كيبورتكم معانا ...في بوست القطر !!!

مسأله القطار(القطر) وعلاقته بالثقافه السودانيه والاغنيه علي وجه الخصوص مسأله لطيفه وذلت دلالات مسحيه مميزه ومبحث خفيف الظل عن علاقات السفر وتاريخيته والفراق وقص العشره والحبيبه والاهل ومعاويه اضافه لانو القطر برضو مرات بكون كويس بشيل الانجليز ويرجعهم اهلهم وبجيب اخبار الحبايب من تال كريمه وادبرا والفا وبنقل المعيشه والسير كمان بشيل الحكومات وقطر عطبره واكتوبر السكه حديد و(القاطرات هوهوه الحديد) علي قول عاطف خيري,المهم القطر البشيل القطن لانكشير ومعاويه ده اساسي في النص السوداني مع انه في غني طبعاً قبل القطر فيه حاجات سفر تانيه ذي البواخر ورحله النيل من الاسكلا وحلا وكمان ابوداؤد غني للتاكسي الجوي وغنو للوري وللجمل البشيل الشيله واسه كمان في غنيه خقت العربيه كده فيها الياباني والكوري والالماني واي ماركه عندها كوبلي لكن بنلقا انو القطر ده اساسي جداً ودخل جوه الغنيه شديد وبدون نقه واسترسال
(حفاظاً علي الباندوث وعلي علاقه طيبه مع بكري) نفكر في بوست ده عشان نرصد اكبر ميه من سيرة القطر في الاغنيه السودانيه ! رأيكم شنو؟؟ موافقين موش! يلا كي بورتكم معانا

يلا ابداء ليكم انا بالمشهورات بنات القبايل البهزن ويرزن
يعني مثلاً:-

* (( قطار الشوق متين ترحل تورينا نشوف بلداً خنان اهلها))

دي موش غنيه عطبره ولا غنيه القطر ؟!, يعني هنا حنسوا القطر ده حنيس عشان يمشي يلفي الحبيب وعجلاتك وكان حنيت علي مره وخرخره شديده !!

* ((من بف نفسك يالقطار ورزيم صدرك قلبي طار ))

شفتهاسه ده عكس قطار الشوف ده قطر مستبد وقوي وتلقي في صورته اللهيب وجوفه شال الحبيب وحكايه قاسيه خلاس يعني قطر زنقار ده قطر قاهر

* ((القطار المره فيه مره حبيب))

اها هنا قطر الشفيع ده ده مره جمبو ساي جاب ريحه الحبيب وبالعلي مامره قطر خالد اصلو ما بقيف

* ((القطر الشال معاويه اتكسر زاويه زاويه))

معاويه ده كمان بريدو ريده علي وعلي اعدائي فالقطر الشالو يتكسر ذاويه زاويه ويسلم لي معاويه لانو قاعد في النص

* تاني في نوع قطارات كده كويسه ذي ((المحلي الداخل عطبره)) والكشافه يا قطر المساء )) يعني قطر اخو

يلا ارح

بس داير اعرف موش في حاجه اسمها القطر قام(بتاعه ليل كده) وعندها نكته برضو الزول كان بقول القطر شنو انتو دي غنيه شنو؟؟

ابراهيم

قالوا
قطارو اتحرك شويه شويه
ومن بعيد بعيد شفتو لوح ليه
بكت عينيه وبكت عينيا
وحكمك يا الله يبقى علي


بعدين

قال الشفبع

القطار المره مره فيهو حبيب

ود الشيخ

ود الشيخ

يا خ اديك العافيه !!


دي بتاعه منو ؟ عارفها ؟ لكن والله سمحه


اديك دي محمد احمد عوض في جوبا مالك عليّ

موش بقوا ((يوم القطر شالو شال قلبي قبالو ))

..
.
قطر التلاته ولا عدم
الشال السيده وخلا حرم
***
وقطر الخميس الفات
الليلة يا حليلو
***


و القطار المـّر فيهو مر حبيبى
والعلى ما مر
كانت سويعات ملكت قلوبنا
ما انت بدر الكون يا باهى نورنا
الاخيرة دى طبعأ للقرشى -اتقالت فى محطة الابيض - حسب ما اذكر-
بس انت القطر دا
ما مدن
وقبايل
وتراث
وذكريات
والام واحزان
ووداع
ليه واقف بس فى الاغانى ..

تحياتى

يا ناس القوز علينا ظلم ,,صاح



ما مدن وقبايل وتراث وذكريات والام واحزان ووداع وفرح كمان لكن انا بفكر انو ما بسمح بي ده كلو الا في الغني موش ,,

والقطر اليجيبك وطنك

يا تلبدينا قطر من الورود من هنا لا عندك

سافر قطر نيالا الزول منو
مني الحبيب شالا الزول منوووووا

تاني
حميد ومصطفي
طبعا ديل قطاراتم كلها حزن
عم عبد الرحيم
قدامك قطر
السكة الحديد ياعمو القطر
وسال الدم مطر

تاني شنو يا منقة
شفع العرب الفتارى
البفنوا الشايلا ايدم ويجروا ساكين القطارا

تاني يا قرمبوز قطر محجوب شريف
في انتظارك
في انتظارك
في شراييني بيدندن حس قطارك
انتي يا صحو المدارك
اي نخلة جميلة دارك

تاني ياحبة
قطر جمال عبد الرحيم وطارق جويلي
لما القطار صفر وقف
بهرتني صورة عطبرة
دي محطة الوطن الكبير كانت تضج متحضرة
ونزلت ماشي الرصيف
اغبش هدومي مغبرة

بعدين مرة نجلاء عثمان قالت
يئن القطار بلا طائل

وعمك محمد المكي ابراهيم قال
في ديوان امتي
هذا مجد الانسان
ان ياكل قبل المدخنة
ويصفر قبل القاطرة
وينام على قلب اخيه الانسان

اما ناس القدال ديل ناس جمال ساكت ماعندهم قطر في البطانة

انتو ناس الفتي هانزا ديل كمان سواتكم بعيده

تعرف يا محمد أقول ليك كلام

( القطر الشالك اوسلو djكسر فرعو واصلو)

قطر عم عبد الرحيم قطر حار ذي ما الزمن حار شديد

عليك الله نجلاء قالت كده ؟!!

قالت يئن القطار بلا طائل

طيب اوريك عاطف خيري مره قال

((كلما صفر قطر صعلوق كركبت جواك شنطه)

بالمناسبه قطر عجيب اودي ما يجيب دي انامحيراني حيره
ما عارف لي عجيب ده منو ؟؟!!

ويلا توت توت توت ,اسمعني يا محمد ما نمشي القمره نشرب لينا شاي

اخوى رضا تسلم يا رايع..يا سلام من وين جبت الصورة دى؟!!
شوف بالله شكل المحطة دى...شوف السما دى ..شوف الصنفور
شوف ظل القطر...شوف السكة حديد زمن العافية.
ماذا لو عادت بنا الايام؟

شكرا عزيزي
ودمت

أخي وليد طه
لي ذكريات منحوته في عقلي

وآه يازمن

يا رضاااااااااااا

يرضا عليك الزمن ووالدينك

القطر السمح ده جبتو من وين أّأّأّالنجيط

تعرف ده اسمو قطر الهتش , ده اظن يعني اظن ماش بورتسودان موش

اسمعني المحطه دي وين؟؟؟

يا خ والله انته حنين حنيه غريبه

Salam brother Ibrahim

لا حولااااااااااااااااااااااااااااا

دي طبعاً غنيه الموت عارف

لكن يا رضا انا مابقدور والله يعني لو تعرف غبلاوه الريده كان حنيت علي مره,,أنا قبل شويه موش قلت ليك انته احسن زول


قطار الشوق متين ترحل نشوف بلداً حنان
اهلهل ترسي هناك ترسينا
***********
نسائم عطبره الحلوه تهدينا وترسينا
نقابل فيها ناس طيبن فراقهم كان ببكينا
متين توصل هناك محبوبنا راجينا
لامتين نحضن عيوناتو متين يسرع يحينا
**********
قطار الشوق حبيبنا هناك يحسب في مسافا
ولو تعرف غلاوة الريده كان حركت عجلاتك
وكان حنيت علي مره وكان قللت ساعاتك
وكان بدرت في الميعاد وكنت نسيت محطاتك


يا خ انته صاحبي شديد بس وريني المحطه دي وين

القطر الشالك انت
يتكسر حته حته..
وووو
يا حبيبي..
انت شيلتو جيبو يا القطار..
من بف نفسك يا القطار
ورزيم صدرك قلبي طار.. وين الحبيب..

عشان قطر المراه

تذكرو قطارو الي فات عن حرقه نسائهن وانحرق

..
.
سلام يا رضا

بالله انت لسه محتفظ بالذكريات دى ؟؟؟
بتتذكر قطر مام ؟؟
كانت ايام جميلة ...

تحياتى
اعود

القطر القطر القطر القطر يا تبدلينا يا رجاء اذيك وقطارتك دافيئه

اديكم دي تعرفو لي حاجه اسمها

((بتاعه العطبراوي اسمها قطارو حلا))

ويلا

سلام
في الرصيف حسو بلا (مثل) الرعد سائل الله مكنتو تتقد
يا حليلا بلا عدل قالو شالا قطار الاحد

&&&&
ديك كريمة وداك قطرا وقفين والنهار حرَّ
زولي الشالتو الزهرة وجروح قلبي اللبت تبرا
.........
الشريق بربر سريع مرة وفي عطبرة دق صفارا
ركب قطر(ن) طريقو برا (براهو) هيا وسنكات طرق وعرا
زولي الشالتو الزهرة وجروح قلبي اللبت تبرا

&&&&
يا حليلا ويا حليلا يا ناس قطارا بقالو ليلا
افارقا


يارضا
سلام
كود الحفظ الله يحفظ من صعاليك المحطة

yasiko

يا عزيزي انته ود ناظر المحطه ولا شنو؟؟

ديناك شايقي ولا من ادبرا كدي قول لي أول حاجه انته قطاري كده مالك

Quote: زولي الشالتو الزهرة وجروح قلبي اللبت تبرا ......... الشريق بربر سريع مرة وفي عطبرة دق صفارا ركب قطر(ن) طريقو برا (براهو) هيا وسنكات طرق وعرا زولي الشالتو الزهرة وجروح قلبي اللبت تبرا &&&& يا حليلا ويا حليلا يا ناس قطارا بقالو ليلا افارقا

قطر ورد وتحايا يا عزيزي

ياقرمبوز
تحيه وشوك ااااااااااااااي شوك ويكثر من وخزك لمزيد من العنوانين الحنينه
الاقطار كثيره ولها تكتر فكره الترحال عبر القطار
ودايما ما يكون الحنين ملازما
عموما هاك دي قبل ما ارجع ليك تاني
سكه الحديد قطر جديد تييت عفصاني
الليله وين امبارح وين ياخواني

فيصل عباس

الشامخ تبلدينا
سلام

هنالك مجلد كامل عن بوست في القطار موجود لدى الأخ ولياب نرجو الاطلاع عليه

اذكرته ليك قطر عجيب

قطر الخليل ,, فرح ...

من بهجي طيف قطارك لاحلي بارق

من نارو شوقي قضيتو عمري وانا في انتظارك

والله ياجماعة مااكثر القطارات في الاغنية السودانية ..
لكن اكثر اغنية فيها قطار عجبتني بتاعة قطار الشوق متين ترحل تودينا
ومااجمل الاغنية السودانية بكل ماتحمله من قطارات وبكل ماتقف عنده من محطات .

يا ساره منصور

سمعتي غنيه العريس الحاسدو ما انستر
والشيلتو بالطياره والباقي بالقطر

فيصل بهاء بكري في كون فيصل عباس

ده عنواني الجديد لنج

أسمعني
سكه الحديد قطر جديد تييت عفصاني
الليله وين امبارح وين ياخواني

اي والله دي بعرفها يا خ دي سمحه كيف

فيصل اسمع.... ما تتاخر انا راجيك


**************

ساره تسلمي ويسلم قطرك

أنا اتنقل اذاً انا موجود,,او في نمط القطار الكونيالي!!!

وصلتني هذه المساهمه اللطيفه من صديق يخص قلبي
معاويه بشري (ماو)



القطر ... القمره ...الصنفور

بعيداً عن مركزيه القطار في الثقافه السودانيه((اذا)جاز هذا الكم الهائل من الشجنوذات اللعنه الولعه في اّن فان القطار احذ دلاله المصادره والقوة في كثير من الاغاني فان معظم الاغاني تضع القطار في موقع المتسلط في مقابل الاخر الذي لا حول له ولا قوه غير ((البكه والنحيب)) وهذا في تقديري للارتياط ما بين سطوتين واذا جازت التسميه (احلال السطوه) سطوه الانجليز فاخذ القطر بعض سماتهم وانماطهم الرتيبه فذهبو هم وبقيت سطتوتهم يجرها القطار واستمرت المساله الي التماهي في في شخص الانجليزي علي مستوي السلوك الاداري (أفنديه السكه حديد)_وأنا ود سكه حديد_ اذكر ذاك جيداً فبعه والدي (البرنيطه ) ذات الابعاد البريطانيه التي ستحس بان في طياتها القهر والجبروت والبجامه ذات الزارير الحديده ما ما يوحي لك بعسكريه اداريي السكه حديد وانظباطهم علي اي هذا مبحث يطول في علاقه القطر بالكونييل

اما ذلك الحنين الحنين المرتبط بالقطار فهو حنين ظاهري يتمثل في سفر ونقل المشاعر والسكه حديد طقس وجو وتربيه.
مثل المناوره وهي ان لم نقل الغربات وربطها وتجيزها للسفر في صبيحه اليوم التالي

وليل المحطات النائيه عظيم حيث لاصوت الا صوت غير دندنه القطار حتي يخيل ليك انك تسمع صوت العطشقي والسواق (مساعد السواق) هذا ليل لا يضاهيه ليل في كونه سكون وسطوه والحنين يطول للمفردات ذات العنق الحديدي السنفور علي قول القرشي والشفيع والفلنكه والترويتن والكمساري والمحولجي والمرمه والاسطبه والكسنجر والهتاشي والبخاري والفانطيس والسنطور
اما اسماء القطارؤات فالبضاعه والمشترك وهذا المشترك يحدد الاسماء (المحلي الداخل عطبره) العمل كريمه وبورسودان ,,,,,,,,,



ونواصل

ابرهيم
سلام

Quote: سمعتي غنيه العريس الحاسدو ما انستر والشيلتو بالطياره والباقي بالقطر

اول مرة اشوف زيادة اكثر من الأصل

وبالمناسبة : عمي كان كمسنجي ، أما عطبرة دي "يعلم الله" "ما كت بدور القطر يقف فيها ..."

ياقرمبوز
انته لسع جاد
قوليهو المسعله قطر ومليان حنين مش دخاخين
عليك الله خليهو يقول آمين
ثانيا غير عنوانك وحي معاي بكري ابوبكر وآخرين

اقصد ماو ياقرمبوز
بالكلام اعلاه

نعمل ليهم شنو يا فيصل اولاد السكه حديد ديل

ذهنيتهم حديديه

قطر (الهنود)كريمي الملان لا عينو ديمي

Ibrahim Algrefwi
لا دي جديدة علي لسه ماسمعتها.. البغنيها منو؟؟

انا جيت جاااااري و مسخن قلتا أركب معاكم و اسمعكم قطار الشوق..
لقيتا شغالة و الناس تتمايل...

" قطارو حلا (حل ) يا ناس قطارو حلا (حل ) "

او ما نديلا يدك يدك اركب ارح

عارف ليك زمن ما ورينا واحد شر

((تعرف قطار الشوق دي انا سمعتها عن شندي والبلابل ومحمود علي الحاج ورشا شيخ الدين ) لو عنك واحده تانيه من ديل غير شندي دي مالو والقطر ما مشترك

وتوت تتو توت

يا شايقي يا مطرطش ده قطر كريمه بتاعه الهندوز ولا شنو


ساره دي طبعاً بتغنيها ظروفنا (البايخااااه) علي قول عادل امام

لو سمحت يا حضرة

بعد اذنحضرتك يعني؟! تسمح بي توت تو تتوتوت تتتتت بتاعه

عبدالمنعم مدبولي ديك الفي المسلم امشهور داك؟!

ما عرفتها كيف ياخ فيها نداغه قطر صغنوني وشكلاته

ايوااااااااا راجيك

رضا حبيبنا ازيك
والقطر الشال معاوية يتكسر زاوية زاوية
بوستك جميل وحنين يا جريفاوي،بس والهي لو ما مدبرس انو خالد الحاج داير يخلينا كنت سويت العجب في البوست الظريف دا

manubia

انت الاظرف يا وجيه

......................!!!!!!

خالد الحاج والله القطر الفيه نحن وراهو

اخلي منو,,,انا داير ابكي اسه !!!ما تقول ياخ

.




عارف النقطه دى شنو؟


ده قطر جايى من بعييييييييييييييييييييييييييد

شوف بلاي

..

تماضر ,,, أذيو

عارفه ديل شنو

ديل قطرين مشوا بعيد!!

هاهاها

قطارو حلة ياناس
قطارو هييييغ حلة
اغنية خميساوية استهدفت الحلة وليس القطار

عمادالامين هيييغ مالك معانا

نتكرش ليك اسه

....

رضا انا ما شايف الصوره الاخيره دي

من اغاني البنات في غنية بتقول
القطر قام ياابو ليلى برجا قدام ياابو ليلى

وفي الوجه التاني من عذابات السكة حديد في منلوج بيقول
لاتمحنا ولا تبلينا شر السكة حديد من جينا
درجة اولى ملانة ناس ودرجة تانية ملانة ناس
مافيش فرقة ندق مسمار من كوستي لي سنار

ده شنو يا رضا

النار ده وين!!!؟؟؟

القطر ملاات ما عدو

Ya Raja

القطر الشالك انت
يتكسر حته حته..


loooooooooooooooooooool

Ibrahim

توت

..
.



عارف يا جريفاوى القطر دا اغانيهم كتيرة وطرايفه احلى
الصورة الجابها اخونا رضا دى بتذكرنا قصة واقعية ايام كنا
طلبه فى مصر وكنت انا سيمي فانيل اها معانا البرالمه وراجعين للسودان .زالجامعة من محطة رمسيس شبكوا ليك الونسه عن البعاعيت
والبعاتى فى اسوان برضو نفس الشئ فى الباخرة الموضوع مستمر
حكاوى عن البعاتى ..
لمن وصلنا حلفا كعادة القطر السودانى قالو فيهو عطل ..
اها اتوسدنا رملة حلفا ديك وبردها وقلنا ناخد لينا نومه
فى حلفا فى غنم كتار لمن القطر والباخرة الفيها الطلبة والدروز
وديل تجار العتبة بنسميهم كدا الغنم بتجى تلقط الفيها الرزق
من باقى البسكويت والموز ..الخ
فى عز الليل قومى يا الغنماية امشى على كيس جنبالبرلوم وكشكشي فيهو وكمان ادى البرلوم لحسة لحستين ..
وزولك قام مخلوع وبكورك .. البعاتى .. البعاتى .. الحقونى
طبعا الشباب كلهم عندهم وهم البهاتى اى زول صحي مخلوع وهو جارى
والله اخوك زاتو جارى من الناس القدام وجاريين على القطر العطلان
طبعا الجكس والدروز والنسوان وكلو .. جارى
على بال ما عرفو دا غنماية غايتو البركة فى الضلام ما فرزوا
الجريفاوى من تبلدينا والمجكس من الما عندة جكساية ..

اها
توت توت ودور بينا القطر

الجريفاوي

قطارو أتحرك شوية شوية
من بعيد بأيدو أشر لي
بكت عينهو بكت عييني
ــــــــــــــــــــ
حبيبنا يوم سفرو ما ودعنا قام قطرو ما ورانا أسبابو
ــــــــــــــــــــ
القطار الشتت
ــــــــــــــــــــ

القطار الشابة فوقو النار ده يا كافي البلا
ما شايف ولا راجل مطافي ولا خرطوش ولا جرادل
يعني قنعانين ولا شنو؟؟

كبيسه تعرف في جلاله في الجيش بقولو فيها

(ود النمق سحيان ليلو ونهارو ما بنيه زاندي دور قطارو)


شنو يا ساحبي الامور شنو تاني غير القطر والحريق


انته اسمع مالك مع الصبر

بس كدي اصبر لي