Post: #1
Title: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 12:43 PM
Parent: #0
معظم النار من مستصغر الشرر ..
|
Post: #2
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 12:48 PM
Parent: #1
.
.
نجاح ثورة اليمن وسوريا سيكونان دافعاَ قوياً لإستمرار التدفق الجماهيري بعدة دول أخري ..
السودان والجزائر من أقوي المرشحين - حسب اعتقادي -
|
Post: #3
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 12:51 PM
Parent: #2
الطبزات والتناقضات كترت .. والحاجات دي بتتراكم لغاية ماتصل درجة الغليان ..
.
.
وغضبة الحليم كعبة ..
|
Post: #4
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 12:57 PM
Parent: #3
الرئيس المفزوع ده شغال هدايا للمصريين كده بصورة هستيرية بدون مراعاة لشعور الجماهير !!! .. ما عرفنا القصة دي شنو كمان؟؟ دي عوارة جديدة ؟؟ !!
شئ عربات للفريق المصري .. وشئ كذا ألف راس من البقر .. وشئ كمِّين ألف رأس أغنام !! .. الحكايي شني ؟؟ !!
إستفزاز غريب للشعب السوداني في أوقات أكثر ما تكون إستفزازاً ..
|
Post: #5
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 01:02 PM
Parent: #4
الناس في غمرة مقاطعة اللحوم عشان اللحمة تتوفر في السوق .. يقوم الزول ده يشيل اللحمة يهديها للجيران ..
ناس في زنقة خرفان أضاحي والناس منتظرين الخرفان تتوفر عشان اسعارها تنزل.. يقوم العوير ده يشيل الخرفان يوزعها للجيران ويخلي الشعب خشمه ملح ملح ..
الزول ده مافي عاقل قادر يستعدل ليهو راسه؟؟
المستشارين ديل بيصرفوا مواهي وامتيازات في الفاضي؟؟
|
Post: #6
Title: Re: الحكومة تزج الشعب نحو الثورة بخطي متسارعة ..
Author: Ahmed Abdallah
Date: 11-01-2011, 01:04 PM
Parent: #5
****
True
|
Post: #8
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 01:08 PM
Parent: #6
مرحباً أحمدعبدالله
|
Post: #7
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 01:06 PM
Parent: #5
.
.
الرئيس مفتكر إنو الشعب المصري حيدافع عنه حين يثور عليه الشعب السوداني ؟؟ ..
هو ماشاف كيف إنهم نسوا حنان القذافي ونكروه حطب، وبل زادوا نارو حطب حين قامت الثورة عليه ؟؟ هل شفع له برج الفاتح؟؟ !!
|
Post: #10
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 01:16 PM
Parent: #7
.
.
ماممكن ياخي قيادي كبير يلقوه مدكِّن مبلغ مهول زي ده من العملات الصعبة بينما السوق جاف من العملة والجنيه داقي الدلجة .. وفي نفس الوقت ناس يعدموهم من أجل حفنة دولارات !! .. وناس مطاردينهم من برندة لبرندة لمحاربة تجار العملة !! ..
ياخ سرقة قطبي المهدي دي أكبر فضيحة .. لا يتغاضي عنها إلاْ من كان أفضح منها ..
معقول زول مدكِّن ليهو مبالغ زي دي وكمان جاي بكل قوة عين يفتح بلاغ بأنه مسروق؟؟ بالله السارق منو والمسروق منو؟؟ !!
.
.
|
Post: #18
Title: Re: الحكومة تزج الشعب نحو الثورة بخطي متسارعة ..
Author: الامين محمد علي
Date: 11-01-2011, 03:17 PM
Parent: #10
Quote: ياخ سرقة قطبي المهدي دي أكبر فضيحة .. لا يتغاضي عنها إلاْ من كان أفضح منها ..
معقول زول مدكِّن ليهو مبالغ زي دي وكمان جاي بكل قوة عين يفتح بلاغ بأنه مسروق؟؟ بالله السارق منو والمسروق منو؟؟ !! |
100%
|
Post: #58
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-02-2011, 12:28 PM
Parent: #18
الأخ الامين محمد علي
تحياتي
|
Post: #9
Title: Re: الحكومة تزج الشعب نحو الثورة بخطي متسارعة ..
Author: فايزودالقاضي
Date: 11-01-2011, 01:12 PM
Parent: #5
متوقع زول يخش يقول : البكتب باسم منير ده منو ؟...
ــــــــــــــــــــ
يامنير الحكومة تتعامل مع الشعب السوداني بإستذاجة وعنجهية وتستضعفه بصورة غبية جداً وتغرها قوتها وهي تعلم وترى من حولها كم قوى ودكتاتور أٌخذ اخذة عزيز مقتدر ...وليتها بعد ذلك تتعظ ..
الحكومة تكتب بيدها نهايتها الاكيدة والحتمية ..وحينها لن تنفع نعاجها ولا خرافها ...
تحياتي ياعزيز ..
|
Post: #11
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 01:25 PM
Parent: #9
عزيزي فايز .. مرحبتين ..
ياخي الواحد عارف أن أي شئ في السياسة ممكن .. ونظرتي لأي زول شغال سياسة إنو سيكون نفس الطينة .. ففساد السلطة لا يستطيع مقاومته إلاّ الأولياء الصالحين .. فالقصة ستكون تبادل أدوار في ساقية جحا هذه .. لأنو أي ابن انثي يجي يعمل لينا فيها موسي، هو زاتو لو لقي فرصة حيبقي فرعون .. وهكذا الحياة ..
لكين كمان الشئ ما معقول يصل مرحلة الإستفزاز علي عينك يا تاجر !! ..
|
Post: #12
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 01:38 PM
Parent: #11
الحركات المسلحة تعطل ثورة الجماهير ..
ماممكن الجمهور يثور ويطيح بالحكومة فتقوم تجي مجموعات قبلية مسلحة تنتهز الفرصة وتسيطر علي رقاب العباد !! ..
لكين صبر الناس ما حيستمر إلي مالانهاية .. ولن تنتظر الحرب اللانهائية مع المليشيات المسلحة .. والتي تستنزف الجميع ..
|
Post: #13
Title: Re: الحكومة تزج الشعب نحو الثورة بخطي متسارعة ..
Author: عمر دفع الله
Date: 11-01-2011, 02:19 PM
Parent: #12
Quote: دي عوارة جديدة ؟؟ !!
|
دى عوارة قديمة متجددة ...
كيف صحتك يامنير ؟؟؟؟
|
Post: #14
Title: Re: الحكومة تزج الشعب نحو الثورة بخطي متسارعة ..
Author: Balla Musa
Date: 11-01-2011, 02:34 PM
Parent: #13
يامنير
لكى أجد لعمر العوير مخرج يليق برئيس دولة شعبها جائع تخيلت هذا السيناريو:
البشير يهدى هذه الأبقار والخراف للشعب المصرى عن طريق تنظيم الأخوان المسلمين فى مصر, ويظن أن ذلك دعم لضمان مستقبل أخوان مصر فى سدة الحكم فى الإنتخابات القادمة..
وهذا السيناريو يصلح كمخارجة أيضا فى موضوع توطين المصريين(عن طريق الأخوان المسلمين) حتى يضمنوا تصويت هؤلاء الملايين من الفلاحين للأخوان المسلمين فى الإنتخابات القادمة..
وربما تسمع خراف مثلها للشعب الليبى والتونسى*..
_____________________________________
* حقو يشترط عليهم تنظيف الكمونية وإرجاعها للشعب السودانى الجائع ليسد رمقه!!
|
Post: #17
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 03:09 PM
Parent: #14
Quote: لكى أجد لعمر العوير مخرج يليق برئيس دولة شعبها جائع تخيلت هذا السيناريو:
البشير يهدى هذه الأبقار والخراف للشعب المصرى عن طريق تنظيم الأخوان المسلمين فى مصر, ويظن أن ذلك دعم لضمان مستقبل أخوان مصر فى سدة الحكم فى الإنتخابات القادمة..
وهذا السيناريو يصلح كمخارجة أيضا فى موضوع توطين المصريين(عن طريق الأخوان المسلمين) حتى يضمنوا تصويت هؤلاء الملايين من الفلاحين للأخوان المسلمين فى الإنتخابات القادمة..
وربما تسمع خراف مثلها للشعب الليبى والتونسى*.. |
والله يا بلة مخارجتك دي برضو طريقة .. ممكن جداً .. لكنها شرعاً كده ما أظنها تجوز .. لأن البهايم أولاً ليست ملكاً للبشير ولا لحزبه .. وثانياً ، جات في الوقت الخطأ .. في ذروة غضب الناس من غلاء اسعار اللحوم وخرفان الضحية .. يعني توقيت غبي مية في المية .. يعني ناس دكتور ياسر ميرغني يجتهدوا لمحاربة غلاء اللحوم يجيك زولنا ده ينسف مجهوداتهم بجرة قلم ..
هو قايل المصريين حيتذكروها ليهو ويقولوا يا حليلو حين تهب العاصفة .. ؟؟ ..
|
Post: #16
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 02:58 PM
Parent: #13
سلامات ياعمر دفع الله
.. | Quote: دى عوارة قديمة متجددة ... |
عوارة وعنجهية وكضب وعنصرية وكمان شايلاهو الحمارية !! .. ياخي الزول ده يوزع في البهايم ساي التقول جايبها من مزرعة بيتهم !! ..
الزول متوتر شديد ياخ .. مفروض يودوه الضل بعد كده والله ..
|
Post: #49
Title: Re: الحكومة تزج الشعب نحو الثورة بخطي متسارعة ..
Author: Haju Muktar
Date: 11-01-2011, 11:09 PM
Parent: #16
يا اخوانا بشه بدي الهدايا للمصريين وفي ذاكرتو نميري عشان يحموهو لمن يتخلع . بس خليه يعرف اولاد بمبا ما عندهم امان ,
تحياتي
خرفان راحت سنمبله
|
Post: #15
Title: Re: الحكومة تزج الشعب نحو الثورة بخطي متسارعة ..
Author: فايزودالقاضي
Date: 11-01-2011, 02:45 PM
Parent: #12
منير ...مجموعة تراحيب ..
Quote: الحركات المسلحة تعطل ثورة الجماهير ..
ماممكن الجمهور يثور ويطيح بالحكومة فتقوم تجي مجموعات قبلية مسلحة تنتهز الفرصة وتسيطر علي رقاب العباد !! ..
لكين صبر الناس ما حيستمر إلي مالانهاية .. ولن تنتظر الحرب اللانهائية مع المليشيات المسلحة .. والتي تستنزف الجميع .. |
عندما تحالفت احزاب نهضة دارفور ومؤتمر البجا واتحادجبال النوبة وبعض كيانات الجنوب في ستينيات القرن الماضي كقوى هامش وصفتهاالاحزاب التقليدية حينها بأنها كيانات عنصرية قائمة على اساس عرقي واثني خوفاً على سحب البساط منها خاصة وان مناطق هذه الكيانات تمثل قواعد لهذه الاحزاب فحوربت بكل قوة برغم انها كانت تجمعات هامش ضد مركز وكان تنادى بالوسائل السلمية السياسية بالعدل والمساواة ولكن مع الاسف تم التآمر عليها من المركز واستاثرت النخب الحاكمة بالسلطة والثروة لخمسة عقود ورسخت سيادة الثقافة الواحدة وجذرت التهميش والاقصاء في هذه المناطق وبذا فقد هؤلاء المهمشون الثقة والامل في التغيير ..
وهاهي الحكومة تكرر السابقين في نعتها لحركات دارفور والحركة الشعبية قطاع الشمالية بانها عنصرية برغم علمها وعلمنا انها مجموعات واحزاب حقيقية موجودة ذات مطالب سياسية ولا تمثل عرقية بعينها ومن المجحف وصفها بمجموعات قبلية ..
يامنير الناس ديل بيدافعوا عن حقهم في ارضهم التاريخية ولايطلبون الا بمقدار هذا الحق ...
عليك الله هسه شوف كل المراكز السيادية في الدولة والوظائف الحساسة اوليست كلها لقبائل بعينها منذ فجر الاستقلال ؟!!
وبعد ده يقولوا ليك حركات عنصرية وقبيلة!!!
المجموعات العرقية دي من الطبيعي ان تلتف حول احزابها وكياناتها مادام الاحزاب الاخرى تجاوزتها تهميشاً واقصاءاً ...
وعلينا ان نفهم ذلك على هذا النحو احقاقاً للحق ..
فتغيير نظرة المركز هو تغيير لحال الهامش وكلاهما يمثلان هذا الوطن ..
عايزين كل الناس تبقى مركز في حقوقها وواجباتها ..
تحياتي ،،
|
Post: #19
Title: Re: الحكومة تزج الشعب نحو الثورة بخطي متسارعة ..
Author: Deng
Date: 11-01-2011, 03:19 PM
Parent: #15
| Quote: الحكومة تزج الشعب نحو الثورة بخطي متسارعة .. |
مات السودانين بالملاين من قبل ومازالو يموتون بالألاف وبواسطة نفس هذه الحكومة المجرمة التي يؤيدها كاتب هذا البوست.
ولكن عقلية كاتب البوست الكيزانيةالعروبوية لم تراعي كل ذلك ولكن الذي يراعيه كاتب البوست الأن هو خوفه من تكرار ما حدث ببعض الدول المجاورة بأن يتكرر في السودان. وصاحب البوست لا يخاف التغير القادم فحسب ولكنه يخاف على نهاية حكم الأبارتيد الذي حكم السودان منذ الأستقلال. يجب أن تعلم يا صاحب هذا البوست أن الثورة مستمرة ولم تبدأ مع ثورات "خريفك العربي" ولن تنتهي به. أنها ثورة الهامش القادمة بكل قوة وأنها نهاية حكم الأقلية العنصرية في السودان.
|
Post: #20
Title: Re: الحكومة تزج الشعب نحو الثورة بخطي متسارعة ..
Author: Yassir Tayfour
Date: 11-01-2011, 03:27 PM
Parent: #19
يا منير الشعب السوداني الفضل ده لو هو ذاتو شحنوهو في باخره وأهدوه لأي دولة، الشعب لا يمانع!
|
Post: #24
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 03:46 PM
Parent: #20
| Quote: يا منير الشعب السوداني الفضل ده لو هو ذاتو شحنوهو في باخره وأهدوه لأي دولة، الشعب لا يمانع! |
ياياسر .. هو الشعب راجي اليشحنه؟؟ ماك شايفه براهو يشحن في نفسه داير يمرقها في اسرائيل ؟؟ ..
|
Post: #22
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 03:41 PM
Parent: #19
دينق .. أمشي شوف أهلك الشغالين موت اوتوماتيكي منهم وفيهم .. مالك ومالنا نحن أيها الطفيلي !! .. طالما تخلصتم من العروبة ، امشي شوف ليهم هوية بدل جارين متزحلقين تحت أقدام الهوية البيضاء ..
لماذا اخترتم الانجليزية ؟؟ ..
قال عاوزين يبقوا كمونويلث قال .. إنتو من زمن الكمونويلث ؟؟ .. جايين تكوسوا في الكرتة في الزمن الضايع بعد ما الحفلة اتفرتقت ؟؟ ..
|
Post: #21
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 03:29 PM
Parent: #15
يا أخي فايز .. المركز ده مفروض يكون مركز مهمشين - وهو كذلك .. لأن المركز مسكون ومزدحم بالمهمشين .. العدل والمساواة في المركز زاتو معدومة .. وتعلم أن الما مهمشين هم اصحاب المناصب .. وهؤلاء لا يمكنك حصرهم في جهة محددة .. فإن حاولت توحي للناس بأن المهمشين هم جهات وقبائل بعينها متناسياً تهميش الآخرين فستكون غير منصف ، بل ومجحف .. أهل السلطة ظلوا دائماً العسكر + نخب الخريجين المتعلمين .. وهؤلاء ينحدرون من جميع الجهات والقبائل .. فبالله لا تحمِّل جهات معيَّنة مسبة الاستئثار بالسلطة .. ولذلك أي تكتل جهوي أو إثني يريد الفرز السياسي سواءً كان بالسلم أو بالحرب فإنه مبدئياً كده سيكون نشاط سالب مخصوم من القومية السودانية التي مفروض تقوم وتقع مع بعض - مهما تدثر بالشعارات البراقة مثل العدالة والمساواة وما ادراك .. فكونه يجونا جهويات وقبليات يصبون جام غضبهم علي قبائل وجهويات أخري - مثلما يحدث الآن - أكيد سيجد مقاومة وغضب مضاد ..
علي كل حال .. قضايا المهمشين والتهميش دي ما كانت محور البوست .. وقد استهلكناها للآخر في بوستات عديدة ..
|
Post: #26
Title: Re: الحكومة تزج الشعب نحو الثورة بخطي متسارعة ..
Author: الصادق الزين
Date: 11-01-2011, 03:59 PM
Parent: #21
يا زول انت متاكد انك ما مهكر من قبل بشاشا مثلا؟
الكلام الصاح قالوا ليك فايز ودالقاضى, لوصحى زعلان على توزيع الثروة الاصلا ما كان عادل
اتجاوب معاه, و اكتب بوست عديل, ادعو للثورة ضد نظامك, لان الانت شفتو يا دوب الليلة, نحن شايفنو
من قبال 22 سنة و بتكرر كل يوم امامنا, كويس انك اقتنعت اسه و بقيت تفكر زى الناس! البشير مو بس وزع ثروتنا لمصر و نحن جياع نتلوى من الجوع امامها,
البشير كدس الثروة بينه و بين اسرته, و عايلته الكبيرة و اصحابه, وشبع فات حد الطخمة, وبقى ما حاسى و افتكر ان الناس كلها شبعانه زيو, بالضبط
زى حكاية الملكة مارى انطوانيت, الجوعت الناس, و لما ثارو ضدها, اقترحت بان تاكلهم باسطة! كدليل على عدم احساسها بمعاناة الناس, فى النهاية الثورة واصلت و اقتلعت عرشها و كسرت سجن
الباستيل الشهير, واصبحت الثورة الفرنسية ام للثورات, لا تضاهيها فى عظمتها الا الثورة المصرية الاخيرة, فما اشبه انطوانيت السودان بانطوانيت فرنسا!
|
Post: #32
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 05:25 PM
Parent: #26
الصادق الزين : راجع ردودي لفايز ودالقاضي ..
كلامك الكاتبو ده كله مافي ليهو داعي لأنه من البديهيات ..
أنا هنا أتكلم عن الثورة الجماهيرية وليست الحركات الجهوية العنصرية .. حين ننشد التغيير نريده عن طريق القوي القومية .. مش نغِّير حزب قومي حاكم بمليشيات جهوية ..
يازول أنا في وادي وإنت في وادي ..
|
Post: #37
Title: Re: الحكومة تزج الشعب نحو الثورة بخطي متسارعة ..
Author: الصادق الزين
Date: 11-01-2011, 08:13 PM
Parent: #32
Quote: الصادق الزين : راجع ردودي لفايز ودالقاضي ..
كلامك الكاتبو ده كله مافي ليهو داعي لأنه من البديهيات ..
أنا هنا أتكلم عن الثورة الجماهيرية وليست الحركات الجهوية العنصرية .. حين ننشد التغيير نريده عن طريق القوي القومية .. مش نغِّير حزب قومي حاكم بمليشيات جهوية ..
يازول أنا في وادي وإنت في وادي ..
|
يا خوى انت قول اتزنقت و ضاقت عليك, محاولة البحث عن مراقة ما حتحلك! احسن تعترف بفشلك و فشل سياساتك و تسلم السلطة و تنكشح, هو الحل الوحيد امامك! بلامس انت هنا تزعق و تنهق, مطبلا للنظام و مصورا له و كانه دولة افلاطون التى لا ياتيها الباطل من بين يديها و لا من خلفها, كنت تناطح الناس مدعيا صحة حجتك وسداد رايك, والان فقط قد تكشف لك كل شيئ, و ثبت لك صحة كلام الناس, لكن بعد ما الفاس و قع فى الراس! لا تحاول التستر حول الكلام المفخخ, انت لا تستطيع خم الناس, حزب قومى حاكم؟ انت بتضحك على نفسك يا خوى!! حركات جهوية شنو و مليشية منو؟ المليشيات و شقشقة الناس و توزيعهم الى قبائل و طوائف هو حجر الزاوية فى سياساتك, انتم من فرقتم الناس و عنصرتو حتى الانتماء للدولة, المفروض تكون حقت كل الناس,عايز تقول لى حركات عنصرية! الحركات القائمة دى قامت عشان تصحح الخلل الاحدثته سياساتكم و مزقتم بموجبه نسيج الامة! تقول لى ثورة جماهيرية!! منذ متى انت بقيت تتحدث عن الجماهير و عن القومية؟ انت فاكر نفسك بتقتل و تشرد و تقصى الناس على كيفك, و لما المسالة تضيق تجى تفتش ليك عن مخارجة بخم الناس بالقومية و الجماهيرية! الجماهيرية لو بتنفع كان نفعت للقذافى! حكومتك يا منير يجب ان تذهب, انت و غيرك من المطبلين و المناصرين و المنتفعين, يجب ان تحاسبوا حسابا عسيرا, لن يكون عندنا عفا عن ما سلف بعد اليوم, من سفك الدماء بغير رحمة وبدد ثروات البلاد بالهدايا و الفساد و المحسوبية يجب ان يلقى جزائه, خليك بعيد عن مفردات القومية و الجماهيرية لانها دى كتب مقدسة لا يمسها الا المتطهرون.
|
Post: #23
Title: Re: الحكومة تزج الشعب نحو الثورة بخطي متسارعة ..
Author: عمار عبدالله عبدالرحمن
Date: 11-01-2011, 03:44 PM
Parent: #15
خطوة متقدمة يا منير ,,,,,,,,
|
Post: #25
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 03:50 PM
Parent: #23
| Quote: خطوة متقدمة يا منير ,,,,,,,, |
ياعمَّار ياخي أنا زمان سألتك سؤال وطنشتني - وأنا مازلت في إنتظار الإجابة ..
سؤالي كان : هل صحيح أن إسمك كان عمر وغيرته لعمَّار؟؟ .. لو جاوبت تكون أبداً ماقصرت معانا ..
|
Post: #27
Title: Re: الحكومة تزج الشعب نحو الثورة بخطي متسارعة ..
Author: Mohamed Suleiman
Date: 11-01-2011, 04:02 PM
Parent: #25
إنتو شفتو حاجة؟؟!!!
الغريق لسّة قدام.
|
Post: #28
Title: Re: الحكومة تزج الشعب نحو الثورة بخطي متسارعة ..
Author: طارق ميرغني
Date: 11-01-2011, 04:23 PM
Parent: #27
المشكله يا منير
اليومين ديل ليفكروا في زيادة اسعار المحروقات ....
تأمل ...!!!
|
Post: #29
Title: Re: الحكومة تزج الشعب نحو الثورة بخطي متسارعة ..
Author: Mohamed Suleiman
Date: 11-01-2011, 05:02 PM
Parent: #28
Quote:
كويس انك اقتنعت اسه و بقيت تفكر زى الناس!
|
يا الصادق الزين يا أخوي .... زي منير ده ما بجي إلا لمّا حلقو يكون مزرود ....
هو بيقول الحكومة تزج الشعب نحو الثورة .. و وو
منير ده هو البيهلل لجيش مليشيا نفس الحكومة لم تقتل في أهل الهامش .. (أقرأ بوستو حق امس )
منير ياداب إستيقظ علي حقيقة التسوي كريت في القرض .. تلقاهو في جلدا ...
لا خيارات للحكومة ....
سوق العقارات يتهاوي بصورة مخيفة لأن المنظمات و الشركات اليوم تهبط مطار جوبا ... لا الخرطوم. ..... و ستكون الخرطوم و مبانيها العالية الخاوية .. سواكن جديدة ...
قرعات الحكومة التي أرسلتها لدول الخليج و آسيا .... عادت فاضية ....
محاولات الإستدانة من دولة جنوب السودان باءت بالفشل ... بل أحسّت الحكومة بالذل و هي تستمع للجنوبيين يقولون لها: ممكن نديكم حفنة دولارات .. لكن المقابل (همسا) تعملوا كدة و كدة و كدة .... و إستشاطت الجلابة ..
الحرب المستعرة في الأطراف تحتاج الي تموين و عتاد و موارد بشرية ..... أي أنها بند صرف كبير بلا عوائد لخزينة الدولة (إستنزاف) ... و انباء الهزائم تتواتر ..
المليارات من الدولارات التي أهدرتها الحكومة في مشاريع بني تحتية ضخمة و أهملت في مقابلها الإستثمار في المنتوجات الإستراتيجية ... لم تعد بالعائد المرجو .. بل أصبحت ثقوب صرف هائل (مصاريف تشغيل و صيانة) ....
مدير البنك المركزي يلوح برفع الدعم عن الوقود .... الحقيقة هذا ليس خيارا ... و لكن هذا نتاج الأمر الواقع (كاش مافي) ....
و ستطير الأسعار بسرعة الصاروخ ... أسعار السلع الضرورية ...
و لا يبدو أي مخرج يلوح في الأفق ...
و الغريق لسّة قدام ...
|
Post: #30
Title: Re: الحكومة تزج الشعب نحو الثورة بخطي متسارعة ..
Author: Deng
Date: 11-01-2011, 05:12 PM
Parent: #29
Quote: دينق .. أمشي شوف أهلك الشغالين موت اوتوماتيكي منهم وفيهم .. مالك ومالنا نحن أيها الطفيلي !! .. طالما تخلصتم من العروبة ، امشي شوف ليهم هوية بدل جارين متزحلقين تحت أقدام الهوية البيضاء ..
لماذا اخترتم الانجليزية ؟؟ ..
قال عاوزين يبقوا كمونويلث قال .. إنتو من زمن الكمونويلث ؟؟ .. جايين تكوسوا في الكرتة في الزمن الضايع بعد ما الحفلة اتفرتقت ؟؟ .. |
الكوز منير.
بطل الردحي وقلة الأدب. البكاء والثكلي على نظامك الهالك لن يفيد.
|
Post: #31
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 05:15 PM
Parent: #30
النجس دينق .. الرد عليك مضيعة للوقت ..
|
Post: #33
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 05:33 PM
Parent: #29
محمدسليمان أنت بتكتب أمنياتك يازول .. جنوب شنو القاعد في مهب الريح ؟؟ .. إنت ما متابع أخبار الموت الحاصلة هناك دي واللا شنو؟؟ ..
السودان الشمالي قبل بترول الجنوب ده كان ميت؟؟ .. مشاكل المعيشة دي نحن ولدونا فيها وعشناها حياتنا كلها ..
بالمناسبة ما أديتنا رأيك في ضحايا التضليل بتاعكم للأبرياء الذي تقطعت أوصالهم في درب الموت لإسرائيل ؟ .. المساكين ديل ذنبهم معلق في رقابكم إلي يوم الدين ..
|
Post: #35
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 07:53 PM
Parent: #29
| Quote: (أقرأ بوستو حق امس ) |
قصدك بوست الزعط ؟؟
|
Post: #46
Title: Re: الحكومة تزج الشعب نحو الثورة بخطي متسارعة ..
Author: الصادق الزين
Date: 11-01-2011, 10:27 PM
Parent: #29
Quote: يا الصادق الزين يا أخوي .... زي منير ده ما بجي إلا لمّا حلقو يكون مزرود ....
هو بيقول الحكومة تزج الشعب نحو الثورة .. و وو
منير ده هو البيهلل لجيش مليشيا نفس الحكومة لم تقتل في أهل الهامش .. (أقرأ بوستو حق امس )
منير ياداب إستيقظ علي حقيقة التسوي كريت في القرض .. تلقاهو في جلدا ...
لا خيارات للحكومة ....
سوق العقارات يتهاوي بصورة مخيفة لأن المنظمات و الشركات اليوم تهبط مطار جوبا ... لا الخرطوم. ..... و ستكون الخرطوم و مبانيها العالية الخاوية .. سواكن جديدة ...
قرعات الحكومة التي أرسلتها لدول الخليج و آسيا .... عادت فاضية ....
محاولات الإستدانة من دولة جنوب السودان باءت بالفشل ... بل أحسّت الحكومة بالذل و هي تستمع للجنوبيين يقولون لها: ممكن نديكم حفنة دولارات .. لكن المقابل (همسا) تعملوا كدة و كدة و كدة .... و إستشاطت الجلابة ..
الحرب المستعرة في الأطراف تحتاج الي تموين و عتاد و موارد بشرية ..... أي أنها بند صرف كبير بلا عوائد لخزينة الدولة (إستنزاف) ... و انباء الهزائم تتواتر ..
المليارات من الدولارات التي أهدرتها الحكومة في مشاريع بني تحتية ضخمة و أهملت في مقابلها الإستثمار في المنتوجات الإستراتيجية ... لم تعد بالعائد المرجو .. بل أصبحت ثقوب صرف هائل (مصاريف تشغيل و صيانة) ....
مدير البنك المركزي يلوح برفع الدعم عن الوقود .... الحقيقة هذا ليس خيارا ... و لكن هذا نتاج الأمر الواقع (كاش مافي) ....
و ستطير الأسعار بسرعة الصاروخ ... أسعار السلع الضرورية ...
و لا يبدو أي مخرج يلوح في الأفق ...
و الغريق لسّة قدام .. |
صحبك يا محمد مزرود, لكن عامل فيها مكابر,
دخل فى مسرحية الثورة الجماهيرية بلا خجله توش ومن دون تذاكر!!
عايز يركب الموجه مع الناس و يبحث ليه عن مخارجة! بس نحن صاحيين
ومفتحيين, ما حيقدر يتسلل, حنثبتو و كرت احمر على طول.
|
Post: #34
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 07:30 PM
Parent: #28
Quote: اليومين ديل ليفكروا في زيادة اسعار المحروقات ....
تأمل ...!!! |
الأخ طارق ميرغني .. لذلك قلنا أن الحكومة تزق الناس للشارع بوتيرة متسارعة..
|
Post: #36
Title: Re: الحكومة تزج الشعب نحو الثورة بخطي متسارعة ..
Author: عبدالعزيز الفاضلابى
Date: 11-01-2011, 08:01 PM
Parent: #34
سلامات يامنير ,,
Quote: الصادق الزين : راجع ردودي لفايز ودالقاضي ..
كلامك الكاتبو ده كله مافي ليهو داعي لأنه من البديهيات ..
أنا هنا أتكلم عن الثورة الجماهيرية وليست الحركات الجهوية العنصرية .. حين ننشد التغيير نريده عن طريق القوي القومية .. مش نغِّير حزب قومي حاكم بمليشيات جهوية ..
يازول أنا في وادي وإنت في وادي .. |
أي تغيير قومي ومن الداخل حبابو الف.
الناس الإيدينا في النار فقط هم من يحق لهم الصراخ
اما المتعيشون علي قضيايا اهلهم فلامصلحة لهم في حلها.
|
Post: #40
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 08:51 PM
Parent: #36
Quote: أي تغيير قومي ومن الداخل حبابو الف.
الناس الإيدينا في النار فقط هم من يحق لهم الصراخ
اما المتعيشون علي قضيايا اهلهم فلامصلحة لهم في حلها. |
تحيات عطرة أخي عبدالعزيز الفاضلابي ..
شتان ما بين الجن البنعرفوا والجن الجهوي المسلح .. الكيزان رغم الخرمجة فيمكن نقول عليهم حزب قومي - بمفهوم أنه يشمل جميع قبائل وجهويات وطبقات الشعب السوداني -من أقصي الشرق لأقصي الغرب ومن أقصي الشمال لأقصي الجنوب .. عشان كده قادرين يسوقوا البلد أكتر من عشرين سنة.. ودالزين ومحمدسليمان - ربيب الصهاينة - عاوزين يقارنوهم لينا بمليشيات زغاوة وفور ونوبة عاوزين يكتسحوا الجيش القومي ويحكموا السودان .. باقيلك الناس ديل نٌصاح ؟؟ ..
أهو ناس التجاني سيسي جاء يتعامل مع أصحاب الوجعة علي الأرض - بينما هؤلاء يثيرون الفتنة لأنهم قبضوا ثمن العداء للبلد في شكل لجوء وإقامات وترطيبة .. وعندك زي محمدسليمان ورهطه زينوا للبؤساء اللجوء لإسرايئل فأوردوهم موارد الهلاك .. شفت تقرير المهاجرين لإسرائيل الحايم في المنبر اليومين ديل؟؟ .. الفلم طلع مأساوي خالس خالس .. لعنة بني إسرائيل كعبة ياخ .. حمانا الله ..
|
Post: #39
Title: Re: الحكومة تزج الشعب نحو الثورة بخطي متسارعة ..
Author: الصادق الزين
Date: 11-01-2011, 08:40 PM
Parent: #38
Quote: أها ننتظر العناوين الجاية عشان نشوف الزعطة الجاية متين ..
|
سبحان الله!
بالامس تتحدث عن زعط شعبك و الليلة, تدعوا لقرب الثورة الشعبية!!
دى نسميها شنو؟ هلوسة؟ اندراوة؟ غلب؟ غيبوبة؟ ام كلهم؟
شعب جبال النوبة البتزعط فيهم ديل, يا داعى القومية السودانية, اظنهم
شعب اسرائيل مش؟
قلنا مفردات الثورة و القومية و الجماهير لا يقربها الا المتطهرون
فارجو مراجعة شروط الطهارة الوطنية يا ارزقية.
|
Post: #42
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 09:13 PM
Parent: #39
| Quote: بالامس تتحدث عن زعط شعبك و الليلة, تدعوا لقرب الثورة الشعبية!! |
إنت يا الصادق الزين ماقادر تستوعب الحاصل .. وأنا ممكن عاذرك لأن الفضية أكبر من سعة استيعابك .. شنو يزعط شعبك دي؟؟ ياخي إنتو بتقولوا جيش شعبي - هو طبعاً مقترن بالجيش الشعبي الأب في الجنوب - وأنا في المقابل أقول الجيش السوداني القومي الذي يحتوي النوبة ذاتهم .. إنت تناصر مليشيا جهوية أبوها في الجنوب وأنا أناصر الجيش القومي للبلد الذي أبوه هو الشعب السوداني .. أنا أقيف مع الكل وأنت مع الجزء .. هذا الكل يلمني مع النوباوي والفوراوي والزغاوي والحلفاوي و..و وإنت الجزء بيفصلك من الجماعة ويجعلك كالغنماية القاصية التي يسهل علي الذئب افتراسها ..
أها إن شاء الله كلامي يكون واضح ..
|
Post: #41
Title: Re: الحكومة تزج الشعب نحو الثورة بخطي متسارعة ..
Author: Mohamed Suleiman
Date: 11-01-2011, 09:03 PM
Parent: #38
منير:
Quote:
السودان الشمالي قبل بترول الجنوب ده كان ميت؟؟ .. مشاكل المعيشة دي نحن ولدونا فيها وعشناها حياتنا كلها ..
|
ده ياهو زاتو الوهم البيردد فيهو البشير و أعوانو .... كذبة إنو نحن كنا عايشين قبال بترول الجنوب و حنعيش برضو بعد بترول الجنوب ...
يا منير المرّة دي ما زي المرات الفاتت ....
زمان كان السودان جنوبو فقط كان مشتعل .... و كان الإقتصاد تعبان لكن كان في قطن الجزيرة و محاصيل نقدية أخري مثل الصمغ العربي و الفول و السمسم و الذرة و الكركدي و حب البطيخ و ثروة حيوانية معقولة .. دي كانت منتوجات لا تكلف الحكومة الكثير .. كان المزارع و الراعي في الغرب و الشرق و الجنوب يعتمد علي الأمطار ..
كان السودان بفقره لديه مصداقية إعتمادية (كردت) يمكن أن يتسلف من الشرق (الكتلة الشرقية بقيادة روسيا و الصين) و الغرب (أمريكا و الإتحاد الاوروبي) و الدول العربية الغنية (الغريبة كان القذافي دائما منقذ السودان .. تتذكروا مال الكرامة؟)....
كان السودان لم يكن في أي قائمة للدول الإرهابية ... و بالتالي أمورو لحدما سالكة ... فهناك إستثمارات من دول العالم ...
المرّة دي ... السودان كلّه أصبح مرجلا يغلي .. لا إستقرار فيه و بالتالي لا إنتاج ... بفضل العنصريين الجدد ...
منذ غردون لم تزحف أي جيوش الي العاصمة عسكريا إلا في هذا العهد...
مناطق الغنتاج الآن ملتهبة ..
السودان فقد ثلث أراضيه .. من أخصب الأراضي و اغناها مواردا ... طبيعية و بشرية .
العالم لا يثق في السودان الفضّل ليستثمر فيه أو حتي يسلفه قروش ... و كرتي ما فضّل ليهو إلا يدق السكلي في باريس عندما واجهته الحقيقة بفداحة عزلة السودان إقتصاديا و سياسيا.
بترول الجنوب في فترة بسيطة كان نقمة .. لأن مستجدوا النعمة في الخرطوم ظنّوا أن العائد البترولي السهل سيدوم مدي العمر .. فأهملوا مصادر الدخل التقليدية التي كانت تقي السودان شر الإنهيار التام ... زراعة و ثروة حيوانية و صناعة ..... الآن عادوا يبحثون عنها و البلاد حدودها مفتوحة بلا جيش قومي يحميها و اطراف كانت منتجة اليوم ناقمة علي المركز ... فنشط التهريب لتزداد خزينة الدولة خواءاً .... و لماذا يورد المزارع و الراعي عائد عرقه لحكومة تشتري بذلك العائد طائرات و قنابل تحرق قراه ..... و إكتشفت الحكومة أن هناك معادلة لئيمة .. هي معادلة كريت و القرض.
هذه المرّة ...ليست كالمرّات السابقة ..
و ليس كل مرّة .. تسلم الجرّة ...
|
Post: #45
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 10:25 PM
Quote: يا منير المرّة دي ما زي المرات الفاتت ....
زمان كان السودان جنوبو فقط كان مشتعل .... و كان الإقتصاد تعبان لكن كان في قطن الجزيرة و محاصيل نقدية أخري مثل الصمغ العربي و الفول و السمسم و الذرة و الكركدي و حب البطيخ و ثروة حيوانية معقولة .. دي كانت منتوجات لا تكلف الحكومة الكثير .. كان المزارع و الراعي في الغرب و الشرق و الجنوب يعتمد علي الأمطار .. |
ياخي أنا كنت قايلك مقتنع زيي إنو الموارد ليست مقياس لتقدم الشعوب وليست كافية لنهضتها .. وإلاّ لكانت افريقيا سيدة قارات العالم .. ما سمعت ب كالحمار يحمل أسفاراً .. ده حال افريقيا .. بلادها مليئة بالموارد وشعوبها تئن من الفقر .. ياخي في أغني من الكونغو؟؟ الكادميوم بتاع بطاريات الموبايل ده معظمه جاي من الكونغو .. هل الكونغو مستفيد منه حاجة؟؟ إنت عارف إن عدد ضحايا الحرب في الكونغو فاق المليونين - أضعاف اضعاف حروب السودان - ولكن لا يعبأ بهم أحد .. تعرف ليه؟؟ لأنو شعب الكونغو مسيحي مضمون ماعنده صراع حضاري إنساني مع الصهيونية العالمية .. عكس السودان الذي يمثل المدخل الإسلامي والعربي للعمق الأفريقي .. لذلك يحاربونه بضراوة .. ولذلك ماعاوزينه يشيل نفس ويرتاح .. ولذلك ينفخوا الزيك ده كمخلب قط لتسعير الفتنة والفرقة تحت غطاء الشعارات البراقة ..
وبالمناسبة السودان الآن أكثر تأهيلاً للنهضة من ذي قبل .. وأظنك كزول بتاع وكالة ناسا تملك الذكاء الذي يجعلك تعمل المقارنات الزمانية والمكانية وتجمع وتطرح وتحسب المحصلة .. محاصيل الزمن القديم من تسالي وسمسم وكركدي و..و من الحاجات البتقوم براها دي ما بتأكِّل عيش الزمن ده .. ده كان زمان عندما كان سكان العاصمة مثلاَ لا يتعدي بضع عشرات آلاف .. وحين كان كل طلاب الجامعات لا يتعدون ألفين تلاتة ماكلين باسطة .. حين كان كل السكان بيأكلوا كسرة وويكة بس .. إذن الموارد الكشاكيش دي كانت يادوبك بتجيب أثاثات لمكاتب الحكومة لأنو باقي الشعب كان قانع بالعناقريب والبنابر والبروش .. تعال قارن بعالم الحيرميك والآي فون والزمن البيتباع بالثانية - الدقائق بقت بيع جملة، والثواني قطّاعي ..
البنية التحتية اليوم أحسن عشرمية مرة من زمان .. تعرف إنو الطرق المسفلتة التي تشق الفيافي علي طول البلد وعرضه لو فرشوها في بلجيكا بتغطيها؟؟ .. يعني البلد محتاجة حسن إدارة ومحاربة فساد .. تاني البيلزنا ما يرمينا .. الأموال التي تصرفها الدولة لحفظ الأمن والاستقرار الذي تسعون لزعزعته بكل ما أوتيتم من قوة، لو كانت اتصرفت في سلام كنا بقينا غير .. لكين متي يبلغ البنيان يوماً تمامه إن كنت تبنيه وغيرك يهدم ؟؟ ..
أنا هسة ممكن أجد لي تبرير لهدايا البشير البهائمية وأقول يكون عاوز يخلق أسواق للثروة الحيوانية التي أنهكتها المساسقة شمالاً وجنوباً والرعاة لا يجدون لها تصريفاً وهي تتكاثر بدون موارد رعوية من ماء وكلأ .. ولكن نقول ظروف الإهداء وتوقيته ليسا مناسبين - بل مستفزين للمواطن الذي يريد أن يري السلعة متوفرة عنده وشبعان منها - ثم بعد ذلك سيتقبل توزيع الخير علي الجيران .. وحتي لو قلنا الحكمة من الإهداء هو خلق أسواق فنقول أنه كان يمكن أن يكون بيع بأسعار منخفضة وتفضيلية أو حتي رمزية .. وبذا يتفادون هذا الاستفزاز لمشاعر الشعب بهذه الصورة المتناقضة - وهكذا ....
|
Post: #43
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-01-2011, 09:22 PM
Parent: #38
| Quote: البشير ده عوير والله العظيم عوير |
سلامات يا أخوي محمد جلال ..
كمان لو طلعت حكاية وقوفه مع بشار الأسد ده كلام حقيقي، يبقي يكون طبزها طبزة كبيرة ولا بد جماعته يضايروه ، لأنو كده حيجيب ليهم العاصفة .. والله غايتو العاصفة دي أن شايف إنو برقها بدأ يشلع ..
|
Post: #44
Title: Re: الحكومة تزج الشعب نحو الثورة بخطي متسارعة ..
Author: فتحي الصديق
Date: 11-01-2011, 09:55 PM
Parent: #43
| Quote: والله غايتو العاصفة دي أنا شايف إنو برقها بدأ يشلع . |
الحمد لله الذي وهبك القدرة على رؤية برق التغيير ..
وأزيدك في الشعر بيت يا منير ....تاني مافي عفا الله عما سلف ..الرئيس ونافع وضباط الأمن وعلي عثمان وكمال عبيد .. وكل اللصوص حيتحاسبوا حساب عسير ..
|
Post: #47
Title: Re: الحكومة تزج الشعب نحو الثورة بخطي متسارعة ..
Author: Deng
Date: 11-01-2011, 10:45 PM
Parent: #44
| Quote: النجس دينق .. الرد عليك مضيعة للوقت .. |
كوز حقير ######## مثلك يجب أن يستحي. أنت عايش في دولة حريات وديمقراطيات وفي نفس الوقت تؤيد نظام دكتاتوري مجرم!
لعنة الله عليك وعلى جميع الأرزقية.
|
Post: #48
Title: Re: الحكومة تزج الشعب نحو الثورة بخطي متسارعة ..
Author: عبدالعزيز الفاضلابى
Date: 11-01-2011, 10:58 PM
Parent: #47
| Quote: أها إن شاء الله كلامي يكون واضح .. |
والله يامنير لو كتبت نامن جبرين يصيح في المدينةمايبق واضح
واصل في نقدك للحكومة دا ياهو الكلام المفيد.
معظم الناس اللي بكتبو في المنبر ده جايين يشتموا
والواحد ماداير ياخد ويدي جاي يظهر علي انو غلبك في الحجة.
|
Post: #51
Title: Re: الحكومة تزج الشعب نحو الثورة بخطي متسارعة ..
Author: smart_ana2001
Date: 11-01-2011, 11:35 PM
Parent: #48
| Quote: الحكومة تزج الشعب نحو الثورة بخطي متسارعة |
اى شعب??? شعب الخرطوم??
و كيف ح يكون شكل الثورة???? و لو كانت مسلحة ح تسميها برضو ثورة ام ح يبقوا عملاء???
قال منير:
Quote: وبالمناسبة السودان الآن أكثر تأهيلاً للنهضة من ذي قبل .. وأظنك كزول بتاع وكالة ناسا تملك الذكاء الذي يجعلك تعمل المقارنات الزمانية والمكانية وتجمع وتطرح وتحسب المحصلة .. محاصيل الزمن القديم من تسالي وسمسم وكركدي و..و من الحاجات البتقوم براها دي ما بتأكِّل عيش الزمن ده .. ده كان زمان عندما كان سكان العاصمة مثلاَ لا يتعدي بضع عشرات آلاف .. وحين كان كل طلاب الجامعات لا يتعدون ألفين تلاتة ماكلين باسطة .. حين كان كل السكان بيأكلوا كسرة وويكة بس .. إذن الموارد الكشاكيش دي كانت يادوبك بتجيب أثاثات لمكاتب الحكومة لأنو باقي الشعب كان قانع بالعناقريب والبنابر والبروش .. تعال قارن بعالم الحيرميك والآي فون والزمن البيتباع بالثانية - الدقائق بقت بيع جملة، والثواني قطّاعي ..
البنية التحتية اليوم أحسن عشرمية مرة من زمان .. تعرف إنو الطرق المسفلتة التي تشق الفيافي علي طول البلد وعرضه لو فرشوها في بلجيكا بتغطيها؟؟ .. يعني البلد محتاجة حسن إدارة ومحاربة فساد .. تاني البيلزنا ما يرمينا .. الأموال التي تصرفها الدولة لحفظ الأمن والاستقرار الذي تسعون لزعزعته بكل ما أوتيتم من قوة، لو كانت اتصرفت في سلام كنا بقينا غير .. لكين متي يبلغ البنيان يوماً تمامه إن كنت تبنيه وغيرك يهدم ؟؟ |
فقال الفاضلابى:
| Quote: والله يامنير لو كتبت نامن جبرين يصيح في المدينةمايبق واضح |
و الله قريت الفقرة دى من كلام منير مرتين و عارفتوه عاوز يقول شنو!!!!
طيب...مضي عهد الكركدى و التسالى....حلو. طيب نعمل شنو?
البنية التحتية -للاسف- ما شوارع ظلط بس. حتى شوارع الظلط عملوها من غير تخطيط او تصميم محترم.
انت يا منير ما سمعتا الكيزان عملوا شنو بسكة حديد مشروع الجزيرة??? باعوها حديد خردة.
يا سيدى التعليم انهار تمام و الصحة خليها ساى. مياه الخرطوم اسوء الف مرة مما كانت عليه قبل عشرات السنوات.
ال بليزكم ما بريميكم ??? اها و الناس العايشين فى ضنك و فقر ديل ما يسالوكم برضو??? دارفور دى اولادها ما شالوا سلاح من ساهل. و خليها دارفور...ما سمعت فى الانتباهة (ايوه ..الانتباهة) قصة ضحايا سد مروى و موت اولادهم من العقارب??? الناس ديل قالوا قاعدين يطلعوا مظاهرات كل يوم. سمعت بيها?? اها ...لو يوم شالوا السلاح...بكرة انت بتجى تقول عليهم عملاء
و خلينا نقول الطرق (الى اكبر من مساحة بلجيكا دى) تمام و شغالة....عاوز ترحل بيها شنو ???
الناس اللى وقتها بالثوانى و عملت ال اى فون ما عملته لانها عندها قروش بس.
|
Post: #56
Title: Re: الحكومة تزج الشعب نحو الثورة بخطي متسارعة ..
Author: Munir
Date: 11-02-2011, 12:14 PM
Parent: #51
ألحقي ألحقي أمريكا حتفلس ..
|
Post: #52
Title: Re: الحكومة تزج الشعب نحو الثورة بخطي متسارعة ..
Author: الصادق الزين
Date: 11-02-2011, 01:34 AM
Parent: #47
[
لا حولاااااااااا, شوفو سطحية الراجل دا؟ كده نمسك كلاموا دا واحد واحد عشان نبين ادعاءاته, باعتباره فقيه عصره!
| Quote: ياخي أنا كنت قايلك مقتنع زيي إنو الموارد ليست مقياس لتقدم الشعوب وليست كافية لنهضتها .. وإلاّ لكانت افريقيا سيدة قارات العالم .. ما سمعت ب كالحمار يحمل أسفاراً .. ده حال افريقيا .. بلادها مليئة بالموارد وشعوبها تئن من الفقر .. ياخي في |
منير, عنده وفرة الموارد الطبيعية فى مجملها, ليست مقياس لدرجة تقدم الشعوب وتطورها, لماذا؟ لان افريقيا مليئة بالموارد لكنها متخلفة؟ هكذا افترض هذا المسكين! طيب يا سيد منير, بماذا تقيس درجة تقدم او نمو اى دولة؟ الدول يا منير تصنف اما غنية او فقيرة بحجم الموارد الطبيعية التى تتمتع بها, غض النظر عن هذه الموارد مستغلة ام لا, عدم تمكن افريقيا من استغلال مواردها, وما تبعه من عدم مقدرتها من تحقيق نمو ونهضة, كنتيجة لحالة عدم الاستقرار السياسى , فى معظم بلدانها, بسبب الحروبات الاهلية الطاحنة, و التى يعتبر المستعمر المسبب الرئيسى لها, لا يعنى ذلك باى حال من الاحوال, عدم كفاية مواردها!! خلاف الاسباب الرئيسية لعدم نهضة افريقيا, تجئ دوافع المستعمر, الذى يريد ان يبقى من افريقيا مخزن, تمده متى ما احتاج, بالمواد الخام من معادن و بترول و محاصيل زراعية, ودا كان سبب رئيسى للمد الاستعمارى الامبريالى فى نهايات القرن التاسع عشر و بدايات القرن العشرين, الذى غطى افريقيا ومعظم بلدان العالم الثالث, دى ثقافة عامة يا منير ما عايزة دراسة متخصصة! ثم ثانيا تشبيهك للحمار و اسفاره , تشبيه غير دقيق, لان الحمار معروف عنه صفة الغباء و البلادة, و الاسفار هى الكتب التى تعتبر مصدر للتثقيف و الاستنارة, ولكن الحمار لا يستطيع ان يستفيد من ذلك رغم حمله لها, لان ليست له و سيلة الى ذلك!!,اما حالة افريقيا فهى تختلف, تزخر بالموارد الطبيعية و البشرية, ولكن هنالك ثمة اسباب تجعلها لا تتمكن من استغلال هذه الموارد, وقد تكون المسالة مؤقتة.
| Quote: إنت عارف إن عدد ضحايا الحرب في الكونغو فاق المليونين - أضعاف اضعاف حروب السودان - ولكن لا يعبأ بهم أحد .. تعرف ليه؟؟ لأنو شعب الكونغو مسيحي مضمون ماعنده صراع حضاري إنساني مع الصهيونية العالمية .. عكس السودان الذي يمثل المدخل الإسلامي والعربي للعمق الأفريقي .. لذلك يحاربونه بضراوة .. ولذلك ماعاوزينه يشيل نفس ويرتاح .. ولذلك ينفخوا الزيك ده كمخلب قط لتسعير الفتنة والفرقة تحت غطاء الشعارات البراقة .. |
نشوف شطحات منير و الكنقو: منير يعتبر ان تهور حكومة السودان و ابادتها لشعبها, حتى تتمكن من الانفراد و الاستقواء بالسلطة, يعتبر ذلك صراع حضارى و كمان (انسانى) هكذا! لا ادرى لماذا الجمع بينهما, مع الصهيونية العالمية لان السودان بوابة الحضارة العربية الاسلامية الى افريقيا! هكذا يفترض بكل بساطة!! يا استاذ, العالم ما عاد يخاف من الحضارة العربية الاسلامية, فى مصدر هذه الحضارة, سواء كانت فى بلاد الشام او الجزيرة العربية او حتى بلاد المغرب العربى؟ العرب انفسهم مقتنعين بان ليس لديهم ما يقدمونه الى الشعوب الاخرى, غير الارهاب و التقتيل, ولذلك تحول الصراع العالمى مع الدول العربية, كونه صراع ضد الارهاب المرتكب باسم الاسلام, ومصدره الدول العربية الاسلامية, اما السودان يا حبيب فلا احد يحس به اطلاقا, لو لا تفنن هذه الحكومة, فى ابادة شعبها و ارتكابها للفظاعات الانسانية, التى شدت انتباه العالم, مما اوجب محاسبتها و عقابها! و افريقيا التى تصور السودان كمدخل لها, السودان يا حبيب, بالنسبة لدولة جنوب السودان الاتولدت امبارح دى, لا يسوى جناح بعوضة ,ناهيك من ان يحمل حضارة و ثقافة ليصدرها عبره لبقية الشعوب الافريقية! الشعوب الافريقية يا منير, كلها تسخر و تستهزئ من السودان, للتخلف الذى يعيش فيه! ابسط شيئ امسك مجال كرة القدم , نحن ملطشة امام كل الدول الافريقية, و الان الرياضة و تحديدا كرة القدم تعتبر احد مقاييس درجة الرقى و الحضارة للبلدان, و البلد الذى لا يستطيع ان يحسن التنافس, فى مباريات كرة القدم, هى دولة عاجزة و لا يخشاها احد, وانظر الى حال السودانيين فى كل بلدان المهجر, شعب مغلوب على امره ليست لديه هوية و لا ثقافة, شعب متسول بين الشعوب و لا يستطيع التاثير فى الشعوب الاخرى, معظم البلدان الاخرى لها خصائصها المميزة و لها شخصيتها الاعتبارية و يستطيعوا ان يضيفوا الى الحضارة الانسانية, اما نحن عبارة عن فراجة على بقية خلق الله, حتى الشعوب العربية التى تتحدث عنها تعتبرك لا شيئ و لا تصنفك معها فى اى محفل دولى, فنحن شعب يعانى من العزلة الثقافية, فكيف نكون مصدر للحضارة الانسانية؟ العالم يهتم بالسودان فقط للحفاظ على الوضع الانسانى المتردى فى الدولة, بسبب الحروبات و الكوارث التى سببتها حكومتك و ليس بسبب خوفه من خطر الحضارة التى يحملها.
| Quote: وبالمناسبة السودان الآن أكثر تأهيلاً للنهضة من ذي قبل .. وأظنك كزول بتاع وكالة ناسا تملك الذكاء الذي يجعلك تعمل المقارنات الزمانية والمكانية وتجمع وتطرح وتحسب المحصلة .. محاصيل الزمن القديم من تسالي وسمسم وكركدي و..و من الحاجات البتقوم براها دي ما بتأكِّل عيش الزمن ده .. ده كان زمان عندما كان سكان العاصمة مثلاَ لا يتعدي بضع عشرات آلاف .. وحين كان كل طلاب الجامعات لا يتعدون ألفين تلاتة ماكلين باسطة .. حين كان كل السكان بيأكلوا كسرة وويكة بس .. إذن الموارد الكشاكيش دي كانت يادوبك بتجيب أثاثات لمكاتب الحكومة لأنو باقي الشعب كان قانع بالعناقريب والبنابر والبروش .. تعال قارن بعالم الحيرميك والآي فون والزمن البيتباع بالثانية - الدقائق بقت بيع جملة، والثواني قطّاعي .. |
نجى نشوف الدافورى الفوق دا: اولا فى جهل دامغ بحقائق زراعية بديهية, وهى ان المحاصيل الزراعية, مثل التسالى و السمسم و الكركدى و غيرها, هى محاصيل بتقوم (بروس) ساكت من دون جهد و لا يحزنون! حسب وجهة نظر منير, اى عبارة عن منحة الله لانسان الريف, فقط عند موسم الحصاد يذهب المزارع الى حيكورته ليحصد هذه المحاصيل! سبحان الله!! يا اخى اذا انت البتنظر لللسياسة, و الجهوية و العنصرية و الثورة و الكلام الكبار كبار دا, اذا كان دا فهمك, وانت تعتبر رجل دولة كامل العتاد, عن الزراعة المطرية فى السودان, فلماذا لا يظل السودان متخلف؟ طيب دى واحدة, المشكلة الثانية هذا المنير يسخر من هذه المحاصيل, ويعتبر حسب فهمه البسيط, بانها لا تسوى شيئ فى عالم اليوم, وما عارف ربط المسالة بتعداد السكان و اكل الباسطة و التسالى, وكلام جايط جوطة شديدة خلاص!! يا منير المحاصيل الزراعية, لا تستخدم فى اكل الفول و التسالى و الكابكبى فى دور السينمات او الدور الرياضية, هذه المحاصيل تدخل فى مجالات صناعية هامة للانسان, منها التى تدخل فى الصناعات الغذائية ومنها ما هو يدخل فى الصناعات الكيمائية و صناعة العقاقير الطبية بمختلف انواعها, يعنى يا منير هذه المحاصيل هى سبب هذا الزخم العامل ليك انفصام دا, من ثورة تكنلوجية و معلوماتية, لانها تعتبر اساس هذه الثورة, و اهميتها تتجدد بتجدد الحاجات الانسانية الغير منتهية, ازدياد عدد سكان السودان يعد مؤشر ايجابى, لان المسالة لها علاقة طردية مع فلاحة الارض و استخلاصها, يعنى كلما زاد عدد السكان يعنى توفر الايدى العاملة, التى تستخدم فى الزراعة فيزيد انتاج هذه المحاصيل. منير راجع صادرات السودان من المحاصيل الزراعية, ارجع فقط لسنى حكم الانقاذ و اختار حوالى خمس سنوات متتالية و شوف حجم الصادرات كم و شوف حجم العملات الصعبة التى تغذى بها خزينة الدولة, اظن زولكم صلاح غريبة نشر قبل يومين فى المنبر دا, جاب دراسة و هو فرحان بيها, عن اهمية صادرات السودان من المحاصيل الزراعية, و اظنه عقد مقارنات ما بين فترة الحكم الديمقراطى و حكم الانقاذ. يا منير امش اقرا يا اخى ما تنظر من منازلهم ساكت, ياهو غريبة بتاع الحبوبات دا, و هو زول امنجى كمان, طلع بفهم عن الاقتصاد السودانى اكثر منك, العامل لينا فيها عالم.
Quote: البنية التحتية اليوم أحسن عشرمية مرة من زمان .. تعرف إنو الطرق المسفلتة التي تشق الفيافي علي طول البلد وعرضه لو فرشوها في بلجيكا بتغطيها؟؟ .. يعني البلد محتاجة حسن إدارة ومحاربة فساد .. تاني البيلزنا ما يرمينا .. الأموال التي تصرفها الدولة لحفظ الأمن والاستقرار الذي تسعون لزعزعته بكل ما أوتيتم من قوة، لو كانت اتصرفت في سلام كنا بقينا غير .. لكين متي يبلغ البنيان يوماً تمامه إن كنت تبنيه وغيرك يهدم ؟؟ ..
|
الفوق دا كلام غير منهجى, اهو بس تنظير و السلام!!
| Quote: أنا هسة ممكن أجد لي تبرير لهدايا البشير البهائمية وأقول يكون عاوز يخلق أسواق للثروة الحيوانية التي أنهكتها المساسقة شمالاً وجنوباً والرعاة لا يجدون لها تصريفاً وهي تتكاثر بدون موارد رعوية من ماء وكلأ .. ولكن نقول ظروف الإهداء وتوقيته ليسا مناسبين - بل مستفزين للمواطن الذي يريد أن يري السلعة متوفرة عنده وشبعان منها - ثم بعد ذلك سيتقبل توزيع الخير علي الجيران .. وحتي لو قلنا الحكمة من الإهداء هو خلق أسواق فنقول أنه كان يمكن أن يكون بيع بأسعار منخفضة وتفضيلية أو حتي رمزية .. وبذا يتفادون هذا الاستفزاز لمشاعر الشعب بهذه الصورة المتناقضة - وهكذا .... |
|
تمخض الفيل فانجب فارا!! اولا, كلمة بهائمية غير مستساغة! انا بعرف ان يوصف سلوك الانسان, فى حالة ارادة زجره, بالسلوك البهيمى او البهائمى كنوع من الاستعارة, لان البهائم شاذة فى سلوكها, و لذلك يشبه سلوك الانسان الشاذ بها, لكن لا نقول هدايا البشير البهائمية, لانها معروفة انها بهائم فلماذا نصفها ثانية؟ ثانيا: كدة نشوف تنظيره فى مجال التسويق و البيع و الزوبعة دى كمان؟ يا منير لا خراف السودان و لا ثيرانه, يعانيان من الكساد فى التسويق, حتى نحتاج ان نطبق حزم التسويق من دعاية و اعلان و تسعير لتسويقها, بل يشهد العالم اجمع ان الخراف الحمرية وهى سودانية المصدر, من اجود انواع الخراف فى العالم, و مرغوبة بشدة فى الاسواق العالمية, لا سيما اسواق الخليج و السعودية, وان سبب جودتها, لانها ترعى على المراعى الطبيعية الخضراء, نعم قد تكون هنالك مشاكل تسويقية متمثلة فى الترحيل و النقل الى موانئ الصادر, التى تعتبر نوعا ما بعيدة عن مواقع الانتاج, لكن ذلك لا يشكل هاجسا, واصبح المستهلك فى شخص الوسطاء و الشركات, ياتى الى اسواق البيع و يتكفل هو باعباء الترحيل, بدلا عن المنتج او الراعى ! يعنى مافى اى مبرر يخلى البشير دا يوزع مواشينا, وشعبنا فى امس الحوجة اليها, والاسوا من كده, يجى واحد انصاف متعلمين زيك, يحاول يبرر لهذا الخطا!!
|