اسمحوا لى يا سادة .. أنا حا أدلى هنا

الى اخوتى المسئولين عن البورد..
ألى اخوتى الذين عاشرتهم عبر الألكترونيات..

لكم منى أرق تحية .. بأحضان وداع سودانية ..
..
صحيح

كانت فترة وجيزة عشتها بينكم .. وكأننى سافرت الى سودانى لمدة أسبوعين .. ثم رجعت الى هم العمل ..,آلام الحياة الروتينية القاتلة..

ولكن أظنها أسلم طريقة لحقن دماء قد تنزف من قلوب محبة .. ولا يعلم ولا يحس بها الا الله سبحانه وتعالى..

وكما ثقول بلغة سوداننا القديم
..

ودعتكم الله..

عمكم وأخوكم المحب دائما..

أرنست أرجانوس جبران

Ajouz Soudany

Please don't go. Stay, so we can create that Sudan we have been dreaming about. WE NEED YOUR PRECIOUS GUIDANCE.

Please Stay.

Tarik

الاخ والعجوز والعم
نحب ان يبقى
امثلك لنستلهم منهم الصبر

ونتجرع خبراتهم
فهل انت مجيب

العم عجوز
ستبقى هنا بيننا..ستبقى رمزا لسودان حبيب..متعدد الثقافات والأديان والأعراق نجسده هنا فى هذا البورد...وستبقى بيننا نستزيد من علمك علما ومن خبراتك خبرات..ستبقى هنا كبيرنا الذى علمناقراءة الوطن صحيحا ولم يعلمنا السحر
ستبقى
فلا ترحل

تحياتى
ود عزة

عمنا العجوز
يا ضلنا المرسوم علي رمل المسافه وشاكي من طول الطريق
انت مننا وفينا يا عجوز
وما عندك مكان غير هنا
ماشي وين؟

ليه كده يا عجوزنا
نحن ما صدقنا اننا حصلنا زول متلك كده ليه الحاصل شنو يا غالى انا جيت
متل الاطرش فى الزفه قول لينا الحاصل شنو كده وانشاء الله ما يحصل الا خير

uncle
please don`t leave
if u believe u r right and yr religion is true do`t leave now
the truth will came out
u remmber last time we tolk on the phone?
1- u promise mi u r n`t gana leave be4 the truth came out
2-u promise u r n`t doing that 4 yr self but 4 yr religion
i wish u can keep yr promise 2 mi
I WILL FIGHT WITH U ABOUT THE TRUTH
and iam sure alat of ppl will be with u
respect always yrs
player

عمو العجوز


والله دى اسؤ خبر فى هذا اليوم

لكن سوف تبقى فى داخلنا تضى كنار المجوس لا تنطفئ

غدى

عــمـــو الــعــجــو ز

صحيح أ نا لى يومين معاكم فى هذا البورد لكن والله العظيم حبيتك لله فى الله
و أنت محبوب من كل هولاء الناس ( هذا ما تأ كد لى ) أرجوك ابقى معنا


من أ جل هذا الوطن

مع تقديرى

الكابلى

العزيز الغالي عمو السوداني العجوز

لك كل الاحترام والود

تدلي وين يا عمنا حنا خلا وبعدين في اسود ونمور وضواري كتيرة خلينا نمشي قدام
وبعدين دخول الحمام ما زي خروجو
عهدناك خلال هذه الفترة القصيرة حليما وصدرك يسع لكل أهل السودان الطيبين ونطمح بالمزيد

اولا من حقك ان تزعل ومن حقنا نرضيك وللاسف ما ارضيناك لحد الان لاني ما شوفته لي اعتذار وعليه ومن على هذا المنبر نرجو من الاخ جاد الاعتذار لعمو السوداني العجوز
ثانيا الاخوة والاخوات الاعزاء رجائي الابتعاد عن المواضيع التي تمس عقائد المجتمع السوداني وكما قال عمو السوداني العجوز ( الدين لله والوطن للجميع) لذلك نرجو ان لا يتكرر مثل هذه البوستات
واخيرا نقول لعمنا العجوز لو تعزنا وتعز السودان ان تبقى بيننا

ولكم الشكر
ومنتظرين الاعتذار من الاخ جاد وعشمنا فيهو كبير

العزيز سوداني عجوز.....
لا تعاقبنا وتقسو علينا بجريرة لم نرتكبها وصاحبها اجرم في حقنا قبل ان يجرم في حقك ..فحقيقي البورد ده علمنا ادب الاعتذار والنقد الذاتي وعدم المكابرة علي الخطأ .....وتدري اكبر سعادتي كانت عندما علمت بمسيحيتك..واكبر سعادتي عندما احس بان هذا البورد هو السودان بكل اشكاله المتعددة من ديانات واعراق وثقافات عظيمة لاتعلو احداها علي الاخري ..ومن حقنا ان نامرك وان تطيع (عفوا يا والدنا العظيم) لانك حق من حقوق كل البورديين ..ولا تتخيل ان المشاركين في البورد هم رواد هذا البورد فهنالك الوف في الظل جوعي ليلتهمو ما تجود به اناملك الغالية...
وحـــــــــــــــــــــــــــرم ما تسيب البورد ده .....


الفــــــــــــــــنجري

يا قائد الأسطول تخضع لك الفرسان
ياذو الفخار والطول أرحم بنى الإنسان
مين لسماك يطول ما يطولك اللمسان
معناك شرحه يطول والله يا إنسان


ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان
يا من تحق القول قتل النفوس حرمان
وما الجندى والمكتول و طالب الغفران
يا حبيبنا كون ممهول وليكون ماكان
الفى غد مجهول والماضى أسمه الكان
نفديك شباب وكهول ونبقى ليك أركان

عزيزنا عجوز
ماذا حدث
ومهما كان هذا البورد ملك لك
ولنا
ساقول
بانك اذا ذهبت من هذا البورد
فجميعنا سنتركه
وانا ادعو الجميع
لتهديد
عجوز
بهذا
اذا ذهب فلنذهب
فهل ترضي لهذا المكان ان
يصبح بلا ضجيج
بلا جدل
بلا كل هؤلاء الشباب
بعدين يا عجوز مهما حصل
ومهما حدث
ما ذنبنا نحن
ماذنب وطن تمثل من خلال هذا البورد
يازول
علي بالطلاق
ما تمشي
فقط اوعدك
بل ارجو من الجميع
مناقشة ما حدث
وتكوين لجنة
تلتقي عبر الماسنجر
وتحدد كل المشكلة
وتضع الحل
ويصبح حكمها علي ملزم
للجميع
لا اريد ان ارشح احد
لكن اترك هذه المهمة
لود العازة
وبكري
وتعالوا نمارس احترام
الراي
في اروع صوره
يا عجوز كان
اندليت
انا زاتي بندلي

عمنا الاديب المؤدب بادبك تعلمنا ونريد ان نتعلم منك ونستفيد منك
فهل تبخل علينا بذلك ام تجود فارجو ان لاترحل وارجو ان يكون قلبك حليما كما عهدناك وارجو ان لاتخيب امل هؤلاء الفتيه ارجوك عد

عمنا العجوز

أهلنا بقولو الما عندو كبير يشوف ليهو كبير . . وإنت عندنا كبير بي مقامك
وبدون مجاملة أنا دخلت البورد دا عشان أمثالك من السودانين الأصيلين - وهذا ليس إنتقاصاً من مكانة الآخرين عندي - ومش عشاني أنا بس بطلب منك البقاء معنا بل عشان الجميع يستفيد منك ومن خبرتك

وإذا كان للبورد خاطر عندك أرجوا أن تبقي

قرات الردودوالمداخلات وما اروع السمفونيه كل اركانها متوازنه موسيقه رائعه ومشاعر اروع ياسلام بالضبط هذا هو سودانا بمختلف الاعراق والثقافات والديانات ما ارجوع حي المسالمه في امدرمان وشارع كترينه في الخرطوم والامثله كتيره في مدن زي بورتسودان وغيرها من مدننا الكثيره تمازح الي ابعد حد وهذا تراث ورثناه من اجدادنا يصعب محوه بقرار فلذا يااخي العجوز او عمي العجوز اضيف صوتي لاصوات الاخوان والاخوات بان نكون معنا متي ما شئت ومتي ما سمحت ظروف عملك وننتظر ردك علي العام ولك الشكر والتقدير مقدما علي ايجابيتك

أخى ارنست
لعلنى لا استطيع ان ازيد على كلام الاحباب اعلاه
فهل نعنى لديك شئياً؟؟؟ ارجو ان تستجيب

كما ارجو ان تراجع الماسنجر الداخلى فلك رسالة منى

ونشوفك دائما معانا ومنور لينا البورد

عمنا العجوز تحية طيبة
مالك ماشي بدري كدا نحنا ما صدقنا لقينا زول (عجوز) نستفيد منه في حياتنا المستقبلية تقوم تزوغ مننا وتهون عليك العشرة بالسرعة دي
ارجو منك ان تستمر معنا لاطول فترة فنحن نحتاجك معنا
وارجوك لا ترحل واذا كنت مصر على ذلك ارجو ان تدينا طلة كل فترة لانو انا عارف ظروف العمل بتعمل كدا في الناس
وعلى كل حال تظل دائما في قلوبنا يا عمو
ولكن منتظرين شوفتك في اقرب وقت

مع خالص الود
معتز

عمنا وأخونا الأكبر المحبوب

ممكن إستوضح فى الأول واعرف الحاصل وسبب المغادرة شنو !!؟


فتناكم بى عافية ... مارد

معذرة .. حذف بسبب التكرار

سوداني عجوز....
والله تابعت كتاباتك بشئ من الاعجاب دائما..
وكنت ولا زلت عجوزناصاحب الحكمة.فلا تترك البورد.....
تعلم اننا نحلم بوطن متعافي لنكون فيه معا.....
نصلي جمعة وأحد
نصارح الحب لعائشة ومرجريت...
يتدفق فينا نيل التسعة روافد ليشكل نيلا واحد..
ونحن أبناؤك في الوطن الجليل....
فلا تثكل امنا الوطن.

الي عجوز
لا اريد
ازيد
علي ما قاله
الاخرين
الا قول
محجوب شريف
عشه كلمينا
ميري زكرينا
نحن شعب اسطي
بلا جيبوا مونا
نبني
نبني
نبني
مسرحا ونادي
مصنعا ولا بوستة


دعنا نجعل هذا البورد
مكانا لنا جميعا


ولا ازيد

عمنا
بوردينا الكان مفرهد بيك وعاش اروع تلاقينا ... صبح حزنان ...ومامصدق ياعمنا فى يوم ترحل خلينا ....وكيف بعدك يكون البور,,,
ياخى لا يا عمو ,,,, خليك معانا واصلك فينا ومننا ومعانا,,

دقيقة دقيقة يا حكيم البورد لسه ... لو سمحت اتدلى فى نهاية الرحلة ،، انت فاكهة المنتدى وركيزته انت حكمه المنتدى وعمادة ... رجاء الانتظار ،،، لو عرفت انا بشاتتكم من وين (يعنى بعمل معاكم شاتنق) كان وقفت شماعة .. بلدا انا السودانى الوحيد فيها ،،، كدى خلينا وخلي مساءات التلاقى تتواصل /// وشكرا شكرا لاثرائاتك لو صحت الكلمة

الاستاذ أرنست
تعودت دائما ان اتبصر بمرئيات الشعوب لافيد من حضاراتها بحيث لا انكفيء علي نفسي
تعلمت من الصينيين ان مشوار الالف ميل يبتديء بخطوة
وتعلمت من الهنود ان اساس الحوار الراقي هو ... المحبة
وتعلمت من الجنوب افريقيين أن الاخلاق الرفيعة والشرف الباذخ لا يتأتي الا من معاناة كبيرة
وتعلمت من اليابانيين ان الاهداف العظيمة تتحقق بمجهود يماثلها
.. اردت ان اقول من خلال هذه المقدمة .. ان علي الطبقة المستنيرة في السودان ان تتحلي بقدر كبير من الصبر والجلد ، لأننا لا زلنا في مرحلة البدء بعكس ما يظن الكثيرون
هذه هي مرحلة الذين يحملون افكار خلاقة
انها تماثل مرحلة جان جاك روسو وفولتير في فرنسا
مرحلة دوستوفيسكس وتورجنيف وتولستوي في روسيا
مرحلة بابلو نيرودا في التشيلي
وعلينا ان نتحمل كل سخافات المرحلة
بل علينا ان نضحي من اجل اجيال قادمة
اتعرف لماذا ارنست ( ودعني اختصر اليك المسافات دون القاب وبمحبة صادقة ) ؟
لأن السودان يحتاج لتضحية جيل من اجل اجيال قادمة
الاجيال التي سبقتنا لم تضح بشيء يذكر
التضحية الاكبر هي ان تواصل في تحليك بقيم الحوار الرفيعة من دون ان تأبه لعثرات الطريق التي يضعها الآخرون
جد لهم العذر
جد لهم عذرا واحدا
هو اننا لم نعرف الحوار بعد
اذا تفهمنا آليات الحوار علي نحو جيد
ما الداعي للنضال اذن
النضال هو من اجل ترسيخ ثقافة حوارية لا تمحق الآخر
بل تحترمه
وتحبه
ابق لكي يكون جزء عزيز من سوداننا الحبيب موجود

الاسلوب جميل يا خالد وما اروع وما ارقي الحوار الراقي

المهله سمحه
و نحنا نستمهلك