Post: #1 Title: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 09:31 AM
حركات الجكس علي الهاتف
يا شباب عندي ليكم وصية وأعملوا بيها عشان الجكس دي ما يلعب بيكم ويوهمكم ولازم تنتبهوا من حركات الجكس إذا الواحدة قالت ليك أنا ماشة مع أمي {{ أعرف أنها مواعدة واحد غيرك}} ولوقالت ليك أنت بتحبني قدر شنو {{ أعرف أنها مشغلة الأسبيكر }} ولو قالت ليك موبايلي خربان {{ أعرف أنها عاوزاك تشتري ليها موبايل }} ولو قالت ليك جاييني عريس {{ أعرف أنها عاوزاك تتقدم ليها }} ولو قالت ليك أنا عازماني صديقتي {{ أعرف أنها عاوزاك تعزمها }} ولو قالت ليك أنا تعبانة ماشة أنوم {{ أعرف أنها عاوزة تكلم شخص تاني }} ولوقالت ليك دقيقة عاوزة أركب الشاحن{{ أعرف أنها جاتها مكالمة من آخر}} ولو قالت ليك أمي بتدق في الباب إتصل بعد شوية {{ أعرف أن ونستك بايخة }} بعد محادثة الجكس دا مع الشاب دا أعملوا حسابكم يا الأولاد من البنات ديل نديكم محادثة تاني لكن من ناحية الأولاد ويا البنات أعملن حسابكن لو قال ليك أنا مشغول في الشغل {{ أعرفي أنه مع أصحابة في الشيشة وما فاضي ليك }} ولو قال ليك إنتي أول حب في حياتي {{ أعرفي أنه بغش عليك }} ولو قال ليك أبوي عاوز لي بنات عمي {{ أعرفي أنه عاوز يتخارج منك }} ولو قال ليك نسيت جزلاني في البيت {{ أعرفي أنه مفلس ماعاوزيدفع ليك حق الغداء }} ولو قال ليك موبايلي ما مشحون بكلمك بعدين {{ أعرفي أنه ماشي للجكسوية الثانية }} ولو قال ليك ماشي مشوار بكلمك العصر {{ أعرفي أنه بتكلم بالماسنجر }} ولو قال ليك لبستك رهيبة {{ أعرفي أنك كنتي في نظروا مبشتنة }} ولو قال ليك المديرداخل عليً بكلمك بعد شوية {{أعرفي أن زميلته في العمل دخلت عليه}} ولو قال ليك والله تلاتة شهور ما صرفنا{{ أعرفي أنه بصرف علي جكسوية تانية}} ولولاقاك في الموقف وقال كلمي ناس بيتنا قولي ليهم أنا بجي بعد العصر {{ أعرفي أنه ما عاوز يدفع ليك حق المواصلات }} ولو قال ليك السنة دي ما بقدر اعرس نأجل العرس {{ أعرفي أنه عاوز يزوغ من العرس وعينوا علي الجكسوية التانية }} عرفتن يا بنات إمور الاولاد دي ما تتدقسن وأعملن حسابكن شديد وأنتبهن من حركات الأولاد ديل بغشوا عليكن علي كل حال الكفتان شبه متعادلتان
عاوزين نعرف أي كفة مرجحة
نقلا عن موقع الحلاويين
Post: #2 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 09:40 AM Parent: #1
نقلا عن موقع الحلاويين
واحدة جكسوية قالت لحبيبها :-
مرت سنين هيمانه احلم يوم لقاك تمسح الدمع الغزير مستني بس لحظة رضاك سنيني العشته في ريدك محال يا غالي ما بنساك عشت الحب بدون آمال ما سليت وما عشقت سواك
وقام صاحبنا رد علي الجكسوية وقال :
وكم حاولت انسى هواك وابعد حرقة الاهات الاقي قليبي يقسى على ويتمرد يعيد الفات حبك يا حبيب عمري منحوت فى الفؤاد نغمات حبك سنين مرويه من موية الجروف واحات
Post: #3 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عواطف ادريس اسماعيل Date: 12-03-2008, 09:41 AM Parent: #1
Post: #4 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 09:44 AM Parent: #3
عواطف
شكرا على المرور
لكن انا مسطح
Post: #7 Title: Re: تعالوا اتفرجوا في حركات الجكس على الهاتف - هييييييييييييييييييييع Author: محي الدين جبريل Date: 12-03-2008, 09:53 AM Parent: #4
لكن هسع شباب الزمن ده مفتحييييييييييين البلف ويدور رفيقوا بكون عارفوا وساكت لانو هو زاتو بكون بلف ويدور
الله يستر
Post: #5 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عمار زكي Date: 12-03-2008, 09:46 AM Parent: #1
هسع يا شيخ العرب أخير ليك تكون معانا في موقع الدادائين والثقافة العالية ولا تقعد تباري لي في الجكسات وكلام الشباب اللي أنت أصلا ما ليك فيهو أولادك عرسوا ولن تعيش جيلين خليك معانا أحسن ليك
Post: #6 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 09:52 AM Parent: #5
عمار اللذيذ
Quote: هسع يا شيخ العرب أخير ليك تكون معانا في موقع الدادائين والثقافة العالية ولا تقعد تباري لي في الجكسات وكلام الشباب اللي أنت أصلا ما ليك فيهو أولادك عرسوا ولن تعيش جيلين خليك معانا أحسن ليك
حدى يشعر بالسعادة ويمشي يختار الدادائية
دحين امشى جيب معاك الزاكي وود الخضر وكان لقيت طريقة كمان للمرتضى خليهو بس يجي يتاوق ويهبر.
Post: #8 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 09:56 AM Parent: #6
محيو
Quote: لكن هسع شباب الزمن ده مفتحييييييييييين البلف ويدور رفيقوا بكون عارفوا وساكت لانو هو زاتو بكون بلف ويدور
Post: #9 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عواطف ادريس اسماعيل Date: 12-03-2008, 10:00 AM Parent: #8
أحيانا التسطيح بكون نعمة !!
Post: #10 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 10:09 AM Parent: #9
Quote: أحيانا التسطيح بكون نعمة !!
طبعا
وأخو الجهالة بالجهالة ينعم ، يا طوفي
مش صاح؟
Post: #11 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عواطف ادريس اسماعيل Date: 12-03-2008, 10:12 AM Parent: #10
ميلون بالمية ..
Post: #12 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 10:17 AM Parent: #11
Quote: ميلون بالمية ..
يحفظك الله من كل شر
Post: #13 Title: Re: تعالوا اتفرجوا في حركات الجكس على الهاتف - هييييييييييييييييييييع Author: ناهد بشير الطيب Date: 12-03-2008, 10:38 AM Parent: #1
شيقوق ازيك ....
دى لعبة كراسى ومدورة ,,, الله يكون فى عون الشباب غايتوا بس لو عرفوا معنى الحب بالاول شنو مابسوا سواتهم دى ؟ الله معاهم ومعانا ومع شركات الهاتف
Post: #14 Title: Re: تعالوا اتفرجوا في حركات الجكس على الهاتف - هييييييييييييييييييييع Author: خالد علي محجوب المنسي Date: 12-03-2008, 10:43 AM Parent: #13
ولو قال ليك جوني ضيوف ؟ وجعانين ؟؟؟
دا شنو دا ؟
Post: #15 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 10:46 AM Parent: #13
ناهد بت البشير
ازيييييييك
Quote: ومع شركات الهاتف
لا ابدا يا ناهد دى بتحرر البكاء وبتستثمر اموالها في بيئات الاحاسيس المرهفة
يا بختكم يا ناس الاتصالات الفلوس كابة فيكم 24 ساعة يهدأ نهارا ويزيد الايراد ليلا .
مساكين الاباء والامهات بدل مصاريف دراسة ومواصلات بقت مصاريف اتصالات
Post: #16 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 10:53 AM Parent: #15
المنسي المسينيح
Quote: ولو قال ليك جوني ضيوف ؟ وجعانين ؟؟؟
دا شنو دا ؟
بيكون عارف المتصل مسنوح
Post: #22 Title: Re: تعالوا اتفرجوا في حركات الجكس على الهاتف - هييييييييييييييييييييع Author: Abdlaziz Eisa Date: 12-03-2008, 11:02 AM Parent: #13
سلام
زمان ما كان في أدوات اتصال كثيرة وتعقيدات زى دي.. خلاص.. الشباب والمتشوشبين دخلوا زمان العولمة.. زمن الموبويلات ده بوظ أشياء كثيرة للشباب..
تحياتي عبدالعزيز
Post: #17 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عمار زكي Date: 12-03-2008, 10:54 AM Parent: #1
يا أخي الحبيب وصديقي العزيز شيخ العرب إنت قاري قانون ولا فنون لأنك فنان أكثر من قانوني ضليع وأنت بهذا الفهم الفني الرفيع والحس القانوني الضليع تعتبر أحد روافد الدادائية الهمسكوشورية الفانوفينية لبترونوكشن الذي عاش في القرن السابع قبل الميلاد وأسس حركة الجعليين والشكرية ثم إنتقلت الحركة بقانون الإنتخاب الطبيعي إلى أرض البطانة في السودان وخلي حسن مكي يكمل ليك باقي القصة..................... جايينك بعد شوية ...................
Post: #18 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 10:58 AM Parent: #17
فاكرك طلعت ميطي من كلام زيكو لكن يا اللخو بقيت تعمل سبكات بتقعد ديل بهنا وديلاك بهنا
Post: #20 Title: Re: تعالوا اتفرجوا في حركات الجكس على الهاتف - هييييييييييييييييييييع Author: فيصل محمد خليل Date: 12-03-2008, 11:01 AM Parent: #17
يا شيقاااااااااااااااا
ال......بيداوى...كعبـة ال..............
عدل بواسطة العم كيمــو
Post: #19 Title: Re: تعالوا اتفرجوا في حركات الجكس على الهاتف - هييييييييييييييييييييع Author: ناهد بشير الطيب Date: 12-03-2008, 11:01 AM Parent: #1
Quote: لا ابدا يا ناهد دى بتحرر البكاء
صحى كلامك مالبكاء بيحرروه اهله
Post: #21 Title: Re: تعالوا اتفرجوا في حركات الجكس على الهاتف - هييييييييييييييييييييع Author: هاشم أحمد خلف الله Date: 12-03-2008, 11:01 AM Parent: #1
ود شيقوق ده كلو هين وعرفناه لكن عليك الله التعديل كان في شنو ؟؟؟؟؟
Quote: (عدل بواسطة الطيب شيقوق on 03-12-2008, 08:41 ص)
Post: #23 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 11:05 AM Parent: #21
هشومي
Quote: ود شيقوق ده كلو هين وعرفناه لكن عليك الله التعديل كان في شنو ؟؟؟؟؟
اكان ما اتصلت ما بوريك يا عسل
Post: #24 Title: Re: تعالوا اتفرجوا في حركات الجكس على الهاتف - هييييييييييييييييييييع Author: خالد علي محجوب المنسي Date: 12-03-2008, 11:24 AM Parent: #23
Quote: بيكون عارف المتصل مسنوح
طيب مفروض المسانيح يكون بينهم تجاذب موش تنافر ولا إلا نركب مكنة هايلوكس
Post: #25 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 11:33 AM Parent: #24
Quote: ال......بيداوى...كعبـة ال..............
عدل بواسطة العم كيمــو
عمو كيمو
يبدو انتقلت ليك عدوى المسنوح الفالت - تاني اكان ماحتيت ضهرو ما تشيلو نعمة
Post: #26 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-03-2008, 11:40 AM Parent: #25
Quote: طيب مفروض المسانيح يكون بينهم تجاذب
بس اللعنة خليها انت
Post: #27 Title: Re: تعالوا اتفرجوا في حركات الجكس على الهاتف - هييييييييييييييييييييع Author: خالد علي محجوب المنسي Date: 12-03-2008, 12:38 PM Parent: #26
Quote: ود شيقوق ده كلو هين وعرفناه لكن عليك الله التعديل كان في شنو ؟؟؟؟؟
Quote: (عدل بواسطة الطيب شيقوق on 03-12-2008, 08:41 ص)
هاشم الظريف اززززززززيك
يعني يا هاشم حايكون آية قرأنية .. ولا حديث نبوي شريف .. ولا نصيحة في الله ؟؟؟
حمدو في بطنو
Post: #28 Title: Re: تعالوا اتفرجوا في حركات الجكس على الهاتف - هييييييييييييييييييييع Author: هويدا شرف الدين Date: 12-03-2008, 01:16 PM Parent: #1
الأخ الطيب
فعلا يا ها حركات البنات وكمان الاولاد ما مقصرين وقالو أي بت عندها اربعة من الجكس واحد للف واحد للسف واحد في الكف واحد في الرف
علم ساى علم وجنبو خروف .. تعالى احكى ليك حركات الاولاد كمان .. عندى ود اختى اتخرج من صيدلة من سنة كدا بعدين عيونو طايرة وجنو جكس وونسة تلفونات وبارتيهات .. مؤة قال يا خال ممكن تلفونك قلت ليهو جداً يا ابنى .. بس تلفونك مالو ؟؟ ياخى الجكس محاصر ما برد وامو طوالى رافعه السماعة اها ضرب الرقم ..
شوية كدا اسمع ليك نبرة ود اختى اتغيرت وصوتو علا وقعد يقول ووين انت يا عمدة ؟؟ انت زول ما مسؤوول ؟؟؟ الناس دى منتظراك فى العيادة من الصباح بتبالغ ياخى خلى عندك مواعيد (والله كمية كلام وانا فاغر فاهى ) اخيرا قال يازوووووول ؟؟ معليش اسفين .. حقك علينا الظاهر النمرة غلط
فوق لمحاربة التلاعب بالاحاسيس والمشاعر ونحو حب حقيقي صادق يعني كامل الدسم
Post: #36 Title: Re: تعالوا اتفرجوا في حركات الجكس على الهاتف - هييييييييييييييييييييع Author: Magdi Ahmed Elsheikh Date: 12-04-2008, 05:02 AM Parent: #35
Quote: لمحاربة التلاعب بالاحاسيس والمشاعر ونحو حب حقيقي صادق يعني كامل الدسم
اخوي شيقا
ماتقول داير حليب ابل
Post: #37 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 05:12 AM Parent: #36
Quote: ماتقول داير حليب ابل
مجدى المسنوح الجابك تباري بجاى شنو؟
Post: #38 Title: Re: تعالوا اتفرجوا في حركات الجكس على الهاتف - هييييييييييييييييييييع Author: Magdi Ahmed Elsheikh Date: 12-04-2008, 05:17 AM Parent: #37
Quote: مجدى المسنوح الجابك تباري بجاى شنو؟
جابني الدرب وسمعت الدوباي
شنقت الطاقية وعيييييييييييييك
دخلت شن قولك
امرق والا هيييييييييييييع
Post: #39 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 05:21 AM Parent: #38
Quote: شنقت الطاقية وعيييييييييييييك
يا زول انا قائل ام جركم ما بتاكل حولين لكن انت تاكل دهر يا العشاء اب لبن
Post: #40 Title: Re: تعالوا اتفرجوا في حركات الجكس على الهاتف - هييييييييييييييييييييع Author: هويدا شرف الدين Date: 12-04-2008, 06:28 AM Parent: #1
الطيب صباحك زين
واحد للف - دا شرطا يكون عندو عربية يحوم البت اي مكان عاوزاه ودائما يكون عند الطلب
واحد للسف- دا يكون مقرش يشتري اي حاجة بدون ما يشاور
واحد في الكف - دا ياهو العليهو الضمان ممسوك في الكف بي قوة ودا الخاتنو للعرس والمستقبل
واحد في الرف دا بكون إحتياطي يملأ خانة أي واحد يزوغ
Post: #41 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 06:54 AM Parent: #40
هويدا اللذيذ شديييد
Quote: واحد في الرف دا بكون إحتياطي يملأ خانة أي واحد يزوغ
يلا وريني سريع ده احتياطي للتلاتة (لف ،سف ، كف) ولا الفي كف بس
في انتظارك يا ايتها الخبيرة الاستراتيجية في شؤون الجكسو لفسفكفيّة او ما ما يمكن تسميته اصطلاحا (لسك)
Post: #42 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عماد محمود علي Date: 12-04-2008, 07:36 AM Parent: #41
Quote: ولو قالت ليك أنا تعبانة ماشة أنوم {{ أعرف أنها عاوزة تكلم شخص تاني }}
شيقااا تنوم السهر إنشاء الله ... أنت عرفت كيف دي قالوها لي .... ممسوخ ..
Post: #43 Title: Re: تعالوا اتفرجوا في حركات الجكس على الهاتف - هييييييييييييييييييييع Author: Safia Mohamed Date: 12-04-2008, 07:45 AM Parent: #1
بت زي 22 سنة كدي
دار الحوار التالي:
-اها حسع انت بصحك كدي عايزة تعقدي على الزول دة -آيي -يا زولة والجكس بتاعك -الجكس دة ما فتح خشموا قال داير يعرس خليه لشراية الرصيد والمكاياج والقشرة والونسة و هو قال معرس وما بقدر يعرسني لكن بحبني انا طبعا ما بحب ولا واحد فيهم لكن اهو واحد لزوم امي شابكاني عرسي عرسي اها جبنا ليها واحد حيعقد ليها والتاني لزوم الفرفشة والضحك والونسة بس يا انتي نافصني واحد تقييل كدة يشتري لي عربية اصبري بلقاه ليك
-ووب علي منك لكن ما بالغتي خلاص ابقي على العريس وفكي الباقين عكس الهوا - لا لا يا اختي هو شين ما بطال يعني شبه مروق لكن بس شناته دي اسوي ليها شنو وبعدين هو الوحيد الفتح خشمه قال داير يعرس افوته يعني وبرضو عشان ارتاح من نقة امي واهو جكس الونسة قاعد كدة تمام
- طيب ما ممكن تلقي ليك واحد تحبيه ويكون جكس ودايرين تعرسو انتي بتهظري ولا شنو - يا هو دي الحاصل الداير جكس ما داير عرس والعكس صحيح نسوي شنو
انتهى الحوار
ازمة من هذه هو هي ام مجتمع باكمله بكل ابعاده الاجتماعية الثقافية والسياسية والاقتصدية بجد بحس انهم/هن ضحايا، وسياقهم هو الذي يقودهم الى حالة الضياع هذه
خارج النص: هو جكس يعني شنو
Post: #44 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 08:03 AM Parent: #43
الاخت صفية مساعد
Quote: ازمة من هذه هو هي ام مجتمع باكمله بكل ابعاده الاجتماعية الثقافية والسياسية والاقتصدية بجد بحس انهم/هن ضحايا، وسياقهم هو الذي يقودهم الى حالة الضياع هذه
شكرا لطرح الموضوع كظاهره اجتماعية يتعين علينا مخاطبتها بافكارنا ورؤآنا واقلامنا واحسب ان المختصين في علم النفس والاجتماع هم الجديرين بالكتابة الينا عنها كما دعيني اشاركك الاسفسارات الاتية:-
هل هذه الظواهر تتواءم مع المجرى العادي لطبائع الاشياء؟ هل تكشف لنا غياب عاملي الصدق والامانة في التعامل مع الاخرين؟ هل هي ظواهر مرضية تحتاج فعلا لعلاج نفسي؟ هل هي ازمة ضمير ام افرازات لازمة اقتصادية؟ هل هي فن التعامل مع الاخرين من اجل احراز نتائج او تحقيق غايات ايا كانت الوسائل؟ لماذا استشرت هذه الظواهر في عصرناالحديث؟
الاخ عماد العريس
كيفك انت اكيد مجكس يا مسنوح
نواصل
Post: #45 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عماد محمود علي Date: 12-04-2008, 09:40 AM Parent: #44
Quote: الاخ عماد العريس كيفك انت اكيد مجكس يا مسنوح
لكن عاد الخونة بخلوا للبطل حاااجة ، واقع ماسنجرات سااااكت مع الجكس بتاعي ياخائن لامن طفشتوا مني زااااتو ... أصبر ليك يوم يابعشوم ..... كل سنة وانت طيب ياطيب القلب وربنا يحقق ليك أمنياتك الطيبة ويسدد خطاك .....
Post: #46 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 09:46 AM Parent: #45
عمدة
انت بتاع لف ولا سف ولا كف؟
راجع كلام الاخت هويدا شرف الدين فوق في تصنيف الجكاسة
شكرا على الهدية الجميلة وانا بهديها لزول عزيز عليك انقر منو؟
كل عام وانت بالف خير
Post: #47 Title: Re: تعالوا اتفرجوا في حركات الجكس على الهاتف - هييييييييييييييييييييع Author: Safia Mohamed Date: 12-04-2008, 09:47 AM Parent: #1
Quote: لكن عاد الخونة بخلوا للبطل حاااجة ، واقع ماسنجرات سااااكت مع الجكس بتاعي ياخائن لامن طفشتوا مني زااااتو ... أصبر ليك يوم يابعشوم .....
ههههه بركة
Post: #48 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 09:52 AM Parent: #47
Quote: بركة
لقيتيني كيف؟
Post: #49 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عماد محمود علي Date: 12-04-2008, 09:53 AM Parent: #47
قلت لي شنو تولدك بنيات واشل همهن يعني لو وليدات مافي هم اجي يا اخواني حرتونا
مالن يا يومة حلاتن البنيات
وعموما بنيات وليدات يفترض انها ما بتفرق عند اي زول ما لم ان تكن اي البنيات شرف القبيلة ولذلك نشيل همهن ام ان كن اولا واخيرا اناس داخل كل انسان
فلا يوجد هام خاص بهن وانما هم الابناء والبنات يتساوى
ولا ما كدي يا عواطف يا اختي هي كان فغي شييب راس بشيب من البورد دة ما من هم البنات
Post: #53 Title: Re: تعالوا اتفرجوا في حركات الجكس على الهاتف - هييييييييييييييييييييع Author: ممدوح أبارو Date: 12-04-2008, 10:08 AM Parent: #52
خلاس غلبتك جاي جاي قلت أحسن تحوم علي كديراتك بي النتديات
وتلقط الشمارات؟
لكن ما منك
كلو من ناس عطوفي ديل يشيلن ويطلقن ليك في المقاده
وإنت ذي صبي الدلالية تنطط وتفنجط
عماد ياخ ما تعقل صاحبك ده
Post: #55 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 10:14 AM Parent: #53
ابارو السجم
خلي بالك كويس يا مسنوح ده بوست بيحكي عن ظواهر اجتماعية مزعجة ولنا ان نتساءل؟
هل هذه الظواهر تتواءم مع المجرى العادي لطبائع الاشياء؟ هل تكشف لنا غياب عاملي الصدق والامانة في التعامل مع الاخرين؟ هل هي ظواهر مرضية تحتاج فعلا لعلاج نفسي؟ هل هي ازمة ضمير ام افرازات لازمة اقتصادية؟ هل هي فن التعامل مع الاخرين من اجل احراز نتائج او تحقيق غايات ايا كانت الوسائل؟ لماذا استشرت هذه الظواهر في عصرناالحديث؟
محبتي
Post: #58 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عماد محمود علي Date: 12-04-2008, 10:27 AM Parent: #53
أبـارو ياصاحب ...
ســـلامات ومشتاقين ياخ ... مالك طولت الغياب ...
Quote: عماد ياخ ما تعقل صاحبك ده
بصراحة كده غلبني خااااالص ... عاد بعد الكبر ده تااااني ما أظنو يتغير .. من شب على شيء شاب عليه .... الله يديك الصبر بس ... شيال تقيلة ياابارو .... وعيدك سعيد وكل سنة وانت طيب مع خالص الامنيات .....
مودتي لصاحب البوست وزوارة ...
تمريرة :
عطوفة لكن الفيك اتعرفت ... أصبري وحتماً ح نلتقي انشاء الله .. وبوريك إيا ....
Post: #56 Title: Re: تعالوا اتفرجوا في حركات الجكس على الهاتف - هييييييييييييييييييييع Author: مجدي عبدالرحيم فضل Date: 12-04-2008, 10:17 AM Parent: #52
وعن محن الجكس فهي بلا شك زي كورة مريخ هلال اللعبه الحلوة في لحظتها وبس ،وجنس أستنكاحات المشكله الواحد فاهم وبيمشي بي مزاجوا.
لك التحية ولمنتدي الحلوين مليون سلالالالالام واصل ياسيدي ومنكم نوزع الصكوك للأجيال القادمه.
،،،،أبوقصي،،،،
Post: #54 Title: Re: تعالوا اتفرجوا في حركات الجكس على الهاتف - هييييييييييييييييييييع Author: طارق جبريل Date: 12-04-2008, 10:14 AM Parent: #1
ود شيقوق الله يجازي محنك ياخ
Post: #57 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 10:22 AM Parent: #54
الاخ ابو قصي
Quote: زي كورة مريخ هلال اللعبه الحلوة في لحظتها وبس
كلامConcise and precised
يطول عمرك يا زعيم
الاخ طارق
الجابك شنو انت مودر ليك جكسوية؟
Post: #59 Title: Re: تعالوا اتفرجوا في حركات الجكس على الهاتف - هييييييييييييييييييييع Author: ممدوح أبارو Date: 12-04-2008, 10:33 AM Parent: #54
الموضوع يختلف بإختلاف الزمان والمكان
فالجكس قديماً كان يرضي بغمزه عين من أحدهم
حتي المكان كان إما علي ضهر الاسكيف وهن يرمين الحصي في مياه الترعة
ويترنمن حين يأتي أخو البنات مشنقاً طاقيتة ومظهراً لحجباتة في خيلاء
كان كل شيء بسط وصادق .
أما الآن وبعد ظهور الديقتال والانترنت والموبايل
وأمواج والرفيرا فالوضع سيختلف حتماً
ستجد الكذب والمواسير (مسطلح للشرة)
Post: #60 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عماد محمود علي Date: 12-04-2008, 10:40 AM Parent: #59
Quote: Concise and precised
دي يعني شنو ياخ .. ماقلنا ليك نحن اولاد زواد وما بنفهم في الحاجات دي . مسنوح ...
Post: #61 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 10:52 AM Parent: #60
ابارو
Quote: الموضوع يختلف بإختلاف الزمان والمكان
كلام في الصميم
عمدة
خليك معانا يمكن تطلع طابق
Post: #62 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عماد محمود علي Date: 12-04-2008, 10:59 AM Parent: #61
Quote: خليك معانا يمكن تطلع طابق
أنت خليت فيهاطابق .. ما خلاص الكان كان وبقينا في أمدرمان .... الله يجازيك ياممسوخ .
عواطف : صبراً فمجال الموت صبرا .. فما نيل الخلود بمستطاع .... وكده ده ...
Post: #63 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الفاتح الجنيد Date: 12-04-2008, 11:07 AM Parent: #54
ده زمن العولمه ياسى شيقوق لكن فى زمانك زمن الجهولة أكان الله فتح ليك بى جكسويه واحدة بس تكون محظوظ والزيك كان بيحرس البير والا يقيف فوق قيفة البحر ينتظر بنات الحلة يجن شايلات الصفائح واردات ويشحد فى الله تكون فيهن البت العاجباه ،،، والموبايل كان: نظرة منه : ألو ... نظرة منها: أهلا ... بسمة منه : انا معجب بيك بسيمة منها : انا زاتى بعدها يقعد يتمرصع وينكرش ويحس الدنيا ما سايعاك ولو كان محظوظ يشوفا بعد داك فى حفلة عرس الباقى تمو براك .... من دفاترك القديمة الملانه !!!
Post: #64 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 11:10 AM Parent: #63
Quote: عواطف : صبراً فمجال الموت صبرا .. فما نيل الخلود بمستطاع .... وكده ده ...
ما بتقدر يا مسنوح دى حولها رجال
Post: #65 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عماد محمود علي Date: 12-04-2008, 11:13 AM Parent: #64
Quote: ما بتقدر يا مسنوح دى حولها رجال
الضبع ما بحرسوه الغنم .....
برضو راجيها ولو أمشي ليها ....
Post: #66 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-04-2008, 11:15 AM Parent: #64
ود الجنيد الموسوعة
كييييييييييييفك
Quote: لكن فى زمانك زمن الجهولة أكان الله فتح ليك بى جكسويه واحدة بس تكون محظوظ والزيك كان بيحرس البير والا يقيف فوق قيفة البحر ينتظر بنات الحلة يجن شايلات الصفائح واردات
وما تنسى زيارة المستشفيات والكواسة المغربية للعجول والطاحونة بعد الناس خلوا المراحيك وحبس الطير وعيييييييييييك
Quote: نظرة منه : ألو ... نظرة منها: أهلا ... بسمة منه : انا معجب بيك بسيمة منها : انا زاتى
وحياتك تخصص عديل
Quote: ولو كان محظوظ يشوفا بعد داك فى حفلة عرس الباقى تمو براك ....
Post: #112 Title: Re: تعالوا اتفرجوا في حركات الجكس على الهاتف - هييييييييييييييييييييع Author: ياسر عبدالكريم محمد Date: 12-08-2008, 02:24 PM Parent: #107
كل عام وانتم بخير
يا اخوانا انا مرقت من البلد والجكس إسمو تيتى والمشاغلة وين يا تيتى
حمامكم بدى ولا بعضى
يعنى هسى آخر تسطيح
Post: #104 Title: Re: تعالوا اتفرجوا في حركات الجكس على الهاتف - هييييييييييييييييييييع Author: عمار زكي Date: 12-07-2008, 07:10 AM Parent: #1
يقول ناذر محمد الخليفة ناصحا ود شيقوق :
Quote: جهازك ناقص ميديا بلاير وريال بلاير يا ود شيقوق
وأقول أولا : سلامات يا ناذر والله مشتاقين ليك كتير وفقدناك في الأونة الأخيرة ونحن ندين لك بالوفاء لما قدمته لتوتي من توثيق لبوست وداعا جزيرة توتي وحفظه في مكتبتكم العامرة وها نحن نلتقيك اليوم في رحاب هذا الصديق العزيز الطيب شيقوق درة مجتمعنا في مسقط .. وأحب أحبائنا .. وخلينا أكلمك في سرك شايفك قلت ليهو جهازو ناقص ميديا بلاير وريال بلاير لكن دا أسألني منو أنا قاعد معاهو هنا في مسقط وعارف تماما جهازو ناقص شنو بالضبط بس أنت قول ليهو خلي عمار يوريك الناقص في جهازك عشان ما يمشي يحاول يتمدن يقوم يجيب لي أهله بلية نحن قاعدين ندرب فيهو شوية شوية فساعدنا .. يا ناذر أرجو أن تشاركنا في موضوع توتي مجددا ومحاولات تفتيت كيانها وكذلك لدينا قضية حيوية أخرى هي القضية الرياضية في بوست بإسمي بعنوان رئيس الإتحاد الدولي لكرة القدم (الفيفا) يلتقى برئيس نادي توتي الرياضي .. ارجو أن تتابع معنا وخلي شيخ العرب دا علي أنا بجيهو ليك تمام التمام وبتم ليهو الناقص في جهازو خاصة أنو قال جهازو جديد وأنا ما فهمت جديد دي قاصد بيها شنو يعني ما اشتغل قبل كدا ولا شنو.......... بس خليهو علي
Post: #105 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-07-2008, 07:50 AM Parent: #104
عمار
Quote: وأنا ما فهمت جديد دي قاصد بيها شنو يعني ما اشتغل قبل كدا ولا شنو.......... بس خليهو علي
يجازي محنك يا ممسوخ مسنوح كتلتني بضحكة
ناذر
عليك الرسول عمار ده ما ترد ليهو طلب الراجل هنا قامة شامخة و بحبك وشهد ليك بالعديد من الواقف الطيبة وانا ذاتي عندى نيّة .... نية ........ اكان قالوا خير
بس مفردات يا تتي هي الجيل الاول ومستصحبة بالحمام اياهو
تتطورت المفردات واعتقد ان اخر فيرجن من مفردات الجكس تحول من هاردوير وصار كلو سوفت واسفيريا
امل ان تكون مواكب للتكنولوجيا
المهم نرجعك لجيلكم الجميل ال>ى لن يتكرر يا يا ياسر واهديك ه>ه العيدية لتعرف شتان ما بين الامس واليوم.
Post: #116 Title: Re: تعالوا اتفرجوا في حركات الجكس على الهاتف - هييييييييييييييييييييع Author: ياسر عبدالكريم محمد Date: 12-08-2008, 10:29 PM Parent: #113
السلام عليكم ورحمة الله وبركاته
الأخ الطيب
شكرا على الهدية القيمة
هل تصدق إنوا سيد خليفو فنانى وفنان زوجتى المفضل
وغنى فى زواجى سنة 94
يعن إنطبق علينا المثل
زمنا فات
وفنانا مات
تسلم وكل سنة وإنت بخير
Post: #117 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-09-2008, 06:37 AM Parent: #116
الاخ العريس ياسر
Quote: هل تصدق غنى في عرسنا سنة 94
حرام عليك يا اخى انتو لسع في عمر الزهور تقول زمنا فات وفنانا مات ؟- هل تعلم انا تزوجت سنة 73 ولسعه مع الجكس -
الا تكون انت صناعة كورية غايتو انا زى البكاسي موديلات 78 و81 شفتها فيك ؟
وعشان نعيدكم لاجمل ايام حياتكم وبمناسبة عيد الاضحى المبارك اعاده الله عليكما خيرا ويمنا وبركة اهديكم واحدة من روائع سيد خليفة والتي احسب ستظل خالدة في وجدانيكما.
بالله اتقدل لي شهر كامل في منتداكم لا خبر ليك لا اتر ؟
Quote: معقولة بس !!!!
كيف ما معقولة بس اوع تطالبني بحقوق الملكية الفكرية ده فكر اهلي ومال اهلي خمشت لي منو خميشة ساى شوفي شن سوت في العالم بهنا
معزتي
Post: #128 Title: Re: تعالوا اتفرجوا في حركات الجكس على الهاتف - هييييييييييييييييييييع Author: وصال عالم Date: 12-18-2008, 09:53 AM Parent: #127
Quote: بالله اتقدل لي شهر كامل في منتداكم لا خبر ليك لا اتر ؟
كل سنة وكل أمنياتكم في خانة التحقيق يارب !
كنت خارج السودان لفترة ،، وقرأت ذلك البوست العجيب ( اتفرجوا التقي محمد يوسف يطالبني بالحديث عن كيف يعمل الرعيان barking للسعية !!
ولكني تعودت عدم الخوض في مثل تلك البوستات ( ههههههههههههه )!!
محبتي ....
وصال عالم
Post: #129 Title: Re: تعالوا اتفرجوا في حركات الجكس على الهاتف - هييييييييييييييييييييع Author: الطيب شيقوق Date: 12-18-2008, 10:27 AM Parent: #128
بت العالم الاديبة الاريبة
Quote: كل سنة وكل أمنياتكم في خانة التحقيق يارب !
الليلة ده شنو الكلام الكعب دا يا رب اكان محاربة اهلك ومقاطعة منتدياتهم عاد ما عندك رحمة حتى مع ضيفانهم؟ والله عالم عجيبة خيرها يخص وشرها يعم.
Quote: كنت خارج السودان لفترة
حمد الله الف على السلامة
،، وقرأت ذلك البوست العجيب ( اتفرجوا التقي محمد يوسف يطالبني بالحديث عن كيف يعمل الرعيان barking للسعية !!
Quote: ولكني تعودت عدم الخوض في مثل تلك البوستات ( ههههههههههههه )!!
معليش لكل مقام مقال ناس السعيّة بنمشيهم بدربهم( ما يسمعوني) وناس الشريف الرضي بدربهم وكمان ناس ابو نواس ما بنقصر معاهم انت بس مسكينا خارطة الطريق النافع معاك.
لناااس القدرنا وبس .
