دكين .. معا من اجل وطن خالي من التركين .....

بينما كنا نستعد لصعود الطائرة السعودية القادمة من الخرطوم ونحن في أخر درجات السلم حيث يقف ضابط امن يقوم بالتفتيش الشخصي قبل دخول الطائرة .. امامنا كان احدهـم يحمل ( جركانة ) بنية اللون .. سأله الضابط دي فيها شنو .. اجابه ( تركين ) الضابط ..طيب افتحها .. وما ان قام بفتحها حتى ( هبت علينا رائحة ) كادت تدخلنا في غيبوبة لولا ان سارع الضابط وأمره باغلاقها فورا ولولا سرعة التصرف لذهبنا جميعا في خبر كان ...


ود الباوقة

ود الباوقة

لا تستهتر بموروثاتنا ومنتوجات بيئتنا لو سمحت.. التركين ده انحنا لحم كتافنا من خيرو..



اخوك وزميلك في الحزب
دكين عشا البايتات

ملحوظة:
بالمناسبة انا لسع ما قبضتا .انتا قبضتا؟؟

ودالباوقة تحياتي

عارف لما شفت العنوان بتاعك دا قت الزول دا امبارح جا ماشي بي شارعنا و لا شنو ؟؟؟

اخوك امبارح بالليل ضارب قراصيص تركين لمن ابليس خجل منها . لما شكيت انو الريحة وصلتكم هناك .

دكين ، داوم علي التركين .

فيبدو انه و بعد عمليات التصدير و الاستيراد الاخيرة ( بتاعة الاقاريق ديك ) ، سيحتل التركين المرتبة الاولي في قائمة الاكلات الاكثر حلاوة ، و سيقوم مقام تورتات اعياد الميلاد و المناسبات السعيدة ، و يصبح من اكلات الحناكيش و ذوي اليسار المفضلة .

( بالغت لكين يا حمودي ، وين قراريص التركين ، يعني ما عارف الليلة عيد ميلادي و لا شنو ؟ ليه ما غشيت البيت النوبي و جبت لينا تركين عيد الميلاد معاك ) .

و بما انك من فقراء القوم فلن يتيسر لك ان ( تشم ريحتو حتي ) .

اكثر منه يا دكين ،،،

اسمع كلام اخوك ،،،

اخوك البحمل ريحة يدك الملانة تركين يا دكين .

Quote: اخوك امبارح بالليل ضارب قراصيص تركين لمن ابليس خجل منها . لما شكيت انو الريحة وصلتكم هناك .

اخوي حمد فتح الرحمن ... الريحة الشميتا في سلم الطيارة ممكن سرعتها تتجاوز ال 380 ك/ الساعة يعني بسهولة تصلنا من الدمام

Quote: فيبدو انه و بعد عمليات التصدير و الاستيراد الاخيرة ( بتاعة الاقاريق ديك

يعني يا ابوحميد ممكن نصدر ليهم تركين ونستورد منهم مشتقات التركين عشان يكون زيتنا في بيتنا ...


ود الباوقة

Quote: ملحوظة: بالمناسبة انا لسع ما قبضتا .انتا قبضتا؟؟

دكين .. خليك في نومك .. انا قبضت من زمان ... نعم البدروا ....



ود الباوقة

Quote: لا تستهتر بموروثاتنا ومنتوجات بيئتنا لو سمحت.. التركين ده انحنا لحم كتافنا من خيرو..

دكين التركين

ليك على اول زيارة ليك السودان فى اول لقاء بوردرابى
حلة بتاعت تركين ومعاها قراريصة وشطتته الخدره وبصله الابيض بدل الروتين البجيبوهو طواااااالى دة ماعارفه العاجبم فيهو شنو




بس لو طفشو وخلو الجلسة ماعلى

والله يكضب الشينه

نجود

Quote: بس لو طفشو وخلو الجلسة ماعلى

انالاقي اقعد معاكي براي ؟؟

دي واحدة من محاسن التركين .. اني حاعزف منفردا مستمتعا بونستك .. مستنفردا لاشريك لي ..




وياستي ما بتقصري التركين اكل ناس بنعزهم والمعزة واصلة ..والاجازة ما بعيدة ..

بس انا مستغرب انتي زولة من الجزيرة شن عرفك بالتركين؟؟

Quote: بس انا مستغرب انتي زولة من الجزيرة شن عرفك بالتركين؟؟

ناس الجزيرة اجدع ناس وارق ناس

بس للاسف انا ما منهم لكن اتولدت فى عقر دارهم وبحب الجزيرة زى حبى للتركين والملوحه

بركة يايمة المابقيتي منهم ..
اصلا انا قتا السماحة والقيافة دي مابتاعة عربوش..

يا نوبية من اندنا ياكمان من جنوب النيل الازرق..

Quote: وارق ناس

انتي لاقيتي معتصم دفع الله ولا شنو؟؟؟

Quote: انتي لاقيتي معتصم دفع الله ولا شنو؟؟؟

إنت بتقول فيها

ود ناعم ورقيق الحاشية .. موش كده بلاي؟؟



هسع اللخت من وين ما قتي لي ؟؟

Quote: بس لو طفشو وخلو الجلسة ماعلى والله يكضب الشينه

الاخت نجود .. ليك علي الجماعة لو طفشوا نبدل ليهم التركين بي ( ملوحة ) ولو طفشوا تاني نبدل ليهم الملوحة بي ملاح ( كول ) ولو طفشوا تالت نعمل ليهم ( حلة كوكتيل ) فاصوليا و لوبيا طيب ...


ود الباوقة

أخي ودالباوقة الانبيق

يا اخوي انت الظاهر عليك ما معايش الاحداث نحن نصدر التركين والحكومة تستورد هرار من اليونان شفت المفارقات دي كيف .


دكين الفقري

Quote: ملحوظة: بالمناسبة انا لسع ما قبضتا .انتا قبضتا؟؟

انتو بتقبضو ايه من ورانا

يا

ود الباوقة

قلت لي الريحة ساكت كانت حترميك واااااااطة

طيب كان اكلتها كان حيحصل ليك شنو؟

يازول التركين ده وجبة خطيرة جدا ...ولذيذة خالص خاصة اذا كنت فاقش ليك كم بصلة وشرط القراصة تكون ملهلبة ...



دكين

اعيب عليك انشغالك بالقبض تاركا قضايا الساحة الرئيسية فلا وطن يهز فيك حرفا ولا تركينا ولا حتى ......قضيما.

يا قرجة ود الباوقة عرفان الموضوع مستحمي ..

وجابا من الاخر وخش مع الوطنيين والناس العارفين صلاح البلد ناس المؤتمر ..


تاني قضية شنو ؟؟
فضل فيها قضية؟؟

Quote: ولا تركينا ولا حتى ......قضيما

دي فكرة شديدة عديل وشيطانية ..

دخلنا السمك طلع تركين

لو دخنا القضيم بمرق شنووووووووووووووووووو؟؟


كدي عرج اسال تمبس؟؟

Quote: ود الباوقة قلت لي الريحة ساكت كانت حترميك واااااااطة طيب كان اكلتها كان حيحصل ليك شنو؟

الحبيب قرجا .. وعدني دكين بتركين الجمعة القادمة وبعد ما آكلو بديك الرد ولو ماجاك الرد تأكد بانني رحت في خبر كان ...


ود الباوقة

Quote: انتو بتقبضو ايه من ورانا

حمـــــــــــــــــــزاوي .. نحن بنقبض ( سمك ) دايرين نسويهو ( تركين )

اخوناودالباوقه

بينكم وبين مصانع التاركين محطات قليله كيف ريحته كانت سوف

توديكم الواطه وتلقاك اكلتوا للثماله وبالمناسبه واحد مــن

اصحابنا بتاعين النيل الابيض كان يعلق عليه كثير وباشمئزاز

غشيتو مره وقلت ليه عندنا ملاح سمك ولازم تفطر معانا0

هاك يابصل وشطوط ودكوه اخوك ما صدق وجلس يضرب وهات من مزيد

لحدى ما خلص وناس البيت رجعوا لكل يوم معانا0

لكن لو شفت كيف ينظف يده بعد كل دخله(يلحس اصابعه) تقول

الزول وجد ضالته وخايف الهواء يشيل منه حته، بعدين شرحنا ليه

اخوك قال متين تعملوه تانى ولحدى هسه عايش على المره القادمه

ونحن ما عاوزينه يضايق الناس فى معايشهم

الواحد بتخيل فيك مكان صاحبنا

تحياتــــــــــــــــى

( ســـــــــــيد)

البحر .. حقنا دا كان طلعو منو ( فيل ) انا مستعد اكلو
بعدين التركين ده وجبة ذكية خالص .. لانو معتق وبيمر بمراحل كيميائية معقدة جدا جديرة بي أنو الواحد يقيف فيها ..
سمعت تحت تحت كدا أنو
( لويس باستير ) حبوبتو من جزيرة ( ارس ) ومع دخول (الفرنجة) الكلاكلة القبة قامت حبوبتو عزمت الجماعة ديل فطور يوم الجمعة .. وكترت ليهم في البصل والتركين اهـا قامت واحده من الفرنجيات بعدما رجعت بلاد الفرنجة (اتوحمت ) على تركين بشطة خدرا .. اها وقامت ما لقتو وبعداك .. قامت ولدت لويس باستير وبي دورو قام بتطوير نظرية الزبادي دي .. يعني المسالة بقت عادي زي *الزبادي .. هذا ما يتعلق بي لويس باستير..

يادكتور حمد ..
دكين عمرو ما خدمني في حاجه من ما عرفتو.. فياريت الخميس الجاي وأنت جاي تجيب لي معاك من ( البمبان ) ده ختو في برطمانية مربى حلواني أخوان بتاعت مشمش .. واقفله كويس
وأعمل حسابك في التفتيش ما يقوموا يعتبروهوا اسلحة ( بيولوجية )..

ياود الباوقة ؟؟
أنتو بتقبضوا من الشباك الوراني والا عينك ياتاجر ؟؟

Quote: ياود الباوقة ؟؟ أنتو بتقبضوا من الشباك الوراني والا عينك ياتاجر

تامبا ... نحن بنقبض من الباب ( التحتاني ) تجي تقبض معنا .. تعال عليك الله ..


ود الباوقة

Quote: بينكم وبين مصانع التاركين محطات قليله كيف ريحته كانت سوف توديكم الواطه

مش كدا وبس كمان بينا وبينهم ( حسب ونسب ) يعيش التركين حرا طليقا يتجول بكل طمانينة في كل بيت سوداني .... شكرا سيدنا والتحايا لك ولكل اهلنابالامتداد ...


ود الباوقة

ودالباوقة
لك
التحايا
النواضر
التركين
ده
اكلتنا
المفضلة
وهي
اكلة
حماشية
وبتحب
اللمة
وقبلك
قالوا
لينا
ابنا
النيل
طيب
لما
انتو
بتاكلوا
ده
امال
بتشوا
اية
وحاول
تجربوا
مرة
مش
ح
تقدر
تغمض
عنيك

Quote: التركين ده اكلتنا المفضلة وهي اكلة حماشية وبتحب اللمة

اخوي النضيف اكلوه بسلام مطمئنين .. وان شاء الله دايما مملمومين وقدامكم صحن تركين ..


ود الباوقة

سلام ود الباوقه
انا التركين ما حصل لي معاهو الشرف لكن اخواني النوبيين
خلونا نبلع ريقنا غايتو.. و العرب العاربه دي خليها تغمر...
حا تغمر اكتر من كدي تمشي وين ?

تامبا
الله يسألك وقل هو الله أحد!
دي معده ولا حديقة الدندر
فيل ابزلومه داك ولا الصابونه الزمان يا اخوي
والفرنجه دخلو كلكله متين ?
اذا كان ود بمبه داك قال : آل الكلاكله آااال

اما التركين فقد عاقرته حين من الدهر

ولكن هذي

Quote: البحر .. حقنا دا كان طلعو منو ( فيل ) انا مستعد اكلو

ففيها نظر ياتمبس

Quote: سلام ود الباوقه انا التركين ما حصل لي معاهو الشرف لكن اخواني النوبيين خلونا نبلع ريقنا غايتو.. و العرب العاربه دي خليها تغمر... حا تغمر اكتر من كدي تمشي وين ?

اخوي سعد الدين .. انا ذاتي ( يسمني ) ما ضكتو .. بس حصل لي الشرف ( شم الريحة ) فقط


ود الباوقة

العزيز ود الباوقه

كابيده تركين ياولدى * * * اى ديس اى دفسى يا سندى


ود الموج ترجم او استعين بغير الناطقين بها

Quote: العزيز ود الباوقه كابيده تركين ياولدى * * * اى ديس اى دفسى يا سندى ود الموج ترجم او استعين بغير الناطقين بها

دا شنو يا اب شنب .. انا غايتو الفهمتو انو تركين مخلوط بي كبدة والولد حلف ما ياكل منو .. وامه قالت ليهو ما عافية منك كان ما اكلت

اي ديس اي دفسسي دي طبعا واضحة ...


ود الباوقة

الاخوة الكرام
لي زي 150 سنة كده من اخر مرة شاركت فيها في سودانيز اون لاين .. ايييه زمن
لكن وحياة الله مما قريت كلمةتركين طوالي لقيت اصابعي مشت على الكيبورد
يا جماعة نحنا في سبيل حماية التركين ده بنطلع مظاهرة من هنا لتشاد
تقولوا لي غيبوبة في سلم الطيارة
ده احنا الرطاّنة بندخل في غيبوبة لو ما اكلنا تركين

عاش التركين وعاشت لياليه وايامه

وحسب المقولة
apple a day keeps doctor away
بقول ليكم
sahan tarkeen a day keeps doctor away

ودمتم بالف خير مع التركين

Quote: عاش التركين وعاشت لياليه وايامه

مايا ... بس عليك الله ما في طريقة ريحتو دي تخففوها شوية ... تاني نحن معاكم وزباينكم ..


ود الباوقة

Quote: دكين عمرو ما خدمني في حاجه من ما عرفتو.. فياريت الخميس الجاي وأنت جاي تجيب لي معاك من ( البمبان ) ده ختو في برطمانية مربى حلواني أخوان بتاعت مشمش .. واقفله كويس وأعمل حسابك في التفتيش ما يقوموا يعتبروهوا اسلحة ( بيولوجية )..

تأمر يا تمبس ، لحسن حظك المربي بتاعة امبارح دي جاية كرت من السودان ، ليك امان الله من المصنع للمستهلك دون ان تمسسها يد علي الاطلاق .

لكن بيني و بينك الشغلة دي فعلا دايرا ليها لمَة تركانة ( من اكلة التركين ) زي ناس دكين و حمزاوي ديل عشان تظبط .

تمبس ،، اسمع ،،،،،
انا اسع قاعد افكر في مشروع استثماري ابن كلب ( مصنع تركين ) ، عارف بعد الانفتاح الاقريقي دا ، و بعد البترول و الطفرة الحاصلة دي ، ممكن الشغلة دي تمشي ، عارف تعلب المنقة دي بي طريقة ظريفة كدا و تجيب نانسي عجرم تلحس في التركين و هي تغني احبك آه في اي قناه ما عدا السودانية ، علي الحلف تدخل منها دهب .

ود الباوقة بعد ما تجرب الحاجة دي و تقتنع بيها ممكن اخليك مدير التسويق .

دكين بتكون مساعد المدير العام .

تمبس بما انك فنان حتكون مدير الادارة الفنية .

حمزاوي ممكن تكون مدير الانتاج .

انا الرئيس التنفيذي طبعا .

و التركانة الزي ناس خضر حسين المفلسين ديمة ديل اكتر من عمال ما بقبل بيهم .

اسمع اقول ليك حاجة يا تمبس ، رايك شنو نبدا في اعلانات طلب الموظفين من اسع ؟؟؟؟

فكر في المشروع و اديني رايك .

ممكن نبدأ دراسة الجدوي اسع .

Quote: ود الباوقة بعد ما تجرب الحاجة دي و تقتنع بيها ممكن اخليك مدير التسويق .

اخوي حمد فتح الرحمن .. شوف ان ماداير مدير ولا حاجة .. انا لو خليتوني افتح مصنع مبيدات حشرية من مخلفات التركين ما عندي مانع .. بس شوف الجماعة ..


ود الباوقة

ود الباوقه


احسن تسيب الموضوع عشان شايف الجماعه


اصبحوا يتجمعوا وحنعمل حرب اهليه لاننا


لانقبل المساس بالثوابت 0


(ســــــيد)

Quote: اصبحوا يتجمعوا وحنعمل حرب اهليه لاننا

فتوحات ( الجراكين ) المليانة تركين .. معركة الجزيرة ( بدين ) الاولى


ود الباوقة

اسمع دكين ،،،

انا قررت افصلك من منصب نائب المدير العام

و اعينك مدير الشئون القانوية بما انك بتاع قانون و لسانك طويل و متبري منك .

يا جماعة منصب نائب المدير العام دا مفتوح يتنافسو عليهو الناس هنا ، حسب درجات حبهم للتركين ، الانتخاب حيتم بواسطة ادارة المصنع المعيَن اعلاه .

و شكرا ،،،

الرئيس التنفيذي

Quote: بالغت لكين يا حمودي ، وين قراريص التركين ، يعني ما عارف الليلة عيد ميلادي و لا شنو ؟ ليه ما غشيت البيت النوبي و جبت لينا تركين عيد الميلاد معاك

دي قلبتا فيها هوبة يا حمد
اتذكر بوافر صبري وسلواني العزيزة هندوية لامن جابت لي من البيت السوري عقب اذان مغرب ونحن جلوس في السيغما حلويات عمري مافكرت فيها وقات لي عيد ميلاد مجيد يا عزيز ..
وانا الاهبل كنتا قبل هند لا احفل لا بيومي ولا بأمسي..
ومن بعد ان انجزتنا هند ما تعد ذلك اليوم وانا احتفل به بالهجري والميلادي وحين يستدعي الامر ويكون مزاج هندو رايق ..


تامبا ..
شوف ياحبيب
انتو العرب وعموم العركيين مدينين لينا نحنا النوبة بي اكلتين عظيمات جدا جدا لاينكر فضلهم إلا ناكر ومسلوب..
الاولى هي التركين.. وهي لمن لا يعرف اقدم وجبة وجدت على ضفاف النيل من المنبع وحتى المصب..
وجبة تم اختراعها قبل سبعة الف عام .. يعني السمك ذاتو ما كان خلقوهوا..
بعد التركين احتار الملكان المكلفان باغذية الخلايق في مكونات هذا الخليط ..
وحين لاحظوا اهتمام النوبيين المبالغ به ..
انزلوا السمك وقالوا لكهنة معابد الشمس ..قولوا لهؤلاء انه من السمك ..
وهكذا ُخلق السمك ... وكان شرفا له..

تقول لي عمو حمزة ...

اها الاكلة التانية المدينين لينا بها هي الحريم..
زي ما عرفنا انو السمك المجوبق لذيذ ..عرفنا انو المرة المدخنة حتكون اكثر ابداعا ..
وعليه اخترع جدودي وحبوباتي الدخان والكبرتة....
ذلك اختراع نوبي قديم جدا ..
واقدر اقول ليك بكل اسف انو نحنا السوينا من المرة بدر التمام ..
نحنا العرفنا من اين تؤكل الحريم وكيف يؤكلون وكيف نجعلهم اكثر احتمالا ويطاقون ..
كيف ترقش السمراء وكيف تبدو كمنقة مستوية ..

والمثل النوبي بقول :

ُكلد اُنرمنِل تِن ُنستي ُكدِكر.
الترجمة :
(المابتعرف الدخان بتحرق مؤخرتها )- مثل من جنوب جزيرة إرس يا تمبس


ويقول النوبي حين يقول عند احتدام اشواقه: انه بعد اختراع الدخان تم اختراع المراة ..
اوكما جاء في امثال النوبيين ( ُكلن با إين تاكو)
يعني بعد الدخان وجدت المرأة..




جعلنا الله واياكم ممن ينعمون بنعمة المرأة الُمدخنة- الطريةُ المعجونة عجناً- يوما ما، نعمةً لاشريك فيها،سحا،غدقا،مجللا طبقا، حلالا طيبا مباركا فيه ..

يا جماعة الخير ( روقوا المنقة شوية ) وجايكم واحد واحد ... لكن يشهد الله لقد شممت بأنففي كل انواع ( الجيف ) من حمير وبغال وبني ادم... وغيرها. لكن زي الريحة حقت الجركانة دي ما شميتا في حياتي .. بس يا جماعة يمكن انا الزول الشايلو دا غلطان في اسمو...
كدي سالتكم بالله التركين ريحتو كيف ؟ ولنا عودة ...


ود الباوقة

ود الباوقة
انا زول عصائد ووكية ساى
لكن عطر تركينكم المعتق
خلونى ادخل لساحتكم...
ناوى المبيت فى بوستكم..
لكن الدكين ماكل التركين الذى جلس على عرش
الاسياد فى غفلة نقاش..

جاب ليها طلح مولع..
وستو مجمرة...قلنا احسن المعسة التركينية..
تصبحو على خير..

Quote: ناوى المبيت فى بوستكم..

ابقوتة .. انت باقي لي قنعان من الدنيا .. عموما بيت لكن خلى الشبابيك مفتوحة .. والمروحة على نمرة 5 وارقد بعد داك على ( شقك ) اليمين .. وقبلها تشهد ...



ود الباوقة

Quote: اتذكر بوافر صبري وسلواني العزيزة هندوية لامن جابت لي من البيت السوري عقب اذان مغرب ونحن جلوس في السيغما حلويات عمري مافكرت فيها وقات لي عيد ميلاد مجيد يا عزيز .. وانا الاهبل كنتا قبل هند لا احفل لا بيومي ولا بأمسي..

لن انسي هذا اليوم ما حييت ، فقد كنت ارمقك بنظرات الحقد و ليس بقليل من الغبن ، و انت تحتسي تلكم الحلويات الشامية ذات الرائحة الكُلديّة المسكِرة ، و بجانبك تجلس فتاتان جميلتان كالبدر ليلة تمامة ، حينها كنت اشبههك ( ببتاع الدُنب ) ، و انا اتضور كمدا و جوعا بعد ان نفد مخزون التكِت لدي ، و الجيب ما فيه غير كيس تماك شارف علي اواخر السفات ، و البطن خاوية علي عروشها تشكو ضيق ذات اليد .

بسمع بيهو التركين والله.. أي زول يقول لي زي الفسيخ.. لكن يا اخوانا كيف يعني زي الفسيخ وبتأكل بالقراصة!! يوم من الأيام العجيبة جداً في شتاء الأردن البارد زارتنا البركة.. واحدة سودانية جاتنا في البيت ما بتذكرها هي منو.. لكن بتذكر إني جيت داخله من الجامعة والساعة قريب تسعة بالليل.. لقيت البيت بخوره ضارب وحللنا كلها مغسله والمطبخ معمول فيه كلوركس، عرفته فيما بعد انه الزائرة دي عملت ليهم تركين.. واكلوهو.. وانا ولا شفته ولا شمّيته.. ده ما بعني إني ناوية على أي حال!

حبيت أسلم على الإخوة نسابتي النوبيين جميعاً..

بنت الحسين

Quote: بسمع بيهو التركين والله

اختي مريم ... من ( شم ) ليس كمن سمع ...



ود الباوقة

ليتك تعلم يا ود الباوقة ما هو التركين!
ما كنت قرنته سجعا بدكين عشا البايتات!
التركين صحن محنة مطبوخ ببهارات المودة يقدم ساخنا مع قراصة معجونة بالحفاوة قلبت مرتين لا ثالث لهما على صاج أحر من وجنتي فتاة خجول، وبعد التمام، تقطر عليه ليمونتين فقط ولسعة من شطة حمرا، ولا ضير من بصل ابيض ممزوج بالملح والليمون شرط أن يخلط في الصينية ساعة الأكل للتأكد من أنه fresh...
وبعد ده تقولي لي دكين وجركانة بنية وتجرد التركين من معانيه السامية؟
التركين ما هو إلا smoked fish عبأ تواضعا منه في جراكين ...

استيائك من تركيننا أصابني في مقتل يا رئيس!

Quote: التركين ما هو إلا smoked fish

موش قنا ليكم نحنا النوبة احسن ناس ..
واجدع ناس..
والذ ناس..

Quote: استيائك من تركيننا أصابني في مقتل يا رئيس!

الاخت العزيزة عزاز .. شوفي وحات غلاوتك عندنا جميعا سوف يكون التركين أكلتي المفضلة وكمان اكلو ( تحلية ) يوميا بعد الغدا .. اها قصرت معاك ....


ود الباوقة

Quote: يادكتور حمد .. دكين عمرو ما خدمني في حاجه من ما عرفتو..

انا ما خدمتك يا تامبا؟؟

تنكر اني جيتك لحدي فيلتك ديك وقتاليك العشا وين يا فردة .. مرقتا لي سلطة اسود من تحت السرير؟؟
تنكر اني اكلتا معاك في صحن؟؟

تنكر ياناكر الجميل اني لامن لقيت تلاجتك تحت السرير قمتاعزمتك في مطعم في ارقى احياء الرياض ولامن جا وكت الحساب دقيت جبهتك وعملتا حركات اولاد امدرمان ديك وقتا لي : اخخخخخخخخخ نسيت المحفظة في البنطلون التاني ، بس معاي الصراف الآلي ولامن طلع المطعم فيهو صراف الي طلعتا انتا زول آلي ساي وما عندك لا صراف آلي لا محفظة ..
وبنطلونك ذاتو واحد ..يعني مافي بنطلون تاني ناسي فيهو محفظة..
تنكر؟؟



خليها الجية ومزرعة الاسود التحت سريرك ..
تقر تنكر اني مصاحبك؟؟



والله تالت ابرك زول لاقاك في حياتك بعد بت الجندرية الحلوة دي انا طوالي ..


انتا يا حبيب مصاحب حفيد سلالة ملكية .. خم وصر ساي بس ..واتبرك ..

ود الباوقة ( أبو النسب )
و المتداخلات و المتداخلين

أولا يا أبو النسب في شيلة البنية الفنجرية ( وهلة ) سوف تكون هناك صفيحتان من التركين وارد الشمالية ..

و لعلمك التركين هو الطعام الوحيد في العالم الذي لا ( تاريخ إنتهاء صلاحية له ) ..
فعندما يضعونه في الصفيحة .. تنتهي الصفيحة بعد أن يأكلها الصدأ .. و يبقى التركين و هو يمد لسانه للصدأ و عوامل التعرية و النحت و كل الظروف البيئية و الجغرافية ..

هذا في شأن التركين مع العوامل ..

أما شأنه في صحة بني البشر فحدث و لا حرج ..

فهو يفوق الفياغرا .. لأن صحن تركين بقراصة 3 بوصة بها من المحفزات ما يعادل قوة محركات 3 تراكتورات ماركة ماسي فيرجسون ..

و هو مثبط أميني ( دي كلمة لطشتها من دكتور قريبنا ) .. و المثبط هذا يجعل الذي يأكل التركين ينام و هو مفنجل عويناتو و فاتح خشمو و مدلدل لسانو من فعل الشطة و كتمة البهارات ..
و التركين عموماً كالماء المهدرج الذي يستعمل في مفاعلات كوريا الشمالية و طهران .. لأنه يصبح سائلا دون ماء .. و تذوب فيه كل كميات السمك التي تستعمل في صنعه بفعل كتمة ( الأزيار ) التي يصنعونها بها ..

أما رائحته المشمومة فهي تدخل في باب ( من أكل تركينا فلا يقربن المسجد جمعتين.. و لا يهمسنّ في أذن إمرأته فقد تنخرم طبلة أذنها ) لأن رائحة التركين لها فعل الأسيد ..

أما رائحته التي ترقد في راحة اليد ليومين متتاليين .. فقد قال أحد المصريين : أنتو بتاكلو دة ؟ دة أنتو عليكو غسل جنابة ..

أما الفلاتي فقد قال بعد أكل التركين و لعق أصابعة العشرين ( العشرة مرتين ) : : هلو لاكين أفن : ( حلو لاكين عفن ) .. و هو معذور .. فالتركين ينطبق عليه المثل : ما بريدك و ما بحمل بلاك ...
فإدمانه إدمان غتيت .. و نعمل الآن لفتح مصحة لعلاج إكيلة التركين يكون مقرها الرئيسي في الكلاكلة صنقعت و سيكون رئيسها الفخري ( ود عبدالنبي ) الذي كان أيام إدمانه يشرب التركين قبل أن تنضج القراصة .. من كترة شفقته ..

قلت ذات بوست قديم .. أنني أخذت تركينا معي إلى جنيف بناءا على طلب زوجة السفير الحبيب ( عبدالمجيد على حسن ) و في مطار جنيف .. تم إيقافي لعدة ساعات .. و أتوا بكلب بوليسي و رجال المعامل الجنائية حتى تأكدوا بعد تعب أنه من مكونات السمك .. و لكنهم إستغربوا كيف تحول ذلك السمك ذو اللون الجميل إلى هذا اللون الفيراني الكئيب..

رغم كل هذا .. فشهادتي مجروحة في التركين .. فشهادتي تبدو سلبية .. حيث أنني مدمن حتى النخاع لهذه الأكلة التي يجب أن تدخل كتاب موسوعة (غينيس ) ضمن الأكلات التي لا إنتهاء لصلاحيتها .. و تنافس في ذلك محليا ( الكول و المرس ) .. و دولياً تنافس أكلة لا أذكر إسمها أكلتها في جزيرة إسمها ( هراكيولس ) بالقرب من اليونان .. مخزونة في برمة فخار عبارة عن أعشاب و مخلوقات بحرية.. و عندما يفتحوا البرمة عيونك تحوص و يجيك أبوالشهيق.

ود الباوقة .. شيل شيلتك.

يعني

يا ابوجهينة

حرام عليك يا رجل

كتلتنا من الضحك

ياجلال

إنت سمير غانم بيقرب لك إيه


كتلتني بالضحك

حلفا دغيم ولا باريس

عزيزي قرجة أبو العباس
مشتاقوووون يا رجل ...
صراحة التركين يستحق أن نؤلف فيه كتبا .. و أقترح مبدئيا كتاب ( السر الدفين .. في إدمان التركين ) ..

Optimist

سكرفي يا إبن عمي العزيز ..

من فوائد التركين أنه يجعل الروابط الأسرية أكثر متانة في لمة القراصة ..
يعني ممكن تقول ( أخوى في التركنة ) على وزن ( أخوي في الرضاعة ) ..

أعتقد غير جازم أن سمير غانم قد تذوق التركين في أي شكل من أشكالو ..
فالمصريين عندهم أكلات ( الخالق الناطق ) مواصفات التركين .. بس بألوان تانية ..
يعني عندك المش أبو دود .. و أحلى حاجة فيهو الدود الذي يسرح و يمرح على سطح المش و يتقرقش مع كل لقمة و يقول العارفون بأن سر حلاوة المش أبو دود تكمن في الدود نفسو.

و عندهم الجبنة القديمة .. و هي تشبه في ملامحها خشب الأبلكاش الذي ضربته المطرة ..

و عندهم سمك هو أقل كثافة من التركين و أكثر كتمة من الفسيخ .. و يأكلون دون طبخ .. و يمكنك أن ترى بعد هذه الوجبة كميات من الفسفور تنطلق في ظلام الغرفة .. و أشياء أخرى غير مرئية و لكنها مشمومة

أرقد عافية

Quote: أولا يا أبو النسب في شيلة البنية الفنجرية ( وهلة ) سوف تكون هناك صفيحتان من التركين وارد الشمالية ..

وحرم يا ابـو النسب انا كمـان ( اضبح ) تلاتة تيران واسويـها تركيـن يعني يكون عـرس ( تركيني )


و لعلمك التركين هو الطعام الوحيد في العالم الذي لا ( تاريخ إنتهاء صلاحية له )[/] ..

ابو النسب هو بالله لو عندو صلاحية كان ريحتو عمت القري والحضر .....

Quote: ود الباوقة .. شيل شيلتك.

حرم بعد النضم دا شيلتي كلها حاتكون تركين ....



ود الباوقة

..
.
قال الأديب :

أما رائحته التي ترقد في راحة اليد ليومين متتاليين .. فقد قال أحد المصريين : أنتو بتاكلو دة ؟ دة أنتو عليكو غسل جنابة ..

من أكل تركينا فلا يقربن المسجد جمعتين.. و لا يهمسنّ في أذن إمرأته فقد تنخرم طبلة أذنها ) لأن رائحة التركين لها فعل الأسيد ..


يا لها من وجبة ..

تحياتى للجمع المتتركن..

تبلدينا الحبيب

مشتاقووووووون

Quote: يا لها من وجبة .. تحياتى للجمع المتتركن..

حلوة المتتركن دي ..

هذا البوست برعاية سيدأحمد الحواتي ..
و بالنوبية
سيد أهمدسماكة ( رحمه الله ميتا أو خائضا الماء بشباكه في جوف النيل ).

ابو جهينه..
الله يديك العافيه (السودانيه) * ويخليك ويخلي ليك وليداتك

Quote: و أشياء أخرى غير مرئية و لكنها مشمومة

سؤالي ده قدموا لعلي الكيماوي :

وهل كان لها ملمس ?



* لو قلت لي ناس شمال افريقيه (المغرب - الجزائر) يديك (العافيه)
بقعوا بيك الـواطه...العافيه عندهم هي النار.

When Leiza saw it she says:

If this is your in-put, what kind of out-put you have??

قتا ليها بكل فخر:
green solid one..







for your information:
leiza is the personnel manger.

عزيزي سعدالدين إبراهيم

محبة و مودة ( و يديك عافية سودانية و يدي كل البيكرهوك عافية مغربية) ..

Quote: هل كان لها ملمس ؟

في الغالب الأعم الإفتراضي : نعم .. فالأصوات التي كانت تصدر أصوات لها نغمة موسيقية نشاز تدخل في باب ( الباب ال بجيب ال ...... أهرب منو و إستريح ) ..

**

دكين المكين
كيفك يا إبن العم المجافي


:

Quote: If this is your in-put, what kind of out-put you have??

Her Thoughts are so DEEP and NASTY

Quote: قتا ليها بكل فخر:

Her question should not make you proud , because it smells FISHY

Quote: green solid one]

What is this ?? green and solid ?? Our out put in Dollars and we do not know
Then why we import that ( Chet ) from ATHENS ?

Quote: for your information: leiza is the personnel manger

.

DAKEEN

in this case you should try to let her be Adicted to this TARKEEN and whithin couple of months you will be her deputy



أرقد عافية

Quote: ليتك تعلم يا ود الباوقة ما هو التركين! ما كنت قرنته سجعا بدكين عشا البايتات! التركين صحن محنة مطبوخ ببهارات المودة يقدم ساخنا مع قراصة معجونة بالحفاوة قلبت مرتين لا ثالث لهما على صاج أحر من وجنتي فتاة خجول، وبعد التمام، تقطر عليه ليمونتين فقط ولسعة من شطة حمرا، ولا ضير من بصل ابيض ممزوج بالملح والليمون شرط أن يخلط في الصينية ساعة الأكل للتأكد من أنه fresh... وبعد ده تقولي لي دكين وجركانة بنية وتجرد التركين من معانيه السامية؟ التركين ما هو إلا smoked fish عبأ تواضعا منه في جراكين ...

ود الباوقة شفت السيمفونية الفوق دى ؟ أكيد بعد ده حتفكر تفطر معانا تركين
لكن بعد تقديم إعتذار كامل لحبيبى التركين

ود الباوقة مالك داير تجيب لينا الهوى يازول
الي جميع التركانة ارجو ان تمسحوها لي في وشي يبدو انو يا التركين الما بيعرفك بيجهلك
الرائعة جدا تيتا زوجة الرائع جدا صالح حسين صالحين الباب قصاد الباب في الديم حيث كنا نأكل كل جمعة عندهم التركين حتي الثمالة ونغيب عن الوعي حتي الساعات الاولي من صباح السبت الله يمتعهم بالصحة والعافية .
ويا دكين ود الباوقة قبض زمان واسأل مصاريف الجامعة بتمشي كيف
ويا دكين مالك شايف الفيل وبتطعن في ضلو تتذكر روماريو بتاع البرازيل كان بجيب القون عدييييييييييييييييييييييييل !!!!!!!!!!!!!!!!!!!

طبعاً الأيدو في التركين ما زي الإيدو في أيه ما عارف

وأغرب قصة حجة الفلبينيات في العمارة
تركن خدمتهن وجن يسألن في شنو هنا
أكيد التركين ده عنده علاقة جذبية فلبينية

الأسبوع الفات
إحدى صديقات زوجتي طلبت تركين
لكي يعد لها خصيصاً

بدأت المخابرات التركينية عبر التلفونات
حضر سيادة التركين الطازج (طيارة شهرين)
ملكدم مكدم
وأول من تلب في الماء
أكيد أجراس الإنذار اتبكمت
فتحنا ايهما فتحة تخرج ما يخرج من الفتحات
مراوح الطرد في اربعة مكانات
المكيف في الدرجة الثالثة
لكن الأغرب من الغريب
تجمع الفلبينيات
هناشينو دا في
شو أكل ؟؟

بعد تصديره إلى صاحبة الطلب في حافظة حرارية صينية الصنع
ترك آثاره لمدة أسبع
ربما سمي تركين
لأنه يترك آثاره

الرائعة جدا تيتا زوجة الرائع جدا صالح حسين صالحين



تيتا .. الاسم دا قطع شك من مشتقات ( التركين )



ود الباوقة

Quote: ود الباوقة شفت السيمفونية الفوق دى ؟ أكيد بعد ده حتفكر تفطر معانا تركين لكن بعد تقديم إعتذار كامل لحبيبى التركين

والله بت هوفن بس ....


اخوي ترهاقا .. اقدم اعتذاري لكل محبي وعشاق التركين داخل وخارج السودان وجعل الله ايامنا كلها ( تراكين ) قولووووووا آمين ...



ود الباوقة

مازحاً :
ليتني في حضرة التركين جالس
وحوالي العرائس والبقـية الباقية
من الشعر الصلاحي معلومة
مشفوعة بدعاء رحيم وأمنية

تحياتي يا أخينا في الله ود الباوقة
وفي الوطن

عثمان صالح : نوبي لم ير وجه تركينه
قرابة العقدين من الزمان

ـ
أعتذر عن التعديل أملته إضافة مفردة " ير "

ولا تفوتتني تهنئتك يا عمر و ضيوفه الكرام
جميعهاً بإحتفالات الكريسماس و رأس العام
الجديد

http:/napata.org/poetry/ali/images/ali___jn_aov.jpg

أهلاً ود الباوقةومشكور على هذا البوست وبالذات في هذا التوقيت الشتوي في رياض نجد ، وطبعاً يا ود الباوقة مواضيع التركين تطرقنا لها كثيرا منذ زمن عبر النت ( الأيام الخوالي لسودان نت) ويا ما وجدنا العشاق من النوبيين وغيرهم وأهلنا الشوايقة برضو بيعرفوا التركين .

وكما قال صديقي ( فيصل طه ) عن الوكياب أود أن أضيف :-

( من الباوقة مروراً بالزيداب والعالياب وصولا إلى ود سلفاب وطن خالي من الوكياب )

Quote: وكما قال صديقي ( فيصل طه ) عن الوكياب أود أن أضيف :- ( من الباوقة مروراً بالزيداب والعالياب وصولا إلى ود سلفاب وطن خالي من الوكياب )

تصحيح

وكما قال صديقي ( فيصل طه ) عن الويكاب أود أن أضيف :-

( من الزيداب والعالياب مروراً بالباوقة حتى ود سلفاب وطن خالي من الويكاب )

Quote: ليتني في حضرة التركين جالس