الالمان يكتشفون سبب ضغط الدم

الالمان يكتشفون سبب ضغط الدم
برلين.من محمد مازن
فى اكتشاف علمى مثير,اعلن العلماء فى مستشفى شارينييه الجامعى فى برلين انهم اكتشفوا ان الخلايا الداخلية للاوعية الدمويه تنتج هرمونا يطلق عليه"يو.بى.فور.ايه" عندما يبث فى الدم بكثرة يتسبب فى انقباض الخلايا العضلية بجدران الاوعية الدموية, مما يؤدى الى ارتفاع ضغط الدم.ويجرى العلماء الالمان ابحاثا للتوصل الى انتاج هرمون مضاد لعلاج ارتفاع ضغط الدم,وليس فقط الاكتفاء بعلاج اعراضه,كما هو الحال فى الادوية المتاحة حاليا.

جريدة الاهرام العدد43152
الصادر فى 28 يناير2005

والدعوة لكل اطباء السودان .بتوطين علاج لهذا المدعو سارق الاعمار او القاتل الصامت اوالقاتل الناعم حتى يتسنى لمرضاه ان يغنوا(الدكاتره كشفوا القلب لقوا قلبى منتظم ضرب)

مطر العزيز ,

الشوق مطر ,

وانا بضيف لأغنية خبرك المفرح دا :
وارحل بى جسمك وقلبك معانا !

أيه رايك ؟

واضيف : نحنا دكاترتنا الحكومة شاغلاهم عن متابعة الأصدارات الطبية , ومغيباهم عن المؤتمرات الدوليه التى تناقش فيها الأبحاث الطبية المتطورة الحديثة !

وداسة منهم الدواء , وتقسموا على محاسيبها و يستوردوا البجيب الربح حتى لو غير مطلوب , أو ضار بالصحة وأهله خرفوهو ومنعوا استعماله !

وكاسرة شوكتهم بالأعتقالات والتعذيب والتقتيل ووقف المرتبات , وبقت توزع ليهم مواد الأعاشة فى المناطق المهمشة النائية البيموتوا الناس فيها لنقص كل شىء عدا الهواء !
وتحرم بعض الأطباء من الأغذية وحتى السكر ! وتغتال من يطالب بوجبة غذاء منهم !

عشان كدا البشائر بقت ترد لنا من دول لا يفوق أطباؤهاا اطباءنا نباهة , وتنقص اطباءنا المعدات وحرية الحركة والتحصيل بسبب الغول القابع فى الخرطوم !

وعشان كدا برضو لازم نقلع شوكة الحوت دى من حلوقنا عشان تقوم لينا قايمة تانى !

وضغط الدم صار ضمن امراض الطفولة فى السودان !

وشلل الأطفال بقى منتشر زى الزكام !

والحصبة والسعال الديكى بقوا ونسة بالنسبة للعكومة !

وأتمنى ان يتمكن اهلونا من جنى ثمرة الأكتشاف الجديد فى جو ديمقراطى ومسيرة فرح هادرة تعم الوطن المنكوب .

وتشكر على البشرى دى .

ست البنات ز

الاخت ست البنات
مادفعني لنقل هذه البشاره.مجموعة من الاصدقاء اعضاء في المنبر وقراء مصابون
بالضغط.الحار فى علاجه حكماء واطباء,وعموما هناك فضاءا للتفاؤل بغد افضل
للجميع.بدات مراكز البحوث فى العالم بذل كل الجهود لتخليص الناس من الامراض المستعصية على العلاج وترويضها والاقل اننا في جاه ملوك العلم نلوك.وتحية الصحة والعافية.

العزيز مطر
كلام كويس جدا
اول ما تستلم اول دفعه خت منها كميه فى باب البورد دا !!!!
احذرك من الغش ووضع النسخه المصريه!!
دايرين النسخه الالمانيه ذات نفسها
ياخ انا داير تلفونك لو امكن
ارقد بقلب طروب

سبب ضغط الدم هو المدعو تروس

اخي معروف
اتفق معك تماما فيما ذهبت اليه من اسباب واضيف .في لحظات ما يتحدث الانسان باللغة العربية الفصحي في غير نشرة الاخبار وباتقان يحسد عليه وهو في سهوب تام,مغمض العينين وفاتحهما في تقارب وحول فهذه من عجائب الدنيا ولله فى خلقه شئون.كما في نوم الغزال
معروف فتح عينك لاسباب الضغط وسلم علي تروس.وشريف

اخي فارس
شكوت من ضغط الدم. لطبيب نابه وبعدان اعطاني الدواء نصحني بالاكثار من الرياضة والضحك
الاولي مقدور عليها والثانية. هل توافقي انها صعبة ونادره .ومتابعة الرياضة والادوية والضحك هى نوع اخر من الضغط تشكل في مجملها ضغوط تسبب مرض ضغط الدم.والقلب الكبير ينبض كثير والله اعلم.

الاخ مطر

رزازنا المويه الغرقتنا

بمناسبه ارتفاع ضغط الدم يا ريت العلاج باسرع مايكون
لانى جد مرهق من الحكايه ( حكايه ضغط الدم )

ياخى حتى لو علاج مضروب



قاسم

اخونا قاسم
هناك قول شائع وهو (نحن مالنا ومال سياسة)وفى العالم التالت والحكمة تقول البعد عن السلطان سلطان. انت تشتغل سياسة وتريد قلب سليم.اما سمعت فاروق جويدة يقول:
ضيعت عمرى اغنى الحب فى زمن
شيئان ماتا عليه الحب والامل
ضيعت عمرى ابيع الحلم فى وطن
شيئان عاشا عليه الزيف والدجل
والقلب السليم فى المناخ الجميل والقلب العليل فى السياسى النبيل.

الباشمهندس مطر
حبابك اخوى
فى البدء اشكرك على تناولك لمواضيع هامة جدا خاصة موضوع ارتفاع ضغط الدم الشريانى وماتم من اكتشافات حولة وعايز اقول ليك برضه نجن عندنااكتشافات لاسبابة
الولا هو معروف وراك سبب وان كنت فى القاهرةعارف اسباب ضغطى
منها اول حاجة البوابين وتانى حاجة الفلس
زال السبب الاول بعد انتقالى لعمارة مافيها بواب وزال التانى بعد انهمار سيل التحويلات(شى بالدولار وشى بالفرنك الفرنسى وصدق كمان بالين ) زد على ابداعات المركز السودانى للثقافة والاعلام ومشت الامور تمام واستقر الضغط لتظر مسببات اخرى
منها انه الواحد يمشى من الزهراء لى عين شمس ومايلاقى صابر عبدالهادى ولمن يلاقية يكون مارق او يواعد المهداوى ومايجى يقوم يرتفع الضغط واذا جاء المهداوى برضه يرتفع الضغط
اماثم كمان حكاية الصحف تنسى تجيبها معاك تقوم تمشى العاشر ما تلاقى صحف تمشى الثامن ما تلقاها تمشى مصر الجديدة تلقاها خلصت ويكون الليل اتلت تقوم ترجع تفتش فى البلكونة تقول امكن الاقى جريدة قديمة تلاقى الحاجة اتصرفت فيها
المهم غادرنا القاهرة لى الوق الواق هنا مافى مشكلة صحف كل الصحف العالمية موجودة لكن مافى زمن ليها وتعودنا على المختار من ( الريدردايحست)
لكن لى يومين ضغطى مرتفع مشيت لطبيبة العائلة وهى سلافية رائعة تقيس الضغط الاقية مافى امشى منها يرتفع المهم بعد فترة راق
رجعت البيت لقيت فى رسالة فى التلفون ماعرفتها من منو لان المرسلها زى كان راكب قطر ومن الاصوات عرفت انه كلها سودانية وزى فى بوادر شكلة وحاجات يتكركب ولما(اصخت) السمع توجست من ان يكون المتكلم ياسر سكر فاغمى على صحوت فى اليوم التانى لاجد نفسى فى مستشفى بلاك تاون
اكتشفت انه الضغط برتفع بالمراسلة كمان تقول لى الالمان

$$$$

العزيز ابو الحسن


حسن النور يشهد على ذلك الجراب ( الشنطه ) انا اكثر الناس التزاما

ليلا ودوما مواعيدى كانت ( زى كلمه السر بتاعت ناس الكمين والدبشق )

الاهم ان الكائن الحى بداخل الجراب اصلى ما مضروب اها شنو ليك


سلام حتى نلقاك قريبا

اخونا ابو النور
اظن سبب ضغط الدم عندك مختلف فلؤلؤك المكنون فى غشاء التامور يعزف سيمفونيات الابداع الالهى لروضة من رياض القلب مع اسماعيل باشا صبري:
ياشوق رفقا باضلع عصفت بها،،،،،،،،،،،،،،،،، فالقلب يخفق ذعرا فى حناياها
وانصح طبيبة العائلةالسلفانية الرائعة كما قلت بالانتباه لموجات التاثير والتاثر المنبعثة بتلقائية عند القفز من حضارة الى حضارة.فى مستشفى البلاك تاون.وياسر سكر يتصل بك وتبحث عن الصحف فى القاهرة هذه مجموعة هادم اللذات انت تتحرك وسطها ولسان حالك يردد مع فاروق جويدة
ما العمر يادنياى الا ساعة
ولقد يكون العمر بضع ثوان
اترى يفيد الزهر بعد رحيله
حزن الربيع ولوعة الاغصان
فالعمر كالازهار يوم عابر
هيا نسقى من رحيق فان
ابو النور كاس المودة يدور

الدكاتره كشفوا القلب لقوا قلبى زائد ضرب

اخى امين السيد
ماهو معروف ان القلب يطمئن و ينبض وسمعنا اخيرا انه يتكلم ويرقص .ولتتامل معى قول صديقك فى اخر ايامك بالسودان :
يسبح للحبيبة ما فى القلب من وجع
وما فى الارض من نزغ
ويسبح لمشيتها التراب
هل تذكرت صديقك صاحب الابيات.وابيض عارفه قلبك.

مطر الحبيب
ازيك
اطلعت على كلامك
ابتسمت ..................... قلت لقلبى
(ما قلت ليك من قبل دا ساعد عواطفك ساعدها)
ابتسم الخبيث وقال لى
(ماذا يقول الناس اذ يتمايل النخل العجوز سفاة ويعود للارض الخراب)
عدا ارد ماسلف كان رد القلب المعزب
والخوف يا غالى تسرح طوالى