Post: #1 Title: هذه هي المغنية الجد جد يا عثمان موسى.. Author: محمد المرتضى حامد Date: 06-05-2013, 12:23 PM
وكمان رئيسة روسيا المرتقبة..
Post: #2 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-05-2013, 12:26 PM Parent: #1
شوف ناس لجنة التحكيم ومنهم ستعرف نتيجة الإنتخابات القادمة
بلا بوتين بلا بوت واحد بلا لمه
Post: #3 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-05-2013, 12:27 PM Parent: #2
المستقبل لهذه الصبية
Post: #4 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-05-2013, 12:30 PM Parent: #3
-
مفروض بيونسيه بتاعتكم تاني ما تغني الأغنيه دي بالذات-
Post: #5 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-05-2013, 12:40 PM Parent: #4
سوزان عبدالله سالم
أب عربي وأم روسيه
وأداء يتفوق على الأصل
Post: #6 Title: Re: هذه هي المغنية الجد جد يا عثمان موسى.. Author: garjah Date: 06-05-2013, 12:40 PM Parent: #4
المرتضى
غير الغنى
شفت النونة
أخخخخخخ أنا
Post: #7 Title: Re: هذه هي المغنية الجد جد يا عثمان موسى.. Author: محمد عبد الله الامين Date: 06-05-2013, 12:48 PM Parent: #6
وجععععععععععع ذي ناس أبوروف... سمع وشوف وتحياتي يامولانا ...
Post: #8 Title: Re: هذه هي المغنية الجد جد يا عثمان موسى.. Author: Osman Musa Date: 06-05-2013, 01:00 PM Parent: #7
هسعتي يا محمد يجيك زولك بتاع بحري الشعبية دأك يمرق ليك أبوها عبدالله ده من قرية الفراعسين وعندو فدانين و13 نخلة و6 ارادب فاصوليا . وبعد ما يخت السفة ويحك كوعو يقوليلك . البنية هيلنا تب .
Post: #9 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-05-2013, 01:25 PM Parent: #8
-
الأب يمني يا قرجه، حدث طلاق بين أم سوزان وأبيها في عيد ميلادها - وبعد غياب طويل - تم ترتيب لقاء بينها وأبيها بحضور أختها صابرين وأمها .. شوف الحصل وامسك عليك دميعاتك ديل..
يا سلام
-
Post: #10 Title: Re: هذه هي المغنية الجد جد يا عثمان موسى.. Author: Osman Musa Date: 06-05-2013, 01:39 PM Parent: #9
هسع أمها دي أم بطلقوها ؟ شوف ياخ اليمني المهود ده . والله والله الزولة المسكينة دي لو كانت دكان ناصية زولك ده ما كان فكاو .
Post: #11 Title: Re: هذه هي المغنية الجد جد يا عثمان موسى.. Author: وضاحة Date: 06-05-2013, 01:52 PM Parent: #10
مولانا سلامات لقيتك بتحب الكبتشينوا الاصلى
Post: #12 Title: Re: هذه هي المغنية الجد جد يا عثمان موسى.. Author: Osman Musa Date: 06-05-2013, 02:03 PM Parent: #11
كاباتشينو شنو يا وضحاحة يا بت العم ؟ ده أسمو ال Strawberry بالحرجل والمحريب .
Post: #13 Title: Re: هذه هي المغنية الجد جد يا عثمان موسى.. Author: يحي قباني Date: 06-05-2013, 03:38 PM Parent: #12
Quote: بالحرجل والمحريب
يا وضاحة ..
الحرجل و المحريب يعني حاجة زى ( الأوفلتين ) كده ...
كانو بيبيعوهو في الخرطوم زمان و البياعين راكبين جُمال ... _____________________________________ سلام مولانا ...
عثمان موسي ... حسي عمك المساح كان حضر الفيديوهات دي ... كان كتب شنو ؟
Post: #14 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-05-2013, 04:44 PM Parent: #13
Quote: وجععععععععععع ذي ناس أبوروف... سمع وشوف
أيوا يا محمد ، الجمال لا يعترف بالجغرافيا والإحداثيات، ممكن جدا تقول من علايل ابروف للمغالق ومن (كييف) للخور للمزالق وممكن جدا تقول ظبية أوكرانيا الفي الخمايل حانيه الجمال مضاد للإستعمار ، يلغي الحدود ويمازج بين المفراكه والماتروشكا....
قدله يا مولاي ساهي ساهم بالسوخوي الشاقي السحاب.. إنت قايل شنو ..
Post: #15 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-05-2013, 05:40 PM Parent: #14
Quote: هسعتي يا محمد يجيك زولك بتاع بحري الشعبية دأك يمرق ليك أبوها عبدالله ده من قرية الفراعسين وعندو فدانين و13 نخلة و6 ارادب فاصوليا . وبعد ما يخت السفة ويحك كوعو يقوليلك . البنية هيلنا تب .
يا عثمان ، عاين أحفاد بلقيس لامن يدخلوا قصور القياصره، صوت غريب ، أسمع الصوت في الدقيقة 1:55 و 2:19 عارف يا عثمان بعد كده زولتك ديك إلا تغني : سنه يا ولد، سنه يا ولد البلاشفه دخلوا البلد..
Post: #16 Title: Re: هذه هي المغنية الجد جد يا عثمان موسى.. Author: الطيب شيقوق Date: 06-05-2013, 07:34 PM Parent: #15
Quote: مفروض بيونسيه بتاعتكم تاني ما تغني الأغنيه دي بالذات-
عيييييييييييييييييك انت في غناها ولا في لحظ عينيها الفي الحالين قتّال؟
Post: #17 Title: Re: هذه هي المغنية الجد جد يا عثمان موسى.. Author: الطيب شيقوق Date: 06-05-2013, 07:40 PM Parent: #16
Quote: لقيتك بتحب الكبتشينوا الاصلى
تعالي لي هنا يا وداهة خلينا نخرب بوست مولانا دا ونوديهو ام كرشولا
Post: #18 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-05-2013, 08:32 PM Parent: #17
Quote: عثمان موسي ... حسي عمك المساح كان حضر الفيديوهات دي ... كان كتب شنو ؟
شرنوبل
Post: #19 Title: Re: هذه هي المغنية الجد جد يا عثمان موسى.. Author: Hani Arabi Mohamed Date: 06-06-2013, 02:48 AM Parent: #18
شكراً جزيلاً على الروعة التي لا تنتهي
استمغت للأغنية مرّات ومرّات
وساعيد الاستماع إليها دائماً
:)
Post: #21 Title: Re: هذه هي المغنية الجد جد يا عثمان موسى.. Author: د.ماجدة ميرغني Date: 06-06-2013, 06:12 AM Parent: #18
Post: #28 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-06-2013, 03:16 PM Parent: #21
Quote: البورد كلوا عسس نظام عام..هسه بيرموكم بالعلمانية وبعدين بالالحاد
العسس يا ماجده ما بيدخلوا هنا لأنهم بمجرد قراءة العنوان بيستغفروا ويمشوا غادي غادي، ديل بجردوا الألفية ، ربنا يديهم العافيه ويحفظم ويبعدهم عن سوزان وأخواتها، قولي آمين..
Post: #20 Title: Re: هذه هي المغنية الجد جد يا عثمان موسى.. Author: waleed Ahmed Date: 06-06-2013, 05:46 AM Parent: #1
Quote: أب عربي وأم روسيه
يا محمد المرتضي للعلم امها اوكرانية
البت دي كمان عندها احتها اسمها صابرين وكذلك هي مغنية
الله يعين اخونا اليمني
Post: #22 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-06-2013, 08:24 AM Parent: #20
Quote: عثمان موسي ... حسي عمك المساح كان حضر الفيديوهات دي ... كان كتب شنو ؟
يا باشمهندس، كثيرا ما سألت نفسي ذات السؤال وأنا أشاهد حسان هذا الزمان ، سألني أحد الأصحاب ، وكنا نشاهد الأخبار تقدمها إحدى المذيعات المغنسيوم ، ماذا كان سيكتب محمد ودالرضي تحديدا ، وهو من أبدع هوى الخلخال، و ما الذي كان سيقوله عنها صالح عبدالسيد الذي قال عن مواطنه عاديه
أعلم لولا ما طرفك للبيض الرقاق شاهر إنسان عيني كاد يغرق في ماء خدك الزاهر
يا سلام على الحقيبة الأوكرانية..
Post: #23 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-06-2013, 08:58 AM Parent: #22
Quote: عيييييييييييييييييك انت في غناها ولا في لحظ عينيها الفي الحالين قتّال؟
زمان اسماعين مش قال : الصغيرة شجيرة الأراك ياقمر عشرة الفي سماك ..
Post: #24 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-06-2013, 09:57 AM Parent: #23
Quote: شكراً جزيلاً على الروعة التي لا تنتهي
استمغت للأغنية مرّات ومرّات
وساعيد الاستماع إليها دائماً
دا يا هاني أداء كالمذنب هالي ، يمر بجوار الأرض مرة واحدة كل 75 سنه، ودائما أقول أنه لايوجد في الكون شئ يسمى (صدفة) ، ربنا تعالى نظم الكون بدقة متناهية ، اليمني الأسمر يتحرك من سد مأرب ويمشي يلاقي أم سوزانا في الجليد (الدفئ) ويجيبوا سوزانا وصابرين والمقدر لابد يكون.
الشاعر مصطفى ود المأمور عندو قصيده بعنوان (سوزان) وكانت برضها هجين يوناني مصري..
قادر الله يا هاني..
Post: #25 Title: Re: هذه هي المغنية الجد جد يا عثمان موسى.. Author: Hani Arabi Mohamed Date: 06-06-2013, 10:25 AM Parent: #24
آآآآآآآآآآآآآآآآآآآآآآآآآآآآآآآآآآآآآآآآآآآآآآه يا سوزان :)
يا جماعة ما في أغاني تانية للآنسة دي ؟
Post: #26 Title: Re: هذه هي المغنية الجد جد يا عثمان موسى.. Author: عمر علي حسن Date: 06-06-2013, 11:56 AM Parent: #25
الحمد لله .. انا ماجيت .. كنت ساكت اجيب لي روحي الكلام ؟ .. وانا ذاتي لا بعرف جنس ده .. ولا بعرف بقعدو ليهو علي ياتو صفحة ..
خلونا في الغنه والتلات مدات الفي سورة الكهف .. واقعدو انتو نفضو لينا في بوتين وتلات بوتات ..
زولكم البيعيط عمر علي حسن
ألف مرحب سعادتك،
يا مولاي حارم وصلي مالك، زولنا الطيب شيقوق دا أعرف حدود مياهه الإقليمية وأعرف أن أقصى إبحاره بحيرة تانا ، لذا كان غريبا علي أن أجده في مثلث برمودا أو بحر الظلمات ، هذا الرجل أخشى عليه من ناس سوزانا لأنو ببساطه ممكن يشيل سوطه ويقول ليك حررررم إلا البطان، .. الطيب دا زول (كييف) يا سعادتك .. ما بقعد ساي.
هذه الأماكن لابد أن تلد مثل سوزانا
Post: #34 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-06-2013, 06:23 PM Parent: #27
Quote: بالرعم اني ما فهمت الحوار لكن الدموع انهمرت اثناء لقاءها والدها
يا أحمد ، بالطبع مثل هذه المواقف لاتحتاج إلماما باللغة ، شاهدت منظرا شبيها لطفلة تركية تركتها أمها لأبيها ربما سنين عددا وشاركت الطفلة بعد أن كبرت في برنامج بأغنية عن فقدها لأمها لم أفهم فيها حفا لكني فهمتها تماما، وكان اصحاب البرنامج قد رتبوا مفاجأة من العيار الساحق حيث أتوا بأمها للأستوديو والطفلة تغني دون أن تعرف أن أمها في الأستديو..
بعد أن كتبت الكلام الفوق دا قلت أفتش عن اللينك ووجدته
Post: #33 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-06-2013, 05:38 PM Parent: #25
Quote: يا جماعة ما في أغاني تانية للآنسة دي ؟
هاك الإلبوم يا هاني
هذه الصبية ألغت ، وبشكل نهائي، مقولة سمح الغنا في خشم سيدو
-
Post: #35 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-06-2013, 10:05 PM Parent: #33
Quote: إنت يا مولانا دحين البنية دي روسية ولا أكرانية؟؟
باقي أنا شايفها في النت ده كم مرة كدي قالوا أوكرانية..
يا أسامه نحن من جيل يرى في أوكرانيا وروسيا وبيلاروسيا شيئا واحدا كان يسمى USSR ، الناس اللي كانوا بيدّوا أمريكا العين الحمرا قبل ما غورباتشيف يفك اللعب ويترك الأمر لليانكي يبرطعوا زي ما دايرين وزي ما إنت شايف.. ما زال الأوكرانيون أصحاب تالث أكبر ترسانه نوويه يا حاج..لكن بسوزانا يبدو أنهم الأوائل.. تحت تحت سمعت إنهم هم زاتم اللي قال عليهم سيد عبدالعزيز العظما المثَّلوا أعظم دور..
Post: #36 Title: Re: هذه هي المغنية الجد جد يا عثمان موسى.. Author: Osman Musa Date: 06-06-2013, 10:44 PM Parent: #35
Post: #37 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-06-2013, 11:21 PM Parent: #36
Quote: البورد كلوا عسس نظام عام
يا ماجده ، قلتي لي عسس ونظام عام؟
من فريع البان ال يسوح نديان منو يا سلام ماتقومي يا تاجوج قلدي فنونا من جمال ام زين روحي ممنونا العصير يوم جات شوفو طاعونا قلبي دا المرضان باقي مجنونا الصباح لو لاح عشت يومي جراح لاطبيب جراح لا جاب شفاي لا راح في المشي ما بنيش يملا قدمو تراب الصدير عالي حدو لي الانقاب من سبب 9 الساكن الجابراب كلمو لي اهلي اليعملولي حجاب في السمح والزين نظرا قط ماكان دا الظرف تاما خاتيه قولت ان كان من غرام 7 العريس طربان انتي يا الفردوس يا جنة امدرمان في السمح والزين زولي فايت الند مقدمك راجيك من 8 جد لون جسيما حرير جان صفا ما بهد العجب 7 كان تفك الحد قلت أشرب مر يبقى مر في مر والليالي تمر ياالله زيدنا عمر في حبو ياسلام
Post: #38 Title: Re: هذه هي المغنية الجد جد يا عثمان موسى.. Author: Osman Musa Date: 06-07-2013, 00:21 AM Parent: #37
وأنا برضو قلت أشرب مر بي أبوضبضوبو . يا محمد ياخ الديش خط احمر ..
Post: #40 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-07-2013, 10:13 PM Parent: #38
Quote: يا محمد ياخ الديش خط احمر ..
جيش أوكرانيا جاهز يا عثمان
وبرضو الدفاع بالنظر
-
Post: #39 Title: Re: هذه هي المغنية الجد جد يا عثمان موسى.. Author: د.ماجدة ميرغني Date: 06-07-2013, 06:03 AM Parent: #37
Quote: واسمعي محمد احمد عوض هنا عمل شنو
يا سلام.. يا سلام ..سلام سلام ...الله يا سلام... ابشر
على مسئوليتك يا اخوي انا قبلي كده خوضت حرب شعواء في المنبر ده عشان دافعته عن مذيعات النيل الازرق
Post: #41 Title: Re: هذه هي المغنية الجد جد يا عثمان موسى.. Author: Osman Musa Date: 06-08-2013, 01:39 AM Parent: #39
يا دوبك وقع لي كلام عمك علي المساح يا محمد . الزمن ده كلو كنت بودي وأجيب في عمك قاصد شنو . .. يازول البيت بقول : في كييف يا الجمالك سائد عينيك ليك جنود وأنت ليهن قائد سوزانا ليك أنا رأيد يا ................................. هسع عليك دينك يا محمد لو صحيت يوم من النوم ولقيت العسكرية دي معاك في بنطون الزيداب حتعمل شنو ؟ وخت في بالك النيل مليان تماسيح في البكانات ديك يعني تقع النيل التمساح . تلبد في البنطون القائد . أها شن الحل ؟
Post: #42 Title: Re: هذه هي المغنية الجد جد يا عثمان موسى.. Author: محمد المرتضى حامد Date: 06-16-2013, 02:43 PM Parent: #41
Quote: انا قبلي كده خوضت حرب شعواء في المنبر ده عشان دافعته عن مذيعات النيل الازرق
النيل الأزرق؟ والله حكايه،
يا ماجده أقول ليك سوزانا عبدالله تقولي لي سد النهضه؟
