Post: #1
Title: بورداب الدوحة تعالوا نواصل الإحتفال بالأخ عصمت الدسيس.
Author: nadus2000
Date: 08-27-2006, 03:04 AM
الأخوة والأخوات عضوية المنبر الحر "بورداب الدوحة"، نتشرف "شخصي ورقم صفر والأبنوسة" أن ندعوكم جميعا وأصدقاؤكم بمشاركتنا الإحتفاء بالأخ المناضل العريس عًصمت الدسيس، فأهلا بكم جميعا بمنزلنا العامر دائما بوجودكم.
تنويه: لاثراء الحوار والتثاقف المتبادل، نرجو من الجميع الحضور مبكراً، والما عنده Late Permitفالأبنوسة ستتولى مهمة إقناع الحكومات.
ويا ميسون شفتي كيف تلعب هذه الصدف.
|
Post: #2
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: lana mahdi
Date: 08-27-2006, 03:12 AM
Parent: #1
| Quote: والما عنده Late Permitفالأبنوسة ستتولى مهمة إقناع الحكومات. |
والله تكالك على زول قوي خلاص :أبنوسة
ألف مبروك الخبر الجميل جداً جداً جداً
محبتي
|
Post: #3
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: محمد عبدالرحمن
Date: 08-27-2006, 03:13 AM
Parent: #1
يانادوس ..
| Quote: : لاثراء الحوار والتثاقف المتبادل، |
ياخى والله شبعنا تثاقف لما وصلنا حد التخمة ..
الزول دا من نزل علينا هنا ينضم ..وماتنسى
انو الزول دا ماشى السودان عريس مامسافر لمؤتمر
عليه اقترح انو الابنوسة تجهز (صحن حنة كارب )..
ويتم تجهيز عدد واحد ساوند + اورغن + فنان صوتو سنين ..
فكونا من التثاقف دا الله يرضى عليكم ..
|
Post: #4
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: Omar Bob
Date: 08-27-2006, 04:00 AM
Parent: #3
الانيق نادوس وابنوسته الرائعه:
| Quote: ويتم تجهيز عدد واحد ساوند + اورغن + فنان صوتو سنين .. |
محمد عبد الرحمن جاب ليك المفيد المختصر
سوف احضر باكرا مثقافه كانت الجلسه
ام هجيج لان لي مارب اخري في مجمعكم
|
Post: #5
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: محمد عبدالرحمن
Date: 08-27-2006, 05:41 AM
Parent: #4
ياشباب خلاص الانقلاب الفرايحى تم ..
وموعدنا الساعة السابعة مع ريحة الحنة
والمحلبية والطرب الاصيل.. وزغرودة تشق ليل
الدوحة الرطب ..كل الترتيبات لاكمال البهجة
قد تمت والشكر موصول لابنوسة التى ساهمت
فى انجاح هذه (المؤامرة ) ..واعتقد انها الآن
فى الطريق الى السوبرماركت لشراء عدد 3 اكياس
حنة ولوازمها ...
الحليم..
|
Post: #6
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: عمران بابكر بدري
Date: 08-27-2006, 06:00 AM
Parent: #5
واتت الافراح تنادي
وتتلمس طريق القوم .. تفتش
يا ولادي ..
نعم ... انه بورادب الدوحة المتجدد
ملتقى العمالقة .. وطرب .. ساحة فرح
يريح .. النفوس من ثقل .. السفر ..
مرحب بيك نادوس .. وضيوفك
عندما تنادي ناتي.. من كل صوب
مرحبين .. ملبين
|
Post: #7
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: معتصم الطاهر
Date: 08-27-2006, 06:02 AM
Parent: #1
| Quote: والما عنده Late Permitفالأبنوسة ستتولى مهمة إقناع الحكومات |
دا الكلام المفيد
جدا
|
Post: #8
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: بدر الدين الأمير
Date: 08-27-2006, 06:18 AM
Parent: #7
ياأخوانا انا فى حاجة ماسة لتلفون ميسون
الموضوع مش حنة الموضوع انقلاب مشترك بين حق وحزب الامة
ياناس والله الشمار العندى حايشقنى عديل الحقونى بتلفون ميسون
|
Post: #9
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: Randa Hatim
Date: 08-27-2006, 06:36 AM
Parent: #8
بعد انقطاع وغياب دام اسبوعين لاسباب خارجه عن ارادتنا اعود لاقرا هذا البوست ويتاكد لى ان بورداب الدوحه دائما فى القمة
مبروك الف مبروك للعريس عصمت
شيال التقيله الشوفتو تملى العين
من قومة الجهل معروف ولد سترة
فى بيت السعاده الليله يا المبروك
حراسك ملايكة وكان مشيت يبروك
من عين الحسود ان شاء الله تستبرى
(انا تربية حبوبات)
نادوس وابنوسته الجميله لكم التحية ثم التحية ثم الشكر حتى الرضاوان شاء الله دايما داركم عامرة بالافراح
وموعدنا الليله المسا............
|
Post: #10
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: معتصم الطاهر
Date: 08-27-2006, 06:49 AM
Parent: #1
Quote: بعد انقطاع وغياب دام اسبوعين لاسباب خارجه عن ارادتنا اعود لاقرا هذا البوست ويتاكد لى ان بورداب الدوحه دائما فى القمة
مبروك الف مبروك للعريس معتصم |
دا حالتو قلنا ليك الكلام سري
تقومي تنشريه ...
طيب ما كان تخطفى رجلك وتمشى تكلمي المدام عديل وتقولي ليها
داير يدبّل!!!
دا حالتو متكلين عليك ...
وبنشتكى ليك؟
الشكية لله ..
|
Post: #11
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: Randa Hatim
Date: 08-27-2006, 07:04 AM
Parent: #10
يا معتصم ....
قاصدين بيها اعتصامو عن الانا السياسيه الضيقة وتنقل عصمت من حزب الى اخر يدل على عصمتة من الانا الصغيره.
هسى الجاب سيرتك منو ....
ولا الفى قلبو حرقص ....
|
Post: #12
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: بدر الدين الأمير
Date: 08-27-2006, 07:26 AM
Parent: #11
لانها متابعة ومعجبة ببورداب الدوحة - الزميلة العزيزة / ترحاس الاثيوبية
قبلت الدعوة لحضور حفلنا وءاحتفالنا بميسون وعصمت 0
كما ارجو مخلصا من الاصفياء الحضور فى السابعة مساء نسبة لاننا فى نصف الاسبوع
كما ان الاخ عصمت مسافر غدا صباحا0
ذبدة كلام: الصديق عمران بابكر بدرى هذه ليلة الزى الاثيوبى
|
Post: #13
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: معاوية الطيب
Date: 08-27-2006, 08:26 AM
Parent: #1
على الموعد والف مبروك
محمد عبد الرحمن
شكلك كدة زنقة ناس حق دى مخوفاك عديل
لكن بينى وبينك فكرة حلوة جدا ،،،،،،
وملعوبة ،،،،،
|
Post: #14
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: Sabri Elshareef
Date: 08-27-2006, 03:16 PM
Parent: #1
مبروك لعصمت وميسون عقبال الفرح الاكبر في السودان مابين اهل
النجومي فميسون حفيدة عبد الرحمن النجومي وعصمت سليل اسرة الشريف
العباس السادة الاشراف حفدت نبينا الكريم
في شخصهما تتوحد حاجات كتيرة فننتظر ثمرة زواجهما الميمون
فعصمت ابتدا رحلة النضال يافعا وشب في خضم اسوا نظام مر علي السودان
وكان صاحب اثر اينما توقف منذ اتحاد الشباب السوداني اشلاق البوليس
مدني والصراع بين المتكوزنين وكيزان الاورطه والقوي الديمقراطية
عصمت ورحلة الحزب الشيوعي فرع الطلبة بعد ان تاخر الانضمام عن
طريق السكن ليس لسبب سواء البروقراطية التي كانت موجودة
بفرع السكن عصمت وكلية الزراعة ابو حراز والنضال داخل جامعة
الجزيرة ناصر 1 وناصر2 بشري محمد المصطفي ثمرت فطيس وسلامة
البت الوطن صافي ناز تلك المراة الوطن والفاتح غورباتشوف
صديق الحزب وجباهه الديمقراطية وباقي الفصايل السياسية عصمت
محطة حق الف وباء وعصمت الاهلية واركان النقاش وحتي سلفيي
الاسلام السياسي ومفلسيه انصار الوهابية قد كفروه
في القول النفيس في تكفير عصمت الدسيس
عصمت الثورة داخل كيان الانصار وحزب الامة ولي وقفة لان ما يحمله
عصمت الثائر يضيق به انصار وختمية ونتمني ان تتلاقح افكاره
مع تيارات التنوير داخل حزب الامة امثال البروف صلاح عبد الرحمن
رحمه الله وخالد عويس وصلاح ابراهيم احمد ضد الطائفة المكرسة الحزب
وساجناه في نطاق الاسرة
عصمت ينعم باحباب واصدقاء كثر واعداء ايضا لكنه متل الذهب كلما
يطرق يزيد لمعانا كنت اتمني ان اشارك مبشرا في فرح اخي
الاصغر عصمت وميسون
|
Post: #15
Title: Re: بورداب الدوحة تعالوا نواصل الإحتفال بالأخ عصمت الدسيس.
Author: Sabri Elshareef
Date: 08-28-2006, 07:45 AM
Parent: #1
شكرا للقيدومة عبد الجليل وليلي صلاح
سلام لعم الدسيس وهو يستقبل عصمت عريسا
ولتكتمل بشاير الفرح العام وخاص لاهلنا بالداخل
|
|