وكر الشيطان .. (صورة)

كثير من الناس يعتقد أن الشيطان كائن يتواجد في أمكنة بعينها منها ، على سبيل المثال، الأماكن الخربة
ومقالب الأوساخ ، وبالطبع مقالب الساسة ، وفي الجبال والأماكن النائية وربما الكهوف والبيوت والآبار المهجورة،
حتى جاء في الأخبار أن العالم الألماني غيرهارد روث ، وهو اختصاصي مخ وأعصاب ، إكتشف أن بالدماغ بقعة سوداء
في وسط الجزء الأعلى منه توسوس للإنسان للقيام بأعمال نراها أفعالا شيطانية أسماها (وكر الشيطان) Devil’s Den
إن جاز التعبير،

وتجربة العالم المذكور تتمثل ببساطة في إخضاعه عددا من المجرمين العتاولة لمناظر وأفلام فيديو وحشية وعنيفة فظهر
نشاط في كل أجزاء أدمغة أولئك المجرمين عدا بقعة واحدة لم تتفاعل مع تلك البلاوي رغم أنها البقعة التي تنشط
للعاطفة والحزن وتأنيب الضمير والأسف والمشاعر الإنسانية النبيلة من عينة إنت لو داير بكايا ألف أهلا يا دموع....
وحيث أن البقعة تلك لم تتأثر بالمشاهدات الوحشية تم استنتاج أن تلك البقعة هي الوكر بتاع فلان زاتو Where Evil Lurks

http://www.alarabiya.net/articles/2013/02/08/265107.html

وفقا للخبر فقد تم تقسيم الناس إلى ثلاث مجموعات من حيث عدوانية البشر وخطورتهم
على من حولهم وكان أقلهم عدوانية أصحاب الأمراض العقلية يليهم مجموعة عرفها بأصحاب (التهور التلقائي)
وأولئك لايعرفون التسامح وعدوانيتهم تتبدى مع أول مداعبة ويمكن أن تكون ردة فعلهم عنيفة من مجرد نظرة
أو مجرد كلمة يظن أنها مسيئة، ووفقا للخبر فإن أخطر أنواع البشر هم أصحاب المجموعة الثالثة التي
(تضم طغاة وديكتاتوريين، يتحلون بألسنة فصيحة وكلام معسول لكنهم "كذابون وسيئو السمعة".
ومن ينتمي لهذه المجموعة لا يُدرك أنه أخطأ كما أنه لا يعتبر نفسه مسئول عن أي إخفاق، علاوة على أن كل
من يصنف على أنه في هذه المجموعة مصاب بجنون العظمة) شايف كيف!!

كر علينا

مسكوني وما عارفين

لكن اعتقد البقعة تتفاوت حس قرب الزول وبعده من الانقاذ
يعني ود الباوقة موسع

Quote: كر علينا مسكوني وما عارفين

في ناس الشيطان ساكن معاهم بالإيجار وآخرين ملك حر يا دكتور..
عموما وفقا للخبر يا محمد فإن غيرهارد روث (إقترح حلاً لتفادي تولي شخص من المجموعة الثالثة السلطة،
أو لتقليل أثر ذلك من خلال "تنشيط الجانب الروحي" لدى الأطفال منذ نعومة أظفارهم، والتعاون مع أولياء
أمورهم "قبل أن يصبحوا قتلة ولصوصاً ومجرمين").

تنشيط الروح مهم يا دكتور،

مهم ياخ،

يا روحي.. هاجري وفتِّشي..

هاجري هاجري كان تلقي شي ..

Quote: ووفقا للخبر فإن أخطر أنواع البشر هم أصحاب المجموعة الثالثة التي (تضم طغاة وديكتاتوريين، يتحلون بألسنة فصيحة وكلام معسول لكنهم "كذابون وسيئو السمعة". ومن ينتمي لهذه المجموعة لا يُدرك أنه أخطأ كما أنه لا يعتبر نفسه مسئول عن أي إخفاق، علاوة على أن كل من يصنف على أنه في هذه المجموعة مصاب بجنون العظمة) شايف كيف!!

تحياتى الأخ محمد المرتضى

غايتو أنا بعرف لى كميه من النوع الثاث دا ..

وبإسم الشعب السودانى .. أعلن تبرعى بدماغمهم بعد إعدامهم للبحث العلمى .. أكيد حيلقى العلماء مجموعه منهم أخطر من المجموعات الثلاثه

Quote: غايتو أنا بعرف لى كميه من النوع الثاث دا ..

عزيزي ميرغني،

بالطبع مساحة البقعة المذكورة (وكر الشيطان) في أدمغة الفئة الثالثة ، إن كان لهم أدمغة،
لها النصيب الأعظم من الخلايا الشيطانية كما أن لها القدح المعلى في سلوكياتهم وقراراتهم وتصرفاتهم..
وفي ظني أن النماذج المشار إليها من المجموعتين الثانية والثالثة تكاد تعلن عن نفسها ونراها في كل يوم
وكل ساعة في حياتنا اليومية ومعرفتهم ما دايرا ليها درس عصر.. فالذين يمارسون العنف اللفظي ويشتمون الناس
ويشهِّرون بهم دون سبب والذين يستحلون أعراض الناس ويستهوون اغتيال الشخصية Character Assassination
لأتفه الأسباب هم والقتلة سواء ، ولاشك أن من لايقبل برأيك ويستخدم العنف اللفظي بالكتابة لأنه لايملك سلطة
عليك ولا سلاحا ماديا يوجهه نحوك فلن يتوانى في استخدام المتاح من السلاح ضدك، إذا ملك تلك السلطة.
إن شاء الله مدفعية ميدان عيار 155 ملم عشان ما يلقوا حتى أجزاءك والتاريخ بعيده وقريبه يحتشد
بالكثير من نماذج الفئة الثالثة.

-




مخدع فلان

الغريبة أن المدقق في الصورة (قرب السهم) يجد - أو يتخيل - منظرا لشكل فلان زاتو وفقا لما رسم في المخ

-

العمى مصيبة..

أنا أخير ما أنضم ...على قول ود جبرين....

وأنا والأشواق في بعدك...زي الشراية في القندول....

محبتي التي تعلم اليسير فقط منها...

..

.

Quote: عزيزي ميرغني،

إنه الزهايمر يا أخا العرب،
أو سمِّه ، إن شئت ، الخرف المبكر،
بالطبع كلما أرى صورتك يا أسامة أخاطبك كما لو أن أمامي الأخ الصديق ميرغني الكرور..
أعفي لي ياخ..
الله يلعن الشيطان..

والوكر..

سلامات يامحمد،
ووين الحى بيك.

هذا بوست طريف ... الحمد لله نحنا ماعندنا مخ زاتو ... وبهذا يكون فلان صاع!

تحياتى ياصديق من الزمن الجميل.

أستاذ محمد المرتضى،

يا سلام عليك كتاباتك دائما سلسلة وممتعة في القرأة.

أكتب أكتب ياخي الله يديك العافية.

طبعاً البحث الطبي أو الإكتشاف الذي أجراه العالم الألماني غيرهارد روث
نحن السودانيين نعتبر خارج هذا النطاق.. تعرف لماذا..
لأن الزول بتاعك دا قالوا (قرف) وهاجر هو وجماعته من السودان زمان.

Quote: نحن السودانيين نعتبر خارج هذا النطاق.. تعرف لماذا.. لأن الزول بتاعك دا قالوا (قرف) وهاجر هو وجماعته من السودان زمان.

يا عزيز ، بالفعل ، حسب رواية موظف الجوازات ، إنو سأل فلان دا ماشي وين؟
وفلان قال ليهو ياخ خارجنا وما تفوِّت علينا الطياره إنت ما سمعت بالحوار الغلب شيخو ؟
.. لكن لو الأوضاع إتصلحت بجيكم أفقد الحبايب..

Quote: أنا أخير ما أنضم ...على قول ود جبرين....

هسه يا محمود جايب سيرة الزول دا ليه؟
الزول دا لايتبع أي من المجموعات الثلاث جايب سيرتو ليه؟
معليش يا طارق ، أمسحا لي في وكري..

طبعا يا محمود الوسواس ممكن يكون جن وممكن يكون شخص طبيعي وفقا لسورة الناس..والمهم في الموضوع
أنه يثبت أن الوسواس الخناس المنتمي للجن قاعد جوه المخ ، أما الوسواس الخناس المنتمي للناس
وبرضو من الفئة الثالثة (يعني وسواس وعنده وكر شيطان في آن) فهو يصدق عليه أنه عجوة معطونه في عسل
كما يقول حبينا jini ، يعني ممكن نغني لذلك الشخص بتصرف:
إنت الأبلسه بأكملا يا أخطر انواع البشر..

Quote: إكتشف أن بالدماغ بقعة سوداء في وسط الجزء الأعلى منه توسوس للإنسان للقيام بأعمال نراها أفعالا شيطانية أسماها (وكر الشيطان) Devil’s Den

هههههههها انت عارف يا مرتضى عندنا شدرة عرديب كبييييييييييييرة وعمرها زي 500 سنة وراء حلتنا البردانة الناس قالوا وقت يجوا من الخلاء وقت الدماسات ( المغربية يعني) ببروها بعييييييييييييد لانو فيها شياطين بدقوا القهوة طق تطق طق

في ناس من حلتنا قالوا شافوا تحتها خواجية لابسة ليها برمودة وماسكة سجارتها وتدخن ساااااااااااى وتتلفت يمين وشمال وترمش في عيونها المكحلات ساااااااى ولا بتضحك وما ساعلة في واحد فيهم . الجماعة لما قربوا ليها وشافوها تلبوا من جمالهم وحميرهم وخلوا العنكوليب والتبش على ظهورها وطعنوا تراب .

اوع بس يكون دا شبح العالم بتاعك دا ؟

Quote: الحمد لله نحنا ماعندنا مخ زاتو ... وبهذا يكون فلان صاع!

عزيزنا خالد،

جرى نقاش بين عدد من الأصحاب هنا حول كينونة الشيطان نفسها وما إذا كان هو طاقة سالبة
ام موجات أم ... إلخ، وعلى أية حال قوقلت المعنى ووجدت الوكر في قاموس المعاني يعني
( عُشُّ الطائر / الذي يبيض فيه ويُفرخ ، سواء أكان ذلك في جبلٍ أَم شجرٍ أم غيرهما .
والجمع : أَوْكُرٌ ، وأَوْكارٌ ، ووُكُورٌ . والوَكْرُ َ ضَرْبٌ من العَدْو كأَنَّه النَّزْو .) وبالتالي يعتبر
الوكر مكان إقامة لكن لايحول ذلك دون التواجد خارجه، فما تطمئن ، كما أن هناك شيطان
للفن والشعر والأول يمكن أن يسكن في ريشه..

أرفع تلفونك..

يا حبيب انا وكر الشيطان دة عندي قاعد محل الريدة

Quote: في ناس من حلتنا قالوا شافوا تحتها خواجية لابسة ليها برمودة وماسكة سجارتها وتدخن ساااااااااااى وتتلفت يمين وشمال وترمش في عيونها المكحلات ساااااااى ولا بتضحك وما ساعلة في واحد فيهم

يا شيقا هناك قصص وروايات في هذا الإتجاه لاحصر لها،
كثيرا ما حذَّرنا الأهل بالإبتعاد عن أشجار بعينها سيما (في المغارب)..
ولحظت أن معظم تلك الأشجار كانت من فصيلة السدريات بل كان البعض يتخيل أشكالا
معينة ويقسم بأغلظ الإيمان أنه رأى شبحا أو شيطانا تحت الشجرة وربما يكون
اللاوعي هو مصدر تلك الأخيلة .. أها ، زولك دا ربما كان فرغ لتوه من مشاهدة فيلم
لمارلين مونرو طالما إنو الموضوع جاب ليهو برمودا وسيجاره وترخي الرمش
فوق الرمش وادللي..

ناس حلتكم ما قالوا ليك اللابسه البرمودا دي عندها عضم شيطان؟

Quote: يا حبيب انا وكر الشيطان دة عندي قاعد محل الريدة

العكس صحيح يا طارق..

Quote: زولك دا ربما كان فرغ لتوه من مشاهدة فيلم لمارلين مونرو

هو كان عندو فكر قدر دا بيحفروا ليهو بير قدام بيتو وعينو للخواجات يتكشحوا بمويتها وبعد داك يدفنوها ليهو دفنة الليزر ما يجيب خبر مكانا ؟ قال مارلين مونرو