بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي

بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي


09-23-2006, 08:45 PM


  » http://sudaneseonline.com/cgi-bin/sdb/2bb.cgi?seq=msg&board=227&msg=1199234881&rn=0


Post: #1
Title: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: HAYDER GASIM
Date: 09-23-2006, 08:45 PM

غايتو بس نقول ... الله إعظم الأجر ... لكن التعب حاصل,

ويبدو أن العمر يتقافز بسرعة إلى محطته النهائية ,

والمروة تقل ... مع أن إيماني يتزايد ...

وقشعريرته تنتابني بوتائر أعلى ...

لكن أهو ... ده الحاصل ... أكتب ليكم وأنا أتشهق

والعيون يثقلها النعاس ... وكان المفروض آوي إلى سريري

لكن ( يخجلني ) أن أكون أول النائمين ... فقلت أتونس معاكم

شوية ... إمكن ألقى الزي فيكم.

طبعا حا تتطلعوني ( إتدلعت ) وحا تذكروني كيف رمضان في السودان

وحا تعرجوا على فقراء شعبي ومشرديهم , وحا تقارنوا لي بين

جونا فى شمال أمريكا وبين بلاد تحتل فيها الشمس أقصر مسافة من اليافوخ,

وحا تقارنوا لي بين أكلنا وأكلهم ... وليكم الحق ... لكن لتعلموا أنني

أسوأ منهم لإصابتي المزمنة بمرض حبي لبلادي وأهليها ( home sick ) ... وهذا

مايطيح بكل المقارنات آنفة الذكر ... عشان كده حقوا نركز على تجربتكم مع

هذا اليوم الأغر ... فى تداعيه بين غذاء الروح ومعاناة الجسد .

Post: #2
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: Sabah Hussein
Date: 09-23-2006, 08:56 PM
Parent: #1

واللـه اجـمل من العـصيده وملاح الويكه مافـى واجـمل بلـدنا مافـى.فـى بلدنا كل حاجـه ليها طعـم خـاص. حـتى الحـزن ليه طعـم. هـنا كل حاجـه لارائـحـه لها ولا طعـم.اللـه لا كسـب الكيزان لا دنيا ولأ آخـره.

Post: #3
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: Yassir Tayfour
Date: 09-23-2006, 08:59 PM
Parent: #1

والله يا حيدر انا التقول داقنى بى (باسطونة)

الله يقدرنا عليهو رمضان ده



تحياتى للاسرة
وتصموا وتفطروا على خير

Post: #4
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: bashir adam abdalla
Date: 09-23-2006, 09:14 PM
Parent: #1

حيدر ازيك ورمضان كريم
والله انا يا حيدر يا اخوي ما باقي لي الا

اخت عفريته تحت عيوني عشان افتحهم

يديك العافيه

Post: #5
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: الصادق اسماعيل
Date: 09-23-2006, 09:20 PM
Parent: #4

حيدر
أها أخوك هنا في كاليفورنيا لسة ما فطر، يعنى كلامك دا تقولوا لواحد فطر ها ها ها،
غايتو كان ما كتبنا ليك بعد الفطور يبقي الحال من بعضو.
الصادق

Post: #6
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: HAYDER GASIM
Date: 09-23-2006, 10:06 PM
Parent: #5

صباح حسين ... سلمات ... أخدر ضراعك ... كلامك صاااااح ... كل شئ

فى سودانا ذو نكهة وطعم مختلف ... لا من مسخت علينا كل الطعوم الآخرة

وأينما حللنا ... ربنا يعدل خطانا على أرضنا الطيبة ... ببركة رمضان,

بس كمان لا بد وأن ينفك الساجور ... وده دايرة ليها جكة .

Post: #7
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: HAYDER GASIM
Date: 09-23-2006, 10:06 PM
Parent: #5

صباح حسين ... سلمات ... أخدر ضراعك ... كلامك صاااااح ... كل شئ

فى سودانا ذو نكهة وطعم مختلف ... لا من مسخت علينا كل الطعوم الآخرة

وأينما حللنا ... ربنا يعدل خطانا على أرضنا الطيبة ... ببركة رمضان,

بس كمان لا بد وأن ينفك الساجور ... وده دايرة ليها جكة .

Post: #8
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: HAYDER GASIM
Date: 09-23-2006, 10:23 PM
Parent: #7

أخونا ياسر طيفور ... منور يا راجل

قلت لي التقول داقنك بي بسطونة ... إذن ما براي ... مع فارق السن .

فلتصح الأبدان ... ولتزدهي الأرواح .

مع تحياتي

Post: #9
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: HAYDER GASIM
Date: 09-23-2006, 10:26 PM
Parent: #8

أخونا بشير آدم

بس إن شاء تكون العفريتة بصحة جيدة ... حتى لا يحدث الإنهيار .


عظم الله أجركم .

Post: #10
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: HAYDER GASIM
Date: 09-23-2006, 10:36 PM
Parent: #9

الأخ إسماعيل الصادق ... تطيب يا حبيب

أفتكر بتكون فطرت ... وربماألمت بك ذات الأوصاف ... كده نخليك تمرق من الدوخة ده

... ونتكلم ...

أخيرا ... أحد أفراد أسرتي لزم سريره وإستغرق فى النوم ... وهذا ما كنت أنتظره ,

معليش الأخوة والأخوات الجايين حا إلقوني فى سابع حلمة ... لكن إتونسوا ... وتناولوا

ما يطيب لم من الآبري والبليلة والعصيدة ... ولما لم تتزل مائدة الإفطار مفروشة ...


البيت بيتكم ... أخدوا راحتكم ... وما أحلى ليالي رمضان ... فأعتمروها تخف الأثقال

ويستجم الخاطر ... تمسوا على خير ... ورمضان كريم .

Post: #11
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: Tragie Mustafa
Date: 09-23-2006, 11:58 PM
Parent: #10

حيدر يا جرسه

ولو كان اليوم ما عطله كان عملته شنو؟؟؟؟

طبعا القهوه الكنديه عامله عمايل الله يجازيهم ادمنا عليها.

لك الود واختك صاحيه ومصحصه والحمد لله كان يوم حلو وموفق.

بكره بتصحصح وبتكون احسن

ولك الود انت وكل الصايمين جدجد.

تراجي.

Post: #12
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: ABDELMAGID ABDELMAGID
Date: 09-24-2006, 00:12 AM
Parent: #10

Quote: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي


وأكتر منك كمان !!!
الأخ حيدر قاسم ...
كل سنه و انت طيب و رمضان كريم ...
مشكلتى أنا كمان اليوم ( يوم الغره !!! ) الواحد صحى من النوم و طول اليوم شاعر نفسى انو ( حأشاكل !!! ) ضلى !!! نارى مولعه من الصباح ... يعنى شكله جاهزه ... و بعد الفطور الكان الساعه 7:16 est لواحد شعر كأنو هنالك شوالات قطن ( كبس !!! ) مربطه على كرعينو !!! و الواحد ما قدر الا ( اصحصح هسع !!! ) يعنى بعد الساعه اطناشر صباحاest و ما عارفين كمان ننوم الساعه كم ... غايتو الحمد لله الدنيا WEEK - END
تحيتى و احترامى
عبدالماجد

Post: #13
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: Ishraga Haimoura
Date: 09-24-2006, 01:32 AM
Parent: #1

الصديق حيدر قاسم
وكل المتجرسين...

الجرسة شنو يا اخوانا؟؟؟ هو رمضان وينو؟؟؟ ما كمل خلاص

إنكسر جناح وفضلن 28 صباح

Post: #15
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: شهاب الفاتح عثمان
Date: 09-24-2006, 02:11 AM
Parent: #13

حاسس بوضعك تماما وان كنت انا لسه صائم هذا يومنا الاول بماليزيا
والفطور بعد خمس ساعات، يوم اجازة والصيام سلس حتى الان!.

Post: #14
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: Ahmed Mohammed Osman
Date: 09-24-2006, 01:56 AM
Parent: #1

حيدر قاسم
اول يوم دا بكون دايما مشكلة خاصة لي ناس الكيف: سجاير، تمباك، قهوة... الخ
اليوم هنا في السودان ما كان وييك اند ، كان سبت عدييل واظنك متذكر السبت وثقالتو
لكن المهم عدي، مكتب ورجعة زي3.30 نومة خفيفة كدا والفرن جاك زول واذن الاذان كالعادة بلحتين وموية ثم الصلاة والصينية نقير خفيف كدا واستعداد للرحلة الفضائية.. ركوب المركبة الفضائية (السرير) اشعال المحركات (الولاعة) انطلاق (السجارة) .. كانت رحلة فضائية جميلة وصلت فيها الي المريخ وزحل وعطارد وكم نجمة كدا لغاية ما الله سهل ونزلت تاني

Post: #16
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: انعام حيمورة
Date: 09-24-2006, 02:46 AM
Parent: #1

حيدر قاسم كيفنك

والله امبارح دا كان يوم (صداع غريب) ويادوب ما عملت الفطور مع المساعدة طبعا من ناس البيت

ولميت العدة وسويت القهوة والشاي الاحمر والبي لبن ويادوب ما قلت كدى الناخد لي رقدة

.. يالله ..

ضربوا جيرنا بالحيطة طوالي قالوا حبوبتهم ماتت ... مشيت البكى بحالتي ديك وانتظرنا لحدي

عنقريب الجنازة ما جاء وجيت راجعة الساعة 12 ص وعلى فطوري داك موية ما شربتها رقدت نمت صحيث

الصباح ..

برضو صايمة ..

Post: #18
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: Faisal Al Zubeir
Date: 09-24-2006, 03:05 AM
Parent: #16

الزميلة : انعام :
احسن الله العزاء في جارتكم
تقبل الله صيامكم
التاثير لليوم الاول موجود:
Quote: (صداع غريب)

نفس الشعور

Post: #17
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: النصرى أمين
Date: 09-24-2006, 03:03 AM
Parent: #1

انا ما دايخ .....

انا قلت الروب

Post: #20
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: ود الباوقة
Date: 09-24-2006, 09:40 AM
Parent: #17

Quote: انا قلت الروب


اخي النصري عليك بالزبادي فانه يقطع العطش ..

خلاص قربت ..

ود الباوقة

Post: #19
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: عبد المنعم سليمان
Date: 09-24-2006, 09:31 AM
Parent: #1

اخي حيدر الاخوات والاخوه ..

رمضان مبرووك وكريـم ..


هنا في السودان طعم الاشياء جميل ولذيذ وشهي . طعم الخبز والعصيده والويكه واللحم والنعيميه وسلطه الروب , طعم البرتقال والقريب والليمون , طعم الكركديه والابريه وغيره الخ .. ولكن ما يعكر كل هذا الطعام اللذيذ والشهي هو شي واحد ومهم ..

منظر اللذين لا يستطيعون اكل الخبز حافيا وما اكثرهم وحاله اللذين لا يستطيعون شراب الماء فقط الماء باردا لانهم لا يملكونه ..

وما اتعس ان تاكل ولا تشعر بغيرك .. وانا لا استطيع
..

ولك امنياتي ..

منعم .

Post: #21
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: HAYDER GASIM
Date: 09-24-2006, 01:00 PM
Parent: #19

وإتخيلوا علي دوختي ده ... كان علي غسيل العدة ... عدة رمضاااااان !!

أنقروا ما ...

Post: #22
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: wesamm
Date: 09-24-2006, 01:25 PM
Parent: #21

Quote: اخي النصري عليك بالزبادي فانه يقطع العطش ..


ود الباوقة
انت قاطع العطش مالك........ يامجاهد وين جهاد النفس.......ولا دي متاجرة بالدين وبس.......قال ذبادي قال......... والفقرا المالاقين مويه زرقا ياماري انطوانيت يعملو شنو ياكلوا ايسكريم الشعلة

Post: #23
Title: Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
Author: HAYDER GASIM
Date: 09-24-2006, 08:56 PM
Parent: #22

أحبائي :

تراجي ... قلت جرسة ... وشايفا شالت ... الله إعظم الأجر

عبد الماجد ... أهو يوم وعد ... وسال من الشحم ما سال ... أليست هذه عشرة الشحم

إشراقة حيمورة ... إنكسر جناح ... المفروض أكون باقي واحد ...هاهاها هاهاها .

شهاب الفاتح ... باين عليك ( الثبات ) ... ما العافية درجات ... ربنا إقوي الجميع .

أحمد محمد عثمان ... مداخلتك فى الصميم ... لكن الظاهر إنو الحلومر هو الحل .

إنعام حيمورة ... وقفت فى الإتجاه المعاكس لتيار ( الجرسة ) ... وأديتنا درس فى الصممود .

فيصل الزبير ... طاب يومك ... ونشارك من خلال رأيك الأخت إنعام وهي تخوض غمار التعب ( الجد جد )

النصري أمين ... قلت الروب ... قالوا ليك أشربو... بس أوعى تبوزو .

ود الباوقة ... من زمان كايس لي زول من الباوقة ... صحي عندكم تفاح ... ولذيذ كمان ... ؟

وسام ... ( الغباشة ) تحل محل الزبادي ... ما أعان الله من عباده المعوزين .

عبد المنعم سليمان ... نكهة رمضان ( فى الداخل ) تحملها إلينا كلماتكم ... فنفطر عليها .


شكرا لكم جميعا ... وفى حضن معزتي أنتم ... ويا لها من أمسيات رمضانية حافلة ثرية وديعة ,

فقد إستحضرتم لي كل تجليات رمضان الإجتماعية والتي إفتقدناها فى المهجر ... ماينقصني إلا

التراويح ... وعشرة ويست ( وليتها سيك ) ... وطبل المسحراتي .

عندكم مانع ( نجر ) البوست ده حتى نهاية رمضان ... فأنتم الذين تقررون .

مع تحياتي