Post: #1 Title: بلاغ ضد زوجتي Author: الطيب شيقوق Date: 04-03-2008, 06:16 AM
نختلف مع زوجاتنا.. أو هن يختلفن معنا.. ثم نعود إلى الحوار.. المصارحة.. الإقناع.. مراجعة أنفسنا ونعترف بأخطائنا .. ونعتذر.. شيء جميل.. يدعم العلاقة الأسرية ويقويها.. وتتدفق من خلاله ديمومة الحب.. في خلايا العروق.. ثم نعاود الكرة .. بين الاختلاف والاتفاق.. في مواقف مختلفة ومتباينة.. إلى أن يقترب كل منا من الآخر.. يتخلله.. يتمازج معه عندها تتآلف الطباع ونجد عندنا من الفراسة والذكاء ما يجعل كلا منا يقرأ ما بداخل الآخر.. ويسارع في تلبية احتياجاته بمجرد النظرة.. اعتقد أن في هذا غاية السعادة الأسرية . وعندما تتباعد الفكرة وتسيطر علينا الأنا ونفقد التمييز بين إدراك مفاهيم معينة.. وكل منا يتشبث برأيه.. قد تصل الأمور إلى فراق بيني وبينك.. وتلك هي الكرة الخاسرة. مثل ما حدث في هذا الموقف.. الذي نستطيع أن نضعه تحت عبارة " صدق أو لا تصدق " ..أو من صنع الخيال.. ليكن كذلك , لا بأس.. ما دامت الفكرة جاءت طيعة وبسطت الظهر لامتطائها لتصل بنا في النهاية.. إلى الهدف والمقترح.. ولنفرج الستار! على صياح ومشاجرة عنيفة.. بين زوج وزوجته.. تبادل السباب والاتهامات.. هي تتهمه بالبخل الشديد.. وهو يبادلها الاتهام بالجهل.. وأنها لا تستطيع أن تضع فاصلا بين الحرص والبخل.. أو بين الإسراف والترشيد.. والكرم والسفه!!. على المائدة كميات كبيرة من بقايا الطعام .. تتنوع أشكالها وألوانها.. على أركان حوائط المطبخ وفي خزاناته.. مجموعات كبيرة من الأكياس.. بعضها يحمل أغراضا أصابها العفن والتلف.. في وسط هذا الجو الغاضب ,شديد التوتر. حالة من اللامبالاة عند الصغيرين!! فهما يمزحان .. يتضاحكان.. يتقاذفان.. بحبات البرتقال والتفاح.. ومن آن لآخر.. يتبادل الصغيران التلصص من جانب باب الحجرة.. لمشاهدة العراك الدائر بين الأبوين.. ثم يعودا ليحاكي الولد أباه.. وتتقمص البنت دور أمها .. الموقف بالنسبة للصغيرين خبرة حياتية من خلال تدريب عملي.. على اللامبالاة بقيمة ما يتمازحان به.. واكتساب سلوكيات عدوانية بما يسمعانه ويشاهدانه من الوالدين .. وكم من الجرائم يرتكبها الكبار في حق الصغار بدون وعي!! . يترك الزوج المنزل.. متوعداً زوجته.. ويتجه دون أن يشعر إلى قسم الشرطة. هناك ضابط يتحدث في الهاتف.. مضطرب.. وفي حالة مزاجية سيئة.. يبدو من طريقة حواره في الهاتف.. أنه يتكلم مع زوجته.. ويرد عليها بإجابات مقتضبة.. حاضر.. طيب.. لن أنسى..كفى يا زوجتي .. أوجزي.. ويدون بعضا من احتياجات زوجته التي تمليها عليه في ورقة أمامه .. ضاق صدره.. أنهى المحادثة بغضب.. تضجر.. سحب شهيقا طويلا يعالج به ضيق رئتيه من المكالمة وسرعان ما تنبه أن هناك مواطناً ينتظر.. تفحص في توتره ووجهه المليء بالغضب.. ماذا تريد أنت الآخر؟ . فأجابه: أريد أن أقدم بلاغاً ضد زوجتي.. قال له الضابط: ما التهمة؟ وما حكايتك؟ . زوجتي سبب من أسباب غلاء المعيشة.. وارتفاع الأسعار في المدينة.. أهدرت مالي.. وقصمت ظهري بطلباتها.. ولاحقتني الديون. فسأله الضابط متهكماً لا بد أنها صاحبة أعمال.. أو مستثمرة.. لا هذا ولا ذاك.. بل هي مستهترة مسرفة إلى حد السفه, تستنزف راتبي كل شهر, في مراكز البيع, لا تترك عرضاً ولا سلعة, ضرورية أو غير ضرورية, إلا وتغرف منها بلا حساب . تبسم الضابط في سخرية من هذا البلاغ الغريب العجيب. وقال في نفسه, يبدو أن أكثر الحريم في وضع زوجتي. ضع همك على همي , ورحب الضابط بفكرة البلاغ وأضاف هو الآخر بلاغا ضد زوجته, وأرفق قائمة الأغراض التي طلبتها منه في الهاتف, ووضع يده في سترته أخرج مجموعة من فواتير الهاتف والمياه والكهرباء, وأمسك بقلمه مضيفا إسرافها في شراء ملابسها, ومتطلباتها الشخصية, وكيفية استخدامها لغسالتها الآلية, أقصد "الفول اتوماتيك", وأشياء وأشياء, إلى أن ضاق المحضر بما يكتب, واستوقفه الزوج, يريد هو الآخر أن يضيف شيئا في محضر زوجته. قال له الضابط لا بأس !! زوجتي تفتقد ثقافة إدارة البيت, وتحديد كميات الطهي, التي غالبا ما تزيد عن حاجتنا أضعافا مضاعفة, وتهمل أو لا تجيد تخزين باقي الأغراض التي تشتريها, مما يسبب لها التلف. وقبل أن يقفل الضابط المحضر, سأل الزوج هل لديك أقوال أخرى؟ أضاف الزوج: نعم لا بد أن أثبت لك, أن زوجتي من أسباب ارتفاع الأسعار, أشار عليه الضابط أن يوجز! فأضاف الزوج : إذا كان ثمن السلعة يا" باشا" ريالا ونصيب الفضلات الضعف "ركز معي يا باشا" يبدو أن الزوج أو المواطن نسي نفسه أنه في قسم الشرطة, مما اضطر الضابط إلى نهره وتوبيخه, وسارع الزوج بالاعتذار "آسف يا باشا" واستمر الزوج في طرح نظريته وباقي الأغراض يفسد فتصل بذلك السلعة, إلى خمسة ريالات!! فلك أن تتصور مجموع السلع التي نشتريها. وأعجبت العملية الحسابية الضابط, الذي أخرج ورقة طلبات زوجته, وراح يهمهم ويكلم نفسه ويدون.. هذه السلعة قيمتها ريال. فتصبح خمسة! وهذه ريالين فتصبح عشرة! وظل هكذا يحسب ويضاعف, وثارت ثورته, يا إلهي كل هذا وأنا لا أدري !! سأرفق هذا المستند إلى محضرك يا زوجتي العزيزة وليكن ما يكن . وزاوج الضابط المحضرين وقدمهما لرئيسه.. الذي هو الآخر وجد ضالته فأرفق محضرا ثالثا لزوجته وأصبح الأمر غريبا ومدهشا مما جعل المواطن الذي هو الزوج والضابط ورئيسه تصيبهم هستريا الضحك. وتسرب الخبر من قسم الشرطة إلى الشارع تلقفته وسائل الإعلام، وتزاحم الأزواج لتقديم بلاغات ضد الزوجات المسرفات. وأصبح الأمر قضية رأي عام لا بد من مواجهته ورفع الأمر إلى القضاء . وبعد مرافعات ومداولات كان الحكم مفاجأة للجميع براءة لكل الزوجات المتهمات في قضايا الإسراف وسبب البراءة ثغرة في محضر الضابط استغلتها إحدى المحاميات عن الزوجات وسنتعرف على تلك الثغرة من خلال حيثيات الحكم : بعد الاطلاع على المحضر ودراسة القضية وجدنا أن الزوجات يفتقدن ثقافة إدارة المنزل ويجب إعطاؤهن فرصة أخرى من خلال التزامهن بما سيأتي في التوصيات . إلى جانب أن الإسراف لا يقتصر على الزوجات فقط بل يشمل شريحة كبيرة من المجتمع رجالا ونساء وأطفالا. لذا نقترح أن نرفع جميعا قضية ضد "الإسراف" ومواجهته بقيام حملة قومية مضادة تحت عنوان "ترشيد الاستهلاك" تبدأ توصيتها بالآتي : عمل دورات تدريبية شاملة لكل الزوجات والفتيات المقبلات على الزواج يقوم بها متخصصون لتعليمهن كيفية إدارة منازلهن وترشيد الاستهلاك داخل هذه المنازل دون إسراف أو تقتير. تشترك في حملة الترشيد كل فئات المجتمع كل في مجاله وتقوم كل وزارة أو مؤسسة بوضع برنامج فيما يخصها من هذه الحملة . إلى جانب الدور التوعوي الذي يقوم به خطباء المساجد . والدور الرئيسي للإعلام المقروء والمرئي . وفي النهاية لابد من خطة زمنية محددة نقوم بعدها بتقييم مدى النجاح في هذه الحملة. وتتبعها خطة زمنية أخرى إلى أن يصبح الترشيد عندنا عادة متأصلة لا يمكن الاستغناء عنها . انتهت التوصيات وبدأت الحملة في كل اتجاه وانتهت المدة المحددة الأولى وكانت آثار نجاحها لا تصدق تنافس المنتجون بأجود البضائع وأقل الأسعار لجذب المستهلك .زادت السيولة المالية لدى الأفراد فجعلهم يفكرون في مشاريع استثمارية احتاجت هذه المشاريع إلى أيد عاملة زاد الإنتاج عن حاجة المدينة وأصبح تصديرها لمنتجاتها يفوق استيرادها بمراحل وانقلبت المدينة من مستهلكة إلى منتجة وأصبح أهلها في حركة دائبة ليل نهار . لا وقت للمشاحنة ولا تضييع للوقت استقرت الأسر وعادت الزوجات بشكل جديد مزغردة وهتف الجميع رشدنا وترشدنا انتصرنا على الغلاء وشاركنا في نهضتنا وإلى الأمام تقدمنا وأهم من كل ذلك انتصرنا على أنفسنا . ومع إغلاق الستار أقفلت المحاضر ضد الزوجات وقيدت القضية ضد الغلاء. الذي أصبح لا يوجد له مكان في مدينتا.
Post: #2 Title: Re: بلاغ ضد زوجتي Author: مهيرة Date: 04-03-2008, 09:31 AM Parent: #1
Quote: عمل دورات تدريبية شاملة لكل الزوجات والفتيات المقبلات على الزواج يقوم بها متخصصون لتعليمهن كيفية إدارة منازلهن وترشيد الاستهلاك داخل هذه المنازل دون إسراف أو تقتير.
مولاناشيقوق
كيفنك، موضوع شيق وهام، ومن أهم العلاجات اقامة الدورات التدريبية للزوجات والفتيات،
تحياتى
Post: #3 Title: Re: بلاغ ضد زوجتي Author: abubakr Date: 04-03-2008, 10:41 AM Parent: #1
ياالعرريب الحالة عندي العكس انا مسرف وعلاقتي بالمال سيئة ولا احب ان يبقي في جيبي كثيرا فوجوده يزعجني ولحسن الحظ الصرف ما في شغلات زي البتعملا انت انا بس بحب التكنلوجيا ( كومبيتورات وقيزموز ... الخ ) بس لو دخلت سوبرماركت عشان اشتري مثلا علبة بسكويت بكون اشتريت كل انواع البسكويت الموجودة .... الازواج لهم نوبات اسراف كثيرة ولكن لا تظهر !! ( اها اسال روحك ؟ )
Post: #4 Title: Re: بلاغ ضد زوجتي Author: الطيب شيقوق Date: 04-03-2008, 11:35 AM Parent: #3
الاخت مهيرة ( نفيسة)
كيفك انت والاسرة وكتر خيرك على المرور
Quote: كيفنك، موضوع شيق وهام، ومن أهم العلاجات اقامة الدورات التدريبية للزوجات والفتيات،
هل يمكن ان يحصل ذلك من الناحية التطبيقية يا دكتورة؟
الرتاني
Quote: ياالعرريب الحالة عندي العكس انا مسرف وعلاقتي بالمال سيئة ولا احب ان يبقي في جيبي كثيرا فوجوده يزعجني ولحسن الحظ الصرف ما في شغلات زي البتعملا انت انا بس بحب التكنلوجيا ( كومبيتورات وقيزموز ... الخ ) بس لو دخلت سوبرماركت عشان اشتري مثلا علبة بسكويت بكون اشتريت كل انواع البسكويت الموجودة .... الازواج لهم نوبات اسراف كثيرة ولكن لا تظهر !! ( اها اسال روحك ؟ )
انا بحب املأ جيبي فلوس واقدل بيهو مقنطر بس ومشنق الطاقية في الهامة يا دنيا ما فيك الا انا . اها تاني عندك كلام يا رتاني؟
Quote: طيب معذب رقبتك بالغربة 30 سنة مالك؟ اكان تقعد تحبس الدراب مع اهلك المحس والسكوت في الشمالية
اها قتها براك 30 سنة ؟؟؟يعني لو كنت بتاع بيزات ما كنت قعدت الزمن دة كلو برة ...بحثا عن حياة كريمة ؟؟؟
Post: #10 Title: Re: بلاغ ضد زوجتي Author: الزاكى عبد الحميد Date: 04-03-2008, 03:42 PM Parent: #9
الزعيم شيقوق (أبو بكر ما يسمعا!)
ايه رايك تطعم لينا موضوع البورصات بالكلام الفوق دا!
يا أبو بكر:
الزول دا بقى ختري شديد..يوم الأحد قدم في النادي محاضرة عن تشريعات وتطبيقات أسواق المال والأسهم وحاجات كتيرة كدى ما فهمناها..شي بالانجليزي وشي باللاتيني وكدا.. ولو ما كان الناس العملوا المداخلات وأثنوا على المحاضرة من كبار رجالات القانون في السودان (زمان) كنا قنا الزول دا عاوز يخمنا ساي! لكن زولك ختري شديد با هندسة..
ده بلقطها طائرة ات قائل عندو كم شغلة غير ود شيقوق زولا هامل ساااااااااى اتلحني الله يصرفه
Quote: ايه رايك تطعم لينا موضوع البورصات بالكلام الفوق دا!
خايف عليكم والله اكان يوم داك ما كانت وداد حاضرة اكان سرحت بيكم عييييييييييييك
يا أبو بكر:
Quote: الزول دا بقى ختري شديد..يوم الأحد قدم في النادي محاضرة عن تشريعات وتطبيقات أسواق المال والأسهم وحاجات كتيرة كدى ما فهمناها..شي بالانجليزي وشي باللاتيني وكدا.. ولو ما كان الناس العملوا المداخلات وأثنوا على المحاضرة من كبار رجالات القانون في السودان (زمان) كنا قنا الزول دا عاوز يخمنا ساي! لكن زولك ختري شديد با هندسة..
ات عارف يا زيكو انا ذاتي ما كنت عارف نفسي ختري كده كتر خيرك انت مسئول اللجنة الثقافية الخليتنا نكتشف هذه المواهب .
تخريمة
مدنى العرضى بعد طلعنا لقيتو زعلان قلت ليهو مالك يا زول قال ده كلام حقو يتصور ونبيعو قلت ليهو خليهو بيعو داك انا ذاتي بضاعة هسع بسوق في نفسي وانتو شايلين القفة ساااااااى .
Quote: وزولكم مصاحب فكي في مايرنو وكجور في الكرمك ووووعارف الحركات كلها ولذا كان ما فتحتو فيهو بلاغ اليوم ياكم الماكليين قش ساي ... اها باكر حتلقو اسمو في الجرنال " خبير التخمينات الاول " .....
ات عارف السالفة الحلوة يا الرطاني - اكان قبل ايام الزاكي عامل دعوة لمجموعة بورداب فيهم فضيلي والمرتضى واحمد القرشي ومحمد عثمان وما شاء الله مطبخ مفتوح اى واحد يشيل صحنو ويقيف في الصف زى صفرة جامعة الخرطوم زمان وزوجة الزاكي اختنا وداد الله يديها العافية رغم اصابتها بكسر في رجلها في حادث حركة ابدعت في الصناعة وواقفة فينا كركون .
لكن انا لخبطت ليك الشغلانية كلها طلبت صحن كبير وليمون وشطة خضراء وكبيت الكسرة والقرع في الصحن وخمجت ليك الشغلانية وحياتك الناس خلو الاكل الجميل الدسم داك كلو ووقعوا ليك في القرع بس لحدى الواحد قام عرقان.
والله اختنا وداد المسكينة وشها اتغير وزعلت منى قالت لى تاني حالفة يا ود شيقوق ما نعزمك مع ضيوف قالت لي انا لي يوميييييييييييين تعبانة ليكم في المطايب تقوم تحشي لي الضيوف قرع .
قلت ليها انت ما عارفه ربنا جاعل سرو في اضعف خلقو .
هيييييييييييييييييع يا وداد اها وريني الاكل وديتوهو وين تاني ؟
Dear Sheikh Alarab, Quote لكن انا لخبطت ليك الشغلانية كلها طلبت صحن كبير وليمون وشطة خضراء وكبيت الكسرة والقرع في الصحن وخمجت ليك الشغلانية وحياتك الناس خلو الاكل الجميل الدسم داك كلو ووقعوا ليك في القرع بس لحدى الواحد قام عرقان. I was planning to stop in Dubai in my way to Sudan this summer, and see my old friend, the wiseman of Nubia, Abubakr, but now you enticed me to stop at Oman, and have a big meal with you, and my relatives Saad Abunura, and Asha Bit Fatima Regards
Quote: قلت ليها انت ما عارفه ربنا جاعل سرو في اضعف خلقو .
هي وداد ماليها حق بتاتا انها تحاول تعلمك اتيكيت الهوبستالتي ( دي شغلانة بتاعة رطانة" الطباخيين والسفرجية وهسع بيقولو عليهم شيفات" chef-de causine بعيد عن اضانك ) ات بس كانت تخت ليك سلطانية وتقعدك في برش برااااك وبرة في البرندة احسن ...
Quote: I was planning to stop in Dubai in my way to Sudan this summer, and see my old friend, the wiseman of Nubia, Abubakr, but now you enticed me to stop at Oman, and have a big meal with you, and my relatives Saad Abunura, and Asha Bit Fatima
دة بياكل قرم مسالا وقروشو كلها مودرا في سوق الحراج (الدلالة بتاعة العربات القديمة) وهو الحياكل علي حسك مع اصحابك واهالك هناك في مسقط .. سيبك من العرريب التبان دة وتعال بجاي عند الطباخيين
Quote: I was planning to stop in Dubai in my way to Sudan this summer, and see my old friend, the wiseman of Nubia, Abubakr, but now you enticed me to stop at Oman, and have a big meal with you, and my relatives Saad Abunura, and Asha Bit Fatima
يا اخي يا مراااااااااااااحب بيك بس ملاحظ انك بتخاطب الرطاني بعبارة صديقي Please keep away from these areas of conflicting interest
ات لسه مصدق حكاية عمتك وجدو؟؟ داك اسم علي اسم ... خت الرحمن في قلبك وخليك مع السقطوك في الانتخابات ( ناس الضب )
Post: #22 Title: Re: بلاغ ضد زوجتي Author: محمد المرتضى حامد Date: 04-03-2008, 06:07 PM Parent: #21
Quote: لكن انا لخبطت ليك الشغلانية كلها طلبت صحن كبير وليمون وشطة خضراء وكبيت الكسرة والقرع في الصحن وخمجت ليك الشغلانية وحياتك الناس خلو الاكل الجميل الدسم داك كلو ووقعوا ليك في القرع بس لحدى الواحد قام عرقان.
وانت هسه خايف من الباش ماعايز تقول ليهو بعد داك جَرّيتها نومه بشخير جنريتر Lister . في رأيي وداد غلطانه.
Quote: أنت تعال يا شيقوق ابو بكر مش كان قال لينا بزورنا في مسقط ؟ غير رايو ولا شنو؟
انا قاعد هنا في مسط الا تس ..... عشان يجيكم - معليش ممكن تورهو ايام اجازتي السنوية انو انا في السودان بيجيكم ولو عايزين يلعب معاكم العاجكو بلعب اصلو ما مبالي .
كان موضوع القرع مجرد اقتراح اول زول ثنى الاقتراح هو انت ومش كده شغالين ليك في وزنة الشطة زى العايزين نصبغ لينا عربية كمبيوتريا .
Post: #27 Title: Re: بلاغ ضد زوجتي Author: Ahmed al Qurashi Date: 04-03-2008, 10:41 PM Parent: #26
نصيحة لكل اصدقاء الطيب شيقوق لو عاوزين تعزموه غداء جهزوا ليكم سرير وبطانية لانو زولكم ده بعد الغداء بنوم على طول وزى ما قال مرتضى نوم بشخيره والبيتو ضيق اخير يعزمو عشاء او فطور يوم الجمعه
Quote: نصيحة لكل اصدقاء الطيب شيقوق لو عاوزين تعزموه غداء جهزوا ليكم سرير وبطانية لانو زولكم ده بعد الغداء بنوم على طول وزى ما قال مرتضى نوم بشخيره والبيتو ضيق اخير يعزمو عشاء او فطور يوم الجمعه
حباب سمح الرجال حباب احمد اخوي انت زولا بتكو ليك اب اربعة قبال يشاوروك. عندنا ليك عّزك وكرمك الراحل المقيم بادي محمد الطيب مع الصيحة البتجنن المرتضى .
Post: #31 Title: Re: بلاغ ضد زوجتي Author: الطيب شيقوق Date: 04-04-2008, 00:00 AM Parent: #30
تسلمي يا سلمي حسن عباس صبحي كلك ذوق
اليك عزيزتي هذا النغم الجميل
Post: #32 Title: Re: بلاغ ضد زوجتي Author: abubakr Date: 04-04-2008, 01:02 AM Parent: #1
Quote: نصيحة لكل اصدقاء الطيب شيقوق لو عاوزين تعزموه غداء جهزوا ليكم سرير وبطانية لانو زولكم ده بعد الغداء بنوم على طول وزى ما قال مرتضى نوم بشخيره والبيتو ضيق اخير يعزمو عشاء او فطور يوم الجمعه
مطاعم هندية هنا بالكوم ... نعزمو ليه ؟؟؟
Post: #33 Title: Re: بلاغ ضد زوجتي Author: abubakr Date: 04-04-2008, 01:04 AM Parent: #1
Post: #34 Title: Re: بلاغ ضد زوجتي Author: الطيب شيقوق Date: 04-04-2008, 07:49 AM Parent: #33
Quote: البرابرة ما كانو دخلو الاسلام الزمن داك ...
وهسع كيف دحين عندك ابريق وسبحة وتبروقة ومسواك شاو وسروال بتكة لزوم ال ... جنب الزريبة هناااااااااك وتجي راجع قادل عاضي التكة وبتتكلم و ....... لحدى تجي تصنقر على تبروقتك وتتوضأ ولا سااااااااااى متابع الخواجات في الخلاء تعبروا في الاراضى ناسي الاخرة كلها ؟
Post: #35 Title: Re: بلاغ ضد زوجتي Author: abubakr Date: 04-04-2008, 08:01 AM Parent: #1
Quote: ولا سااااااااااى متابع الخواجات في الخلاء تعبروا في الاراضى ناسي الاخرة كلها ؟
هي زمان كان عندهم بورصات وناسدك برضو يا امير المؤمنين
Post: #36 Title: Re: بلاغ ضد زوجتي Author: الطيب شيقوق Date: 04-04-2008, 08:06 AM Parent: #35
Quote: هي زمان كان عندهم بورصات وناسدك برضو يا امير المؤمنين
بس دى العجبتك للكوتنج مالك كابي الذوغة من البقية افو افو افو ابو رشا دى ما الحاريها فيك والله
Post: #37 Title: Re: بلاغ ضد زوجتي Author: abubakr Date: 04-04-2008, 08:09 AM Parent: #1
Quote: بس دى العجبتك للكوتنج
باقي الكوتنج( ابريق وسبحة وتبروقة ومسواك ) موجود في سوق امدرمان
Post: #38 Title: Re: بلاغ ضد زوجتي Author: الطيب شيقوق Date: 04-04-2008, 08:18 AM Parent: #37
Quote: موجود في سوق امدرمان
هسع بتفرزن ولا خلاص ضاعت ايام سنينك وبقيت زول مواسير تكب على شمة راحة الليد سااااااااى
Post: #39 Title: Re: بلاغ ضد زوجتي Author: abubakr Date: 04-04-2008, 08:31 AM Parent: #1
Quote: هسع بتفرزن ولا خلاص ضاعت ايام سنينك وبقيت زول مواسير تكب على شمة راحة الليد سااااااااى
في بدائل عصرية .. انا مع التطور
Post: #40 Title: Re: بلاغ ضد زوجتي Author: الطيب شيقوق Date: 04-04-2008, 08:36 AM Parent: #39
الرطاني اخليك تنجم هنا انا اشتريت كتاب الخبز الحافي لمحمد شكري عايز امشى الجمعة واجي انتكي بيهو.
Post: #41 Title: Re: بلاغ ضد زوجتي Author: هاشم أحمد خلف الله Date: 04-04-2008, 09:06 AM Parent: #40
ود شيقوق صباح الخير ياخوي والله شوفت البوست ده لمن إتخلعتا قلت ود شيقوق عرس لاولاده وقبل علي المرة ويف تح فيها بلاغات
انتا عارف يا شيقا معظم النساء في الدنيا بتفقوا علي موضوع الإسراف ده وحسب ظروفهم المعيشية هسع عليك الله قول لمرتك يلا نمشي السوق والله تلقاها راكبة العربية قدامك والعجب لمن تكون عيانة وما قادرة تقوم من السرير وقول ليها يلا نمشي سوق الدهب والله تفتح ليك عيونا زي الفنجان ويدب ليك النشاط في جسما زي لاعب كرة القدم وتقول ليك طيب وانتا لسع ما لبستا مالك
موضوع شيق وظريف وواقعي جداً
Post: #42 Title: Re: بلاغ ضد زوجتي Author: الطيب شيقوق Date: 04-04-2008, 09:29 AM Parent: #41
هشومي القندهاري
كيفك
Quote: ياخوي والله شوفت البوست ده لمن إتخلعتا قلت ود شيقوق عرس لاولاده وقبل علي المرة ويف تح فيها بلاغات
اكان جيت للجد والله هي الليها الحق تفتح فيني بلاغ
Quote:
امبارح سعلتها ليك يا هاشم برااااااااااحة قلت ليها العرسان كيف قالت لي جهز السمايات ليهو بس .
قلت ليها هييييييييييييع ود ال ....................
Quote: انتا عارف يا شيقا معظم النساء في الدنيا بتفقوا علي موضوع الإسراف ده وحسب ظروفهم المعيشية هسع عليك الله قول لمرتك يلا نمشي السوق والله تلقاها راكبة العربية قدامك والعجب لمن تكون عيانة وما قادرة تقوم من السرير وقول ليها يلا نمشي سوق الدهب والله تفتح ليك عيونا زي الفنجان ويدب ليك النشاط في جسما زي لاعب كرة القدم وتقول ليك طيب وانتا لسع ما لبستا مالك
اصلى ما بدعب نفسى لى راجل وهو كرعوا فى رقبتوا يوفر لى الاناء عاوزة
شفت كيف
اهم شى نفسى والقشرات والبوبار
لكن فى الملين مش فى الفاضى
اها قلت شنو
Post: #50 Title: Re: بلاغ ضد زوجتي Author: الطيب شيقوق Date: 04-05-2008, 07:30 AM Parent: #49
وضاحة
Quote: غايتوا ما بعرف بث انا عندى مبداء
اصلى ما بدعب نفسى لى راجل وهو كرعوا فى رقبتوا يوفر لى الاناء عاوزة
شفت كيف
اهم شى نفسى والقشرات والبوبار
لكن فى الملين مش فى الفاضى
نحن محتاجون لشخصيات نسوية قوية هكذا بشرط ان تتوفر تلك العناصر بشفافية كاملة للزوج ساعة اقدامه للزواج والا تظهر هذه النزعة بعد توريط الزوج بتلاتة او اربعة اطفال وبعد داك يقول يحلو الحل بلة منك .
طيب يا وضاحة وبعد يوفر كل لوازم القشرات والبوبار احكي لينا وقت يزورنك صاحاباتك الزيك كده كيف بتكون لهجة حديثك معاهن وانت خالفة كراع في كراع وتعايني ليهن شذرا يلا احكي .
Post: #51 Title: Re: بلاغ ضد زوجتي Author: عواطف ادريس اسماعيل Date: 04-05-2008, 09:00 AM Parent: #50
موضوع جميل .. يديك العافية ويكفيك شر البلاغات ..
تحياتي ..
Post: #52 Title: Re: بلاغ ضد زوجتي Author: الطيب شيقوق Date: 04-05-2008, 09:09 AM Parent: #51
عطوفي
Quote: موضوع جميل .. يديك العافية ويكفيك شر البلاغات ..
Quote: اصلى ما بدعب نفسى لى راجل وهو كرعوا فى رقبتوا يوفر لى الاناء عاوزة
طبعا دى ثقة في النفس بلا حدود
Post: #54 Title: Re: بلاغ ضد زوجتي Author: محمد عثمان محمود Date: 04-05-2008, 07:34 PM Parent: #53
Quote: بل هي مستهترة مسرفة إلى حد السفه, تستنزف راتبي كل شهر, في مراكز البيع, لا تترك عرضاً ولا سلعة, ضرورية أو غير ضرورية, إلا وتغرف منها بلا حساب .
الطيب أخوي.. النساء دائماً يسرفن في شراء العطور الفاخرة والصندل والكريمات والصندلية والسرتية والذهب ومستلزمات الحـ والحنة وفساتين النوم، أها رايك شنو في الشراء؟ ولا هيييييييييييييييع دي ساكت في الفاضي
Quote: يا الطيب أخوي، عايشين كده ساكت لا ريحة لا حنة لا فساتين نوم، والمطر كان نزل والهمبريب ضرب، وهيييييييييييييييع دي في شنو؟
حليك انت اي ناس عندهم ثقافتهم الكبريتية والخمرية والعطرية ونحن عندنا حاجا بلدية محتاجة لدفرة بسيطة ولو فليل دمور او رفدور ولو فاحت وشميتوها حاجاتكم الكتيرة دى اكان شالها كلب ما تقول ليهو جرت .
هييييييييييييع
Post: #58 Title: Re: بلاغ ضد زوجتي Author: حسن طه محمد Date: 04-06-2008, 06:25 AM Parent: #57
Quote: برضو بتشتري سراويل طوال ولا خليت اللبس الشعبي ؟
ود شيقوق العزيز
الوالد العزيز - الله يديه العافية - لقبه المعروف بيه " أب سروال "
والحقيقة دا لقب جد الجد وتم توارثه .
ويقال أن جد الجد كان بتاع قندفة
عراقي وسروال ناصعي البياض
ومن حفلة لحفلة
والساقية دي أصلو ما بيمشي عليها
وبهذا يكون شخصي الضعيف حفيد أب سروال
فتفتكر شنو بعد دا هل بلبس سراويل ولا لأأأأ ؟
وما تنسي الدكة ..... طولها 5 أمتار.
باشمهندزززززز ابوبكر رأيك شنو في السراويل ؟
ودمتم،،
Post: #59 Title: Re: بلاغ ضد زوجتي Author: الطيب شيقوق Date: 04-06-2008, 08:12 AM Parent: #58
الاخ حسن طه (ابو سروال)
تحياتي
انت يا ابوى تاني اقدل ساى بسراويلك الطوال وطوّل التكة وكمان ممكن تربط ريش خضراء في نهاياتها وممكن كمان تعمل ليك فيها مثلثات في الزوايات ملونة ايضا خضراء ولو كمان لقيت ليك طاقية حمراء خياطة ايد ( يا ريت تطريز بانامل الحبيبة لحبيب بعيد) تكون حاجة تمام ولو عايز تتم الناقصة تلبس حجباتك تحت ايادي عراقي الساكوبيس المزركش الجميل وتكون بارم سكينك وعلبة البرجي مع الكبريته تكشكش سااااااااى وفي الجيب التاني ورقة فئة خمسين .
كده اكان مشيت اى حته بتكون جاهز لا سيما زريبة بيع المواشي عشان الشورة كلها تكون عندك انت ده الوجيه . وكان في شكلة في حد ارض بنادوك ليها عشان كلمتك بتكون مسموعة . وكان في عقد عرس انت اول واحد وكان في واحد مجنون طلق مرتو انت البتمشى لردها .
هييييييييييع لقيت اخوك كيف يا ود ابو سروال؟
Post: #60 Title: Re: بلاغ ضد زوجتي Author: حسن طه محمد Date: 04-06-2008, 09:56 AM Parent: #59
شيخ العرب ود شيقوق
السلام عليكم ورحمة الله وبركاتــــــــــــه ( دا غير انه السلام تحية الاسلام برضو حييتك بيه عشان هو الأنسب مع الشيوخ ).
والله بوصفك دا لقيتك عمدة ساي ومتخيلك في اجازاتك في السودان
تكون حايم ساكت بعراقيك السوكبيس والسروال ابو تكة ملونة والطاقية الحمراء وكمان معاهم المنديل حرير الغنا ليه وردي
من بكان لبكان وكل بكان تتحكر فيه ويجوك الناس
والقهوة شغالة وانت باشارة منك بس الجماعة يقولو سمعا وطاعة يا شيخ العرب.
أما أخوك فالاغتراب ما خلا فينا فرصة عشان نتقدف زي جدنا جد الجد ولقب ابو سروال وقف عند الوالد.
تخريمة : ايه رايك في السراويل الصينية الكرعينة الاتنين شمال المالية الخليج. بس لحسن الحظ ما سمعو بالطاقية الحريرالحمراء رغم انو زمان درسونا الحرير من دودة الغز في الصين. كان سمعو بيها كان اقتصادهم زاد .
Quote: تكون حايم ساكت بعراقيك السوكبيس والسروال ابو تكة ملونة والطاقية الحمراء وكمان معاهم المنديل حرير الغنا ليه وردي
وكمان قادل ماشي الجزارة عشان القى الناس هناك قاعدين كويمات كويمات اسلم عليهم كلهم واشوف الشبعانين فلوس اتحكر وسطهم طاااااااااب وامسك ليك الونسة السمحة .
Quote: من بكان لبكان وكل بكان تتحكر فيه ويجوك الناس
بالحيل يا حسن اخوى - ات دحين من وين؟
Quote: والقهوة شغالة وانت باشارة منك بس الجماعة يقولو سمعا وطاعة يا شيخ العرب.
بالحيل
Quote: أما أخوك فالاغتراب ما خلا فينا فرصة عشان نتقدف زي جدنا جد الجد ولقب ابو سروال وقف عند الوالد.
والمصيبة اولادك ما بعرفوا اولاد اخوك واخواتك
تخريمة :
Quote: ايه رايك في السراويل الصينية الكرعينة الاتنين شمال المالية الخليج.
ما ليها طعم زي عرباتنا السمحة في الخليج دى مسيخة - العربية اكان ما اهلك دقوا ليك الباب مع الهجعة قالوا ليك الحقنا بالعربية المرة بقت على الوضوع شن طعمها يا حسن اخوى .
Quote: بس لحسن الحظ ما سمعو بالطاقية الحريرالحمراء رغم انو زمان درسونا الحرير من دودة الغز في الصين.
هييييييييييع انت دفعتنا طاب طالما دى مناهجك مع محمد قول وصديق عبد الرحيم ومنقو زامبيزي ووليم تييييييييييييييييييييل
العرريب لقيتك مدرع في البوست ده... يازول وعامل فيها شيخ عرب...وقاعد تفتي عموما شكله كده هنا ما حينقدر عليك .....لكن للضمان كدة حنلبد في جحر تاني
Post: #63 Title: Re: بلاغ ضد زوجتي Author: حسن طه محمد Date: 04-06-2008, 02:41 PM Parent: #62
Quote: وكمان قادل ماشي الجزارة عشان القى الناس هناك قاعدين كويمات كويمات اسلم عليهم كلهم واشوف الشبعانين فلوس اتحكر وسطهم طاااااااااب وامسك ليك الونسة السمحة .
الحكيرة سمحة والونسة أسمح واللحمة بهناك بتمشي البيت وعارفك بتكون دفعت حقها لكن اللحمة بتكون من بيت الكلاوي ما فيها جلافيط علي رأي الحاجة .. ما شيخ عرب لازم تاكل لحمة سمحة.
Quoteبالحيل يا حسن اخوى - ات دحين من وين؟
أخوك حسن بن طه بن محمد بن طه من أهالي جزيرة مقاصر - دنقلا ( أجمل جزيرة في العالم في اعتقادي ) أتيت الي العاصمة( بحري ) وعمري أربع سنوات
ولدت في الخمسينات من القرن الماضي تخرجت من جامعة الخرطوم - كلية القانون في السبعينات من القرن الماضي اغتربت وأصبحت من الضائعين من ثمانينات القرن الماضي
( وهذا التعريف متسمك به منذ أحد لقاءات القانويين بالمنطقة الشرقية بالسعودية ولن أحيد عنه ) عملت معظم سنوات الاغتراب بالسعوديةومنذ سنة ونصف الآن بالدوحة.
وسبق التواصل معكم بالايميل من خلال العزيز د. ادريس جميل Quote بالحيل
طيب القهوة دي بعجوة ولا بدون عجوة ؟
Quote والمصيبة اولادك ما بعرفوا اولاد اخوك واخواتك
اولادي - دي مؤكدة المشكلة فيني انا ذاتي أولاد عمي الفي البلد وفي غيرها في مشارق الارض ومغاربها لو عرفت الكبار منهم بس دا يكون انجاز كبير ملعون ابو الغربة كما قال أحدهم Quote ما ليها طعم زي عرباتنا السمحة في الخليج دى مسيخة - العربية اكان ما اهلك دقوا ليك الباب مع الهجعة قالوا ليك الحقنا بالعربية المرة بقت على الوضوع شن طعمها يا حسن اخوى .
والله دي صدقت فيها صدق ما بعده صدق
Quoteهييييييييييع انت دفعتنا طاب طالما دى مناهجك مع محمد قول وصديق عبد الرحيم ومنقو زامبيزي ووليم تييييييييييييييييييييل
في دي أكون صادق معاك وأكون قدامك شوية
وفي النهاية شكرا لصديقنا بكري أبو بكر واسطة معرفتنا بالناس الجميلين.
Quote: تخرجت من جامعة الخرطوم - كلية القانون في السبعينات من القرن الماضي
القومة ليك يا عظيم طيب ممكن تورينا بتعرف الشخصيات الاتية:
مدنى العرضي الحسين سيد عيسى مهدي عقيد عبد الرحمن على عبد الله يحيي عبد القادر عبد المحمود حاج صالح مجذوب عبد الرحمن مصطفى حبورة
نواصل
هل عملت في المهن القانونية في السودان؟
Post: #65 Title: Re: بلاغ ضد زوجتي Author: حسن طه محمد Date: 04-06-2008, 05:07 PM Parent: #64
العزيز الأستاذ الطيب ود شيقوق
تحية فواحة بعطور الفل والياسمين
الأستاذ مدني العرضي - زميلي بالكلية الدفعة القدامنا ولكن باعد بيننا الزمان والمكان وأتواصل معه بقراءاتي لبعض ما يكتبه باسلوب راقي علي صفحات سودانايل .
له التجلة .
الأستاذ سيد عيسي - أعرفه تماما ولكن أيضا منذ سنين طويلة لم أسعد بلقائه. لا أدري عند التحاقي بالكلية كان في السنة النهائية أم تخرج.
له عاطر التحايا
الأستاذ مهدي عقيد - دفعة وصداقة ومشتاق ليه كتير
الأستاذ عبد الرحمن علي عبد الله - هل تقصد مولانا عبد الرحمن علي صالح؟اعرف مولانا عبد الرحمن علي صالح.
لهما فائق الاحترام ان كانا شخصين
مولانا مصطفي حبورة أعرفه جيدا من خلال صديقي العزيز الأستاذ الفاتح مهدي حبورة ومولانا مصطفي عمه
له عظيم الاحترام
الأستاذ عبد المحمود حاج صالح لم أتشرف بمعرفته الا من خلال موقعه العام وهوشقيق زميلي وصديقي الأستاذ عبد الحي صالح والأستاذ عبد الستار بالسعودية.
له من الاجلال ما هو أهل له الأستاذان يحي عبد القادر ومجذوب عبد الرحمن لم أتشرف بمعرفتهما وادعو الله ان يجمعني بهما في ساعة خير. لهما التجلة.
أما شخصي الضعيف يا استاذي الكريم
فقد عملت فور تخرجي بديوان النائب العام في مختلف أقسامه ثم انتقلت للعمل بلجنة القوانين الي أن جاء الاغتراب في بداية الثمانينات والي يومنا هذا والي متي الله أعلم.
الله يدي العافية.
لي من العيال والحمد لله 5 ثلاث بنات وولدين وجميعهم ما زالوا في المراحل الدراسية المختلفة من الابتدائي الي الجامعة.
ووفق الله ابناءنا جميعا.
وطمني علي صحة البطل ابنكم .
مع خالص الود والتقدير تلفون 5869193 974 + ونواصل ان شاء الله.
