خبر عاجل.. عودة الشيخ عمر محمد طاهر الى صفوف المعارضة

أفادت الأنباء الواردة من الأراضي المحررة بشرق السودان، أمس، وصول رئيس تنظيم مؤتمر البجة، الشيخ عمر محمد طاهر وبرفقته الحرس الخاص به من الخرطوم، ولم نحصل على أي تفصيل، الا ان مصدر موثوق قال ان الشيخ عمر أعرب عن تأكيد رغبته في العودة الى العمل المعارض.
هذا وسيصدر تنظيم البجة بيانا لتوضيح الأمر بعد الاجتماع المقرر لهذا الخصوص.
نشير الى ان رئيس تنظيم البجة كان قد عاد الى الخرطوم نهاية رمضان الماضي..

انتهى..

بعيدا عن الرسميات.. اسجل سعادتي برجوع شيخ عمر..
لأن تنظيم البجة الصامد لا يحتاج لتقسيم، خاصة في هذه المرحلة السياسية الحرجة التي يمر بها سوداننا..
لي عودة بمزيد من التفاصيل، ولكتابة رأي تحليلي لكل الموقف..
وعاش نضال أهلنا البجة،،

الاخت : رجاء

تحية طيبة

نعم عودة الشيخ عمر إلي صف تنظيم مؤتمر البجا مؤشراً واحضح بان
حكومة البشير لم تغير اي شئ من سياساتها الغير حكيمة ..
كما اشكرك علي تضامنك واحي فيكي الروح الثورية ..
فالتحية لنضال الشعب السوداني الصامد
باسبار

*

فى انتظار المزيد من التفاصيل والف مرحب بعودة الشيخ عمر محمد طاهر

شكرا زمراوي.. كلنا منتظرين التفاصيل..

يا الف مرحب بعودة شيخ عمر
كما يقولون لكل جواد كبوة.
اتمني ان يكون تعلم الدرس.
وهو رجل مشهود له بالبساطة والوطنية.
وحسب مع علمت من مصادري:
انه في لحظات رجوعه مؤخرا إلي السودان
وعندما وصل الحدود ترك سيارته وهاتفه الثريا مع من كان يرافقه
لانهما ليست ملكا له.
وترجل ماشيا علي قدميه ولم يكن يحمل إلا مسدسه الشخصي.

نهار

والله الشيخ عمر محمد طاهر حيرنا مايرسي علي معاهم والله عليهم يعنى بره والله جوه

طلع ليه
ورجع ليه
اكيد طلع لمصلحة
واكيد رجع لانه ما لقي المصلحة
ودخول الحمام مش زي خروجه ..كما يقول المثل

*

الاستاذة رجاء

عودة الشيخ عمر محمد طاهر تؤكد عدم جدية النظام فى التخلى عن مقاعد السلطة الا عن طريق الضغط الدولى ومااتفاقية السلام المرتقبة الا صورة تعكس ذالك.
وفى انتظار نفاصيل عودة الشيخ عبر البوست
تحياتى

السياسية: بعد عودته من التمرد مؤخرا

معتمد همشكوريب يدخل اريتريا وسط تضارب المعلومات
كسلا - الحياة
أفادت المعلومات الواردة (للحياة) من ولاية كسلا أن معتمد همشكوريب عمر محمد طاهر أمين عام مؤتمر البجا الذي عاد مؤخراً من التمرد غادر الولاية منذ ثلاثة أيام ودخل الحدود الاريترية وبرفقته اربع من السيارات الحكومية.
وأضافت المعلومات ان المعتمد طاهر كان قد ابلغ السلطات في كسلا انه يود تفقد قواته وذويه في المناطق المحررة غير انه دخل اريتريا بعد ان تزود بكميات من الاغذية والبطاطين.. وعلمت «الحياة» ان المعتمد طلب من اثنين من العسكريين الذين كانوا برفقته بالعودة إلى كسلا ودخل مع بقية مرافقيه الي اريتريا.
وتشير بعض المعلومات الي أن السلطات الارترية تحفظت على الرجل وربما اعتقلته هناك الامر الذي خلق تضاربا في المعلومات.

ياجماعه بصراحه كده المعارضه كلها فاشلها من الميرغنى وقرنق والمهدي وناس موتمر البجه والحزب القومي واله دريج وريك مشار كل يوم نسمع دى دخل ودى خرج يعنى واحد كده ثابت علي رايه مافي وناس الحكمه نفس الشي يوم البشير ضد قرنق وبكره معه والصادق مع الميرغتى بكره عليه والترابي ضد ضد قرنق وبره معه مبارك ضد الحكومه وبكره معاها معقول ديل ناس المعارضه المنتظرين منهم فائده. دا موصوع مطرشق اليوم تدخل مع وتصبح وزير والله حاكم وتهبر هبره وتمشي اروبا تعمل معارض وتبع شهادات الناس عشان اللجو السياسي بالف جنيه استرالينى علي اساس فلان كان معرض وله اراء سياسيه وقبض وسجن ودخل بيت الاشباح وتوقع عليها بالف جنيه معقول ديل فيهم فايده للبلد والله نحنا ضايعين وبلد عليها العو من سياسنها والحقيقه تقال الوحيد الما سمعنا عنه حاجه كعبه هو نقد الراجل الشريف العفيف الثابت علي رايه عفارم عليك يانقد لو في خمسه منك السياسه السودانيه كانت اتغيرت وبس عيبك مكنكش في القاده بتاعه الشيوعى دى ما اديت اي واحد فرصه

الأخت الفضلى رجاء
بعد السلام أولا نشكرك كثيرا على كل ما نطلع عليه وفى شتى المجالات والذى هو يثرينا فعلا . ثم المداخلات بين الفينة والفينة وعن طريق المختصر المفيد وهذا طبعا بأسلوبك الصحفى ولا أقول الرشيق أو الرصين بل المتمكن به .
فعلا موضوع رئيس مؤتمر البجة ـ الجناح العسكرى وعودته إلى الميدان ليس بالخبر العابر ، بل له وزن ويستدعى التحرى الدقيق واستقراء ما هو حاصل . تشكرى على هذا ورجاء ملاحقة المصادر لإعطاء مزيد من الإيضاح . وإن شاء الله متى ما تمكنت من الحصول على معلومة سأسارع بإلحاقها بالبوست لك الشكر
صديق

السلام والرحمه والبركه

طيب كدي قولوا لينا الصاح منو


حكومة الخرطوم ولا جون قرن ولا شيخ عمر

يعني الشعب السوداني ده تعبان في الفاضي
مره يكون مع المعارضه ويتكلم ويمجد في شخص ما
ويشتم في التاني وخلاص لمن يحصل الاتفاق....

تبداء الناس في تفتيش عيوب الاتنين وتبداء المعركه من جديد

اها قولوا لينا الصاح من
يا الناس الصاح
هسع شيخ عمر يرجع للحكومه يقولوا ليك هو ذاتوا بتاع مصالح .....

زي ما قال .....
هو مشى ليهم لي لو اصلا ما عايز يتفق معاهم ما كان يكون في محلو
هو القال ليهو تعال منو والله قصه عجيبه

Dears,,
Still no news,,
NO NEWS ,, GOOD NEWS