عاصم البنا...بان بيننا ..رحبوا به

عاصم البنا...بان بيننا ..رحبوا به


11-10-2006, 06:38 AM


  » http://sudaneseonline.com/cgi-bin/sdb/2bb.cgi?seq=msg&board=219&msg=1178347364&rn=0


Post: #1
Title: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 06:38 AM

أخي وصديقي عاصم ودبابكر ، أبو أحمد ، وزارة للفرح تمشي على قدمين ومهرجان بشاشة غير مرتبط بموسم أو تاريخ ، يعرفه من يعشق فنه من خلال مايقدم في تلك الناحية ، لكن ماخفي حتما أروع . شرّفني حين ( اصطفاني شاهدا وولدا ووالدا وخاطرا فوق محال الوعد والميعاد ) لتقديمه اليكم . رحبوا به بيننا واسرجوا له أصائل خيلكم فهو جميل بكم.
الباشمهندس بكري أبوبكر .. لك الحب والوفاء لأنك تجمع الجميلين ولأنك لم تتأخر عني في طلب ينصرك ربي.
محمدالمرتضى

Post: #2
Title: Re: عاصم البنا...بان بيننا ..رحبوا به
Author: محمد عادل
Date: 11-10-2006, 06:42 AM
Parent: #1

اهلا بالاستاذ عاصم البنا

Post: #3
Title: Re: عاصم البنا...بان بيننا ..رحبوا به
Author: فرح
Date: 11-10-2006, 06:44 AM
Parent: #2

مرحب بيك عاصم اضافه للمبدعين فى المنبر

Post: #4
Title: Re: عاصم البنا...بان بيننا ..رحبوا به
Author: ادريس خليفة علم الهدي
Date: 11-10-2006, 06:47 AM
Parent: #3

مرحبا بالمبدع عاصم البنا

Post: #31
Title: Re: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 05:27 PM
Parent: #4

ادريس ودالخليفه علم الهدى
شكري لك على وصفك لعاصم وأنتم ايضا تبدعون لذا اختار أن يكون بينكم.
تستحق الأحترام

Post: #5
Title: Re: عاصم البنا...بان بيننا ..رحبوا به
Author: Hussein Mallasi
Date: 11-10-2006, 06:48 AM
Parent: #3

بعد دا لقاءات بورداب الخرطوم حيكون ليها طعم تاني!!

____

Post: #6
Title: Re: عاصم البنا...بان بيننا ..رحبوا به
Author: Rakoba
Date: 11-10-2006, 07:33 AM
Parent: #5

مرحباً بالفنان الجميل عاصم، وبختكم يا ملاسي ويابورداب الخرطوم بهذا المكسب الرائع.
وهسي أنا فيك شن نسو


Post: #7
Title: Re: عاصم البنا...بان بيننا ..رحبوا به
Author: خالد عويس
Date: 11-10-2006, 07:36 AM
Parent: #6

أهلا أهلا بالفنان عاصم البناصاحب الحنجرة الصداحة

Post: #64
Title: Re: عاصم البنا...بان بيننا ..رحبوا به
Author: محمد المرتضى حامد
Date: 12-10-2006, 01:39 PM
Parent: #7

خالد عويس الأديب
شكرا ياعزيز وأنتم بعض من جمال هذا الفضاء الذي انتمى اليه عاصم
الثناء لك على الترحيب به يامهذب

Post: #39
Title: Re: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 06:07 PM
Parent: #6

(راكوبه)
ازيّك يا (قصر) الضيافه ..ليس ذلك المأساوي بالطبع.
شكرا على اختيارك ، وبعد هذا الأهداء الغنائي (هسه فيك انا شن اسو)؟
لك محبتي

Post: #34
Title: Re: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 05:35 PM
Parent: #5

Quote: بعد دا لقاءات بورداب الخرطوم حيكون ليها طعم تاني!!

الليمون بالنعناع
حايقوله ليك عاصم ياحسين
شكرا ياالعزيز

Post: #30
Title: Re: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 05:22 PM
Parent: #3

فرح
قلنا نزيد جرعه منك
شكرا يا فرح للترحيب

Post: #29
Title: Re: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 05:19 PM
Parent: #2

محمد عادل
شكرا يالطيف .. أراك دوما مع أول المهنئين وهذا فعل الكرام
لك الود

Post: #33
Title: Re: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 05:30 PM
Parent: #2

محمد عادل
أراك دوما في مقدم المرحبين وهذا فعل الكرام
شكرا يا.... الحبيب

Post: #103
Title: Re: عاصم البنا...بان بيننا ..رحبوا به
Author: ASIM AL BANNA
Date: 13-10-2006, 08:28 PM
Parent: #2

محمد عادل .... اكيد انت عادل لانك محمد

Post: #8
Title: Re: عاصم البنا...بان بيننا ..رحبوا به
Author: abubakr
Date: 11-10-2006, 07:36 AM
Parent: #1

مرحبا... مرحبا ..

Post: #36
Title: Re: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 05:42 PM
Parent: #8

الباشمهندس أبوبكر سيدأحمد
عاصم مبسوط منك ويقدر مشاركاتك وانت في زحمتك المعروفه. انبساط عاصم ناجم عن أن يكون هنا بيننا مهندسا من رواد الأنترنت في الشرق الأوسط وأفريقيا قبل مايزيد عن العشرين عاما. نتمنى ألا نكون قد أسأنا استخدام نتاج جهدكم وعرقكم.
لك الود والأحترام

Post: #9
Title: Re: عاصم البنا...بان بيننا ..رحبوا به
Author: عمر ادريس محمد
Date: 11-10-2006, 08:48 AM
Parent: #1


عاصم البنا...بان بيننا


ياسـلام

يامراحب


Post: #10
Title: Re: عاصم البنا...بان بيننا ..رحبوا به
Author: Tragie Mustafa
Date: 11-10-2006, 08:53 AM
Parent: #9

مرحبا بالاخ عاصم البنا

تراجي.

Post: #11
Title: Re: عاصم البنا...بان بيننا ..رحبوا به
Author: ابن الرشيد
Date: 11-10-2006, 09:04 AM
Parent: #10

مرحبا بقائد الأسطول ...........

له منى التحية..........

لكم منى جميعا كل الود.........

Post: #38
Title: Re: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 06:02 PM
Parent: #10

بانت تراجي فنظري اليوم مبسوط
سلامات يا ام حازم وسند وانشالله نجيك في السمح
شكرا لك على الترحيب

Post: #37
Title: Re: عاصم البنا...بان بيننا ..رحبوا به
Author: محمد المرتضى حامد
Date: 11-10-2006, 05:57 PM
Parent: #9

عمر ادريس
كيفك يا أمير ورمضان كريم
تعرف ياعمر المنبر ده محتاج لحدائق عامه لآنه احتشد بغابات الأسمنت وشوارع الأسفلت.
شكرا ياسيدي على الترحيب

Post: #12
Title: Re: عاصم البنا...بان بيننا ..رحبوا به
Author: Elmosley
Date: 11-10-2006, 09:17 AM
Parent: #1

مرحب بسليل اسرة المبدعين

جيدا جيت

وسلامي للفرجوني

Post: #13
Title: Re: عاصم البنا...بان بيننا ..رحبوا به
Author: فاروق حامد محمد
Date: 11-10-2006, 09:50 AM
Parent: #12

بانت سعاد فقلبي اليوم متبول !!!!!


تباين الرجلان أي تباعدا ,, وتباين الشيئان بمعنى تفاوتا


والبين هو الفراق والفرقة... وذات البين : الصداقة والقرابة والنسب


وهل يعقل أيها الجميل النبيل محمد المرتضى بن حامد


نطلعك غلطان وأنت تقدم لنا عاصم البنا الجميل


مما يبين فطنتك وفضلك وحسن اختيارك وانتقائك للرجال


فبان تعني أيضا نقيض الأولى أي ظهر واتضح وظهر.. وبين الشئ أوضحه وأجلاه


والحق أقول لك رأيت أن أداعبكم أنت وعاصم والطيب أخوي


ألف مليون مرحب بالصادح الصداح صديق أخي المرتضى عاصم البنا سليل


الأدب والشعر والفن والمجد والكرم





Post: #71
Title: Re: عاصم البنا...بان بيننا ..رحبوا به
Author: محمد المرتضى حامد
Date: 12-10-2006, 03:54 PM
Parent: #13

فاروق حامد
سعيد بأن (بنت) بين المرحبين بأخي عاصم
نتمنى أن نسعد بعاصم فهو مثقف و سوداني أنسان
شكرا على الفذلكه اللغوية ، والله قلت يامرتضى الودّاك تفضح لغتك المبهدلة اصلا شنو والحمدلله على (سعاد) منقذتي.
لك ودي

Post: #14
Title: Re: عاصم البنا...بان بيننا ..رحبوا به
Author: الزاكى عبد الحميد
Date: 11-10-2006, 09:58 AM
Parent: #12

عند ترحيبي بالفوج الأول من كوكبة شرفنا وشرف بها المنبر
هذا الرائع أبداً محمد المرتضى قلت إننا لا شك موعودون
بالكثير الجميل..

وها هو حدسي يصدق ويشرفنا هذا الشاب الذي سما بلغة الموسيقى
إلى فضاءات أرحب من الترانيم الملائكية..

أيها الصديق عاصم ألف مرحب فدخولك المنبر يعني الكثير بل الكثير جداً مما تشتد
حاجتنا إليه..

الشكر الكثير للأستاذ مرتضى وألف مرحب بعاصم سليل أهل الفن الأصيل..

الزاكي

Post: #18
Title: Re: عاصم البنا...بان بيننا ..رحبوا به
Author: Muna Khugali
Date: 11-10-2006, 11:00 AM
Parent: #14

مرحـب بالفنان عاصم البنا

مني خـوجـلي

Post: #81
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 04:36 AM
Parent: #14

Quote: وها هو حدسي يصدق ويشرفنا هذا الشاب الذي سما بلغة الموسيقى
إلى فضاءات أرحب من الترانيم الملائكية..


الزاكي عبدالحميد (الباهي)

شكرا لك على كلماتك في حق صديق الجميع عاصم وأشكرك على كلماتك فيّ رغم أنك تلبسني قميص يكبرني كثيرا لكنني أقدر لك انحيازك لأحبابك.

لك الود ياعظيم

Post: #15
Title: Re: عاصم البنا...بان بيننا ..رحبوا به
Author: HAYDER GASIM
Date: 11-10-2006, 10:18 AM
Parent: #12

نعم ... نحتاج لعاصم وأمثاله ...

فقد تيبسب أوصالنا بحسب المهاجر

وبالغياب الطويل عن حضن البلد والعشيرة

وبالفتوق الدامية فى نسيجنا الإجتماعي

وبحراء القضية السودانية وهي تتداعى

إلى داخلنا حتى نالت منا العصب والعظم والحلم,


فأعطينا فسحة يا هذا الفنان ... وأعرض على

امواج بحرنا المضطرب غصنا من الامل ... قل لنا...

تعالوا أيها العشاق ... وليس بالضرورة المناضلين,

ذكرنا بأن الرمال ليس حتما أن تكون متحركة , كما

تشئ السياسة , لأنكم ( أيها الفنانون ) وبإمتيازكم

... بنيتم عليها أكواخ محبتكم العامرة وأشدتم فيها

قصور آمالكم الرغدة ... ومهرتم على حبيباتها أسماءكم

عشاقا ونصارا لعالم يقوم فى الحب وبه يزدهر وعليه يكون.


مغارفنا معبأة لحصاد سمح كما سماحتكم ... أحاسيسنا على

قارعة الطريق ... تنتظر مقدم ( وزير الفرح ) المنتخب

بأصوات العاشقية والصوفية والمبدعية والنسول العدوية.


فلتنشرح بك قلوبنا ... ولتنعم بمقام طيب هاهنا ,,.


مرحب بيك ... وأبقى داخل .

Post: #16
Title: Re: عاصم البنا...بان بيننا ..رحبوا به
Author: شهاب الفاتح عثمان
Date: 11-10-2006, 10:50 AM
Parent: #15

مرحبا بالمبدع عاصم البنا.
حنجرة وذوق وفكر واناقة
ما هي الاضافة المميزة ان لم تكن كذلك!.

Post: #20
Title: Re: عاصم البنا...بان بيننا ..رحبوا به
Author: رشا سالم
Date: 11-10-2006, 11:56 AM
Parent: #16

يا عاصم ..يا جميل .. غيثنا ..

اهلا بالحنجرة الجميلة والصوت الشارب من النيل..

امي بتبلغك سلامها وفرحتها بوصولك لينا..

Post: #82
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 05:06 AM
Parent: #15

Quote: ... بنيتم عليها أكواخ محبتكم العامرة وأشدتم فيها

قصور آمالكم الرغدة ... ومهرتم على حبيباتها أسماءكم

عشاقا ونصارا لعالم يقوم فى الحب وبه يزدهر وعليه يكون.


حيدر قاسم الساحر
أنت تقول ما يعجز عنه لساني وبحق نحتاج للمزيد من الرئات والأكسجين هنا لآن الكثير من العناوين ، منذ لجوئي الى هنا، ضخت قدرا غير يسير من أول وثاني أكسيد الكربون.
استاذي لك حبي

Post: #66
Title: Re: عاصم البنا...بان بيننا ..رحبوا به
Author: محمد المرتضى حامد
Date: 12-10-2006, 03:05 PM
Parent: #12

الموصلي الفنان من الزمن الجميل
لماذا لاتعطف علينا بزيارة عمان
لماذا لاتجمعك قصيدة من فضيلي وأداء لعاصم ولحن تاريخي من قيثارة وجدانك لنتنفس فوق القمر (بغض النظر عن قانون الجاذبية)
ندعوك الينا وأنت معنا .
لك المحبة وكل عام وانت الموصلي

Post: #95
Title: Re: عاصم البنا...بان بيننا ..رحبوا به
Author: Elmosley
Date: 13-10-2006, 08:31 AM
Parent: #66

ولم لا عزيزي فعمان غاية في الجمال
وآل البنا أكثر جمالا
كلهم جميلون

وعاصم من أجملهم

محبتي

Post: #67
Title: Re: عاصم البنا...بان بيننا ..رحبوا به
Author: محمد المرتضى حامد
Date: 12-10-2006, 03:12 PM
Parent: #12

ابن الرشيد
منى خوجلي
رشا سام
شهاب الفاتح (الفنان )
ودالباوقه
عمك تنقو
ودرمليه
لكم الود والثناء على الترحيب

Post: #74
Title: Re: عاصم البنا...بان بيننا ..رحبوا به
Author: ASIM AL BANNA
Date: 12-10-2006, 07:40 PM
Parent: #12

جافيت رحلت بعيد وماك نساى
يالموصلى الفنان ومابتقعد ساى
لا تبدل كلامك اصيل وما بتعرف هاى
فاقدنك وحات اللمه والخوة ياأب راى

استاذى يوسف لك التحية والتجلى واحترامى
يالسعادتى بترحيبك الرقيق ويالفخرى وامتنانى

وصيتك وصلت تب .... وصل وصيتنا بى شوفتك فى عيان وبيان

رمضان كريم

Post: #96
Title: Re: عاصم البنا...بان بيننا ..رحبوا به
Author: Elmosley
Date: 13-10-2006, 08:43 AM
Parent: #74

Quote: جافيت رحلت بعيد وماك نساى
يالموصلى الفنان ومابتقعد ساى
لا تبدل كلامك اصيل وما بتعرف هاى
فاقدنك وحات اللمه والخوة ياأب راى

ود ناس الادب ....ياراقي ياقوقاي
متل اهلك تمام... مٌلهَمْ وتب غناي
حرم مانسيت....... واتبدَلتْ آراي
ممكون في البُعٌدْ لابِدلي بس فوق راي

شكرا لقدومك
واسرتك صديقتي قبل أن اعرفها وهي الان أسرتي

لك المحبة

Post: #17
Title: Re: عاصم البنا...بان بيننا ..رحبوا به
Author: Hololy
Date: 11-10-2006, 10:55 AM
Parent: #1

..
......................................مرحبا.............

.................بين الأحباب..... نجمو شــــــــــــــــــــــارق......

.......................................مالو و الأفلاك في الظلام..................

.......قبل يومين .... انزلق اصبعي علي لوحة المفاتيح ...لينفتح بوست و به احداهنّ تعاتب ناس الحله المافيها صفقه و صّفيقه وهي تغني (قال!!!!) راجل المره حلو حله..

..........و كمل الناقصه احد الأعضاء بمداخله.... لمغني هذه المرّه....... و لنفس الأغنيه.......فارتبكت علي البقر!!!!! و اختلط الحابل .....زي الشرا في القندول.

.... لم اقل تصبحون علي وطن كما درويش....فالوطن موجود... و باق... و سيظل...

..............بل استدعيت مصطفي سند ..... ورددت معه...

.........بيني و بينكم تستبين ...............ملامــــــــــــــــــــــحي......

.......بيني و بينكم ســـــكة الســـــفر الطويــــــــــــل......... من الخليج الي المحيط.

...............الآن استمع لهذا الشدو............ فتستعيد اذني ترتيبها و تسترجع حساسيتها بعد هذه اللخبطه.

......حزمة ورد و حب مقيم للمتداخلين و لك صديقي محمد

....و مجددا.............. ترحيب دافئ .......للأخ عاصم

Post: #19
Title: Re: عاصم البنا...بان بيننا ..رحبوا به
Author: Mustafa Mahmoud
Date: 11-10-2006, 11:02 AM
Parent: #17


اهلا بالاستاذ عاصم البنا

Post: #23
Title: Re: عاصم البنا...بان بيننا ..رحبوا به
Author: ود الباوقة
Date: 11-10-2006, 12:54 PM
Parent: #19

مرحب بالمبدع الاستاذ عاصم البنا ..

نشاهدك وبقيه المطربين الحلوين يوميا على قناة النيل الازرق وبينكم الاستاذ الموسوعة السر قدور


ود الباوقة

Post: #21
Title: Re: عاصم البنا...بان بيننا ..رحبوا به
Author: تولوس
Date: 11-10-2006, 12:35 PM
Parent: #1

ياهلا وغلا بالرجل الجميل والفنان الاصيل عاصم البنا,,,,, سعيد جدا جدا بوجودك معنا .. شكرا اخي محمد المرتضي

Post: #22
Title: Re: عاصم البنا...بان بيننا ..رحبوا به
Author: 3mk-Tango
Date: 11-10-2006, 12:52 PM
Parent: #1

مراحب بالحبيب عاصم ..

وياريت لو تدعو معاك حاتم يكون العقد اكتمل ..

هنا بعض اعضاء العائلة المبدعة
http://sudaniyat.net/vb/showthread.php?t=3469

Post: #24
Title: Re: عاصم البنا...بان بيننا ..رحبوا به
Author: عبد الله عقيد
Date: 11-10-2006, 01:11 PM
Parent: #1

مرحبتين حباب ود البنا
حباب عاصم الفنان

وشكرنا الجزيل للاستاذ محمد المرتضى
الذي مهد السبيل لهذا الجميل ليكون بيننا.

Post: #25
Title: Re: عاصم البنا...بان بيننا ..رحبوا به
Author: محمد ابراهيم قرض
Date: 11-10-2006, 01:21 PM
Parent: #1

الجميل يأتي بالجميل يا مرتضى ..
مرحبا بالمبدع عاصم ...

Post: #26
Title: Re: عاصم البنا...بان بيننا ..رحبوا به
Author: soma
Date: 11-10-2006, 02:39 PM
Parent: #25

محمد المرتضى..
الزول السمح زرعوه فتريته قام قمح
شقيش ما تقبل بتخدر الواطه ..وبتشر الفرح كيمان
كما قال اخونا المبدع الزاكى.. الجميل يأتى بالجميل
حقيقى اخى الزاكى .. وفيت وكفيت وكلامك فى محله
تسلم محمد المرتضى وحباب ضيفك حباب اخونا شيخ العرب
ود عز العرب .. حباب ابو احمد
ذكرياتك ما زالت معطره الديار.. وفى الانتظار لطلتك بى مهلة
**
تخريمه
محمد المرتضى ان شاء الله الحفله تنفعكم ..بس الحقونى بالاشرطه
وراجيه الخريف الجاى ..
شكرا اخى محمد شكرا غمام وهديل حمام

Post: #73
Title: Re: عاصم البنا...بان بيننا ..رحبوا به
Author: ASIM AL BANNA
Date: 12-10-2006, 07:28 PM
Parent: #26

يا فرح القصايد بيكى والاوزان
حنينة ومأصلة بت الجنيد خزان
للطيبة والزوق مابتعرف الاحزان
بختو الفاتح بيتو بيك جد وزان

الاخت العزيزة سوما والاخ محمد الفاتح جزيل شكرى واعزازى بكم مادمت حيا

تخريمة

تانى ما بنجيكم بدون ميعاد عشان سوما ماتجيب الفريزر كلو

Post: #27
Title: Re: عاصم البنا...بان بيننا ..رحبوا به
Author: معتصم دفع الله
Date: 11-10-2006, 03:23 PM
Parent: #1

يا مراحب بالزول الفنان عاصم البنا ..
نتمنى أن يطيب لك المقام هنا ..



تحياتي يا محمد المرتضى ..

Post: #28
Title: Re: عاصم البنا...بان بيننا ..رحبوا به
Author: عاطف عمر
Date: 11-10-2006, 03:30 PM
Parent: #1

مرحباً بالأخ الأستاذ عاصم البنا

كل الشكر أستاذ محمد المرتضى

Post: #32
Title: Re: عاصم البنا...بان بيننا ..رحبوا به
Author: ودرملية
Date: 11-10-2006, 05:28 PM
Parent: #28

سلامات
وعوافي
كل عام وانتم بالف خير ..والف مرحب بي عاصم البنا بيننا ..
في عام 93 نزلنا للعام الدراسي النهائي بمدرسة رفاعة الثانوية وفي بداته رايت شاب هاديء يجلس بعيدا وكانه صوفي يتامل في حركة الحياة من حوله .. سالت اصدقائي عنه قالوا لي انه قريب ناس ابوسن جا من الخرطوم يقرا سنة تالتة معنا هنا ..
بعد يومين من سؤالي زارني صديقي د.عمر قادم تجاذبنا اطراف الحديث ثم استاذنني متعللا بانه ذاهب لصديقه عاصم فسالته من عاصم ؟ قال لي زميلنا الجديد في ابن الهيثم فعرفت انه يقصد الزميل الذي سالت عنه قبل يومين .. في اليوم الثالث كنا نجلس انا وعمر وعاصم في الادراج الثلاثة الاخيرة متانسين وكان عاصم شابا انيقا مهذبا خلوقا اذا تحدث يتحدث بنفس هاديء ولطيف فهو طيب القلب وجميل وبعد ذلك زرناه في بيت جده الشاعر والاديب عمر البنا طيب الله ثراه ..
وكانت الشلة مكونة من عبدالرحيم ادم عبدالله البلولة وعمر قادم وفاروق عبدالقادر نصر وخالد التقي وعوض عثمان الحسين وحمادة الزبيدي ومكرم الزبيدي وشخصي الضعيف وعاصم البنا بالرغم من اصراره علي الوحدة "ربما شوقه الكثيف لام درمان والاهل والاصدقاء القدامي جعله كذلك" الا انه كان ودودا ولطيفا وكريما ..
ونحن في معمعة العام الدراسي عزمنا عبدالرحيم ادم لزواج اخيه دفع الله ادم فقمنا بالترتيب والنفير للتجهيز ليوم الزواج .. في ليلة السيرة لم تكن الحفلة واردة بعد ان اعتزر الفنان جلال مسعود عن الحضور "كان جلال يتغني باشعار عبدالرحيم ادم عبدالله البلولة" تعزر باسباب واهية .. المهم قررنا ان نقيم الحفلة في تمام الساعة السابعة مساءا في نفس يوم الدخلة ..وهنا ظهرت المشكلة فقال لنا عمر قادم ان عاصم يعزف علي البيانو وايضا يغني وله صوت طروب وجميل ولكنه خجول وربما لايقبل بالغناء في الحفل .. فذهبنا لعاصم في منزلهم التاريخي بحي السناب وطرحنا عليه الفكرة فوافق وفي اقل من ساعة كانت الحفلة قائمة "اظن انها اول مرة يغني فيها عاصم البنا بشكل رسمي" ان جاز ظني .. وبعدها لم التقي بعاصم اطلاقا ..وصدفة كنت اشاهد قناة النيل الازرق مع صديقي "راكوبة" هنا بالدوحة "وهو محب ومجنون بعاصم وفنه حتي انه يملك كل تسجيلات عاصم البنا جديدها وقديمها وربما حتي التي نساها عاصم" فقلت له هل هذا عاصم البنا فقال لي نعم هو هو .. فرحت فرح خرافي وطفقت اذكر له القصة اعلاه بكل فخر واعزاز ..
اسف للاطالة ولكن عاصم انسان جميل لذلك مازلت احتفظ له بذكريات جميلة وايام قضيناها معا بمدرسة رفاعة الثانوية وبمنزلهم بحي السناب وبمنزل د.عمر قادم احمد بالحي البريطاني ..الف مليون مرحبا بك الفنان الجميل عاصم البنا ..
وهل لديك اخبار عن د.عمر قادم ؟... التقيت د.فاروق وعبدالرحيم وحمادة الزبيدي في اجازتي الاخيرة ولكن عمر قادم لم اسمع عنه خبر ..

Post: #35
Title: Re: عاصم البنا...بان بيننا ..رحبوا به
Author: عاطف محمد أحمد زكريا
Date: 11-10-2006, 05:37 PM
Parent: #32

هلا بصاحب الصوت الدافئ والمعبر عاصم البنا
عشقى لصوتك لا يوصف
خصوصا لما تغنى حياتى ومعاها العاطفة النبيلة
وكأن هذه الاغنية كتبت ولحنت لتغنيها انت لا سواك
لك منى كل الود والحب
واهلا بك بين احبائك

Post: #40
Title: Re: عاصم البنا...بان بيننا ..رحبوا به
Author: Alsa7afa_30
Date: 11-10-2006, 06:18 PM
Parent: #1

مراحب بالزول السمح لون القمح..

Post: #41
Title: Re: عاصم البنا...بان بيننا ..رحبوا به
Author: BitAlhana
Date: 11-10-2006, 06:46 PM
Parent: #1

مرحب بيك

انا حضرت ليك حفلة واحدة
لكن ابداااااااااع ماشاء الله وعيني باردة

Post: #42
Title: Re: عاصم البنا...بان بيننا ..رحبوا به
Author: ASIM AL BANNA
Date: 11-10-2006, 07:07 PM
Parent: #1

يغمرنى فيض من السعادة كاد يدركنى الصباح ومازلت اتامل كيف اعبر عن سعادتى بكم وكونى احسد نفسى على حبكم وليتنى كنت عند حسن ظنكم لانكم اكبر من ظنى ... وهده الكلمات تعبر عن مابداخلى غير المرتب...

فبت اكتب وامحو وامحو واكتب حتى صار عقلى يردد غير الادراك وانى بحبكم ابقى وبكم اعيش ... واعيش بالحب ولكنى بالماء احيا..

فهل بالخبز والماء يحيى الانسان ؟ هل هو حى من لا يحب ويحب بفتح الياء ..؟

دعونى احييكم مادمت حيا بكم ودعونى اتسحر حبا واتوسد حبا اعيش به ليلتى هادئا تغمرنى سعادتى وتغطينى وتدثرنى ... من اعزازى الذى يوازى كنوز الارض ونفائثها وليتها تضاهى سعادتى بكم الان

اجزل الشكر واكرمه للقائمين على هذا العملاق

واخص بشكرى اخى الحبيب محمد المرتضى حامد الذى جمعنى بتلك النخبة العزبزة والقمم الشامخة من ابناء وطنى الحبيب
ولك ودى والاحترامسلام

Post: #43
Title: Re: عاصم البنا...بان بيننا ..رحبوا به
Author: Aymen Tabir
Date: 11-10-2006, 07:25 PM
Parent: #42

Quote: مرحب بسليل اسرة المبدعين

جيدا جيت

وسلامي للفرجوني

1000مرحب عاصم

Post: #44
Title: عاصم البنا...بان بيننا ..رحبوا به
Author: ايهاب مهاجر
Date: 11-10-2006, 10:21 PM
Parent: #1

مرحبا الاخ المطرب عاصم البنا .. عاصم اضافة حقيقية
لجيل الشباب المطربين هذه الايام .. وما اكثرهم عددا
وما اقلهم تطريبا .. وصدقا الواحد يرتاح ويطرب
جدا لصوته حين يترنم بى ابداعات اغانى ذمان .. فلك التحية
اخ عاصم وشرفتنا كتير.....

Post: #45
Title: Re: عاصم البنا...بان بيننا ..رحبوا به
Author: ALGARADABI
Date: 11-10-2006, 10:51 PM
Parent: #1

عاصم البنا الوحد ده ؟؟؟
لمعى ؟؟؟؟؟؟؟؟















ألف مرحب بيهو
الهلال الهل

Post: #46
Title: Re: عاصم البنا...بان بيننا ..رحبوا به
Author: بدرالدين شنا
Date: 11-10-2006, 10:52 PM
Parent: #1

Quote: رحبوا به بيننا واسرجوا له أصائل خيلكم فهو جميل بكم.




Post: #47
Title: Re: عاصم البنا...بان بيننا ..رحبوا به
Author: الطيب شيقوق
Date: 12-10-2006, 01:15 AM
Parent: #46

Quote: الزول السمح زرعوه فتريته قام قمح
شقيش ما تقبل بتخدر الواطه ..وبتشر الفرح كيمان
كما قال اخونا المبدع الزاكى.. الجميل يأتى بالجميل
حقيقى اخى الزاكى .. وفيت وكفيت وكلامك فى محله
تسلم محمد المرتضى وحباب ضيفك حباب اخونا شيخ العرب
ود عز العرب .. حباب ابو احمد
ذكرياتك ما زالت معطره الديار.. وفى الانتظار لطلتك بى مهلة
**


ده ما كلاما بينعقب يا المرتضى والعز بالاهل
والله يا المرتضى انا كلام اسماء بت الجنيد اختي دى ببكيني عدييييييييل .

اطيب المنى

Post: #53
Title: Re: عاصم البنا...بان بيننا ..رحبوا به
Author: ريهان الريح الشاذلي
Date: 12-10-2006, 02:28 AM
Parent: #46

مرحب به

Post: #102
Title: Re: عاصم البنا...بان بيننا ..رحبوا به
Author: ASIM AL BANNA
Date: 13-10-2006, 08:25 PM
Parent: #46

بدر الدين طب العصب دى من الابتدائى ماشفتها لقيتا وين الصوره دى

الدهب بى عندك وحات ربى ماحا جا
يا اصيل ومن اصالتك يقعدو فراجا
سمحة طباعك وفى الكرم زيك اصلو ماجا
والما عاجبو يلملم نعلاتو فى التلاجا

شكر يا راقى واسف لانى ما اتصلت ودعتك السفر كان حين غره

Post: #48
Title: Re: عاصم البنا...بان بيننا ..رحبوا به
Author: انعام عبد الحفيظ
Date: 12-10-2006, 01:19 AM
Parent: #1

اهلا بعاصم البنا

اكيد هو اضافة للمنبر






شكرا محمد المرتضى

Post: #49
Title: Re: عاصم البنا...بان بيننا ..رحبوا به
Author: النصرى أمين
Date: 12-10-2006, 01:19 AM
Parent: #1

مرحب بود حلتنا
شرفت الدار

النصرى امين
(بيت المال دكاكين الطاهر)

Post: #52
Title: Re: عاصم البنا...بان بيننا ..رحبوا به
Author: nazar hussien
Date: 12-10-2006, 01:51 AM
Parent: #49

مرحبتين حباب عاصم ودالبنا...


انتو مفتكرين التاج قال ليها شنو يا عاصم؟

Post: #50
Title: Re: عاصم البنا...بان بيننا ..رحبوا به
Author: ملكة سبأ
Date: 12-10-2006, 01:47 AM
Parent: #1

ياسلاااا
ااا
اا
ا
م

إضافة رائعة للمنبر ومكسب حقيقي لبورداب الداخل

وفعلا
Quote: بعد دا لقاءات بورداب الخرطوم حيكون ليها طعم تاني!!


تسلم محمد المرتضى يارب

Post: #51
Title: Re: عاصم البنا...بان بيننا ..رحبوا به
Author: هشام كمال
Date: 12-10-2006, 01:51 AM
Parent: #1

مرحبتين بعاصم البنا فى سودانيزاون لاين
هشام كمال

Post: #54
Title: Re: عاصم البنا...بان بيننا ..رحبوا به
Author: Ishraga Haimoura
Date: 12-10-2006, 03:15 AM
Parent: #1

مرحب بالطرب الأصيل والغناء المعتق

Post: #55
Title: Re: عاصم البنا...بان بيننا ..رحبوا به
Author: علي عبد الرحيم
Date: 12-10-2006, 03:44 AM
Parent: #1

هلا هلا هلا هلا : مرحبتين حبابك أبو أحمد ونوّرت والله ورمضان كريم
ان شاء الله الشريط طلع ؟ تحياتى للجميع لكن بى فرز مش ( بدون فرز ) ونتمنى نقرا ليك هنا ونشوفك ( هنا ) قريييييييييييييييييب .

Post: #56
Title: Re: عاصم البنا...بان بيننا ..رحبوا به
Author: خالد عبد الله محمود
Date: 12-10-2006, 04:52 AM
Parent: #55




المبدع / عاصم البنا


مرحباً بك بيننا و نهنئ أنفسنا بإنضمامك إلينا إضافة حقيقة لهذا المنبر الجامع و دمت ذخراً للفن و للثقافة السودانية.















خالد

Post: #57
Title: Re: عاصم البنا...بان بيننا ..رحبوا به
Author: عبدالكريم الامين احمد
Date: 12-10-2006, 05:12 AM
Parent: #55

مرحب بالزول الغناي...غناي شديد..ياخ
عاصم البنا.....!!!!
وشكرا استاذ محمدالمرتضي..وشكرا الجميل دوما راكوبة..

Post: #58
Title: نوٌر بيتنا...و بطن بيتنا..
Author: mamkouna
Date: 12-10-2006, 06:10 AM
Parent: #1


عزيزنا أبو أحمد..ود البنٌا..
حللتَ أهلاً...و نزلت سهلاً..
وجودك..أحلى عيدية..


Post: #59
Title: Re: نوٌر بيتنا...و بطن بيتنا..
Author: Ahmed al Qurashi
Date: 12-10-2006, 06:17 AM
Parent: #58

عاصم البنا خير مثال للفنان الذي ننشده جمع بين الالتزام الفني والاخلاقى .....تعجبك فيه إنسانيته وتواضعه وأدبه الجم وثقافته العالية التي يفتقدها الكثير من الفنانين ... أنيق في مظهره وحديثه وغنائه...عندما يتحدث يطربك حديثه ...لم يعتمد على تاريخ أسرته الفني وإنما نحت الصخر بالاجتهاد والتلحين وتجويد الأداء حتى وصل لهذه المكانة في قلوب الجماهير...تفوق على أقرانه بصوته العذب ومقدرته العالية على التطريب....وأداؤه السليم والمتفرد لاغاني الحقيبة ولقد شهد له الكبار بذلك ....لذلك وجوده في هذا المنبر إضافة حقيقية وسند قوى للمهتمين بالحقيبة ...أهلا ومرحبا بك صديقي واخى العزيز الفنان صاحب الصوت الجميل والأداء الرائع عاصم البنا وشكرا لك استاذى محمد المرتضى الذي لا تأتى منك إلا السعادة والفرح والجمال والكرم وحسن الخلق والإحساس بالآخرين.......ولا أنسى أن اشكر المهندس بكرى ابوبكر على هذه الهدية القيمة

Post: #121
Title: Re: نوٌر بيتنا...و بطن بيتنا..
Author: محمد المرتضى حامد
Date: 15-10-2006, 05:30 AM
Parent: #58

والله ياممكونه ماقصرتي
انشالله نجيكم في الخير وهو (زوال المكنه) زي ماقال ليك عاصم
لك ودي

Post: #60
Title: Re: عاصم البنا...بان بيننا ..رحبوا به
Author: ASIM AL BANNA
Date: 12-10-2006, 06:48 AM
Parent: #1

لن اجد كلمات تعبر عن الاحساس
بللتنى دموعى دون ما اشعر وانا اقراء فى كلما اخى المهاجر احمد القرشى المنقطع النظير فى جزاير .. واخى الاكبر على عبد الرحيم واستاذى القمة الموصلى الذى كنت ابحث عنه طويلا .. وزملاء الدراسة برفاعة ... واهلى ومن لم اتشرف بمعرفتهم وددت لو انى اعرفهم من قبل ... الحقيقة فعلا صدقت يا اخى محمد المرتضى ... استضافنى اخى محمد المرتضى فى منزلة العامر بمسقط لاسبوعين جميلين ايما جمال .. فكان دائما مايدور بخاطرى سؤال فيما يركز محمد المرتضى لهذه الدرجة ويتركنا سابحا فى دنيا من خيال امام الكومبيوتر ... فايقنت الان فقط ان له حق وكل الحق لكونه بين هذه الهالة من الضياء والوجوه النيرة وكل هذا الحب والتآخى

......


يا اخوانا بالبلدى كدى

جرستونى والله لى مليون سنة ما بكيت

والله الناقص ليهو حب اليجى بى جاى باقى انا داير اطرشق هسه

احبكم جميعا

Post: #61
Title: Re: عاصم البنا...بان بيننا ..رحبوا به
Author: نيازي عبدالله مرحوم احمد
Date: 12-10-2006, 06:57 AM
Parent: #60

الف مرحب بود البناء
ويمين يا ود البناء انت غنائ لحد الغناء وانبارح ضحكته معاك لمن بكيت مع عمك السر قدور الراجل الموسوعة
الف مرحب بيك مرة اخري ونامل ان تتحفنا بروائع الحقيبة قصة وشعر
مرة اخري مرحب بيك

Post: #62
Title: Re: عاصم البنا...بان بيننا ..رحبوا به
Author: عامر تيتاوى
Date: 12-10-2006, 07:22 AM
Parent: #61

نرحب كثيرا بالفنان عاصم البنا

وهو مبدع حقيقى يستحق مثل هذا

المنبر شرف وجوده بين اضلاعه

ننتظر من عاصم ان يكون اضافة

للجمال


شكرا محمد المرتضى

Post: #122
Title: Re: عاصم البنا...بان بيننا ..رحبوا به
Author: محمد المرتضى حامد
Date: 15-10-2006, 05:35 AM
Parent: #62

عامر تيتاوي
صدقني عاصم ، كما تقول ، سيكون اضافة للجمال في المنبر.
لك الشكر على الترحيب ياسيدي

Post: #63
Title: Re: عاصم البنا...بان بيننا ..رحبوا به
Author: أحمد الشايقي
Date: 12-10-2006, 07:32 AM
Parent: #1

أخي المستشار محمد المرتضى حامـد

الشكر الجزيل على تقديم الأصيل عاصم البنا لسوح المثقفين السودانيين في سودانيز اون لاين,

يلا يأتي من الكرام إلا كـريـم

الاف الترحيبات بالفنان الاصيل سليل الطيبين الاخ عاصم البنا, وفي معيته اصدقائي شيقوق ود احمد القرشي والمرتضـى,

طيبوا بعاصـم البنا وافسحوا له المجال الرحب الفسيـح فهي صنائعكم وصنيعكم,

وإلى لقاءات طيبة بحضوركـم الوارف,


مخلصكم

أحمـد الشايقي

Post: #123
Title: Re: عاصم البنا...بان بيننا ..رحبوا به
Author: محمد المرتضى حامد
Date: 15-10-2006, 05:41 AM
Parent: #63

Quote: طيبوا بعاصـم البنا وافسحوا له المجال الرحب الفسيـح فهي صنائعكم وصنيعكم,

الشاعر الأديب مولانا أحمد الشايقي
والله عاصم وشخصي الضعيف ( وكلانا جديد في هذا الفضاء) نسعد بانتمائنا اليكم.
لك الحب والأحترام ياغالي

Post: #65
Title: Re: عاصم البنا...بان بيننا ..رحبوا به
Author: sumah
Date: 12-10-2006, 01:51 PM
Parent: #1

مرحبا بالمطرب عاصم البنا..
اليك تحية خاصة من صدر المحافل ..
ونرجو تبليغ رسالة للزميل عوض بابكر "روميو"..
تقول استعد لاستقبال المحبظ الاخشبندى..
تحياتى ..

Post: #68
Title: Re: عاصم البنا...بان بيننا ..رحبوا به
Author: خالد علي محجوب المنسي
Date: 12-10-2006, 03:25 PM
Parent: #65

مرحبتين حبابو
بالعزو ماهو الفاية
ابناراً تولع للضيوف دفاية
بي ود البنا الترحيب ما كفاية
التابعو ان جانا نفخربو ونخدمو حفاية

مرحب بعاصم البنا ومن جاء بك ان شاءالله يلحق بك اخوانك اولاد حوش البنا حتى تشجون بالفن وبالذات القنيص وفنونه
تحياتي لحاتم وطرونة وكبجة وكل شباب بيت البنا العامر
خالد محجوب

Post: #72
Title: Re: عاصم البنا...بان بيننا ..رحبوا به
Author: ASIM AL BANNA
Date: 12-10-2006, 07:12 PM
Parent: #68

حباب الشم عزيز ودالبتكى للمكلوفة
محفى مكفى الحلة والجيران كمان و ضيوفه
ما السهران بضارى من الضيف ماسكاهوالخوفه
اجواد و عطاى ملفح بالكرم والفيكاتب معروفه

Post: #195
Title: Re: عاصم البنا...بان بيننا ..رحبوا به
Author: اسامة كمال الخولي
Date: 31-10-2006, 05:32 AM
Parent: #72

الحبيب/ عاصم

شكرا علي هذا الجمال ، من خلال متابعاتي لفنكم الراقي ، لديكم مادة بحاجة الى توثيق خاص بالرغم من انها لم تحظى بالحظ الاوفر من وسائل الاعلام ، الا وهي شعر الدوبيت واعني بذلك انت وباقي الاخوان الامين والفرجوني والجقر وباقي العقدالفريد ، وعليك الله لو عندك حاجة جاهزة نزلها في البوست .

وبهذه المناسبة انت مدعو الى فنجان قهوة لزيارة بوستي الاول بعنوان ( انت مدعو للبحث عن الجمال ) وجيب معاك الرائع/ محمد المرتضى والناس الحلوين الجنبك ديل ، الديوان كبير والجبنة كبيرة تسع اكبر قدر من الباحثين عن الجمال امثالكم .

مع مودتي

Post: #69
Title: Re: عاصم البنا...بان بيننا ..رحبوا به
Author: محمد عبدالله هارون
Date: 12-10-2006, 03:46 PM
Parent: #1

بالفنان عاصم

وأتمنى إنضمام الفنان ياسر تمتام لتكتمل البهجه



Post: #70
Title: Re: عاصم البنا...بان بيننا ..رحبوا به
Author: ناذر محمد الخليفة
Date: 12-10-2006, 03:46 PM
Parent: #1

Quote: مرحبا الاخ المطرب عاصم البنا .. عاصم اضافة حقيقية
لجيل الشباب المطربين هذه الايام .. وما اكثرهم عددا
وما اقلهم تطريبا .. وصدقا الواحد يرتاح ويطرب
جدا لصوته حين يترنم بى ابداعات اغانى ذمان .. فلك التحية
اخ عاصم وشرفتنا كتير.....

Post: #75
Title: Re: عاصم البنا...بان بيننا ..رحبوا به
Author: Mutwali Malik
Date: 12-10-2006, 07:44 PM
Parent: #70

نرحب معكم ترحيبا حارا بسليل ال البنا عاصم والشكر موصول لسيد الحوش بكري ولك اخي محمد المرتضي نتمني ان يطيب لك المكان

Post: #119
Title: Re: عاصم البنا...بان بيننا ..رحبوا به
Author: محمد المرتضى حامد
Date: 15-10-2006, 03:53 AM
Parent: #75

متولي مالك
كيفك ورمضان مع انو العيد على النوافذ.
شكرا ياأمير على الترحيب.
(شايف) عزيزنا فضيلي تاني اختفى وبالطريقه دي رفع البوست داك مهم.
لك الود ياعزيز

Post: #76
Title: Re: عاصم البنا...بان بيننا ..رحبوا به
Author: مصدق مصطفى حسين
Date: 12-10-2006, 07:49 PM
Parent: #1

Quote: والله الناقص ليهو حب اليجى بى جاى باقى انا داير اطرشق هسه


ما غريب إحساس نبيل زى ده من فنان متلك ...

Quote:
احبكم جميعا

و نحن زاتنا والله بنحبك ..
و سعيدين بوجودك بينا هنا .

Post: #77
Title: Re: عاصم البنا...بان بيننا ..رحبوا به
Author: حسن الطيب يس
Date: 12-10-2006, 11:04 PM
Parent: #1

مرحبتين حبابك و اليوم السعيد الليلة جابك

إنت تشرف بلد

أسمعنا يا شادي أول الغيث


جدو حسن

Post: #78
Title: Re: عاصم البنا...بان بيننا ..رحبوا به
Author: بكرى ابوبكر
Date: 12-10-2006, 11:12 PM
Parent: #77


Post: #125
Title: Re: عاصم البنا...بان بيننا ..رحبوا به
Author: محمد المرتضى حامد
Date: 15-10-2006, 07:24 AM
Parent: #78

Quote: الباشمهندس بكري أبوبكر .. لك الحب والوفاء لأنك تجمع الجميلين ولأنك لم تتأخر عني في طلب، ينصرك ربي.


نحن شعب يعرف الوفاء يابكري لذا كان منا الثناء

الى الأمام ياشيخ الحوليه.

Post: #124
Title: Re: عاصم البنا...بان بيننا ..رحبوا به
Author: محمد المرتضى حامد
Date: 15-10-2006, 05:50 AM
Parent: #77

الأعزاء:

مصدق مصطفى

حسن الطيب

يوسف الولي

سيد بيكاب

حاج أحمد

ودزينب

نصار

محمد سيدأحمد

أبوقوتا

بلدي ياحبوب

لكم الشكر على الزياره والترحيب .

Post: #79
Title: Re: عاصم البنا...بان بيننا ..رحبوا به
Author: يوسف الولى
Date: 12-10-2006, 11:24 PM
Parent: #1

مرحب بيك يا استاذ
بالمناسبه انا من المعجبين بيك من زمن اول لقاء ليك فى التلفزيون مع المرحوم لواء شرطه ( فضلت عدم زكر الاسم لانى ما متاكد من صحه هذا الاسم ) ولكن كان البرنامج يختص بحقيبه الفن
مرحبا بك
ومنتظرين تقنعنا بى كتاباتك كما أقنعتنا بى فنك
همسه اخيره ( اخير تغنى براك لانو الشباب الجداد ديل جداد( شكلا زى ما عاوز )


يوسف الولى

Post: #80
Title: Re: عاصم البنا...بان بيننا ..رحبوا به
Author: soma
Date: 13-10-2006, 04:10 AM
Parent: #79

حبابكم من تانى ..
اخى عاصم حبابك وحبابك ..
تسلم تسلم ان شاء الله..
كلامك سمح بالحيل يا العشا..
يديك قدر نيتك يا صافى النية..
اشحد الكريم يسهل امرك ويخدر دربك..
تخريمتك ضحكتنى وذكرتنى بى الجلسة الجميلة
والدردشة الظريفه واهم حاجة بى نكتة كوكى والمدرسة لوووووووووووول
كل ما اتذكرها بضحك براى ...
يا حليلك والله
سلامى ليهم وللحبيبه الغالية ست بيتك
لكم الود جميعا
**
تخريمة لى صاحب البوست
ود المرتضى مشيت وين ؟ فتحت حوشك وفرشت ملاياتك
ومعازيمك صفوف صفوف ..
نحن من قبيل نقسم فى الحلو مر والقهوة
تعال اشرب ليك فنجان معانا..
***

اخى ود شيقوق حبابك يابا
كتر خيرك على كلامك السمح يا الحنين الرزين
يعلم الله مليتنى فرح بى نضميك المن الجوف
شاحده الله فى الشهر المبارك ده والعشر الاواخر
واليوم الفضيل الجمعه..
شاحده الله يهنيك ويرضيك ..وبالفرح يرويك
بركة الجمعه الجامعه والدعوة العند الله سامعه
السعاده تبقالك رفيق طول الطريق
والعافيه تبقالك هدم ..وتسلم يا ود العم
شكرا للجميع شكرا محنة

Post: #83
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 05:19 AM
Parent: #80

Quote: ......................................مرحبا.............

.................بين الأحباب..... نجمو شــــــــــــــــــــــارق......

.......................................مالو و الأفلاك في الظلام..................

.......قبل يومين .... انزلق اصبعي علي لوحة المفاتيح ...لينفتح بوست و به احداهنّ تعاتب ناس الحله المافيها صفقه و صّفيقه وهي تغني (قال!!!!) راجل المره حلو حله..

..........و كمل الناقصه احد الأعضاء بمداخله.... لمغني هذه المرّه....... و لنفس الأغنيه.......فارتبكت علي البقر!!!!! و اختلط الحابل .....زي الشرا في القندول.

.... لم اقل تصبحون علي وطن كما درويش....فالوطن موجود... و باق... و سيظل...

..............بل استدعيت مصطفي سند ..... ورددت معه...

.........بيني و بينكم تستبين ...............ملامــــــــــــــــــــــحي......

.......بيني و بينكم ســـــكة الســـــفر الطويــــــــــــل......... من الخليج الي المحيط.

...............الآن استمع لهذا الشدو............ فتستعيد اذني ترتيبها و تسترجع حساسيتها بعد هذه اللخبطه.

......حزمة ورد و حب مقيم للمتداخلين و لك صديقي محمد

....و مجددا.............. ترحيب دافئ .......للأخ عاصم


Hololy

هسه تاني أقول شنو؟
هل من تيمم بعد وضوء

Post: #84
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 05:23 AM
Parent: #83

تولوس
شكرا ياسيدي على الترحيب ومناي أن يسعدكم ودبابكر.
لك التقدير

Post: #85
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 05:27 AM
Parent: #84

عبدالله ود عقيد
أظ الأسم على (عقيد الخيل) كان ماغلطان
كيفك يابركه
شكرا لك على الزياره التي تشرفني بها وعاصم
لك احترامي.

Post: #86
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 05:32 AM
Parent: #85

الأخ الدكتور محمد ابراهيم قرض
ياجافينا وياناسينا
لك من (المركز) سلام
والله يا قرض ننتظر ظهورك هنا دون فائده وعصام صالح يحكي عن زيارات (يماطلني بها زماني)
سلامي لك حتى تراني.

Post: #87
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 05:55 AM
Parent: #86

SOMA
كلامك يرتق الأوزون ويعيد التوازن لغلافنا الجوي ،
أبلغت عاصم بمافاته في منزلكم العامر الأربعاء والجايات أكتر من الرايحات.
شكرا لك دائما شاعرتنا الجميله وأنت وودالجنيد تشرعان الأبواب لضيوف ينثرون الجمال وينهلون من حبوركم وأقول لك عن عتيق:
الكمال في شخصك
والجلال في هيابك
كالقمر أشراقك ، وفي فؤادنا غيابك
وانتي في تمييزك أصفى من ابريزك
وشعري في تغريظك رسمه زي تطريزك
في حواشي تيابك

لك الاعزاز

Post: #88
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 06:03 AM
Parent: #87

معتصم دفع الله
شكرا يافنان واتمنى أن يضمخنا عاصم بعبق فنه الأصيل
انت يامعتصم مسئول من الخير وين (صاحبك) ؟ قلّ ظهوره في المنبر فقل له : بن.
لك التحايا ياعزيز

Post: #89
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 06:06 AM
Parent: #88

عاطف عمر
عاطف محمد أحمد
لكما الشكر والمحبه والى مزيد من الجمال.
شكرا يا أمراء

Post: #90
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 06:13 AM
Parent: #89

الصحافة 30 ( منتظرين تنزيلاتك) ياحريف.

بت الهنا

ايمن طابر

ايهاب مهاجر

القردابي (متابعك) لكن كتابة الأسم بالانجليزي بتقول لي (القرضابي)

شكرا لكم يا أماجد على الزياره وأهو soma بتوزع في القهوه.

Post: #91
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 06:16 AM
Parent: #90

بدرالدين الشين السمح حلومر
والله صاحبك عاصم ده مع سودانيزاونلاين دي تاني كان شفتو في التلفزيون لومني
لك حبي

Post: #92
Title: Re: عاصم البنا...بان بيننا ..رحبوا به
Author: محمد المرتضى حامد
Date: 13-10-2006, 06:24 AM
Parent: #91

الأعزاء:

مصطفى محمود

ريهان الشاذلي

نزار حسين

هشام كمال

نزار حسين

هشام كمال

اشراقه حيموره (وين الحلومر)؟

علي عبدالرحيم (فارزنا من اسلام مالك)؟
لكم جميعا الثناء والود

Post: #163
Title: Re: عاصم البنا...بان بيننا ..رحبوا به
Author: إدريس محمد إبراهيم
Date: 19-10-2006, 04:15 PM
Parent: #90

دعوني اقتبس مداخلة الجميل أبداً .. والذ اعتبره واحد من أبرز مبدعي بلادي .. الموصلي (ولكل من اسمه نصيب) .. للترحيب بهذا الفنان الجميل ...

Quote: مرحب بسليل اسرة المبدعين

جيدا جيت

وسلامي للفرجوني


عاصم قبل حوالي الثلاثة أشهر .. وفي الريفيرا كنت محظوظاً إذ أختارك الأستاذ / عبد اللطيف عبد القادر (سوداتل سابقاً) للغناء في حفل إبنته... لو تذكر أخدتك من إيدك وأنت تغني وطفت معك على العروس وأمها .. وكل احبابي في ذلك الحفل البهاء ...

ألف مرحب بك إضافة ثرة لهذا الحوش الجميل ... وشوف صاحبك الموصلي ده عنده حوالي أربعه أو خمسه قصايد للعبد الضعيف أعتقد أنو يكون لحنها .. خلي يهديك واحده منها .. هدية ترحيب .. ويا سيدي لو ما عجبوك .. الله ما كتر غير الشعر ..

شفت بالله حوش بكري ده كلو كرم وسماحه كيف ... بس الوصيه تجر أخوانك تجيبهم مادمت قد أصبحت واحداً منا ...

مع خالص الحب .. ومليون مراحب ....

ووينك يا الموصلي .. الله يطراك بالخير ..

Post: #164
Title: Re: عاصم البنا...بان بيننا ..رحبوا به
Author: إدريس محمد إبراهيم
Date: 19-10-2006, 04:26 PM
Parent: #90

شكراً محمد المرتضي يا رائع .. وعذاراً لو نسيت أن أشكرك في المداخلة السابقة ...

Quote: ود ناس الادب ....ياراقي ياقوقاي
متل اهلك تمام... مٌلهَمْ وتب غناي
حرم مانسيت....... واتبدَلتْ آراي
ممكون في البُعٌدْ لابِدلي بس فوق راي


[B]الموصلي .. يافقري .. تراك قدر كدي .. يا خي ما تسيبنا ناكل عيش معاك ... والله رحنا في الطوشه!!! .. من أي زمن جميل أتيت أيها الشفيف ؟! ..

Post: #166
Title: Re: عاصم البنا...بان بيننا ..رحبوا به
Author: هشام هباني
Date: 19-10-2006, 06:18 PM
Parent: #90


اهلا بعاصم البنا رافدا من روافد نيل ابداع ال البناء الدفاق
وعطرا يضمخ ثنايا هذا البيت الوطن ...حبابك بليون يا عاصم!!
( عشان عشرة بقت رخيصة مع التضخم ده)!!
وشكرا للجميل سعادتو ود المرتضي.. وهو يسعي لتوطين الابداع
في هذا الفضاء من خلال تقديمه هذه الباقات من المبدعين.

وكل العام وانتم بخير

هباني

Post: #93
Title: Re: عاصم البنا...بان بيننا ..رحبوا به
Author: بنفسج
Date: 13-10-2006, 07:29 AM
Parent: #1

حبابك الف اخوي عاصم

تحية جميلة لوجودك بيننا

وتحية اجمل لك عزيزي محمد المرتضى

Post: #94
Title: Re: عاصم البنا...بان بيننا ..رحبوا به
Author: Sayed Bekab
Date: 13-10-2006, 07:54 AM
Parent: #1

المبدع عاصم البنا

رمضان كريم و حمد لله علي السلامة البيت بيتك

Post: #97
Title: Re: عاصم البنا...بان بيننا ..رحبوا به
Author: ASIM AL BANNA
Date: 13-10-2006, 08:55 AM
Parent: #1

احبتى .... كثيرا ما يتملكنى الاحساس بان الشاعر او المغنى يعجز عن وصف حبه او محبوبته الى الاخرين ودوما يشعر بالقصور فى حقها او حقه اى الحب وزى ما قال الشاعر : ومؤالف الاشعار يعجز عن اوصافه وتكتر قوافيهو ... اى ان كترة القوافى دلالة عن العجز فى الوصف .. وطالما انى عاجز عن شكر الجميع ويساعدنى سيد الديوان اخى محمد المرتضى .... وسوما قهوجتنا خلونى احكى ليكم قصة اغنية منحوته فى اعماقى لعلها تصف حالتى وانا عاجز عن امتنانى وشكرى لكم جميعا .. فكنت احاول اكتب الشعر واحاول اجمل الشكر للجميع وفرادى واسهر ليلى وحدى واروى غناك وحدى....
فى ليلة ماطرة من ليالى مدينة مليط بشمال دارفور ونحن فى ضيافة اخى وصديقى الدكتور احمد فرح شادول الذى كان وزير صحة يومها بشمال دارفور ... فتقلب نسيم الصحراء من حر وسموم الى همبريب وللاسف كانت الكهرباء قاطعة ونحن فى استراحة الحاكم الانجليزى .. لم نتردد كثيرا فى ان ندخل ثلاثة سراير داخل غرفة لا تتحمل اكثر من سريرين ولغينا الممرات وذلك لزوم الونسة ... وبما ان المحافظ رضى الله عنة مثل معنا دور سخيف .. الا ان صديقى ود القبائل شادول ابت نفسه الا ان يشاركنا الغرفة انا وصديقى عوض احمودى ولا تنسى ان هذا هو الوزير الذى سفهنا المحافظ بسببه ... عموما وفى تلك الظلمة شادول ينطط من سرير الى الاخر حتى ادرك تللك الشنطة العتيقة فى راس الدولاب وفتحها بالجلالة ... وحينها اخرج بطارية وفتح البطاريه والتفت الى اخى عوض وهو كفيف وساله شايف يا عوض ؟ سكت الجميع للحظة وضحكة ايقظت استاذنا حسن الزبير رحمه الله جانا بدون نضاره يتكل بالحيطه ويضارا ( وطبعا ده اسلوبه فى الحديث مع اصدقائه ... السجع) وهجانا ببيت شعر ورجع عندما تاكد ان دخول الغرفة شدت بس لمن يستطيع النط فوق الاسرة..... وما زال النسيم يتسرب الى خلايانا من تلك النملية على الشباك .. سالنا شادول رايكم شنو اقرا ليكم كلام سمح ؟ قلنا حلو.. قال فى حضرتك وسكت ......... وسكت الجميع لبرهة يتامل ماهو التالى ولكن استدرك ان يقدم لنا شرحا وجيزا لمفاهيمة فقبلنا وكان حريفا فى ان قمصنا الدور والبسنا باحساسة .... وما ذكرنى هذه القصيدة الا احساسى بالعجز عن النطق والتعبير لكم عن سعادتى .. فعذرت صديقى شادول واتصلت به هاتفيا لابلغة بانى اغنى فى هذه الاغنية منذ اربعة سنوات تقريبا ولم احسها الا الان فقط ولك عزرى ...

وقال شادول مندهشا فى تلك الظلمة

فى حضرتك

فى حضرتك تتبدل اللغة والحروف
والدنيا تلبس انبهار اللهفة والوله الشفوف
وانا ياجميل مالينى خوف
اصلو الزمن عودنا مانتهنى بى حلو الظروف
لكنى بيك بزرع مساحات الفرح
وازحم خواطر الناس طيوف
ويفضل هواك نور الزمان فى دنيا ما بتعرف كسوف

وانا يا جميل مالينى خوف

تهمس بشايرك للصباح سر فتنتك
توشيها للنيل والجروف
وتتفتح اكمام الزهور
بينن خبر جيتك يطوف
لى غناكا فى دنيا الجمال
يتسابقوا الشوق والحروف
وانا كلى اوتار لى هواك
الدنيا تعزف والمزامير والدفوف

وانا والزمن نحيا ونشوف انا والزمن نحيا ونشوف

فلم نعلق انا واخى عوض احمودى الا على الاستهلال القوى ولما عدنا الى مدية الفاشر فى صباح اليوم التالى كنا نغنى فى حضرتك انا وشادول وعوض احمودى والدكتور الماحى سليمان والاستاذ. حسن الزبير واستاذنا الاذاعى المعروف علم الدين حامد وكانت سميرا دنيا عادت الى الخرطوم من الحنكشة ... وعلى ما اذكر فى تلك الرحلة قضينا اثنى عشر ليلة رافقتنا سميرا واختها سميالليلتن فقط ويالطياره جاك زول ... ولكمنها استطاعت اتهد جدارين المدارس بالصفافير والسكلى فى ليلتين فقط الفاشر نفسها كانت قاشرة وحاضرة الحفلة...

احبتى ... كثرت قوافى غناى فى حضرتكم تبدلت لغتى وحروفى ... وما زلت ابحث عن لفظ يترجم الاحساس فهل من مساعد؟

Post: #99
Title: Re: عاصم البنا...بان بيننا ..رحبوا به
Author: رشا سالم
Date: 13-10-2006, 09:35 AM
Parent: #97

هسه عليك الله وامانة في ذمتك دي يا عاصم البنا..

داير تقنعنا انك ما كنت عارف ريدة الناس ليك؟

ياخ انت غنيت في عرس اخوي, العروس قربت تطلق

راجلها( اخوي المسكين).. ولغاية يوم الليلة

ما بيريد يحضر الشريط بتاع العرس

والله شرفتنا يا ابو احمد..

Post: #105
Title: Re: عاصم البنا...بان بيننا ..رحبوا به
Author: hajhamad
Date: 14-10-2006, 00:44 AM
Parent: #99

مرحب بالفنان المبدع عاصم البنا

متابعين ابداعك مع المجموعة و الاستاذ السر قدور بقناة النيل الأزرق

عاصم اضافة حقيقية للمنبر


الحاج حمد

Post: #114
Title: Re: عاصم البنا...بان بيننا ..رحبوا به
Author: Solafa Alagib
Date: 14-10-2006, 05:55 AM
Parent: #97

سلام من صبا بردى ارق وحب فاق حد الوصف حب اهلا عاصم الجميل واول الغيث قطرة كلامك الحلو عن رحلة الفاشر فتح نفسنا في انتظار المزيد د سلافا العاقب

Post: #98
Title: Re: عاصم البنا...بان بيننا ..رحبوا به
Author: Sana Khalid
Date: 13-10-2006, 09:34 AM
Parent: #1

سعادة المستشار..

تحياتي ..و كل عام و أنت و الحضور بخير..


مقدمك وحده كان فتحاً لسودانيز..

فما بالك و قد جئت بخير وافر!


مرحب بالمطرب الأصيل..

عاصم البنا..

Post: #100
Title: Re: عاصم البنا...بان بيننا ..رحبوا به
Author: wedzayneb
Date: 13-10-2006, 07:44 PM
Parent: #98

مرحب بالأديب و الفنّان الغنائي السوداني المبدغ سليل أسرة البنّا المبدعة.

مكسب كبير للبورد، مثل قريبتك الأديبة الشفيفة: أميمة الفرجوني، التي نقتقدها هذه الأيّام.

طارق الفزاري

ود زينب

Post: #101
Title: Re: عاصم البنا...بان بيننا ..رحبوا به
Author: ASIM AL BANNA
Date: 13-10-2006, 07:51 PM
Parent: #1

رشا ياكحيل غيثنى الهوى سبانى

والله يابت القبيايل لو كنت السؤل كان جيت سودانيزاون لاين fro day one لكن والله صادق فى كل كلمة خرجت من بين اصابعى .. واقول ليك كلام غريب شوية فى ناس ممكن تكون مابحبونى .. بالامارة فى حفلة عرس ما عرس اخوك .. وانا طالع من باب الخيمة جات شابه قالت للناس الطالعين ماتقولولى انتهت قالوها ايوه قالت ليهم كانت بيى منو؟ وانا ماشى جمبهم قالوا ليها كانت بى عاصم البنا قالت ليهم اخيييىىىىىىىىىىىىى بركة الانتهت جابو فنان العجايز ده من وين... ( ما تحكى لى امك ) يعنى بكون شكلى كان كيف وبينى وبينها اقل من مترين ( البونيه بتوصل) لو النفوس اتطايبت ..

قول لى اخوك على الطلاق انا مافارز ليك احمد من حاج احمد ... احضر شريط العرس وماتبقى جعليتك زايده.

كل صداح على الايك يغنينا حبيب
وانا بين الورى فى هذه الدنيا غريب

لكم جزيل شكرى على هذه السعادة التى تعترينى ويالقصورى فى الرد عليكم

Post: #104
Title: Re: عاصم البنا...بان بيننا ..رحبوا به
Author: نصار
Date: 13-10-2006, 09:26 PM
Parent: #1

العزيز عاصم البنا

حبابك و مرحبابك
مررت بتعليقاتك بما فيها من جماليات و احاسيس مرهفة
حتي و انت تعبر عن مغالبة الكلمات لك كنت مبيناً رصين
في امر كثرة القوافي و دلالة تعثر اللغة، خاطب شاعر
المانيا الاعظم صديقه شيلر قائلا: كنت اود أن اكتب لك
خطاباً قصيراً لكن نسبة لضيق الزمن سوف اكتبه طويلاً

من محاسن هذا العالم الاسفيري أنه ينتزع منا (او يسمح لنا)
أن نبدي عواطفنا تجاه من نحب و نحن من نشئنا علي عكس
ذلك بأنه كمال الرجولة و تمام الرزانة ،،
اري أن حق المبدع علي جمهوره أن يترعه حباً ليعينه علي
مزيد التوهج و العطاء المغاير

مرحتين حبابك و اليوم السعيد الليلة جابك
اغدق يا مطر اروي النفوس الظمأة

ودي و تقديري

Post: #106
Title: Re: عاصم البنا...بان بيننا ..رحبوا به
Author: محمد المرتضى حامد
Date: 14-10-2006, 03:39 AM
Parent: #104

النصري أمين
(كيان بيت المال)
سلامات يارجل وكل عاع وانت بخير
شايف سيديهات المقرئ الجميل المرحوم عوض عمر جاتك أكوام
شكرا للترحيب بالأمدرماني جاركم

Post: #107
Title: Re: عاصم البنا...بان بيننا ..رحبوا به
Author: محمد المرتضى حامد
Date: 14-10-2006, 04:08 AM
Parent: #106

الطيب شيقوق
تعرف انا كنت فاكر عاصم سيسجل ضمن بورداب مسقط لكن يبدو ناس بكري وملاسي شغالين بالدوائر الجغرافيه.
شكرا يا الحبيب

Post: #109
Title: Re: عاصم البنا...بان بيننا ..رحبوا به
Author: محمد المرتضى حامد
Date: 14-10-2006, 04:37 AM
Parent: #107

انعام عبدالحفيظ
شكرا يا أنيقة
كما ترين يا انعام نحن في زمن تطاولت فيه الهموم وتخطت أكتاف احتمالنا وصعُب علينا التنفس أين حللنا وماهو متاح من أكسجين في هذا الزمن الكربوني المكربن لايكفي لرئة مبدع واحد كما يقال. أثق أن عاصم لن يحصر مشاركاته بالكتابة وحسب رغم اتساع معرفته وشاعريته ، ولكنه قادر على العطاء في مناح عديده فتمني له التوفبق .
لك احترام يليق بك.

Post: #110
Title: Re: عاصم البنا...بان بيننا ..رحبوا به
Author: محمد المرتضى حامد
Date: 14-10-2006, 04:49 AM
Parent: #109

ملكة ٍسبأ
جاياني بي هنا وانتي بيهناك ماخليتي جنبه للضيف ؟ شايفو بدا يكتب قصايد بهناك لكن حدّو قريب.
شكرا كتير ياملكه وأهو ماقصرنا معاك في البوست بتاعك مع ممكونه (البوست الأستيريو).
لك الود والأعزاز ياجميله.

Post: #111
Title: Re: عاصم البنا...بان بيننا ..رحبوا به
Author: محمد المرتضى حامد
Date: 14-10-2006, 05:20 AM
Parent: #110

الأعزاء:

خالد عبدالله محمود

نيازي عبدالله

SUMAH

خالد علي المنسي

محمدعبدالله هرون

ناذر الخليفه

شكرا لكم والله يحفظكم لأنجاز اضاءة هذه المساحة

Post: #108
Title: مرحب
Author: mohmmed said ahmed
Date: 14-10-2006, 04:32 AM
Parent: #1

الف مرحب بالفنان عاصم البنا
استمتعنا معكم فى النيل الازرق
لفت انتباهى صوتك القوى
والذاكرة الجيدة كنت حافظ كل الاغانى التى قدمت
لك التحية وللشباب
اسرار
عصام
نادر
جمال
والشاب الكبير قدور
ونسرين برضو نورت الشاشة

Post: #112
Title: Re: مرحب
Author: abuguta
Date: 14-10-2006, 05:51 AM
Parent: #108

عاصم
مرحب
بجد كدا من كترة الواحد مابقى بشوفك وبسمع ليك كتير..بقيت زى البعرفك
زى زميل دارسة او مداوم معنا فى شركة او ود حيينا...
وكمان جايتنا على البورد دى صلة تانية...
يازول ربنا يديم عليك النعمة وتقعد تمتع وتمتع الناس باجمل اغانيك
تذكر فى حلقة القنيص معاك ياسر..قدمتو اغنية..الاستاذ عوض بابكر قد ذاب معها
لدرجة الانهائية..لانه اطمئن ان هنالك جيل سوف يحافظ على هذا الارث
يازول مرحب بيييييييك...ونتمنى من بكرى يديك اسم عديل كدا
وتخلى تمبس بنبسط شديد.ويقعد يتابعك من بوست لبوست
مرحب تانى

Post: #113
Title: Re: عاصم البنا...بان بيننا ..رحبوا به
Author: بلدى يا حبوب
Date: 14-10-2006, 05:55 AM
Parent: #1

هلا بالاستاذ عاصم البنا
وعبر قناة النيل الازرق وعلى متكأ برنامج اغانى واغانى نسجى التحايا للمبدع عاصم البنا والمجموعة الفنية بقيادة الهرم الاستاذ السر قدور
اهلن به
تحياتى

Post: #115
Title: Re: عاصم البنا...بان بيننا ..رحبوا به
Author: Tumadir
Date: 14-10-2006, 10:42 AM
Parent: #113

الفنان عصام البنا ..

كل يوم أجى (على عجل) وافتش للبوست العنوانو غلوتية ده واقول ياربى اسمو شنو

عصام البيننا بان بنا

عصام البان بنا بيننا

عصام البنا بيننا بان

المهم يجب علينا أن نحتفل بك مطربا رائعا .. مع الاعتراف بأنه أول اسطوانة لك كانت هدية ولا "مقلوعة" من هذا محمد المرتضى حامد دا

لمن زرت مسقط فى مارس "المنصرم" ..واتشبكت فى السى دى وهو بلعب ف عربيتو اثناء الساعات الرسمية "للفسحة" التى قام بها مشكورا بمعية الصديقة عشة مبارك "وينها هى؟" ...

المهم الفضل راجع ليه بتعريفك لينا ..مع انه الاسرة كلها ماشاء الله حلاقيم تمام ..

اهلا بك "بنا" "بائن" "بيننا" ودمت معطاءا

وآسفة لانو البوست وصل الصفحة التانية قبل أن أسارع بالترحاب ..."ايدى واحدة" ...

Post: #116
Title: Re: عاصم البنا...بان بيننا ..رحبوا به
Author: أبووجيدة
Date: 14-10-2006, 01:09 PM
Parent: #1




الغالي محمد المرتضى حامد

لك التحية وأنت تجعل هذا البورد أكثر جمالاً بهذا الرائع عاصم البنا فله مناالتجلة والتقدير وهو بين معجبيه وأهله فلتدفق طهراً وعشقاًايها الجميل.

يوسف حمدالنيل عربي


Post: #117
Title: Re: عاصم البنا...بان بيننا ..رحبوا به
Author: tmbis
Date: 14-10-2006, 02:58 PM
Parent: #116

Quote: وتخلى تمبس بنبسط شديد.ويقعد يتابعك من بوست لبوست

والله يا هندســة مبسوط ( سبعمية MB ).. ماركة Princo .. فاهمني مش كده ؟؟..
بعدين
يا عاصــــم .. حمد الله على السلامة .. بقيت من آل البيت وارتحت من إيجار الباطن ومزازاة الشقق المفروشة دي .. والواحد زاتو بعد كده ممكن ( بمد قرعتو ) وقلبو قوي..
بس
يا محمد المرتضي .. من امس ( بلكلك ) والتقنية الايامات دي متلومة معانــا .. بلاي ..
( أهــون ) عليها..؟؟
ياعــاصم ..
الجــوه ده ( قــــــانون ) .. والا رمضان دخل الحواس الخمسة ؟؟






Post: #118
Title: Re: عاصم البنا...بان بيننا ..رحبوا به
Author: خالد علي محجوب المنسي
Date: 14-10-2006, 03:17 PM
Parent: #117

الفاضل محمد المرتضى حامد سلام عليك ورحمة من الله العلي القدير يا كريم
الشكر موصول لك عزيزي لهذه الاضافة الرائعة
من خلال بوستك العامر نرحب مرة ومرات بالمبدع عاصم البنا

العزيز عاصم البنا
كلام حلو وعجبني كتير وبالذات الابيات التي كتبتها لي لك الشكر موصول

التلب اللزوم مدخور أشيل العايلة
أقدل بمهل فوقو الحمول الهايلة
إياك مرق القبائل وفوقك اسندوا المايلة
فراج كرب الهم اب قبايلاً جايلة

Post: #120
Title: Re: عاصم البنا...بان بيننا ..رحبوا به
Author: محمد المرتضى حامد
Date: 15-10-2006, 05:23 AM
Parent: #118

عبدالكريم الأمين أحمد
شكرا على الترحيب وانشالله عاصم (ينستر) بي جاي.
لك لتقدير يا أمير.

Post: #152
Title: Re: عاصم البنا...بان بيننا ..رحبوا به
Author: محمد المرتضى حامد
Date: 17-10-2006, 05:16 AM
Parent: #118

Quote: الفاضل محمد المرتضى حامد سلام عليك ورحمة من الله العلي القدير يا كريم
الشكر موصول لك عزيزي لهذه الاضافة الرائعة
من خلال بوستك العامر نرحب مرة ومرات بالمبدع عاصم البنا


خالد المنسي
هو انت انت بتتنسي؟
شكرا لترحيبك مثنى وثلاث والصديق عاصم بحق سعيد بينكم.
لك الشكر مثنى وثلاث (بالحيل عاجباني) .

Post: #126
Title: Re: عاصم البنا...بان بيننا ..رحبوا به
Author: hameem
Date: 15-10-2006, 07:31 AM
Parent: #1

Quote: عاصم البنا...بان بيننا




دا إذن فرح بائن بينونة كبرى

وبخجلة من يجئ متاخراً

أرحب بـ " ملوّن الزمن " الأستاذ عاصم

وكل ما يجئينا من قبلك يا ود المرتضى فهو

دون شك جميل .. يا جميل

Post: #144
Title: Re: عاصم البنا...بان بيننا ..رحبوا به
Author: محمد المرتضى حامد
Date: 16-10-2006, 05:17 PM
Parent: #126

Quote: دا إذن فرح بائن بينونة كبرى

وبخجلة من يجئ متاخراً

أرحب بـ " ملوّن الزمن " الأستاذ عاصم


بان من فربع البان الهميم وسنان أو معتكف آخر رمضان ، هميمي عاتبني ، انت ياهميم تغتس وتطلع تلقى الآشياء تبدلت والسحب تلبدت وماداير أقول احاسيس تبل...
وين انت ياخ. لولا محبي عاصم هنا كثر وخايف يرجموني كنت قلت ليك انها(اشياء صغيرة تجلب فرحا).
لك الود ياحبّوب

Post: #127
Title: Re: عاصم البنا...بان بيننا ..رحبوا به
Author: ASIM AL BANNA
Date: 15-10-2006, 10:29 AM
Parent: #1

عيد الفرح بيكم جميل الليلة باين صحه
تتوارد قبايل الحب ومابينكم خاين اتنحه
تسابيح شكرى ليكم فى حشايا زايده الوححه
حبابكم يالكرام انا بيكم بقيت وبلاكم اتنحهنؤن

Post: #128
Title: Re: عاصم البنا...بان بيننا ..رحبوا به
Author: محمد المرتضى حامد
Date: 15-10-2006, 02:55 PM
Parent: #127

أحمد القرشي
بالطبع لاشكر على ترحيبك بعاصم لأنك صاحب البيت مثله
بس كنت قايلك حاترد نيابة عني على الضيوف اللي رحبوا بصاحبك وتقدّمهم للباب قمت بقيت زي أخو العريس اللي قشر وترك الجيران يعشّوا في الضيوف. عارفك مشغول بالحزن في الحقيبه مع انو أحزاننا طلعت من الحقيبه و ملت الدواليب والغرف و أنّت الكراسي والأسرّه حتى أني أشعر بألم في الأبواب.
لك حبي

Post: #129
Title: Re: عاصم البنا...بان بيننا ..رحبوا به
Author: معتصم دفع الله
Date: 15-10-2006, 03:39 PM
Parent: #128

يا محمد كيفك ..
أهو صاحبي ظهر كان رقدلو فوق رأي ..
تحياتي يا جميل ..





يا عاصم البنا منور يا حبيب ..
المره دي العيد معاك والشباب خليكم جاهزين ..
غايتو أنا كلمت تمبس فردتي وقلت ليهو حرم المره دي معيدين مع عاصم البنا ..
وشلة النيل الأزرق الجميلة ..
أها رأيك شنو ..

محبتي ..

Post: #130
Title: Re: عاصم البنا...بان بيننا ..رحبوا به
Author: محمد المرتضى حامد
Date: 15-10-2006, 04:15 PM
Parent: #129

Quote: حبابك الف اخوي عاصم

تحية جميلة لوجودك بيننا


(البنفسج ديما أبهج)

يابنفسج ، قبل أن أشكرك على ترحيبك بعاصم شكرا لوفائك للراحل الذي تزيّن صورته هذه المساحة.
لك التقدير يا انسان

Post: #131
Title: Re: عاصم البنا...بان بيننا ..رحبوا به
Author: ودرملية
Date: 15-10-2006, 05:20 PM
Parent: #130

عيد الفرح بيكم جميل الليلة باين صحه
تتوارد قبايل الحب ومابينكم خاين اتنحه
تسابيح شكرى ليكم فى حشايا زايده الوححه
حبابكم يالكرام انا بيكم بقيت وبلاكم اتنحه
>>>>
مرحبتين ود القبايل الليهو القمر زحة
طلتك عاجبانا بالحيل وبيها الزهج ينتحه
شاملاك الوصوف وفي الغنا ساحرانا عندك البحة
حبابك الف ياتوب الكلام بيهو نتغتا والنايم يتصحه

Post: #133
Title: Re: عاصم البنا...بان بيننا ..رحبوا به
Author: محمد المرتضى حامد
Date: 15-10-2006, 05:26 PM
Parent: #131

Quote: فما بالك و قد جئت بخير وافر!


مرحب بالمطرب الأصيل..

عاصم البنا..


سناء خالد
شكرا لكل ماكتبته في ترحيبك وماكتبته في غير هذا المكان
القومه ليك

Post: #154
Title: Re: عاصم البنا...بان بيننا ..رحبوا به
Author: محمد المرتضى حامد
Date: 17-10-2006, 05:03 PM
Parent: #129

Quote: يا محمد كيفك ..
أهو صاحبي ظهر كان رقدلو فوق رأي ..
تحياتي يا جميل ..


معتصم
ماقصرت في تحريك صاحبك وبالفعل كان راقدلو فوق راي ، اتكلمنا قبيل
لك حب مصفّى ياعزيز

Post: #132
Title: Re: عاصم البنا...بان بيننا ..رحبوا به
Author: ASIM AL BANNA
Date: 15-10-2006, 05:22 PM
Parent: #1

الحبايب جميعا هنا .... وانا المحظوظ بيكم والله فقط لى مقترح بسيط وهو موضوع استفتاء على عمل من كلمات احمد الفرجونى ... ومضت اربعة اشهر وترانى الحن فية صباحا ومساء وحبة عند اللزوم.. واخيرا اكتملت اساسيات اللحن فى منزل اخى وسديقى محمد المرتضى بمسقط قبل اسبوعين تقريبا ... و بالامس القريب شرفنى استاذى عبد اللطيف خضر (ود الحاوى) واخى الدكتور احمد فرح شادول بزيارة استمرت حتى السادسة صباحا .. بعد ما اكملنا التشطيب والكهرباء الخاصة بالاغنية ... وودت ان اشرككم جميعا فى هذه الفكرة ورايكم يقدمنى كثير ولكن رجائى الحيادية وعدم المجاملة وهذا هو الشىء الوحيد الذى يضف للعمل جمالا ...

قال الفرجونى:
عصفور حط على قلبى
لكن ما اسرع ما طارا
عصفور غرد كامرأة
وامرأة كانت ازهارا
ازهار كانت فى قلبى
احمرت واشتعلت نارا.

هذا هو مطلع القصيدة .... فهل تخيلتموننى يوما اغنى مثلما يغنى الخليجى ؟ او تخيلتم ان واحدا من ابناء وطنكم يغنى بالعربية الفصخى والسلم السباعى كما العرب ؟ وطالما بيننا استاذى الموصلى اطرح عليكم موضوعا للنقاش الهادف الذى يقدم للاغنية السودانية...

مرت 106 سنة ومازال كرومة وسرور هم مخترعى الغناء فى السوان ولا استطيع ان اقول كلمة واحدة على ابداعهم بل اشكرهم ولولاهم لما كنت اغنى انا اليوم .. ولكن ... ماذا فعلنا نحن فى ما بعد ذلك ؟ بدانا نكرر نفس الالحان تقريبا على كلمات يقال انها جديدة وان تبحرت فى الحقيبة تجد ما يشابهها او الاقرب اليها .. فسالت نفسى لماذا لا نخرج من القوقعة داخل خريطة السودان لكوننا نغنى بالخماسى التابع للهضبة الاثيوبية وامنا افريقيا ... ومادمنا ننطق العربية فبالتالى (لا لامين فى بلح الشام ولا تمر المدينة) وعلى الرغم من ذلك تجد من يقول لك هذه ثقافة دعها كما هى (والدايرنا يجينا والماداير على كيفه) هل يستوى يا احباب؟؟؟؟ اذا تركنا السلم الخماسى فقط لزوم استعراص نكون قد وصلنا الى اذن المستمع العربى ( والغريب اننا فى الوسط ندعى العروبة اكثر من الزنجية) وماذا اذا تركنا اللغة العربية وغنينا باللهجات العامية والانجليزى والفرنسى على الخماسى كما كثيرا من الدول الافريقية والتى تحتضن كثيرا من المشاهير والمبدعين ....

لا اطيل عليكم فى خطرفاتى ... ولكنى بصدد عمل نقلة نوعية فى اسلوب توصيل اغنيتى السودانية باسلوب مختلف عن ال 106 سنة المرت مع الاحتفاظ باحقيتى فى العروبة وما دمت داخل حريطة الوطن العربى يحق لى التغنى بالسباعى والسيكة والمقامات جمعا ... واحتفاظى بسودانية الشعر واللحن والاداء .... اما النجاح والفشل شىء نسبى ... لا يهمنى بقدر ما يهمنى الوصول الى من يستمع ليفهم ما اقول ... واذا قلت له شعر المتنبىء بالخماسى يشعر وكانه نشاذ .... ارجو الافادة دون المجاملة و...ز

وتقبلوا حبى الفائق

Post: #134
Title: Re: عاصم البنا...بان بيننا ..رحبوا به
Author: عمر ادريس محمد
Date: 15-10-2006, 06:44 PM
Parent: #1

الاعزاء

محمد المرتضى وعاصم البنا

معليش نخاطبكم كدا حافى

جيت راجع فرحان ومبسوط من الكلام العذب الجميل منكم الاتنين

اصلى متابع بالدقة والدقيقة قلت فى النهاية حاتجى

غنية حقيبة فى بالى

وحالف حرام تجى كان انجلد على رؤوس الاشهاد ...استاذنا محمد المرتضى فى بوست الطيب شيقوق

وكت الصاحفة 30 نزل "مريا" كنت موجود سمعت الرنة الاولى مشيت الاخرة طوالى ..شويتين كتر خيرو جا

لاحقنى

بس خليتو جيت لانو قفاى اعوج

وقلت ياسلام .. الزول دا ضاع

اتاريهو مخبيك ياعاصم

لكم التحية والاعزاز وابقو علينا عشرة ياجماعة نحن عطشانين لهذا الجمال



Post: #135
Title: Re: عاصم البنا...بان بيننا ..رحبوا به
Author: احمد العربي
Date: 15-10-2006, 10:53 PM
Parent: #134

جميل جميل جميل
يا جميل

Post: #155
Title: Re: عاصم البنا...بان بيننا ..رحبوا به
Author: محمد المرتضى حامد
Date: 17-10-2006, 05:23 PM
Parent: #134

Quote: جيت راجع فرحان ومبسوط من الكلام العذب الجميل منكم الاتنين

اصلى متابع بالدقة والدقيقة قلت فى النهاية حاتجى

غنية حقيبة فى بالى

وحالف حرام تجى كان انجلد على رؤوس الاشهاد ...استاذنا محمد المرتضى فى بوست الطيب شيقوق

وكت الصاحفة 30 نزل "مريا" كنت موجود سمعت الرنة الاولى مشيت الاخرة طوالى ..شويتين كتر خيرو جا

لاحقنى

بس خليتو جيت لانو قفاى اعوج

وقلت ياسلام .. الزول دا ضاع

اتاريهو مخبيك ياعاصم

لكم التحية والاعزاز وابقو علينا عشرة ياجماعة نحن عطشانين لهذا الجمال


حبيبنا عمر ادريس
والله كلامك ده ذكرني مليوت حاجه كده.
تعرف أهم وأجمل حاجه قصة (حاف كده) ومافي زول بريحك زي البيقول ليك اسمك وبس.
تانيا الطرب البنجلدوا ليهو ده آخر مره شفتو في قريه جنب القضارف اسمها ودالسيد ، ديل ياعمر بيعطنوا السوط في القطران ويمسحوا ضهرك بالملح ومع الزغروده الأولى تشوف الدم طاير من الضهر. والقصه فيها دين والعريس أصحابو يواجبوه بالعنج واللي عايز ينجلد يقيف بيجاي والباقين يمشوا ورا الحريم ، طبعا كلام زي ده مابيعجبنا لكن هم بيقولوا حرّم الضيوف ما (يركزوا) الضيوف فى روسينا، مريحين.
ياخ صحافه سلامي ليهو الفنان الجميل.
لك ودي

Post: #136
Title: Re: عاصم البنا...بان بيننا ..رحبوا به
Author: Manar Mahsoub
Date: 16-10-2006, 00:01 AM
Parent: #1

الفنان المبدع عاصم البنا الف مليون مرحب .

تخريمة : بالله المره الجايه لمن تجى مسقط تعال فى الفطر و مش فى رمضان عشان ما تكون جارى لعدادات العيد و الخيم الرمضانية ... فنك ده بيسمعوه بمهلة ...

Post: #156
Title: Re: عاصم البنا...بان بيننا ..رحبوا به
Author: محمد المرتضى حامد
Date: 18-10-2006, 04:24 AM
Parent: #136

منار محسوب
مشكوره كتير
ماتغيبي عن النادي خصوصا لما يكون عاصم هنا.
لك احترامي وسلامي لأخي محمد

Post: #137
Title: Re: عاصم البنا...بان بيننا ..رحبوا به
Author: انعام حيمورة
Date: 16-10-2006, 03:14 AM
Parent: #1

الوجيه عاصم البنا

الف مرحب بيك رغم انها متأخرة لكن والله ما مني كل ما أجي عشان أرحب ما بفتح معاي خلي بالك رمضان دخل العضم ...

لكن والله اغاني واغاني بس شايلة انت وكلنا بنقعد نطرب ونهيص تقول ما فطرنا يادوب حتى بعد داك تجي القهوة ....

اهة ما في حفلة كاربة كدة للحيموراب تاني وبعد دا تاني ولا عبد الله قطبي ولا حاجة ...


محمد المرتضى لك الشكر

Post: #138
Title: Re: عاصم البنا...بان بيننا ..رحبوا به
Author: إسماعيل وراق
Date: 16-10-2006, 03:29 AM
Parent: #137

مرحب بالرائع عاصم البنا
مزيد من الإبداع

Post: #139
Title: Re: عاصم البنا...بان بيننا ..رحبوا به
Author: محمد المرتضى حامد
Date: 16-10-2006, 04:59 AM
Parent: #138

Quote: الفنان عصام البنا ..

كل يوم أجى (على عجل) وافتش للبوست العنوانو غلوتية ده واقول ياربى اسمو شنو

عصام البيننا بان بنا

عصام البان بنا بيننا

عصام البنا بيننا بان

المهم يجب علينا أن نحتفل بك مطربا رائعا .. مع الاعتراف بأنه أول اسطوانة لك كانت هدية ولا "مقلوعة" من هذا محمد المرتضى حامد دا


يابت شيخ الدين.....عاصم، ماعصام ..ركزي معاي عشان ماأعمل ليك زي ما السر قدور مع نسرين.
تعرفي ياتماضر أنا ذاتي قريتا البنبان بيننا وقرّبت أجري لأنو البنبان الشربتنا ليهو الحكومات بتاعتنا عمل لينا بنبفوبيا.
شايفك عامله ليك عرس بيغادي لحاتم وهاله ويادوب اتذكرتي الفنان لما بقيتي على الحفله.
لك الشوق والود ياعزيزتنا

Post: #140
Title: Re: عاصم البنا...بان بيننا ..رحبوا به
Author: محمد المرتضى حامد
Date: 16-10-2006, 05:32 AM
Parent: #139

أبووجيده
والله اسم سمح (ياتو السمح) زي مابيغني عاصم (انت السماح لابسك وشاح)
تعرف يا أبو وجيده أبو أحمد ده كان انبهل حايتحفكم بحق.
لك الشكر والود

Post: #141
Title: Re: عاصم البنا...بان بيننا ..رحبوا به
Author: mohamed elshiekh
Date: 16-10-2006, 07:26 AM
Parent: #140



اهلا مرحبا بعاصم الفنان
اضافةحقيقه ومتميزة لهذا البورد

اقامه سعيده اتمناها لك ..




شكرا محمد المرتضى على هذا الجمال ..


ويا عاصم لى معاك نقه لى قدام شويه بس..




وكل عام وانتما بالف خير

Post: #142
Title: Re: عاصم البنا...بان بيننا ..رحبوا به
Author: خالد علي محجوب المنسي
Date: 16-10-2006, 02:55 PM
Parent: #141

عذرا أخي الفاضل محمد المرتضى استميحك عذرا
هذا طبعا بعد السلام عليك ورحمة الله وبركاته

Quote: عصفور حط على قلبى
لكن ما اسرع ما طارا
عصفور غرد كامرأة
وامرأة كانت ازهارا
ازهار كانت فى قلبى
احمرت واشتعلت نارا.


الفاضل العزيز عاصم البنا الكلمات لا تشبه الفنان الشاعر الكبير الفرجوني الذي قال

لو رحل في الغيمة طيفك

لكن الظاهر بعد أن ترك حياة البادية والعيش في بلاد اليانكي قد اثر ذلك على اشعاره

Post: #143
Title: Re: عاصم البنا...بان بيننا ..رحبوا به
Author: محمد المرتضى حامد
Date: 16-10-2006, 04:14 PM
Parent: #142

Quote: يا عاصــــم .. حمد الله على السلامة .. بقيت من آل البيت وارتحت من إيجار الباطن ومزازاة الشقق المفروشة دي .. والواحد زاتو بعد كده ممكن ( بمد قرعتو ) وقلبو قوي..


والله يا تمبس دي في الزاويه البعيده، زي قون ريتشارد بتاع (الهلال) هداف (تونس) داك. يا هلالاب. انت صحي الترجّي داير يسجل ريتشارد راس حربه؟
غايتو الله يدي بكري العافية حكم على صاحبك أبو أحمد بالأخلاء الفوري وتسليمه مفتاح شقة جديده ويادوب الواحد قدر اتنفس. لكن في المقابل خليت الكتابة وبقيت حارس الضيوف وماسك الخروف ، وفي ناس يجوك مرتين زي خالد المنسي وصاحبك معتصم دفع الله و SOMِِA وقطع شك ودالقرشي اللي كنت قايلو (وزير) طلع زيو وزي أي (مستشار) الناس تعشي في الضيوف وهو (خالط). تعرف ياعلاء كنت داير أرفع بوست الطابق البوخه بتاعك داك لولا العشر الأواخر.
لك الحب خالصا ياهندسه


Post: #162
Title: Re: عاصم البنا...بان بيننا ..رحبوا به
Author: محمد المرتضى حامد
Date: 18-10-2006, 05:47 PM
Parent: #142

Quote: قال الفرجونى:
عصفور حط على قلبى
لكن ما اسرع ما طارا
عصفور غرد كامرأة
وامرأة كانت ازهارا
ازهار كانت فى قلبى
احمرت واشتعلت نارا.


كنت عايزك ياعاصم تجيبا كلها عشان خالد المنسي يتم كلامو

Quote: الفاضل العزيز عاصم البنا الكلمات لا تشبه الفنان الشاعر الكبير الفرجوني الذي قال

لو رحل في الغيمة طيفك

لكن الظاهر بعد أن ترك حياة البادية والعيش في بلاد اليانكي قد اثر ذلك على اشعاره


بالفعل ياخالد لما عاصم قراها لي أول مره أحسست فيها (أنفاس) شعراء الشام وعندما بدأ عاصم تلحينها هنا شممت فيها (مع السلم السباعي) أعمال الرحبانية (الرهبانيه) ولكن أبوأحمد أداها بمستوى ستحكم عليه بنفسك وسعدت بمداخلته من هناك أنه أنجز اللحن مع ودالحاوي بعد عودته. مايهم هنا أن الفرجوني ، لمن لايعرف ، مازول قنيص وشعر باديه وحسب فهو يكتب في كل أغراض الشعر وبتمكن واضح.
انشالله الغنية تبقى عيدية ياعاصم.

Post: #160
Title: Re: عاصم البنا...بان بيننا ..رحبوا به
Author: محمد المرتضى حامد
Date: 18-10-2006, 05:19 AM
Parent: #141

Quote: اهلا مرحبا بعاصم الفنان
اضافةحقيقه ومتميزة لهذا البورد

اقامه سعيده اتمناها لك ..




Quote: شكرا محمد المرتضى على هذا الجمال ..


ويا عاصم لى معاك نقه لى قدام شويه بس..



وكل عام وانتما بالف خير


محمد الشيخ ، كيفك ياسيدي
النقه دي مهمه وعاصم من زعماء (كيان) النقه ، ولاينافسه في نقة الفن من الشباب الا د. احمد القرشي الولد بتاع الحزن في الحقيبه والفرح في المستودع اللي عامل ليهو بوست في الناصيه البي هناك دي وانا وعاصم عندنا فيهو عموله ، أو (عماله) سمها ماشئت.
لك الحب يا أنيق

Post: #145
Title: Re: عاصم البنا...بان بيننا ..رحبوا به
Author: ASIM AL BANNA
Date: 16-10-2006, 06:02 PM
Parent: #1

يا حبايب شكرا وتانى شكرا والف شكرا الى ما حا تنقطع من لسانى كان انقطع ليكم والله ما زدتونى الا استعدادا لمستقبل مشرق بيكم والله ... يا مرتضى عندك كمية من الشكرنات لانك فعلا جمعتنى بيى ناسا عزاز طال البحث عن نقاء مثل هذا يطيل العمر دون شك ...
احبتى .... اسمحوا لى ان اقدم الدعوىة لكل من هو فى الخرطوم لحضور جلسة استماع فى منتدى الخرطوم جنوب بحضور د. شادول واخى عوض احمودى عازف العود المشهور وشخصى الضعيف بينكم ... ولمن كان بعيدا اوعد وعدا قاطعا بانى ارفعها روكنية داخل خط 18 ... بعد ما اتعلم رفع الميديا مباشرة ياهندسه الحقونا ..... ..

وانا والله اتعقدته عديل كده .... لكنى ما متعقد ابدا من انى احبكم جميعا

لكم احترامى .... والليلة فى النادى العئلى وجدت اول من تعرفت عليهم من هذا البوست والبقية تاتى

وربنا يديم المحبة بينا

تانى شكرا يا ابو اكرم

Post: #147
Title: Re: عاصم البنا...بان بيننا ..رحبوا به
Author: ودالعباسية
Date: 16-10-2006, 06:13 PM
Parent: #145

ناس الحله جو ،،

الفنان المرهف عاصم ،،،

مرحب بى صاحب الصوت الجميل ،،

ولا انسى حفلة الدوحة ،،

فقد ابدعته انت ومبارك ،،،

مرحب بيك تانى ،،،

Post: #146
Title: Re: عاصم البنا...بان بيننا ..رحبوا به
Author: ناذر محمد الخليفة
Date: 16-10-2006, 06:07 PM
Parent: #1

عاصم !!!!

يا زول قول بسم الله !! إنت متين وصلت !!!

بكرة معاك في جنوب بإذن الله

Post: #148
Title: Re: عاصم البنا...بان بيننا ..رحبوا به
Author: sari_alail
Date: 16-10-2006, 08:17 PM
Parent: #1

عاصم البنا ...
مرحب بيك ..

Post: #149
Title: Re: عاصم البنا...بان بيننا ..رحبوا به
Author: محمد مكى محمد
Date: 16-10-2006, 08:19 PM
Parent: #1

اخى عاصم
الف مرحب بيك ياراقى.
كيفك ياخى؟علك بخير...
آسف لاننى لم اكمل {حفلة ايرلندا } لظروف العمل فى اليوم التالى بالعاصمة دبلن و برغم ذلك جئت لملاقتك بعد العمل مباشرةة و ان لقاءنا كان سانحة صغيرة ..
،اتمنى ان نتلاقى فى اقرب فرصة..
او حتى عبر البورد
لك تحياتى ولجميع الاهل والاحباب
اخوك
محمد مكى

Post: #150
Title: Re: عاصم البنا...بان بيننا ..رحبوا به
Author: lana mahdi
Date: 16-10-2006, 09:28 PM
Parent: #149

يا سلام
الطرب الأصيل و الموهبة الحقيقية
يا ألف مرحباً بالحبيب عاصم البنا و نورت الديار

Post: #151
Title: Re: عاصم البنا...بان بيننا ..رحبوا به
Author: elham ahmed
Date: 16-10-2006, 10:37 PM
Parent: #150

مرحبا بعاصم صاحب الصوت الجميل. وبالمناسبة أبوي من المحبين لأغانيك. وللأسف حالت ظروف يومها دون حضور حفلتك في كاردف في بريطانيا. أتمنى أن يطيب لك المقام هنا.

Post: #153
Title: Re: عاصم البنا...بان بيننا ..رحبوا به
Author: عثمان حسن الزبير
Date: 17-10-2006, 05:30 AM
Parent: #151

أخي الجميل الفنان النقي الراقي المهذب عاصم البنا

مرحبا بك إضافة كبيرة في هذا الفضاء الإسفيري في أحد أهم المواقع السودانية بالشبكة العالمية وحمدا لله على سلامة العودة للوطن وسنلتقي قريبا إنشاء الله فأنا قادم يوم الجمعة المقبل وفي شوق لسماع الجديد وعبرك التحية للدكتور الإنسان أحمد فرح شادول والفنان أحمودي إلى أنا نلتقيهم ..



شكرا محمد المرتضى ...



أعذرونا لتأخر الترحيب فقد طولنا من الكي بورد ....

Post: #157
Title: Re: عاصم البنا...بان بيننا ..رحبوا به
Author: محمد المرتضى حامد
Date: 18-10-2006, 04:46 AM
Parent: #153

Quote: وعبرك التحية للدكتور الإنسان أحمد فرح شادول والفنان أحمودي


ياعثمان النلس ديل بقوا ناس خلا وقنيص ساكت.
شكرا على الترحيب يا أمير

Post: #158
Title: Re: عاصم البنا...بان بيننا ..رحبوا به
Author: محمد المرتضى حامد
Date: 18-10-2006, 05:02 AM
Parent: #157

Quote: الف مرحب بيك رغم انها متأخرة لكن والله ما مني كل ما أجي عشان أرحب ما بفتح معاي خلي بالك رمضان دخل العضم ...


رغم انو رمضان حمل عصا الرحيل لكن لى هسّه الحلومر ماجا من آل حيموره ،

شكرا ياعزيزه على الترحيب وأتفق معك انو عاصم شايل أغاني وأغاني ولولهو ماكنا بننجبر نسمع سوبر هناي ونالا وقصص عجيبه. بس انتي ركزي معاي يا (سوسن).
لك الود

Post: #159
Title: Re: عاصم البنا...بان بيننا ..رحبوا به
Author: محمد المرتضى حامد
Date: 18-10-2006, 05:06 AM
Parent: #158

الأعزاء:

اسماعيل وراق

ودالعباسيه

ساري الليل

محمد مكي محمد

لنا مهدي

الهام أحمد

لكم جميعكم الشكر والمنبر في الأصل جميل بكم

Post: #161
Title: Re: عاصم البنا...بان بيننا ..رحبوا به
Author: ASIM AL BANNA
Date: 18-10-2006, 05:37 PM
Parent: #1

حبابكم وحباب اليوم السعيد الجابكم والله

اخى ابوعفان عثمان ابن الشاعر الكبير المرحوم حسن الزبير ابو الكل لك التحية وربنا يجيبك بالسلامة ويتم على خير

مرحب مرحب بى ناس لندن ربنا يبعد عنكم الضباب البوقف الحركه وتحياتى لوالدك وانشاء الله فى الجايات ان ربنا مد فى الاجال

شؤفتونى والله كلكم بدون فرز والله

ولا اوال اتلو ايات شكرى غير المنقطعة للجميع

حبكم زادى

Post: #165
Title: Re: عاصم البنا...بان بيننا ..رحبوا به
Author: إدريس محمد إبراهيم
Date: 19-10-2006, 05:21 PM
Parent: #161

عاصم الحبيب ...

تحية واحتراما ...

Quote: لا اطيل عليكم فى خطرفاتى ... ولكنى بصدد عمل نقلة نوعية فى اسلوب توصيل اغنيتى السودانية باسلوب مختلف عن ال 106 سنة المرت مع الاحتفاظ باحقيتى فى العروبة وما دمت داخل حريطة الوطن العربى يحق لى التغنى بالسباعى والسيكة والمقامات جمعا ... واحتفاظى بسودانية الشعر واللحن والاداء .... اما النجاح والفشل شىء نسبى ... لا يهمنى بقدر ما يهمنى الوصول الى من يستمع ليفهم ما اقول ... واذا قلت له شعر المتنبىء بالخماسى يشعر وكانه نشاذ .... ارجو الافادة دون المجاملة




وهبني الله ثلاثة أشقاء .. واثنين بالرضاعه .. أقول دائماً لأصغر أشقائي وأحبهم لقلبي بالطبع (أبو القاسم) خليك زي خالك عبد الله ملك لو زرعوا الرجال قمح أملاها بصل وانت تنجح .. وقد نجح قاسم تماماً كما نجح خالي عبد الله ملك ..

رغم حبي الشديد للسلم الخماسي .. وعلمي حد اليقين بمدي رواج الآغنية السودانية في القارة الحبيبة إفريقيا ... إلا إنني أبارك مسعاك المتفرد هذا ... ولولا التفرد لما بزغ ضوء الإبداع ... التقليد ممقوت إلا في البدايات الأولى ... بارك الله لك في هذا المسعى الجميل وأنا شبه متيقن بأن سليل أسرة المبدعين عاصم هذا سيطاول الثريا يوماً ما .. الأصيل يا حبيبي هو من يتمسك بالثري فيصل إلى الثريا ... كده بحبك أكثر ..وقديما قال الشاعر فيما أذكر ..

فإذا كانت النفوس عظاماً ... تعبت في مرادها الأجسام

لك كل الحب وصادق الدعاء .. وحتقول إدريس المسيكين ده قال ...

Post: #167
Title: Re: عاصم البنا...بان بيننا ..رحبوا به
Author: ASIM AL BANNA
Date: 19-10-2006, 08:47 PM
Parent: #165

العزيز ادريس الما مسكين .... اولا شكرا يارجل يا رائع على كل ماقلت وعلى نصحك المشجع ... واسمح لى ان ابدى لك بعد معالم الفكرة كى تبحث فيها معى ... نحن لا ننكر افريقيتنا الغالبة على العروبة ولكنى ارتدى عمامة وجلباب عربى . ويظل السؤال قائم من اقتصر الغناء على نغمات معينة ؟؟؟ من الذى يحكم هل العادات والتقاليد تتحكم فى الفنون ... هل ارتباط الفنان اى كان شاعر او ملحن او رسام او غيرهم محدد بخط جغرافى معين كى يقدم اعماله فيه .... يا اخى انا ادعو الى الاحدوديه فى الغناء مع مراعاة الادب واحترام الذات فى كل شىء ليس الغناء فحسب ... ولكن الخروج عن اطار المالوف يسمى خلق ... والفنان لابد ان يكون خلاقا يبتدع فيبدع ... والاخوة العرب الان اتجهو نحو الخماسى كما هو معلوم للجميع ... فما العيب الذى يدعنا نختشى من تقديم نمازج سباعية ... هل هو الشعور بالدونية كما ذكر لى استاذى الدكتور الماحى سليمان ام العقده ... هل كان العرب معقدون حينما استعملوا الخماسى ... احتفظ بكل حقوقى فى الخماسى حتى الموت واتغنا به فى كل لحظة وحين ولكنى لا ارى عيبا فى التغنى بالسباعى ان استطعت ... ولكل مقام مقال ....

اخى ادريس اكرر شكرى وحبذا ان تفتح لنا صدرك وتناقش هذه القضية المهمة التى طال الزمن ام قصر اوكد لك انها الحل الامثل كى يفهم مانقول ... وانى توصلت لهذه القناعة بعد سنين واسئلة لمطربين عرب منهم الاستاذ عبدالمجيد عبدالله.. الذى علق لى على معوقات الاغنية السودانية التى اصبحت من افقر الاغانى العالمية صناعة واجودها كلمات ...

مع احترامى لشخصك الكريم

Post: #168
Title: Re: عاصم البنا...بان بيننا ..رحبوا به
Author: هشام هباني
Date: 19-10-2006, 11:33 PM
Parent: #167

اهلا بعاصم البنا رافدا من روافد نيل ابداع ال البناء الدفاق
وعطرا يضمخ ثنايا هذا البيت الوطن ...حبابك بليون يا عاصم!!
( عشان عشرة بقت رخيصة مع التضخم ده)!!
وشكرا للجميل سعادتو ود المرتضي.. وهو يسعي لتوطين الابداع
في هذا الفضاء من خلال تقديمه هذه الباقات من المبدعين.

وكل العام وانتم بخير

هباني

Post: #170
Title: Re: عاصم البنا...بان بيننا ..رحبوا به
Author: محمد المرتضى حامد
Date: 20-10-2006, 04:34 PM
Parent: #168

Quote: اهلا بعاصم البنا رافدا من روافد نيل ابداع ال البنا الدفاق
وعطرا يضمخ ثنايا هذا البيت الوطن ...حبابك بليون يا عاصم!!
( عشان عشرة بقت رخيصة مع التضخم ده)!!


أبونضال
انت كنت وين جاييني آخر الليل ونحن بنلملم في الكراسي؟
كيفك ياخي في تكساس العجيبه.
صاحبك عادل سمير طبق الباسوورد في جيبو ونام.
وصاحبك اللي معانا يبلغك التحايا ومازال على ضحكته الشهيرة تلك.
تحياتي للأسره الكريمه وكل سنه وانت طيب.

Post: #169
Title: Re: عاصم البنا...بان بيننا ..رحبوا به
Author: مهدى الصادق السيد
Date: 20-10-2006, 04:31 PM
Parent: #1

الف مرحب بيك اقدل بى مهل انثر ابداعك ورينا فنونك خاصة ما لم يسمعه منك الاخرون
عمنا احمد البدوى قال عاصم دا عندو غنا خاص جدا ورائع شديد اتمنى ان نسمعه حاولت
ان اسرق منه بعض الاشرطة خاصة التى سجلت فى اسمراء . لك التحية وعبرك التحية للفرجونى
المسكون بالابداع . وتحية اخرى لصاحب البوست

Post: #171
Title: Re: عاصم البنا...بان بيننا ..رحبوا به
Author: ASIM AL BANNA
Date: 20-10-2006, 06:36 PM
Parent: #1

الاخوة هبانى
ومهدى
الاكارم

جزيل شكرى وتقديرى لكم واحترامى وربنا يقدرنا على هذه الثقة الكبيرة واتمنى ان اكون عند حسن ظن الجميع

لكم تقديرى

Post: #172
Title: Re: عاصم البنا...بان بيننا ..رحبوا به
Author: nazar hussien
Date: 21-10-2006, 02:22 AM
Parent: #171

Quote: نحن لا ننكر افريقيتنا الغالبة على العروبة ولكنى ارتدى عمامة وجلباب عربى . ويظل السؤال قائم من اقتصر الغناء على نغمات معينة ؟؟؟ من الذى يحكم هل العادات والتقاليد تتحكم فى الفنون ... هل ارتباط الفنان اى كان شاعر او ملحن او رسام او غيرهم محدد بخط جغرافى معين كى يقدم اعماله فيه .... يا اخى انا ادعو الى الاحدوديه فى الغناء مع مراعاة الادب واحترام الذات فى كل شىء ليس الغناء فحسب ... ولكن الخروج عن اطار المالوف يسمى خلق ... والفنان لابد ان يكون خلاقا يبتدع فيبدع ... والاخوة العرب الان اتجهو نحو الخماسى كما هو معلوم للجميع ... فما العيب الذى يدعنا نختشى من تقديم نمازج سباعية ... هل هو الشعور بالدونية كما ذكر لى استاذى الدكتور الماحى سليمان ام العقده ... هل كان العرب معقدون حينما استعملوا الخماسى ... احتفظ بكل حقوقى فى الخماسى حتى الموت واتغنا به فى كل لحظة وحين ولكنى لا ارى عيبا فى التغنى بالسباعى ان استطعت ... ولكل مقام مقال ....


يا ود البنا...الكلام السمح دا بدفقوه هنا ساكت كدي...يا زول دا كلام يفتح بورد
كامل قدر بورد بكري دا...

أفتح بيه بوست للنقاش...اصلوالدنيا دي اتملت قدورات....عشان سنة الفين وخمسين ...
الانترنت يقول عمنا عاصم ربنا يطول في عمرو...كيت وكيت وكيت....


فالانترنت دا سر قدور كبير...

Post: #173
Title: Re: عاصم البنا...بان بيننا ..رحبوا به
Author: محمد المرتضى حامد
Date: 22-10-2006, 12:31 PM
Parent: #172

الأخ نزار
كل سنه وانت طيب
زولك ده بس انتظرو يغني عصفور حط على قلبي وبعدين بتشوف.

عاصم
والله انت مع المنبر ده ماظنيتك حاتكمل العصفور حتى لو بقيت (حاوي)
عارف حانكمل رمضان هنا بكره والعيد يوم الثلاثاء؟

Post: #174
Title: Re: عاصم البنا...بان بيننا ..رحبوا به
Author: ASIM AL BANNA
Date: 22-10-2006, 03:32 PM
Parent: #1

كل عام وانتم بخير

وربنا يحقق الامنيات للجميع

والعفو والعافية

Post: #175
Title: Re: عاصم البنا...بان بيننا ..رحبوا به
Author: غادة عبدالعزيز خالد
Date: 22-10-2006, 03:46 PM
Parent: #174

اخي عاصم
مرحبا بك بيننا
و كل عام انتم بخير

غادة

Post: #176
Title: Re: عاصم البنا...بان بيننا ..رحبوا به
Author: إدريس محمد إبراهيم
Date: 22-10-2006, 05:47 PM
Parent: #175

أحبائي والله عاصم الحزين ده بيقول كلام عضم .. وكما كان يفعل البطل كيجاب (الله يطراه بالخير) يسبح عكس التيار ليتلقف غريقاُ في الرمق الأخير .. الأبطال وحدهم يقومون بذلك .. دعونا نحاول كما يفعل الخلص إيقاد شمعة بدلاً من أن نجلس عمرنا كله نلعن في الظلام .. رجاء مناقشة هذا الأمر على كل المستويات ، وأعرف تماما أن حوش بكري حاجه كده زي منافسات الزهور في هولندا يحتوي على أساتذه ومتخصصين وقامات عاليه عاليه (علي رأي أستاذ الأجيال السر قدور) أتضاءل بصدق وليس تقمصاً للتواضع أو استجداء المدح أمامها .. وأصلاً أنا ما محتاج لذلك .. فأرجو من الأحباب أن يدلوا برأيهم مع الترحيب بمبدعنا عاصم في هذا الموضوع (العضم) لآنه أجدى .. وعاصم راجل كما أشارت دكتوره رشا عارف الناس بتحبو وعندو قاعده تتنامي يومياً .. مثلا يا عاصم أنا أغرورقت عيناي بالدموع وأنت تهب واقفاً كالملدوغ في مبادرة أصيلة بالفضائة السودانية عندما بدأ أخوناالمبدع الخلوق عصام محمد نور يغني رائعة قدور والكاشف (أنا أفريقي أنا سوداني) .. فالرجال مواقف وأنا تقتلني انبهاراً مثل هذه المواقف الجميلة ..

Quote: اخى ادريس اكرر شكرى وحبذا ان تفتح لنا صدرك وتناقش هذه القضية المهمة التى طال الزمن ام قصر اوكد لك انها الحل الامثل كى يفهم مانقول ... وانى توصلت لهذه القناعة بعد سنين واسئلة لمطربين عرب منهم الاستاذ عبدالمجيد عبدالله.. الذى علق لى على معوقات الاغنية السودانية التى اصبحت من افقر الاغانى العالمية صناعة واجودها كلمات ...


دعني أعلق على هذه الجزيئية الهامه عاصم الحبيب واسمح لي أن أختلف معك قليلاً رغم اقتناعي التام بمحاولتك الجرئية المتفردة .. مشكلة الأغنية السودانية .. كما هي مشكلة الكثير من نواحي الإبداع في بلادي ليست الخماسي ولا أي من السلالم الموسقية التي أجهل عنها الكثير .. أتحدى العالم وكلي ثقة أن يمتلك شعب وعلى مر الحقب التاريخيه هذه الكنوز المتنوعة والغزيرة من الإبداع لو استثنينا الحضارة اليونانية ويمكن أن تنافسنا الفينيقية .. واقرأوا التاريخ ..نحن قوم لا نعرف قدر أنفسنا .. مشكلتنا يا جماعه، ودعوني أضر لذلك مثالاً في مجال الشعر، وكلكم يحفظ ماذا قال نزاز عن الشعب السوداني وشاعريته .. والكل يشهد بذلك كما أشار عاصم لقول الفنان السعودي والي أقدره كثيراً عبد المجيد عبد الله مثلاً .. أن السوداني شاعر بطبعه ... إن لم يحاول قول الشعر فأنه يجيد تذوقه .. ولقد منح الله الكثير منه مقدرة ترجمة هذه المشاعر الى لوحات جميلة من الكلام المنظوم ...

أتحدي مثلاً ..أن يحاول أي شاعر معاصر أن يجاري قول مبدعنا سند مثلاً :
يا صندل الليل المضاء ...
أفرش قميص الشوق حين تطل سيدة النساء ..
إلى أن يصدح :
لو زندك احتمل الندي
لوهبت زندك ما تشاء
(ثوباً من العشب الطري ..
وإبرتين من العبير ..
وخيط ماء ...

ييييييييييياه يا سند ...

أو قول محمد المكي إبراهيم :
أواه يا خلاسيه ..
يا حانة بالرمل مكسيه ..
يا نصف عربيه ...
ونصف زنجيه
......
.......

وبعض كلماتي أمام الله ...
بعض الرحيق أنا والبرتقالة أنت..

من اشتراك اشترى روح القرنفل من أنفاس أمسيه ...
.......
......
من اشتراك اشتراني يا خلاسيه ...
الى آخر هذا السرد الملائكي المموسق بضوع الابداع الخرافي ..


وليس مجاملة لك .. ولكني أكاد أن أجزم(ولو غلطان صلحوني يا جماعه ما كعب) إن جدك أو الشاعر الفحل أحمد محمد صالح هو القائل :
رفاق الضيف أنا حلّ هبوا
لهم للضيف ضم والتزام ...
إذا نحروا العشارى مودعات ...
فلا من بذاك ولا كلام ..

مشكلتنا بصراحه شديدة تتلخص في كلمة من خمسة أحرف (إعلام) ....
إعلامنا الضعيف جداً أضاع الكثير من ثرواتنا الإبداعية ... وجعلني وأنا المتشوعر منذ رابعه ابتدائي مثلاً ... والحمد لله نشرت كلماتي الخجلي في كبريات الصحف العربية حول العالم .. وأنا ومنذ زمن سحيق أحمل معي شريط (أنا أفريقي أنا سوداني) بصوت خالد محجوب (الصحافه) وبالمناسبة دي الراجل ده لو عند ليهو آخر تلفون ارسله لي بالماسينجر، ويظهر إتكم مستهدفون كثيراً من المعجبين فتضطرون لتغيير هواتفكم ... ما علينا .. فأنا أقوم مثلاً وعن عمد بتعلية صوت مسجل السياره متباهياً عند الإشارات الضوئية في بلاد الغربة التي تتحدث العربيه .. ليسمع . أنا بلدي ....
هذا الإعلام وربما جهلي المخجل تخيلوا جعلني أكتشف فقط ومن خلال تلك الحلقة التي أشرت إليها أن السر قدور هو شاعر هذه الملحمة وقد خطها في أمسية واحده ... الإعلام ثم الإعلام ثم الإعلام ...ويا عاصم أنا عرفتك أكثر بعد دخولك لهذا الحوش الجميل وبالمناسبة يسلم عليك صديقنا الشاعر يوسف حمد النيل البوردابي المعتق (أبو وجيده) وقد حكي لي بعد أن قلت له والله أنا ما كنت عارف الزول ده قدر كدي .. فقال ومعليش يا عاصم لنشر ذلك أن هذا الرجل أعرفه منذ أن كنت أن أكتب في الكراريس .. وهو أول من أضاع لي كراسة شعر نظراً لشقاوتنا وحبنا المشترك لهذا الهوس ..
شفت كيف يا عاصم ... معليش طولت عليكم .. ولكن هذا هو ما أرى والرهيفه التنقد ..

Post: #177
Title: Re: عاصم البنا...بان بيننا ..رحبوا به
Author: ASIM AL BANNA
Date: 22-10-2006, 08:26 PM
Parent: #175

شكرا اختى العزيزة غادة

وكل عام وانتم بخير اعاده الله علينا وعليكم بالصحة والعفية

والتحية للوالد العزيز

Post: #187
Title: Re: عاصم البنا...بان بيننا ..رحبوا به
Author: محمد المرتضى حامد
Date: 27-10-2006, 12:37 PM
Parent: #177

الأخت غاده
شكرا للزياره والترحيب

Post: #178
Title: Re: عاصم البنا...بان بيننا ..رحبوا به
Author: ASIM AL BANNA
Date: 22-10-2006, 09:05 PM
Parent: #1

اخى ادريس لك التحية وشكرا على كل ماجئت به .. لقد علقت بوست اسمه الى من يهمه الامر ... ارجو ان اراك فيه لانك الامر نفسه ...


واضيف اليك شيئا من غابة الابنوس ... هل تعتقد مجنون ليلى استطاع رغم كثرة قوافيه ...

احبك حبا اذل فؤادى واعمى البصيرة
حب الذى يشتهيك بعين بصيرة وايد قصيرة
احبك حبين
حب المشرد فى حبه دون ماوى وزاد
وحب الذى فى سبيل رسالته قبل الاضطهاد

صلاح احمد ابرهيم

ايما شعر هذا .. ايما جنون هذا ... يا ادريس ... تفانى امثال صلاح احمد ابرهيم لتضيء لنا شموع الحب ومعنانى الجمال طريقنا ...
يا اخى ... نحن جيل تعلمنا ماليس متاحا لمن سبقنا تعلمع ... ولكن جلباب ابى يشدنى احتراما واجلالا لمفاهيم سائدة فى مجتمعنا .. وودت بناء اساس مدرسة جديدة حتى وان كان الثمن التضحية بالقبول الحالى ان جاز لى التعبير ... والهدف اخراج راس النعامة من الرمل ... واصيح بملء الفم كلما سمحت لى الفرصة انا افريقى انا عربى انا سودانى والرهيفة التشرط مش تنقد..
ولى مجهودات مع اخوة مبدعين من كبار الملحنين والشعراء ... ويفينى أن امتلك اول نصين الاول منهم للعم الفرجونى وهو العصفور تجد مطلعة اعلاه .. وقد فزت بمباركة استاذى عبدالكريم الكابلى الذى شجعنى واهدانى قصيدته التفاحة وبالفعل بدات فى تلحينها ...
ذكروا فيما روت الانباء
أن التفاحة اصل الداء
جعلت هابيل وقابيل اول اخوين من الاعداء

ويشاركنى فى الضبط الموسيقى والاكاديمى استاذى عبداللطيف خضر (ودالحاوى) كما اتطلع الى اشراك الاستاذ يوسف الموصلى قريبا نشاء الله...
ولايفوتك انى لازلت مع ساعى البريد وناس الحله ولون الدهب داخل السودان الجميل ....
ملحوظة للجميع:
تطور الغناء فى السودان خلال المءة عام الماضية كالاتى
مديح ،الدوبيت ، كرير (حوم بى)، بداية الحقية .. الالحان المتطورة فى الحقبة ، الغناء الحديث .. مطلع الاربعينات . وقف متعمد

كل المجهودات الاحقة كانت فردية لم تشمل تغير اسلوب الغناء كاى من المراحل التى ذكرت ... لابد من تحويلة محولجى جديد ... الحقيبة كانت الحانها دائرية فى الاول .. ثم ادرك الملحنون رتابة الالحان فتقدموا الى المام ولذا قسمتها الى نصفين ... لابد من جانب اخر جديد يوازى مانحن عليه الان لصعوبة التحويل المفاجىء ..
توجد تجارب سابقة للاساتذة المرحوم العاقب محمد الحسن ... والجابرى ... وترانى ارى الاستاذ شرحبيل احمد قدم تجربة فنية واحده على ما اعتقد اطلعنى عليها اخى احمد هاشم فى مسقط ..

ولا اطيل عليكم لابد من رابطه مجدده تنشأ على اساس صلب تقدم نوع معرب من الغناء السودانى .. ويمكنك ان ترى مدى شهرة الشعراء الغنائيين بالمقارنة مع شاعر الفصحى ... صديق مدثر .. ومحمد الامين الحاج .. وروضه الحاج وغيرهم الكثيرين من ابدع فى مجال الكلم ولكن من يغنى وكيف يغنى لا وجود لاذان تتحمل ولو للحظة للاغنية الهادفة بغض النظر عن نوعية اللغة ... ومتجهون دوما نحو راجل المرا ... ليس الكل اى نعم ولكن البصلة بتعفن الشوال

ودمتم

Post: #182
Title: Re: عاصم البنا...بان بيننا ..رحبوا به
Author: اسامة كمال الخولي
Date: 25-10-2006, 06:58 AM
Parent: #178

كل عام وانت بخير

فقد هل الهلال هذا العام مرتين

التحية لك ايها المرتضى ، فقد ادرجت الى بورصة سودانيزاونلاين احد المناجم التي تتلالأ ضياء كلما اصبح صبح الجمال والوفاء ويرتفع سهمها كلما قاربت شارات الاغلاق.

صوت حنون دافئ تحس وكأنك تعرفه منذ قرون بعيدة ، شرف هاتفي عندما اتصل بي الاخ عاصم معتذراَ عن قبول دعوتي للاحتفاء به في منزلي بالدوحة تكريماً له وتقديراً لامثاله الشامخين ، فقد حضر الاخ عاصم الى الدوحة في زيارة خاطفة لاحياء حفل زواج بالدوحة وكانت لديه ارتباطات اخرى بالخرطوم ، لكنه وعد بزيارتنا عند قدومه الدوحة متى ما سمحت الظروف ، ومنذ ذلك الوقت تجدنا تواقين تنربص حلول ذلك القمر الساطع ونتوسل لتلك الظروف ان تجيب نداءنا، وبالطبع ما دام النية واصلة سوف يتحقق قانون الجاذبية وتجد نفسك يوماً ما منجذباالى دوحة الجميع باذن الله ومشيئته، لا اود الاطالة فوعد الحر دين عليه فلنا لقاء مرتقب .

فهلموا جميعاَ للترحيب بود القبائل وهذه الهامة العالية ، والتحية والود مني للاسرة الكريمة وبصفة خاصة للاخ الحبيب الامين من اصدقائه بحلفاية الملوك

مع مودتي وحبي لكم جميعاً




Post: #179
Title: Re: عاصم البنا...بان بيننا ..رحبوا به
Author: Dr.Ahmed Boasch
Date: 23-10-2006, 00:56 AM
Parent: #1

ألف مرحب بالفنان المرهف عاصم البنا وان شاء الله يطيب المقام ويعطر المنبر بدفء صوته الطروب
مرحب بيك في بيتك

احمد بوش

Post: #180
Title: Re: عاصم البنا...بان بيننا ..رحبوا به
Author: خالد علي محجوب المنسي
Date: 23-10-2006, 01:09 PM
Parent: #179

الزين اب حالاً زين وبسوي الزين الفاضل العزيز محمد المرتضى
كل سنة وانت طيب وتقبل الله منا ومنكم صالح الأعمال والسنة الجاية ان شاء الله كلكم يا سودانيين جامعين في بلدكم ومعيدين بين اهلكم الحلوين ومطعمين كعك ناعم ونعمية
تعقيبك اعجبني وشدني واقنعني أنا طبعا عشت وترعرت بين ربوع شندي وود البنا والناس ديل جيران واصبحو اهل تعودت اذني على سماع اشعار وغناء منهم كان طعم الأغنية الأخيرة للفنان الشاعر الكبير غير الطعم الذي تعودنا عليه منه لذا كان تعليقي, المهم يا سيدي كلامك حلو بالحيل وبشد الحيل واتمنى ان اسمعها كما وصفتها وشوقتني لسماعها
لك منى الشكر والتقدير مثنى وثلاث ورباع وممكن نتخطى الشرع ونقول خماس
خالد

Post: #181
Title: Re: عاصم البنا...بان بيننا ..رحبوا به
Author: الطيب شيقوق
Date: 25-10-2006, 04:45 AM
Parent: #180

المرتضى يا اخوى العيد مبارك عليك

عندما كان عاصم يتغنى باغنية ام درمان في نادي الجالية السودانية بمسقط كنت انا جالسا بالقرب من الاستاذ كمال قرشى و الباشمهندس عمارة (شيخ العرب) .

عاصم سخن الغنوة والشجن تغلغل جوة اولاد ام درمان وطلعوا طوالى يعرضوا بالعصى . عمارة وكمال عاينو لى قالوا لى الطيب يا اخوى نحن الناس البيعرضوا ديل كلهم بنعرفهم حق المعرفة واحد فيهم عندو بيت مبني في ام درمان مافي مرابيع فاضية وكمان في صالحة وود البخيت والحتانة ومرزوق وانت يا الطيب اخوى باني عدييييييييييل وساكن باولادك دحين قوم اعرض ساى انت اولى منهم بالعرضة .


كل عام وانت بالف خير

Post: #183
Title: Re: عاصم البنا...بان بيننا ..رحبوا به
Author: محمد المرتضى حامد
Date: 26-10-2006, 03:30 AM
Parent: #181

أسامه كمال الخولي
سلامي وتحاياي وكل سنه وانت طيب
بالفعل وعد الحر دين عليه
سامع ياعاصم

Post: #184
Title: Re: عاصم البنا...بان بيننا ..رحبوا به
Author: محمد المرتضى حامد
Date: 26-10-2006, 03:34 AM
Parent: #183

د. أحمد بوش
شكرا للزيارة والترحيب والسنه دي والجايه وانت بألف عافيه.

Post: #188
Title: Re: عاصم البنا...بان بيننا ..رحبوا به
Author: محمد المرتضى حامد
Date: 28-10-2006, 06:50 AM
Parent: #181

Quote: عمارة وكمال عاينو لى قالوا لى الطيب يا اخوى نحن الناس البيعرضوا ديل كلهم بنعرفهم حق المعرفة واحد فيهم عندو بيت مبني في ام درمان مافي


يا الطيب .. كيفك،
أمدرمان ثقافه ما بيوت ، هذا من ناحيه ومن ناحية تانيه الجماعه البيعرضوا ديل ويرقصوا صقريه وعاملين أمدرمانيين الزيهم كتار ، مش شايف في ناس بيعرضوا ساكت وفي الواقع ماعندهم علاقه بأي شى؟

Post: #185
Title: Re: عاصم البنا...بان بيننا ..رحبوا به
Author: ASIM AL BANNA
Date: 26-10-2006, 06:27 PM
Parent: #1

اسامه واحمد وخالد والطيب ومرتضى

ليكم التحية ياحبايبنا والسنة دى يمكن يكون فيها عيدين باقى نحن عندنا فقه بنحسب كويس وانتو طيبين ...

ياناس الدوحة ياحلوين ياحلوين جدا وعدى قائم معاكم وتحت امركم فى اى لحظة بس ربنا يدى العافية للجميع

الطيب كان شفته احمد العبيد داير يلفخنى بالعكاز ... بالله ده كلام ده ... العربى داير العرضه ولا يشاكل

خالد بلبل الاغضان غنى بى ذكراك وبالنويح اوصانى ... ياراجل ما كفاك خواجات اتلم على اهلك الدنيا معدا والمعيشه مشارع جاياك طلبتها ليك. ... قاليهو ما دوامه ياتمام كيوف الشارع اصلو الدنيا معدا والمعيشه مشارع ... ده المطلع

مرتضى كنت مسميك اب ضراع ... حانسميك ابصداع ..... انشاء الله خفيت والعاقية درت ..

شكرا يا اسامه على التحية والله يديك العافية .... والله احلى منها مافى


معليش يا اخوان الغيبة طولت

لكن الدنيا عيد .... والمعايش جباره يا ابو اكرم ... عمر فاتح خشمه

Post: #186
Title: Re: عاصم البنا...بان بيننا ..رحبوا به
Author: الطيب شيقوق
Date: 26-10-2006, 11:53 PM
Parent: #185

Quote: الطيب كان شفته احمد العبيد داير يلفخنى بالعكاز ... بالله ده كلام ده ... العربى داير العرضه ولا يشاكل


عاصم العيد مبارك عليك

ود العبيد شغال في عمان 30 سنة يا عاصم اخوى وعنده حقوق ما بعد الخدمة بالهبل . اكان مبسوط يضرب فيها صباح ومساء وعايز يرحل من امدرمان ويبنى في الرياض . اها ياخى الدولار بدأ يتلولح ويتلولح وود العبيد حقوقه بقت تتلولح مع لولاح الدولار وقت الدولار وصل الحال العليها قال انا باقى في امدرماني دى ساى ما برحل منها والدولار ده اكان مشى في الماش فيها دى بيرجعنا اهلنا سمان وعراية .

مودتى

Post: #189
Title: عاصم البنا
Author: شادية الطيب
Date: 29-10-2006, 01:16 AM
Parent: #1

عاصم البنا فنان رائع بروعة نيلنا ومدننا وقرانا وبوادينا
عاصم اصالة نادرة في زمن كله زيف
عاصم صوت من اعماقنا صادر ولي قلوبنا متوجه شايل الفرح والبهجة والألق
اتمنى حضور حفلات قادمة للفنان الرائع واقترح عليه زيارة الدوحة قريبا
لك معجبون كثر هنا يا عاصم فلا تحرمنا صوتك الجميل

Post: #191
Title: Re: عاصم البنا
Author: ASIM AL BANNA
Date: 29-10-2006, 05:18 PM
Parent: #189

الاخت شادية لك احترامى وفائق تقدير وجزيل شكرى على اطرائك الجميل

ولعلى احيى من خلالك جميع الاهل والحبان فى مدينة الدوحة التى صارت بهم دوحة

واعدك ان مد الله فى الاجال لازوركم مرة ثانية وبالفعل بدأت فى ترتيب زيارة عمل مع الاستاذ عبدللطيف خضر .. ود الحاوى

وانشاء الله ربنا يتمها نلقاكم بالف خير

اكرر شكرى واعزازى

Post: #190
Title: عاصم البنا
Author: شادية الطيب
Date: 29-10-2006, 01:18 AM
Parent: #1

عاصم البنا فنان رائع بروعة نيلنا ومدننا وقرانا وبوادينا
عاصم اصالة نادرة في زمن كله زيف
عاصم صوت من اعماقنا صادر ولي قلوبنا متوجه شايل الفرح والبهجة والألق
اتمنى حضور حفلات قادمة للفنان الرائع واقترح عليه زيارة الدوحة قريبا
لك معجبون كثر هنا يا عاصم فلا تحرمنا صوتك الجميل

Post: #192
Title: Re: عاصم البنا...بان بيننا ..رحبوا به
Author: Mayada
Date: 29-10-2006, 06:53 PM
Parent: #1


الزميل عاصم...

حبابك دشليومية...

وأتمنى ان يطيب لك المقام...



ست البنيـــــــــــات


Post: #193
Title: Re: عاصم البنا...بان بيننا ..رحبوا به
Author: محمد المرتضى حامد
Date: 30-10-2006, 03:40 PM
Parent: #192

يامياده
Quote: حبابك دشليومية...

دي فيها كم صفر؟
شكرا على الترحيب

Post: #194
Title: Re: عاصم البنا...بان بيننا ..رحبوا به
Author: ASIM AL BANNA
Date: 30-10-2006, 04:34 PM
Parent: #193

Quote: دي فيها كم صفر؟


مياده كلو سنه وانت طيبه

العيد مبارك عليك ... وحبابك خورطمية

ممنوع التحويل الى دينار