أسامة خلف الله.... رجل اخر من زمن الحب...فلنرحب به

أسامة خلف الله
رجل اخر من زمن الحب- تماما مثل كوستا و عبد الاله أبوسن -
ألتقيناه فى الزمن الجميل- لما الباسطة كانت تباع بالمتر و الشهر كان ستين صباح -
و الجملة الأعتراضية السابقة صنعت خصيصا لمولانا هاشم نوريت الذى سألنى فى يوست الترحيب بالأخ عبد الاله أبوسن عن زمن الحب ده كان متين؟؟
كان أسامة من الشباب النشط فى العمل الوطنى و الطلابى...فى العهد الذى أنهى أحتكار الكيزان للأتحاد فى مصر...و تبؤ العديد من المناصب فى الأتحاد الفرعى بالقاهرة و الاتحاد
العام للطلاب السودانين بمصر...
و هو لا يزال يمارس نشاطه السياسى و هو من قيادات الأتحاديين فى الولايات المتحدة...و من قيادت المأسوف على شبابه التجمع الوطنى الديمقراطى
أيضا له اسهامات عديدة نشرت على موقع سودانيز أون لاين
و أسامة خلف الله....هذا الشقيق الرائع....يوجوده بيننا يزداد عدد الأشقاء بالمنبر...
و احتمال كبير نقلبا....
و انتظروا البيان رقم واحد...
مرحبا بك أبوعمار
تفضل بالدخول

يشرفني أن أكون أول المرحبين بأخي وشقيقي اسامة خلف الله .. أتفق مع اسامة في المبدأ وأختلف معه في آليات التطبيق ... رغم ذلك أكن له عاطر الود وأذدانت SUDANESEONLINE بوجودك ...

دمت يا بن عمي
أحمد

القردابى

لك التحيات النواضر

مرحبآ بالاخ اسامة خلف الله
و هو رجل من زمن الحب كما ذكرت
و نتمنى ان يتحفنا بالحب ... و بالذى مضى .

الأخ الغالى كوستا

سلام من حد بلدنا هناك
لحد البلد بالطول
سلاما بالمسك معطور
سلام لا يقل ولا يكمل

لك كل الشكر على إستقبالك لى على عتبات المنتدى

أخى الغالى بكرى

سعيد جدا أنا بترحيبك بى ومعرفتك الشخصية شىء أعتز به ، فلقد إلتقينا فى زمن اللاستقرار بنيويورك وكنت أنت دائما تبحث عن مجالات غير تقليدية ورفضت أن تكون من المقلدين ومن المكتفين بمجالات تؤدى الى طريق مسدود، فالابداع كان وما زال من سماتك وها أنت ذا تلجق بركب رواد الصحافة الإلكترونية ، وانا أخترق مجال جديد كنت أنت صاحب الفضل والتوجيه فية.

وأشكرك أخيرأ على خلق منبر للراى والرأى الأخر لكى يتعلم الكل أدب الخلاف من دون إفساد الود.فهذا ما ينقصنا إذا كنا صادقين فى العيش فى وطن خيّر ديمقراطى .

أخى العزيز أحمد

لى عظيم الشرف بقبول ترحيبكم لى على صفحات سودانايل الناصعة المعطرة بأريج الحرية وعلى رأسها تأج إختلاف الرأى لايعكر صفاء الود المتبادل

أنا يا أخى العزيز لا أومن بنظرية التغيير من الداخل التى أشرت إليها بأنها إختلاف فى التطبيق. أنا لن أرتاد مجالس الشرعية المزورة فى حزبنا العملاق ولن أنافق فى ذلك. الانفاس معدودة يا أحمد والعمر قصير وضياع الوقت فى المنطقة الوسطى ما بين الجنة والنار موقف ضعيف. وطعم الموت فى شىء عظيم ليس طعمه فى شىء حقير.

أخى العزيز القادرابى
أتشرف كثيرا بتقديمك لى وأعتز كثيرا بأخوتك الصادقة
أحاول أن أجد ظلٌ من لفح سموم الغربة فاجد فى سودانيز أون لاين ضارتى

أحاولُ رسْمَ بلادٍ...
لها برلمانٌ من الياسَمينْ.
وشعبٌ رقيق من الياسَمينْ.
تنامُ حمائمُها فوق رأسي.
وتبكي مآذنُها في عيوني.
أحاول رسم بلادٍ تكون صديقةَ شِعْري.
ولا تتدخلُ بيني وبين ظُنوني.
ولا يتجولُ فيها العساكرُ فوق جبيني.
أحاولُ رسْمَ بلادٍ...
تُكافئني إن كتبتُ قصيدةَ شِعْرٍ
وتصفَحُ عني ، إذا فاض نهرُ جنوني

أخى القادرابى
أخاف كثيرأ من كلمة الإنقلابات..واتمنى أن لا يكون التحول المنشود نتيجة ذلك...أيه رأيك أخير مما نقلبا...نعدلا

الأخ أسامة خلف الله مرحبا بك وإقامة طيب..
شدني الإسم أولاً وحقيقة إن كان أسامة خلف الله هو نفسه أسامة شقيق لاعب العباسية السابق هشام خلف الله والصحفي أحمد خلف الله فيا محاسن الصدف فقد جمعتني بهذه الأسرة الكريمة روابط صداقة متينة إمتدت حتى الوصول لمناطقهم بالقرير في زيارة مع صديقي هيثم محمد احمد وتعرفت عليهم عن قرب ..
مرحب بك أخ أسامة سواء كنت أسامةا الذي أعني أو لم يكن !!!!!

ألأخ العزيز عمر الفاروق

تجمعنى بالأخ هشام خلف الله باتلانتا صداقة قديمه أيام الدولار كان بدولارين .أعتز كثيرا بترحيبك وأتمنى أن أكون فاروقا فى كتاباتى وعمراٍ فى جرأتى

العزيز / اسامة

نورت المنبر . ومرحب بيك كتير

Quote: مكان الميلاد فى السودان: المايقوما (حد يعرف وين المايقوما؟)

اها ايميلي في البروفايل

وللعزيز القرضابي الف تحية ..

أخى العزيز
ودالمايقوما

شكرا جزيلا على ترحيبك بشخصى الضعيف والحمد لله لقيت لى زول من ناس المايقوما . ايه رايك نكون رابطة أبناء المايقوما وندعى التهميش وبضياع حققوقنا ثم نذهب الى عتبات الكونجرس الأمريكى ونتسؤل للدعم... ونبلس البدل الفاخرة ...ونظهر أمام كاميرت الإعلاميين بوجوه صارمة ...ثم نشترى سلاحا بما يأتينا من بعض المنظمات المشبوهة..وأخيرا نسمى هذه الرابطة (ذات التوجه الجهوى المحدود) بحركة تحرير الوطن. أيه رأيك؟

الشقيق الرفيع / اسامة خلف الله

مليون مرحب بقدومك في هذا المنبر ... و الكل موعود بكتاباتك ومشاركاتك

فلاتبخل ....

مرحبا بالشقيق اسامة خلف الله

مرحب بالاخ اسامة خلف الله ولو بتزكر التقينا مع بعض فى كنكتكآ كان جيت مع الاخ والصديق عاصم ابوشام من ميامى فى زيارة للاخ بكرى ابوحراز ومن بعد زهبنا معك لى شقتك فى ضاحية كوينز فى نيويورك ولا زلت ازكر خفشاتك الظريفة وايضآ متابعين لكتاباتك الثرة فى سودانايل فمرحب بك فى المنبر لمزيد من اثراء النقاش.

سيف الدين محمد جبريل

ألأخ العزيز سيف الدين

ذاكرتك ماشاء الله عليها، فى قريتنا بريفى بشندى وبعد دخول الكهربه مباشرة كان لمن يجينا ضيف كانوا بسألوه (نديك حاجة باردة ول نفتح ليك النور). فيا ريت ذاكرتك الحديدية تسعفك وتتذكر أنا عملت ياتو واحدة.

إستقبالك لى فى منبر الباحثين عن وطن حقيقى، شىء أعتز به كتيرا، جزيت خيرا ,واتمنى أن أكون قدر إمنياتك. لك الود، أسامة

إذا كان من يبتاع القضية بيننا
نقتات ما نقتاته.........
فقل لى بالأمس ثرنا ضد من؟

أخى العزيز متوكل

كنت أنت وكانت دنفر ..وكانت شعلة التغيير....وأريتها لا تنطفى..فانت حامل هذه الشعلة وعليك ومنك العشم

أخى العزيز جمال

أعدك بأنى حاكون حاتم الطائى فى ردودى بس خايف من الإدمان ووجع العيون.الإختيار مهم فى المواضيع وإلا .....الواحد حايصحى ويلاقى نفسه مع دكتور العيون. شكرا ليك كتير واتمنى أن أكون عند حسن ظنك.

wlcome brother

welcome brother

دكتور سعيد

قدرك عالى قدرك...... يا سامى المقام ، أعتز كثيرا بترحيبك

اسامه خلف الله .... هل احلم !!!!! و شده ما فرحانه ما قادره اسلم عليك

اذا عرفتني ح اكون اسعد زول... و الكلام بعدين ..!!!!!

تحياتي للجميع..

العزيزة سكرتيرة زراعة عين شمس

شاءت الأقدار، يا سيدتي،
أن نلتقي في الكليه!!..
حيث تمتد السماوات خطوطا أفقيه
والنباتات، خطوطا أفقيه..
والكتابات، الديانات، المواويل، عروض الشعر،
والأنهار، والأفكار، والأشجار،
والأيام، والساعات،
تجري في خطوط أفقيه..


صدقتى ول أحلف لك إنى عرفتك
[email protected]

مرجبا بالأخ أسامة عضوا ومساهما أيجابيا في المنتدي
كمال عباس

اسامه خلف الله

قلت ارحب بك لانه قدمك القرضابي

وهو اخ فاضل اعتز به

وعند دخولي البوست علمت انك خريج من مصر كمان

ومعاصر لدورات التجمع,وقلت ياهو زولنا,ولكن لما قريتك

كاتب هذا :

Quote: ايه رايك نكون رابطة أبناء المايقوما وندعى التهميش وبضياع حققوقنا ثم نذهب الى عتبات الكونجرس الأمريكى ونتسؤل للدعم ونبلس البدل الفاخرة ...ونظر أمام كاميرت الإعلاميين بوجوه صارمة ...ثم نشترى سلاحا بما يأتينا من بعض المنظمات المشبوهة..وأخيرا نسمى هذه الرابطة (ذات التوجه الجهوى المحدود) بحركة تحرير الوطن. أيه رأيك؟

علمت انك تكيل بمكيالين

ان من يرفض الظلم لايقبله لآخرين.

وان من يعرف النضال لايسفه نضال الآخرين.

وان كل اناء بما عليه ينضح.

ولنا لقاءات آخرى.

تراجي.

الأخت الفاضلة تراجى

لماذا كل هذا التأخير فى الترحيب؟ أنا حاليا عمرى إسبوعين.... وليه راجية لحد ما تستفزك حاجة!!!!! على العموم مسموح ليك بفرصة تانية فقط للترحيب وليس الترهيب.

أختى الفاضلة تراجى

سمعتى بعلى عبد اللطيف وعبيد حاج الأمين وما أظنهم غريبين عليكى..ديل صناع وقادة حركة اللواْ الأبيض ..اللذين صعدوا نضالهم بتحرير السودان من قبضة الأنكليز وقد بدأت حركتهم الوطنية الخالصة أثناء زيارة اللورد اللنبى للخرطوم. هذا الدينكاوى ، فخر الوطن للابد، لم يقابل اللورد اللنبى ليقول له أن ألدينكا مهمشيين وينسى شعبا بأكمله، لم يجلس مع مغتصبى السلطة سابقا او حاليا ليساومهم فى وزارات وفى عوائد بترول وفى حكم إنفصالى لقبيلته، لم يكن هدفه تحرير منطقة الدينكا أو دارفور أو منطقة البجا، فعيون الوطنى الأصيل ليس بها قصر نظر فهى لا ترى إلأ المليون ميل مربع ...وكرامة الوطنى ألأصيل أرفع من تدنس بترضيات إقليمية ووعود مغنمية ....فالسبع جالس على جثة الوطن بأكمله...والأحرار الوطنيون لن يرضوا بأن يتكرم السبع ويتزحزح عن أرجل الفريسة فقط...
وسارت الجماهير على هدى ثوار اللواْء الأبيض فكانت إكتوبر وكانت أبريل ولم ولن تكن SPLMاو حركة تحرير السودان ولا حركة العدل والمسأواة ولا مؤتمر البجا ولا الأسود الحرة.... ,اخير أهديك هذه ألقصيدة :-
لا تصالح
ولو توَّجوك بتاج الإمارة
كيف تخطو على جثة ابن أبيكَ ..؟
وكيف تصير المليكَ ..
على أوجهِ البهجة المستعارة ؟
كيف تنظر في يد من صافحوك..
فلا تبصر الدم..
في كل كف ؟
إن سهمًا أتاني من الخلف..
سوف يجيئك من ألف خلف
فالدم - الآن - صار وسامًا وشارة
لا تصالح ،
ولو توَّجوك بتاج الإمارة
إن عرشَك : سيفٌ
وسيفك : زيفٌ
إذا لم تزنْ - بذؤابته - لحظاتِ الشرف
واستطبت - الترف

لا تصالح
ولو قال من مال عند الصدامْ
" .. ما بنا طاقة لامتشاق الحسام .."
عندما يملأ الحق قلبك:
تندلع النار إن تتنفَّسْ
ولسانُ الخيانة يخرس
لا تصالح
ولو قيل ما قيل من كلمات السلام
كيف تستنشق الرئتان النسيم المدنَّس ؟
كيف تنظر في عيني امرأة ..
أنت تعرف أنك لا تستطيع حمايتها ؟
كيف تصبح فارسها في الغرام ؟
كيف ترجو غدًا .. لوليد ينام
- كيف تحلم أو تتغنى بمستقبلٍ لغلام
وهو يكبر - بين يديك - بقلب مُنكَّس ؟
لا تصالح
ولا تقتسم مع من قتلوك الطعام
وارْوِ قلبك بالدم..
واروِ التراب المقدَّس ..
واروِ أسلافَكَ الراقدين ..
إلى أن تردَّ عليك العظام

ولك كل الود ، أخوك أسامة

الأخ العزيز كمال عباس

كان بالأمس لقاءنا فى بوست السيد محمد عثمان اليرغنى...هل يصلح لقيادة السودان؟ .وتمنيت أن أتعرف عليك قبل ردى على ذلك البوست. ولكنى أتشرف بترحيبك لى وأعتز به وأتمنى أن أكون موضوعيا. كل ما أطمح إلية هو أن لا أكون أسير للموروث ولا من مدمنى التقليد الأعمى .....فكل إعتقادى بأن جيلى ولد للتغيير وليس للإجترار....ولا أدرى لماذا التهاون فى التغيير ...فالتدهور والقبلية والتشرذم ونطام كبت الحريات وأفكارالعائلتين المقدستين القديمة ما زالت تطل بوجهها القديم وبشراسة.....فلماذا نطالب نحن بالتبعية ولماذا ترسم لنا خطوط حمراء فى كل مجال ولماذا يسرعون لتصنيفناوللتقليل من شأننا؟ ....إنى وبالتاكيد أرفض تهميش الأجيال والإحتكار السياسى...

يا اهلا و يا مرحيا بالاخ الصديق اسامة خلف الله.
ويا مرحبا بالصوت الاتحادى المتباين فى ال " Big Apple " .
يا اسامة, اتصل ب ال massinger , أو اضرب تلفون
احمد عبد الرحمن البشير
645 Dahill RD
NY , Brooklyn

السيد ود البشير


ليك الف سلام وتحية وحباب الجيران .وإن إنشاء المولى سوف اصلك فى منزلك العامر. نحاول نحن الشباب الإتحادى أن نصلح ما أفستده ممارسات خاطئة داخل حزبنا منذ عام 1952ز ,يا لها من مهمة عسيره . فكيف يصلح العطار ماأفسده الدهر. فمحاولة التقليل من الشأن و الشكيك فى النوايا وإفشال إى عمل من أجل التغيير هى أسلحة محاربة التغيير من طرف الديناصورت. شكرا مره أخرى على إستقبالك

العزيز قرضابي
مرحباً بأسامة ورجل من قبلكم لا يحتاج لتزكية يا عمدة. تحياتي لشخصكم الكريم وللأستاذعبد الإله أبو سن.
الزاكي

الأخ الكريم الزاكى
كرمك فباض ويبدو أنك عمدة المنبر..فيكفينى فخرأ أن أجرى فى الشارع وأكورك بصوت عالى "يا ناس الحلة ..يا ناس الحلة ..أنا رحب بى العمدة"

مرحب بيك وحبابك الف .....بل مليوووون ترحاب
نورت الدار وشرفتنا ..... وفى انتظار مساهماتك النير
وحتما ستكون اضافه حقيقة للبورد
شكرا للاخ بكرى ابوبكر للفرصه العظيمه

وتحياى عطر للاخ الصديق القردابي

محمد عبدالله ـ الزنجي

الاخ اسامة

و انت رجل من زمن الحب
ابعث عبرك و عبر القردابى برسالة مودة و تحنان الى كوكبة رائعة من الزملاء :



بكرى عبداللطيف
بشرى محمد احمد
اسماعيل تاج السر محمد( عنقدة )
ابوالمعالى عبدالرحمن
احمد محمد عثمان( تملى )
اسامة زكى عبدالحميد
اخلاص جلال الدين
امانى عمر بخيت
مصطفى ناصر عبدالله
خالد الصادق
عثمان الشريف
عبدالرحيم محمد
عزمى حامد
عادل مصطفى
بكرى سيد احمد

و جميعهم من خريجى كلية الزراعة جامعة عين شمس

الغالى كوستا

أتمنى أن لا نحتكر "زمن الحب" ونقول إنه إنتهى بينا وعندنا ونكون زى ناس زمان عايشين فى وهم إنه أيه حاجه إنتهت فى زمنهم. لكن بينى بينك (آيى عصر الحب بداء فى شبرا الخيمة وإنتهى كما ومترو الأنفاق على عتباتها"
ما ببكى الفريق .. ببكى الرجال قُبالو
شن طعم الفريق ما بيوت شُقاق وحبال

يا ريت يا كوستا يردو لينا.
واحب أن أضيف للسته :

عم فاروق

عفوآ للتكرار

الاخ اسامه الف مرحب بك وفى انتظار مساهماتك الثرة والتى لا تخلو من ظرف محبب الى النفس .واتدكر واضحك كثيرا عندما حضرت الى دنفر وفى ندوة الاتحاديين وعرضا شنيت حملة على الحزب الشيوعى والحركه الشعبية ودهبنا للامبن العام نشكو ونضحك وقلنا له انتوا عزمتونا عشان تشتمونا ولا الحاصل شنوا .


الكيمان هنا فى دنفر اتلخبتت فالاحمر اصبح ازرق والعكس صحيح والموضوع بقى هلال مريخ وحجازى قميصه احمر وشعاراته فى العربه حمراء واغانيه نجوم بدا من يانجوم الليل وانتهاء الليل نعدو نجمه نجمه اما انا وبابكر ومعاوية فزرق عديل والصراع المرتقب سيكون بين رابطة الهلال ورابطة مشجعى المريخ
تحياتى مرة اخرى والف مرحب

مرحب بيك ياشقيق وتحية خاصه ومخصوصه ومختصه ومرفوعة علي اربع
سلام.....سلام.....سلام.......سلام
يا سلام.....
الود قلق طلع بتاع بلنتات قديم..وفشو غبينتكم في الوداد ولا يلتقي بالعظام الا العظام...يا عظام!!!

..

ود حجازى

: أخوك يا ريّة أخوك وقت الخيول يدبكن
اخوك يا ريّة أخوك وقت الرماح يشبكن
أخوك جبل الثبات وقت القواسى يحبكن
كم بكيت وكــم قشيت دمـوع الببكن


فارس الحوبة أهلن باخى الذى رفض أن يكون جزء من منظومة الماضى...واختار المستقبل....أهلن بأخى الذى رفض أن يكون مأمورأ ومسيرا....وأختار الحرية
أهلن بأخى الذى رفض خطط مهادنة اللاشرعية وملاطفتها...وأختار المواجهة..
أهلن بأخى الذى رفض تأجيل ألإصلاح للغد..واختار اليوم

أعتز بترحيبك لى...والأخ روؤف جميل نقل لى أخبارك كلها..فارجو أن تنظر للروشته التى كتبتها لك فى بوست روؤف.

الأخ الغالى روؤف

من كلامك يبدو أن الحاله إتدهورت شديد فى دنفر...كدى خلينى أضرب 911. أتمنى أن لا يكون طرف السوط وصلك أثناء تلك الندوة ،
أخى العزيز أحب أن أطمئنك أنى بعد الندوات زول تانى وأسال بابكر فيصل.
كلام الندوة بنخلى قبلو فى التربيزة.
الشقيق أحمد حجازى أيه رأيك نخليه يتفرج على فيلم Anger Management.
يؤسفنى تحول رايطة الأتحاديين فى دنفر الى رابطة مشجعى الهلال والمريخ.
يا حليل لمن كان الهولندج بالمطار قلعة من قلاع التلاقح الفكرى(والغولات). الإنصرافية أصبحت موضة الشباب للهروب من مأسأة عدم الإستيعاب داخل البيوتات المستعمرة لهذه الأحزاب.

والشكية لغيره إذلال وسوف أقوم بإستيرد مواطنين من دولة جورجيا الأوربية لتلقيح شبابنا ألإتحادى بدنفر...,إنشاء تنفع.

أنا ممتن ليك كثير لترحيبك بى وأعدك بكتابات خاليه من التملق والملاطفات السياسية لغير المستحقين لها. لك كل الود، أخوك أسامة

أخى العزيز الزنجى

لك الثناء العاطر على إستقبالك وأسأل الخالق بأن أن أكون كما تتوقع أنت. أعتز بمعرفتك ولك كل الود أسامة

لاسامة التحايا التى تشبه اطلالته الجميلة ..

العزيزة نادية

أحاول رسم مدينةِ حبٍ...
تكون مُحرّرةً من جميع العُقَدْ...
فلايذبحون الأنوثةَ فيها...ولايقمَعون الجَسَدْ...

أحاول منذ البداياتِ...
أن لاأكونَ شبيها بأي أحدْ...
رفضتُ الكلامَ المُعلّبَ دوما.
رفضتُ عبادةَ أيِ وثَنْ...

أحاول بالشعْرِ...أن أُمسِكَ المستحيلْ...
وأزرعَ نخلا...
ولكنهم في بلادي ، يقُصّون شَعْر النخيلْ...
أحاول أن أجعلَ الخيلَ أعلى صهيلا
ولكنّ أهلَ المدينةِيحتقرون الصهيلْ!!



أتابع كتاباتك دائما ومنذ وقت طويل ..تعجبنى جرائتك وشجاعتك فى المواجهه ..تابعت لقائك مع السيد على محمود حسنين حاتم السر ..وأكبرت فيك عدم الهروب من توجيه الأسئله الحقيقية..فأنتى يا عزيزتى ترفضى أن تكسبى ود كثير من الشخصيات التى حاورتيها على حساب مصداقيتك عند الحماهير ...فيا لها من مصداقية جعلتك تسكنيين فى قلوب الكثيرين ...فالى المزيد من النجاحات ...ومنو القال إنو ألإبداع مات مع جيل الخمسينيات والستينات.

أعتز كثيرا بكرمك الفياض وترحيبك بى ..أسامة

هذا نداء أخير لعبد الإله أبوسن للترحيب بى ...قبل الحصار الإقتصادى والحرمان من الرحمة الأمريكية..
ألأخوان الإعزاء كوستا والقردابى

ياخوانا فتشو عبد له وقولو ليه أسامه قال الما رحب بيه فى البورد لا بينى لا بينو. وهذا آخر تحذير قبل ما تقع الواقعة....

الشقيق اسامة خلف الله

مرحبا للمرة الثانية

Quote: يؤسفنى تحول رايطة الأتحاديين فى دنفر الى رابطة مشجعى الهلال والمريخ. يا حليل لمن كان الهولندج بالمطار قلعة من قلاع التلاقح الفكرى(والغولات). الإنصرافية أصبحت موضة الشباب للهروب من مأسأة عدم الإستيعاب داخل البيوتات المستعمرة لهذه الأحزاب. والشكية لغيره إذلال وسوف أقوم بإستيرد مواطنين من دولة جورجيا الأوربية لتلقيح شبابنا ألإتحادى بدنفر...,إنشاء تنفع

احب ان اوضح

ان الحزب الاتحادى الديمقراطى (فرع كلورادو/دنفر)ظل وسيظل منبرا وسراجا وهاجا
وان روابط الحزب الاتحادى لم تحيد عن قضاياها الوطنية المصيرية والتحول الى الانصرافية ولم تتحول الى روابط كروية كما تدعى اسفآ فالرياضة جزء من النسيج الثقافى فاذا تم نقاش بين افراد فلا يعنى عزيزى انها الانصرافية فتعمل على ربطها حزبيا.
وللعلم ايضا ان الهولدنج بالمطار ليس هى مقياس للمجتمع السودانى بولاية كلورادو ولم تكن قلعة من قلاع التلاقح الفكرى كما تدعى فهناك مجتمعات ومناطق عمل اخرى تضم السودانيين ولها تأثيرها المباشر وغير المباشر .
فاحتفظ بشكواك شقيقى فمن المعيب ان تشبه بالفظ تجارية(استيراد)فالاشقاء ليس ليس قطيع (تلقيح ) من الضأن او الابقار لتعمل على تحسينة فتخير الالفاظ شقيقى وتساما باشقائك فهولاء الشباب الذين تتحدث عنهم عرفتهم وعركتهم وتعرف جيدا من اى المعادن هم فلم يصبهم الصدا ولا ارواحهم اصابها الكلل فهم قابضون على جمر قضيتهم وعاضون عليها بالنواجز .
هذا الوشاح لك .. ولك السلام

شقيقى الى الأبد متوكل بحر

كده يا متوكل تجرجرونى للمنبر وتقولو إنو منبر للدردشه واللهو البرىْ وبعدين تقوم تصقعنى كده. شكيتك على الله . بعد ما إتعلمت من كتابك "هل قتلنى مصطفى سعيد" "حبيبتى تخوننى مع زوجها" إنى فعلا فى واحة للطرائف والخيال للأدبى. الأخت العزيزه تراجى مسكت ليها فى كلمتين وإنت آخر من أتوقع. طيب يايا بحر رجعنى لسودانايل وموقع المقالات فى سودانيز أون لاين ...الظاهر إنو الناس هنا مارقه سكاكينا.

شقيقى العزيز متوكل
خليتنى أحس بأنى فى محكمة نظيم شعراوى لسرحان عبد البصير.
وللحلم أوقات وللجهل مثلها
ولكن أوقاتى للحلم أقرب

وهذا ليس مقام الحديث عن إتحادى كولواردو...فقط إتخيل لو ما وصلتو أمريكا كان الحال حايكون كيف؟ ..وأترك لخيالك الخصب رسم الصورة.

لك العتبى حتى ترضى..فما بين الإشقاء إلأ حسن الظن والمودة الصادقة . أخوك أسامة

الشقيق المثير الخطير اسامه
اهلا وسهلا بك في المنتدي

يا ألف مرحب بالحبيب الغالي أسامة..

شرفت ونورت والله..

شقيقى اسامة
دمت ودام الود

دكتور المعز

يا ريت لو عندى خيال زى جابريال جارسيا ماركيز كان كتبت كتاب عنوانه " ستة عشر عاما من الغربة". يا ريت لو أصح وألقى نفسى فى صالونكم العامر بالصافية وسط العائلة الكريمة حيث الصفاء والنقاء والأخوه الصادقة. قلبى يعتصر ألما...وأتنفس الصعداء ..وامسح الدموع على المصير السرابى...وعلى بلد علمتنى كيف أن أصبح إنسانا...ثم أهدتنى المنافى. ولم يبقى لى إلأ أن أحيا بوطن بداخلى ...بصماته فى كل شىء فى حياتى ...وظللت أحكى لصغارى عن أشياء حقيقة علمنى لها الوطن ...ولكن إنتبهت بأن الوطن المسروق لا يوفر لى حريتى..ومعاشى ...إلأ ان اتحول الى جيش المنافقين والمتذندقين دينيا....وتحول الوطن الى حدوته مصرية.

الشكر آلالاف على إستقبالك وده الكان ناقصنى. أخوك أسامه

أخى العزيز ود عدلان الجموعى

بالرغم من إختلاف الرؤى الواسع ..نجحنا أنا وأنت أن نعيش فى مدينة واحدة فى هدؤ وسلام. وصراحتنا فى تبادل آرانا بالرغم من تباينها متنت من ثقتى بك كأخ وصديق. أبتهل للمولى أن يجعل طريقك ملىْء بالخير.,شكرا على إستقبالك لى على عتبات المنبر.

اسامة


تحياتى


ود اب سن تلاقيهو بيبحث عن قافية تائهة
او بيتذكر فى ومضة من برّاق البطانة الشالع
هذا اذا لم تلهيه ريالات و دولارات و قضايا المغتربين بالجهاز

و يبقى العود ما بقى اللحاء


وسلام مربع للزمن الذى لن يعود

أخى الغالى كوستا

يبدو إنو ما لينا فى وقت عبد له نصيب. يعنى يا كوستا أنحنا فى بلد الساحق والماحق دى قاعدين نبيع بتيخ. أخشى ما أخشى أن تسرقنا طموحاتنا ومغريات الإقتصاد العولمى من أحبابنا ....أصدقائنا...أهلنا...ووطنا. ونرجع بلدنا منتفخيين البطون ...ليس فى حديثنا إلأ قطعتى بتاعة الأرض وقطعتك . لك كل الشوق , اسامة

يا اسامة

هى لسع ما سرقتنا ؟؟؟

دندنه...
دندنه...
دندنه..... !!!!!!


و التحية لزمان الوصل بعين شمس

Quote: وقولو ليه أسامه قال الما رحب بيه فى البورد لا بينى لا بينو

الف مرحب باسامة وانشاء الله البينا عامر..بعد ما رحبنا بيك!
لك كل الحب .......يا رجل من زمنه
احمد علي القاسم

الأخ الأكرم أحمدالقاسم

يبدو أن التهديدات أتت أكلها...لانى موجود فى بلد تسمى بالمركز الرئيسى لتهديد العالم
...والله سرنى ترحيبك بى

وليت الذى بينى وبينك عامر
وبينى وبين العالمين خراب

اخوك اسامه

العزيز اسامة


شايف عشان انت رجل من زمن الحب
و عشان اخونا احمد القاسم ( ابن عمتى ) رجل من زمن الحب ايضآ
بس وحياتك حب هندى ( شامى كابور و سبنا و اميتاب سنج )... و تسرى منزل
يعنى هو رحب بيك عشان انت التقيت معاهو فى رمزية الحب الابدى
علا كان فاكر عشان بلد بوش بتخوف العالم و بتهرشم يبقى لا ...لانو ود القاسم جعلى حار و مابيخاف الا من الخلقو ... و اسال منو جوير عمك سلمان و متمة المك نمر ...( مليون لووول)
.

و بعدين يا اسامة مسعول من الخير زولنا البيفتح البوستات و يروح يخليها و لا يطل عليها حتى ده مشى وين ؟؟؟

تحياتى للزمن الذى مضى بكل الحب .

Quote: بس وحياتك حب هندى ( شامى كابور و سبنا و اميتاب سنج )... و تسرى منزل

اسامة
لك التحايا ويبدو انك رائع بحق
والبينا عامر(بس بدون قرارات من مجلس الامم كما يسميها كبار السن عندنا)
لك الحب الزي تستحق
كوستا ابن خاااالي لزم
امي بت نور الدين
وكوستا ابوه محمد نور الدين وقع ليك!!
كوستا اضحكتني في زمن صعب الابتسام فيه دعك من الضحك
شكرا لبوست اسامة والحب......

العزيز كوسنا
الرجاء نشر هذا الأعلان فى صحيفة أخبار الخليج

مطلوب القيض علية حيأ أو زى ما عايزين إنتو

اللقب :- القردابى

الأسم بالكامل:- القردابى

السن :- دخل كلية الزرعة سن 1980 والباقى أحسبو إنتو

المهنة:- السكرتير الإجتماعى بالكلية( كان قطاع أرزاق بكلية الزراعة عين شمس)

أوصافه:- أزرق محروق

الهواية:- إستيراد قطاعى الأرزاق لكلية الزراعة (كعبدله-اسامه الكير-ودالصايغ)

الحكمة التى يؤمن بها:- والله كان طلعتو من الكلية دى بأى رطوبة تعالوا لومونى


التهمة: إستدراجنا للمنبر وفكنا عكس الهواْء

اسامة


علم و جارى التنفيذ
ساوافيك بالمستجدات عبر الاثير ... و لا نامت اعين الجبناء
و ساعود لاوصاف المشتبه به بشئ من التفصيل .


احمد القاسم

تحياتى

سونو : اقر ملاك جبريل يك مينت تأخير هوقي ...، اسماعيل زندقى ختم هوقيا


سامجا ؟؟


و من اغنيات فيلم تسرى منزل :

جاب هام جاها هونقى
جانى جاها هونقى
لكن ميرا دل باهوت نراز هونقى

خدا حافظ حاجى ساب

العزيز كوستا

آخيرا قدرنا نخش المنبر....إتخيل منظر أمه كاملة ممنوعة من حق التعبير منذ ميلادهم....

يا كوستا

يبدو لى إنو المسألة شخصية مع القردابى ...وإديناك منصب لجنة المساعى الحميده

واخيرا يا كوستا ...اللغتان العربية والدارحية هما فقط المسموح بيهم فى المنبر....أخوك أسامة

Quote: 28-12-2005, 02:21 م ALGARADABI . تاريخ التسجيل: 30-12-2004 مجموع المشاركات: 553 Re: مسلحون سودانيون يسطون بنكا بولاية فرجينيا (Re: محمد عبد الله شريف) الأخوة الأعزاء بتاعين امريكا.... الرجاء البحث عن أصحابى هناك الاتية أسماؤهم: أول حاجة أسامة خلف الله بتاع رجل من زمن الحب ثانيا أمير محمود محمد مصطفى تالتا هشام عدار... بالله طمنونا بسرعة عشان الأوصاف منطبقه عليهم

العزيز كوستا ،

,اخيرا ظهر القردابى ...وشوف عمايلو الما بتجيك من شكرى

وهذه آخر أمنياته لنا للعام الجديد

اللهم عوضنا فى القردابى

شكيتك على الله يا قردابى

الأخوة الحلوين أسامة و صديق...


أجيؤكم فى المساء المخضل بالرعشات
محمولا على جنح الوسامة
فهذا زمانك...
أن تظل حبيس من تهوى..
و بينكما علامة
أن تنبضا وجدا و تحراقا و مسغبة
تمد جذورها عمقا
الى يوم القيامة....

و الأبيات أعلاه لعالم عباس...عشان ما ينط لى واحد متلقى حجج يجيب اللنك
و يطلعنى حرامى....

والله مشتاقين...
شايف البوست سرح...و البركة فيكم

وانتا يا المتهم الأول فى حادث فرجينيا فى داعى لتاريخ دخول الكلية ده؟
أنا عامل فيها ود سغنبوتى تجى فى لحظة تدمر شبابنا؟
لكن معليش غلتان أنا الجبتك هنا..
و عامل لى فيها برىء من الحادثة... ما تخاف قالو لسة بفتشو فى ال MASTER MIND
صديق...
أنا عايز أعرف انتا بتغتس وين؟؟
تغيب سنة و تغير تلفونك و تظهر فجأة...
كل الناس الفى السعودية كل يوم ناطين الامارات الا انتا ...
لو ما عشات خاطرنا تعال للشاب الظريف أحمد القاسم

القرضابي
سلام
انت بجاي!!وانا فاكرك من هناك!ماتبقي تجي!!تلفوني 4429455
شكرا علي الاطراء
كوستا
يمين كلام القرضابي ما بنزاد تب

Quote: صديق... أنا عايز أعرف انتا بتغتس وين؟؟ تغيب سنة و تغير تلفونك و تظهر فجأة... كل الناس الفى السعودية كل يوم ناطين الامارات الا انتا ... لو ما عشات خاطرنا تعال للشاب الظريف أحمد القاسم

اسامة
حماك الله وانت تدافع عن القضية(ازمة اللاجئين في بلد الكنانة) اثبت لي انك رجل حب وحوبة لقدام
الي الامام الي الامام ما في التوقف من سلام
ان التوقف سبة نزري بانسال الكرام
ان اليراع ازا وني فالسيف احفظ احفظ للزمام
اسامة كلام كوستاحب في حب بالهندي لك لانك رجل الحب
كوستا المرة الجاية ترجمة علي الشريط(يمكن الاستعانة بخوري وعبيد-القاهرة بيروت)
لكم التحايا

الأخ ود القاسم

لو فى بيوت شعر فى الدنيا كنت بدور عليها لكانت هذه:

Quote: الي الامام الي الامام ما في التوقف من سلام ان التوقف سبة نزري بانسال الكرام ان اليراع ازا وني فالسيف احفظ احفظ للزمام

وكل عام وانت بخير،

القردابى

ليس المسئول بأعلم من السائل
( انجليزى ده يا مرسى ؟؟ )

سمسم

صاحبك القردابى بيسأل عن امير و هشام عدار ، يعنى لو ما درسنا معاه كان نقول دفعتم
و بعدين انا عارف صاحبنا برعمه ده " زوّاغ " من البوستات ...زى زوغاتو ب " الدو " فى عشرة " الهارت " .

سمسمة : قليل من " الأردو" لا يضير .

ود القاسم :

التحيات النواضر

هام توم بيار كدنا ..تمارا بيناسى

عيد الاضحى على الابواب ..... حريف ؟؟

كوستا

و

Quote: بعدين انا عارف صاحبنا برعمه ده " زوّاغ

من هو برعمة؟دي غلوتية لو قرض طلع برعمة؟تضربني جاموسة لو اكون فاهم حاجة؟لو قرضابي هو عمر محمد الحسن تبقي الحكاية برعمة!!وبرعمة لك التحية من تكون واين تكون و ليك وحشة واسف ان


اسامة

Quote: سمسمة : قليل من " الأردو" لا يضير . التحيات النواضر هام توم بيار كدنا ..تمارا بيناسى

والله يااسامة دة كلو شوق في شوق
لكم الشوق

ود القاسم ...خال كوستا

والشوق ليك من عندنا بالإنجليزى،

يا كوستا
صاحبك القردابى درس الكيمياء بالعربى ..يعنى HCL درسوه ليها يد كل

تفتكر يا كوستا ممكن يقرأ جواب باللغات التانية

وما شفت يا كوستا صاحبك الما بنستر جايب لينا خبر ترقية عبد الإله الى وزير ثقافة..ونحن يوم اللإثنين ماشين لكوفى عنان عشان نكشف تورط حكومة ناس عبد الإله وعبد الذى يظن أنه إله فى مأسأة ميدان مصطفى محمود
والشكيه لله،

سمسم

كل سنة و انت بخير

فى الحقيقة برعمه ده ما مفروض يكون سكرتير اجتماعى حتى و لو بأثر رجعى
لسبب بسيط : عدم الاهتمام بالرعيه .
يد + كل = يدكل
و يعنى اليد الواحدة للكل .... هل يطبق هذا المبدأ اهل شمال الوادى ؟؟؟ ... و يا للمجازر ....
اترى لو كان هؤلاء المعتصمون بالميدان من رعايا ساداتهم من الغرب ، هل كانوا ليتجرأون حتى بمجرد مسائلتهم ناهيك عن " تهشيمهم بالهراوات و بالنبوت " ؟؟

مجزرة اللاجئين صدمة عنيفة جدآ .. و أعجب لهواننا على انفسنا لهذه الدرجة المخجلة ، و ااااااااامعتصماه
لا كوفى عنان و لا زبانيته فى الامم المتحدة من ضمن اجندتهم مناصرة مثل هيك قضايا ، عدد المتوفين 26 او50 حتى لا يهم و لكن و لمصالح سياسية للغرب عملوا من موت فرد واحد و هو الحريرى لجنة و لجان ... البنى آدم عند ناس كوفى عنان هو مطية لبقائهم فى امانة الامم المتحدة الغير امينة .
يضيع الحق عندما تطلبه من عند اللاحق عنده الا المصلحة .
نحتاج لقنبلة " هيدروجينية " فى دواخلنا جميعآ كسودانيين لكى " تخلخل " هذا " البيات الهوانى " لذواتنا و تعيد ترتيب " الأوليات " فى سلم " خرطة طريق " انفسنا .

ابوسن بختو يا عم و اذا اصلآ ما فى السياسة من نفع فمن الخير ان نتصلح مع الثقافة " الشحمانة " لأبى سن .

تجئ نعمل انقلاب يا سمسم ؟؟
و البيان الاول " جاااااااهز "

ابقى عااااافية

Quote: ود القاسم ...خال كوستا والشوق ليك من عندنا بالإنجليزى،

اسامة ربنا يوفقك وتحياتي للاخوة بنيويورك
And I miss you Too!!
بالانجليزي!!
وربنا يوفقكم اخي

كوستا

Quote: فى الحقيقة برعمه ده ما مفروض يكون سكرتير اجتماعى حتى و لو بأثر رجعى لسبب بسيط : عدم الاهتمام بالرعيه . يد + كل = يدكل

(ALL FOR ONE AND ONE FOR ALL)
زولكم دة كان لازم يقراء قصة الكونت دي مونتي كريست

THE THREE MUSKETEER حتي يطبق الشعار و(يضحي)يعني باين دة لو قلنا ليهو ضحي ببقي زول مرارة ساااااااي!
سوؤال مازال قائما من هو برعمة في البورد ؟؟هل هو قرضابي؟واقتبس كلام اخي شاهين
اصر .....يصر ....اصرار بقي ملحاح
لكم الود

ودالقاسم

برعمه لقب اصيل للأصيل عمر محمد الحسن .. و هو كما تعلم زولنا " القردابى "
يعنى Three in one
و البرعمه Budding فى علوم النباتات هى تكوين البراعم الجديدة للازهار و الاوراق و الافرع و السيقان النباتية و هى انسجة حديثة تتشكل بواسطة النبات ليتواصل نموه الخضرى
Fresh shoot

اما برعمة " اللقب " فقد كان مصطلحآ من كلية زراعة عين شمس العريقة و كنا نستعمله للشخص المدبرس او كثير التأمل او كثير السرحان .. و اذكر ان اخانا العزيز ابوالمعالى عبدالرحمن " الآن وزير الصحة بولاية سنار " كان اول من استخدم هذا المصطلح ..له التحايا من على البعد
و الاشتقاق : برعم .. يبرعم .. فهو مبرعم
و الاسم : برعمه
و تجمع على مبرعمين و مبرعمات لجمع المذكر و المؤنث السالمين
هذا و المعنى واضح و ليس فيه ألتباس و الله اعلم

Quote: ودالقاسم برعمه لقب اصيل للأصيل عمر محمد الحسن .. و هو كما تعلم زولنا " القردابى " يعنى Three in one

كنت اظن وماخاب ظني
كوستا سمسم (قردابي)
انتم من جيل رائع
حفظكم الله
ود القاسم

ود القاسم

لك الشكر على " حسن الظن " بجيلنا.
و كل سنة و انت طيب .

و من ذكريات الزمن الجميل زمن الحب " اللامنتمى " لاى جهويات او عصبيات اللهم الا الود الخالص .. كنا عندما نجتمع فى كافتيريا النادى الاجتماعى بالكلية لتناول بعض الساندويتشات اللذيذة او بعض العصير الطازج ، او عند حدوث " خلطة مسمنة " ، كنا نحب ان نداعب " عم فاروق " الرجل " الطعم " بكسر الطاء و العين كما ينطقها هو ..فكان عندما تناديه يأتيك مسرعآ حاملآ صينية الطلبات فى يديه و هو يرتدى دائمآ نظارة سوداء و بالطو ابيض كأنما لديه عملى فى المعمل ، فيبتدرك قائلآ : " ايوه يا طعم "
.. و كان عندما يحضر الطلبات يبدأ بحساب عددها و هو يقدمها لنا :
عندك يا سيدى ون ( one ) ساندويتش ،
و آدى " ونين " ساندوتش .. و آهو تلاتة وناوين ساندويتش .... يعنى زى الاعداد اللاتينية
اى تكرار عدد واحد او رمز واحد بالعدد المطلوب : (iii) , (ii) , (i ).....الخ .

لم يخطئ اخونا برعمه و هو يسمى ذلك العهد " زمن الحب " .

الف مرحب بيك اسمامة .. ود أهلى الاتحاديين .
طاب لك المقام .

الأخ العزيز تراث
شكرا جزيلا على الترحيب....وهنالك تغيير جذرى قادم تجاه الإتحاديين ......فمن غير المعقول أن ينادى الحزب بالديمقراطية ....ثم تسيطر عليه أقلية عن طريق مؤتمرات إنتقائية ....فسرقة الديمقراطية لا تتم فقط من قبل العسكر بل تتم بداخل حزبنا الذى يحسبه بعضهم بأنه من ضمن ممتلكاتهم.....وكل عام وانت بخير..

العزيز كوستا

بالله أدينا صفحة تانية وتالته من حكايات زمن الحب...

عزيزي اسامه

سعيد بالمعرفه ومليون مراحب

أخى الغالى محمد عبدالله شريف

كان اللقاء واشنطون وسط غابه من الغضب
وكان الهتاف مدويا
ثم كانت النهايه رائعة
وهى التعرف على شخصكم الغالى
ثم كانت دى...سى
وكان مطعم الخرطوم....ثم تبادلنا السمر كأخوين من مخاض واحد
وصحيح ما أروعها حياة فى ظل التعارف الأخوى البرىْْء

وكل عام وانت بخير