كجبار ضحية الرفض الأبله ..!!

كجبار ضحية الرفض الأبله ..!!


04-20-2007, 03:43 PM


  » http://sudaneseonline.com/cgi-bin/sdb/2bb.cgi?seq=msg&board=231&msg=1184751558&rn=45


Post: #1
Title: كجبار ضحية الرفض الأبله ..!!
Author: الطاهر ساتي
Date: 04-20-2007, 03:43 PM
Parent: #0


Post: #2
Title: Re: كجبار ضحية الرفض الأبله ..!!
Author: الطاهر ساتي
Date: 04-20-2007, 03:46 PM
Parent: #1

** هل سمع أحدكم بمظاهرة تظاهر متظاهروها رفضا لمد مدينتهم بالتيار الكهربائي ....؟ طبعا لا .. وهل رأى احدكم مسيرة سار مسيروها استنكارا لرى مشاريعهم الزراعية بالري المستدام ...؟ بالتأكيد لا .. وهل اشتم أحدكم رائحة بمبان أطلقته الشرطة لتفض موكب حشد رافض ومستهجن لعملية تنموية في دياره ...؟ اطلاقا
لا ... واذا جاءك احدا بمثل هذا النبأ بالتأكيد سوف تتعامل معه باعتباره اما فاسق نبأه ليس بحاجة الي ( تبينوا ) ، أو مجنون لا يؤخذ من فيه حتى حكمة ، وغير هذا وذاك لا نظن بأن على ارضنا هذه كائنا عاقلا يقول - أو يصدق - بأن سكان منطقة ما في مكان ما عبروا بوسيلة ما عن رفضهم لمشروع تنموى ما ...!!
** ولكن في هذا البلد الغريب كل شئ غريب أضحى جائزا ، ويمكن الاتيان به بلاتردد أو حياء ، وبحيث لايثير دهشة ولا استغرابا ولا تعجبا ، والقاعدة الاستراتيجية في المزاج السوداني هى الرفض ، أما القبول فإنه استنثاء ، كل يرفض بعضه ، الحكومة ترفض المعارضة وكل مبادراتها،حتى المبادرات التي فيها مصلحة الوطن والمواطن، وكذلك المعارضة ترفض الحكومة جملة وتفصيلا،وتتمادى حتى في رفض انجازاتها المبرأة من كل عيب ، أما المواطن الكريم ، فهذا رفضه عجب ، بحيث يرفض الحكومة والمعارضة معا ، ويلعن الوضع السياسي السابق،ويسب الوضع الراهن ، ويذم الوضع المرتقب قبل أن يقترب موعده .. وباستطلاع رأى سريع في اسواق العامة و قصور الخاصة، يستطيع المرء أن يستنتج بأن كل رأي يرفض الآراء الاخرى،وللاسف كثيرا ما يكون الرفض بلا سبب مقنع ، والرفض حين يكون بلا سبب يصبح كالضحك بلا سبب .. وللاخير هذا تعريف في المجتمع ..!!
** والآن تأمل عزيزى القارئ نوعا من أنوع الرفض الأبله ، وهو الناتج بلا سبب مقنع ... رفض بعض أهلي بشمال البلاد بأن تنشئ الحكومة في ديارهم الجرداء خزانا مائيا يخزن المياه ويوزعها علي صحاريهم القاحلة التى لم تنبت أرضها - منذ أن بسطها الخالق - الا الحراز والعشر وتلال الزحف الصحراوى .. سبحان الله ، انهم يرفضون سدا مائيا قد ينتج لهم قبل غيرهم تيارا كهربائيا يضئ ظلمات لياليهم التى لم تضاء - منذ أن خلق الله الليل والنهار- الا بالقمر والنجوم و ( الرتاين والفوانيس ) .. بأي عقل نستوعب رفض بعض أهل كجبار مبدأ أن يكون في ديارهم خزان كذاك الذي في سنار والرصيرص و الدمازين ومروى ..؟ .. لولا تلك الخزانات والسدود ربما لما عرف الناس أسماء تلك المدن ، ناهيكم على السكن فيها ، ولو يسرالله على الحكومة بمال يدخل كجبار في قائمة تلك المدن بنعمة الخزان ، فلماذا يرفض بعض مخلوقات كجبار تلك النعمة رفضا مطلقا دون ابداء أى سبب مقنع أو
تقديم مطالب وشروط للانشاء ..؟
** المناصير وغيرهم لم يرفضوا مبدأ أن يكون في مروي سد ، ولكنهم وافقوا على بناء السد و عضوا عليه بالنواجذ ثم قدموا مطالب مشروعة عند التهجير ، ندعم مطالبهم بلا تحفظ ونطالب الحكومة بأن تزيدهم نظير تضحياتهم بمسقط رأسهم في سبيل مسقط رأس ( أهل السودان ) .. ولكن الذين يرفضون خزان كجبار لم يقدم أحدهم مطلبا ولا اقتراحا ولا سببا مقنعا للرفض ، وكل من يفتح فمه رافضا يفتح عليه عقله بتبرير فطير لايتجاوزمداه وفحواه الخوف على غرق ( التراث النوبي ، الارث النوبي ، الثقافة النوبية ) .. هل من العقل أن يكون الحرص على (أضرحة ومقابر أجدادنا القدماء ) أقوى واعظم من الحرص على ( حاضر ومستقبل الاجيال ) ...؟
وهل الذين يرفضون خزان كجبار يعرفون الاسباب المحزنة التى قزمت الكثافة السكانية بالولاية الشمالية الي ما دون الخمسمائة الف نسمة فقط لاغير ..؟ هل يعرفون لماذا انتقلت الولاية الشمالية الي الحاج يوسف والكلاكلات ، وقصور أمراء الخليج ..؟... ان كانوا لا يعرفون الاسباب فتلك مصيبة ، وان كانوا يعرفونها ثم يكابرون برفض خزان كجبار فهذا تأكيد للمأثورالشعبي ( مرمي الله مابيترفع ) ..!!

Post: #3
Title: Re: كجبار ضحية الرفض الأبله ..!!
Author: nabielo
Date: 04-20-2007, 03:54 PM
Parent: #1

نشر فى مجلة سد مروي فى نوفمبر الماضى العدد 40.الصفحة 31
مايلى ....كتب عصام الدين احمد عبد الله (ضابط ادارى) فى نهاية مقال له تحت عنوان ظلال النخيل عن السد العالى ان من عيوب السد
اولا:التقليل من خصوبة الاراضى الزراعية بحجب الطمى
ثانيا:تشكيل خطر امني على مصر اذا تعرض جسم السد للدمار بفعل الحرب اوالزلزال وذلك لان كل المدن والقري فى مصر تقوم على جانبي النيل وهذا الوضع يتطلب حماية جسم السد من اي غارة جوية خاصة من دولة اسرائيل وبلفعل فقد قامت مصر بوضع قوات عسكرية حول السد. بل وطلبت مصر من السودان السماح لهابوضع قوات عسكرية فى حلايب السودانية لاكمال هذه الحماية وما بخل السودانعلى مصر بحلفا ولا حلايب وذلك خدمة لتقدم مصر وقوتها والتى هى قوة للمسلمين فى الختام.وايضااري انه وفى سبيل حماية مصر المسلمة من انهيار السد العالى يمكن انشاء عدة سدود امام السد العالى تستعمل للوقاية عند لزوم ذلك لا قدر الله..انتهى
هذه هى رؤية حكومة الكيزان لانشاء السدود كجبار ثم دال لينتهى ما ماتبقى من النوبيين (الكفرة)ويبقى ويعيش مصر(المسلمة)كما ذكر الكاتب
irki ta addemani...ademikon gorani
igaden ayga sikir wida adem
sikir wida adem aytanga jani

لو ما فهمت هاك الترجمة
ما الوطن إلاّ ابن آدم

وابن آدم من تراب

قل لي فكيف تبيع نفسك بالمواعيد السراب .
مدحت عثمان (فريقنتود)

Post: #4
Title: Re: كجبار ضحية الرفض الأبله ..!!
Author: nabielo
Date: 04-20-2007, 04:00 PM
Parent: #1

راي..و...منهج التنمية الانتحارية
الاستاذ خالد فضل (جريدة الصحافة)

لأهلنا النوبيين في مناطق المحس والسكّوت والحلفاويين تحفظات مشروعة على خطة قيام سدٍّ بمنطقة كجبار شمال دنقلا، ولعل السيد أحمد الكاروري مفوَّض الشؤون الإنسانية والاجتماعية بوحدة تنفيذ السدود «سد مروي» قد لمس رفض الأهالي التام لقيام هذا السد في لقائه الجماهيري بمنطقة «فرّيق» بحسب ما أورده محب ماهر «السوداني 11/4/2007م»، مما حدا به للتصريح بوقف العمل في فكرة قيام السد لأن السيد رئيس الجمهورية لديه توجيه بعدم قيام أي سد إلا بموافقة المواطنين المعنيين، ولكن هل يمكن الركون لمثل هذه التصريحات الجماهيرية العابرة؟ وتجربة الوفاء لرغبات المواطنين لم تكن أبداً ديدناً سلطة الانقاذ وحزبها الغالب المؤتمر الوطني. بل وبالتجربة فإن ما يشبه الإنحناء للعاصفة هو ما تمارسه هذه السلطة ريثما تحيك خطة جديدة للإلتفاف على ما تظاهرت بالموافقة عليه. لذلك فإن الحذر والحرص في التعامل مع مثل هذه التصريحات ينبغي أن يكون هو السائد، إذ لم يمر يوم واحد على نشر هذا الخبر حتى تم الإعلان عن تكوين شبكة باسم المنظمات النوبية
آلت رئاستها للدكتور سلاف الدين صالح مفوَّض عام العمل الإنساني السابق وأحد الوجوه النوبية البارزة في المؤتمر الوطني، مما يعني مباشرة أن «الرفض الجماهيري الحر والمعلن عنه في لقاء «فرّيق» سيتم الإلتفاف حوله بتأييد من هذه الشبكة باعتبارها تمثل المجتمع المدني النوبي!!
* ثم عوداً على بدء، فإن تحفظات النوبيين في أقصى شمال البلاد على قيام سد كجبار لم تنطلق من فراغ، فقد كتب الأستاذ صلاح إبراهيم أحمد «إيلاف» 9 أبريل 2007م مفنِّداً وموضحاً الغرض من خطة قيام سد كجبار، ليس بغرض تنمية المنطقة وإنما لتوفير أموال لوحدة السدود التي وصفها بالإمبراطورية، لعدم خضوعها لوزارة المالية أو المجلس الوطني وإنما تبعيتها مباشرة لرئيس الجمهورية فبانتهاء مشروع سد مروي، والذي صرفت فيه أموال طائلة لا بد من مواجهة منصرفات هذه الوحدة عن طريق الحصول على تمويل لسد كجبار حتى يستمر الصرف البذخي على مرتبات وامتيازات هذه الوحدة «المقدَّسة». وعلى ذات النسق سار د. عبد الحليم صبار في تنوير مختصر قدَّمه في الخرطوم، مشيراً إلى أن قيام سد كجبار يعتبر بمثابة كارثة إنسانية وبيئية وثقافية عوضاً عن وصفه بأنه مشروع تنموي يرجى خيره، فهو سيؤدي إلى إغراق منطقة غنية بتراثها الإنساني وموروثها الحضاري، لأن قرار مصادرة الأراضي الخاص بالمشروع يشمل كل المساحات خارج نطاق الجروف والمترات، وهذه بدورها سيتم غمرها بمياه بحيرة السد مما يعني مباشرة مصادرة كل أراضي المحس، مع ملاحظة أخرى هي أن إقامة السدود تتم دون استشارة الجهات ذات الصلة كوزارة الاستثمار والزراعة والري، وتتولى الأمر وحدة السدود منفردة مما يؤكد التحفظات القائلة بالجدوى التنموية لمثل هذه المشروعات، وفي حالة سد كجبار فإن بحيرة السد ستؤثر على حياة المواطنين وطرق حياتهم كما حدث للحلفاويين، إذ أن المياه ستتمدد لتغمر كل الجروف والمترات ولن يبقى أمام الأهالي إلا النزوح والتهجير في تكرار لمأساة أهالي وادي حلفا، بل إن حالة أهالي حلفا تعتبر أفضل نسبياً باعتبار تهيئة بديل ولو لم يكن مناسباً تماماً!!
* قيام السد -بحسب المصدر المار ذكره- سيؤدي إلى كارثة بيئية تلحق بالثروة السمكية والحياة البرية وتغيير مناخي بسبب ارتفاع نسبة التبخر، وقد اعتبر د. صبار أن قيام سد كجبار يمثل جريمة إبادة لعرق وثقافة، وإذا استمرت الخطة لدرجة المواجهة مع المواطنين العزَّل فلربما ارتكبت فيها «جرائم حرب» وهذا يقود للتساؤل المشروع عن ما الغرض من التنمية؟ وقد تحدثت إلى أستاذة جامعية حول هذا المنهج الذي يبدو وكأنه يفرض قيام مشروعات التنمية غض النظر عن آراء أصحاب المصلحة أو الـ
stake holder فأفادتني بأن هذا النمط التنموي يعتبر منهجاً
خاطئاً، ذلك أن برامج التنمية التي تنفذها الأمم المتحدة ومنظماتها قد اعتمدت أخيراً منهجاً يمكن تسميته بـ «منهج التنمية الرضائية»، والمصطلح من عندي، وهو يضع مصالح وآراء المنتفعين الحقيقيين من أي مشروع في الإعتبار عند وضع خطة أي مشروع تنموي، ولعل في تجربة المناصير الراهنة، ما يؤكد المفارقة لنمط الرضا وتلبية آراء أهل المصلحة الأساسيين، إذ أن المناصير لم يعلنوا رفضهم لقيام المشروع بل طالبوا بحقهم المشروع في الخيار المحلي حول بحيرة السد فلماذا يتم استكثار بضعة كيلومترات من الأراضي على طموحات مجموعة بشرية أصيلة في المنطقة؟ إذا لم يكن الغرض من التنمية هو انتحار لهذه المجموعة لصالح فئة أخرى أو حزب أو جماعة محددة؟
* تحدثت كذلك مع د. محمد المهدي أحمد، الأستاذ الجامعي المرموق بجامعة الخرطوم والمهموم بقضايا التنمية المستدامة التي تعنى بتنمية البشر والحفاظ على التراث والثقافة المحلية في تناغم وانسجام ودون فرض أو وصاية.. وقد أفادني بتحليل موضوعي حول الإصرار على قيام سد كجبار، باعتباره مدعاة لإفراغ المنطقة من الوجود البشري لصالح خطة لا يستعبد ضلوع قوة خارجية في تنفيذها لجهة أن مسألة الإنفجار السكاني تمثل هاجساً مؤرقاً لها وبإعتبار أن منطقة الحوض النوبي تعتبر غنية بمياهها الجوفية، وهي شبه خالية من السكان حالياً في المنطقة الممتدة من أسوان وحتى أرقين، وهي مساحة شاسعة تقارب المليون فدان، ولأن خطط التنمية المطروحة حالياً لا تضع أدنى إعتبار لتراث الشعب النوبي أو ثقافته، بل إن الخطة النهائية تقتضي القضاء المبرم على هذه الثقافة والتراث لصالح «ثقافة» السلطة المهيمنة.
* ختاماً، في تقديري، أن قيام أي مشروع تنموي حقيقي ومستدام يجب أن يتم برضا وقبول ومشاركة حقيقية من سكان المنطقة التي يقوم فيها المشروع، فما من أحد عاقل يعترض على قيام تنمية في منطقته إذا كانت تنمية حقيقية أما السير على الطريق الأحادي لإظهار الإنجازات الشوفونية فإنه يقود إلى كوارث تحل بالأرض والإنسان والبيئة والتراث وساعتها يصدق وصفها بالتنمية الانتحارية.. فمن الأفضل الأخذ بآراء ومشورة المواطنين وأهل الخبرة والتخصص في مختلف المجالات قبل الشروع في تشوين أطنان الأسمنت والسيخ وتدجيج الفرق المسلحة بالراجمات لزوم حماية خطط امبراطورية السدود!
Edin Gamako kire...
Same Samako Mire
Fakidimonon jowre
مدحت عثمان (فريقنتود)

Post: #5
Title: Re: كجبار ضحية الرفض الأبله ..!!
Author: الطاهر ساتي
Date: 04-20-2007, 04:01 PM
Parent: #1

حسين ملاسي

التصغير والتكبير ده برنامج طويل والشبكة هنا ما مساعدانى
عشان كدة الصورة البتضايقك دى شلتها ..
تحياتى ليك ولعبد المنعم سليمان البيحرضك فينى ...

Post: #6
Title: Re: كجبار ضحية الرفض الأبله ..!!
Author: الطاهر ساتي
Date: 04-20-2007, 04:04 PM
Parent: #1

مدحت .. مرحب

كدى اصبر خلينى انتهى من العندى ده واجيك برواااقة

Post: #7
Title: Re: كجبار ضحية الرفض الأبله ..!!
Author: nabielo
Date: 04-20-2007, 04:06 PM
Parent: #1

الصور البتنزل فيها تمثل شخصيتك
مدحت عثمان (فريقنتود)

Post: #11
Title: Re: كجبار ضحية الرفض الأبله ..!!
Author: jini
Date: 04-20-2007, 05:08 PM
Parent: #7

Quote:
الصور البتنزل فيها تمثل شخصيتك
مدحت عثمان (فريقنتود)

مدحت
لووك الصبر شوفو داير يقول شتو!
وبعدين لكل حادث حديث!
جنى

Post: #22
Title: Re: كجبار ضحية الرفض الأبله ..!!
Author: الطاهر ساتي
Date: 04-21-2007, 01:07 AM
Parent: #11

جنى سلامات
ياخى مافي حدث ولا اى حديث
انابقول لى صاحبك ده جيب لى ضرر من اضرار السد وهو يلف ويدور
جنى معقول في الكون ده سد ولا خزان ضر ليهو بلد ولا ناس ..؟؟
ياخى نيلنا ده المفروض في كل كذا ميل المفروض يكون فيهو سد
نحن الدولة الوحيدة في دول حوض النيل منذ الاستقلال ماقادرة تستغل ولا ربع حصتها
ونحن الدولة الوحيدة في العالم العربي وافريقياماقادرة تزرع اخصب اراضييها
الشمالية دى انت قايل فيها كم ..؟؟
والله مايتعدو الخمسمية الف نسمة .. لكن بيكون في مليون نسمة منها موزعين في الحاج يوسف والكلاكلات بس ..
نزيف النزوح ده بيتوقف كيف ونحن بنرفض السد عشان قرية ولا قريتين تلاتة ماتغرق ..؟؟
ستة اجيال تتصارع في زراعة خمسة فدان على شريط النيل ..!!
وباقى الارض بيسقيها السراب ..!!
ويجى مدحت يقول ليك السد بيسبب اضرار ..
هسع في اضرار اكتر من ولايةآمنة عدد سكانهااقل من عدد سكان قرية في دارفور الملتهبة ..؟؟
النزوح يا جنى ياهو النزوح ..
الحرب بتساهم فيهو
الفقر بيساهم فيهو
الجفاف بيساهم فيهو
والجهل المركب زى بتاع مدحت ده بيبكى كجبار من الخرطوم ولا الخليج بيساهم فيهو
هو لو كان قاعد هناك ماكان حيكتب في الموقع ده لانو هناك مافى كهرباء ولا مقومات حياة كريمة
ولمن ربنا يكرم الناس هناك بخزان ممكن ينتج ليهم كهرباء ولا يساهم في توسيع الرقعة الزراعية يجى ( مرمى الله ) ويقول ليك الخزان بيشكل خطر على المواطنين ..!!
بلاهى ده زول عاقل ..؟؟
ياخى مع سلامة


عليك الله ياجنى بدون مجاملة الكلام ده مقنع لرفض السد
( ثانيا:تشكيل خطر امني على مصر اذا تعرض جسم السد للدمار بفعل الحرب اوالزلزال وذلك لان كل المدن والقري فى مصر تقوم على جانبي النيل وهذا الوضع يتطلب حماية جسم السد من اي غارة جوية خاصة من دولة اسرائيل )
......
اها رائك شنو ده راى الخبير العسكرى مدحت
خائف على المصرين اكتر من خوفو على اهلو
عشان كدة ماداير السد
ده تفسيرك ليهو شنو ياجنى ..؟؟




Post: #8
Title: Re: كجبار ضحية الرفض الأبله ..!!
Author: الطاهر ساتي
Date: 04-20-2007, 04:13 PM
Parent: #1

** دولتنا هي الرائدة في مجال تحقيق الاكتفاء الذاتي - لشعبها - من حركات التحرير، ولم يستغرق كل هذا الانتاج الوفير الا نصف عقد من زمان الانقاذ الأخير ، واذا تأملت خارطة الوطن الجغرافية تجد في كل جهة حركة تحرير ذات مطالب ، وتختلف مطالب كل حركة عن سواها باختلاف نوعها ، اذا كانت الحركة جهوية فان أبواب مطالبها مفتوحة وكذلك مكاسبها ، وبعضها وصل سقفا مداها « حق تقرير المصير » ، أو الحكم الذاتي و السلطة الاقليمية الانتقالية ، أما اذا كانت الحركة قبلية فانها « تفرفر » بمطالبها التى لا يتجاوز حدها الأقصى منصب مساعد في القصر ومادون ذلك فهو متاح جدا ، وهناك نوع من الحركات ذات حركات غير مفهومة مطالبها ولا تركيبتها القيادية ، تظهر في الصحف كلما حدثت كارثة في منطقة زعيمها ثم تختفي باختفاء آثار الكارثة ..!!
** اجتهدت لرصد واحصاء حركات التحرير التى انتجتها الانقاذ وسياساتها فعجزت ، وبجانب حركات التحرير العريقة ذات العلاقات الاقليمية والدولية الواسعة التى اخترقت سلطة الحزب الحاكم ، ودخلت قصر غردون بموسيقى السلام الجمهوري ، فهناك عشرات من حركات التحرير المهمشة التى يجتهد زعماؤها للوصول الى ذات القصر الرئاسي بذات الوسائل والطرق التى سلكها زعماء الحركات العريقة ، ولكن ربما تغير المناخ السياسي وأزمة المقاعد الرئاسية في القصر بعد فوز الحركات العريقة بها ثم استياء عامة الناس من الاحتراب والاقتتال ، ربما كل هذه العوامل ساهمت في تهميش تلك الحركات الاخرى الكثيرة اعلاميا و اقليميا ودوليا ، ولكن أن تكون الحركات مهمشة لا تعنى عدم وجودها ، فالحركات العريقة ايضا كانت مهمشة قبل الانقاذ ، فاوجدتها سياساتها الأمنية ، وربما تتواصل ذات السياسات - بفضل أفكار د. نافع واخوانه - فتأتى بالحركات المهمشة الي ارض الواقع السياسي - الآيل للوقوع - كحركات عريقة وراسخة الجذور والعلاقات الدولية ، وعليه يجب ان نسلط بعض الضوء على مطالب تلك الحركات المهمشة ونناقشها بهدوء لفائدة زعمائها ، عسى ولعل احدهم يأتى الي القصر غدا نائبا أو مساعدا ، خاصة أن مجذوب الخليفة لا يزال نافذا في مطابخ صناعة القرار ، وهذا يضع احتمال ان يمتلئ القصر ومجلس الوزراء بالمزيد من جيش النواب والمساعدين ووزراء الدولة باعداد لا تقل عن جمهور دار الرياضة في مباراة قمة .. !!
** وحركة تحرير كوش واحدة من الحركات المهمشة التى أثارت انتباهتي في الفترة الاخيرة ، لا أعرف رئيسها ولا مرؤوسيها ، و هذا ليس مهما ، فكم من نبت شيطانى استوى زرعا وقوى عوده فصار فجأة سيدا على شعبنا .. على كل ، هى احدى حركات هذا الزمن البائس ، ولها مطلب واحد وغريب من نوعه في عوالم المطالب ، وهو الرفض المطلق لانشاء خزان كجبار، وتبريرها لهذا الرفض هو حرصها للحفاظ على الآثار النوبية وحمايتها من الغرق .. وبهذا تستحق حركات هذه الحركة ادخالها الي قائمة غينيس للغرائب والعجائب ، حركة ترفض تعمير حاضر الانسان النوبي ومستقبل أبنائه من اجل حماية توابيت المماليك و قبور رعاياهم .. !!!
** لو هى كانت حركة تحرير بالفعل ، لساهمت مع كل مساهم لتحرير انسان تلك الديار من جيوش النزوح والهجرة والفقر والجفاف والزحف الصحراوى وغيره من عوامل فناء البشرية هناك .. وهذه العوامل لا تحارب الا بالسدود والطرق والجسور ، وليست بقبر « حتشبسوت » وتابوت « توت أمون رع » .. الحاضر في ارض النوبة بلغ مقدارا من بؤس الحال بحيث صارت حياة الناس محنطة ومجمدة كجثامين اجدادهم القدماء ، وحركة كهذه بدلا عن ازالة التحنيط والتجميد من حياة الناس بالتعمير والتنمية ، تأبى الا ان تزيدها تحنيطا وتجميدا خوفا على حياة محنطى العصور البائدة .. وطوبى للانسان النوبى وهو يترنح بين مطرقة الحكومات وسندان حركات تحمي أطلال الماضي بينما الحاضر أضحى اطلالاً أيضا ...!!

Post: #9
Title: Re: كجبار ضحية الرفض الأبله ..!!
Author: خضر حسين خليل
Date: 04-20-2007, 04:59 PM
Parent: #8

عزيزي الاستاذ طاهر ساتي :
تحياتي الحارة

Quote: هل سمع أحدكم بمظاهرة تظاهر متظاهروها رفضا لمد مدينتهم بالتيار الكهربائي ....؟ طبعا لا .. وهل رأى احدكم مسيرة سار مسيروها استنكارا لرى مشاريعهم الزراعية بالري المستدام ...؟ بالتأكيد لا .. وهل اشتم أحدكم رائحة بمبان أطلقته الشرطة لتفض موكب حشد رافض ومستهجن لعملية تنموية في دياره ...؟ اطلاقا


للأستاذ القامة محمد الحسن سالم حميد أبيات جميلة دوماً أرددها
يقول فيها ....
وبأسم الرصيف والمارصيف
كم بيت وصالون إنبني

.......................

أعتقد إنك لم توفق في هذا المقال فالمسألة عزيزي الطاهر أكبر من قبول النوبيين أو رفضهم لمشاريع تنموية هم في حوجة ماسة لها
أعدك بالعودة

سلمت

.........
خضر

Post: #10
Title: Re: كجبار ضحية الرفض الأبله ..!!
Author: Hussein Mallasi
Date: 04-20-2007, 05:04 PM
Parent: #9

عليك الله صغر الصور شوية يا الطاهر؛ لانو شلك المرة دي
كاتب كلام ما بطال؛ و مرجحة البوست تحرمنا من قراءته!!

Post: #12
Title: Re: كجبار ضحية الرفض الأبله ..!!
Author: عبد المنعم سليمان
Date: 04-20-2007, 05:12 PM
Parent: #1

Quote: عليك الله صغر الصور شوية يا الطاهر؛ لانو شلك المرة دي
كاتب كلام ما بطال؛ و مرجحة البوست تحرمنا من قراءته!!



بالله يال ملاسي اطلع منها وخلينا نقرأ المواضيع المهمة من اهل الذكر



_____

هسع لو الطاهر حلف طلاق زي جبرا تعمل شنو يا ملاسي

Post: #14
Title: Re: كجبار ضحية الرفض الأبله ..!!
Author: الشفيع عوض شوشتا
Date: 04-20-2007, 05:53 PM
Parent: #12

الاخ .. الطاهر ساتي
هل انت ملم بكافة التفاصيل عن قيام السد ومبررات الرفض ...!!


سلام
..
الي حين عودة

Post: #21
Title: Re: كجبار ضحية الرفض الأبله ..!!
Author: الطاهر ساتي
Date: 04-21-2007, 00:36 AM
Parent: #14

العزيز الشفيع شوشتا

للأسف لايوجد حتى الان تبرير مقنع لرفض السد
وكل التبريرات محصورة في الاتى :
اغراق المنطقة ........ وده شئ طبيعى ومافى سد بيتعمل بدون مايغرق منطقة ، ولكن كدى بحسابات الربح والخسارة ورينا يا الشفيع هل الافضل للشمالية ان تغرق مساحة صغيرة من أرضها في سبيل احياء كل الارض أم أن تظل كل الارض وبما فيها المساحة الصغيرة غارقة في الجفاف والزحف الصحراوى والجدب ..؟؟
ياحبيبنا سكان الولاية كم ... والقاعدين فيها كم ... والسبب شنو...؟؟
الاجابات بتحدد هل نرفض كجبار أم نطالب بمائة كجبار ..؟؟
نحن من سنة حفرو البحر بنكورك وبنقول الشمالية مهمشة و مافيها تنمية
وفي ناس قالو المفروض اهلها يتمردو ولكن للاسف ماعندهم غابة
طيب وكت هى كدة نحن ليه بنرفض التنمية ..؟؟
التنمية دى هى شنو لو مابقت سدود وطرق وجسور ومشاريع زراعية ..؟
يا الشفيع العاطفة براها ماكفاية لتحديد مواقف حاسمة في قضايا مصيرية ...
في اجيال سابقة اتظلمت في الشمالية بسبب أفعال ابنائها و مافى داعى نساهم نحن في ظلم اجيال جاية عشان خاطر قبور واضرحة الفراعنة وملوك النوبة ..!!
برجع بقول ليك للاسف مافى سبب مقنع لرفض السد
معقول يا الشفيع أنو السد بيضر ..؟؟
سمعت قبل كدة في الدنيا دى انو في سد كسروه عشان سبب اضرار للناس ..؟؟
ياخى ده كلام بيخش العقل ..؟؟
غايتو ..
الله في

Post: #13
Title: Re: كجبار ضحية الرفض الأبله ..!!
Author: amara
Date: 04-20-2007, 05:51 PM
Parent: #1

سلام للجميع
القضية بكل بساطة باننا ضحينا من قبل ذلك بالسد العالي ومش مستعدين نضحي تاني قيام سد كجبار يعني بداية النهاية للنوبيين لأن سد دال أيضاً في الحسبان وكلام الأخ الطاهر ساتي غريب جداً أي تنمية بعد أن نروح في شربة مويه ونتهجر الى مكان لا نعلم عنه شياً وفى الآخر يجي واحد يصفنا بالوافدون ذي ما حصل لناس حلفا الجديدة قيادي فى جبهة الشرق قال على الوافدين ان يقبلوا ويتماشوا بكل قراراتنا دون مناقشة تهجرونا ويصفوننا بالوافدون سبحان الله صدقني ذرة واحدة من تراب بلدي يسوى الدنيا بما فيها نحن حياتنا كلها عشنا بالرتاين والفوانيس واذا كان نقطة تحولنا الى الكهرباء مشروط بقيام السد أخير لينا فانوسنا سلام .

مموشي سيدا
عمارة

Post: #15
Title: Re: كجبار ضحية الرفض الأبله ..!!
Author: الشفيع عوض شوشتا
Date: 04-20-2007, 06:04 PM
Parent: #13

Quote: يصفنا بالوافدون ذي ما حصل لناس حلفا الجديدة قيادي فى جبهة الشرق قال على الوافدين ان يقبلوا ويتماشوا بكل قراراتنا دون مناقشة تهجرونا ويصفوننا بالوافدون

ابان الفترة الاولي لفكرة السد شُكلت لجنة من الاهالي لقياس واختبار مدى جدية الحكومة في المشروع وخوفا من ان تفرض الحكومة الامر بالردع كدابهم ... اعضاء اللجنة قابلوا نائب الرئيس آنذاك / الزبير محمد صالح ... لمناقشة امرين (التعويضات - واعادة التوطين) مطالبين بالتعويض قبل التنفيذ فعليا في المشروع ... مع اعادة التوطين في الاراضي النوبية ... اظن مطالب مشروعة ومنطقية ...
فماذا كان رد الجانب الحكومي ؟؟ .....
الرفض القاطع لخيار اعادة التوطين في المنطقة النوبية وانهم حسموا مسالة التوطين بمنطقة (الجيلي) شمال الخرطوم ... مع العلم ان اللجنة اقترحت منطقة سهل (ماريا) في الشريط الحدودي ما بين المحس والسكوت .... والتعويض عبر اربع مراحل ...

Post: #16
Title: Re: كجبار ضحية الرفض الأبله ..!!
Author: شهاب الفاتح عثمان
Date: 04-20-2007, 07:11 PM
Parent: #15

Quote: أما المواطن الكريم ، فهذا رفضه عجب ، بحيث يرفض الحكومة والمعارضة معا ،
ويلعن الوضع السياسي السابق،ويسب الوضع الراهن ، ويذم الوضع المرتقب قبل أن يقترب موعده ..]


صدقت

ابدعت في وصف هذه الصوره .
واتحفظ عن رفض السد فمعلوماتي به قليله

Post: #25
Title: Re: كجبار ضحية الرفض الأبله ..!!
Author: الطاهر ساتي
Date: 04-21-2007, 01:51 AM
Parent: #16

شهاب الفاتح .. كيفك ياراجل ياطيب
يازول ماتتحفظ ولا حاجة
فكر كويس واحكم
السد ده مشروع تنموي للسودان .. والشمالية
مشروع فيهو الجانب الزراعي و الصناعى .. ومحاولة متاخرة لاعادة الحياة لافقر ولايات السودان
أفقرهن مواردا وافقرهن سكانا ..
كسير شمولية الانقاذ مابناباهو لكن كسير البلد لا .......
ولو لاحظت ياشهاب الناس البيرفضو السد نوعين ..
بعض المعارضين كنوع من الكيد السياسي
وبعض اهالى المنطقة وديل الواحد بيقدر مشاعرهم وبيلقى ليهم العذر لكن الأمم والشعوب لاتنهض الا بتضحيات بعضها..
مش كدة ..؟؟؟؟

Post: #24
Title: Re: كجبار ضحية الرفض الأبله ..!!
Author: الطاهر ساتي
Date: 04-21-2007, 01:39 AM
Parent: #15

الاخ الشفيع
تانى سلام
كلامك ده صاح
ومقبول جدا ..
المفروض الناس توافق على مبدأ بناء السد وبعد ده تصارع الحكومة في جوانب التهجير والتوطين
والمفروض الاهالى يضعوا شروط ويقدمو مطالب قبل التنفيذ
وعشان الحكومة دى مابتتمسك من لسانها المفروض الناس يستلموا المواقع الهم دايرنها بالاول وبعده السد يتبنى .. عشان تجربة المناصير وحلفا ماتتكرر ..
لكن قبل ده كلو المفروض الناس توافق مبدئيا على بناء السد
السد ده غير انو يفيد البلد مابيضر
الحكومة دى كسروها وماتخلو فيها شي لكن حرام نكسر مصالح الناس والبلد برفض التنمية
ولا انا غلطان ..؟؟
مودتى

Post: #23
Title: Re: كجبار ضحية الرفض الأبله ..!!
Author: الطاهر ساتي
Date: 04-21-2007, 01:24 AM
Parent: #13

الاخ عمارة
طيب وكت نحن ضحينا في سبيل مصر .. المابيخلينا نضحى في سبيل السودان والشمالية شنو ..؟؟
كلامك عن الرتاين الاحسن من كهرباء السد كلام زعل ساكت ..
لا احسن ولا شئ ..
خليك عقلانى وبدون عواطف اضرب اخماس في اسداس وشوف الولاية والبلد ممكن تربح شنو من خزان كجبار
وخت في بالك مدن سنار والدمازين والرصيرص وقارنها بكجبار ..!!
ولك مودتى

Post: #17
Title: Re: كجبار ضحية الرفض الأبله ..!!
Author: abubakr
Date: 04-20-2007, 07:41 PM
Parent: #1

Quote: كجبار ضحية الرفض الأبله ..!!




الاخ ساتي
باعتبار انه من حقك وغيرك قبول او رفض سد كجبار فمحتوي ما كتبت قابل للنقاش ولكنك لم توفق ابدا في العنوان حتي ولو اردت عنوانا يثير القراء فان انسانية الخطاب في عنوانه .. فلقد وصمت اناسا كثيريين بعدم الموضوعية والبله في رفضهم للسد كون انك دون تمحيص (بشهادة انك كما افدت لا تعرف لماذا رفض النوبيون-وهم اهلك- السد ) وصفت رفضهم بالبله ؟ فبماذا تصنف الذي رايه ابلها كما تقول ؟؟؟ من ياتي برفض ابله عشوائي كما تذكر في كتابك هو نقيض من ياتي برفض مسبب موضوعي ؟ اليس كذلك ؟

وحسبي انك صحفي وفق ما قرات مرة ( فان اخطات في تصنيف مهنتك فعذرا ؟) وعليه فانك وفقا لمهنتك يجب ان تكون ملما بثوابت ومحاور خبر في عمر السلطة وعمر فكرة السد الذي تدافع عنهما - وهذا حقك - ولكن ان لا تعرف لما رفض اهلك او بعض منهم ما تدافع عنه ولا حتي تكلف نفسك قراءة ما كتب هنا في هذا المنبر تحت اكثر من عنوان عن سد كجبار وما كتب منذ منتصف التسعينات يبدو تقصيرا منك وانت لا يفوتك المصدر لاخبارك كونك صحفيا ... ولو افترضنا ان الرافضيين لا يعرفون محاسن السد وفضل الانقاذ عليهم فلماذا وانت في قلب الحدث لا تاتيهم باليقين حتي لايكونو من اصحاب الرفض الابله فتكسب فيهم اجرا من المولي القدير ؟ لماذا لا تذهب الي موقع الحدث في النوبة -ديارك- عند اهلك في كجبار تستطلع اراء الرافضيين والراغبيين ثم تضف اليه اراءاهلك النوبيين في انديتهم وتجمعاتهم في الخرطوم وتلتقي بالفنيين والمختصيين ثم تدبج تقريرا صحفيا يبين الطريق لمن لا يعلم فلا يكون رفض الرافضيين ابلها ولا قبول الراغبيين جهلا بحسنات لم يعرفوها؟؟؟
اليس هذا كان اجدي واجدر من ان تنال سيئة وصف كما ذكرت ؟ وامر كذلك فيه اشانة سمعة و اساءة ؟

لك مودتي
ابوبكر سيداحمد

Post: #26
Title: Re: كجبار ضحية الرفض الأبله ..!!
Author: الطاهر ساتي
Date: 04-21-2007, 02:12 AM
Parent: #17

الاخ ابوبكر سيد أحمد
استنكارك لعنوان البوست في محلو والله
فعلا ما اتوفقت .. كتبتو في لحظة زعل بعدما قريت كلام بيزعل عن السد
والبيزعلنى اكتر ياحبيبنا انو الرافضين مابيقدموا ليك سبب مقنع
والكلام ده انا كتبتو في كم تعقيب
وسالت اهلى هناك وهنا ..
ومقترح مشروع السد ده قديم .. تقريبا بداية التسعينات
والمشروع ده واحد من 14 مشروع تنموى .. اتنفذ منه سد مروى ويليه كجبار ثم سدود اخرى
والكلام ده اتقال في مؤتمر قبل كذا سنة
ولحد الان الرافضين مابيبررو رفضهم
بعضهم رفضه عاطفي وديل هم بعض الاهالى وده شئ طبيعى ومتوقع لكن المؤسف بعض الرفض يندرج في بند الكيد السياسي ..
يا ابوبكر .. الانقاذ تطير و حريقة تحرق المؤتمر الوطنى
لكن ده مابيعنى انو نكسر بلدنا ومشاريعها عشان بنكره الانقاذ ..
مايو مشت في ستين داهية .. لكن مصانع السكر باقية وكذلك الطرق القومية
ياحبيبنا ميز بين المعارضة الرشيدة والمعارضة البلهاء الهدامة
لو المعارضة اتساوت مع الحكومة في عدم الرشد يبقى على البلد السلام وعلى المواطن الفاتحة
والزول الغبي هو البيحرق بيتو عشان ينتقم من الحرامى الجواهو ..!!
ولك احترامى

Post: #18
Title: Re: كجبار ضحية الرفض الأبله ..!!
Author: nabielo
Date: 04-20-2007, 08:37 PM
Parent: #1

يالطاهر من تكون حتى تصف راى معظم النوبين الرافض للسد بالرفض الابله . دعك من حركة تحرير كوش فلهم الحق فيما يريدون لمنطقتهم. ندعوك لزيارة المنتدى النوبى العالمى www.nubian-fourm.com\vb
لتري لقطات (فيديو) من فريق المحس المظاهرة الضخمة التى تجمع فيها النوبيين من كل القرى شمال وجنوب كجبار في انتفاضة ابريل النوبية ضد مخططات الحزب الحاكم.
مدحت عثمان (فريقنتود)

Post: #19
Title: Re: كجبار ضحية الرفض الأبله ..!!
Author: الطاهر ساتي
Date: 04-20-2007, 11:42 PM
Parent: #1

أولا .. الف شكر وتقدير لكل من ساهم برأى مؤيدا كان أو مخالفا أو متحفظا

وبسم الله نبدأ بحبيبنا خضر حسين

Quote: للأستاذ القامة محمد الحسن سالم حميد أبيات جميلة دوماً أرددها
يقول فيها ....
وبأسم الرصيف والمارصيف
كم بيت وصالون إنبني


أتفق معك تمامابان ابيات حميد هى لسان واقعناالان ..
وياما بيوت خاصة اتبنت من كبارى وطرق عامة
وياما شركات خاصة فرختها شركات عامة ..
وده اصلا ياحبيبنا ماحيكون موضع خلاف ..
ولكن تظن بان التوقف عن بناء الرصيف قد يوقف بناء الصالون ..؟
لوكانت الاجابة نعم .. لقلنا لا لكجبار ولا لسد مروى ايضا ..
ولذا علينا ان نطالب ونعمل على ايقاف بناء البيت والصالون دون ايقاف بناء الرصيف والمارصيف ..
ولك محبتى

Post: #20
Title: Re: كجبار ضحية الرفض الأبله ..!!
Author: الطاهر ساتي
Date: 04-21-2007, 00:13 AM
Parent: #1

الاخ مدحت فريقتود
ياعزيزى النوبيين مااجتمعواعن بكرة امهم وابيهم وقررو رفض السد
لكن نحن درجنا في السودان نعمل عملتنا وننسبها للجماعة
والبيرفضوا السد هم بعض النوبيين وليس كلهم
البعض ده يمثل كم في المية متروك لاى جهة محايدة تستفتى و تحصر وتحدد نسبة الرافضين من المؤيدين
والى ذلك الحين على الرافض ان يتحدث بلسانه فقط و كذلك على المؤيد
بلاش فرض وصايا على الناس أو ادعاء انك ممثلهم الاعظم و الاوحد ..!!



وتانى هام ..
حكاية انو المدير الادارى عصام قال انو السد بيسبب اضرار للتربة والارض
ده كلام ساذج ممكن يتونسن بيهو ستات الشاى لكن المفروض مايكتبو زول فاهم زيك
المدير الادارى مالو ومال الجيولوجيا وعلم التربة ..؟؟
لو عندك دراسة علمية من اى خبير أو بيت خبرة بتثبت انو السد بيضر التربة جيبها وتعال عشان نرفض معاك ..
و لو ماعندك كلام علمى في الحتة انساها والعب غيرها ..!!
و ماتضحك الناس فيك برأى المدير الادارى اللى فهموا في علم التربة زى فهمى في علوم الفلك وزى فهمك في علوم البحار ..!!
وليك رجعة في تعيب اخر
ومودتى



Post: #27
Title: Re: كجبار ضحية الرفض الأبله ..!!
Author: sharnobi
Date: 04-21-2007, 03:16 AM
Parent: #1

Quote: ياخى نيلنا ده المفروض في كل كذا ميل المفروض يكون فيهو سد
نحن الدولة الوحيدة في دول حوض النيل منذ الاستقلال ماقادرة تستغل ولا ربع حصتها
ونحن الدولة الوحيدة في العالم العربي وافريقياماقادرة تزرع اخصب اراضييها
الشمالية دى انت قايل فيها كم ..؟؟


الاخ الطاهر ساتى (وساتى اسم نوبى دنقلاوى)


كنت اتحمست وداير ارد عليك من منطلق علمى

لكن كلامك الفوق ده خلانى اعيدحساباتى لانى ايقنت انك تكتب فى شئ لا علم لك به
واطلب منك بكل تواضع ان تعيد معلوماتك عن الجغرافيا الاقتصادية للسودان واقرأ عن اتفاقيات مياه النيل..... واستخدامات المياه.. وطبعا ذكرتنى نميرى
لمن قال السودان فيه 200 مليون فدان .....صالحة للزراعة والخ.. وكلام الاخوة الاعداء العرب انو السودان سلة غذاء ... الى الخ...

عزيزى ما يفرق بين الراعى والزارع..انو الراعى تحكمه مصلحة انعامه فلا يهتم بمستقر ولا حضارة ولا يتراكم فى مخيلته وثقافته غير الترحال ومغازلة السماء
ولكن الزارع يعرف قيمة الارض وتنمو معه فى وجدانه قصة اسمها الحضارة والتاريخ

من هذا المنظور.. فقط وكون معرفتك بالمنطقة ذات الشأن شحيحة علميا وجغرافيا وحضاريا.. فانك انت ضحية اعلام سلطة مشارك في صنع مقاطع تغبيشها للوعى.

مواطن تلك المنطقة يعرف مصلحته اكثر من اى شخص مدعى
واتمنى ان تذاكر حصة تاريخ وجغرافيا وكمان لو اديت وقت شوية عن حاجة اسمها ديموقراطية وحق الشعوب فى تقرير مصيرها ةخيارتها بتكون ما خليت شئ

دى مقدمة لا تفاصيل اخرى تتبعها لحين ان توثق ما تقول بمنظور علمى وان تحترم
الآخر. وحق الناس فى الحفاظ على حضارتها وتراثها وقيمها المورثة والمزروعىة فى الارض والنخل.. وهذا يكفى بحسرة ..

لو داير تناقش علمى اهلا
ولوداير تهاتر ادبى فاذا لم تستحى فاكتب ما تشاء

ولتحيا النوبة وحضارتها وقيمها وانسانها الذى صنع تاريخ فى تلك البقعة الخالدة

وحيرنى انك اعترفت بان تلك البقعة قد رحل عنها الناس
هل سألت نفسك لماذا يا صحفى هذا الزمن الرمادى؟؟؟؟؟؟؟
عفوا
لقد اصبتنى فى مقل

Post: #28
Title: Re: كجبار ضحية الرفض الأبله ..!!
Author: Mannan
Date: 04-21-2007, 04:13 AM
Parent: #1

اخى الطاهر ساتى
سلام
انت صحفى ومطلوب منك ان تتحلى بادب المخاطبة لا ان تصف النوبيين بالبله .. لقد احزننى مقالك وانت النوبى الذى لم تعرف معنى الإغراق وفقد الارض وكيف تتصارع الدول حول قطعة ارض صخرية او مثلث صغير .. هلا سألت نفسك ما معنى ان تفقد ارضا الى الابد وتهجر سكانها الى مكان أخر..

ان مصر التى تجنى مليارات الدولارات من السياحة فى مساحة صغيرة تمتد من القاهرة الى اسوان ارغمت النوبيين فى السودان على ان يعيشوا خلف جدار السد العالى وفى الظلام لاكثر من اربعين عاما وهى تخزن ماءها وشريان حياتها داخل الارض النوبية بالمجان الى الابد وترسل كهرباءها حتى الاردن.. لماذا لم يدر بخلدك هذا الظلم التاريخى للنوبيين من مصر والسودان؟؟ اليس فى مقدور المنطقة النوبية ان تفتح ابوابها للسياحة العالمية فى منطقة تمتد الى ضعف مساحة مصر من حلفا الى الخرطوم وتجنى مليارات الدولارات مثل مصر؟؟ والسودان لن يستفيد من سد كجبار غير بضع ميغاواط من الكهرباء ويخسر كثيرا من الإغراق والتهجير والتغيرات البيئية الخ المصائب التى يعانى منها اهل حلفا حتى الآن!!! ان مقاومى سد كجبار ليسوا بلهاء ولكن بعض ضيقى الافق لا يرون ابعد من ارنبة انوفهم...

إن الطاقة الشمسية المولدة من الخلايا الشمسيةsolar panels والطواحين الهوائية windmills والبيوغاز كلها بدائل للطاقة ويمكن استخدامها فى النوبة بسهولة ومن عائدات السياحة... دول مثل اليابان ودول كثيرة فى اوروبا لا تملك انهارا طورت نفسها ببدائل بسيطة.. كنت اتمنى منك وانت الصحفى حامل القلم ان لا تصف النوبيين بالبله وتعتذر لهم وتدرس اسباب الرفض للسدود واسباب هجرة النوبيين الى الحاج يوسف والكلاكلات بسبب تهميش الحكومات للنوبيين منذ الاستقلال.. وافقارهم واجبارهم على ترك مناطقهم ..

ان مصر التى تعتمد على السياحة اعتمادا يكاد يكون كليا تستخدم كل اسلحتها الدبلوماسية والاعلامية والاقتصادية وبمساعدة غبية من حكومات السودان لإفراغ المنطقة النوبية حتى تأمن خطر وجود قومية غير عربية بينها وبين السودان ربما تخلق لها صداعا فى المستقبل.. ارجو ان تستعمل قلمك لإقناع المسؤولين فى الخرطوم لتنمية المنطقة النوبية (والسودان كله نوبى) وفتح ابوابها للسياحة العالمية وسترى ان ريع السياحة سيكون اضعاف عائدات النفط..
اخيرا ارجو منك مخلصا ان تقدم اعتذارا لطيفا للنوبيين الذين وصفتهم بالبله ....
وشــــكرا..

نورالدين منان

Post: #29
Title: Re: كجبار ضحية الرفض الأبله ..!!
Author: abubakr
Date: 04-21-2007, 05:36 AM
Parent: #1

Quote: اخيرا ارجو منك مخلصا ان تقدم اعتذارا لطيفا للنوبيين الذين وصفتهم بالبله ....


وانا واحد منهم شاركت في حملة مناهضي سد كجبار الاولي في التسعينات مع مركز الدراسات النوبية في القاهرة حينئذ ومع الاخ منان ود.شرف الدين الملك ود.عبدالقادرشلبي والمرحوم عزت فرحات ود. ماجدة محمد احمد وكمال ابراهيم احمد ومجموعات نوبية في الداخل والخارج ود.حسن الملك والاستاذة سعاد ابراهيم ومكي ادريس والمنبر النوبي وجماعات في المنابر السودانية النشطة حينئذ Sudan-l and Sudanese ونوبيين من الشمال في مصر ود.عارف جمال محمد احمد الذي خاطب مؤتمرا للسدود عالمي بنفس الغرض واودعنا بعض مما كتب في موقعي الاليكتروني منذ ذاك الزمان

Deconstructing Nubia
http://thenubian.net/decnubia.php

واشرت الي ذلك في مداخلات في هذا المنبر الايام الفائتة وفي كل ما كتبنا ايضاح لمن يريد ولكنك اخترت لكتابك عنوانا اساء الينا كاشخاص وكنوبيين رافضيين للسد وسلكنا مسلكا حضاريا موضوعيا علميا اخذ وقتا وجهدا ..

لقد اسئت الينا ياساتي وكان الاجدر بك ان تتحقق مما تكتب ولمن تكتب فالكتابة العامة مسئولية اخلاقية والمشاكل والخلافات لا تحل بالاساءة والاستعداء وتقليل شان وفكر الغير وماالاسماء التي ذكرتها اعلي فاقدة للمنطق ورفضها ابله وكل من ذكرت له قدر من العلم والمعرفة وحب الوطن الاكبر قبل الوطن الاصغر كثير ...
اجعل من قلمك اداة حق لا اساءة وليس المهم ان نختلف ولكن ان نختلف بوعي وانسانية ...
استعملت قلمك فجرحت واسئت فاعتذر

لك مودتي
ابوبكر سيداحمد

Post: #30
Title: Re: كجبار ضحية الرفض الأبله ..!!
Author: زهير حيدر صديق
Date: 04-21-2007, 06:09 AM
Parent: #29

الطاهر
أنت وعنوانك سيان.

Post: #31
Title: Re: كجبار ضحية الرفض الأبله ..!!
Author: الشفيع عوض شوشتا
Date: 04-21-2007, 06:48 AM
Parent: #30

Quote: لقد اسئت الينا ياساتي وكان الاجدر بك ان تتحقق مما تكتب ولمن تكتب فالكتابة العامة مسئولية اخلاقية والمشاكل والخلافات لا تحل بالاساءة والاستعداء وتقليل شان وفكر الغير وماالاسماء التي ذكرتها اعلي فاقدة للمنطق ورفضها ابله وكل من ذكرت له قدر من العلم والمعرفة وحب الوطن الاكبر قبل الوطن الاصغر كثير ...
اجعل من قلمك اداة حق لا اساءة وليس المهم ان نختلف ولكن ان نختلف بوعي وانسانية ...
استعملت قلمك فجرحت واسئت فاعتذر

Post: #32
Title: Re: كجبار ضحية الرفض الأبله ..!!
Author: فيصل محمد خليل
Date: 04-21-2007, 06:51 AM
Parent: #30

انت امرك عجيب يا الطاهر

المرة الفاتت كنت مع قرار وزير اقليمي منع تحدث الطالب

اللغة النوبية في مسقط راسهم ساهمت و شاركت

في مشروع وئد اللغة النوبية

و اليوم تاتي لهدم بيوتنا في رؤسنا.

عن اي فوائد تتحدث انت.

قلي بربك عن شبر واحد اضئ بجرأ قيام السد العالي عام 1964 حتى الان

او عن فائدة واحدة من قيام هذا السد.قلي ماهي المدن و القرى المضاءة

حول خزان سنار و الرصيرص او خشم القربة.

يا عم احسن نتكلم في النكات

Post: #33
Title: Re: كجبار ضحية الرفض الأبله ..!!
Author: زهير حيدر صديق
Date: 04-21-2007, 07:07 AM
Parent: #32

Quote: ان مقاومى سد كجبار ليسوا بلهاء ولكن بعض ضيقى الافق لا يرون ابعد من ارنبة انوفهم...


فهمت يا الطاهر ولا حتبقى زي -صورتك- أعلاه.

Post: #34
Title: Re: كجبار ضحية الرفض الأبله ..!!
Author: حمزاوي
Date: 04-21-2007, 07:11 AM
Parent: #1


الاخ طاهر
مسكاقمي
الي هذا اليوم لم يتم نشر او توضيح من اية جهة رسمية دراسة الجدوي لهذا السد المزعوم اقامتها وكما ذكر اعلام الحكومة ان سد مروي ( الحماداب ) يكفي السودان والجيران والعالم اجمع مشكلة اعلام الجبهة تكبر الشئ الا ما لا نهاية حتى نسهو ونعيش في احلام يقظة وترجع وتطلع بخبر تاني عشان نعيش احلام يقظة اخرى . . ومن المفارقات الغريبة قالوا عندما تجمع المواطنين في قرية فريق وسألهم المدعو الكاروري نائب رئيس السدود هل تريدون قيام السد فرد المواطنين بلا قال لهم خلاص مافي سد ورجع بالله بهذه البساطة يلغي نائب رئيس السدود .
طاهر ساتنتوود
اوريك انا رافض السد ليه حسع في الوقت الراهن
لأن قرية كلتوس حتغرق وما عارف سبب اغراقها
بالله غرق كلتوس ما تستحق الرفض والثورة من أجلها .

Post: #35
Title: Re: كجبار ضحية الرفض الأبله ..!!
Author: ابو جهينة
Date: 04-21-2007, 07:45 AM
Parent: #34

الأستاذ الطاهر

تحياتي

Quote: ولحد الان الرافضين مابيبررو رفضهم


دعني أسألك بكل هدوء عن الآتي :

هل يمكن مد القرية و ما جاورها بالكهرباء دون الحاجة إلى قيام السد و تهجير الأهالي بعد آلاف السنين من سكنى أجداد أجداهم و إرتباطهم بمشيمة الأرض و النيل ؟

و ما حلفا ببعيدة عن البال ...
هل تصدق أن كهرباء السد العالي الآن في الأردن ؟ و يمكن تكون في إسرائيل ... بينما كانت قرى حلفا و السكوت و المحس أوْلى و أقرب و أحق لأن جزء من أهلهم الحلفاويين ضحوا بتاريخهم العريق.

هل يمكن توسعة الرقعة الزراعية دون سد ؟

كان بالإمكان شق الترع و عمل تجريف من عند المناطق غير المأهولة و غير الزراعية لتوسعة الرقعة الزراعية و أعتقد أن تكلفة تأهيل من هذا النوع لا يكلف عشر قيام سد بينما يكلف وجعا نفسيا سيمتد أبد الدهر.

في النهاية

( الرفض العاقل جدا ) يا عزيزي الطاهر لقيام السد كان بعد أن وضع أهل كجبار تجربة سد مروي في الحسبان و السد العالي أيضاً .. فكان أن وعوا تماماً موازين الربح و الخسارة ,, و لا تنسى يا عزيزي بأن أهلنا ما فتئوا في كل العهود يقومون بتأهيل قراهم بأنفسهم و بالعون الذاتي و بمقدرات طيورهم المهاجرة ..

دمتم

Post: #36
Title: Re: كجبار ضحية الرفض الأبله ..!!
Author: mo
Date: 04-21-2007, 07:53 AM
Parent: #35

ماذا يقول قائلكم أذا جاءكم الطوفان (بالقطاعي ) يريدون أن يهجروا اهلكم ويهلكوا زرعكم وضرعكم ؟؟ ماذا يقول قائلكم اذا أفتاكم المفتي بأن الغرق واجب عليكم لينعم غيركم بما تجود به أرضكم ؟ ماذا يكون ردكم أذا كان علي التراث الانساني الخالد والذي يأتي اليه الاغراب قبل الاقارب بحثا عنه وتنقيبا فيه لاثبات عراقتنا وريادتنا لأننا في السودان دوما نعيش (بالفعل الماضي) حتي تلك المزية يشرع السلطان الظالم في حرماننا منها ... كجبار ليست سدا للانارة ولكنه طريق للافناء المقنن.. كجبار ليست وسيلة للتنمية ولكنها خطة مدروسة لازالتنا من التاريخ كما فعلوا بالجغرافيا ...

Post: #37
Title: Re: كجبار ضحية الرفض الأبله ..!!
Author: زهير حيدر صديق
Date: 04-21-2007, 08:24 AM
Parent: #36

Quote: بأي عقل نستوعب رفض بعض أهل كجبار مبدأ أن يكون في ديارهم خزان كذاك الذي في سنار والرصيرص و الدمازين ومروى ..؟ ..

وهل لك عقل يستوعب يا هذا ؟؟؟؟

Quote: فلماذا يرفض بعض مخلوقات كجبار تلك النعمة رفضا مطلقا دون ابداء أى سبب مقنع أو
تقديم مطالب وشروط للانشاء ..؟

نبرتك لا تخلو من التعالي وليتك تعي أنك تقزم نفسك بمثل هذا الخطاب.

Quote: وهل الذين يرفضون خزان كجبار يعرفون الاسباب المحزنة التى قزمت الكثافة السكانية بالولاية الشمالية الي ما دون الخمسمائة الف نسمة فقط لاغير ..؟ هل يعرفون لماذا انتقلت الولاية الشمالية الي الحاج يوسف والكلاكلات ، وقصور أمراء الخليج ..؟... ان كانوا لا يعرفون الاسباب فتلك مصيبة ، وان كانوا يعرفونها ثم يكابرون برفض خزان كجبار فهذا تأكيد للمأثورالشعبي ( مرمي الله مابيترفع ) ..!!

وأنت خير مثال.

أخيراً:
إن عدت عدنا وفي حجارة كجبار ما يتسع له فاك.

Post: #38
Title: Re: كجبار ضحية الرفض الأبله ..!!
Author: welyab
Date: 04-21-2007, 10:26 AM
Parent: #37

الاستاذ طاهر ساتي
سلام..

بدون اسهاب وسكب للمداد
على الدولة والنظم القائمة تبيان جدوى المشاريع اذا كانت تنموية لاهل المنطقة بشفافية .. هل فعلت الدولة ذلك؟؟

رقعة محصورة بين سدين

فاذا ما نظرنا الى مناطق الخزانات المقترحة من( مروى / كجبار دال ) كمساحة محصورة بين سد مروي والسد العالي . تجدها تتلاشى تلقائيا اذا ما افترضنا مناطق جنوب السدود . فكل المنطقة النوبية ستكون جنوب كجبار او جنوب دال لتلحق في وضعيتها حلفا التي بقيت تحت مياه بحيرة السد في جنوبها !!
ثم هل في شمال ذاك السد العالي مشاريع مستقبلية لاقامة سدود مع ان المساحة اكبر واوسع ...
فاذا ما اخذنا بنفس الشكلية فان من الطبيعي والانسب كان تعلية الرصيص لنغطية مساحات اكبر داخل الوطن لتكون الاستفادة في مساحات شمال السد الممتدة الى تلك المناطق المراد تدميرها ببناء سدود عليها ...

وحكاية رفض او قبول المبدأ كما اشرت اليه في مروي والمناصير . موضوع شائك وطويل
واحنا اصحاب التجربة السابقة وضحايا السد العالي (الحلفاويين) شربنا الكثير من تلك الحجج والكلام الكتير .. اقل ما فيه شغلوا الناس عن الاساس وخلوهم يناقشوا في عينا ..نقدا.. خشم القربة جنوب الخرطوم ..
يعني لم يترك لهم فرصة الرفض او القبول من اصله وجنحوا بالنقاش والجدال الى هوامش دون المتون !!
اصلا القرار ما بيد حكومة السودان وذاك شر البلية . حيث كان دور النظام هو تمرير الاملاءات المصرية .. وربما هنالك تكرار سمج لسنايوهات سابقة ..
لك مودتي وراجع بيانات ومعلومات قيام السد العالي والاضرار الناجمة وضياع حقوق النوبيين كعرق وتراث وحضارة ..
والكلام كتير وكبير ... لايمكن ان يكون لما رسخ في اذهاننا من تغيير بمقال او كلمة لان النتائج ملموسة وواقعة امام الاعين والابصار وستكون اثارها باقية ولايمكن طمسها بهذه السهولة

عليك ان ترتكز الى نوبيتك اولا وتعالج الامور بالمنطق السوي والدلائل والقرائن لا من منطلق تيارات حزبية او جهوية او ميول فكري مساند او مؤازر لجهة دون سواها.. الامر هنا جدا مختلف
فاذا ما اخذناها بالعنصرية والاتهامات المتتالية فلن يلومنا احد في سعينا في المحافظة على ارثنا وتاريخنا وحضارنتا النوبية
واذا اخذناه من جانب الوطن والقومية فايضا هنالك مرتكزات اساسية ترفض التبعية الرخيصة ومطالبة بالشفافية واهل المنطقة والسودان عامة ينقصهم من المعلومات ما يؤكد زعم السلطة بان هنالك منفعة مرجوه .. لذا على السلطات ان توضح تلك المنافع المرجوة ساطعة دون تلميع واثارة نعرات .. فاذا ما فعلتها لنا موافق ولنا الغلبة .. سلام

Post: #40
Title: Re: كجبار ضحية الرفض الأبله ..!!
Author: محمد زمراوي عبدالعزيز
Date: 04-21-2007, 11:27 AM
Parent: #38

الطاهر انت فرقك شنو من الخروف الجارينو
يبدو ان الخروف فيهو فائدة اكتر منك

Post: #39
Title: Re: كجبار ضحية الرفض الأبله ..!!
Author: الطاهر ساتي
Date: 04-21-2007, 11:20 AM
Parent: #1

كدة ممكن اقول ماقاله الراحل عبدالله الطيب ( تحالف علينا العجم )
لكن مامشكلة .. نحن اولاد حفرة وعارفين الشمالية وغطايتها
وبرجع ليكم واحد واحد
بس بلاهى زى ماقلت قبل كدة بلاش مزايدات
مافي حد هنا بيمثل النوبيين .. لا واحد فيكم عمدتهم ولا انا ناظرهم
كل واحد هنا لسان حال نفسو بس
يعنى ماكينة النوبيين رافضين دى مابتمشي فينى .. انا من بلاد الواق واق
والمزايدة التانية هى حكاية الانقاذ وما ادراك ما الانقاذ .. دى برضو مايكنة مابتمشي في القضية دى
معارضة الانقاذ كوم ومعارضة المشاريع التنموية كوم تانى
والعاقل من يميز بين الكومين
والعربي الكتير المصروف فوق ده مافيهو تبرير مقنع لرفض السد
وده البيسموه الرفض الابله
والابله هنا الرفض مش الرافض .. عشان ماتقعدو تزايدو بكلمة الرفض
وانت لمن ترفض مصلحتك بدون سبب ده هو الرفض الابله .. الابكم ..
وزول زى ده النوبيين بيسموه ( الابوق ) ..
برجع ليكم واحد واحد
واخير لينا نتحاور بهدوء ... وبعقلانية ..
والسؤال المطروح ........ لماذا ترفض السد ...؟؟
وراجع للتعقيب على مداخلاتكم
مودتى














ملاحظة ..
ماشاء الله كلكم مهاجرين ..... بلاهى كدى اى واحد فيكم يورينا في كم سد في البلد الهو فيها ..

Post: #41
Title: Re: كجبار ضحية الرفض الأبله ..!!
Author: خضر حسين خليل
Date: 04-21-2007, 11:42 AM
Parent: #39

العزيز الطاهر ساتي
طاب نهارك

وعدتك بالعودة الي هنا

مررت بمداخلات الكثيرين هنا ويقيني أن أكثرهم تفاؤلاً لم يحاول الغوص في سؤالك الاخير
الذي طرحته بالرغم من أن العزيز أبو جيهنة قد وضع في المقابل أسئلة كثيرة كانت ستفض لديك علي الاقل بكارة تساؤلك عن كجبار وضحية الرفض الابله .
قلت فيما قلت في مداخلتي السابقة بأنك لم توفق في هذا المقال عزيزي الطاهر وحيث أنني من المتابعين لقلمك علي مستوي الصحافة السودانية ذلك بما تملكه من جرأة في الطرح لذا أعتقد بأن هذا المقال بالتحديد لم تجهد فيه نفسك للحصول علي المعلومة بقدرما حرصت علي الكتابة من واقع بيان قام بإصداره الاخوة في حركة كوش .
ثم ساءني للامانة عزيزي الطاهر نبرتك في مداخلتك الاخيرة عن من يمثل النوبيين أو غيرهم ويقيني أن هناك مجموعات وتنظيمات نوبيه جزؤ منها قامت لمناهضة خزان كجبار في أواسط تسعينات القرن الماضي كما هو التجمع النوبي وأخري جاءت بعد ذلك كنتاج طبيعي لما يحدث في السودان ( كلو زول يشوف ليهو حركة) لا أحد يمثلنا هذه لا أدري من أين جئت بها هناك تنظيمات نوبية وأخريات في طريقها لحمل السلاح علي عينك ياسلطة .

Quote: معارضة الانقاذ كوم ومعارضة المشاريع التنموية كوم تانى
والعاقل من يميز بين الكومين


طيب ياعزيزي أنا مؤمن تماماً بأن أي تنمية لاتستهدف الانسان هي تنمية غير محترمة وغير جديرة بالالتفاف حولها ثم بيننا حصاد سبعة عشر عاماً فلتقدم لي نموزج لمشروع واحد قامت به السلطة مستهدفة التنمية ولنبدأ هنا بما يخصنا بشريان الموت والهلاك أو مايسمي بشريان الشمال هذا الطريق الذي يقف شاهداً علي مدي الاستهتار واللعب علي الدقون ثم فلنحاول التعمق أكثر في واقع المنطقة فلنذهب للتعليم وحاله يغني عن السؤال ثم لنري ما حدث في مجال الصحة الحصاد هو الهشيم لاغير ياعزيزي الطاهر .
قبل ذلك أتمني أن تقوم بالرد علي هذه الاسئلة التي قام بطرحها العزيز أبو جيهنة

Quote: هل يمكن مد القرية و ما جاورها بالكهرباء دون الحاجة إلى قيام السد و تهجير الأهالي بعد آلاف السنين من سكنى أجداد أجداهم و إرتباطهم بمشيمة الأرض و النيل ؟


Quote: هل يمكن توسعة الرقعة الزراعية دون سد ؟


ولك الشكر والتقدير

..........

خضر

Post: #42
Title: Re: كجبار ضحية الرفض الأبله ..!!
Author: زهير حيدر صديق
Date: 04-21-2007, 11:47 AM
Parent: #39

Quote: كدة ممكن اقول ماقاله الراحل عبدالله الطيب ( تحالف علينا العجم )

من أنت ليتحالف عليك العجم؟ عجبي !!!!
Quote: كل واحد هنا لسان حال نفسو بس

ما دام الأمر كذلك..متى أصبحت بوقاً يمثل الحكومةومصالح الشعب؟
Quote: يعنى ماكينة النوبيين رافضين دى مابتمشي فينى .. انا من بلاد الواق واق

مستوى متدني من الخطاب أليس كذلك؟
Quote: والعربي الكتير المصروف فوق ده مافيهو تبرير مقنع لرفض السد
وده البيسموه الرفض الابله

هل هذا جزاء من وضع لك اعتباراً وحاول أن إفهام شخصك؟
Quote: وزول زى ده النوبيين بيسموه ( الابوق ) ..
برجع ليكم واحد واحد

وماذا تكون أنت؟
Quote: واخير لينا نتحاور بهدوء ... وبعقلانية ..
والسؤال المطروح ........ لماذا ترفض السد ...؟؟
وراجع للتعقيب على مداخلاتكم
مودتى

شئ تفتقر له لذا لن يكون من ثمة ثمرة للتحاور معك.

Post: #43
Title: Re: كجبار ضحية الرفض الأبله ..!!
Author: nabielo
Date: 04-21-2007, 02:07 PM
Parent: #1

التحية للعم ساتى الجاريك من احد ارجلك الاربعة فى الصورة النزلتها فى بداية البوست.
(اها رائك ده راى الخبير العسكرى مدحت
خائف على المصريين اكتر من خوفو على اهلو
عشان كدة ما داير السد
ده تفسيرك ليهو شنو ياجنى)
ياخروف الكلام ده انا كتبت ليك انو منشور فى مجلة سد مروى وهى مجلة علمية متخصصة على حسب ما مكتوب فى الغلاف وهى مجلة ناطقة باسم الحكومة فى مجال تنفيذ السدود
مدحت عثمان(فريقنتود)

Post: #44
Title: Re: كجبار ضحية الرفض الأبله ..!!
Author: abubakr
Date: 04-21-2007, 02:54 PM
Parent: #1

Quote: الاخ ابوبكر سيد أحمد
استنكارك لعنوان البوست في محلو والله
فعلا ما اتوفقت .. كتبتو في لحظة زعل بعدما قريت كلام بيزعل عن السد
والبيزعلنى اكتر ياحبيبنا انو الرافضين مابيقدموا ليك سبب مقنع
والكلام ده انا كتبتو في كم تعقيب


عزيزي ساتي .. مقبولة .. الزعل فرقنا في محنة السد العالي وحرقت اصابعنا وبقينا شتاتافلا حلفا الجديدة ومشاريعها التي صورتها لنا السلطات بانها الجنة وفرت لنا حتي مظلةولا نصفنا الذي بقي في وادي حلفانال كيلواطا واحدا كهرباء السد التي وصلت حدود الشرق الادني ...
بموضوعية ارجو ان ترجع الي ما كتب عن سد كجبار في التسعينات في مداخلات مختلفة فالمشروع هو المشروع والفكرة التي تحولت من سد ترابي صغير اتي به المرحوم محمود شريف الي سد تجاري هي نفسها .. وليس كما ذكرت ان الرافضيين لم ياتو بسبب لرفضهم ومداخلتي التانية التي سبقت ردك هذا في ادني الصفحة تشير الي ذلك ...
وارجو ان انوه الي انا عملية المفاضلة في بناء السدود المائية ليس المردود المادي هو اهم معاييرها فللسدود عالميا ماخذ تتجاوز بكثير اية منفعة مادية وبدائل الطاقة كثيرة .. وحيث ان تنمية الانسان هو الهدف كما تقول فماخذ السدود تضر الانسان نفسه فلا يبقي معني لتنمية ....
طالما انت موجود في السودان فارجو ان تحاول الذهاب الي اهلك النوبيين المناهضيين للسد في النادي النوبي وغير مكان يتواجدو فيه او الاتصال بالاستاذة سعاد ابراهيم احمد او د.عبدالقادر شلبي وهما سيكفينك عناء البحث ويعطونك ملخصا عن ماخذ السد ان كان ما هو مكتوب لا يكفي ...وكما ذكرت لك في مداخلتي الاولي كونك صحفي موجود في قلب الحدث يمكنك ان تذهب الي المنطقة وتقابل الطرفيين ( مع وضد) وكذلك الاتصال بسلطات السد ليعطوك نسخة من دراسة الجدوي ( ان كانت هنالك دراسة فلقد حاول الجميع منذ التسعينات الحصول عليها ولم يجدوها) ... وبدون دراسة جدوي تتطرق الي كل محاور المشروع فحديث السلطات عن تنمية ياتي بها السد يبقي من ضمن شعارات الحكومات ..
وحيث ان الطاقة الكهربائية هي المقصوده فهل تكلفة توصيل طاقة بخطوط ضغط عالية من السد العالي الي كل المنطقة-حوالي ثلاثمائة كلم- اجدي ام بناء هذا السد( مسافة اقل بكثير من مسافة خطوط ضغط عالية من سد الحماداب الي شرق السودان ) ؟؟؟؟؟ ؟؟
ما يهم الان ليس صراعاتنا ولكن التوصل الي قناعة جدوي السد من كل المحاور و توفيير كل المعلومات المتعلقة به الي اهل المناطق المتاثرة ؟؟ فهل يمكنك ان تاتي بذلك ؟؟

لك مودتي
ابوبكر

Post: #47
Title: Re: كجبار ضحية الرفض الأبله ..!!
Author: محمد زمراوي عبدالعزيز
Date: 04-21-2007, 03:06 PM
Parent: #44

Quote: واخير لينا نتحاور بهدوء ... وبعقلانية ..


والله حاجة عجيبة قال نتحاور قال

انت بالله زول عاقل عشان نتحاور؟؟

والا عايز تخالف عشان تذكر... الزيك كتار لكين ما شغالين بيهم.

حتى اذا انت ما انقاذي زولا بجيب خبر لكلامك دا مافي

اخير ليك تكون انقاذي عشان يدوك قطعة واطاة في شرق كرري محل الصحفيين.

مش انت غناي شديد؟؟؟

احسن ليك تاخد عبرة من ىخر كلام قالو ابوبكر لان عقلك يبدوا انو ما حيستوعب الكلام الكتير دا.
وفتك
وحأفتك فت

Post: #48
Title: Re: كجبار ضحية الرفض الأبله ..!!
Author: عبدالأله زمراوي
Date: 04-21-2007, 03:12 PM
Parent: #44

قريبي الطاهر...

لماذا لا تسافر الب كجبار، فريق، جدي، مشكيلة، سعدنفنتي، دلقو، ثم تعرج على سمت، تمبس، أبوفاطمة، بدين، كرمة النزل، كرمة البلد، أرتقاشة، ألبرقيق، أرقو، السير، كلتوس، دار العوضة، ثم تختم بالجزر حول دنقلا...

وتكتب لنا لماذا يرفض آباؤنا وأجدادنا وأبناؤنا وأحفادنا قيام مشروع كجبار؟؟؟
وهل هناك في تلك المناطق من يرغب مثلك في قيام السد...

وعندشذ نناقشك بالتأريخ والجغرافية!

وما تنسى أنا جاييك بعد 3 أسابيع وحأشتكيك للعمة (الوالدة) وسريناقمي وييبو!

لم توفق البتة في العنوان...
يا طاهر!

Post: #45
Title: Re: كجبار ضحية الرفض الأبله ..!!
Author: حسن الجيلى سعيد
Date: 04-21-2007, 03:05 PM
Parent: #1

الأخوة المتداخلون ,

لكم جميعا سلام بحجم وطننا...

أرجو منكم وبعيدا عن العواطف وكراهية الحكومة الرد على الاستاذ.الطاهرساتى

1 -هل من إجابات منطقية و علمية لمبررات رفض بناء السد من المحليين?
2 -تتحدثون عن كهرباء السد العالى هل لحكومات جمهورية السودان المتعاقبة اى مطالب لشراء كهرباء السد العالى من الشقيقة مصر?
3 -هل إندثار ألاثار التاريخيةالناجمة عن بناء وتشيد السدود هو ماركة سودانية مسجلة أم هو أثر سلبى لتلك المشاريع التنموية?
4 -ماهى البدائل للرفض الدائم لمشاريع البنية التحتية بالسودان ومن هو المستفيد من التعنت لقيام هذة المشاريع?

دمتم

Post: #46
Title: Re: كجبار ضحية الرفض الأبله ..!!
Author: nabielo
Date: 04-21-2007, 03:05 PM
Parent: #1

التحية لكل الاخوة الشرفاء:
يختلف تفاعل المتلقى فى السودان مع قضية سدكجبار التى ظهرت عند بدايات التفكير فى انشاء السد فى منتصف العقد الماضى فاقام النوبيين الدنيا ولم يقعدوها ثم تكررت ثورتهم فى الايام الماضية بتجدد الحديث وجلب الاليات للمنطقة. فافتحوا لنا صدوركم ودعونى اكتب بعض مما نراه:
بجانب السد نفسه والجدوة الاقتصادية فالسوال الهام هل تساوى كمية الكهرباء المقدر استخراجها كل هذه التكلفة المادية والاجتماعية من بناء لجسم السد والتهجير واعادة التوطين والتعويض وما يتبعه واغراق لاثار المنطقة التى لا يمكن تقديرها بثمن لمن يقدر معنى الاثار . وماذا عن بدائل الطاقة.
لتبقى الحقيقة ان السدود لم تعد تلك المنشات ذات الجدوى حتى يتحمس العقلاء لانشائهاثم سؤال اخر ماذا لو تم استغلال ما يتوقع صرفه فى بناء السد وما يتبعه فى بنية تحتية تخدم السياحة الاثارية فى مناطق شمال السودان التى تاخرنا كثيرا جدا فى استغلالها حتى دولا مثل الامارات بدات فى اجتذاب العديد من الاستثمارات فى قطاع السياحة بعد ان تلمست اثرها على اقتصاديات دول مثل مصر ولبنان ثم يبقى السؤال الاكبر خاصة اذا وضعنا فى الاعتبار الاعداد التى ستدفعهاالفضول وفقط الفضول من مجمل التسعة مليون سائح للمصر سنويا فى الدخول الى مناطق النوبة متى ما توفر الطريق والبنية التحتية.
ولناعودة
مدحت عثمان(فريقنتود)

Post: #49
Title: Re: كجبار ضحية الرفض الأبله ..!!
Author: nabielo
Date: 04-21-2007, 05:32 PM
Parent: #1

نعتذر للكلام الفوق احتراما للمنبر العام (كلام زعل جاب كاام زعل والبادى اظلم)
على العموم يا صحفى عاوز رائك فى كل الكلام المنشور فى مجلة سد مروى بدون ما تقطع الكلام
نشر فى مجلة سد مروي فى نوفمبر الماضى العدد 40.الصفحة 31
مايلى ....كتب عصام الدين احمد عبد الله (ضابط ادارى) فى نهاية مقال له تحت عنوان ظلال النخيل عن السد العالى ان من عيوب السد
اولا:التقليل من خصوبة الاراضى الزراعية بحجب الطمى
ثانيا:تشكيل خطر امني على مصر اذا تعرض جسم السد للدمار بفعل الحرب اوالزلزال وذلك لان كل المدن والقري فى مصر تقوم على جانبي النيل وهذا الوضع يتطلب حماية جسم السد من اي غارة جوية خاصة من دولة اسرائيل وبلفعل فقد قامت مصر بوضع قوات عسكرية حول السد. بل وطلبت مصر من السودان السماح لهابوضع قوات عسكرية فى حلايب السودانية لاكمال هذه الحماية وما بخل السودانعلى مصر بحلفا ولا حلايب وذلك خدمة لتقدم مصر وقوتها والتى هى قوة للمسلمين فى الختام.وايضااري انه وفى سبيل حماية مصر المسلمة من انهيار السد العالى يمكن انشاء عدة سدود امام السد العالى تستعمل للوقاية عند لزوم ذلك لا قدر الله..انتهى
هذه هى رؤية حكومة الكيزان لانشاء السدود كجبار ثم دال لينتهى ما ماتبقى من النوبيين (الكفرة)ويبقى ويعيش مصر(المسلمة)كما ذكر الكاتب
مدحت عثمان (فريقنتود)

Post: #51
Title: Re: كجبار ضحية الرفض الأبله ..!!
Author: A.Razek Althalib
Date: 04-21-2007, 05:39 PM
Parent: #49

يا ناس هووووووى...


إنتو بتحبو الديار..

ولا حب من سكن الديار..

إذا كنتو بتحبو الديار..
فدياركم من تراب..
وأرض الله واسعة في المليون ميل مربع..
إذا كنتو بتحبو حب من سكن الديار..

فهم راحلون حيث الاحسن..

أيها الناس أوعووووووو..

Post: #50
Title: Re: كجبار ضحية الرفض الأبله ..!!
Author: صلاح محمد صالح عثمان
Date: 04-21-2007, 05:35 PM
Parent: #1

الأخ/ الطاهر
بداية أستنكر العنوان إستنكارا شديدا 0
ثانيا قلت أن السد سيوفر الكهرباء للمنطقة 0 ولم تجاوب على سؤال سابق من أحد المتداخلين مارأيك لو تم توفير الكهرباء بدون قيام السد 0
قبل فترة جاء محافظ محلية حلفا ( عصام ميرغنى ) إلى السعودية وقابلناه نحن فى جده بصفتنا إتحاد السكوت ( وبالمناسبة نحن جينا بإنتخابات ) ومعنا ناس وادى حلفا والمحس وكل نقاشنا كان أن نضمن مد خط الضغط العالى للكهرباء من سد مروى ، أكد السيد عصام ذلك وأمن عليه وبعد فترة أظنك سمعت وأنت صحفى وفى الخرطوم أنه تم توقيع عقد لمد محافظة حلفا من كهرباء سد مروى 0 إلى هنا تم تأمين الكهرباء للمنطقة من سد مروى ، إذن ما هى الجدوى الملحة لهذا السد وللعلم نحن طرقنا أبواب كثيرة لنحصل على دراسة جدوى لقيام السد لم نجده وها نحن نطلب منك وأنت صحفى وفى العاصمة أن تمدنا بهذه الدراسة لنسخر أقلامنا لنقنع أهلنا بأهمية السد لكى لا ينبرى شخص آخر ويصفنا بالبله
0

Post: #52
Title: Re: كجبار ضحية الرفض الأبله ..!!
Author: Mannan
Date: 04-21-2007, 06:04 PM
Parent: #1

إخوتى
ارجو ان توقفوا تبادل الكلمات الجارحة.. فقط طلبنا من الاخ الطاهر ان يعتذر عن وصفه للنوبيين ورفضهم لسد كجبار بالبلاهة.. وتصويرك للنوبيين بالخروف الضحية.. عيب منك يا استاذ الطاهر ان تسيئ لاهلك النوبيين بالكلام والصورة .. والعيب الاكبر ان تصر على موقفك.. ان عدم اعتذارك يعنى تحقيرك لقومية باسرها.. كان بامكانك ان تستفسر عن سر رفض النوبيين لسد كجبار قبل ان تصفه بالبلاهة... قبل ان تدخل فى نقاش مع الذين تصدوا لاساءتك يجب ان تسحب كلامك وتعتذر للنوبيين والسؤال واضح:

هــل ستعتذر للنوبيين ام لا؟؟؟؟
لقد طلبت منك فى مداخلتى الاولى اعتذارا لطيفا ولكنك على ما يبدو مصر على كلامك وسيدفع اصرارك بالآخرين الى تبادل الاساءات معك وهو امر لا نريده بيننا كنوبيين وانت منا ويجب ان تدافع بقلمك عناكنوبيين اصحاب قضية..

يا اخى.. العرب الذين همشوا النوبة وتسببوا فى مأسيها ينصرون بعضهم ظالمين ومظلومين

قوم اذا الشر ابدى ناجذيه لهم ** فروا اليه زرافات ووحدانا
لا يسألون أخاهم يوم نائبة *** الخ القصيدة

وقول أخر:

وهل انا إلا من غزية ان غوت *** غويت وان ترشد غزية ارشد
امرتهمو امرى بمنعرج اللوى ** فلم بستبينوا النصح إلا ضحى الغد

ليتك غويت مع اهلك وحاولت ارشادهم بدلا من ان تصفهم بالبله..

لقد وقفت ضد الاغلبية النوبية وهذا وحده مدعاة للإعتذار...فلا تركب رأسك .. واستغفر ربك .. واعتذر.. فالاعتذار اسلوب حضارى لا يعرفه إلا العظماء فكن عظيما يرتفع قدرك عندنا وقد عرفناك صاحب قلم جرئ ونرجو ان تشهر قلمك فى وجه من يريد بالنوبة شرا...

نورالدين منان

Post: #53
Title: Re: كجبار ضحية الرفض الأبله ..!!
Author: الطاهر ساتي
Date: 04-22-2007, 04:24 AM
Parent: #1

الاخ نورالدين منان
والاحباب جميعا
نتجاوز شخصنة القضية وارسال سهام القول لبعضنا ونتحاور حوارا بحيث لايفسد خلافنا مايربطنا
فالرابط بيننا هو الحرص على حياة الناس هناك
الرافض للسد يرفض خوفا على موت الحياة هناك
والمؤيد للسد يؤيد خوفا من موت الحياة هناك
اذن غاية الكل هى ان تكون هناك حياة شريفة وكريمة للانسان
وبما أن الغاية واحدة والنوايا صادقة تجاه الارض والانسان والحضارة فليس هناك مايعيب ان تختلف الوسائل للوصول لتلك الغاية ..
وعليه .. بداية اعتذر لكم على عدم التوفيق الذي صاحب عنوان البوست ، والذي جاء كرد فعل غاضب لحديث غاضب في مكان آخر .. وماكان ينبغى لي أن أخاطب الجميع بلسان غاضب من فرد .. أكرر الاعتذار ولكم العتبى ..
وكذلك اعتذر للاخ مدحت فريقتود على ساقط قول سقط منى في لحظة غضب أيضا .. واتمنى صادقا القبول والعفو ..
تلك أخطاء خاصة اعترف بها وعنهااعتذر لاعمامى واخوالى واخواني ...

وثم أوضح موقفى وقناعتى بلاتحفظ - أو تراجع - في القضية الأساسية في نقاط محددة
ولا اجزم بانى موقفي مكتمل أو قناعتى كاملة .. فالكمال لله وحده
قد أكون مخطئا.. وقد أكون مصيبا .. والى أن يتبين لى خيط الخطأ من خيط الصواب سوف أظل ادافع عن موقفى وقناعتى في القضية .. اذا تبينت خطأ موقفى فلن أكابر .. واذا تبين لى صوابا فلن اشمت ..
فلسنا في معركة بين الخير والشر .. فكل اطراف القضية تحمل نواياالخير للسودان والشمالية ...
قناعتى بأهمية سد كجبار تشكلت من الأتى :-
أولا .. لايخفى عليكم بؤس الحال في الولاية الشمالية وفي الديار النوبية تحديدا .. والتهميش الذي تتحدث عنه كل جهات السودان يمشي بساقين في تلك الولاية وتلك الديار .. وهذا باعتراف كل أهل السودان ..
كنموذج فقط لاغير .. قريتنا كانت بها 432 أسرة عام 1990 .. الان بها 197 أسرة .. منها من نزحت ومنها من هاجرت .. السؤال المحزن والمحرج لماذا كل هذا النزوح الجماعى ولماذا كل تلك الهجرات بالجملة ..؟
لو وجدت الأسر طاقة كهربائية مستدامة لسخرتها في زرعها وكل مناحى حياتها واستقرت
ولو وجدت الأسر مساحات أرض شاسعة تصلها المياه بيسر وبقليل تكلفة و تستوعب الاجيال لزرعت واستقرت
ولو وجدت الأسر مواعين عمل لأفرادها في ولايتهم وديارهم لارتضت برواتبهم واستقرت
ولكن للأسف منذ أن بسط الخالق تلك الارض النوبية لم يجد انسانها غير شظف العيش ونكد الحياة وضنكها
فاتخذ النزوح ملاذا و الهجرة حلا ..
أعمامى واخوانى .. انتم تتحدثون عن مخاوف الغرق والتهجير والتشريد.. بالله عليكم أى غرق أعمق من أن تغرق القرى النوبية في بحار الزحف الصحراوى ..؟... وأى تهجير أخطر من التهجير الماثل امامك اليوم ..كم عدد الروابط النوبية في بلاد الاخرين وكم عدد أفرادها ..؟.. ؟.. واى نزوح أفظع من أن تنتقل القرى النوبية بأكملها الى الكلاكلات والحاج يوسف ..؟
الغرق الذي تخشونه حدث قبل سنوات ولايزال .. وليس بالماء وحده يغرق الانسان ..!!
والتهجير الذي تتوجسون منه حدث قبل سنوات ولا يزال .. !!
والنزوح الذي تخافونه يكشفه عضوية النادى النوبي بالخرطوم فقط والتى تجاوزت ال 60 الف .. هذا العدد في ناد واحد في مدينة واحدة ..!!
لماذا لا نعترف بشجاعة بان أهل كجبار هناك - وكل النوبيين أيضا - هم بقايا نازحين ومهاجرين ..؟؟ لماذا لانتعرف بان الفئة القليلة هناك لو وجدت بابا للنزوح لنزحت أو عقد عمل لهاجرت ..؟؟
ما قيمة أرض بلا انسان ..؟؟
وما قيمة تراث تحميها القرى المهجورة وبيوت الطين الفارغة من الناس والحياة ..؟
هل تعلمون بان عدد كل سكان الولاية اليوم لايتجاوز ال 500 الف نسمة .. اذن كم عدد سكان الديار النوبية ..؟؟
الارقام مخجلة ومحزنة ..؟؟
والسبب هو التهميش ( اسم الدلع لعدم التنمية )
ماهى التنمية - يااخوانى الاعزاء - أن لم تكن سدا وطريقاوكهرباء وماء وزرعا ..؟؟
هل التنمية هي تلك القبور التى يتوسد لحدها أجدادنا القدماء ..ونخاف عليها من الغرق بماء السد ..؟
وهل التنمية هى الاعتزاز بالارض الجدباء والبيوت الخاوية والقرى المهجورة ..؟
كيف نخاف على حضارتنا ونحن نجردها من عوامل الاستقرار .. ونبعثرها في كل مدن الدنيا ..؟

مؤسف جدا أن يختصر البعض رؤيته لخزان كجبار في انه سوف يتسبب في اغراق كيلومترات على شريط النيل ..؟؟
لماذا لايتجاوز التفكير رؤية الاغراق الى رؤية الخزان ..؟
لماذا لا ننظر بروية وبعد نظر الي مساحات الزرع التى سوف تتمدد خصما من مساحات الجفاف والتصحر والزحف الصحراوى ..؟؟
ولماذا لاننظر الي قنوات الرى المستدامة التى سوف يضخها الخزان خصما من حصتنا الجارية الي غير أرضنا حتى تصب في البحر الابيض المتوسط ..؟؟
ولماذا لاننظر الي الاستفادة من الكهرباء التى ينتجها السد ..؟؟
ولماذا لاننظر الى مكاسب الخزان و نقارنها بخسائر تلك الكيلومترات ثم نحكم بالعقل وليس بالعاطفة..؟


أليس مؤسفا أن الأصوات النوبية التى همست غاضبة وجاهرت مستاءة - بعد تنفيذ سد مروى وانتعاش الحياة نسبياحوله - بان الحكومة همشت الديار النوبية وعمرت ديار الشايقية ، هى ذات الأصوات التى ترفض اليوم سد كجبار ..؟؟

ما لم يصدق الانسان مع نفسه فلن يصدق مع وطنه ، أهله ، حزبه ..
وأتمنى لي ولكم الصدق والتصالح مع النفس ..






وفي الختام ..
بعض الاخوة سألوا عن الدراسة الاقتصادية وجدواها للخزان ..
سوف انشرها هنا عقب عودتى الى الخرطوم في الاسبوع القادم باذن الله ..
واتمنى أن تجد حظا من النقاش قبل الرفض .. وليس الرفض قبل النقاش ..!!!!!!



وفي رعاية الله

















Post: #54
Title: Re: كجبار ضحية الرفض الأبله ..!!
Author: abubakr
Date: 04-22-2007, 05:21 AM
Parent: #1

عزيزي ساتي

شكرا ...ولننظر الي الامام
كانت هنالك دراسة قامت بها الاستاذه سعاد ابراهيم احمد في 1994 عن السكان في المنطقة واسباب تدني اعدداهم في فترة خمس سنوات مضت وارجو ان اجدها او يتمكن واحد من الذين ما زالت الدراسة معهم او شاركو فيها- شرنوبي مثلا- بنشرها هنا للفائدة فامر تفريغ المنطقة من سكانها الاصليين بوسائل متعددة ومنتظمة منذ عقود وما السدود الا احد الادوات

لكم جميعا مودتي

ابوبكر

Post: #55
Title: Re: كجبار ضحية الرفض الأبله ..!!
Author: Mannan
Date: 04-22-2007, 06:37 AM
Parent: #1

اخى الاستاذ الطاهر ساتى
سلام عليك

ها انت تعلو فى نظرى ونظر الآخرين باعتذارك اللطيف .. وهو عادة نوبية يتفوق بها النوبيون على الآخرين لانهم اهل حضارة..

سكب مداد كثير عن اخطار سد كجبار قبل ظهور سد مروى الى العلن ولعل من بينها دراسة مطولة باللغة الانجليزية اعدها الدكتور عارف جمال وستجدها فى موقع صديقنا الباشمهندس ابوبكر سيداحمد..
ماذا استفدنا من السد العالى (اكبر سد صنعه الانسان فى التاريخ) وماؤه مخزون فى الارض النوبية بالمجان منذ اكثر من اربعين عاما والنوبة ترقد فى الظلام؟؟

وسد كجبار الذى سيخرب مناطق اثرية كثيرة لن نستخرج منه غير طاقة قليلة وستقل بسرعة كحال خزان الرصيرص الذى يعانى من الإطماء ولا يكفى حاجة العاصمة من الكهرباء.. وكان الاحرى بالحكومة ان تزيد من طاقة خزان الرصيرص بدلا من اغراق المنطقة النوبية..
وحديثك عن نزوح النوبيين حديث مردود فالحكومات هى التى افقرت النوبيين واجبرتهم على النزوح والهجرة وكان بالامكان تطوير المنطقة فى مجالات عدة منها:
* السياحة.. وجارتنا مصر تجنى المليارات من عائدات السياحة بينما اغلقت المنطقة النوبية فى وجه السياحة ومعروف ان دخل السياحة سيكون اكبر بكثير من عائدات الطاقة القليلة المتوقعة من خزان كجبار
* مثلث الحوض النوبى (حلفا - العوينات - دنقلا) حيث اشارت دراسة للمنظمة العربية للاغذية والزراعية الى خصوبة هذا المثلث وامكانية استغلال الخزان الجوفى الهائل (اكبر من النهر الصناعى الليبى).
* الثروة السمكية..
* توطين القمح والفول والبقول
* النخيل..
* اعادة فتح منجم الذهب فى اتيرى (جنوب حلفا)
واشياء كثيرة يا صديقى.. ساعود اليها لاحقا وباسهاب..

شكرا مرة اخرى.. ودعنا نبحث عن الحلول وكيفية تشجيع الهجرة المعاكسة والعودة الى النوبية بدلا من الإمعان فى إخلاء المنطقة.. ارجو ان اشيرك الى ان فقرة فى اتفاقية الحريات الاربعة تشير الى استثمار حوالى مليونى فدان غرب ارقين ويعطى الحق للفلاحين المصريين بتملك الارض لمدة تسعين عاما والنوبيون ضائعون فى الكلاكلات والحاج يوسف.. ليس حبا فى تلك المواطن الجديدة ولكنها حيلة المضطر يا صديقى...

إذا لم تكن إلا الاسنة مركبا **** فما حيلة المضطر إلا ركوبها

نورالدين منان

Post: #56
Title: Re: كجبار ضحية الرفض الأبله ..!!
Author: محمد زمراوي عبدالعزيز
Date: 04-22-2007, 11:43 AM
Parent: #55

Quote: ولماذا لاننظر الي قنوات الرى المستدامة التى سوف يضخها الخزان خصما من حصتنا الجارية الي غير أرضنا حتى تصب في البحر الابيض المتوسط ..؟؟

اولا اخي الطاهر افيدك بألمعلومات التالية كي تعرف ان المياه التي تم تنخزيها طيلة الاربعين سنة الماضية والتي اهدرها السودان دون الاستفادة اصبحت حقا مشروعا لمصر وليس للسودان الحق بالمطالبة حيث عملت مصر بعمل خطة تنمية بشرية من فائض الماء المخزن.

اتفاقية عام 1929 : أهم ما نصت عليه هو إقرار قانوني لحصة مصر التاريخية المكتسبة في تدفق المياه لاحتياجات الزراعة وأيضا حق مصر في أي زيادة تطرأ علي موارد النهر في حالة القيام بمشروعات جديدة فوق النيل وحددت حصة مصر السنوية بمقدار 48 مليار متر مكعب وحددت حصة السودان السنوية بمقدار 4 مليار متر مكعب ولمصر الحق في دراسة ورصد الأبحاث المائية هيدرولوجيا في مصر والسودان .
اشترط لإقامة مصر إنشاءات في السودان لزيادة مياه النيل لمصلحة مصر وجوب الاتفاق مع السلطات المحلية السودانية علي ما يجب اتخاذه من إجراءات علي أن يكون إنشاء هذه الأعمال وصيانتها وإدارتها من حق الحكومة المصرية وتحت رقابتها المباشرة .
بموجب الاتفاقية أصبحت إدارة أعمال الري في مصر والسودان بعدما كانت من اختصاص وزارة الأشغال المصرية منفصلة فأصبحت هناك إدارة لأعمال الري في السودان بالإضافة إلي إدارة الري المصرية ولم يجد هذا الاتفاق أية معارضة من الدول الأخرى الواقعة في حوض النيل حتى من الحبشة التي كانت تعانى من اضطرابات داخلية في ذلك الوقت ورأت من مصلحتها عدم خسارة الطرف البريطاني المؤيد لها للحيلولة دون الأطماع الإيطالية في احتلالها - وعلي ذلك كان لمردود الاتفاقية أثر عظيم في إقرار حق مصر التاريخي في مياه النيل .

وايضا قيام السدود الجديدة سواء في الحامداب او كجبار او دال كلها تصب في صالح مصر وليس للسودان اي مصلحة حقيقية وخاصة المناطق التي ستتأثر فهذه المشاريع فقط لترسيب الطمي للتخفيف عن خطر الاطماء في السد العالي التي تزداد عدم وصولها الى الدلتا خطورة فقدان الارض للخصوبة سنة بعد أخرى.

Post: #57
Title: Re: كجبار ضحية الرفض الأبله ..!!
Author: محمد زمراوي عبدالعزيز
Date: 04-22-2007, 11:57 AM
Parent: #56

Quote: وعليه .. بداية اعتذر لكم على عدم التوفيق الذي صاحب عنوان البوست ، والذي جاء كرد فعل غاضب لحديث غاضب في مكان آخر .. وماكان ينبغى لي أن أخاطب الجميع بلسان غاضب من فرد .. أكرر الاعتذار ولكم العتبى ..
وكذلك اعتذر للاخ مدحت فريقتود على ساقط قول سقط منى في لحظة غضب أيضا .. واتمنى صادقا القبول والعفو ..
تلك أخطاء خاصة اعترف بها وعنهااعتذر لاعمامى واخوالى واخواني ...


على هذا الصحافي المعتوه ان يعتذر في ذات الجريدة التي يقرأها كل النوبيين الذين وصفهم بالبلاهة وليس في هذا المنتدى الذي لا يقرأه الا القليل.. فوصفه بارافضين للسد بالبلاهة لهو جرم يستحق السحق..

Post: #58
Title: Re: كجبار ضحية الرفض الأبله ..!!
Author: nabielo
Date: 04-22-2007, 11:59 AM
Parent: #1

عودة لكارثة كجبار - استاذة سعاد ابراهيم -
كجبار لن يقام إلا على جثثنامحتويات الدراسة:
على الرغم من ارتباطى بمجال البحوث والدراسات 35 عاما منذ تخرجى من جامعة
الخرطوم عام 1960، وكانت أول وظيفة لى هى مفتش فى مصلحة الإحصاء مع الفريق
المكلف بالدراسات الاقتصادية والاجتماعية فى منطقة وادى حلفا المزمع إغراقها
بواسطة السد العالى، لم يحدث طوال حياتى أن رأيت ما هو أكثر ابتسارا؛ ولا ما هو
أقل جدية من "دراسة الجدوى" التى أصدرتها مؤسسة خزان كجبار. وبما أنه لا يجوز
إلقاء الكلام على عواهنه أو إطلاق الأحكام دون حيثيات، لابد من توضيح أسس هذا
الحكم:-
أولا : الدراسة اهتمت بمزايا استخدام الطاقة الكهربائية المائية وأسقطتها على
الولاية الشمالية لغاية محافظة مروى فى مواجهة المتاح من الطاقة الحرارية
المستنبطة فى الوقت الراهن بالديزل المستخدم حاليا للرى (كمستهلك رئيسى)
وللاستخدامات الأخرى أيضا واستندت إلى ذلك فى تقديراتها للطلب لكهرباء خزان
كجبار. لا تـثريب لو كان الأمر يختص بندوة عامة عن أنواع الطاقة ومميزات كل
واحد منها. غير أن موضوع الدراسة هو مشروع معين يقع فى منطقة معينة لها خصائص
اقتصادية واجتماعية وسكانية معلومة ومحددة، عليه فإن أسلوب توفير احتياجاتها من
الطاقة يجب أن يكون محكوما بهذه الخصائص. والغريب أن حتى هذا الجانب الفنى لم
تستوفه الدراسة بل لم تتعرض إطلاقا للبدائل الممكنة ولا للمشروعات تحت الدراسة
مثل خزان الحامداب أو التى تحت الإنشاء حاليا فى هذه المنطقة كمشروعات نورى
والقرير والغابة والكلد مثلا وجميعها مشروعات كبيرة لها وزنها واحتياجاتها من
الطاقة.
ثانياً : يبدو أن الدراسة تم تأليفها على عجل لأن أى باحث مستجد يدرك أن
الخزانات فى هذا العصر لابد من دراسة تفصيلية ومتعمقة لجوانبها الفنية مثل مجرى
النهر وخصائصه الهيدرولوجية والتربة والمناخ والطبوجرافيا وغير ذلك من النواحى
التى يعرفها المتخصصون (الفرنسيون من أميز الأخصائيين فى تجسيم الخزانات لدراسة
الآثار طويلة المدى كالإطماء مثلا) هذا إضافة إلى الآثار المترتبة على قيام
الخزان بيئيا وسكانيا وتمحيص تكلفة درء تلك الآثار أو معالجتها (إذا اتضحت
تـفاصيلها واتفق الناس على أنها مقبولة من ناحية المبدأ) فى مقابل البدائل
الممكنة؛ بعد ذلك تتم تقديرات التكلفة لكل البدائل وتكلفة المشروع المعنى بعد
تضمين كل التكاليف. وليس ببعيد خبر إلغاء البنك الدولى لتمويل خزان شبيه فى
الهند بسبب التهجير الجماعى والآثار البيئية السالبة للخزان..فالمعروف أن زمن
المشروعات الضارة بالسكان والبيئة قد ولى إلى الأبد فى علم اليوم. إن هذه
الدراسة لا تشمل أيـاً من تلك الموضوعات لأن كل واحد منها يستغرق وقتاً يزيد
على الأيام القليلة التى نشرت بعدها. بل أن التكلفة المباشرة مثل التعويضات عن
غرق الأرض والمساكن والمزروعات لم تشملها "دراسة الجدوى الاقتصادية" لأنها
اقتصرت على تكلفة بناء الخزان وشبكة التوزيع فقط. هذا تشويه واضح للعائد وتضليل
للمستثمرين حتى إذا صرفنا النظر عن ضياع الموروثات الثـقافية والتاريخية،
والأذى النفسى والبيئى البالغ الذى سيلحق بنا وبأرضنا لأنها جميعا لا تقدر بثمن
مهما كان حجمه.
ثالثا : الدراسة تتسم بالانفصام والعزلة عن الجهات الرسمية فى المجال واستندت
إلى تقديرات لم تتم مراجعتها مع الأجهزة المختصة فى الدولة مثل المساحة والطاقة
والرى والتخطيط وصيانة التربة.. الخ. إن هذه الجهات هى مستودع الخبرة الفنية
القومية الذين يمتلكون حصيلة تجارب السودان فى هذا المجال، والمجلدات الهائلة
لمختلف أنواع الدراسات والخرائط الموجودة فى كل جهاز دليل على ذلك.
الدليل على هذا الانفصام أن قسم الأبحاث وقسم الخزانات بوزارة الرى تسلمت وريقة
مكونة من ثلاث صفحات بلغة إنجليزية غير مراجعة من أحد المهندسين الروس العاملين
فى دراسة خزان الحامداب حول إمكانية قيام خزان فى شلالات كجبار تسلموها بعد
إعلان قيام الخزان ونشر دراسة الجدوى وبدء الترويج له لجمع الأموال! ولا ندرى
ما المتوقع من وزارة الرى أن تفعله بعد ذلك. أما المساحة والدراسة الطبوجرافية
ـ التى ذكروا أنها اكتملت ـ حتى لو تم إجراؤها بالتصوير الجوى أو بالأقمار
الصناعية من الفضاء الخارجى لكانت الجهة المختصة فى الدولة هى التى تترجمها إلى
خرائط ومعلومات عملية تتطلب وجودا فى المواقع المختلفة على الأرض. أما دراسات
مجرى النهر التفصيلية فقد ذهبوا للسؤال عنها لدى المكتب الإستشارى الذى شارك
فيها فى أكتوبر الماضى بعد الإلحاح الشعبى لمعرفة المزيد من المعلومات عن
الخزان! ما يثير الحيرة هو كيف تم وضع التصميمات النهائية المذكورة فى المطبق
بدونها.. بل دون أن يلاحظ أحد فى المنطقة هذا النشاط المكثف؟ ربما لأنه ـ
بالتعبير الشائع إعلاميا ـ غير مسبوق فى درجة السرية المحيطة به حتى من أصحاب
الشأن الغرقى ديارهم!! والتساؤل المشروع هنا هو: لماذا السرية والانفصام عن من
يهمهم الأمر رسمياً وشعبياً؟
رابعا : من أغرب الأرقام الواضح أنها غير منطقية فى دراسة الجدوى المنشورة
أرقام تكلفة الكهرباء الحرارية والديزل (ص6) مقارنة بأسعار كهرباء خزان كجبار
(ص14). تقول الدراسة أن تكلفة استنباط الطاقة الحرارية حاليا فى المحافظات
الثلاث (وتبلغ جملتها عشرة ميجاواط) هي 122دولار للميجاوط. كما قدرت الدراسة
حجم الطاقة الخاصة المولدة بالديزل أيضا بعشرة ميجاواط أخرى تكلفتها أعلى من
المحطات إذ تبلغ 144 دولار للميجاواط. أما أسعار مبيعات كهرباء خزان كجبار فقد
حددت الدراسة فى الجدول رقم [4] أن عائدها يبلغ 200ر16 مليون دولار فى السنة
الأولى لمبيعات 2ر67 ميجاواط مما يعنى أن سعرها يبلغ حوالى 240 دولار للميجاواط
الواحد. والأغرب من ذلك أن السعر يرتفع فى السنة التالية مباشرة (دون توضيح أو
تبرير) إلى 360 دولار ليصبح عائد المبيعات ابتداءً من السنة الثانية وما بعدها
من سنوات 192ر24مليون دولار.
أعترف أننى أصبت بالذهول والحيرة.. وأحتاج إلى "فهامة" الكاريكاتيريست المبدع
الشاعر صلاح جاهين ليشرح لى مبررات قيام خزان مدمر كخزان كجبار ينوى بيع
الكهرباء لنا بسعر أعلى بكثير من تكلفة المولدات الصغيرة الخاصة! فالخطأ واضح
للعيان..والحقيقة غائبة عن العيان... علما بأن هناك تغييراً آخر فى الخزان.
خامسا: ذكرت الدراسة أن أهم احتياج للطاقة هو فى القطاع الزراعى (الذى حددوا
أنه المستهلك الرئيسى للطاقة) ومحافظة ادى حلفا كلها تحتاج (وفق أرقام الدراسة
المثيرة للحيرة كما سأوضح أدناه) إلى حوالى 3ر6 ميجاواط المتاح منها حاليا 2ر1
ميجاواط. هذا يعنى أننا نضحى بالأرض العريقة من أجل نسبة يسيرة لا تذكر من
الفائدة المباشرة للخزان الجديد لاحتياج نسبته 8ر4% فقط. أما إذا قورنت بما سوف
ينتجه خزان كجبار فى مرحلته الأولى والذى يبلغ وفق آخر الأرقام 162ميجاواط- فإن
هذه النسبة تصبح 9ر3% (وأقل من ذلك عندما يرتفع إلى 300 ميجاواط لاحقا) بعد أن
يشرد أكثر من سبعين ألف نسمة فى مرحلته الأولى بضياع 35 قرية؛ وبعد أن يغرق كل
الجزر والأراضى المتاخمة للنهر.كيف تتجاهل دراسة الجدوى كل ذلك ولا تعيره أى
اهتمام ولو بإشارة عابرة؟ وما المبرر المنطقى للغرق طالما96% من كهرباء كجبار
سيذهب لمناطق أخرى أقرب لخزان الحامداب مثلا؟
سادسـا: الدراسة لا توضح أسباب التفاوت فى الأرقام بين فيما يبدو لنا استخدامات
وظروف متشابهة. فالجدول رقم [1] مثلا فى صفحة (12) الذى يحدد عدد طلمبات الري
الموجودة حاليا فى المحافظات مروى ودنقلا وحلفا من مختلف الأحجام، كما يحدد
القدرة المطلوبة من الكهرباء لكل نوع على حدة) نجد أن القدرة المطلوبة لكل حجم
يجب أن يتطابق فى كل المناطق أو ـ إذا وجد أي اختلاف ـ توضيح أسباب ذلك
الاختلاف. كما أن الأرقام نفسها فيها أخطاء بارزة مثل تكرار القدرة المطلوبة
بين حلفا ودنقلا رغم الفرق الشاسع فى عدد الطلمبات فى كل من المحافظتين ـ ربما
خجلا من ضآلة حجم احتياجات المطالبون بالغرق! حتى العمليات الحسابية تبدو غير
دقيقة دون شرح علما بأن حتى الكسور لها وزنها لأن الأرقام بالميقاواط (مليون
واط).
تأملوا بعض أرقام هذا الجدول لاستهلاك الزراعة بالطلمبات (من 3 إلى 8 بوصة)
لتوضيح ما عنيته بالتعجل وانعدام الجدية والتدقيق:-

مقتطف من: الجدول رقم [1] في دراسة الجدوى الاقتصادية (ملخص)
المحافظة عدد الطلمبات حجم الطلمبات ( بالبوصة)
مروي عدد الطلمبات 5520 850 70 20
القدرة المطلوبة 85ر24 1ر5 63ر0 36دنقلا عدد الطلمبات 13750 1610 35 60
القدرة المطلوبة 0ر62 7ر9 315ر0 1ر
حلفا عدد الطلمبات 1015 55 20 20
القدرة المطلوبة+ 0ر62 7ر9 315ر0 1ر1القدرة المطلوبة (جملتها 43ر132) 41ر91
13ر15 125ر1 80ر
+ هذا السطر كله خطأ. وإذا اعتبرنا أرقام جملة القدرة المطلوبة صحيحة تصبح
أرقام محافظة حلفا كالآتى:-
القدرة المطلوبة (محافظة حلفا جملتها 33ر6 ): 56ر4: 33ر0 :18ر0 : 34ر0

سابعا : الدراسة تتسم بالتغاضى الضار عن جوانب هامة مما لا يتمشى مع نوع
المشروع ولا ما سوف يترتب عليه من آثار ـ وهذا ربما يؤدى إلى تضليل الباحث و
القارئ العادى على السواء ـ بل من المؤكد أن يؤدى إلى ذلك . فالمعروف ابتداءً
أن أكبر هجرة جماعية تمت فى هذا القرن كانت للنوبيين فى مصر والسودان عند قيام
خزان أسوان عام 1902 وتعليته مرتين حتى عام 1932 ثم السد العالى فى عقد
الستينات مع كل الآثار الإنسانية والاقتصادية المأساوية التى ترتبت على قيامه.
وجميعها آثار فى غاية السلبية بالنسبة لنا وهى ممتدة حتى اليوم كما هو معلوم
للجميع. لذلك لا يجوز إهمال هذه الحقيقة كليا فى دراسة تتعلق بغرق جديد لنفس
المنطقة بالعزل التام لأصحاب الشأن عن المشاركة فىكل مراحل اتخاذ القرار. كان
الواجب شرح أو تبرير اختيار الموقع، وبحث البدائل المتاحة حتى يقتنع الناس أن
كجبار لا بديل له على الإطلاق... هذا ما حدث بالنسبة للكارثة السابقة إذ كانوا
يقرون بالتضحية الضخمة للنوبيين من أجل زيادة نصيب السودان بكامله من مياه
النيل وقيام خزان الروصيرص الذى يروى ملايين الأفدنة ويعطى230 ميجاواط كهرباء -
أو حوالى نصف الطاقة المستنبطة فى البلاد. دراسة كجبار لا تعير كل ذلك أدنى
اهتمام.
ثامنا : هناك أيضا الآثار البيئية التى ستترتب على قيام هذا الخزان والتى
يعيرها عالم اليوم عناية فائقة أكثر بكثير مما كان سائدا عند بناء السد العالى
فى مطلع الستينات. وهذا الجزء من الدراسة يعتبر الآن من المكونات الأساسية فى
دراسات المشروعات، ولا يجوز قبول أى دراسة لا تشتمل على الآثار البيئية
المتوقعة من قيام المشروع.. وهى فى حالة خزان كجبار مدمرة لأنها ستقضى على
الأخضر واليابس الموروث عبر آلاف السنين إلى الأبد ليحل محله أوهام فى الصحراء
المحيطة بالبحيرة الجديدة.. ولنا فى تجربة الغرق السابق دروس لا تنسى نعيشها
اليوم فى وادى حلفا: أسى مستديم، وفقر اقتصادى وثقافى مريع بعد مرور أكثر من
ثلاثين عاما من قيام السد العالى... غير أن الوعود كانت البراقة آنذاك،
والإشادة بتضحية النوبيين الجسيمة محليا وعالميا كانت ملء العين والأذن.. وتبدى
كل ذلك فى الجهد الكبير الذى بذلته الأسرة الدولية لإنقاذ ما يمكن إنقاذه من
آثارنا فى المنطقة المغمورة... ولكن كيف لنا استعادة أشجار عمَرت مئات السنين،
أو النخيل التى زرعها أجدادنا، أو المنزل الذى ظل شامخا عبر الأجيال، أو ما
تبقى من مواقع الآثار التى يلعب الأطفال فى أطلالها؟ وما الذى سيحدث للنباتات
البرية التى تنمو حول قرانا؟ هل ستندثر تحت الماء أيضا مثل ما حدث فى المنطقة
الشمالية لتخلو الأرض حتى من المواد العضوية مثل حلفا؟ دراسة الجدوى تخلو تماما
من أى إشارة ولو عابرة لهذه الكوارث البيئية كما تجاهلت الجوانب الإنسانية
الفادحة أيضا. وبالتالى التكاليف المادية لدرء أو معالجة بعض تلك الآثار
السلبية غائبة عن الدراسة غيابا كاملا.
خلاصة الأمر أن هذا الكتيب لا يمكن اعتباره دراسة جادة بأى معيار بسبب الغياب
التام لعناصر أساسية فى دراسات المشروعات بجوانبها الفنية والاقتصادية والبيئية
والاجتماعية. كما أن المعلومات الموجودة فى هذه الدراسة لا تتيح للباحث ما يعين
على التحليل العلمى المتكامل لكل جوانب مشروع بهذه الأهمية ـ على الأقل بالنسبة
للنوبيين الغرقى ديارهم للمرة الخامسة. إضافة إلى أنه من الممكن تلبية ضعف
احتياجات محافظتـنا الحالية بحوالى 15 مليون دولار لاستنباط وتوزيع 15ميجاواط
من الكهرباء ـ وربما أكثر ـ دون غرق شبر واحد من أراضينا.
خاتمة المطاف :
إن المتـأمل فى مأساة النوبـيين هذا القرن يجد لنظرية المؤامرة (conspiracy
theory) لدى بعضنا مبررات عديدة: كأنما هناك خطة منظمة لبعثرة النوبيين و
إزالتهم من الوجود أرضا ولغة وتاريخا وحضارة بل ربما لإبادتهم. غير أنني لا
أنسجم تماما مع هذه النظرية لأسباب موضوعية منها الآتى:
• إن بعثرة السكان لا تنطبق علينا وحدنا لأنها سمة أفريقية تسبب فيها الاستعمار
الأوروبى إبان ما أسماه المؤرخون الهرولة إلى أفريقيا "Scramble for Africa"
لتـقسيم مناطق النفوذ فى القرن الماضى. وبالتالى هى مشكلة تعانى منها جميع
المجموعات السكانية الحدودية فى كل بلدان إفريقيا: فالكثير منها وجدت الأهل
والعشيرة موزعة بين أكثر من بلد بعد الاستعمار.. ونحن كمنطقة حدودية شملنا
التقسيم كالآخرين.
• إن الخزانات فى مصر ضرورة جغرافية واستراتيجية ـ بل وحياتية ـ لأن مصر هبة
النيل كما قال هيرودوت. وفى غياب الاستقرار السياسى فى دول حوض النيل لا يمكن
أن نطالب الشقيقة مصر بارتهان حياتها كلها ببناء خزانات خارج أراضيها فى أى
موقع لا تملك فيه السيادة الكاملة. ومصالحنا الوطنية المشتركة وارتباطنا
التاريخى بمصر يتطلب تفهم هذا الأمر.
• إن النوبيين فى السودان تقلدوا أرفع المناصب فى الخدمة العامة وفى قيادة
العمل الوطنى الرسمى والشعبى فى الماضى إذا غضضنا الطرف عن التحولات التى حدثت
إبان الحكم العسكرى الأول (1958-1964) وتواتر الاضطهاد ـ وربما العداء ـ فى
فترات مختلفة بعد ذلك.. نجدها كلها ترتبط ارتباطا وثيقا بنوع الحكم القائم، ولم
تنشأ عن فراغ.
هذا التوضيح لا يعني قبول كل ما جرى للنوبيين فى الماضى أو الذى يجرى فى الوقت
الحاضر، دون أن نحرك ساكنا. علينا أن نقف فى وجه أى محاولة تهدد تطورنا وبقاء
أرضنا وتاريخنا وحضارتنا العريقة ولغـتنا التى قاومت الاندثار لقرون عديدة حتى
بعد زوال قدرتنا على كتابتها وفشل الباحثين حتى اليوم فى فك طلاسمها. لكننى أجد
كل العذر لأنصار نظرية التآمر لأننا بالفعل نال أهلنا من الأذى والإهمال ما لا
يمكن تبريره أو اعتباره قدرا مكتوبا لا سبيل لتـفاديه أو التصدى له لتغييره.
إن الآثار المترتبة على السياسة الاستعمارية فى جميع المجالات والمو بعد
الاستقلال (وضمنها التنمية غير المتوازنة والعمل على تمزيق وحدة الشعوب وزرع
بذور النزاعات، حتى المسلحة منها، بين أبناء الوطن الواحد داخل البلدان
الأفريقية ) تتم معالجتها أو مواجهتها باستمرار حتى يومنا هذا بوسائل متعددة:
كالعمل على إزالة الغبن المتراكم بزيادة وتائر التنمية الاقتصادية والاجتماعية
فى المناطق المحرومة داخليا، وبالاتـفاقات الثنائية وعلاقات حسن الجوار خارجيا
مع من يشتركون معنا فى التركيـبة السكانية الحدودية وغير ذلك من المصالح
المشتركة بين الجيران. و إذا كان الحوار لا القهر والاحتراب مرغوبا مع الجيران،
لابد أن يسرى نفس المنطق على المواطنين.
إن كل البلدان فى عالم اليوم ( الذى أصبح قرية مترابطة ) مطالبون بمعاملة
مواطنيهم بالتى هى أحسن وبـإنسانية وعدل؛ ولم يعد مقبولا الحديث عن السيادة
الوطنية فيما يختص بالإنسان والبيئة فى وقت يهب فيه كل العالم لنجدة البلدان
المنكوبة سواء بكوارث الطبيعة أو الحروب أو غيرها.
إضافة إلى كل ذلك الغبن المتراكم، تواجهنا استهانة مجمل أجهزة الإعلام
السودانية بهذا الأمر.. فالكتابات المتعلقة بهذا الخزان يبدو أن هد 0Ÿ 0
0" `9 y’Œ ~¬šdB ب

فرضت عليه الاستقالة من منصبه عمليا وفق ما نشره الكاتب مجمد طه محمد أحمد بسبب
التدخل الفظ بفصل بعض المهندسين الأكفاء دون موافقته. أما الأهداف الأخرى ـ كما
نستدل من معظم الأقوال والكتابات ـ فتبدوكأنها تعتبر المنطقة تستحق الإغراق
لأنها v قليلة السكان وطاردة لهم بسبب فقرها المدقع فى نظرهم بدليل عدد
المهاجرين لخارجها!
من قال أن الهجرة يجب أن تؤدى إلى اندثار الأوطان؟ لو كان الأمر كذلك لاندثرت
الكثير من البلدان ومنها الجزر البريطانية مثلا التى هاجر سكانها من
الاسكتلنديين والايرلنديين والولش كما الانجلوساكسونيين أنفسهم بالملايين
فأعمروا قارات وبلدان مثل أمريكا الشمالية وجزر الهند الغربية واستراليا
ونيوزيلندة وجنوب إفريقيا والهند وغيرها! الواقع أنهم يفكرون فى إنشاء برلمانات
إقليمية للأقليات فى ويلز (التى عادت لغتها إلى المدارس والخدمة العامة)
وسكوتلندة كذلك. وقس على ذلك.
إن هذه الأجهزة الإعلامية السودانية المثيرة للغضب لا توجد فى غالبية كتاباتها
أى إشارة ولو عابرة للأصل التاريخى العريق..أو اللغة العريقة..أو الحضارة
العريقة.. أو حتى الأثر النفسى البالغ السوء لضياع مرتع الطفولة والصبا غرقاً..
أليس هناك ما هو جدير بالحماية والرعاية أو حتى التساؤل؟.. فالإشادة بهذا
المشروع المتعجل وغير المدروس ـ والمدمر للنوبيين وحدهم ـ بدون أى تحفظ أو
تساؤل مهما كان نوعه، أثار بالفعل غضب الأهالي فى المحس بلغ درجة طرد البعثة
الإعلامية من ( سبو ). أما الإعلام العالمى ومندوبيهم غى الخرطوم فتجاهلونا
تماماً.
لكل ما سبق وجدت نفسى منسجمة تماما مع النداء الذى وجهه التجمع النوبى فى
30\9\1995 الشامل لكل المآسى من مرض وجوع ومسغبة التى يعانى منها سكان محافظة
وادى حلفا بكاملها. وكان بودى لو تمكنت من عقد مؤتمر شعبى لطرح قضية النوبيين
بكل تفاصيلها الأليمة من أجل العمل على تغيير واقع حياة مجموعة سكانية عريقة
أصبحت آخر الزمن تعانى من الاضطهاد والإملاق، بل باتت مهددة بالزوال والاندثار.
وفى تقديرى أن هذا أمر لا يحتمل التسويف الطويل أو الاستهانة.
لكنى أود فى ذات الوقت تأكيد أن النوبيين لن يستسلموا أبداً لكل هذه المهددات.
والتحية العاطرة لكل الذين خاطبوا السلطات كتابة وشفاها، وكل الذين خرجوا فى
مواكب ومظاهرات احتجاجية رفضا لهذا الواقع المزرى فى منطقتنا وخصوصا النساء...
والتأكيد مجددا أن سعينا معهم سوف يستمر يداً بيد ـ وبكل الوسائل ـ للإبقاء على
النوبيين ولسانهم وتاريخهم و حقهم فى البقاء على أرضهم كضمان أساسى لاستمرار
نمط حياتهم العريق..وثقافتهم المميزة ولغتهم الجميلة.. لأن ذلك هو أساس عزتهم
وازدهارهم مستقبلا...
إن بقاء وتـنمية المنطقة الوحيدة المتبقية لنا الآن فى قلب الأرض النوبية لابد
من اعتباره أمانة فى أعنـاقنا جميعاً.... سنـقوم بتسليمها كاملة سالمة
لأحفادنا.
وأملنا ـ بل يقيننا ـ أن السودان كله ـ بل العالم أجمع ـ سيقف معنا متضامنا.
سـعاد إبراهيم أحمد (من قرية دغيم بوادى حلفا المندثرة مئذنة مسجدها تحت 45 متر
من المياه)
تسكن الآن فى : 46 شارع 33 شرق. الخرطوم


Post: #59
Title: Re: كجبار ضحية الرفض الأبله ..!!
Author: samo
Date: 04-22-2007, 02:03 PM
Parent: #1

Re: كجبار ضحية الرفض الأبله ..!!


ثم

Quote: واخير لينا نتحاور بهدوء ... وبعقلانية ..
والسؤال المطروح ........ لماذا ترفض السد ...؟؟
وراجع للتعقيب على مداخلاتكم
مودتى


ثم
Quote: وبعض اهالى المنطقة وديل الواحد بيقدر مشاعرهم وبيلقى ليهم العذر لكن الأمم والشعوب لاتنهض الا بتضحيات بعضها..
مش كدة ..؟؟؟؟


ثم

Quote: وعليه .. بداية اعتذر لكم على عدم التوفيق الذي صاحب عنوان البوست ، والذي جاء كرد فعل غاضب لحديث غاضب في مكان آخر .. وماكان ينبغى لي أن أخاطب الجميع بلسان غاضب من فرد .. أكرر الاعتذار ولكم العتبى ..




اعتزارك وكلامك الكلو تناقضات دة بلوو... واشرب مويتو الوسخة يا ابله ..

Quote: اغراق المنطقة ........ وده شئ طبيعى ومافى سد بيتعمل بدون مايغرق منطقة ، ولكن كدى بحسابات الربح والخسارة ورينا يا الشفيع هل الافضل للشمالية ان تغرق مساحة صغيرة من أرضها في سبيل احياء كل الارض أم أن تظل كل الارض وبما فيها المساحة الصغيرة غارقة في الجفاف والزحف الصحراوى والجدب ..؟؟




ديــــــــش ابو الكدااااااااس .. ياخ انت ماختري .. المنطق ماعندك لكن..

Quote: ده كلام ساذج ممكن يتونسن بيهو ستات الشاى لكن المفروض مايكتبو زول فاهم زيك
المدير الادارى مالو ومال الجيولوجيا وعلم التربة ..؟؟





Quote: ياحبيبنا سكان الولاية كم ... والقاعدين فيها كم ... والسبب شنو...؟؟
الاجابات بتحدد هل نرفض كجبار أم نطالب بمائة كجبار ..؟؟
نحن من سنة حفرو البحر بنكورك وبنقول الشمالية مهمشة و مافيها تنمية
وفي ناس قالو المفروض اهلها يتمردو ولكن للاسف ماعندهم غابة
طيب وكت هى كدة نحن ليه بنرفض التنمية ..؟؟
التنمية دى هى شنو لو مابقت سدود وطرق وجسور ومشاريع زراعية ..؟
يا الشفيع العاطفة براها ماكفاية لتحديد مواقف حاسمة في قضايا مصيرية ...
في اجيال سابقة اتظلمت في الشمالية بسبب أفعال ابنائها و مافى داعى نساهم نحن في ظلم اجيال جاية عشان خاطر قبور واضرحة الفراعنة وملوك النوبة ..!!
برجع بقول ليك للاسف مافى سبب مقنع لرفض السد
معقول يا الشفيع أنو السد بيضر ..؟؟


كلام مكرر وغبي .. وحجة ضعيفة وسمعناها من ناس كتااااااااار مملين زيك كدة ..

ياخ انت مالك كدة ياخ ....الواحد متابع بوستك كدة من اصبحت وغير الهبل ماكتبت شي فيهو

انا عمري ماشفت غباء ومستحكم في الدماغ زيك ..

ياخ الناس دي كلها تقول في شنو وانت عامل لينا فيها عنيد ومابتقتنع ومتفرررد في افكارك (خالف تزكر) .


Quote: سمعت قبل كدة في الدنيا دى انو في سد كسروه عشان سبب اضرار للناس ..؟؟
ياخى ده كلام بيخش العقل ..؟؟

لا بيخش حتات تانية .....
بالله عليك في شخص بيقنع ليه غنماية بي اسلوبك دة ... مالك عاوز تجيب كثافتنا مع الصباح دة انت ..

انت بالله قريت وين ..؟؟؟ في الدايات ؟؟؟



اقول ليك حاجة .. احش افكارك ياخ..

Post: #60
Title: Re: كجبار ضحية( الصحفى) الأبله !
Author: رأفت حسن عباس
Date: 04-22-2007, 03:28 PM
Parent: #59

الطاهر ساتى.. بصراحة هل تتعامل مع الكتابة الصحفية ك (غاية ) ام (وسيلة )؟ إذا كنت تعتبر الكتابة غاية فهذا شأنك ! و لكن ما لن يختلف حوله ( اطفال الروضة) ان الصحافة هى السلطة الرابعة و لم تحوز الصحافة على هذا الشرف جزافاكما يعتقد امثال الطاهر ساتى الذين ولجوا بوابة ( صاحبة الجلالة ) فى غفلة من الزمن و نعرف تماما من إقتادوه الى هذه المهنة لتحقيق مآربهم الضيقة مثله مثل الكم الهائل من (مطبلاتية الجبهة الاسلامية)! و إذا كان البعض قد صدقوا (اكذوبة) ان الطاهر ساتى عاد الى صوابه و فارق درب المكاسب الذاتية فهم بكل اسف موهومون! و ليسألوه إن كان يمتلك الشجاعة ان يخبرهم من ( الذى أملى عليه كتابة تلك المقالة ؟؟؟؟؟ ) و لكن الطاهر ساتى الذى يفتقر الى اساسيات العمل الصحفى و ( الامانة المهنية ) لن يفعل ذلك! و ها هو ينزوى خوفا من عنوانه الذى دبج به مقالته فى البوست و يبرر وصفه النوبيين ( بالبلهاء ) بأنه كتب المقال فى حالة زعل و هذا كذب صريح ( لأن المقال اصلا كان بعنوان آخر عند كتابته فى الصحيفة) و هذا يعنى انه يصر على إطلاق هذه الصفة على النوبيين ( فها هو يجعل الصفة عنوانا للمقال ).
و لا يقف الطاهر ساتى عند ذلك بل يرمي النوبيين ( بقلة الادب ) بصورة صريحة فهو يقول ( ان الرفض بلا سبب كالضحك بلا سبب و للاخير تعريف فى المجتمع ) و كلنا نعرف ان المثل الشعبى عندنا يقول ( الضحك بلا سبب قلة ادب ). أما من الناحية المهنية فمن الواضح ان انه يعتمد فقط على حفظ كمية من المفردات و قوالب التعبير الجاهزة ! فهو يقول فى إحدى مداخلاته انه( يعتقد) ان قرار اقامة خزان كجبار كان فى بداية التسعينات ! و لكن القرار الجمهورى صدر فى عام 1995 إن (الصحفى المهنى) يا الطاهر ساتى لا يعتمد فى كتابة مقالاته على المعلومات التى يستقيها من ( الونسات ) و لكن الصحفى يسعى الى الالمام بكل تفاصيل القضايا التى يتناولها و إلا فما هو الفرق بين كونك صحفى تؤيد خزان كجبار و ( حبوبتى ) التى ترفض قيام الخزان ؟ أنا ازعم بأنه لا فرق بينكما! و هذه ليست مهاترة و لكن هل سمع الطاهر ساتى بالخزانات الكثيرة التى تم ايقافها على مستوى العالم و اين كانت ؟ و لماذا تم ايقافها ؟ هل قرأ الطاهر ساتى دراسة جدوى الخزان إن وجدت؟ ثم تأكد ان الاضرار الناتجة عن قيامه اقل من محاسنه؟ هل سأل عن البدائل المتاحة و الاقل ضررا ؟ هل يعلم ان خزان امرى يمكن ان يمد المنطقة بالكهرباء إن كان الغرض هو الكهرباء و التنمية؟ هل سمع إن فى( تاريخ البشرية ) أناس ضحوا بأرضهم و مجتمعاتهم ليتم إغراقهم ( ثلاثة مرات متتالية)؟
أخيرا و هو يتباكى على التنمية هل سمع ( بمثلث حمدى ) الذى يقنن حرمان تلك المنطقة من التنمية ؟ و ما هو موقفه الصريح من ( ورقة حمدى ) فنحن لم نسمعه يقيم الدنيا ولا يقعدها عندما إعتمدت ( الورقة ) فى المؤتمر الاقتصادى ( للحزب الحاكم) و ما ادراك ما الحزب الحاكم.

لنـــا عــــــــــــــــودة

Post: #61
Title: Re: كجبار ضحية( الصحفى) الأبله !
Author: رأفت حسن عباس
Date: 04-22-2007, 04:04 PM
Parent: #60

بطبيعة الحال نعلم تماما من اى المنطلقات تنطلق لتكيل السباب و أقذع الشتائم للثوار النوبيين الذين يكفى أنهم( بدأوا من حيث انتهى الاخرون) فلم يقتلوا احدا و لم يريقوا دماءا فهم يسلكون درب (المقاومة السلمية) بصورة حضارية تعكس مستوى تفكيرهم ليس خوفا من احد ! فها هى ( جحافل قوات الشرطة المدججة بالسلاح ) تحتل المنطقة فى ظاهرة دخيلة على المنطقة! و تستمر المقاومة على ذات النهج الحضارى ( ليس كمشروعكم الحضارى ) و بالمناسبة هنالك إعتصام بمنطقة السد يوم الثلاثاء 24 ابريل الجارى من الساعة العاشرة صباحا حتى العاشرة من صباح اليوم التالى إحتجاجا على عدم سحب الآليات من الموقع. عموما نحن نرفض قيام السد و سنظل نقاوم قيامه الى ان تتراجع سلطتكم عن فكرة إنشائه! فهلا اخبرتنا كيف ستدافع انت عن موقفك ؟ بالطبع ليس بالمنطق و الاقناع لأن منطقك عقيم و غير ( محترم ) لأنك تسىء الى من تخاطبهم من غير سبب !!

Post: #62
Title: Re: كجبار ضحية الرفض الأبله ..!!
Author: nabielo
Date: 04-22-2007, 04:37 PM
Parent: #1

كويس يا ولد ساتى اعتذارك مقبول.لكن يبدو انك ما عاوز تعلق على الكلام المنشور فى سد مروى يبدو انو الكلام ده ما بيمثل راى الحكومة فى نظرك طيب رايك شنو فى كلام راس القوم عندما خاطب مجلس الوزراء عندما انعقد فى موقع السد انو سد مروى بمثل نهاية الفقر فى السودان وكان ذالك يوم 20
مارس 2005
وقال مكاوى (مدير الهيئة القومية للكهرباء ان سد مروى سينتج 1250
ميقاواط من الكهرباء يستفيد منهاالسودان فى المجالات المختلفة واكد مكاوى حل مشكلة الكهرباء نهائيا بالسودان بانشاء سد مروى (الراي العام 4.8.2003
اه المنطقة النوبية دى وين فى السماء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مدحت عثمان(فريقنتود)

Post: #63
Title: Re: كجبار ضحية الرفض الأبله ..!!
Author: Faisal Taha
Date: 04-22-2007, 05:14 PM
Parent: #62

Quote: مافي حد هنا بيمثل النوبيين .. لا واحد فيكم عمدتهم ولا انا ناظرهم
كل واحد هنا لسان حال نفسو بس
يعنى ماكينة النوبيين رافضين دى مابتمشي فينى .. انا من بلاد الواق واق
والمزايدة التانية هى حكاية الانقاذ وما ادراك ما الانقاذ .. دى برضو مايكنة مابتمشي في القضية دى
معارضة الانقاذ كوم ومعارضة المشاريع التنموية كوم تانى
والعاقل من يميز بين الكومين
والعربي الكتير المصروف فوق ده مافيهو تبرير مقنع لرفض السد
وده البيسموه الرفض الابله
والابله هنا الرفض مش الرافض .. عشان ماتقعدو تزايدو بكلمة الرفض
وانت لمن ترفض مصلحتك بدون سبب ده هو الرفض الابله .. الابكم ..
وزول زى ده النوبيين بيسموه ( الابوق ) ..



كــــــلام والله

سلام يا الطاهر ساتي

Post: #64
Title: Re: كجبار ضحية الرفض الأبله ..!!
Author: بركات بشير نجار بشير
Date: 04-22-2007, 05:39 PM
Parent: #62

الطاهر ساتي...
الاعتذار موقف شجاع تشكر عليه في ما يخص العنوان.
هنالك نقاط مهمة غابت عنك واثرت في بناء المقال نفسه وتبرير المظاهرات والرفض النوبي للسد.
اولاً: مناهضة السد تم عبر لجان تكونت بطريقة ديمقراطية في المنطقة وفرع في الخرطوم واخرى في الرياض، ولم نسمع عن لجنة مؤيدة تكونت ودافعت عن قيام السد وضرورة الاستمرار فيه، لذلك رفضك بأن رفض "النوبيون" بصيغة الجمع غير مبرر وان كان هنالك من يؤيد السد وحتماً موجودون فلم ينظموا انفسهم ولم يسمع لهم صوت لتاييد السد.
ثانياً: حتى الان الرفض المبدئي للسد هو موقف التنظيمات النوبية السياسية والاجتماعية وليس موقف اللجان التى تكونت او النوبيون بشكل عام، فالجنة في جميع مكاتباتها كانت تبحث عن حقيقة مايدور في منطقة السد عندماغزت المنطقة المهندسين والاليات وبدأ العمل في السد، وطالبت بايقاف العمل لحين تمليك المواطنين جميع المعلومات والبيانات الخاصة بالمشروع وهو ما تخفيه الحكومة حتى عن حكومة الولاية الشمالية نفسها بحسب تصريح الوالي، اذن ما يطلبه المواطنون عبر هذه اللجان التى تمثلهم حق طبيعي من المفترض ان تمدهم بها ادارة السد او الحكومة المركزية، مما يعني انه ليس "بله" ولا خرفان يقودهم جزار الى المجزرة.
ثالثاً: بما انه حتى الان غير معروف المناطق المتاثرة بالسد بشكل دقيق والقرى التى ستهجر والمنطقة التى سيهاجرون اليها، فمن المستحيل ان نصفق لقيام السد ونحن لا نستطيع التقييم وفق دراسة جدوى والبيانات التى تعتمد عليها ادارة السد في بناءه، لذلك الرفض هو المنطق حتى تتضح تلك المعلومات، لانه في حال تهجير القرى والمدن فلمن ستكون التنميةفي المنطقة؟
اخيراً : هنالك دراسة جدوي حول سد كجبار اعدها المرحوم محمود شريف توضح امكانية توليد الطاقة من شلالات كجبار دون الحاجة لبناء سد او دون ان تتاثر اي منطقة والطاقة المولدة تكفي المنطقة او الاقليم كله، لماذا تجاهلت الحكومة هذه الدراسة وتصر على اقامة السد، وكذلك تصعي لاقامة سد اخر في منطقة دال اخر السكوت يعني عند اقامة السدين يمكن ان تكون المنطقة من ابوفاطمة وحتى حلفاء خالية من السكان ... هل نعتبر ذلك تنمية ؟؟

Post: #65
Title: Re: كجبار ضحية الرفض الأبله ..!!
Author: nabielo
Date: 04-22-2007, 05:53 PM
Parent: #1

نواصل الكلام فيما بداته بالامس
بدات مصر الان والان فقط فى التفكير بربط السودان بطرق برية وسكك حديدية ما الغرض؟ الغرض فى راى هو ان نكون مع غيرنا من دول الكوميساالسوق الاول للمنتجات المصرية لما لا وقد اصبحت هى الارخص فى التكلفة والنقل لمن اراد عبر العمق السودانى الى كل افريقيا متفوقة بذالك على السودان وصناعتهم وللابد وفى خططهم ان لا تمر هذه الطرق على مناطق هى حضارة وسياحة الزمن الاتى انسجاما مع ما توصلت اليه كل البعثات العلمية فى العقود الاخيرة وبلا اختلاف ان اصل الحضارة المصرية ما هو الا امتداد للحضارة النوبية فى شمال السودان وهو ما يدفع بمزيد من البحوث والدراسات وبالتالى السياح ويمهد لظهور عملاق سياحى اخر فى شمال السودان منافس للاقتصاد السياحى المصرى بعائداته المليارية طوال العقود الماضية....فقط افيقو واكتشفو ان لنا حق الحياة مع الاخرين بل والتفوق عليهم ان اخلصنا العمل بتخطيط وتجاوزنا الدونية التى تتملكنا خدمة للاخرين.
وشكرا
مدحت عثمان(فريقنتود)

Post: #66
Title: Re: كجبار ضحية الرفض الأبله ..!!
Author: nabielo
Date: 04-22-2007, 06:27 PM
Parent: #1

اخي رافت (املينتود)
مسكاقمي
التحيه لك
ولكل ابناء النوبه
الذين يناضلون من اجل
ارضهم وحضارتهم و تاريخهم
ومن اجل الانسان النوبي (المسالم) حتى الآن
اقول حتى الآن لاننا لا نعرف ما سيحدث في المستقبل
اذا استمروا في هذا العمل الاجرامي

نبيل محمد حامد
املينتود

Post: #67
Title: Re: كجبار ضحية الصحفى الأبله ..!!
Author: رأفت حسن عباس
Date: 04-30-2007, 10:45 AM
Parent: #66

نعم قريبى نبيل محمد حامد لا نعلم ما سيحدث لاحقا لا سيما إذا اصرت سلطة الجبهة الاسلامية و ( حوارييها ) من امثال الطاهر ساتى على السير فى ذات النهج الإقصائى و الإستعلائى. و بالمناسبة نعلم تماما ان مواقف الطاهر ساتى الرافضة( لبعض) سياسات السلطة لا تنبع من منطلق استراتيجى و لكنها من منطلق ذاتى فقط فهو يدعم احد ( تيارات ) النظام يعنى الحكاية كلها ( احمد) و( حاج احمد ).
و لن نتوه عـن الشمــس فى رابعة النهار !

Post: #68
Title: Re: كجبار ضحية الرفض الأبله ..!!
Author: Tabaldina
Date: 04-30-2007, 12:13 PM
Parent: #1

..
.
Quote: كجبار ضحية الرفض الأبله ..!!


__________________

بين سذاجة البسطاء وجهل الفوق ديل وامثالهم من العلماء

Post: #69
Title: Re: كجبار ضحية الرفض الأبله ..!!
Author: عماد شمت
Date: 04-30-2007, 03:04 PM
Parent: #68

التحيه لكم ابناء النوبا الاشاوس وانتم تقفوا علي ارضكم ونيلكم وتضربوا اروع الامثال

في الدفاع عن دياركم وفي جه عدو جاهل لايعرف الا الفساد والافساد والتعدي علي حقوق الغير

مرة باسم الدين وتارة باسم التنميه...

والتحيه للابطال الذين وقفوا ضد العسكر وقدموا انفسهم فداء للارض بكجبار وجدي كرياب وفريق

ومشكيله ...


سؤالي للسيد الطاهر ساتي ... ما مصلحتك انت شخصيا في قيام السد؟؟؟؟؟؟؟؟؟؟؟؟؟؟؟ د


كيفك ياخال سامو ؟؟؟؟

Post: #70
Title: Re: كجبار ضحية الرفض الأبله ..!!
Author: القلب النابض
Date: 04-30-2007, 03:54 PM
Parent: #69

اعجب من الرفضى الانشائي غير المبرر ؟


نهضة الشعوب لا تكون بلا تضحيات .. لازلت اطالب بقرأة التغييرات التي تحدثها السدود في حياة الشعوب ..ولكل غثل يفكر به .. فلكم ما تشاؤون..

لا اعتثد ان الطاهر ساتي يفكر بالبعد الشخصي للموضوع ومصلحته هو انما يرى أن السد يعود بفائدة على المنطقة ومن خلال هذا المنطق يمكنكم محاورته دون الاساءة له ..


تحاتي لك يا الطاهر

Post: #71
Title: Re: كجبار ضحية الرفض الأبله ..!!
Author: الطاهر ساتي
Date: 04-30-2007, 03:55 PM
Parent: #1

Quote: سؤالي للسيد الطاهر ساتي ... ما مصلحتك انت شخصيا في قيام السد؟؟؟؟؟؟؟؟؟؟؟؟؟؟؟


مصلحتى الشخصية جزء من مصلحة بلدى واهلى ياعماد ..!!
مصلحتى في مزارع نوبي يلقى ليهو رى دائم لى حواشتو الواسعة ..
مصلحتى في بيت نوبي يتنعم مثل بقية خلق الله بالكهرباء والمياه النقية ..
مصلحتى في شاب من شباب بلدى يجد وظيفة في مصنع او مشروع على بعد امتار من السد ..
مصلحتى في عودة الملايين المهاجرة والنازحة الى اراضيهم وديارهم ..
مصلحتى في ازالة الجفاف بالزرع والتصحر بالمشاريع والخلاء بالناس والحياة ...
شفت مصالح الشخصية كتيرة كيف ياالعمدة ..؟؟
بتستاهل ادافع عنها ولا مابتستاهل ..؟؟
مودتى

Post: #72
Title: Re: كجبار ضحية الرفض الأبله ..!!
Author: بركات بشير نجار بشير
Date: 04-30-2007, 04:30 PM
Parent: #71

Quote: [مصلحتى الشخصية جزء من مصلحة بلدى واهلى ياعماد ..!!
مصلحتى في مزارع نوبي يلقى ليهو رى دائم لى حواشتو الواسعة ..
مصلحتى في بيت نوبي يتنعم مثل بقية خلق الله بالكهرباء والمياه النقية ..
مصلحتى في شاب من شباب بلدى يجد وظيفة في مصنع او مشروع على بعد امتار من السد ..
مصلحتى في عودة الملايين المهاجرة والنازحة الى اراضيهم وديارهم ..
مصلحتى في ازالة الجفاف بالزرع والتصحر بالمشاريع والخلاء بالناس والحياة


الطاهر...
اذا كانت تلك هي مصالحك علماً بانها انشائية فهي مصلحة مصلحتنا نحن ايضاً - جزء من مجموعة الرافضين لقيام السد- واذا كان السد سيهجر المواطنين من تلك المناطق- علماً بأن هذا ما يلهث خلفه المواطنين الان - القرى التى ستهجر وعدد المهجرين والمناطق التى ستهاجر اليها وهل سيتمكنوا من الاستفادة من السد ام سيرحلوا الى منطقة مثل حلفاء الجديدة، ثم هل ستتوقف الحكومة بتهجير القرى المتاثرة بسد كجبار فقط او انها ستقيم سد دال ايضاً ويتم تهجير اهالي مناطق السكوت ايضاً وتصبح المنطقة خالية.
ياالطاهر لا احد يرفض تنمية منطقته وفي مداخلتي السابقة قلت لك ان النوبيين وعبر كل الحكومات التى مرت على السودان يقدمون الغالي والنفيس في تنمية منطقتهم فمنذ المدارس والمستشفيات التى اقامها الانجليز كل المشاريع اللاحقة اقامها النوبيين بحر مالهم وحتى تلك المدارس والمستشفيات يدعمها النوبيين بمالهم حتى الان ، مستشفى البرقيق وهي على بعد خطوات منك اكثر من 60% من التحديث والصيانة التى تمت كانت على حساب ابناء المنطقة والمغتربين منذ محمد ابراهيم دياب وعبدالله سعد الدين وجولة محمد الزبير الاخيرة الى السعودية وطوافه على الجمعيات لجمع التبرعات والمساهمات من ابناء المنطقة ، مدرسة ومستشفى عبري قاد حملة تحديثها وصيانتها لجنة من المغتربين هنا في السعودية واقاموا المهرجانات وجمعوا الدعم، اذن عملياً النوبيون لم يرفضوا تنمية منطقتهم بل ساهموا ولايزالون يساهمون بل في كثير من المدارس بالمنطقة النوبيين يدفعون للمعلمين والاطباء حوافز مالية شهرية منتظمة لدعمهم على الاستمرار وعدم الهروب من المنطقة الى مناطق اخرى... هل من يفعلون ذلك لا يعرفون مصلحتهم وانت الوحيد التى تعرف مصلحة النوبة.
لم يتم رفض قيا السد من باب المعارضة للحكومة ولم يتم رفض السد لان النوبيون لايستطيعون التفريق بين تنميةالمنطقة والدور السياسي .. تم رفض السد لانه بالطريقة التى تنفذها الحكومة مهددة للوجود النوبي تم رفضة لان المعلومات الخاصة به مغيبه عن النوبيين... وانت وعدت بأن تنشر دارسة الجدوي هنا - وما زلنا ننتظر... تم رفض السد لان النوبيون يعرفون ان ما يتم الان ليس دراسات وانما انشاء .
النوبيون يرفضون السد لان الحكومة ترفض تمليكهم الحقائق الخاصة بالسد.

Post: #73
Title: Re: كجبار ضحية الرفض الأبله ..!!
Author: الطاهر ساتي
Date: 04-30-2007, 04:46 PM
Parent: #1


بركات ....

والله كلامك الفوق ده على العين والراس
واظنك اختصرتو في النهاية في الجملة دى

Quote: النوبيون يرفضون السد لان الحكومة ترفض تمليكهم الحقائق الخاصة بالسد.


اذن نتفق في الضغط على الحكومة بكل الوسائل لتمليكهم الحقائق ..
والكلام ده وضحتو اكتر من مرة .. يعنى مامحل خلاف ..
وياريت الناس تطالب بتمليكهم للحقائق ...
لكن يا بركات في ناس رافضين رفض مطلق .. سوا الحكومة ملكتهم الحقائق او لا ..!!
ودى المشكلة ..
وده الخلاف ....
يعنى رافضين مبدأ السد .... حتى لو عندو دراسة جدوى مفيدة ..!!
اها .. رائك شنو في نوع الرفض ده ..؟؟؟؟؟؟؟؟
مودتى

Post: #74
Title: Re: كجبار ضحية الرفض الأبله ..!!
Author: nabielo
Date: 04-30-2007, 05:29 PM
Parent: #1

ورد هذا المقال الاستاذ/ قصي همرور في سودان فور أول
المعروف لدى اوساط خبراء المياه وعلماء البيئة ان السد العالى القائم حاليآ فى مصر يعتبر مشكلة حقيقية، وكثيرآ ما يتخذ فى هذه الاوساط كمثال واضح للكارثة البيئية، ولما يمكن ان يؤول اليه الحال نتيجة اتخاذ قرارات مصيرية دون النظر الى الاثار بعيدة المدى والمترتبة عليها. ومن المعروف، ايضآ، بان الشعب المصرى قد استفاد فوائد كثيرة ، خلال الفترة الماضية ، من بناء السد العالى سواء من ناحية تنظيم الرى، أو من ناحية انتاج الطاقة الكهربائية، او من ناحية حماية السكان والمنشئات من الفيضانات، وعليه فانه يجب القول بان سكان مصر الحاليين قد استفادوا كثيرآ من بناء السد العالى، ولكن المشكلة الحقيقية هى أن سكان مصر فى الفترة القادمة عليهم ان يدفعوا ثمن تلك الفوائد، وذلك من خلال محاولتهم التخلص من الاثار السلبية التى بدات فى الظهور.

مشكلة السد العالى

ان التعريف الحديث والعلمى للانهار هو القائل بان الانهار هى قنوات طبيعية لسريان المياه العذبة ، والطمى، فى آن واحد، من المناطق المرتفعة الى مناطق اكثر انخفاضآ. وقد انبنى هذا التعريف، الذى أضيفت له كلمة (الطمى)، على المعرفة الجديدة المستقاة من الخبرة، والتجربة، الطويلتين، خلال القرن الماضى، المعرفة بالاهمية الكبيرة لعملية سريان الطمى، والمعرفة باستحالة تعويض الخسارة الناجمة عن وقف سريانه مع الماء.

لقد ثبت ان مياه النيل التى تصل السد العالى، تحمل سنويآ ما يعادل مليار طن من الطمى، والذى يعتبر المادة الأساسية فى خلق تربة زراعية ، خصبة، ومتجددة، كما انه يعتبر المادة الاساسية والوحيدة، فى الحفاظ على الاراضى الزراعية، سواء كانت الاراضى الممتدة على ضفاف النيل او تلك التى توجد فى الدلتا ، والجدير بالذكر، إن دلتا النيل، والتى تعتبر اخصب الاراضى الزراعية على نطاق العالم، قد تكونت نتيجة للسريان المستمر للطمى المحمول بمياه النيل والذى يترسب فى منطقة الدلتا بكميات كبيرة، يفقد (بضم الياء) جزء كبير منها فى مياه البحر الأبيض المتوسط ويبقى الجزء الآخر ليكون الدلتا، تتم هذه العملية المنتظمة والموزونة بعدة عوامل طبيعية لتعطى هذه النتيجة المعروفة باسم دلتا النيل، ولقد اوقف السد العالى هذه العملية تمامآ، فاصبحت الدلتا تفقد اجزاء منها بالتآكل الذى تحدثه امواج البحر مما ادى لانخفاضها الى تحت مستوى سطح البحر، كما تفقد الدلتا قدرآ كبيرآ من خصوبة الاراضى الزراعية المتبقية، وبمعدل منتظم، نظرآ لتدهور نوعية التربة لاسباب اخرى ناتجة ايضآ من توقف سريان الطمى. يضاف الى ذلك، المشكلة الأكبر، وهى تراكم هذا الطمى خلف الخزان مما أدى للحد من فائدة الخزان التشغيلية و بصورة كبيرة، هذا من ناحية، ومن ناحية اخرى ، فانه ومما يزيد الامر سوءآ ،هو ان مصر تستهلك حاليآ جزء كبير من الطاقة الكهربائية التى ينتجها السد العالى لتشغيل مضخات لرفع المياه المتجمعة فى الدلتا – نتيجة انخفاض منسوب الدلتا عن مستوى سطح البحر- لتفريغها فى البحر الابيض المتوسط، وقد تم تقديرها فى بعض الدراسات بانها تتجاوز 15% من مجموع الطاقة الكهربائية التى ينتجها السد العالى، كما ان المصانع التى تم انشائها لانتاج الاسمدة التى تحتاجها التربة الزراعية فى مصر، بعد ان فقدت مصدر الخصب الطبيعى، والمتمثل بالطمى ، هذه المصانع تستهلك، وفقآ للدراسات المشار اليها، حوالى 30% من الطاقة التى ينتجها السد العالى، وهناك الكثير من التفاصيل التى توضح بان السد العالى القائم حاليآ فى مصر قد صار كارثة تحتاج لمعالجة شاملة لاحتواء اثاره السالبة والمستمرة والتى اصبحت تهدد مصر فى اهم مصادر الحياة ، هذا، ان لم نقل المصدر الوحيد للحياة فيها.

خزان مروى و كيفية التخلص من مشكلة السد العالى

يمكن القول ان علماء موارد المياه يعرفون ان التخلص من الاثار المدمرة للوضع الحالى للسد العالى والتى اصبحت واضحة، يستلزم بناء سد خلف بحيرة السد العالى ، يستلزم تركيب مصفاة لبحيرة السد العالى، حتى تصلها مياه نظيفة من الطمى ، ويعرفون انه لا يوجد حل آخر، ويتوقع لهذا الحل ان يساعد مصر، بعد التاكد من ان نصيبها من المياه قد تم تخزينه قرب حدودها فى خزان مروى، لتضخ المياه من بحيرة السد العالى لتفريغها من ترسبات الطمى المتراكم وضخه مع المياه المتجه شمالآ ، بينما تكون المياه التى تصلها من الجنوب ، من خزان مروى ، مياهآ خالية من الطمى و مناسبة تمامآ لعملية نحت وحمل الرواسب من بحيرة السد العالى ، باستمرار هذه العملية لعدد من السنين ستصبح بحيرة السد العالى خالية من تراكمات الطمى مما يعنى زيادة طاقتها الاستيعابية ويعنى ايضآ وبدرجة اكبر من الاهمية ، اعادة الاستمرارية لعملية تكوين الدلتا وتخصيب الاراضى الزراعية.

من اللافت للنظر السرعة التى يجرى بها العمل فى خزان مروى، خاصة اذا ما قيست بالوقت الذى يتطلبه البدء فى انشاء الخزانات فى جميع أنحاء العالم. ومن الغريب بان يبدأ العمل فى الخزان دون كثير بحث عن تمويل وبيوت خبرة، خاصة اذا عرفنا أن إثيوبيا والتى يجئ منها 90% من المياه التى تصل مروى، غير مسموح لها بإنشاء خزان بهذا الحجم فى أراضيها لإنقاذ شعبها الذى طحنته المجاعات، وذلك بسبب التهديد القديم، والمستمر والمعروف حتى لدى منظمة الأمم المتحدة، والذي تكرره مصر على رؤوس الأشهاد، بان قيام إثيوبيا بإنشاء خزان على النيل الأزرق يعد بمثابة إعلان حرب على مصر، وان مصر لن تتوان فى تدميره ، هذا التهديد ليس معروفآ فقط وانما يجد تفهمآ لدى الدول الكبرى. ومن الغريب، ايضآ، أن يبدأ إنشاء خزان مروى فى الوقت الذى يتجه فيه العالم للتخلص من الخزانات وفى الوقت الذى أدرك فيه العالم، اجمع، خطورة الخزانات، مما ادى الى تكوين جماعات متخصصة فى المطالبة بهدم الخزانات القائمة حاليآ. كل هذا يجعلنا نتساءل، هل ما يجرى من عمل دؤوب فى انشاء خزان مروى هو لمصلحة السودان فى المقام الاول ؟ ويجعلنا نتساءل هل موافقة مصر على إنشاء هذا الخزان إنما هى من اجل رخاء شعب السودان؟ أم أن هناك صفقة أخرى ، أبرمتها مصر مع النظام الحاكم فى السودان، بعد أن قامت بتدجينه وترويضه تماما،وبعد أن أحكمت لعبة العصا والجزرة معه، وأتقنت تهديده بعصا معرفتها بأسراره ، كما أتقنت التلويح له بجزرة دعمها له فى الأوساط العالمية؟ إذ لا يوجد شخص عاقل، واحد، يمكنه القول بان هذا الخزان يجرى العمل فى إنشائه دون علم مصر ، او دون موافقتها عليه،او رغم انفها.

ونحن وبطبيعة الحال نتمنى ان تتمكن مصر من التخلص من جميع مشاكلها، بما فيها مشاكل السد العالى، ونتمنى لشعب مصر كل التقدم والازدهار، ولكن لن نرضى اطلاقآ بان نكون نحن الضحية، ولن نرضى بان يضيع جزء عزيز من ارضنا ليستعمل كمستودع لمياه مصر، ولن نرضى ان نفقد كل الاراضى الزراعية السودانية الواقعة بين مروى وحدود مصر، ولن نرضى بخزان كل فائدتنا المرجوة منه انما هى الطاقة الكهربائية والتى نعلم تمام العلم باننا سوف نحتاج لاكثر منها لحل مشاكلنا التى سوف يخلقها لنا هذا الخزان. بكلمة واحدة ، نحن لا نقبل بان تقوم مصر بتحويل اكبر مشاكلها الينا لنحملها عنها، فى هدوء وفى صمت مريب.

اننا وبرغم اختلافنا مع النظام السودانى الحاكم حاليآ ، وبالرغم من المرارة التى نشعر بها من صفقات الاستثمار الغريبة التى عقدها هذا النظام مع عدة جهات، وحملنا تبعات هذه الصفقات ، دون علمنا ودون مشورتنا، الا اننا نرجوه رجاء صادقآ الا يجعل التفريط فى مصالح السودان العليا هو ثمن اصلاح اخطائه الماضية مع النظام المصرى، وان يعيد النظر فى صفقة خزان مروى، وان يعهد لذوى الاختصاص باعادة دراسة هذا الخزان والنظر فى بدائل فنية تمكن من الاستفادة من المنشئات المنجزة باسلوب لا يقود الى تحويل مشاكل السد العالى الى السودان

مروى ثم كجبار ثم دال وينتهى ما تبقى من الارض النوبية ويحي مصر ويبقي المتاسلمين فى السلطة للابد هذا ما يرونه مناسبا لنا صبية الترابى من الطاهر ساتى وامثاله........ولكن هيهات
مدحت عثمان(فريقنتود)