صورة لكرسي أحد المسؤولين..

صورة لكرسي أحد المسؤولين..


15-02-2011, 02:39 PM


  » http://sudaneseonline.com/cgi-bin/sdb/2bb.cgi?seq=msg&board=219&msg=1336091774&rn=0


Post: #1
Title: صورة لكرسي أحد المسؤولين..
Author: محمد المرتضى حامد
Date: 15-02-2011, 02:39 PM


Post: #2
Title: Re: صورة لكرسي أحد المسؤولين..
Author: Ahmed al Qurashi
Date: 15-02-2011, 02:50 PM
Parent: #1

بعد شويه حيجيك واحد

يقول ليك كراسينا دي ثابتة بجنودٍ لم تروها



Post: #3
Title: Re: صورة لكرسي أحد المسؤولين..
Author: النصرى أمين
Date: 15-02-2011, 03:03 PM
Parent: #2

مبالغة عديل

Post: #4
Title: Re: صورة لكرسي أحد المسؤولين..
Author: محمد المرتضى حامد
Date: 15-02-2011, 03:06 PM
Parent: #2

بس الناس يا أحمد ما بيعرفوا إنو المظاهر خدَّاعة،
وإنو القصه ما دوامه.

Post: #5
Title: Re: صورة لكرسي أحد المسؤولين..
Author: محمد المرتضى حامد
Date: 15-02-2011, 03:45 PM
Parent: #4

عارف يا النصري،
لم أجد ما يعبِّر عن حال (أهل الكراسي) الطغاة إلا هذا الفيديو،
هذا الرجل (الرئيس أو المسؤول) يجلس على كرسي خادع
يستمتع بالجماهير حوله تدور
تبتسم وتحمل الكاميرات
كأنها تقول له أنت محور أنظارنا ومحور حياتنا والكون

الفريد في (عصرو)
يا صاحب الإعجاز

هو يعرف أنه لن يستطيع مغادرة كرسيه
حتى تأكل دابة الأرض من قاعدته أو منساة صاحبه
لأنه إذا غادره سيكشف الناس الخديعة
ولكنه حتما يخر وسيعلم الناس حينها أنهم
( لو كانوا يعلمون الغيب ما لبثوا في العذاب المهين ).

Post: #6
Title: Re: صورة لكرسي أحد المسؤولين..
Author: احمد العربي
Date: 15-02-2011, 03:59 PM
Parent: #5

محمد المرتضى حامد محبة لك
اها جبت سيرة الكرسي؟؟ شوف ده
وهم يجلسون ولا يدرون


GetAttachment5.jpg Hosting at Sudaneseonline.com

Post: #7
Title: Re: صورة لكرسي أحد المسؤولين..
Author: عمران حسن صالح
Date: 15-02-2011, 04:24 PM
Parent: #6


يا مولانا مالكـ ( حاكِيها ) ياخي
الـ promotion slogan أو بطاقة الدعوة وااااااااضحة وبحروف كبييييييرة ( choose your personal kind of comfort )

Post: #8
Title: Re: صورة لكرسي أحد المسؤولين..
Author: الطيب شيقوق
Date: 15-02-2011, 04:47 PM
Parent: #7

Quote: يقول ليك كراسينا دي ثابتة بجنودٍ لم تروها


والله يا احمد القرشي انا برضى كنت عايز اقول كدا

لكن بيني وبينك الكرسي دا اكان طلعوا بيهو على ضهارينا قطع شك ناسنا بجوا متلهمين سيدو للبركات زى موية بير القضارف حقت زماااان


المرتضى

الحق ود عربي

Post: #9
Title: Re: صورة لكرسي أحد المسؤولين..
Author: MOHAMMED ELSHEIKH
Date: 15-02-2011, 05:10 PM
Parent: #8

سلامتكو يا جماعة
انتو متخلفين
الم تسمعو بالسحاب البيرسول؟؟
وهي سحب تكون امامك وانت مقبل على المعركة تستطيع رؤيية العدو في حين انه لن يراك!!!!!!
قال كرسي قال

المهم

يا ودحامد البنوتةفي بروفايلك دي من وين؟؟؟؟ حيرتني عديييل اكتر من الكرسي!!!
الختاها وسط العذابة ديييييك شنو؟

Post: #13
Title: Re: صورة لكرسي أحد المسؤولين..
Author: محمد المرتضى حامد
Date: 15-02-2011, 08:34 PM
Parent: #8

Quote: لكن بيني وبينك الكرسي دا اكان طلعوا بيهو على ضهارينا قطع شك ناسنا بجوا متلهمين سيدو
للبركات زى موية بير القضارف حقت زماااان

عندي ليك مقترح يا الطيب،
نشوف ليك كرسي من الشركه دي زاتا وتمشي تتوهط بيهو في أبوجنزير،
تشنِّق طاقيتك وتخلف رِجِل في التانيه،
وتشغِّل ليك إتنين تلاته في الشوارع الجانبيه يقولوا للناس ظهر ولي بيقعد في الهواء إسمو الشيخ شيقا،
وتخت ليك مجموعة فتايل فيها مويه ، الفتيل بألف بس،
طبعن بتعرف (الفتايل) ، مجرد تغيير إستعمال،
كريس أنجل وديفيد كوبرفيلد احسن منك بشنو يعني؟
ولو ما لفقت الفكره ننقلك من الموقع مع الكرسي إلى موقع مجاور كمستشار،
ولو دا كلو ما نفع أرجع الدندر أرقص صقريه
هييييع،

Post: #11
Title: Re: صورة لكرسي أحد المسؤولين..
Author: محمد المرتضى حامد
Date: 15-02-2011, 05:33 PM
Parent: #7

Quote: يا مولانا مالكـ ( حاكِيها ) ياخي
الـ promotion slogan أو بطاقة الدعوة وااااااااضحة وبحروف كبييييييرة ( choose your personal kind of comfort )

بالطبع يا عمران،
والصوره أخذت في مطار وبالطبع هي ليست صورة كرسي مسؤول لكنني أردت منها أمرا آخر..
هو ذاتو الكرسي وينو؟
هسه الناس يقولوا علي شنو..
شقي ومسؤول؟؟

Post: #10
Title: Re: صورة لكرسي أحد المسؤولين..
Author: محمد المرتضى حامد
Date: 15-02-2011, 05:10 PM
Parent: #6

أحمد العربي،
سلامات يا عزيز،
هنالك بعض البشر تعشق العيش في الوهم والخَدَر عندما تفشل في أرض الواقع..
لكن البنات الظريفات ديل روحم ساخره ومرحه..
بس ربَّك يستر الصوره دي ما تقع في عين الجماعه إياهم

Post: #12
Title: Re: صورة لكرسي أحد المسؤولين..
Author: rummana
Date: 15-02-2011, 05:41 PM
Parent: #10

محمد المرتضى
الكرسي عبقري
المسئول كيف؟

Post: #14
Title: Re: صورة لكرسي أحد المسؤولين..
Author: اميرة السيد
Date: 15-02-2011, 08:42 PM
Parent: #12

محمد المرتضي
كيفنك
وعاوزة افسر ليك سر الكرسي السحري
الرجل بيلبس تحت ملابسه الداخلية قميص من حديد وفي أعلى السقف يوجد مغنطيس ضخم يجذب الحديد إلى أعلى ولكن بنسبة معقولة بحيث لا يجذب الرجل إلى أعلى وكأنه يطير ولكن بنسبة تجعله كأنه جالس على الهواء
ايه رايك في التعليل ده قبل ما واحد يجي يقول دي كرامة من كرامات الرجل

Post: #15
Title: Re: صورة لكرسي أحد المسؤولين..
Author: الطيب شيقوق
Date: 15-02-2011, 08:58 PM
Parent: #14

Quote: نشوف ليك كرسي من الشركه دي زاتا وتمشي تتوهط بيهو في أبوجنزير،
تشنِّق طاقيتك وتخلف رِجِل في التانيه،
وتشغِّل ليك إتنين تلاته في الشوارع الجانبيه يقولوا للناس ظهر ولي بيقعد في الهواء إسمو الشيخ شيقا،
وتخت ليك مجموعة فتايل فيها مويه ، الفتيل بألف بس،
طبعن بتعرف (الفتايل) ، مجرد تغيير إستعمال،
كريس أنجل وديفيد كوبرفيلد احسن منك بشنو يعني؟
ولو ما لفقت الفكره ننقلك من الموقع مع الكرسي إلى موقع مجاور كمستشار،
ولو دا كلو ما نفع أرجع الدندر أرقص صقريه


هيييييييييييع وهيييييييييييع وهييييييييييييع صلاح ادريس بس

Post: #16
Title: Re: صورة لكرسي أحد المسؤولين..
Author: محمد المرتضى حامد
Date: 15-02-2011, 10:25 PM
Parent: #15

Quote: سلامتكو يا جماعة
انتو متخلفين
الم تسمعو بالسحاب البيرسول؟؟
وهي سحب تكون امامك وانت مقبل على المعركة تستطيع رؤيية العدو في حين انه لن يراك!!!!!!
قال كرسي قال

يا باشمهندس سلامات،
ياخ ما تشوف لينا سحاب بيرسول للجماعه إياهم،
معاهو برق واحد ميجاوات سوكارنو والصاقعه الله لاجابا ،
دي كرامات يا محمد..
هسه يا ود الشيخ قبل 30 سنه لو شلت الريموت قفلت بيهو التلفزيون مش كان قالوا دا الولي أبوسبيبه المحايتو توشيبا؟
أها سامسونج وقوقل وناس (ناسا) ديل مش ناس كرامات؟

شوف الفيديو أدناه مع اختلاف الخدع وارجع لي ،



Post: #17
Title: Re: صورة لكرسي أحد المسؤولين..
Author: محمد المرتضى حامد
Date: 15-02-2011, 11:58 PM
Parent: #12

Quote: الكرسي عبقري
المسئول كيف؟

مفتري








-
يا رمانه ،
الحمدلله إنو في البوست دا زاتو مافي كرسي
هسه كان جا واحد قعد فيهو وينتظرنا كمان نقول ليهو مبارك.

Post: #18
Title: Re: صورة لكرسي أحد المسؤولين..
Author: سمير شيخ ادريس
Date: 16-02-2011, 00:26 AM
Parent: #17

كرسى المواطن ..
.
.
.
111111.jpg Hosting at Sudaneseonline.com

Post: #19
Title: Re: صورة لكرسي أحد المسؤولين..
Author: حسن الطيب يس
Date: 16-02-2011, 02:28 AM
Parent: #18

و الله يا سمير
ده كرسي عينة
لك الله يا شعبي

Post: #20
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 06:48 AM
Parent: #19

Quote: محمد المرتضي
كيفنك
وعاوزة افسر ليك سر الكرسي السحري
الرجل بيلبس تحت ملابسه الداخلية قميص من حديد وفي أعلى السقف يوجد مغنطيس ضخم يجذب الحديد إلى أعلى ولكن بنسبة معقولة بحيث لا يجذب الرجل إلى أعلى وكأنه يطير ولكن بنسبة تجعله كأنه جالس على الهواء
ايه رايك في التعليل ده قبل ما واحد يجي يقول دي كرامة من كرامات الرجل

أميره كيفك،
مسؤوله من الخير ، إنتِ شاركتِ في نيفاشا؟

Post: #21
Title: Re: صورة لكرسي أحد المسؤولين..
Author: ندى عثمان حسن
Date: 16-02-2011, 07:08 AM
Parent: #20

يامولانا

دى ياها " الشفافية" البقولوها؟

ولامو كدى؟


مسعول من الخير؟

Post: #22
Title: Re: صورة لكرسي أحد المسؤولين..
Author: يوسف السماني يوسف
Date: 16-02-2011, 07:47 AM
Parent: #21

Quote: الفريد في (عصرو)
يا صاحب الإعجاز


والانجاز .
انت لمن عارف الكلام دا حقو تعرف انه كل كرسي علي ماركة ,كرسي الانجاز براهو وكرسي الاعجاز مختلف وكرسي الصحاف بيلمع .



مولانا محمد المرتضي صباحك خير

Post: #23
Title: Re: صورة لكرسي أحد المسؤولين..
Author: عمران حسن صالح
Date: 16-02-2011, 08:29 AM
Parent: #22

Quote: وبالطبع هي ليست صورة كرسي مسؤول لكنني أردت منها أمرا آخر..
معاكـ أنا في نفس طريق الفكرة
ما هم ماخدين راحتم جداً في الكرسي وحسب ما مكتوب يا ريس

Post: #24
Title: Re: صورة لكرسي أحد المسؤولين..
Author: عبدالأله زمراوي
Date: 16-02-2011, 09:23 AM
Parent: #23

تحياتي أستاذ وفعلا الكرسي عجيب غريب فريد وغير دائم...

أنتظرك في هذا الخيط، فهلا تفضلت بدرر أفكارك..

دعوة لتكوين لجنة لإسترداد الأموال العامة المنهوبة!

Post: #33
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 04:35 PM
Parent: #24

Quote: وفعلا الكرسي عجيب غريب فريد وغير دائم...

ليت قومي يعلمون،

مولانا عبدالإله،
مُسكِر هو الكرسي،
أحيانا حد الغيبوبة..
والموت السريري،

سنلتقي حيث أشرت،

إحترامي ومودتي.

Post: #32
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 03:42 PM
Parent: #23

Quote: معاكـ أنا في نفس طريق الفكرة
ما هم ماخدين راحتم جداً في الكرسي وحسب ما مكتوب يا ريس

التِلِب،
دا كلو صاح ومشكلتك إنو التوضيح جا بسكتك،
ديل الراحه ( مما جميعو) سمكوها بلا عَمَد،
بتمشي يا عمران،
تلك سنة الحياة.
محبتي يا العزيز.

Post: #27
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 12:18 PM
Parent: #19

Quote: و الله يا سمير
ده كرسي عينة
لك الله يا شعبي

يا حسن،
لاتسئ الظن بمن قرر كرسي الشعب الذي أورده سمير في الكاريكاتير،
هم لم يقصدوا (خوزقة) المواطن ، حاشا لله ، هم فقط يرون أنه مناسب لحجم المواطن،
.

Post: #25
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 10:51 AM
Parent: #18

Quote: كرسى المواطن ..

(أبت تطلع ..
من الأبرول أبت تطلع..
من الأقلام أبت تطلع
من المدفع طلع خازوق..
خوازيق البلد زادت)




عليك الرحمة يا مصطفى سيد احمد

Post: #26
Title: Re: صورة لكرسي أحد المسؤولين..
Author: خدر
Date: 16-02-2011, 11:39 AM
Parent: #25

جهجهت البيت كلو يا مولانا ياخي
البيت كلو بقهي و براقب في كرسيك الخفي ده
و لسه ما اكتشفنا السر ولا عاوزين نقرأ باقي البوست
عشان ما نلقي التفسير
شفتنا لواييق كيف

Post: #28
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 12:45 PM
Parent: #26

Quote: دى ياها " الشفافية" البقولوها؟

ولامو كدى؟

ندى،
لاتخلطي بين الشفافية وكشف الحال.
بليز..

Post: #30
Title: Re: صورة لكرسي أحد المسؤولين..
Author: الطيب شيقوق
Date: 16-02-2011, 12:56 PM
Parent: #26

Quote: هسه يا ود الشيخ قبل 30 سنه لو شلت الريموت قفلت بيهو التلفزيون مش كان قالوا دا الولي أبوسبيبه المحايتو توشيبا؟


ههههههههها


Post: #29
Title: Re: صورة لكرسي أحد المسؤولين..
Author: د.محمد حسن
Date: 16-02-2011, 12:51 PM
Parent: #2

Quote: بعد شويه حيجيك واحد

يقول ليك كراسينا دي ثابتة بجنودٍ لم تروها


احمد القرشي
لو ما اخاف الكضب اقول دي جبتها من بشير الحلاق

واسال مرتضى

حبيبنا

الزول ده اظنو عايز دور مروحة

سلام

Post: #31
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 01:55 PM
Parent: #29

Quote: انت لمن عارف الكلام دا حقو تعرف انه كل كرسي علي ماركة ,كرسي الانجاز براهو وكرسي الاعجاز مختلف وكرسي الصحاف بيلمع .
ويبلع،

عارف يا يوسف،
المسؤولين ديل بيختاروا كراسيهم براهم، ومرات بيختاروها ليهم الجابوهم،
قالوا الواحد بجيبوا ليهو الكتالوج في محلو يختار منو كرسي،
ما بيمشي صالة العرض ،
بعدين يجيبوا ليهو الكرسي زاتو بلحمه ودمه وعظمه،
يفكَِر فيهو ويتأمل ويناجي الكرسي ويترنم:
أقيس محاسنَك بمن
يا الدر الماليك تمن
ولَّ نور عيني..

وأحيانا يخاطبه قائلا:
إنت مصدر فني واحساسي وشعوري
أو يناجيه كما يناجي المغترب (الريال) وهو ممسك به ناظرا فيه بعدسات الغزل الصراح:
أنت الذي أتعبتني وأنت الذي فيك راحتي ..
يانوري يا ناري يا جنتي ..
أهوى الهلاك في هواك ليتخذ الساسة سُنتي،

وهاك يا قعده..
حتى يصاب الكرسي با Hemorrhoids ثم يصدر البيان أو القرار ،
حسب المصدر..
وحسب البَنبَر..

Post: #34
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 05:39 PM
Parent: #31

Quote: جهجهت البيت كلو يا مولانا ياخي
البيت كلو بقهي و براقب في كرسيك الخفي ده

حذاري تفكر في الحل يا خدر ..
لأنو حاتجيب لي مقترح زي حق أميره السيد،
دا شغل ناس (لقاء) البيفهموا في التكنولوجيا وبيعرفوا يفكفكوا ويربِّطوا ..
إنتو بتاعين سياسه ساكت ،
ناس تنظير وبنابر وكَكَرات وسقف أحلام لايتخطى الخيزران ..
أبعد نفسك وارجع سريرك ..


-
خارج الكرسي:
سمعتو ولّ جابو ليك؟
بن علي إتعتَّق ومبارك فَرتَق وفي واحد إتجرتَق ويا حليل مجيكا..
ما تقول لي آذار الجاي.

Post: #35
Title: Re: صورة لكرسي أحد المسؤولين..
Author: MOHAMMED ELSHEIKH
Date: 16-02-2011, 06:17 PM
Parent: #34

انواع الكراسي :
كرسي متحرك: دا معروف
كرسي ثابت: زي حقات الجماعة الطيبين.
كرسي محمد المرتضى: مازال تعريفه جاريا.

Post: #36
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 08:15 PM
Parent: #29

Quote: الزول ده اظنو عايز دور مروحة

الكرسي الزي ضهَر الأسد يا محمد ما داير ليهو مراوح ولا هبَّابات ،
دا براهو مهبب.

Post: #37
Title: Re: صورة لكرسي أحد المسؤولين..
Author: محمد المرتضى حامد
Date: 16-02-2011, 08:56 PM
Parent: #36

Quote: انواع الكراسي :
كرسي متحرك: دا معروف
كرسي ثابت: زي حقات الجماعة الطيبين.
كرسي محمد المرتضى: مازال تعريفه جاريا.

يا ربي يكون كرسي جابر؟

Post: #38
Title: Re: صورة لكرسي أحد المسؤولين..
Author: محمد المرتضى حامد
Date: 17-02-2011, 07:57 AM
Parent: #37

strange-chair.jpg Hosting at Sudaneseonline.com


وهذا النوع من الكراسي لاتعرف معه من هو صاحب القرار
يعني ممكن القاعد في السنتر وعامل عنتر يصدر (غرار) واليوم التاني يبلعو
عادي ..

Post: #39
Title: Re: صورة لكرسي أحد المسؤولين..
Author: د.محمد حسن
Date: 17-02-2011, 08:01 AM
Parent: #38

عارف يا المرتضى
اجمل ما في بوست كرسي جابر ده



الغرار

Post: #43
Title: Re: صورة لكرسي أحد المسؤولين..
Author: محمد المرتضى حامد
Date: 17-02-2011, 03:40 PM
Parent: #39

Quote: عارف يا المرتضى
اجمل ما في بوست كرسي جابر ده



الغرار


وحكمة ربنا يا محمد إنو ناس الغرارات ديل غراراتم في الغالب بتجي من البيت،

مع ال Lunch box.

Post: #40
Title: Re: صورة لكرسي أحد المسؤولين..
Author: دينا خالد
Date: 17-02-2011, 08:18 AM
Parent: #38

الـ تضى ..
سلامات
( ووسع كرسيه السموات والارض )

برضو لسه ما غلبوا ربهم ..









ــــــــــــــ

غايتو انا فهيمت ..
الان فهيمت ..
فهمت الان فهمت ...

Post: #41
Title: Re: صورة لكرسي أحد المسؤولين..
Author: Ashraf el-Halabi
Date: 17-02-2011, 08:54 AM
Parent: #40

سلامات مولانا
فتحت البوست دا في الشغل وعدته زي عشرين مرة كدا عشان أعرف الحاصل دون فائدة
أسي بعد جيت البيت وأكلت وأديتها فنجان (كونجو بُنّة) وصلت للآتي:
الحذاء اليمين جزء أساسي من الكرسي وهو قاعدته الوحيدة المثبتة على الأرضية (لاحظ عدم تحريكه بتاتاً)
باقي الكرسي عبارة عن لوح (بعرض 4 بوصات مثلاً أو أعرض قليلاً) من مادة شديدة الصلابة يمتد محاذياً لانحاءات الجسم من تلك القاعدة لحد الضهر
الكلام دا كله من داخل الملابس
يعني البنطلون والقميص ذاتم لازم يتلبسوا مع الكرسي
والله أعلم
chair3.jpg Hosting at Sudaneseonline.com

Post: #46
Title: Re: صورة لكرسي أحد المسؤولين..
Author: محمد المرتضى حامد
Date: 18-02-2011, 08:58 PM
Parent: #41

أشرف عساك طيب،
لايوجد تفسير للحالة المعروضه سوى ما أتيت به خصوصا في هذا المنعطف التاريخي من حياة الأمه
عارف يا عزيز، الزول ده قاعد وخالف كراعو لكنه لا يستطيع أبدا أن (يخلف) اليمين على الشمال لأنه حتما سيسقط،
وبالتالي الجلسة الطويلة مع التحميل على جانب واحد من الجسم بعد فتره سيجعل قوى اليسار في حالة ( تنميل)
وباقي الأعضاء في (خَدَر) ، وبرضو لو قامت حريقه واشتعلت الثورة لازم يشرِّط هدومو عشان يتخارج وبالطبع في عدد
من الناس (أمن المسؤول) بيكونوا مجهزين كل شئ عشان يقلع وبلغة الشرَّامه (يشتت) ، يعني الكرسي مهما كانت
درجة صلابته إلا أن به عيوبا خفية لاتظهر للعيان إلا بعد خروج المسؤول تماما ..


قلت لي (البنطلون والقميص ذاتم لازم يتلبسوا مع الكرسي)؟

والله صدق المثل: يا ما تحت السواهي دواهي.

Post: #44
Title: Re: صورة لكرسي أحد المسؤولين..
Author: محمد المرتضى حامد
Date: 18-02-2011, 08:15 AM
Parent: #40

Quote: غايتو انا فهيمت ..
الان فهيمت ..
فهمت الان فهمت ...

الفهم قِسَم يا دينا،
في ناس بجيهم الفهم في الدقيقه 89:59 وبمجرد ما يفهموا ... جري على المطار،
وفي ناس بيفهموا بعد ما تنتهي الحفله والشعب يلِم الكراسي والساوند سيستم،
وفي ناس ، أجارِك الله ، ما بفهموا كلو كلو لاقبل ولا أثناء ولا بعد ،
أنت تعرفين يا دينا أن الطائرات الحربية تقذف بالطيار وكرسيه عندما تعطب Ejection seat،
أها، في نوع من الجماعه إياهم يستغربوا ويقولوا يا ربي الطياره دي (لفظتني) ليه؟
الغبي لايعرف إنو ال ejection أحسن ليهو مما لو بقى في كرسيه،
هؤلاء هم أصحاب العقول المجنزرة.


tank-tread-moving-chair-design.jpg Hosting at Sudaneseonline.com


من الكراسي المرشحه للإنقراض[/green]

Post: #42
Title: Re: صورة لكرسي أحد المسؤولين..
Author: Ahmed al Qurashi
Date: 17-02-2011, 02:09 PM
Parent: #38

الكرسي بتاع الحملان دا اسمو كرسي الزريبة ولاشنو

Post: #45
Title: Re: صورة لكرسي أحد المسؤولين..
Author: اميرة السيد
Date: 18-02-2011, 02:26 PM
Parent: #42

اشرف الحلبي
برافو يا اشرف.. تفسيرك هو الصاح أما تفسيري فكان تخمين فقط، واظن فنجان الجبنة الشربتها دي من جبنة الشرق
والله يديك العافية

Post: #47
Title: Re: صورة لكرسي أحد المسؤولين..
Author: Ashraf el-Halabi
Date: 19-02-2011, 08:18 AM
Parent: #45

Quote: واظن فنجان الجبنة الشربتها دي من جبنة الشرق
بل الخرمة الكانت شرقاوية
حكاية المغنطيس دي يا أميرة كانت تفسيري الوحيد لحد قبل القهوة بشوية
لا تتخلي عن تفسيرك حتى نهاية المسابقة، ممكن يطلع هو الصاح
الخواجة دا ما مضمون

ـــــــــــــ


Quote: قوى اليسار في حالة ( تنميل)

دا وكتو؟.. أو زي ما بقول جني يا مولانا "طيب ما أم الحسين اتنفخت!"

Post: #48
Title: Re: صورة لكرسي أحد المسؤولين..
Author: محمد المرتضى حامد
Date: 19-02-2011, 08:34 AM
Parent: #45

Quote: الكرسي بتاع الحملان دا اسمو كرسي الزريبة ولاشنو

بالعكس ، دي زريبة الكرسي يا أحمد،
كدي هسه شوف كرسي رجل كان رئيسا لأفقر دولة في أفريقيا وهو جان بيدل بوكاسا،
الذي نصَّب نفسه امبراطورا على بلاده،


Bokassa1.jpg Hosting at Sudaneseonline.com

وشوف كرسي زوجته
Bokassa2.jpg Hosting at Sudaneseonline.com

وزوجته تلك ، قيل أنها ، كالكثيرات ، كانت الحاكم الفعلي لأفريقيا الوسطى،
( ماهو باين في العيون .. وين حنهرب منو وين)
أنظر إليها وحولها عناصر الأمن من الجنس اللطيف في براءة ( الإشبينيات) بس ،
وسمعت أنها كانت تغني لبوكاسا ، مكايدة نساء الوزراء والمعارضين :

يا بوكاسا سنهوري ، أنا دايراك ضروري
كان داير تغيزم تعال واضرب البوري

وبالطبع(بوري) الجماعه ديل معروف .. كلاشنكوف،
الجميع يعرف مصير بوكاسا الذي قيل إن رئيسا مسلما
عرض عليه اعتناق الإسلام وأن يغير إسمه ل (صلاح الدين بوكاسا)
لكنه رفض العرض متمسكا بمعتقده ومتعلقاته الشخصية فغضب عليه ،
ونكاية بذلك الرئيس المسلم أهداه الراحل نميري منزلا في ودمدني
كمنتجع احتياطي عند الزنقه، أظن كتب على بابه:
مدني يا السني
يا السني طمِّني

Post: #49
Title: Re: صورة لكرسي أحد المسؤولين..
Author: محمد المرتضى حامد
Date: 19-02-2011, 10:45 AM
Parent: #45

Quote: برافو يا اشرف.. تفسيرك هو الصاح أما تفسيري فكان تخمين فقط، واظن فنجان الجبنة الشربتها دي من جبنة الشرق

يا أميره،
أشرف برضو احتفظ لنفسه بخط رجعه وكلامو واضح باعتبار إنو الخواجات ديل
ما مضمونين، بالذات في مسألة الكراسي دي.

Post: #50
Title: Re: صورة لكرسي أحد المسؤولين..
Author: محمد المرتضى حامد
Date: 19-02-2011, 01:08 PM
Parent: #49

Quote: Quote
Quote: : قوى اليسار في حالة ( تنميل)


دا وكتو؟.. أو زي ما بقول جني يا مولانا "طيب ما أم الحسين اتنفخت!"


شئ طبيعي يا أشرف،
أم الحسين مش من الشعب؟
ولاستدامة الدعاء والأيادي التِي أعياها الرفع صمم هذا الكرسي للشعب:


يا الله هووووووي
..




قولوا آمين

Post: #51
Title: Re: صورة لكرسي أحد المسؤولين..
Author: الطيب شيقوق
Date: 19-02-2011, 08:38 PM
Parent: #50

المرتضى


لكنه رفض العرض متمسكا بمعتقده ومتعلقاته الشخصية فغضب عليه ،

ديل شنو بشكيرو وفرشة اسنانو ولا other organs؟

Post: #52
Title: Re: صورة لكرسي أحد المسؤولين..
Author: محمد المرتضى حامد
Date: 22-02-2011, 07:30 PM
Parent: #51

يا الطيب كيف حالك،
زي ما قال القذافي قبل قليل :
دي عين