أول إمرأة في مجال التلحين في افريقيا والعالم العربي الموسيقار اسماء حمزة

أول إمرأة في مجال التلحين في افريقيا والعالم العربي الموسيقار اسماء حمزة


17-12-2007, 03:24 AM


  » http://sudaneseonline.com/cgi-bin/sdb/2bb.cgi?seq=msg&board=212&msg=1199770929&rn=17


Post: #1
Title: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 17-12-2007, 03:24 AM
Parent: #0

جريدة آخر لحظة الأحد 16 ديسمبر 2007م، 7 ذو الحجة 1428هـ العدد 497

أول إمرأة في مجال التلحين في افريقيا والعالم العربي الموسيقار اسماء حمزة
حنان النيل صوت لم نشبع منه فحرمتنا باعتزالها
حوار: عبد الرحمن جبر


Quote: الأستاذة اسماء حمزة ليست أول موسيقار في السودان فحسب بل في أفريقيا والعالم العربي.. تغنى بالحانها كثير من المطربين الكبار والشباب منهم على سبيل المثال الكابلي ومحمد ميرغني وعابدة الشيخ وعماد أحمد الطيب وآخرين.. التقتها آخر لحظة بمنزلها العامر بحلفاية الملوك بالخرطوم بحري فكانت هذه الدردشة.

ملامح من السيرة الذاتية؟

اسماء حمزة من مواليد الحلفايا عام 1936م درست بمدرسة الإنجيلية بحري، تزوجت عام 1967م وانجبت بنتاً واحدة هي ( آفاق) ولي حفيدان ( أسماء - حمزة) عملت في سلاح الموسيقى 13 عاماً ويرجع الفضل في دخولي لسلاح الموسيقى إلى عزيزة درويش وهي زوجة الإعلامي الكبير محمد صالح فهمي.

تعتبر اسماء حمزة أول امرأة تعمل في مجال التلحين في افريقيا والوطن العربي هل هذا صحيح؟

أنا لست متأكدة من هذا الكلام لأنني قرأت في إحدى المجلات لأربع ملحنات عربيات واحدة سورية و 3 مصريات, والفرق بيني وبينهم إنني واصلت في التلحين وهم توقفوا وقالوا إن أسباب توقفهم عن التلحين عدم ترحيب الرجال بهم.

أول لحن قمت بتلحينه وكان سبباً للشهرة؟

أول لحن لحنته هو ( يا عيوني) من ديوان ( ليالي الملاح التائه) وهو من تأليف علي محمود طه وذلك عام 1957م وأول لحن اظهرني كملحنة هو ( الزمن الطيب) وهو عمل من كلمات الأستاذ سيف الدين الدسوقي وغنته سمية حسن.

على يد من تعلمت العزف على العود؟

تعلمت لوحدي ولم يعلمني أحد وذلك لأنني ولدت بلحمية في أوتار الصوت منعتني من الغناء, وأجريت لي عدة عمليات من أجل أن أغني ولكنها لم تنفع. وأهداني الوالد ( عود) تعلمت فيه وعلمت فيه من بعدي الموسيقار الكبير بشير عباس.

العلاقة الأسرية والفنية بين اسماء حمزة وحسن عطية وبشير عباس وما رأيك في كل منهما؟

أنا أصغر من أن أبدى رأي في الموسيقار الكبير بشير عباس وأمير العود الفنان الأنيق في كل شئ حسن عطية. بشير عباس ابن عمي وتربينا في بيت واحد، وحسن عطية نسيبنا وصديق للأسرة وخاصة والدي حمزة بشير.

حسن عطية أمير العود بلا منازع أليس كذلك؟

حسن عطية هو أمير للعود وذلك لأنه يجبرك على إحترامه وأنك تتأثر به, وهو فنان مقنع وإمارته للعود لم تأت من فراغ.

أعمال فنية لاسماء تغنى بها مطربون ومطربات؟

تغنى لي كل من خالد عبد الرحمن- سمية حسن - عابدة الشيخ- محمد عمر- هشام درماس- عماد أحمد الطيب- محمد ميرغني- عبد الكريم الكابلي.

اسماء فنية لفتت نظر أسماء حمزة في الساحة الفنية؟

أنا أحب وأعشق واستمتع في كل كلمة من كلمات الحب والعشق عند السيدة أم كلثوم والأستاذ عثمان حسين.

الفلاتية- عابدة الشيخ- حنان النيل في كلمات؟

عائشة الفلاتية تعتبر هرماً وهي من أوائل المطربات اللاتي أقنعن الناس بصوتهن وكانت صديقه للأسرة. عابدة الشيخ قدمها لي الأستاذ محمد بشير عتيق كشاعرة اعطتني نصوصاً شعرية لكي الحنها وقال لي عتيق أن صوتها جميل جداً جداً يشبه صوت فاطمة الحاج, وأنا بدوري أقنعت عابدة الشيخ بأن تكون فنانة مغنية, وذلك بعد جهد جهيد واقناعها استمر عاماً كاملاً من المحاولة ووقفت معها حتى تمت إجازة صوتها. وحنان النيل صوت لم نشبع منه فحرمتنا بإعتزالها من الصوت الجميل المميز.

أسماء حمزة قليلة الإطلالة عبر الأجهزة الإعلامية لماذا؟

الصحافة هي الوحيدة التي تقدرني وبيني وبينها ود كبير ولحنت أغنية للصحفيين عام 1948م وهي من كلمات الشاعر الكبير إدريس جماع وكانت بمناسبة زيارة وفد صحفي سوداني إلى القاهرة واسمها ( وفد البيان) ولم أجد الفنان الذي يغنيها بعد وهي تعبير عن حبي لقبيلة الصحفيين الذين لم يغن لهم.

حديثنا عن أوبريت عزة؟

لحنت أوبريت ( عزة وعزة) وهو من كلمات الأستاذ عبد الله أبو قرون وهذا العمل كان بمثابة تحدي لنفسي في أن أكون ولا أكون والحمد لله نجح العمل نجاحاً كبيراً.


يا باحة في أعنف زحام
يا بدر في أطول ظلام

ياكلمة جات لي زول وجم

غلبوا الكلام وأضحى الكلام

موكب قصيد وهتاف شديد

من جيل جديد رافع شعار

يا عزة قومي

الحانك فيها كثير من العاطفة والرقة والحنية؟

كل الحاني فيها العاطفة والرقة والحنية وأنا أبكي عندما الحن لحناً لأنني أعيش معه أولاً وبهذا أضمن أنه وصل إلى قلوب الناس.

أسرع أغنية قمتي بتلحينها؟

أسرع أغنية لحنتها هي ( ما بتتلقي) وهي من كلمات عبد الوهاب هلاوي وهي تقول:


يا عيوني ضيعتي الهوى
لا قادرة ترجعي للمضى

ولا قادرة تجري وتلحقي

هل لديك أي نشاط آخر غير التلحين؟

أنا عضو مؤسس لمنتدى الحلفايا الذي تعرفت من خلاله على كبار الشعراء, الذين كان لهم الفضل في هذا التنوع في الحاني وهم سعد الدين إبراهيم -عبد الوهاب هلاوي- عبد القادر جميل- الشاب سيد أحمد صالح- محمد أحمد سوركتي- محمد عبد القادر أبو شورة -عمر محمد صالح. وهم من أميز الشعراء وكل واحد منهم له لونية خاصة.

üالجديد القادم عند أسماء حمزة؟

أقوم الآن بتلحين أغنية للأستاذ عبد الوهاب هلاوي وهي تقول:


خليت لي أيه بعد ما فت مني
غير بعد المسافة والذكرى البخافة

وأفراحي وابتني وخليت لي

أيه بعد ما فته مني

Post: #2
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Hadia Mohamed
Date: 17-12-2007, 03:28 AM
Parent: #1

شكرا ليك لكن

ما بعرف حكاية افريقيا والعالم العربى لكن ما اول واحدة فى السودان


اغانى البنات دى لحنوها لينا رجال يعنى؟

Post: #3
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 17-12-2007, 09:54 AM
Parent: #2

شكرا هادية
والله انا زاتى ماعارف حكاية افريقيا
والعالم العربى، دى حركات الصحافة السودانية
بالمناسبة لوفى ملحنات اخريات دى فرصة نستحضر اساميهن

Post: #4
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: سلمى الشيخ سلامة
Date: 17-12-2007, 12:17 PM
Parent: #3

فاطمة خميس قبل ان تجئ عائشة كانت تلحن اغنياتها فى الثلاثينات
عائشة الفلاتية كانت تلحن اغنياتهافى اوخر الثلاثينات والى خر اغنياتها فى السبعينات
جداوية موسى اول من عزفت العود فى اوركسترا الاذاعة وهى شقيقة عائشة الفلاتية
وذلك فى الاربعينات اول ما تم افتتاح الاذاعة السودانية وكانت تساعد عائشة فى وضع الالحان
اما عن العالم العربى فحدث ولاحرج
فاين ذهبت فاطمة رشدى وام كلثوم التى كانت تغنى فى الموالد والتخوت فى الثلاثينات ولحنت كما من اغنياتها؟
وراقية ابراهيم ؟
ومنيرة المهدية؟
اما فى افريقيا فتقف العديدات ممن رفدن الغناء العالمى حتى وليس ببعيدة عن الاذهان ماريام ماكيبا
كان من الافضل ان تقول هذه السيدة انها من اوائل الملحنات
وليس اول لان اول هذه مستحيلة

Post: #5
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 18-12-2007, 05:52 AM
Parent: #4

شكرا سلمى هذه معلومات هامة جدا


Quote: فاطمة خميس قبل ان تجئ عائشة كانت تلحن اغنياتها فى الثلاثينات
عائشة الفلاتية كانت تلحن اغنياتهافى اوخر الثلاثينات والى خر اغنياتها فى السبعينات
جداوية موسى اول من عزفت العود فى اوركسترا الاذاعة وهى شقيقة عائشة الفلاتية
وذلك فى الاربعينات اول ما تم افتتاح الاذاعة السودانية وكانت تساعد عائشة فى وضع الالحان
اما عن العالم العربى فحدث ولاحرج
فاين ذهبت فاطمة رشدى وام كلثوم التى كانت تغنى فى الموالد والتخوت فى الثلاثينات ولحنت كما من اغنياتها؟
وراقية ابراهيم ؟
ومنيرة المهدية؟
اما فى افريقيا فتقف العديدات ممن رفدن الغناء العالمى حتى وليس ببعيدة عن الاذهان ماريام ماكيبا
كان من الافضل ان تقول هذه السيدة انها من اوائل الملحنات
وليس اول لان اول هذه مستحيلة




اما بخصوص (الاولى فى افريقيا والعالم العربى) غالبا مايكون
العنوان للإثارة من الصحيفة، او الصحفى بالتحديد الذى قام
باجراء اللقاء معهاواعتقد ان لاذنب لها فى ذلك

Post: #6
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Saber Abdelhadi
Date: 18-12-2007, 09:57 AM
Parent: #1

الصحفي ده ياعبد الغفار.. كان بكري يديهو عضوية في البورد عشان كان ينصقل شويتين ..
وبعد داك نلحقو الهندي .. ويعمل ليهو عامود براهو ويخت فيه ملوخية ورز ويمشي المستشفى..

Post: #7
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Muna Khugali
Date: 18-12-2007, 11:26 AM
Parent: #6

ياسلام علي الأقل تشرفنا بمعرفة تاريخ نسائي جميل بين السودانيات قيل أكثر من 50 سنه..
شكرا عبد الغفار وشكرا سلمي معلومات جميله..
أعتقد أنني شاهدتها قبل عام وأكثر في برنامج استضا اسرة بشير عباس..بس ما متأكده تماما..

كل سنه وانتو طيبين..
وعبد الغفار رسل لي تلفونك بأي طريقه تحبها..

Post: #8
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Saber Abdelhadi
Date: 18-12-2007, 12:40 PM
Parent: #7

بعيد عن موضوع البوست...
وقريب جدا منو,,,
منى خوجلي..
إنت بنت خالتك الواقفة وراي في الصورة دي قايلاها بتعمل في شنو..??
تعزف ,, وترمبيت كمان ..
الرجاء ياسلمى ضمها لقائمة الموسيقيات السودانيات ...

Post: #9
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: سلمى الشيخ سلامة
Date: 18-12-2007, 01:08 PM
Parent: #8

قائمة طويلة وجميلة ودى ناس الحداثة يا صابر عب هادى
فيها حنان النيل (عود ، اوكورديون ، بيانو )
على الاقل دا البعرفو
سلمى على عبد القادر (كمان )
حواء المنصورى (اورغ، بيانو )
ليلى بسطاوى (بيانو )
خالدة الجنيد (بيانو ، اورغ )
مريم البشير (اوكورديون /بيانو )
ناس مابعد الحداثة ديل لسه ما اتعرفنا عليهم

Post: #10
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: نادية عثمان
Date: 18-12-2007, 02:12 PM
Parent: #9

Quote: فيها حنان النيل (عود ، اوكورديون ، بيانو )
على الاقل دا البعرفو
سلمى على عبد القادر (كمان )
حواء المنصورى (اورغ، بيانو )
ليلى بسطاوى (بيانو )
خالدة الجنيد (بيانو ، اورغ )
مريم البشير (اوكورديون /بيانو )


سلومة بت الشيخ

احترامى لكل مبدعات بلادى

لكن بالله زكية ابو القاسم عازفة الجيتار الجميلة وحرم الفنان الجميل شرحبيل احمد دى نسيتيها كيف ياخ ؟

انا اقايتو اول مرة فى حياتى اشوف لى سيدة تعزف الة موسيقية كانت السيدة زكية ثم من بعدها رأيت حنان النيل بالعود ثم توالت الرؤية للاخريات المبدعات .. ربنا يديهن العافية كلهن يارب

Post: #15
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Muna Khugali
Date: 18-12-2007, 10:09 PM
Parent: #8

تقصد بت عثمان البشير؟
ايوه بت خالي لازم تضمو اسمها..بس هي طبعا صغيره..نضمها للتاريخ الحديث خالص..

Post: #17
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 18-12-2007, 11:51 PM
Parent: #7

الأخت العزيزه منى
كل سنة وانت طيبة
الموبايل
07950603508

Post: #19
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Muna Khugali
Date: 19-12-2007, 00:07 AM

النمره دي في مصر يا عبد الغفار؟

Post: #20
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 19-12-2007, 01:26 AM
Parent: #19

انت أكيد قاصده عبدالغفار المهدى يامنى
انا عبدالغفار ليدز، شمال بريطانيا

Post: #16
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 18-12-2007, 11:46 PM
Parent: #6

صابر اذيك
كل سنة وانت طيب
يازول ماتجيب لينا الهوى
قلت لى نلحقه منو.....؟
هسع بكره تلقه اسمك فى عموده، وبعدين يحلك الحل بله
انا غايتو ماقلته ايتها حاجه

Post: #11
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Tumadir
Date: 18-12-2007, 02:39 PM
Parent: #1

اها بالله يا لحادبين على تاريخ الموسيقى ما تنسوا عفاف شيخ الدين

خريجة شرقى "عود" من معهد الموسيقى والمسرح واستاذة الشرقى فى جامعة جوبا

وبتدرس عود من البيت ...أجزم نصف عدد الفنانين "القايمين ديل" انهم تعلموا العود على يديها ...وبتصلح أعواد .. برضو ..



أها للمعلومية وشكرا ...

"اختها"

Post: #12
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: munswor almophtah
Date: 18-12-2007, 03:02 PM
Parent: #11

تنسوا عفاف شيخ الدين

بتجضم العود وقطع شك كضب البقول بلحقا وبتعزف لأحسن فنان بغنى حقيبه من أبوروف إسمو الكلس وهو لا يحب الإعلام وشهادتى لله وسلامى والأمانى لها ولأهلها وكل سنه وكلككم طيبين سلمى وتماضر وكل الجماهير من أهل المزيقه




منصور

Post: #18
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 18-12-2007, 11:55 PM
Parent: #11

سلام تماضر
كل سنة وانت طيبة
من اين لكم كل هذا الفن ياآل شيخ الدين
عينى طبعا بارده
ربنا يحفظكم

Post: #13
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: ناذر محمد الخليفة
Date: 18-12-2007, 04:37 PM
Parent: #1

يا سلام عليك يا سلمى ..

Quote: فاطمة خميس قبل ان تجئ عائشة كانت تلحن اغنياتها فى الثلاثينات
عائشة الفلاتية كانت تلحن اغنياتهافى اوخر الثلاثينات والى خر اغنياتها فى السبعينات
جداوية موسى اول من عزفت العود فى اوركسترا الاذاعة وهى شقيقة عائشة الفلاتية
وذلك فى الاربعينات اول ما تم افتتاح الاذاعة السودانية وكانت تساعد عائشة فى وضع الالحان


دا الإفحام ولا بلاش ..

Quote: ناس مابعد الحداثة ديل لسه ما اتعرفنا عليهم


عندك عوضية كوجيم واضعة لحن (راجل المرة حلو حلا) وبرضو عندنا الفنانة(مريم عضلات) بتاعت (كلو من وائل .. وائل باع الموبايل) وكمان الفنانة سعاد تيكو بي لحت (الخاينة chاchيتايا ريتني لو دقيتا) بالإضافة كدة لي واجدة إسمها رايح لي لكن بتلحن الكتير من الأغنيات للفنانات وبالذات لي ندى القلعة ..

صنفرة :

بس ما عارف يسمو العصر بتاعم دا شنو غير عصر ما بعد الحداثة !!

Post: #14
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Mahjob Abdalla
Date: 18-12-2007, 05:33 PM
Parent: #1

Quote: عوضية كوجيم

Quote: مريم عضلات

Quote: سعاد تيكو

Post: #21
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Hadia Mohamed
Date: 19-12-2007, 02:03 AM
Parent: #1

بعيدا عن اسفاف الزملاء عندما قلت اغنية البنات فعلا اقصد ذلك

بعيدا عن ما تحملة من مضامين وان كانت مضامينها نتاج لمعاناة

ومشاكل مجتمع باكملة هى فعلا اغنيات تحمل الحان جميلة جدا

وفى اغلب الاحيان يعجز الملحنيين الدارسين فى مجاراتها ومن يقمن

بتلحينها صاحبات حس فنى .

Post: #22
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: HAMZA SULIMAN
Date: 19-12-2007, 04:58 AM
Parent: #21

دخلت البوست لاصحح معلومة اول امراة ......
فوجدت التصحيح هنا ....
لان فى بالى الخالة جداوية والدة الاستاذ عادل حربى وشقيقة عائشة الفلاتية
والتى اشارت لها الاخت سلمى
تحياتى للجميع

Post: #23
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: ناذر محمد الخليفة
Date: 19-12-2007, 08:32 AM
Parent: #1

هادية ..

كل عام وأنى بخير ....

Quote: بعيدا عن اسفاف الزملاء


وين إسفاف الزملاء دا ؟!!

Post: #24
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 19-12-2007, 11:55 PM
Parent: #23

أهلا بالشاعرة الجميلة ناديه عثمان
كل سنة وأنت طيبة

Post: #25
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 19-12-2007, 11:57 PM
Parent: #24

كيف يامنصور، ألف حمد لله على السلامة
ومليون سلام
كل سنة وأنت طيب
والله نسيناها سهوا يامنصور
والعتب على النظر

Post: #26
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 19-12-2007, 11:59 PM
Parent: #25

سلام نازر المشاغب
كل سنة وانت طيب

Post: #27
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 20-12-2007, 00:00 AM
Parent: #26

كيفك يامحجوب
كل سنة وانت طيب

Post: #28
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 20-12-2007, 00:10 AM
Parent: #27

أهلا وسهلا بالموسيقار حمزة سليمان
كل سنة وأنت طيب، نحن في انتظار جديدك من الألحان البَهِيّةُ

Post: #29
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 20-12-2007, 00:26 AM
Parent: #28

أهلا وسهلا بهاديه
كل سنة وأنت بألف خير
بالمناسبة ماتتحسسى من ناذر خليفة
مؤكد هو فاهم أنت بتقصدى شنو
لكنو مشاغب بامتياز، وبعدين بحب الشكل
ومن ناس "المديدة حرقتني"

Post: #30
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 20-12-2007, 00:48 AM
Parent: #29

العزيزة سلمى
كل سنة وأنت بألف خير
مزيدا من التوثيق للموسيقيات من الملحنات والعازفات السودانيات
]


Quote: ]قائمة طويلة وجميلة ودى ناس الحداثة يا صابر عب هادى
فيها حنان النيل (عود ، اوكورديون ، بيانو )
على الاقل دا البعرفو
سلمى على عبد القادر (كمان )
حواء المنصورى (اورغ، بيانو )
ليلى بسطاوى (بيانو )
خالدة الجنيد (بيانو ، اورغ )
مريم البشير (اوكورديون /بيانو

Post: #31
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: عبدالغفار محمد سعيد
Date: 20-12-2007, 01:17 AM
Parent: #30

كتبت الأخت هادية:

Quote: اغانى البنات دى لحنوها لينا رجال يعنى؟


وهى محقه حسب وجهة نظري ، ففي إعتقادى تعتبر ألحان اغانى البنات من أقدم الألحان، إن لم تكن الأقدم أطلاقا في الأغنية السودانية، وتعتبر أغاني البنات إحدى العاكسات للثقافة والقيم السائدة عبر الحقب التأريخبه المختلف بالإضافة للقيمة الابداعيه لبعض الأغاني نفسها .
ويرى بعض الاجتماعيين إن اغانى البنات توفر الكثير من المعلومات عن الحقب التاريخية الاجتماعية والسياسية المختلفة، وان الكثير منها يحمل الدلالات عن القيم الثقافيه للطبقة السائدة فى وقتها

Post: #32
Title: Re: أول إمرأة في مجال التلحين في افريقيا والعالم العربي الموسيقار اسماء حمزة
Author: Elmuez
Date: 20-12-2007, 03:11 AM
Parent: #1

سجل عندك ! ..

و كل عام وأنتم بخير