Post: #1
Title: بكري ابو بكر يحرمني مِـنك ..
Author: DKEEN
Date: 07-09-2006, 05:26 AM
من دكين الحسن الى الامين العام الاخ الفاضل بكري ابو بكر سلمه الله
اما بعد
وحيث اننا قد لاحظنا اختفاء مشاركات الاخت عزاز شامي خلال الايام المنصرمة والساحة تعج بكل غث وسمين ..
وبالاستفسار افادت - حفظها الله -انها تجد صعوبة في الدخول الى المنبر..
ولامن قتا ليها طيب انتي ساكتة ليه ما تتكلمي قالت بي كل لطف:
اسوي شنو ما ماعندي وجيع
قالتها هكذا في لطف ودِعة..
فوالله مافرغت من عبارتها حتى ايقظت فيني حسسي بتقصيرٍ عميق..
اما وقد احتارت في البتسويهو ظانةً ان لا اخ لها ولاوجيع ....
اما وانا اخوها ووجيعها ..
اما وانها بحديثها انف الذكر قد درعتها في رقبتي دي ..وانا رقبتي دي سدادة ..
اما وقد توسمت فيني خيرا لابلاغك وان اتت بما توسمت مستترة غير واضحة ..
اما وقد قالت ما قالت وتوسمت ما توسمت وانا لما قالت حاضر..
اما وكل ذلك فهانذا اسوق اليك خبرها ومبتغاها..
وان خللا الم بباص ويرد البنية فحال دونها والبورد ..
وافسد علينا متعة ترقب جديدها ومتعة التمتع بتعقيبهاعلى القديم ..
فاصلح رعاك الله ما قد عطب ..
وعجل بالنصر وبالفرج..
***********************
ولما عرفتم عني من كوني استغلالي استغل كل فرقة جميلة ..
ولما كانت هذه العزاز عزيزة كما لا يخفى ..
لذا ما لجأت الى ايملات بكري الخاصة بتاعة (بكري @ كوكس دوت كوم) رغبة مني في القشرة بكل جميل عزيز متاح..
لذا معذرة يابكري ياخوي كوني ما جيتك في الايميل ..
الفرص السمحة في البور ده بقت تضيق مؤخرا ...
الانتهازي دكين عشا البايتات
الاحد 9 تموز 2006
من مجموعة رسائل (انتهز فأن العمر قصير) اخرصفحة
|
Post: #2
Title: Re: بكري ابو بكر يحرمني مِـنك ..
Author: ثابت محمد
Date: 07-09-2006, 05:40 AM
Parent: #1
| Quote: اما وقد قالت ما قالت وتومست ما تومست وانا لما قالت حاضر.. |
دكين
ولما حقّ لك أن تقشر بما ذكرت
حقّ لنا أيضاً أن نقول : هذا الشراب السُكّري خارب عليك القشرة
والفرق بين تومست وتوسمت كبير
كالفرق بين الـ ( مس ) و الـ ( سم ) حماك الله شر المس والتسمم
بكري
نناشد بباسورد عُــزاز .. رغبة في مشاركاتها ورفقاً بحال دكين
|
Post: #18
Title: Re: بكري ابو بكر يحرمني مِـنك ..
Author: فيصل نوبي
Date: 07-09-2006, 07:25 AM
Parent: #2
طبعا يا دكين من بوستك بتاع عظيم النوبة داااااك ...
بقيت شغال بالمثل ( قدر لرجلك قبل البوست موضعها ....(etc)* )
مشيت فتشت اخر مداخلة لي عوزاز لقيتها يوم 03 يوليو 2006 يعني ليك 6 يوم موجوع و منتظر و شايفك بتجادع هناك 
اها بعد ده ممكن اتضامن معاك يا وغد 
الفابيا دي انساها خلاس روحي انسلت و ما لقيت ليك شيء والله .
|
Post: #25
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 10:48 AM
Parent: #2
نيابة عن عزاز :
شكران يا ثابت
عارفاك ما بتقصر ..
واصالة عني :
يقصر الملح يا ثابت ..
لقيت فيني فرقة موش كدي؟؟
بنردها ليك يوم حنتك .. حنتك في يدنيك الاتنين ديلاك ..
| Quote: هذا الشراب السُكّري |
تخيل انا بي اناقتي دي كلها عندي تلاتة شراريب فقط ...
انتا عندك واحد وتلاتين شراب يا ثابت..
انتا ادمي ولا طربيذة اجتماعات؟؟
|
Post: #3
Title: Re: بكري ابو بكر يحرمني مِـنك ..
Author: الفاتح وديدي
Date: 07-09-2006, 05:40 AM
Parent: #1
....
وجيعين
....
|
Post: #28
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 11:45 AM
Parent: #3
وديدي
نيابة عن عزاز
الله لا جاب ليك وجعة يا حبة ..وتسلم للتضامن وتكرار الندا
اصالة عني انا:
الفيك اتعرفت يا قريبي..
**********************************************************
قرشـــو
نيابة عن عزاز :
انتا ياذوق الهي ما تشوف شر في باس ويردك ..
ودي المحرية فيك يا حبيب المصطفى ..
اصالة عني:
عزاز ما خلت لي شي اقولو..
|
Post: #4
Title: Re: بكري ابو بكر يحرمني مِـنك ..
Author: قرشـــو
Date: 07-09-2006, 05:41 AM
Parent: #1
دكين
الراجل الأصيل
| Quote: اسوي شنو ما ماعندي وجيع |
أفو ... أفو ..
ده كلام ده ؟؟؟؟؟
حرم كلنا نتوجع لوجعك ونقف معك قلبا وقالبا
والله ده ما كلام ابدا يا بت العزاز
نحن هنا كلنا قلب واحد خاصة مع انسانة عزيزة زيك عمرها ما اتخطت حدودها مع الاخرين
والله يا دكين قطعت قلبى ياخى
كلنا صوت واحد ننادى الاخ بكرى بأن يسعف اختناالعزيزة عزاز بالباسووورد او اعطائها بديلا..
شكرا يا دكين يا عشا البايتات ومقنع الكاشفات
ويكفى اسمك دكين
|
Post: #7
Title: Re: بكري ابو بكر يحرمني مِـنك ..
Author: القلب النابض
Date: 07-09-2006, 05:55 AM
Parent: #4
الوجيع دكين
عزاز شامي عطر المكان ...
كيف تغيب النسمة من المكان؟
نهمس في اذن بكري
عزاز شامي عطر المكان دعوها تفوح
شكراً لدكين
|
Post: #29
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 11:50 AM
Parent: #7
ياقلب ياجيمل
نيابة عن عزاز :
| Quote: عزاز شامي عطر المكان دعوها تفوح |
اخجلتم مقامنا المتواضع بينكم ..
والباص ويرد ما راح بس دي حركات من دكين ساي..
اصالة عني:
تسلمي يا قلب ..
نحنا البكوس العوزة عندنا بلقاها تب..
وما تصدقي كلام البت دي
الباص ويرد راح ..
وان ما راح كان لازم نروحو وكده....
|
Post: #5
Title: Re: بكري ابو بكر يحرمني مِـنك ..
Author: alsngaq
Date: 07-09-2006, 05:49 AM
Parent: #1
Quote: ***********************
ولما عرفتم عني من كوني استغلالي استغل كل فرقة جميلة ..
ولما كانت هذه العزاز عزيزة كما لا يخفى ..
لذا ما لجأت الى ايملات بكري الخاصة بتاعة (بكري @ كوكس دوت كوم) رغبة مني في القشرة بكل جميل عزيز متاح..
لذا معذرة يابكري ياخوي كوني ما جيتك في الايميل ..
الفرص السمحة في البور ده بقت تضيق مؤخرا ... |
دكين السمحة فيك انك دائما بتجيب اخرك براااااااك
متألم معاك وحتى تعود
|
Post: #31
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 12:07 PM
Parent: #5
السنجك اخوي
نيابة عن عزاز
تشكراتنا لي الامك ...
منو القال ليك دي السمحة فيهو ..
الزول ده شي سمح فيهو مافي ..
عني انا:
تعرف يامان الاميل بتاع بكري @ كوكس ده الواحد بلجا ليهو لامن يضيع باص ويردك انتامثلا
باص ويرد حمد
باص ويرد همزاوي
الباص ويردات الهاملة ديكي ..
بس لامن الموضوع يمس الثوابت البورد لازم الواحد يعمل هليلة..
وينك انتا مختفي
مارسلو ليك دافنشي كود في الشيرنغ فايل ؟؟
عايزين نتلحك سي تاني زي بتاع الأم المسيح
|
Post: #6
Title: Re: بكري ابو بكر يحرمني مِـنك ..
Author: معتصم دفع الله
Date: 07-09-2006, 05:52 AM
Parent: #1
أها يا دكين ..
نحن معاك نناشد الأخ بكري ..
بارجاع الباسورد الخاص بالأخت عزاز ..
فووووووق ..
|
Post: #8
Title: Re: بكري ابو بكر يحرمني مِـنك ..
Author: Mustafa Mahmoud
Date: 07-09-2006, 06:02 AM
Parent: #6
up
azzaz is a breeze of fresh air for this forum
people loke azzaz are very much needed here
dr mustafa mahmoud
up again
|
Post: #42
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 03:20 PM
Parent: #8
Mustafa Mahmoud
شكرا للكلمات الجميلة ..
|
Post: #34
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 12:28 PM
Parent: #6
مووو العزيز
نيابة عن عزاز :
ما بتقصر يا معتصم .. عارفاك زول خدوم وزول مواقف..
ومشكور يا رايق..
اصالة عني:
اقول ليك تاني شنو اكتر من القالتو عزاز ؟؟
|
Post: #9
Title: Re: بكري ابو بكر يحرمني مِـنك ..
Author: حمد فتح الرحمن
Date: 07-09-2006, 06:20 AM
Parent: #1
وجيع
متوجع
|
Post: #10
Title: Re: بكري ابو بكر يحرمني مِـنك ..
Author: أحمد الشايقي
Date: 07-09-2006, 06:28 AM
Parent: #1
دكين
الحبيب
هـا كمان نرفع معاك
ومع العزيزة عـزاز,
باسويرد يا ريس بكري, بعلم الوصـول,
يلا سـلام ,
أحمـد
|
Post: #13
Title: Re: بكري ابو بكر يحرمني مِـنك ..
Author: ajaj
Date: 07-09-2006, 06:47 AM
Parent: #10
سلامات يا شباب كلكم
هذا الدكين الشين يمتاز باستغلالية واضحة ولا تحتاج الي دليل فهاهو الان يريد ان يقشر باسم الجميلة عزاز
ويلصق اسمو مع اسمها رغم معرفة غرضه والبنية عاوزة تكمل تعليمها الا ما زال مصرا ولذلك لن يتم مرادك
ابدا الا بعد ان يناهز عمرك عمر عمو صديق الموج وقد ازعر من زرزر
ولكن يا ايها البكري اسعف عوزاز البت الدغوري بباسوريد فقري تسرع وتدينا الشمار الختري....بس
|
Post: #47
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 04:53 PM
Parent: #13
عجاج العزيزة
اهو .. رد الله قشرتنا في نحرنا ..
واهو بكري جا خاشي وقال انو ما عندو قضية بالموضوع
طيب العندو قضية منو؟؟
انتي حقارتك في صديق الموج دي بس عشان كان بشجع فرنسا؟؟
|
Post: #58
Title: Re: بكري ابو بكر يحرمني مِـنك ..
Author: DKEEN
Date: 07-10-2006, 04:18 AM
Parent: #10
سعادة المستشار احمد الشايقي
تحياتنا يارجل
ذلكم عهدنا بكم ..
سباقون لكل جميل
دمتا رايق ودام بهاك منظوم..
تقريكعزاز المودات واالسلام مقرؤة مع تشكراتها..
|
Post: #11
Title: Re: بكري ابو بكر يحرمني مِـنك ..
Author: حمزاوي
Date: 07-09-2006, 06:35 AM
Parent: #1
انت غايتو
لصقه بشكل
|
Post: #45
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 04:34 PM
Parent: #11
حمزاوي
نيابة عن عزاز :
(وجه محمر خجلا)
اصالة عني :
ياخال ..لو بس بطلتا غيرتك دي ...
|
Post: #12
Title: Re: بكري ابو بكر يحرمني مِـنك ..
Author: Osama Ahmed
Date: 07-09-2006, 06:37 AM
Parent: #1
اوقع وابصم
|
Post: #14
Title: Re: بكري ابو بكر يحرمني مِـنك ..
Author: فيصل نوبي
Date: 07-09-2006, 06:54 AM
Parent: #12
دكين آخوي
مؤازرك تب ....
آآآآآه ونص..........
|
Post: #30
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 12:00 PM
Parent: #14
اخوي فيصل نوبي
نيابة عن عوزاز :
الباص ويرد خيلهو هسي
وينها الفابيا حقت البني ادم ده؟؟
ياخي انتا الزول مالك ما عايز تبذل ليهو مجهود؟؟
رفعتا ليهو ضغتو ..
اصالة عني:
يا وغد
تبيع اخوك ؟؟
| Quote: ياخي انتا الزول مالك ما عايز تبذل ليهو مجهود؟؟ |
لو بذلتانص المجهود بتاع يوم الخميس كان مرقتا لينا مرسيدس قلاب خليها الفابيا الحتة دي ..
|
Post: #15
Title: Re: بكري ابو بكر يحرمني مِـنك ..
Author: wedzayneb
Date: 07-09-2006, 06:55 AM
Parent: #12
وأنا كمان
|
Post: #46
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 04:38 PM
Parent: #12
عثمان احمد
وود زينب
نردها ليكم يوم عوزة ..
|
Post: #16
Title: Re: بكري ابو بكر يحرمني مِـنك ..
Author: Dafi
Date: 07-09-2006, 06:56 AM
Parent: #1
عدل بواسطتي..قبل الكوره بي شويه
ربنا يجمع..مع تحياتي للعمده قرشو
|
Post: #17
Title: Re: بكري ابو بكر يحرمني مِـنك ..
Author: saadeldin abdelrahman
Date: 07-09-2006, 07:08 AM
Parent: #1
Quote: الوجيع دكين
عزاز شامي عطر المكان ...
كيف تغيب النسمة من المكان؟
نهمس في اذن بكري
عزاز شامي عطر المكان دعوها تفوح
شكراً لدكين |
|
Post: #19
Title: Re: بكري ابو بكر يحرمني مِـنك ..
Author: نادية عثمان
Date: 07-09-2006, 07:41 AM
Parent: #17
عوزاز ياحبيبة
كلنا وجيعك ياخ انتى قايلة روحك هينة ؟!!
اها بكرى مارجعوا ليك لسسسسسسسسسسسسسسسسة ؟!!
ولا عاملة تقيلة عشان تشوفى مدى حب الجميع ليك ياعسللى ؟!!
|
Post: #20
Title: Re: بكري ابو بكر يحرمني مِـنك ..
Author: عبد الله عقيد
Date: 07-09-2006, 08:34 AM
Parent: #19
| Quote: كلنا وجيعك ياخ انتى قايلة روحك هينة ؟!! |
هي قالت ما عندي وجيع...!!!
والله ياهو
|
Post: #48
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 05:02 PM
Parent: #20
عقيد
بلاي طلعتا موجوع ؟؟
مابراك ياخوي ..
|
Post: #33
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 12:20 PM
Parent: #17
سعد
نيابة عن عزاز :
انت يا سعد موش قبل كده سالتك ما بتحضر افتح يا سمسم ؟
اها بس جيت اقول لي المنبر افتح يا سمسم ابى وحلف..
وتشكراتنا لي ظنك الطيب فينا ..
ودمتا اخو عزيز وغالي..
نيابة عني انا:
سعد انتا ليه ما بتخش بوستاتي؟؟
|
Post: #21
Title: Re: بكري ابو بكر يحرمني مِـنك ..
Author: lana mahdi
Date: 07-09-2006, 08:51 AM
Parent: #1
|
Post: #49
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 05:03 PM
Parent: #21
لنا مهدي
نامل ان تعود عزاز قريبا..
بكري قال ما عندو علاقة بالقصة دي ..
البت اظنها دايسها الكابس وبتكتب الباص ويرد ..
|
Post: #22
Title: Re: بكري ابو بكر يحرمني مِـنك ..
Author: قرشـــو
Date: 07-09-2006, 08:58 AM
Parent: #1
الحبيب دافى
ليك وحشة والله
وين ايامك الناضرة
| Quote: رجعت الصالون..خمسيييييييين ...الشباب جايطين..واتنين قاعدين بياكلوا..قدرت انو الملاح قرع...!!!. |
ليه ياخى الحقد ده كله على القرع ؟؟؟؟
|
Post: #23
Title: Re: بكري ابو بكر يحرمني مِـنك ..
Author: خدر
Date: 07-09-2006, 09:07 AM
Parent: #22
وجيع .. كان غائب
|
Post: #24
Title: Re: بكري ابو بكر يحرمني مِـنك ..
Author: خدر
Date: 07-09-2006, 09:54 AM
Parent: #23
| Quote: بكري ابو بكر يحرمني مِـنك |
ورد عن مولانا و مولاكم خدر في (المقاربات) الجزء الاول .. طبعة الحجاز
ان الجمله بالاحمر اعلاه هي في الاصل جمله (تحليفيه)
تستخدمها النساء إمعانا منهن في جهجهة أولي العزم من الرجال
وهي لفظ تحنيس اساسي كما في
-النبي فوقكـ
-يحتحتكـ
-وحاة جناي ده ( والجنا عاده مايكون شين وراسو مدوقس)
-يحرمني منكـ
والجمله في مجموعها تعني ( الرسول كان مارجعت الباسوورد)
وبالنظر الي ريكورد مولانا دكين الملئ بالإستقالات المح و العهده
علي الراوي بوادر احتجاج و استقاله ان لم يعود الباسوورد لجميلته
فيا بكري
رحم الله موتانا و موتاكـ و ايدكـ بجند من عنده
لاتحرمنا منهما و اعز المنبر بعزاز
و ان اردت فصل دكين
فالتفعل بليييييز
ولله الامر من قبل و من بعد
|
Post: #27
Title: Re: بكري ابو بكر يحرمني مِـنك ..
Author: ثابت محمد
Date: 07-09-2006, 11:19 AM
Parent: #24
Quote: ان الجمله بالاحمر اعلاه هي في الاصل جمله (تحليفيه)
تستخدمها النساء إمعانا منهن في جهجهة أولي العزم من الرجال
وهي لفظ تحنيس اساسي كما في
-النبي فوقكـ
-يحتحتكـ
-وحاة جناي ده ( والجنا عاده مايكون شين وراسو مدوقس)
-يحرمني منكـ
والجمله في مجموعها تعني ( الرسول كان مارجعت الباسوورد) |
مولانا خدر
سلام ومرحب بعد الغيبة
أما انا فقد فسرت عنوان البوست بشكل مختلف
هو هنا يخاطب عزاز شامي شاكياً لها ظلم بكري لدكين ( وليس لها )
وتقدير العنوان كما يلي :
ياعـزاز شامي بكري أبوبكر يحرمني منك
ولدكين في عناوين بوستاته شؤون وخفايا وتبرئة جانب
نكرر
يا بكري رجع باسورد عــزاز .. ولا تحرم دكين منها ومن كتاباتها
|
Post: #36
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 12:38 PM
Parent: #23
طروق
نيابة عن عزاز :
أخوي خظر الفااااااهم الرااااايق
مساءك فل ومسك!
مرورك دائما مريح وبيطلع المستخبي
اريتو يمرق لينا باس ويردنا..
سلمتا يا سليم الذوق ..
عني انا الوغد :
وييين يا حبيب
البوست الجاب الناس لينا جابك
..
الواحد لو ما شرك ليكم ما بتجو انتو؟؟
لا حرمنا الله من خوتك يا حبيب
|
Post: #26
Title: Re: بكري ابو بكر يحرمني مِـنك ..
Author: Adil Osman
Date: 07-09-2006, 11:02 AM
Parent: #1
لاحظت غياب الاستاذة عزاز شامى منذ حين.
ارجو ان تعود عزاز كما كانت. قلم جميل وذكى وحضور باهر ومرح. وصورة جميلة لفتاة سودانية تتمتع بمصداقية عالية.
هل سحب بكرى ابو بكر كلمة سرها؟
لماذا اذا صح هذا الزعم؟
فلتعد عزاز لتعود الطمأنينة لهذا الموقع ويعود الحضور الجميل.
وبعودتها تكتل الدش فى يد دكين الانتهازى الجميل هو الاخر!
|
Post: #50
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 05:07 PM
Parent: #26
عادل عثمان
عزاز:
بشمهندس الصور
| Quote: ارجو ان تعود عزاز كما كانت. قلم جميل وذكى وحضور باهر ومرح. وصورة جميلة لفتاة سودانية تتمتع بمصداقية عالية. |
تشكراتنا للعبارات اللطيفة ..
| Quote: لاحظت غياب الاستاذة عزاز شامى منذ حين |
عني :
| Quote: وبعودتها تكتل الدش فى يد دكين الانتهازى الجميل هو الاخر! |
يا عدولة
بكري كتل الدش في يدنا
وتسلم يا جميل على مؤازرة بت ابو الشام
|
Post: #32
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 12:14 PM
Parent: #1
تم تغيير حرفتنا مؤقتا كنوع من انواع التضامن الصوري
لحين عودة الاخت عزاز ..
وعشان المداخلات البي النيابة تكون مقبولة نوعا ما ...
وهي على كل حال
لا تمثل بالضرورة الرأي الرسمي لصاحب الرايحة بل تمثل وجهة نظر كاتبها ...
|
Post: #35
Title: Re: بكري ابو بكر يحرمني مِـنك ..
Author: ثابت محمد
Date: 07-09-2006, 12:31 PM
Parent: #1
 دكين ألف ألف مبروك وعقبال الفابيا لقطة زي دي ما بتتكرر دي مثل مذنب هالي لذا كان التوثيق
|
Post: #37
Title: Re: بكري ابو بكر يحرمني مِـنك ..
Author: Muhib
Date: 07-09-2006, 01:20 PM
Parent: #35
ارجوا ان يحل الاخ بكري معضله الاحت عزاز..وسلامي لدكين
|
Post: #38
Title: Re: بكري ابو بكر يحرمني مِـنك ..
Author: نادية عثمان
Date: 07-09-2006, 01:51 PM
Parent: #37
يادكين اطلع من حنانك واضرب لى بكورى تلفون بى مائة دولار اسألوا قاطع وش البت عوزاز مننا قصدو شنو ياخ ؟!!
دكين اى بتان
ياخى ان عوزاز برو دسن تونجل سكر القصب كرى والله !!
|
Post: #39
Title: Re: بكري ابو بكر يحرمني مِـنك ..
Author: بكرى ابوبكر
Date: 07-09-2006, 01:54 PM
Parent: #38
يا حبيب بكرى ما عندو اى علاقة بالحاجة دى
|
Post: #43
Title: Re: بكري ابو بكر يحرمني مِـنك ..
Author: نادية عثمان
Date: 07-09-2006, 03:28 PM
Parent: #39
| Quote: يا حبيب بكرى ما عندو اى علاقة بالحاجة دى |
انا كان البى حاسس ياجدعان !!
عليكم الله زول برئ ولطيف زى بكورى ده بشيل ليهو باس ويرد زول من غير سبب؟!!
معليش يابكرى تكون دى حركة فى حركتين من دكين عايز يعرف بنحب عوزاز قدر شنو وبنحبك انت زاااااااتك قدر شنو ؟!1
صاح يادكين؟!!
عوزاز خلاص تعالى كلو شيكن انكشفن وبان !!
|
Post: #51
Title: Re: بكري ابو بكر يحرمني مِـنك ..
Author: DKEEN
Date: 07-09-2006, 05:15 PM
Parent: #38
نادية امبا نسي بنرو ..
er sae wayee da jena
| Quote: تلفون بى مائة دولار اسألوا قاطع وش البت عوزاز مننا قصدو شنو ياخ ؟!! |
100 دولار تلفون عشان باص ويرد ؟؟
لوعندي 100 دولار طيب ما اتقدم ليها احسن ..
|
Post: #40
Title: Re: بكري ابو بكر يحرمني مِـنك ..
Author: القلب النابض
Date: 07-09-2006, 01:55 PM
Parent: #37
عوزاز
ارسل ليك باص ويردي؟؟
يا بكري وين انت
والله انا خايفة يكون كمين دكين ...
|
Post: #41
Title: Re: بكري ابو بكر يحرمني مِـنك ..
Author: حمد فتح الرحمن
Date: 07-09-2006, 02:17 PM
Parent: #1
| Quote: يا حبيب بكرى ما عندو اى علاقة بالحاجة دى |
ormod akey jabe
دكين
انت مجيتنا و لا شنو ؟
|
Post: #44
Title: Re: بكري ابو بكر يحرمني مِـنك ..
Author: فيصل نوبي
Date: 07-09-2006, 04:22 PM
Parent: #1
دكين جلييك راجع
دي بالغت فوقها
التضامن ما عندك
لووووووووووووووووول
|
Post: #52
Title: Re: بكري ابو بكر يحرمني مِـنك ..
Author: saadeldin abdelrahman
Date: 07-09-2006, 05:41 PM
Parent: #1
| Quote: سعد انتا ليه ما بتخش بوستاتي؟؟ |
سبب الريد عينيك و عينيا يا دكين
|
Post: #54
Title: Re: بكري ابو بكر يحرمني مِـنك ..
Author: المسافر
Date: 07-10-2006, 00:39 AM
Parent: #52
دكين
عشا البايتات
تسلم يا حبيب
يبدو لي انك بتمهد لوضع صورتك الخايف عليها
بنتنا عزاز بتكون غيرت نظام الكي بورد في حاسوبها
أول حاجة لازم تمشي لمكان تغيير اللغة وتحذف الكيبورد
وتضيفها من جديد على أساس كيبورد (101)
هذه المشكلة تحدث عند إضافة كيبورد ثالثة في مكان اللغة
ويصعب إدخال كلمة السر بتعديل اللغة من إنجليزي إلى عربي والعكس
( يعني بتصبح الكلمة خزاز)
مع تحياتي لبنتنا عزاز
|
Post: #53
Title: Re: بكري ابو بكر يحرمني مِـنك ..
Author: DKEEN
Date: 07-10-2006, 00:28 AM
Parent: #1
الاخ الفاضل بكري
وصلنا خلو طرفك من الموضوع..
شاكرين استجابتك للرد على التساؤل الذي طرحةالبوست..
وكونك مالك طلاسم واسرار هذا المكان ولاحد غيرك يستطيع حل هذا الاشكال..
وبما انك اعلنت ان لا علاقة لك بهذا الامر..
ولعلمي بان الاخت عزاز راشدة ومكلفة ومختارة وتستيطع التعامل مع الحاسوب
كما وان الكمبيوترالخاص بها سليم ومن الخامات المتازة ..
وحيث لم تعلن اي جهة اخرى مسؤليتها عن الامر ..
لذا فاني ارجح الامر الى علل الهية واسباب من السماء..
جات من الله يا عزاز ...
وعليه ايها الاعزاء الذين حضروا الينا داعمين ومؤازرين وباحثين الحقيقة ..
تكريما لعزاز شامي
وما قدمته في هذا البورد من كتابات جميلة وروائع مدهشة ..
سيقام حفل تابين لها في خضم هذا الاسبوع فترقبوه..
فنامل التلطلف بتجهيز مشاركاتكم لهذا التابين ..
آملين ان تكون المشاركات معبرةعن الجمال الذي لازم كتابات الفقيدة طوال فترة وجودها بين ظهرانينا..
ولا اراكم الله شيئا لا ترضونه في عزيز لديكم..
والقابلة عندكم في ضياع باص ويردات اعزائكم ..
|
Post: #55
Title: Re: بكري ابو بكر يحرمني مِـنك ..
Author: قرشـــو
Date: 07-10-2006, 02:50 AM
Parent: #1
Quote: عليكم الله زول برئ ولطيف زى بكورى ده بشيل ليهو باس ويرد زول من غير سبب؟!!
|
ما أظن ابداً
|
Post: #56
Title: Re: بكري ابو بكر يحرمني مِـنك ..
Author: عمر عبد الخالق سعيد
Date: 07-10-2006, 03:32 AM
Parent: #1
| Quote: لوعندي 100 دولار طيب ما اتقدم ليها احسن .. |
آ زول هوي
عزاز دي غالية شديد..........
|
Post: #57
Title: Re: بكري ابو بكر يحرمني مِـنك ..
Author: DKEEN
Date: 07-10-2006, 04:10 AM
Parent: #1
دافي
ما تخاف بجمع ..
الكلام الفرقة كيف ..
امابعد:
تاني مرة البتكتبو في بوستاتي ما تسمحو..
اكتب عندي بلا حذر وبلا قصد ..
اكتب عن ما تراه مناسبا وعن مالاتراه مناسبا وعن ماتراه باطلاق الرؤية دون قيد..
اكتب بذي العلاقة ..واكتب بغير ذي العلايق..
اكتب عن كسلا وعن الوالد اعز الله مقامه وامد في عمره المديد..
عن الميرغنية ورائحة الضريح..
اكتب عن حبك الذي طمرته مياه الخيران في اربعات ..
عن حبك الذي غاب مع الاسى في كلية الهندسة جامعة الخرطوم..
عن اشراقاتك في المين روود في نهار وصمت الجامعة..
عن الاغنيات حين تستحيل الى شوقٍ عسير المنال..
عن اولئك الذين تفرملت بهم علاقاتنا الانسانية فاكتفينا بهم وما سعينا للمزيد..
اولئك الذين جالسناهم في سنين المودات فغادرناهم ونحن بهم ممتلئون فكفونا شر علاقات الغربة وبلاد الصقيع ..
فالاحباب ياكناني ما طواهم الغياب ابدا ..
هم في ذات بهائهم القديم ..
يتصلون احيانا ..
واحيانا ينقطع دابر خبرهم..
يغازلون في شوارع الاملاك وحلة حمد والانمائية ..
ياتون بعد دوامهم الى المين روود وكان احدا لم يغب..
رحلاتهم الى الشيخ الياقوت ما انقطت..
تضج فيهم ذات رغباتهم القديمة ..
قال مروان العبادي في اخر عزاء واجب:
(سكوها قامت تجر قبضوها درعولا الحبل)
وبننا وبينهم وعد دائم باللقاء ..
اخوي يا دافي
اكتب كيفما شئت وحيثما شئت ولا تخشى الا الله والذئب على غنمك..
البتكتبو انا بتحمل وزرو ووزر مافيه وكافة تبعاتة ..
وثم افعل ما تشاء ..هنا وحيث شئت ..
انا اخوك يا دافي
اخوك البحمل فسوك..
|
Post: #59
Title: Re: بكري ابو بكر يحرمني مِـنك ..
Author: نادية عثمان
Date: 07-10-2006, 05:40 PM
Parent: #57
Quote: انا اخوك يا دافي
اخوك البحمل فسوك.. |
هى بتان تكوون بنجد مشندل قوليمنو ياخ !!
خلاص داير تخلينى اشتت يادكوة ؟!!
دكوة دلع دكين سمح ؟!!
|
Post: #60
Title: Re: بكري ابو بكر يحرمني مِـنك ..
Author: DKEEN
Date: 07-11-2006, 06:55 AM
Parent: #59
نادية العسل
طيب كده كيف ..
(امبسكي إن توستي هملي)
تكون مننا وفينا.. وزيتنا ي بيتنا...
مع مودتي وكل شي سمح عشان ما تزعلي مننا وتشتتي..
|
Post: #61
Title: Re: بكري ابو بكر يحرمني مِـنك ..
Author: حيدر حسن ميرغني
Date: 07-11-2006, 07:21 AM
Parent: #60
اخونا دكين الهميم
ان شاء الله لانعدم امثالك في المنبر
واحد رطاني
|
Post: #63
Title: Re: بكري ابو بكر يحرمني مِـنك ..
Author: نادية عثمان
Date: 07-11-2006, 12:19 PM
Parent: #60
| Quote: امبسكي إن توستي هملي) |
لا بالله !!
لحنتها يعنى يادكوة ؟!!
|
Post: #62
Title: Re: بكري ابو بكر يحرمني مِـنك ..
Author: DKEEN
Date: 07-11-2006, 07:28 AM
Parent: #1
لحدي هسي الموضوع ما اتحلا ..
وانا خسران اربعة يوم ..
اربعة يوم ما كتبت فيهم بت ابو الشام ..
اربعة يوم من جملة ايام ما معروفة تنتهي متين..وقد تنتهي هكذا فجاة..
ويابكري شوف ليك واحد جديد ورسلو ..
اواتصرف ..
فالعمر قصير..
لو شاكي في ذمتنا..
اعملو ليها as Manufactured by the factory
اربعة اصفار وهي بتغيرو لي قدام ..
بس ما تعلقنا كده .. الناس بدت تضغط علي
|
Post: #64
Title: Re: بكري ابو بكر يحرمني مِـنك ..
Author: عزاز شامي
Date: 07-15-2006, 03:40 AM
Parent: #1
الانتهازي الدّارعني في رقبته
دكين،
يا اخي ما نجيك في باس وورد لا ضياع رمز سري
والله يا دكين انت طيب بشكل!
يسعلني الله، كونك واضح كده زي قزازة الموية مريح!
الواحد بيعرف يحدد مشاعرك تجاهك ببساطة كده من غير لف ولا دوران
وبالتالي شعوري تجاهك في اللحظة الحالة
شكر عميق!
حبايبي الحلوين
فرد فرد
وكل من دخل
وكتب
وقال بينه وبن نفسه(البنت دي مشت وين؟)
كل زول افتكرني
وسأل مني ...
أحضنكم حضن كبير بايديه وعينيه
وفوقهيا
سلامات كثيرة قد كده!
في حياتي البرزخية الفاصلة بين المشاهدة والكتابة على سطح مياه تجمعنا،
قدرت نعمة (الباس وورد) وقد ايه الانسان ممكن يكون جحود...
نقل عنا، رضي الله عنه وهداه، دكين عشا البايتات بأننا قلنا بأنه لا وجيع لنا
وبالأحرى هم وجيعون ووجيعات يسدون عين الشمس
وعليه لم أجانب الصواب
فأنتم لستم فرادى
بل باقات ورد تزين أركانا ظننتها معتمة....
كونوا جميعا بخير
وشكرا لكم
وياها المحرية فيكم
بحبكم جد جد!
شكرا يا بكري على طولة بالك وصبرك!
|
Post: #65
Title: Re: بكري ابو بكر يحرمني مِـنك ..
Author: Mustafa Mahmoud
Date: 07-15-2006, 03:49 AM
Parent: #64
|
Post: #66
Title: Re: بكري ابو بكر يحرمني مِـنك ..
Author: DKEEN
Date: 07-16-2006, 07:11 AM
Parent: #1
بت ابوالشام
هللتي سهلا ونورتي اهلا..والبورد بدونك شوربة..
نيابة عن عزاز :
تسلمي للمؤازرة مع انها جات متاخرة ..
اصالة عن نفسي:
| Quote: الواحد بيعرف يحدد مشاعرك تجاهك ببساطة |
كيف يعني مشاعرك تجاهك دي ؟؟
عزاز انتي ليه دوما لامن تكلمي معاي بتتكبكبي؟؟
عايز رد واضح وصريح وقاطع وخالي من ي فلسفةتقود الى تفكير..
بالمناسبة طالما رجعتي حاقوم اسحب منك الشارة والمسدس خلال اربعة وعشرين ساعة..
حاولي استفيدي منهم في اي عمل اجرامي
|
Post: #67
Title: Re: بكري ابو بكر يحرمني مِـنك ..
Author: بارعة
Date: 07-16-2006, 08:49 AM
Parent: #66
ورد عن صاحب كليلة و دمنة ..
ان القاضي المقيم دكين الحسن بعد ان اُسقط في يده
بعوده (عُزاز) اعزها الله و ادام عليها نعمة الباسوورد
انه .. قد طاش صوابة و فقد المنطق ..
ذلكـ بعد ان تكاثرت عليه نبال القوم المستكثرين عليه نبل المواقف و العمل بحديث
اكرم الخلق (تواصوا بالحق و تواصوا بالصبر ) و متناسين عن عمد ان اسمه يتبعه في
سجلات المواليد لقب (عشا البايتات ) .. اقول انه بعد ان ضاقت به الوسيعه فر الي
جبل في البريه يقال له
قراءة جديدة في تضاريس قديمة
و طفق يفسر للناس مالهم و ماعليهم و يحصي عليهم النِعم التي هم فيها و هم عنها غافلون
سعيداَ يردد
علي لربعِ العامريّةِ وقفة
تمل علي الشوق والدمع كـاتِب
فلا وأبي العشاق ما أنا عاشقُ
إذا هي لم تلعب بصبري الملاعب
ومن مذهبي حبُّ الديارِ لأهلها
وللناس فيما يعشقون مذاهبُ
فيا اصدقاء ترفقوا بهذا الوغد .. ففيه بقيه نبل و خير يشملنا جميعا في حوضه .. يتفقد
الرعيه و يجزي المُحسنين خيرا من خاص جرابة و دنانيره و يحب اخواته في شان الله و ي..
كتاب (عرقوب والالفيه الجديده ) صفحة 147 ( صفحة مقطوعه )
الجزء التاني مُنقح
طويل العمر مولاكم خدر
|
Post: #68
Title: Re: بكري ابو بكر يحرمني مِـنك ..
Author: عزاز شامي
Date: 07-16-2006, 08:55 AM
Parent: #66
عارف يا دكين
لما كنت صغيرة، من فترة قريبة يعني، كنت بكتب العين بالمقلوب والثلاثه العنقليزي بالمقلوب وحرف E برضو بالمقلوب لما صفحة الانجليزي تبقى شبه اختبار النظر ...ترتب على ذلك عقوبات قصوى من ام حنون ظنت الظنون بأبنتها واتهمتها جورا بأنها (مستهبلة) مما جعل جضومي حينها محطا ومستودعا أمينا للقرصات واللدغات والخبيط ....
المهم، لما اتطور العلم في أوائل القرن الماضي، شخصوني انو انا عندي (ديسلكسيا) من النوع الخفيف يعني بشقلب الحروف جوه في المخ وبعكسها بالتالي مشقلبة...
والشاهد من قصة حياتي، انو انا يا سيدي كبكبتي الواضحه اعلاه نتاج زخم مرض طفولي ما عارفه مرق مني ولا لسه
أما المسدس والشاره، فقد استخدمتهم أحسن استخدام وبما يرضي ربنا وعباده
ويمكنك استلامهما من 787 عمارة (على مين) حارة السّقايين المتفرع من (وصفوا لي الصبر) ...
ونعود ونشكركم عميق الشكر على نعيكم فقدنا باسوردنا المأسوف على اتساق حروفه
لا أراكم الله في عزيز لديكم
|
Post: #70
Title: Re: بكري ابو بكر يحرمني مِـنك ..
Author: DKEEN
Date: 07-17-2006, 03:18 AM
Parent: #68
والله العظيم انا في رد رديتو ليك هنا ياعزاز امس بالليل..
وهسي مافيش..
ياربي اكون شُـتو في ياتو بوست ؟؟
فيصل نوبي
على من يجد ردا ضالا في احد البوستات خاص بهذه المساحة الرجاء تبليغنااو الاتصال باقرب وغد..
|
Post: #69
Title: Re: بكري ابو بكر يحرمني مِـنك ..
Author: فيصل نوبي
Date: 07-16-2006, 03:52 PM
Parent: #66
| Quote: بالمناسبة طالما رجعتي حاقوم اسحب منك الشارة والمسدس خلال اربعة وعشرين ساعة.. |
لوووووووووووووووووووووووووووووووووووووووووووووول
ما قاعد في الواطـــة دي يا دكين انت
عزاز
حمدلله علي سلامتك و مبروك الباسورد الجديد.
دكين سحب الشارة و لا لسه
|
Post: #71
Title: Re: بكري ابو بكر يحرمني مِـنك ..
Author: DKEEN
Date: 07-17-2006, 04:52 AM
Parent: #1
| Quote: والثلاثه العنقليزي |
كتر خير فيصل نوبي وراكم كيف تكتبوها
لو سلمنا بانو الامر مرده الى ديسلكسيااو هذا الشي العجيب الذي ذكرتيه
هل الديسلكسياهي نفسها التي منعت جلال حضرتكم من نسيان عبارة كاملة
في
| Quote: لا أراكم الله في عزيز لديكم |
من الواضح انو الامر مرده كبكبة شديدة في مقام حضرتنا..
وان كابرتم وتعللتم بالديسلكسيا..
والديسلكسيا منكم براء براءة الدم من ذئب بن يوسف..
| Quote: (ديسلكسيا) من النوع الخفيف يعني بشقلب الحروف جوه في المخ وبعكسها بالتالي مشقلبة... |
تخيلي مخك ده قرونا ليهو في مقرر الفيزياء بتاع تالتة ثانوي على اساس انو مراية محدبة..
|
Post: #72
Title: Re: بكري ابو بكر يحرمني مِـنك ..
Author: عبد الله عقيد
Date: 07-17-2006, 07:24 AM
Parent: #71
Quote: والديسلكسيا منكم براء | Quote: براءة الدم من ذئب بن يوسف |
.. |
لححححولا
هي الكبكبة دي كيفنها؟؟
هسي دا كلام تكتبو يا دكين.. براءة الدم من ذئب بن يوسف؟؟
ياخي لخبطتها لخبطة عجيبة خلاص..
لازم طبعا اتبرع وأقول ليك الجملة بطريقتها الصحيحة
(براءة الذئب من دم ابن يوسف)..
أوعك تجي كمان تقول دي (ديسلكسيا)..
شايف في كبكبة برضو حاصلة في مداخلة أخرى
المداخلة باسم بارعة، والتوقيع مولانا خدر
يا ناس الحاصل شنو؟؟
|
Post: #75
Title: Re: بكري ابو بكر يحرمني مِـنك ..
Author: DKEEN
Date: 07-17-2006, 07:52 AM
Parent: #72
| Quote: براءة الذئب من دم بن يوسف.. |
ود عقيد
لا يــــــاخ؟؟
انتا ياود حريف كده مالك؟؟
|
Post: #73
Title: Re: بكري ابو بكر يحرمني مِـنك ..
Author: عزاز شامي
Date: 07-17-2006, 07:25 AM
Parent: #71
دكين
عشا البايتات
لست بصدد الكبكبة أو الشحتفة بأي حال من الأحوال
خذ كتابي السابق وصدقه حرفا حرفا وأقرأ ما بين السطور عافاك الله
حضوركم قوي لا شك فيه، وانعم الله علينا بمثله فأسكتنا بلابل الدوح من الغناء يومين حتى عادت لهم قدرة النطق وحلقوا ينثرون الدرر والألحان ...
أسرتني برد باسوردي يا دكين، فكفاك تصيدا في الأخطاء والقي بي ببحر العفو والمغفرة إن نسينا كلمة او حرفا أو اسقطنا عبارة بأكملها فأنا لست من الناطقين بها واتقانها يعد خيانة لنخيل وتراب احمر هناك!
كل ما في الأمر كبكبة عائد فرحان!
بتاريخ اليوم
العائدة
|
Post: #74
Title: Re: بكري ابو بكر يحرمني مِـنك ..
Author: حمد فتح الرحمن
Date: 07-17-2006, 07:40 AM
Parent: #1
Quote: لازم طبعا اتبرع وأقول ليك الجملة بطريقتها الصحيحة
(براءة الذئب من دم ابن يوسف).. |
حتي انت يا عقيد ؟
|
Post: #76
Title: Re: بكري ابو بكر يحرمني مِـنك ..
Author: DKEEN
Date: 07-17-2006, 07:56 AM
Parent: #1
حمد فتح الرحمن
ازيك يا طراش ..
طبعا لسع القصة ماوصلت لكن بوصلها يا فردة ..بس الليلة مافضيت ..
نخلي الناس تضحك وتنسبط حبة
اصلا تحفة زيك كده ما اظن بتلقي كل يوم ..
هاهاهاهاهاهاهاايكة
عزاز ..عودا حميدا وحبابك كيفما كان حالك ..
|
Post: #77
Title: Re: بكري ابو بكر يحرمني مِـنك ..
Author: ثابت محمد
Date: 07-17-2006, 08:52 AM
Parent: #1
| Quote: براءة الدم من ذئب بن يوسف.. |
| Quote: براءة الذئب من دم ابن يوسف |
دكين و ودعقيد
بس ما تكونو قاصدين .. إبن يعقوب ؟؟ 
غايتو الله يجيبو ليكم طيب
عزاز عليك الله تاني ما تغيبي
المودة للجميع
|
Post: #78
Title: Re: بكري ابو بكر يحرمني مِـنك ..
Author: ايهاب نميري
Date: 07-17-2006, 08:58 AM
Parent: #1
استتتتتتتتتتتتتتتتتتتتتتتتتتتتتتتتتتتتتتتتتتتتتتاذ
يا دكين
اموت انا
فعلا شالوا نوم عينينا
|
Post: #79
Title: Re: بكري ابو بكر يحرمني مِـنك ..
Author: القلب النابض
Date: 07-18-2006, 12:55 PM
Parent: #78
غايتو الله يجيبو ليكم طيب
عزاز عليك الله تاني ما تغيبي
|
Post: #80
Title: Re: بكري ابو بكر يحرمني مِـنك ..
Author: إسماعيل وراق
Date: 07-18-2006, 01:49 PM
Parent: #79
عزاز
حمداً على سلامة العودة
.
.
تخريمة:
الوغد دكين جزيت خيراً
أها رفعت الأقلام وجفت الصحف
|
|