فظل العاشقان يتناجيان حتى اشتعلت النار في كم جلابية قيس البيضا المكوية فصاحت ليلى قائلة :
( ماقالت ووب ) طبعا بل قالت :
قيس !! أنت غاد على خطر !!!
إدرك النار يا فتى ..
في كمك الأيمن إنتشر !
فرد عليها قائلا :
أنت أججت في الحشا ..
لاعج الشوق فاستعر ..
ثم تخشين جمرة ..
تأكل الجلد والشعر ؟؟
تصورو نار قيس اللي بتحرق الجلد والشعر ونارنا المشتعلة في وجدان الأغاني وليس في الفؤاد .
أخواني وأخواتي العزيزات أرجو من كل واحد منكم أن يمدنا بكلمات مشتعلة من الأغاني السودانية التي
تزيد البوست إشتعالا بس رجاء يابت الخليفة أوعى تقولي لينا ( جرب نار الغيرة ) خلاص جربناها و
انتهينا عايزين غنية سودانية وياريت عفاريت النت ناس د. مصطفى محمود والباش مهندس تمبس وأنور كنج
وكل الذين لديهم خبرة في تنزيل الإغاني لو يمدونامشكورين بأغاني أكثر إشتعالا لإثراء النقاش غير
الجاد .
خارج النص :
أشكر كل القراء الذين كلفوا نفسهم عناء الإتصال لأنهم إفتكروا إني حأسيب البورد و أقول ليهم أسيبوا
أمشي وين ؟ هسة أنا قررت أفك بيتي حق الإيجار دة بعد ما كان بخمسين ألف بقى بخمسة وتمنين وأجي
أسكن في حوش حاج بكري الكبير السمح دة بالمجان أصلي بحب ( البلوشي ) .
* الباش مهندس أسامة شكرا لك ..
* إبن الأخت العزيز هشام ما قصرت ..
اتصالاتكم أكدت لي أنكم لا زلتم تتابعون سودانيز أون لاين في السودان وهذا مكسب كبير بالنسبة لنا
كأعضاء . وفتكم بعافية ..
Post: #2 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: ناذر محمد الخليفة Date: 11-30-2007, 09:48 AM Parent: #1
سلامات يا عواطف وجمعة مباركة ..
ممكن أخت الغنية دي في بوستك دا ؟
أهديها ليك وللزوار من قسمة :
Post: #3 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: malik_aljack Date: 11-30-2007, 10:12 AM Parent: #2
دي ياتو نار الحيه
(بمقياس زمنا دا)
الله يكضب الشينه
البتقول
العريس نارو مطفيه (ما طفت)
Post: #5 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 11-30-2007, 10:16 AM Parent: #3
ود الجاك !!!
تحية لك وأخرى خاصة لأولادك الحلوين ديل ,,,
عليك الله يا مالك لو ترجمتو الأغاني المشتعلة وعملتوها في سي دي دي الإمريكان حيقولو شنو ؟ عايزة
أعرف لوسمحت !
مودتي ,,,
Post: #4 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 11-30-2007, 10:13 AM Parent: #2
الأخ الحبيب ناذر !!!
جمعة مبارك يا عريس ,,,
ممكن دة أيه ؟ ممكن ونص وخمسة ,,,
الوست بوستك ,,,
نورت وشرفت ,,,
تحياتي لعروسك الحلوة ... طبعا شفت الفيدو مع ماجدة عوض يا بختكم استمتعتو بالحفلة ,, بتصدق يا ن
ناذر الاغنية ما فتحت عندي لكن سمعتها سمع بس وريني الصبر والنوم غلبوك ليه ياعريس ؟
Post: #8 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: مدثر محمد ادم Date: 11-30-2007, 10:25 AM Parent: #4
طوفه سلامات وجمعة مباركة
يعني ذي النار ولعت بي قلبي بتطفيها....
وتسلمي
Post: #11 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 11-30-2007, 10:33 AM Parent: #8
دودي !!!
سلامة ألبك أيها الشاعر الرقيق ,,,
ودي ,,,
Post: #10 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: هاشم أحمد خلف الله Date: 11-30-2007, 10:29 AM Parent: #4
عطوووووووفة !!!
جمعة مباركة اها شوفي مشاركتي دي كيف ؟؟؟؟؟؟؟؟؟ التحية للاستاذ يوسف الموصلي الذي قام بعمل توزيع لهذه الأغنية الجميلة .
Post: #12 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 11-30-2007, 10:37 AM Parent: #10
هشووووووووومي يا رايع !!!
والله فرحت بجد فرح كتير وأكاد أطير من الفرح !
شكرا لك للمشاركة الجميلة وللزول الرايع حبيبنا الموصلي ,,,
بس الجاب الهجر شنو يا كافي البلا ؟
Post: #6 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: ناذر محمد الخليفة Date: 11-30-2007, 10:20 AM Parent: #1
مشكور يا عواطف ...
وتحياتك وصلت للمدام ..
Post: #7 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: Nader Abu Kadouk Date: 11-30-2007, 10:23 AM Parent: #6
علمتني معنى الحياة يا أبو العيون الحلوة
عرفتني سحر الجمال وين منبعو سمعتني نغمو الجميل ما اروعو شوفتا النجوم في سناياك يلمعو لحظات واشراق الجمال ودعو يا ابو العيون الحلوة
عرفتني أهوى الجمال وأقدسو وأيقظ مشاعر الناس عليه لو كان نسو حب الجمال زي الهوى البتنفسو لكن بخاف من العيون لو كان قسو يا أبو العيون الحلوة
يا آية من صور الجمال المشرقة يا جزوة من نار الغرام المحرقة يا نجمة في طول الليالي مؤلقة وقلبي الرهيف بي علاك لمن ارتقى
Post: #9 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 11-30-2007, 10:26 AM Parent: #7
ندوري !!!
جمعة مباركة يا إبن الأصول !!!
نار الغرام المحرقة دية يطفوها كيفن عاد ؟ غايتو إلا بطيارات الرش !!!
Post: #13 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: حيدر حسن ميرغني Date: 11-30-2007, 10:49 AM Parent: #9
ما اجمل اغاني أعراسنا
صادقة ونبيلة
الله يبارك كل راسين فى الحلال
Post: #14 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 11-30-2007, 11:25 AM Parent: #13
الجميل حيدر !!!
شكرا يارايع ,,,
وبهذه المناسبة السعيدة ( راسين في الحلال ) أهديك هذه الأغنية :
يا رايع جفيتني وأنا ضايع تعال لي ,,,
رايك شنو ؟
ودي
Post: #15 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 11-30-2007, 11:29 AM Parent: #14
المتداخلون الأعزاء!!!
تحية مولعة ,,,
خليكم قاعدين في بيت الحفلة المشتعلة دي لغاية ما أجيكم بكرة مافي أي حظر تجول ولا ليت بيرمشن
مشكورين على الصبر وطول الإنتظار الأحر من النار,,,,
Post: #16 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عبدالكريم الامين احمد Date: 11-30-2007, 12:28 PM Parent: #1
تمشي وتجتي يا عواطف تلقينا حارسين المساحة دي عشان ونستك الطاعمة دي.. وسريع سريع بالله تعالي لينا
Post: #17 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 12-01-2007, 08:13 AM Parent: #16
عبودي !!!
سلامات واحترامات ,,,
مشكور على الحضور وآسفة على التأخير أصلي مشيت أجيب فنانين ملتهبين عشان يشعلولوها !!!
Post: #18 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: الطيب شيقوق Date: 12-01-2007, 11:04 AM Parent: #17
عواطف عناوينك حارة ومقدمتك تشعل النار جووووووووووة ربنا يخليك يا سمحة المحيا وسمحة الكلمة
Quote: أرجو من كل واحد منكم أن يمدنا بكلمات مشتعلة من الأغاني السودانية
اها يلا بعد شكري الفوق ده ممكن نشارك بنيران الدوبيت لانو فيهو واحدين بدوبوا وبختوا اصابعهم في آذانهم وبجرّوا النمة ورؤسهم منتكية على الواطة من شدة لهيب جمر الكمائن المولع جووووووووووة.
الله يجازي محنك يا العواطف ما بتخافي الله تجيبي لينا في محن تجنن عديييييييل كلما نقول نقيف من بوستاتك تشعلي فينا النار ونجيك جارييييييين .
روضة داخل روضة غني فيها كنار شوف جبينا الهل ضوّ فوقه فنار منه هل الشارع منه بقّ ونار طالعة ما بتقابل زي لهيب النار تحرق البتهابل والبعيد في نار
هيييييييييييييع الشيئ قنبلة هيروشيما ولا السلاح النووي الايراني ؟
Post: #19 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: ابو جهينة Date: 12-01-2007, 11:23 AM Parent: #18
الأخت عواطف
تحياتي
لو قسْنا الكلمات : ووووب علي العريس نارو حية : بمقياس المعاني التي في بطن الشاعر أو الشاعرة .. فربما أخذتْنا إلى مناحي أخرى غير المعنى المطروح في مقدمة ليالي الأفراح و الليالي الملاح .. فالعريس من بداية العرس : فتح الخشم و سد المال و العقد و الحنة و ليلة الدخلة : كلها أيام تجعل من نيرانه تحيا سرمديا بل و يكون لهيبها كما اللهب الخارج من منصات آبار البترول لا تنطفيء.
و لكن المعنى الآخر الراقد في بطن الشعراء هو أن هذه النيران يمكن أن تكون بسبب جيوب العريس التي تسخن من كثرة إدخال يده و إخراج رُزَم المال يومياً من فتح الخشم و حتى يوم فطور العريس الذي لا يذوق من هذا الفطور و لا ( فتفوتة ) ...
و بما أن الجو في السودان أصلا ملهلب و مولع .. فإن أي أقل نار في فؤاد العريس تزيد من إشتعال بقية الفتيل.
و لا أدري لماذا تقول تلك المغنية ووووب ... مع أنو النيران لا تصل مياهها الإقليمية لا من بعيد و لا من قريب ...
سنعود كان ربنا أبعد العوارض
Post: #21 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 12-02-2007, 11:37 AM Parent: #19
الرائع جدا أبو جهينة !!!
أسعدتني ربنا يسعدك ,,,
بتصدق ضحكت جنس ضحك ما عادي مع إني ما بضحك بالساهل خصوصا في حكاية النار ما بتصل مياهها الإقليمية
عارف كلامك دة ذكرني باستراحة كتبها أخونا سابقا جعفر عباس لمن كان صحفي في جريدة الإتحاد قبال كم
سنة كدة ,, عنوان الإستراحة ( على نفسها جنت براقش ) كان بحكي عن نفسه يوم زفافو كيف الناس فرحانة
تنطط وترقص بعدما أكلت وشبعت على حسابو وهو يسب ويلعن فيهم وماكان حاسي أبدا بوجود العروس القاعدة
جنبو لأنه كان مغيوظ منها وبعتبرها سبب البلاوي كلها المهم جعفر قال الناس فرحانة وهو النار ملهلبة
فيه وقاعد يحسب في الديون البنك الفلاني عايز منو كم والبنك العلاني عايز كم وهل النقطة حتغطي ربع
الخسارة إلى آخره ليصل في نهاية المطاف إلى أن براقش قد جنت على نفسهابالفعل ,,
شكرا مرورك يسعدني ,,,
Post: #20 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 12-02-2007, 11:29 AM Parent: #18
ود شيقوق !!!
يسعد صباحك الجميل ,,,
لاكين ما تقول لي النار البتبق براها دي صعبة خلاص بس رايك شنو في الكلمات دي ؟
النار والضيق عليا
يا الهجروك عليا!!
أهلك شعروا بيا
يا الهجروك عليا
رفعوا علي قضية !!
يا الهجروك عليا
طبعا أنا مخصوص أهديتك الأغنية دي عشان أضمن لي مرافع شاطر !!!
Post: #22 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: الطيب شيقوق Date: 12-02-2007, 11:45 AM Parent: #20
Quote: النار والضيق عليا
يا الهجروك عليا!!
أهلك شعروا بيا
يا الهجروك عليا
رفعوا علي قضية !!
يا الهجروك عليا
طبعا أنا مخصوص أهديتك الأغنية دي عشان أضمن لي مرافع شاطر
ممكن اتقدم بطلب تفاصيل حتى يتسنى لى اعداد مذكرة الدفاع يا العواطف ؟
Post: #25 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 12-02-2007, 11:54 AM Parent: #22
ودشيقوق !!!
سلامات ,,,
تجد التفاصيل في المرجع بتاع أغنية تاكل في صحانتنا الخاينة خانتنا !!!
هل عرفت سبب رفع الدعوى؟؟؟
Post: #24 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: هاشم أحمد خلف الله Date: 12-02-2007, 11:52 AM Parent: #20
يا ربي البت دي انا شايفها وين وين !!! ما متذكر
Post: #28 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: عواطف ادريس اسماعيل Date: 12-03-2007, 10:15 AM Parent: #24
هشووووووووومي !!!
سلامات ,,,
البت دي شفتها في بيت الحفلة بتاعة العريس النارو حية !!
وين الأغاني المولعة ,,, في الإنتظار على المدار ,,, ودي ,,,
Post: #23 Title: Re: وووب عليا العريس نارو حية !!! ثقافة النيران الحية في وجدان الأغاني السودانية !!! Author: Halema2 Date: 12-02-2007, 11:52 AM Parent: #1
الاخت العزيزه عواطف سلام مربع تعرفى انا لى زمن قاعده اسمع بس اغانى بنات وكل يوم بتاكد بانو النسوان او البنات ديل ما سهلات والله واكاد اجزم انو اغلبية الشعب السودانى وفى الزمن الصعب دا ما برتاح الا لى غنى البنات ديل , لانهن بعبرن عن الداخل بكل سهوله وبدون لف ودوران نرجع للنار عندك مثلا اغنية : النار النار يا حبيبى قلبى الشمال ولا كتفى ما عارفه مليان بالنار يا حبيبى النار النار يا حبيبى قلبى او كتفى اليمين مطعون سكين يا حبيبى النار النار
