خلى بالك .. يابلد ..!!!

خلى بالك .. يابلد ..!!!


06-08-2005, 10:39 PM


  » http://sudaneseonline.com/cgi-bin/sdb/2bb.cgi?seq=msg&board=23&msg=1135946563&rn=0


Post: #1
Title: خلى بالك .. يابلد ..!!!
Author: Sudany Agouz
Date: 06-08-2005, 10:39 PM

أحبائى الأجلاء ..

أذكر قبل ثلاث سنوات تقريبا .. كتبت كلمات .. من القلب .. تحت عنوان خلى بالك يابلد ..
وها أنا أعيد كتابتها ..

لأن هذه الأحداث الأخيرة .. قد غيرت بعض المفاهيم .. والاتجاهات .. وجعلت بعض الشكوك
تغزو القلوب .. ولكن الرجاء من الجميع التحلى بالصبر .. والصلاة من أجل السودان
الحبيب .. حقيقة الفاجعة كانت أقوى من تصور الكثيرين .. لأننا بشر .. ولكن الله عز
وجل له تخطيط آخر .. ولأسفى الشديد قرأت بعضا من المواضيع فى هذا المنبر .. تدعو
الى تأجج النيران .. بدلا عن محاولة اطفائها .. فلابد وأن يكون لنا الأيمان القوى ..
بأن المستقبل مازال فى أيدينا .. فعلينا أن نعمل فى صبر واجتهاد .. والا وان فلت
زمام الأمور .. ستسوء الأمور .. والله وحده يعلم ببواطن الأمور ..

فلكم هذه الكلمات ..

خلى بالك .. خلى بالك يابلد ..

خلى بالك يا بلد..
ناس بره جايين دايرين يغزوا وتد
خلى بالك يا بلد ...
أكان فى بورسودان .. أكان فى المجلد
أكان فى واو .. أكان فى القولد
فتحى عينك يا بلد ..
جايين يغزوا وتد.. فى نص البلد..
أبقى عشرة على البلد..
خلى بالك من الأرض..
وبالطول وبالعرض..
.....
يا ناس الكراسى .. قاعدين فوق الكراسى ...
ما جايبين خبار البلد..
قاعدين تلعبوا لعبة الكراسى ..
منو يقعد ومنو يقوم ..
ومنو يكد الدوم ..
ومنو يمسك البلد ..
عشان ما يشم الورد ..
يا اخوانا كله ضياع فى الوقت ..
كلام فارغ .. ما ليهو حد..
قصتكم قصة ..
منو السيد ومنو العبد..
وأصل القصة ..
قصة الحاسد الذى حسد ..
والحرب ..
قالوا ..
مالا الحرب !!
فلان مات ..
ما يموت أدفنوا الكلب ..
يا ناس حرام عليكم ..
يا ناس أصحوا
عشان خاطر البلد..
عشان جون .. عشان محمد..
عشان ماريا .. عشان عاشه ..
السودان .. حق لكل فرد..
يا ناس ..
بطلوا حكم الغابة ..
حكم النمر .. حكم الأسد..
حكموا الضمير ...
ان كان ليكم ضمير..
قوموا .. فوتوا..
خلوا الحكم للغير..
حلوا الحكومة يا ناس الحكومة..
صفحة جديدة ..
ومن أول السطر..
واحد + واحد يساوا اثنين..
وبرضو يساوا واحد ..
انتخابات حرة + انتخابات حرة..
وده .. آخر كلام ..
لو فعلا دايرين سلام ..
انتخابات حرة جوه وبره ..
وانتوا كمان ..
حبابكم عشرة ..
والحشاش يرمى شبكته ..
انتوا كمان ..
يا جوه .. يا بره ..
...
كده حب البلد ..
وبكده أنقذتوا البلد..
ووقفتوا الحرب ..
وبكده تنجو البلد ..
من الحاسد الذى حسد ..
ومن ناس بره..
اللى كانوا جايين ..
دايرين يغزوا ..
وتد .. فى نص البلد..
....
وأخيرا أقوليكم سلام ..
من واحد .. بيحب البلد ..
.....
عمكم العجوز
أرنست

Post: #2
Title: Re: خلى بالك .. يابلد ..!!!
Author: القلب النابض
Date: 07-08-2005, 01:34 AM
Parent: #1

Quote: وأخيرا أقوليكم سلام ..
من واحد .. بيحب البلد

وعليكم السلام لزول بيحب البلد

Post: #3
Title: Re: خلى بالك .. يابلد ..!!!
Author: Sudany Agouz
Date: 07-08-2005, 02:23 PM
Parent: #2

الأخت الكريمة ..

القلب النابض ..

شكرا على المرور السريع ..

مرحبا بك فى هذه الساحة العامرة ..

ألف سلام ..

من عمك العجوز

أرنست

Post: #4
Title: Re: خلى بالك .. يابلد ..!!!
Author: لؤى
Date: 08-08-2005, 00:37 AM
Parent: #1


الأستاذ المحترم أرنست
تحيّة طيّبة

لك التحيّة على هذه الرسالة الواعية ، ومعاً نخلّي بالنا نحن من البلد ..



تقديري



ـــــ
انا في البعيد مشتاق لهمسة من الوطن يانسمة
[email protected]


Post: #5
Title: Re: خلى بالك .. يابلد ..!!!
Author: A.Razek Althalib
Date: 08-08-2005, 00:48 AM
Parent: #4

سامي..

شِد الضُراع..

من أجل وطن..

نفخر بالإنتماء إليه...

Post: #6
Title: Re: خلى بالك .. يابلد ..!!!
Author: سامى عبد الوهاب مكى
Date: 08-08-2005, 00:52 AM
Parent: #1

قول بسم الله يابو رزقه

Post: #7
Title: Re: خلى بالك .. يابلد ..!!!
Author: Sudany Agouz
Date: 08-08-2005, 05:31 AM
Parent: #6

الأستاذ لؤى

شكرا على مداخلتكم ..

أتابع ماتكتبونه .. وتعجبنى آراءكم ..

والى ألأمام ..

عمكم وأخوكم ..

العجوز

أرنست

Post: #8
Title: Re: خلى بالك .. يابلد ..!!!
Author: Sudany Agouz
Date: 09-08-2005, 11:05 PM
Parent: #7

الاستاذ عبد الرازق الطيب ..

تحياتى الحارة ..

شكرا على مروركم السريع ..

ولو انها كلمات بسيطة الا انها تعنى الكثير ..

ولك منى أسمى ود ..

أخوك ..
أرنست

Post: #9
Title: Re: خلى بالك .. يابلد ..!!!
Author: انا بنت النيل
Date: 09-08-2005, 11:17 PM
Parent: #8

اخي ارنست..وما اجمل ان تسود ثقافة الحب بين ابناء الوطن الواحد ..حب الوطن وترابه او قل كتاحته حتي ..فالحب احساس ينبع من الداخل فلنرسخ حب الوطن في قلوب صغارنا ولا نصغره ولا نمتهنه بكيل السباب امامهم بسبب حكام او حكومات زائلة..و..
حلات بلدي
السمح نيلا
وحلات الطيبة والطيبين

Post: #10
Title: Re: خلى بالك .. يابلد ..!!!
Author: Sudany Agouz
Date: 02-09-2005, 09:01 PM
Parent: #9

العزيزة بنت النيل ..

اننى لآسف حقا .. ثم أكرر أسفى مرة أخرى ..

لم أر هذاه المداخلة الا الآن .. والآن فقط ..

أرجو المعذرة ..

ولك شكرى وتقديرى ..

حقيقة ياأختى العزيزة .. لو كان كل انسان يحب أخاه الانسان
لانعدمت الكراهية .. ولامتلأت القلوب بالحب والسلام ..
وما أجمل الحب .. وما أحلى السلام ..

ولك منى أحلى وأجمل سلام ..

عمك العجوز ..
أرنست