محمد المرتضى حامد!

محمد المرتضى حامد!


10-10-2011, 07:31 AM


  » http://sudaneseonline.com/cgi-bin/sdb/2bb.cgi?seq=msg&board=219&msg=1336091646&rn=0


Post: #1
Title: محمد المرتضى حامد!
Author: jini
Date: 10-10-2011, 07:31 AM

نفتقد قلمك الرشيق بشدة
كن بخير انت واسرتك أيها الجميل
جني

Post: #2
Title: Re: محمد المرتضى حامد!
Author: فيصل محمد خليل
Date: 10-10-2011, 07:44 AM
Parent: #1

يا محمد المرتضى حامد
عد

بنفرح بيك فرح البعيد العاد

Post: #3
Title: Re: محمد المرتضى حامد!
Author: صديق الموج
Date: 10-10-2011, 07:55 AM
Parent: #2

شرحو!!

Post: #28
Title: Re: محمد المرتضى حامد!
Author: محمد المرتضى حامد
Date: 11-10-2011, 07:48 AM
Parent: #3

Quote: شرحو!!

يعني إنت الكنت موجود؟

الناس بقت تمشي بضل الحيطه التقول لابِد ليها رئيس نادي،

غايتو ، قصة الرؤساء قصة..

تسلم يا موج.

Post: #4
Title: Re: محمد المرتضى حامد!
Author: Hololy
Date: 10-10-2011, 07:58 AM
Parent: #2

.....
..
..
Quote:
نفتقد قلمك الرشيق بشدة
كن بخير انت واسرتك أيها الجميل
جني

..
..
Quote:
يا محمد المرتضى حامد
عد

بنفرح بيك فرح البعيد العاد

.
.
..........
...
...
...... كل واحد فيكم ... واحده ..بالله
..
..

Post: #35
Title: Re: محمد المرتضى حامد!
Author: محمد المرتضى حامد
Date: 11-10-2011, 10:40 AM
Parent: #4

Hololy

لا أخفيك أن الإسم عامل لي جهجهه قدر شنو،
غايتو خليهو كدا وسيبني في نيراني أنا ومعاي كتيرين يرددوا يا هلولي وعليك بزيد في ظنوني،
والناس اللي هديت ليهم ورود حمراء ديل ما خليت ليهم حاجه تب،

شكرا يا الأمير.

Post: #5
Title: Re: محمد المرتضى حامد!
Author: عبدالرحمن إبراهيم محمد
Date: 10-10-2011, 08:15 AM
Parent: #2




أخــى محمد المرتضى حامد

لـك تـحـيـاتـى وأمـنـيـاتـى

والله مـاعـاد للـبـورد رونـقـه
ولا للـكـلـمات ألـقـهـا وصـارت
آمـال الإبــداع زهــورا ذابـلات
عـلاها الصـدأ وأبتلاهـا الضـمور.

فـعـد إلـى بـســتانـهـا أيـهـا
الزارع فيـها النـضـرة والـبـهـرج
والـغـارس سـنابـل تأكل مـنـهـا
طـيور الفرح والبشـرى والباذل لـنـا
قـناعـات بأنا نـحـس ونـعـشـق
الـجـمال ونـنـتـشـى بـعـبـقـه
ونـذوب وجـدا وصـبابـة وأنت تحلق
بنـا فـى عـوالـم الطـرب والشعـر
والـذكـرى

فعـد إليـنـا حـتى يـسـتـقـيـم
تـذوقـنا للإبـداع

ودمـت ســعـيـدا أيـمـا قـررت
وحـيـثـما كنت.





Post: #6
Title: Re: محمد المرتضى حامد!
Author: DKEEN
Date: 10-10-2011, 08:33 AM
Parent: #5

مكلف بي مهام فنية غاية في الدقة..

Post: #7
Title: Re: محمد المرتضى حامد!
Author: هشام هباني
Date: 10-10-2011, 08:52 AM
Parent: #5

اخونا جنى

تحياتي

مولانا سعادة المستشار ( ود المرتضى) سوداني جميل واصيل ورشيق انيق اعرفه من اواخر سبعينيات القرن الماضي عبر اخي وصديقنا المشترك الاستاذ الشيخ قربب الله المقيم حاليا بكندا وهو زميل دراسة لي بكلية القانون جامعة الخرطوم وصديق عمر وزميل دراسة ل(ود المرتضي) وحينها كان ود المرتضى يدرس القانون بمصر ومن خلال ( الشيخ) تشرفت بالتعرف عليه و( من ديك وعيك) فالرجل اخ وصديق عزيز وقد تشرفت بزيارته والاقامة ضيفا في داره العامر بسلطنة عمان في زيارتي في العام الماضي للسلطنة لزيارة مجموعة من الاصدقاء وكانت بالفعل ليلتين حميمتين قضيتهما في (فيلاه) الرحيبة العامرة والتي دعا لي فيها نفرا كريما من اصدقائي القدامي هناك ..وبالفعل المنبر يفتقده جدا ويفتقد قلمه الرشيق مثلما (طراهو بالخير) اخونا بروفسور عبد الرحمن ابراهيم الرجل العالم الجليل النبيل.

MurtadaHisham.JPG Hosting at Sudaneseonline.com



شكرا نبيلا جنى

Post: #8
Title: Re: محمد المرتضى حامد!
Author: بله محمد الفاضل
Date: 10-10-2011, 09:30 AM
Parent: #7

يفتقد البدر



فهلا طلعت وإن قليلا




شكراً جني

Post: #9
Title: Re: محمد المرتضى حامد!
Author: osman righeem
Date: 10-10-2011, 09:50 AM
Parent: #8

حقا مثله يفتقد


و الليلة الظلماء يفتقد البدر

Post: #10
Title: Re: محمد المرتضى حامد!
Author: أبوبكر أبوالقاسم
Date: 10-10-2011, 09:52 AM
Parent: #8

شكراً جنى على هذه اللفتة ...

ونتمنى أن يرجع سريعاً فالبورد فعلاً يفتقده.

Post: #11
Title: Re: محمد المرتضى حامد!
Author: tayseer alnworani
Date: 10-10-2011, 10:03 AM
Parent: #10

ود المرتضى
انك لا تغيب عن الذاكرة برغم السنين
فوجودك فى المنبر يسعدنا
بالله طلنا
عشان ينور بيتنا

Post: #12
Title: Re: محمد المرتضى حامد!
Author: سيف بخيت موسي
Date: 10-10-2011, 10:20 AM
Parent: #11

Quote:

حقا مثله يفتقد
و الليلة الظلماء
يفتقد البدر




شكرأ وتحية لجني

نفقده معكم ونتمنى أن يكون بألف خير


سلام للجميع

Post: #13
Title: Re: محمد المرتضى حامد!
Author: الطيب شيقوق
Date: 10-10-2011, 10:49 AM
Parent: #12

(ناسنا) يا المرتضى ما بكسروا خاطر رجال في قامة البروف عبد الرحمن إبراهيم

عد إليهم وإليهنّ وإلينا يا العزيز

شكرا يا جني وهنيئا لك فقد نلت قصب السبق علينا جميعا

Post: #14
Title: Re: محمد المرتضى حامد!
Author: الزاكى عبد الحميد
Date: 10-10-2011, 12:33 PM
Parent: #13

تبقى لنا من الأشياء الجميلة
قليل...
فعد يا صديقي لكي تكون الغلبة لهذا القليل
ليجوس في محطات العتمة وينشر الضياء..

جني يا أيها الرائع لك ودي

Post: #15
Title: Re: محمد المرتضى حامد!
Author: Gaafar Ismail
Date: 10-10-2011, 01:24 PM
Parent: #14


معك يا جني افتقد أخي الأستاذ العزيز الفاضل محمد المرتضى ، وافتقد أيضا أخي الفاضل العزيز الأستاذ عبدالمنعم خليفة

Post: #16
Title: Re: محمد المرتضى حامد!
Author: Osman Musa
Date: 10-10-2011, 02:06 PM
Parent: #15

سلامات عزيزنا جني

وعزيزنا ود حامد يا جني . معاك بنفتقدو كتير كتير
الزول العديل المحترم صاحب الكتابات الجادة والبتجمع بين سعة الأفق المعرفي
وعمق التحليل وسلامة اللغات ونضج المعالجات والطعم الحلو .

يا ود حامد أوعك تاني تكون رجعت تفكر في العودة لجخانين المكتبات ؟؟؟
ياخ تعال
تحياتي

Post: #17
Title: Re: محمد المرتضى حامد!
Author: Ahmed al Qurashi
Date: 10-10-2011, 03:17 PM
Parent: #16

الأخ العزيز / جني

سلامات

الأخ محمد المرتضى سيعزد قريبا الى المنبر

ليس هنالك ما يمنعه سوى انشغاله بالعمل

هذه الأيام عنده الكثير من القضايا المتراكمة

وخاصة انه كان في اجازة للسودان طالت قليلا

وان شاء الله سيكون بينكم قريبا

وسينتشله هذا البوست من زخم العمل والمشغوليات

وسنرى قلمه بين ساحات هذا المنبر

ليزيد مساحة الخير والجمال هنا

ولك كل الود والتقدير



Post: #18
Title: Re: محمد المرتضى حامد!
Author: الفاتح ميرغني
Date: 10-10-2011, 05:06 PM
Parent: #17

نتوق إلى عودة الربان محمد كي يبحر بنا إلى عوالم الجمال الأخري،كما نتوق إلى عودة أستاذنا وقامتنا السامقة عبدالمنعم خليفة كي ينثر لنا الفرح المخضل!

شكرا جني.

محبتي.

Post: #19
Title: Re: محمد المرتضى حامد!
Author: خدر
Date: 10-10-2011, 05:37 PM
Parent: #18

يا مولانااااااااا




شكرا جني يا اصيل

Post: #20
Title: Re: محمد المرتضى حامد!
Author: ABUHUSSEIN
Date: 10-10-2011, 05:43 PM
Parent: #19

و الله كلنا إفتقدنا الرجل


شكراً يا حيدر

Post: #21
Title: Re: محمد المرتضى حامد!
Author: طارق جبريل
Date: 10-10-2011, 06:03 PM
Parent: #20

يا سلام يا جني ياخ
دة زول زين بالحيل
اتمنى ان يكون بخبر هو واسرته

Post: #22
Title: Re: محمد المرتضى حامد!
Author: munswor almophtah
Date: 10-10-2011, 06:52 PM
Parent: #21

له لونيه خاصه ومذاق مختلف يستسيغهما الكل نعذره للتأخير ونجبره للعوده



منصور

Post: #23
Title: Re: محمد المرتضى حامد!
Author: محمد علي شقدي
Date: 10-10-2011, 08:45 PM
Parent: #22

يا الله يا جني كايس للبندول
يا مسكن الالآم احساسا ومعنى يا استاذنا المرتضى ما تبقى صعب المنال
بالحيل محتاجين قلمك الاخضر

Post: #24
Title: Re: محمد المرتضى حامد!
Author: محمد المرتضى حامد
Date: 10-10-2011, 11:16 PM
Parent: #23

لولا القلب الذي يحبّك والقلب الذي تحبّه لكنت هباء منثوراً.
(جبران )

حيدر محجوب (جني)..

من نِعَمِ الإله علينا أن قيّض لنا أناسا أحببناهم دون أن نراهم في زمن لانرى فيه المصائب وحسب بل نقتاتها
ونتجرع من جرادلها حد القرطعه وفي هذا بيان عملي كاف لقول المولى (إن مع العسر يسرا ).

أعزيك في ذهاب الجنوب العزيز وهي تعزية متأخرة في حدث قديم جديد ليس هنا وقت أو مكان الحديث عنه لكن
برضو اقبل تعزيتي لأنك يا (جني) كنت سيد وجعه جد وكما تقول العرب النائحة الثكلى ليست كالمستأجرة .

ما رحلت عن المنبر وما غبت عن المشاركة ، والأخيرة ، وأنت سيد العارفين ، ليست بالضرورة أن تكون
بالكتابة بل بمجرد القراءة وهي ، في ظني ، العنصر الأهم، فالذين يكتبون هنا حتما سيتوقفوا إذا لم
يجدوا من يقرأهم ، والقـــــــــراء هم الوقود المخصَّب للإبداع والحافز للكتابة . كنت أطالع المنبر
متى ما أتيح ذلك سيما وأني لست من الكتاب الراتبين ولا أجيد فعل الكتابة رغم عشقي الهذيان ، أضف إلى
ذلك أني ، ومنذ مدة ليست بالقصيرة ، أعاني من إحساس بايخ برتبة مشير بأني ليس لدي ما أكتب ، حاجه
كده يا حيدر زي الإحساس بالخواء المصحوب بتورم في معالق الجوف ، إحساس أنك خرجت من زمن ( شهقَة زهور
عطشانَهْ فوق أحزانها متكية) ودخلت في زمن (الجغمسه) وهكذا بجرة عمر أصبحنا – كما قال الدوش - نخت
الخمسه في الإتنين ونمتع النفس بالدهشة.
.. والله صحي ..

صدقني، ظللت على تواصل مع المنبر وكثير ممن جمعني بهم أو عرَّفني إليهم وبصاحب الحوش الباشمهندس
بكري ( أبو done )، مش كده وبس بل ظللت أتصل بكثير من حَمَلة الأقلام المكرَّبه أعتب عليهم غيابهم عن رفد
المنبر بالحروف المكهربه الصاهرة للشاشات والمعاني المنظفة لزجاج النفس ، ولا أغالي إن قلت لك شغَّال
تحنيس مع عدد منهم حتى بلغُت شفير الاستجداء مرددا مع حنان بلو بلو : تعال لي وما تشمِّت الناس علي..
وما من مجيب ، لكن ليك علي أجيبم واحد واحده حتى لو تعلقوا بأستار الفيسبوك وتمترسوا خلف التويتر
أو تخندقوا في المسنجرات واحتموا بقبائل الدوت كوم ومضارب بني إسكايب.

شكرا إنك إتذكرتني وأشكر شمس الدين السنوسي وسعادة عمر علي حسن وممكونه، والأخيرين ديل عارفين البي والعلي
ويقدروا ظرفي الممحوق وجسمي المنحول وزمني الخاين، أها يا سيد أبوك ما تخاف علي كلو كلو ، بس ما تنسانا
من صالح الدعوات وركِّز لي على حسن الخاتمة.

وبرضي ليك المولى الموالي
.

---

العاصفة لا تكسر من الأغصان إلا يابسها.
برضو جبران

Post: #25
Title: Re: محمد المرتضى حامد!
Author: طارق ميرغني
Date: 10-10-2011, 11:40 PM
Parent: #24



اخي جني

عناية مولانا محمد المرتضي

اقول له ما قاله صديقي المرحوم ابو امنه حامد

تفتح الزهر حلو لكن ثغرك احلي

والبان عال شموخ لكن جبينك اعلي

بعضي لبعضك كل هل يعشق البعض كلا .....

امنت بالحسن لما الحاده فيك صلي

يا .....ضاحك المقلتين

مشكور جني مره

ومشكور مره اخري لانك نكت د. احمد القرشي

الذي هو الاخر غائب غيبة محمد المرتضي

Post: #26
Title: Re: محمد المرتضى حامد!
Author: Luay Elhashimi
Date: 11-10-2011, 00:01 AM
Parent: #25

عودا حميدا مستطاب

Post: #27
Title: Re: محمد المرتضى حامد!
Author: محمد المرتضى حامد
Date: 11-10-2011, 06:50 AM
Parent: #2

Quote: عد

بنفرح بيك فرح البعيد العاد



فيصل عزيزنا،

مصداقا لمقولة رئيس سابق (أصلو نحن السودانيين قلبنا رهيف زي الآبري)
كلام زي دا تاني كان كررتو إحتمال كبير أستقيل من عملي وأشتغل في المنبر ده ..
بدوام كامل ..
الأوصاف..
بس إنت اتلهَّم لي صاحبك الطيب شيقا بايت دا..


Post: #29
Title: Re: محمد المرتضى حامد!
Author: ناجى أحمد البشير
Date: 11-10-2011, 09:06 AM
Parent: #27

شكرا جنى على هذه الأستراحة فى بستان الايام النواضر

مرتضى الذى لا زلت اذكره ايام محمد حسين الثانوية الجميلة وشارع الشنقيطى
ذلك الشاب الخلوق الخفيف الظل .. هلا أطل من جديد عبر هذا المنبر الذى افتقد قلمه الرشيق

Post: #30
Title: Re: محمد المرتضى حامد!
Author: فايزودالقاضي
Date: 11-10-2011, 09:14 AM
Parent: #29

ياسلااااام ياجني ...

استاذي محمدالمرتضى من الناس الجميلين في المنبر ..ووجوده وجود للجمال والتوازن ..
حقاً نفتقده بشدة ...ونفتقد آهل ساره بغيابه ..
على المستوى الشخصي فهو من الاقربين الى قلبي ..اخ وصديق عزيز ..
نتمنى ان يكون دوماً بخير هو واسرته الكريمة ...

تحياتي للجميع ..

Post: #31
Title: Re: محمد المرتضى حامد!
Author: محمد سنى دفع الله
Date: 11-10-2011, 09:27 AM
Parent: #30


شكرا جني
مشتاقين تعزف لينا لحن المحبة
محبتي

Post: #32
Title: Re: محمد المرتضى حامد!
Author: dardiri satti
Date: 11-10-2011, 09:28 AM
Parent: #30

Quote: التقول لابِد ليها رئيس نادي،





ياخي بالغت!!!



لكن
Quote:
غايتو ، قصة الرؤساء قصة..


هسع دي لازمتها شنو؟؟؟؟




تحياتي

Post: #33
Title: Re: محمد المرتضى حامد!
Author: ismeil abbas
Date: 11-10-2011, 09:47 AM
Parent: #32

بصراحة شخص أدب وأدب.

Post: #34
Title: Re: محمد المرتضى حامد!
Author: ناصر احمد الامين
Date: 11-10-2011, 09:55 AM
Parent: #33

ندين هذا الغياب
و نناشد الشفيف الراقي بالعودة

Post: #36
Title: Re: محمد المرتضى حامد!
Author: محمد المرتضى حامد
Date: 11-10-2011, 12:13 PM
Parent: #34

البروفيسور عبد الرحمن،

حياك الغمام،

في بوست لي بعنوان صور أهل ساره القيافه وغناويهم.. كتب
صديقنا عماد عبدالله - بتاع المشاكل- معلقا على صورة حسناء أثيوبية تسمى ساره نورو (هسي أنا أعمل شنو؟)
على منواله روى د. أحمد القرشي قصة تلك الطالبة الجامعية الغريرة التي صارحها زميلها – على حين غرة – بحبه لها وهي التي لم تنل
تدريبا عمليا في شئون الكهرباء فقال لها (أنا بحبك) فجاء ردهاالمضطرب للولهان : هسه أنا أعمل شنو؟
قامت ممكونه روت قصة البنت اللي شاهدت واحده سمحه قاطعه في فيلم هندي فقررت ألا تذهب للمدرسة في اليوم التالي وقالت : هسه
الناس يقولوا علي شنو .

أها يا مولاي كلامك الكتبتو فوق دا أرد عليه كيف؟ وأودي وشي منو وين ؟

هل غاليت في ردي لجني بقولي أن الواقع أصبح أكثر إدهاشا من محاولة أي كتابة هنا أو هناك؟
بالله يا بروف مهما أتيح لي من بيان فما الذي يمكنني إضافته إلى قارئ أصبحت الطماطم بعض أحلامه
وإضراب يومين عن اللحمة يندرج تحت بند ثورة لم يسمع بها ميرابو أو تروتسكي..

كنت بفتش في قصيده كتبها أحدهم أيام نميري بعنوان (قتلنا الرغيف) ولم أجدها وأرجو أن يرفدنا بها جائع
أو مغلوب في بلده 22/0 من أعضاء هذا المنبر لكنها مهما علت لن تكون (أبدع) من الواقع.

إحترامي إليك من صميم قلبي.


Post: #37
Title: Re: محمد المرتضى حامد!
Author: عبدالحفيظ حسن
Date: 11-10-2011, 01:38 PM
Parent: #36

.


Quote: وخاصة انه كان في اجازة للسودان طالت قليلا


يعنى بالله يامولانا جيت السودان وما جبت لى معاك الأمانة؟؟؟؟


حقيقة افتقدنا هذا القلم الرشيق الأنيق....
جزالة الكلمات....و أناقة الحروف....
ما إن ترى اسمه....حتى تتشوق وتتلهف لفتح (البوست)
موعودا بكل الجمال ياغالى.....

ليتك لا تغيب... حتى لا نفقد اللهفة (والريد والعذاب!!!)




.

Post: #38
Title: Re: محمد المرتضى حامد!
Author: محمد المرتضى حامد
Date: 11-10-2011, 02:31 PM
Parent: #37

Quote: مكلف بي مهام فنية غاية في الدقة..


DKEEN
المهمة الفنية الفوكرز دي إلا نخبِت بيها الأرض عشان تفتح.
ياخ راجيك في مسقط وكان قلت داير foam في المدرج برضو إندي
..

Post: #40
Title: Re: محمد المرتضى حامد!
Author: Balla Musa
Date: 11-10-2011, 02:37 PM
Parent: #38

مولانا محمد المرتضى

لولا اننا نعرف أن لك بعض الأع(ض)اء فى هذا المنبر يكفوا العين, لأشفقنا عليك من هذا البوست!!

Post: #39
Title: Re: محمد المرتضى حامد!
Author: Asma Abdel Halim
Date: 11-10-2011, 02:34 PM
Parent: #37

Quote: أعاني من إحساس بايخ برتبة مشير بأني ليس لدي ما أكتب ، حاجه
كده يا حيدر زي الإحساس بالخواء المصحوب بتورم في معالق الجوف ، إحساس أنك خرجت من زمن ( شهقَة زهور
عطشانَهْ فوق أحزانها متكية) ودخلت في زمن (الجغمسه) وهكذا بجرة عمر أصبحنا – كما قال الدوش - نخت
الخمسه في الإتنين ونمتع النفس بالدهشة


مرتضى
دي أسمهاال Writer's Block
لكن بتفك منك لو عرفت إني شايلة سوط ولابده ليك أول ما تنزل من عربيتك قدام البيت

Post: #41
Title: Re: محمد المرتضى حامد!
Author: khaleel
Date: 11-10-2011, 04:04 PM
Parent: #39

نورت يا محمد المرتضي

نقدر اسباب الغياب

Post: #42
Title: Re: محمد المرتضى حامد!
Author: محمد المرتضى حامد
Date: 11-10-2011, 04:33 PM
Parent: #39

الناظر هباني،

أريتك طيب يا أبا نضال،

هسه في داعي تجيب تاريخ الصحبه البيناتنا والجامعات وكمان جايب صوره ؟
إنت يا هشام بالطريقه دي حاتبوِّظ علاقتي بالحكومه الرشيده والتوجه الحضاري
ويقوموا الناس يقولوا علي معارض ، مع إني طالع نازل أمدح سااااي (أنا بريدك يا البشير)،
زح مني بعيد وأبعدني من صورتك المركبه بالفوتوشوب دي ، عايزني مع الغربه والفلس كمان أبقى شقي ومجنون؟
ياخ المؤتمر الوطني هذا أرى فيه بقايا العمر وأوهامي كما قال مظفر، أنا جهَّزت العمامه والشال الماخمج
ومركوب النمر أما الكرش فأديني شهرين تلاته داب الحكومة الموسعه تلتئم ، إيه رأيك في "تلتئم" دي ،
وهاك يا التلاجه الحنَّانه الماخمج ، بعدها مثنى وثلاث وما بنساك فهي لله هي لله ..

بس هسه عليك بنفي كلامك الفوق دا لأنك زول بتاع سياسة و معارض وأنا عندي عارض وماشي أشوف لي فكي كارب
يفك ساجوري يمكن أبقى معتمد أو والي، أيا كان الوالي بيطري أو شروق ، وكان القصه باظت حا أسمي نفسي "وارقو"
والماعاجبو يلحس كوعو.

أساهر الليل..

برايا برايا براي برايا..

Post: #43
Title: Re: محمد المرتضى حامد!
Author: Elawad
Date: 11-10-2011, 04:43 PM
Parent: #42

شكرا يا جني. أستاذ محمد من النسمات اللطيفة في هذا المنبر.

Post: #44
Title: Re: محمد المرتضى حامد!
Author: willeim andrea
Date: 11-10-2011, 04:44 PM
Parent: #42

Quote: أساهر الليل..

برايا برايا براي برايا..


الحمدلله علي السلام يالحبيب ...



.. واسمح لينا معاك السهر :)



Post: #45
Title: Re: محمد المرتضى حامد!
Author: عبدالمجيد المقابل
Date: 11-10-2011, 04:55 PM
Parent: #44

حمد الله علي سلامة عودة القلم الرقم مولانا محمد المرتضي

شكرا" جني

Post: #46
Title: Re: محمد المرتضى حامد!
Author: jini
Date: 11-10-2011, 05:21 PM
Parent: #45

Quote:
لولا القلب الذي يحبّك والقلب الذي تحبّه لكنت هباء منثوراً.
(جبران )

حيدر محجوب (جني)..

من نِعَمِ الإله علينا أن قيّض لنا أناسا أحببناهم دون أن نراهم في زمن لانرى فيه المصائب وحسب بل نقتاتها
ونتجرع من جرادلها حد القرطعه وفي هذا بيان عملي كاف لقول المولى (إن مع العسر يسرا ).

أعزيك في ذهاب الجنوب العزيز وهي تعزية متأخرة في حدث قديم جديد ليس هنا وقت أو مكان الحديث عنه لكن
برضو اقبل تعزيتي لأنك يا (جني) كنت سيد وجعه جد وكما تقول العرب النائحة الثكلى ليست كالمستأجرة .

ما رحلت عن المنبر وما غبت عن المشاركة ، والأخيرة ، وأنت سيد العارفين ، ليست بالضرورة أن تكون
بالكتابة بل بمجرد القراءة وهي ، في ظني ، العنصر الأهم، فالذين يكتبون هنا حتما سيتوقفوا إذا لم
يجدوا من يقرأهم ، والقـــــــــراء هم الوقود المخصَّب للإبداع والحافز للكتابة . كنت أطالع المنبر
متى ما أتيح ذلك سيما وأني لست من الكتاب الراتبين ولا أجيد فعل الكتابة رغم عشقي الهذيان ، أضف إلى
ذلك أني ، ومنذ مدة ليست بالقصيرة ، أعاني من إحساس بايخ برتبة مشير بأني ليس لدي ما أكتب ، حاجه
كده يا حيدر زي الإحساس بالخواء المصحوب بتورم في معالق الجوف ، إحساس أنك خرجت من زمن ( شهقَة زهور
عطشانَهْ فوق أحزانها متكية) ودخلت في زمن (الجغمسه) وهكذا بجرة عمر أصبحنا – كما قال الدوش - نخت
الخمسه في الإتنين ونمتع النفس بالدهشة.
.. والله صحي ..

صدقني، ظللت على تواصل مع المنبر وكثير ممن جمعني بهم أو عرَّفني إليهم وبصاحب الحوش الباشمهندس
بكري ( أبو done )، مش كده وبس بل ظللت أتصل بكثير من حَمَلة الأقلام المكرَّبه أعتب عليهم غيابهم عن رفد
المنبر بالحروف المكهربه الصاهرة للشاشات والمعاني المنظفة لزجاج النفس ، ولا أغالي إن قلت لك شغَّال
تحنيس مع عدد منهم حتى بلغُت شفير الاستجداء مرددا مع حنان بلو بلو : تعال لي وما تشمِّت الناس علي..
وما من مجيب ، لكن ليك علي أجيبم واحد واحده حتى لو تعلقوا بأستار الفيسبوك وتمترسوا خلف التويتر
أو تخندقوا في المسنجرات واحتموا بقبائل الدوت كوم ومضارب بني إسكايب.

شكرا إنك إتذكرتني وأشكر شمس الدين السنوسي وسعادة عمر علي حسن وممكونه، والأخيرين ديل عارفين البي والعلي
ويقدروا ظرفي الممحوق وجسمي المنحول وزمني الخاين، أها يا سيد أبوك ما تخاف علي كلو كلو ، بس ما تنسانا
من صالح الدعوات وركِّز لي على حسن الخاتمة.

وبرضي ليك المولى الموالي.
---

العاصفة لا تكسر من الأغصان إلا يابسها.
برضو جبران


Post: #47
Title: Re: محمد المرتضى حامد!
Author: jini
Date: 11-10-2011, 05:32 PM
Parent: #46

ابو الزفت!
مرعى ولا كالسعدان وماء ولا كصداء وفتى ولا كمالك!
الله يجبر بخاطرك كما جبرت بخاطر كل الأحباب الذين تصدوا المناشدة
جني

Post: #48
Title: Re: محمد المرتضى حامد!
Author: الشامي الحبر عبدالوهاب
Date: 11-10-2011, 06:41 PM
Parent: #47

مشاركات الاخ محمد المرتضي من المشاركات الرصينة المفيدة
التي احرص علي متابعتها والتي افتقدتها ايضا طيلة غيابه
مرحباً بعودة الاخ محمد المرتضي
وشكرا لك اخ جني ان اخرجته من مخبئه

Post: #49
Title: Re: محمد المرتضى حامد!
Author: محمد المرتضى حامد
Date: 11-10-2011, 09:09 PM
Parent: #48

بله،

سلامات ود محمد وكيفك في زمن التشظي المريب،

ياخ الشاب (جني) أسعدني وأشقاني في آن بهذا البوست ،

أنا سعيد بشوفة ناس ما كنت عارف إنهم بيعرفوا أني عضو بالمنبر وحزين أني لن

أكتب لهم بقدر ما يستحقون.

إتأخرت في الكتابة إليك لأني كنت في محاضره عذبة بالنادي السوداني بمسقط

قيل فيها الكثير عن الفن والجمال وكلية الأركان التي تقع في أجمل موقع يطل على

النيل وكلية الفنون المرميه في الخلا.

الله يديهو العافيه راشد دياب منحنا وقتا أزال الشعور بالحبس الإنفرادي فعرف الواحد

منا أن المصيبة ليست كلها على كتفه وليست حكرا على قلبه ..

أقول ليك قوله..

خليها على ربك.

Post: #50
Title: Re: محمد المرتضى حامد!
Author: محمد المرتضى حامد
Date: 11-10-2011, 10:35 PM
Parent: #49

-


ريثما نصل إيوان الزعيم رغيم

Post: #51
Title: Re: محمد المرتضى حامد!
Author: صديق الموج
Date: 12-10-2011, 00:44 AM
Parent: #50

فوق

Post: #52
Title: Re: محمد المرتضى حامد!
Author: محمد الكامل عبد الحليم
Date: 12-10-2011, 04:49 AM
Parent: #47

تحية....

زي فرح البعيد العاد..

Post: #53
Title: Re: محمد المرتضى حامد!
Author: خالد المحرب
Date: 12-10-2011, 06:27 AM
Parent: #52

شكرا جنى سنارتك جابت لينا المطايب
ود المرتضى ليك وحشه والله
غيابك طال انشاء الله المانع خير

عووووووووووووووووووووووووووووووووك
دا سبب التعديل بتعجنى عن بادى عندما يحس بالمعنى وهو يودى هذا الدر النفيس

Post: #54
Title: Re: محمد المرتضى حامد!
Author: وليد عبد اللطيف
Date: 12-10-2011, 07:06 AM
Parent: #53

sudansudansudansudansudansudansudansudansudansudansudansudansudansudansudan1.jpg Hosting at Sudaneseonline.com

باعث الفرحة والفرح لاصدقائة والقراء
انه احد اضلاح مثلث شيطان الابداع بهذا المنبر
مع اصدقائة ود القريش وشيقا
يكتب وكانه يقف ويتحدث امامك
شكرا ياجني افتقدناهو لدرجة امتنعت حتى الدخول في هذه البوست
ولكن الحمد الله الان وجدته يتوسطكم كالنجم يلالي ...
.
.
شكرا ياجني اخرجت لنا اللؤلو من بين الاصداف

Post: #55
Title: Re: محمد المرتضى حامد!
Author: محمد المرتضى حامد
Date: 12-10-2011, 10:24 AM
Parent: #54

-
تتبارك أيامك عزيزنا عثمان رغيم وأيام السوداني المنير عثمان عووضه
الذي أسعدني بشوفتن تروي العتامير بمعية بقية السمحين في منزله العامر بمحبة الأسرة،
الغياب عن (هنا) كان مجازا وليس مزاجا ، رغم أنه لصيق بالحال الهناك
ال (لا قمرا ظهر في سماهو ، لا نجمات يضوّن ) زي ما قال محمد سعيد دفع الله.
أها كلما وعدنا الخاطر (الكل ماليهو يتصبّر يقول أيام يعدن )
كان الوعد وعد عرقوب وبلغة زمن الإنغاز (ماسوره).


RighaimMurtadaAmaliaNasser.JPG Hosting at Sudaneseonline.com

من اليمين إلى اليسار (بدون سياسه) عادل وناصر وأمالياالمضيئة حفظها المولى والشامخ رغيم

-

Post: #56
Title: Re: محمد المرتضى حامد!
Author: محمد المرتضى حامد
Date: 12-10-2011, 12:58 PM
Parent: #55

Quote: ونتمنى أن يرجع سريعاً فالبورد فعلاً يفتقده.

مولانا أبوبكر أبوالقاسم،

سألتك بالله الزنقه الهنا - وأنت أدرى بشعابها - في مقارنه بينها وبين زنقة
إمبراطور أباطرة وملك ملوك ورئيس رؤساء أفريقيا؟ عليك الله في طريقه معاها لمتابعة
الحاجات السمحه زي سودانيزأونلاين؟ ياخ الواحد قرَّب يمشي النيجر.
بالمناسبه ، إنت ذاتك وينك ووين؟

تمنياتي لك بالصحة وانخفاض سعر صرف اليورو ودوام العافيه.

Post: #57
Title: Re: محمد المرتضى حامد!
Author: محمد المرتضى حامد
Date: 12-10-2011, 02:21 PM
Parent: #56

تيسير النوراني ،

أهل الزمن الأخضر - رغم فارق السن - لصالحي طبعا .. فأنا الأسن
شوفي كمان هباني وصّلا نهاية السبعينيات ،
شكرا يا تيسير، الغياب عن الشخبطة هنا تتعدد أسبابه لكن قلة الحيله والفكر
ولقمة العيش أو العصيده - وفي رواية أخرى الكِسره - واللهاث ورا السراب
مع الإحباط العام والخاص جميعها من أسباب التخندق ، ولولا إيمان بالقدر
وبعض الجميلين لقلت لك أن باطن الأرض أصبح خير من ظاهرها..
ولولا وجود الأصائل الأخيار لأنشدت مع محمد ودالرضي (الأهليه كملت).

أرسل إليك ولأخي كمال "حين ينام الحزن سلامي".

Post: #58
Title: Re: محمد المرتضى حامد!
Author: Asma Abdel Halim
Date: 12-10-2011, 03:13 PM
Parent: #57

مرتضى هاك قصيدتي المفضلة وإن كانت باعثة على الدبرسة

كل ما أقفل راجعة للبلد أجي خايفة من

Quote: ولا أبغى إلا ركن المأوى،
ولقيمات العصر، وفضل الكأس،
أجيئُك بعصاى فخذها،

ما تخلي السودان يدبرس بيك واتذكر دايما كلماتنا البترفع عنك أي مسؤولية "كل شي قسمة ونصيب"

قفول المتنبى إلى مصر

يا كاتم أنفاسى، يا مترصد أحلامى
يا بوابات المصيدة المنتشرة حولى
هأنذا فى البرد اللافح والليل الفتاك أعود إليكََ،
.. فلست أضاهيكَ،
.. ولا أقدر أن أتطاول فأعاديكَ،
ولا حتى أن يسنح لى حلم الهجرة عن واديكَ،
اصطفقت فى وجهى أبواب العدل،
فعدت إلى أبواب الجور المفتوحة فيكَ،
انغلقت فى وجهى شرفات العشق،
فعدت إلى زنزانات المقت المزروعة فيكَ
يا كف الحقد المجهولة،
.. تسحبنى من خلفى حين أدير إلى الحب عيونى
يا شبح الموت الواقف بين المجد وبينى
فلتهدأ، ها جفل الخيل،
.. وحاصرنى الليل،
.. وتلك البيداء ابتلعتنى،
والسيف امتشقَته فى وجهى أطلال الربع العافى...
فأنا لا يعرفنى إلاكَ،
وهأنذا فى البرد اللافح والليل الفتاك أعود إليكَ،
.. ولا أبغى إلا ركن المأوى،
ولقيمات العصر، وفضل الكأس،
أجيئُك بعصاى فخذها،
وسأحيا فى كنفك عبدا،
مسرور الطلعة فى ظل سواد أياديكَ،
.. وبطش لياليكَ،
.. ونور الظلم الساطع فيكَ،
.. أنا عبدك لست أضاهيكَ فخذنى،
لست أضاهيكَ
فولاذ عبد الله الأنور

Post: #59
Title: Re: محمد المرتضى حامد!
Author: محمد المرتضى حامد
Date: 12-10-2011, 04:58 PM
Parent: #58

Quote: نفقده معكم ونتمنى أن يكون بألف خير


يا سيف،

شكرا على الدعاء بلغة التمني،
إن كنت أنت بخير - من جوه الجوه - فأنا كذلك،
إنت طيب يا سيف؟
بخير؟

محبتي.

Post: #60
Title: Re: محمد المرتضى حامد!
Author: محمد المرتضى حامد
Date: 12-10-2011, 06:31 PM
Parent: #59

Sheega byte
Quote: (ناسنا) يا المرتضى ما بكسروا خاطر رجال في قامة البروف عبد الرحمن إبراهيم


البروف عبدالرحمن وسعادة اللواء عمر علي حسن - يا شيقا - من رفاق البوستات الماراثونية،
أعلم في قرارة نفسي أني بزعمي أني رفيقهما أضع نفسي في حال يشبه حال أسامة بن زيد
أقف على أمشاطي كي لايستثنوني من جيوش جمالهم وجحافل إبداعهم فلا أفوز بحسنى المشاركة وأعود مكسور الخاطر،
بس هم دايمن بيغضوا البصر عن قصر قامتي وضحالة ذخيرتي وزادي فيوفرا لي الزاد والراحله والمجن حتى
أصبح يغرقني إحساس أن غيابهما يجعل من مشاركاتي (فتلة في الرياح وثرثرة في الصخب) كما قال ودالمكي..

Post: #61
Title: Re: محمد المرتضى حامد!
Author: خالد المحرب
Date: 12-10-2011, 07:01 PM
Parent: #60




الزول الجميل المرهف الاستاذ ود المرتضى استأذن جنى واهدى لك هذه الكلمات وهى عباره عن
عجوه المعطونه فى عسل وابدعت فيها نانسى بادائها واحساسها المرهف

Post: #62
Title: Re: محمد المرتضى حامد!
Author: عمر علي حسن
Date: 12-10-2011, 07:41 PM
Parent: #61

Quote:
الزول الجميل المرهف الاستاذ ود المرتضى


اخواني جميعا

ليس عندي ما اقدمه لكم سوي صوتي اضمه لاصواتكم .. ولكنه فقط صوت من شغاف
القلب ومكامن الروح ..

المرتضي اخونا
تعال صاد .. الدار بلاك خلا ..

عمر علي حسن

Post: #63
Title: Re: محمد المرتضى حامد!
Author: osman righeem
Date: 12-10-2011, 09:07 PM
Parent: #62

http://youtu.be/QPOeObYrGR8



والله الليل طويل طولن يجنن زاتو

زمان يا مولانا كانت من احسن الدعوات التي تقال للمسافر
ان تقول لاهله رد الله غربته

لكن قولها الان يجعلك في مصاف الاعداء المؤكدين و الجادين ايضا

اخونا عادل عبد العاطي و اماليا نسأل الله ان يبدلهم الله غربة تقربهم منا جغرافيا

Post: #64
Title: Re: محمد المرتضى حامد!
Author: محمد المرتضى حامد
Date: 12-10-2011, 09:31 PM
Parent: #62

أديبنا الزاكي الباهي،

أذكر كلمات قالها نزار يوما معناها أن كل الأكسجين المتوفر في العالم العربي لايكفي لتنفس شاعر واحد،
لست بشاعر ولا أديب - والحمدلله من قبل ومن بعد - لكن برضو الواحد محتاج كم أسطوانة كي يُبقي على
عمل الرئات . بالله مش حاره بالحيل ألا يخلف بركان الشباب في المرء سوى الرماد؟
الآن يضحكني شريط مِشَغِّلو في راسي ورا وقِدَّام_ على طريقة أعاين فيهو واضحك وامشي واجيهو راجع - وفيه مقاطع
من تفاؤل الصبا اليتمرحل من (مشاكلي بسيطه بالريده بتُحل) إلى لقطات من رخام الشباب بشعار(آمال يماطلني بها
زماني من حين إلى حين) مرورا بهتافية من منتصف العمر مغزولة على أنامل سيف الدسوقي وهضربة الكهولة
(تاني ما تقول انتهينا) وهسه بِقَت في تولا زاتا.. يسرقك الشريط لامن تجيك في نهايتو
أسماء الممثلين طالعه من تحت لي فوق وتضاء أنوار الصاله فتعرف أن عليك المغادرة.


-

سكُت وصدري فيه تغلي مراجلُ

وبعض سكوتِ المرءِ للمرءِ قاتلُ

وبعضُ سكوتِ المرءِ عارٌّ وهُجْنَةٌ

يحاسَبُ من جّراهُما ويُجادَل

ولا عجبٌ أنْ يُخْرِسَ الوضعُ ناطقاً

بلى عجبٌ أنْ يُلْهَمَ القولَ قائل

Post: #65
Title: Re: محمد المرتضى حامد!
Author: محمد المرتضى حامد
Date: 12-10-2011, 09:38 PM
Parent: #64

والله ما أعمل تعديل،
فالأبيات أعلاه معروف أنها للضخم الفخم البابلي الفات الكبار والقدرو محمد مهدي الجواهري رحمه الله..

في كلام بعد



وبعض سكوتِ المرءِ للمرءِ قاتلُ

وبعضُ سكوتِ المرءِ عارٌّ وهُجْنَةٌ

يحاسَبُ من جّراهُما ويُجادَل

ولا عجبٌ أنْ يُخْرِسَ الوضعُ ناطقاً

بل عجبٌ أنْ يُلْهَمَ القولَ قائل ؟


لمن لايعرف دي من الحاجات البيقول عليها طارق جبرين : جمكسين.

Post: #66
Title: Re: محمد المرتضى حامد!
Author: tayseer alnworani
Date: 12-10-2011, 09:48 PM
Parent: #65

Quote: أهل الزمن الأخضر - رغم فارق السن - لصالحي طبعا .. فأنا الأسن




ود المرتضى ده كلام صاح خالص
ولا كنت برلومة ولا فى يوسف الحبوب ولا زمن جميل
لا حولا الله يخفف علينا مصابنا يا افكاتوا


لا تحزن فانت دوما الاعلون
وبكره ده كلو بنتهى
زولا تدوروا وتشتهى تلقاه فى لا فى السجن لا مختفى


سلامك لى كمال يصل مع شاى الصباح

ليك الامنيات بدوام السعادة والراحة

Post: #67
Title: Re: محمد المرتضى حامد!
Author: mamkouna
Date: 12-10-2011, 10:58 PM
Parent: #66




هسه انا اقول شنو ؟



Post: #68
Title: Re: محمد المرتضى حامد!
Author: أمين محمد سليمان
Date: 13-10-2011, 02:11 AM
Parent: #67

محمد المرتضي يا بعض عافيتنا في هذا المكان ... حمدالله علي السلامة يا حبيبنا ...

Post: #69
Title: Re: محمد المرتضى حامد!
Author: محمد المرتضى حامد
Date: 13-10-2011, 06:06 AM
Parent: #68

أستاذنا الجليل جعفر،

في هذا المنبر أعضاء جعلهم له أوتادا بغيرهم نخشى عليه من هوج الرياح وأنت منهم يا أبا سعد،

الحبيب المشترك عبدالمنعم خليفه بخير بعد تجاوز وعكة صحية كانت بمثابة إختبار للشباب وجاءت النتائج كما نحب..

قلت ليهو صاحبك جعفر بيسأل عنك فاحتفى أيما احتفاء وسيعود قريبا بعد اختفاءة ببلاد الإنكليز.

سلمت يا سيدي .

Post: #70
Title: Re: محمد المرتضى حامد!
Author: الطيب شيقوق
Date: 13-10-2011, 07:00 AM
Parent: #69

الاخ الزعيم عثمان رغيم

Quote: زمان يا مولانا كانت من احسن الدعوات التي تقال للمسافر
ان تقول لاهله رد الله غربته

لكن قولها الان يجعلك في مصاف الاعداء المؤكدين و الجادين ايضا


نعم اخي عثمان

لا انسى عبارة قالها لي احد الاقارب وهي ( والله يا الطيب غربتك دي بتقّل قلوبنا هنا)

يعني المغترب بقى خاتنو للحوبات يا عثمان اخوى

Post: #71
Title: Re: محمد المرتضى حامد!
Author: محمد المرتضى حامد
Date: 13-10-2011, 07:31 PM
Parent: #70

Quote: يا ود حامد أوعك تاني تكون رجعت تفكر في العودة لجخانين المكتبات ؟؟؟

من العناوين الظريفة التي مررت بها في هذا المنبر كان عنوان بوست أحد الأعضاء (خير جليس في الزمان
آي باد) ، لكن يا عثمان الكتاب لايعلى عليه لأسباب كثيرة أنت أدرى بها، الذين يؤلفون الكتب (المحترمة)
يبذلون جهدا مخلصا وثمينا ليقدموا لك خلاصة عمل مضن ربما يمتد سنوات ومن ثم لاتوجد أدنى مقارنة بين
قضاء الوقت في قراءة كتاب وما عداه..

المكتبات يا ودموسى هي أجمل الأماكن في الأرض ، ومعارض الكتب لاتجارى في جاذبيتها، وأذكر أن أحدهم
سئل ماذا يتمنى فأجاب : جزيرة جميلة فيها مكتبة كمكتبة الكونغرس وحسناء تدير تلك المكتبة
للكتاب سحر لايقاوم مهما تعددت الشاشات ، إذا لم تنم والكتاب على صدرك برائحة الورق المزيلة
للغربة فعليك مراجعة طبيب.

بس برضو الحوار والتفاعل والشغلانيات الصوتيه والبصريه المتوفرة في الكومبيوتر ووسيط كالشبكة العكليتية دي
ضرورية أحيانا لأنها تقوم بعمل الراديو والتلفزيون والفيديو والتلفون والكتاب والله يستر.

متابعك في السهل الممتنع فواصل تدفقك.

Post: #72
Title: Re: محمد المرتضى حامد!
Author: محمد المرتضى حامد
Date: 13-10-2011, 11:08 PM
Parent: #67

Quote: وسينتشله هذا البوست من زخم العمل والمشغوليات


واليم العميق حَلُّو شنو ياأبوحميد؟

الدفاع المدني؟

Post: #73
Title: Re: محمد المرتضى حامد!
Author: محمد المرتضى حامد
Date: 13-10-2011, 11:08 PM
Parent: #67

Quote: وسينتشله هذا البوست من زخم العمل والمشغوليات


واليم العميق حَلُّو شنو ياأبوحميد؟

الدفاع المدني؟

Post: #74
Title: Re: محمد المرتضى حامد!
Author: حبيب نورة
Date: 14-10-2011, 01:49 AM
Parent: #73

مرور خجِل



زول هناك


قولة سلام تبقالو روح!

Post: #75
Title: Re: محمد المرتضى حامد!
Author: محمد المرتضى حامد
Date: 14-10-2011, 08:13 AM
Parent: #74

الفاتح ميرغني صاحبي

أوهيو قوزايماسو وأريت حالك زين،

البروف علي عوض يوسف مبسوط لي هسي ، الكلام القالو عن أيامه معك

خلاَّني منفوخ كالمنطاد تزبلن..طاير في السماء بدون هيليوم أو هواء ملهلب.

ياها المحريه فيك يا العزيز..

في حاجه سغيره عاتب عليك فيها ، كيف ياخ تعمل ليك بوست عن ملكات الجمال

وما تناغمني ولا تقول لي عُّوك لامن أسمع بيهو في الحله والكلام يجيبو لي الناس ،

مش كده وبس ، لا لقيت ساره نورو ولا وزيرة الخارجيه الباكستانيه روحانا رباني خار..

طبعا دا غير قائمه طويله من المواد المشعه التي أصدرتها ال IAEA

الكلام دا ما كويس لكن المره دي بنمشيها وبجيك بي غـادي .

Post: #76
Title: Re: محمد المرتضى حامد!
Author: Siham Elmugammar
Date: 14-10-2011, 09:20 AM
Parent: #75

Quote: كنت أطالع المنبر
متى ما أتيح ذلك سيما وأني لست من الكتاب الراتبين ولا أجيد فعل الكتابة رغم عشقي الهذيان ، أضف إلى
ذلك أني ، ومنذ مدة ليست بالقصيرة ، أعاني من إحساس بايخ برتبة مشير بأني ليس لدي ما أكتب ، حاجه
كده يا حيدر زي الإحساس بالخواء المصحوب بتورم في معالق الجوف ، إحساس أنك خرجت من زمن ( شهقَة زهور
عطشانَهْ فوق أحزانها متكية) ودخلت في زمن (الجغمسه) وهكذا بجرة عمر أصبحنا – كما قال الدوش - نخت
الخمسه في الإتنين ونمتع النفس بالدهشة.


جنى يا اخوى بارك الله فيك عليك الله شوف مرقت لينا كلام زى شنو
ياخ تحياتى ياخ

Post: #77
Title: Re: محمد المرتضى حامد!
Author: محمد المرتضى حامد
Date: 14-10-2011, 02:43 PM
Parent: #76

(ضي المصابيح البعيدة) مولانا خدر ،

الحمدلله إنك سمعت مني مباشرة قبل هذا البوست،

لمتين مواعيدك سراب ؟

سؤال أعرف أنك ماعندك ليهو إجابة ..

عارف ، لأن الحال من بعضو..


___

يا طارق ، كلما أذكر مقولة المرحوم الكد ( إن المغتربين يبنون بيوتا ليُشَيَّعوا منها ) قلبي يسوي شحححح...

ياخ الواحد خايف من زمن ودامبُعُلو مرورا بمصير البلد التي بترت أطرافها بفعل جذام ساستها ثم خوف القبر وعذاب الآخرة،

زمان عبد القادر سالم قال النوم جافني قسمتو لي جيراني ، هسه الجيران زاتم يقولوا ليك أرَّقتنا. .

Post: #78
Title: Re: محمد المرتضى حامد!
Author: محمد المرتضى حامد
Date: 14-10-2011, 05:03 PM
Parent: #77

Quote: و الله كلنا إفتقدنا الرجل


شكراً يا حيدر


ما تفقدك عافية يا أبا حسين وشخصي الضعيف من يفتقد مشاركاتك وتعليقاتك في بوستات بعينها،

مشاركات الأعزاء ، وأنت منهم ، علمتني أن سقف الإختلاف متدن في هذه المساحة وأن الود باق ومقيم..

باق وموهَّط أيا كان اللون.

لك التجلة والإعزاز.

Post: #79
Title: Re: محمد المرتضى حامد!
Author: محمد المرتضى حامد
Date: 14-10-2011, 07:09 PM
Parent: #78

(ومن بين الظباء مهاةُ رملٍِ سبت لبي وقد ملكت قيادي

لها لحظ ترقدهُ لأمـــرٍ وذاك اللحظُ يمنعني رقادي

إذا سدلت ذوائبها عليها رأيت البدرَ في جنح الدآدي

كأن الصبح مـات له شقيق فمن حزنٍ تسربل بالحداد)



الجمكسين يا ود جبرين..

شايف ناس الليل المغاربه بقولوا شنو؟
ياناسنا وسيد (الساكنين في حي الكنينه سهرانين الليل طال علينا) جيب لينا
النسخة المغربية منها لعبدالوهاب الدكالي وقتاش نهارنا يطلع وتغرد الطيور علينا..

كيفنك أبوي،
عارف يابركه ، كلما أجي ماري بالسفاره المغربية أقول أسألم عن سكة تطوان وناس بوعمران
والشغل الأمازيغي المزيل للوجع ، ناس إبراهيم أسلي البيودِّروا الهم المردوم من ناس
(حرامي القلوب تلَّب)..

ياخ عليك الله إنت بس أعزمني عندكم والباقي (عليك)..


في الفؤاد ترعاك العناية.

Post: #80
Title: Re: محمد المرتضى حامد!
Author: النصرى أمين
Date: 14-10-2011, 07:11 PM
Parent: #79

حمدلله على السلامة يا محمد

Post: #81
Title: Re: محمد المرتضى حامد!
Author: محمد المرتضى حامد
Date: 14-10-2011, 08:34 PM
Parent: #80

Quote: نعذره للتأخير ونجبره للعوده


المنصور مفتاح الأدب ..

يا سيدي نحن طوع بنانك ..

الآن أنا مطمئن أن شكواي لم تذهب ( مويه في غربال) ..

يا نسيم الليل.

Post: #82
Title: Re: محمد المرتضى حامد!
Author: محمد المرتضى حامد
Date: 14-10-2011, 10:03 PM
Parent: #81

Quote: يا الله يا جني كايس للبندول

وزي ما غنى ابوعبيده حسن في عهد صبانا وصفانا قبال تجي ايام أذانا:
إنت تبرا من الألم الألم ما لينا نحن يا محمد علي والبراسيتمول وناس قبيلتو
ديل غدانا وعشانا وحُزُنا وغنانا، وزي ما قال الحاردلو (بتصرف):


الزول السمح يوم الخميس واعدنا
فى ( ود مدني) إن سافرنا منو ابعدنا
يا ود اللمين ما شفتو (شقدي) كيف واددنا
ترى هادا المنسينا العقاب وبلدنا


شكرا يا محمد علي وبنتلاقى في بيدر أراه قريبا.

Post: #83
Title: Re: محمد المرتضى حامد!
Author: محمد المرتضى حامد
Date: 15-10-2011, 09:47 AM
Parent: #82

Quote: ومشكور مره اخري لانك نكت د. احمد القرشي

عزيزنا طارق ،

ليك نسايم الشوق دوام رُسلي،
صاحبك ود القرشي المرتاح وأمورو نجيضه أريتنا بحالو،
يدفرك للكومبيوتر ويمتع نفسه ببوادر خريف (لوى) غمام ورذاذ والمحيا الحسن،
يا زووول .. حسن الشويه دي !!
شكرا أيها الفنان على كلامك وكلمات أحد أجمل السودانيين الضخم الراحل أبوآمنه،
سلام فوق للأسره وأختنا السيدة فائزة،

رغم بُعدي برسل سلامي.

Post: #84
Title: Re: محمد المرتضى حامد!
Author: محمد المرتضى حامد
Date: 15-10-2011, 11:43 AM
Parent: #83

Quote: عودا حميدا مستطاب

عزيزنا لؤي ،

نسأل المولى دوام التواصل،
هذا المكان فيه الكثير الجميل الذي يطغى على ما عداه،
جل جميل المنبر ، يا لؤي ، لاتراه الأعين ولايبين على السطح وهذا ما يبقي الكثيرين
هنا حتى في أعلى حالات الإحباط والنكوص والخذلان..
بكري أبوبكر صنع جمهورية إسفيرية و(لوبي) سوداني خطير فاعل ونافذ لو تم استغلاله على وجه أمثل،
عرفنا الكثير عن الوطن والشخوص هنا وشرفنا بصحبة أناس جميلين نحترم من بقي منهم في حياتنا ومن ذهب،
إنها الحياة تعطي بقدر ما تأخذ..

تسلم يا الهاشمي..

Post: #85
Title: Re: محمد المرتضى حامد!
Author: الطيب شيقوق
Date: 15-10-2011, 11:47 AM
Parent: #83

Quote: الزول السمح يوم الخميس واعدنا
فى ( ود مدني) إن سافرنا منو ابعدنا
يا ود اللمين ما شفتو (شقدي) كيف واددنا
ترى هادا المنسينا العقاب وبلدنا


ربنا يسمّعك الابيات دي من (صبيا) لينا طربان و خاتي السبابة في اضانو وحجباتو في ضرعاتو و ومتلولح مع الطرب يمين وشمال


باقي لي الزول دا شرتو بتخلي الريق يقرطع زى براد الشاي السيدو ناسيهو في البوتوجاز وغاتس في سودانيزاونلاين

Post: #86
Title: Re: محمد المرتضى حامد!
Author: محمد علي شقدي
Date: 15-10-2011, 12:00 PM
Parent: #85

العزيز الطيب شيقوق
بنقول لمولانا عاجزين عن الرد سوى صدى يطلب المزيد
لك وله دوما مقدار من المودة كبير

Post: #87
Title: Re: محمد المرتضى حامد!
Author: الطيب شيقوق
Date: 15-10-2011, 12:18 PM
Parent: #86


اخي العزيز شقدي

سلامي


Quote: بنقول لمولانا عاجزين عن الرد سوى صدى يطلب المزيد


والله يا صديقي الله يطول عمر المرتضى صاحب الحرف المميز واللونية المتفردة في هذا المنتدى .

هو كالخليل القادم من اقاصي الشمال ليتغني بالنال والخزام والشيح والبراح .

لكم مني اطيب الامنيات

Post: #88
Title: Re: محمد المرتضى حامد!
Author: محمد المرتضى حامد
Date: 15-10-2011, 02:01 PM
Parent: #85

Quote: اذكره ايام محمد حسين الثانوية الجميلة وشارع الشنقيطى

آمنت بالذي سمك السماء بلا عمد،
بالله يا ناجي كل هذا الوقت وأنت (قابع) في هذه المساحة ولا نلتقي؟
يعني لو (جني) ما كان طِراني كنت ستُبقى عليَ ( متلفعا بالليل والصمت)؟
شوف يا ناجي .. ما حا أجيب سيرة زول هنا من الدفعة إياها حفاظا على الإحداثيات
وعلى حكاية الأعمار لأنو الناس كلها عملت شهادات تسنين وبراي الحضرت الطلائع
والدورة المدرسية وأحداث شعبان وأبوعبيده حسن وكمال عبدالوهاب وسانتو وسهرت
مع البلوستارز ووليم أندريه.. براي الشاهدت ديسمبر الدافئ وزنابق الحقول..
براي الشربت شاي الصباح بلبن مقنن على صوت ترتيل عوض عمر..
ياخ في بوست (ناسنا) سألت عنهم كلهم وفتشت عليهم في التاريخ والأعياد وفي أحزان عيون الناس وفي الضل الوقف ألف أحمر ..
برضو عملوا غمرانين - وفقا للغة زمن التراب - ياخ عملوا تايهين كقوم موسى بس ..
بالله كيفك يا ناجي..
لا أحب أن أكتب لأحد هنا (راجع المسنجر) .. لكن ربنا يفرحك زي ما فرحتني ب (شوفتك).

محبتي يا ناجي.

Post: #89
Title: Re: محمد المرتضى حامد!
Author: محمد المرتضى حامد
Date: 15-10-2011, 04:08 PM
Parent: #88

فايز؟

فايز ود القاضي؟

حَرَّم ما تفوت مني ساكت قَبُل تشرب قهوة الساره:

الوقفت قصادي وغمّزتلي عنيها
ديسها الكابي لي حد الرُكب كاسيها
والخلاني رِح طول النهار باريها
شوف عيني البنات مرّات يغازلن فيها


الوقفت قصادي ولابسه للنضاره
اُم وشاً صبوح مِنو الشمس تتضاره
والخلا النفِس يا السمحه فيك مُحتاره
فوق خشمي الصعوط ولعته فوقو سجاره


305.jpg Hosting at Sudaneseonline.com


الوقفت قصادي ولابسه للسماعه
هي الكل الجمال باقي البنات شماعه
غداره النفس يا السمحه كم طماعه
بتمناك سجاره واكون انا الولاعه


الوقفت قصادي ولابسه لي لابكوته
مختبرات اكيد البِت تقول ياقوته
تسكر من جماله يزيب قليبك صوته
وإن شالت قلم تتمني تصبح نوته


-
* الأبيات من مساجلات مسدارية لبعض الشباب الرائعين هنا:
http://www.abidiya.com/vb/showthread.php?t=4587&page=2

Post: #90
Title: Re: محمد المرتضى حامد!
Author: Ahmed al Qurashi
Date: 15-10-2011, 08:37 PM
Parent: #89

تاني جبت سيرة ساره نورو

ربنا يستر للبوست دا

Post: #91
Title: Re: محمد المرتضى حامد!
Author: الطيب شيقوق
Date: 15-10-2011, 08:44 PM
Parent: #90

Quote: تاني جبت سيرة ساره نورو


هههههههههههههههههههههههها كل يغنى على ليلاه كويس ان تكون ليلانا سارة احسن من ان تكون خلفا.....................ة

Post: #92
Title: Re: محمد المرتضى حامد!
Author: Yassir Tayfour
Date: 15-10-2011, 09:09 PM
Parent: #91

محمّد المرتضى حامد إنسان جميل لا يرى غير الجمال..
___
شكراً يا جني

Post: #93
Title: Re: محمد المرتضى حامد!
Author: أحمد طراوه
Date: 15-10-2011, 10:00 PM
Parent: #82

.. وهو من الذين حولوا الحياء و الادب إلى قوة

وهو بعض من عبقرية شعبنا العظيم الكريم
يصارع بإستماتة ضد القُبح .. رافعا شعار اللهم اجعلني مظلوما و لست ظالما
إحتياجاته بسيطة .. كالجنيد و السهروردي في زي الحداثة.. وصدق من قال كلما
إزداد الفهم و جمال الداخل قلت الإحتياجات

.. وقال بعضهم : كلما إتسع الأفق قلت العبارة .. و قلت الكتابة


Post: #94
Title: Re: محمد المرتضى حامد!
Author: فضيلي جماع
Date: 16-10-2011, 06:27 AM
Parent: #62

//
شغلتني الشواغل عن زيارة هذا الموقع العامر إلا لماما. واليوم - وأنا آتيه خلسة- طالعت هذا البوست للأخ (جني) ، وكأنما صاحب البوست قد أناب عن الكثيرين في النداء الذي وجهه لمولانا المستشار محمد المرتضى حامد
أعرف الأستاذ محمد المرتضى منذ أمد ليس بالقصير. كان همزة الوصل بيننا القانوني والشاعر الشيخ احمد حامد قريب الله. جمعتنا مدينة مسقط بمن يحلو الزمان بصحبتهم ، ومحمد المرتضى واحد منهم. ولعلي أكشف سرا لمن لا يعرف الرجل..كان انطباعي الأول عنه غير مريح (لم أقل هذا للمستشار حتى كتابة هذه السطور).. كنت أراه (من زاوية انطباعية محض) شخصا غامضا وأقرب إلى التعالي و"العجرفة". لكن يرجع الفضل في تصويبي للصديق الشاعر الإنسان الشيخ قريب الله الذي قال لي وهو يطلق ضحكته الجميلة: مرتضى راجل حلو جدا ياخي..بس انتظر لما تعرفو كويس!
ومرت الأيام. عرفت الرجل عن كثب. ولكي تعرف معدن الناس يلزمك أن تكون قريبا منهم ساعة الشدة. ولعل محاط الغربة علمتنا كيف نعرف معادن الآخرين. محمد المرتضى حامد ليس ملكا ، لكنه إنسان بكل ما تحمل هذه الكلمة من معنى: صادق في مودته ، كريم وذو نجدة دون ضجيج ومستمع جيد حين تسجل له صوت لوم- وقليلون من يصبرون على لوم صديق. الخميس الفائت فقط كنا على الهاتف بعد مضي فترة ليست بالقصيرة لم نتواصل(كنت بلندن وكان هو بكندا وام درمان فيما أظن)، قال لي: بتتكلم من وين؟ قلت له: بتلكم من مكتبك..جيت أشاكلك لكن لحسن حظك إنت زايغ من مكتبك!! وأطلق الرجل ضحكة عذبة ثم قال: أنا خارج مسقط..لكن سامحني! لأني خمنت أنه كان يقود سيارته أشفقت عليه من عوارض الطريق فأنهيت المكالمة.
كتابة محمد المرتضى حامد في هذا الموقع لها طعم خاص ونكهة خاصة. خفيفة الظل ولها طعم السكر، لكن لها أيضا وخز الإبر..لذا نجد بوستات مثل "ناسنا" يردها المتداخلون من كل صوب لأن كلا منا وله زمانو وناسو!!
ما فعله جني من لفت نظر للمستشار أن يعود هو من صميم ما يجب أن نفعله جميعا في تفقدنا لبعض الأقلام التي هي إثراء للموقع وللمنبر الحر بصفة خاصة. قصدت بهذه الشهادة العابرة أن أزكي قلما من أقلام هذا المنبر طالما أثرى وجداننا بكل جميل..ولأن الكتابة مسئولية وليست ترفا فإن مساهماتنا مع الآخرين هنا هي من باب الواجب وليس المزاج يا أبا أكرم. عد إلى المنبر فقراؤك بانتظارك!

محبتي التي تعرفها![

Post: #95
Title: Re: محمد المرتضى حامد!
Author: محمد المرتضى حامد
Date: 16-10-2011, 10:54 AM
Parent: #94

-
في تسعينيات القرن المنصرم كان هناك إعلانا للمرسيدس في إحدى القنوات التلفزيونية ..
تظهر علامة المرسيدس الأشهر وهي تملأ الشاشة لثوان غير مصحوبة بأي صوت أو كلمة مكتوبة ..
تذهب العلامة من الشاشة ثم تأتي عبارة بمعنى هناك أشياء لاتحتاج إعلانا ..A Great Product Needs No Advertising

محمد سني دفع الله يكفي أن تورد صورته أو تذكر السهروردي وتقفل الشاشه والتلفزيون زاتو على كده.


689.JPG Hosting at Sudaneseonline.com

يا دكين ، دي وقفه مفروض يفتحوا ضدك بلاغ بسببها حتى لو كانت في عرس الزين.

IMG00339-20110617-2342.jpg Hosting at Sudaneseonline.com

محمد سني لم يتوقف عند إعداد كل (عرس الزين) بل أشرف على استقبال من دعاهم لها
وشرفني بأن كنت ضمنهم ، وهذا جهد لايعرفه إلا من جربه، يدفع محمد سني من صحته ليسعد الناس ،
فانتهت الليلة بوعكة تجاوزها بحنانهم ودعاء الصالحين، مصطفى الخليفه وبدرالدين الأمير وموسى الأمير
وآخرين لم يظهروا في الصورة منهم الرائعة أميره الشيخ .
في الصورة القلق النبيل باد على وجوه الأحباب وهم في مكان الإستقبال بمستشفى حمد ليلتها.

دام صفاكم
-

Post: #96
Title: Re: محمد المرتضى حامد!
Author: محمد المرتضى حامد
Date: 16-10-2011, 01:16 PM
Parent: #95

Quote: Quote: التقول لابِد ليها رئيس نادي،

ياخي بالغت!!!


بالغت أنا ولَّ بالغ (الرئيس) ؟
يعني يا درديري الواحد ما عارف ياكلها من منو ولَّ من منو..
بنعرف رئيس يلَحِّس الناس كيعانم لكن رئيس بالقاضيه الفنيه ؟ كاسيوس كلاي ؟
مبالغة..
لا نستبق النتائج وعلينا احترام (الغانون).. لكن برضو بنقول يا حليل الرؤساء..
يا حليلم..البارحونا وراحو..

-
تفتقدك مسقط ونادي الجالية .. بس العزاء أنك مع أحباب هناك فهنيئا لك بهم وهنيئا لهم بحضورك الزاهي.

مودتي يا أمير.

Post: #97
Title: Re: محمد المرتضى حامد!
Author: محمد سنى دفع الله
Date: 16-10-2011, 02:21 PM
Parent: #96


موسى الامير مصطفى احمد الخليفة يوسف سعد يوسف ابن اختي الفنانة سوسن دفع الله بدرالدين الامير
والصورة بكاميرا محمد المرتضى حامد يوسف انا خالو وابوه البروفسير سعد يوسف وهو اعسل من خالو اذا بقى فينا بوقت عسل
يا اخوي محمد مرسيدس كتيرة قول ( الكاندا ) تذكرا عربات جيش الانجليز بتاعة الحرب العالمية البقت باصات في الجزيرة
الكاندا زمان يقولوا ليك الزول ده كند يعني ركب الكاندا هسي بقت تعني السافر لي كندا
كلامك الرقيق في حقنا رفع احساسنا لمن بقينا بي غادي لي حساس محمد حساس وباقي لي باقي السنة دي كلها بكون شغال بي
روحك السمحة يا سيد الحلوين
تحياتي وامنياتي بحضوركم لينا تاني مع مسرحية عرس الزين واخواتها
محبتي ابدية

Post: #98
Title: Re: محمد المرتضى حامد!
Author: محمد المرتضى حامد
Date: 16-10-2011, 07:17 PM
Parent: #97

إسماعيل عباس،

يا سيدي لك الثناء على كلماتك سيما أنها من شخص مشهود له هنا،
ولا أنسى عيوبي فهي كثيرة وذنوبي أكثر،
ليس تواضعا إن قلت أنني أدنى بكثير مما وصفتني به لكني لا أقنط من رحمة المولى
وكفي مرفوعة وقلبي محتشد بالرجاءات أن يهديني وأن يجعلني من المتأدبين المتسامحين.
هذه الحياة أقصر من أن نقضي ، ولو ثوان منها ، في (الشين) ونقص الأدب.

يحفظك مولاي.

Post: #99
Title: Re: محمد المرتضى حامد!
Author: MOHAMMED ELSHEIKH
Date: 16-10-2011, 07:44 PM
Parent: #98

طبعا ياجماعة آسف للتأخير بسبب وجيه انو انا ماشفت بوست المناشدة دا الا قبل قليل(سلامت النظر)
صديقنا المسقطابي ودحامد محمد المرتضى طيب الله أيامه غاب عن هؤلاء السمحين فافتقدوه
ونصبوا له شركا لم يصطاده فقط بل اصطاد معه سمحا اذا قال وسمحا اذا كتب وسمحا اذا أكتتب
الا وهو الصديق في جانب الكرة الأرضية الأخر أحمد طراوة طراه الله بالخير.
هذا الثنائي الجميل يجب أن لاتذهب به الزنقات بعيدا عن الأحباب.
المهم:
حضرت متأخرا جدا من الدوام
وبررت ذلك باني "الليلة كنت مزنوق زنقة شديدة"
فخاطبني خالد(5سنوات)


"طيب ماكان تمشي الحمام"

التحية لمرتضى وجني وكل المرور الكرام

ود الشيخ

Post: #100
Title: Re: محمد المرتضى حامد!
Author: محمد المرتضى حامد
Date: 16-10-2011, 10:03 PM
Parent: #99

ناصر ود أحمد،

شوف ، عشان بعدين ما تغالت وتقول لي شورت نوتيس وشورت معاو تي شيرت،

الزول دا

yanni1.jpg Hosting at Sudaneseonline.com


حا يكون هنا دا




ليلة 26 الشهر دا ، المركز الثقافي بجامعة السلطان قابوس ( 4000 مقعد)

زورونا تجدوا ما يسركم

Post: #101
Title: Re: محمد المرتضى حامد!
Author: محمد المرتضى حامد
Date: 17-10-2011, 12:21 PM
Parent: #100

جنابو عبدالحفيظ حسن،

أكثر ما أضحكني في هذا البوست أن د. أحمد القرشي - بمجرد قراءة مداخلتك - هاتفني قائلا:
يا زول هوي ، أمشي جيب الأمانه هسه وأنا حا أوصلها لعبدالحفيظ بنفسي .. فثق أن التيمبتيشنز
حاتكون معاك قبل نهاية الشهر.. كان ربنا مد في العمر.
يا عزيزي شكري لك ولكن مشاركاتي هنا - في معظمها - مما نتعلمه منكم ..
مودتي.

Post: #102
Title: Re: محمد المرتضى حامد!
Author: محمد المرتضى حامد
Date: 17-10-2011, 01:32 PM
Parent: #101

Quote: لولا اننا نعرف أن لك بعض الأع(ض)اء فى هذا المنبر يكفوا العين, لأشفقنا عليك من هذا البوست!!


د. بله الجلابي،
طيب ، أنا ما عندي غير (خذيني باليمين وانا راقد شمال)
زمان يا دكتور كنت بسمع عن عبارة (فوضى المصطلح) وما ناقِش أبو النوم ، هسه أبوالنوم زاتو ما ناقش أي شئ..
(ضبط مصطلح) وهو في حالة تلبس؟
تاني ما بكتب ليك لأنك ما بترد..
يمكن بترد الروح لكن ما كلامي..

زي صاحبك الطاهر ..

Post: #103
Title: Re: محمد المرتضى حامد!
Author: محمد المرتضى حامد
Date: 17-10-2011, 05:59 PM
Parent: #102

أستاذتي الجليلة د. أسماء،

والله ترصدي (بالسوط) في أي مكان حق لك لايجد مني إلا قبولا وحبورا أيها الرسولة فبالعقوبة
المطلوبة تغسلي بعض عقوقي فأسلِّم نفسي إلى النوم مرتاح الضمير بأن أستاذتي التي تدربت
على يديها الطاهرتين ما زالت تقوم برسالتها بصبر لاينضب معينه.
صبر لا أستحقه.
لي عودة.. فقد أبكتني مداخلتك الثانية..

لي عودة إن ظل القلب يعمل..
لي عودة..

Post: #104
Title: Re: محمد المرتضى حامد!
Author: محمد المرتضى حامد
Date: 17-10-2011, 07:22 PM
Parent: #103

khaleel

بدءا تقبل تعازي في الفقد القومي الفادح زيدان،

جفف دمعي على غياب كنوز محبة جيل كامل وفنار ظل يرسل إشاراته فيهدي مراكبنا إلى مداخل موانئ الريده ومراسي الجمال،

والله يا خليل كِتِلنا في بعد الغالي وأضنانا الألم لدرجة أني لا أفهم كيف يكون ما تبقى من السودان وزيدان غياب..

هل اعتراك شعور أن ما بداخلك ضخم لدرجة تعسر وتعذر خروجه حد الإستحاله؟

لم أتجرأ على قراءة أي كلمة كتبت في الراحل الحبيب رفضا لمجرد (فكرة) أنه ليس على ظاهر الأرض وصبرنا من بعده وِدِر.

أحيييييييييا..

Post: #105
Title: Re: محمد المرتضى حامد!
Author: محمد المرتضى حامد
Date: 17-10-2011, 08:07 PM
Parent: #104

El Awad

يخجلني اقتباس كلامك اللطيف عني فهو يدنيني إلى الأثير ، خارج عالم المادة ، فأحس كلمات الفيتوري وأتوهج في بدني،

يا العوض ، ما أنا إلا بعض صورة أصحابي وأحبابي وأنا دونهم حطام كما قال حسن عوض أبو العلا له الفردوس.

يسعدني أمشي معاكم (وسط روحكم) وهسه أخوك على حافة الزهو والعياذ بالله..

شكرا ودوما بحضورك مستجير لأخرج من غيابة الجب والنكوص.

Post: #106
Title: Re: محمد المرتضى حامد!
Author: الطيب شيقوق
Date: 18-10-2011, 09:14 AM
Parent: #105

Quote: أحيييييييييا..


أحييييا وبس يا ابا اكرم ؟

Post: #107
Title: Re: محمد المرتضى حامد!
Author: محمد أبوالعزائم أبوالريش
Date: 18-10-2011, 10:12 AM
Parent: #106


أبو أكرم .....
الواحد جاي ... ومتأبط أسلحة وعتاد لفظي، ومتسلّح بحق أيام مضت عشان (يهريك) ويتفشى فيك ......... يقوم يلقى كل الناس السمحين ديل يقولوا في الكلام السمح ده؟

هسي أنا أسوي شنو؟


Quote: الزول دا


حا يكون هنا دا

شكيتكم علي الله يا ناس مسقط ..... جايبين (ياني) ذات نفسو؟
مرة تانية ................ هسي أنا أسوي شنو؟

Post: #108
Title: Re: محمد المرتضى حامد!
Author: محمد المرتضى حامد
Date: 18-10-2011, 02:14 PM
Parent: #107

willeim andrea

برضو السهر معاك له مذاق الليمون المنعنع يا وليم،
بل أنا الذي يطلب إليك الخروج من اعتكافك لتثري المساحات
بأيام (ناسنا) من زمن (بدور ارتاح .. خلِّي الليل يكون صباح..)
شايف يا وليم ، ما كنا - حتى في أسوأ الكوابيس - نرى أن
تمتلئ الشاشات والحفلات ب (قنبلة) وأخواتها..
آخر قولي (يا الزارعنك بلا خريف .. كان ما الصبر تكليف من "سودانيز" ما بقيف أندريه)..

تسلم.

Post: #109
Title: Re: محمد المرتضى حامد!
Author: خالد المحرب
Date: 18-10-2011, 02:18 PM
Parent: #107




ساهى كدى معجب بهذا الفن والكلام المرتب والاداء المميز وبى جنى وبى ود المرتضى
عووووووووووووووووووووك

Post: #110
Title: Re: محمد المرتضى حامد!
Author: محمد المرتضى حامد
Date: 18-10-2011, 03:36 PM
Parent: #109

د. عبدالمجيد المقابل،

مرة أخرى أعزيكم في رحيل صديقكم الراحل د. جباره فله الجنة ولك الصبر يا عزيز.
لا أخفيك أن تعبير (القلم الرقم) عجبني بالحيل وسر بالي وخلاني في حالة إفوريا رغم أن الأرقام هنا عالية وفي ناس هنا
يا دكتور كلامم زي مزيج برنت دايمن قافلين على ارتفاع ( إعذرني يا مولاي فأنا "منتفط" من رأسي حتى الكاحل)..
يا مجيد ، قراءة مشاركات الأعضاء هنا تفيدني ولا أظن أني أضيف إلى القارئ شيئا فآثرت المتابعة الجميلة،
بعدين يا مجيد أنا عندي نصيب من الأنانية يتمثل في المعرفة من خلال الآخرين ( والأخريات طبعا) دون الضرب
على مفاتيح الكيبورد كثيرا، بعدين الكتابة هنا لها تبعاتها وثمنها الذي قد يكون فادحا على النفس والوقت
وأشياء أخرى لو انكسرت مياه التغزل ، مثلا ، على حواشات الجيران وأنت لبيب بالإشارة تفهم.

يطول عمرك مع العافيه ..
يطول..

Post: #111
Title: Re: محمد المرتضى حامد!
Author: الفاتح ميرغني
Date: 18-10-2011, 05:18 PM
Parent: #110

Quote: الفاتح ميرغني صاحبي
أوهيو قوزايماسو وأريت حالك زين،

البروف علي عوض يوسف مبسوط لي هسي ، الكلام القالو عن أيامه معك

خلاَّني منفوخ كالمنطاد تزبلن..طاير في السماء بدون هيليوم أو هواء ملهلب.

ياها المحريه فيك يا العزيز..


سلام يا محمد
تعرف زمان كده قريت كتاب إسمو ( Treasure Island) لكني إكتشفت مؤخرا إنو ممكن يكون في كتاب إسمو ( The Human Treasure ).
في ناس كده ممكن تلاقيهم لفترة وجيزة ومع ذلك، يتركوا في نفسك أثر خالد، زي عجائب الدنيا السبع، لا تطاله عوامل التعرية!.أها بروفيسور علي ده واحد من الناس ديل.
Quote: في حاجه سغيره عاتب عليك فيها ، كيف ياخ تعمل ليك بوست عن ملكات الجمال

وما تناغمني ولا تقول لي عُّوك لامن أسمع بيهو في الحله والكلام يجيبو لي الناس ،

مش كده وبس ، لا لقيت ساره نورو ولا وزيرة الخارجيه الباكستانيه روحانا رباني خار..

طبعا دا غير قائمه طويله من المواد المشعه التي أصدرتها ال IAEA

الكلام دا ما كويس لكن المره دي بنمشيها وبجيك بي غـادي .

أنا عارف قلبك ابيض.

Post: #112
Title: Re: محمد المرتضى حامد!
Author: محمد المرتضى حامد
Date: 18-10-2011, 09:18 PM
Parent: #111

أخي الشامي،

لحظت من تواجدي قارئا أو مشاركا بالكتابة المتواضعة في هذا المنبر أن هناك ثوابت لا يختلف عليها حتى
الزوار غير المنتظمين ، مضمون تلك الثوابت يتمثل في أن هناك أعضاء بعينهم لايمكن أن يسيئوا إلى زميل
أو زميله ، وهناك أعضاء هم عنوان الموضوعية وهناك قائمة طويلة من أهل الخير يتمتعون بقلوب
دفيئة (شايله هموم الناس عشان تفرح بيوم العيد) وفيهم من تملك أدوات التحليل المنطقي
كقوانين الرياضيات ليطبقه على كل المسائل المتصلة بقسم الرياضة المعني ، شخصكم من
الذين يمتلكون أدوات التحليل العلمي للأحداث داخلية كانت أو خارجية ولكن فوق هذا
وذاك تدهشني قدرتك على الملاحة بين متلاطمات الأمواج في هذا البحر دون أن ينكسر
مجذافك بطوربيدات المتربصين المتطرفين أحيانا أو الشعب المرجانية..
أقرأ كتاباتك دائما، وهذه ليست مجاملة لإعلانك أنك تقرأ بضاعتي المزجـــاة،
لكن تصريح كهذا من شخص في قامتك يصيبني بقلق يعادل 6 لوَّايات في الربع،
ربع بكري بالطبع، قلق سببه إنو تاني الواحد ما بقدر ينداح
سااااي كدا والشارع فيهو رادار.

السلام يا روح البدن.

Post: #113
Title: Re: محمد المرتضى حامد!
Author: محمد المرتضى حامد
Date: 19-10-2011, 01:04 AM
Parent: #112

محمد الكامل أريت حالك زين،

طبعا في أسماء في المنبر دا بتنسرب في خاطرك بشيش ، وبدون ما تقرر مسبقا
شيئا تجاه تلك الأسماء تلاقي إنك ماشي معاهم أيا كان لونهم ، و(ماشي معاهم)
هذه لاتعني التأمين على كل ما يقولون ، لكن تعني التثاقف معهم باعتبار أن
ثمة أرضية مشتركة ، فيها مربعات مختلفة الألوان لكنها في النهاية أرضية
مشتركة وليست رمالا متحركه. الكلام دا سببو إننا إتلاقينا في حوش هباني
وكان الرأي مختلفا في ظاهره متحدا في مضمونه حول د. منصور خالد ،
أنبسط جدا لامن أجد زول بيختلف ويتفق بإحترام لأن لا أحد يملك الحقيقة
وقد علمنا التاريخ السياسي السوداني الحديث أن الثابت الوحيد عند
ساسة السودان هو المتغير ..من ثم فإن المتوترين والذين يوزعون
الشتائم والإتهام بالنفاق لمن يختلف معهم لايعرفون أنهم بسلوكهم
هذا يعلنون على رؤوس الأشهاد أنهم من مستجدي السياسة، وبالطبع
لا يستأهل هؤلاء مجرد الرد عليهم أو زيارة خنادقهم مرة أخرى..
كلامك وهدوء حوارك وموضوعيتك بتخلي الزول (يترصدك) ..

رغم بعدي برسل سلامي ..

Post: #114
Title: Re: محمد المرتضى حامد!
Author: tayseer alnworani
Date: 19-10-2011, 08:57 AM
Parent: #113

ود المرتضى
بوستك ده قهوة صباحى وشاى مغربى

وبرضو انا رغم بعدى برسل سلامى واشواقى كمان


دايما طيب ومصدر جمع للناس

Post: #115
Title: Re: محمد المرتضى حامد!
Author: محمد المرتضى حامد
Date: 19-10-2011, 12:08 PM
Parent: #114

ودالمحرب عوافي،

مرة أخرى تهانينا الحاره للدكتور أحمد وأم احمد وصدق القائل:
نعم الإله على العباد كثيرة وأجلهن نجابة الأبناء..
بس نسيتونا في الكرامه وما تنسونا في الباقي..
إنت قايل ال DHL والأرامكس ديل عملوهم لشنو؟

والله يا أب احمد ، كما قلت لعزيزي صاحب البوست (جني) ماعندي جديد، ما يجري حولنا أبلغ من
أي كتابة ، زمان كانوا ناس الثنائي الوطني بيغنوا لمايو في صباها ( وريتنا جديد ما كان على بال) ولا شك
أنهم - يطول عمرهم - هسه قاعدين ممحنين وتخطوا مرحلة (ما كان على بال) زاتا..

سنتواصل طالما النفس طالع وطالع..

محبتي يا شيخ العرب.

Post: #116
Title: Re: محمد المرتضى حامد!
Author: وليد عبد اللطيف
Date: 19-10-2011, 12:33 PM
Parent: #115

Quote: فايز؟

فايز ود القاضي؟

حَرَّم ما تفوت مني ساكت قَبُل تشرب قهوة الساره:

الوقفت قصادي وغمّزتلي عنيها
ديسها الكابي لي حد الرُكب كاسيها
والخلاني رِح طول النهار باريها
شوف عيني البنات مرّات يغازلن فيها

تاني جايبين لينا سيرة البحر

(دروب الريدة مهما تطول عليك ياغالي مابتصعب )

Post: #117
Title: Re: محمد المرتضى حامد!
Author: عبد الحميد المقابل
Date: 19-10-2011, 01:56 PM
Parent: #116

من فوائد هذا المنبر أن خلق لنا حالة من الحميمية مع أناس لم نلتقيهم من قبل و لكن ما يخطه يراعهم يعكس تماما ما بدواخلهم من نبل و سمو, و الأخ محمد المرتضى من هذا النوع الذي ما أن تقرأ له حرفا إلا و تشعر انه قد احتواك بالألفة و المحبة .
تزامن انضمامنا لهذا الصرح غيابه و غياب رائعين آخرين أذكر منهم الأخ خضر حسين و الأخ هوارى نمر و الأخوات عزاز شامي و أميرة الشيخ والأخ قمر بوبا و و الذين بغيابهم غابت معهم مساحات واسعة من الاخضرار . وبرجوعه يعود بعض الألق للمنبر و كل العشم برجوع القمم الأخرى .
و أنا من المتابعين لكتاباته و كثيرا ما ( ألبد ) له في بوستات الأخ و الزميل
( الحاضر الغائب ) د.أحمد القرشي عبد الرحمن و كذلك بوستات المستشار ( الأنيق ) الطيب شيقوق , فلديهم ( ون تو ) من النوع السهل الممتنع .

Post: #118
Title: Re: محمد المرتضى حامد!
Author: محمد المرتضى حامد
Date: 19-10-2011, 04:22 PM
Parent: #117

-
وليد عبداللطيف وين الحي بيك؟
الدنيا مقلوبه وحكومتنا أعلنت أنها بصدد إطلاق قمر صناعي وإنت غائب؟
يا الحبيب بوستات الناس الحلوين وأماكن تواجدم بتجيب لي مشاكل أنا في غنى عنها،
ساره نورو والمعلومه بنت الميداح و بنات أودادن بوستات تكون ماشه كوييييس
فجأة يجوك ناس كده مزودين ب galvanometers زي مفتشين الكهرباء إياهم
وتاني عينك ما تشوف النور زاتو
أها قلنا نترك ناس نورو ونشوف ناس ظلامو.

شكرا ليك يا وليد وبرضو حرَّم بزيارتك دي لازم نضبح ليك،
..





Dipika-Pallikal_0.jpg Hosting at Sudaneseonline.com

ملك الحيرة
-

Post: #119
Title: Re: محمد المرتضى حامد!
Author: محمد عبدالرحمن محمد
Date: 19-10-2011, 05:03 PM
Parent: #118

المُرتضَى المُرتضِي والمرتضنك
جَيتك راجع نورت المنبر
و
نوّارو زاد
_
مجارطني في يني مالك؟
كُت قايلو هولي حصرياً بعد حِضرتلو ليله من ألف ليله في لاس فيجاس
حا ارفع عليك دعوى هراسمنت، ومحامي، كان ترضى كان تابا، بتاع العنكوليب داك
_
محمد حبابك
والجابك متل ما جاب اخيتي السغيري دوما بت الشَمِش،
يجيبلنا عزاز شامي والشيك أميره

قول آمين

المطرطش

Post: #120
Title: Re: محمد المرتضى حامد!
Author: محمد المرتضى حامد
Date: 19-10-2011, 11:44 PM
Parent: #119

يقال إذا كانت لك ذاكرة قوية ..وذكريات مريرة.. فأنت أشقى أهل الأرض ، لكني أرى العكس
تماما فإذا كنت بذاكرة قوية وماض زاه وحاضر فادح السوء فأنت الشقاء نفسه،

لازلت أذكر مساجلات القبطان حسن عثمان المريخي المتطرف إذا ما تعلق الأمر بمسائل الكرة الداخلية
وهو ذاته الهلالي الأزرق حين يلاعب الأهلة الفرق الأجنبية ، أذكر مساجلاته الأدبية مع أبوآمنه حامد بحروف يقطر
من سطورها الذهب فتتدلى وتنسكب – وهي كلماته - وكنا نتخطف الصحف لنقرأ أولئك الأفذاذ وهم في قمة
اختلافاتهم أصدقاء ، كنا نقرأ للطيب عبدالله والسماني ونتابع إداريين أفذاذ كأحمد عبدالرحمن الشيخ – لهم
الرحمة ونحن بعد يفعا في المدارس ، ولايغيب عن ذاكرتنا سعادة اللواء عمر علي حسن وهو زعيم لأحد قطبي
القوى الكروية العظمى المريخ والهلال (الترتيب حسب الأبجديه) ، كان كل شئ بيد رجال ( بتهد جبال هدَّارة
زي رعد المطر) يقودون مؤسسات ضخمة تمارس كل النشاطات الرياضية والتربوية والثقافية وتشارك في بطولات
السلة والطائرة والتنس والسباحة عبر المانش ، حتى غفونا بضع سنين لنصحو على أصوات التتار والملاكمين
يضربون ويركلون ويحرقوا مكتبة بغداد ويغنوا لراجل المرا باعتباره حلو حلا ويتحرون رؤيته فإن غم عليهم
دفعوا له ليظهر ويرقص على الواحده ونص.
إنه زمن الكوليرا مصحوبا بنفاد المضادات الحيوية..

عمر علي حسن .. أدام الله عليك ثوب العافية فأنت خيمة أخيرة – كما يقول محمود درويش – يرتجى منها أن
تؤوينا وتبث روحا في ما تبقى من مؤسسات شرطية ورياضية لأنك صاحب علم وانضباط وقلم قبل أن تنال منا
ضربات هولاكو وجنكيز خان بالطول والعرض والإرتفاع ، ويقوم الحكم يعد لينا لعشرين ويلقانا شاخرين فيعلن
إنتهاء الماتش ونطلع خشمنا ملح ملح..

Post: #121
Title: Re: محمد المرتضى حامد!
Author: الرشيد شلال
Date: 20-10-2011, 07:58 AM
Parent: #120

سيدى محمد المرتضى

ان هذا المنبر يفتقد قلما مرهفا تمتلكه وكما قلت لك انك تطرق ابوابا عن الحديث متدثرة جمالا ايها الجميل

ان هذه الاقلام وعلى رأسها العزيز جنى افتقدتك تماما ، فأنت تمنح الروح شيئا من التجديد

نهرب كثيرا الى بوستاتك لانها مريح سكن يسع الجميع

عد ايها الحبيب الى احبابك لنرتشف شيئا من تجليات جمالك وجلالك

لك التحية العويز جنى وشلالا من السلام

لكم مودتى

حاشية ( يامرتضى كلو تمام ، محتاجين لدعم باطنى لوجستى سريع )

Post: #122
Title: Re: محمد المرتضى حامد!
Author: عبد الحافظ خضر
Date: 20-10-2011, 08:25 AM
Parent: #121

Quote: سيدى محمد المرتضى

ان هذا المنبر يفتقد قلما مرهفا تمتلكه وكما قلت لك انك تطرق ابوابا عن الحديث متدثرة جمالا ايها الجميل

ان هذه الاقلام وعلى رأسها العزيز جنى افتقدتك تماما ، فأنت تمنح الروح شيئا من التجديد

نهرب كثيرا الى بوستاتك لانها مريح سكن يسع الجميع

عد ايها الحبيب الى احبابك لنرتشف شيئا من تجليات جمالك وجلالك

لك التحية العويز جنى وشلالا من السلام

لكم مودتى

حاشية ( يامرتضى كلو تمام ، محتاجين لدعم باطنى لوجستى سريع )


وليكون صوت مسقط صوتا واحدا موحدا
اقف مع الاستاذ الرشيد شلال

Post: #123
Title: Re: محمد المرتضى حامد!
Author: الطيب شيقوق
Date: 20-10-2011, 08:46 AM
Parent: #120

Quote: ملك الحيرة


وجع !!

Post: #124
Title: Re: محمد المرتضى حامد!
Author: أبو ساندرا
Date: 20-10-2011, 08:55 AM
Parent: #123

محمد المرتضى حامد :
قلم رصين
راي مبين
وحرف اخضر و حنين

Post: #125
Title: Re: محمد المرتضى حامد!
Author: محمد المرتضى حامد
Date: 20-10-2011, 11:25 AM
Parent: #124

Quote: زمان يا مولانا كانت من احسن الدعوات التي تقال للمسافر
ان تقول لاهله رد الله غربته

لكن قولها الان يجعلك في مصاف الاعداء المؤكدين و الجادين أيضا


عزيزي رغيم،

المداخلة الثانية للدكتورة أسماء عبد الحليم تركت فيَ أثرا سأكتب عنه مع تعليقك أعلاه،
الكثير يمكن أن يرد في هذه الجزئية،

أرجو أن تكون قريبا يا زعيم،

Post: #126
Title: Re: محمد المرتضى حامد!
Author: محمد المرتضى حامد
Date: 20-10-2011, 07:51 PM
Parent: #125

Quote: هسه انا اقول شنو ؟


مشاركات (ممكونه) ، وهي من الأقلام المائزة في هذا المنبر وفي مدونتها الخاصة ، أراها واضحة
وسهلة مع بيان يسعد العقل ويريح الدواخل ويتخلل كالأشعة السينية جلدك نافذا إلى العظام بعيدا عن الترميز
والفذلكة. مفيده والله يا ممكونه في كتاباتك بهيجها وحزينها ، ولا أظن أنني قرأت لها مداخلة دون أن أخرج منها
بفائدة وإضافة في الماعون والمحتوى ، تقدم كلامها في صحاف أنيقة حد البذخ ، عشان كده الزيي ديل
مستحيل يقولوا ليها (لا والله ، شكرا .. عندي سكري) ، لازم نشيل وننهل من عندها فهي موسوعة تتدفق ثقافة
وذكاء ومتابعة لكل حدث ، ربما لم أقل لها أن أول ما لفت نظري إلى مشاركاتها حديث عن الأم – جعلها
المولى في عليين - فما زالت تلك الكلمات تلوب في الخاطر كمشفى متكامل للمواساة وتهذيب للحزن ورتق
لما انفتق في أوزون الفؤاد..
شكرا لكتابات ممكونة الكرنفالية وأقول لها في صدد الحزن المشترك ما قاله أحدهم:

لو كان العالم في كفة و أمي في كفة لاخترت أمي.

-

Post: #127
Title: Re: محمد المرتضى حامد!
Author: الطيب شيقوق
Date: 20-10-2011, 08:45 PM
Parent: #126

الحمد لله فكي قوني رحل الخرطوم وسكن في السلمة

Post: #128
Title: Re: محمد المرتضى حامد!
Author: محمد المرتضى حامد
Date: 20-10-2011, 11:02 PM
Parent: #127

نوته..

أمينو..

سيد الغياب المزعج..

مواصلة لما انقطع..
تدرك جيدا يا أمين أننا هنا لأننا ارتضينا أن نلتقي ونتلقى بقدرما نعطي ومن ثم
يبقى تلقي غير المرغوب من حديث لايكافئ المشاركة شئ شاذ لانبني عليه حكما ،
هذه واحدة ، الثانية يقيننا بأنا وردنا سوقا فيه كل أنواع البضاعة والوجوه وجمبو
مسجد وقصادو شفخانه ، فيه باعة جائلين مثلي وفيهو ناس المحلات المكندشه الماخمج،
عشان كده يا سيدي الواحد بيتوقع يصادف كل شئ وكل شخص ويهيئ النفس لكل حادثة،
هذه هي الحياة . لا أندهش أبدا أن يأتيني مشارك ويقرر هويتي دون أن يعرف عني غير إسمي ،
ولا أستغرب أن أوصم بالنفاق لأنني أبديت رأيي في برتقال يافا أو طريق مدني الخرطوم ،
من ثم يجب أن يكون التعامل مع تلك الحالات بما تستحقه من تحية على طريقة (سلاما) لا أكثر
وفي هذا محافظة على بقاء السوق بدكاكينه وشفخانته والفارشين في البرنده وحملة الطبالي..

يا غايب عن العين دعواتك بالله ربنا يهيئ لنا من أمرنا رشدا ويستر عيوبنا..

ألفين سلام يا حبيب .

Post: #129
Title: Re: محمد المرتضى حامد!
Author: محمد المرتضى حامد
Date: 21-10-2011, 11:09 AM
Parent: #128

Quote: مرور خجِل



زول هناك


قولة سلام تبقالو روح!


طبعن لازم يكون خَجِل ، تمُر باللِمارات وتفطنا ونحن على مرمى سمُغ منها؟

يا ياسين كان قَحيت في اللمارات بنلحقك بالمويه وكان جاتك عُشراقه في أبوظبي

تلاقي أمدلدومنا أسرع من ناس ند الشبا ، تقوم طباسينا ؟

مبروك الحب ليك وللطرف الثالث ولذوي الصلة ، ووالله عجبني الدفع به إلى المكاتب في زمن

انحسر فيه الأدب وطغت قلته، بس ما تقيف كلو كلو ..

مرة أخرى بنقول ليك لو داير تسيبنا جرِّب وانت سيبنا،

وتاني ما تمر بي خجل ونحن في التلتوار منتظرين نغني : حبيبي الفي العصُر مرورو.

سلام لنوره يا حبيبا.

Post: #130
Title: Re: محمد المرتضى حامد!
Author: محمد المرتضى حامد
Date: 21-10-2011, 05:02 PM
Parent: #129

سهام المجمر ( أم غاده)

مرورك لاشك عزيز مضئ يسعد الروح المُعَنَى،
ما اقتبستِه من كلامي ل (جني) هو ما أحسه فعلا، وكنت أود الكتابة عنه بتوسع
في معرض ردي لأستاذتي الجليلة د. أسماء إلا أنني آثرت أن أكتب عن تلك
(الحالة) في مساحة أخرى باعتبار أن موضوع البوست هنا ربما لايسمح بالإسترسال
كثيرا في وصف ما نعيشه نحن الذين غبنا عن الوطن زمنا طويلا وفي الذاكرة
صورة محددة عنه بنينا عليها كل شئ بينما الواقع أن تلك الصورة لم تعد إلا في
أذهاننا..

المقارنة – ولو لثوان- تصيب الواحد منا بفزع حقيقي ، فزع الخروج من خميلة
ودخوله إلى نفق إذا أخرج يده فيه لم يكد يراها.. خروج من (تمشي معايا وسط روحي )
والدخول إلى ( مغرزه) ..

-
خارج البوست:
يسعدني أن تحولي الأحزان إلى فعل ثقافي ، لم يتم ذلك بلمسة (ميدوزا) ولكن بجهد وصبر وجَلَد
لايقدر عليه إلا أهل الخوارق ، وكما قال عبدالناصر :

ما بين الممكن والمستحيل تكمن إرادة الإنسان.
مودة مغربلة يا سيدتي

Post: #131
Title: Re: محمد المرتضى حامد!
Author: محمد المرتضى حامد
Date: 21-10-2011, 11:43 PM
Parent: #130

Quote: حمدلله على السلامة يا محمد


النصري سلام،
سلمت من كل شر يا عزيزي،

عارف لي زمن عايز أسألك ما إذا كنت حصلت على تسجيلات الشيخ عوض عمر عليه الرحمة،
والله والله يا نصري صوت عوض عمر 6 صباحا مع شاي الصباح باللقيمات أو بسكويت ساتي
لو وجدتهم في برد كالجري الغريب داك ممكن تطلع الشارع بعراقي الساكوبيس بس،
الدفء دا الناس ما عارفنو ساي ، قايلنو ملابس صوف ، ياخ عصيدة دخن بحليب حار
لو ضاقا ستيفن هاربر كان قَلَب من حزب المحافظين وبقى مع ناس (حق) زاتم..
يا حليلنا فيها الزايله..

سمعت إنو السنه دي جاي برد ما حصل قريبات دي ، فتزودوا بما يطرد نتائج تحت الصفر
المعروفه وجيبوا أصلب العناصر لأقوى المواقف (زغني وأنجيرا) مع الدليخ وانسى النشره الجويه.

ربنا يحفظكم ..

Post: #132
Title: Re: محمد المرتضى حامد!
Author: محمد عبد الماجد الصايم
Date: 22-10-2011, 07:57 AM
Parent: #131

غايتو يا جني دخلتنا في حتة ضيقة!
هسي نلاقي وين كلام قدر الزول دا؟!!!

Post: #133
Title: Re: محمد المرتضى حامد!
Author: محمد المرتضى حامد
Date: 22-10-2011, 12:29 PM
Parent: #132

الكتابة هنا يا ياسر لها إيجابياتها وسلبياتها ، وطبعن إنت عارف كويس
إنو مع الزمن الممحوق دا لو الزول بيلقى وكت للبيع حايشتريهو ، زي الرصيد وكده، يعني ممكن
تقول لزول بالله حوِّل لي ساعتين يضافوا ليومي ويبقى 26 ساعه وهكذا ، الحاصل يا ياسر إنو لما الأولويات
تتعارض بنقوم نعمل سياسة تقشف زمني ونشيل من ميزانية المنبر العسل دا ونضيف لميزانية الحاجات
التانية كالعمل والشلهتة والمساسقه ومعاودة المريض ثم الدفن وحضور العزاء ، عرس مافي ، ويبقى يومك
ممحوق زي الجنيه السوداني ، وماهي إلا لحيظات وتلاقي (العمر ولَّى وعَبَر) زي ما قالت فيروز ،
وهلمجرا ولله الحمد .. أها تقوم تجيك أوامر من (جني) وصحبه الكرام ما تقدر تخالفا، تقوم تبقى زي
ناس حكومة الألغاز تلغي رحلة مسافرين للعلاج في اللُردُن وتدي الطائرة ل (مسئول) يتفسح بيها في دول
الكوميسا أو يحلق بيها في الساحل والصحراء..
ومرات ملاوي..
-
إنت يا ياسر طيفور ، زي ما قال حسن عطيه، حارِم وصلي مالك؟

Post: #134
Title: Re: محمد المرتضى حامد!
Author: محمد المرتضى حامد
Date: 22-10-2011, 03:02 PM
Parent: #133

في 10/1/2007 شرفني العزيز (طراوه) بتقديمه هنا،
أحمد طراوه ...أهلا
ومنذ ذلك التاريخ تغير شئ واحد وهو إحداثيات تواجده في أراضي أميركا لكن موضعه في القلب كحال قوانين الفيزياء،
طراوه ، الطيـور الراحلة في ضُــل المسا تسأل عـليك ، فاقدك يا صاحبي المتمم كيفي ، وكنت عايز أسألك (كـيـف تفارق
الضـفـة والنـيـل "الما" هـان عـليك ) لكن خجلت من سؤالي ومن نفسي ومن روحي زاتا..
فصدقني يا رفيق الطفولة يا الباسم الوريف:

(قدر ما ننسى العلينا برضو مشتاقين).

Post: #135
Title: Re: محمد المرتضى حامد!
Author: محمد المرتضى حامد
Date: 22-10-2011, 05:27 PM
Parent: #134

لعلي أقول:
بلادي – بلادُكِ..
في غربةِ الدّارِ
أنسجُها حُلّةً فالبسيها !!
أفكّرُ في نكتةٍ أو طرائفَ
إنْ قلتُها لاح من فيكِ برقٌ
وراقَ الحليبُ بأسنانكِ العاجْ!
أجدّفُ عبْرَ الشّواطيء
في مقلتيكْ!
وأرمِي بنفسي إليكْ
فألقاكِ منِّي..وبعضِي
وألقاكِ حزنِي وسعْدي!
أراهِنُ نفسي بأنّ الوعودَ الجميلةَ..
تخبو إذا أنتِ لبّيْتِ وعْدي !
وأنسى جميعَ القصائدِ
حين تطلّينَ كالمُهرةِ البكرْ
صمتك شعرْ
ووقْعُ خطاكِ قصيدة!
أحاوِرُ ظلَّ الأماني العنيدة
وأغرقُ في الحُلُمِ الحلوِ..
في الوهْمِ..
والأمنياتِ السعيدة
وأصحو لألقاك..
في المدنِ البارداتِ خيالاً
وألْقَى بلادي بعيدة!



ينطيك العافيه أستاذي فضيلي،

يعجبني الشعر الذي يجعلني أتزلج على الجليد الدفئ حتى أذوب ولا يذوب..
عندما توقفتُ عن الكتابة هنا منذ بضع سنين بادرت يا عزيز ببوست مناشدا إياي أن أعود،
كنت أعتقد أن الكتابة هنا تخضع لقوانين الطبيعة ونظرية نيوتن وكذا أن لكل فعل
ردة فعل تساويه في القوة وتتضاد معه في الإتجاه لكن ، عرفت أن الأمر عند بعضهم
غير ذلك وأنه في بعض الأحيان يسود قانون العين بعينين والسن بالفك كاملة..
آثرت الإبتعاد الكامل ريثما يعرف البعض ، وقتها ، أن هناك قانونا يحكم المنبر
وللأسف الشديد إستمرأ البعض ذلك الوضع الغريب ، ربما لغياب الرادارات ، وسدروا
في غيهم لكن هذا حال الدنيا وقانونها الأبدي..
هذه المرة كنت غارقا في متلاطمات تعرفها لكن برضو أقر بتقصيري يا أبا شيراز،
حديثك عن مظهر التعالي و (العجرفه) الذي شكل انطباعك الأول عني منذ خمسة عشر
عاما أضحكني كثيرا..عارف أيها السَجيل ، إذا ظللت تستمع ولاتشارك في الحديث
طالبا للمعرفة وليس ترفعا عن المشاركة ، يصفك الناس بما يمليه عليهم الظرف
وأنت لست مخطئا لكن الحمد لله إنو عرفت إنو صاحبك الغنمايه بتاكل عشاهو وماشي
العمر كلو بي ضل الحيطه.

وقال كل صديق كنت آمله ....... لا ألهينك إني عنك مشغول

فقلت خلوا سبيلي لا أبا لكم .......فكل ما قدر الرحمن مفعول

مودتي.

Post: #136
Title: Re: محمد المرتضى حامد!
Author: حيدر امين
Date: 22-10-2011, 08:36 PM
Parent: #135

جـــنى شكرا ليك والله سويتا الزول ده نحنا بهنا بنشوفه بس يأأأأك ويختفى
الحمد لله على العوده ...

ود حامد نزل الصور ؟

Post: #137
Title: Re: محمد المرتضى حامد!
Author: محمد المرتضى حامد
Date: 22-10-2011, 10:39 PM
Parent: #136

Quote: ونصبوا له شركا لم يصطاده فقط بل اصطاد معه سمحا اذا قال وسمحا اذا كتب وسمحا اذا أكتتب
الا وهو الصديق في جانب الكرة الأرضية الأخر أحمد طراوة طراه الله بالخير.


يا محمد الشيخ ، هي فوضى هي ؟
آي طراوه صاحبي ومطمورة غلاي و (فرده) بلغة عيال الفيسبوك بس كمان وين أنا لود علايل ابروف وسوق الشدره!!
طراوه لما يكتب مرات بجيني إنو أخد كورسات من وراي في البرهتية والهوترية، كلام زي الآيس سكيتنق،
ابوحميد المشاكلو بسيطه بالريده بتحل من قيادات التصوف ونحن حيران ودراويش في حلقته..

والله يا باشمهندس ليكم شوق ، ومن هنا ذهب من ذهب ورحل من رحل وما عادت الأيام تبهجنا كما بكى ابن زيدون،

ربنا يحفظ الجميع في غربته المضاعفة..

Post: #138
Title: Re: محمد المرتضى حامد!
Author: محمد المرتضى حامد
Date: 23-10-2011, 10:32 AM
Parent: #137

Quote: الواحد جاي ... ومتأبط أسلحة وعتاد لفظي، ومتسلّح بحق أيام مضت عشان (يهريك) ويتفشى فيك


والله ياهو زاتو "God defend me from my friends; from my enemies I can defend myself."

أبو الريش ،
لن تجرؤ، وعليك بتمثُل الحكمة التي تقول (لاتتخلى عن أصدقائك فإنهم يعرفون الكثير)
تظبظب يا رجل - كما قال محمد الماغوط في شقائق النعمان - وعلى رسلك يا هذا ، إن عنَ لك
طرح تاريخي الردئ هنا فعليك بأقله سوءا ..
يا رجل غيابك طال ، ما تشتغل بناس السني وحيدر ديل بس من باب الفضول تعال شوف التغيير
المدهش في الفترة التي بعُدت فيها عن السلطنة ، والله يا محمد الواحد لامن يشوف الناس
مشت كيف ونحن وقعنا عموديا كيف يغمره اكتئاب عديل رغم سعادته بتطور الغير.

أستاذنا محمد سني أفاد أعلاه بعرض آخر لعرس الزين عما قريب وياني العامل الدرب ساساقه.
والله ناسكم سمحين..
برضو..

Post: #139
Title: Re: محمد المرتضى حامد!
Author: محمد المرتضى حامد
Date: 23-10-2011, 02:25 PM
Parent: #138

Quote: مجارطني في يني مالك؟
كُت قايلو هولي حصرياً بعد حِضرتلو ليله من ألف ليله في لاس فيجاس
حا ارفع عليك دعوى هراسمنت، ومحامي، كان ترضى كان تابا، بتاع العنكوليب داك

يا محمد هسه أقول يا الله كارن قراي تكون جايه معاهو، البت دي بتعزف الفيولين زي ما صنعوها،
Yanni دا يا محمد مُسكِر ، مقطوعه واحده منه بتخليك في حالة نعنشه والتانيه درجة الترتحه
وتبدا تتكلم بالإنجليزي كما يفعل بعضهم في القعدات ، أما إذا حضرت ليهو حفل كامل أصحابك
الماببيعرفو الطرب إلا يرجعوك البيت بعجلة الرغيف ، قالوا المسنسن في ذمة الواعي.. أنا لاأشك إنو
عبارة ( سَكْرة يَنِّي) سببا الزول ده.. عموما تذكرتي قاعده ومساء يوم الأربعاء القادم موعدنا ..
بتاع العنكوليب داك لو Yanni جاهو في بيتو بيمرق يخليهو ليهو لكن كان الحفله بعلي اللحو وفيها
رقصة صقريه تلقاهو زي مكوك الفضاء تشالنجر ... هيييع.. علي الحرام في الصقريه دي بس مشير،
تقول لي Within Attraction ؟

Post: #140
Title: Re: محمد المرتضى حامد!
Author: محمد المرتضى حامد
Date: 23-10-2011, 04:52 PM
Parent: #139

Quote: تزامن انضمامنا لهذا الصرح غيابه و غياب رائعين آخرين أذكر منهم الأخ خضر حسين و الأخ هوارى نمر
و الأخوات عزاز شامي و أميرة الشيخ والأخ قمر بوبا و و الذين بغيابهم غابت معهم مساحات واسعة من الاخضرار

د. عبدالحميد سلامات،
يبدو أن الوالده - أسكنها المولى عليين - داعيه لي، يعني لامن يجوك أخوان إتنين بقامتك ود. عبدالمجيد
في مساحه زي دي تحمد الله على نعمائه ..

يا سيدي الكريم شكرا على كلامك في حقي لكن برضو كمان الأسماء التي أوردت إسمي معها دي عالية الكعب إذا
ما كان الحديث يتصل بالكتابة والأدب وعموما نحن في جاه الملوك نتوهط سااااي..كدا زي لما تذكر الصحفي
السيرلانكي إياهو مع محمد حسنين هيكل وعلي ومصطفى أمين في مكان واحد .. ما بتبقى مش؟ لكن عندنا مثل
بيقول : كان قالوا ليك سمين قول آمين.. وعليه ، وبعد الإطلاع على حروفكم أناشد الأعزاء أعلاه ألا يحرمونا
السقيا في زمن المحل والتصحر ..

شكرا ثانية يا المقابل وصاحبك القرشي بي غادي في عروس الرمال ودامت الأفراح..

Post: #141
Title: Re: محمد المرتضى حامد!
Author: محمد المرتضى حامد
Date: 23-10-2011, 11:01 PM
Parent: #140

Quote: حاشية ( يامرتضى كلو تمام ، محتاجين لدعم باطنى لوجستى سريع )

مولاي العارف بالله شيخنا الشلال الرشيد شلال،
ياخ أقول ليك أنا من صفاك مسحور تقول لي دعم باطني من جسد محته الذنوب؟
بالله يا مولاي أذكرنا والحقنا دعواتك فقد ورد بالأثر ( أدعوني بألسنة لم تعصوني بها)،
سل المولى يرد غربتنا ويقيض لنا من يؤنس وحشتنا في ظاهر الأرض وباطنها..
ربنا يحفظك والأسرة الكريمة من كل سوء.

Post: #142
Title: Re: محمد المرتضى حامد!
Author: محمد المرتضى حامد
Date: 24-10-2011, 09:31 AM
Parent: #141

Quote: وليكون صوت مسقط صوتا واحدا موحدا
اقف مع الاستاذ الرشيد شلال

مولانا عبدالحافظ صاحبي الفي طبعو دايمن هادي،
وأنا في طريقي من البيت إلى العمل هذا الصباح كنت أستمع لأغنية
صديق الزمن السمح محمد عبدالله شمو (مريم الأخرى) والتي كتبها ونحن
بعد طلابا بجامعة الإسكندرية وللمرة الألف تأملت كيف كان (شمو)
وكأنه يقرأ الغيب حين قال: ضيعتني مريم الأخرى بانتظار المجدلية
وطرح أسئلة لم نجد إجابة عليها حتى الآن : هل أنا القاتل والمقتول
حينا والرهينة وهل أنا البحر الذي لا يأمن الآن السفينة..
ما عرف شمو أن الأشياء ستُبتذل إلى درك تماهى فيه النضال والإبتذال
والأمانة بالخيانة ، زمن أصبح فيه الواحد منا يوشك أن يخلع من وس خ الأيام
حذائه كما قال مظفر ..
أتعبتني (مريم) الأخرى هذا الصباح فجد لي العذر في ردي عليك بكلمات
وأنت لايشبهك إلا ما يماثل طبعك من كلام..
محبتي..

Post: #143
Title: Re: محمد المرتضى حامد!
Author: محمد المرتضى حامد
Date: 24-10-2011, 05:22 PM
Parent: #142

أبوساندرا ،

من زمن عايز أرسل ليك صورك القاعده بي جاي ، تعال شيلا زي ما قال كوستاوي الخرده،
والله صور في قندهار وبيت بكري بالتي شيرت مبالغه، بالطبع لايمكن تنزيلها هنا بسبب ربيع الثورات العربية
والشعارات المتداوله يقوموا يلحِّقوك بن علي.
عموما بعضهن يكفَّن العين لأنو صينية الغدا بقت عباره عن مصراته..

شكرا ياأبا ماهيتاب..

Post: #144
Title: Re: محمد المرتضى حامد!
Author: محمد المرتضى حامد
Date: 24-10-2011, 08:32 PM
Parent: #143

Quote: غايتو يا جني دخلتنا في حتة ضيقة!
هسي نلاقي وين كلام قدر الزول دا؟!!!

كنت عايز أقول ليك في بـــاتــــا ..
لكن مؤقتا كدا القميص 16 والبنطلون 36 يا ود الصائم ..
والله يا ابوحميد يكفي أن تطالعنا بهذه الضحكة الكفيله بإعادة التوازن النفسي لمن يطالعها..
حقيقة لها أثر الرذاذ البيطفي الكتاتيح الحايمه في المنبر دي ونسأل المولى لها الإستدامة..
ما يجي يوم شكرك .. ول أقول ليك.. بدل أنتظر مية سنه تانيه هسه بقولا ليك..
شكرا ياخ..

Post: #145
Title: Re: محمد المرتضى حامد!
Author: محمد المرتضى حامد
Date: 24-10-2011, 09:32 PM
Parent: #144

Quote: ود حامد نزل الصور ؟

هسه في داعي يا حيدر؟
ياخ خليها مستوره ..
بالمناسبه ، ياتن؟
شايفك والسني مشغولين مع ناس قناة السويس ،
عساهم ما يتلومو مع صاحبك ودالقرشي تاني،
ياخ لم تتح لي فرصة اللمة الظريفه وأدام الله أيامكم أفراحا،
بس التغيير مطلوب يا حيدر..
تسلم يا حبوب.

Post: #146
Title: Re: محمد المرتضى حامد!
Author: محمد المرتضى حامد
Date: 26-10-2011, 11:40 AM
Parent: #145

Quote: سلام يا محمد
تعرف زمان كده قريت كتاب إسمو ( Treasure Island) لكني إكتشفت مؤخرا إنو ممكن يكون في كتاب إسمو ( The Human Treasure ).
في ناس كده ممكن تلاقيهم لفترة وجيزة ومع ذلك، يتركوا في نفسك أثر خالد، زي عجائب الدنيا السبع، لا تطاله عوامل
التعرية!.أها بروفيسور علي ده واحد من الناس ديل.

يا الفاتح ،
أخي الصديق البروف علي عوض يوسف رجل نادر بكل ما تعني الكلمة ،
علي - كجوهر صدر المحافل - يشرفنا جميعا كجالية أين حل بعلمه في مجاله
وإسهاماته واهتمامه وإدارته ، هو عميد لعمادة الدراسات العلياوالبحث العلمي
وعميد سابق لكلية العلوم بجامعة السلطان قابوس وهي من الجامعات المرموقة
في الشرق الأوسط - رغم حداثتها النسبية - وأستاذ للفيزياء وهو رقم في الجامعة
وشيخ عرب يده ممدودة وبيته مفتوح بسيدته الكريمة جد الفضلى هند بشير محمد سعيد..
تعال من طوكيو واقعد معاهو فليس من رأى كمن سمع.

زُره تجد ما يسرك

Post: #147
Title: Re: محمد المرتضى حامد!
Author: عبدالرحمن إبراهيم محمد
Date: 08-11-2011, 04:28 PM
Parent: #146



أخــونـا الـعـظـيـم حيدر محجوب

كـتـر الله ألـف خـيـرك وخـضـر أيـامـك وريـح بـالـك.

ياأخى أنت عـملـت مالـم يعـمـلـه زريـاب حـيـنـما جـذب
اجـمل القـوم رجـالا ونسـاءا شـبانا وكـهـولا ألـى مـغــناه
حتى حـسـده الخـلـيـفـة عـلى تـقـاطـر الـقـوم عـلـيـه.

ولكنى لا أحـسـدك كالخـلـيـفـة، الذى مـن قـصـر نـظـره،
بدلا من أن ينظـر إلى جمال الوجوه ومـتعـه الشـعـور عـليـها،
سـقط الى درك بهـيـمـية الأنسـان مـن الـحـسـد والـذاتيـة.

فلك الشـكـر لأنـك ببوسـت واحـد يفـيـض نبـلا جـلـبـت
إلينا الأمل فى شـهـده وخـيرة أهـل هـذا الموقع، وأطـرفـهـا
حديثا، وأجـملهـا بـيانا من اللواء عمر علي حسن والدكـتور أحمد
القرشى ومن يتسـمى بوليم اندريا ومحمد الكامل عبدالحليم والدكـتور
أحمد طراوة ومحمد عبدالرحمن محمد (المطرطش).

وكانـوا قـد غـابـوا عـن السـاحـة حـتى حـرنا فـى أمـر
غـيـابهـم. فـإذا بـنا وبـفـضـل بـوسـتـك نـكـتـشـف
أنهـم إنـمـا كانـوا يـفـتـقـدون نـجـم الـشـمال ذاك الذى
يـهـتـدون بـه فـى تـرحـالـهـم الـفـكـرى. وإذا بـهـم
يتـقاطـرون ميـميـن شـطـره فى مداخـلة تلو الـمداخـلـة

وممـا يـمتـع النـفـس أن مولانا مـحـمـد المـرتضـى بعـد
أن شـنـف آذاننـا بـبـديـع المـغـنى مـن فـقـيـد الـفـن
زيدان إنـطـبق عـليه المـثـل المغـنى (بـتـصـرف مـنى):

بعـد ماكان بيدور هـداى ** * صبـح هـداى بيـهـدى الناس

فـإذا يـه يـعاتـب فى عـماد عـبدالله لـغـيابـه.

فـلـك الـحـمـد ولـك الـثـناء ولـه المـعـزة.





Post: #148
Title: Re: محمد المرتضى حامد!
Author: الطيب شيقوق
Date: 08-11-2011, 05:13 PM
Parent: #147

Quote: أخــونـا الـعـظـيـم حيدر محجوب

كـتـر الله ألـف خـيـرك وخـضـر أيـامـك وريـح بـالـك.

ياأخى أنت عـملـت مالـم يعـمـلـه زريـاب حـيـنـما جـذب
اجـمل القـوم رجـالا ونسـاءا شـبانا وكـهـولا ألـى مـغــناه
حتى حـسـده الخـلـيـفـة عـلى تـقـاطـر الـقـوم عـلـيـه.

ولكنى لا أحـسـدك كالخـلـيـفـة، الذى مـن قـصـر نـظـره،
بدلا من أن ينظـر إلى جمال الوجوه ومـتعـه الشـعـور عـليـها،
سـقط الى درك بهـيـمـية الأنسـان مـن الـحـسـد والـذاتيـة.

فلك الشـكـر لأنـك ببوسـت واحـد يفـيـض نبـلا جـلـبـت
إلينا الأمل فى شـهـده وخـيرة أهـل هـذا الموقع، وأطـرفـهـا
حديثا، وأجـملهـا بـيانا من اللواء عمر علي حسن والدكـتور أحمد
القرشى ومن يتسـمى بوليم اندريا ومحمد الكامل عبدالحليم والدكـتور
أحمد طراوة ومحمد عبدالرحمن محمد (المطرطش).

وكانـوا قـد غـابـوا عـن السـاحـة حـتى حـرنا فـى أمـر
غـيـابهـم. فـإذا بـنا وبـفـضـل بـوسـتـك نـكـتـشـف
أنهـم إنـمـا كانـوا يـفـتـقـدون نـجـم الـشـمال ذاك الذى
يـهـتـدون بـه فـى تـرحـالـهـم الـفـكـرى. وإذا بـهـم
يتـقاطـرون ميـميـن شـطـره فى مداخـلة تلو الـمداخـلـة

وممـا يـمتـع النـفـس أن مولانا مـحـمـد المـرتضـى بعـد
أن شـنـف آذاننـا بـبـديـع المـغـنى مـن فـقـيـد الـفـن
زيدان إنـطـبق عـليه المـثـل المغـنى (بـتـصـرف مـنى):

بعـد ماكان بيدور هـداى ** * صبـح هـداى بيـهـدى الناس

فـإذا يـه يـعاتـب فى عـماد عـبدالله لـغـيابـه.

فـلـك الـحـمـد ولـك الـثـناء ولـه المـعـزة.


لله درك يا بروف


Post: #149
Title: Re: محمد المرتضى حامد!
Author: محمد عبدالرحمن محمد
Date: 15-11-2011, 07:55 AM
Parent: #148

Quote: فلك الشـكـر لأنـك ببوسـت واحـد يفـيـض نبـلا جـلـبـت
إلينا الأمل فى شـهـده وخـيرة أهـل هـذا الموقع، وأطـرفـهـا
حديثا، وأجـملهـا بـيانا من للواء عمر علي حسن والدكـتور أحمد القرشى ومن يتسـمى بوليم اندريا ومحمد الكامل عبدالحليم والدكـتور أحمد طراوةا ومحمد عبدالرحمن محمد (المطرطش).

ياا بروف،
إنت بي صِحّك ضامَنّي في زمرة الأبالسة ديل؟
بيني وبينك تار ولّا تقنت ياخ؟
كمان في بوست يخس المرتضى؟