Post: #1
Title: تجارة الاعضاء التناسلية فى السودان
Author: shaheen shaheen
Date: 06-12-2006, 05:46 AM
(1)
(اقوال فضل المولى حول ما حدث)
.............................
- عبد الباقى .. عبد الباقى .
يا كلب البحر الضخم الجثة
- يا عبدالباقى زجاجة الخمر المغشوشة قد انتهت .
وانت نائم على سريرى , نصف جثمانك على السرير , وساقيك فى الارض
سكران تتخبط فى غيبوبة الخمر المغشوش .
رسمت دائرة كبيرة ملونة من (طراشك) و (بصاقك) على مخدتى .
اندلعت زغاريد النساء من البيت المجاور , هدرت محركات البصات
الفاخرة متجهة الى النادى الراقى .
بدات معركة تطهيرك العرقى .. يا ابن التخلف الاثنى .. يا صاحب
الجذور السوداء الضاربة فى غرب السودان .
طارت عصفورة الشمال من بين يديك .. (سهى) البيضاء .. صفراء
فاقع لونها تسر الناظرين .
شعرك الزنجى الاكرد .. انفك المفلطح مثل سكان حى (هارلم)
واسم جدك العجيب .. اجفلت العصفورة ..
انهض يا كلب البحر .. نطالب بتوزيع عادل للثروة والمشاعر
قد تفوز ب اتنين برميل بترول يوميا نفتتح بهما طرمبة بنزين
- يا عبدالباقى نتحدث man to man
احدثك عن الحب الطبقى , والحب الاثنى , والحب الانتهازى .
-هل تعرف (شوقى) ؟ .
(شوقى) هذا يا عبدالباقى صديق قديم .. مناضل شرس منذ ايام
الدراسة فى (الروضة) .. تخيل!!
دائما ما يقول :
- الشعب سوف ينتصر .
ينهزم المنتخب الوطنى 7/0
- شايف الخراء ده يا شوقى ؟ .
يرفع يده بعلامة النصر :
-النصر حليفنا فى يوم من الايام .
عاش شوقى قصة حب عنيفة , كانت هى الزاد والمتكاء , يدخل المعتقل
ويخرج وهى التى تغسل الجراح وتنشرها على حبل الغسيل حتى تجف .
هل تعرف كم مرة دخل شوقى المعتقل؟؟
عندما اتصل به هاتفيا اقول :
- يا والدة .. شوقى قاعد ولا فى المعتقل ؟
فجاة ظهر فارس , وسيم , انيق , ظريف , مدرعا باوراق نقدية
خضراء قادما من معقل الامبريالية البغيضة .
طارت الحمامة وشوقى فى المعتقل .
عندما خرج تغير .
اقابله فى مرح :
- يا ابو الوطنية الحبيب .
-يلعن (...) .
بالامس القريب صادفته يحمل جواز سفره للهروب الى اى مكان
قلت له فى حزن :
- ليه كده يا ابو الاشواق .. الشعب سينتصر .
رد فى غضب :
- اقفل خشمك يا خ.... .
.......................
.......................
يا عبدالباقى زجاجة الخمر المغشوش انتهت .
نتحدث الان man to man .
(اواصل)
......
شاهين.
|
Post: #2
Title: Re: تجارة الاعضاء التناسلية فى السودان
Author: Tumadir
Date: 06-12-2006, 06:11 AM
Parent: #1
شاهين واصل..
من البداية النازفة هذه..
يبدو ان هذا العمل سيكون (منفستو) للواقع السياسى والاجتماعى والاقتصادى لسودان المرحلة ..
او سمه "ملحمة الواقع"..
"معجبة"
|
Post: #3
Title: Re: تجارة الاعضاء التناسلية فى السودان
Author: ahmed haneen
Date: 06-13-2006, 07:26 AM
Parent: #1
فينك يا شاهين
نحن نتابع
!!!
|
Post: #4
Title: Re: تجارة الاعضاء التناسلية فى السودان
Author: Tumadir
Date: 06-13-2006, 07:32 AM
Parent: #3
يمكن خلاه عشان انا دخلت فيه....
|
Post: #5
Title: Re: تجارة الاعضاء التناسلية فى السودان
Author: Tragie Mustafa
Date: 06-13-2006, 07:44 AM
Parent: #4
شاهين مرحب بعودتك مجددا
وما اصدقك وانت تكتب من الداخل
حرفك تغير حزنك صار اكبر
ولكنك لازالت صامدا.
تخريمه:
تماضر:
| Quote: يمكن خلاه عشان انا دخلت فيه.... |
خليها مستوره ...بتكون ساعة الكافي نت انتهت والى ان يجد اعزاء الداخل
المقدره للدخول للانترنت مرة آخرى دعونا نبقيه عاليا..لاجل كل الصادقين....والصابرين.
تراجي.
|
Post: #6
Title: Re: تجارة الاعضاء التناسلية فى السودان
Author: Hussein Mallasi
Date: 06-13-2006, 08:46 AM
Parent: #4
| Quote: يمكن خلاه عشان انا دخلت فيه.... |
هو لاقي!!
___
|
Post: #7
Title: Re: تجارة الاعضاء التناسلية فى السودان
Author: Mohamed E. Seliaman
Date: 06-13-2006, 08:57 AM
Parent: #6
| Quote: تجارة الاعضاء التناسلية فى السودان |
| Quote: مناضل شرس منذ ايام الدراسة |
| Quote: رسمت دائرة كبيرة ملونة من (طراشك) و (بصاقك) |
|
Post: #8
Title: Re: تجارة الاعضاء التناسلية فى السودان
Author: Mohamed E. Seliaman
Date: 06-13-2006, 09:00 AM
Parent: #7
| Quote: تجارة الاعضاء التناسلية فى السودان |
| Quote: سمه "ملحمة الواقع".. |
| Quote: يبدو ان هذا العمل سيكون (منفستو) للواقع السياسى والاجتماعى والاقتصادى لسودان المرحلة .. |
|
Post: #9
Title: Re: تجارة الاعضاء التناسلية فى السودان
Author: Osman Malik
Date: 06-13-2006, 05:08 PM
Parent: #1
الله الله
لا تغب عنا ياشاهين كم يحتاجك هذا المكان
|
Post: #10
Title: Re: تجارة الاعضاء التناسلية فى السودان
Author: رأفت ميلاد
Date: 06-14-2006, 02:39 AM
Parent: #9
| Quote: يمكن خلاه عشان انا دخلت فيه.... |
ما أعتقد بس يمكن يكون شرب باقى قزازة عبد الباقى
|
Post: #11
Title: Re: تجارة الاعضاء التناسلية فى السودان
Author: خدر
Date: 06-14-2006, 04:40 AM
Parent: #10
تمادر
اثني
Mohamed E. Seliaman
مُستنكر ولا مُشكر !!
شاهين منتظر التتمه
|
Post: #12
Title: Re: تجارة الاعضاء التناسلية فى السودان
Author: shaheen shaheen
Date: 06-14-2006, 05:14 AM
Parent: #1
(2)
اختلفنا يا (عبده) .. انت انسان رقيق , هش المشاعر , هاشا باشا
تعشق (عثمان حسين) رومانسيات الستينيات الملتهبة غير الواقعية
وانا واقعى لزج مثل طين الخريف فى الشارع .
اقول لك يا عبدالباقى .. اصدق اغنية سودانية تلك التى تقول :-
سجل لى عرباتك
سجل لى شركاتك
ما انت العسل ذاتك .
هذا هو الشعار الجديد .. وهذا هو السودان .. سودان 2006
وهذا هو الحب الحديث يا سكران يا حيران .
مادى طبقى .. اثنى وقح .. دكان قذر فى (سعد قشرة) .
هذه هى تجارة الاعضاء التناسلية , الشهيرة باسم الحب السودانى
النابع من موروث قيمنا السمحة والمنبثق بالضرورة من حضارتنا
الضاربة بعنف فى وجهنا ووجه التاريخ .
علاقات لا انسانية .. ربح وخسارة .
ماذا عندك لكى تمتلك هذه الجعبات والسيقان والنهود المنفوخة بالسيلكون؟
اكازيون يا (فردة) .. ديكور وهمى .. تعلق ارعن بطبقة اغنى .
او عرق ارقى .. هل تسمعنى يا سكرجى ؟ .. او عرق ارقى !!!
شراء وبيع .. دكان قذر فى (سعد قشرة) .
الشى بالشى
هل شاهدت رجل فى السبعين يتزوج قاصر فى الرابعة عشر ؟
انا شاهدت ونزفت .
هل شاهدت اهل (عريس) يتم طردهم لانهم (فيهم عرق) ؟
انا سمعت وحضرت .
اى الم انسانى هذا ؟؟ واى دعارة مقنعة ؟؟
واى .. واى .. واى ؟؟؟؟
وووووواى يا كلب البحر والخمر انتهى
واصبحنا يا عبدالباقى التعيس سكارى .
(اواصل)
......
شاهين.
|
Post: #13
Title: Re: تجارة الاعضاء التناسلية فى السودان
Author: shaheen shaheen
Date: 06-14-2006, 05:19 AM
Parent: #1
الاستاذة/ طمطم .. الشهيرة ب (تماضر)
كما قال الاستاذ/ حسين ملاسى .. هو انا لاقى
مداخلتك شرف لى
اسعدتنى
وبرضو زى ما قالت استاذتنا/ تراجى .. ساعة النت انتهت .
شكرا ستى .. شكرا يا مبدعة .. شكرا على الاعجاب (وهو متبادل )
لا حرمنا الله من طلاتك .
|
Post: #14
Title: Re: تجارة الاعضاء التناسلية فى السودان
Author: shaheen shaheen
Date: 06-14-2006, 05:21 AM
Parent: #1
الاستاذ/ احمد حنين
شكرا كتير على المتابعة
تشكرات يا باشا
شاكر جدا .
|
Post: #15
Title: Re: تجارة الاعضاء التناسلية فى السودان
Author: shaheen shaheen
Date: 06-14-2006, 05:23 AM
Parent: #1
استاذتى الحبيبة وصديقتى واختى/ تراجى مصطفى
كل الود والاحترام والتقدير للمداخلات المستمرة شكرا
ربنا يحفظك ويحفظ ليك اولادك
شكرا حبيبة .. شكرا .
|
Post: #16
Title: Re: تجارة الاعضاء التناسلية فى السودان
Author: shaheen shaheen
Date: 06-14-2006, 05:27 AM
Parent: #1
استاذ/ حسين ملاسى
التعليق ظريف وحقيقى
شكرا جزيلا على المداخلة .
بالمناسبة تقابلنا انا واستاذ ملاسى مرة صدفة
هو وسيم والصورة الهنا دى ظالماهو كتير .
شكرا استاذ.
|
Post: #17
Title: Re: تجارة الاعضاء التناسلية فى السودان
Author: shaheen shaheen
Date: 06-14-2006, 05:29 AM
Parent: #1
استاذ/ محمد e سليمان
شكرا على المرور مرتين
شكرا جزيلا .
لم افهم الاقتباس !!
لك التحية والود حبيب .
|
Post: #18
Title: Re: تجارة الاعضاء التناسلية فى السودان
Author: shaheen shaheen
Date: 06-14-2006, 05:31 AM
Parent: #1
جنابو/ ميلاد
تحية للمشاركة
شاكر سعادتك .
|
Post: #21
Title: Re: تجارة الاعضاء التناسلية فى السودان
Author: Hussein Mallasi
Date: 06-14-2006, 05:36 AM
Parent: #18
| Quote: ماذا عندك لكى تمتلك هذه الجعبات والسيقان والنهود المنفوخة بالسيلكون؟ |
اعتاد عبد القادر أن يردد: نحن في السودان نتفرد بأن الذي ينطبق على
بقية الدول العربية - و ربما دول العالم - لا ينطبق علينا؛ و كان يردف؛
بان تكنولوجيا السيلكون لو وصلت الينا لنُفخت بها السيقان بعكس ما يحدث
في اوربا و الدول المتقدمة!
______
سعدت جداً بذلك اللقاء الخاطف يا شاهين.
|
Post: #19
Title: Re: تجارة الاعضاء التناسلية فى السودان
Author: shaheen shaheen
Date: 06-14-2006, 05:33 AM
Parent: #1
استاذ/ عثمان مالك
انت حبيبى فقط لا غير
المختصر المفيد .
تحياتى.
|
Post: #20
Title: Re: تجارة الاعضاء التناسلية فى السودان
Author: shaheen shaheen
Date: 06-14-2006, 05:35 AM
Parent: #1
الاستاذ والابن/ ابو لقاء
شايف الابن دى عشان رفع الروح المعنوية الهابطة
شكرا على التشجيع والمرور يا صديق ايام شباب بائد .
شكرا طارق
تحياتى حبيب .
|
Post: #22
Title: Re: تجارة الاعضاء التناسلية فى السودان
Author: رأفت ميلاد
Date: 06-14-2006, 08:31 AM
Parent: #20
أخوي شاهين
سلاامات
دى ماصورتى دى صورة سليمان أخوى مدسى بوراها ساكت
أنا ملكى ساكت لكن ما زى عبد الباقى
أها تم لينا القصة
بس المهم راس الموضوع
| Quote: تجارة الاعضاء التناسلية فى السودان |
مايكون ليهو دخل بعبد الباقى لأنه باقى لى بي وصفك ليه ده ما فضل فيه فضلة
وتحياتى يا ظريف
|
Post: #23
Title: Re: تجارة الاعضاء التناسلية فى السودان
Author: hatim
Date: 06-14-2006, 09:37 AM
Parent: #22
Quote: سجل لى عرباتك
سجل لى شركاتك
ما انت العسل ذاتك .
هذا هو الشعار الجديد .. وهذا هو السودان .. سودان 2006
وهذا هو الحب الحديث يا سكران يا حيران |
شاهين ..
واصـــل إبداعك....
|
Post: #24
Title: Re: تجارة الاعضاء التناسلية فى السودان
Author: shaheen shaheen
Date: 06-18-2006, 04:01 AM
Parent: #23
شكرا استاذ/ حاتم
شكرا جزيلا
|
Post: #25
Title: Re: تجارة الاعضاء التناسلية فى السودان
Author: Muna Khugali
Date: 06-18-2006, 04:15 AM
Parent: #24
أصـدمنا بما نشيح بعيـدا عنه وجـوهنا جـهلا وتكـبرا و خـوفا مـن معرفته ومـواجـهته..
إزيـك ياشـاهين ياجـميل..
مـني
|
Post: #27
Title: Re: تجارة الاعضاء التناسلية فى السودان
Author: Mustafa Mahmoud
Date: 06-18-2006, 04:36 AM
Parent: #25
|
Post: #28
Title: Re: تجارة الاعضاء التناسلية فى السودان
Author: tasneem
Date: 06-18-2006, 07:52 AM
Parent: #27
Wow
قمة الابداع
salamy
|
Post: #26
Title: Re: تجارة الاعضاء التناسلية فى السودان
Author: shaheen shaheen
Date: 06-18-2006, 04:28 AM
Parent: #1
(3)
عندما تحركت يا عبدالباقى من رقدتك الطويلة .
قلت ان زمن المعجزات لم ينتهى
قام واعتدل على السرير وصاح دون مقدمات :
- فينى شنو يا شماليين يا اولاد الحرام ... أأأأأ .. فينى شنو ؟ .
وبما اننى الشمالى الوحيد فى الغرفة قلت ان (عبده) سيقوم بتصفية الحسابات فورا .
فتش عن المراة .. ترتكب (سهى) الخطاء واتحمل العواقب .
عنتر وعبلة
عبدالباقى وسهى
عنترة زنجى اسود احب عبلة فى مجتمع بدوى متعصب
وعبدالباقى يحمل الحب فى مجتمع اثنى مختل , يتجه نحو التعصب والانغلاق .
- بتعرف سهى ؟
- ايوه .. ليه ؟
- حلفاوية زيك .. قريبتك ؟
- لا .. ناس سهى ديل من منطقة ونحنا من منطقة .. بتسال لشنو ؟
- ابدا .. بس زى فى اعجاب متبادل
يا حبيبى يا عبدالباقى .. يا حبيبى .
- بالمناسبة يا عبدالباقى .. نحنا الحلفاويين عنصريين جدا فى مسائل الزواج .
- بس الناس الاتولدوا واتربوا فى الخرطوم اكيد عندهم مفاهيم مختلفة .. وبعدين سهى دى
تقدمية مش كده ؟ .
يا حبيبى .. يا حبيبى
(الناس الاتولدوا واتربوا فى الخرطوم)
بط منزلى لا يطير .. ينظر للنسور المحلقة ويصيح كااااك , كااااك .
انا وانت وسهى بط منزلى .. لا اصبحنا ابقار تمشى على اربعة , ولا نسور تحلق .
المشكلة يا عبدالباقى ليست فى الفرد تقدميا كان او رجعيا
المشكلة فى المؤسسة الممتدة .. الاخوان والاخوات .. العم والخال .. وناس البلد
(ناس البلد ) هذه سوط العنج
- ناس البلد يقولوا علينا شنو ؟
(ناس البلد) مؤسسة هلامية .. هرمية .. شائخة .. قمعية .
بعد سقوط شعار (يا عمال العالم اتحدوا)
اصبح الشعار ( الشماليات للشماليين)
حل محل الفاعل بعد حذفه .
(الشماليات للشماليين) .
نهض العملاق من السرير .. ضخم .. زنجى .. بعضلات ملاكم محترف
- فينى شنو يا شماليين يا اولاد الكلب .. فينى شنو ؟ .
(اواصل)
.......
شاهين .
|
Post: #29
Title: Re: تجارة الاعضاء التناسلية فى السودان
Author: shaheen shaheen
Date: 06-19-2006, 04:15 AM
Parent: #1
(4)
عندما يغضب عبدالباقى يصير مثل ثور مستودع الخزف .. بلدوزر هائج , لا تستطيع الا قوة سمائية
ايقافه .
....................
....................
- هسع انت يا فضل المولى ممكن تتزوج جنوبية ؟
هززت كتفى :
- ممكن .
- لا اسمع ما تعمل لى فيها رب الاشتراكية والكلام الفارغ ده .. حتكون مرتاح نفسيا ؟
- ممكن .
- لاحظ باقول جنوبية جاية جديدة لنج من الجنوب .. عربى ما بتعرفوا .. تقدر ؟
- انت كمان ما تبالغ .. يعنى اتفاهم معاها بالهيروغليفى ولا شنو ؟
- كذاب .. قشرة تقدمية .. خيخة .. انتو الشماليين ممكن تمارسو الجنس بس مع الجنوبيين والغرابة
والقراقير .. لكن عرس لا .
- فى ناس من الشمال اتزوجوا من المناطق ديك .
- واحدة جعلية اتزوجت من زول من اولاد الدلنج .. تعرف مرة اتشاكلوا قالت ليهو شنو ؟ .
- شنو ؟ .
- قالت (امشى يا عبد)
- الجعليين بيقولوها .
- يعنى هسع انت حلفاوى لو اتزوجت جعلية ممكن تقول ليك امشى يا عبد؟ .
طبعا ما ممكن .
وضع يده على وجهه وانفجر ضاحكا .
(اواصل)
......
شاهين.
|
Post: #30
Title: Re: تجارة الاعضاء التناسلية فى السودان
Author: shaheen shaheen
Date: 06-19-2006, 04:17 AM
Parent: #1
شكرا استاذتنا/ منى عوض خوجلى
على المرور .
|
Post: #31
Title: Re: تجارة الاعضاء التناسلية فى السودان
Author: shaheen shaheen
Date: 06-19-2006, 04:19 AM
Parent: #1
شكرا د/ مصطفى
تحية قلبية .
|
Post: #32
Title: Re: تجارة الاعضاء التناسلية فى السودان
Author: shaheen shaheen
Date: 06-19-2006, 04:21 AM
Parent: #1
استاذة / tasneem
شكرا وتحية
|
Post: #33
Title: Re: تجارة الاعضاء التناسلية فى السودان
Author: شرووم
Date: 06-19-2006, 07:33 AM
Parent: #1
جميل يا أخ شاهين ، جميل جدا ومنتهى الابداع .
شرووم
|
Post: #34
Title: Re: تجارة الاعضاء التناسلية فى السودان
Author: Ahmed El Gasim
Date: 06-19-2006, 10:03 AM
Parent: #33
الحبيب ود حلتنا الرائع شاهين
بوست ممتع حد الثمالة
بس عندي سؤال(اوعي الكلام دة في كلاكلتنا؟)
|
Post: #35
Title: Re: تجارة الاعضاء التناسلية فى السودان
Author: nashaat elemam
Date: 06-20-2006, 03:14 AM
Parent: #34
الشاهين الطاير في سماهو.. سلامات
وينك يا راجل.. اشتقنا لطلتك..
كن بخير
|
Post: #36
Title: Re: تجارة الاعضاء التناسلية فى السودان
Author: shaheen shaheen
Date: 06-20-2006, 03:56 AM
Parent: #1
(5)
انت يا عبدالباقى عرفت (شطة) الحب العرقى , وعرفت زيف شعارات اناشيد
المذياع والتلفاز عن الوطن المتحد فى كتلة واحدة سائرة خلف قائد
ملهم (بكسر الميم) وملهم ( بالضم هذه المرة) .
وانا فضل المولى عرفت (شطة) الحب الطبقى ونظرة الاستعلاء من الفئات
التى صعدت وتمكنت وما تمسكنت .
(ثريا) هى الشطة والفلفل الحراق على جراحى .. ابنة الفيلا ذات الطوابق
الاربعة .. والعربات الفارهة الملونة .. انا ابن ازقة اطراف الخرطوم
اتحدث عن شمالى وشمالية .. عن ups و downs .
تصنيف طبقى اجتماعى حاد ومزعج وجارح .
انا فضل المولى ابن الشريحة الوسطى الشمالية .. المذعورة الهاربة
من السقوط الطبقى الى دول الخليج وامريكا وبلاد تركب الافيال .
نحن ابناء خطط التنمية العرجاء الطفيلية .. سقطنا موزعين للبيتزا
وخدم فى القصور البترولية .
سقطت احلام 21 اكتوبر .. و 6 ابريل , على رؤوسنا تماما , اصابتنا
فى صميم المخ والنخاع الشوكى .
عندما شاهدت زفة (ثريا) المصممة بالليزر والفنانة القادمة من (لبنان)
عرفت حجمى الطبيعى .. لا انا شمالى مثلهم .. ولا انا زنجى مثل سكان
اطراف (الحاج يوسف) .
تركونا فى الاطراف وتحصنوا هم فى حصونهم المنيعة .
تركونا كلاب تمارس الجنس .. تشرب البنقو والعرقى والسجائر الرخيصة
ونقتل بعضنا البعض فى احداث الفتن الطائفية .. نتصارع من اجل
فتات موائدهم وننبح :
- نحنا الشماليين اسياد البلد .
اى بلد .. اى خراء ؟؟
(ثريا) هى (شطتى) و (بهاراتى) اللزعة
(سهى) هى (شطتك) و (بهاراتك) الحارقة
نضعهما على الجرح ونصرخ :
- ووب .. ووب .. ووب علينا .
(اواصل)
......
شاهين.
|
Post: #37
Title: Re: تجارة الاعضاء التناسلية فى السودان
Author: shaheen shaheen
Date: 06-20-2006, 03:58 AM
Parent: #1
شكرا استاذ/ شرووم
شكرا جزيلا .
|
Post: #38
Title: Re: تجارة الاعضاء التناسلية فى السودان
Author: shaheen shaheen
Date: 06-20-2006, 04:01 AM
Parent: #1
الاستاذ/ احمد على القاسم
تحية للمرور
الكلام ده فى كل السودان
لك الحب والتقدير .
شكرا كتير .
|
Post: #39
Title: Re: تجارة الاعضاء التناسلية فى السودان
Author: shaheen shaheen
Date: 06-20-2006, 04:03 AM
Parent: #1
الاستاذ/ نشات الامام
شكرا على السؤال والمرور
كل الحب .
|
Post: #40
Title: Re: تجارة الاعضاء التناسلية فى السودان
Author: newbie
Date: 06-20-2006, 03:28 PM
Parent: #39
تحياتي شاهين
|
Post: #41
Title: Re: تجارة الاعضاء التناسلية فى السودان
Author: ahmed haneen
Date: 06-21-2006, 01:24 AM
Parent: #1
Quote: نحن ابناء خطط التنمية العرجاء الطفيلية .. سقطنا موزعين للبيتزا
وخدم فى القصور البترولية .
سقطت احلام 21 اكتوبر .. و 6 ابريل , على رؤوسنا تماما , اصابتنا
فى صميم المخ والنخاع الشوكى . |
احبك يا شاهين
واصل
|
Post: #42
Title: Re: تجارة الاعضاء التناسلية فى السودان
Author: shaheen shaheen
Date: 06-22-2006, 06:43 AM
Parent: #1
(6)
(ثريا) نجمتى .. نيزكى المحترق .. تحديقى المذهول الى الذين صعدوا
وفازوا .. خوفى من الذين سقطوا وخسروا .
ارتباك السلالم الاجتماعية .
بيت شعر على منضدتى :
الكل فى السودان غير مكانه
المال عند بخيله
والسيف عند جبانه .
اسئلة ولا اجابات
ينهض عبدالباقى ويسقط .. احاول جهد طاقتى منعه من الخروج الى الشارع
سوف تحدث كارثة .. بيت (سهى) على مرمى حجر من بيتى .. بصات السيرة
تحركت .. وساد المنطقة هدواء لئيم .
ربما هى الان فى (الكوافير) تبتسم فى سعادة .. بيضاء , جميلة , ضئيلة
هادئة .. عريس شمالى .. وفنان شمالى .. ومدعوين بالضرورة شماليين
غناء بالعربى والنوبى .. اطفال (بحكم قوانيين الجينات الوراثية )
شماليين .. اكتملت الدائرة واغلقت .. القمة الوهمية .. غرورنا ..
عقدنا النفسية .. سوط عنجنا على ظهور خلق الله .. نقاء عرقى مزعوم وفاضح
يبكى عبدالباقى :
- ماشى احضر عرس (سهى) .. ماشى احضر عرس (سهى) .
اسقط على الارض متشبسا بالجسد العملاق .
- فكنى ماشى اشوف (سهى) وهى عروس .
يا (كونتا كنتا) الحزين من اصطادك وجلبك بالسفينة الى شمالنا الجغرافى
الحقير هذا ؟؟؟؟؟؟
(اواصل)
......
شاهين.
|
Post: #43
Title: Re: تجارة الاعضاء التناسلية فى السودان
Author: Osman Malik
Date: 06-23-2006, 10:46 AM
Parent: #1
| Quote: نقاء عرقى مزعوم وفاضح |
الحبيب شاهنا المفدى, الحمد لله غيبتك ماطلعت فشنك, فعدت كما عهدناك ناثرا للدرر والاشياء الجميلة.
|
Post: #44
Title: Re: تجارة الاعضاء التناسلية فى السودان
Author: shaheen shaheen
Date: 06-24-2006, 03:22 AM
Parent: #1
استاذ/ newbie
تحية قلبية حارة
شكرا
|
Post: #45
Title: Re: تجارة الاعضاء التناسلية فى السودان
Author: shaheen shaheen
Date: 06-24-2006, 03:24 AM
Parent: #1
الحنين
استاذ/احمد
تحية مرة تانية
|
Post: #46
Title: Re: تجارة الاعضاء التناسلية فى السودان
Author: shaheen shaheen
Date: 06-24-2006, 03:27 AM
Parent: #1
الاستاذ/ ابو عفان
ود مالك
تطوقنى بما ارجو ان استحقه
كثيرا وكبيرا جدا شكرى اليك .
|
Post: #48
Title: Re: تجارة الاعضاء التناسلية فى السودان
Author: shaheen shaheen
Date: 06-25-2006, 05:03 AM
Parent: #1
شكرا استاذ/هوارى
النقل للمواقع الاخرى يساعد على الانتشار
شاكر ليك .
|
Post: #49
Title: Re: تجارة الاعضاء التناسلية فى السودان
Author: shaheen shaheen
Date: 06-25-2006, 05:06 AM
Parent: #1
استاذة/ سامية
شكرا على الرسالة الالكترونية فيما يتعلق بهذا البوست
اتمنى ان اكون عند حسن ظنك دائما .
تحية قلبية حارة .
|
Post: #50
Title: Re: تجارة الاعضاء التناسلية فى السودان
Author: shaheen shaheen
Date: 06-28-2006, 04:10 AM
Parent: #1
(7)
اين ذهب الحب الحقيقى , الانسانى الصافى , اين ذهب ؟
لماذا ظهرت الحسابات المعقدة الملعونة هذه ؟
حتى الجنس .. حتى الجنس , فقد المغزى والطعم .. صار ممارسة بلا طعم ولا روح , ولا بعد بشرى صافى
رائق .. ما الذى حدث لنا وفينا .. ما الذى حدث للبلد وفيها .
من نحن ؟
وعبدالباقى افلت منى وخرج للشارع .. جريت خلفه متعثرا فى خطاى .. خطوات سكران موجوع .. وجدته يسير ويا للعجب بخطوات ثابتة موزونة .. كانه فى قمة الحيوية الذهنية .. وقفت امام الباب متسائلا ماذا افعل الان .
(اواصل)
......
شاهين.
|
Post: #51
Title: Re: تجارة الاعضاء التناسلية فى السودان
Author: shaheen shaheen
Date: 06-29-2006, 04:41 AM
Parent: #1
(
عندما غبت عن نظرى يا عبدالباقى وابتلعك الظلام .. ناديتك باعلى ما فى
طبقات صوتى :
- يا عبدالباقى .. يا عبدالباقى
وتسألت بينى وبين نفسى :
- ما العمل الان ؟ .
نحن فى معمعة القرن الحادى والعشرين وما زلنا ندور فى الدوائر المفرغة
معصوبى العيون .
هل هناك امل يلوح فى الافق ؟ .
تعثرت وانا ادخل منزلى فى طلائع جيشى المثخن .. اغلقت الباب ورائى
مثقل القلب , مهموم .
مرت قطتى بجوارى تموء فى ابتهاج غير مناسب .. انحنيت عليها:
- يا (مشمشة) ما العمل الان ؟ .
(انتهت اقوال فضل المولى حول ما حدث) .
(اواصل)
......
شاهين.
|
Post: #52
Title: Re: تجارة الاعضاء التناسلية فى السودان
Author: shaheen shaheen
Date: 07-01-2006, 04:01 AM
Parent: #1
(1)
(اقوال سهى محمد صالح حول ما حدث)
................................
ضحكت عندما قرأت اقوال فضل المولى .
ما زال كما هو لم يتغير .. روح شاعر فى ازمنة مادية وقحة .. جعل منى
مصاصة دماء مرعبة .. واخذ يلف ويدور ويناور حول اسطورة الحب .
هل هناك حب ؟ .
الفرق بينى وبين فضل المولى وعبدالباقى ليس فقط فى الجنوسة (ذكور واناث)
وليس فقط فى العمر (اصغر منهما بعشر سنوات) .. الفرق الاساسى فى نظرى
هو المنهج .. انا خريجة رياضيات اعشقها حتى الثمالة .. فضل المولى خريج
لغة انجليزية .. عبد الباقى خريج علم اجتماع .
الفرق بين العلمى واصحاب العلوم الانسانية شاسع .
علاقة حميمة ربطتنى ب عبدالباقى لمدة سنتين تقريبا اعترف واقر بذلك
انتهت هذه العلاقة .. انا انهيتها .. اين هى المشكلة هنا ؟؟
وما هذه المناحة وخبط الدماغ فى الحائط الصلب التى فى اقوال فضل المولى!!
اندهش عموما من تراث المناحة الهائل الغبى فى الاشعار والمسلسلات والافلام
والغناء .. (حبيبى هجرنى) .. ( اموت لو ما شوفتا عيونه) .. ( تعال انا
عيان) .
ما هذا الضعف المقيت .. ما هذا ؟؟
علاقة جمعت شخصين حسابات معينة اوضحت ان النتائج ستكون صفر كبير انتهت
العلاقة ولتبداء واحدة اخرى دون ضجيج وبكاء خائب على نغمات (ام كلثوم) .
هذه انا .. 1+1 = 2 .. هذه شخصيتى .
هل انهيت العلاقة لان عبدالباقى ليس شماليا . وكان هذا من الاسباب الرئيسية
اقول نعم .. نعم كبيرة وبصوتا عالى .
طيب لماذا بدات العلاقة من الاساس وانا اعلم هذه الحقيقة ؟
اسمعونى حتى النهاية من فضلكم .
كلام فضل المولى جعلكم تكرهوننى اليس كذلك ؟
اريد فقط ان اتحدث .. دون تبرير وهمى .. ودون تزييف
هل هى معركة خاسرة ؟
معركة توضيح وجهة نظرى
فقط اسمعونى لو تكرمتم .
(اواصل)
......
شاهين.
|
Post: #53
Title: Re: تجارة الاعضاء التناسلية فى السودان
Author: shaheen shaheen
Date: 07-02-2006, 03:55 AM
Parent: #1
(2)
احيانا كثيرة تدخل الانثى فى علاقة عاطفية ما , وفى منتصف الطريق تشعر انها
قد تورطت بشكل او اخر .. عندها يصبح الانسحاب هو الحل المثالى والامثل دون
ضجيج و دون سماع تلك الاغنية التى اكرهها جدا (فى الليلة ديك) .
(ابتهاج) صديقة صدوقة , ارتبطت مع شخص تركها عند اول منعطف وتزوج .. اصبحت
تنام وتصحو على اغانى الفراق العبيطة .. وتبكى ليل نهار
- بالله انتى جادة فى العباطة دى ؟ يا زولة ملعون ابو امه , الرجال فى الشارع
زى الطماطم بالصفيحة , يا بت امشى استحمى واتمكيجى حتلقى مليون احسن منه .
وقد كان .. وجدت (عاطف) انسان ناجح ظريف وابن حلال .. عندها الان طفلين وبيت لطيف
- وين صاحبنا بتاع (فى الليلة ديك) ؟
ترد (ابتهاج) فى ابتهاج حقيقى
- ملعون ابو امه , لا ديك لا فرخة .
فضل المولى ذاك الشاعر المغفل يمازحنى وانا اعلم انه جاد
- سهى يا صاحبة العقل الرياضى القذر .
ارد عليه فى حدة
- فعلا انا ما عندى اى علاقة بالاشعار والكلام الفارغ ده .. انا صاحبة عقل رياضياتى
منطقى .. وفخورة جدا ب كده .
(اواصل)
......
شاهين.
|
Post: #54
Title: Re: تجارة الاعضاء التناسلية فى السودان
Author: المسافر
Date: 07-02-2006, 05:49 AM
Parent: #53
أبو الشواهي دواهي
سلامات يا تاجر أفندي
هي التجارة البائرة دي لسع معروضة
أوعك تقول سوقها بكشف مرة مرة
ده كشف حال
ده دي يا شاهشوه
|
Post: #55
Title: Re: تجارة الاعضاء التناسلية فى السودان
Author: shaheen shaheen
Date: 07-03-2006, 05:31 AM
Parent: #1
حبيبى يا استاذ/ مسافر (من اين ؟ والى اين ؟ )
لك الود كله
تجارة الاعضاء التناسلية رائجة جدا .. عايز ؟؟
الود والشكر حبيب .
|
Post: #56
Title: Re: تجارة الاعضاء التناسلية فى السودان
Author: shaheen shaheen
Date: 07-04-2006, 04:01 AM
Parent: #1
(3)
- عيونك يا سهى نيل ازرق عايز اعوم فيهم من المنبع للمصب .
مثل هذا الكلام من عبدالباقى كان يشعرنى بالغضب اشتعل غيظا حتى انقلب
رمادا .
- يا عبده الزواج ده شركة تجارية , نفرين دايرين يعيشوا فى هدواء ووضع
مالى معقول , والمسالة ما محتاجة عيون وشعر منسدل زى الحرير والكلام الما
عندو معنى ده .
- والله العظيم انتى ما عندك ذرة رومانسية .
- اعمل بيها شنو ؟ كدى ورينى اعمل بيها شنو ؟ .
اخترتك بعقلى .. وتركتك بعقلى .. وجدتك انسان طيب اخو اخوان تتجه نحو نجاح
مادى مقبول .. تتحمل المسئولية .. فيك كل ما اريد وبعض ما اكره ( رومانسيتك
وشربك الخمر) .
عندما علمت اسرتى بالعلاقة جنا جنونهم ووقفوا ضدى .. اما ان اخسر اسرتى ابى
وامى واخوتى ( سامر وساجدة) .. واما ان اخسرك .
لم اضع انا القوانيين .. قوانيين الزواج العرقى .. ولا شاركت فى حملات الزبير باشا
رحمة الحقيرة لصيد الرقيق .
لعبت بالقوانيين السائدة .
لماذا وصمى باننى ابيع اعضائى فى سوق الاعضاء التناسلية ( ما هذا الابتذال؟) .
اخترت اسرتى .. ومؤسستى التى احيا فى محيطها .. واتنفس منها .. واشرب مياهها
الملوثة .
ماذا اكون لو كسبت عبدالباقى وخسرت (ساجدة) .
اتكلم بالعقل .. لا القلب .. القلب هذا مجرد مضخة الية حمقاء تضخ الدم الى الجسم
العقل هو سيد الموقف .
وصاحب القرارات المصيرية الخطيرة .
(اواصل)
......
شاهين.
|
Post: #57
Title: Re: تجارة الاعضاء التناسلية فى السودان
Author: shaheen shaheen
Date: 07-05-2006, 05:21 AM
Parent: #1
(4)
ابى صنع من الفسيخ شربات .. نحن نتاج معاناة طويلة ومكابدة من لقمة
العيش .. صنع لنا حياة مستقرة ومستورة .
انا وسامر وساجدة .. حصاد رحلة طويلة .. حتى نلبس لبس جيد .. ولا نعانى
من الممكن كان ان اتمرد على ابى وامى واخوتى .
كان من الممكن ان اقول طظ فيكم ولكم .. واتزوج عبدالباقى .
لكن الثمن عندها سيكون باهظا ومؤلما .
لن ولم استطيع دفعه .
فى النهاية انسانة من لحم ودم وعقل .
(اواصل)
......
شاهين.
|
Post: #58
Title: Re: تجارة الاعضاء التناسلية فى السودان
Author: hatim
Date: 07-05-2006, 12:11 PM
Parent: #57
زدنا من معينك ....
|
Post: #59
Title: Re: تجارة الاعضاء التناسلية فى السودان
Author: ريهان الريح الشاذلي
Date: 07-06-2006, 05:12 AM
Parent: #58
يا سسسسسسسسسسسسسسسسسسسسسسسسسسسسسسسلااااااااااااااااااااااااااامممممممممممم
علي هاتيك القضية
كم جميلا انت يا شاهين وانت تلقي الضؤ
واصل
|
Post: #60
Title: Re: تجارة الاعضاء التناسلية فى السودان
Author: shaheen shaheen
Date: 07-08-2006, 04:33 AM
Parent: #1
شكرا استاذ/ حاتم
تحية للمرور
|
Post: #62
Title: Re: تجارة الاعضاء التناسلية فى السودان
Author: محمد عبد المنعم عمر
Date: 07-08-2006, 04:40 AM
Parent: #60
سلام
وغرام
لكل الناس
الحلوه
|
Post: #61
Title: Re: تجارة الاعضاء التناسلية فى السودان
Author: shaheen shaheen
Date: 07-08-2006, 04:38 AM
Parent: #1
استاذة/ ريهان الريح
تحية على المرور وتشكرات كتيرة .
شكرا لكم جمعيا .
|
Post: #63
Title: Re: تجارة الاعضاء التناسلية فى السودان
Author: shaheen shaheen
Date: 07-13-2006, 03:29 AM
Parent: #61
الاستاذ/ محمد عبدالمنعم
التحية والتقدير
شكرا حبيب .
|
Post: #64
Title: Re: تجارة الاعضاء التناسلية فى السودان
Author: shaheen shaheen
Date: 07-13-2006, 03:37 AM
Parent: #1
(5)
هذه انا .. ابنة الواقع .. لا املك الا السير على خطوات ايقاعاته
لو كان الامر بيدى لخلقت لكم واقعا جديدا , رائعا .. لكنه ليس كذلك
لو اردتم ان تكرهونى افعلوا .. لا انا ابنة متمردة ولا استطيع .. ولا
اريد .
لكم كلكم الود .
( انتهت اقوال سهى محمد صالح حول ما حدث)
(اواصل)
......
شاهين.
|
Post: #65
Title: Re: تجارة الاعضاء التناسلية فى السودان
Author: shaheen shaheen
Date: 07-13-2006, 03:55 AM
Parent: #1
(1)
(اقوال عبدالباقى حول ما حدث)
............................
(سهى) .. يا فراشتى الملونة الغالية .. فراشة محترقة على مصباح معادلاتك
الرياضية الصارمة والقبيحة .
سنتين من زواجك .. وانا هنا فى ابتعادى القسرى .. فى بلاد النفط الصحراوية
اتذكرك .. اتعب واندم
- ياالله عاينو الزولة دى بتشبه (سهى) .
افكر فيك دائما .. ارحل اليك وجهاز التكييف فى غرفتى المتواضعة يهدر فى اصرار
سهى .. سهى .. سهى .. سهى
اتحدث مع خطيبتى هاتفيا واتذكر صوتك .
ذبحتنى المؤسسة الهلامية .. ذبحتنى شرائط (الطيب عبدالله)
ما زلت احيا يا (سهى) .
اهاتف (فضل المولى)
- فوفو .. (سهى) كيف بالله ؟
- يا عبده انسى يا اخى .
انسى !!!! .. اتوغل فى غابات النسيان .. واتذكر .
سواد لونى .. اصلى وفصلى .
جراح العنصرية .
وجعى .
انا هنا (عبد) وسط ابار البترول .. وانا هناك (عبد) فى وطنى .. وابن عمى هناك
فى امريكا زنجى حقير .
اصلى واتوضاء .. اقراء القران وابكى .. (بلال بن رباح) ربما كان قريبى .
اسمع (الطيب عبدالله) وابكى .
ذات مرة قال (فضل المولى)
- الخمر والشعر والنساء .. ثالوث الشر غير المقدس .
كتبت اسمك على حائط غرفتى فى مدينة (جدة) .. كتبت الاسم الثلاثى
سهى محمد صالح .
(اواصل)
......
شاهين.
|
Post: #66
Title: Re: تجارة الاعضاء التناسلية فى السودان
Author: shaheen shaheen
Date: 07-25-2006, 02:30 AM
Parent: #65
(2)
(ملكة) هى الضحية .. خطيبتى .. وابنة عمتى .. ضمادة الجرح .
- اى حاجة .. اى حاجة .
قلتها بعد كارثة اعصار (سهى) .
امراة والسلام .
خطبتها بعد شهرين من رحيل الملكة الحقيقية عن حياتى .
اجد معها صعوبة فى الكلام والتنفس .
المكالمة الهاتفية معها عذاب .. مثل برامج التلفاز الخانقة
- كيفك يا ملكة ؟
- الحمدلله .
- الاخبار تمام ؟
- تمام
- انشاء الله العرس السنة الجاية
- انشاء الله
- محتاجة حاجة من السعودية
- لا.. لا .. شكرا كتر خيرك .
حزينة (ملكة) .. ومسكينة مثلى .
انتظرت كثيرا مكسورة الجناح .. تصنع شرنقة من الصمت حول نفسها
وتنتظر ابن الحلال (فى زمن اصبح فيه الجميع اولاد حرام)
تمت الصفقة فى هدواء .. امى صنعتها
- يا ولدى (ملكة) دى مالها؟ بت حلال وهدية ورضية .
- خير يا حاجة .. خير .
لبست خاتمى فى حفل بسيط سكر فيه (فضل المولى) وبكى وتحدثا شعرا عن
وطن غامض خرافى غير موجود فى الاطلس .
(اواصل)
......
شاهين.
|
Post: #67
Title: Re: تجارة الاعضاء التناسلية فى السودان
Author: shaheen shaheen
Date: 07-27-2006, 05:37 AM
Parent: #66
(3)
(تباشير) .. اجمل ما كتب (فضل المولى) .. قصيدة لها عندى معنى ومغزى
عندما حضرت هنا فى مدينة (جدة) , ذهبت الى خطاط ورسام (صومالى) .. كتب
القصيدة على رقعة من جلد الماعز .. وزينها برسم امطار تهطل على بركة
مياه مهجورة .
كان هو اليوم الذى اعلنت فيه حبى ل (سهى) .. واعلنت لى حبها .
بواكير الخريف كانت .. امطار قليلة تداعب الشوارع ووجوه الناس .. رياح
لطيفة مهذبة ترفع فساتين البنات فى خبث لئيم .. طرت مثل الطفل الى صديقى
احمل زجاجة الخمر واكل دسم كثير .
(فضل المولى) انتهى فى هذا اليوم من قصيدتها (تباشير) .. كتب البيت
الاول منها فى الاعتقال الاول والاخير
تباشير الخريف هلت
تباشير الانكسار لاحت
1990 كان اعتقال (فضل المولى) .. ما زال يحمل جراح السياط فى اشعاره
قلت له :
- يا ود الحرام .. خلاص .. سهى بقت لى .. سهى بقت زولتى .
رقصت فى حوش بيتهم وغنيت .
كان ينظر لى فى حزن غامض .. غريب .. غير مفهوم .
يختفى ويعود
- ماشى الحمام .
يختفى ويعود .
احتفلنا بالقصيدة والمطرة و(سهى) .
اتذكر حتى الان نظرة عينه فى ذلك اليوم وهزة راسه وهو يترنم فى اسى
تباشير الخريف هلت
تباشير الانكسار لاحت .
اشم حتى الان رائحة ذلك اليوم .. ورائحة بولى وانا اتبول فى جذع شجرة بيتهم
الضخمة .
(اواصل)
......
شاهين.
|
Post: #68
Title: Re: تجارة الاعضاء التناسلية فى السودان
Author: Yassir Tayfour
Date: 07-27-2006, 05:59 AM
Parent: #67
الجميل المتعب جدا
شاهين شاهين
الله ما يحرمنا منك ياخ
ياخ دى متعة ماعادية
شكرا لامتاعنا حد الدهشة
|
Post: #69
Title: Re: تجارة الاعضاء التناسلية فى السودان
Author: Osman Malik
Date: 07-27-2006, 07:22 AM
Parent: #1
الحبيب شاهنا المفدى, سلام
عدت و عاد للمنبر بريقه بعد ان خفت.
باله عليك لا تغيب.
|
Post: #70
Title: Re: تجارة الاعضاء التناسلية فى السودان
Author: Osman Malik
Date: 07-27-2006, 07:23 AM
Parent: #1
الحبيب شاهنا المفدى, سلام
عدت و عاد للمنبر بريقه بعد ان خفت.
باله عليك لا تغيب.
|
Post: #71
Title: Re: تجارة الاعضاء التناسلية فى السودان
Author: shaheen shaheen
Date: 07-29-2006, 04:30 AM
Parent: #1
الاستاذ/ ياسر طيفور
الشكر الجزيل والتقدير اولا على هذه المداخلة
ثانيا وثالثا ورابعا على كل المداخلات فى مساهماتى السابقة وعلى الكلام
الرقيق
شكرا ابو اليسر
تحياتى القلبية لك .
|
Post: #72
Title: Re: تجارة الاعضاء التناسلية فى السودان
Author: shaheen shaheen
Date: 07-29-2006, 04:36 AM
Parent: #1
الاستاذ/ عثمان مالك
طوقتنى بما ارجو ان استحقه
لك الشكر لو يكفى
تحياتى الى اسرتك الصغيرة والكبيرة
شاكر جدا جدا ابو عفان
حبى لك انت تعلمه .
|
Post: #73
Title: Re: تجارة الاعضاء التناسلية فى السودان
Author: المسافر
Date: 07-29-2006, 05:52 AM
Parent: #72
Quote: - ياالله عاينو الزولة دى بتشبه (سهى) .
. |
شاهي شاهي
وطوالي ينتقل يشبه سهى بشبه الأرايل
اريل شام شروق نشابي ما نشابك شم نفسك يفوق مسك العشاري الشابك
بس خليه يتخيل شبه الزينبعوب الجزار بو فشافيش
عشان الصورة تصبح ما فيش
مع تحياتي وامنياتي لك بتجديد الرخص الجارية بدون غرامات وضرائب ومصادرة العدة
|
Post: #74
Title: Re: تجارة الاعضاء التناسلية فى السودان
Author: shaheen shaheen
Date: 08-02-2006, 04:26 AM
Parent: #1
الاستاذ/ مسافر لك التحية والاخترام
شكرا على المرور حبيب .
|
Post: #75
Title: Re: تجارة الاعضاء التناسلية فى السودان
Author: shaheen shaheen
Date: 08-02-2006, 04:53 AM
Parent: #1
(4)
احدق فى رقعة جلد الماعز .. قصيدة (فضل المولى) بمداد اسود كثيف
وفى منتصف ليل (جدة) .. تنتابنى رغبة ان اسمعها منه عبر سماعة الهاتف
.................
.................
تباشير الخريف هلت
تباشير انكسار لاحت
هدوم العيد .. وريحة بسكويت فاحت
طباشير فى الحيط كتبت
(حضرت اليوم ولم اجدك)
وامبارح ولم اجدك
واول اول امبارح
متين اجدك ؟
وتجدينى ؟
وخايف من مطر ليلك .. يبلل لى هدوم عيدى
مطر شكشك على راسى
صلاة العيد جوار بيتكم
اخوض فى الطين
وكيف اصلك ولا اجدك ؟
اصوم فى العيد ؟
صيام العيد حرام شرعا
ولم اجدك
انوم احلم عشان القاك
- يا (احلام) .. يا (احلام)
كوابيسك بقت اضغاث
(حضرت اليوم ولم اجدك)
تباشير انكسار لاحت
واعشاب الاسى الظهرت
على سرج الحصان رقدت وارتاحت
وعايز اغرق
وسامع النيل بنادينى
- تعال اغرق
- تعال اركب على الامواج
انا مجدوع على شاطى
طحالب خضرا فى وشى
كلاب ضخمة .. بتنهش فى لحم فخدى
و دود طالع و دود داخل
صقور بدات تحوم حولى
بقيت منفوخ
(حضرت اليوم ولم اجدك)
تباشير انكسار لاحت
وريحة بسكويت فاحت
وغربان الفريق صرخت
على سلك العمود ناحت
تباشير الخريف هلت
واحلام العمر ولت
سدود قدامك اتعلت
قدود .. والدود , جيوش بتصفى فى دمك
متين اجدك ؟
وتجدينى ؟
وخايف من مطر ليلك .. يبلل لى هدوم عيدى
(حضرت اليوم ولم اجدك)
(حضرت اليوم ولم اجدك)
(حضرت اليوم ولم اجدك)
وسامع النيل بنادينى .
(اواصل)
......
شاهين.
|
Post: #76
Title: Re: تجارة الاعضاء التناسلية فى السودان
Author: saif khalil
Date: 08-02-2006, 05:46 AM
Parent: #75
شاهين
تحياتي
*احييييييييييييييييك
*اسفت كثيرا انني ما دخلت هذا البوست الا اليوم
*انه عمل رائع
*زاد من روعة العمل ان كاتبه شاهين..ولاسم شاهين في نفسي معزة خاصة..اذ يذكرني ببواكير حياتي العملية في التدريس..حيث عملت بالخرطوم الجديدة وكان وكيل المدرسة المربي ذو الملح والطرف الاستاذ شاهين..وهو من اندكم
*لك المودة
|
Post: #78
Title: Re: تجارة الاعضاء التناسلية فى السودان
Author: shaheen shaheen
Date: 08-10-2006, 04:00 AM
Parent: #75
(5)
فى الليلة التى تزوجت فيها (سهى) .. عرفت معنى العذاب الخقيقى , والصداقة
الحقيقية .. لم اجد غير (فضل المولى) , كان هو الملاذ والملجاء .. بيت
(سهى) قريب من بيتهم , ونفس مسقط الراس (حلفا) .. انتظرت عنده منذ الصباح
حاول بشتى السبل ان نهرب من هنا .. اقترح الذهاب الى شاطى النيل القريب
ان نبتعد قدر الامكان _ بذل جهدا مقدرا_ .. نبتعد عن الاصوات والزغاريد
وهدير محركات السيارات القادمة للعرس والذاهبة عنه .
ابتعد؟ .. كيف ؟ .
اريد البقاء وسماع اصوات النهاية .. ان اشاهد بام عينى ستارة النهاية
لهذه المسرحية الفجة والفاجعة .. شربنا كما لم نشرب من قبل .. سكرت ,
وبكيت , وطرشت .
طلبت منه ايقونتى المفضلة .. انشرخ صوته فى هزيع الليل الكئيب مبللا
بالخمر والاحباط :
انا مجدوع على شاطى
طحالب خضرا فى وشى
كلاب ضخمة .. بتنهش فى لحم فخدى .
و دود داخل .. و دود طالع
صقور بدات تحوم حولى .
سمعت (تباشير) فى بداية العلاقة ونهايتها .. وانا على حافة الجرف .
حاولن معها كثيرا , ان تقاوم .. ان تكسر (تابو) التخلف الاثنى
ان تنتفض .. انسحبت مثل (هرة) مدللة .. اختارت الاسرة والمجتمع .. تركتنى
فى العراء .
عندما خرجت تلك الليلة من (فضل المولى) , حملت قلبى وجسدى وكفنى
كانت اخر مرة اشرب فيها خمرا .
عندما اصلى الان واصوم فى منفاى فى (جدة) .. اتذكر عبد الباقى القديم
كانه شخصية من كتب التاريخ .. اهرع الى شيخ باكستانى لطيف متفقه فى الدين
اجلس عنده الساعات الطوال واشرب من يد ابنته الخمسينية الشاى _ غير جميلة
وغير متزوجة تفرغت للقران وتعلم العربية_ .
اعود من عندهما متدثرا بروح ايمانية رائقة .. احدق فى سقف غرفتى :
- ياشيخ عبدالباقى .. اين عبد الباقى القديم؟
تتراقص رقعة جلد الماعز فى الظلام على الحائط
متين اجدك ؟
وتجدينى ؟
وخايف من مطر ليلك .. يبلل لى هدوم عيدى .
- ربنا يهديك يا (فضل المولى) .. ربنا يهديك .
انام واستيقظ مع الفجر اصلى الصبح حاضرا .. واضع (البراد) على النار
وفى انتظار ان يغلى الماء .. افتح مصحفى الصغير واقراء ما تيسر من
ايات الذكر الحكيم .
(انتهت اقوال عبدالباقى حول ما حدث)
(اواصل)
......
شاهين.
|
Post: #77
Title: Re: تجارة الاعضاء التناسلية فى السودان
Author: saadeldin abdelrahman
Date: 08-02-2006, 06:59 AM
Parent: #1
زرت هذا البوست لأكثر من مرة...حسبت انني كتبت شيئا
(عرفان) على اقل تقدير..لم اجد مداخلتي ربما كانت من باب
الصمت في حرم الجمال و الحرص على الاستزادة بدون مقاطعة
Quote: عاش شوقى قصة حب عنيفة , كانت هى الزاد والمتكاء , يدخل المعتقل
ويخرج وهى التى تغسل الجراح وتنشرها على حبل الغسيل حتى تجف .
|
لك التحية والود يا شاهين.
|
Post: #79
Title: Re: تجارة الاعضاء التناسلية فى السودان
Author: shaheen shaheen
Date: 08-10-2006, 04:18 AM
Parent: #1
(1)
(اقوال ملكة الجاك حول ما حدث)
اعود الان من المملكة العربية السعودية .. فى انتظار ورقة طلاقى .. فى بداية
الثلاثينيات من عمرى ومعى طفلين .. (فضل المولى) سنتان ونصف .. و (تباشير) خمسة اشهر
اريد ان ارتاح , اغسل من جسدى وروحى سنين زواج فاشل وغير انسانى .
عذبنى (عبدالباقى) زوجى وابن خالى .. عاملنى كجارية .. اطبخ واغسل وامسح وانام معه
تحت شعار
- ده حقك الاسلامى وفقا للشرع .
لا حب .. لا مشاعر .. ولا يحزنون .
وعند اقل غلطة , يهجر جسدى وفراشى (عقاب اسلامى اصيل) .
ويقضى الليل عند شيخ باكستانى غامض وغريب .
فى اليوم الذى تزوجت فيه .. مات صديق عمره (فضل المولى) .. انتحر
قالوا انه خرج ليل الاربعاء واتجه الى النيل .. عثروا على الجثمان فى ظهيرة الخميس
بعد بحث مضنى .. وجدوه بكامل ملابسه وساعة يده .. مات فى عز شبابه ويوم زواجى .
اخى (طارق) الصغير قال :
- اولاد حلة ناس المرحوم قالوا الزول ده انتحر .. وقالوا هو شيوعى ما عندو دين .
كنت اشاهده مع زوجى السابق مثل التؤام الملتصق .. شاب لطيف خفيف الدم .. و(عبدالباقى)
يقول لامى
- الولد ده شاعر كبير بس البلد ضيقة .
ذات مرة طلبت منه حبوبة (رضية) ان يكتب فيها قصيدة .. فقال لها:
- رضية يا الرضية
بعثية او شيوعية
بتكرهى الحكومة
وتعادى الجبهجية
فصرخت حبوبة ملتاعة
- سجم خشمى .. شعرك البودى السجن ده ما دايراهو .
وصارت نكتة عندنا فى البيت نحكيها للجيران .
(اواصل)
......
شاهين.
|
Post: #80
Title: Re: تجارة الاعضاء التناسلية فى السودان
Author: Mannan
Date: 08-10-2006, 09:07 AM
Parent: #1
سلام يا شاهين
قرات لك باهتمام حتى الثمالة.. قلمك حاد يغوص فى لحم الإبداع ويجوس بداخله.. اكتب حتى مطلع الشهرة... إزحف الى الامام.. فانت امام مفترق طريق.. الشهرة او الضياع .. امامك الابواب مشرعة.. وخلفك الابواب موصدة..
إعجابى..
نورالدين منان
|
Post: #81
Title: Re: تجارة الاعضاء التناسلية فى السودان
Author: Walid Safwat
Date: 08-10-2006, 11:17 AM
Parent: #1
| Quote: تنتظر ابن الحلال (فى زمن اصبح فيه الجميع اولاد حرام) |
اسالك يا شاهين: ولك ان تمتنع:
لماذا اقراء وانا اردد "عندك مجلات ميكي" و "اتذكرتك"
هل كتبتهم معا ام تاثر الجميع بالجميع...
|
Post: #82
Title: Re: تجارة الاعضاء التناسلية فى السودان
Author: shaheen shaheen
Date: 08-13-2006, 04:56 AM
Parent: #1
الاستاذ/ سيف خليل
تحية وشكر على المرور
اكيد يكون وكيل المدرسة الاستاذ/ شاهين من عندنا
هو اسم حكر خاص للحلفاويين .
شكرا استاذ .. شكرا جزيلا
|
Post: #83
Title: Re: تجارة الاعضاء التناسلية فى السودان
Author: shaheen shaheen
Date: 08-13-2006, 05:00 AM
Parent: #1
استاذ/ سعدالدين عبدالرحمن
العرفان ان تزور البوست هذا يكفينى ويزيد
اشكرك كتير
شرف لى انك تقراء ما اكتب
شكرا .
|
Post: #84
Title: Re: تجارة الاعضاء التناسلية فى السودان
Author: shaheen shaheen
Date: 08-13-2006, 05:05 AM
Parent: #1
يااااااه
اثلجتى صدرى
اتمنى ان استحق ربع ما كتبت
اشكرك استاذ/ نورالدين منان
اشكرك
يكفى ان نال ما اكتب اعجابك
شكرا .. وشكرا لاهتماك بقضايا اهلى النوبيين
تحية قلبية.
|
Post: #85
Title: Re: تجارة الاعضاء التناسلية فى السودان
Author: shaheen shaheen
Date: 08-13-2006, 05:10 AM
Parent: #1
مرحبتين استاذ/ وليد صفوت
احاول التنويع بقدر المستطاع
لكن تبقى هناك بصمة ثابتة .
اشكرك انك ما زلت تذكر .. (عندك مجلات ميكى) .. و (لما الباب امبارح دقا)
كما قلت التجارب فى الحياة محدودة مهما تنوعت .. سوف احاول التنويع
شكرا على الملاحظة الذكية افادتنى كثيرا
شكرا للمرور يا حبيب .
|
Post: #86
Title: Re: تجارة الاعضاء التناسلية فى السودان
Author: shaheen shaheen
Date: 08-16-2006, 03:57 AM
Parent: #85
(2)
حاولنا اخفاء الخبر عن (عبدالباقى) حتى تمر الليلة فى سلام .. ولكنه عرف
اتصل منذ الصباح الباكر بمنزل صديقه واخبروه
- فضل المولى غرق وقاعدين يفتشو فى الجثمان .
اغلق هاتفه المحمول وقضى بقية اليوم فى مسجد .
انا زوجته لم يتحدث معى يوم زواجى .. تحملت ان يتم ارسالى (طرد) مثل الاوانى
الزجاجية .. وتحملت ان لا يقول حتى كلمة (مبروك) .. فى السادسة مساء تكلم مع اخى (طارق)
- ما عايز اى حفلة شغلوا قرأن .. شغلوا قرأن .
اصدر الاوامر العليا من مقر اقامته فى (جدة) .
وكانت امى تمصمص شفتيها تحسرا
- يعنى الشاعر المطرطش ده ما يغرق الا يوم عرس صحبه.
اعود الى الخرطوم ومعى (فضل المولى) و (تباشير) الجملية .. حتى اسماء اطفالى تمت دون
استشارتى .
كان المحك الاخير والاختيار
- فى زولة باكستانية داير اتزوجها .. وحقك الاسلامى انك تعرفى .
زولة ؟؟ ابنة ذلك الشيخ الغامض والغريب !! هى اكبر من زوجى بسنوات كثيرة وقبيحة الشكل ذات انف طويل مدبب .. وتتحدث العربية مثل انسانة مصابة بالتهابات فى الحبال
الصوتية .
الاختيار نفسه كان مهينا .. اعود الى الخرطوم ويذهب هو معها بواسطة منظمة اسلامية
الى الفلبين لنشر تعاليم الاسلام .. وياتى لى كل سنتين يراى الاطفال ويعطينى حقى الشرعى
فى السرير .. ويعود من جديد الى لبؤته العجوز .. رفضت وطلبت الطلاق .. وافق دون تردد
كبير .
دس لى بين امتعتى _ وانا استعد للخروج الاخير _ رقعة من جلد الماعز مكتوب عليها قصيدة
بخط اسود جميل
- ادى دى ل(فضل المولى) لما يكبر دى قصيدة المرحوم .
فى صالة المطار السعودى كان الوداع الاخير .. احتضن (تباشير) وهمس لها بكلمات غامضة
وقراء فى وجه (فضل المولى) ايات كريمة بصوتا باكى .. وعندما حان دورى ضغط على يدى
بقوة طالما اثارتنى جنسيا
- معليش يا ملكة .. معليش .. اعفى لى .. معليش .
ولم ابكى الا فى الطائرة .. بكبت حتى هبطت الطائرة فى مطار الخرطوم .
(اواصل)
......
شاهين.
|
Post: #87
Title: Re: تجارة الاعضاء التناسلية فى السودان
Author: shaheen shaheen
Date: 08-16-2006, 04:18 AM
Parent: #1
هذا شكر خاص جدا للاستاذ/ الحسن محمد صالح (عم حسن)
صديق قديم ارسل لى من مقر اقامته فى فرنسا رسالة الكترونية بخصوص هذا
البوست طوقنى فيها بعقد من الياسمين .. اشكرك جدا .. جدا .. جدا
والاستاذ من الذين دفعوا ثمنا باهظا فى المعتقلات .. شكرا جزيلا (عم حسن)
شكرا
|
Post: #88
Title: Re: تجارة الاعضاء التناسلية فى السودان
Author: بشير جبريل علي
Date: 08-16-2006, 05:51 AM
Parent: #87
شاهين يامبدع
شكرا
بشير
|
Post: #89
Title: Re: تجارة الاعضاء التناسلية فى السودان
Author: Muhib
Date: 08-16-2006, 11:21 PM
Parent: #88
| Quote: - معليش يا ملكة .. معليش .. اعفى لى .. معليش . |
الله يخليك .. حقيقي الجزئيه هذه تثير الدمع
|
Post: #90
Title: Re: تجارة الاعضاء التناسلية فى السودان
Author: shaheen shaheen
Date: 08-17-2006, 04:22 AM
Parent: #1
(3)
اعود الى ازعاج المحاماة السخيف مرة اخرى .. انفض الغبار عن شهادتى الجامعية
اعود الى الدوران فى الساقية التى لا تنتهى .. توقفت النقود القادمة من زوجى السابق
كان كريما معى طيلة السنوات الثلاث بعد الطلاق لم يبخل على ولا على ابنائه .. كان هناك
شخص ملتحى يطرق بابى كل فترة ويترك كمية من النقود تكفى عدة اشهر .. حتى جاء للمرة
الاخيرة :
- شيخ (عبدالباقى) دخل افغانستان وقال ليك احتمال القروش تتاخر شوية .. شدى حيلك
كلو فى سبيل الله .. ولو محتاجة حاجة يا اختنا فى الله نحن فى الخدمة.
هل احببت (عبدالباقى) يوما .. نعم (عبدالباقى) القديم ايام كان يرتدى القميص والبنطال .. ابن خالى كان انيقا معطرا يحب الشعر والموسيقى والافلام الاجنبية .. ايام
مراهقتى كنت اغمض عينى وانا اتخيل جسده الضخم يعتصرنى فى قوة رجولية جبارة .. وعندما
ذهبت ل(جدة) وجدت رجلا اخر يتحدث عن الحرام والحلال .. يرتدى الزى الباكستانى ويتسوك
ب(مسواك) .. يقراء احاديث غامضة قبل ان يلمس جسدى .. وكنت اشعر كاننى فى محاضرة عملية عن كيفية ممارسة الجنس فى الاسلام .. حتى عطوره الاجنبية الراقية التى طالما ما هيجت مسام انوثتى حلت محلها عطور شرقية نفاذة ذات رائحة مزعجة .
اختفى (عبدالباقى) القديم .. وضاع (عبدالباقى) الجديد فى تلال افغانستان .
قبل ايام كنت فى زيارة صديقة محامية مثلى .. فى طريق العودة وجدت بيت (فضل المولى)
كان هادئا , حزينا, بجواره (سبيل) متهالك و (ازيار) فارغة مهشمة كتب عليه بخط مضطرب
(سبيل المرحوم فضل المولى حسن دهب) .
قلت وانا ابتعد بخطوات ثقيلة وقلب مكسور :
حضرت اليوم ولم اجدك
وامبارح ولم اجدك
واول اول امبارح .
امشى فى شارع كثيرا ما مشى فيه زوجى السابق وصديقه المرحوم .
والمحامى الامع الذى يكتب فى الصحف واعمل عنده فى مكتبه .. يطاردنى يريد ان يتذوق طعم
لحمى الاسود _ يعرف اننى مطلقة _ .
يسال فى بلاهة وهو فى السابعة والستون من عمره :
- المراة كان طولت من الشغلانة بتتعب ؟؟ .
(وسخ) .. (داعر) .. (حقير) .. (...) .. عندما اقراء مقالاته فى الصحف اليومية عن عظمة
الشعب السودانى ومقاومة الغزو الثقافى الامريكى اشعر اننى اريد ان اتبول على راسه .
مكتب كبير وعلاقات متعددة وقضايا كثيرة ونقود اكثر _ وانا محتاجة_ .
وهو يريد اقتحام اعضائى الحميمة لصد الهيمنة الغربية القادمة على البلاد _ مثلما فعل
مع اخريات _ .
سرت مسافة طويلة وعندما نظرت خلفى كان سبيل المرحوم (فضل المولى حسن دهب) بعيدا
ووحيدا .. اغرورقت عيونى بغمامات الدموع :
- الله يرحمك انت اخترتا النهاية الصحيحة .
عايز اغرق
وسامع النيل بنادينى
- تعال اغرق
- تعال اركب على الامواج .
كيف ؟؟ .. كيف ؟؟ .. وفى رقبتى (فضل المولى) و (تباشير)
عندما دلفت من باب المنزل اندفعت نحوى (تباشير) عارية كيوم ولادتها
- ماما جات .. ماما جات .
رفعتها من على الارض واعتصرتها درت بها فى حوش البيت
- انا قوية .. انا قوية .. انا قوية .
زوج سابق اختفى فى حمى الدروشة .. وشاعر انتحر .. ومحامى فاسق ولامع .
- انا قوية .
- امشى البسى هدومك عيب تحومى عريانة .. ونادى اخوك من الشارع وصحى خالك .
مواعيد شاى المغربية .
وضعت شريط (احمد الجابرى ) على الة التسجيل .. وتجهت نحو المطبخ فى نشاط غريب
اندلع صوت (الجابرى) حزينا متحشرجا فى الرمق الاخير
(ملك الطيور ارقص وسط الرياض نشوان)
قلت لنفسى :
- انتى قوية يا بت يا ملكة
رايت وجهى الاسود الجميل ينعكس فى زجاج (فضية) المطبخ .. ابتسمت لنفسى .
(انتهت)
......
شاهين.
|
Post: #91
Title: Re: تجارة الاعضاء التناسلية فى السودان
Author: Yassir Tayfour
Date: 08-17-2006, 06:12 AM
Parent: #90
لا، هى بداية لقراءة جديدة متأنية
press the key (Home) to continue
"(1)
(اقوال فضل المولى حول ما حدث)
.............................
- عبد الباقى .. عبد الباقى .
يا كلب البحر الضخم الجثة
- يا عبدالباقى زجاجة الخمر المغشوشة قد انتهت .
وانت نائم على سريرى , نصف جثمانك على السرير , وساقيك فى الارض
سكران تتخبط فى غيبوبة الخمر المغشوش .
رسمت دائرة كبيرة ملونة من (طراشك) و (بصاقك) على مخدتى .
اندلعت زغاريد النساء من البيت المجاور , هدرت محركات البصات
الفاخرة متجهة الى النادى الراقى .
بدات معركة تطهيرك العرقى .. يا ابن التخلف الاثنى .. يا صاحب
الجذور السوداء الضاربة فى غرب السودان .
طارت عصفورة الشمال من بين يديك .. (سهى) البيضاء
......................
.............
.............
..............
.............."
وتتواصل
القراءة،
المتعة،
والتعب
شكراً شكرً شكراً
|
Post: #92
Title: Re: تجارة الاعضاء التناسلية فى السودان
Author: shaheen shaheen
Date: 08-20-2006, 04:28 PM
Parent: #1
.....
|
Post: #93
Title: Re: تجارة الاعضاء التناسلية فى السودان
Author: shaheen shaheen
Date: 08-22-2006, 05:52 AM
Parent: #1
الاستاذ/ بشير جبريل على
تحيات طيبات
شكرا كتير
يديك العافية .
|
Post: #94
Title: Re: تجارة الاعضاء التناسلية فى السودان
Author: shaheen shaheen
Date: 08-22-2006, 05:57 AM
Parent: #1
الاستاذ/ محب
الود والتقدير للمرور
اجمل الامنيات .
|
Post: #95
Title: Re: تجارة الاعضاء التناسلية فى السودان
Author: shaheen shaheen
Date: 08-22-2006, 06:01 AM
Parent: #1
الابن والاستاذ/ ياسر طيفور
معادلة رياضية
بوست ل (شاهين) من غير مداخلة من (ياسر) = صفر كبير
الود حتى تستغيث .
|
Post: #96
Title: Re: تجارة الاعضاء التناسلية فى السودان
Author: shaheen shaheen
Date: 08-30-2006, 04:38 AM
Parent: #95
هذا شكر خاص الى الاستاذة / حنان
للملاحظات القيمة حول البوست
شكرا جزيلا .
|
Post: #97
Title: Re: تجارة الاعضاء التناسلية فى السودان
Author: shazaly gafar
Date: 09-02-2006, 08:53 AM
Parent: #96
ما أروعك اخى شاهين وأنت تفُضُّ القارورة
ثم لا تسقنا الاَّ دهـــاقاً ..
فالوعى فى حرم الثمالة لا يبقى ولا يذر ..
وما أجملك وأنت تجزُّ الوبر متلمِّســاً
منبت الجـــراح ..
شـــكراً طروباً ..
|
Post: #98
Title: Re: تجارة الاعضاء التناسلية فى السودان
Author: shaheen shaheen
Date: 09-13-2006, 00:06 AM
Parent: #97
استاذ/شاذلى
الود حتى تستغيث
شكرا .. شكرا .. سعيد اننا اصبحنا اصدقاء
تحياتى حبيب
شكرا لك .
|
Post: #99
Title: Re: تجارة الاعضاء التناسلية فى السودان
Author: سامى عبد الوهاب مكى
Date: 09-13-2006, 00:42 AM
Parent: #1
Quote: فجاة ظهر فارس , وسيم , انيق , ظريف , مدرعا باوراق نقدية
خضراء قادما من معقل الامبريالية البغيضة .
طارت الحمامة وشوقى فى المعتقل . |
ألاستاذ شاهين
تحيات وشكر ثم رجاء بعدم الإنقطاع.
والله مستمتع جداً.
|
Post: #100
Title: Re: تجارة الاعضاء التناسلية فى السودان
Author: shaheen shaheen
Date: 09-13-2006, 09:01 AM
Parent: #1
استاذ/ سامى
تقديرى لهذا التقدير .. كبير
اشكرك
اتمنى ان اكون عند حسن ظنك دوما
تحياتى .
|
Post: #101
Title: Re: تجارة الاعضاء التناسلية فى السودان
Author: عماد شمت
Date: 09-14-2006, 03:18 PM
Parent: #100
الاستاذ شاهين والله استمتعت جدا جدا
متعك الله بالعافيه
تسلم من كل سوء
|
Post: #102
Title: Re: تجارة الاعضاء التناسلية فى السودان
Author: shaheen shaheen
Date: 09-16-2006, 04:43 AM
Parent: #101
استاذ/ عماد
شكرا كتير ليك
ربنا يوفقك
شاكر على المداخلة
تحياتى القلبية
|
Post: #103
Title: Re: تجارة الاعضاء التناسلية فى السودان
Author: عماد شمت
Date: 09-16-2006, 02:23 PM
Parent: #100
ياسلام يا رائع ... ابداع ما في شك ....
عارف يازول يا جميل انا جيت ارتحت في ضلك مع الهمبريب ...اتكيت في الكلمات
المتناثره واتوسد المعاني الجميله واتنسمت هوي البلد العليل .....سرحت سرحت ...بعييييييييد ....
الله يديك العافيه ويتم ليك الفي مرادك ...امين
تسلم من كل سوء ....
|
Post: #107
Title: Re: تجارة الاعضاء التناسلية فى السودان
Author: Yassir Tayfour
Date: 11-17-2006, 01:06 AM
Parent: #100
Quote: ألاستاذ شاهين
تحيات وشكر ثم رجاء بعدم الإنقطاع. |
|
Post: #104
Title: Re: تجارة الاعضاء التناسلية فى السودان
Author: shaheen shaheen
Date: 09-17-2006, 10:20 AM
Parent: #1
عمدة .. يا فنان
اخجلتم تواضعى
شهادة اعتز بها من مبدع
تشكرات استاذ/ عماد .. شاكر جدا جدا .
تحياتى القلبية .
|
Post: #105
Title: Re: تجارة الاعضاء التناسلية فى السودان
Author: shaheen shaheen
Date: 10-21-2006, 02:06 PM
Parent: #1
شكرا للدكتورة/ اخلاص على تكبد مشقة الحضور الى المنزل لابداء بعض الملاحظات
حول هذا البوست .. اشكرك جدا .. واشكر عقلك الراجح فى توجيه بعض الاراء
الفنية .. شكرا دكتورة .. كتر خيرك .
|
Post: #106
Title: Re: تجارة الاعضاء التناسلية فى السودان
Author: shaheen shaheen
Date: 10-27-2006, 02:54 AM
Parent: #1
من اهم الملاحظات التى وجهتها الدكتورة اخلاص .. ما يتلعق بافادات سهى محمد
صالح .. قالت كان يجب التوسع فى الاستماع الى ما تقول بشكل اكبر .. لانها
هى المحرك الخفى للاحداث .
|
|