الفضول قتلني وأنا أدعبس في غرف البورد

الفضول قتلني وأنا أدعبس في غرف البورد


03-05-2003, 03:57 PM


  » http://sudaneseonline.com/cgi-bin/sdb/2bb.cgi?seq=msg&board=210&msg=1171850578&rn=0


Post: #1
Title: الفضول قتلني وأنا أدعبس في غرف البورد
Author: Raja
Date: 03-05-2003, 03:57 PM

اعزائي
جرت العادة ان ادخل للبورد وقبل ما أسجل أشوف آخر الأخبار وبعد كده ادخل طوالي على المنبر الحر، وبعد دخولي افتح بحركة اوتوماتيكية لأبحث عن المتواجدين في البورد..
هذا كل معرفتي ببوردنا الغالي.. لكن الليلة وبفضول شديد ولأول مرة دخلت على غرفة التعارف والزواج.. ما عارفة ليه؟ ليه دخلت أو ليه ما دخلت قبل كده..
المهم وجدت نفسي كالقروي في المدينة أبحث عن شئ أو لا شئ.. ويمكن معظمكم يعرف انني ما متزوجة، ولا أدري انا نفسي لماذا؟ المهم دخولي للغرفة بأمانة لم يكن للبحث عن زوج لأني تصفحت بروفايل البنات برضو.. وده نبهني لشئ.. هل يمكن ان يجد شخص ما نصفه الآخر في الغرفة؟
يا جماعة انا قصدت اشرككم في تجربة خضتها منذ قليل
رجاء

Post: #2
Title: Re: الفضول قتلني وأنا أدعبس في غرف البورد
Author: خالد
Date: 03-05-2003, 04:08 PM
Parent: #1

والله العظيم يا رجا نفس البرنامج انا كمان يومي بفتح اقراء الاخبار وافتح المنبر الحر وانا مشترك لي كم شهر اول مرة اكتب موضوع الليلة يعني بقرا بس وما بكتب لانوا بكري ما بقصر برسل على الايميل طوالي هو عارف المهم الليلة برضوا جاني فضول وقلت كدي اخش اشوف بيت العرس ده لكن للاسف لقيت الحفلة انتهت



baaaaaaaaaaaaaaaaaaaaaaaaaaaaaaaaaaaaaaaaaaaaaay

Post: #3
Title: Re: الفضول قتلني وأنا أدعبس في غرف البورد
Author: Raja
Date: 03-05-2003, 04:20 PM
Parent: #1

الأخ خالد
سلااامات
انا متأكدة ان معظمنا لم يدخل تلك الغرفة حتى الآن.. ولو دخلوها ما حيقولو لينا
تحية لشجاعتنا

Post: #4
Title: Re: الفضول قتلني وأنا أدعبس في غرف البورد
Author: خالد
Date: 03-05-2003, 04:34 PM
Parent: #3

والله ما داير احبطك لكن يا رجا دي شكله بورة مننا الاثنين لانوا اصلا الزول البخش المنطقة المحظورة دي زول ما عندوا جوي !!!!!!!!!!! عفوا للجملة لكن باين العندوا بطنش والماعندوا بخش يفك بورتوا انا قايتوا ما فاضي على الحاجات دي لكن الحمد لله ما باير




baaaaaaaaaaaaaaaaaaaaaaaaaaaaaaaaaaaay

Post: #5
Title: Re: الفضول قتلني وأنا أدعبس في غرف البورد
Author: Raja
Date: 03-05-2003, 04:37 PM
Parent: #1

خالد
المشكلة انو البورة حتى ما بتنفك في الغرفة دي.. ولا رأيك شنو؟
لا اقصد التقليل من زول لكن البورة لما تحصل إلا الشديد القوي هو البفكها
رجاء

Post: #6
Title: Re: الفضول قتلني وأنا أدعبس في غرف البورد
Author: خالد
Date: 03-05-2003, 04:46 PM
Parent: #5

رجا اسالك سؤال انتي رجا العباسي




خالد

Post: #8
Title: Re: الفضول قتلني وأنا أدعبس في غرف البورد
Author: ebrahim_ali
Date: 03-05-2003, 05:02 PM
Parent: #6

رجاء انتي ذااااااااااتيك الوادك تببعبسي شنو ما كان أحسن ليكي تكوني في البورد والباقي طلة من على البعد بس
لكن والله حقيقة أنا منذ إن ولجت إلى هذا المنبر دخلت إلى جميع اللينكات ولكن غرفة العرس تب عيني ما وقعت فيها هي دربها بي وين
قال عرس قال

Post: #7
Title: Re: الفضول قتلني وأنا أدعبس في غرف البورد
Author: Raja
Date: 03-05-2003, 04:59 PM
Parent: #1

أيوه يا خالد انا رجاء العباسي

Post: #9
Title: Re: الفضول قتلني وأنا أدعبس في غرف البورد
Author: خالد
Date: 03-05-2003, 05:03 PM
Parent: #7

بتاعت مشاكل

Post: #10
Title: Re: الفضول قتلني وأنا أدعبس في غرف البورد
Author: Raja
Date: 03-05-2003, 05:10 PM
Parent: #1

العزيز ابراهيم علي
أول ما تفتح المنبر الحر، وتمشي يمين كده عشان تشوف المتواجدين منو، تعاين بي تحت كده وتلاقي: غرفة التعارف والزواج، دبل كليك بالله وتكون دخلت بيت العرس
وقولينا عملت شنو فيهو
رجاء

Post: #11
Title: Re: الفضول قتلني وأنا أدعبس في غرف البورد
Author: Raja
Date: 03-05-2003, 05:12 PM
Parent: #1

يا خالد المشاكل الجابها شنو؟ انا بس قلت مشيت وين

Post: #12
Title: Re: الفضول قتلني وأنا أدعبس في غرف البورد
Author: خالد
Date: 03-05-2003, 05:14 PM
Parent: #11

المشاكل ممكن تعرفيها هنا



[email protected]

Post: #13
Title: Re: الفضول قتلني وأنا أدعبس في غرف البورد
Author: ايهاب
Date: 03-05-2003, 05:38 PM
Parent: #12

يا رجاء انا دخلتا و كل الناس دخلت
على الاقل من اجل الشمار
هسه شوفي ابراهيم دا عرس ليهو شهرين ما تم و برضو الشمار عجبو
يكون عايز يدبل
LOooOoooOoolz

يعني على الاقل من باب انو شي طبيعي جدا
انو الزول يشوف كل محتويات الموقع وحتى لو دخل من اجل كواسه شريك الدرب برضو ما عيب
ولا شنو

Post: #14
Title: Re: الفضول قتلني وأنا أدعبس في غرف البورد
Author: wadazza
Date: 03-05-2003, 05:39 PM
Parent: #12

رجاء

الأنصاص الأخرى دى وين...عسى ولعل





تحياتى
ودعزة

Post: #15
Title: Re: الفضول قتلني وأنا أدعبس في غرف البورد
Author: Raja
Date: 03-05-2003, 05:47 PM
Parent: #1

الأعزاء ايهاب وود عازة
سلام.. الله يطمنك يا ايهاب يعني الكل دخلوها الحمد لله والشكر للأستاذ بكري
ودعازة انت بتفتش على نص ولا شنو؟
تشجع وأفصح

Post: #16
Title: Re: الفضول قتلني وأنا أدعبس في غرف البورد
Author: omdurmani
Date: 03-05-2003, 06:50 PM
Parent: #1

دخلناها زماااااان....

Post: #17
Title: Re: الفضول قتلني وأنا أدعبس في غرف البورد
Author: ودالعباسية
Date: 03-05-2003, 07:53 PM
Parent: #1

الاخت رجاء

تحياتي

لكن بيني وبينك كدا انت كنت دايرة تشوفي ليك واحد احتمال تكون البورة حصلت ولا شنوا !!!1

مداعبة بسيطة وارجوا ان لا تفهميها غلط !! وعلي العموم انت عرسانك واقفين ليك بالصف بس انت قولي خير

Post: #18
Title: Re: الفضول قتلني وأنا أدعبس في غرف البورد
Author: doma
Date: 04-05-2003, 06:41 AM
Parent: #17

لووول طبعا انا لا ممكن ابحث عن زواج ولا طلاق لكين اول مره نبهتوني علي صالون العرسان وبالجد قلت لازم امشي اشوفوا الانسان عنده حركات قرديه شديده مش؟ اكيدتكون حبوبتنا وجدنا قرده

Post: #19
Title: Re: الفضول قتلني وأنا أدعبس في غرف البورد
Author: hala guta
Date: 04-05-2003, 07:32 AM
Parent: #1

سبق وان دخلت هذه الغرفة وراودنى نفس السؤال هل يمكن ان يكون فى زول جاد يبحث عن شريك/ة حياته/ا بهذه الطريقة ودة السؤال المهم
السلوك دة ممكن يكون مفهوم فى عقود مضت حيث الرجل لا يرى المرأة الا فى الزيارة للمستشفى ةالمرأة لا تخرج الا لبيت زوجها او قبرها ولكن الان وكل الفرص متاحة لتلتقى بشريك/ة حياتك فىالجامعة والعمل و..و...وتبحث عنها فىشرائط الفيديو وترشيحات الاخوات والخالات والعمات وتبحث هى عنه فى اعلانات الزواج مثل هذه ...هل هذه حالة من الهروب من مسؤلية الاختيار ام ماذا؟؟؟
اتمنى ان اسمع من الطرفين وياريت لو فى ناس خاضوا تجارب زواج بالطريقة دى يكون عندهم الشجاعة يتكلموا لينا عنها

Post: #20
Title: Re: الفضول قتلني وأنا أدعبس في غرف البورد
Author: قرشـــو
Date: 04-05-2003, 07:54 AM
Parent: #19



الغالية بت الغالى رجاء

لك التحية والاحترام

انتو ناس الصحافة ديل يعنى ما بتخلوا حاجة تعدى ساكت لازم تنقوا شعيرها..

هل تصدقى اننى حتى كلامك هذا لم ادخل تلك الغرفة ربما لاننى لست معنى بامورها وبعدين لانه ما عندى مؤهلات لدخولها كذلك عشان كده انا آثرت السلامة ومن بعيد لى بعيد..

ولكنى اختى لا اذيعك شمارا ان قلت لك انا اعرف ناس تزوجوا من خلال البورد يعنى المسالة واردة تماما وهنالك سوابق وما ننسى يا جماعة زمان الناس قبل هذه الوسائط كان ممكن تتزوج عن طريق الرسائل البريدية "شوفى بالهم كان طويل كيف" حتى اصبحت الرسائل شىء هام للغاية وتغنى له المغنيين وكانت ادارة البريد من اكفأ الادارات حينها..
الان الحكاية فيها ماسنجرات وايميلات وجابت ليها صور بالايميل يعنى الطبخة سرعان ما تستوى وبتوثيق اكبر وتأكيد اشد لوجود الكاميرات اثناء الشات وسماع الصوت ورؤية الصورة .. اها ثانى باقى شنو ؟؟

عموما التجربة نجحت فى كثير من الدول العربية والغربية وهذا لا ينفى فشل بعض العلاقات كذلك التى لم يكن اطرافها جادين بل كانوا يودوا تمضية الزمن بس ..

التحية للاخ بكرى لانشاء تلك الغرفة والتى لا يحق لى دخولها طبعا لانتفاء السبب الا اكان انطلاقة منى ساكت وبصبصة على البنيات والوليدات من باب الشمشرة بس..

لك تحياتى وودى عزيزتى




Post: #21
Title: Re: الفضول قتلني وأنا أدعبس في غرف البورد
Author: Raja
Date: 04-05-2003, 12:08 PM
Parent: #1

الأعزاء ودالعباسية وهالة ودوما قرشو
سلام وتحية
دائما وطول عمري اسمع انو العرس ده قسمة ونصيب .. ولم اقتنع ابدا بهذه الجملة السهلة التي يقولها اليائسون والمستسهلون عند اختياراتهم.. نعم أؤمن بالقدر لكن أؤمن ايضا ان ليد الانسان دور فيه، يعني ما ممكن يكون مكتوب اني التقي بشخص في الصين ما لم تقودني قدماي الي هناك.. وعليه قس
المهم انا من الناس الذين يؤمنون ان الشخص يعرف داخل نفسه في لحظة ما أو عند نظرة ما ان هذا هو شريك حياته ووالد ابنائه ومن يحب ان يدفن بجواره.. زمان كان الوضع ان تقبل المرأة بذلك المتقدم ثم تحبه بعد الزواج.. وكانت هذه الغالبية لأن معظم النساء تعودن ان يؤقلمن انفسهن على أي وضع يوضعن عليه.. لكن عندما لا يحدث هذا الحب المتوقع نجد المرأة حزينة وغاضبة مما يؤثر بعد ذلك على الحياة نفسها..
الآن الوضع اختلف ظاهريا لكن الحقيقة هي انه لم يحدث اي اختلاف بين نفسية بنات جيلي من نفسية حبوباتي وامي وخالاتي .. بمعنى اننا النساء لا زلنا ان يتم اختيارانا، ثم نؤقلم انفسنا على ذلك المختار، نعم اصبحنا اكثر جرأة في طلب الطلاق وان نربي ابناءنا بأنفسنا نسبة لأننا دخلنامجال العمل والاستقلال الاقتصادي اعطانا ثقة زيادة، ولم يصبح لقب مطلقة مزعجا ، لا بل اعرف شبانا كثيرين يتزوجون من مطلقات ، يعني ما بقت مشكلة خالص
نرجع لمرجوعنا، وشكرا لهالة، نريد ان نعرف تجربة اثنين التقوا اليكترونيا وتزوجوا
رجاء

Post: #22
Title: Re: الفضول قتلني وأنا أدعبس في غرف البورد
Author: alsngaq
Date: 04-05-2003, 12:21 PM
Parent: #21


رجاء
والله تجربة اتنين التقوا اليكترونيا دي كتلتني من الضحك عديل
اتخيلته انسان الي طوالي وقلته ياربي ليه ما فكروا
فى صنع مراة اليه او ربما حصل وانا ماعارف
والنسوان الغريبة ما اعطردوا على التسميه دي ليه
التقوا اليكترونيا دي حلوة عديل يا رجاء
لووول