صورة ابو ساندرا .. تعليقاتكم !!

صورة ابو ساندرا .. تعليقاتكم !!


04-03-2007, 09:43 AM


  » http://sudaneseonline.com/cgi-bin/sdb/2bb.cgi?seq=msg&board=238&msg=1189068028&rn=0


Post: #1
Title: صورة ابو ساندرا .. تعليقاتكم !!
Author: Faisal Al Zubeir
Date: 04-03-2007, 09:43 AM

في حفل شاعر الشعب محجوب شريف صادته الكاميرا وهو بمظهر جديد ..رايكم شنو ؟
[url=http://www.sudaneseonline.com/][/url

Post: #2
Title: Re: صورة ابو ساندرا .. تعليقاتكم !!
Author: Faisal Al Zubeir
Date: 04-03-2007, 09:45 AM
Parent: #1

ويستخدم الجوال لزوم الاهمية !!!

Post: #3
Title: Re: صورة ابو ساندرا .. تعليقاتكم !!
Author: اساسي
Date: 04-03-2007, 09:47 AM
Parent: #1

حلاته ابو عيون سابلة ... ابو ساندار من الرجال واضحي القسمات به وسامة لا تخطأها العين
جمعتني به جلسة بوردابية في الخرطوم قبل عدة اعوام .. الرجل جميل المظهر والعشرة
وفكهاني وبحب الفاكهة
بيموت في المنقة

ـــــــــــــ
تعديل
طبعا اذا قلنا بيموت في الموز والمنقة حسب ما جاء في كلماتا لاغنية
لفسر الامر علي غير موضعه لذا اكتفينا بما جاء اعلاه

Post: #4
Title: Re: صورة ابو ساندرا .. تعليقاتكم !!
Author: حمزاوي
Date: 04-03-2007, 10:15 AM
Parent: #1

سـجـمـي

Post: #5
Title: Re: صورة ابو ساندرا .. تعليقاتكم !!
Author: عبد المنعم سليمان
Date: 04-03-2007, 10:20 AM
Parent: #1

وشو كععععععععععععععععععععععععععب

Post: #6
Title: Re: صورة ابو ساندرا .. تعليقاتكم !!
Author: فيصل محمد خليل
Date: 04-03-2007, 11:16 AM
Parent: #5


شوف شوف التلفون ما فيهو اي عيب

ادينا فيهو 150دولار خلينا نشتت

Post: #7
Title: Re: صورة ابو ساندرا .. تعليقاتكم !!
Author: Faisal Al Zubeir
Date: 04-03-2007, 01:08 PM
Parent: #6

الزميل : اساسي : تحياتي :
Quote: الرجل جميل المظهر


وكمان غزالة !!

الزميل : فيصل : تحياتي
Quote: شوف شوف التلفون ما فيهو اي عيب

ادينا فيهو 150دولار خلينا نشتت


التلفون شده، وما بعرف يستخدمه !

Post: #8
Title: Re: صورة ابو ساندرا .. تعليقاتكم !!
Author: Faisal Al Zubeir
Date: 04-03-2007, 01:10 PM
Parent: #7

الزميل : عبد المنعم : خفيف الظل : تحياتي

Quote: وشو كععععععععععععععععععععععععععب
...عالي!

Post: #9
Title: Re: صورة ابو ساندرا .. تعليقاتكم !!
Author: Deng
Date: 04-03-2007, 01:12 PM
Parent: #1

الوجيه أبو ساندرا.

منعم يا حاقد.

دينق.

Post: #10
Title: Re: صورة ابو ساندرا .. تعليقاتكم !!
Author: فيصل عباس
Date: 04-03-2007, 01:53 PM
Parent: #1

فيصل الزبير
كيفنك
عليك الله قولو:

الشاعر قال ليك

بطنك كرشت
وجلدك خرش ما في

ومن عندنا قولو اهتم بالصحه والتمارين في الكرنيش
مهمه لارباب السكري والذي منو..




فيصل
ممكن تظبط لينا الصوره للتأبين، شكلنا ما ح نلقى اوجه منها؟؟

Post: #11
Title: Re: صورة ابو ساندرا .. تعليقاتكم !!
Author: Faisal Al Zubeir
Date: 04-03-2007, 02:54 PM
Parent: #10

الزميل : فيصل عباس : تحياتي

رايك شنو في الصورة دي وابوساندرا لابس تي شيرت مكتوب عليه (STRIKER) وهو جاكي او برقص ما عارف بس الجكة ماعارفنها لشنو!

[url=http://www.sudaneseonline.com/][/url

Post: #13
Title: Re: صورة ابو ساندرا .. تعليقاتكم !!
Author: عبدالكريم الامين احمد
Date: 04-03-2007, 03:36 PM
Parent: #11

فيصل بالله ياريت تكون عندك صورة ابو ساندرا في حفل
ياسر (مبيوع)...لو ما نزلتها انا ح اوصفها..
عندك مهلة 10 ساعات

Post: #12
Title: Re: صورة ابو ساندرا .. تعليقاتكم !!
Author: أبو ساندرا
Date: 04-03-2007, 03:34 PM
Parent: #1

الزميل فيصل خالد الزبير حضرة
المستعلي بأجداده الشمباته

تلميع ، تشنيع أم تشييع ؟:
---------------------
طبعآ انا لغاية الآن ماقادر أحدد دواعي البوست
هل هو للتلميع ، وحينها تجر علينا الهبايب وكلاب لهب
أو هو تشنيع ، وحينها تجيب لي نفسك الهواء وكلاب الحؤب
أم هو تشييع ، كما يرجو النادب فيصل عباس المنتظر يوم التدشين / التأبين بلهفة العشاق والورثة

يا زول صور وعلق وحتلاقني أقرب اليك من حبل الوريد


Post: #14
Title: Re: صورة ابو ساندرا .. تعليقاتكم !!
Author: Faisal Al Zubeir
Date: 04-03-2007, 03:59 PM
Parent: #12

الزميل :ابو ساندرا : تحياتي

خلي روحك خفيفة زي فيصل .وانت زول رياضي .

Post: #15
Title: Re: صورة ابو ساندرا .. تعليقاتكم !!
Author: Faisal Al Zubeir
Date: 04-03-2007, 04:52 PM
Parent: #14

الزميل : كيكي : تحياتي :


Quote: فيصل بالله ياريت تكون عندك صورة ابو ساندرا في حفل
ياسر (مبيوع)...لو ما نزلتها انا ح اوصفها..


إذا وافق صاحبها .بث مع اغنية خضربشير"الاوصفوك"!

بالبدر او بالزهر هم ما انصفوك
يا جميل الاوصفوك كيف يجهلوك
وعلى الجمال العادى راحو يمثلوك
لو بادلوك عين الحقيقه وبالبصيره تاملوك
بالنور او بالنار او بقدر ما صاغ الخيال
هم ماعادلوك ياجميل الاوصفوك
كوكب منزه فى علاك
سحرك غريب وشخصك بعييد
او كان قريب انوارو اخذه بدون سلوك
يبرق سناك فى قيهب الليل الحلوك
اغرب شمائل زاملوك هم اكملوك
ادبك هبه وفيك موهبه وحسن الظبا
وطبع الملوك ياحليو الاوصفوك

وبعد ده الرأي شنو؟

Post: #16
Title: Re: صورة ابو ساندرا .. تعليقاتكم !!
Author: معتز القريش
Date: 04-03-2007, 08:34 PM
Parent: #15



يا حاقد

مالو ـ حلاة الدنيا عليه

أبوساندرا الصورة دي هدية للبروفايل

كيتا عليهم .

Post: #17
Title: Re: صورة ابو ساندرا .. تعليقاتكم !!
Author: أبو ساندرا
Date: 04-04-2007, 12:55 PM
Parent: #1

كتب أساسي
الكان رومانسي :
Quote: حلاته ابو عيون سابلة ... ابو ساندار من الرجال واضحي القسمات به وسامة لا تخطأها العين
جمعتني به جلسة بوردابية في الخرطوم قبل عدة اعوام .. الرجل جميل المظهر والعشرة
وفكهاني وبحب الفاكهة
بيموت في المنقة


طبعآ انا معتز بغزلك الرفيع لأنك راجل ذوق وبتعرف في علم الجمال والوسامة
بس وسامتنا تتضائل قدام وجاهتكم ، فأنت لو بذلت مجهود صغير فيما يتعلق بالقوام
وإزالة الدهون
لحيرتنا في المنقة ذاتها

اما مايتعلق بجزئية التعديل فالموز ماعندي بيهو شغلة عشان بيرفع لي السكر
وبيهيج القولون
وكمان انا عايز أخليهو ليك ، والناس البتهتم بالموز مابتنسى تفضل منو جزء للأكل
{ وجه متحرش }

مازلت أذكر تلك الأمسية وخاصة تنظيرك الوسيم في شأن ملكية البورد
والإقتراح بتحويله لشركة مساهمة ، اسهمها لدى جميع الأعضاء
وماعارفك ليه ما واصلت في الموضوع ؟

وشكرآ على المداخلة الطاعمة

Post: #18
Title: Re: صورة ابو ساندرا .. تعليقاتكم !!
Author: Faisal Al Zubeir
Date: 04-04-2007, 01:14 PM
Parent: #17

ابوساندرا :
Quote: وشكرآ على المداخلة الطاعمة


ورايك شنو في اغنية "الاوصفوك" للشمباتي خضر بشير ؟

برضو طاعمة.

Post: #19
Title: Re: صورة ابو ساندرا .. تعليقاتكم !!
Author: صديق الموج
Date: 04-04-2007, 01:23 PM
Parent: #1

ابو ساندرا السفة عندك لكن،،،،

Post: #22
Title: Re: صورة ابو ساندرا .. تعليقاتكم !!
Author: Tragie Mustafa
Date: 04-04-2007, 01:27 PM
Parent: #19

ووووووووووووب علينا ابو ساندرا بيسف؟؟؟؟
Quote: ابو ساندرا السفة عندك لكن،،،،


بري بري ابو ساندرا ما شبه السفه.

اوع يكون الكلام ده جدا يا ابو ساندرا؟؟؟؟

تراجي.

Post: #20
Title: Re: صورة ابو ساندرا .. تعليقاتكم !!
Author: إسماعيل التاج
Date: 04-04-2007, 01:25 PM
Parent: #1

بالله دا هو أبو ساندرا؟

عجاااااائب.

Post: #21
Title: Re: صورة ابو ساندرا .. تعليقاتكم !!
Author: إسماعيل التاج
Date: 04-04-2007, 01:25 PM
Parent: #1

بالله دا هو أبو ساندرا؟

عجاااااائب.

Post: #23
Title: Re: صورة ابو ساندرا .. تعليقاتكم !!
Author: Khaalaleyaal
Date: 04-04-2007, 01:39 PM
Parent: #1

معقولة .. ده أبو ساندرا، وداك الكان بشرب مريسة الكيزان في قندهار!!

Post: #24
Title: Re: صورة ابو ساندرا .. تعليقاتكم !!
Author: Zeinab
Date: 04-04-2007, 02:17 PM
Parent: #1

ابو ساندرا ابو البنات والله ابونا كلنا دايمن متألق بس الله يحفظك من العين


شكرا فيصل

زينب الشفيع

Post: #25
Title: Re: صورة ابو ساندرا .. تعليقاتكم !!
Author: عبد المنعم سليمان
Date: 04-04-2007, 02:51 PM
Parent: #1

الراجل ما بعيبوا بشناتو الراجل بعيبوا جيبو



____


صحي ابوساتدرا شين ودي خلقة ربنا يعني شنو

ما ياها ديك نفيسة تتلمع وتتدلك وقاعده هناك زي الخازوق

بس فايقة للونسة مع ود قريش




* والله يا ابوساندرا اول مرة في حياتي اشوف لي وش left

Post: #26
Title: Re: صورة ابو ساندرا .. تعليقاتكم !!
Author: غادة عبدالعزيز خالد
Date: 04-04-2007, 03:06 PM
Parent: #25

أبو ساندرا...

حلاتو و حلات بنياتو و الله


Post: #27
Title: Re: صورة ابو ساندرا .. تعليقاتكم !!
Author: Zeinab
Date: 04-04-2007, 03:18 PM
Parent: #1

منعم يا حاقد خلي الراجل ابو البنات في حالو عليك الله البشوف قرعتك اقصد صلعتك الاكبر منو علي الاقل ابو ساندرا عندو الجنا الما لاقي انتا


زينب الشفيع

Post: #28
Title: Re: صورة ابو ساندرا .. تعليقاتكم !!
Author: Faisal Al Zubeir
Date: 04-04-2007, 04:49 PM
Parent: #27

كتبت الزميلة : غادة : أبو ساندرا... حلاتو و حلات بنياتو و الله
وهنا صورة الجميلة مهيتاب .





وبنهديها :
"الاوصفوك"
بالبدر او بالزهر هم ما انصفوك
يا جميل الاوصفوك كيف يجهلوك
وعلى الجمال العادى راحو يمثلوك
لو بادلوك عين الحقيقه وبالبصيره تاملوك
بالنور او بالنار او بقدر ما صاغ الخيال
هم ماعادلوك ياجميل الاوصفوك
كوكب منزه فى علاك
سحرك غريب وشخصك بعيد
او كان قريب انوارو اخذه بدون سلوك
يبرق سناك فى قيهب الليل الحلوك
اغرب شمائل زاملوك هم اكملوك
ادبك هبه وفيك موهبه وحسن الظبا
وطبع الملوك ياحليو الاوصفوك

Post: #29
Title: Re: صورة ابو ساندرا .. تعليقاتكم !!
Author: أبو ساندرا
Date: 04-04-2007, 08:21 PM
Parent: #1

كتبت المناضلة تراجي ردآ على البطل صديق الموج :
Quote: بري بري ابو ساندرا ما شبه السفه.

اوع يكون الكلام ده جدا يا ابو ساندرا؟؟؟؟

تراجي.


والله انا ذاتي بري يا تراجي
في عمري - الضائع هدر- لم اسف سوى مرة واحدة بنصيحة مهببة من صديق عندما ألمني ضرسي
ولحظتها عرقت عرق شديد وتعالت دقات قلبي العاشق وكدت ان أروح في إغماءة
علق صديقي الناصح وهو العزيز بشرى المكي بانه بيسف طول عمره عشان تلم به مثل الحالة التي كنت عليها

دي كانت المرة الأولى والأخيرة يا تراجي
لكن مين يقنع الديك ؟

مرة الراحل مصطفى سيد أحمد طلب مني سفة ، ولم أجبته بإنني ما بسف
قال : بلاهي قوم ، قال مابيسف قال ، أنت مفروض تمطرو ،{ أي أن أصنع التمباك }

شفت كيف يا موج !
فياتراجي انا ماعارف الناس دي جابت سوء الظن ده من وين

والغريب ، معظم الناس قايلني بسكر كمان ، حتى ساندرا بتي سألتني اليوم ونحن في الغداء
والحقيقة كنت عائد من العمل مرهق ، منهك ومضعضع وماقادر أفتح عيوني
سألتني : بابا انت عامل حاجة كده واللا كده ؟ شارب حاجة ؟
شكلك طاشم
أمها السرباعة قالت ليها : طاشم العطا ؟
وأضافت ، لا ما طاشم لكن شكلو كده ، زي البايتة معاهو

Post: #30
Title: Re: صورة ابو ساندرا .. تعليقاتكم !!
Author: محى الدين ابكر سليمان
Date: 04-04-2007, 10:19 PM
Parent: #29

Quote: والغريب ، معظم الناس قايلني بسكر كمان ، حتى ساندرا بتي سألتني اليوم ونحن في الغداء
والحقيقة كنت عائد من العمل مرهق ، منهك ومضعضع وماقادر أفتح عيوني
سألتني : بابا انت عامل حاجة كده واللا كده ؟ شارب حاجة ؟
شكلك طاشم
أمها السرباعة قالت ليها : طاشم العطا ؟
وأضافت ، لا ما طاشم لكن شكلو كده ، زي البايتة معاهو


غايتو فى الكلام دة الواحد ضحك حتى كاد ان يهلك لولا ان لحقه احدهم بخبطة وجرعة ماء.
انتو البديهة الذكية المرحة دى بتلقوها وين؟

Post: #31
Title: Re: صورة ابو ساندرا .. تعليقاتكم !!
Author: فيصل عباس
Date: 04-05-2007, 06:19 AM
Parent: #29

يابركته
سلامات
Quote: بري بري ابو ساندرا ما شبه السفه

تعرف المشكله مافي
السفه
لكن في الخشم الشايله السفه..
ومعنى الكلام الفوق ده
انو خلقت الله فيك سافي..
((واظن انو دي المشكله الحقيقيه للجندر مع التمباك))
واظن ان خشمك ده كفيل باقصاءك من مواضع الجمال التي يجتمعن
حولها,,لوووووووووووووووووووووووووووووووووول_وامانه ماضعت يا حبه تاني
بتراهن بي شنو..

ومشكلتنا ما عارفنك سافي شنو
لكن من كرشك الكبرت هناك
يظهر عليك سافي تموين البيت
وده ظاهر من ضعفة بناتك
وماهيتاب مثال لذلك..
وزمان قالو
في ناس بتسرق ولايه
وناس بتسرق خروف السمايه..
لو سمحت استبدل سارق بسافي,,

فيصل الزبير
ازيك
عليك الله انت صدقت الكلام ده,
بركات شنو البجك هو فاضي من مرايس قندهار
بس يا صديق بتكون الصوره فيها حبة دبلجه..
الراس لابو ساندرا والجسد (حق) شاذلي الطيب في تيشيرت آخر
ولو مغالطني امشي اسع افتح دولاب شاذلي ح تلقى فيهو
التيشيرت...


عموما مع السلامه,,,

Post: #32
Title: Re: صورة ابو ساندرا .. تعليقاتكم !!
Author: صديق الموج
Date: 04-05-2007, 06:35 AM
Parent: #1

Quote: مرة الراحل مصطفى سيد أحمد طلب مني سفة ، ولم أجبته بإنني ما بسف
قال : بلاهي قوم ، قال مابيسف قال ، أنت مفروض تمطرو ،{ أي أن أصنع التمباك }

شفت كيف يا موج
!


ابو ساندرا.......تحياتى

الحمد لله ما براى...
طيب يا ابوساندرا اتنين كان قالو ليك سفتك كبرت ابزقا..
بعدين اذا كان مصطفى الله يرحمه جنبك قال ليك جيب سفة.
انا على بعد لقطة منك مفروض كان قلت ليك طلع الحقة....
من خشمك حقو ماتزعل..لووووووووووووول،،،،

Post: #33
Title: Re: صورة ابو ساندرا .. تعليقاتكم !!
Author: عبد المنعم سليمان
Date: 04-05-2007, 12:10 PM
Parent: #1

ما شاء الله حلااااتو





وجايييكم بالاحلي

Post: #34
Title: Re: صورة ابو ساندرا .. تعليقاتكم !!
Author: عبد المنعم سليمان
Date: 04-05-2007, 12:47 PM
Parent: #1

راجل المراه دا حلو حلاااااااه



Post: #35
Title: Re: صورة ابو ساندرا .. تعليقاتكم !!
Author: Deng
Date: 04-05-2007, 12:58 PM
Parent: #1

منعم.

هسع أنت كده خلقت لك عداوة مع أم ساندرا

عزبت الراجل. سيب أبو ساندرا ده في حالو.


أبو ساندرا.

ولا يهمك واثقين منك. منعم ده أصلو حاسد.

دينق.

Post: #36
Title: Re: صورة ابو ساندرا .. تعليقاتكم !!
Author: أبو ساندرا
Date: 04-05-2007, 01:01 PM
Parent: #1

كتب استاذنا حمزاوي :
Quote: سـجـمـي

خالص

ووب عليك جدآ

أنت شفت حاجة يا جلك ؟

Post: #37
Title: Re: صورة ابو ساندرا .. تعليقاتكم !!
Author: عبد المنعم سليمان
Date: 04-05-2007, 01:03 PM
Parent: #1

عندنا كتير منو



وفي صور بملابس السباحة لمن يرغب ( ديليفري)


والعفش داخل البوست تحت مسئولية صاحبه





Post: #38
Title: Re: صورة ابو ساندرا .. تعليقاتكم !!
Author: عاصم ابوبكر حامد
Date: 04-05-2007, 01:05 PM
Parent: #1


ابو ساندرا

انت اكث من رائع

واكثر من جميل ...

بث وصف قندهار داك عملت فيه شنو ؟؟؟

Post: #39
Title: Re: صورة ابو ساندرا .. تعليقاتكم !!
Author: عبد المنعم سليمان
Date: 04-06-2007, 07:35 AM
Parent: #1

Quote: انت اكث من رائع

واكثر من جميل ...



جميل جدا لكن غدار



Post: #40
Title: Re: صورة ابو ساندرا .. تعليقاتكم !!
Author: معتصم الطاهر
Date: 04-06-2007, 09:42 AM
Parent: #1

Quote: وأضافت ، لا ما طاشم لكن شكلو كده ، زي البايتة معاهو



هى منو ؟

Post: #41
Title: Re: صورة ابو ساندرا .. تعليقاتكم !!
Author: أبو ساندرا
Date: 04-06-2007, 11:47 AM
Parent: #1

كتب الشاعر المجيد راقي الاحساس معتصم الطاهر :
Quote: هى منو ؟


إذا كان سؤالك يا باشمهندس عن التي { أضافت } فهي الست حرمنا المصون
أما إذا كان عن ال { بايتة معاهو } فبرضو الست حرمنا المصون ، رشيدة رضي الله عنها
وأرضاني بها

أها ، اي سؤال تاني ؟

زمان ناس الطيران المدني الحقونا بمركز التدريب الموحد في جبل أولياء
لتلقي التدريب العسكري قبل الإلتحاق بالمعهد القومي للطيران المدني للعمل كضباط مطارات
والكلام ده كان قبل إنقلاب الجبهة الإسلاموية يا هندسة ، عشان ماتظن إنو ده كان معسكر خدمة الزامية
الشاهد ان التعلمجي في دروس التعرف على البدقية قبل دروس ضرب النار شرح لنا مما تتكون البندقية
فقال : تتكون البندقية من ماسورة ودبشك
ثم سأل : أي سؤال ؟

أها يا هندسة ، أي سؤال ؟

Post: #42
Title: Re: صورة ابو ساندرا .. تعليقاتكم !!
Author: أبو ساندرا
Date: 04-06-2007, 12:32 PM
Parent: #1

Quote: الزميل : عبد المنعم : خفيف الظل : تحياتي


Quote: وشو كععععععععععععععععععععععععععب

...عالي!


جاوب على سؤال فيصل الزبير أعلاه يا عبدالمنعم سليمان
وكمان علق على تعليق العزيز دينق أدناه

وبعد داك حانجي نتحاسب قبل صياح الديك مرتين

Post: #43
Title: Re: صورة ابو ساندرا .. تعليقاتكم !!
Author: أبو ساندرا
Date: 04-06-2007, 12:54 PM
Parent: #1

الزميل العزيز/ فيصل محمد خليل

شكرآ على المداخلة الظريفة
وشكرآ على الدعوة لزيارة بلغاريا وأرجو ان أتمكن من تلبيتها في الصيف القادم
و كل الأشواق

Post: #44
Title: Re: صورة ابو ساندرا .. تعليقاتكم !!
Author: عبدالكريم الامين احمد
Date: 04-06-2007, 01:59 PM
Parent: #43

سلام يا ابو ماهيتاب وساندرا...
انت عارف بعد الصور الوجيهة دي انا طوالي (جبت) ورقة وقلم
وختيتك (نمرة) ثلاثة في اللستة الشهيرة الانت عارفة ديك
ويبقي عندي
1-.....
2-.....
3- عبدالرحمن بركات
وبالله بمعرفتك رشح لي زول رابع لانو الخانة الرابعة دي لسع فاضية وياريت لو كان(الشاذلي ) المتصور
معاك ده..

Post: #45
Title: Re: صورة ابو ساندرا .. تعليقاتكم !!
Author: عبد المنعم سليمان
Date: 04-06-2007, 02:08 PM
Parent: #1

والله يا كيكي ابوساندرا بالصور اللي نزلتها ليهو دي

ضاربك وضارب سيد البوست وضارب نفيسة ذااااتو

يا اخوي احنا ما بنزل حاجة ساااي

والله يا ابوساندرا ختيير لكن

ضارب الناس عدة وعتاد



سنة يا راجل عمتي ام ساندرا