقدي اني اتعامل بخبث مثلك واسعى لتوريط الغير وجرهم في صفي .. استاذ فضيلي جماع اكن له ما اكن من احترام .. من حق الاسماء الكبيرة توجيه النص والارشاد للصغار عندما يتمادون في السب والشتيمة ..
ما زلت في انتظار كل الكم الهائل من الذين هتفوا من خلفك .. في نفس هذا الموضوع ..
أين هم الآن .. من عباراتك الوضيعة ..؟

Post: #42
Title: Re: نانسـي عجـــاج
Author: محمد صباحى
Date: 07-01-2007, 08:12 AM
Parent: #36


Post: #44
Title: Re: نانسـي عجـــاج
Author: فيصل نوبي
Date: 07-01-2007, 08:38 AM
Parent: #1

تراجي انتي زعلانة كده ليه ؟؟؟
مش هسي عندكم الفجر يعني مفروض تمشي تنومي و تريحي أعصابك بدل ما يطق ليكي عرق ولا يجيك ضغط..


بت عجاج دي تغني لي أي زول انتي ما عليكي الا تسمعي او تسدي إضنينك و بس .
و بت أهلها أختي و عارفة قدر نفسها.








طارق الامين
كيفك يا منقه
ياخ شوف لينا كم صورة من عصام عبدالحفيظ ولا طلال عفيفي يرجعو البوست لي مساره الطبيعي

Post: #48
Title: Re: نانسـي عجـــاج
Author: فيصل نوبي
Date: 07-01-2007, 09:03 AM
Parent: #44

ولي المساء

فلق الصباح

Post: #49
Title: Re: نانسـي عجـــاج
Author: طارق الأمين
Date: 07-01-2007, 09:08 AM
Parent: #48

ولي المساء

فلق الصباح



فيصل نوبي

قبضتك

مابتعرف مش؟
















انا زاتي مابعرف

يامتتمبس

اتمبس علي قدر لحافك

Post: #50
Title: Re: نانسـي عجـــاج
Author: فيصل نوبي
Date: 07-01-2007, 09:14 AM
Parent: #49

ما كده بس ما لاقي لي صور

خليني أفتش ..

بس انت برضو شد لي عصام سلك .

Post: #57
Title: Re: نانسـي عجـــاج
Author: طارق الأمين
Date: 07-01-2007, 09:58 AM
Parent: #50

سمح

اها دا سلك

Post: #51
Title: Re: نانسـي عجـــاج
Author: Saifeldin Gibreel
Date: 07-01-2007, 09:16 AM
Parent: #44

الاخت العزيزة تراجى سلام وتقدير ونأتى لما سطره يراعك.

Quote: الاخ سيف جبريل
انت يفترض انك لم تقف معي وانما وقفت مع الحق
فان قلت رايك لاجلي فاسحبه
وان قلته لاجل الحق فابقيه.

انا لم اكتب ذلك الا للقلب النابض التي ارادت ربط اعجابي بنانسي
عجاج بان اكف لان ذلك لن يعجب نانسي.
وانا اكدت لها بانني لا انتظر صكوك غفران من نناسي او سواها.
ولن اكف.
وشكرا لكتابتك وانا حره في كتابتي ايضا.


كنت ولا ازال اؤمن بالراى والراي الآخر مهما كان من هو الطرف الاخر ، وانت تدافعين عن قضية تشغل ازهان الكثير من رواد هذا المنبر ، بل قضية شغلت العالم بأثره، لذلك من الحكمة والكياسة أن نتعامل بوعي لان كل هذه الاشياء محسوبة على قضيتك ، وليس فى عرفى تبخيص اشياء الاخرين ولكن هذه رؤيتى حسب خبرتى وتعاملي مع الاشياء من خلال التجارب الثرى التى مشيناه فى مشاوير ودروب هذه الحياة الوعرة ، وليس لشئ غير الحلم بحياة ملؤها السلام والامان للانسانية جمعاء، حرية تشمل كل اهلنا الطيبين فى السودان والمقلوب على امرهم، كما اتمنى اننتعامل مع الاحداث من خلال احداثيات الذمان والمكان لما له من أهمية ، فأدوات الصراع المجتمعى يجب ان تطور، فلذلك الديمقراطية تستوعب وتسع كل الوان الطيف والا لما كانت هذه الديمقراطية التى ننشدها ونعمل من اجلها.

Post: #54
Title: Re: نانسـي عجـــاج
Author: عصام عبد الحفيظ
Date: 07-01-2007, 09:27 AM
Parent: #51







نانسى عجاج
لكى التحية
وللزعيم نوبى


وهذه بعض من صور نانسى وهى تزور
مركز اطفال المايقوما للاطفال
مجهولى الابوين







واخرى وهى فى زبارة للفنان العظيم
الاستاذ عثمان حسين بمنزله







Post: #55
Title: Re: نانسـي عجـــاج
Author: فيصل نوبي
Date: 07-01-2007, 09:32 AM
Parent: #54

ينصر دينك يا فنان

ياخ أثلجت صدري يا عصام
ربنا يزيدك كمان و كمان

و أعطينا مما أعطاكم الله . ( شحده عديل يا عصام )

Post: #52
Title: Re: نانسـي عجـــاج
Author: abuguta
Date: 07-01-2007, 09:20 AM
Parent: #44

Quote: ولا يهمك يا اخي ولك العتبى
اعتقد انت بتاع سودانيات ايضا مش كده؟؟؟




طارق الامين دا بتاع سودانيات
يعنى فرقة بتعتنى بالشئون السودانية
مسرح ,ثقافة,غناء كوميدى,حل المشاكل كومديا

لكن هى بتقصد خالد الحاج المناضل الجسور
الذى دخل بيوت الاشباح,,ثم هاجر لهولندا
وكان من اوئل اعمدة البورد,ايام الزمن الجميل
قبل ناس ساس يسوس
وعرق السوس
وتور الجواميس
وقوم جواسيس
لو طبلت لهم انت ريس
ولو ناصحتهم انت تيس
لوصليت فى الحرم
خلف السديس
انت انقاذى فطيس


عموما طارق الامين عضو فرقة الهيلا هوب
وخالد الحاج صاحب سودانيات

اسالونا عن المواقع والقنوات


Post: #86
Title: Re: نانسـي عجـــاج
Author: Tragie Mustafa
Date: 07-01-2007, 02:54 PM
Parent: #44


نوبي
عن اي عجاج في العجاجات بتتحدث؟؟؟
Quote: بت عجاج دي تغني لي أي زول انتي ما عليكي الا تسمعي
او تسدي إضنينك و بس .و بت أهلها أختي و عارفة قدر نفسها.

نانسي عجاج تغني فوق راسنا ,وننطرب ليها كمان.
الا بت عجاج بتاعت المنبر بنأدب ابو اهلها.
واياك ان ترد علي لو عايزيني اتخارج

Post: #53
Title: Re: نانسـي عجـــاج
Author: تماضر الخنساء حمزه
Date: 07-01-2007, 09:24 AM
Parent: #1

غنّاية وسمحة





ربي يحفظك نانسي

Post: #56
Title: Re: نانسـي عجـــاج
Author: فيصل نوبي
Date: 07-01-2007, 09:35 AM
Parent: #53



ولى المساء الواله المحزون في جـوف الضباب
و أنا اهيئ زيـنتـي و اعد مفتخـر الثياب
آمـلا لقياك الحبـيـب و يصـدنـي زهو الشباب


``````````````````
أمسـي مـضـى بين التحسر والأنـين
و وسـادتي بـلـلتـها بالدمـع و الدمـع السخـيـن
مـع تباشير الصبـاح و بسمة الفجر الأميـن
غنـيـت مـثـل الطـيـر
فـرحا فـي ريـاض العـاشـقيـن


~~~~~~~~~~~~~~~~~~
تـسرى النسائم عذبة و أنا اهيم بلا ملال
و تقودني الآمال في دنيا المباهج و الخيال
وهناك أرقد في الرمال ولا أرى غير الرمال


```````````````````
غدا أذوب مهجتـي في حر أنفاس الغرام
ارنو اليك وا لوعتي ظمأا تأجج في ضرام
و أبيت أعشق في الدجى طيفا ينادى في منام
أنا لن أعيش (..) بحبه أنا غـيـر أحبابي حطام


~~~~~~~~~~~~~~~~
غدا نـكون كـما نـود و نـلتـقي عـند الغروب
غـدا تجـف مـدامـعـي و تزول عن نفسي الكـروب
غدا تعود مـبـاهجـي
غـدا حـبـيـبـي حـتـما يعـود!

Post: #58
Title: Re: نانسـي عجـــاج
Author: طارق الأمين
Date: 07-01-2007, 10:15 AM
Parent: #56

نوبي البوست استعدل

عليك الله وقف لينا زول بره

في خشم باب البوست

اشالله تجيب ناس الهدف

عشان كان جا اي زول

عنكبه شنكبه

يصفر لينا

ونوطي صوت الغنا

ونعمل نايمين

لحدي ما يتخارج

اششششششششش

تراجي

تعال اسمعي الغنا دا

وبعد تتخارجي من هنا

امشي ربيها شكله في اي حته

وابدي من الجيران


الواله

تيرا رم ترمترم

المحزون في ي ي ي

جوف الضباب

تارا رم

وانا اهئ زينتي

واع ي يدمفتخر الثياب

ااااملا

تيييرم

ااملا لقياا ا اكالحبيييييييب

يشدني ي ي

زهو ال شاباب

نيرم تيرم تيرم



التعديل لاضافه ترم ناقصه

Post: #60
Title: Re: نانسـي عجـــاج
Author: saadeldin abdelrahman
Date: 07-01-2007, 10:28 AM
Parent: #56

ده مالو باقي بي زي خطي كدا

نوبينا يا حبيبو
كنت جاي الحق البوست امات طه
علا جرستـكم انت و طارق
دي كسرت قلبي ههههه

Post: #61
Title: Re: نانسـي عجـــاج
Author: فيصل نوبي
Date: 07-01-2007, 10:43 AM
Parent: #60

يا دفعة

ياخ الزول يقول يبعد من الجوطه تجيو لحد عندو نعمل شنو بس

هسي عليك دينك في زول بيسمع بت عجاج دي و يتشاكل خليك من جرستنا و عزيزي طارق

الواحد لا عارف يرد علي الناس الفوق
ولا يتشاكل ولا يجيب باقي الالبوم و لا يستمتع ولا يدور المديدة حرقتني

خبرك شنو ؟
قاطع شديد .. شايفك مسردب

Post: #62
Title: Re: نانسـي عجـــاج
Author: saadeldin abdelrahman
Date: 07-01-2007, 11:07 AM
Parent: #61

مسردب ساي؟

يا مان ما هندكم مشكلة..
بقعد ليكم في باب البوست و اشنكل ليكم الشرامة
لوووول
والله بقيت هادئ و رضي لمن ما عرفتك ههههه
خليك دائما كدا..حرارة القلب هنا بتجيب الخفيف
طبعا ضربت لمن قنعت منك
كل يوم رقم؟!

و كمان مافي زول برفع؟
غياظ انتا ياخ!

Post: #63
Title: Re: نانسـي عجـــاج
Author: طارق الأمين
Date: 07-01-2007, 11:14 AM
Parent: #62

سعد الدين

والله اسمك دا فيهو حلاة دين يافطة محاماه


سعد الدين عبد الرحمن

المحامي والموثق

الخرطوم




مباالغه

تأجرو؟؟؟



Post: #72
Title: Re: نانسـي عجـــاج
Author: saadeldin abdelrahman
Date: 07-01-2007, 01:04 PM
Parent: #63

حضرات المستشارين
السادة القضاة

في بلاد العيونن زرق ديل.. بقولوا لي إسمك دا مالو زي القطر؟؟
و في بلادي يصلح كإسم سياحي جدا لقانوني.. فعلا العز أهل
والله يا طارق أخوي
قالوا الكلمة الطيبة صدقة
و انت تتصدق علينا بالبسمة لا من ولا أذي!
اها الإسم دا علي الحلال تاخدوا و ما تقول حاجة
بيني بينك هو إسمي + إسم جدي أو على قول أولاد جون إسم العائلة
تسلم كتير و تحياتنا لأختنا المبدعة و الإنسانة نانسي.

Post: #59
Title: Re: نانسـي عجـــاج
Author: فيصل نوبي
Date: 07-01-2007, 10:23 AM
Parent: #53

طُمطُم
كيفك يا صديقة ..

سمح اللي في بالي

7abartagia

بشاشيلِك

Post: #65
Title: Re: نانسـي عجـــاج
Author: محمد صباحى
Date: 07-01-2007, 11:54 AM
Parent: #59

من الارشيف


















Post: #66
Title: Re: نانسـي عجـــاج
Author: Ahmed Mohammed Osman
Date: 07-01-2007, 12:01 PM
Parent: #59



الي
نانـــسي عجــــاج
(لو كانت بتقرا البوست دا، لو ما بتقرا النبي فوقكم كان توصلو ليها)

يا اغلي زول مالك زمام سمح الكلام
قلبه الوسيع شايل حنان
بعرف يهون كل قاسي علي الدوام
من دون تحس
ثلقاه فيك سكن المسام
انشالله دايما انت طيب
وليك فرح في كل عام

Post: #64
Title: Re: نانسـي عجـــاج
Author: فيصل نوبي
Date: 07-01-2007, 11:43 AM
Parent: #1






يا دفعة
ليه بنهرب من مصيرنـــــــــا

Post: #67
Title: Re: نانسـي عجـــاج
Author: محمد صباحى
Date: 07-01-2007, 12:33 PM
Parent: #64






______________________________

تصوير عصام عبد الحفيظ

Post: #68
Title: Re: نانسـي عجـــاج
Author: Ahmed Mohammed Osman
Date: 07-01-2007, 12:42 PM

يا محمد صباحي
شكرا علي الصور
لكن يا اخوي ارشيفك دا ما بكمل؟؟

كان فيهو حاجة تانية ما تبخل
منتظرك

Post: #74
Title: Re: نانسـي عجـــاج
Author: فيصل نوبي
Date: 07-01-2007, 01:14 PM

لا اله الا الله

محمد صباحي ...

واااااااااااااااصل ما تقيف .

Post: #76
Title: Re: نانسـي عجـــاج
Author: bint_alahfad
Date: 07-01-2007, 01:38 PM
Parent: #64


Quote:


نسيت اقول لك ناس استاذ فضيلي جماع ديل عارف بقوا محترمين ليه؟؟؟
لانهم ما بحشروا نفسهم في الما ليهم فيه



الاخت الكريمه تراجى

السلام عليكم ورحمة الله وبركاته

وهل نحن غير محترمين لاننا دافعنا عنكى فى بوست الاخ فرانكلى بدون ان تربطنا بكى صله قرابه او صداقه فى البورد???

الاخت عجاج غير متواجده هنا ولا تستطيع الدفاع عن نفسها فلا يوجد دعى للأساءه اليها كل شويه والتانيه

اننى ادين هذه الطريقه للأساءه للاخت عجاج وهى فى موقف لا تستطيع فيه الدفاع عن نفسها, ارجو ان تتركيها وحالها فقد اخزتى حقك منها وزياده

وكما وقف معك اناس لا تربطهم معكى اى شليله وكيمان فقط لأحقاق الحق فسيقفون ضدك ايضا ان حاولتى المساس او الاساءه لاخت عجاج وهى خارج البورد ولا تستطيع الدفاع عن نفسها


وفى امان الله

لا اله الا الله

Post: #70
Title: Re: نانسـي عجـــاج
Author: تماضر الخنساء حمزه
Date: 07-01-2007, 12:55 PM
Parent: #1

ولّى المساء..

Post: #73
Title: Re: نانسـي عجـــاج
Author: sanaa gaffer
Date: 07-01-2007, 01:06 PM
Parent: #1

بسم الله الرحمن الرحيم ...
محمد معانا ما تغشانا ...
دة بوست لنوبي ؟؟؟
كدي الندخل برجلي اليمين ...
باقي نوبي دة لو جاب قصيدة دجاجي يلقط الحب برضو البوست بيكون مشوطن ...

دخلت اسمع نانسي لقيت العجاج للسما ...

انت يا نوبي مشكلتك شنو ؟؟
ولا يا ربي المشكلة ما فيك انت ؟؟
تكون في نانسي ؟؟
ولا وين ؟؟؟
عليك الله كان عرفت وريني ...

شكرا يا نوبي على امتاعنا بهذا الصوت الحنون ...

بس تاني اكتب البوستات بالحبر السري ... سمح ؟؟

Post: #75
Title: Re: نانسـي عجـــاج
Author: محمد صباحى
Date: 07-01-2007, 01:35 PM
Parent: #73

أيها النوبي فيصل


غدا نـكون كـما نـود ونـلتـقي عـند الغروب
غـدا تجـف مـدامـعـي وتزول عن نفسي الكـروب
غدا تعود مـبـاهجـي
غـدا حـبـيـبـي حـتـما يعـود!

Post: #78
Title: Re: نانسـي عجـــاج
Author: Ahmed Mohammed Osman
Date: 07-01-2007, 01:47 PM
Parent: #73

نانسي عجاج
ملامح سودانية اصيلة، في شكل حديث،، صوت لاتملك معه الا ان تسلم نفسك لامواج متلاطمة تسابق حناياك للوصل لمراسي شتي
فتارة تاخذك الي مرافئ دافئة مملوءة بالحنين، وتارة تلج بك في ظلمات من الوحدة.. ومرات كثيرة تنتزع من دموع الحنين
لكل ما هو بعيد او حتي قريب

نانسي عجاج، طفلة في عالم الفن، تحبو وتتحسس خطواتها ، وان كانت في اولي خطواتها انتزعت اهتمام النقاد قبل المستمعين بموهبتها
التطريبية العالية، وذلك من خلال اختيارها للكلمات ومن ثم ذوبانها في الاداء بصورة تجعلك تعتقد انها نؤلفة الاغنية

في زمن تصاعدت فيه نغمات نشاز مثل "راجل المرة" و"حنانة" ، واصبح الفن والابتزال هو الجواد الرابح للوصول للثراء والشهرة، اختارت نانسي
عجاج ان تلج هذه الساحة باغاني لا يراهن بها مبتدي غير ذو ثقة بامكانياته الصوتية، اعلن بزوغ فجر الشباب الملتزم والهادف فقالت ولي المسا، طاوية صفحة الهبوط بننسي الفات، ومسامحك يا حبيبي كانت بداية صفحة لهذا الجمهور الواعي الذواق، اما المصير فننتظره كماسمعناها تردد كيف تقول لي انتهينا واحنا في عز الشباب

نانسي عجاج، اخاف عليك من تهافت الناس ان يصيبك بالغرور فتهوي في السحيق،، تاتا تاتا وستكونين في قلوبنا وكالقرط في اذاننا

نانسي عجاج
احييييييييييييييييييييييييييييييييييييييييييييييي انا منك
عثل بث

Post: #79
Title: Re: نانسـي عجـــاج
Author: طارق الأمين
Date: 07-01-2007, 02:11 PM
Parent: #78

فيصل نوبي

سجل عندك






345687813 فضيلي جماع

345687814 فيصل نوبي

345687115 ابو صلعه

345687816 احمد محمد عثمان

Post: #81
Title: Re: نانسـي عجـــاج
Author: فيصل نوبي
Date: 07-01-2007, 02:17 PM
Parent: #79

Quote: فيصل نوبي

سجل عندك






345687813 فضيلي جماع

345687814 فيصل نوبي

345687115 ابو صلعه

345687816 احمد محمد عثمان


ديل شنو يا طارق ؟؟
غلبتني عديـــــــــــل كده

_
ما تكون دي نتائج الفحص

Post: #82
Title: Re: نانسـي عجـــاج
Author: طارق الأمين
Date: 07-01-2007, 02:27 PM
Parent: #81

دا كشف المعجبين البمرقو النصيحه

حسب الرصد من الجرايدوالمواقع الالكترونيه

سجل عندك في الرقم البعديهو

345687817 محمد صباحي















اللهم باعد بين هذا البوست

واعين عبادك عمر الفاروق

ونازر الخليفه

اااااامين

Post: #88
Title: Re: نانسـي عجـــاج
Author: تماضر الخنساء حمزه
Date: 07-01-2007, 03:05 PM
Parent: #81

نوبي الإسبلنق بتاعك غلط
هي :
7abashtaga
أعِد

الأرقام دي أرقام سياراتكم ياخ

Post: #124
Title: Re: نانسـي عجـــاج
Author: فيصل نوبي
Date: 07-04-2007, 08:47 AM
Parent: #88

طُمطُم
هو الاسبلنق غلط ... غلط

الكلام في الفهم

مش انتي فهمتيها ؟؟

بس سمح خلاس

Post: #77
Title: Re: نانسـي عجـــاج
Author: saadeldin abdelrahman
Date: 07-01-2007, 01:42 PM
Parent: #1

كتب أديبنا الرائع فضيلي جماع :

أدخلت إلى نفسي الغارقة في لجة الحزن هذه الأيام ومضة فرح ،
أسعد الله أيامك ولياليك. وللصوت الأوبرالي المتفرد نانسي عجاج
كل الأمنيات بالنجاح الباهر في عالم التطريب الراقي.
لقد أعطيت كلمات أمير الرومانسية السودانية الشاعر العظيم
حسن عوض ابوالعلا عمقها ودلالتها وأنت - رغم صغر سنك - تبعثين
من أغوار الكلمات عذاب شاعر لم تبسم له الدنيا رغم حظ الثراء
ورخاء العيش الذي عاشته أسرته. تابعت أداءك باهتمام شديد
وحاولت أن أعقد مقارنة بين أداء ملحن ومغني هذا النغم ، الفنان
العظيم سيد خليفة ، فوجدت أن أجمل ما فعلت أنت ابتعادك عن
التقليد لسيد خليفة. كل منكما وهبه الله طبقات صوت مختلفة واسلوبا
متفردا في الأداء .. لذا جاء لحن الأغنية وكانه صيغ من جديد.

الذين مروا متهكمين من أن أداءك يشبه الطريقة الصينية أصابوا من
حيث لا يدرون، فالخماسي الذي ميز معظم الغناء في السودان (باستثناء
بعض الألحان من غرب السودان التي جاءت على ربع التون وسلم البياتي )
هذا الخماسي يجمع قسطا كبيرا من الغناء السوداني مع التطريب في جنوب
شرق أسيا(خاصة كوريا والصين واليابان). ولعلنا لا نعجب لكون الأساتذة
الكوريين الذين قاموا بالتدريس في معهد الموسيقى والمسرح في السبعينات
كانوا معجبين حتى الثمالة بالحان الكاشف وكرومة. بل وجدوا ضالتهم في
خماسي التطريب السوداني الذي لا يفصله في كثير من الحالات عنهم شيء
فالموسيقى لغة عالمية.

كلمة أخيرة..وهي بمثابة تحية وتقدير أبعث بهما لأبيك الموسيقار السوداني
العظيم الأستاذ عجاج ، فقد كانت بصمات جهده واضحة في صقل صوتك وتوجيه
ذبذباته. واضح أن أداءك خضع لتدريب علمي شاق..وهنا يكون التطريب الراقي.
لك وله التهنئة.

ابوالسيد" ولـى المـسـاء " .. اداء نانسي عجاج

Post: #80
Title: Re: نانسـي عجـــاج
Author: طارق الأمين
Date: 07-01-2007, 02:17 PM
Parent: #77

في بوست للاستاذه خالده البدوي

كتب الاستاذ ميرغني الشايب

نانسي عجاج ..........بورتوريه متحيز

ميرغني عبدالله مالك (شايب)


لا يملك المرء إلا أن ينحاز للأشياء الجميلة التي تُنعش ذاكرة الفرح وترفد النفس بالتفاؤل وتحي الشعور بان الحياة تستحق أن تُعاش. التواطؤ مع الفرح والأشياء المُبهجة والجميلة، وخيانة القبح والدمامة، والإنتصار على حالة الإحباط واليأس والاستقالة من العقل هي دعوة لاستئناف مشروع التفاؤل، وغواية الأحلام الجميلة وشبق المستقبل الجامح . لكل هذا، فأنا منحاز دون تردد لنانسي عجاج وخلفها الموسيقار الرائع بدرالدين عجاج. استلبت عقلي وحواسي هذه الفتاة العشرينية، وسجلت حضوراً طاغياً وبهياً عبر أداء رائع وفنان ذابت فيه بعشق صوفي وإنغماس روحي ووجداني ورهافة حس، وشفافية غامرة في غناء وإنشاد عذب ومموسق. هذا الأداء الجواني الخالص لباقة منتقاة ومصطفاة لإغان جميلة سكبت فيها من روحها وحبها ووهجها وحضورها، واندمجت فيها متجاوزة المسافة الفاصلة بين المنشد والقصيدة لتلتحم وتندغم الذات المبدعة مع إبداعها لتمضي بعيداً، وتدعونا لإعادة الاكتشاف والتأمل في هذا السفر الغنائي البديع. كانت وما تزال سيدة الحضور الطاغي الذي نقتفي صوته وأثره مشدودين بحبل الفرح السري والمعلن عبر الشاشة لصوتها الشجي والندي بطبقاته وتلويناته وتموجاته . وفي كل ذلك تطريب وترويح وتنوير، وهي تروض الغناء ترويض المهرة الجموح فيستكين لها وينقاد سلساً وهيناً. ولا يقف ذلك الغناء عند حدود الصوت الخافت والهامس والصادح، لكنه مصحوب بالأداء الحركي والدرامي وحيوية التعبير بأنامل موسيقية مُدربة وحاذقة تعزف منفردة بلغة إشارية إيقاعها الداخلي الذي يلتحم وينفصل دون نشار أو مجافاة ليتوحد مع هارمونية لموسيقي وتناغم الإيقاع ومساكنته. هذا العزف البديع والرائع يمنح الغناء بعداً جمالياً أخر ويتسامى به لذرى بعيدة ورحيبة . المدهش أن نانسي عجاج تعيش في هولنـدا التـي

Post: #83
Title: Re: نانسـي عجـــاج الفتاة الذهبية
Author: Ahmed Mohammed Osman
Date: 07-01-2007, 02:30 PM
Parent: #80

الفتاة الذهبية
Golden Girl
بلون الذهب
بقيمة الذهب
بندرة الذهب


نانسي اسمحي لي بان اطلق عليك لقب الفتاه الذهبية



....
طارق : دي شنو الارقام الفكيتها فينا دي؟؟
اشرح
لكن لي الضمان كدا ولزوم الخرخرة
لي انا اخر زول؟؟ انا حاجز من بدري
انا لما جيت سيد الطابونة ما صحي
وحتي ختيت الطوبة دي

Post: #84
Title: Re: نانسـي عجـــاج الفتاة الذهبية
Author: طارق الأمين
Date: 07-01-2007, 02:40 PM
Parent: #83

ويواصل ا لشايب في بوست خالده




- 2 =

تُمثل جزءاً من منظومة الثقافة الغربية والفضاء الأوروبي بكل زخمه ومؤثراته ومحمولاته، وبما يُثير من هواجس فقدان الهوية ومخاوف الإندماج في الأخر إلى حدود إلغاء الذات وطمس الخصوصية، حافظت على أصالتها وأصالة نبرتها السودانية وصوتهـا الرخيـم وروحها المسكونة بالسودان بشكل لافت ومميز، ولم تسقط في حبائل التغريب الشكلي والخارجي، ولم يُصب اللحن في الكلام لسانها ومخارج الحـروف وهـي تمكث في منطقة الاشتباك المعرفي واللغوي، فجاءت لغتها مبرأة من الإعوجاج وخالية من العجمة كما يحلو للبعض . هذا الأداء الجواني المستبطن، والمدرك لعظمة وعبقرية الكوكبة الرائدة لشعراء وفناني الغناء السوداني أمر مُثير للدهشة والفرح . أنه تجسيد للتواصل الحميم مع الإرث الغنائي والثقافي في زمن الديسابورا والشتات الثقافي والاجتماعي الذي يعصف بأبنائنا وبناتنا في المهاجر والمنافي ويحولهم لكائنات مشوهة وممسوخة منبتة الجذور ومقطوعة الأواصر والوشائج، في خضم تيار العولمة الجامح والكاسح وتنميط الثقافة وتسييد نسق أُحادي يقترب من التوتاليتارية وإحياء نزعة المركزية الثقافية الواحدة. ولا تسجن نانسي ذاتها في ذلك الإرث الغنائي والموسيقي لكنها تمضي في تلاحم شفيف وواع مع محجوب شريف ويحي فضل الله وطائفة أخرى من الشعراء المبدعين . هذا وحده مدعاة للفرح والغبطة، ويشف عن استنارة وتفتح وكنز مخبوء من إبداع قادم بنافذة تطل على الماضي وتقيم في الحاضر وتدلف نحو المستقبل بخطى ثابتة وواثقة يرشحها تأهيل موسيقي وخامة صوت ذات جرس ورنين، ومعرفة عميقة بالشعر وعشق له واستبطان لمكوناته وجمالياته، وذائقة أدبية لافتة. وتنطوي إجابات نانسي على الأسئلة الذكية واللماحة التي طرحتها نسرين سوركتي على لغة رصينة وجزلة، وثقة كبيرة بالذات، ودربة في الحديث لا تلجلج فيها أو تقعر أو افتعال . تُرسل الكلام بعفوية وتلقائية وتنهمر مفرداتها دون صخب أو إلتواء وهي تدرك ما تقول وتعي أبعاده، وتستقبلها الحواس بفرح غامر ودهشة لا تدارى، وتعدنا بمستقبل أكثر إبداعاً وعطاءاً. إنها أيقونة من الفن والغناء والإضافة الجمالية.



يتبع

Post: #85
Title: Re: نانسـي عجـــاج الفتاة الذهبية
Author: طارق الأمين
Date: 07-01-2007, 02:43 PM
Parent: #84

ويختتم



3 -

لله درك يا نانسي . ومحمدية، عراب الكمان، يُغالبه الفرح ويشرق وجه مبتسماً ويحبس كلامه فتنوب عنه الشفاه. هذه حالة استثنائية لأن نانسي فنانة استثنائية ، أعادت للغناء عصره الذهبـي وسـط هـذا الطوفـان الكاسـح مـن الانحطاط والابتذال وتسليع الفن وتسطيح الوعي. وعوض أحميدي، عازف العود المبصر، الذي يدوزن الأوتار، ويمنحها من دواخله تدفقها وانسيابها، ويبلغ في ذلك ذروة العزف مندمجاً في فعل الغناء كأبدع ما يكون الإندماج والتوحد. أخلص كلاهما لنانسي وصاحبا غناءها بحساسية موسيقية مفرطة وتوتر إبداعي . لهم الشكر على هذه الحلقة من " الإمتاع والمؤانسة" ، والشكر موصول للإعلامية الناجحة نسرين سوركتي .


انتهى ،،،

Post: #87
Title: Re: نانسـي عجـــاج الفتاة الذهبية
Author: Tragie Mustafa
Date: 07-01-2007, 02:59 PM
Parent: #85

Quote: وهل نحن غير محترمين لاننا دافعنا عنكى فى بوست الاخ فرانكلى بدون ان تربطنا بكى صله قرابه او صداقه فى البورد???

الاخت عجاج غير متواجده هنا ولا تستطيع الدفاع عن نفسها فلا يوجد دعى للأساءه اليها كل شويه والتانيه

اننى ادين هذه الطريقه للأساءه للاخت عجاج وهى فى موقف لا تستطيع فيه الدفاع عن نفسها, ارجو ان تتركيها وحالها فقد اخزتى حقك منها وزياده

وكما وقف معك اناس لا تربطهم معكى اى شليله وكيمان فقط لأحقاق الحق فسيقفون ضدك ايضا ان حاولتى المساس او الاساءه لاخت عجاج وهى خارج البورد ولا تستطيع الدفاع عن نفسها


وفى امان الله

لا اله الا الله

بنت الاحفاد
انت ما دافعتي عني انت دافعت عن موقف.
وانت كسبت ناس بموقفك داك وحسه بتخسري بحركاتك دي.
عارفه ليه لانك راجعه لموضوع الكوم.
انا عندي كلمه واحده يا بت الاحفاد بت عجاج دي لا انت لا بكري لا غيرك بقدر يمسكني منها
وعلى فكره الموضوع ما باس ويرج بس الموضوع اكبر من كده.
والموضوع ما المنبر ده في مواقع ثانيه كان ما عندك خبر ممكن تستمر فيها الصراعات.

قناعتك الداخليه يا بت الاحفاد انك هطأت واحده اسلاميه
ونصرت واحده علمانيه عامل لك ضيق
عشان كده عامله بتشركي وبتحاحي.
يعني سجلت موقفك وغالبك تكمليه للآخر.

Post: #89
Title: Re: نانسـي عجـــاج الفتاة الذهبية
Author: Ahmed Mohammed Osman
Date: 07-01-2007, 03:07 PM
Parent: #87


في حضرة جلالك يطيب الجلوس




لكل مقام مقال يا جماعة
ودا ما مقام شكل وشد اعصاب
ممكن بعيدا عن التنشنة نستمع كلنا بي روااااقة كدا؟؟؟

Post: #90
Title: Re: نانسـي عجـــاج الفتاة الذهبية
Author: طارق الأمين
Date: 07-01-2007, 03:42 PM
Parent: #89

اشششششششششش

حفله الليله انتهت

والناس نامت

بكره بكره بكره

Post: #91
Title: Re: نانسـي عجـــاج
Author: تماضر الخنساء حمزه
Date: 07-01-2007, 03:46 PM
Parent: #1

أمسـي مـضـى بين التحسر والأنـين
و وسـادتي بـلـلتـها بالدمـع و الدمـع السخـيـن
مـع تباشير الصبـاح و بسمة الفجر الأميـن
غنـيـت مـثـل الطـيـر
فـرحا فـي ريـاض العـاشـقيـن

ترم ترم

Post: #92
Title: Re: نانسـي عجـــاج
Author: Haytham Abdulaziz
Date: 07-01-2007, 05:29 PM
Parent: #1

Quote: اسي فيصل نوبي دا

يسمعكم غناها كيف مع العجاجه دي؟

فيصل

اعمل زغبير وافتح بوست تاني سريع

ونزل الغنا

واكتب فيهو

الرجاء عدم اصطحاب السياسيين

مودتي وتحياتي للجميع


نوبي كلام طارق الفوق دة good idea و قوووم باللازم .... البوست بدل ما تغني فيهو نانسي عجاج بقى عجاجو في السمــا ...

Post: #93
Title: Re: نانسـي عجـــاج
Author: نوسة
Date: 07-01-2007, 05:59 PM
Parent: #92

سلالالالالالالالالالالالالالالالالالالالالالالالالامم يا النوبي

البوست بدأ جمييييييييييييل ،، و في نصو شويية كدة جاط و بدأ تاني يستعدل و شكلو كدة ح يجوط تاااااني،،، الله يستر بس


إنت عارف زوجي قبل كام شهر كدة إشترى شريط نانسي من السودان ،، و كنت بسمعو في العربية كل لحظة بي شغف لمن بناتي زهجو منو ،، قوم يا الشريط تضربك لي شمس البحرين العجيبة دي و بوظ " وش حزين شديد"

أها لميت ليك في موقع موسيقا سودانية و نزلت ليك اغانيها كلها و حفظتها في سي دي،، بس المشكلة الكبيرة "عربيتي" السجمانة ما فيها سي دي بلير !!!!

غايتو شكلي ح أغير العربية عشان خاطرك يا نانسي،،،

و الغريب في القصة شنو !! إني أول ما سمعتها ما عجبتني كلو كلو ،، بس بعد داك و مع كترة التكرار ، إتعلم "الحمار"

نتمني ليها درب أخضر و جميل و "مموسق"

طارق "ابو صلعة" وين مختفين الأيام دي ،،ما في جديد؟؟؟؟؟

Post: #94
Title: Re: نانسـي عجـــاج
Author: حبيب نورة
Date: 07-01-2007, 06:19 PM
Parent: #93

النار و الرماد



......!!!!


شكرن كتيرن!

Post: #95
Title: Re: نانسـي عجـــاج
Author: فيصل نوبي
Date: 07-01-2007, 11:19 PM
Parent: #94


Post: #96
Title: Re: نانسـي عجـــاج
Author: Sawsan Ahmed
Date: 07-02-2007, 00:08 AM
Parent: #95

لبنت الحديقه نانسي مساءها الله بالخير!

فلتغني نانسي لمن يدعم وحدة السودان..التاريخ والاحداث كفيله بتعريفها!

لو القي حبوبه امسك طرف توبها..الملعقه انكسرت انا مين بعشيني!


ما اجمل صوتك يعانق هولاء الاطفال وانت مشرقه فتبدلي دموعهم ضحكه وتبكي انت انينهم وجعا متقطر في الكلمات التي تشدو بها!

غني يا نانسي للاطفال ...والكبار ..لدارفور ..للجنوب ولك من هم في صف الوطن

لك الحب..

Post: #97
Title: Re: نانسـي عجـــاج
Author: طارق أحمد أبوبكر
Date: 07-02-2007, 00:25 AM
Parent: #96

الرائع فيصل نوبى
ينصر دينك كسررررررررررررررررررررررررررررررررررررررتنا عديل كده

Post: #98
Title: Re: نانسـي عجـــاج
Author: القلب النابض
Date: 07-02-2007, 01:04 AM
Parent: #97

نوبي

لك العتبي حتى ترضى ولبنات عجاج الاثنين

كلهن رائعات ...

Post: #99
Title: Re: نانسـي عجـــاج
Author: طارق أحمد أبوبكر
Date: 07-02-2007, 01:35 AM
Parent: #98

العزيزة قلب المنبر النابض
لو سمحتى ممكن تنزلى اليافطة الشايلاها دى
عايزين نشوفك بعدين من كترت الوقوف يوم
بتقعى من طولك غايتو انا نصحتك ....

Post: #100
Title: Re: نانسـي عجـــاج
Author: القلب النابض
Date: 07-02-2007, 01:50 AM
Parent: #99

الاخ طارق ابوبكر

اسد الشرق ..

سلامات

وين ليك مدة ما ظاهر ..

اليافطة دي اهم مني انا عشان كدة ستظل مرفوعة ..

Post: #102
Title: Re: نانسـي عجـــاج
Author: طارق أحمد أبوبكر
Date: 07-02-2007, 03:42 AM
Parent: #100

الرائعة الراقية سفيرة السلام ومفخرة السودان
ب london school of economics قلبناالنابض
مشاغل الدنيا المابتنتهى منعتنا من رؤياكم...
بالله رأيك شنو فى ساحرة القلوب وصاحبت الصوت
الدافئ بت عجاج 2 بالله ماتنسى تسلمى لينا على
بت عجاج 1 ست الاسم وقولى ليها عجاجكم أقصد
كتاحتكم قربت تركب بوست نوبى التونسية بصراحه
كده انا ماعارف بت عجاج دى لو ما كان بتحضر لنيل
درجة الدكتوراه فى الكيمياء كان حصل شنو....
شكيت محنك على الله يا فيصل نوبى...


Post: #153
Title: Re: نانسـي عجـــاج
Author: فيصل نوبي
Date: 07-12-2007, 09:14 AM
Parent: #102

قلبنا النابض و طارق


Post: #115
Title: Re: نانسـي عجـــاج
Author: Muna Khugali
Date: 07-02-2007, 08:32 PM
Parent: #100

Quote: غنّاية وسمحة


ربي يحفظك نانسي


وانسانه ونشطه..

وتاااااااني ربي يحفظك نانسي

Post: #127
Title: Re: نانسـي عجـــاج
Author: فيصل نوبي
Date: 07-04-2007, 08:55 AM
Parent: #115

Quote: وانسانه ونشطه..
وتاااااااني ربي يحفظك نانسي


و يحفظك يا مني

و ربنا يتمم ليكم علي خير

Post: #130
Title: Re: نانسـي عجـــاج
Author: على محمد على بشير
Date: 07-04-2007, 09:27 AM
Parent: #99

يديكم العافيه ............ كلكم

Post: #150
Title: Re: نانسـي عجـــاج
Author: فيصل نوبي
Date: 07-12-2007, 06:53 AM
Parent: #130

و يعافيك يا علي.

Post: #132
Title: Re: نانسـي عجـــاج
Author: الطيب عبدالرازق النقر
Date: 07-04-2007, 12:19 PM
Parent: #99

[QUOTE]الا بت رواج بتاعت المنبر بنأدب ابو اهلها.


هذه العباره التى يحيط بها الاسفاف من كل حدب وصوب

تفوهت بها المناضلة الجسورة تراجيدى التى لها صلات

وثيقة العرى مع العدو الاسرائيلى وهى رائدة مشروع

التطبيع مع العدو الصهيونى الذى لم يلقى رواجا بين اشتات السودانيين

وتشير المصادر الى ان هذه المعركة اندلعت بين (المناضلة) وبين

بنت عجاج التى تمت بصلة قرابة للمطربة نانسى ذات الصوت الشجى

اثر بوست ملغوم ادى لنشوب خلاف حاد وهرج ومرج بين اعضاء موقع

سودانى يرتاده ارتال من السودانيين للوقوف على مجريات الاحداث

ومتابعة القضية عن كثب

هذا وقد تعاطف معظم رواد هذا المنبر مع (المناضلة) تراجى ايمانا

منهم بالخطأ الفادح الذى اقدمت عليه بنت عجاج

ولكن (المناضلة الجسورة) هددت وتودعت بانها ستسحل بنت عجاج

سحلا وانها ستترصد بها الدوائر واصفة اياها (بام ريالة) و(بالبلهاء)

مستنكرة كيف لمثلها ان تكون طالبة دكتوراة مبدية دهشتها من الدكتوراة

التى يٌقدم عليها كل من هبّ ودبّ

فاصل اعلانى قصير ونواصل النشرة

هنا ام كيعان اذاعة جمهورية الكيزان

تعرضت بنت عجاج لهجوم كاسح وعنيف من مدعية النضال الاسفيرى تراجيدى

التى لا تستطيع ان تجاريها فى غيها اذا انها خارج حدود المنبر ولكن

مراسلنا عشوائى التقى بها بعد جهد جهيد وهى غارقة بين طيات الكتب

وفى مستهل ردها ذكرت بنت عجاج ان الدكتوراة اذا كان يحضرها كل من هبّ ودب

لكانت تراجيدى بروفيسور زائر فى مختلف الجامعات تشحذ همم المهمشين فى كل صقع

وواد ولكن و تراجيدى ضحلة التفكير وبضاعتها مزجاة فى السياسة ونصحتها

ان تملأ فراغها بما هو مفيد ومثمر مثل تعلم الحياكة والمشلعيب او تعلم

اللغة العبرية حتى تتوطد صداقتها مع اليهود

سيادتى سادتى من اذاعة ام كيعان قدمنا لكم نشرة الثالثة

نشرتنا القادمة عند الساعة التاسعة بمشيئة الله

هنا ام كيعععععععععععععععان

بانورامااااااااااااااااااااااااااااااااااا

برنامج يسلط الضوء على رائدات العمل النسائئئئئئئئئئئئئئئى

فى الحيشششششششششششششششششششششششششششششششششششششششششششششششان

يعده ويقدمه دددددددددددددددددددددددددددينكككككككككككككككك

يخرجه فرغغغغغغغغغغغغغغغغغغغغغغغغغغغغغغغغغغغغغغغغغغغغغلى

تابعوا معنا اول حلقاته الاربعاءءءءءءءءءءءءءءءءءءءءءءءء

وحصريا فى قناة النيل الازرققققققققققققققققققققققققققق

شخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

انقطاع الارسال

Post: #184
Title: Re: نانسـي عجـــاج
Author: هبة الحسين
Date: 08-04-2007, 10:04 AM
Parent: #99

امسي مضى بين التحسر والانينننننننننننننننننننننننننن...
وازماني القادمه ..
ياخي فنانة وتغني ..
مااجملا..

هبة الحسين

Post: #125
Title: Re: نانسـي عجـــاج
Author: فيصل نوبي
Date: 07-04-2007, 08:49 AM
Parent: #98

يا قلب
Quote: لك العتبي حتى ترضى ولبنات عجاج الاثنين

كلهن رائعات


رائعة انتي حيثما تتواجدين.

و التحايا لبنات عجاج برضو.

و خاصة اللي ما عايزة تظهر

Post: #126
Title: Re: نانسـي عجـــاج
Author: فيصل نوبي
Date: 07-04-2007, 08:53 AM
Parent: #96

حبيب نورة

سوسن أحمد
Quote: ما اجمل صوتك يعانق هولاء الاطفال وانت مشرقه فتبدلي دموعهم ضحكه وتبكي انت انينهم وجعا متقطر في الكلمات التي تشدو بها!

لكم التحايا علي المرور الجميل.

Post: #122
Title: Re: نانسـي عجـــاج
Author: فيصل نوبي
Date: 07-04-2007, 07:15 AM
Parent: #93

سلام يا نوسة

نانسي فنانة و عندها صوت و اداء بيخليك بدون ما تشعري تطيري معاها باحاسيسك
يعني ما كلام بيردده اللسان و بس

أسعدتني الطلة.

Post: #101
Title: Re: نانسـي عجـــاج
Author: Khalid Kodi
Date: 07-02-2007, 03:01 AM
Parent: #1

نانسى عجاج ، تصعد بصوتها الى كل القـلوب ...وتقـفـز ...

نانسى تشارك فى حفل خيرى لأجل دارفور قبل ان تصبح "سدنه"





Post: #103
Title: Re: نانسـي عجـــاج
Author: القلب النابض
Date: 07-02-2007, 04:08 AM
Parent: #101

الاخ المحترم طارق

سلامي

عارف LSE غادرتها الى محطة اخرى ...

وبنات عجاج نساء نباهي بهن الشمس ..

بت عجاج الفانة فنانة والدليل شغل نوبي

وبت عجاج الاكاديمية شاطرة شديد مافي ذلك شك ...واتمنة ان تنال الدكتوراة وادعو الله سبحانه وتعالى ان ببسر لها الدراسة وينجحها بتفوق ..

واقول لها استقيدي من الزمن في الاكاديميات ..

سأبلغها نحياتك ان شاء الله ..

تحياتنا واحتراماتنا ...

Post: #104
Title: Re: نانسـي عجـــاج
Author: فيصل نوبي
Date: 07-02-2007, 06:47 AM
Parent: #103


Post: #105
Title: Re: نانسـي عجـــاج
Author: فيصل نوبي
Date: 07-02-2007, 07:04 AM
Parent: #1


تراجي

غباشي

بشير جبريل

هيثم عبد العزيز

فضيلي جماع

ابراهيم عدلان

القلب النابض

عبدالله وداعه

أزهري نور الهدي

محمد خليل

محمد البشرى

تمبسنا

كودي

سيف جبريل

الفاروق

الاستاذ ملاسي

طارق الأمين

الفنان عصام عبد الحفيظ

محمد صباحى

اب قوتة

طُمطُم

ابو الدفاع

Poison

بنت الاحفاد

سناء جعفر

نوسة

حبيب نورة

سوسن أحمد

طارق أحمد


صباحاتكم ورد و شاي بنكهة القرنقل.

Post: #106
Title: Re: نانسـي عجـــاج
Author: محمد صباحى
Date: 07-02-2007, 07:59 AM
Parent: #105

فيصل النوبي صباح جميل ذي كدي








_____________________________

تصوير عصام عبدالحفيظ

Post: #107
Title: Re: نانسـي عجـــاج
Author: Ahmed Mohammed Osman
Date: 07-02-2007, 08:15 AM
Parent: #106

الراقي فيصل
صباحات ندية ومترعة بصوت الفتاة الذهبية نانسي
مش الحمدلله انو ناذر عريس؟؟ هسي كان شبكنا التنفيذ والسلم وووووو


الجميل في نانسي انو صوتها لوحدو عبارة عن اوركسترا كااااملة

Post: #110
Title: Re: نانسـي عجـــاج
Author: فيصل نوبي
Date: 07-02-2007, 01:49 PM
Parent: #107



دي تكسيرة عديل كده..

برضو إضغط للتشغيل

Post: #117
Title: Re: نانسـي عجـــاج
Author: Kostawi
Date: 07-02-2007, 09:33 PM
Parent: #110


Post: #145
Title: Re: نانسـي عجـــاج
Author: فيصل نوبي
Date: 07-11-2007, 10:28 AM
Parent: #117

يا خردة

نعتذر عن الرد المتأخر
شنو جيت بس لصقت لينا صورتين و مشيت ؟؟

أخبارك؟

Post: #129
Title: Re: نانسـي عجـــاج
Author: فيصل نوبي
Date: 07-04-2007, 09:00 AM
Parent: #106

محمد صباحي

وين باقي الصور يا منقة !!
وقفت الدعم مالك يا حبيب ؟

Post: #108
Title: Re: نانسـي عجـــاج
Author: معتصم دفع الله
Date: 07-02-2007, 08:29 AM
Parent: #1


سلام يا نوبي ..
وينك ما ظاهر ..
بعدين الكتاحة القايمة هنا دا شنو
في البوست دا نانسي عجاج ..........بورتوريه متحيز ح تلقى حاجات حلوة مكتوبه وفيديو يحتوي على أغنيات نانسي ..
نانسي عجاج صوت جميل ومميز ..
نتمنى ليها التوفيق ..

Post: #109
Title: Re: نانسـي عجـــاج
Author: فيصل نوبي
Date: 07-02-2007, 10:30 AM
Parent: #1






طارق الامين
انت كنت وين اليوم ده

____
دي جازفتها بدون مساعدات خارجية

Post: #111
Title: Re: نانسـي عجـــاج
Author: غباشي
Date: 07-02-2007, 04:21 PM
Parent: #1

Quote: الأخ نوبي ....
اليوم باستوكهولم تحيي الفنانة نانسي عجاج حغل استقبال سفير السودان بالسويد

الإخوة الإعزاء
فيصل نوبي
طارق الأمين
و كل الذين تداخلوا معقبين على هذا الخبر ....
أتقدم لكم بالإعتذار التام بعد أن تأكدت من أن الخبر الذي وردني لم يكن صحيحا ... وهذا الخطأ يحسب على شخصي
عموما أرجو ان تجدوا لي العذر ولم يكن الغرض من الخبر الا اضفاء المزيد من الفرح ... ولكن قدر الله ..
و لكم العتبى حتى ترضون
أحمد محمد الحسن (غباشي)
إستوكهولم

Post: #112
Title: Re: نانسـي عجـــاج
Author: فضيلي جماع
Date: 07-02-2007, 05:19 PM
Parent: #111

الرجل الأصيل غباشي
لا تثريب عليك أبدا يا أخي. وصدقني كلنا نرى أنك أوردت الخبر بحسن نية وبفرحة من يحب صوت الفنانة السودانية الواعدة نانسي عجاج. أنا شخصيا أعبت على الخبر الجانب الرسمي فيه (ربطه بمناسبة استلام سفير السودان بالسويد لمنصبه الجديد) حيث يخدم مدلول الخبر - من غير إذن منك- لعبة مفاضلات ومزايدات سياسية.
أدعني لو سمحت اعتذر إليك إن كان أصابك من كلامي بعض رشاش دون قصد مني .

Post: #113
Title: Re: نانسـي عجـــاج
Author: طارق الأمين
Date: 07-02-2007, 08:05 PM
Parent: #112

الاخ المحترم غباشي

احب دائما ثقافه الاعتذار

ومراجعه الافكار والمواقف

فهذا من طبع الشجعان

الذين انت منهم بكل تأكيد

و ان كنت حاسما في نفي الخبر

بما يفهم منه انها كانت

اشاعه مدروسه الغرض

فتأكد ان ذلك لم يكن قصدي

واني تأكدت من حسن نواياك

فقط كان ذلك لمعرفتي

ان الاخت نانسي بلندن

وطلبت مني تاكيد ذلك

فبدوت لك كما وصفتني

بالناطق الرسمي

لا عليك بارجل

فهو الاستعجال والاستعجال المضاد

الذي بني فيه البعض كلامهم علي خبرك

الخبر الحسن النيه

فكانت كل هذه الهيلمانه

وفعلا العالم قريه صغيره

احييك مجددا

تشكر تاني

مودتي يارجل

Post: #114
Title: Re: نانسـي عجـــاج
Author: غباشي
Date: 07-02-2007, 08:09 PM
Parent: #112

الأخ فضيلي جماع
يا حبيب حصل خير
كل ما الأمر جائني اتصال من صديق لي و انا خارج استوكهولم في مالمو و كوبنهاجن
( في ضيافة الأستاذ شوقي بدري) لينبهني بموعد الحفل حينها أخبرني بان نانسي
هي من ستحي الحفل
و اغتنم هذه الفرصة لنعي فنانة الراب السودانية ناتاشا أحمد سعد و التي بالصدفة
حضرنا حفل تأبينها بكوبنهاجن .... راجع الرابط لقراءة مقال الأستاذ شوقي بدري

وفاة فنانة الرقي والراب العالمية السودانية

Post: #116
Title: Re: نانسـي عجـــاج
Author: فضيلي جماع
Date: 07-02-2007, 08:49 PM
Parent: #114

أخي غباشي
كلماتك الطيبات دليل أصلك الطيب. وشكرا لك أن بررتني بمقال أستاذنا شوقي بدري - ذلك المسكون بالسودان أينما حل. أحزنني كثيرا رحيل فنانة الريقى والراب ، المطربة السودانية العالمية ناتاشاأحمد سعد- تغشتها رحمة الله وألهم أسرتها الصبر.

وهكذا نفقد نغما سودانيا وصل إلى العالمية في الوقت الذي نحتفي فيه ببراعم تبشر يخير وفير في عالم الطرب مثل نانسي عجاج وسميرة دنيا وغيرهما. عليناأن نوفر لهن المناخ الملائم ليخرجن من قمقم وحصار ثقافة مجتمعنا الذكوري الذي يعادي الحضارة لأن الحضارة كما يقولون أنثى.

لك محبتي وتقديري

Post: #118
Title: Re: نانسـي عجـــاج
Author: غباشي
Date: 07-02-2007, 09:53 PM
Parent: #114

Quote: فكانت كل هذه الهيلمانه

أخي طارق الناطق ... تسلم يا ود حلتنا
كدة البوست استعدل 100% و يلا يا نوبي راجين الكتير

Post: #119
Title: Re: نانسـي عجـــاج
Author: Kostawi
Date: 07-02-2007, 11:03 PM
Parent: #118


Post: #120
Title: Re: نانسـي عجـــاج
Author: فيصل نوبي
Date: 07-03-2007, 05:15 AM
Parent: #1


Post: #121
Title: Re: نانسـي عجـــاج
Author: Abomihyar
Date: 07-03-2007, 09:23 AM
Parent: #1

هذا المقال للصديق نجم الدين نصر الدين أحد (أكبر) المعجبين بنانسي عجاج

أهديه للصديق محمد غبد الحميد وزوجته الصديقة حواء بشير بهولندا.


Quote: وأخرى من "أسرار الليالى" بمركز عبد الكريم ميرغنى

إستراحة بقلم نجم الدين محمد نصر الدين
ونحن فى بحث محموم عن مربط للسيارة لكى ننيخها فيه بازقة امدرمان وحول مركز عبد الكريم ميرغنى المرضع الثقافى والفنى والاجتماعى الاول لاهل العاصمة الوطنية الاماجد، اذا بالصوت المردد لاغنية عميد ومؤسس الغناء الاوركسترالى السودانى المبدع الامى الكاشف "الشوق والريد "ينسال وينساب ليحملنا هرولة الى سطح الدار، لنجد البهاء كله المنبعث من الحنجرة البرونزية للفنانة المبدعة الواعدة الصاعدة الراشدة الرصينة والتى هى على عذب الاداء والفن امينة الاستاذة "نانسى عجاج" فتح فى الاغنية السودانية جديد، امتزجت لديها الموهبة بالوراثة الجينية الفنية من اب اعطى الفن والموسيقى من شبابه زهرته وريعانه بالاجادة والمران المنظم والصقل التام الكامل مع المسكونية بالابداع والاختيار الموفق للجياد من الاغنيات والرميات، بمختلف مستويات الاداء اخذا من الطارف والتليد والوسيط وتميزا فى تقديم كل هذايبعث على الحيرة والارباك كما قلت لمجاورى الصديق "الحجة فى الحقيبة والمحدثات " د. مرتضى الغالى الذى تجود على بكرسيه فهو من اهل الدار ومن عشاق الرصانة والتميز، ومن الحفظة الكرام البررة للغناء السودانى وسائر القريض فى الشعر العربى باجمعه والذى اقتسمت معه سرور الليلة باكمله . لافتة من القماش تشكل الجدارية للواجهة الشمالية للمحفل بالمبنى مخطوط بها وبخط كوفى مبين الفنانة "المدهشة" نانسى، مع العازف المتميز او نحوا منه فى وصف الاستاذ الهرم الموسيقى محمد عبد الله محمدية و العواد الموهوب عوض احمودى فى العود الذى فجره رجعا وترديدا وارانا من فرحة عيدا قبل الاضحى المبارك كما قال ابن امدرمان والسودان العبقرى الفذ التجانى يوسف بشيرفى طرير الشباب، مع ضابط الايقاع المجيد المليجى استوقفتنى ومرتضى المدهشة هذه فامنا عليها وبإستزادة وكان الوصف المدون لليلة بانها حلسة استماع فى نسيان تام للتاء الاخرى التى تجعلها إستمتاع ولقد كانت حقا كذلك واكثر، فالاستماع يكون بث فى حضور اخرين يشاركون بالاصغاء دون سواه إسوة بالمستمعين الكرام كما تصفهم إذاعة امدرمان، ولكننا كنا حضورا آخر فاعل مشارك منسجم طرب وفرح "بكسر الرائين" حتى الثمالة. كان مسرحا بلا حوائط او سقط فيه الرابع بالكلية، اذ ان الفنانة المطربة تشرك الجمهور بحضورها الكامل لكى تجعلهم جزاءا منه واصيلا ولقد كان وكنا فالجميع وبإختلاف اطيافهم انتجوا فنا راقيا عظيما فى تلك الامسية ، اذ انها دابت على استنهاض همم الكل ليشاركوا، ولم يكن ثمة عدم انسجام ولم يضف واحدا من كل هذا الجمع الكبير للنشيد نشازا كوتر "محمد محمود الشيخ" الجديد فى رائعته المتميزة احتاج دوزنة المؤداة بواسطة فرقة عقد الجلاد، يولد الناس صغارا ايفاعا يحبون يمشون ويتدرجون حتى يقوى منهم العود ويشتد، وينبتون عوض اسنان اللبن اخرى تباعا، ولكن هذه المدهشة بحسب وصفها ولد فنها عملاقا متساميا منتقلا من الغازية الى الصلابة فى تجاوز ظاهر لمرحلة السيولة و بمهنية تامة فى التنفيذ، وانسجام خالص جوهرا ومظهرا مع البساطة والاناقة والانسياب واليسرللفرقة باجمعها، والتى يشى مردود عملها وحصاده انهم و لسنوات يتمرنون ويجربون، ولكنها الدراية وصدق الاحساس الفنى وغناه. من اى عصر او عهد ياتى هذا الصوت ويتدفق هكذا قلت فى سرى وجهرت بعدها بالسؤال لمرتضى امن وادى عبقر حيث ياتينا ما يوجده العباقرة فأجاب مؤمنا ومومنا غافلا بين اقاربى اجلس فى حفل عرس لاحدهم نتشاجن يلفنا " دفء الحياة فى العشيرة" فإذا بالجوال يرن وتيار الكهرباء فى انقطاع كان، اذ انه فى امدرمان وحارات الثورة لا يزال يفعل حتى فى جوف الشتاء فإذا بها الصديقة الاستاذة هالة عبد الحليم فحدقت فى تلك الهالة المحيطة بالقمرإذ كان للتمام اقرب، وطيف اخرى فى الخاطروفى القلب تباريح، لأرد على هاتفها حين سؤالها لى افى مركز عبد الكريم ميرغنى ام لما بعد؟ وما ذا هنالك اجبت مستفسرا انها الفنانة نانسى عجاج اوليس حضورها غدا هنالك؟ اليوم اجابت اعرف انها متابع جيد لكل الفعاليات فى المدينة وياتيها بالاخبار من تزود ومن لم، فهى رئيسة حزب كما درجت على مداعبتها فردت باصرار لامرية فيه فحزمت امرى للحضور واسفت لحال صديقنا الاستاذ عبد المنعم عثمان ادريس، الباحث الدائم البحث عن الامتاع ونشره وتعميمه بين الناس، فهو رئيس جمعية الصداقة السودانية الاثيوبية وممثل جمعيات الصداقة الافريقية فى مجلس الصداقة الشعبية العالمية ، فاتفقنا وبوصفى امين عام الجمعية ان نذهب غدا مساء الجمعة عقب إجتماع تفاكرى لبعض اعضاء اللجنة لنستمع الى تلك الفنانة المعجزة التى سمعت عنها ولم اسعد برؤيتها ولكن ولعظم اهتمامه فلقد وجدته هنالك جالسا بين الاتراب منصتا ومنفعلا فى مقام الانفعال، ورغما عن اننى غشيت طرفا من الامسية فلقد قلت لاحد الاصدقاء الذى استفسر عن عدم حضور خدنى طه معى لهذا العرس كما داب على مشاهدتنا سويا فى المركز، فاجبت بان ما سعدت بحضوره قد كان فى القسمة وفى الازل و "الفيهو النصيب " وهو مسطر كرزق ساقه الله لى، ولكننى خرجت به ممتلئا وافر الحظ ومن اهل الحظوة افلا يكفينى اننىحلقت مع الملائك وسبحت فى الذرارى وسمعت شدوا للخليل صاحب العزتين، كما انبانى الصديق الحجة مرتضى دون ان يطرف له جفن بان عزة قومى كفاك نوم هى الاخرى لمجترح عزة فى هواك ورائعة، ابى العلا التى يشدو بها سيد خليفة غدا نكون كما نود ونلتقى عند الغروب وقبلها رائعة الكاشف الشوق والريد وبعدهما مسامحك ياحبيبى، التى يؤديها الاستاذعثمان حسين ومن اعمال الاستاذ السر دوليب، والمصير مما انتجه الذرى والفه الاستاذ سيف الدسوقى وعم عبد الرحيم بنت اشعار محممد محمد الحسن سالم الشهير حميد، واداء والحان امام الملحنين الحادثين الراحل مصطفى سيد احمد فى مصاحبة عميقة وماهرة ومغنية من عود عوض احمودى منفردا وفى سولو، ليتوج كل هذا ويتسنمه اداء هذه الفنانة الرائعة البديعة والذى لا تكتمل معايشته الا بمشاهدته مع سماعه ، فوا حسرتاه ان لم اكن احد ذاك الحضور الانيق. ملاحظة اخيرة اجدر ان نختم بها وهى ان كل ما صدحت به واورثنا هذه المتعة لهو من شدو آخرين، لتقوم وكما ذكر القامة الكبير وردى ذات مرة بفتح فجوة فى اذن المستمع السودانى وتفجر فيه منابع الاندهاش التى اظنها جفت دهرا ، ومن بعدها تنطلق مسيرتها الفنية القاصدة، ارجو ان نقبل منها هذا ونجد لها فى فعله العذر كله فالبنية التحتية بالنسبة لها سليمة مكتملة وجاهزة وفى غاية الجودة والكفاءة .ان هذا هو الشى الوحيد الذى اخذه عليها بعضهم شاملا ذلك معلمها الاول وراعيها ووالدها الاستاذالفنان الموسيقار بدر الدين عجاج ، اذ ذكر هذا فى منتدى الصحافة فى زيارته الاخيرة للبلاد حينما قام بتقديم شقيقتها نهى ، محفوفا بحال من الرضا لان الاخيرةمملؤة الجعبة بانتاجها بمعاونته ، ولكن فى الحلقة التى بثتها فضائية النيل الازرق فى برامج العيدلاحقا فلقد ذكرت الاستاذة نانسى انه لديها هى الاخرى ما يخص من ثمار، ولقد عددت ثلاثة منها على الاقل احدها للشاعر القامة محجوب شريف ، وتغنت بطرف من اخرى لذاك المطبوع يحى فضل الله عامرة بالانسانية وناضحة على لسان احد اولئك الذين يولودون مشردين خارج المؤسسة الزوجية ويجدون انفسهم بلا احاطة اسرية ، اضاف اليها اللحن ابعادا توجها الاداء المتميز المؤكد لصدق واعدية هذه الفنانة وما تدخر من كنوز فلها التحيات كلها والتجلة .

Post: #123
Title: Re: نانسـي عجـــاج
Author: فيصل نوبي
Date: 07-04-2007, 08:44 AM
Parent: #121

الف شكر أبو مهيار

و لك التحايا.

Post: #128
Title: Re: نانسـي عجـــاج
Author: Hussein Mallasi
Date: 07-04-2007, 08:57 AM
Parent: #123

Quote: كدة البوست استعدل 100%

كدا البوست انتهى 100%

Post: #131
Title: Re: نانسـي عجـــاج
Author: فيصل نوبي
Date: 07-04-2007, 09:56 AM
Parent: #128

باقي روح ساي يا سحس

Post: #133
Title: Re: نانسـي عجـــاج
Author: الطيب عبدالرازق النقر
Date: 07-04-2007, 12:22 PM
Parent: #131

هذه العباره التى يحيط بها الاسفاف من كل حدب وصوب

تفوهت بها المناضلة الجسورة تراجيدى التى لها صلات

وثيقة العرى مع العدو الاسرائيلى وهى رائدة مشروع

التطبيع مع العدو الصهيونى الذى لم يلقى رواجا بين اشتات السودانيين

وتشير المصادر الى ان هذه المعركة اندلعت بين (المناضلة) وبين

بنت عجاج التى تمت بصلة قرابة للمطربة نانسى ذات الصوت الشجى

اثر بوست ملغوم ادى لنشوب خلاف حاد وهرج ومرج بين اعضاء موقع

سودانى يرتاده ارتال من السودانيين للوقوف على مجريات الاحداث

ومتابعة القضية عن كثب

هذا وقد تعاطف معظم رواد هذا المنبر مع (المناضلة) تراجى ايمانا

منهم بالخطأ الفادح الذى اقدمت عليه بنت عجاج

ولكن (المناضلة الجسورة) هددت وتودعت بانها ستسحل بنت عجاج

سحلا وانها ستترصد بها الدوائر واصفة اياها (بام ريالة) و(بالبلهاء)

مستنكرة كيف لمثلها ان تكون طالبة دكتوراة مبدية دهشتها من الدكتوراة

التى يٌقدم عليها كل من هبّ ودبّ

فاصل اعلانى قصير ونواصل النشرة

هنا ام كيعان اذاعة جمهورية الكيزان

تعرضت بنت عجاج لهجوم كاسح وعنيف من مدعية النضال الاسفيرى تراجيدى

التى لا تستطيع ان تجاريها فى غيها اذا انها خارج حدود المنبر ولكن

مراسلنا عشوائى التقى بها بعد جهد جهيد وهى غارقة بين طيات الكتب

وفى مستهل ردها ذكرت بنت عجاج ان الدكتوراة اذا كان يحضرها كل من هبّ ودب

لكانت تراجيدى بروفيسور زائر فى مختلف الجامعات تشحذ همم المهمشين فى كل صقع

وواد ولكن و تراجيدى ضحلة التفكير وبضاعتها مزجاة فى السياسة ونصحتها

ان تملأ فراغها بما هو مفيد ومثمر مثل تعلم الحياكة والمشلعيب او تعلم

اللغة العبرية حتى تتوطد صداقتها مع اليهود

سيادتى سادتى من اذاعة ام كيعان قدمنا لكم نشرة الثالثة

نشرتنا القادمة عند الساعة التاسعة بمشيئة الله

هنا ام كيعععععععععععععععان

بانورامااااااااااااااااااااااااااااااااااا

برنامج يسلط الضوء على رائدات العمل النسائئئئئئئئئئئئئئئى

فى الحيشششششششششششششششششششششششششششششششششششششششششششششششان

يعده ويقدمه دددددددددددددددددددددددددددينكككككككككككككككك

يخرجه فرغغغغغغغغغغغغغغغغغغغغغغغغغغغغغغغغغغغغغغغغغغغغغلى

تابعوا معنا اول حلقاته الاربعاءءءءءءءءءءءءءءءءءءءءءءءء


وحصريا فى قناة النيل الازرققققققققققققققققققققققققققق

شخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

انقطاع الارسال

Post: #134
Title: Re: نانسـي عجـــاج
Author: فيصل نوبي
Date: 07-05-2007, 05:09 AM
Parent: #133

*

Post: #135
Title: Re: نانسـي عجـــاج
Author: الطيب عبدالرازق النقر
Date: 07-05-2007, 05:44 AM
Parent: #134

الحقيقة فاتنى ان اسجل اعجابى الذى يتزايد

يوما بعد يوم بالمطربة الفلته والانسانه النبيلة

نانسى

وشكرا على هذا البوست الرائع

Post: #136
Title: Re: نانسـي عجـــاج
Author: فيصل نوبي
Date: 07-09-2007, 09:10 AM
Parent: #135

*

Post: #137
Title: Re: نانسـي عجـــاج
Author: طارق جبريل
Date: 07-09-2007, 10:41 AM
Parent: #1


نوبي كيفنك





حبينا نعبر عن امتنانا كدة

Post: #138
Title: Re: نانسـي عجـــاج
Author: فيصل نوبي
Date: 07-09-2007, 10:52 AM
Parent: #137

يا طارق لو عارف البت دي بتعمل فيني شنو !!

يا مثبت القلوب يا الله.

Post: #139
Title: Re: نانسـي عجـــاج
Author: celecon
Date: 07-09-2007, 11:16 AM
Parent: #1

Quote: يا طارق لو عارف البت دي بتعمل فيني شنو !!
يا مثبت القلوب يا الله.


أثبت يا عمــــــــــــــــــــــكـــ !!!!!

Post: #140
Title: Re: نانسـي عجـــاج
Author: طارق جبريل
Date: 07-09-2007, 11:34 AM
Parent: #1




يا نوبي اركز ساكت وقطعها في مصارينك

Post: #141
Title: Re: نانسـي عجـــاج
Author: فيصل نوبي
Date: 07-11-2007, 05:04 AM
Parent: #140

يا طارق أها قطعتها يومين

ركز مع بت عجاج دي
صوتها حنيـــــــــن

Post: #142
Title: Re: نانسـي عجـــاج
Author: Ahmed Mohammed Osman
Date: 07-11-2007, 07:40 AM
Parent: #141

Quote: يا طارق أها قطعتها يومين

كضاااااااااااااااااااب
كدي وريني قطعتها في حنانك كيف دي؟؟

Post: #152
Title: Re: نانسـي عجـــاج
Author: فيصل نوبي
Date: 07-12-2007, 09:09 AM
Parent: #142

يا بويزن

السرق الصورة من التاني منو

انت ولا خالد الحاج ؟؟؟؟؟؟؟؟؟؟؟؟؟؟؟؟؟ظ


Post: #143
Title: Re: نانسـي عجـــاج
Author: طارق جبريل
Date: 07-11-2007, 10:19 AM
Parent: #1


نوبي كيفنك
والله الزولة دي بتغني باحساس قوي خلاص زي احساسك انت بالصورة التحت دي


Post: #144
Title: Re: نانسـي عجـــاج
Author: فيصل نوبي
Date: 07-11-2007, 10:25 AM
Parent: #143

نسال الله السلامة

يعني هسي نشتغل ولا نباري البوست يا طارق ؟؟
برضو نانسي أحسن ..

ياخ الكلام زاتو قاعد يروح..
رفقا بنفسياتنا و أحاسيسنا ..

Post: #146
Title: Re: نانسـي عجـــاج
Author: طارق جبريل
Date: 07-11-2007, 10:43 AM
Parent: #1


يا نوبي عندي سؤال محرقني

انت هسا براد بيت دة لو اسلم ودخل الجنة برضو حا يكون عندو الحور العين

Post: #147
Title: Re: نانسـي عجـــاج
Author: فيصل نوبي
Date: 07-11-2007, 10:55 AM
Parent: #146

طارق
ياخ بقيت لمن أشوف اسمك آخر رد يدي براها بتمشي علي البوست
و في سري بقول الله يستر .. يا مثبت القلوب ..
و بعد ده بجيك طاير..

أما براد الشاي ده
يا زول العلم عند الله ..
هسي هو زاتو ما فاكينو عكس الهواء ..
شوف لينا واسطة

Post: #148
Title: Re: نانسـي عجـــاج
Author: طارق جبريل
Date: 07-11-2007, 11:01 AM
Parent: #1


اها يا نوبي كيتا كدي في براد الشاي دة مبروك عليك النظرة دي


Post: #149
Title: Re: نانسـي عجـــاج
Author: طارق جبريل
Date: 07-11-2007, 06:41 PM
Parent: #1

لي فوق عشان الجمال

Post: #151
Title: Re: نانسـي عجـــاج
Author: فيصل نوبي
Date: 07-12-2007, 08:49 AM
Parent: #149




برضو عشان الجمال

Post: #154
Title: Re: نانسـي عجـــاج
Author: Ahmed Mohammed Osman
Date: 07-12-2007, 09:21 AM
Parent: #1

Quote: يا بويزن

السرق الصورة من التاني منو

انت ولا خالد الحاج ؟؟؟؟؟؟؟؟؟؟؟؟؟؟؟؟؟ظ

نوبي
انت رايك شنو؟؟
لو شفت تاريخ انزال الصورة ح تعرف منو السرقا من التاني؟؟
بعدين دي ما هي الصورة الوحيدة المعالجة النزلتها
شوف الباقيات و ح تعرف برضو يا حبيب
بس ما بسميها سرقة، لانو بت عجاج تستاهل يشيلو صورتها وكل علي هواه يبدع
بس كان يشيل الصورة الاصلية ويقطعا ويعمل افكت مختلف وسلوقان مختلف
ولا ما كدا

---
بيني وبينك الصور الاصلية تعود والعهدة علي الراوي للفنان عصام عبدالحفيظ
انا شلتها من المنبر دا كل صورة علي حدة
وجمعتها
فانا بشكر عصام علي احساسة العالي بالعدسة
وموهبته بالاضافة للرزوليوشن العالي دا

Post: #155
Title: Re: نانسـي عجـــاج
Author: فيصل نوبي
Date: 07-12-2007, 09:29 AM
Parent: #154

Quote: بيني وبينك الصور الاصلية تعود والعهدة علي الراوي للفنان عصام عبدالحفيظ
انا شلتها من المنبر دا كل صورة علي حدة
وجمعتها
فانا بشكر عصام علي احساسة العالي بالعدسة
وموهبته بالاضافة للرزوليوشن العالي دا


Quote: بعدين دي ما هي الصورة الوحيدة المعالجة النزلتها
شوف الباقيات و ح تعرف برضو يا حبيب


ده اللي كنت عايز اعرفه
لانه شغل المعالجة ما ساهل
و الفرق بين الاتنين Filter واحد فقط.

Post: #156
Title: Re: نانسـي عجـــاج
Author: طارق الأمين
Date: 07-12-2007, 09:43 AM
Parent: #155

ولكنهم اتو لاجنده احري


التجاهل


التجاهل


التجاهل






ياخ الله يطلع زيتكم

Post: #157
Title: Re: نانسـي عجـــاج
Author: Ahmed Mohammed Osman
Date: 07-12-2007, 09:58 AM
Parent: #155



لاحظ الركن الشمالي التحت
1. في الاولي ح تلاقي poison
في التانية لو حريف وركزت ح تلاقي فوق حرف ال w الاول والتالت في خط احمر خفيف مجرور تجاه الشمال، الخط دا الجزء المقطوع من اقرب مكان فيهو رقبة نانسي، ماخود عشان يغطي علي كلمة poison

2.في نفس المكان الخطوط الطولية الدهبية ما موزونة مع الخط الفوقها والمفروض يكون مستقيم( بتلاقيها حادفة شمال شوية)

3. الخط المكتوب بيهو www.albrkal.com ما منسجم مع نوع الخط المكتوب بيهو nancy Agag or Golden Girl، دا غير انو ما مستخدم فيهو اي نوع من الفلترز، بلاين تكست

4. لون الخط الاحمر لا يتماشي تماما مع الالوان بتاعت الصورة الا يكون مريخابي ، لانو دارك شديد والباكقراوند دارك، المفروض يكون احمر لايت او اي لون تاني

5. اهم حاجة الصورة التانية مرفوعة بي اكستينشن قيف، لو ما عندي السورس ما ح اقدر اشيل(امسح) الافكت المعمول دا، او ازيل الكتابة الحمراء دون ظهور اثر في الصورة (الاولي)،، اما الصورة التانية مرفوعة جي بي جي من السهولة اضافة الافكت بتاع الموشن ليها

6. وشكرا

Post: #158
Title: Re: نانسـي عجـــاج
Author: فيصل نوبي
Date: 07-12-2007, 10:12 AM
Parent: #157

الف شكر للتوضيح

قصدت احفظ ليك حقوقك الفنية يا عمكــ

Post: #159
Title: Re: نانسـي عجـــاج
Author: محمد الكاب
Date: 07-12-2007, 10:15 AM
Parent: #157


Post: #160
Title: Re: نانسـي عجـــاج
Author: طارق جبريل
Date: 07-12-2007, 10:31 AM
Parent: #1


يا نوبي كيفنك
نحن يا دوب في المغرب واطاتنا اصبحت
وجينا نصبح

Post: #161
Title: Re: نانسـي عجـــاج
Author: فيصل نوبي
Date: 07-12-2007, 11:09 AM
Parent: #160

الف شكر يا محمد علي الفيديو
و مرحب بيك في بيت بكري


طارق جبريل
Quote: في المغرب
Quote: واطاتنا اصبحت
طيب دي ما القيامة زاتها

Post: #162
Title: Re: نانسـي عجـــاج
Author: Ahmed Mohammed Osman
Date: 07-12-2007, 12:05 PM
Parent: #1

نوبي:
دي عشانك وعشان المعجبين
وعشان نانسي عجاج

تنفع خلفية في الجهاز
وقول واحد




وانتظر باقي الخلفيات

Post: #163
Title: Re: نانسـي عجـــاج
Author: فيصل نوبي
Date: 07-12-2007, 02:20 PM
Parent: #162

الف شكر يا بويزن ..

فوق تاني.

Post: #164
Title: Re: نانسـي عجـــاج
Author: طارق جبريل
Date: 07-12-2007, 03:04 PM
Parent: #1

Quote: طيب دي ما القيامة زاتها



عشان القيامة تقوم بالجد يا نوبي
تعال نوديك البلاجات هنا
ايه رايك انا ما ماشي السودان السنة دي
تعال كابرني هنا

Post: #165
Title: Re: نانسـي عجـــاج
Author: طارق جبريل
Date: 07-12-2007, 06:40 PM
Parent: #1



يا نوبي زي ما اغانيك الختيتة هنا جهجهتنا
انحنا كمان قلنا نجهجهك

Post: #166
Title: Re: نانسـي عجـــاج
Author: فيصل نوبي
Date: 07-13-2007, 01:54 PM
Parent: #165

سمح يا طارق ..
بس أديني فرصة أرفع باقي الاغاني




يا بويزن
بالله خلي الرابط بس عشان الصورة كبيرة و "فتلت" البوست

Post: #167
Title: Re: نانسـي عجـــاج
Author: فيصل نوبي
Date: 07-14-2007, 07:17 AM
Parent: #1

.

Post: #168
Title: Re: نانسـي عجـــاج
Author: فيصل نوبي
Date: 07-15-2007, 07:25 AM
Parent: #167




معتصم دفع الله
دي إهداء خاص ليك

طارق الليلة مجافينا !!
محمد صباحي وين باقي الصور ؟؟

Post: #169
Title: Re: نانسـي عجـــاج
Author: Ahmed Mohammed Osman
Date: 07-15-2007, 09:25 AM
Parent: #1

نــانـــ (صور)ــــسي عــجــــ ( وخلفيات )ـــاج (الفتاة الذهبية)

البوست اعلاة يستاهل زيارة منكم
البوست من هسي بقول ليكم : مفتووووووووووووول
صور كبييييييرة وواضحة
للتحميل: رايت كليك: سيف بيكشر از




ورايكم بيهمنا جدا

Post: #170
Title: Re: نانسـي عجـــاج
Author: طارق جبريل
Date: 07-16-2007, 02:22 PM
Parent: #1



اها يا نوبي براك هبشتنا

Post: #171
Title: Re: نانسـي عجـــاج
Author: فيصل نوبي
Date: 07-18-2007, 07:48 AM
Parent: #170

يا طارق الكلام ده ما صاح منك ياخ
Quote: ما قادرين نتابع

Post: #172
Title: Re: نانسـي عجـــاج
Author: Anwar Ahmed
Date: 07-18-2007, 05:27 PM
Parent: #1


نوبي لا أرى غير الفن والجمال. ممكن لنك الحفظ ل غـدا حـبـيـبـي حـتـما يعـود

Post: #173
Title: Re: نانسـي عجـــاج
Author: فيصل نوبي
Date: 07-19-2007, 07:14 AM
Parent: #172

سلام يا أنور

تفضل يا صديق..

ولي المساء

فلق الصباح

Post: #174
Title: Re: نانسـي عجـــاج
Author: طارق جبريل
Date: 07-20-2007, 10:46 AM
Parent: #1

لي فوق عشان خاطر انجلينا ونانسي

Post: #175
Title: Re: نانسـي عجـــاج
Author: KalamSakit
Date: 07-27-2007, 05:20 PM
Parent: #1

من جديد

Post: #176
Title: Re: نانسـي عجـــاج
Author: Elawad Eltayeb
Date: 07-28-2007, 09:11 AM
Parent: #175

جينا نسجل حبنا الشديد
لنانسي عجاج












ولكل من يحبها

Post: #177
Title: Re: نانسـي عجـــاج
Author: Elawad Eltayeb
Date: 07-28-2007, 09:31 AM
Parent: #176

Quote: جينا نسجل حبنا الشديد
لنانسي عجاج












ولكل من يحبها



الأستاذ الكبير فضيلي جماع
الصديق الصدوق طارق الأمين
والأخ العزيز فيصل نوبي

بلغوا تحياتنا ومحبتنا ودعمنا للنقية نانسي عجاج
وتقديرنا لدور والدها وأسرتها وأصدقاءها في هذا النقاء والإبداع الأصيل المبتكر.

Post: #178
Title: Re: نانسـي عجـــاج
Author: ajaj
Date: 07-31-2007, 02:31 PM
Parent: #177

سلام مربع للحلوين
اولا بالتبادي لو دايرني اخش هنا شيلو صور المرة الفقرية خطافة الرجالة
قلعت براد من حبيبتي جنفير وانا بكرها عمي




ــــــــــــــــــــ
وهي بتذكرني بواحدة كدة برضو خطافة ارجل اقصد رجالة

Post: #179
Title: Re: نانسـي عجـــاج
Author: فيصل نوبي
Date: 07-31-2007, 05:05 PM
Parent: #178

اختي الغالية زاتها هنا ؟؟؟
قلنا لي طارق كده لكن ما سمع الكلام ...
لمن خلانا رفعنا القلم من البوست ده

أعتذر عن الرد المتأخر للجميع هنا لكن طارق جبريل ده جهجه باكات اخوكم.

Post: #180
Title: Re: نانسـي عجـــاج
Author: طارق جبريل
Date: 07-31-2007, 05:17 PM
Parent: #179



اها يا نوبي جينا تاني
كدي خلي سيردباكك ذاته ينفعك

Post: #181
Title: Re: نانسـي عجـــاج
Author: فيصل نوبي
Date: 08-03-2007, 09:02 PM
Parent: #180













-
التعديلات كبكبة ساي..

Post: #182
Title: Re: نانسـي عجـــاج
Author: فيصل نوبي
Date: 08-04-2007, 08:57 AM
Parent: #181


Post: #183
Title: Re: نانسـي عجـــاج
Author: saadeldin abdelrahman
Date: 08-04-2007, 09:55 AM
Parent: #1

ازيك يا دفعة

بقيت تنزل الغنية مرتين
ما كانت انجلينا دي