Post: #1 Title: يا جميل ما بصح ... ليك تعمل كده Author: HAYDER GASIM Date: 11-14-2008, 10:50 PM
أهو ... الويك إند جا تاني, إنتو قايلنوا بنتهي؟ ... فساقية الزمن مدورة فيما مشاعرنا تتأرجح معها علوا وإنخفاضا, إمتلاءا وإفراغا { وفي رواية أخرى إستفراغا } فيلله يا شباب سمعونا الغنية ده.
ودعوني أهديها مقدما لصديقي الشمباتي الرائع ... مالك بكري ... ما عارفو لي أسع وين ... منذ أن أفترقنا عن معهد شمبات الزراعي عام 1979 ... ومن ديك وعيك. مالك بكري من أبناء بارا الأماجد, وكان به كل لوعات المحب الصادق, فوحاتكم { قدانا } بالأغنية ده ... في الداخليات, ونحن ماشين على المحاضرات, ونحن نتونس تحت شجر البان ... بل سمعتها منه ذات مرة ونحن خاشين على إمتحان ... تصدقوا.
فالتحية لهذا المالك المجيد ... وفرحي سوف يتضاعف ويتفاعل , حينما أسمع تلك الأغنية. وربما هي سانحة لتوسيع إطار الإهداء ... ليشمل كل جميل بين الناس وفي خضم المشاعر, وكل جميلة تسند كتف الأمل ببسمة أو فكرة أو ... ما شئتم.
Post: #2 Title: Re: يا جميل ما بصح ... ليك تعمل كده Author: طارق جبريل Date: 11-14-2008, 11:05 PM Parent: #1
جميل انت وليد قاسم كما هي جمبلة خياراتك بننتظر معاك محمد عثمان ينزل لينا الاغنية هنا
حيدر كيفنك ياخ
Post: #3 Title: Re: يا جميل ما بصح ... ليك تعمل كده Author: Amira Elsheikh Date: 11-14-2008, 11:10 PM Parent: #2
البدر لو شافك يذوب من الانوار الجيدة
اما الشمس لو شافتك ترجع اسيرة مقيدة
حيدر قاسم...
عجبتنى حكاية انو الويك اند دا قايلنو بنتهى
يعنى كل ويك اند عندو وجعتو ...؟؟
تحياتى ياحيدر
Post: #4 Title: Re: يا جميل ما بصح ... ليك تعمل كده Author: HAYDER GASIM Date: 11-14-2008, 11:29 PM Parent: #3
Quote: جميل انت وليد قاسم كما هي جميلة خياراتك بننتظر معاك محمد عثمان ينزل لينا الاغنية هنا حيدر كيفنك ياخ
وتجدني أنتظر مثلكم, مش في ناس رجوا الله فى الكريبة ... ترانا راجين.
ود جبريل ...
كن بخير يا عزيزا ... أشما
Post: #7 Title: Re: يا جميل ما بصح ... ليك تعمل كده Author: HAYDER GASIM Date: 11-14-2008, 11:41 PM Parent: #4
Quote: يعنى كل ويك اند عندو وجعتو ...؟؟
بلحيل ... يا أميرة, حتى ينتهي عهد الوجعات ... ونقبببل كده على المسرات.
أميرة ... خليك قريبة ... والشغلانية لسع ما بدت ... وكما قال أحد أبناء قريتي, حينما أمسك بمايك الحفلة وخاطب الناس من حوله. ... أن الحفل سوف يستمر حتى مصطفي الليل.
مع مودتي
Post: #5 Title: Re: يا جميل ما بصح ... ليك تعمل كده Author: طارق جبريل Date: 11-14-2008, 11:33 PM Parent: #1
Post: #6 Title: Re: يا جميل ما بصح ... ليك تعمل كده Author: طارق جبريل Date: 11-14-2008, 11:36 PM Parent: #1
Post: #8 Title: Re: يا جميل ما بصح ... ليك تعمل كده Author: Amira Elsheikh Date: 11-14-2008, 11:49 PM Parent: #6
Quote: بلحيل ... يا أميرة, حتى ينتهي عهد الوجعات ... ونقبببل كده على المسرات.
حيدر نحن معجونين بطين الوجعات..
ويبدو انو حاصل بينا تصالح (نحن و وجعاتنا)
الغنادا بخلق الوجع وبدى المتعة فى وقت واحد
عليكم الله مافى زول يجى ويقول على سادية...
Post: #9 Title: Re: يا جميل ما بصح ... ليك تعمل كده Author: طارق جبريل Date: 11-15-2008, 00:07 AM Parent: #1
بت الشيخ كدي قولي بسم الله
Post: #10 Title: Re: يا جميل ما بصح ... ليك تعمل كده Author: HAYDER GASIM Date: 11-15-2008, 00:58 AM Parent: #9
Quote: بت الشيخ كدي قولي بسم الله
ود الشيخ كدي قول يا لطيف
Post: #12 Title: Re: يا جميل ما بصح ... ليك تعمل كده Author: HAYDER GASIM Date: 11-15-2008, 01:01 AM Parent: #10
Quote: كدة كيف يا حيدر اصبر عليها بتشتغل معاك
صبرت وما إشتغلت ... أصلو غنا ول موت.
Post: #11 Title: Re: يا جميل ما بصح ... ليك تعمل كده Author: طارق جبريل Date: 11-15-2008, 01:00 AM Parent: #1
Quote: ود الشيخ كدي قول يا لطيف
جبناها ليك يا حبيب عربي وشايقي
Post: #13 Title: Re: يا جميل ما بصح ... ليك تعمل كده Author: طارق جبريل Date: 11-15-2008, 01:08 AM Parent: #1
يا حيدر عنك مشكلة فنية شنو هي ما عارف لانه شايفك بوستات كتيرة فيها غنا ما قادر تسمعها انا هنا نزلت ليك الاغنية مرتين الاولي بي صوت عبد العزيز المبارك والثانية نفس الاغنية بس بالطنبور
Post: #14 Title: Re: يا جميل ما بصح ... ليك تعمل كده Author: HAYDER GASIM Date: 11-15-2008, 01:17 AM Parent: #13
ود جبريل ... تسلم
الغريبة ... الأغنية التانية البي الشايقي سمعتها ... لكن بموت في عبدالعزيز المبارك, يا خسارة ...
Post: #15 Title: Re: يا جميل ما بصح ... ليك تعمل كده Author: ناهد بشير الطيب Date: 11-15-2008, 02:14 AM Parent: #14
على رصيف الوداع دائما مانترك الوطن والحبيبة حائرين يستحيلا دمعتين على وجه (الام )دمعة متحدة وهكذا كان (الهروب) شكلا مهترئا لخاصية السفر دون (فوائده) ... لك ولنا الله ...... ولصديقك كل الود ...
Quote:
الوجع
الوجع دائما مايمتطى صهوة جواده ويأخذ تأشيرة اقامته بيننا ويتململ فى دواخلنا حتى اذا انتفض هب واقفا دون ان يبالى مطالبا بتأشيرة خروج وعودة اخرى الى دواخلنا . للحاق بدعوة (العشاء الاخير) ....
خالص التحايا استاذنا الحيدر القاسم ...
Post: #16 Title: Re: يا جميل ما بصح ... ليك تعمل كده Author: HAYDER GASIM Date: 11-15-2008, 05:52 AM Parent: #15
Quote: على رصيف الوداع دائما مانترك الوطن والحبيبة حائرين يستحيلا دمعتين على وجه (الام )دمعة متحدة وهكذا كان (الهروب) شكلا مهترئا لخاصية السفر دون (فوائده) ... لك ولنا الله ...... ولصديقك كل الود ...
Quote:
الوجع
الوجع دائما مايمتطى صهوة جواده ويأخذ تأشيرة اقامته بيننا ويتململ فى دواخلنا حتى اذا انتفض هب واقفا دون ان يبالى مطالبا بتأشيرة خروج وعودة اخرى الى دواخلنا . للحاق بدعوة (العشاء الاخير) ....
خالص التحايا استاذنا الحيدر القاسم ...
شكرا قديرا ... ناهد ... وتسلمي نعم ... سلكت سبيل الخيول الصواهل, وهي تخفض لهاث حوافرها على الأرض, حينما تتبدى الديار ... وهي دارنا أجمعين ... من عرى الشوق للوطن إلى ذرى المحبة بين الناس.
فلنكن ... أجمعين ... بخير.
مع فارع تقديري
Post: #17 Title: Re: يا جميل ما بصح ... ليك تعمل كده Author: haroon diyab Date: 11-15-2008, 06:01 AM Parent: #16
حيدرنا سلام اذا فنحن نعشق سويا كل الجمال انتظر دائما اختياراتك فاجدها تمسني
هاك ليها صورة وصوت وماتكلم زول
Post: #18 Title: Re: يا جميل ما بصح ... ليك تعمل كده Author: HAYDER GASIM Date: 11-15-2008, 06:35 AM Parent: #17
Quote: حيدرنا سلام اذا فنحن نعشق سويا كل الجمال انتظر دائما اختياراتك فاجدها تمسني
هاك ليها صورة وصوت وماتكلم زول
شكرا دياب ... يا بركة, مع زاخر فرحي بك ... وصدقني ... ما حا أكلم زول ... شفت كييف.
بس طمعت حبة كمان, أن أسمعا من ثنائي الموردة ... بنفسهم ... مش أحلى ... ول رايك شنو؟
