هشام الجَخ..

هشام الجَخ..


09-17-2010, 02:29 PM


  » http://sudaneseonline.com/cgi-bin/sdb/2bb.cgi?seq=msg&board=219&msg=1305828507&rn=10


Post: #1
Title: هشام الجَخ..
Author: محمد المرتضى حامد
Date: 09-17-2010, 02:29 PM
Parent: #0


Post: #2
Title: Re: هشام الجَخ..
Author: jini
Date: 09-17-2010, 02:33 PM
Parent: #1

يا اخى الولد دا يقول للابنودى والفاجومى انتوا شنو!
جنى

Post: #3
Title: Re: هشام الجَخ..
Author: عبداللطيف محجوب
Date: 09-17-2010, 02:36 PM
Parent: #2

Quote: يا اخى الولد دا يقول للابنودى والفاجومى انتوا شنو!



Post: #9
Title: Re: هشام الجَخ..
Author: محمد المرتضى حامد
Date: 09-17-2010, 08:35 PM
Parent: #3

يا عبداللطيف سلام،
الأبنودي بنى لبنة في هذا الصرح لاينكرها أحد،
نجم والشيخ إمام كانا في ذات السهل الممتنع الممتع المقنع الصادم،
( مرحب بابا نيكسون يا بتاع الووترجيت) لو تذكر،
وزي ما قال الشقيق فيصل ، مصر ولاّدة.

Post: #4
Title: Re: هشام الجَخ..
Author: محمد المرتضى حامد
Date: 09-17-2010, 03:17 PM
Parent: #2

عرضحال البلد بعنوان (جحا) وبلسان صعيدي يا جني،
صوت يمرق كالسهم الناري من سوهاج.

Post: #5
Title: Re: هشام الجَخ..
Author: cantona_1
Date: 09-17-2010, 03:30 PM
Parent: #1




يا محمد المرتضى حامد سلامات... عندكو شعراء زي دول في بلدكو ... وكمان عندكو تكوسة... مقدمة البرنامج دي الشاذلي أحسن مذيعة في مصر حسب تقييمي.. الحال من بعضه مع تحياتي.
كبـــّـاشي الصـــّافي

(العوج راي والعديل راي)

Post: #6
Title: Re: هشام الجَخ..
Author: Amira Elsheikh
Date: 09-17-2010, 04:16 PM
Parent: #5

كرامتنا متهانا
لاشفت فيك هنا ولا شفت فيك ترف كل الفيكى قرف
كرامتنا متهانا واللقمة باهانة
بتخلفينا ليه لما انت كرهانة

يعنى ايه تبقى هبة النيل وكل يوم المية تقطع
يعنى ايه لما اشتكى غلو الفاتورة
يقول تشتكى بس تدفع
....

االولد هضم تجربة الابنودى مية مية ....وبدا

بحكى عننا وباالحرف ,,نفس الوجع ونفس الالم..نفس التفاصيل ...كل شئ كل شئ


سلام يا محمد المرتضى,,,,
بافى التسجيل دا وين؟؟
فى امكانية انك تنزلو لينا كلو

Post: #7
Title: Re: هشام الجَخ..
Author: Faisal Salih
Date: 09-17-2010, 07:30 PM
Parent: #6

شكرا يا مرتضى
لقد اذهلني حواره مع منى الشاذلي وشاهدته حيا هلىقناة دريم
أدهشتني تجربته في إٌقامة الحفلات الشعرية- كما يسميها- بمقابل نقدي، اي بتذاكر، وتنفد التذاكر قبل اسابيع
مصر ولادة يا مرتضى، وكلما حاصرتها المشاكل والهموم تخرج من رحمها المبارك ابناء بررة ومبدعين في كل المجالات
بالمناسبةن ليه ما علقت على نانا؟
فيصل

Post: #8
Title: Re: هشام الجَخ..
Author: Amira Elsheikh
Date: 09-17-2010, 07:55 PM
Parent: #7

تابعت الرابط واستمعت ببقية الشعر والحوار,,,



هشام كانو بحكى عادى مش بقول فى شعر.....

وعندو احساس وتكنيك عجيب...

غايتو حيكون مزازى بى الفترة الجاية كلها الله يستر

Post: #11
Title: Re: هشام الجَخ..
Author: محمد المرتضى حامد
Date: 09-17-2010, 11:59 PM
Parent: #7

Quote: بالمناسبةن ليه ما علقت على نانا؟

الأخ الحبيب فيصل،
كان لابد أن تشير إلى (نانا) وتسأل عنها،
(نانا) تنتشر في كل قصائد هشام تقريبا،
الحبيبة غير القابلة للتجزئة ..
الرمز والحقيقة والمجاز..

عارفك يا فيصل،



هذا الحلم الاحد الصمد الساكن فيا
مازلت وبرغم الثورة تحكمني حكما ملكيا
نانا البت الدوشة الظيطة
المغرب تنزل في الاستاد انا كنت دهل صغير لسة
بسرح شعري من الضهرية
وشايف شعرها نازل يدلع على خدها
المكوة البايظة كأنها عارفه معادي معاها اشتغلت وحدها
فرحت بيا سلالم بيتنا وانا نازل بتنطط فرحة
قلعت عنها حجاب الطرحة واعدت تدعي
شم المدخل ريحتي عرفني
غمزلي بعينيه عرفته كشفني كسفني
ضربته في عينه وطرت
زعق فيا وقالي هتفضل برضه صغير مهما كبرت
مدخل اللي مربيني كان دايما عايش ويايا
كان يسهر في الامتحانات ويوصلنا لغاية اللجنة ويستنانا
والمرادي قالي امانة امانة
يارايح لتسلم على نانا
اصحابي عايزني اوصفها
وانا مش لاقي في وصفها زي
شعرها اسود لا مش اسود
شعرها ناعم لامش ناعم
شعرها زي اللي ملوش زي
اسمها نانا وساكنه وريدي
بس الناس بيقولوا عليها ساكنه معانا في نفس الحي
مشيها زي غرير المي
رمشها زي جدايل ضي
جدها من النوع الوحداني اللي ملوش خي
نانا كانت لما بتضحك يحلا في عيني العمر الجي
كانت لما بتجرح قلبي تحلى لقلبي قولة اي
قال وصحابي بيقولوا اوصفها
طب والله نفسي اوصفها
بس هاتولي في وصفها زي

أجمل ما تكون حين يلقيها بأسلوبه الحابس للأنفاس،
إستمع إلى الحوار الفادح السخرية في كل الإتجاهات،



Post: #15
Title: Re: هشام الجَخ..
Author: محمد المرتضى حامد
Date: 09-18-2010, 09:26 AM
Parent: #6

أميره العيد مبارك عليك (تاني).
الحمدلله أنك تابعت بقية مشاركات هشام وتحديدا تلك التي تدفق فيها مع منى،
رغم صغر سنه إلا أنه تمكن من المفردات وصنع لغة شعرية خاصة به،
حضور واضح ولغة جسد ومفاجأة في التعبير أضافوا لأدائه جاذبية
غابت كثيرا عنا.
كما سبق وقلت لأخي أباذر بابكر، يعجبني الشاعر الذي يبقيني
واقفا على أصابعي.
يعني البيأشر شمال ويلف يمين يا أميره.
شكرا يا عزيزة.

Post: #10
Title: Re: هشام الجَخ..
Author: محمد المرتضى حامد
Date: 09-17-2010, 10:23 PM
Parent: #5

الأخ كانتونا ون ،
كل عام وأنتم بخير،

Quote: الحال من بعضه

هذه حقيقة،
لو أن (الجخ) قرأها بالدارجة السودانية لما ساورني شك أنه يحكي عن حالنا،
يقول صديقي خالد كودي ( للثوار وجه واحد) وأقول للوجع عصب واحد،
كثيرون لا يعرفون تلك الأصوات الجميلة ويظنون أن حبال مصر الصوتية
مشدودة على كورال (صحوا الرئيس) وزمرة محمد فؤاد..
بالمناسبة ، من هو محمد فؤاد؟؟



_

نعم لنا شعراء كهشام ولكن مذيعات كمنى الشاذلي ، لا أظن.

Post: #12
Title: Re: هشام الجَخ..
Author: cantona_1
Date: 09-18-2010, 00:10 AM

Quote: ولكن مذيعات كمنى الشاذلي ، لا أظن


يا أخ محمد المرتضى حامد .. لو كنت المسؤول عن الشغلانة الاسمها الإعلام دي كنت عملت حاجة بسيطة جداً. أشيل ليك فوج من المذيعين والمذيعات.. وأوديهم أقعدهم مع منى الشاذلي دي وأقول ليهم لا عاوزكم تمتحنوا ولا تجيبوا شهادات.. بس أقعدوا قدام الست دي وشوفوها بتسوي شنو؟ وتعالوا راجعين بعد 3 شهور في القاهرة سووا لينا زي ما شفتوها هي بتسوي. الثلاثة شهور سكنكم واكلكم وشرابكم والمصاريف للهدايا كله على حساب الحكومة السودانية.. مش ممكن تجيب نتيجة معاهم؟.
وفي الجانب الآخر أجيب منى الشاذلي دي وأقعدها في الخرطوم شهرين .. أجمع ليها كل المذيعين ومقدمي البرامج ومن يلف لفهم يقعدوا قدامها وتوريهم هي بتسوي البرنامج حقها كيف.. وبعدين يمشوا يعملوا لينا زيها..مش الحكاية بسيطة بالله؟. تحياتي.

كبـــّـاشي الصـــّافي

(العوج راي والعديل راي)

Post: #13
Title: Re: هشام الجَخ..
Author: كمال سالم
Date: 09-18-2010, 01:18 AM

والله يابن خالتى حيرتنى !!
تغتس ليك مده وتقول كده تجى نابل
وشايل ليك صيد ثمين .
يأخ الود هشام ده لو ما إنت كنا حنكتشفوا
كيف ؟؟ ده زول مبالغه !!
تعرف فتحت البوست وقعدت فيهو قرابة الساعتين
حتى أكملت مشاهدة الحلقه كامله من اليو تيوب ,
يعنى ساهرت بى سهره أصلها مامعقوله, لكن عافى
ليك . بـس الله يقدرنى على القومه بكره .
ولقد صدق من قال إن مصر ولاده ,, فهشام جخ هـو
الوريث الشرعى والحقيقى لأحمد فؤاد نجم والأبنودى .
ياترى متى يأتى وريث لهاشم صديق ومحجوب شريف فى
ظل هذا الإحباط الطويل ,, أيا ترى مازال فى رحـم
حواء السودان مبدعين ؟؟
يأخ شكرا ليك كتير يامحمد على الساعات الجميله التى
أهديتها لى فى مساء هذا اليوم .
وعيدك مبارك ,

Post: #14
Title: Re: هشام الجَخ..
Author: Osman Musa
Date: 09-18-2010, 03:11 AM
Parent: #13



سلامات عزيزنا محمد
يا سلام
الجخ يا محمد عارف مكان
مطامير كنوز اللغة ومخازن التفعيلة والتراكيب والتعابير .
تحياتى

Post: #16
Title: Re: هشام الجَخ..
Author: هواري نمر
Date: 09-18-2010, 09:54 AM
Parent: #14

يا مولانا
تحياتي واحترامي....وكُل سنّة وأنت طيب

شاهدت هشام ,قبل شهور,وعلي ما أعتقد احدي الآخوات أفتتحت بوست
عن هشام الجّخ.

اللهجة الصعيدية لها مفردات قوية جداً ومميزة وأكاد أجزم بأنها, (الاقرب)للآذن السودانية
لم أحس بـ هشام الاّ فرداً منا,واحداً من الآف الشباب الشعراء,الذين يعبرّون عن عامة الناس الغلابة , صوت
للشارع وضميره,احساسه بكل ما يحيط به, كلماته تعبر عن لســان حـال جيل كامل و أمة بحالها .


شكراً يا مـــــولانا
فهذا ما يُقرب بين الشعوب والناس وليس خُطب الساسة ورؤساء الاحزاب.

Post: #17
Title: Re: هشام الجَخ..
Author: فيصل محمد خليل
Date: 09-18-2010, 10:09 AM
Parent: #16

وحّات الذى ركز الارض معبد وسوى الناس عليها مقام
زولك دا مبدع

Post: #20
Title: Re: هشام الجَخ..
Author: محمد المرتضى حامد
Date: 09-19-2010, 08:07 AM
Parent: #16

(شاهدت هشام ,قبل شهور,وعلي ما أعتقد احدي الآخوات أفتتحت بوست
عن هشام الجّخ.

اللهجة الصعيدية لها مفردات قوية جداً ومميزة وأكاد أجزم بأنها, (الاقرب)للآذن السودانية
لم أحس بـ هشام الاّ فرداً منا,واحداً من الآف الشباب الشعراء,الذين يعبرّون عن عامة الناس الغلابة , صوت
للشارع وضميره,احساسه بكل ما يحيط به, كلماته تعبر عن لســان حـال جيل كامل و أمة بحالها .


شكراً يا مـــــولانا
فهذا ما يُقرب بين الشعوب والناس وليس خُطب الساسة ورؤساء الاحزاب. )


هواري ، السنه دي زاتا أمانيك اتحققت قول آمين، ليتني وجدت أو أجد (البوست) الذي ابتدر هنا عن الشاب الحريف هشام،
فالمطلوب هنا لفت الإنتباه لأعمال جاده تعمل كمزيل لما ترسخ في أذهان البعض عن البعض، صدقت يا هواري ، أحسست كأنه
واحد ا منا يعبر عن كل من يعاني أيا كان باإحساسه بمن وما يحيط به، بالفعل ، كلنا في الهم شرق.

Post: #19
Title: Re: هشام الجَخ..
Author: محمد المرتضى حامد
Date: 09-18-2010, 11:41 PM
Parent: #14

Quote: الجخ يا محمد عارف مكان
مطامير كنوز اللغة ومخازن التفعيلة والتراكيب والتعابير .


وأعجبني ، يا عثمان ، في قصيدته العمودية التي كشفت عن تمكن في
اللغة قال أنه ورثه عن أمه - رحمها الله - وكانت مدرسة للغة العربية.
ضحكت لسخريته العالية حين علّق على سؤال مضيفته عن زواج أبيه من ثلاثة نساء،
الشاب خطير يا ود موسى وحايمشي من ناس الأبنودي بي غاااادي.

Post: #18
Title: Re: هشام الجَخ..
Author: محمد المرتضى حامد
Date: 09-18-2010, 09:50 PM
Parent: #13

(ولقد صدق من قال إن مصر ولاده ,, فهشام جخ هـو
الوريث الشرعى والحقيقى لأحمد فؤاد نجم والأبنودى )

كمال سالم، عيدك سعيد يا ابن الخالة،
صدقني ،الشاب هشام .يمثل (عينة ) من شباب رافض لأوضاع أقل ما يقال عنها أنها (بايخة)
وتنذر بالكثير، مصر عامرة برموز تفوق هشام إبداعا لكن الإعلام ، في معظم وسائطه،
مشغول بالزَبَد، فقط الصدفة هي التي عرفتني بإنتاج وإبداع الجخ وهي ذات الصدفة التي عرفتني بفن دنيا مسعود،
إعلامهم يقدم لنا سعد الصغير وعدويه وبعض راقصات الهرم،
مصر عظيمة ولود يا كمال وستبقى،

Post: #21
Title: Re: هشام الجَخ..
Author: محمد المرتضى حامد
Date: 09-19-2010, 09:01 AM
Parent: #18

(وحّات الذى ركز الارض معبد وسوى الناس عليها مقام
زولك دا مبدع)

نعم يا الفيصل،
ما يسعد حقا أنه يخرج في زمن يتصدر فيه العاطلين عن الموهبة جل المشهد الإعلامي،
وما يسعد أيضا أنه يأتي في زمن الغيبوبة التي أخذت في تيارها الكثيرين حى ظن
البعض أنه الطوفان.
أرجو لو تستمع لكامل مقابلاته في اليويتيوب لتعرف كم هو مثقف ومتمكن من لغته
وشاعريته وتعدد مواضيعه ######رية لاذعة في مكانها.
كل العام وانت طيب يا عزيز.

Post: #22
Title: Re: هشام الجَخ..
Author: الطيب شيقوق
Date: 09-19-2010, 09:13 AM
Parent: #21

المرتضى العيد مبارك عليك

فتحت البوست دا وتصفحت جميع المداخلات علّى اجد دريب ادخل بيهو ووالله يا المرتضى ذكرني الامتحانات الزمان لما ابدأ السؤال الاول ويغلبني وامشي للبعديهو ويغلبني ولآخر سؤال برضو يغلبني واقوم اقلب ليك ورقة الامتحان على الدرج واروح مربع ايادي وجالس منتظر الزمن الذى يسمح فيه بالخروج من القاعة .

يا اخي شوف لينا بوستات (ناسنا) او نقوم نعلنك persona none grata من ناسنا ذاتهم

Post: #23
Title: Re: هشام الجَخ..
Author: محمد المرتضى حامد
Date: 09-19-2010, 09:22 AM
Parent: #22

(يا اخي شوف لينا بوستات (ناسنا) او نقوم نعلنك persona none grata من ناسنا ذاتهم)


والله يا شيقا خوفتني،
ياخ (ناسنا) قاعدين و(مريا) قاعده و (ساره نورو) موهطه في الصفحه الأولى،
بس الشاب دا عاجبني كلامو وعجب صاحبك فيصل خليل والضيوف السمحين
الفوق ديل،
الديمقراطيه يا ناس الدندر والتنوع،
إنت يا زول في إجازتك بقيت مؤتمر وطني ولاشنو شابكني بيرسونا نون قراتا
وقطع من خلاف.

Post: #24
Title: Re: هشام الجَخ..
Author: الطيب شيقوق
Date: 09-19-2010, 10:12 AM
Parent: #23

Quote: الديمقراطيه يا ناس الدندر والتنوع،


نان بالجخ آل عشاء ؟

والله يا المرتضى في محل آيسكريم مشهورة بالحيل في شارع نميري بامدرمان - كلما اجي جنبها - في اجازتي - واشوف الناس الحمر طالعين منها وداخلين عليها بتذكرك .


انت قطع شك بتكون تريان منها

Post: #25
Title: Re: هشام الجَخ..
Author: الطيب شيقوق
Date: 09-21-2010, 06:10 AM
Parent: #24

ما تسرح يا ابا اكرم