لا للحكومة التي تمسك شعبها كرهينة

يدير لنا الإنقاذيون نفس الأسطوانة التي كان يديرها صدام
من أن المقاطعة سوف تؤذي المواطن المسكين

طيب

أنتو ليه ما تعلموا زي القادة البيقولو
عشان موقفي بيجيب ضرر لشعبي
أنا حأستقيل
؟؟؟

لماذا لا تتنحوا وتتركوا لغيركم إنقاذ الشعب والبلد
والغلطان فيكم يتحلى بالشجاعة ويتحمل نتيجة أخطائه

بدل الإمساك بالشعب كرهينة - كأي مجرم:
"والله لو حاولتوا تضربوني
حيتأذي المواطن المسكين الأنا ماسكو دا"

حكومة مجرمة

وكمان ..جبانة!؟؟

الباقر موسى

الباقر اخوى ناس الحكومة ديل اسوا من صدام نفسه وابغض من هتلر واكثر جرما من كل انظمة فى ديكتاتورية فى العالم
وحقو تمشى تشوف البنوك الفى البيوت
وتشوف المضاربات البى البلايين فى اراضى السودان حتى ان بعض قطع الاراض فى بلد اكبر مساحة تصل الى مليارات الجنيهات ودا كلو بخلوهو لمنو لمن يستقيلو؟ ولمرتضى الغالى الصحفى النابه كلمة جميلة حول تلك الاراضى (اصلها لا فى مواجهة النيل لا منظر يسر الغلا لزومو شنو ؟)
ولا المحلات التجارية فى مركز العفراء ؟ دى يوم افتتحوها كانت اكبر مظاهرة تشهدها العاصمة من الشماشة ضد المبنى لانهم ما حيقدرو يخشوه وطقعوا المبنى بالحجارة من الغبينة واقول ليك سر دى حقت ناس الحكومة مشاركة ، واقول ليك انه بنك امدرمان الوطنى مساهمة رئيس الدولة فيهو بخمسين مليون دولار ، ولا الييييييييييييييييك دا دحين بقدرو يخلوه
بعدين الجلد بقى تخين والوش مغسل بمرقة واهلنا قالو ان لم تستح افعل ما تشاء
وهسى هم فى حالة ان لم تستح
ابعد من كده مناقصة لكبايات الشاى والعدة حقت الشاى لبنك السودان الفروع الجديدة بلغت مليارين من الجنيهات لانه خلفها المتعافى والقصة يا باقر اخوى ما صغيرة وانحنا الضايعين
دحين دا كلو ما سبب يخليهم ما يستقيلو ؟ حتى لو قلنا ليهم ( استقيل يا ثقيل ) ما بسمع
لمن وزير الداخلية انهارت العمارة وقدم استقالتو الرئيس جا فى التلفزيون وقال انها ( استراحة محارب ) وبعد داك بقى وزير الدفاع حته واحدة اها يستقيلو كيف ناس ( متمكنين ) قدر كدى بنوك وتجارة وكل الشركات تابعة ليهم والراسمالية الكانت موجودة بقوا شحادين او (يموتوا انتحارا) كثيرين يا صديقى اختاروا الانتحار والبقية تاتى
دحين دا حال زول بستقيل؟

العزيزة سلمى

تحياتي

أعرف أنهم ليسوا من الشجاعة بحيث يستقيلون
لكن عليهم أن يعرفوا
أننا لسنا من الغباء
حتي تنطلي علينا أسطوانة صدام المشروخة
"المقاطعة حتجوع الشعب"
والمقاطعة لم تنقص من منصرفات قصوره
أوقصورهم
فلسا واحدا

الباقر موسى

العزيز; باقر موسى.

لك التحية والإحترام.

الشعب مش رهينة وبس بل احيانا يجيك واحد او واحدة عامل فيه ممثل محايد ومستشار فى سلوك الوطنية ويفك ليك كم لحن ويقول ليك غنى معاى دى احلى اغنية واحلى لحن وطنى منذ زمن المرحوم خليل فرح .


أنا ما كوز لكن *الكيزان احسن منكو
البلد حالها ما بسر* البجى حيكون اكعب منهم


التدخل خراب والتأييد* خيانة للوطن وشعبه
أنا ما مؤيد للحكومة* لكن بعد اللى حصل الخائن اتعرف


الشعب حيتضرر ويموت اطفال* وكن قيل دارفور يقول

الله يرفع البلى وينزل الشف* بالله ارتقو يا ناس نقول وطن تقولو دارفور.

شكرا أخ أبو القاسم

لقد كتلت الدش في يدهم

هذه بالضبط قائمة الأغاني
التي يجهزون لإعادتها علينا
نهارا وليلا

لكننا نقول للحكومة:
"شكرا
وصلتونا هنا

وغلبكم التسوو

فكوا السلطة

وغيركم أبناء السودان قادرون على حل ما خلقتم من مشاكل

وإلا..

أمريكا قد دنا عذابها
ولاقتهم وحان وقت ضرابها؟؟؟

الباقر موسى

Quote: فكوا السلطة

ديل ما بيفكوها الا آخر واحد في الشعب السوداني يموت!

ودي حاجه هم ما داسنها.. وقالوها اول ما قعدوا فوق أنفاس الشعب كله..

والحل شنو ؟

الحل واحد من الآتي:

ضراب أمريكا .. فقد لاقتهم

أو إذا ما بقدروا

يخلوا الهراشة ويبحثوا عن حل
أن كان ثمة من يثق في عهودهم

وإذا كان كل ذلك غير ممكن

ما يدوشوا راسنا بالحملات الجوفاء

يعترفو بعجزهم

ويدعوا لتكوين حكومة وطنية جامعة
من كل القوي السياسة السودانية
لإنقاذ البلاد

ولا للمزيد من الحماقات والكنكشة
حتى لا يعاني شعب كامل
لأنو في عدة أشخاص أخطاؤا
وما عندهم الشجاعة يتحملوا نتائج أخطائهم

والتحية للوزير الياباني

الباقر موسى

ولا واحده من الفوق ديل بسوها ؟

ويظل السوال

الحل شنو ؟

حلى أنا قلتو:

الدعوة لتكوين حكومة وطنية من كل القوى السياسية

أما إذا كانت الحكومة ترفض هذا الحل
وتعجز عن الحلول الأخرى

فأرى توجيه سؤالك للحكومة
ومؤيديها

الباقر موسى

الحل يا وليد هو رفع الغبن الذي اصاب ابناء الشعب و رد المظالم الي اهلها

الحل هو التخلي عن المكابرة و الاعتراف بالخطأ و العمل علي المحاسبة

الحل هو ان تضع الحكومة السودان اولا و اخيرا

يا عدلان لو الحكومة سوت ديل كلهم ما جيت ليها

انت عارف وانا عارف والجميع عارفين انهم ما حا يسوا كده ؟

اديك حلي


معارضة مسئولة ملتزمة برنامجها السياسي ما مبني على اخراج الانقاذ فقط من السلطة بل اخراج الشعب السودان من كل علاته الاجتماعية والسياسية والاقتصادية واخر شي اخراج الانقاذ من السلطة ؟


برنامج سياسي واضح ووسائل تطبيقه واعية وعادل وحقيقية ونزيه وغير بذيئة وسفيهة ؟

ده الحل ؟

كده يلتف الشعب السوداني وراء المعارضة دي
وتقف الانقاذ لوحدها كشجر اصابتها صاعقة


لكن مجارات الانقاذ ومجارات اساليبها تنفر الشعب من الانقاذ والمعارض جميعا ، وبرنامج سياسي اساسه هو اخراج الانقاذ فقط .. فاذا اخرجها الشعب كما فعل في اكتوبر وابريل .. نجدا ان المعارضة ليس لديها ما تقدمه لنا وكل ما كانت تجيده وتحاول فعل اخراج من في السلطة فان خرجوا وقفت محلك سر

الأخ وليد

هل تعتقد أن للإنقاذ برنامج قادر على الإستمرار؟
ولو لأيام قليلة؟

أنهم يعملون على مخارجة اليوم باليوم

الباقر

الاخ الباقر

الانقاذ عملت برنامجها زمان
وخطتت ليه كويس عشان تستلم السلطة

وخطتت كمان كويس للتمكين


صحيح هي خطط شيطانية مضرة
لكن الانقاذ استلمت السلطة بتخطيط


ولان خططها كانت للسوء فقد حار دليلهم في نهية المطاف وارتدت عليهم انقسامات وتشققات

الان دور المعارضة
عليها ان لا تبني خطتتها على مجارات الانقاذ ويكون كل فعلها هو انتظار فعل الانقاذ لترد الفعل

الأخ الباقر

لك الود

Quote: أنتو ليه ما تعلموا زي القادة البيقولو عشان موقفي بيجيب ضرر لشعبي أنا حأستقيل؟؟؟

تساؤل حقيقي و مشروع

و لكن

بدلا عن الأجابة علية سوف تجد سيلا من الشتائم من عدم الوطنية ............ و صولا إلي العمالة

و...... البديل شنو

.............الخ

حقيقي لست متفائلا بالمرة و في تقديري ان السودان وصل مرحلة ال لا عودة



المشكلة ان النظام الحالي و في سبيل بقائه في السلطة قد ورط نفسه مع دول لها أطماع في السودان

و لم يقف الحال علي ذلك بل و في دوامة الصراع بين أجنحة النظام استقوي البعض ضد البعض بدول لها

أطماع متضادة

هذا الاستقوا جعل السودان مستباحا إلي درجة الفوضى

زد علي ذلك غياب قوي حقيقية و فاعلة قادرة علي التغيير




و المحصلة ما نراه الآن

إن كل مشاكل السودان تحل بالوكالة عنا و في كل العواصم إلا الخرطوم

و ما هذه العقوبات إلا جزء يسير من طبيعة هذا الصراع

و الخوف أن مأساة دارفور و معاناتها سوف تزداد بل هي مرشحة للتوسع








-

الاج الباقر ســــــــــــــلامات الكلب ينبح والجمل مــــــــــــــــاشى والناس ديل ما عارف من اى كوكب اتو >>ناس لا دين لهم ولا اخلاق لهم ولا ضمائر لهم

الأخ وليد

المعارضة صاغت برنامجها في مؤتمر القضايا المصيرية
1995 الذي انعقد في أسمرا

وهو برنامج شامل وجيد
حاولت الإنقاذ تنفيذ بعض تفاصيله
(طبعا مع إفراغها من مضمونها الديمقراطي والإنساني)

سوف أحاول إيجاد رابط له أو نشره هنا

الباقر موسى

العزيز المناضل الإمين اللعوته

تحية واحتراما

طبعا الطريق مغلق في وجه حكم الجبهة
وفي وجه الاستئثار بالسلطة من أيا كان

لكن هل هو مقفول في وجه كل السودان
وكل السودانيين؟

ليس بالضرورة
ما الجبهة إلا أقلية بلا سند شعبى

سرقت السلطة بليل
خططت لكل ما يتعلق باستلام السلطة والحفاظ عليها
ولم يكن من أهدافها حل مشاكل المواطن السوداني
ينسب لوالى الجزيرة قوله:
"نحن ما جينا لإصلاح الشوارع أو لغيرها من الخدمات
نحن جينا لإعلاء كلمة (لا إله إلا الله)"

كما ينسب للزبير "حكم الثلت الباقي"

على الشعب السوداني وقادته أن ينهضوا
وينتزعوا سلطتهم من سارقيها
ويتركوهم يواجهوا مشاكلهم

الباقرموسى

الأخ الباقر

لك الود

Quote: لكن هل هو مقفول في وجه كل السودان وكل السودانيين؟

ثقتي في الشعب السوداني بلا حدود

لكن حجم التآمر علي السودان اكبر

و في غياب قوي حقيقية للمعارضة

و الطريق المسدود لحكم الجبهة

و الأطماع التي تحيط بالسودان

التشرذم و الحرب الأهلية ح تكون النتيجة الحتمية في الوقت الراهن

كان هناك بعض الأمل قبل رحيل جون قرنق بالرغم من الأخنلافات معه

و لكن برحيله ......... لك أن تقدر حجم التآمر

_______________

سأعود للحديث مرة أخري