Post: #1
Title: مرحبا ود شيقوق وود جبرا والاخوة الكرام
Author: احمد حماد ادريس
Date: 11-08-2006, 02:57 AM
ود شيقوق
انها لعمرى مشكلة كل مبتدىء من اين تكون البداية ..واسف اخوتى ان كان خطى مثل حظى لا تعرفون من معالمه الا ما يهديكم له حسن ظنكم وقوة ادراككم ولا زلت اعنذر لانى سوف اجشمكم الكثير فى قراءة هذه الحروف العرجاء والبداية المستعصية التى ينطق بها القلم فى مخاض متعسر ..اتمنى ان يلهمنى الحروف البعيدة عن الغرض والمرض وان يجنبنى الوقوع فى فخ المديح الذى امقت والذى تكرهون ..من حسن حظكم اخوتى انكم لا تعرفونى فانا من الرجرجة والدهماء الذين قال عنهم على اب الشهداء المبرور سيفه ..هم الذين اذا اجتمعوا ضروا واذا تفرقوا لايعرفوا..انا يا سادتى سودانى بالصدفة التاريخية والجغرافية ..انا لست شماليا وبالقطع لست جنوبيا ..انا سودانى فحسب وانسان فى البدء والانسانية اخوتى الاعزاء هى التى تعمق فى الوجدان معانى الحب والخير والجمال ..انا ابن صعيدية تاكل اللوبيا والفريك وامبنة والقديد من رحم طاهر انضجتنى ولا ادعى اننى من سرارة ذوى الانساب فى بلد فيها للانساب شان ..تلبستنى الثقافة العربية وما انا بعربى وتلبستها ..وورثت دينى عن اهل فقه ورواية ..ليس مقامى مقام مفاخرة ولا در درى ان تفاخرت ..ولكن ما حيلتى فى بلاد يتلظى بعض اهلها ان فيها هامات واعجاز ..بلد من صنع العائلة بلد الاسر العريقة اسر تفخر بالحسب والنسب واسر تعتز بالوجاهة الاجتماعية واسر تتباهى بالزعامة العشائرية واسر تحتكر المرجعية الدينية..
وليعذرنى اخوتى الكرام ان خرجت بهم فى هذه العجالة من اعماق وجد صوفى انبعث من فيثارة حزينة بعد صمت طويل بعث الياس فى قلب من لا يعرف الياس..
عندما زففت البشرى لاحد الاصدقاء الالداء خاطبنى يا ريس انت مع البطل ام مع الخائن ..ابشر اخوتى الاجلاء اهل الدار اهل البورد اننى مسالم ولاننى بطبيعتى المسالمة لا احب السباب و لا ادخل فيه حتى عندما يفرض على تعففا او تعاليا ولكن لان عيوبى على قدر شعر راسى –غفر الله لى- وشاتمى ايا كان لا يعرف منها الا القليل واخشى ان استفزه الى مزيد من البحث والتقصى واتمثل قول الشاعر
وان امرا يمسى ويصبح سالما من الناس الا ما جنى – سعيد ولكنى اطمانكم سادتى باننى لن اكون نعامة ربداء تجفل من صفير الصافر..اسمحوا لى اخوتى الذين رحبوا بى –فاروق حامد – الزاكى-الشفيع –حمد فتح الرحمن- علاء الدين- انعام – محمد المرتضى- عادل سمير- ابوبكر- الصادق صديق- الباشمهندس ابوبكر يوسف – احمد القرشى – تراجى – عثمان سيد احمد –الزنجى- اسمحوا لى ان اسكب لكم عبير الثناء واحرق لكم بخور الاعجاب وفى تواضع جم وادب صم اقدم لكم نفسى صديقا عسى ان توحد الصداقة الانغام وعشمى ان لايكون صوتى بينكم نشاز او اصبح مغردا خارج السرب او مشاترا خاتى الدرب ..وليت لى مزمار داوود لاعزف لكم احلى الكلام وانا لست شاعرا ولكننى احيا من اجل الهوى واقتات وافنى من اجل الحروف كلمات ..لكم جميعا تحياتى ..
|
Post: #2
Title: Re: مرحبا ود شيقوق وود جبرا والاخوة الكرام
Author: Nasser Mousa
Date: 11-08-2006, 03:09 AM
Parent: #1
مرحب بيك كتير
فكلماتك تعبر عن شخص سديد الرأي
|
Post: #3
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-08-2006, 03:13 AM
Parent: #1
حبابك حبابك
ابو العريس بيعرض في النهاية ويقدر خطاه بمقادير حجم وقامات الحضور .
انا مترع بالفرحة والسعادة يا اخي .
شيقوق
|
Post: #21
Title: Re: مرحبا ود شيقوق وود جبرا والاخوة الكرام
Author: فاروق حامد محمد
Date: 11-09-2006, 01:16 AM
Parent: #3
الأخ أحمد حماد
مرحبا بك بلايين المرات ومرحبا بحروفك الأنيقة
وعباراتك الرشيقة التي قدمت بها نفسك ومرحبا
بصداقتك التى نشرف بها ... وبما انك رجل مسالم
كماأبنت في كلماتك الجميلة الا ان ابن عمك ودشيقوق
قال عكس ذلك اذ أوضح ان سكينك في ضراعك وأنت في
المدرسة ... والمدرسة ليس المكان المناسب للتسلح
بالسكاكين!!!؟ ... أنا شخصيا قناعتي انك رجل مسالم
والسكين ما حقتك السكين حقة الطيب .. وبما انك ابن
عم مجبول على الوفاء لأبناء عمومتك فلم يكن أمامك الا
أن تجبر بخاطره وتلبس سكينه والطيب هاجسه الأول أولاد
البندر لأنهم بعرفوا يضربوا بنية كويس والطيب لم يكن
يعرف غير أم دلدوم ولهذا كان يخوفهم بك .... نفسي
أعرف سر عداء ود شيقوق لأولاد البندر ؟؟؟؟؟؟؟؟؟؟؟؟؟؟؟؟
لكما كل الحب ... أنت بأدبك والطيب بخفة دمه التي لا
تجارى.....
ـــــــــــــــــــــــــــــــــــــــــــــــــــــــ
الى الطيب بن شيقوق
| Quote: ابو العريس بيعرض في النهاية ويقدر خطاه بمقادير حجم وقامات الحضور . |
طيب يا شيخ الطيب وأبو العروس بعرض متين وكيف يقدر خطاه ؟؟؟؟
هذا سؤال لمعرفة ثقافة الريف في مناسبات الأفراح والأتراح !!!!!!!!
ـــــــــــ
والله يا الطيب عندي قصة طريفة جدا حصلت مع ناظركم يوسف العجب
في البرلمان .... أرجو أن تذكرني لأحكيها لكم
|
Post: #4
Title: Re: مرحبا ود شيقوق وود جبرا والاخوة الكرام
Author: أبو الحسين
Date: 11-08-2006, 03:18 AM
Parent: #1
| Quote: اسمحوا لى ان اسكب لكم عبير الثناء واحرق لكم بخور الاعجاب وفى تواضع جم وادب صم اقدم لكم نفسى صديقا عسى ان توحد الصداقة الانغام وعشمى ان لايكون صوتى بينكم نشاز او اصبح مغردا خارج السرب او مشاترا خاتى الدرب |
الحِبيِّب إبن إدريس...
نهارك سعيد يا اخوي...
مادام دي بدايتك أكيد ما حا تَخَتى الدرِب...
إقامة طيبة وأنا أيضاً عضو جديد مثلك وأشكر عبرك كل من رحب بي وإنشاء الله أنا وإنت والجميع نكون دُعَاة إلى الحق والفضيلة والرُقِي بهذا الوطن الغالي... أون لاين دوت كوم...
كيمان مودتي...
|
Post: #5
Title: Re: مرحبا ود شيقوق وود جبرا والاخوة الكرام
Author: Adel Sameer Tawfiq
Date: 11-08-2006, 04:09 AM
Parent: #1
الأخ احمد
مرحبآ للمرة الثانية !
عادل سمير
|
Post: #6
Title: Re: مرحبا ود شيقوق وود جبرا والاخوة الكرام
Author: علاء الدين حيموره
Date: 11-08-2006, 04:48 AM
Parent: #5
اهلا بيك مرة اخرى والدار عامرة بيك
|
Post: #7
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-08-2006, 06:02 AM
Parent: #6
| Quote: وان امرا يمسى ويصبح سالما من الناس الا ما جنى – سعيد ولكنى اطمانكم سادتى باننى لن اكون نعامة ربداء تجفل من صفير الصافر..اسمحوا لى اخوتى الذين رحبوا بى –فاروق حامد – الزاكى-الشفيع –حمد فتح الرحمن- علاء الدين- انعام – محمد المرتضى- عادل سمير- ابوبكر- الصادق صديق- الباشمهندس ابوبكر يوسف – احمد القرشى – تراجى – عثمان سيد احمد –الزنجى- اسمحوا لى ان اسكب لكم عبير الثناء واحرق لكم بخور الاعجاب وفى تواضع جم وادب صم اقدم لكم نفسى صديقا عسى ان توحد الصداقة الانغام وعشمى ان لايكون صوتى بينكم نشاز او اصبح مغردا خارج السرب او مشاترا خاتى الدرب ..وليت لى مزمار داوود لاعزف لكم احلى الكلام وانا لست شاعرا ولكننى احيا من اجل الهوى واقتات وافنى من اجل الحروف كلمات ..لكم جميعا تحياتى .. |
جبرت خاطرنا . يغيبوا خيارنا ويستروا حالنا يا احمد اخوى .
نحن ، اعزائي ، سفراء بيئة متواضعة ونعاهدكم باننا سنحدثكم عن اهلنا وثقافتنا وبيئتنا عبر هذه النافذة بمنتهى الشفافية.
ملء السنابل تنحني بتواضع ... والفارغات رؤوسهن شوامخ
لك التجلة اخي بكري
ولكم اخوتي اعضاء المنبر العام وقراؤه عاطر التحايا
ود شيقوق
|
Post: #8
Title: Re: مرحبا ود شيقوق وود جبرا والاخوة الكرام
Author: الزاكى عبد الحميد
Date: 11-08-2006, 09:00 AM
Parent: #7
ألف مرحب أخي أحمد مرة أخرى
فمن كان يتخير الكلمات مثلك ويتحرى الدقة
فيما يكتب هو من يبحث عنه هذا المنبر ليستفيد
منه الجميع..
لك ودي
أخوك
الزاكي
|
Post: #9
Title: Re: مرحبا ود شيقوق وود جبرا والاخوة الكرام
Author: Muna Khugali
Date: 11-08-2006, 09:22 AM
Parent: #8
مرحـب بك أخي احمد حماد ادريس
..
وأعجـبتني طـريقة تقـديمك لنفسك ولتعهداتها النبيلة..
مني خـوجلي
|
Post: #10
Title: Re: مرحبا ود شيقوق وود جبرا والاخوة الكرام
Author: Alshafea Ibrahim
Date: 11-08-2006, 11:39 AM
Parent: #1
أخي أحمد
ألف مرحب بكم ثانية في بوستكم (البكر)
نتمنى لكم التوفيق دائما
ونحن بالشرقية في الدمام ومرحب بكم في أي وقت
اخوكم
الشفيع
0507936309
|
Post: #11
Title: Re: مرحبا ود شيقوق وود جبرا والاخوة الكرام
Author: الفاتح يوسف جبرا
Date: 11-08-2006, 12:15 PM
Parent: #1
يا أخى وعزيزى أحمد .. نرد ليك التحية بالف مليون مليار ذيها (أها دى تطلع كم!!واحد يقوم يضريا لينا ).. والحاجة التانية (لو ديك حاجة أولى) لو دى (البداية) كده معناتو نحنا موعودين بثراء وإثراء ما حصل ويا ناس البورد مبروك عليكم ود حماد ..والبورد نور يا أستاذ ..
|
Post: #12
Title: Re: مرحبا ود شيقوق وود جبرا والاخوة الكرام
Author: الفاتح يوسف جبرا
Date: 11-08-2006, 12:16 PM
Parent: #1
يا أخى وعزيزى أحمد .. نرد ليك التحية بالف مليون مليار ذيها (أها دى تطلع كم!!واحد يقوم يضريا لينا ).. والحاجة التانية (لو ديك حاجة أولى) لو دى (البداية) كده معناتو نحنا موعودين بثراء وإثراء ما حصل............. ويا ناس البورد مبروك عليكم ودحماد ..والبورد نور يا أستاذ ..
|
Post: #13
Title: Re: مرحبا ود شيقوق وود جبرا والاخوة الكرام
Author: Ahmed al Qurashi
Date: 11-08-2006, 12:20 PM
Parent: #12
اهلا بك ايها الرائع احمد حماد ادريس
|
Post: #14
Title: Re: مرحبا ود شيقوق وود جبرا والاخوة الكرام
Author: abubakr
Date: 11-08-2006, 01:00 PM
Parent: #1
| Quote: وعشمى ان لايكون صوتى بينكم نشاز |
معقولة دي ؟ وابن عمك(الطيب) المدودر بينا طلعنا كلنا نشاز برحلتو ومشوارو وحتيتو مع اغاني زيدان ؟
اصدح يااخي ...
لك مودتي
ابوبكر
|
Post: #15
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-08-2006, 02:23 PM
Parent: #14
| Quote: معقولة دي ؟ وابن عمك(الطيب) المدودر بينا طلعنا كلنا نشاز برحلتو ومشوارو وحتيتو مع اغاني زيدان ؟ |
على الطلاق فكرت اجيك لكن من كتاب اسماء العملتوا ليهو استمارة انا قنعت من زيارتك .
ابو بكر يا اخوى احمد ده كان بيجى الداخلية سكينه في ضراعه مافي ود مدينه بيملا عينه نحن خاتنوا للحارة بس .
وين الفاروق مشتاقين ليهو حاولت اتصل عليهو هاتفيا موبايله تعذر .
|
Post: #16
Title: Re: مرحبا ود شيقوق وود جبرا والاخوة الكرام
Author: abubakr
Date: 11-08-2006, 11:30 PM
Parent: #1
| Quote: على الطلاق فكرت اجيك لكن من كتاب اسماء العملتوا ليهو استمارة انا قنعت من زيارتك . |
شن خرب طبعك بقيت تحلف طلاق زي غازي سليمان ؟؟
بعدين استمارة كتاب اسماء ما تذكرة بص ؟
| Quote: ابو بكر يا اخوى احمد ده كان بيجى الداخلية سكينه في ضراعه مافي ود مدينه بيملا عينه نحن خاتنوا للحارة بس . |
انت ايه حكايتكم .. ضراعكم ما تعرفو تغطو الا بسكاكين في الضراع ما عندكم قميص كم طويل ؟؟
|
Post: #17
Title: Re: مرحبا ود شيقوق وود جبرا والاخوة الكرام
Author: بكرى ابوبكر
Date: 11-08-2006, 11:34 PM
Parent: #16
|
Post: #18
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 00:14 AM
Parent: #17
أخي جني حماد ود دريس
صباحك الف خير
انا حاسي وقفة الباشمهندس بكرى ابو بكر معانا هنا كبيرة تماثل وقفة الناظر المنصور العجب في مناسبة اعز الناس اليه . والكبار للكبار .
لك معزتي اخي بكرى
ولك ودى يا ابن جلدتى
|
Post: #19
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 00:27 AM
Parent: #18
| Quote: ما عندكم قميص كم طويل ؟؟ |
برضو بتفنتر بزلومة المقبض يا ابو بكر اخوى ( الزلومة تعني رويس الفضة الذى يزان به مقبض السكين ) وإن شئت فان عبارة بتفنتر تعنى تحدث نتوءا يتعذر إخفاؤه من اولاد البندر النجاض .
|
Post: #20
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 00:43 AM
Parent: #19
ستراحة للاخواة رواد هذا البوست
يا حبيبي أنت قد يتمت عينـي دون ذنب أنت قد أخلفت ظني
كيف حبي في سكون ضاع مني يا حبيبي فيك قد خاب التمني
كيف تنساني وحيدًا دون سلوى
في قفار العمر أجري دون مأوى
يا حبيبي أين ما قلناه أين هل نسينا كل حلم قد روينا
قد ظلمنا الحب يومًا حين قلنا سوف نُفني نحن حبًا ما حيينا
سوف تغدو دون حب كاليتامى
كيف ننسى فيض حب قد تنامى
يا حبيبي وتسامى..
يا حبيبي لا تقل كيف وأين قد نما في القلب جرح وانتهينا
لا تقل قد ضاع قسرًا من يدينا قد حلفنا ثم أمسى الحب دينا
يا حبيبي قد شردنا والتقينا
كنت راحًا.. كنت ماءً وامتزجنا
يا حبيبي ثم كنا
عد إلي قد غدت روحي عليلة لا تكابر في أمور مستحيلة
عد لأيامي لأحلامي الجميلة أنت زهري أنت عطري والخميلة
لا تدعني أشتكى طول الليالي
أنت دومًا في عيوني في خيالي
يا حبيبي هل تبالي؟
لا تعاند في غرامي لا تكابر سوف أبقى كل عمري فيك حاضر
من زمان الحب قلبي لن يسافر عن غرام قد شجاني لن أهاجر
فلتخاصم أنت روحي كيف شئت
سوف تبقى شطر نفسي أين كنت
شاعر سوري
لكم مودتى
|
Post: #22
Title: Re: مرحبا ود شيقوق وود جبرا والاخوة الكرام
Author: abubakr
Date: 11-09-2006, 01:59 AM
Parent: #1
يالطيب
| Quote: ولك ودى يا ابن جلدتى |
يعني نحن جلدنا بتاع تعابيين ؟؟؟ شنو الحكاية سكين في الضراع وزلومة وحسع جلد .. انت عندكم سلخانة ؟؟والا بتخوفونا الرطانة لانو بقينا مسالميين وخلينا حكاية رماة الحدق والنشاب .. دحين عندنا نشاب تكنولوجيا دير بالك
|
Post: #23
Title: Re: مرحبا ود شيقوق وود جبرا والاخوة الكرام
Author: فاروق حامد محمد
Date: 11-09-2006, 02:58 AM
Parent: #22
الأخ أحمد حماد
مرحبا بك بلايين المرات ومرحبا بحروفك الأنيقة
وعباراتك الرشيقة التي قدمت بها نفسك ومرحبا
بصداقتك التى نشرف بها ... وبما انك رجل مسالم
كماأبنت في كلماتك الجميلة الا ان ابن عمك ودشيقوق
قال عكس ذلك اذ أوضح ان سكينك في ضراعك وأنت في
المدرسة ... والمدرسة ليس المكان المناسب للتسلح
بالسكاكين!!!؟ ... أنا شخصيا قناعتي انك رجل مسالم
والسكين ما حقتك السكين حقة الطيب .. وبما انك ابن
عم مجبول على الوفاء لأبناء عمومتك فلم يكن أمامك الا
أن تجبر بخاطره وتلبس سكينه والطيب هاجسه الأول أولاد
البندر لأنهم بعرفوا يضربوا بنية كويس والطيب لم يكن
يعرف غير أم دلدوم ولهذا كان يخوفهم بك .... نفسي
أعرف سر عداء ود شيقوق لأولاد البندر ؟؟؟؟؟؟؟؟؟؟؟؟؟؟؟؟
لكما كل الحب ... أنت بأدبك والطيب بخفة دمه التي لا
تجارى.....
ـــــــــــــــــــــــــــــــــــــــــــــــــــــــ
الى الطيب بن شيقوق
Quote| Quote: : ابو العريس بيعرض في النهاية ويقدر خطاه بمقادير حجم وقامات الحضور . |
طيب يا شيخ الطيب وأبو العروس بعرض متين وكيف يقدر خطاه ؟؟؟؟
هذا سؤال لمعرفة ثقافة الريف في مناسبات الأفراح والأتراح !!!!!!!!
ـــــــــــ
والله يا الطيب عندي قصة طريفة جدا حصلت مع ناظركم يوسف العجب
في البرلمان .... أرجو أن تذكرني لأحكيها لكم
|
Post: #24
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 04:05 AM
Parent: #23
Quote: مرحبا بك بلايين المرات ومرحبا بحروفك الأنيقة
وعباراتك الرشيقة التي قدمت بها نفسك ومرحبا
بصداقتك التى نشرف بها ... وبما انك رجل مسالم
كماأبنت في كلماتك الجميلة الا ان ابن عمك ودشيقوق
قال عكس ذلك اذ أوضح ان سكينك في ضراعك وأنت في
المدرسة ... والمدرسة ليس المكان المناسب للتسلح
بالسكاكين!!!؟ ... أنا شخصيا قناعتي انك رجل مسالم
والسكين ما حقتك السكين حقة الطيب .. وبما انك ابن
عم مجبول على الوفاء لأبناء عمومتك فلم يكن أمامك الا
أن تجبر بخاطره وتلبس سكينه والطيب هاجسه الأول أولاد
البندر لأنهم بعرفوا يضربوا بنية كويس والطيب لم يكن
يعرف غير أم دلدوم ولهذا كان يخوفهم بك .... نفسي
أعرف سر عداء ود شيقوق لأولاد البندر ؟؟؟؟؟؟؟؟؟؟؟؟؟؟؟؟
لكما كل الحب ... أنت بأدبك والطيب بخفة دمه التي لا |
اقول شنو هسه في الكلام اى حرف فيهو حلو وسكر
| Quote: طيب يا شيخ الطيب وأبو العروس بعرض متين وكيف يقدر خطاه ؟؟؟؟ |
تقدير الخطى معناهو يا الفاروق اخوى طول الشبحة ( الشبحة هى الخطوة او المسافة بين رجل ورجل) وتزيد هذه المسافة بين موطأ القدمين وتتراجع زى مؤشر البورصات بمشاركة الكبار له مناسبته . اها انا هسع يا الفاروق بوجودكم معاى في بوست احمد سعيد ومبتهج ومؤشري فوق في السماء . ومن واقع هذه المشاركات الجميلة والسمحة انا بحدد المقال الذى يناسب مقاماتكم ومقاماتهن .
في انتظار رواية الناظر المنصور العجب
لكم مودتى
|
Post: #25
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 04:10 AM
Parent: #22
| Quote: دحين عندنا نشاب تكنولوجيا دير بالك |
بدّنا منو حزمة حزمتين يا الباش
|
Post: #26
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 04:40 AM
Parent: #25
| Quote: والله يا الطيب عندي قصة طريفة جدا حصلت مع ناظركم يوسف العجب |
انا جيت راجع النت بلا سبب بس اقرا كلامك الحلو ده ساى يا الفاروق .
اوعي تكون نديد ناظرنا يا الفاروق
|
Post: #27
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 04:52 AM
Parent: #26
| Quote: أعرف سر عداء ود شيقوق لأولاد البندر ؟؟؟؟؟؟؟؟؟؟؟؟؟؟؟؟ |
لحدى اليوم كمان يا الفاروق
انا عذابي وما فطرت في بيتي يوم واحد في رمضان وبحب افطر مع اولاد الحلال وعندما تجيني الدعوة من اولاد البندر بمشى هامي لانو جنى وجن الواحد يدوهو صحن في يدو عشان يمر على الطاولة يعزل الاكل الدايره . انا بدور الخمج والتحكرة في ا########## الجابرة والصحن الوهيط الستو بتتبوبر بوساعو للضيوف مش بجمالو زى نسوان البندر الواحد لما نفطر مع زوجها تجيب لينا كل عدتها وكاننا في معرض دبي للاواني المنزليه . كمان عدة الشاي والقهوة ووووووووووب انا اصلا ما بتعمد افتحها لانى احرجت كم مرة عندما تعمدت افتح السيرمس الانيق طق شلت غطاها كلو في يدى .
|
Post: #28
Title: Re: مرحبا ود شيقوق وود جبرا والاخوة الكرام
Author: abubakr
Date: 11-09-2006, 05:20 AM
Parent: #1
| Quote: بدّنا منو حزمة حزمتين يا الباش |
دة ماللبدورو الخمج .. دة لناس الخدمة الذاتيةوالابيتايزر والسمبوسة والديزيرت بعد الاكل...
|
Post: #29
Title: Re: مرحبا ود شيقوق وود جبرا والاخوة الكرام
Author: فاروق حامد محمد
Date: 11-09-2006, 05:37 AM
Parent: #28
[BQuote: ]تقدير الخطى معناهو يا الفاروق اخوى طول الشبحة ( الشبحة هى الخطوة او المسافة بين رجل ورجل) وتزيد هذه المسافة بين موطأ القدمين وتتراجع زى مؤشر البورصات بمشاركة الكبار له مناسبته . اها انا هسع يا الفاروق بوجودكم معاى في بوست احمد سعيد ومبتهج ومؤشري فوق في السماء . ومن واقع هذه المشاركات الجميلة والسمحة انا بحدد المقال الذى يناسب مقاماتكم ومقاماتهن .
في انتظار رواية الناظر المنصور العجب |
انا بسأل يا الطيب عن خطوة أبو العروس العروووووس.... ركز معاي شوية ......
|
Post: #30
Title: Re: مرحبا ود شيقوق وود جبرا والاخوة الكرام
Author: فاروق حامد محمد
Date: 11-09-2006, 05:51 AM
Parent: #29
Quote: أنت رجل مسالم
كماأبنت في كلماتك الجميلة الا ان ابن عمك ودشيقوق
قال عكس ذلك اذ أوضح ان سكينك في ضراعك وأنت في
المدرسة ... والمدرسة ليس المكان المناسب للتسلح
بالسكاكين!!!؟ ... أنا شخصيا قناعتي انك رجل مسالم
والسكين ما حقتك السكين حقة الطيب .. وبما انك ابن
عم مجبول على الوفاء لأبناء عمومتك فلم يكن أمامك الا
أن تجبر بخاطره وتلبس سكينه والطيب هاجسه الأول أولاد
البندر لأنهم بعرفوا يضربوا بنية كويس والطيب لم يكن
يعرف غير أم دلدوم ولهذا كان يخوفهم بك .... نفسي
أعرف سر عداء ود شيقوق لأولاد البندر ؟؟؟؟؟؟؟؟؟؟؟؟؟؟؟؟
لكما كل الحب ... أنت بأدبك والطيب بخفة دمه التي لا
تجارى.....
ـــــــــــــــــــــــــــــــــــــــــــــــــــــــ |
الطيب الكلام ده فطيته ليه .... لماذا لم ترد عليه ؟؟؟؟؟؟؟؟؟
|
Post: #31
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 06:06 AM
Parent: #30
| Quote: دة ماللبدورو الخمج .. دة لناس الخدمة الذاتيةوالابيتايزر والسمبوسة والديزيرت بعد الاكل... |
لا لا ده كلام تحتو كلام كتييييييييير . غايتو البوست البتنشبكوا فيهو سيدو السواهو يتفرج ويعاين فيكم المسكين
|
Post: #33
Title: Re: مرحبا ود شيقوق وود جبرا والاخوة الكرام
Author: abubakr
Date: 11-09-2006, 06:14 AM
Parent: #31
| Quote: لا لا ده كلام تحتو كلام كتييييييييير . غايتو البوست البتنشبكوا فيهو سيدو السواهو يتفرج ويعاين فيكم المسكين |
عيييييك؟ وينو ؟؟
|
Post: #32
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 06:13 AM
Parent: #30
| Quote: عرف غير أم دلدوم ولهذا كان يخوفهم بك |
انا رديت قلت ليك سكر كلو واى جزيئة فيهو تحتاج لبوست براها لكن فعلا السكين حقتى احمد زول قرجة بس
بعدين يا اخي الفاروق الحديث عن ام دلدوم دى ( حى منك انت البتعرف ام دلدوم السيدها بياخد ليهو تدنقره مع صرة اليد وعضة اللسان ) بيجب ما قبله من حديث . ( الكلام البين قوسين جملة اعتراضية يا سيد الصحفيين)
|
Post: #34
Title: Re: مرحبا ود شيقوق وود جبرا والاخوة الكرام
Author: الطيب شيقوق
Date: 11-09-2006, 06:30 AM
Parent: #32
زولى طاب عرفت ليهو يا ابو بكر ده نضم اهلهنا البجيبو لينا هسه بس ختينا كلام البندر
|
|