Post: #1 Title: سارة بالين ... لم تكن لتعرف أن أفريقيا قارة ... وليست قطر !!! Author: HAYDER GASIM Date: 11-06-2008, 11:51 PM Parent: #0
آي والله ... هذا بالضبط هو التعليق الذي سمعته من إذاعة كندية نقلا عن أخرى أمريكية, وأنا راجع من الشغل مساء هذا اليوم.
على كل ... أمل أن تكون أفريقيا قطر ... تكون طلعت بت شاطرة جدا, وبتحب أفريقيا وتتفاءل بمستقبلها أكثر من أهلها الأفارقة.
عموما ... تلك المدعوة أفريقيا ... قارة كانت قطر ... فهي تنجب اليوم الرئيس الرابع والأربعين للولايات المتحدة الأمريكية.
Post: #2 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: Tragie Mustafa Date: 11-06-2008, 11:59 PM Parent: #1
وووووووب علينا يا حيدر ما ممكن تكون الزوله دي تحفه للدرجه دي
Quote: سارة بالين ... لم تكن لتعرف أن أفريقيا قارة ... وليست قطر !!!
عارف على كده ممكن تكون مفتكره الزوله الهزمتها زمان السوداء في مسابقة ملكات جمال السكا ممكن تكون مفتركها بت خال اوباما,فكله عند ساره بالين صابون اقصد افارقه!
غايتو الزوله دي ربنا رسلها هديه لمكين لاجل اوباما.
Post: #4 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: محمد نور أحمد Date: 11-07-2008, 00:23 AM
أنتو غايتو يا الديمقراط البتابوه تحدروا ليه في الضلمه.. لكن يا اخوانا الزولة دي ما شديدة لكن .. آمنت بالله على قول عماد عبدالله.. هسي عليكم الله سماحتها ساي ما تشفع ليها عندكم؟؟ عالم حاقدة بشكل
لكن يا اخوانا الزولة دي في النهاية أحسن حالا من الكاشف اللسه باقي تاني 75 يوم عشان يحل عن سمانا دا.. أخطاءها مهضومة لو قريتوها في إطار أنها زولة رمتها الظروف في خط العجوز مكين عشان تغطس حجره.. أنا ما عارف أختنا في الإنسانية دي بقت حاكم لألسكا كيف؟ زي ألاسكا دي هامش الهامش في أمريكا.. وعاملة بين الولايات التانية زي مدغشقر في أفريقيا كدا.. ما تعرفها تابعة لأمريكا ولا للمحيط.. سارة دي غايتو أنا شخصيا ما حسيت فيها بي أي نضج سياسي ولا بأي درجة من درجات كاريزما القادة السياسيين .. والله أنا كلما اشوفها ولا أسمعها تتكلم أحس بيها شافعة شافعة كدا ولا زي بنات اللعاب المصنوعة في هونج كونج.. ما تزعلوا شديد منها يا اخوانا .. الزولة دي كتر خيرها عرفت إنو في أفريقيا.. بعد دا قارة ولا دولة دي مرحلة تانية..
يا اخوانا ما تعصروا شديد على البت.. غطوا ليها دي بي دي...
----- سلام يا حيدر وتراجي .. ليكم وحشة يا ناس كندا..
Post: #3 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: Mohamed Omer Date: 11-07-2008, 00:11 AM Parent: #1
Post: #5 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: محمد نور أحمد Date: 11-07-2008, 00:30 AM Parent: #3
اللخبطة الفي الفيديو رغم إنها شغل كوميدي ممنتج لكن ممكن جدا يلخبطها بوش في الواقع زي الما حصل حاجة..
Post: #6 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: هاشم نوريت Date: 11-07-2008, 01:32 AM Parent: #5
سارة يا حيدر جاياكم رسمى الحصل كان تمرين ليهاالان اكتسبت خبرة وسوف تخلف اوباما فى البيض الابيض وفترة الاربعة سنوات كفيلة بان تكشف من هو اوباما وسينفض الناس من حوله
Post: #7 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: HAYDER GASIM Date: 11-07-2008, 02:40 AM Parent: #6
Quote: غايتو الزوله دي ربنا رسلها هديه لمكين لاجل اوباما.
كلامك صح فى تقديري ... يا تراجي, ولو مريتي على بوستي بتاع { مبروووك فوز أوباما رئيسا للولايات ... } فسوف تجديني وقد أسديت شكرا لكل من مستر بوش وسيولة أوضاع النقد العالمي وسارا بالين ... فرب ضارة ... نافعة.
مع تقديري
Post: #8 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: HAYDER GASIM Date: 11-07-2008, 03:09 AM Parent: #7
Quote: أنتو غايتو يا الديمقراط البتابوه تحدروا ليه في الضلمه.. لكن يا اخوانا الزولة دي ما شديدة لكن .. آمنت بالله على قول عماد عبدالله.. هسي عليكم الله سماحتها ساي ما تشفع ليها عندكم؟؟ عالم حاقدة بشكل
لكن يا اخوانا الزولة دي في النهاية أحسن حالا من الكاشف اللسه باقي تاني 75 يوم عشان يحل عن سمانا دا.. أخطاءها مهضومة لو قريتوها في إطار أنها زولة رمتها الظروف في خط العجوز مكين عشان تغطس حجره.. أنا ما عارف أختنا في الإنسانية دي بقت حاكم لألسكا كيف؟ زي ألاسكا دي هامش الهامش في أمريكا.. وعاملة بين الولايات التانية زي مدغشقر في أفريقيا كدا.. ما تعرفها تابعة لأمريكا ولا للمحيط.. سارة دي غايتو أنا شخصيا ما حسيت فيها بي أي نضج سياسي ولا بأي درجة من درجات كاريزما القادة السياسيين .. والله أنا كلما اشوفها ولا أسمعها تتكلم أحس بيها شافعة شافعة كدا ولا زي بنات اللعاب المصنوعة في هونج كونج.. ما تزعلوا شديد منها يا اخوانا .. الزولة دي كتر خيرها عرفت إنو في أفريقيا.. بعد دا قارة ولا دولة دي مرحلة تانية..
يا اخوانا ما تعصروا شديد على البت.. غطوا ليها دي بي دي...
محمد نور شخصيا ... البركة فى بالين الخلتك تخت لينا بالك.
وييين إنت يا محترم ... ويا زول يا رائع, بقيت ما زي زمان ... الحاصل شنو, العرس وكلنا معرسين { شفت تضخيم الذات ده }
آآآي ... هي حلوة, واللذيذ إنو ما متواضعة ولا منتظرة الناس عشان يؤيدو جمالا, فقد كان من مكونات سيرتها الذاتية, مشاركتها فى ملكة جمال ألسكا, وأيضا في إمكاني { كرجل } أن أقول أنها إختارت راجل قيافة, كما لم تعد غريبة عن مسامع الناس الأموال الخرافية التي صرفها الحزب الجمهوري, على سارة بالين ليزيدها جمالا.
شغلت الناس لبعض وقت ... وغطست حجر العجوز ماكين, وهذا يكفي للمجتمع الأمريكي من شاكلة { Joe the plumper }
... وكن متعافي
Post: #9 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: ثروت سوار الدهب Date: 11-07-2008, 04:15 AM Parent: #8
آخر الاخبار
الحزب الجمهوري عين محامي و ارساله لالسكا لجرد و سترداد ملابس سارا بالين الذي قامت القيادة الوطنية للحزب بشراءها لها.
بالمناسبة اتضح ان المبلغ اكبر من 150 الف دولار قيمة الملابس المشتراه كما اوردها الاعلام. هناك اتهام ظهر اليوم بانها عبر موظفيها صرفت 20 الف عن طريق الكرديت كارد.
السكاكين طلعت لسارا لتحوليهالكبش الفداء للحملة الفاشلة. كانهم اكتشفوا غباءها عشية الانتخابات. فصاروا يسربوا عنها الاخبار المضحكة كالتي اوردتها. و للخبر بقية قال المصدر ايضا انها لم تسطتع تسمية الدول المكونة لاتفاقية نافتاNAFTA في الحقيقة سارا بالين معبر عن الحزب الجمهوري في سنيه الاخيرة كحزب اصبح معادي للطليعة المثقفة و اكثر اعتمادا على البسطاء و المتعصبين و ضيقي الافق فلزم ان تكون قيادته البلهاء امثال بوش و بالين. و لذلك لا تستغرب ان ترشحت بالين في 2012 فهي تمثل روح المحافظين في مستواهم المتأخر.
تحياتي يا اب شنب
Post: #10 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: HAYDER GASIM Date: 11-07-2008, 06:29 AM Parent: #9
Quote: قال المصدر ايضا انها لم تسطتع تسمية الدول المكونة لاتفاقية نافتاNAFTA
ثروت ... كيفنك وفعلا ... أضحت بالين كبش الفداء لسقوط الحزب الجمهوري المريع, على كافة مستويات السلطة الأمريكية, من البيت الأبيض إلى السنيت إلى الكونقريس.
بس وحاتك تواصل تحليلاتك الجميلة ده, فالناس اليوم أبلغ شهية للمعرفة من قبل.
... مع مودتي
Post: #11 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: فاروق أبوحوه Date: 11-07-2008, 07:31 AM Parent: #10
حيدر.. سلامات.
ذكرتني الفنان المصري .. شبعان (أقصد شعبان) عبد الرحيم.. في نصف الحوار التلفزيوني معه.. جاءت سيرة القارة الأفريقية.. قال: هو نحن في أفريقيا؟!!!! والله أول مره أعرف.
- المشكلة الحلقة أعيدت أكثر من مره.. وبنفس ما حدث فيها.. - لذلك البنيه بتجي الإنتخابات الجايه.. وبنفس ( الكركوره ).
محبتي لك..
___________ فاروق أب حُـوَّه
Post: #13 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: noon Date: 11-07-2008, 05:00 PM Parent: #5
That video is hilarious
Post: #12 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: Salwa Seyam Date: 11-07-2008, 08:54 AM Parent: #1
Quote: السكاكين طلعت لسارا لتحوليهالكبش الفداء للحملة الفاشلة. كانهم اكتشفوا غباءها عشية الانتخابات. فصاروا يسربوا عنها الاخبار المضحكة كالتي اوردتها. و للخبر بقية قال المصدر ايضا انها لم تسطتع تسمية الدول المكونة لاتفاقية نافتاNAFTA في الحقيقة سارا بالين معبر عن الحزب الجمهوري في سنيه الاخيرة كحزب اصبح معادي للطليعة المثقفة و اكثر اعتمادا على البسطاء و المتعصبين و ضيقي الافق فلزم ان تكون قيادته البلهاء امثال بوش و بالين.
عين الحقيقة يا ثروت .. حيدر .. تحياتى وتهانى الحارة ..
Post: #14 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: طلعت الطيب Date: 11-07-2008, 05:54 PM Parent: #12
الاخ حيدر تحياتى يا رجل سارة بالين دى غايتو ينطبق عليها المثل القائل ( صاحب بالين كضاب)، بمعنى ان اهتماماتها وامكانياتها لا تؤهلها حقيقة لهذا المنصب . وهذا لا يعبر عن رأىّ فقد عبر عنه اكثر من ثلثى الشعب الامريكى فى استفتاء حينما قرر انها لا تصلح لان تكون رئيسة لامريكا اذا ما حدث شىء لجون ماكين!! اتفق مع ثروت فى ان الحزب الجمهورى اصبح معادى فى كثير من الاحيان للقيادات الذكية والمثقفة واصبح الاعتماد على النماذج البسيطة هو السائد مثل بوش وبالين .. حتى ماكين بالمناسبة لا يمكن بوصفه اكثر من انه راجل محترم وذو سجل وطنى عظيم وخبرة لا يستهان بها ولا اعتقد انه قيادى سياسى محنك (وجهة نظر) وهو قبل كل شىء لا يعبر عن الحزب الجمهورى وفق تكوينه الجديد والذى ينسجم معه بوش وبالين اكثر..ولذلك فان اختياره لبالين كان فيهو نوع من عدم التواضع حيث لسان حاله يقول (انا كفاية وخبرتى كفاية) ولا احتاج لنائب كفؤ.!! كما قلت ياحيدر فان المجتمع الامريكى فى عمومه ما زال مجتمع بارترياركى بمعنى ان الرئيس وجب ان يكون ذكر ابيض بروتستانى ، بعد داك ممكن التغاضى عن الخبرة وانتخاب زول زى كلينتون من اركنسا ، لكن انتخاب امرأة من منطقة متخلفة ونائية مثل الاسكا شىء غريب !!. لاحظ مثلا ان قوة خبرة اوباما ومستشاريه والتى تعوض المقاييس البارترياركية التقليدية للمجتمع فى كونه من منطقة شيكاغو الينوى وهى من المناطق التى تمثل عصب حياة المال والاعمال فى امريكا حيث الخبرة والاحتكاك وشبكة العلاقات لتى تساعد على ذلك . كذلك ينسجم الامر فيما لو تم ترشيح هيلارى كلينتون لان مسألة الخبرة فى نيويورك وواشنطن وشبطة العلاقات تعين على مثل ذلك الاختيار .
Post: #15 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: طارق زروق Date: 11-07-2008, 06:27 PM Parent: #14
معقولة مرشحة نائب الرئيس الامريكى ماعارفة العالم فيهو كم قارة؟؟؟؟؟؟؟؟؟؟؟؟؟ شى عجيب
Post: #16 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: Tragie Mustafa Date: 11-07-2008, 07:07 PM Parent: #15
يا طارق يا اخوي انت ما ممكن تتخيل اصلا كم الجهل العند بعض الامريكان وصدقني هذا ليس بمستبعد اطلاقا عن ساره بالين
Quote: معقولة مرشحة نائب الرئيس الامريكى ماعارفة العالم فيهو كم قارة؟؟؟؟؟؟؟؟؟؟؟؟؟ شى عجيب
يا اخي دي اكبر عقوبة لمجون مكين صدقني.
هو لو راجل عنده طايقو مفروض يختار كواندليزا رايس كزميلة له لكنه راجل تحفه خليه يحصد نتائج عباطه ورغبته في خم الجماهير بالسماحه و المظهر المخادع.
Post: #17 Title: Re: سارة بالين ... لم تكن لتعرف أن أفريقيا قارة ... وليست قطر !!! Author: ثروت سوار الدهب Date: 11-08-2008, 06:36 AM Parent: #16
نسيت أن أضيف لقائمة البلهاء الجمهوريون دان كويل نائب الرئيس الاسبق جورج بوش الاب
