كــل هــذا الــشــوق..

الأحباب البورداب والمتصفحون..

أسبوعان قضيتهما في البلد الجميلة اريتريا.. وكان الجمال سيكون مكتملا ان وجدت سبيلا للقياكم في المنبر.. ولكن نسبة لبطء في "السيرفير" يتطلب روحا طويلة ووقتا أطول لم يكونا بحوزتي.. تعذر به التواصل معكم..

أحمل معي بجانب الأخبار والتقارير ذكرى لقاء زملاء المنبر سواء الأسمريون أو ضيوفهم.. حيث تشرفت بمقابلة نهار عثمان نهار.. ووائل محجوب إضافة لتواجد الصديق الحبيب بكري الجاك معي في كل الأوقات، وفائز السليك الذي كان متغيبا في دارفور وشهدته أسبوعا..

أحمل عهدا في نفسي إلا أنساق وراء مهاترة أو لفظ دون المستوى.. ولن أكون طرفا في أي حديث يراد به قيادة هذا المنبر إلى درك أسفل.. فقد عرفت من خلال حديث كل من ألتقيته انهم يبدأون به يومهم ويختمون..

أحمل أيضا خبرا مفرحا لن أطلقه إلا يوم الخميس القادم.. وهو برطمان "مربى" يا تماضر وراوية ..

وأحمل ودا وشوقا لكل نفس جميلة وقلم نبيل وفكرة رائعة وقلب محب..





إن غبت قليلا.. فسيكون فقط لأني أعاني من نزلة برد حادة وإرهاق..

والله يا رجاء

لو ما دخلنا ما بنقدر ننوم


والف سلامه من نزلة البرد

Quote: إن غبت قليلا.. فسيكون فقط لأني أعاني من نزلة برد حادة وإرهاق

يا ريتنى لو بقيت نزلة برد عشان ما اقكك اصلى..انت قايلة
انت زولة عادية..واحشانا يا بت،،

الغالي صديق..

الله يخليك يا كريم.. ويحفظك من المرض والشقاء..

ليك وحشة كبييييرة..

والله ماقصرتي تب وهكذا نريد
لاخواتنا وامهاتنا وبناتنا ان يكونن
نحن فخورين بك ايما فخر

أستاذي الجليل الموصلي..

تسلم يا سندي وذخري في الوطن الكبير وهنا..

دمت..

حمد الله على السلامة يا رجاء
نورتي البورد من جديد
وفي انتظار مربتك ( بفارغ الصبر)
يا ريت اللي في بالي يطلع صاح

تحياتي
زولة123

رجــاء،
ألف حمـدالله عسسـلامــة.. وسلامتـك من النزلـة.

أبو الريش العزيز..

تسلم من كل شر..

طبعا النزلة كان لازم تجي بعد تفاوت درجات الحرارة بين 17 و45 ..

دمت..

زولا واحد اتنين تلاتة العسل..

البورد منوًر بناسو الحلوة دوما..

"المربى" تشبه الفي بالك.. لناس حلوين هنا معانا ..

سلمتي يا غالية..

سلامات يا زولة يا ....رايعه ..




حمدالله الــ1000 ـــــف على السلامة ..



نورتى الدار .

رجوية تحية من كوز وعنصري وظلامي
من غبتي ماشرقت شمس والدهشة ساساق الدروب لي وين تمش....

لك التحيه دوما الاستاذه رجاءلقد افتقدناك حقا0000000

اما الخبر المؤجل ليوم الخميس فاقترح تاجيله حتي السبت 31/7حتي يكون الاحتفال شاملا

رجاء
حمدالله على السلامه
انا حاجز البرطمانيه الفاضيه
عبدالله يوم السبت عندك شنو ؟
تحياتى وتحيات ود خالتك عبد الله

سلام بت العباسي سلام
عوداً حميداً مستطاب

الغالي ورًاق..

الله يسلمك.. اتمنى ان تكون الأخبار الجاية من السودان حلوة.. عشان نحضًر الحلق والغويشة كمان..

دمت..

الغالي كمال أوسلي..

لييه البرطمان الفاضي..؟ انت تستاهل كرتونة مليانة ..

أصبر بس لغاية يوم الخميس..



لو مشيت قريت بوست معيًن كده حتعرف يوم السبت فيهو شنو ..


تحياتي وودي..

الغالي عبدالله..

تسلم يا كريم.. فقد افتقدتكم أكثر..


الخبر بتاع يوم الخميس ما بينفع الا اليوم داك..

أما يوم 31 فده احتفال برااااهو..

شمهورش الكوز الظلامي العنصري العزيز..

Quote: من غبتي ماشرقت شمس والدهشة ساساق الدروب لي وين تمش....

ده كلو لي انا..؟ ما قادرة اصدق إنو منك ..


سلمت ودمت..

معتصم العزيز..

تسلم يا كريم.. والدار منوًرة بناسها..

راجا
ياخي حمدا الله علي السلامة
سلامتك من الحمّي أم برد
وتاني بقول
بسم ايات الله امين
وبسمك
مدخل اول :بيني وبينك الضحكه ورحيق الشاي
وطعم الخبز والستره
ومساء النور
وعمق الالفه بين
الزهر
والنخله
مغنا الطنبور
مقدق العُشره بين الارض .. والانسان
وبيني وبينك الفكره
وجمال الذكري
والنسيان
وحُسن الظن

العزيز حبيب ونورة..

سلمت يا غالي من كل أذى..











لا تعليق على جمال أحرفك.. سوى أنها أكبر مني..

دمت..

الزميلةبت العباسي،
مرحبتين حبابك، والبورد نور، وكنا متابعين للتغطيات، وفي إنتظار الشمارات

الزميل الغالي راكوبة..

تسلم يا عزيز من كل شر.. وانت زاتك ليك وحشة..

الشمارات خلاص وقتها قرًب.. بكرة..

رجاء الحمد لله على السلامة

الحبيبة سمارت انتي..

تسلمي يا روح من كل أذى..

تحياتي للأسرة.. وليك انتي كتييير..

العزيزة رجاء


ايضا نحمل لكى كل هذا الشوق


حمدالله على السلامة والف سلامة ليك

ننتظر روائعك

الصحفية رجاء العباسي

غيابك بلا وأنجلي .....حمد لله 1000 علي السلامة .....ونعلن نهاية المعضلة


... حبابك........

عمر الماحي يا عزيز..

تسلم من كل شر.. وليك انت مليون وحشة..

واثق الغالي..

سعدت بسماع صوتك.. وكان هدية ظريفة أيام المرض..

اتمنى ان يعود الجميع.. ليصبح هذا الوطن أكثر روعة..

دمت..

Quote: الغالي ورًاق.. الله يسلمك.. اتمنى ان تكون الأخبار الجاية من السودان حلوة.. عشان نحضًر الحلق والغويشة كمان..

رجاء الله فكاك من الحلق والحاح اهل العوض..بختك وبختنا اسماعيل
جابو ليه ولد وسموه ( امحمد) بضم الميم وتشديد الحاء لو سمحتى،

رجاء النبيلة

الضربات التى لاتقتلنا تقوينا
ستأتى تماضر تصهل بالنشيد
وراوية البنت الشجاعة الجميلة

اكيد برطمان المربى عندى منو نصيب، ماتنسى ياصديقة
حمدللة على السلامة وفى انتظار اخبارك تفصيلا

رجاء يا غالية:
لك التحايا.. والاشواق.. وسلامة العودة الي ارض سودانيزاولاين ..
ونرجو ان تكونى قد عدتى سالمة.. وغانمة.. محملة بالاخبار والشمارات ..
اهلا وسهلا مرة اخري,,,

ايهاب الغالي..

الله يسلمك من كل شر..

تصدق جيت من بلد جميلة وبااااااردة في الصيف ده..؟

الأخبار في .. والشمارات.. برضو في ..

أصبر..

الحبيبة إشراقة..

تستاهلي مصنع كامل بتاع مربى..

الصبر.. الصبر.. بكرة خلاص جا..

والفرحة حلوة بجد..

الغالي صديق..

ألف مبروك "أبو حميد" لصاحبنا وراق..

أوعك تكونو عملتو خيانات وسمايات والذي منه..



ربنا يحفظو لأمه وأبوه..

رجاء حمد لله على السلامة
وبريه من النزلة
لووووووووووول من برطمانياتكن دي عاد
الله يدينا صبراً يبل الآبري

الصبر هين ..المشكله الابرى نلقاهو وين يا الجندريه

الجندرية

ماتخافى عندنا فيها نصيب، اطمئنى وكان رجاء بقت غتيته، حاشاها، بسافر ليها فى القاهره وبأخد نصيبى من البرطمانية وبجيب ليك معايا لكن تدى معاك عثمان، اتفقنا بالجميلة الراقية

الحبيبة أماني..

كل الشوق والود ليك ولأيام البورد الحلوة..

خلاص بكرة جا.. والبرطمانية حتتفتح ونعرف الخبر الحلو..

أصبري..

والله عاد يا اوسلي يزورو فيك وكت الصبر مافيهو مشكله
الآبري بنرسله ليك ورينا الفلاحة عاد

شروقنا
عثمان ما تخافي عليه شديد وحقه ما بروح اصله
ورجويه حاشاها الغتة
بعدين تعالي هنا شايفاك توزعي في وعود الاشراق على الخليج العربي ساي ناس اليمن ديل واقعين من قعر القفة ؟ ان شاء الله ترانزيت رضيانين
لا عشان ما ضمونا لمجلس التعاون يعني ؟

يا رجاء
طبعاً بوست الاشواق دا التخريمات فيه ملح
لوووووووووول

الجندرية
فكرنا فيها بس قولى ربك يسهل، طال الزمن ولا قصر بنجىء نزوركم، مافى مؤتمر فريب اشارك فيهو، بتكلم جد

رجوية، متسنجر مجانى شكرا ليك

الاخت رجاء
الف حمدلله على السلامة

الشريف الغالي..

الله يسلمك من كل أذى..

طبعا كنت مطمئنة انك تتابع كل الأخبار..

لن أشكرك.. لأنها كلمة متواضعة أمام ما قمت به من عمل..

دمت ودام ودنا..

الحبيبات أماني وإشراقة والغالي كمال..

مااااشي ..

التخريمات هنا ببلاش.. أصلو الشوق والوحشة و"البرطمان".. يستاهلو ..

رجاء
عودا حميدا
اهم حاجه برطمانية شمار اسمرا. بالله ورينا الحصل كله
اماكمال اوسلى ده فساكن جنبى و بعرف اشيل منو الفاضى كيف.
جاييكم فى كايرو وداير لى شقه. ارجوا المساعده و بالله خلى الكومشن صغنن عشان يادوب باديين وكده.

العزيز أحمد البشير..

الله يسلمك..

اللذيذ اني جيت محمًلة ببرطمانيات شطة "دليخ".. وبكمية مقدًرة من "الأنجيرا".. وكلها وصايا.. يعني ما نالنا من الحب ولا برطمانية..

مرحب بيك في القاهرة..

بت العباسي :

الف حمدا لله على السلامة و عودا حميد

الصادق خليفة يا غالي..

الله يسلمك ويعافيك من كل شر..

دمت اخا كريما وصديقا نبيلا..

رجاء
والله مشتاقين كتير ،،
ولو تأخرتي في كتابة هذا البوست لكنت كتبت بوست من عندي ،،
ألف حمدا لله على السلامة ،،
لاقيتي منو من الاتحاديين ؟؟
وبكري الجاك كان مبسوط ؟؟
رسلي لي ملعقة من المربى عشان أعمل بيها سندوتش ..
ممكن بعد كده نجي القاهرة بدون تأشيرة وللا لسة ؟؟

شنو يا جماعة أنا شكلي جيت متأخر حبتين ..
لكن نعمل شنو في النت وأعطاله ..
رجاء ..
ألف حمداً لله على السلامة ..
وبركة الجيتي طيبة ..
بس ما تنسينا من باقي البرطمان ..

معتصم يا عزيز..

ازييييك.. وليك وحشة كبيرة بجد..

البرطمان ده بقى حكاية.. أصبر بس..

الغالي ود قاسم..

يااااا.. بجد ليك وحشة كبيرة..

اولا بالتبادي.. قابلت قريبكم أحمد سعد عمر.. وهو رجل فاضل جمعني به من قبل سكن فندق واحد.. وقد تكرم باعطائي بعضا من "الشاي" المخصوص الذي أحضره معه من انجلترا..

كان معنا ايضا الاتحادي المحامي عثمان عمر الشريف..

إضافة لإتحاديي التجمع التوم هجو وصديقي حاتم..

المفاجأة الحلوة ان اصطحب الزميل الاتحادي سيف اليزل معه عروسه "اللنج" ابتهاج.. مما أعطى الرحلة شكلا جميلا ومبهجا..

أما بكري الجاك فآخر انبساط.. واليومين ديل بيعمل في كورس لغة فرنسية .. الخوفة يجي يطبًقوا فينا هنا ..

اما عن المعلقة العايز تعمل بيها سندويتش.. فهي تسريبة "المربى خليط من الصحافة والشعر".. وبس ..

العزيزة الغالية الحبيبة رجوية

كل الود والتحية لشخصك العظيم الف حمدالله على السلامة

ونورتى هلا ومرحبا الهميمة رجوية الكريمة لك التقدير والاحترام

بت القبايل

الحبيبة "بت القبايل".. الهميمة..

لك كل الود وانتي تنتقلين وتربطين العالم من حولك باتصالاتك الدافئة المهمومة..

بيننا اتصال قريب باذن الله..

سعيدة انا بمعرفتك وصداقتك..

العزيزة رجاء

سلام وتحايا

نورتي ياستي واسمرا دي عدمانه الكافيهات ولا شنو ياكافي البلا


لك سلامي واشواقي وفخري بكل انجازاتك





نوف

الغالية رجاء ..عودا حميدآمستطاب ...واكيد تدوزنتي بمقدار الف

وعدتي اكثر املا واقوي ...ياعزيزتي ونحن صرنا في غربتنا مالنا من فضاء الاهذا الفضاء ومالنا من لقاء الالقاؤنا هنا .... بالله كيف اسمرا وكيف (كمبوشتاتو ) هذا الشارع الجميل الذي يمثل رمز للحرية عند الشعب الاريتري العظيم ...طبعا قدلتي فيه قدلة فاهمة ..... رجاء اقدلي هنا ماتسني لك المشي وماتسني لك الحكي ....دمتي
الهام

الحبيبة إلهام..

كل الود لك وانا اقرأ أحرفك الجميلة التي تجعل من متلقيها "فارسا" يحمل سيفا هو أصدق إنباء من الكتب..

بالطبع "قدلت" في شارع "كموشتاتو".. وكنت مثل المرشد السياحي للزملاء الذين يزرون أسمرا لأول مرة.. شفتي كيف ..؟

جميل ذلك الشارع، وجميلة تلك المقاهي التي تنتشر في جنباته..

دمتي لي اختا فاضلة وصديقة نبيلة..

وكل هذا الود..

نوفا الحبيبة..

سلاااامااات كتيراااات.. وليك وحشة آآآآد كده..

المشكلة مافي الكافيهات.. المشكلة نعمل شنو فيها والسيرفر شبه موجود..؟ كان معاي "لاب توب".. ولكني استخدمته في "لعب الكوتشينة" ..


ولك انتي حبي وتقديري وفخري بمعرفتك وصداقتك..

دمتي لي يا غالية..

شخصك وافى
جميل وموافى
تبر وعسجد
حالى قوافى
ابيض نيه
كبير القلب
عالى المعنى
عظيم القامة
وعالى الهامة
نور اصباحك
طفى مصباحك
وطل صباحك
مشرق وحانى
واضحة حروفك
وافى بيانك
وشافى بنانك
مترع طيبة
ومنبع طيبة
وكلها ما بتساوى
الجوه وخافى
انت الامل
ووعد الفجر
ونور الشمس
اللازم يوافى
ليك تحية
وليك السلام
وليك القيام
والاحترام

**********

بت يا تمام التمام
ومشتاقييييييييييييين

والحب
ام وضاح

البنت القرنفلة

رجاء

كل الشوق

والحب لعينيك وهذي الابتسامة

فرحة لرؤيتك

الاخت العزيزه رجاء

حمدا لله على السلامه

والعود أحمد

وحقى من برطمانية العسل الاسمرى لا أتنازل عنه

وقسمه عادله بينى والاخوات راوية وتماضر

ويوم الخميس من الصباح بنتظر البوسطجى

أخوك عبدالعزيز خطاب

الغالي عبدالعزيز..

حقك محفوظ يا سيدي.. وبالفعل عسل أسمرا لا يعلى عليه..

أما مربتنا فحينها قد أزف.. أصبر..

تحياتي للأسرة..

ودام ودنا

العالية عاليا الحبيبة..

أسعد وتطول قامتي وانا أرى اسمك يزين بوستا لي..

حفظك الله وأدام ذلك الود والسحر الذي جمعنا هنا..

الحبيبة تومة الروح وقسيمة الفرح والهم آمال..

أشتاق اليك في كل لحظاتي.. وأشتاق لأيام ظللتنا نيمة انت غارستها..

حفظك الله لأسرتك ولنا..

..

...

....




وكفى..

العزيزة رجاء

الف حمدا لله على سلامة العودة

كنا نتوقع منك تقاريرا ساخنة من هنالك ولكن الشبكة لم تسعدنا بذلك وهانحن نتوقع الان تقاريرا وافية عما جرى بعيونك انت ...

تحياتى

الحبيب ابن الحبايب خالد..

تسلم من كل أذى.. وعلى وعد بكل التقارير والتعليقات التي قد تجيب على بعض تساؤلاتكم حول مصير وسير اجتماعات التجمع..

ودمت لنا أبدا..

الغاليه رجاء
وحشتينا وفرقت معانا عديل
اهدى ليك الغنيه دى انت وضيوفك الرايعين

اختي وصديقتي وشريكتي في أمي وأخوتي ووريثتي في أبي وقسيمة هم وفرح وحاجات حلوة كتيييييييييير لاولا..

تخريمة واجبة: معليش يا جماعة اني فرحت قدر ده بدخول راوية هنا..

مرحب بيك.. والبورد خلا من غير طلتك وكلمتك..

الله يخليك لي وللناس الحلوة ديل كلهم..

وشكرا للأغنية يا راقية..

ألف حمداً لله على السلامة يا رجاء

بركة الجيتي طيبة ..

وفي انتظار المربي

رجاء
ياصاحبه فى الزمن الصعب..
جد اشتقنا ليك...
وقلنا ما مكن تسافر..
طيب لو اصلو ياسافرتو..
اغشونا بى جاى...

معتز يا عزيز..

تسلم يا غالي.. لكن ما قلت لي.. بي جاي دي ما الشرق الأقصى ..؟


تحياتي وشوقي وودي..

رجاء العباسي

شوق الطير لي ريشو ... وراجين أخبار أسمرا التحت تحت .

مع خالص الود

الغالي أبو قصي..

أخبار أسمرا التحت تحت باذن الله تكون كلها بين ايديكم.. المشكلة انا عايزة أفرًق بين الاخبار وبين رأيي الخاص هنا معاكم..

سلمت يا عزيز..

رجــــــــــــــــــــــــــــــــــــــاء برقية عاجلة
الي التي شلهتتني ونطرتني وناتلتني وشاركتني في قلبي

شمهورش الظلامي العزيز..

برقيتك أكيد وصلت لصاحبتها.. هنيالكم..


شفت الزول بيتغير كيف لما يريد..؟


وييين أبو جهينة يجي يكتب لينا المفيد..

ألف حمداً لله على السلامة يا رجاء

سلامتك بالدنيا

نورتي البورد واسف اني وصلت متاخر ولك العتبي
وسلامتك من البرد وفي انتظار رجوعك بقوة

اخوك/بهاء

بهاء العزيز..

البورد منًور بناسو الحلوة.. ودافعي في العودة حلو وجميل.. لأني عرفت ان هذا الوطن ليس وهما كما يقول "أساسي".. لأنه لا يمكن ان تكون كل هذه العلاقات التي جمعتنا وهم..

دمت أخا كريما وصديقا نبيلا..

الحبيبة سلوى..

الله يبارك ليك في كل نفس تشيليهو.. وفي كل رمشة عين.. آآآمين..

المربى حلوة بجد.. بالجنزبيل..

دمتي يا غالية

العزيزة رجاء.

ألف حمد لله على السلامة.

مرحبا بيك في البورد, والله أنا حاسدك عدييل كده. أصلوا أنا عندي معزة خاصة لإريتريا وشعبها الطيب.

دينق.

دينق الغالي..

سلمت يا عزيز.. وبجد أسمرا افتقدتك.. لقينا روحنا انا ونهار ووائل مع بورداب أسمرا بدون مقدمات.. ولا تنسى الأمان والهدوء الذي ينسيك اي "هبوب" برة..

اتمنى ان تستطيع الذهاب هناك قريبا..

بالمناسبة نهار عندو الصور.. وقال انه سينشرها حالا.. لكن شكلو كده ما قاعد في بلدو..



دمت لي أخا كريما وصديقا نبيلا..

رجاء 1000 حمد لله على سلامتك..
تركت فراغاً عريضاً ..نهفو دوماً الى قولك الجميل..
..
لا تكترثى ..
عهدناك دائماً رائعة..

دمتى

يا رجاء....ان شاء الله جايينكم بالدرب العديل...في اوائل اغسطس...ووقتها نلقاك ما عندك نزله...والبرطمانيه لسه فيها شيْ

يا قول الناس هنا....تأمرينا بشيء...من هنا...قبل ما نجيك...

نزار يا عزيز..

يا تلتمية ألف مرحبا.. وأول أغسطس جا خلاص.. في الانتظار..


أها كان بدينا في الطلبات باقي لي باقي البوست ده ما حيكفينا ..



تعال انت بالسلامة..

حمد الله علي السلامة


تخريمة

تمبو الغالي..

يااااااااااااااااااااااا

ليك وحشة آآآآآد كده.. والتخريمة عندك..

أفتقد تحدياتنا ومراويد وراوية والمطر والملكة..

أين تلك الأيام..؟




بل..



أين نحن..؟

وليد طه يا عزيز..

ربي يخليك ويحفظك يا رزين.. وبك وبقية من كسبنا من أخوة وأصدقاء هنا نصبح أكثر قوة وثقة..

دمت,, ودام ودنا

رجــــــــــــــــــــــــــــــــاء

ينصر دينك يا حمالة الازية و حمدا لله علي سلامة العودة
برغم النزلة و هي مرض عافية ان شاء الله تكوني شفيتني
منها تماماًً


فقرة الصفح و الترفع علي الصغائر تزن كل هذا البورد و تزيد

يديكي العافية

نصًار الغالي..

دعمك هو النصرة.. ووجود أمثالك في هذا الوطن يجعله كائن حي وحقيقة..

سلمت ايها العزيز..

الاستاذة رجاء
حمد الله الف على السلامة
وكل الشوق فى اكليل من الورد نودعه فى الروض العباسى
اهلن بيك والبورد نور
تحياتى

Welcome back

الاستاذه رجاء

ليك وحشه وسلامه العوده غنيناها في موال ، جيت هنا لسببين الاول الترحيب بسلامة العوده ،والتاني جيت اتعاقد معاك ، عندي بوست عن اجمتاعات التجمع في اسمرا بعنوان ( اجتماعات التجمع في اسمرا ..اكرام الميت دفنه ...وحدوووه ) اها ماعايزك تشاركيني الراي ( ماتخافي )..... فقط اريدك ان تثري هذا البوست بذكرك لما دار في اسمرا ، ولك مطلق الحرية في اختيار طريقة المشاركة ، ،،،،

كل الود رجاء ،،،

العزيز محمد عبدالرحمن..

تسلم يا عزيز..

الكلام والحكي عن أسمرا واجتماعاتها طوييييل.. وكلو مدوًن.. سأنشر الرسمي في الجريدة.. وأشارك بالرأي في البوستات المتساءلة باذن الله..

بوستك شفتو.. وعندي فيهو كلام ورأي حأكتبو ليك بمزاااج.. ما تخاف..

الغالي نصر..

الله يسلمك من كل شر..





أحن إلى صوت صديقنا المشترك.. مصطفى السني..

دمت.. ودام ودنا..

الحبوب بلدي يا أصيل..

ورودك مقبولة مع فائق العطر والود..

دمت أخا كريما وصديقا نبيلا..

الأحباب الكرام..

عذرا.. فقد أخذت "نزلة البرد" و"الحمى" مني كل هذا الوقت.. ليزداد كل هذا الشوق..

سأعود لكم فردا فردا..

العزيزة الاستاذة رجاء دبايتوي كووتيتوي ؟

اشواقا عارمه وترقبا شديد لما عندك من اخبارا وحكاوي جديدة ومثيرة

انا علي حس البرطمانيه جيبت لي (كوبا) وطبعا كوبا دي الصحن الكبير المصنوع من جزور الشجر في مناطق البجا وليس دولة كوبا الحمراء لكي اخذ نصيبي من الشمارات فيه ؟؟؟؟؟؟؟؟؟؟

وحمد الله علي سلامتك من النزله كنتي تدحرجيها من مرتفعات اسمراء وترتاحي وتريحينا منها

عودا حميد وطيب ان شاء الله

ولك الياسمين والفل وجميع انواع الزهور

علي احمد

عصفورنا المغرد
دئما تغيبى وتاتى بالجديد
لقد افتقدناك كثيرا
وتركيتي البورد يغلى
مرحب بيك
كل الشوق
احمد

أحمد يا غالي..

الله يسلم شبابك وعافيتك..

تركت البورد وهو يغلي.. واستمر في الغليان من بعدي.. وعدت لأجده أكثر غليانا..

لا تنزعج.. فالحركة دوما لخير.. فما يزعج هو السكون والموات..

فهمتني..؟

دمت أخا نبيلا وصديقا شهما..

الغالي علي..

دبايتوي كووتيتوي..

كل ما ألتقيت بأحد من أهلي في الشرق تذكرتك على الفور..

الأزمة التي تمت لم تكن مزعجة بالمرة.. بالعكس هي وضع طبيعي لشعب يحس بالألم والتناسي.. واعتذر عن بعض الصحف التي حاولت ان تخلق منه "خبرا"..

الأمور بخير.. لأن التفكير سليم والمطالب غير مستحيلة..

هل أصبحنا في زمن أصبح فيه العيش بكرامة مستحيلا..؟

دمت.. وسأتابع معكم في التعليقات عن الاجتماعات..

رجاء ذات الطلة البهية
مرحبا بعودتك و فقدناك
و كلي فخر بكي يا صحفية من بلادي ذات بصمات مميزة
الجوع كتلنا لحاجتين مجريات اجتماعات أسمرا ...و برطمانية المربى و يا ريت تكون دسمة و معاها زبدة كمان

الحبيبة ندوية..

سلمتي يا رفيقة من كل شر..

الجوعة الأولانية حأحلها ليك بالتدريج ان شاء الله..

أما الجوعة التانية أصبري بس كم ساعة كده.. وبالمناسبة هي تحالف جميل بين الصحافة وعالم الشعر والأدب..


أها قصرتا معاكي ..؟

العزيزة رجا
تحية واشتياق
ننتظر الكثير من الكتابة و ما زلنا اسرى ذاك البها والجمال الذي بهتنا له في شوارع اسمرا .. واجتماعات التجمع .. والحضور الكثيف لكل المعاني التي جهدنا لاستنطاقها و ها انا اكاتبك من الخرطوم و اطالع بفرح غامر كل اولئك الذين افتقدوك والذين شكلوا حضورا في هذا الزحام السوداني الجميل ..
ارجو ان ترسلي لي ايميل به رقم موبايلك وعنوانك الالكتروني
عنواني هو
[email protected]

العزيزة رجاء..

أنا جيت متأخر؟؟
سعيد بي عودتك يا رجاء..إفتقدنا قلمك..
أنتظر خواطرك عن الرحلة وكلي ثقة أنها ستكون بحجم الرجاء
وألف حمدآ لله علي السلامة.

الحبيب خالد..

وسعيدة انا اكتر بطلتك هنا..

مشتااااقة.. وعندي حكاوي جميلة ومطمًنة شديييد..

ما انزعجت لطول الاجتماعات.. لأني أؤمن بأن المفروض عمله المفروض انجازه.. وقد كان..

سأواصل معكم المتابعات..

تحياتي لأسرتك ولجيرانك..

تخريمة: نهار ده قال لي حيوصًل ليك الصور عشان تنزلها.. الحصل شنو..؟

بالله أتوصًى بصورة فردتك ..

لوووووووول


ليك وحشة..

العزيز وائل..

حمد لله على سلامة وصولكم للبلد..

أرسلت لك ايميلاتي ورقم التلفون..

التحايا.. للناس الحلوة كلها..

عودا حميدا يا رجاء ...واصلي فنحن نحتاجك صلبة

مصادمة لاتنكسر للمؤامرات الرخيصة التحية للمبدعات
تماضر وأشراقة وراوية وبالمناسبة أيه أخبار راوية
ـ واصلن فالطريق شائك وطو يل به كثير من المطبات
والالغام ومن هنا تأتي المحاولات الرخيصة لتكميم
أفواهكن وأخراسكن ولكن هيهات
كمال عباس

كمال عباس يا غالي..

تسلم من كل أذى.. تطمنني أحرفك وأحس بقوة وثقة..

دمت لنا سندا وذخرا..

راوية متواجدة.. انا زاتي افتقدها.. وكذلك تماضر والملكة وكل الناس الحلوة..


دام ودنا..

الغالية رجاء
الف سلامة
انت طيارتك الراجعة من اسمرا للقاهرة ما بتمر من دبى ما كان تنزلى تبردى الواطة
منتظرين زيارتك

محمد سيد أحمد يا غالي..

عايزني أجي دبي في درجة حرارة 50 من درجة حرارة 17 ..؟

كان لازم نأخد لينا "شوية" من شمس القاهرة حتين نجيكم..

توقعوني أول سبتمبر باذن الله.. يالله صلًحو حرارتكم ورطوبتكم ..

لووووووووول


سلمت يا عزيز..

العزيزة رجاء
حمد لله علي السلامة
ومعليش سامحيني جاءت متاخرة شوية

واحسدك علي هذا الحب ،حب الناس

منعم يا غالي..

متأخر أم غير.. يشرفني وجودك بأي بوست لي..

وكل هذا الحب.. يجد عندي أكثر وأكثر..

سلمت من كل أذى.. وحفظك لنا

الأخت رجاء
سلام
أنتبهت قبل قليل لردك

Quote: الغالي ورًاق.. الله يسلمك.. اتمنى ان تكون الأخبار الجاية من السودان حلوة.. عشان نحضًر الحلق والغويشة كمان.. دمت..

بس المرة دي يا رجاء حضري حاجة غير الحلق والغويشة
في الحقيقة إستقبلت في يوم 13 يوليو ولداً وأسميته محمد.. وأرسلت لك رسالة في نفس اليوم على جوالك.. ولكن ربما وجودك في أسمرا حال دون وصولها... ولود قاسم بوست بهذه المناسبة.

الظاهر على جيت متأخر شديد

رجاءً رجاء

تعفيها لينا المرة دى

وحمد لله الف على السلامة

ناجى

ناجي العزيز..

تسلم يا ذوق.. وطلبك متذكراهو.. المرة الجاية حأكون محتاجة لزول كاميرتو حلوة ..

دمت..

الحبيب ورًاق..

مبروك "محمد" وان شاء الله شايل أسمو.. وتشفو من أكبر وأنجح ابناء بلدنا..

ويتربى في عزكم..

الف سلامه يا رجاء ليك وحشه

الحبيبة هادية..

تسلمي يا غالية.. ووحشتك أكبر بجد انتي ويحيي والأولاد..

البركة فينا في الخال عثمان.. وتحياتي لأسامه وهاشم عبرك..

دمتي وسلمتي لينا يا غالية..

اهلا رجاء

شرفتي كتير....كتير

وحمد الله على السلامة

سيجيمان الحبيب خالص.. "شفت كيف" ..؟

بجد ليك وحشة كبييييييرة.. أفتقد كلامك الحلو (مرات مرات) .. وروحك الجميلة ووجودك معانا في اي وقت..

الله يخليك لينا.. ولأسرتك ولكل الناس البيريدوك..

بنفسجة البورد يا غالية

ويلكوم هوم وويلكوم بالكوم ذاتو

كمي اللخا عافيخا.... مرحبا

أن تأتي متأخراً خير من ألا تأتي ..

الليلة الخميس ....!!! ولم تتكرمي بعد بتوزيع البرطمانية!!!

إن شاء الله جبتي لينا معاك لانجيرا وزغني ...

تعرفي يا رجاء ، إسمك بالانجليزي بيشبه اسم واحد هندي شغال معانا!!

العزيز عبدالباقي..

كيمي ويعلكا..؟ سبًوغ..؟

كيف حالك..؟ كويس..؟

ازيك انت.. تصدق جبت معاي انجيرا وزغني لبت جيراننا الاريتريين، وكمان لعمي علي التوم.. لكن بعد عنك ما بنقدر ناكلها لأنها (صعبة) بجد على المعدة التبعنا..

تحياتي لـ Raja ..

سلمت يا عزيز من كل شر..

الحمد لله على السلامة..
قرأت مقابلتك مع زعيم حركة تحرير السودان المنشورة في البيان وسودانايل، ونقلتها إلى بوست "السودان.. وما أدراك ما السودان"..
رجاء السودان برجاء وأخواتها وأخوانها.. بالأقلام الجريئة، والنفوس الكريمة المسامحة التي تترفع عن الصغائر، والقلوب الكبيرة التي تتسع حتى للأعداء، لأنهم لا يعرفون أنهم إنما يعادون أنفسهم..

لك المودة والقومة..
كوبف هوخ.. ومعناها بالعربي "أنا رافع رأسي فوق" كناية عن الفخر ببنات بلدي..

العزيز الغالي ياسر الشريف..

ورأسنا أيضا مرفوع بأمثالك.. سلمت أيها الكريم.. وسأنظر للبوست لأني حتى الآن لم أطلع على مقابلة رئيس حركة تحرير السودان..

شكرا لكل كلمة قلتها.. وحفظك الله لي ولصديقاتي سندا وعونا..

ودام ودنا

العزيزة
إبنة أستاذنا الفاضل ومربينا من كنا مدرسين صغار
يساسق فينا
الحمدلله على السلامة
ولو إنه الغعودة من أسمرا بنفس جديد هى نعمة
حيث تجددت الروح
كيف جميع الأخوان والأصدقاء هنالك
حسن بندى ، عبدالملك عبدالباقى ، أبوقرجة ، اسماعيل
عبدالرحمن عبدالله ، ياسر عرمان
بازرعة
حسن توكر ، محمد عبدالله أبوالقاسم ، أمين عباس ، ادريس عوض الكريم
عبد الرحمن سعيد ،وأولاد البجا ـ كنة وباركوين وعلى الصافى ـ المهم جميع من هنالك
وكلمتنى آمنة ضرارإنك كنت نعم الأخت ليها
وكأنك يعنى من أسمرا
شوفى يا رجاء نحن من زمان منتظرين جيتك والمعلومات ـ بعد سلامتك ـ
والمجلة التى قلت عنها ـ أين سنجدها ـ نحن فى السعودية
فلا بد من الكتابة فى المنبر ـ وإلا فلإى ميل ودا صعب
شوفى يابنت أستاذنا يجب إمدادنا بشىء ولو نذر قليل
سلام ليك ثانية وحمدلله ألف على السلامة

صديق ضرار

العزيزة
إبنة أستاذنا الفاضل ومربينا من كنا مدرسين صغار
يساسق فينا
الحمدلله على السلامة
ولو إنه الغعودة من أسمرا بنفس جديد هى نعمة
حيث تجددت الروح
كيف جميع الأخوان والأصدقاء هنالك
حسن بندى ، عبدالملك عبدالباقى ، أبوقرجة ، اسماعيل
عبدالرحمن عبدالله ، ياسر عرمان
بازرعة
حسن توكر ، محمد عبدالله أبوالقاسم ، أمين عباس ، ادريس عوض الكريم
عبد الرحمن سعيد ،وأولاد البجا ـ كنة وباركوين وعلى الصافى ـ المهم جميع من هنالك
وكلمتنى آمنة ضرارإنك كنت نعم الأخت ليها
وكأنك يعنى من أسمرا
شوفى يا رجاء نحن من زمان منتظرين جيتك والمعلومات ـ بعد سلامتك ـ
والمجلة التى قلت عنها ـ أين سنجدها ـ نحن فى السعودية
فلا بد من الكتابة فى المنبر ـ وإلا فلإى ميل ودا صعب
شوفى يابنت أستاذنا يجب إمدادنا بشىء ولو نذر قليل
سلام ليك ثانية وحمدلله ألف على السلامة

صديق ضرار

العزيز الغالي أستاذي صديق..

تشرفت بالطبع بمقابلة الأخت الفاضلة د. آمنة ضرار التي هي فخر لنا أن تكون رئيسة لتنظيم مؤتمر البجة بالداخل.. ووجودها وحضورها الجلسات كان عاملا مطمئنا لوجود صوتنا في أي نقاشات او قرارات..

وسعدت بأن نزلنا في أوتيل واحد وجمعتنا نقاشات كثيرة..

كل أو معظم من سألت عنهم بخير..

حسن بندي كان ملازما لنا من لحظة وصولنا لمطار أسمرا وحتى مغادرتنا فهو مدير مكتب التجمع هناك والمسئول عن الترتيبات للاجتماع..

عبدالملك موجود و (مطحووون) مع د. منصور خالد.. ربنا يعينه..

أبو قرجة هو أبو قرجة.. الهميم الكريم (الممسووخ).. وطبعا كان برفقته هذه المرة شبله (شهاب).. ربنا يحفظه..

عبدالرحمن عبدالله الصديق الأستاذ.. المنظم والمتابع من أجل إذاعة التجمع.. والذي يقدم خدماته الجليلة في خدمة القادمين ولا يتأخر..

ياسر عرمان.. صديقي اللدود.. أو رجل الحكومة الجديد (الأسم الذي أناديه به حاليا).. كان حاضرا ومتابعا..

بازرعة المدهش.. سمعت عنه مئات القصص الظريفة، وعرفت انه في الأراضي المحررة يبدع..

الباقين بخير.. وفيهم من غادر..

صحيفتي اسمها "البيان".. وعنوانها الالكتروني:
http/www.albayan.co.ae

ويمكنك مراجعة الارشيف ايضا..

سأكتب عن د. آمنة ضرار.. لأنها تستحق..

ودمت أخا كريما وصديقا نبيلا..