Rawia ســــــلام..

الأحباب جميعا..

من شوية فتحت صفحة الحضور لقيت إسم Rawai أختي منوًر..

مرحبتين بيك يا غالية..






تخريمة: يا تمبس وفيت بوعدي.. وين باقي العشرة بتوعك..؟

بالمناسبة إفتقدت وجود إسمينا ورا بعض.. وإفتقدت طلتك الحلوة

ألف مرحب بالعزيزة راوية

الف مرحب بالصديقة الغالية راوية العباسي ومليون شكر يارجوية

سلامات
ألف مرحب براوية
تنور المنبر
زي نورك يا رجاء الحيبية

رجوية , ازيييييك وشوقنا بحر, مالك مابتسلمى؟
وكمان شفت راوية ,,, فولى ليها تعالى بسرررررررعة
اصلو الديار بقت خلا
ودى وحبى
مع تحيات هالة

رجاء بنت العباسي لك التحية

ومرحبا بالعزيزة راوية


اوعي يكون دي حندكة ساكت

عوداً حميداً يا رويية
ومنورة البورد

ويلا لي قدام وفى إنتظار طلتك البهية يا ست الكل

الأستاذه/ رجاء
تحية طيبة
ما شفت البوست ، والا لكان الترحيب فى ذات المكان فذوى القربى اولى بالترحاب.

الأحباب منعم والنذير.. يا مراحب بيكم إنتو كمان..

يا منعم ما حندكة.. بي عيني دي شفت مداخلتها في بوست جني..

الحبيبة نهال.. سلامات يا ذوق.. وراوية بجد ليها وحشة..

الأحباب بهاء وبكري.. تحايا عاطرة.. ويا ريت الأيام الحلوة بتاعت المنبر ترجع تاني..

يا سمندلاوي والله سلًمت.. وقلت ليك الكبر حصل لأني إتخيلت رديت السلام من يومو.. تحياتي للمعاك

مرحب بالاخت راوية العباسي والف مرحب
وتحياتي للاخت العزيزة تارا ولكي يا رجاء كل تحية وتقدير

الإمبراطورة




مرحبتين حبابك

الأحباب عبدالكريم والملك.. تحايا ومودة..

الأستاذ تاج السر شكرا كتير على الترحيب وبوست الترحيب..

راوية، الفين سلام.

ياالف مرحب.

لو ماكتا مكسح كان فتحنا بوست ترحيب خاص بالعزيزة الجلابية، راوية.

الف مليون مرحب باختنا العزيزة راوية العباسى
جنى

سلام اخضر

وشوق بعمق السنين

ودفء البحر للحبية راوية

ولك يا رجاء

محبة لا تنقطع..

ألف مرحب بالأخت راوية..
زاملتها فى منبر نادوس .

جئت للتحية والسلام لرجاء العزيزة وأختها راوية ... الحلة نورت.

مشتاقين شديد والله يا رجاء!

أميرة

الحبيب بشاشة.. مكسح وين..؟

يادوب إحنا بنقول يا هادي

الأحباب حيدر (جني) ومعز.. مرحبتين وألف تحية لجيتكم..

العزيزة آمنة.. تسلمي يا غالية..

اهلا وسهلا مرحب كيفيك راويه كويسة
اذيك رجاء وكيف الحجةانشالله بخير يارب

ألف مرحب بالأخت الكريمة راوية العباسى


وسعدنا بقدومك



والشكر للأستاذة رجاء

الحبيبات أميرة وماجدة.. سلام ومحبة دائمة

الحجة تمام يا ماجدة.. ويا أميرة مشتاقين إحنا زاتنا.. متين الجية والفرحة الكبيرة..

الأحباب أدروب ود. عمر (ودمحجوب).. مليون سلام وتحية لتحاياكم.. دمتم أبدا

مرحبا.. مرحبا براوية

نسايم الليل جادن من المحبوب ، نسايم الليل عادن من المحبوب ، الف مرحب بالطلة الترد الروح

اجمل خبر
راوية ليس كمثلها شخص !!

لها كل ودي ..

سلام و مرحب

راوية، نحن في انتظارك


سلاما و مرحبا

الحبيبات نهال وسلمى.. حضوركن براهو فرحة.. تكرمن

الأحباب عادل وثروت.. يا مراحب بناس الزمن السمح

يا عادل راوية زي ما قلت..

هل معني هذا ان نشرع خلايانا لمزيد من الدهشه؟ .............. عندما اقرأ كتاباتك .............. يا رجاء .... احس بانني اقضم من تفاح الفرح مرتين ....الان عرفت السبب...مرحبتين واكثر بالاخت راويه لتكتمل بها الفصول يا رجاء,,,,
كوجان

مرحب راوية
افتقدناها كثيرا

الباقر

الفاضلان الأحباب كوجان والباقر..

تحية راقية مثل مقدمكما وسلامكما لراوية..

ولنا من الحظ الكثير لتواجدنا معكم في هذا المكان

الاعــــزاء الاحبــــاب
الجميلة نهال الطيب
كامل الاحترام والتقدير وشكرا للترحيب واهلا بيك انت برضو هنا
العزيزة أمنة مختار
معرفتك وزمالتك شرف لي وشكرا على ترحيبك
المحترمة أميرة احمد
اهلا بيك وافتقدك وافتقد اتزان مشاركاتك في النت
الغالية ماجدة عوض
اهلا بيك ماجدة وكل البي طرفك تحياتي للكل وخاصة ماما جارة
العزيزة نهال كرار
اهلا اهلا بيك نهال وشكرا ليك كتير ياذوق
الحبيبة سلمى الشيخ
كلامك حلو وحنين ياسلمى ياربي مابنتلاقى قريب شكرا ليك ياخ
ورجاء اختي
شكرا كتير بترحيبك وانا ماقدر كم المشاعر دا كله

الغالي بهاء بكري
تسلم وتشكر على الترحيب ودام االود

العزيز سمندلاوي
ماتقول لي العروس الفي الصورة دي هلولة ماشاء الله وربنا يغطي ويحفظ
وشكرا للسؤال والسلام والترحيب دام الود بينا

العزيزعبد المنعم ابراهيم الحاج
اهلا بيك يا صاحب اكتر صورة بروفايل(الفاتت مادي) مريحة ووديعة وجميلة تسلم البنوتة صاحبة الصورة وتسلم لينا انت اخ كريم
الغالي النذير حجازي
أسفت جدا لعدم لقياك بس الجايات اكتر شكرا ليك وشكرا للترحيب ومبروك
الاستاذ تاج السر حسن
شكرا للترحيب وشكرا على افراد البوست
العزيزعبدالكريم الامين احمد
تسلم للترحيب ولك انت التحايا من تارا
الغالي الحبيب ناجي
امبراطورة امبراطورة اللي تقوله كله ماشي
شكرا ليك

عزيزي كمال
ماشي وين مخليني يازول نحن جينا عشانكم
جلابية ساكت انا جلابية نانسي عجرم

الغالي من زمن غالي جني
تسلم انت وشكرا ليك
الحبيب معز
تسلم لي انت يارب وبدعو الله ان يزيح بعض حزنك

العزيزأدروب أبو بكر
تحياتي وتسلم على الترحيب وشكرا ليك
الغالي دكتور عمر
تسلم واهلا بيك وسعيدة بوجودي بينكم
عادل حبيبي
تخجلني كلماتك عني ولا استطيع الرد
الحبيب ثروت
تحياتي وتسلم لي ياخ
العزيزابراهيم كوجان
شكرا على الترحيب لكن خايفة ليك من الصدمة
الغالي الباقر موسى
شوق كتير وود وسلام وكمان سلام توصله للطرفك

مرحب راوية ( أخت بت عمي)

والعود أحمد

شكراً رجاء

أعجبني ترحابك بي راوية كم هو

لطيف وحنين

أدام الله الود والمحبة بينكما

إسماعيل حميم

مرحبتين حبابك



واليوم السعيد الليلة جابك

مرحبا براوية العباسي ومنورة الدار...
كمال

العزيز اسماعيل شكرا على الترحيب و شكرا كتير للدعوات

العزيز كمال

شوق كتير.. للاسف مررت بظروف وتغيرات صادفت ظروف سفرك اتمنى التواصل للاهمية

اهلا ببنت العباسى
دى الدنيا كلها نورت

وليد الكوز

شكرا ليك على الترحيب

وماتقول لي الفكي بتاعك كارب شدهـ الجماعة في روحهم ونسوك

سلاامات
وعوافي
ياسلام يارجاء ..ياخي دي هدية غالية جدا جدا
راوية العباسي بيننا عديل كدا ..
نور زااااااتا
مشتاقين ياراوية وانشاء الله تكوني بخير ..
طولتي شديد والله ..
بعدين رجاء قاعدة تكلمك والا ملوماني معاك ..
ياستي العود احمد ..
معزاتنا

ود رملية ياغالي

اهلا بيك ورجا وصلت سلاماتك كلهم بس انا المقصرة
نور بتسلم عليك ومشتاقة شديد لدكين والله

الأحباب عبدالرحيم (ودرملية) ووليد (الكوز )..

سلامات وتحايا حلوة حلاوة رجوع راوية الليلة..

تكرموا..

الأحباب حميم وكمال عباس.. تحايا ومودة..

طول ما إحنا مع ناس زيكم عوجة واحدة ما بتجينا




يا راوية حميم إبن الضلع الثالث في مثلث الأساتذة العباسي عبدالله الشيخ البشير وحسين محمد (لهم جميعا الرحمة)

كيفك ياراوية

مرحبتين حبابك واليوم السعيد الليلة جابك.

تحية وسلام دكتور بلة

شكرا لكلماتك الرقيقة والتحية للعزيزة سهام

سلام و2000سلام
بى ست الكل


وشكرا رجاء


ووكما قال الشاعر


وبى روجوعك با حبيب
روحنا تب يبرا الجرح

عصام ياحبيب

شوق كتير

وتعبت من رسيل السلامات

حتى اسأل مجدي النعيم

دعمي وحبي للبتعمل فيه

وبالتوفيق

الأحباب د. بلة والفنان الفنان عصام عبدالحفيظ.. مليون سلام ومليون تحية لمقدمكم الجميل..









سعدت شديد بحضور كل الأحباب.. بتعجبني لمة الناس الحلوة في المناسبات الحلوة

ربي يديم الود

العزيزة راوية

عاش من شافك
نورتِ و شرفتِ
ان شاء الله حالك زين و رايقة و مروقة

مرحباً يا شوق

نصار سلامات
برضو انا الوين

والله مشتاقين وصراحة حصلت لي ظروف وبقيت مابظهر كتير لكن جاينكم في الشهور الجاية


سلم لينا على الجماعة

راوية زاااااااااتا ؟؟
يا لجمال هذا الصباح
هل نرحب ؟؟
هل نطلق العنان لمشاعر الفرح ؟؟
غايتو البورد نور

شكراً رجاء

العزيز جدا عاطف
تسلم ياكريم واصيل

زيكم معرفتهم مكسب
سلام للاولاد وامهم

العزيزة راوية.

ألف ألف مرحب بيك

البورد منور والله.

راوية ورجاء مع بعض؟

بسحرووكم عديل كده.

ماشالله عليكم.

دينق.

مرحبتين راوية
ألفين سلام

بنت العباسي مرحبتين حبابك اليوم السعيد الليلة جابك

منــورة يا ســت راوية ، ثنائيــة خطيـــرة يارجـــاء ، ، ، أهلاً . ...

اهليين اخوي عماد


وشكرا للترحيب

وسعيدة بمعرفتك

الجميل المسافر

انت ليك خمسمية والف وردة وود
سلامي للمدام والاولاد


انا ماشايفاها قريب

صديقة قديمة
كا البنفسج لونا
كا الصندل عطرا
نحتاجها عند
الاعاصير,,,

مطلوب حضورك هنا



مسابقة كبــرى,,,,هات/ى اجمل اسم لبنوته,,,, واربح 100 دولار

أختنا رجاء


في حضرة من أهوي عبثت بي الاشواق حدقت بلا وجه و رقصت بلا ساق


بنات العباسى ... سلسبيل محبة

والعندو كلام غير كدا

فليعتصم بجبل ( الزبون دقس )

الغــــالي دورنقاس


وييين انت ووين ايامك

كلامك عسل وميرسي بجد

الأحباب المسافر وعماد وقنبلة الود الموقوتة..

مليون سلام ومليون تحية لتحاياكم الدافئة..








يا عماد إنت عماد (هولندا)..؟ لأنه الصورة دي بتذكرني بإتنين من أعز صاحباتي

احمد ياحبيب

مبروك العرس بالاول

ومبروكة البنية

سميها تاشا




جاياك بس خليني اخد على المكان

مليون ترحيب راوية

كيفك يا رجاء

اهليين الحبيب الصادق

اهلا باهل الاحترام والادب

شكرا لترحيبك وسعيدة بمعرفتك

الأحباب نصار وعاطف ودينق.. يا مرحبا بالذوق والنبل والشهامة

غايتو يا دينق لو بيسحرونا على شئ حيكون عشان الناس النقاوة البتودنا ونودها

دينق ياغالي
بيسحروك انت الخليت العنصرية وقعدت تحب لي


انا غايتو حاسداك عديييل

في قعدتك

شوف لينا معاكم فرقة قلنا ليكم في اغسطس





تسلم صديق واخ طول العمر

رايوة ..
المحارب القديم الذي شالو حربته منو..


سلاماااااااات ياصاحبة...
وشوق

وانا برضو مستوحشك يا منقة..



هسي المدام لو قرت المسنجر تقول شنو؟؟؟


بس ..

الأحباب دور نقاس والصادق ودكين.. يا تلتمية ألف مرحبا

سعادتي هسع سعادتين.. عودة الغالية وتشريفكم الحلو




يا دكين إنت بجدك عرًستا ولا حركات .. كلمنا عشان ما نتلوم وخلينا نقوم بالواجب لو إتأهلتا

عزيزازيو

سيدي انا

Quote: هسي المدام لو قرت المسنجر تقول شنو؟؟؟

قول ليها دي مندوبة مبيعات

الامضا

رايوة حبيبة عزيز

ان شاء الله تنوم في البلكونة

تمامة العقد الفريد
الذى نسجه عمى العباسى
شوفوا براكم لما العقد يكتمل
شكل البورد بكون كيف ؟؟؟؟؟؟؟
زى البدر لما يكتمل
بطلع منه راوية
ملكة الملكات
منوررررررررة

سلام كتيييييير
لبنات العباسى
واكتر منه لامهم وامنا
ولكم الحب
ام وضاح

الشقيقة راويه

سلامات كتار

الف حمدا لله علي سلامت عودتك لينا

ويا رب تاني مافي غيبة

شكرا رجويه العزيزة

ألف مرحب بالحبيبة راوية
دي طلة مبدئية ولا شنو يا راوية؛ وين مشاركاتك؟
نورتي المنبر
لنا

Quote: بالمناسبة إفتقدت وجود إسمينا ورا بعض.. وإفتقدت طلتك الحلوة

رجاء

ربنا يجمع الشمل قريبا

راوية
سلام و إشتياق بعمق تلك الأنهار الخمس و طولها.
أما زلت في بنسلفانيا ؟

دمت

الحبيبات آمال ولنًو..
الأحباب عباس وأبو جهينة (أهليييييييييييين)..

يا هنانا بيكم.. الزول بقلب جامد يقول ديل أهلي وديل صحبي

دمتم ودام ما بيننا من ود

سلام يا راوية

وبالمناسبة يا رجاء

اختك دي كانت مدسوسة وين

عشان نمشي نتدسى زيها

الدار منور

وتحيات لي تارا وسارا

الاخت العزيزة رجاء الف مرحب بعودتك وبعودة الاخت راوية والتى اكن لها الكثير من التقدير والاحترام.

راااااااااااااااااااااااااااااااااااااااوية ظمئي
دا يوم سعيد يا رجاء

عشان تاني ترجع نغمة (بنات أو بنُّوت) العباسي

طوريتك في الطين مرميه.. كوريتك فاضيه مجدوعه





أنقروا ياراويه ويا رجاء..مين عبدالله الشيخ ???

الصديق الحبيب عبدالله (كارلوس)..

كييييييييف ما عرفناك..؟
إزيك إنت وإزاي المعاك والغربة عاملة معاكم شنو..؟

من الحاجات الجميلةالحصلت للزول إنه إتجمًع تاني بناس الزمن السمح..
وتسلم كتير على ترحيبك بجية راوية يا ملك..

دمت

الأحباب د. محمد وسيف والبدر الغالي..

مليون سلام وزيهم مرحبا..

وبركة راوية الرجعت وجابت معاها كل السعادة دي ونغمة بنًوت العباسي..

آلاااااااااااااف حمداً لله على سلامة الأخت راوية...

وإقامة طيبة ومتواصلة ياااااااارب...

وتشكرات أختي رجاء يا بشيرة الخير...

مع كميات مودتي...


أبو الحســــــــين...

الأستاذة رجاء

Quote: يا عماد إنت عماد (هولندا)..

يفرق كثير طعم الحلو لو يبقى مر ... لا أنا عماد السعودية ( الرياض ) . أهلاً ....

عماد يا عزيز..

مرحب بيك من السعودية أو من أي مكان..

الصورة الخاتيها دي خاتها صديقتي (سوما) في بروفايلها بتاع المسينجر. وبعدين من كم شهر رسلت لي قالت إنها إتزوجت شخص إسمه (عماد).. فعملتا واحد زائد واحد.. وشكلها جلًت..

إتشرفت بمعرفتك زيادة..

حبابك راوية من جديد ..
القلم المحارب ..



الف شكر يا رجاء علي الخبر الجميل.









_
دكين

Quote: هسي المدام لو قرت المسنجر تقول شنو؟؟؟

تقول انك وغد

لمدة سنتين وانا احتفظ بالرقم الذي تلقيت منه إتصال من الإنسانة راوية
عندما كنت أتعاغى من إصابة في حادث سير، رغم انو الرقم لا يمكن الإتصال به
راوية العباسي
كم جميلاً ان نراك اليوم بيننا
شوقي وحبي وكل أحاسيسي الجميلة ترحب بك
ويسلم الدرب اللي جابك لينا

الأحباب ود الحسين ونوبي وإيمو.. يا مراحب بالمرحبين العزاز..

ويا إيمو ألف بعد الشر عليك.. ودي راوية. لقيتها بتعرف ناس المنبر ديل نفر نفر. وما عرفة كي بورد زي ما بيقولو. عرفة خير ومودة..

شكرا يا رجاء..

ومرحبتين براوية..

Quote: من شوية فتحت صفحة الحضور لقيت إسم Rawai أختي منوًر..

دى ما راوية اختك يا رجاء.
نحن فى انتظار راوية اختك!!!
على كل حال ارحب براوية دى وراوية اختك واختنا...

اهلا

اهلا

بنوارة البورد

وقلب المنتدي ..


وشكرا ليك يا رجاء

الأحباب الغالين د. ياسر وعادل عثمان وأحمد حنين..

ما عندي تعليق غير إنه يكفيني وراوية أنكم تكونو من المرحبين.. الواحد يقدل تيه وثقة

وتكرمو على الترحيب

الف مرحب بعودة الكاتبة راوية

ونتمنى لها اقامة طيبة

وان لا تغادرنا مرة اخرى ...

شكرا رجاء على الخبر الجميل ....

راوية

شفتي الكلام بتاع يفتقدك المدى ومرحبا بك في الفضاءات البنفسجية ولك البشريات السعيدة والحنك حق الناس المثقفاتية داك ..اها الكلام دا كله وزايد عليهو شوق وترحيب اهل العوض بالمحيريبة وكل القري ريفي المناقل وشمال الكوة وناس هاي لاي بالعمارات وقاردن سيتى ..يعني مهرجان كامل بتاع ازيك.

مشتاقين يااخت وليك وحشة

يا سلاااااااام
راوية ...
مليار حبابك من تاني ,,,

..

العافية

الأحباب أساسي أبو البنية وعاصم وشوشتا الراقي..

مليون سلام وتحية على تحاياكم الحلوة.. تسلموا

الفاضلة رجاء

صباحك نور وزهور

Quote: إتشرفت بمعرفتك زيادة..

نحن من له عظيم الشرف بالمعرفة ، فمثلك يجب أن يقف له الشخص إحتراماً ويرفع له القبعة تعظيماً .

مرة أخرى مرحب بيك راويـــة وشــكراً رجاء ، كونوا بخير ......

مرحب ثانية براوية
نورتي الدار

سلامات أختنا العزيزة راويه ورجاء,

مرحبا بعودة أصحاب الأرض الأصليين,

مرحبا بعودتك و نتمنى لك إقامة طيبة

مرة أخرى ,

تحياتى للجميع .

ايمن

شوووق السنين ياراوية


بالجد منووورة

أهلا براوية رجاء
وبكم يرتوى المكان

راوية
بوردينا نور تاني من جديد.
مرحب بيك تاني بينا

اهلا راوية
الف مرحب بيك
وحللتى بينا
وشكرا رجاء

راكوبة صديقي الحبيب..

بيتنا نوًر

يا تلتمية ألف مرحبا.. وشكرا كتير على الغنية الما حصلت..

مرحب كبيره ياراويه..أشرقت الأنوار

الملكة الحبيبة..
والأحباب الموصلي والأمير وايمن..

يا ألف مرحبا بالناس البتطمن القلب وتخلي الزول يسند ضهرو بثقة..

سعدنا بترحيبكم الراقي

Welcome back ......Rawia

مرحب بيك فى دارِك ،
دخلنا الحوش من وراك ،
وما حأقول البيت محروس وسِتو تكوس .

مرحب بيك وراجينك ، ويا رجاء حمدلله على سلامة
"الفردة" ، وهلا ثنائى العباسى ، وهل من مزيد ؟؟؟

دمتن .

منوًية الحبيبة..
والأحباب محمد وغباشي وعبدالله..

سلام وترحيب بمقدمكم وترحيبكم براوية..

دمتم

قريبتي وأختي العزيزه راويه
تم دوره دور
عم ونوره شال
فات الحله نور
ذي بدرإكتمل

حين عادت رجاء حادثتها لتعيدك وتأخذان مكانتكما الطبيعيه ووعدتني
وها أنتي تفعلين ذلك لوحدك
ذي مابتقول حبوبتك
جيدا جيتي

أشواقي حين تسعي إليكي تشتاق
أخوك د.متوكل

اولا مرحب بالاستاذة راوية وعودتها الي مقعدها البرلماني
لكن يا رجاء عباسي اي زول يجيب اخوانه واخواته هنا ويسجل
في المنبر وهنا لقيت اقارب وجيران يعني لو في انتخابات
بتكون مزورة ، وبعدين السودان فيهو حاجات عجيبة
يعني تلقي شركة بتاعت العائلة والصحف السودانية جميعها
بتاعت عوائل ارجعي لاي صحيفة تلقي سيد الجريدة واولاده..صاح
دة كلو ترحيب باختك اللي دسيتيها مننا طوال هذه الفترة
يعني من سنة كم كدة ماعارف ، وتاني مرحب ، وشكرا صديقتي العزيزة رجاء

الاخت / راويه
مليون مرحب بعودتك لعيوننا.... طبعا انت وآخرين مقيمون في قلوبنا.

يا ليت بقية الحمام يعود للحوش.

(لن ننسى اياما مضت .... لن ننسى ذكراها)


*** شكرا يا رجاء على لفت انتباهي لتواجد اختك.

Alkarampa




salam
and welcome back to SDB



Let me look for my photo collections
I may have some related pics

stay well

الأحباب د. متوكل، سري، عبدالرحمن (زول واحد) وكوستاوي..

إحتفائكم بعودة راوية وترحيبكم بيدل على مقدار راوية بجد.. لأنه قدر المرحبين عالي عالي..

سلمتم ودمتم يا غاليين

بختي بختي،،
راااااااااااااااوية جات،،


أجوية،،
إنزيييييييك،،




غايتو الجاب الغنية دي،،
باااااالغ،،
و رجعت فوق و عاينت،، و لقيتو راكوبة،،
يعني يا راكوبة اصلو ما ممكن يكون زول تاني غيرك،،

أهلييييييييين رايوة ..
وأنا أقول البورد دا منور من شنو ؟
ألف مرحبتين حبابك ..
بالجد مشتاقيييييين ..



سلام كتاااار يا رجاء ..

سلام كبير كبير لكل الحبايب الهنا..

راجعة بعد ساعتين بروقان..

أهلا راوية
حبابك في بلادك مطرح أحبابك
.
.
.
.
.
تحية رجا

سلامات يارجاء

طبعا ماممكن , راوية شخصيا تكون هنا و الزول يكسح بدون مايسلم عليها ويقول ليها مشتاقين ..

خالد

مرحبيكم الف بنات العباسي


البورد نور بعودتكم

عقبال كل العقد الفريد


محمد ادريس

ألف مرحب راوية العباسى



مفدم سعد

مودتى

شكرا ليك رجا علي الاخبار الجميلة والف مرحب يراويه

سوميتا الحبيبة..

الأحباب.. موو وأبوعسل والفاضل خالد..

ألف تحية وسلام.. وبترحيبكم إتشرفنا وزادت فرحتنا بوجودنا مع ناس جميلة بالشكل ده..

في منبرنا راوية.

وفي دواخلنا رجاوية.

الأحباب محمد إدريس ورأفت وحسام ومولانا..

كل ما أشوف الناس المرحبين بي راوية أعرف إنه قدرها عالي.. لأنه أكتر الناس المحترمة والراقية هي الجات تسلم..

تسلموا وربي يحفظكم ويديم الود البيننا..

مليون مرحب بالعزيزة راوية

وتضىء الخضرة وجه المنبر من جديد

شكرا يارجاء

أهلا و سهلا

زمــن ياراوية ..
مليــون سلام

يا مراحب راوية

سعيد بوجودك وبطلتك البهية

يا مراحب والدار دارك

خشمك فيه اللبن يا رجاء


راوية حبابك مليار

الحبيبة غادة..

الأحباب.. ملاسي وعمر إدريس وتمبس واسعد..

تشرفنا حقيقة بمقدمكم وترحيبكم..

تكرموا

ياسلام يا رجاء ,

كنت أول من رحب بي

على هذه الدار ..

ألف سلام ومرحب بى
العزيزه راويه ..

عودا حميدا العزيزة راوية
وشكرا رجاء

يا سلاااااام البورد منور
مرحبتين يا راوية
تاني اوعك تمشي

اهلا وسهلا
ومراحب راوية
وكل عائد لى ديارو واهلو وحبايبو

الف مرحب بعودة راوية

الاخت العزيزة رجاء العباسي

لك التحية ..

و معك نرحب بعودة الاخت راوية العباسي الي المنبر مرة اخري ..

و لي قدام ..

الأخت العزيزة راوية

أسعدتناعودة رجاء ونورت البورد

وتكتمل السعادة بعودتك

ألف مرحبتين حبابك

تحياتى

الحبيبة سلوى..

الأحباب.. وليد الشفت وخالد وعامر..

ألف سلام وتحية على تحيتكم وترحيبكم براوية..

تسلموا

الأحباب جميعا..

مرحبا لغاية ما أرجع..

معقول؟
wellcome

وين يا راوية, ازيك

راوية...

ما بصدق....


جد المنبر نورررررررررررررر.


مرحبا يا راوية وما تسيبينا تاني.



رجوية الحبيبة....


بجيك بهناك قريب ان شاء الله.

مرحبتين ياراوبه
عودا حميدا مستطاب
غايتو رجاء ما مقصره...
واهلا بيك

عسكوري

RAWIAAAAAAAAAAAAAAAAA


:

ألف مرحب بعودة الاخت راواية ويا هلا بيكى

بل نحن المحظوظين يا رجاء بعودة راوية
دعي ضيفك يرحب بك في دارك يا رواية
الف مرحب

سعيدة بكل من خط حرف هنا او عبر الماسنجر لتحيتي

وسعيدة وفرحة بكل من وضع وردة هنا
وسعيدة بيك ياراكوبة بالاغنية الجميلة

يا الللللللللله ...

الناس كلها جات بي هنا وأنا ما جايب خبر ؟؟؟

مرحب بيك يا راوية ، ونروت الدنيا من تاني ..

مرحب بك يا روايه

وخليك هنا وبلاش تغيبي ثاني....

شكرا رجاء

مرحبا بعودة الاخت راوية العباسي
وشكرا رجاء
لكما تحياتي

عماد خليفة

بنات العباسي الاتنين
سلام وموده وشوق
سلامات ياراويه ونورتي البكان بي رجعتك ..
رجاء
سلام تاني وراجعي ماسنجرك
وكوني بي خير دايما

حباب
راوية
حبابا الف

عوداً حميداً مستطاب .. راوية

عصفور طل من الشباك

مرحب بالأخت العزيزة راوية وطلتها هنا بالمنبر كلو

الفين سلام

مرحب بالعزيزة راوية وعوداَحميداَ

ومرحب بك اختي رجاء والله عودة راوية حلوة

بس الاحلي منها محبتكم لبعض وترحيب البورداب بكم

اتمني من كل قلبي ان اتشرف بمعرفتكم

لكم خالص الود والحب وربي يخليكم.

الأحباب الفوق..
أسمحوا لي بالترحيب أولا على عواطف..

Quote: مرحب بالعزيزة راوية وعوداَحميداَ ومرحب بك اختي رجاء والله عودة راوية حلوة بس الاحلي منها محبتكم لبعض وترحيب البورداب بكم اتمني من كل قلبي ان اتشرف بمعرفتكم لكم خالص الود والحب وربي يخليكم.

الحبيبة عواطف..
سلام وتحية ومرحبتين.. واهلا بيك أخت كريمة وصديقة عزيزة وحبيبة غالية.. ولينا الشرف (بنات العباسي) إنك تكوني صديقتنا..
وعجبني برضو إنو الأستاذة شادية معانا.. ربي يجعلها معرفة ود وإحترام

وتسلمي على ترحيبك الجميل براوية..

الأخت العزيزة رجاء
غمرنى السعادة بعودتك وعودة الأخت راوية
وألف مرحب ويا بختنا
نورتم

الحبايب الفوق جميعا..

ما نسيتكم ولا تقلت عليكم..

جاييكم زول زولة..

ودي..

ايييييييييييييييييييييك شكلي انا اخر واحد في المنبر جاي يهنئ بس معزور من شده الزحمه والصف الكان واقف قدام باب البوست ماقدرت اخش عشان ابارك واهني المنبر بيكم ويافرحه المنبر بيكم

لكم كل الود يا آل العباسي

مرحبا راويه وادخلى لا قدام درب اخضر ويا رجاء وزعى الشربات وفاطمةانا حاامشى اكلم طلال فاطمة فاطمةعشان افرحوا معانا وما حااتاخر وحا اغشى السوق واجيب الزواده لان ضيوفنا الليله حا يكونوا كتير وما عايزين نقصر يلا بالسلامة يارجاء وعارفنك ما بتقصرى ومرحبا العزيزة راوية ولىقدام
ولكم ودى

اهلا جدا جدا راوية...........عادت راوية لتميط الاذى عن طريق الجمال فى المنبر..
انتظرو جداريات هذه المشوطنة......
راوية اشتقناك كثيرا وافتقدناك اكثر..
اهلا ثانية وطوالى براوية،،،،

راوية ورجاء
مليون مرحب والدار طبعا دارك يا راوية ونحن ضيوفك فيها وزي ما قالت عواطف اختي اجمل ما في البوست العاطفة الاخوية الرائعة دي ربنا يخليكم لبعضكم ويبعد عنكم الحساد وأولاد الحرام

مرحبا بالعزيزة راوية
كوني طيبة و سعيدة
المشاء

مرحبا براوية العباسي
قلم راقي وفكر ثاقب..

منوريــــــــــــــــن

ياااااااااااااااااه

هي لكن جنس كعوبية ؟؟؟
مبالغة لكن والله ...
عارفة والله فرحتي زي الجابولي وليد...
لكن هو بعمولها ظاهرة كدة يا زولة؟؟
راوية عب حميييييييييد !!! ( أنثي برتبة جنرال)
والله زمن يا غالية
حمد الله علي السلامة يا رجـا
وعليك الله حِسِّي ووزعي الببسي!
انا القدرت عليه وزعت مليون أبتسامة للنيل والقمر
مع أني عارف مشكلتك
كعبة
لكن مُشرَّفــة !!!!!


شكرن جميلن!

احلى اغنية واحلى ناس
جبناهو عشان نرد التحية للضيوف الكرام المحترمين








وكمان عشان اتبوبر بيهو
عاجبني الناس الفيهو

تحية وحب وود لغاية ما ارجع

كلموني ( بالعضــة )
تلقيهــا عند الغــافل
من ناحية أخرى
كان ما رديته ليك أنـا ما تمبس

النبي لكن مابتغيظ
تنطط زي العبلانج
انت في زول طالبك مغسة






والله اسويها
اسال... انا للمواعيد عشان يلاقوني في المطار عملتها
قايلنا بنلعب

Quote: والله اسويها

لكن
جهزي ليـك أندروس .. يا ( حرجــــل )


يا عواليق

وبــــــــــ رجــــــــــــــــــــاء العباسي كمـــــــان،،

،،،،أبوقصي،،،،

مراحب كتيرة
والعود احمد
تسلمن

مرحب بالحبايب بنات الحبيب

والله مجرد وجود اسماءكن يبعث فى القلب سلوى

ربنا يحفظكن الاثنين ويديكن العافية

منورات والله

الناس الحلوة الفوق..

سلام وتحية ومرحبتين..

حأرجع ليكم زول زول..
تسلموا على ترحيبكم وكلماتكم الراقية لراوية ولي..

شكرا بكري لإعادة البوست

الفين مراحب

راويـــــــــــة الحنونــــــــــــة
مشتـــــــــــــاقين كـــــــتير كــــــــــــتير
كتـــــــــــــــــــــــــــــــــــــــــــــير

رغم انه البوست قديم والله لم اشاهده الا اليوم والسبب بالطبع عدم متابعتى الفترة الماضية

رجويــــة سلامي ومنك الى الخالة علـــوية سلام زول مشتاق بقدر ايام الفراق التى مرت

و تبقى لنا ذكـــرى ذلك الزمن الجميل واكـــــــــــيد ح يعــــــــــــــــــــــود

ولنا عودة

Quote: راويـــــــــــة الحنونــــــــــــة مشتـــــــــــــاقين كـــــــتير كــــــــــــتير كتـــــــــــــــــــــــــــــــــــــــــــــير رغم انه البوست قديم والله لم اشاهده الا اليوم والسبب بالطبع عدم متابعتى الفترة الماضية رجويــــة سلامي ومنك الى الخالة علـــوية سلام زول مشتاق بقدر ايام الفراق التى مرت و تبقى لنا ذكـــرى ذلك الزمن الجميل واكـــــــــــيد ح يعــــــــــــــــــــــود ولنا عودة

استأذن الجميع في الترحيب بابن الخالة عمر
نسبة لايام الفراق الحاصلة
مشتاقين زاتها شوية ياعمر
في الماسنحر الداخلي ستجد نمرة تلفوني
كنت في مصر وحضرت عملية خالتي فاطمة وهي الان بخير
ومبروكة بنية هويدا وعقبالنا جيميعا

اللوم بعد ماكان فى كرعين الاسفير بقى فى وشو
جات متأخرة لكن ضوك بق وشع فى الحى
ورتينة ضوت حنة تمبس فى بيت العرس بهناك

مرحب بعودتك باراوية... الانس واللطف

صحبتى الزمااااان راويه
مرحب بيك