سيف الجامعة طلع عميل ..

سيف الجامعة طلع عميل ..


04-01-2006, 04:30 AM


  » http://sudaneseonline.com/cgi-bin/sdb/2bb.cgi?seq=msg&board=221&msg=1183285175&rn=12


Post: #1
Title: سيف الجامعة طلع عميل ..
Author: عصام دهب
Date: 04-01-2006, 04:30 AM
Parent: #0

في مارس 1991م كان حفل تخرجنامن كلية الحقوق بجامعة الزقازيق و حينها كانت معارضة نظام الإنقاذ ـ و هو في قمة بطشه و إرهابه ـ ضرب من ضروب المخاطرة و المجازفة ، و كان الفنان الرائع سيف الجامعة من أوائل الفنانين الذين ألتزموا جانب الشعب و الوطن حين أعلن معارضته واضحة و صريحة و أذكر أنه ألهب حماسنا بغناء ثوري إبتدأه بأغنية رائعة من تأليف زميل دراستنا الأستاذ المحامي / بدر الدين محمد أحمد حمزة ـ شقيق عضو هذا البورد المغفور له بإذن الله ميرغني حمزة ـ حيث أنشد سيف ..
أحمد الحق البقوي
أحمد الناس البهاتو
من لهيج نفسو البي ضوي
من وليداتو البتاتو ..
و بلغ الحماس ذروته مع سيف و هو يشدو و جميعنا يردد خلفه ..
الله قال الناس تصلي
الله قال الناس تصوم
الله قال الناس تزكي
إلا أول
الله قال الناس تعيش
الله ما قال
البنوك أملوها عيش
الله بيكره .. الحرابة ..
الله بيحب السلام ..
الله بيحب السلام ..
و قبل أن نستفيق من نشوتنا تلك فأجأنا المبدع سيف بأغنية ثورية أخرى كتبت في شهداء رمضان 1990م و كانت على إيقاع المارش الذي جعل كل من في قاعة النادي الزراعي بالزقازيق يقف و يردد بل يهتف و يزأر مع سيف ..

صباح العيد خليتو مرار
في جوف أماتنا أشتعلت نار
بدل مبروك ..
قالوا التار .. التار .. التار
يا وطني ياما فيك أحرار
بلول و الكدرو و ناس كرار
و بي أصرار كل الثوار
سحقاً سحقاً للأشرار ..
هتفنا يومها حتى جفت حلوقنا و سال الدمع من مآقينا ..و على صعيد شخصي و من شدة إنفعالي أهديت سيف وشاح تخريجي الذي كان بالنسبة لي أعز ما أملك في ذلك اليوم ..
و تكررت مثل هذه المشاهد كثيراً ..
في محافل الطلاب و الجمعيات و المنظمات و التنظيمات ..
حيث ظل سيف ملتزماً طريقه الذي أختطه لنفسه مناصراً لقضايا شعبه مسخراً فنه الراقي لدعم النضال في وقت كان فيه أبطال الديجتال ـ كما يقول أخونا حميدة ـ يقطعون نعالهم ما بين أبواب السفارات بحثاً عن منفى راحات نضالي ..
قبل أن يعود سيف إلى الداخل كانت قد سبقة في العودة تنظيمات و قيادات .. على مضض أتوا .. و على شوق أتوا .. و على الوعود أتوا و على الإستحياء أتوا ..
و قبل أن يغني سيف غنى هولاء جميعاً .. و أخذت الحكومة منهم شبالاً و شبال ..
هو الغنا دا إلا يرقصوا و يعرضوا فيهو ؟؟
فمالكم كيف تعارضون ..
و جميعكم جزء أصيل من هذا النظام شئتم أم أبيتم .. إعترفتم أم أنكرتم ..
لماذا لم تستنكروا ما فعلته و تفعله أحزابكم و تنظيماتكم التي تسعى جاهدة لإقناع الحكومة بإستيعاب كوادرها في جهاز الأمن وفقاً للكوتة المتصدق بها عليهم ؟؟
أن يغني سيف الجامعة في حدائق مقر جهاز الأمن فذلك ليس عيباً و لا ينتقص ذلك منه شيئاً فالرجل كما كان واضح في حربه هو كذلك واضح في سلمه ..
و قبل أن تعيبوا على سيف ما فعله و هو مقتنع به عيبوا على أنفسكم ما تفعلونه نقيضاً لأفعال تنظيماتكم و أحزابكم و أنتم تعتركون في غير معترك ..

Post: #2
Title: Re: سيف الجامعة طلع عميل ..
Author: معتز تروتسكى
Date: 04-01-2006, 04:52 AM
Parent: #1

ريسنا ازيك ....
مشتاغوووووووووووون

Post: #3
Title: Re: سيف الجامعة طلع عميل ..
Author: عصام دهب
Date: 04-01-2006, 05:55 AM
Parent: #2

كوماندري الرائع / معتز
تاني حاجة :
كيف حالك و أحوالك ..
قبل كل شيئ ..
يا سيدي أستميحك العذر و أناعارف نفسي مقصر شديد .. و رغم علمي بأن هذا الحديث مكانه في الخاص إلا أنني تعمدت ذلك حتى أعترف بجريرتي و أعرب لك عن إعتذاري على رؤوس الأشهاد ..
ياخي الأشهاد دي عجبتني لكن تستاهلك ..
أول حاجة :
أخبار النضال شنو ؟؟
ما تحرك شوية يا كوماندور .. شوف لينا كم بيان كدا و كتر من الشجب و الإستنكار خلي الشباب المسخنين ديل يشوتوا ..
بالمناسبة الترتيب بتاع كلامي دا وفقاً لأهميتو و بعدين أنا ذاتي شافيهو .. كلو في شان رضاك يهون ..
تحياتي ..

Post: #4
Title: Re: سيف الجامعة طلع عميل ..
Author: معتز تروتسكى
Date: 04-01-2006, 06:06 AM
Parent: #3

طيب يالريس هاك ده
كـذبة أبريل!!! - استخدام الاشاعه فى عملية التسويق السياسي (بحث قديم)..
داير تعمل اغتيال شخصية لسيف الجامعه مش..


* بعدين بالجد تعرف موضوع سيف ده هو الذكرنى البحث ده..
كدى لمن نجيك بعدين ونشوف من امر الثورة دى..


بدل اشواق ومحنه ترسل لى مظنه!!؟؟
كلام يجرح شعورى مايريح ضميري..
من زول عنو سائل..

Post: #5
Title: Re: سيف الجامعة طلع عميل ..
Author: ناذر محمد الخليفة
Date: 04-01-2006, 06:32 AM
Parent: #1

صلاح دهب أيها الرائع


صنفرة :


Post: #7
Title: Re: سيف الجامعة طلع عميل ..
Author: عصام دهب
Date: 04-01-2006, 10:28 AM
Parent: #5

الأخ / ناذر
تحياتي
Quote: صلاح دهب أيها الرائع

تاني حاجة :
رائع إنتا براك ..
أولاً بالتبادي :
في ناس كتير بيقولوا لي صلاح دهب .. أنا قلت عادي و بتحصل كتييير .. لكن مرة قابلت واحد في محكمة جدة هنا و بكل ثقة قال لي أستاذ / فيصلإزيك .. أنا ما كضبت طوالي رديت عليهو : كويس ازيك انتا ..
فيصل .. فيصل !!

تحياتي لك مجدداً و أشكرك

Post: #6
Title: Re: سيف الجامعة طلع عميل ..
Author: معتصم الطاهر
Date: 04-01-2006, 06:39 AM
Parent: #1

لم يغتال أحد سيف

ولكن محمد حامد وضعه ( دروة ) كما قال ناذر

لتصفية حسابات .. مع خصوم ..

ليقول وسخنا ليكم زولكم .. والبقية تأتى ..

يكفى سيف مواقفه .. معارضة أو مصالحة ..

والآن على سيف أن يعرف !!

Post: #8
Title: Re: سيف الجامعة طلع عميل ..
Author: عصام دهب
Date: 04-01-2006, 10:52 AM
Parent: #6

الأخ / معتصم
تحياتي
حينما خرج سيف مناضلاً لم يستأذن من أحد ..
و حينما عاد مناضلاً لم يستأذن من أحد ..
و أن يغنى في مبنى جهاز الأمن فهو ليس بحاجة لأن يحصل على ترخيص مسبق من أحد ..
و أن يضعه جهاز الأمن دروة ..
فتلك سذاجة لا تنطلي على أحد ..
جهاز الأمن الذي يغني في حديقته سيف ..
نائب مديره العام أحد قيادات الحركة الشعبية .. أكثر الأحزاب السودانية نضالاً ..
و مع ذلك ..
سيف لم يذهب هناك ليغني ..
أنتي يا ( الأنقاذ ) الخلاص ..
أو دفاعنا الشعبي ياهو ديل ..
و لم يسجل له الأمنجية .. أمريكا روسيا قد دنا عذابها ..
دخل سيف مبنى الجهاز وغنى و هو سيف و خرج و هو سيف ..
و لم يخرج بشفرة أو تووكي ووكي ..
و
لكن الحقيقة نحنا رايح لينا نضال ..
و ما نصدق نلقى لينا مظاهرة ..
مركز صحي الضو حجوج ..

!!

Post: #9
Title: Re: سيف الجامعة طلع عميل ..
Author: adil rahman
Date: 04-01-2006, 11:55 AM
Parent: #1

الأخ عصام دهب
تحياتي
من يدري ربما لم يكن الحفل في مكاتب جهاز الأمن؟ ربما كان مدعوا لتكريم الصحفيين الأجانب كما سمعنا ولكن السؤال من وجه له الدعوة؟
هناك أسئلة عديدة تبحث عن إجابة وحتى ذلك الحين من الصعب أخي عصام أن نصنف سيف الجامعة بأنه عميل هناك حلقة مفقودة ، وهناك كلمة ننتظرها من سيف الجامعة شخصياًأعتقد أنه لو حصلنا إجابة منه سيكون ذلك أجدى وأنفع وحتي ذلك الحين لابد أن نحسن الظن بسيف الجامعة لمواقفه الوطنية التي سردتها في مطلع بوستك
مع تحياتي مجدداً
عادل عبدالرحمن إبراهيم

Post: #10
Title: Re: سيف الجامعة طلع عميل ..
Author: عصام دهب
Date: 04-01-2006, 01:14 PM
Parent: #9

أخي الفاضل / عادل
تحياتي

Quote: من الصعب أخي عصام أن نصنف سيف الجامعة بأنه عميل هناك حلقة مفقودة ، وهناك كلمة ننتظرها من سيف الجامعة شخصياًأعتقد أنه لو حصلنا إجابة منه سيكون ذلك أجدى وأنفع وحتي ذلك الحين لابد أن نحسن الظن بسيف الجامعة لمواقفه الوطنية التي سردتها في مطلع بوستك

و لعلك يا أخي ركزت على عنوان البوست أكثر و هو ما يتنافي مع قصدي و مضمونه تماماً ..

أشكرك

Post: #11
Title: Re: سيف الجامعة طلع عميل ..
Author: فيصل عباس
Date: 04-01-2006, 01:31 PM
Parent: #1

عصام دهب
ازيك لو (ممكن)



شكرا لمن قال هذا:
(ما فرقت ياناس
سامي
ناس احمد اليبقو العسكر
وناس سامي اليبقو
حرامي
ابدا ما فينا حرامي
بس قاصدين اللعب السامي)



وما فرقت
بس لو عندك صوت نضالي
وترميهو لينا هنا

يالله

Post: #15
Title: Re: سيف الجامعة طلع عميل ..
Author: عصام دهب
Date: 04-02-2006, 03:12 AM
Parent: #11

فيصل عباس ..
تقبل تحياتي ما أستطعت ..

أشكرك و من قال ..
(ما فرقت ياناس
سامي
ناس احمد اليبقو العسكر
وناس سامي اليبقو
حرامي
ابدا ما فينا حرامي
بس قاصدين اللعب السامي)

يغني المغني و كل يغني على ليلاه ..

Quote: لو عندك صوت نضالي
وترميهو لينا هنا

بس يا فيصل دا كارت عمرو ما يترمي ..

صاااح !!


شكراً

Post: #12
Title: Re: سيف الجامعة طلع عميل ..
Author: حميد حامد
Date: 04-01-2006, 02:20 PM
Parent: #1

Quote: صباح العيد خليتو مرار
في جوف أماتنا أشتعلت نار
بدل مبروك ..
قالوا التار .. التار .. التار
يا وطني ياما فيك أحرار
بلول و الكدرو و ناس كرار
و بي أصرار كل الثوار
سحقاً سحقاً للأشرار ..


بصراحة ما كان له أن يغني في ذلك المكان

Post: #16
Title: Re: سيف الجامعة طلع عميل ..
Author: عصام دهب
Date: 04-02-2006, 03:19 AM

الأخ / حميد حامد
تحياتي ..
Quote: بصراحة ما كان له أن يغني في ذلك المكان

وماذا عن الزمان ؟؟
شكراً لك ..

Post: #13
Title: Re: سيف الجامعة طلع عميل ..
Author: adil rahman
Date: 04-01-2006, 02:49 PM
Parent: #1

الأخ عصام

تحياتي
أنا لم أركز على عنوان البوست فحسب ولكني أكدت تساؤلاتك وزدت عليها؟ هل ترى بأنه ليس من حقي التساؤل؟؟

مع تحياتي
عادل عبدالرحمن إبراهيم

Post: #18
Title: Re: سيف الجامعة طلع عميل ..
Author: عصام دهب
Date: 04-02-2006, 01:07 PM
Parent: #13

Quote: هل ترى بأنه ليس من حقي التساؤل؟؟

أخي من حقك أن تتداخل و تطرح وجهة نظرك و تسأل .. قد نتفق و قد تختلف لكن دائماً تبقى بيننا روح الزمالة الحقة و الود المقيم ..
ما قصدت أن أقوله بإختصار أن غناء سيف الجامعة في مبنى الأمن أو حتى مبنى الكنيست لن يجعل منه عميلاً كما أراد البعض أن يوصمة بذلك ..

Post: #14
Title: Re: سيف الجامعة طلع عميل ..
Author: محمد الامين محمد
Date: 04-01-2006, 03:21 PM
Parent: #1

يعني مريم ومي طلعوا بنات منو

Post: #17
Title: Re: سيف الجامعة طلع عميل ..
Author: معتز تروتسكى
Date: 04-02-2006, 03:55 AM
Parent: #14

Quote: بصراحة ما كان له أن يغني في ذلك المكان

اى ريسنا والله ماكان يغنى بالذات فى المحل ده..
لانو ماعندو بيو علاقه نهائى ..
اقلاها لو فى مكان تانى شويه يمكن نجد العذر يعنى لو فى اتحاد الصحفين ولا قاعة الصداقه ولا اى جريده شويه بتكون مبلوعه..
بعدين سيف زول واعى يعنى كان يفطن بانو كل نقطه يديها لى ديل بتحسب عليهو عشان يقومه يعملو منها لوحة كبيره ى ما انت شايف..
لكن بروضو نقول رب ضارة نافعه من حادثة سيف دى لبقية الفنانين..

Post: #19
Title: Re: سيف الجامعة طلع عميل ..
Author: عصام دهب
Date: 04-03-2006, 05:41 AM
Parent: #14

الأخ د . محمد الأمين :
Quote: يعني مريم ومي طلعوا بنات منو

مريم و مي لا زلن بنيات الشعب حبيبي و شرياني ..

Post: #20
Title: Re: سيف الجامعة طلع عميل ..
Author: aosman
Date: 04-03-2006, 05:50 AM
Parent: #1

أذا الحركة الشعبية لتحرير السودان مش خاضت حربا طويلة مع الحكومة السودانية وراحت ضحيتها اكتر من مليونين شخص والأن هي شريكة الحكومة في السلطة, ما الذي يمنع سيف الجامعة من الغناء في مباني جهاز الأمن؟