ما كنت قايل عندي معجبين !! ..

يا أخوانا قلت اقرأ أخبار الجزيرة لقيت في صفحة تعليقات القراء واحد بيكتب بإسم منير عبدالرحيم وبين قوسين يؤكد (سوداني) !!! ـ أها لقيت أخونا دا ناوي انتحال شخصية !! .. حيث أنه الظاهر عليه متابع كويس وحافظ ليهو شوية عبارات من العبد لله وقاعد يكتبها بنقاطتها .. يعني بيخط النقط (الفواصل) كده (..) .. لكنه نسي علامات التعجب (!!) ..
أها زي دا يقولوا عليهو شنو ؟؟!! ..

الظاهر الكلام الصرفناهو في مشكلة دارفور حارقو جوة !!..
يعني معقول الكلمتين تلاتة البكتبهم هنا ديل عاملات للبعض ضغط للدرجة دي ؟؟!! .. أمال لو فضينا ليهم يحصل شنو ؟؟!! ..

..

.. وغايتو ابن آدم زي دا يتداري وينتحل شخصيات غيره و حتي في السايبر ما عنده الشجاعة يكون نفسه فضروري يكون شخصيته الحقيقية فيها إن
كبيرة ..

الاخ منير
سلامات
راجعت الاسم الذى يشبه اسمك فى الانترنيت. ولكننى لم ارى سبب غضبك واتهامك له بانتحال شخصيتك! فاسماء الناس تتشابه فى هذه الدنيا. وكونه يكتب نقطتين (..) كما تفعل انت فالاف الناس يكتبون بهذه الطريقة.
ولكننى وجدت خبرآ طريفآ. هذه هو نصه فى جريدة الراى العام السودانية بتاريخ 2 مارس 2004

Quote: * منير عبدالرحيم مدير مكتب السيد وزير العلوم والتقانة رزق بمولود اختير له اسم «احمد» أحر التهاني..

وتجد هنا اسمك فى حالة قوقلة!!

منير عبد الرحيم يا منير

و أنا ما كنت قايل انك قايل انو ما عندك معجبين


يقول ليك - يا عادل عثمان - حافظ ليهو عبارات
و بيرددها تقول ليهو اسماء الناس بتتشابه!!
_____
ليتك تزين هذا البوست بصورة مولود
مدير مكتب السيد وزير العلوم والتقانة!

الاخ ملاسي كيفك ..

غايتو يا حسين الزول حيرني .. لأني شعرت انه بيستخدم عباراتي بصورة حسيت بأنها مستهترة ..
بس برضو الواحد يقول يمكن أنا موهوم ساي ..

Quote: و أنا ما كنت قايل انك قايل انو ما عندك معجبين

معجبين شنو يا ملاسي قول مغيوظين ..

الاخ عادل عثمان سلامات ـ

والله انا احترت .. طبعآ عارف إن حوة والدة .. لكين لقيت الزول دا بيكتب بنفس الاسلوب الملخبط عربي بالدارجي .. ثم عبارة (في الحالتين انا الضايع) دي بالذات انا استخدمتها في احدي الردود ولو ما اخاف الكضب كان في ردي عليك انت بخصوص التدخل الاجنبي .. وكذلك عبارة (خواجات) في الاشارة للغربيين كنت استخدمها كثير .. هناك مشاركتين منه قابلوني في موقع الجزيرة هما الادوني احساس بأنه بيكتب بإسمي .. وبالتأكيد أنا ممكن أكون غلطان .. لكين اسوي شنو .. غايتو أي واحد يكون بيقرأ مشاركاتي هنا ويقرأ كلام الزول دا حيقول دا أنا .. وطبعآ الشئ الضايقني ان إذا الحاصل دا ما وهمة مني ساكت ممكن واحد يشيل اسمك واسلوبك ويمشي يحوم بيهو في الانترنت كأنما يتحدث بإسمك ..

تخيل يوم تلقي نفسك مشارك في منبر وتلقي نفس اشكال بوستاتك هنا وعباراتك وبصورها كمان

بخصوص منير عبدالرحيم بتاع علوم التقانة دا فياهو دا البيجيب اللخبطة زاتها .. فأنا زاتي من ناس وزارة العلوم والتقانة .. لكين منير عبدالرحيم التاني دا إلا يكون ظهر بعد ما انا مرقت .. وأزيدك من الشعر بيت إن أنا زاتي كنت قبل سته سنوات رزقت بمولود اسمه احمد !! .. شوف لك جنس حكم ..

Quote: ليتك تزين هذا البوست بصورة مولود مدير مكتب السيد وزير العلوم والتقانة!

بس اقنعني يا ملاسي إنك ما مسطول !!!!!
هي السطلة دي كيفنها ؟؟؟

تحياتي منير

حينما رايت الاسم لاول مرة اشتبهت بانه اسم قريبي ... منير عبدالرحيم خوجلي مدير مكتب السيد وزير العلوم والتقانة لكن بعد نزول الصورة اختفي الاحتمال ... والاكثر غرابة ان الصورة تشبه صورة شقيقه مبارك عبدالرحيم .. يعني بقو عليك اسم وصورة .. وياسيدي يخلق من الشبه كتيرين في الصور والاسامي وليس هنالك انتحال الا في حالة ان تكون انت في الاصل منتحل للاسم وفي الحالة دي نصيحة ليك حاول شوف ليك حل

----------

حسين ملاسي ما عندك مشكلة ممكن ارسلها ليك في الايميل ...

الاخ جعفر بشير سلامات :

Quote: حينما رايت الاسم لاول مرة اشتبهت بانه اسم قريبي ... منير عبدالرحيم خوجلي مدير مكتب السيد وزير العلوم والتقانة لكن بعد نزول الصورة اختفي الاحتمال

وطبعآ حمدت الله اني ما طلعت قريبك .. وإذا بقي قريبك دا الجابو ليهو ولد سماه أحمد قول ليهو ما براك .. كلنا جابو لينا ولد وسميناه احمد ..
أوع منير قريبك دا يكون عنده أخو اسمه احمد كمان .. لأنه في الحالة دي بيكون التشابه فات حدوده !..

عمرالفاروق الناقد المشاكس .. مرحب بمرورك ..

والله شككتني في نفسي ...

عليك الله ما لقيت ليك سؤال غير ده عشان تسألو ... كان تشوف ليك حاجة غير قصة الاخوان دي لانو في بيتهم اي اسم الله خلقو قاعد(ربنا يحفظهم) ... وما ممكن يجلي اسم احمد .. عندو اخو اسمو احمد ... واها وقبل السنين الانت ذكرتها دي كان عندو ولد برضو لكن اسمو محمد ..

ياخي لكين الظاهر انو لو حمضنا فلم قريبك دا أنا خايفو يطلع أنا زاتو !! ..

Quote: الظاهر الكلام الصرفناهو في مشكلة دارفور حارقو جوة !!..

غايتو ما عارف, يا اما انك موهوم او مسطول, هو انت قلت حاجة عن دارفور غير شوية قصص شفاهية ومماحكات وشغل اوانطة؟؟؟؟
غال معجبين غال
ديل شكلهم متعجبين

ما ياها شوية القصص الشفاهية دي هي الحاشاك في حشاك ..

Quote: الحاشاك في حشاك ..

يا راجل احتشم, او اديها قهوة مرة.
طبعا كتار زيك افتكروا انهم قطعوا السمكة وديلها, لكن لسة, الكلام جاى ورا, بس اديها صنة.

انت يا زول بتجي نصايص الليل للنت دي مصلح وتفتش للمشاكل واللا شنو .!!.
عليك الله امش ألعب بعيد .. ما عندنا زمن ليك ..

Quote: مصلح

وانت قاعد تجى مملح
طبعا اى زول يقعد بعد قانون طواريكم"النفسية" لازم يكون مصلح,سيبك من قلة الادب دى, لانو لمن كنت بلعب بشنبورتى ما كان فكروا فيك اصلا, احترم نفسك واستخدم الفاظ تليق بيك كتشكيلى مزعوم, يا بتاع المعجبين.

Quote: طبعا اى زول يقعد بعد قانون طواريكم"النفسية" لازم يكون مصلح,سيبك من قلة الادب دى, لانو لمن كنت بلعب بشنبورتى ما كان فكروا فيك اصلا

والله غايتو فعلآ البيباري الجداد يوديهو الكوشة ..
انعل ابو تربيتك ..

Quote: انعل ابو تربيتك ..

THE SAME TO YOU

.. وصدق من قال أين يمكن أن تجد المعتوهين والملاقيط الما عندهم أهل والمقطعين والسكرجية والمحتالين وعديمي الشغلة إن لم تجدهم بالانترنت ! ..