أيها السودانيون الامريكيون هل اصبحتم افريكان اميركان؟؟..

Post: #1
Title: أيها السودانيون الامريكيون هل اصبحتم افريكان اميركان؟؟..
Author: Munir
Date: 02-18-2010, 11:23 PM

wasup dude?x
u no wat 'm sayin?x

yeah yeah..

أها يا أخواننا دعاة الأفريقانية والحرية والثورية ، هل اندمجتكم في الbrotha's والsista's ؟ ..

.

Post: #2
Title: Re: أيها السودانيون الامريكيون هل اصبحتم افريكان اميركان؟؟..
Author: Abuelgasim Mohamed
Date: 02-19-2010, 02:48 AM
Parent: #1

سلام يا منير

يا اخينا ديلك اصلا ما حايرضو بيهم...حكي لي صديق انو مره قال لي واحد brother

what's up brother فرده الامريكي I'm not your brother قام صديقنا قال ليهو why

فكان رد الامريكي I'm an american and you are an african

الجماعه ديل لا لمو في العير ولا في الفطير

Post: #3
Title: Re: أيها السودانيون الامريكيون هل اصبحتم افريكان اميركان؟؟..
Author: Deng
Date: 02-19-2010, 05:43 AM
Parent: #2

منير

نعم كل السودانين في أمريكا هم أفريكان أمريكانز .
أمريكا دي مافيها أي طريقة بتاعت غش وأستهبال .
أها أنت في النرويج بحسبوك مع الافارقة ولا مع منو؟

Post: #5
Title: Re: أيها السودانيون الامريكيون هل اصبحتم افريكان اميركان؟؟..
Author: Munir
Date: 02-21-2010, 00:55 AM
Parent: #3

Quote: نعم كل السودانين في أمريكا هم أفريكان أمريكانز .
أمريكا دي مافيها أي طريقة بتاعت غش وأستهبال .
أها أنت في النرويج بحسبوك مع الافارقة ولا مع منو؟
يا دينق السؤال ليس عن افريقانية السودانيين أو عروبتهم .. السؤال هو هل اخلتطوا بالآفريكان اميركان في حياتهم ومجتمعاتهم واجتماعياتهم وديسكوهاتهم وكنائسهم ، أم تقوقعوا حول انفسهم وتجنبوا المجتمع الامريكي الأسود ؟؟ ..

Post: #4
Title: Re: أيها السودانيون الامريكيون هل اصبحتم افريكان اميركان؟؟..
Author: Munir
Date: 02-20-2010, 11:03 PM
Parent: #2

Quote: يا اخينا ديلك اصلا ما حايرضو بيهم...حكي لي صديق انو مره قال لي واحد brother

what's up brother فرده الامريكي I'm not your brother قام صديقنا قال ليهو why

فكان رد الامريكي I'm an american and you are an african
ابوالقاسم .. خلي بالك الواحد أول ما يشوفوا انقليزيهو الدراب ويعرفوه ما أصلي يهمشوه ..
بس العاوز أقوله إنو رغم الأمركة والراستات لكين اولادنا لا يجرؤون علي الانفتاح علي مجتمع الآفريكان الاميركان . والواحد يكون عامل فيها 50سنت شخصياَ ، لكين بعيد بعيد ..

Post: #6
Title: Re: أيها السودانيون الامريكيون هل اصبحتم افريكان اميركان؟؟..
Author: Deng
Date: 02-21-2010, 06:39 AM
Parent: #4

Quote: أيها السودانيون الامريكيون هل اصبحتم افريكان اميركان؟؟..

منير .

عنوان بوستك واضح وضوح الشمس . السوداني يتم تصنيفه أفريكان أمريكان قبل أن يصير أمريكي الجنسية .
هنالك سؤال في معظم الاستمارات والفورمات عن اللون . وهذا السؤال لا يوجد مفر منه .

Quote: يا دينق السؤال ليس عن افريقانية السودانيين أو عروبتهم .. السؤال هو هل اخلتطوا بالآفريكان اميركان في حياتهم ومجتمعاتهم واجتماعياتهم وديسكوهاتهم وكنائسهم ، أم تقوقعوا حول انفسهم وتجنبوا المجتمع الامريكي الأسود ؟؟ ..

أاها ! هسع الجاب سيرة البحر (العروبة) منوا ؟
السودانين من الجيل الاول مازالو متقوقعين ومنغلقين على أنفسهم بعض الشئ ، ولكن الاجيال اللاحقة فهي أكثر أنفتاحا وأكثر تسامح مع نفسها وهذه الاجيال تصنف نفسها بأنهم سود وأفريكان أمريكانز ويخالطون المجتمعات الامريكية كلها أبيضها وأسودها وملونها . طيب يا منير . أنت بصنفوك في أوربا شنوا ؟ هل يتم تصنيفك كأي عربي جاي من الخليج أم يتم تصنيفك كا أفريقي أسود ؟