دكيــــــــــــــن

برغم طول غيابك لا تزال حاضراً هنا ...

سافر زمان
قُبال سنين
لا جاب جواب لا جاب خبر
أمُّو تسأل كل طاير
وكل عائد من سفر
خيالو ما فارق عيونها
وطيفو ما غاب
ليهو
@@@
وما زال هناك..
فى الركن داك
صوتو وغناهو وضحكتو
وصور المعلّقه فى الجدار
وجرايدو
والكتب الزمان
الليله كاسيهم غبار
مصباحو فى الركن الحزين
ومكانو ما زال فى انتظار
اصحابو انداد الطريق
قدّام عيونها مشو اخضرار
@@@
يا ماشى لى بلداً بعيد
قول للمخاصم أُسرتو
قول للطالت هجرتو
أمك هناك مادقّ باب
ماعاد قطار
ووصل جواب
اسمك تهزّها ذكرتو
والبيت وراك لو شفتو كيف
ضاعت مواسمو وخضرتو
@@@
يا حليلو لّمن كان صغير
تلميذ بيمشى المدرسه
تشفق عليهو من الطريق
وتخاف عليهو من المسا
كيف ينسى عِيديّه وحنان
وكفاح سنين كيفن نسا؟
@@
سافر زمان
قبال سنين
لا جاب جواب
لا جاب خبر

أتذكر مواساتك لي في وفاة والدتي يا دكين، منذها وأنا أحاول رقم هاتفك بلا جدوى

Quote: منذها وأنا أحاول رقم هاتفك بلا جدوى

لي سبب واحد يا نادر
الزول ده مقطع..
وخارج نظاق التكنلوجيا..
إلا لكن عندو DSL في البيت..
وحذاء لونو بني .. قل ان يمتطيه زول ساكت عادي زينا كده..
قبل يومين كان لابسو وخالف رجلينو الاتنين..
لحظتها عرفت ان المدعو ( دكين ) الايامات دي عاد لممارسة الاحتيال الطبقي..
وما بعيد يدخل في مصاف المليونورية الذين يغزلون نسيج ارصدتهم ولا هاميهم حاجه من الشي الحاصل ده..
واتوقع إذا عاد إلى هذه المساحة ودخل البوست ده تحديدا وفي ظل التضخم الحاصل ليهو ده ..
عادي جدا ممكن يقول ليك انا بعرفك من وين..
أو
هكذا يدير حواراته مع من يحبونه..

كدي يا تمبس تديهو وشها الدنيا ويتغابا العرفا فينا ما مشكلة ... تعرف أمس مساءً فتحت الارشيف وكتبت بحث دكين ... اكتشفته نفس المعلومة القديمة الاكتشفتها في السابق ومثلي كثيرون ... دكين قلم لا يُعوض وخسارة للابداع هنا ... أناس يكتبون لأن الكتابة بالنسبة لهم وجع .. حاجة ملحة أو قضية.. وآخرون يكتبونها ترفاً .. لكن دكين يكتب لأن الكتابة بالنسبة له عالم بكل متناقضاته حلوها ومرها ضحكها وبكائها بؤسها وفرحها وفي قطعة واحدة يمكن أن يفعل ديكن بك كل تلك المتناقضات فتخرج من حيثما كتب وتتمنى لو أنك لم تخرج ... تشكر س.أونلاين ألف مرة أن أتاحت لك قراءة ذلك الوغد المكنى (دكين) ... دكين حالة خاصه نظلم أنفسنا كثيراً لو تركناه بعيداً أكثر من هذا ...
الرقم 0507488378 احتفظت به في الموبايل منذ أن هاتفني آخر مرة وعدت أتصل فيأتيني الصوت (مكالمتك لا تتم حسب الطريقة التي استعملتها، فضلا تأكد من الرقم الصحيح)

الاخ نادر

دكين ..!!!

ومن يحفل ...

هذا الوغد ما زالت الايام لا تكف عن مباغتته برتابتها...
وهو لا يكف عن الهزيمة كل يوم .!
دكين دون مواصفات من يستحق الحب هنا ..
خليهو رنا يسهل عليهو..

ما بين تمبس وأساسي يانادر أنا مسطح عمريا..(فتمتين الصلة تعوقه السنون)..يعني بتخيل لي كدا أن مولانا دكين شاب يافع لم يتعدى أو فعلا تجاوز بالكاد العقد الثالث..فصلتي به تلفونية متقطعة رغم أنه يسكن في أول الحي وأنا في أخره..شاب ساخر صوته مترع سخرية..أحيانا يميل إلى نثر الدقيق فوق الشوك ثم محاولة جمعه من جديد ولكنه سرعان ما يتدارك ويستغفر..بورديا لم أعرف دكين إلا بعد أن ترك البورد..وأسباب تركه للبورد مزاجية، ولكن كلما طال إبتعاده عن البورد تستحيل الأسباب إلى طبع راسخ..ياريت يعود.

سجال دكيني مع زميلات في البورد

Quote: ومالا تجربتي الشخصية ما بتقسم مع تجارب الراجل السوداني ولا كيف؟ انا جاي من نواكشوط ؟ما منكم شئتي ام ابيتي هي فعلا تجربة شخصية ، ..دكين جاي من اسفل المدينة وانا جزء من نسيج ..سالين روحو . بس يا ريت كان ناس بيتنا عندهم شي يتفشخروا بيهو ويرسلو يطمنوك انو خلاص تمت الفشخرة واتخذنا مكانا بين الاسر الفشخارة في الحلة وما دايرين منك شي تاني ..بس مصاريف الشهر.. الذي يرهقني حقا انا قدر ما برسل عشان يتفشخروا قدام الاهل (بعيد عنكم عندنا اهل غياظين)يقولو لي حاجاتك دي بنبدل بيها العدة ..والترتار المجدوع في الحوش لسع مجدوع في الحوش ..وحيطة الجالوص عايزا مسامير وسلك عشان نليسا اسمنت والمرق الساند السقف في نص الاوضة مانعنا ا نخت سجادة في نص الاوضة..لكن برضو رسل السجادة .. واختك قالت ما دايرا تلد في المستشفي بتاع المرة الفاتت.. نجوى بت الخير احسن منها في شنو .. واخوك قال احسن ليهو جامعة اهلية من مجمع الوسط .. واخوك التاني مرقا في كسلا وقال ماشي اسمرا يرتاد افاقا لم يرتادها احد .. واختك الفي الجامعة قالت الكالكو ليتر ما غرافيك ومستلفة بتاعة الاستاذة .. fx100.وعايزا كالكوليتر فل ملتي ميديا .. و جهاز كومبيوتر لانو البحث بتاع التخريج بعد سنتين .. وطه التمتام بتاع الدكان قال ليك الشششششبط وينو؟ وابوك قال ليك القطعة الفي كدرو انتا ماداير تسجلا ولاكيف؟ والسر ود الحجة قنع من خيرا فيك وشال ايجار الدكان بتاعنا ومشى بيهو عمرة لي مصر .. نسدها بي جاي تتفتق بي جاي ..ننشغل بيهم ونسرح وراهم .. يجيك الكفيل طاير من وين ما تعرف ينهرك يطير الدين الباقي ليك في دين راسك تحاول تسب دين لي قبيلتو.. تجيك صورة امك العيانة شوووو قدام عينك ...تقول بدبرا في السودان باذنة تعالي.. تجيك صورة اخوك الماتمه الجامعة شوووو قدام العين التانية ..تقول الهي ما قرا جامعة ذاتو .. تجيك شووو صورة عنبر الحريم والاوبس والقاينا في مستشفي الخرطوم وتتخيل اختك وسط الحبش في العنبر ...... تقول حريقة فيهم كلهم الهي ما اتصلح حالم ورزقا بي الطريقة دي ما دايرنو ..وتبدا تلملم في اطراف دين كارب تفكو في وش كفيلك تبهج بيهو روحك التعيسة .. وتتك.. تذكر تلفون الشيماء امبارح وكلمات الصبر التي قيلت واصلاح الحال في مقبلات الايام شي حتمي ..وشي لابد حاصل .. ولا احد يظل هكذا واقفا طول العمر ... وتذكر مدحا انشدته لك بالامس عبر تلفون ضارباهو هي من اخر بيت في ابروف بصوت بعيد المنال . مولاي يا مخلسا كل المتلسا .. من قاملو في شوال محبوبي.... وعلي تتلمسا من كوني.. خايسا في الدنيا.. مغرسا زرعي..مسوسا حالتي.. مرخسا وجهي مدرسا راجيك ما مئيسا.... لي فضلك حارسا ... ثم تتذكر حكحكتك في التلفون شاكيا خجلا من الشكوى كونك لم تعتد الشكوى من قبل مع انك تعلم انك قد شكوت لها بؤسك مرارا في اعوام خلت . ومن ثم تخدرك نفس المراة السودانية مرة اخرى وتنسي كل شي ... وتجلس امام الكفيل وديعا حالما باسم الثغر تحلم بشي قد بات وشيكا .. معتذرا له مبررا سرحانك بي كسل السودانيين المعروف .. مضيفا الي الحديث نكتة جبانة زيك .. (عدل بواسطة DKEEN on 16-03-2003, 11:21 بركة الجات منك واسعدني حديثك الاخير فعلا عزيزتي انحنا قوامتنا فيكم كانت بي جهالة ..الجهالة الخلتنا نقومكم من البنابر عشان تمشو حتات تانية تقعدوا وتدفقو فيها وتجيبو لينا الكلام .. غلتنا لامن قلنا حريمنا خلاص لايحتاجون شكامة ..اتاري الوأد ذاتو ما شوية فيكم .. كما ويسرني –كعادتي الدائمة في السرور بجوارك- ان اجدك زولة ماعندها نهائي في البنات ملامح واخشى ان تكوني زول ما زولة ..والبورد لا يزال كالسودان كلاهما يفتقد الشفافية .. وامتدادا للسعادة بجوارك اسعدني ايضا وسرني ايما سرور انك ارجعتي كل مشاكلنا ومآسي غربتا -كرجال -لي حواء السودان ، الهي ربنا ما يحرمنا منك ويديمك لينا حضور ونضمي .. واقدر الاعتراف الضمني الوارد بانو لو كنا كفتناكم ما كان حصل الحصل ..ذلك موقف عظيم منك عزيزتي .. وبعد تفكير وسرحة اقدر اقول ليك انو لي الشرف في اني امتلك معاكي حاجة مشتركة كالجواز السوداني مثلا حامدا الله على المعرفة شاكرا بكري ابو بكر لاتاحة الفرصة للتلاقي في مكان يسعني واياكي والغاليين من امثالكم . ويشرفني ايضا ويذيدني في الشرف بهاء ان اعرض بين يديك الكريمتان مسودة لوثيقة زواج اتقدم بها اليك غاليتي طالبا المودة والرحمة فيما تبقي من عمر مديد باذنه تعالي .. وضمانا للغبن ومايتركه من اثر في الوثائق اترك المسودة بين يديكي، ولنا ولكم الحق في الاطلاع و التعديل وفق المصلحة المرجؤة (المرجوة كدة صاح)..متمنيا التوقيع ادنى الوثيقة في حال نلنا رضاكم ونالت وثيقتنا غاية المراد ..عسى الله يجعلنا نموذجين لرجل سوداني عادي وامراة سودانية غير عادية وبتقول كلام غريب :- مسودة مشروع وثيقة نكاح المادة الاولي :تسمي هذه الوثيقة عقد زواج وتسرى في حق الاطراف حال التوقيع عليها . المادة الثانية :لاغراض هذه الوثيقة تكون للكلمات والعبارات الواردة معانيها مالم يقتضي السياق معني اخر ،ويكون المقصود ب:- 1-الزوج:ديكن عشا البايتات 2-الزوجة :بت قضيم 3-المهر :المبلغ المتوفر لدى دكين حال الدخول . 4-بيت الزوجية:ارض فضاء في فضاء الكدرو جنوب ابو حليمة لا سور ولا منافع عليها . 5-الاساس المنزلي :كل ما يستطيع دكين توفيره من اساس ضروري من مواردة المتاحة بعد استيفاء المصاريف التي تكفل للاسرة دورة حياة البشر الاولية الكريمة . 6-المستشفى :كل المراكز الصحية الحكومية الاقرب للكدرو حسب التوزيع الجغرافي على ان لا يتعدى ذلك التوزيع مستشفي بحري الحكومي باي حال. 7-الولادة:كل حالات الولادة المعروفة عند دايات الكدرو أو عند الحكما في مستشفيات الحكومة . 8-الابناء :ابناء وبنات دكين وبت قضيم- (بت قضيم هنا اسم للزوجة وليس بت محددة لقضيم) -الصادرين كنتاج لهذا العقد . 9-المدرسة :المدرسة الحكومية الاقرب . 10- الجامعة :الجامعة الحكومية المتاحة بما فيها التي تقع في منطقة اعالي النيل وولاية بحر الجبل ومنطقة جبل مرة وجبال النوبة وجنوب النيل الازرق. المادة الرابعة :واجبات الزوج والزوجة 1-واجبات الزوجة أ-القيام بتدبير امور منزل الزوجية ورعاية الابناء والانصياع للزوج فيما يخدم مصلحة الاسرة ويحق الطموحات ان وجدت . ب-ان تلد جميع الولادات في الحلة اولا بما فيها ولادة الحبل حتى ولو استلزم الامر الاستعانة بخبرات مشهودة من الرجال بعد ان تم اثبات الخبرة الرجالية في مثل هذة الامور ، واذا تعذر الامر ففي المستشفى أو المركز الصحي ايهما اقرب. ج-مراعاة كافة الظروف المتعلقة بعمل الزوج صباحا ومزاج الزوج ليلا بما فيها عدم التدخل فيما يتناول أو يشرب بعد مضي 3 ساعات من نوم الابناء . د-عدم التذمر من الاساس المنزلي المتاح والقبول به كما هو مع بذل الجهد اللازم لتدبير ما يمكن تدبيره بالوسائل التي ترضى الاطراف بعد مناقشة ماهية الوسائل في يوم عائلي مفتوح درءا لما قد ينتج من حرج . ه- النظر فيما عند الجيران والاقارب من أشياء كانه امر لا يعنيها -وهو فعلا كذلك –وبعين مليانة. 2-واجبات الزوج أ-تدبير شئون وواجبات الاسرة الطبيعية وتوفير الامن وضمان الحياة الكريمة في الحدود والامكانيات المتاحة له . ب- المشاركة في جميع مناسبات نسابته في حدود زمنه الفعلي المتاح . ج-توفير الحبل اللازم وشدة في الحوش واستجلاب الرمل إلى الموقع في حالة الولادة على طريقة اخينا داك المشار اليها في الفقرة ب من البند 1 في المادة الرابعة . هـ مراعاة مزاج الزوجة ليلا ونهارا في كافة الامور الحياتية واعطائها الزمن الحقيقي الذي يكفي لشرح مشكلة ما ، حسب التقدير الزمني المفترض لكل مشكلة . د-الالتزام بالنظر فقط في كتابه امامة وترك كتب الجيران للجيران مهما بلغ به الملل من القراءة . المادة الخامسة: يعقد اجتماع عائلي مفتوح مرة كل اسبوع لمناقشة ما يستجد في الاسرة من تطوارت واحداث . المادة السادسة: في حالة اخلال احد الاطراف باللالتزامات المنصوص عليها في المادة الرابعة يجوز للطرف الاخر الدعوة ليوم عائلي مفتوح طاري خلال 24 ساعة من الاخلال يتم فيه الاستماع لطبيعة الاخلال والاعتذار صراحة من الزوج المخالف مع بوسة في راس الملتزم دليلا لمنتهي حسن النية وازلية العلاقة والتعهد بعدم التكرار .(والتكرار هنا للغلطة وليست للبوسة)...يا عفاريت انتو . المادة السابعة : يتحلل احد الزوجين من التزام المنصوص عليه في المادة الاولي اذا :- 1- لم يتوصل الاطراف الى الاعتذار المشار اليه في المادة السادسة . 2- حدث خرق واضح للواجبات في المادة 4 أو حدث امر يتعذر معه ان يفي احد الزوجين بالواجبات الطبيبعة .(قصرتا معاك) المادة الثامنة: يجوز للاطراف في حالة التحلل من الوثيقة ان يتبادلو الاحتفاظ بالابناء في فترات زمنية يتم الاتفاق عليها مع حق الزوج الدائم في الاجتفاظ بالاناث ان وجدوا. المادة التاسعة: تسري احكام هذه الوثيقة في حالة تعارضها مع اي تشريع اخر بغض النظر عن مصدر التشريع الاخير . المادة العاشرة: لاغراض هذه الوثيقة لا يشترط ان تكون الزوجة ذات جمال مبالغ ،لكن برضو ما تبالغ بي حكاية النضارة قعر الكباية والراس المقودس والحواجب المطفقة علاقRelated To the Field المذكورة في بوستات ذات علاقة .طرف اول زوج دكين عشا البايتات ضحوي عبد الرحمن عوض الكريم شاهد زوج انيسا حسن عبد الرحمن عوض الكريم تعتبر هذه الوثيقة ايجاب ساري لمدة سبعة ايام من تاريخ العرض على انـــــــظاركم . اها يا بت قضيم انا بخيرك بين الجالوص وورق الحائط والحمد لله براك عارفة انو الجالوص دايم لينا..بس المطرة لو جات البدخل السراير منو؟ ــــــــــــــــــــــــــــ *الصاوي عليك الله قصرتا مع صاحبتك منا نحددا مع البشرية البتكلم ساي دي.. ومنا نفك بورتا بس كيف تقول خير .. شيري بت الذين قالت ليك بحبك عشان ما تديني فرقة اقولا ليكي لكن تعرفي انا برضو بحبك وجن شنوياخي مالك صانة ما تزغردي لي اخوك ..الكلام دة عاجبك ولا شنو؟ انتي ماشايفة اخوكي بتلطش كيف؟؟. بالمناسبة قلتا احسن بدل ما انزلو هنا وما يقراهو .. ارسلو ليه هناك جنب امو يقراهو ويتبسم. فلو منتظرة شي في البورد انسي بس .. الكلام رسلتوللناس المابشبهو الرجال (عدل بواسطة DKEEN on 18-03-2003, 10:09 م) (عدل بواسطة DKEEN on 18-03-2003, 10:16 م)

ايوووووووى يوووى يوى
لوزغاريدى بتجيبك
واهى هى هى
لودموعى بترجعك ومعاك الزمن الجميل

اساسي / بناديها

أنا اكتشفت (برضو) انو القراءة في الارشيف لدكين أمتع مليون ألف مرة من حال البورد هذه الأيام ...
جربوا ما بتندوموا
أعلاه نموذج تفكوا زهجكم وقرفكم ... بلا قرنق بلا بطيخ

انت يا نادر دكين ده منو الكل مره كاتبين عنه.. انتو انا كنت وين لما هو كان موجود؟ ولا هي عوامل التصحر في ذاكرتي الخربانه.. !



عليك الله قرنق ده ما تنبذوا لي... والله مكيفني كيف... والليله رقص ليك في حضور ود عمّنا الجعلي .. البشير... وليك على... قهوته عندنا في الزيداب... هيع.. عفيت منّك يا قرنق


بنت الحسين

مريم
دكين ده زول معولق كده من بره بس نضيف من جوة ... من اللذين يشد لهم الرحال ... بجيك راجع

نادر العزيز
ازيك وقول واحد
وماشين فى السكه نمد...

في الذكري الشهر التاسع لاختفاء المغدور دكين


مازلنا في اول ساعات الليل .. لكنا في منتصف الويل .. / دكين 2 من 7
ص1
مازلنا في اول ساعات الليل .. لكنا في منتصف الويل .. / دكين 2 من 7
ص2
مازلنا في اول ساعات الليل .. لكنا في منتصف الويل .. / دكين 2 من 7
ص3

لو أن هذا المخفي والمدعو دكـين خت الكورة واطه ..
وروق المنقة وقعد كتب لينا هنا بدل زحمة الاقلام دي لفعل العجب ولكـن!!

أدي الحلق للملوش وداااااااانا

يا مريومة ليتك عاصرتي عهد دكــين الذهبي لما تسألتي أبـداً

اوراد القرمصيص

ادب المراحيض

بجيكم باكر

معتز الرجل الجميل
تعرف الأيام دي لو دايرني تعال لي في الإرشيف ... المنبر العام مافيهو شيء بقة سمج جد كلام وليد صاح ...
تسلم وليد على الطلة
العزيزة الغالية مريم ما عدمناك
وماشين في السكة نمد

Quote: تعرف الأيام دي لو دايرني تعال لي في الإرشيف ... المنبر العام مافيهو شيء بقة سمج جد كلام وليد صاح ...

وحاتك نادر
كانك بتتكلم عنى
انا برضو الايام دى بكون فاتح المنبر لكن بكون فى الارشيف

ياااااااااااااااااااه
نادر السمح..
تسلم عزيزى

بلاي يا نادر .. ووليد وعمتز انتو برضو لابدين في الارشيف ؟؟
والله حيرتوني ..

افضالِ الضالِ في سلاح الامداد والتموين

البت الاسمها حنين

...أما بخصوص الغنماية

اللهم ارحــم دكــين ..

نادر اخوي
كيفنك يا ابن عمي
انت مسافر DONGOLA متين

اما بخصوص المدعو
دكين
هذا الشاب
تنازل واشترى حذاءاً نخرة كلب
وشد من ولد الجيران بنطلون جينز بصبصلي
وشغال جكيس ساي
في حفلات الرياض
بقي يباري ليك عربات الساون سستم
حتى لو فيها داية ماشه تولد

أها يا تمبس أمس القريبة دي سمعت (مافي داعي) في بوستك الإبداع داك لساطور، وكمية كده من شغل زمان الحنيييييييييييييييييييييين داك متذكرو؟؟ وبعدها عرجت ليك على شغل أحمد ربشة داك ... وبين ده وداك حاجات كتيرة من ضمنها هرجلات دكين الممتعةدي ...
طبعاً في ناس يجو يقولوا ليك إنتو ناس من دعاة الماضي وحسه البورد برضو جميل وإننا بنحب نعيش على أحزان الماضي ونظارة سوداء وما عارف ليك شنو ... كلو عارفنو بس بنرد اننا بنعرف الفرق بين الجمال وبين القبح بين الهرجلة وإهدار الباندوث وبين قيمة الكلمات والحروف لما تلامس الدواخل وتحس فيها صدق وتروي ظمأ الخاطر (المكسور) بفعل الغربة السجم دي ...
حمزاوي أكليل زهور وباقات حب أن تكون هنا ... نشتاق هذا الفتى كثيراً وياريت يجي ...

Quote: انت مسافر DONGOLA متين

دنقلا يا حمزاوي دائماً في الخاطر فهي مرتع الصبا والجمال والتحية لدنقلا ولأهل دنقلا فرداً فرداً ...

الاخ العزيز / نــادر

Quote: دكين حالة خاصه نظلم أنفسنا كثيراً لو تركناه بعيداً أكثر من هذا ... الرقم 0507488378 احتفظت به في الموبايل منذ أن هاتفني آخر مرة وعدت أتصل فيأتيني الصوت (مكالمتك لا تتم حسب الطريقة التي استعملتها، فضلا تأكد من الرقم الصحيح)

بعد التحية والاحترام،،
وللحصول على خدمة افضل والوصول للمدعـو دكـين يمكن القاء القبض عليه من خلال هذا الايميل:
[email protected] على مدار الـ24 ساعـة ما عليك والخدمة دي سي الـ ، (DSL)

Quote: و لي دكين له قلم بديع الوصف فنان و عند الكرب يؤانسنا و طول اليوم ( إنسان )

من اقوال الحكيم ابوجهينة عن دكـين..

[email protected]
لووووووووووووول يا وليد عامل لينا Block إنت مش عارف دكين مخصص المسنجر فقط للجكس؟؟

Quote: لووووووووووووول يا وليد عامل لينا Block إنت مش عارف دكين مخصص المسنجر فقط للجكس؟؟

ايوا اتذكرت المسألة دي بس، برضو بمرر بعض المكالمات والحوارات في الحالات الاضطرارية..
طبعاً في حالة واحدة بس .. واكيد انت بتكون عارفه الحاله دي غير كدا يمنع منعاً باتاً دخول الجنس الخشن

كاتب على الماسنجر، لشقائق النعمان فقط

تنبيه:
اذا عاوز الرقم السري للوصول إلى دكين منك المراسلة على [email protected]


تحـياتي ..

Quote: لووووووووووووول يا وليد عامل لينا Block إنت مش عارف دكين مخصص المسنجر فقط للجكس؟؟

لوووووووووول يا نادر ما تبقى جكس ..

Quote: طبعاً في ناس يجو يقولوا ليك إنتو ناس من دعاة الماضي وحسه البورد برضو جميل وإننا بنحب نعيش على أحزان الماضي ونظارة سوداء وما عارف ليك شنو ... كلو عارفنو بس بنرد اننا بنعرف الفرق بين الجمال وبين القبح بين الهرجلة وإهدار الباندوث وبين قيمة الكلمات والحروف لما تلامس الدواخل وتحس فيها صدق وتروي ظمأ الخاطر (المكسور) بفعل الغربة السجم دي

قلت كدي؟؟... سمح... عايشيييييييييييييييين في الماضي... وبتضيعوا في خصوصية الحاضر.. وعندي ليكم احلى نظارات سود..

الدمــع الســخين في ســيرة المخـفي دكــين:

Quote: افضالِ الضالِ في سلاح الامداد والتموين الديكُ في منزلنا في فجر قريب نفض جناحيه وصاح جاوبه الصياح ديك ناس ضو البيت جارنا .... ثم ديك في اول شارع الزلط يصيح مؤكدا عن فجر جديد.. ويتناوب الديكةالصياح حتى يصل الى اخر بيت في جبرة ومنه الى اول بيت في الصحافة زلط يسافر الصوت عبر ديوك نشيطة هميمة بالفجر الى اخر بيت في الصحافة زلط ومنه الى اول بيت في الصحافة شرق ثم اخر بيت فيه لاول بيت في المعمورة وعبر ديوكها الى اول بيت في اركويت ثم الى اخر بيت عند محطة تلاتة ومنها الى بيوت الطائف.. يعاني الصوت هناك في انتقاله فلا البيوت تشبه البيوت ولا الديوك هناك تقيم كثيرا .. ديوك الغفراء الذين يقيمون في بيوت من الكمرات وقطع الشولات مع ديك ناس ميسون النجومي تنجز صوت الفجر القادم من منزلي .. وبقدرة صانعِ الفجرِ الواحدِ القيوم يصلُ الصوتُ الى اطرافٍ الرياض ويعاني اكثر من ذي قبل... ومن ثم بعونه جلت قدرته وعلا شأنه يتناوب المتيسِر من ديوك الرياض ُمهمة الصوت حتى يصل الى اول ديكِ في ناصر عند شارع اوماك.. وتضجُ منازل امتداد ناصر بصوت الفجر ويتواصل عدوى الصياح ويتجه جزء من الحفل شرقا الى بري اللاماب ومنه الى اطراف (المنشية 25) و الديوك هناك تقيم الليل ثم المنشية قباني حيث العز الماهل وحيث ورثَ الوارثين .. وهناك ينقطع فرع صوت الفجر الذي اتجه شرقا من ناصر .. الجزء الاخر من الصوت حيث تركناه غربا يلتقطه ديك في بري المحس... بعدها يستلم الصوت ديك ناس داليا في اول بيوتِ الجامِعة .. ومن ثم الى ديك ناس ود المكي كاخرِ بيتٍ من بيوتِ الاساتذة وكاخر ديك في اخر منزل يقف على حواف النيل الازرق يصيحُ هميما فينقلة سطحُ النيلِ هادئا قويا الى ديك لصاحب كمينة عند اطراف المزارع في بحري ثم لديكٍ مقيمٍ في اول منازل ذلك السكن الحكومي عند كبري القوات المسلحة ومنه لديوك مزرعة السجن في كوبر ومن ثم لديكٍ ضل سبيله في سلاح الامداد.. ويصل مهرجان الصياح الى ديك ناس معز صديق في الاملاك وعبر ديوك الختمية باعرافِ مهتزة الى ديك لرجل عرف محض جميلِ نعمة ربِه عليه فاجتهد مقبلا لصلاة الفجرِ بماء ُميسر من ابريق.. سائلا الله الاجر سترا وعافية محاولا ان يتذكر اثار الامطار في طريق المسجد عبر بابه المورق بالجهنمية ... ومن صياح هذا الديك لاخر ديكٍ في المزاد ثم لاول ديكٍ في اول شبمات .. وعبر اكثر من اربعمائة واربعين ديكاً .. وديكٍ ضالٍ بسلاح الامداد يصل صياح الفجر القادم مِنا الى ديك ناس رباح في شمبات فيصيح عاليا ... ويضِرب جناحيه.. فتستيقظ رباح العزيزة وتذكُرني دونما سبب.. شفتو دونما سبب دي كيف... ؟؟ بعد كل هذه الاسباب المأمورة لصنع ضجيج اشواق قاصدة في فجر الخرطوم ..تذكُرني الغالية بلا سبب فقط لان ديكا ايقظها فجر ذلك اليوم .... عندها يهجس هاجسٌ فيني بانني الان قيد ذكراها ..وابتسم واِحن اليها فانام مل جفوني . في صباح نفس اليوم و بينما انا انتظر التي هي احسن اتية من اطراف شمبات كنت احكي (لابو اللول) على اقل من مهلي عن اشواقي وعن تأمر الديوك فجر هذا اليوم لايقاظ رباح .. سالني لؤي الجالس عند عتبات الإكزام هول وقد احس وكانما ريشٌ ينبت عند اطرافه: ليه ياخي ما عندها موبايل ؟؟ ــــــــــــــــــــــــــ رباح .. ذلك فجرٌ من اربعين %

نـواصــل ..

شاءت الصدف ان اجد هذا البوست واقرا فيه بعض ما فاتني
يا خدر الشين تعال هاك الشمار دا

هناك مقولة لهذا الوغد لا زلت أحتفظ بها ..
وكم كان صادقاً حينما قالها ..

إن لم يكن من بدٍ لموتنا هاهنا ..
فلا أقل أن نموت هكذا مجتمعين في الأماني ..

لا أزيع عليك سراً إن قلت لك إنه يقف على أعتاب هذا البوست ..

وأظنه سوف يفعل بالدخول هنا ..
لأنك نادر ..
ولأن كل الحلوين هنا لهم معزة خاصة عند هذا الوغد ..

سوف أحمل لكم البشارة قريباً يا صاحبي ..

معتصم يا ريت بشاراتك تزهر مطر دكيني هطّال ... أرتال أرتال
منتظرين بشارتك يا زول يا زين ...

مريم
الاتنين الحاضر والماضي كده بنتفق

أساسي الأساسي
أزيعك سر يا أساسي، على الرغم من أنني أختلف مع توجهاتك الايدولوجية قلباً وقالباًً لكني أحب قلمك جداً وأقرأك بشهية مفتوحة وبدون زعل كده يعني خلي روحك رياضية وسلملي على جون جارنج.

وليد بتتجيك رسالة في بريدك عشان كلمة سر دكين

Quote: مريم الاتنين الحاضر والماضي كده بنتفق

البنسى ماضيه يا نادر ما عنده حاضر.. كده متفقين... كدي طيب فهموني انتو كلكم هنا.. الزول ده فات ليه؟ حصلت مشكله.. ولا بس ستّف شنطه وفات؟ غايته انا (ما بتذكر) انه حصلت مشكله.. لو فات ساي.. قولوا ليهو بنت الحسين قالت ليك ما ترجع.. اكان هانوا عليك ديل كلهم.. وفته بي خاطرهم.. اما لو فات بي مشكله... يا معتصم (خسّمه) برضه بي خاطر ديل كلهم.. (انا لسه ما اتحسبته معاهم).. لا أجيد قراءة الماضي الذي لا أعايشه... لذلك لم أفهم عن هذا الدكين سوى بضع كلمات... وفي الانتظار ... النشوف آخره شنو... عشان انا قربته أزعل منّه...


بنت الحسين

Quote: الزول ده فات ليه؟ حصلت مشكله.. ولا بس ستّف شنطه وفات؟ غايته انا (ما بتذكر) انه حصلت مشكله..

الاخت مريم،،
الزول دا ما مشى ساي بالضبط زي ما بتقولي حصلت ليه مشكلة وزعلوا الما بشبهوه وحرد البورد، بس دا ما بمنع شويه تحنيس ممكن ترجعوا، رغم الرويس الناشف الما بشبه راس قريعتي راحت ديل، لكن وعد مني يا مريم اجيبو راجع هنا من اضانـو دا اذا كان عندو لسه باقي اضنين

التحية لرهط الجمال هنا




دكين

عندي ثقة فيك

باطلون بمحض إرادتنا

Quote: ما انتو القلتو المغترب ما عندو خيار تاشيرة السفر إلا من خلال قنصليتكم جنوب الخرطوم دي!! منكم الخطيئة ومنكم الغفران.. منكم القتل ومنكم الرحمة .. منكم الجواز واليكم الجواز .. من اولاد وين انتا يا معفن عشان تقول لي ما بشتغل ليك جوازك ؟؟ الم ُيخبره من اتى به إلى مكانه البارد هذا ان جلوسه في هذا المكان من اجلي؟؟ الم يخبره الذي اتى به أن اصل هذا المكان لخدمتي لا لبقائه باردا ؟ من يخبره عني أن ما يدخله في بطن زوجته هو من عرقي انا في شتات الارض ؟؟ ومن يخبرها عني بان ثمن هذه الحناء التي تظهر بها على زوجها ليلا من عرقِ راع ٍ في سهوبِ نجد.. منو البتجلى لي في الصالة دي ويشرح لي ياتو كيمياء في الدنيا بتحول ريحة عرق الرعاة في الخليج لى ريحة حنة في غرفة نوم باردة .. شغال شنو ود الذين في هذا الاسبلت البارد ؟؟ وبتشتغل شنو بت الذين في كل هذه العطور التي تفوح منها؟؟ شاف شنو ود الذين من العرق الذي ينزل علينا في هجير نجد؟؟

Quote: البسوم الغالي كاني ربما من لطائف الله انه انزلي منزلا طيبا في خريف هذا العام هناك بين احبتي.. اربعون يوما كحلم عسير.. فيهاهبطنا مصبحين واديا في الشيخ الياقوت فما خرجنا الا عشاءا حنينا كان ذلك الوادي في النيل الابيض وفيها قفزت من سور الجامعة نكاية في العمر وانا قادم من القضائية فاندهشت برلومة من اب كرفتة حمرة المفلكب، ثم جلست مستمعا للقدال في (الجي ال تي) نهار نفس اليوم.. وفيها اجلسني كمبال مجالس شوق في ملتقى النيلين.. وفيها رايت خريف ندى شوف ..وكيف يبتل العمر ..حنينا كان ذلك العمر وفيها تزوجت جودي في القرين فلدج ..وسهير وعبادي اصغرنا سنا.. حنينا كانت تلك الاعراس وفيها انزلت شذى نجم من سيارة زفافها ..صديقا قديما ذا حضور.. حضورا ذا حنين وفيها وذات عصر هطول زنقتنا المطرة في المين فلجاءنا الي سقف الاكزام هول قبالة كشك الصافي ..فتجمع الكثيرين حتى غص المكان ..ولان الامطار في بلدي تمنح الناس روحا جديدة تغير مزاجهم ذلك المساء فبداو يدندنون ثم تجامعت الاصوات وغنو ( دي الممطورة ما بتبالي من الرش) في جوقة جماعية وهارموني بديع.. امطرت سماء الخرطوم اربعينئذ شجنا والفة ..حنينا قد امطرت وفيها رايت في اول مساء لي في الجامعة رمانة تخرج كئيبة من امتحان ..اول مرة اعرفا ذلك المساء.. الظاهر لامن كنا في رابعة جات برلومة.. المهم تحدثوا اليها يزيلون عنها ما الم بها ..من جرسة الاكزام مشيت ليها وهي تبكي وقلتا ليها ياخي نهاية الدنيا ما في الاكزام هول قالت لي انتا عايز تنظر لي يااخ ..لو سمحتا .. قلتا ليها ابدا والله لكن ممكن تحصل ليك مصائب اكبر من كده في الدنيا دي ..كان ما اتحملتي دي ما بتحملك الدنيا ... قالت لي بي زهج وكاني انا الذي وضعت الامتحان (مصيبةاكبر من دي شنو انا لي اسبوع كامل بقرا المادة دي ) قلتا ليها يعني ممكن مثلا ممكن تزوجي ويقوم راجلك يطلقك في اسبوع برضو.. البت قالت لي بي دهشة : انتا غبي ولا شنو زح مني كده ولا كده؟؟انتا منو ذاتك؟؟ ثم بعدها بي تلاتة يوم كانت تقول لي في الشرقي : نحن اهل الفرحة جينا لا المدامع وقفتا ولا الحكايات الحزينة....الخ.. غنت لي في الشرقي كما لم يحدث في زمنك الغابر يا دافي غنت وناس (الصن داي تيم)امامنا في الشرقي وحافلات بحري تعبر بطيئة الكبري القديم ذى المزالج..غنت والمغرب يكاد ياخذ منها ومني.. ثم انها كانت جميلة وبهية الطالع وبها انف لو اقسمت على الله به لابرها.. هطلت علينا ستة امطار بالجامعة وواحدة ليلا وكنا في النيل الازرق (الكازينو) حنينا كان كدأبه وانوار الشاطي الجنوبي تضئ خافتة.. ثم انها تعقبتي يوم لقاء البورداب في منتزه الرياض فلاحظت انها تتبعني عند نفق بري..فاخذتها معي ونحن نضحك..حنينة كانت الضحكات وهكذا رات معي كيف يكون الخريف شديدا عندما تكون حنين وكيف حنين شديدة عندما يكون خريف (تعاين ومن خير الخريف لافحالا شال) البت حليوة يا دافي.. حليوة ..ثم هل تدري اني في شوق اليك دافي مأزقك قد عرفته في ايام خلت وانا اتحدث الى اختك /اختي.. الاطلسي يا دافي يحول دونك والحنين في الخريف انه الاطلنطي ... فانت بكل تاكيد لا تجيد المشي على مسطحات مائية..

Quote: تلك كانت ايام مارقات يا دريمز ... منذ ان اصبح الادمي فينا يعيش فقط 45 يوم حين يمر من عمره 360 يوم.... 40 يوم من الخالدات تبقى ما بقي فينا نبض للذكرى... ويومين مسغبة لل360يوم القادمات.... ويومين جهاز شئون مغتربين... ويوم كامل تمشي تلم الجوابات والطلح والشاف للواهمين المنتظرين ريحة البلد في ليل الطلح .... لايدري الاهل متى ينجلى ليل اسانا والذكريات.. ولا يدري السودانيين كم هم مدينين للطلح

Quote: احبتي اما من طلحة بالجوار ؟؟ (عدل بواسطة DKEEN on 18-11-2003, 02:18 ص)

المجدلية ...
شكراً للطلة المزهرة

العزيز نادر،،

ياأخوي ما تقول مشيت
انا قاااعد في مكتبة الارشيف عندي شغل
ببحت في حاجات كدا وهسسسسسسع بجي راجع..
وكمان عندي ليك اخبار سارة عن عودة دكين للبورد

مريم،،
شــمار حاااار
لكن ما مشكلة بحتفظ بيه
لحدي ما اجي بعدين أفتو
اصلـو اليومين دي تعرفي
التسوي تندم ولا ما تسوي تندم

نادر..
بعد اذنك
يا
معتز،
اساسي،
معتصم،
بناديها،
تامــبا،

الزول دا قال ليكم
يا جماعة حنسو ليه بكري
بجيكم راجع
خلوه يدلع شوووية،
من جنس النهزير والفصل الشافو
من ناس الادارة زماااان

فوووووق حتى عودة ذلكم الوغد ..

وليد... قول لدكين.. انا حأجهز عجينة اللقيمات.. ونادر عليه الشاي.. وهدي المجدلية زيّنت المكان بورود كتيرة.. شوقني اصراركم على الزول ده عشان اعرف لماذا؟... بكري...انا بكلمه كان قلتوا خير...


الشمار شنو؟ عشان انا ما بعرف أعيش في الأجواء الشمارية...المزروعه شمار اخضر يفحفح...

Quote: وليد... قول لدكين.. انا حأجهز عجينة اللقيمات

دكين دا عامل ريجيم الحاجات دي ما بتنفع معاهو ..

بشرب حليب بس وينوم ..

مريم
الشمار انو لقيتك هـنا Re: التسوي تندم ولا ما تسوي تندم قبل ما دكـين يحرد البور

والمعلومة الجديدة بالنسبة لي أنك قبل كدا كنت في إدارة المنبر سابقاً ..
ووزيرة مستقلة برضو سـابقاً ،، يعنـي حكومـة والنـاس مظلومـة

Quote: بالمناسبة .. انا من الإدارة، لكن وظيفتي فنية فقط ... وزيرة مستقل وكده...

سعدت يا وليد باتصالك الدافيء الحميم والأجمل أن يكون دكين برغم غيابه النبيل قبلة يجتمع عندها الأصدقاء ...
العزيزة مريم
شكراً لوقوفك الجميل بجانب هذا البوست ليظل في الصفحة الأولى حتى يعود دكين ...

شكراً جميلا وليد على الرغم من انك لم تفصح عن سر الـ399 بعد ...

شكراً جميلا وليد على الرغم من انك لم تفصح عن سر الـ399 بعد ...

الاخ نـادر ..

شكراً لك سعدت واستمتعت كثير بسماع صوتك والتحدث أليك
أدام الله ما بيننا من الود وهذا التواصـل الجمـيل
سـوف افصـح حـتماً يومـاً عن سـر هذا الرقم 399 العجيب

خالـص حبي واحتراماتي

تتبارك يا وليد وما تتشارك.. والله قلت أفتش البوست عشان أرفعه.. لقيتك رفعته... اها.. الشمار وينه.. ودكين وينه...


معتصم دفع الله.. قلت لي دكين عامل رجيم.. ما مشكله.. بنعملها لقيمات low fat ومن غير سكّر... قصّرنا؟ بس حنسه يجي...

بهذه الكلمات القوية ودّع دكين هذا الحوش مرفوع الرأس

Quote: إطلاق الصراح المشروط يا خوانا والله انتو قاعدين تبالغو عديل انتو كيف تفصلوني عشان هوبفل ؟؟ معقولة بس ؟؟ انتو الزول ده قيمتو بي ياتو زاوية ... ورونا معاكم يمكن انا في زواية غير ذي زرع.. وروني بس اي حتة ولو ضيقة اقدر بس اعاين ليها للمسمى اعلاه عشان اختو ضمن المحترمين.. والله انا فتشتا ما لقيت ليهو غير مزيد من الاحباطات والسلوك النفسي غيرالمتزن .. من المؤكد ان هناك خطا ما .. ياخوانا انا اعتقد بي شده جدا ان في سوء فهم كبير في الموضوع ده انا لامن وصفتا هوبفل بما قلته ما كنت قاصد اي نوع من الاهانات ولا كنتا بستهتر بي لائحة او قانون .. كما ان ظني ابدا لم يذهب الى ان مردود ذلك قد يكون ابعادي بهذه السرعة .. وابدا ما كان قصدي الناس تخش وتقول دكين مسي.. ليس في الامر اساءة يا شباب يا خوانا مسألة انو الود ده حقير مريض وسايكو باتي دي مسألة ما عندها ادنى علاقة بادنى إساءة .. دي مسألة اعتقاد ويقين ولا تدخل في عموم الفاظ الاساءات .. مسألة داخله في عموم معتقدات دكين.. يعني لو حاربتوني عشان الحتة دي وماحاربتو بقية المعتقدات (الكريمة والغير كريمة ) اكون اتظلمت واتفهمتا غلط.. كيف يستقيم ان اظل في موقع يستهين الامين عليه في معتقداتي ولا يقيم لها وزناً ؟؟ يا عادل عبد العاطي اسوي ليك شنو بس؟؟ نهيت المسالة بي مسالة لاتصلح لتكون مسالة.. عركتنا في غير معترك وسويت لي منو بطل ساي ... السيد بكري الاخوة الاعداء والاخوة الما شغالين بالموضوع كتير لانو همهم اكبر من ذلك .. شاكر لكم وجودكم بالصفات المشار اليها اعلاه .. الذ ما فيكم انكم تختلفون في كل شي وتتفقون على اني قليل ادب ومجتري والله لو رايتم فيني قلة ادب وجراءة صريحة في القول فما ذلك إلا من احساسي بعدم الامن بينكم.. الاحساس بالخوف وبغربتي حين اقرا لكم ... يقيني القديم الذي ياتيني بان الذين اقرا لهم لاشك يوما سياخذونني على حين غره .. يقينك بانك قد تؤخذ على حين تلك غره وبانك لامحالة ذاهب يولد فيك شيئا دائما لقول ما تشاء قبل ان ُتـحرم من القول ... الخوف يا سادتي.. ود عزة قال انو بكري ليهو علينا حق العرفة المجانية والجكيس المجاني وافراغ الاشواق المجاني.. وكان ود عزة على حق.. فمنذ ان غادرت البلاد والجمييلين من السودانين دوما كانو بعيدين عن متناول الجوار .. بس ذلك لايمنع انو بكري ابو بكر هو ربيب المنهج السياسي اللااخلاقي.. وذلك لا يخفى على اي حصيف متابع كتابات بكري ومشاركاته وده موضوع ما بخصني إلا على نطاق محدود .. بكري تعود على انو يكمم الواحد ثم يصرخ في وجه.. وبيني وبينه عميلة رفد قديمة .. تركني مصلوبا عاريا مكمم الفم ايامئذ وكان البورداباب يتوافدون في بوست الرفدية ويبصقون تحت اقدامهم .. وحين افتقدني البعض يومها واستغربو صمتي ،اتهموا احدهم بانه سلبني الباص ويرد وخلاني في السهلة قاعد ساي .. لعنه الاصدقاء وكالو له كيلا بليغا .. بينما بكري كان هو ابوالدفان ... بيد انه لم يكن شجاعا ليقول انا ابوالدفان على الملا والذي كان استياء بعضهم من ايقافي حينها قد بلغ الزبى .. ختاها لي في ايميل تحت تحت .. وقال لي: يا حبيب هاك باص ويردك بس ما تقل ادبك تاني.. وللعلم فان تلك المسالة التي ُرفدت من اجلها قديما لم تكن فيها قلة ادب لمجرد قلة الادب .. كان هناك بوست ميادة بتاع اساءة الشعب السعودي ــ فتشوهو لو انتو ناس فاضيين وما عندكم شغلة غير البورد ده ــ ورددت عليها لانو لا يستقيم للسوداني ان يشتم شعبا ويجلس بينهم.. ونحن قوم اذا غضب احدنا ضرب الارض بقدميه وسب ابو ميتين الذي اثار غضبه .... دعم ميادة في ذلك الوقت ود شاموق واستغربت منه ان يفعل ذلك وهو ياكل من خير المملكة ويجعل من ادب خانتها مكانا لغائطه.. ود شاموق ومع انه لم يكن محقا في وصفه للشعب السعودي طلع راجل وقدر كلامو ورجع نهائي وكسر ركبة في شمبات واشترى تنسم النيل الازرق وجمال الجهنميات عند ابواب منازل بحري .. لانه اتاريهو كان فعلا بقول ما يجول بنفسة وكان قدر الذي يقول .. التقيت ود شاموق فيما بعد وكان حبيبا بهيجا دائم السرور وعندو مرسيدس بنز عليها مؤخرة كصدر هندوية.. غفر الله له زلاته وغفر لي سوء ظني به وحسن ظني بمؤخره سيارته. ذلك كان سبب رفدي الاول مؤخرا افرد بكري بوستا وقال بيني وبين الذي وصفني باني اكبر جبان.. انا حقيقة ما عارف هل بكري كان قاصدني انا ..ام أن هناك شخصا اخر اثار حفيظته.. و مع انه كان يستطيع الرد في نفس البوست الذي وصفته انا ـ او الشخص الاخر أن وجد ـ حرصا على باندويثه .. إلا ان نهجة الاستعلائي وحسسه الدائم بعظمةِ نفسة جعلانه يفردُ بوستاً جديداً آملاًََ في ان يحصد مجدا على انقاضنا في محاوله منه لرشوة توازنه النفسي المفقود دايما فيتبعه الطبالون والقادمون الجُـدد الذين يشعرون بان بكري حين سمح لهم بالدخول ملَك عليهم دَيناً طويل الأجل .. انا لا الوم بكري في شي لانني حقيقة ما تعودت منه الحق .. وما رايته يوما حقانيا او موضوعيا .. دوما كان مهزوز الراي يُـفاضل في المصالح وفي اتخاذ القرار فلا يفلح لا في مفاضلته لا في اتخاذ قراره .. استغرب كيف ُقـــدر له ان يقوم بهذا العمل الضخم بتلك الشخصية.. واحسبُ ان الامرَ لم يكن إلا صدفة مستمرة.. عزز تلك الصدفة وجود فراشات واشخاص معروفين و ُمبعدين ُمبدعين لم يحظو بفرصٍ في اي مكان اخر.. اثبتو انهم نابتون من عمق الالم وجديرون بالبقاء على رؤس النبت الجديد .. عزز تلك الصدفة ايضا الغربة التي يعاني منها اغلب السودانيين في الشتات وحوجتهم لافراغ مكبوت اشواقهم للبلاد في لقاءات عابره وسلامات حميمة لكل ماهو من البلاد ولو كان سايبر .. عادل عبد العاطي.. ان احترامي لك امر موضوعي جدا.. ولم يقلل فصلك لي من دعمي السابق لك .. ولو كانت اماليا في ُعمر عرس كنتا جيتك جاري.. مع اني شديد الاعتقاد بانك كنتا حتخذلني فيها .. يا ود انتا الم تكن قبل التكليف حرا ومصادما ؟؟ تخيلتك تكون كذلك وعلى نفس النهج ستسير الامور .. المؤسف ان بعد التكليف قيدك المنصب وهذبتك الالتزامات والطموح ... اظنك بقيت تحسب الامور آلافا قبل التصرف.. تلك هي الطامة .. حينما قدمك علينا بكري بررت انتخابي لك بان المنبر يحتاج الى واحد تقدمي خارج عن المنظومة او الى دكتاتور.. دوما لم يكن الشيوعي الذي يخرج عن التنظيم قابلا للتهذيب .. الذين تمردوا على منظمة الحزب الشيوعي السوداني ابدا لم يخضعوا لتهذيب من اي نوع ما تبقى من حياتهم.. ظلو دوما في قلةالادب واستهتارهم بالثوابت ونشاف رأسهم الذي لايأبى إلا الدوران.. ذي راس الحطابة ميسون .. ودوما كان المثقف السوداني خارجا عن النظام ومنتجا في ظل الانظمة القمعية.. تغربهم تلك الانظمة في بلادهم وفي اصقاع الارض فيرون عالما اخر فلا يقولون بعدها إلا الالم والابداع.. إن قيادة بورد المثقفين هذا يتطلب عدم تهذيب مطلق او تهذيب وإلتزام مطلق .. لا مجال للالوان الرمادية.. لامجال لمواقف بكري المهزوزة الواقفة بين بينين.. كان عادل كذلك قبل ان يستغرقه المنصب الجديد ويتلبس حلل السطان .. عادل انت تهذبت وحبستك اللوائح من ان تكون نفسكك وذلك امرٌ غريب.. *هُـم البسوكَ ِدثارَ خزٍ ناعم الاطرافِ منظومِ الحفيف .. ودعوك تاج العزِ مجد العزِ عزِ العزِ صبـو في دماك عصارة الكذبِ المخيف .. م.سند. اخرجوك منك يا ود عبد العاطي ويؤسفني انني وضعت عادل الاسبوع الماضي في خيار بين نفسه وبين ما ينبغي للنفس أن تكون .. لكنه اختار المصلحة العامة وفصلني وذلك لا يؤسفني.. ويؤسفني انني اضعة مرة اخرى في خيارٍ اخر بينه وبين نفسة التي قد تكـَــونت حيقوم عادل يحترم التزامه بالقوانين .. وتكـوينه الجديد.. وحيفصلني .. وما اظنو يديني فرصة اعقب حتى على الاوغاد في هذا البوست ليس لان بيني وبينه ثأر بائت او لانه يفضل بقائي خارج هذا المكان .. وليس لانني اتمنى ان أُفصل من هذا المكان ــ فقد جئته باختياري واتمنى ان لا اغور منه لاسباب تافهة داخلة في عموم معتقدات دكين التافه ــ لكن لان عادل تغير ملتزما نحو المؤسسية وسيادة القانون .. ولانني ما تركت له خيارا اخر امام هؤلاء التواقين لالقائي خارجاً.. يسرني جدا ان التزم بالقوانين ولوائح التنظيم .. ولكن مفاضلاتكم في المصالح وغتغتة الامور لا تـسُـر .. ولغتكم تضِــن علي بحاجتي من المعاني ولاتفي بها.. انا إن كنت على خطا في ظني بكم فلا سبب سواكم .. انتم ما بذلتم الجهد الكافي لاقناعي بانني اهيم في سوء ظني .. انا لم تقنعني تفاهاتكم التي بررتم بها مواقفكم في ذلك الموقف يا سادة .. فانا فكيت الخط قبل تلاتة وعشرين عاما خلت .. تربية مجلات ميكي وتان تان.. مداخلاتكم للتبرير لم تكن تصلح حتى رموز لقصص الناشئة.. جعلتم سوء الظن يعمل فينا- إن كان في الامر سوء ظن - بصمتكم المريب وتبريراتكم التي لم تكن ابدا تليق بمستوى مناصبكم .. ولا بمستوى الاحداث .. وجعتو قلبنا ساي.. الله يهديكم بس .. وعالمكم هذا لا يستحق هذاالعناء ووجع القلب .. ولا تزال مشاكلي على ظهر الارض اكبر وثقيلة تثير الشجون.. كما ولاتزال بت الذين تقول لصديقي انها تخاف المجهول .. كأن النفس تدري باي ارض تموت وكأن هذا المجهول لن يتربص بها في مكان اخر .. عموما اتمنى انو بت الذين تحتفظ بذلك التردد مائة عام عشان تشوف المجهول الخايفة منو ده بقى شكلو كيف في المراية.. واتمنى انو عادل يقدر يحتفظ بهذا الالتزام المؤسسي الذي نبت فيه ما تبقى من حياته.. حينها لن يكون وجودي خارج هذا المكان عبث .. على الاقل يكون واحد من النافعين - او الذين احسبهم كذلك- قد تغير نهج حياته الى ما يتمنى وكنت انا تجربة التغيير الاولى له .. فانا اعلم انو عادل يتمنى ان يكون مؤسسيا.. حينها لن يطاردني عار اني ُفصلت من سودانيز اون لاين بسبب ذلك المريض .. ولعل اكثر ما اثار قلقي في فترة اسبوع الحبس التي مضت حلول موعد تسديد اشتراكات الجمعية والحركة الغير معتادة لمنسوب النيل الازرق في محطة ودالماحي وتعطش ميادة لالقائي خارج هذا الجمع السايبيري.. انا لا احب ان اكون كريها لهذه الدرجة وكم ازعجني ذلك الاصرار منها على ان اكون خارج هذا المكان.. لا سبب يدعو احدهم لان يحتفظ بكراهيتي كل تلك المدة مالم يكن مصاباً في يقينه او ذاكرته قد توقفت عندي .. على اي حال انا يسرني ان اكون نفسي ويسرني كذلك ان اواصل حبي اللامحدود للبنات .. ولان ميادة من البنات فيسعدني ان احقق رغبتها واغور... ليس تملقا لها ولكن فقط من باب انها من البنات ولانني احببتُ ذلك الباب.. وصعب على دكين انو يشوف بت تطلب شي وهو ما قادر يسويهو .. والبنات ديل دوما يأسرنني بما يقلن.. ولان المسالة بالنسبة لي محسومة ولا تحتاج الى مستشار .. فان العبارات التي كررتها تاني بحق هوبفل هي اولاً راحة لنفسي التواقة للشر .. ثانيا مبرر لعادل لفصلي نهائيا دون تانيب ضميرلانها في نظرو اساءة للمرة الثانية مع سبق الاصرار.. وفصلي يريح دواخل ميادة .. ذلك ثالثا رابعا إعطاء هبفل مايستحقه من الوصف .. شفتو الى اي مدى مريح كون هوبفل ده طحلبي حقير مريض وسايكو باتي .. الدنيا دي كلها بترتاح انا وعادل وبكري وميادة هبفل ذكر في بوست وقال انو القانون لايحمي المغفلين.. وما عارف اذا استحمرك الحمار حمر ليهو وكلام برضو مغتغت من هذا القبيل.. هبفل ماقادر يختها لي عديل لانو ما مغفل ذيي.. ختاها كده مصرجة ومغتغتة لانو مدردح وبشبه ناس بكري .. انا بقى ختيتا ليك عديل لاني مغفل والقوانين القتها دي سبق قتا فيها طــز وانا لاذلت على ذلك الطـــز واقف طالما هذه القوانين تحرمني من حسن اعتقادي فيك.. هذا ونسال الله الستر ودوام العافية وان يهب لنا من لدنه بنية تهتم باحوال النيل الازرق طوال العام والشكر موصول لي خدر والبحيري والمسافر ونادر وناس الشرقية وابو امنة ومراويد وابوقوتا واساسي وكل الذين سعوا لان يكون البورد شفافا عشان الناس الذي ميسون يكتبو بي اطمئنان مع انو اساسي ما سعى معاهم لكن كونو يصاحب هوبفل ده ذاتو نوع من انواع الابتلاءات والمجاهدات.. عسى الله يمنحة الصبر وحسن العزاء . اساسي كنتا اتمنى اني اعرفك بصورة شخصية لكن انتا دوما كنتا في الفرص الضيقة البلقاها معاك بتدهشني بمنتهى وقاحتك وعدم قدرتك الفائقة علىاختيار مقامات الالفاظ.. انتا يلاقوك بي ياتو مزاج؟؟ وللذين ما يزالون مستاؤؤن مني لهذا الوصف اقول لهم .. يا خوانا المسالة دي ليس بها اي نوع من البغضاء ولو رايت هبفل هذا في زنقة لفزعت له .. وليست في المسالة كذلك اي نوع من الاحقاد القديمة .. انا الزول ده ماعندي بيهو سابق معرفة .. كذلك ليس فيها اي نوع من قله الادب والاستهتار بادبيات المنبر وزواره وتكرار الشتم اللامجدي.. المسالة اعتقاد ناتج من تصرفات المذكور وعززو لينا بكري والسيد عادل المحترم .. والبسويهو واندم عليهو اخير لي من المابسويهو واندم علي اني ما سويتو .. ختاما يا اوغاد المجموعة التي يرعى فيها هوبفل و شايننق ودريمز والجميلات الباقين الموغلات في الياسمين في مكان واحد عااااااادي .. هي بلا شك مجموعة غير طبيعية.. وانا لايسرني انضمامي لي مجموعات غير طبيعية لا تفرق بين الـَفـراش وبين السايكو بات .. كما وان الما طبيعية الفيني دي تكفيني ما تبقى من العمر بل وتكفي لحياة تانية.. لو بس القى لي سفة استعيض بها عنكم

الأخ العزيز / نادر ..
تكملة ما تبقى من بعض الكلمات القوية التي ودع بها دكين المنبر ..

Quote: الكلام اعلاه اتكتب قبل نزول بوست عادل الاخير بي يومين كاملين.. وما قدرتا انزلو لانو الاسبوع انتهى وبرضو الحظر استمر والظاهر لاسباب فنية والله وعادل اعلم.. بعد قراتي لبوست عادل .. اكتشفتا الى اي مدى انا كنتا محق في ظني في عادل ..واني زول خطير وقاري افكار جيد وانو فعلا مكاني ما هنا .. مكاني كهف في التبت.. وعرفتا ايضا الى اي مدى عادل وجع قلبو ساكت عشانا لايغاله في المؤسسية .. والى اي مدى ساصاب بالاسف لان ظني لم يخب في الرجل .. وكم كنت اتمنى انو عادل يطلع وغد ويخيب حسن ظني فيهو عشان الواحد يمرق منهاوليس في هتاويلهِ ادنى اسف.. مع انو قرارو بي فصل هوبفل خلاني حتى ما اتمتع بي شرف الفصل .. كانو قصد يحلق بي ذلك العار حتى في إقصائي .. كرهتني الفصل ذاتو ياخي.. عموما انا مارق منها لا احمل ضغينة لاي زول ..لكن حأسب ليك لوجبتو وراي في الفصل النهائي .. وشاكرين يا عدولة الفرصةالاخيرة الادتينا ليها.. ولامن تكبر اماليا قول ليها كان في دكين عايز يعرسك بس كتلتوالمؤسسية .. ربنا يديها طولة البال والعافية بلاي لو تكرمتا قرار الفصل بتاعي ختو لي في نفس البوست ده .. نوع من انواع حب الذات وتمنيات المحكوم عليه بالاعدام .. كدي ما تخلها بدل النهائي دي ستة شهور .. اصلو الظروف ما معروفة... يمكن الواحد يمشي ليهو بلدا طيرا عجم وناسا بخافو المجهول ومامعروف نصارى ولا مسلمين يقوم يحس هناك بي غربتو وسجم امو ...

قال دكـين ما لم يقله مالك في الخمــر ..وفي يراع المبدع دكـين بقية من مــداد.. أتمنى ان نتداركـه قبل أن يجـف ..
..
إذا
..
.
دعني أحمـل عـنك اخي نادر هذه الرايـة قلـيلاً ..

الله أكبر

Quote: وللعلم فان تلك المسالة التي ُرفدت من اجلها قديما لم تكن فيها قلة ادب لمجرد قلة الادب .. كان هناك بوست ميادة بتاع اساءة الشعب السعودي ــ فتشوهو لو انتو ناس فاضيين وما عندكم شغلة غير البورد ده ــ ورددت عليها لانو لا يستقيم للسوداني ان يشتم شعبا ويجلس بينهم..

لووووووووووووووووووووووووووووووووووووووووووووول
والله دي قلبته فيها هوبا عديل كده يا دكين الله يجازي محنك ...
نحن أهنديل ما عندنا شغلة بقينا بس لابدين ليك في البورد ده كده لما ترجع

يا جماعه نحن كده ماكويسين وحلوين جدا .....




مالكم علينا ...!!!!؟؟؟؟

Quote: يا جماعه نحن كده ماكويسين وحلوين جدا ..... مالكم علينا ...!!!!؟؟؟؟

أنت تحديداً (شرار درجة) أولى ما تتكلم ... راجيك بوست براك خليك بالجنبة كده

دكين ياخي تعال خلينا نطالب من خلال البورد ده بي حقوقنا في مشروع السودان الجديد، نحن الاتنين من منطقة مهمشة جداً وأكثر ناس لينا حق في كيكة السلطة الطالعة من الفرن دي ... تعال والله بعدين لا بفيدك منسوب النيل الأزرق ولا بدوك ذاتو فرصة تعرفو زاد ولا نقص ...

دكيـــــــن

بين عذوبة أحرفك
ورعونة قلبك هذا
تكشف الأيام
عن تفاصيلها الشرسة
حضورك سيدي
كما الأشياء الطازجة
لا تحتمل التأجيل

يا وليد ويا معتصم.. الزول ده ماسكه عدم الباسوورد ولا التقله ولا بعض مما كتبه فوق هنا؟ فهمونا يعني عشان نتصرف على الاساس المناسب...


دكيـــــــــــــــــــــــــــــــــــــــــــــــن.. نادر ده اصله صوته رايح.. تعال راجع .. روّحته لينا اصواتنا كلنا

Quote: يا وليد ويا معتصم.. الزول ده ماسكه عدم الباسوورد ولا التقله ولا بعض مما كتبه فوق هنا؟ فهمونا يعني عشان نتصرف على الاساس المناسب...

يا مـريـم ..

والله الزول دا حيرنا معاهو .. باسوردو معاهم
وكان علي الكتبو دا ما مشكلة عينو قوووووووية بقدر اجي راجع تاني

بس علا زي ما قلتي ماسكاهو التقله .. عشان كدا بنلولي فيهو

الله يجيبوا

الاخ العزيـز / نـادر

هــل فــتر عـزمـك؟؟

لا تتوقف ..
ارجـو أن تواصل في مناداتك إلى المدعو دكـين علـه يستجيب


لكماً جميعاً خالص الود والتحية ..

فوق

كان لي بوستا اسمه ( دكين ..دي كفك ولا حيطة ) كنت احبه احيانا

لم اجده قاتل الله هذه الارشفة

اجمل واحلي بوست قراته في العام 2004م لو يكتب هذا الشوق بحروف من بلاتين

..
.
سلام لكل من رفع النــداء لهذا المبُبشتن ..

دكــين .. أسمعني يا ميت .. أنا يوم 21 فى الشهر حاقابل ميسون
وجهاً لوجه .. والكلام القلتو لي فى شقة ود القاسم بناقشها فيهو ..
بس أنت ابقي راااجل وورينى وشك وما تنكر بعدين .
وديكم الحنكوش الجبت سيرتو دا الا يسلل عيوناتك المافي ديل ..
بعدين يا زفت الطين أنت .. الرقم الاديتو لتمبس يرسلو لى دا .. بتاع
ناس الصين ما شغال ما عارفو رحلو ولا دى الصيفية جات زول برفع
السماعة مافى ولا السرفنت شانغ شو هو ..
والله يا مقطع قدامك اسبوع بالتمام والكمال لو ما ظهرت بفتو فى اتحاد الجامعة .

اخيرا بت قضيم قالت ليك تعال .. اصلها محبطة من غيابك
وليك الامان ..

يا شين ،،، والله الجكس لو شافك تاني ما يناديك ..

Quote: يا شين ،،، والله الجكس لو شافك تاني ما يناديك ..

\

دكين... وصيتك وصلت.. وكلامك وصل كللللله.. لكن برضه ما بحلّك... غايته انا زوله عبيطه جداً... لو ممكن نصل لحل في النص... أدخل البوست ده.. لكن ما تدخل البورد كله... بس توووش للبوست ده.. نتناقش.. كان اقنعتنا اننا نستغني عن (مساختك).. والمساخه في اصطلاح أهل اللغه ايضاً دليل صدق.. ومباشرة... .. انا بعمل ليك حفلة وداع ... شن قلت؟

وليد .. شكلك حتكون السفير للنوايا الحسنه.. وصّل الكلام ده عليك الله للزول ده...

يا ود ما ترجع وتخلى التقله دى
بالمناسبه هو خائف انو يكون عديم الشخصيه قدام زولته قال زى أساسى وبت الاحفاد
بعدين مسألة الحنيس دى بترضى غروره دى حاجه فى حياته ما كان بحلم بيها
تعرف يا نادر وبت الحسين أنتو أكتر اتنين بحبكم دكين فى حياته الحاليه أكتر من الشيماء واكتر من رباح زاته
عارفين لو جات زولته و حنسته مرة بس برجع بس بت الذين ما عايزاه يجي ..عشان الجكس ما يتخاطفه ويقولو في الحلة دكين تخاطفه الجكس
مفتحه مثله ربنا يديها خيره ويبعد عنها عوارته
انا عندى ليكم فكره جهنميه ترجعه ليكم زىالزول (............) الماعنده شخصية فتشوا على زولته فى ما وراء البحار وعندما تجدوها حنسوها لترضوغرور نصفه الاخر وكلمه منها صدقونى حتجيبه على ملأ وشو

Quote: بالمناسبه هو خائف انو يكون عديم الشخصيه قدام زولته قال زى أساسى وبت الاحفاد

يا وجن الشينه

قصدك يعنى انو انا واخونا أساسى ماعندنا شخصيه? يا زوله قومى امسحى الكلام ده قوام لو بقت على انا هينه لكن لو أساسى قرأ الكلام ده يحلك الا الحله بله بله اتحلى كيف والله ماعارفه

يابتى ده اسمو تقل ما عدم شخصيه ولولا معزه الكثيرين هنا الواحد ما بفكر يرجع تانى

بعدين يا حلوه لو قال ليكى دكين المسيخ ده كلمه ما تقوليها هنا والله بمساخته ده البورد افتقده

يلا اخليكى فى امان الله


لا اله الا الله

قال دى شوفتيها أنا قلت ليك الكلام دا مخصوص عشان
لما يوسط ليك زول غيرى فى مراده تكونى عامله ليهو بلوووووووك مسبقايا صاحبتى
اما بخصوص اساسى دايراهو يعمل لينا بوست كارب زى بتاع اخونا
كده وتخرب علاقاتم لانى اخيرا شفت اساسى مبسوط من زول فى البورد

جيت تاني بعد طول غياب ..

Quote: وليد .. شكلك حتكون السفير للنوايا الحسنه.. وصّل الكلام ده عليك الله للزول ده...

مريم والله تعرفي كلامك دا بكون وصل قبل ما تقول ليه الزول دا انا عرفتا انو متلبد مع الزوار هنااااااك
عامل فيها تقيل وما داير يمشي مع الاعضاء اسياد الدار .. لكن انا عندي زول بجيبو منوم مغنطيسياً
جارنو من اضانو الكبيره جر .. يا مريومة

عاد يا دكين الله أداك.. غايته انا كنت عايزه أقلب ليك وش القباحه لو ما اتظارفت معاي في الوقت بدل الضايع... دحين ما شايف التحانيس دي كلها؟ رغم انها تحانيس في شكل نبذ.. غايته انت ارضى بيها كده واجرك على الله.. قلت شنو في العرض القدمناه ليك.. ادخل البوست ده بس... اعتبره طاولة المفاوضات بتاعت ابوجا.. وبعداك بنتفق...

وجن... ده تحليل عميق.. بس ابقي راجله بعدين كان الزول ده جا.. عشان ما اظن مساخه قدر دي سكّر كنانه كله بنفع معاها...


نادر ما تقول ليك حاجه ياخ

تحيات رنانه ل نادر و كل الحضور....

ما طالبني حليفه الا البوست اصابني في مقتل... و سأصب كل ما عندي بين قوسين...


افتح قوس....


متي تعود؟؟؟



اقفل القوس....





عاليا




(شوق)

____________________________________

الله لي ي ي ي ي ي ي ....

من ....
المطر والقمر

ومابينهما........................

Quote: دكيــــــــــــــن

بولو! سرتية ولا محلبية! دايرين بيهوا شنو!
دا لو ماحرقوا بولو ما ببولو!
حضروا البوستات القصارى!
فسوف تعبق نشادر أمونياهو البورد بأسره ولا عاصم!
جني

ياخواناوالله بس عشان خاتر الجكس ...


انا اول مرة يتم تقيمي بصورة صحيحة ...



بعدين البتاع ده بدا يمشي الصفحة التانية ....



تاني ما بلقى التجدع ده ...

Quote: ياخواناوالله بس عشان خاتر الجكس ... انا اول مرة يتم تقيمي بصورة صحيحة ... بعدين البتاع ده بدا يمشي الصفحة التانية .... تاني ما بلقى التجدع ده ...

كتر خير الجكس والله
مرحباً بعودتك

علي بالليمين اول مرة الاقى زولآ مرزق زيك كده يا دكين هيع دحين اكرب ضراعك

ولا قدام

بختك
كبار وصغار فى سيرتك قربت انقطع في بكانك واقول انا ياهو دكين ذاااتو
اقدل سااكت وخم

طبعا يا خوانا انا جاي بتحانيس وكده ...

بعدين تحانيس ما عادية كما هو واضح...

تسعة بنات مرة واحدة ..اقلا واحدة فيهم تقد عين الشمس وتقول لي القمرة الخلا ولا الرفيق الفسل ..
ابتداءا من زغروده وجن ومرورا باصرار بت الحسين ودعوات بت الاحفاد وزهور المجلدية وشوق (شوق) ..


وقد جاء فيما جاء ان دعوة اخيك في ظهر الغيب مستجابة

فما بالكم بدعوة بت الاحفاد في ظهر لندن ...
انا زول داعين لي في صلاة فجر لندنية..
دي لقيتا يا اساسي ؟؟؟
طبعا السبب الخفي في العودة هو فصلك يا حبيب..
الواحد يخش يتجدع بدون ما تجي تشمت فيهو ...هيهيهيهيهي هيكة ..

ثم انه لايستقيم ان يظل كلانا خارج هذا المكان ...
ما تخاف بكري برجعك ... كوستاوي مصيرو يفلس ويقطع المعونة ...
انتا وجودك خارج هذا المكان مسالة اقساط ليس إلا ...

يا فلس ,رجعك يا كمان عملنا ليكي حرابة يرجعك بيها ونترفد نحنا..

ايهما اقرب..


يا خوانا ذي ما قالت حاملة الراية بت الحسين انا جاي عشان تعملو لي حفلة وداع ...
انا بصراحة فقدت القدرة على التواصل من زمن..كان مع الجكس كان مع الخنشوريين ..








ملحوظة : التحية لكل الاخوة الرجال الذين جاوا هنا لتحنيسي ..لكن بصراحة كلامهم دخل بي جاي ومرق بي جاي (واشار الى اذنيه)..






مع احتفاظي بحق العودة الى تابوتي ..

..
.

Quote: ياخواناوالله بس عشان خاتر الجكس ...

دا أنت طلعت راااجل ديك بصحيح ..
وعشان خاتر الجكس يا خاطر الريحان
شايفك ظهرت قبال مقابلتى ليها ..
ما بحلك .. والله الا تقول يا خال خليني ..
مطر الرشاش الرش .. ترممم ترمم

bak sooon

هو الحزن ياتي البلاد ويكتسح العابرين
ولا من معين
غناء العصافير
يحتاط بالذبح في شارع القصر

والناس يستبقون الى نقطة بالجحيم !

بس في نفسي كلمة
قولتة بعد جدعة طول الباع
وترة وقنتة
ونظرة تفوت لحدي الدنيا ما فيها وساع
وحدرة وغمتة






أها ماشين لي وين يا حاج إبراهيم
ماشي مع زعيط ده أشوف زراعته..

حوار خريف البطانة

والله يا دكين .. لقيت ليك إجماع جكسوي ضخم
أنا ما عارف الناس ديل مكسرين فيك لي شنو ؟؟؟
يرزق من يشاء بغير حساب

عماد

Quote: أنا ما عارف الناس ديل مكسرين فيك لي شنو ؟؟؟

القروش يا عماد ياخوي ..القروش


المثل بقول
(العندو قروش يحنن دبر حمارو )
طبعا هي ما ُدبر حمارو لكن مقتضيات التهذيب وكده ..



واخوك عندو قروش ..والجكس عارف اني عندي قروش وما عندي حمار ..

إنت يا نادر الواقف في الصورة دي ما المغبور دين ؟..

والرجعو شنو ما قال ما جائي تاني ..

Quote: يا خوانا ذي ما قالت حاملة الراية بت الحسين انا جاي عشان تعملو لي حفلة وداع ... انا بصراحة فقدت القدرة على التواصل من زمن..كان مع الجكس كان مع الخنشوريين ..

دكين.. بركه الجيت .. وربنا يجبر بي (خاترك)... لكن عاد ما اتلومت يا اخوي... الشباب الطيب ده نبح لما صوته اتبح.. العجب وليد... طالع نازل تحانيس.. ولا قلت ليهو "الشكر".. وجيت بديت في المشاكل مع أساسي... هو صحي طردوهو؟! والله ما عارفه..! حاكم انا الليله اليوم ده كله ما قعدته في الكومبيوتر.. جيت لقيتك قاااعد...


اها.. نبدا النقاش؟ ليه ما عايزنك تمشي؟ انا غايته عندي سبب رئيسي بقوله لما انت تقول لي انت ليه ما عايز تقعد...


بركاتك يا "ولية" يا بنت الأحفاد... ادعي لينا بظاهر الغيب في لندن.. حاكم دعواتك يسّرت أمر زهير.. وهدي جابت دكين... مغرووووووووووده لي في موضوع وعايزاك تدعي لي فيه..



بنت الحسين

وعندي كلمة بقولة
بعد جدعة تفوت آخر الهواميق
وجرة حبل حاحاي
وهزة في بغتة

وحرة صيفة لفافة كبديق
وحبل الجرة رخاي
وحنية ولفتة





اها يا جنا
شن دا تسوي بعد ما جيت سلق ملق

آ جنا أنا البسويها بعرفة
لكن انت شلاقتك دي خلها

حوار مستقبلين

Quote: القروش يا عماد ياخوي ..القروش

دللللل....صحى القروش بتعمل كدة، لكن انت وينا قروشك يا عشا البايتات، سمعنا قالو حق التمباك ما عندك

Quote: المثل بقول (العندو قروش يحنن دبر حمارو ) طبعا هي ما ُدبر حمارو لكن مقتضيات التهذيب وكده ..

هسه دى ملافظ دى؟ يا بكرى لحقوا امات طه
هاك ده بنفس المعنى : العندو المعدية "يتبرز" فى الشرق
وهى طبعا ما يتبرز لكن خايفين من الرفد والنهزرة
و مرحب بجنونك تانى

Quote: مع احتفاظي بحق العودة الى تابوتي ..

رهيبة


يا بت الأحفاد بالله دعوة كاربة كدة ترجع رودا مردا وعادل عبد العاطي وأوسلي 2 والباقين

ياأخوانا شنو الواحد يغيب سنين وسنين ويجي يتفجع بأساسي ودكين متصدرين
الصفحة الأولى للمنتدى ... أساسي يقشقش في دميعاتو بهناك ودكين خالف رجل فوق رجل
ومابي يرجع مع كل التحانيس دي وبعدين ماتحانيس عادية تحانيس جكوسية ياخي والله بالغتا
عديل كدا ياخي والله أنا جيت داخل لقيت البوست دا اتخلعت ياربي دكين دا ياهو زول أمبارح
الكنت معاهو في التلفون ياخي والله بعد التحانيس اللقيتا في البوست دا أنا سعيد بتواضعك معاي
وسمحت لي اتكلم معاك ياخي معقولة بس .. أنا فرحان والله عاد أدس عليكم .
لكن والله كفيلي الرافع بيهو راسي طول عمري في البورد دا المدعو أساسي خزلني ذي دا يسوا ليهو شنو؟

دكيـــن


والعـــود أحمـــد


ياخي والله سعيد بعودتك جــدا

دا زي يــوم العــرس والله

ياخي حمدا لله على السلامــة

ومثلك لا يستطاع وداعـــه




لكن دي فعلا عايزة حفلــ استقبـــال


في حي السفارات , رأيك شـــنو





تحياتي دكين ولضيوفك الاوفياء

الاستاذ الشايقي ايها الباسم دوما ..

تسلم يا غالي..

يسعدني جدا انا اكون مضافا الى قائمة تضمك ...


الشكر لي الشباب الحلو في الاعلى ..
هم دوما يجعلون للاشياء المعاني..

نادر حرم ما قصر ..

يعجبك اذا الح وختا الشغلة في راسو ..

انا ما كنتا متخيل انو في زول بيضرب لي اب صلعة تلفون عشان خاترنا ..
ياخي والله حبيبتي الانا بريدها ما سوتا..
اها نادر سواها ..
نادر طالبني حق مكالمة دولية...

حقو تدفع ليهو الحبيبة..

عندي كلمة بقولة
بعد حرقة زي شيمة وعصار غطست أجاويدها
الختة بعد الختة
وسكتة مبكمة حرزا ملك لا عادة لا تعويدة
وخزاً يقد الجتة








إنت آجنا
الكلام ده بتجيبو من وين
من راسك ولا من كراسك

أكان من رأسو أكان من كراسو
كلو كلام جن في غزال

(حوار معارضين)

دكيـــــــــــن


بكل ألوان الطيف



وبأجمل الألحان



مرحبا بعودتك

ضلعاتي يا مجدلية ...

انا زول عضمضم ...يعني يا دوب ماشي بي ضلوعي ..
إن تكسرن فمن اين لي بضلعات ؟؟


وشكرا على فيروز ..
والوان طيفك ..

بت الحسين انتي نادر ده ..يجيبنا ويمشي يعمل نايم ؟؟

ولا عشان شاغلنا ناس فلانة ؟؟
قولي ليهو دكين قال ليك : انا ما بعفص خدار اصحابي ..



يا حاتم يا لذيذ

Quote: دللللل....صحى القروش بتعمل كدة، لكن انت وينا قروشك يا عشا البايتات، سمعنا قالو حق التمباك ما عندك

لو التمباك كان عايز قروش انا كان هسع حلجتا ..
الشي الوحيد الممكن تسفو وتاني ترجعو وتاني تسفو ومن ثم تحتفظ به في مكان بارد لاعادة دورة حياته مرة اخرى..
نحنا ياخو يالكيس بقعد معانا حتى تتغير ملامحة ..
بعدين صدقني الراجع زيو مافي ..
اسال وليد 399 اخر سفة سالها مني قال لي دي جبتها من ياتو مطعم ..

قتا ليهو اسكت سف ساي الله يهديك ..

المسافر اخوي..

كيفنك ..وحاتك ليك وحشة وشوق ..

البعجبني فيك برودك ده ..الواحد بيتو في السودان نهبوهو وخلوهو على المحجة البيضاء وبعد ده كلو بتقرض في الشعر ؟؟


بعدين ياخي البيت اصلا انتا ما مستفيد منو ..خلي غيرك يستفيد يا حبيب..
اجر وعافية ..
والجاتك في بيتك ولا عشرة فوق الشجرة ..

كفينهن الوليدات ..
عساهم في نعمة..



معتصم دفع الله ..
ياخي انا نفسي اطوركم الى الاحسن ..
عايز ادخلكم المدنية ..

امرق بيكم من ريحة المطر الجابتكم دي..


انسيك الجزيرة والقلقالة وحنك الرواعية ده ..

بس الله غالب

ارقد عافية يا حبيب





بدري ..

اسمعني اخوك جاهو عرض من الامم المتحدة وكده ..
مجرد عرض ..

قول ليهم دكين قال ليكم سبعة حبات ..
سبعة حبات حبة تنطح حبة ..
والمرة منكم ..



ارقد عافية زي مابقول وليد العريس الله يطراهو بالخير...

هسع تلقاهو راقد ابو العافية ذاتو ..

Quote: اسال وليد 399 اخر سفة سالها مني قال لي دي جبتها من ياتو مطعم .. قتا ليهو اسكت سف ساي الله يهديك ..

هذا زمانكم يا عـربجـية ..

فامرحـــوا ..

دكـــــين ..

شفـت ليك عـمارة في الرياض ..

مزبلــة ..

جاتك الــــبلاوي ..

فــي خلقــتك

يا شــبيه روحـك ..

عالـم آرف .. مليتـو البلـد

Quote: شفـت ليك عـمارة في الرياض .. مزبلــة .. جاتك الــــبلاوي .. فــي خلقــتك

آآآآآآآ ولا صحي انا ما نسيت انتا ما ما بتسف ...

ما بتسف في البورد قدام ناس المجلدية ...


عالم جبانات بشكل..




وللذين لا يعلمون فان وليد 399 زول وجيه جدا وبطي الحركة وفارع الطول وذو مزاج استراتيجي..

ولا يسف ..

Quote: نادر طالبني حق مكالمة دولية...

حسه عليك الله ما هماك كمية المشاعر قدر تمن المكالمة الدولية ... ؟؟؟؟
أنا كنت مفتكرك مُقدّر مشاعر انسان وسط الكم الهائل ده كلو اتذكر غيابك وندهك تجي ... تقول لي مكالمة دولية ؟؟؟ مشكلتك خذلتني وطلع كلام الناس فيك ما كضب ...
جاري تشكر في الجكس وتبطبط وناسي الإتذكر خلقتك دي وفتح ليك بوست طويل عريض ... هو الجكس ده كان أساساً متذكرك ولا طاري قرفك ده لو ما نحن بس طريناك يا مكوّدب ؟؟
ثم أصلا نحن كان مفروض من البداية نتعظ من زوغة خدر منك ... مستغرب انو مادخل البوست ده وقال حاجة ... أتاريهو عرف الفيك وجله منظرك ده من زمااااااان ...

Quote: قولي ليهو دكين قال ليك : انا ما بعفص خدار اصحابي ..

انت قادر تعفص خدارك لما كمان تمشي لي خدار الناس؟؟


أسمع مشغول والله اليومين ديل ولي من البورد مده ... برجع ليك بي مهلة ما تفتكرني قلت كل العندي ...












بلا دكين بلا كمونية بايتة

شكراً لكل الذين شاركونا بحضورهم في هذا البوست
و
ما طناش حضوركم عزيز بس مشغوليات بسيطة حالت دون مشاركتي إياكم

تسلموا

OPS

Quote: انت قادر تعفص خدارك لما كمان تمشي لي خدار الناس؟؟

والله صحي يا نارد يا خوي...

اخوك بقى جيفة ..

ركض به العمر واصبح زول خريه في مجرى بول الحياة ...


بس المجنني خداري لاقاك وين وقال ليكي دكين ما قاعد بعفصني ؟؟

البعرفو انو خداري حايم بفتو وشايل حالنا وبقول في كلام خارج بارم ..لكن مسالة انو يفتو قرض دي لسع ما لاقتنا..


آلا ليته يخت الكورة واضة ويبطل ردحي وشيل حال ..



بت الحسين
الخدار كده يا بلاش ...
لصقة بس ..

دكين
توب الساكوبيس من فروه منمنم وزاهي
لا بهت لا هدَ
ملفوف فوق الكتيف من بينه باينة دواهي
في الرخو والشدة











الخارج لاوي عنقرتو
قلعوه بيتو ومرتو
قال إبتلاءات

(أخبار من دولة عموم بني سالمين)

من بينو بانية دواهي ..
في الرخو والشدة ...



افصح ورينا يا الحبيب قصدك شنو بالحاجات الرخوة البانت ..

احييييييييينا يا بليغ..
اموت انا في الرخاوة..




البيت عرفناهو اتلقع ..

المرة مالاها يا الحبيب؟؟

SALAM USTADH NADER AND FAMILY.


MUTWAKIL MUSTAFA ELHUSSEIN


I WILL BE BACK

أحبك يا مولانا
جدا