أها تانى ماشى أتشاكل هنا كيف ؟؟؟؟

بعد هذا الحب والدعوات الصادقة التى أحطموننى بهما

أولآ:
بفضل الله ودعواتكم الصادقة ..

سلمى يوم أمس تعافت من العلة الأساسية وهى لخبطة المصارين "الإمعاء الدقيقة" .. أُجريت لها العملية الرابعة ما بين فك الربط والتقطيع والترقيع ..

ستغادر المستشفى بإذن الله بعد أسبوع ولكن الى مشفى تأهيلى من آثار الجروح الفعلية والنفسية .. وفقر الدم ونقص التغذية ..

يقوم التأمين الصحى بتغطية كل التكاليف .. أذكر ذلك وأنا أتألم لأبناء وطننا الذين يموتون على الطرقات بعلل أقل من ذلك بكثير .. وأذكر الأبن أحمد الذى أصابه المرض أضعاف وأضعاف داخل المستشفى لضيق اليد .. ففقد يده وتهددت ساقه ..

إبنتى تتوجه الآن الى مشفى خمسة نجوم .. فى بلاد تعرف قيمة الإنسان .. حضرت لها لاجئ لا أحمل سوى أسيّتى وبضع شنط مليئة "بالدلاقين" .. المرارة تملأ نفسى أنا أتذكر أبناء وطنى الذين يموتون فى "الكوشة" فى بلد تدّعى رعاية الإيمان ووراثة إرث الله من العدل والكرامة ..

هذا البوست هروب من الردود على كل البوستات المفتوحة التى لن أوفى أخواتى وأخوتى وبناتى وأولادى حقهم مهما كتبت ومهما وصفت من مشاعر ..

لم تحتمل ذاكرة التلفون والموبايل كل التلفونات والمذكرات .. أفرغت زوجتى أكثر من مئة مكالمة .. وفشلت فى فى حصر قدرهم ..

وسعيد بالمكالمات التى أفلحت فى إستقبالها ..

أمسك عن ذكر الأسماء لأنى سأهفو فى نسيان البعض .. ولكن أشكر الجميع فدعواتكم وصلت غير منقوصة ..

فى العملية التالثة بقينا فى المستشفى حتى الساعة الرابعة صباحآ حتى إخراج إبنتى الى العناية المركزة .. وسُمح لنا برؤيتها دقائق .. وفى اليوم الثانى وصلت المستشفى التى تبعد منى نصف الساعة .. وجدت أخى عماد عويس "شمت" وصل قبلى الذى يسكن على الطرف الثانى من القطر .. بكت سلمى وهم يخبروها بأن عمها هنا يريد رؤيتها ..

الحبيب شوقى بدرى ومعه صديق عراقى "فريد" قطعا ثلاثة دول فى رحلة تجاوزت العشرة ساعات ..لرؤية سلمى ..

الحبيبة "د.حنينة" زميلة البورد هنا وصاحبة منتدى سودان راى لم تتركنى لحظة من العناية الطبية والدعم النفسى والدعاء الصادق وكذلك كل الزميلات ووالزملاء هناك داخل المنتدى وعلى الخاص والتلفون والموبايل ..

وأيضآ لم يقصر معى خالد الحاج بالتلفونات والدعاء وكل الزميلات والزملاء بسودانيات

كما ذكرت لا أستطيع الإسهاب فى مشاعرى .. ولكنها تجربة خرجت منها بالكثير .. وسمعت صوت أقربائى وأعمامى وعماتى بعد ثلاثة عشر عامآ من الضياع .. ويا آسيا ربيع تقبلى سلام تادرس ..

من خارج المنتديات تقبلت عدت مكالمات من المتابعين والأصدقاء .. وكانت المفاجأة صوت صديق الصبا ورفيق الشباب أخى الذى لم تلده أمى الشاعر محمد طه القدال ..

أشكر كل الذين تركتهم هنا مع الإيمان الكامل برحمة الله .. سلمى بنتى تحتاج دعواتكم الصادقة
ولم تتركنى دعواتهم الصادقة

أشكر الذين وجدتهم مصادفة فى محرك البحث فى رفقة أخى محمد أبوالعزائم أبوالريش فى أين رأفت ميلاد؟ وسعيد بيك يا دلال .. وكل من وجدته فى رفقة حبيبى عزام حسن فرح فى رأفت ميلاد ... أين أنتُم يا سَيِدي الفاضِل .. ويا تراجى فعلآ التلفون فى فترة إتنسى بره .. وباظ ولسة شغال بواحد "نص كم"

سأحاول التواصل مع الجميع على الصعيدالشخصى .. ومحتاج أرقامكم خاصة ناس السودان .. لجهلى "الموبايلى" كنت أعتقد النمر ستظل محفوظة يا إنعام وإنعام وإشراقة .. ويا كوجان لسة ما لامى فى إشراقة التانية يمكن كلامك طلع صح .. ومنى خوجلى إمكن رحلت .. ويا سمندلاوى شوف لى تلفون عوضية والنور .. تلفونك أنت وود الشيخ محفوظ .. أنتظر العناوين بفارغ الصبر فى الخاص .. أو رسائل فى الموبايل .. ونمرك الرسلتها لى زمااان ياعادل سمير لا شغالة ولا حاجة ..

طبعآ ممكن أواصل الى ما لا نهاية .. وما بقول إكتفيت .. بش مشكلتى هسة أتشاكل معاكم تانى كيف ؟؟؟

اخي رافت سلام وحمدا لله علي سلامة العوده

والف حمدا لله علي سلامة ابنتنا سلمي وفعلا فقد تالمنا لالمها

وشعرنا بما تعانيه ووالدتها من تعب نفسي قبل الجسدي

والحمد لله الان وقد احضرت البشاره بانها بخير

واما وقد شكرت الناس فانك من يسبق والكل يثني بالخير عليك

وان لم يمونوا قد التقوا بك ...

وان عدت لتقارن بين ما نعانيه في السودان وفيما انت فيه فلا نقول لك فقط عليك

بحمد الله علي ما نت فيه ..فحالنا يغني عن سؤالنا ..ان الموت ان لم بالمرض فانه اما

بالاهمال او خطا الطبيب المعالج ..

Quote: طبعآ ممكن أواصل الى ما لا نهاية .. وما بقول إكتفيت .. بش مشكلتى هسة أتشاكل معاكم تانى كيف ؟؟؟

ياعمي شاكل زي ما انت عائز ...

اصلا الاجتماعيات دي دربها براهو ...

وشكلك قبيل كان لاختلاف وجهات النظر .ولا زال الاختلاف موجودا ...

نتمني ان نراك كما كنت بخير وتكتب ما تحبه وان اختلف مع ما نحب نحن


_________________________________
سعدت بعودتك كثيرا

ودي وتقديري مع تمنياتي لسلمي بالتعافي الكامل

الحبيب المسلمى .. شكرآ ليك كتير ..
تقبل سلام سلمى .. وهى مصرة على الردود إسم إسم .. وطبعآ اليومين دى لاقيا يدها فينى .. سأرد على كل البوستات دقة سريعة وأرجع هنا..

Quote: وان عدت لتقارن بين ما نعانيه في السودان وفيما انت فيه فلا نقول لك فقط عليك بحمد الله علي ما نت فيه ..فحالنا يغني عن سؤالنا ..ان الموت ان لم بالمرض فانه اما بالاهمال او خطا الطبيب المعالج ..

رحمة الله واسعة .. ويجب أن نسعى أولآ ولن يغفلنا من رحمته .. شفا الله كل المرضى ورفع الكرب عن وطننا بإرادة أبنائه

مودتى

اخونا الغالي رأفت

الف حمدلله بالسلامة وربنا يضمنك واسرتك علي الصغيرة الحبيبة

Quote: بش مشكلتى هسة أتشاكل معاكم تانى كيف ؟؟؟

ملحوق ما تستعجل

عثمان رغيم يا حبيب
شكرآ على طيب الدعوات وتقبل سلام سلمى

Quote: ملحوق ما تستعجل

جهز لينا واحدة حتى كان فى لاهاى

حمد الله على سلامة سلمى يا رأفت

Quote: بفضل الله ودعواتكم الصادقة .. سلمى يوم أمس تعافت من العلة الأساسية وهى لخبطة المصارين "الإمعاء الدقيقة" .. أُجريت لها العملية الرابعة ما بين فك الربط والتقطيع والترقيع ..

حمدأً لله لسلامة سلمى وشافاها الله وعافاها



وسلمكم الله أخي الوطني رافت ميلاد

Quote: حمدأً لله لسلامة سلمى وشافاها الله وعافاها

شكرآ عزيزى آدم صيام .. لا عدمنا دعواتك الصادقة

Quote: حمد الله على سلامة سلمى يا رأفت

تسلم من كل شر أخى أشرف الحبيبى
تحياتى للأسرة

حليلك يا ودميلاد ...

وِكتين < سلمى > سِلمت ، تعال إتشاكل ساااي حرم ما بِنسألك

تحِياتي لِسلمى وحرمكم سيدي الفاضِل
...

رأفت ياصديقى العزيز

حمدالله على سلامة سلمى بركة ربنا البرد قلبك وحشا فاتن وربنا يخليها ليكم ويحفظها من كل شر

Quote: ويا كوجان لسة ما لامى فى إشراقة التانية يمكن كلامك طلع صح

انا قاعدة يا رأفت
دشيلون تلفون للبيت
الموبايل
تلفون شغلك
وايميلات وبرضو النافع الله

طبعا لقيت ليك العزر لكن بينى وبينك بفكر لى زمن انى اركب وش ككو، ايوه وش ككو عديل كده
ودايرة اتعلم الشكل ومن طرف تانى واحتمال ابدأ بيك وحايكون بينا اتصال طوووووويل
اها شاكل شكلك ولو داير واحدة من خططى تقديم كورسات فى الشكل يازول لمن تكون طيب فى ناس بتحقر بيك وبيفتكروك مسكين عشان كدى حانطلع عضلات الشنا التبش دى كيف معاك

كيفك يا إشراقة

Quote: دشيلون تلفون للبيت الموبايل تلفون شغلك وايميلات وبرضو النافع الله

غمة وإنزاحت يا إشراقة .. حفظ الله كل أبنائنا ..

Quote: كدى حانطلع عضلات الشنا التبش دى كيف معاك

أنا ما متفرغ ليك لسة .. لكن ما سألتينى كوجان قال لى شنو

بتصل بيك

تقبلى سلام سلمى وفاتن

.. حمد ً لله على السلامه و تسلم سلمى من كل بلا ء
. ننتظر كنا مجيأك بالاخبار الطيبه الله يطمنك و يواليها بالعافيه
. اما الشكل فأعتقد ان الناس صارت أشكل
. و بياخد منها زمن كتير .. كان من المفترض اتحول لى تفكير ايجابى نحو التغيير
. ونتكلم قدام
. تحياتى للاسره
.

مرحب يا خطاب الجميل

Quote: حمد ً لله على السلامه و تسلم سلمى من كل بلا ء

تسلم يا ملك وتقبل سلام سلمى وأمها ..

Quote: ونتكلم قدام

وما أحلى الكلام وأنقاه معاك

مودتى

كيفك يا عزام ومشتاقين كتير

Quote: وِكتين < سلمى > سِلمت ، تعال إتشاكل ساااي حرم ما بِنسألك

أها نحضر البقنية أول

تقبل سلام سلمى وأمها

محبتى

اخونا رافت
الف حمدلله علي السلامه لك ولي سلومه

انشالله اجر وكفارة

ألف حمدلله علي سلامة سلمي وعلي الأاطمئنان التام..
بس عذبتنا يا رافت بالأنسر ماشين والتي لا ياتي بعدها ما يطمئن..نترك الرساله بعد الرساله ولا مجيب..

المهم سعيده جدا بالنتيجه..وسلمي تستحق بعد الشفاء التام اجازة نقاه في لندن..موش؟؟

مشتاقين كتير يارأفت وبركه الشوفناك مبتسم ومرتاح..

وبركه الربنا سهل لينا نعيش في بلد تقدر قيمة حياة مواطنيها..فتشفبهم بدلا من أن تقتلهم!

كيفك يا منى

Quote: ألف حمدلله علي سلامة سلمي وعلي الأاطمئنان التام.. بس عذبتنا يا رافت بالأنسر ماشين والتي لا ياتي بعدها ما يطمئن..نترك الرساله بعد الرساله ولا مجيب..

كانت لخمة والله .. وما قصرتى والله .. دعواتك وصلت كاملة ..

تحياتى لى ياسين وأبوه وأمه وللخالة جارة وكل الأخوات

Quote: وبركه الربنا سهل لينا نعيش في بلد تقدر قيمة حياة مواطنيها..فتشفبهم بدلا من أن تقتلهم!

حمد لله على السلامة يا رأفت
وربنا ينعم على سلمى بكامل الشفاء
سعيدين برجوعك ونكون أسعد برجوع سلمى للبيت أطيب وأحسن
وما تكلف نفسك بالرد فقط لا تقطع أخبار سلمى

روزمن يا أميرة .. عاجز عن شكرك .. لم تكفى عن السؤال والدعوات ..

Quote: سعيدين برجوعك ونكون أسعد برجوع سلمى للبيت أطيب وأحسن وما تكلف نفسك بالرد فقط لا تقطع أخبار سلمى

شكرآ ليكى سلام خاص من سلمى

محبتى

كع يا رجل يا فاضل

Quote: الف حمدلله علي السلامه لك ولي سلومه انشالله اجر وكفارة

تسلم وتسلم أيامك .. سلام خاص من سلمى

حمدالله على سلامة سلمى يا رافت
ربنا ينعم عليها بالشفاء الكامل ان شا الله

أهلآ بيك يا ود البشرى

Quote: حمدالله على سلامة سلمى يا رافت ربنا ينعم عليها بالشفاء الكامل ان شا الله

شكرآ لجميل الدعوات وتحياتى للعيال وأمهم

حمد لله علي السلامة اخي رافت

وربنا يديم الصحة والسلامة
وافتقدناك وافتقدك المنبر
وظللنا نتساءل
رافت جا .. ماجا
كل الزهور راجيا
مرحب بعودتك

عبدالعظيم محمد أحمد يا راجل يا بديع

Quote: وظللنا نتساءل رافت جا .. ماجا كل الزهور راجيا

شكرآ على الإفتقاد وعلى أطيب الكلمات

محبتى

Quote: وظللنا نتساءل رافت جا .. ماجا كل الزهور راجيا مرحب بعودتك ]

الأخ رأفت
أسفي لضعف المتابعة ولكني والله أدعو الله بكل صدق ومحبة للعزيزة سلمى بالشفاء ...

Quote: إبنتى تتوجه الآن الى مشفى خمسة نجوم .. فى بلاد تعرف قيمة الإنسان .. حضرت لها لاجئ لا أحمل سوى أسيّتى وبضع شنط مليئة "بالدلاقين" .. المرارة تملأ نفسى أنا أتذكر أبناء وطنى الذين يموتون فى "الكوشة" فى بلد تدّعى رعاية الإيمان ووراثة إرث الله من العدل والكرامة ..

وليس لي إلا أن أقول لا حول ولا قوة إلا بالله ...

شكرآ يا عمران حسن وما بتقصر ..

آسف إذا تألمت من الفقرة أعلاه .. ولكن هى الحقيقة المرة .. تعلمنا أن نتألم ونحن فى قمة الفرح .. نبكى على وطن تحطم مع سبق الإصرار والترصد .. وطن لنا فيه ذكريات .. وتذوقنا حلاوته وأمنه .. وتمتعنا بمجانية العلاج والتعليم وتنزهنا ملوك فى أرجائه .. ويأتى هؤلاء .. ليحطموا البسمة فى عيون الأطفال .. والأمل فى قلوب الشباب .. ولا أقول الشيبة .. فلقد "تمردغنا" فى خيره وبركته .. ويأتى من يقول إذلال البشير من إذلال عزة السودان .. أين هى ؟؟؟


لنأجل الشكل

محبتى

الرجل النقى د. شهاب

تسلم ياخى ومشتاقين

الاخ رافت ميلاد

الف حمدلله على سلامة سلمى.....وعقبال ماتشفى تماما وتشوفها قدامك عروسة
والجنا.... وجعه حااااااااار فى القلب ......الله يسعدكم بيها ياااارب ....

Quote: أها تانى ماشى أتشاكل هنا كيف ؟؟؟؟

حمدا لله على سلامة الابنة سلمى

نسأله أن يمتعها بالصحة والعافية

ولا شكر على واجب يارأفت

حيدر حسن ميرغني

Quote: حمدا لله على سلامة الابنة سلمى نسأله أن يمتعها بالصحة والعافية

وأنت أهل الواجب يا حيدر .. وشكرآ ليك كتير .. نشكر بعضنا من شكرنا لله بفضله علينا بالمحبة

مودتى

ناهد بشير الطيب كيفك

Quote: الف حمدلله على سلامة سلمى.....وعقبال ماتشفى تماما وتشوفها قدامك عروسة والجنا.... وجعه حااااااااار فى القلب ......الله يسعدكم بيها ياااارب ....

ربنا يحفظ كل أبنائنا .. ويسدد طريقهم الى الصواب شكرآ ليك وتحية من سلمى

مودتى

حمد لله على سلامة "سلمى"

..
..

الاخ الحبيب رافــــت .. تحية طيبة

وحمدا لله علي السلامة وربنا يحفظها ويديها الصحة والعافية .. والحمد لله
انك اطمانيت وطمنتنا علي سلمي .. ربنا يخليها ليك يارب .. ..اااامين

كيفك يا بهاء

Quote: وحمدا لله علي السلامة وربنا يحفظها ويديها الصحة والعافية .. والحمد لله انك اطمانيت وطمنتنا علي سلمي .. ربنا يخليها ليك يارب .. ..اااامين

تسلم على صادق الدعوات ومشتاقين

مودتى

شكرآ كتير يا الملك

Quote: حمد لله على سلامة "سلمى"

تسلم ياخ ونسمع عنك كل خير

حمداً لله علي سلامة سلمي ياعم رأفت ..
وربنا يديها الصحة والعافية ..
وإنشاء الله السلامة ماتفارق دربكم ...
وعقبال ماتشوفها مع إخواتها في البيت ...

Quote: وربنا يديها الصحة والعافية .. وإنشاء الله السلامة ماتفارق دربكم ... وعقبال ماتشوفها مع إخواتها في البيت ...

تسلم العزيز عصام الجيلى .. وفقك الله وسدد خطاك يا إبنى .. وبعد عنك كل الشرور

الاخ رافت ..

الف حمد الله على سلامة بتنا سلمى ..

الله يواليها بالعافية وترجع تنور ليكم البيت ...

كان للشكل ما تخاف .. هنا .. بتلقى السبب او الزول البيطلعك من طورك ويخليك تشاكل عادي .. اصبر شوية بس

سناءء جعفر الكتابة مشتاقين والله

Quote: الف حمد الله على سلامة بتنا سلمى .. الله يواليها بالعافية وترجع تنور ليكم البيت ...

الله يعافيك ويحفظ ليك أسرتك وكل الأحبة

Quote: كان للشكل ما تخاف .. هنا .. بتلقى السبب او الزول البيطلعك من طورك ويخليك تشاكل عادي .. اصبر شوية بس

الصبر كيف لكن وداير أحصل مولد البشير ده

مودتى

الاخ العزيز رأفت.

ألف ألف حمد الله على سلامة سلمى.

تحياتي لك ولجميع أفراد العائلة.




دينق.

Quote: ألف ألف حمد الله على سلامة سلمى.

شكرآ يادينق وتقبل سلام سلمى والجميع

محبتى

الأخ رأفت
حمدا لله على سلامتكم
وسلامة إبنتنا سلمى
سلمها الله من كل أذى

وكما قال الشاعر:

نعم الإله على العباد كثيرة ** وأجلهن نجابة الأبناء

Quote: بش مشكلتى هسة أتشاكل معاكم تانى كيف ؟؟؟

وإختلاف الراي لا يفسد للود قضية

وبرضو الشكل والمشاكل بكون فيها الخير
إن كان غرضنا جميعا الإصلاح ومصلحة الوطن الحبيب

ولك التحايا وللأسرة

ودمتم سالمين

أخي الحبيب رأفت الف حمدا لله علي سلامة غاليتك سلمي وإنشاء الله تكون آخر الجراح والمرض , تقبل إعتذاري الشديد لعدم متابعتك تلفونياً ولكن الله عالم مدي محبتي لك يا ملك وربنا يعجل لها بالشفاء , أشد ما اثارني في هذا البوست إنك لم تنسي إخوانك في السودان المعدمين والذين يموتون بأبسط الأمراض وانت تجد الرعاية والإهتمام في بلد ذهبت إليها لاجئ سبحان الله ولا حول ولا قوة إلا بالله .

سلام يا هاشم
يا عم النية واصلة وشكرآ على كريم القول

Quote: أشد ما اثارني في هذا البوست إنك لم تنسي إخوانك في السودان المعدمين والذين يموتون بأبسط الأمراض وانت تجد الرعاية والإهتمام في بلد ذهبت إليها لاجئ سبحان الله ولا حول ولا قوة إلا بالله .

مفارقات تدمى القلب على وطن تم ذبحه فى وضح النهار .. لم يكن الحال هكذا يا هاشم فى زمن كانت تنقصه التكنلوجيا .. تم إنقاذ أرواح .. وبكى الأطباء فيه عندما تغلبهم الحيلة

كيف حالك يا قناوى ومرحب بيك كتير

Quote: حمدا لله على سلامتكم وسلامة إبنتنا سلمى سلمها الله من كل أذى وكما قال الشاعر: نعم الإله على العباد كثيرة ** وأجلهن نجابة الأبناء

سلمت يا سيدى وصدق الشاعر

Quote: وبرضو الشكل والمشاكل بكون فيها الخير إن كان غرضنا جميعا الإصلاح ومصلحة الوطن الحبيب

هو هذا إذا تعدى الخاص الى العام تعم الفائدة ونخرج بالحكمة

تقبل سلام الجميع

مودتى

حمدالله على سلامة الامورة

تحياتي للاسرة الكريمة

Quote: حمدالله على سلامة الامورة تحياتي للاسرة الكريمة

تسلم يا قريبى

تقبل سلام الجميع

Quote: .. بش مشكلتى هسة أتشاكل معاكم تانى كيف ؟؟؟

..
تتشاكل عادي جدا .. وتجي تبارك وتهني وتعزي .. وتخت في الكشف .. دي من بديهيات سودانيتنا .. إلا من ترك كل قيمة فاضلة فينا وتجاوز في خصومته حد الفجـور .. وما اكثر هذه النماذج.
أنا ماعندي مشكلة لو عايز تتشاكل معاي .. أنا جاهز ..
تعرف يا رافت:
ترتيبي اوسط أخواني .. ما بين الكبار والصغار .. يعني عامل زي مسمار النص كدا .. وهي ميزة جعلتني في موازنة ما بين عقلانية الكبير .. ورعونة الصغير وطيشه ..
عضلاتي المفتولة وطول القامة كانت محفز لأن أدخل في صراعات حميمة بين واحد من أخوتي الكبار .. كنت اتعمد دائما ( مداقرته) لاستعرض بعض عضلاتي في حميمية لو غابت لحظة لفقدنا الكثير من عسل الحياة الملحو كتير .. وبالرغم من صعوبة النزال والاشتباك بيناتنا لكن كنت برضى بالبجي واتم الباقي طول لسان وغيظ يا حجار من الشارع .. وأنا متضاري من خلف الوالدة أو الوالد ربنا يديهم الصحة والعافية ..
في الكورة وادبياتها المعقدة كان أول من يكون جانبي هو .. وبتذكر انو راسي اتفتح واتخيط سبعة فتلات في مباراة كرة قدم لما كنت بلعب في برشلونة .. الحجر كان من أحد المشجعين واذكر لحظته أنو كيف وقف الحلة على رجل واحده .. ودق بيت ناس المشجع ديل كلهم .. وأعلن عليهم الحرب وجاب لي دمي
وأذكر كيف انو كان بيشيلني ويجري بي المركز الصحي القريب من البيت أول زول لما تحصل لي كارثة من كوارث الملاريا اللعينة ..
بعد العملية الجراحية العملتها هنا في الغربة .. وكنت متماسك بالحد الخلاني اشاغب اسطاف التخدير لمسافة طويلة والجراح داخل غرفة العمليات المخيفة جدا والانوار البتجيك من فوق والمريلة العجيبة وجهاز تخطيط القلب والمرايل الملونة اخدر وأحمر والله لا يدخل حبيب أو عدو في هذه الغرف اللعينة المخيفة..
في غرفـة الافاقة .. صحيت لقيت نفسي في عالم تاني .. عدد من السراير مرصوصة طولياً وانين .. وبرودة جو .. بفعل التكييف العالي .. وستاير تتحرك بحرية لانو ما اتعلمت ليها عملية ولا اخدت بنج ..
اكشتفت وحدتي وضعف حيلتي وعدم الحركة .. أول من مر على ذاكرتي وقتها .. أخي الأكبر وشريط طويل من الذكريات في تلك الوحدة الموحشة .. عندها بكيت بحرقة .. حرقة شديدة .. من أحساس لا يحسه إلا من كان هو في نفس الموضع ..
أول من داهم هذه الغرفة المزعجة صديقي معتصم دفع الله بعد أن تجاوز الكثير من الحواجز والمناطق الممنوعة حسب وصفة الطبيب .. طبعا بعدما طولته في العملية قايلني مته دحرج السرير وعندها حسيت اني ممكن اطول لساني على الفلبينية القصيرونة الكانت كل مرة بتقول لي wait .. wait دقيقه بس شوية شوية .. أمطرتها بما تيسر من حراق روح .. ومفردات سودانية من بت المجذوب والله كان فهمته أحتمال كان عملو لي أورنيك تمنية ..
في الغرفة المحددة للتنويم احتشد كل الاصدقاء من عرفتهم في هذه المساحة واسرهم حتى الطبيب الجراح طالب بخروجي فور انتهاء الجرعات التكميلية نسبة لما سببته بوجودي من ازعاج .. هذا مع عدم اعتقادي باني من الشخصيات المهمة في هذه الدنيا .. لكن لقناعتي التامة بالقيمة الانسانية الكامنة بداخلنا .. ما وجدت فرصة للرد على الاتصالات الهاتفية في أربعة جوالات اتنين لي واتنين لمعتصم دفع الله .. كان الحل النهائي ان تم قفل الجوالات لحين المرور من هذه المرحلة .. اشخاص اتصلو علي ما عرفتهم من قبل .. شخصيات اختلفنا مع بعضنا في هذه المساحة إلى حد التعارك بالمفردات الخشنة ..
تخيل واحد سوداني جا داخل .. سلم علينا وقعد شوية .. وقال لي الله يكتب السلامة .. ما عرفتو لا انا لا معتصم ولا بقية الشباب الكانو معاي .. طبعا انا كنتو فاكرو الوكت داك عمر علي
اتبرع وعرفني بي نفسو:
قال لي والله انا ما بعرفك .. لكن عندي زول قريب صاحبي وراقد هنا .. مشيت ليهو .. وجيت في الممشى شايف السودانين بخشو ويطلعو عرفت انو في واحد سوداني راقد هنا .. قلت اجي اشوفو واتحمدل ليهو السلامة .. بلاي تتخيل الموقف دا ..؟
كل ما ذكرته اعلاه يا رأفت تداعي مر علي وأنا اقرا في ما كتبت في حميمية لكل الذين وقفوا بجانبك والأخت سلمى واظنك حسيت بعمق هذه الانسانية الصلاة التي هي جزء من جيناتنا .. التي أن تركناها صعب علينا العيش في هذا الكوكب..
تحياتي لسلمى وربنـا يقويها ..
ولو كان عندي رقم تلفونك . صدقني ما كان تأخرت لحظة في اني اتصل عليك واحول المكالمة على حساب كوستاوي..

يومك فل يا تمبس
رجعتنا لأمدرمان وناس أمدرمان .. وشقاوة أمدرمان اللسة شايلنها فى كتوفكم .. تعرف الفى النص بين أخوانوا بكون زول جيلين .. تلقاه فى الفاتحة والعقد .. وباليل فى الخور .. يعنى مواكب ..

Quote: كل ما ذكرته اعلاه يا رأفت تداعي مر علي وأنا اقرا في ما كتبت في حميمية لكل الذين وقفوا بجانبك والأخت سلمى واظنك حسيت بعمق هذه الانسانية الصلاة التي هي جزء من جيناتنا .. التي أن تركناها صعب علينا العيش في هذا الكوكب.. تحياتي لسلمى وربنـا يقويها ..

تعرف يا علاء بعد العملية التالتة وأنا طالع المستشفى الصباح .. البت العملية الثانية إتفتحت فى بطنا.. فتحوا البطن بى طولا .. ولقو فيها خُرّاج بقيضة اليدين أسفل البطن .. طلعوه وغسلوا المصارين بى 9 لتر موية .. رجعت البيت 4 صباحآ وأنا فى حالة ما عندى فيها غير ربى .. عملت البوست وطلعت وبقى أملى الدعاء .. لم رجعت المساء والبت نطقت فتحت البوست ولقيت الناس ملوه .. بكيت كالطفل مع كل سطر قريتو .. رغم أننى كنت متماسك تمامآ فى كل المراحل .. ما بنقدر نعييش بدون بعض لأننا إتربينا كده .. ربنا يديم المعروف ويثبت المحبة ..

Quote: ولو كان عندي رقم تلفونك . صدقني ما كان تأخرت لحظة في اني اتصل عليك واحول المكالمة على حساب كوستاوي..

بالمناسبة يوم ظبطت ليك تمام .. طبعآ ما زى بتاعة زمان وللراس خفّ .. زى بتاعة المصريين بتوع الفرع زمان .. يقولوا ليك نزلنا النيل معانا 2 بيرة و4 ببسى وسُكر وعربدة للصبح .. المهم 1 صباحآ 2 عندكم شكيتك تلفون باين كنت قافلوا .. ما قنعت فكيت واحد فى عماد عبدالله .. لكن برضو سلم منى ..
بجربك تانى فى زمن مناسب كده

مودتى ياخ وشكرآ على الدعوات الصادقة

يا رأفت
حمد الله علي سلامة سلمي

وتحية خاصة ليها من عمها

وكنا طيلة الفترة الفاتت مقلقين

شكراً علي الأخبار السعيدة


وإنشاء الله تتم فترة النقاهة القادمة

وتعود أكثر حيوية ونشاط

الاخ العزيز رأفت ميلاد ..

الف الف حمد لله علي سلامة الابنة سلمي ..

تمنياتناو دعواتنا لسلمي بالشفاء التام و العاجل من جراح العملية
البدنية و النفسية ....

------

سلام يا محمدين

Quote: تمنياتناو دعواتنا لسلمي بالشفاء التام و العاجل من جراح العملية البدنية و النفسية ....

شكرآ ليك كتير .. وربنا بدعواتكم أخد بإيدا .. الحمدلله كتير

تسلم يا أمير

Quote: حمد الله علي سلامة سلمي وتحية خاصة ليها من عمها وكنا طيلة الفترة الفاتت مقلقين شكراً علي الأخبار السعيدة وإنشاء الله تتم فترة النقاهة القادمة وتعود أكثر حيوية ونشاط

شكرآ يا زهير وتسلم أيامك .. تقبل سلام سلمى والجميع

الأخ المحترم..رافت ميلاد
أولا حمدا لله علي سلامة ابنتك وان شاء الله تقوم بالسلامة وتواصل مشوار الحياة مع والد رائع هو أنت..والرجل المحترم ويقدره الناس ..والمحترم يكون كذلك مهما اخنلفت الرؤي واختلت الموازين.. وستظل هكذا .. وكما قلت لك قبلا مرة ومرتين وثلاث.. وهذه الرابعة.. أين ما وجدتك .. وجدت في يدك المحبة تكتب .. وهكذا هو الخلق القويم..
مودتي لك ..وللحبيبة سلمى..

صلاح الفكي وين ياخ .. طولت منك من زمن بورد الإزاعة .. ياخى أنت الراجل الجميل الدواخل .. وبتشوف الدنيا بعيون نقية

Quote: أولا حمدا لله علي سلامة ابنتك وان شاء الله تقوم بالسلامة وتواصل مشوار الحياة

شكرآ على الدعوة العميقة .. ونتمنى لأبنائنا كلهم مواصلة الحياة متعافين ومتسامحين ..

محبتى

رافت

حمدلله علي سلامة سلمي
وانشالله تبلغ كمال العافية

لكن ياخوي اقول ليك لله في لله كدا ما متخيلك بتتشاكل
وكل ما اقرا ليك تهويشة بقول رافت دا من الملايكة اكيد ما قاصد
بريدك كدا ساااااااااااااااااي
عشان كدا ما اظنك محتاج تشاكل
يا راقي

أحمد محمد عثمان ياخى القلوب شواهد .. لكن باين ما مريت بيك واحدة من عجاجاتنا .. البنى جواه شر غالب الخير كتير .. ربنا يهدى النفوس ساكت

Quote: حمدلله علي سلامة سلمي وانشالله تبلغ كمال العافية

تسلم أيامك من كل شر

محبتى

حمدا لله على سلامة الابنة سلمى
ربنا يتمم الشفاء

Quote: حمدا لله على سلامة الابنة سلمى ربنا يتمم الشفاء

تسلم يا السمؤل وشكرآ على جميل الكلام

الأخ الكريم رأفت ..

ألف حمدلله على سلامة ابنتك سلمي و ان شاء الله يكون آخر التعب و العافية تكسوها ...

سلام و تحايا لاسرتك الكريمة

مرحب بيك يا عزار .. وين الصورة الحارة الكانت أمبارح هنا ؟؟ أها دى بداية شكلة مع الجكس بتاعك

Quote: حمدلله على سلامة ابنتك سلمي و ان شاء الله يكون آخر التعب و العافية تكسوها ... سلام و تحايا لاسرتك الكريمة

شكرآ ليك يا عزار وتقبلى سلام الجميع

بكرة بتـصادف ذكـري...( لـينا زمـن بنفتـش ليك.-... واليلة جـيتنا كايسـنا..)

الأخ الـحـبيب الحـبوب،
رأفـت،
شـكرآ انك جـبت الأخـبار الطـيبة والف الف حـمداللـه علي سـلامة الأمورة ونتـمنـي من اللـه تعالـي ان ان يـمن عـليها بوافر الصـحة وتـمام العافية ولاتشـوف تاني مسـتشـفي ولامـستشـفي خـمسة خـمسة نـجـوم.

بـخـصوص الشـكل، ..... نـحـنا بنشاكلك كان قصـرت فـي الكتابة.

تـحياتي لك وللاسـرة الكريـمة.

بركة الهي بقت طيبة
وبركة الاطمنتو عليها

Quote: بركة الهي بقت طيبة وبركة الاطمنتو عليها

شكرآ ليكى يا راوية العباسى .. شعورك واصل ودعواتك دعمتنا كتير

مودتى

حبيبنا كرى الصايغ وليك وحشة يا راجل

Quote: شـكرآ انك جـبت الأخـبار الطـيبة والف الف حـمداللـه علي سـلامة الأمورة ونتـمنـي من اللـه تعالـي ان ان يـمن عـليها بوافر الصـحة وتـمام العافية ولاتشـوف تاني مسـتشـفي ولامـستشـفي خـمسة خـمسة نـجـوم. بـخـصوص الشـكل، ..... نـحـنا بنشاكلك كان قصـرت فـي الكتابة.

تسلم يا حبيب وربنا يقدرنا على الكتابة بدون شكل

محبتى

السلام عليكم
حمد لله على السلامة أخي رأفت
وربنا يحفظها ويحفظ كل اسرتك
......

Quote: أها تانى ماشى أتشاكل هنا كيف ؟؟؟؟

غايتو أنا عندي ليك فكرة
تقسم البورداب لقسمين
قسم من واساك ووقف معاك
وقسم من يجوز تتشاكل معاهم وتديهم في "حنانهم"
تصدق في ناس بتعمل كده؟
يمكن تكون حتى ما شفت بوست التهنئة أو التعزية البخصهم من أصلو
تتفاجأ بانك اتصنفت ضمن الأصدقاء أو الأعداء
لكن دي انت حا تقدر عليها كيف يا ربي؟
عامل ابتسامتك العريضة دي
.......
وما الناس إلا هالك وأبن هالك *** وذو نسب في الهالكين عريق

رأفت كيفنك؟؟و الف حمد على سلامة سلمى.

والله فقدناك شديد وبالذات في المولد الآخير ده:

Quote: الصبر كيف لكن وداير أحصل مولد البشير ده مودتى

منتظرنك بالاشواق.


وبالله شفته نحن فعلا قلوبنا كيف؟؟؟؟
كل ما نستمتع بحاجة من خير البلاد دي نتذكر بؤس اهلنا.

الآن جاء الصيف...تحضر طالبه جامعيه متطوعه فقط لاجل ان تأخذ
حازم للمسبح او لمكتبه او عشان يتمشى؟؟؟؟
شوف الناس ديل كيف؟؟؟

وده طبعا زيادة خير غير الممرضات الاصليات البجو من الدولة
طوال العام لنفس الغرض؟؟!!

و طوال العام الدراسي ممكن تكون في ممرضة تحضر يوميا الصباح لكي تساعده
في حمامه وافطاره الصباحي؟؟؟ ولكني كنت ارفضها....عباطة سودانين يمكن
وبقول ولدي بحمي براى...لكن بس شوف كل ده بيكون بيكلف الدولة الكنديه كم؟؟؟

يا رأفت العجلة البيركبها حازم اغلى من سعر عربيتي الكرولا المقربعه
عجلته بحوالي ال 4000 دولار وعربيتي ب 1000 دولار!

يا رأفت البقولها دوما بلادنا ممكن نحتمل فيها حاجات كثيرة
الا ان مستوها في العلاج فاق الممكن يتوقعه انسان.

وزي ما قلت ...و الله كل ما يقدموا لينا خدمة نكاد ان نبكي ونحن نتذكر حال اخوتنا بالوطن.

في منزلي الآن حوالي ال 3 اجهزة (وكر) للمساعدة على المشي احتفظ بها لاني احلم
بان اخذها لبلادي يوما واتبرع بها لمحتاج,كل ما يطول شويه حازم يغيروا الوكر

هذا الوكر في الاردن خليك من السودان كانت المراكز التي تقدم العالج الطبيعي المجاني
تسمح لنا بالتمرن عليه 20 دقيقية فقط في الاسبوع!! لكن لا احد يمتلكه!!

نرجع ونقول الف سلامة لسلمى وقول لها خالتك تراجي بتقول لك....كندا احلى
من اوروبا بالذات في الصيف تعالي لينا جاي وبالذات في صحبتك ليلى شاشاتي
وكل ناسك الفي الفيس بوك بجاي .تعالي نفرجك على شلالات نياجرا وانت تطيبي في لحظة.

وقول لفاتن سلمى دي بقت بتنا شديد حليلك في عرسها كل امم سودانيز اون لاين جاياك.

محبتي وتقديري


ويا رأفت يا غالي شكل شنو؟؟ما شايفنا بقيني مساكين
عارف ليه الجماعه يستاهلوا الشفقه بس بقوا مش الشكل.

ديل يا رافت لاول مرة يوقفوا حتى المسلسلات في التلفزيون السوداني
المسلسلات المواقفها لوفاة د.جون قرنق حسه وقوفها من الحزن على روحهم!

وقال لك حفروا الخنادق بامدرمان لانتظار خليل ابراهيم
ونسيو انه قد يحضر لهم من السماء هذه المرة.
الفيمل غايتو سخن بالحيل.


وحاتك نحن مستمتعين بشدة بالبقينه المنبريه و الشربوت و الشيه

الف سلامة لسلومي ايضا.


بالمناسبة اختك آمنه مختار مختفيه زيك
واتضح انه والدها مريض وخالها في الانعاش
لكن الحمد لله لهم 3 يوم كده اخبارهم احسن.

سلام يا تراجى

Quote: وبالله شفته نحن فعلا قلوبنا كيف؟؟؟؟ كل ما نستمتع بحاجة من خير البلاد دي نتذكر بؤس اهلنا. الآن جاء الصيف...تحضر طالبه جامعيه متطوعه فقط لاجل ان تأخذ حازم للمسبح او لمكتبه او عشان يتمشى؟؟؟؟ شوف الناس ديل كيف؟؟؟

حاجات جميلة مزروعة فى المجتمع .. تعرفى بتى الصغيرة كده فى مساعدة الناس .. لكن الولد كان ما "قبض" ما يقد عينك

Quote: في منزلي الآن حوالي ال 3 اجهزة (وكر) للمساعدة على المشي احتفظ بها لاني احلم بان اخذها لبلادي يوما واتبرع بها لمحتاج,كل ما يطول شويه حازم يغيروا الوكر

تعرفى إذا توفر الضمير يمكن إرسال الحاجات دى لجمعيات خير فى السودان .. لسة متزكر الناس البغيروا "العدة" بالهدوم القديمة ويبيعوها بأعلى الأثمان لمحتاجى تشاد فى المجاعة .. الضمير يا تراجى السلعة الضايعة فى البلد ..

Quote: نرجع ونقول الف سلامة لسلمى وقول لها خالتك تراجي بتقول لك....كندا احلى من اوروبا بالذات في الصيف تعالي لينا جاي وبالذات في صحبتك ليلى شاشاتي وكل ناسك الفي الفيس بوك بجاي .تعالي نفرجك على شلالات نياجرا وانت تطيبي في لحظة.

الله يسلمك يا تراجى ويخلى ليك حازم وسند .. لكن سلمى بتحلم رحلتا الأولى للسودان

Quote: ويا رأفت يا غالي شكل شنو؟؟ما شايفنا بقيني مساكين عارف ليه الجماعه يستاهلوا الشفقه بس بقوا مش الشكل. ديل يا رافت لاول مرة يوقفوا حتى المسلسلات في التلفزيون السوداني المسلسلات المواقفها لوفاة د.جون قرنق حسه وقوفها من الحزن على روحهم! وقال لك حفروا الخنادق بامدرمان لانتظار خليل ابراهيم ونسيو انه قد يحضر لهم من السماء هذه المرة. الفيمل غايتو سخن بالحيل.

Quote: ربنا يحها بدون خسائر .. وفى كل الأحوال ليس بخاسر إلا الظالم ..

Quote: بالمناسبة اختك آمنه مختار مختفيه زيك واتضح انه والدها مريض وخالها في الانعاش لكن الحمد لله لهم 3 يوم كده اخبارهم احسن.

تحياتى لآمنة وما تشوف شر لا فى قريب ولا حبيب .. والحمدلله على الأخبار الجميلة

تقبلى سلام الجميع

مودتى

الزول الجميل أبو الوليد

Quote: تصدق في ناس بتعمل كده؟

تعرف كلها سحابات صيف بتسقط بسرعة مع حرارة المشاعر .. وزى ما بقولوا أهلنا ما لامك إلا من دارك .. ولاحاجة بالشكل ده ..

شكرآ على الطلة وجميل الكلام

يا رأفت ألف سلامة لي سلمى
وربنا يتم ليها الشفاء الكامل والعاجل بإذنه وحمده إن شاء الله

عذري الشديد عن تأخري....... لكن دعيت ليها من كل قلبي

لك وللأسرة السلام


إيمان

الحمد لله علي شفاء سلمي وما تشوف شر انشاء الله

حمدا لله على السلامة
والعود أحمد


محبتي أكيدة

استاذ رأفت
حمدا لله على سلامة سلمى و ربنا يديم العافية ليها و يفرحكم بيها



يا نا انحنا السودانين فالتدوم محبتنا

Quote: حمدا لله على سلامة سلمى و ربنا يديم العافية ليها و يفرحكم بيها

مرحب بيك يا تيسير وشكرآ ليكى على جميل الدعوات

Quote: يا نا انحنا السودانين فالتدوم محبتنا

الرجل النقى حسين محي الدين

Quote: حمدا لله على السلامة والعود أحمد

طلتك بتفرحنى كتير والله

شكرآ ليك كتير

Quote: محبتي أكيدة

ولك مثلها وأكثر

Quote: الحمد لله علي شفاء سلمي وما تشوف شر انشاء الله

تسلم يا خلى على كريم الدعوات

مودتى

سلام يا إيمان أحمد

Quote: يا رأفت ألف سلامة لي سلمى وربنا يتم ليها الشفاء الكامل والعاجل بإذنه وحمده إن شاء الله

الله يلمك ويحفظك .. وكنت فى سيرتك مع د. حنينة بكل الخير

تسلمى يا ستى وما بتقصرى

محبتى

سلمت يا رأفت
و تسلم سلمى....

و إتشاكل زي ما داير.....

Quote: سلمت يا رأفت و تسلم سلمى.... و إتشاكل زي ما داير.....

أهلآ بيك يا أزهرى نور الهدى .. تسلم أيامك وكل عزيز لديك .. والله يكفينا شر الشكل

مودتى

اسعد خبر سمعته اليوم يا رأفت حتى و أنا أكتب بعد معرفتي لنتيجة مباراة الهلال و لكن صحة أبنتنا سلمي أغلي من كل شيئ

ألف مبروك و حمد لله على السلامة

العزيز جدا رأفت ميلاد..

الف الف حمدلله على سلامة البنية..

يارب يديم عليها نعمة الصحة العافية..

جد افتقناك اخ رأفت...

حمدالله على السلامة

العزيز رافت ميلاد

حمدالله الف على سلامتها
وإن شاء الله ما تشوف شر

أخوك الصادق

وينك يا الصادق طلك بقت شحيحة وليك وحشة كبيرة والله ..

Quote: حمدالله الف على سلامتها وإن شاء الله ما تشوف شر

شكرآ ليك وسعيد بوجودك

تسلمى يا أميرة الشيخ ماقصرتى معاى بأحلى الكلام وأطيبه

Quote: يارب يديم عليها نعمة الصحة العافية..

آمين ويديم عليك العافية وعلى كل أحبابك

مودتى

Quote: اسعد خبر سمعته اليوم يا رأفت حتى و أنا أكتب بعد معرفتي لنتيجة مباراة الهلال و لكن صحة أبنتنا سلمي أغلي من كل شيئ ألف مبروك و حمد لله على السلامة

مبروك عليك وعلى الرشاشات يا خالد ..

شكرآ على الطلة والكلام الطيب

حمداً لله على سلامة سلمى

والحمد لله ربنا طمّنك عليها

إنعام البت الحديقة .. بتفرحنى طلتك كما أفرحنى تلفونك .. وسلمى بتغريك سلام خاص جدآ بعد ما إتكلمت معاكى

Quote: حمداً لله على سلامة سلمى والحمد لله ربنا طمّنك عليها

عندما تبلغ تمام الصحة بتجيكم و تتعلم منكم كل هذا الحب

محبتى

الف الف حمد لله على سلامة سلمى

الغالي شقيق الغالي رأفت..

سلامات ومراحب

ألف حمد وشكر للخالق بسلامة إبنتكم الحبيبة "سلمى". وربي يتمم شفائها ليطمئن قلبها ونفوسكم.




* عنوانك ده أكد لي إنه الأصل في المنبر هو الشكل والمناتلة .. لووووووووول





مرحبابك

كيفك يا بت العباسى

Quote: ألف حمد وشكر للخالق بسلامة إبنتكم الحبيبة "سلمى". وربي يتمم شفائها ليطمئن قلبها ونفوسكم.

تسلمى كتير ويخدر الله أيامك

Quote: عنوانك ده أكد لي إنه الأصل في المنبر هو الشكل والمناتلة

والله كان وظفنا الشكل على نضيف بجيب إتفاقنا السليم .. الإختلاف بيوحد وجهات النظر .. ما لبع ساكت

مودتى

Quote: الف الف حمد لله على سلامة سلمى

وألف ألف شكر يا إنعام إنتى وإشراقة على تلفوناتكم .. وما بستغربا من من بنات حيمورة ..

محبتى الخالصة

الحمد لله على سلامة سلمى..

تحياتنا لها.


ولكم جميعا.. حاولناالاتصال ولم نفلح.. سنعاود إن شاء الله.

Quote: الحمد لله على سلامة سلمى..

شكرآ يا دكتور دعواتك واصلة ..

Quote: حاولناالاتصال ولم نفلح

الجرى شديد والله وفى المستشفيات المومايلات يا مقفولة ولا بدون صوت .. لكن مشاعركم معانا وما قصرتوا .. وطمنتنا على الجرح المفتوح .. لأن الموضوع ما كان داخل راسى .. الحمدلله الآن قفل كتير

مودتى

أبو سلمى (المعروف برأفت ميلاد)
حمدلله على السلامة و أسعدتنا بخبر خروج سلمى و نسأل الله كامل الصحة ابدا..
أسعدنا وجودك بيننا مرة اخرى ..

Quote: فى بلاد تعرف قيمة الإنسان

و هذا هو العزاء

تحياتى لسلمى و امنياتى الطيبة لكم
و جعلها الله قرة اعينكم

الأخ / رافت

الحمد لله على سلامة ابنتنا سلمى
ربنا يخليها ويحفظها من كل شر
إن شاء الله تقوم بالسلامة وتفرحوا بيها


أبو كريم

الفاتح خليل الفكي
سلامات

Quote: الحمد لله على سلامة ابنتنا سلمى ربنا يخليها ويحفظها من كل شر إن شاء الله تقوم بالسلامة وتفرحوا بيها

تشكر يا خوى وربنا يحفظ ليك كريم وأخواتوا وأخوانوا الموجدين ولا الجايين


مودتى

سلام يا أسعد الريفى

Quote: و هذا هو العزاء

هذه الفائدة الشخصية .. ولكن المؤلم فيها عندما نرى وجههنا الحقيقى خلالها .. ليس على مستوى الأنظمة فقط .. بل تصرف الأفراد ..

شكرآ ليك

مودتى

Quote: بش مشكلتى هسة أتشاكل معاكم تانى كيف ؟؟؟

يا رافت ..المهم البنية تكون بخير وكل الناس بخير وبعد داك اتشاكل مع العايز تشاكلو بانسانية والعواطف الصادقة ما بيخربا شكل ومناقرة ...

قريبى الحبيب

Quote: المهم البنية تكون بخير وكل الناس بخير

ما تتصور ريحتنى مكالمتك كيف يا أبو بكر وأنا فى قلب المعمعة .. أيام لا تتمناها لى عدو ولا صديق .. الحمد لله كتير

محبتى الخالصة .. تحياتى للبنيات وأمهم وما عدمناك ياخ

رافت .... سلام مربع
حمد لله علي سلامة سلمي ... ونسال الله ان يحفظكما والاسرة من كل سوء

Quote: Re: أها تانى ماشى أتشاكل هنا كيف ؟؟؟؟

وحتي لو شاكلتنا تاني ... برضو نسامحك عشان خاطر سلمي ...
فلن يفسد اختلاف وجهات النظر بيننا للود قضية ...

الأحباء جميعآ راجع ليكم واحد واحد

شغل الويك إند لئيم ..

تحياتى

تعرف لو داير تشاكل انعام حيمورة ولا اشراقة حيمورة ولا عماد حيموره ولا مهند حيموره ولا مزمل ابو القاسم ( ود نفيسة حيموره ) ولا احمد الشايقي ولا علاء الدين حيمورة ..

كلمني وما عليك اختو ليك معاهم قرض ..


وسلامة البنية وربنا يديها الصحة والعافية

كيفك يا علاء

Quote: تعرف لو داير تشاكل انعام حيمورة ولا اشراقة حيمورة ولا عماد حيموره ولا مهند حيموره ولا مزمل ابو القاسم ( ود نفيسة حيموره ) ولا احمد الشايقي ولا علاء الدين حيمورة .. كلمني وما عليك اختو ليك معاهم قرض ..

تسلم يا أمير على وضعى فى قمة عائلة عريقة كدة .. لكن كان إنقلبت الآية وهبشتك أنا فكرك بسلم من العصابة دى

Quote: وسلامة البنية وربنا يديها الصحة والعافية

تسلم من كل شر يا أبو البنية

محبتى

Quote: حمد لله علي سلامة سلمي ... ونسال الله ان يحفظكما والاسرة من كل سوء

شكرآ يا عبود رغم برفايلك البجيب الشكل ..

تعرف إسمك عبود وبروفايلك البشير .. ذكرتنى قصة لزيزة لما نميرى قلب الحكم .. قالوا المرحوم إبراهيم عبود الرئيس السابق تعليقه كان "وقع ود الكلب" .. لأن المرحوم عبود كان وطنى ولكن لف عليه عصابة السبعة عساكر .. فما بالك بالحولوا ده أبان كروش ديل كلهم ومهيئين ليهو إنو أمير المؤمنين ؟؟

ما وقع الراجل ؟؟؟

شكرآ على طلتك والله ما جاب شكل

مودتى

يا رافت حمد اللة على السلامة

واللة شفقتنا شفقة شديدة جدا واللة احترت جدا كيف اتصل عليك زى ما قالت منى الانصر ماشين

عذبنا ومرات كتيرة بتكون عايز تعرف الحصل شنو وما عارفين اتصل على منى تقول لى انا برضو ما لامة فيهو لحد قبل 3 ايام اتصلت منى بتقول لى لو لميت فى رافت قول ليهو يتصل عليها لانو دايرة تعرف الحصل شنو

طبعا قد اكون من القلائل الذين تكلمو مع سلمى قبل مرضها وبقية الاسرة الكريمة

واهم منك باللة ام سلمى تحياتى ليها وفرحتنا بى سلامة سلمى وبقية الاخوان الصغار

وقول ليها حا نعمل كرامة على سودانيز اون لاين ونعوس كسرة ونوزع من ملاسى لحد دينق

وبعد كدة رد على التلفونات ....اخيرا مشتاقين وكيف حالك

كيفك يا عمر سعد
فاتن سعت رسالك ياتا ما عارفا .. قالت لى إتصل عمر قلت ليها عمر منو قالت لى بتاع الكسرة
شكرآ ياخ على الإهتمام وعلى الدعوات .. بتّصل بيك .. والله لسة جرى ما بين المستشفى وشغل الليل .. لكن الحمدلله من الأسبوع ده متفرغ ليكم .. ليل ونهار

تحياتى للأخت وأولادها وزوجها .. والعائلة الكبيرة فى أمدرمان

محبتى

Our best wishes to our SALMA
WITH WHIT ROOOOSE

http://www.l22l.com/uploads/images/l22l-0642ec4e91

رافت سلام
و الف حمد الله علي السلامة و ربنا يديم العافية



بخصوص الشكل

Quote: أها نحضر البقنية أول

لا
في واحد اسمو اوكامبو جاب واحدة خلت الناس تخيط في الشارع



و في ناس خليهم ساي غناء تقيل من التاني


كدا مسحنا ليك جيب عكازك و الحق

Quote: الف حمد الله علي السلامة و ربنا يديم العافية

تسلم ياحمد ما عدمناك

Quote: في واحد اسمو اوكامبو جاب واحدة خلت الناس تخيط في الشارع

تراجى قالت وقفوا المسلسلات فى التلفزيزن حداد .. ولسة دى رخصة دولية بسيطة .. نحن كايسين الورا الستار .. الكانوا عاملين فيها أشباح يطيروا الرحمن من القلب ويأدبوا الناس .. بقوا فيران ..

نأجلا شوية .. دى المناظر

تحياتى

Quote: Our best wishes to our SALMA WITH WHIT ROOOOSE

شكرآ ليك كتير يا عبد السميع .. وربنا يدوم المعروف ..ومرحب بيك كتير

مودتى

حمد له علي سلامة سلمي
كامل العافية إن شاء الله

حمدا لله على السلامة

وربنا إن شاء الله يكمل الشفاء..

Quote: حمدا لله على السلامة وربنا إن شاء الله يكمل الشفاء..

شكرآ ليك يا صلاح وسؤالك المستمر ودعواتك الطيبة

مودتى

Quote: حمد له علي سلامة سلمي كامل العافية إن شاء الله

الحمدلله يا نصر .. وتسلم كتير

الحبيب رأفت ..

ألف حمد الله على السلامة ..

وإنشاء الله سلمى تاني ما تشوف قطيع المصارين إلاّ في الضحك.

أو صل مع سلمى لبر الأمان، وتعال شاكل زي ما يعجبك ...... وديل نحن ..... والبدخل هنا - غير سوداني - ما بيفهمنا

سلام يا محمد وشكرآ على السؤال الدائم

Quote: وإنشاء الله سلمى تاني ما تشوف قطيع المصارين إلاّ في الضحك.

هو داب تقطيع .. بس الله يديهم العافية نقول شنو

Quote: والبدخل هنا - غير سوداني - ما بيفهمنا

هراشين والقلوب بسكويتة ..

الله يديم المحبة

صادق ودى

رأفت يا عزيزي ... ان شاء الله ما تشوف شر .... و ما يوريك شر في ناسك العزاز ...
حمد لله على سلامة ... سلمى

غباشى الحبيب وليك وحشة .. وعمك شوقى بدرى زارنا ياخ .. بس الظرف ما كان مواتى نحتفل ونستمتع بيه .. كانت لحظات قصيرة لكن عظيمة

Quote: حمد لله على سلامة ... سلمى

الله يسلمك ويعافيك

مودتى

عمي العزيز ..

حمدلله على سلامة الغاليه واجر وعافيه يارب

انتِ طيب وتستاهل الناس دي كلها تحبك

سعيده جداً بوجودك


لك كل الاحترام والود


دلال

ريري !!!

حمدلله على السلامة

مشتاقين ..

ما تشوف شر إنشاء الله ..

كيفك يا عطوفة

Quote: حمدلله على السلامة

الله يسلمك ويحفظك والوليدات من كل شر

Quote: مشتاقين ..

بالأكتر والله

Quote: عمي العزيز .. حمدلله على سلامة الغاليه واجر وعافيه يارب انتِ طيب وتستاهل الناس دي كلها تحبك سعيده جداً بوجودك

سعيد والله جدآ بوجودك يا دلال .. سلمى الحمدلله الليلة طلعوا منها كل الأجهزة والدربات ونزلت معاى الكفتيريا .. كلو بدعواتكم ومشاعركم النقية ..

شدى حيلك ولى قدام دايرين نشوفك نجمة ساطعة على المنبر وخارجه

محبتى الأكيدة

حمد لله على السلامة وربنا يبلغا تمام العافية

لم نسمع عنك (إتشاكلت) وانت ماك شبه الَشكَل.
سلام عالي فوق لسلمى،
ناس ال DHL عندهم خدمة توصيل الكرامه والشربوت.
تسلم يا رأفت.

أهلآ بى ناسنا العزاز

Quote: لم نسمع عنك (إتشاكلت) وانت ماك شبه الَشكَل.

هو داب شكل لامن تسخن .. الله يهدى النفوس ساكت

Quote: سلام عالي فوق لسلمى،

تسلم يا حبيب ويحفظ ليك كل الأحباب

Quote: ناس ال DHL عندهم خدمة توصيل الكرامه والشربوت.

الكرامة بنشوف ليها حلل .. أما الشربوت بنشرب ليكم نصيبكم ما بنقصر

تسلم يا أمير

كيفك يا ود الصايم

Quote: حمد لله على السلامة وربنا يبلغا تمام العافية

الله يسلمك ويعافيك

حمداً لله على سلامة سلمى


وسلامة انت كمان

الضنا غالي

كيف الاخبار؟



متين الشكلة؟

أخي رأفت

سلام والف حمدا لله علي سلامة ابنتكم سلمي

ما أروعك وأنت فى هموم مرض إبنتك .. لم تنس هموم وطنك
وأنت تقارن بما أنعم الله عليك بنعمة الرعاية الصحيةالممتازة
فى بلد المهجر .. ومعاناة أبناء الوطن من تدنى الخدمة الطبية

أخوى نادر الفضلى سلام

Quote: سلام والف حمدا لله علي سلامة ابنتكم سلمي

تسلم كتير وشكرآ

Quote: وأنت فى هموم مرض إبنتك .. لم تنس هموم وطنك وأنت تقارن بما أنعم الله عليك بنعمة الرعاية الصحيةالممتازة فى بلد المهجر .. ومعاناة أبناء الوطن من تدنى الخدمة الطبية

دى مشكلة فى الغربة عامة .. مقارنة كل ما تحصل عليه "خاصة بدون جهد" بمعاناة الوطن .. تصاب بالإمتعاض بدل الإرتياح .. والسؤال دايمآ "ليه؟؟؟" .. الموضوع ما داير جهد .. داير منطق ومسئولية .. من المسئولين والمواطنين معآ .. وتحديد صريح للحقوق والمطالبة بالحفاظ عليها ..

الموضوع يطول شرحو بس البقنع "الديك" منو ؟؟؟

مودتى

Quote: كيف الاخبار؟

زى الفل

Quote: متين الشكلة؟

ما تستعجلى على رزقك .. تمى التلاتة العندك المدورين عشان تعملى خبرة .. وتعالى

Quote: حمداً لله على سلامة سلمى وسلامة انت كمان الضنا غالي

وغالى وجودك يا أبوشيمة

مودتى الصادقة

الف حمدلله على سلامة سلمى يا رافت اخوى.













شول اشوانق دينق

عزيزي ابوسلمي

حمدالله علي سلامة الابنه سلمي واتمني ان تستعيد صحتها وعافيتها في اقصر

وقت. كان من المقرر ان ازور Geneva في بداية يونيو في عمل وزيارة
بعض اصدقاء الطفوله من السودانيين- الارمن المتواجدين هناك وفي فرنسا, وزيارة صديقنا المشترك الحسن احمد صالح, وخالتي د. ليلي بدر في باريس. وبالطبع كنت انت اول شخص فكرت في الاتصال به ولكن تأتي الرياح بما لاتشتهي
السفن, فقد عدل برنامج العمل لتتم المهمه في Big Apple وبذلك حرمت من
رؤيتكم, وحرم ابنائي غسان و مروان من رؤية Rebublic and Canton of Geneva, and Lake Geneva. اتمني ياصديقي ان تحضر الابنه سلمي للنقاهه والراحه في مدينتنا Asheville,.ومنطقة Smoky Mountains. ومرحب بيكم في
حوش ابونوره وعمر
مع ودي وتقديري

العزيز المعز أبو نورا ليك وحشة ومشتاقين كتير والله

Quote: حمدالله علي سلامة الابنه سلمي واتمني ان تستعيد صحتها وعافيتها في اقصر

الله يعافيك ويبارك ليك فى غسان ومروان ويحفظم ليك وقت. كان من المقرر ان ازور Geneva في بداية يونيو في عمل وزيارة
بعض اصدقاء الطفوله من السودانيين- الارمن المتواجدين هناك وفي فرنسا, وزيارة صديقنا المشترك الحسن احمد صالح, وخالتي د. ليلي بدر في باريس. وبالطبع كنت انت اول شخص فكرت في الاتصال به ولكن تأتي الرياح بما لاتشتهي
السفن, فقد عدل برنامج العمل لتتم المهمه في Big Apple وبذلك حرمت من
رؤيتكم, وحرم ابنائي غسان و مروان من رؤية Rebublic and Canton of Geneva, and Lake Geneva. اتمني ياصديقي ان يا المعز الموضوع ده ما بستحمل تخلوه مفاجأة .. نحن بعيدين من جنيف ومع ظروف العمل الموضوع ببقى صعب .. أرجو فى حالة زى دى ناخد خبر قبل وكت كافى .. صديقى الحسن نفسه وصل جنيف ولم أتوفق فى مقابلته وأيضآ أختنا ندى على .. نحن فى "بازل" الرأس التانى من القطر .. أتمنى أن تتوفق والأبناء بالزيارة "بدون عمل" لنستمتع بيكم ونفسحكم خاصة فى الصيف الرائع هنا ..

Quote: تحضر الابنه سلمي للنقاهه والراحه في مدينتنا Asheville,.ومنطقة Smoky Mountains. ومرحب بيكم في حوش ابونوره وعمر

حوش آل أبونورة عامر بأبنائه أينما كان .. إنشاءالله نزوكم فى يوم من الأيام .. البنية طالع فى راسا السودان حاليآ .. لكن يمكن لى قدام مشروع دراسة عندكم ..

تحياتى يا المعز ليك وللأسرة الكبيرة والصغيرة

محبتى

Quote: الف حمدلله على سلامة سلمى يا رافت اخوى.

تسلم أخوى شول .. سعيد شديد بوجوك

العزيز رأفت

ألف حمد الله على سلامة سلمى ويارب ما تشوف شر
والله أنا كان قلبي مشغول عليها زي سلمى بنتي
ربنا يديها الصحة والعافية ويخليكم لبعض

Quote: تتشاكل عادي جدا .. وتجي تبارك وتهني وتعزي .. وتخت في الكشف .. دي من بديهيات سودانيتنا

أما بالنسبة للشكل زي ما قال أخونا تمبس... عااااااادي
طبعا نحن ناس الخرطوم اتعودنا على القصة دي
الجماعة يكونوا في البورد خاتينو قرض......
الواحد يجي السودان يلاقي الناس في لقاء بورداب... تعال شوف الأحضان والابتسامات العريضة والعزومات !!!!

وأسأل كيكي لو ما مصدقني

Quote: ألف حمد الله على سلامة سلمى ويارب ما تشوف شر والله أنا كان قلبي مشغول عليها زي سلمى بنتي ربنا يديها الصحة والعافية ويخليكم لبعض

شكرآ يا إشراقة وتلفونك كان مناسبة سعيدة جدآ .. فى ظروف إحتجتها فعلآ .. سلمى الآن بألف خير وغالبآ يوم الجمعة تغادر المستشفى بدون عودة ..

Quote: الجماعة يكونوا في البورد خاتينو قرض...... الواحد يجي السودان يلاقي الناس في لقاء بورداب... تعال شوف الأحضان والابتسامات العريضة والعزومات !!!!

ما دى ميزة ما بتلقيها إلا فينا .. وكيكى ما حفر ليهو مجارى لى ملاسى فى السودان ؟

تحياتى يا إشراقة لى سلمى وأخوانا وأبو سلمى ولكل آل حيمورة وأحبابهم

مودتى

هو يا ربي انت قاعد تشاكل؟؟؟؟؟؟؟؟؟؟؟؟؟؟؟؟؟
ما اظن
لكن ختى ولو عااادي

يا رأفت بالله خلينا من المشاكل دي وبوسو الا يادي

تحياتي

ود الأرباب كيف حالك
والله مبسوط لوجودك هنا ومستنى المؤازرة فى الشكلة بعدين .. بس شكل شكل ما زى بُنيتين النقر الفى الهوا ديك .. بالمناسبة ما عندك أخبارو ؟

Quote: يا رأفت بالله خلينا من المشاكل دي وبوسو الا يادي

نبوسا ضهر وقفا والحمدلله كثيرآ

تحياتى للوليدات وأمهم

Quote: هو يا ربي انت قاعد تشاكل؟؟؟؟؟؟؟؟؟؟؟؟؟؟؟؟؟ ما اظن لكن ختى ولو عااادي

بت حلتنا كيفك .. أنا بشاكل أولاد ودنباوى ومستنيك تقطعى معاى الدرب ..

كيفك يا صفية ومشتاقين والله

العزيز رأفت ميلاد....

الف الف حمدلله على سلامة إبنتك....

و نسأل الله أن يديم عليها نعمة الصحة العافية....

و حمداً لله على السلامة....

تحياتى يا هيثم

Quote: الف الف حمدلله على سلامة إبنتك.... و نسأل الله أن يديم عليها نعمة الصحة العافية.... و حمداً لله على السلامة....

تسلم يا هيثم ولك كل المودة الصادقة

أها تانى ماشى أتشاكل هنا كيف ؟؟؟؟


كدة


و



كدة


و


كدة



عضلات تبش

Quote: أها تانى ماشى أتشاكل هنا كيف ؟؟؟؟ كدة و كدة و كدة عضلات تبش

يا أشرف نحنا ناس كى بورد تبش .. يا حليل ناس العضلات ..
لكن الله فى والظالم ليه يوم

شكرآ على الطلة