يا اخوانا العنوان ده انا سرقتو من عواطف بت اسماعيل الصحفية المنورة المنبر. ات عارف يا ابا بكر حرم الزول ده اكان ما وقفتك انت معاهو حرم كان جبتو اربشى ( اربشي يا الرطاني تعني متفنقل من فووووووق)
ناذر خصمتك بربك تملا البوست ده غناء بنات ساااااى حت نانسي عجاج تنزلها وكمان ندى القلعة انا المرة دى نازل بى سوطي عشان افرتك الهمل التابعين ود المحرب ده مرة واحدة .
شوف لينا السمحة ام ولدى والليلة الاسد الجاى من جبال الكر وشوف لينا خال فاطنة وشوف لينا اى غنوة بتوّر النفس وبتحرر العرضة .
اها انا من زمان بخربش فيهو عشان اكف منو العين لكن انتو حرم الدرقة ما تختي عينكم دحين شوفوا البقت في اهله ربنا يحفظهم:
بسم الله الرحمن الرحيم
قوة دفاع البطاحين
السودان c Bataheen Defense force
Sudan
بيان هام
قال الله تعالى(يا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ) صدق الله العظيم,
من لا يملك يعطي من لا يستحق. وما اخذ بالقوة لا يسترد إلا بالقوة. إن ممارسات نظام الإنقاذ الغاشم ضد أهلنا العزل في مناطق البطاحين تتكرر وتتوالى يوميا والإعلام غائب ومغيب تماما عن هذه الانتهاكات الصارخة. والنظام يتحين الفرص ليمارس سياسة القمع والهدم والسلب ضد البسطاء والضعفاء التي تعود عليها ضد أهلنا في دار فور والتي توثقت جرائمه بالصوت والصورة التي لا مجال لإنكارها عبر الأقمار الصناعية. وقد قام النظام قبل أمس بهدم وكسر أكثر من مئة وخمسين منزلا وحوشا في منطقة دار دوق –الخرطوم بحري- شرق النيل لأناس بسطاء ورثوها من أجدادهم, واستخدم البلدوزرات محمية بالجيش والشرطة ليدوسوا على كل القيم والأخلاق والأعراف والتقاليد.الهدف من ذلك حماية مخطط نبته وأم ضريوة وهي من أملاك احد مجرمي الحرب ومؤسس بيوت الأشباح الدكتور نافع علي نافع التي سجلها في اسم ابن عمه سعد العمدة بقصد التمويه والتغطية بعد أن تم الاستحواذ على أراضي البطاحين بوسائل ظالمة وجائرة وغير مشروعة والذي تخصص في شق صف ووحدة البطاحين وذلك باستغلاله لبعض المتسلقين والمتملقين وضعاف النفوس اللاهثين وراء السلطة والمال على حساب البسطاء والضعفاء.إن بعض الوزراء مثل وزير الإسكان ووزير الزراعة لولاية الخرطوم ووالي الخرطوم الذين اشتركوا في هذه الجرائم التي يندي لها الجبين هؤلاء جميعهم سينالهم العقاب الرادع وسوف يكونون عبرة لغيرهم. نطالب المجتمع الدولي ومنظمات حقوق الإنسان في العالم بالتدخل لحماية المواطنين من ممارسات نظام الإنقاذ الذي اضر بمصالح الشعب السوداني وكما نناشد وسائل الأعلام العالمية والمحلية التغطية الشاملة لفضح ممارسات عصابة الإنقاذ ضد البطاحين.
إننا تركنا الفرصة الكافية لبعض أصحاب النوايا الحسنة لرد المظالم عبر الحوار والتفاوض إلا أن هؤلاء جميعا خابت أمالهم, وهذا كان حرصا منا على توحد الجبهة الداخلية وحتى لا يكون هناك المثبطين من المنتفعين الذين تسببوا في شق الجبهة الداخلية وأربكوا وشككوا في وجودنا تارة وفي قياداتنا تارة أخرى ولكن بعد أن انكشف أمرهم وأصبحوا منبوذين مخذولين قاتلهم الله. إننا سنعلن عن بعض قياداتنا في الخارج التي لا تسعى لمصالح شخصية ضيقة أو مكاسب سياسية رخيصة أما قياداتنا في الداخل فهي الحرب الخدعة والمكيدة. وطيلة الفترة الفائتة لم نقم بأي عمل عسكري حرصا منا على مصلحة الشعب السوداني وخدمة لقضيتنا التي راهن النظام على وأدها.
نعلن الانضمام لجبهة الخلاص الوطني وندعو جميع منسوبينا في الداخل والخارج الانخراط في صفوفها والتعاون والتنسيق الكامل معها من اجل النصر والخلاص من حقبة الإنقاذ المظلمة.
. وسيعلم الذين ظلموا أي منقلب ينقلبون والله أكبر ولا نامت أعين الجبناء .
شيقوق اها اجيب معاي العدة غايتو انا جاهز وتحت أمر الحنين في أيي طلبات!!
Post: #16 Title: Re: هييييييييييع ود المحرب صار نجم شباك ومعبود جماهير Author: عواطف ادريس اسماعيل Date: 03-07-2007, 06:41 AM Parent: #15
إبن شيقوق !!! يالكلك ذوق !!!
بعد دة كله إنشاء الله تكون صدقت وآمنت إنه ود المحرب معبود جماهير ونجم شباك !!! طبعا نحن لا نشك في حبك لودالمحرب وزي ما بقولو أهلنا كترة الريد دعا وقميت مع إني ماعرفة المعنى شنو,, معزتي .
Post: #17 Title: Re: هييييييييييع ود المحرب صار نجم شباك ومعبود جماهير Author: الطيب شيقوق Date: 03-07-2007, 08:02 AM Parent: #16
Quote: بعد دة كله إنشاء الله تكون صدقت وآمنت إنه ود المحرب معبود جماهير ونجم شباك !!!
عواطف خصمتك بالله تكونى معانا بهنا عشان تسمحي لينا البوست وما تكتبي اى حاجة بس طلينا وابرينا سااااااااااى
انتى عارفه يا العواطف انا واولادى كلنا بنحب ود المحرب واولاده واوود المحرب واولادو بحبوا اولادي وما شاهدنا بعض اصلا لكن بنتصل ليل ونهار وكلو بفضل اخينا بكري ابو بكر - اها الفضل بيناتنا الا زواج اولادنا في بعض بس اهلنا البطاحين السمحة ما بدوها ونحن كمان الفضلة ما بندورها لكن ود المحرب السمح ده وام احمد السمحة دى ما اظن يجيبوا ليهم بضاعة بايركس .
للاخوة والاخوات الكرام
ارجو ان تسمحوا لى في استعمال عبارات البضاعة لاننا في سياق الحديث عن ثقافة نسعى جميعنا لمحاربتها.
اطيب المنى
Post: #18 Title: Re: هييييييييييع ود المحرب صار نجم شباك ومعبود جماهير Author: Alshafea Ibrahim Date: 03-07-2007, 08:20 AM Parent: #1
ود شيقوق سلام وتقدير صانع النجوم ، عليك الله افتح ليك باسمي خليني اتلمع واظهر شوية، اها شفت بوستك في ود المحرب ود شيوخ القبائل جاب ليك الهوى كيف ؟ لك وله وجميع الأخوان والأخوات فائق التقدير الشفيع
Post: #19 Title: Re: هييييييييييع ود المحرب صار نجم شباك ومعبود جماهير Author: حيدر حسن ميرغني Date: 03-07-2007, 08:41 AM Parent: #18
شيقوق
Quote: قوة دفاع البطاحين
أوعى تكون عاوز تطلَع أبشنب ده زعيم تمرد
Post: #21 Title: Re: هييييييييييع ود المحرب صار نجم شباك ومعبود جماهير Author: خالد المحرب Date: 03-07-2007, 08:53 AM Parent: #19
Quote: B]بعد دة كله إنشاء الله تكون صدقت وآمنت إنه ود المحرب معبود جماهير ونجم شباك !!! طبعا نحن لا نشك في حبك لودالمحرب وزي ما بقولو أهلنا كترة الريد دعا وقميت مع إني ماعرفة المعنى شنو,, معزتي
الاخت عواطف اهلنا العرب دايما الواحد كان داير يستعزابى نفسو بقول انا اخو فلانه خلاص هنا الكلام بقيف 0 المراءه كان دايره تسعزاء بى نفسها بتقول اناخيتك يافلان0 دحين انا اخوك واخو السودانيات كلهن وشكرا ام مجاهد
Post: #20 Title: Re: هييييييييييع ود المحرب صار نجم شباك ومعبود جماهير Author: Salah Waspa Date: 03-07-2007, 08:48 AM Parent: #18
هـــوي يــا ود شـــيقوق
ود المحـــرب ده انت قــايلو بقـى معــبود الجماهير بي بوستاتك
الراجــل من زمن بوست الشنب والكف المقرر اليومي و الكل قرر
تكســيرا لكـــل ألواح الثلــج التي حـواليه أن يعطيه صــوته
ولا أذيعك ســـرا بقــولي بأنه ســينزل انتخابات الرئاســـة
منافســا د. معــز وبقية الجماعة وبنــاءا علــيه قررنا نحن
كل الذين في دائرته انه البرشــه بالمويــة نرشه برضو بالموية .
ويـــا بخــتك يــا أم أحمــد بـس بعــدين ما تنسينا من فلل
المنشــية الوصاية في الذمــــة .
تحـــياتي
صـــلاح واســـبه
Post: #22 Title: Re: هييييييييييع ود المحرب صار نجم شباك ومعبود جماهير Author: الطيب شيقوق Date: 03-07-2007, 08:54 AM Parent: #20
Quote: صانع النجوم ، عليك الله افتح ليك باسمي خليني اتلمع واظهر شوية، اها شفت بوستك في ود المحرب ود شيوخ القبائل جاب ليك الهوى كيف ؟
دى عين الشفيع ود عمي ربنا يكفها منو ودى اللبهة
لك مودتي
Post: #23 Title: Re: هييييييييييع ود المحرب صار نجم شباك ومعبود جماهير Author: الطيب شيقوق Date: 03-07-2007, 09:01 AM Parent: #22
Quote: أوعى تكون عاوز تطلَع أبشنب ده زعيم تمرد
الله يمسخك يا حيدر لكن بيني وينك الشغلانية متكاملاهو طااااااااااااااب بعد شوية تشوفو في الاتجاه المعاكس وبعد شوية تشوف خديجة بت قنة تلوك اسم ود المحرب ده زى السكر بس ربنا يكفيهو شر جزيل بتاعة العربية تفتتو ليك تفتت .
Post: #24 Title: Re: هييييييييييع ود المحرب صار نجم شباك ومعبود جماهير Author: الطيب شيقوق Date: 03-07-2007, 09:08 AM Parent: #23
Quote: وبنــاءا علــيه قررنا نحن
كل الذين في دائرته انه البرشــه بالمويــة نرشه برضو بالموية .
الاخ صلاح ونحن كمان البرشو بالموية نرشو بالدم اها رايك شنو يا صلاح دحين اراضى المنشية تستحقوها انتو ولا نحن ؟
Post: #25 Title: Re: هييييييييييع ود المحرب صار نجم شباك ومعبود جماهير Author: الطيب شيقوق Date: 03-07-2007, 11:30 AM Parent: #24
ود المحرب نجم شباك ومعبود جماهير - عواطف دى نصيحة؟ الكلام ده جابتو من وين وديني ما شفت حد بطوّع اللغة زى البت دى .
Post: #26 Title: Re: هييييييييييع ود المحرب صار نجم شباك ومعبود جماهير Author: الطيب شيقوق Date: 03-08-2007, 06:41 AM Parent: #25
انا مش قلت ليكم ود المحرب نجم شباك ومعبود جماهير
هسع شوفوهو ولع المنبر بعثمان حسين كيييييييييييييف الزول ده انا قبيييييل قلت ليكم اذا مشى اسرع وان تكلم اسمع وان استضافك اشبع و في الموبايل بيمتعك بالنمة والدوباي
Post: #27 Title: Re: هييييييييييع ود المحرب صار نجم شباك ومعبود جماهير Author: Ahmed Yousif Abu Harira Date: 03-08-2007, 07:51 AM Parent: #26
Quote: اذا مشى اسرع وان تكلم اسمع وان استضافك اشبع و في الموبايل بيمتعك بالنمة والدوباي
