الحفلة مدورة للصباح والعريس ما جا رايك شنو يا بكري ؟؟؟

الحفلة مدورة للصباح والعريس ما جا رايك شنو يا بكري ؟؟؟


02-11-2007, 07:03 AM


  » http://sudaneseonline.com/cgi-bin/sdb/2bb.cgi?seq=msg&board=203&msg=1177827528&rn=0


Post: #1
Title: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-11-2007, 07:03 AM



يفترض أن يكون الزواج مصدر فرح وسعادة كان لأهل العريس ولا العروس لأنه عمل خير ويوفق راسين في الحلال

طبعا الكلام دة بنطبق على كل أمة محمد ما عدا نحنا السودانيين أول ما ولدنا يفتح خشمه ويقول عايز

فلانة.. ينعقد مؤتمر وطني في البيت والكل يدلي بدلوه مثلا أخته العانس تنط ليه أول واحدة وتقول ليه

إنت عملت شنو لناس البيت عشان تعرس من هسة ياخي بطل الأنانية وحب النفس وأبني بيتكم المكسر دة وما

كلنا قاعدين في زول فكر في العرس ؟ ( طبعا هي ما قاعدة بمزاجها القطر فاتها وعايزاه يفوته هو كمان

تقوم أمه علي حيلها بت فلانة لا لا لا دي أمها يوم بكا ناس فلان قالت فيني كلام ما يعلم بيه إلا الله والله

لو تموت ما بتعرس بتها وقبل أن يشيل العريس نفس تقوم أخته الصغيرة المفعوصة تقول ليه والله هي ذاتها

لا سمحة لا حاجة ... قصيرة ومكعبرة ومذدرية على الفاضي ... خالتو اللي صمتت دهرا ونطقت كفرا قالت

ليه العروس دي أبوها جعلي لكن حبوبتها ما بت بلد ( ما عارفين دي بلد منو؟ ملعون أبوكي بلد) ضربات

قلب العريس بدأت تسرع وقبل أن ياخد نفس نط أخوه العاطل عن العمل ياخي سهام منو البتعرسها دي أخوها

فاتح ليه أربعة مغالق خلال سنة واحدة ماعارفين القروش جابها من وين وكمان أنزيدك من الشعر بيت

أختها الوسطانية الشلق ديك قالو قبضوها في كشة ... حفلة رابة فيها كل الممنوعات بس هجمو عليهم

ناس بسط الأمن الشامل والأمر بالمعروف بالكوامر وبيتهم في الحراسة ( حرام عليكم ما تسيبو الخلق

لخالقهاوناس الأمر بالمعروف ديل خليهم يطبقوا الكلام دة على روحوهم ) بعد كل هذا الجدل البيزنطي

صرخ العريس بأعلى صوته ما العرس دة ذاتي خليتو شوفو ليكم موضع تاني .

عندي صديقة عزيزة أحبت شاب مهذبا وخلوقا زميلها في العمل وأنا كنت في ذلك الوقت في سنة ثانية

جامعة .. المهم أم العريس حلفت ستين يمين يا ولدها يعرس بت أختها يا تقطع .... عشان كدا أنا

بنصح المواليد الجدد عليكم بالبزازات عشان ما تقعوا في المأزق العجيب الذي لا تعرفه أي أمة سوى

أمة الأمجاد . صاحبنا الرقيق والجميل حاول مع أمه بكل السبل فتظاهرت بالإقتناع فهرول العريس المنتظر

إلى صديقتي ليقول لها حنجيكم يوم الخميس خلاص الحاجة وافقت ... صاحبتي ما صدقت جاتني طيران في

داخلية الجامعة .... أسمعي يا عواطف الأسبوع دة ما تمشي بيتكم تجينا من يوم الأربع يعني معليش

دكي يوم الخميس ما إنت أصلك في كلية الآداب لو غبت السنة كلها ما حيجرى حاجة قلت ليها أحسن حاجة

أصلو بكرة عندي محاضرة واحدة مع دكتور الواثق ( شاعر أمدرمان تحتضر) وأنا من يوم ما كتب القصيدة

دي أعلنت عليه الحرب ... المهم مشيت لصاحبتي من يوم الأربعاء وهاك يا تجهيز ... عصاير .. تورتات

شكولاتات أشكال وأنواع ... البيت لمعناهو خليناهو زي البيت الأبيض ... مشينا الكوفير .. قومنا

الدنيا وما خليناها تقعد وأهل العريس أدونا ذمبة كبيرة وما جوا وبعد الساعة إتناشر اتصل العريس

بصوت مبحوح معتذرا عشان والدته الحبيبة رفضت الحضور رفض بات وقصدت بهذا الفصل البايخ أن تذل أهل

العروس .

وأنا لسة في الجامعة في السنة الأخيرة ( غايتو حضرت ليكم جنس أحداث الله لا يوريكم ) عزمتني صديقة

طفولتي وزميلة دراستي قمر الطيب ربنا يديها الصحة زواج صديقة أختها وزميلتها في العمل ( واحدة

فاتها القطر وعايزة تحصلو بالقوة) مشينا الحفلة وكانت قاجة والفنانين أشكال وألوان الأكل حدث

ولا حرج يعني عرس ذي ما بقولو اللبنانيين متعوب عليه وأتاري كله كان من جيب العروسة .. معليش

استحملوني أطلت عليكم( طبعا الناس البحبو الشمارات حيقولو لي لا أطلتي ولا حاجة واصلي ) المهم

ياجماعة الخير الساعة 12 العروس جات براها من الكوفير بدون عريس وشها يلعن قفاها وقعدت المسكينة

سرحانة طول الوقت والماناقشين يرقصوا عربي وأفرنجي بعد شوية طلع أخوها وقال يا جماعة مازال الليل

طفل يحبو ( دي ما سمعت بيها الا عند أمة الأمجاد مليون سنة والليل طفل يحبو) والحفل مستمر .. بعد

شوية قال يا جماعة نأسف لعدم حضور العريس لتعرض موكبه لحادث حركة ( دة عريس ولا وزير ؟ ) المهم

يا أخوانا قعدنا في الحفلة لمن ا صبحت وجابو لينا شاي بليقمات والعريس ما جا .. قلت لقمر

صاحبتي يا أختي هوي الحكاية دي فيها إن قومي يلاكي ناخد لينا نومة وبعد داك أنا بمشي الداخلية

وفعلا مشينا ونمنا وقعدنا منتظرين نعرف الحصل شنو لغاية يوم السبت أختها مشت الشغل لقت العريس

قاعد في مكتبه قالت ليه كدا يا علي تعمل فينا مقلب قدر دة قال ليها والله مرتي كانت متابعة الموضوع

من أولو ولما شافتني لبست البدلة والكرفتة وعايز أطلع قفلت باب الغرفة بالمفتاح ومشت أهلها و

ماجات إلا الصباح وبعد كدة ما عندي وش أمشي ليهم خفت أخوانا يضربوني بالعكاكيز .. أخي في البورد

ماذا كنت ستفعل لو كنت العريس ؟؟أختي في البورد بعد الشر عليك ماذا ستفعلين لو كنت العروس ؟

إجابة صريحة وخليتكم بعافية !!!!.

Post: #2
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: بكرى ابوبكر
Date: 02-11-2007, 07:35 AM
Parent: #1

Quote: ماذا كنت ستفعل لو كنت العريس ؟؟


الحبيبة عواطف ادريس اسماعيل
شكرا ليك كتير و دائما بوستاتك جميلة وشيقة و واقعية ....وبتجبر الواحد يدخلها............اما بالنسبة لسؤالك اعلاه كنت حا اخلى اصاحبى يفكوا اشاعة بانوا ناس الامن اعتقلونى وبرسل واحد منهم يمثلنى.....

وشكرا ياغالية

واهديك هذه الاغنية افتحى السماعات

Post: #6
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-11-2007, 09:08 AM
Parent: #2

أخي الحبيب والغالي جدا بكري

مرورك وثناؤك على البوستات أسعداني كثيرا وفي الحقيقة الشكر مش لينا إحنا بل لك عاطر الثناء لأنك

أنشأت واحة جميلة يلتقي فيها الأحباب على أختلاف مشاربهم تحت مظلتك ورعايتك الكريمة ... بصراحة

يا بكري نحن سعداء وفخورين جدا بشخصك وبنتمنى ليك كل خير ... بمناسبة لو كنت العريس بقول ليك

تبرى يا ودامي من ناس الأمن ديل أخير منهم عكاكيز أخوان العروس ... دقة وتفوت ولا حد يموت ... شكرا

سيد الحوش الكبير ... مودتي .

Post: #3
Title: الحفلة مدورة للصباح والعريس ما جا رايك شنو يا بكري ؟؟؟
Author: الفاتح خليل الفكي
Date: 02-11-2007, 08:03 AM
Parent: #1

الأخت / عواطف
سلام واحترام ،،،
لقيتك شمارك عجيب منتظره في الحفلة للصباح وبتشربي كمان في الشاي بالقيمات
انتو منتظرين العريس ولا منتظرين القطر
وبعدين صاحبتك دي عاوزه شنو براجل المرا ما تشوف ليها واحد تاني ما متزوج
ولا هي سمعت مقدماً باغنية راجل المرا حلو حلا
اقول راي اخونا بكري شنو سوف يجمد عضوية العريس والعروس والمعازيم كمان اعملي
حسابك واهربي وخلي شراب الشاي بالقيمات .
تقبلي تحياتي ،،،
أبو كريم

Post: #7
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-11-2007, 09:19 AM
Parent: #3

أخونا العزيزأبو كريم

مودتي

لسة الشمار التقيل جاي في السكة وبعدين معاك ... حرام عليك تحرم العروس من العضوية هي ناقصاك ياخي

العريس معليش لأنه ما عارف حدود إمكانياته ومقدرته على مواجهة مرتو والعروس ذاتها تفتكر لو ما

انجبرت بعرس راجل المرة ... ؟؟؟

Post: #4
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-11-2007, 08:58 AM
Parent: #1

يا عواطق اهو بكري جاب الحل !! لحين النظر في امر الشعوب السودانية كخلق الله الاخريين .. يعني لحد الزمن البتختفي قيه من السودان اجهزة حماية السلطان وبيوت اشباح ؟؟ ولخد ذاك الوقت تبقي توصي صاحباتك وصحبات صحباتك انو هن يعملن بيوت اشباح خاصة لمثل هؤلاء حتي ميعاد العرس من بيوت الاشباح الي الكوشة واحسن علي طول الي الاوتيل او القطر او الطيارة او اللوري او اي حاجة يطفشو بيها ويقدرن علي الجنس الملاوع دة ...

Post: #8
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-11-2007, 09:25 AM
Parent: #4


والله يا أبوبكر كلامك في محله المفروض الواحدة من يوم الخطوبة تفرض على العريس حراسة مشددة وبعد

كتب الكتاب تقفلو في غرفة لغاية يوم العرس عشان الزوغة دي والله في قصص كتيرة ما ذكرتها إحتراما

لمشاعر صاحباتها ... شكرا على مرورك الجميل .

Post: #5
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abas
Date: 02-11-2007, 09:02 AM
Parent: #1

لقيتك لكن

شمشارة شمشرة

والله انا لو كنت العريس

اكاااااااااااااااااااااان



















طفشت من البلد

Post: #9
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-11-2007, 09:28 AM
Parent: #5

عباس العزيز

تحياتي

الشمارات كتيرة ولو كنت العريس كنت طفشت دي حلوة لكن عريسنا داك طلع بارد ودمه تقيل ربنا رحمها

منو ...

Post: #10
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: علي محمد علي
Date: 02-11-2007, 09:39 AM
Parent: #9

Quote: أصلو بكرة عندي محاضرة واحدة مع دكتور الواثق ( شاعر أمدرمان تحتضر) وأنا من يوم ما كتب القصيدة

دي أعلنت عليه الحرب





العزيزة عواطف قصصك شيقة وواقعية كما ذكر صاحب الحوش ، ولكني ارجو الاتفوت عليك محبتك لمدينتنا العريقة ، الاعجاب بشاعرنا الكبير وقصائده المخضرمة

Post: #11
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-11-2007, 10:54 AM
Parent: #10

أخي العزيز علي

تحياتي

شكرا على مرورك الجميل .. أنا برضه معجبة بشعر د. الواثق ولكن في الوقت نفسه ما برضى في أمدرمان

لذلك أعلنت عليه الحرب الباردة .. عشان ما تزعل نسحب كلمة حرب ونستبدلها بالعصيان المدني ...

مودتي .

Post: #12
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: د.محمد حسن
Date: 02-11-2007, 01:39 PM
Parent: #11

مرتو دي عليك اله يا عواطف مش شغالة في السجون

وهو الدلدول ما كان ينط بي الشباك

والا يلف عليها طلاق

وبيني وبينك هو كب الزوغة ولقى ليه سبب

Post: #13
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: رأفت ميلاد
Date: 02-11-2007, 05:40 PM
Parent: #12

Quote: ماذا كنت ستفعل لو كنت العريس ؟؟
أبوس يدى قلبه وعدله

Post: #14
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: هاشم أحمد خلف الله
Date: 02-11-2007, 06:12 PM
Parent: #13

الأخت عواطف

تحياتي

والله انا زعلان منك , عارفة ليه كل مواضيعك بندخل فيها ونشارك لكن انتي الظاهر عليك بخيلة

بخيلة وكمان شمشارة والشممشرة من شيمة النساء لكن بيني وبينك كده مرات مرات بتكون لذيذة

والدليل علي كده , عندي الوالدة الله يطول في عمرها ويديها الصحة والعافية علاقتها مع زوجتي

قوية جدا ( ما بت اختها ) يوم اتصل عليها واسلم عليها واخد رضاها , تقول لي مرتك وينا

اقول ليها والله يمة انا في الشغل , يعني انا بتكلم معاك تقولي لي وينا مرتك ؟؟

تقول لي انت ما عندك شمارات دايرا بيك شنو ؟؟0

وانا لو كنت في مكان العريس كنت عملت السبعة وذمتها عشان اهرب من البيت هذا اذا كنت فعلا

مقتنع بالعروسة موش لو القطار فاتها انشاءالله لو الطيارة ذاتها فاتتها 0

وبرضو زعلان 0

Post: #15
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-11-2007, 10:55 PM
Parent: #14

الأخ العزيز هاشم

مودتي

والله أنا بشكرك كتير على مداخلاتك الطيبة ولست بخيلة ولكن في ناس بتكتب

في السياسة وأنا بكره السياسة وبتمنى لو أفدر أتداخل في موضوعاتهم

إضافة لذلك ضيق الوقت والله بكتب بالعافية وبرد بالعافية الشغل عندنا

زي الهم على القلب ... أمك عفيت كنها حاجة مواكبة الأحداث والشمارات.

Post: #16
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-11-2007, 10:58 PM
Parent: #13


أخي العزيز رأفت

ليك وحشة ... يعني تصمت دهرا وتنطق... شكلك كدا العروس ما عجبتك عشان

كدة بتبوس إيدك وش وضهر ... معزتي .

Post: #17
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-11-2007, 11:06 PM
Parent: #12

أخي الحبيب د. محمد

أحي فيك هذه الشجاعة النادرة بتصدق معظم الأزواج أسود وقدام نسوانهم

نعامة تجفل من صفير الصافر هو زي ما قلت ضرب أخماسه في أسداسه وكب

الزوغة ... وبعدين مرتو دي مش شغالة في السجون دي عشماوي عديل كدة شكرا على

مرورك الجميل .

Post: #53
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: صلاح الدين عبدالله محمد
Date: 02-17-2007, 01:47 PM
Parent: #12

عفوا

Post: #18
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: celecon
Date: 02-12-2007, 07:16 AM
Parent: #1

الاستاذه عواطف

قبل ما أرد على سؤالك عاوز أؤؤكد على كلامك

Quote: لكن في ناس بتكتب في السياسة وأنا بكره السياسة


وانا من النوعية دى وفى ناس لجهالة ما فى عقولها بيعتبروا انو الواحد لازم يكتب فى السياسية وماشابه ذلك لكى يكون مفيدا فى البورد.

اما عن العريس فده لو انا واصلا كنت متزوج تانى يوم الصباح ح ابوس ايد زوجتى لانهاانقذتنى من دمار شامل ...

وليك التحية ،،،

Post: #19
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-12-2007, 07:23 AM
Parent: #18

العزيز سيلكون

مودتي

والله بشكرك على الشعور المشترك وهو كراهية السياسة أي فن الكذب والنفاق والدمار والخراب والضحك

على الدقون ... أما إذا كنت العريس دي تخليني طوالي أقول ليك تبرى وتستبرا عارف ليه لأنه ماعنده

شخصية وكان طمعان في فلوسها ليس إلا ... يعني بصراحة هو عايزة واحدة تدلعو وتصرف عليه وعلى أولاده

وزوجته لو عرفت حكاية الصرف دي ما كان قفلته بالمفتاح .

Post: #20
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: بكري اسماعيل
Date: 02-12-2007, 03:44 PM
Parent: #19

أختنا عواطف

التحايا لك ولضيوفك الأكارم

تعرفي عريسكم دة حسبها في آخر لحظة ولقاها ما جايبة حقها ( العرسة التانية ) قاماأداكم مكنة من بنات أفكارو .. أما لو كان جادي وفعلاً حصل الموقف دة فمني ومنو أعمل حفلة تاني يوم وألم كل المعازيم كيتةً في المرة الأولى ..

Post: #21
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-13-2007, 06:24 AM
Parent: #20

العزيز بكري

مودتي

والله كلام صاح مية في المية العريس ضرب حساباته ولقى العرسة مخستكة وما جايبها سعرها رغم إنه ما دفع

ولا مليم عشان كدا زاغ وخلى العروس وأهلها في حيص بيص .... أحييك على شجاعتك وموقفك البطولي إذا

كنت العريس فعلا لكل زمان دولة ورجال ... سلمت ..

Post: #22
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-14-2007, 06:11 AM
Parent: #21

إخوتي إخواتي

صبحكم الله بالخير

إتصلت بي إحدى الأخوات هاتفيا لتطمئنني أن مسلسل زوغان العرسان مازال مستمرا وقد تم كتب كتابها

على مغترب إسمه محمد علي عبدالله إدعى أنه يعمل بدولة الإمارات في إحدى الشركات بمدينة العين

فبل أكثر من عامين ولم يعد لأكمال مراسم الزواج وقد انقطعت أخباره كما انقطع الخط من هاتفه الجوال

علما ان مثل هذه السلوكيات أصبحت عادية فقد تم كتب كتاب إبنة جيراننا من شخص يقيم في السعودية

ثم اختفى بعد ذلك وتركها لتعاني الأمرين حالة نفسية حادة و تساؤلات الناس التي لم تنقطع عن سبب

هروب العريس .

Post: #23
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: محمد أبوالعزائم أبوالريش
Date: 02-14-2007, 02:14 PM
Parent: #1

Quote: أخي في البورد

ماذا كنت ستفعل لو كنت العريس


الإحراج لزومو شنو؟ بقدر أتصرف .. لكن ما قادر أقول (مرتي بتدخل المنبر)

هسي كدة كويس؟؟

Post: #24
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-14-2007, 02:48 PM
Parent: #23

العزيز أبو العزائم

تحياتي لك ولزوجتك التي تحاصرك حتى في المنبر أدي النسوات يابلاش إذا

خايف منها أمشي أكتب من كمبيوتر الجيران وتعال داخل كأنك ما عملت حاجة

مش فكرة ظريفة ,,, بعدين كلمني بالحصل ليك ..

Post: #25
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: محمد أبوالعزائم أبوالريش
Date: 02-15-2007, 06:36 AM
Parent: #1

Quote: تحياتي لك ولزوجتك التي تحاصرك حتى في المنبر أدي النسوات يابلاش


العزيزة عواطف ..

عندي مزاج تأويلي عايز أمارسو عليك.
حصار زوجتي علي يروق لي تأويله ب (حصار الحب) .. يعني بعدها ما محتاج أعاين برة. (((لقيتيني كيف؟)))

بعدين عايز أرجع ليك السؤال ..... لو كنتي مكان صاحبتك (العروس المشوكشة) كنتي عملتي شنو؟

أرقدي عافية

Post: #26
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: othman mohmmadien
Date: 02-15-2007, 08:23 AM
Parent: #25

الهدوء والكبرياء الصامت الفاضلة أختنا عواطف،،
كان من الممكن أقول ليك رأي اذا لم ينتهي موقف العريس بهذه الصورة،
لكنه أستسلم أو خلق حجة واهية تبرر هروبه من هذه المسكينة،،، وتؤكد عدم رغبته بها..
وبفرضية لو كنت العريس عند اطلاق صراحي بديها يسن ومعاها جكة لعند العروس - ساعتها حيكون الفرح أكبر والوفاء أعمق ،، وكمان معاها كف كفين من أخوان العروس - حتخليهم أوفياء معك أبد الدهر خاصة حين ادراك سوء الفهم،،
لكن عريسكم ده خيبان،، لا يسن ولا جكة

بالمناسبة بالأمس حضرت برنامج على أم بي سي 2 - برايد زيلا - المهم العروس في آخر لحظة توترت وغيرت الوصيفة وطردتها - ثم في آخر لحظة قررت عدم الذهاب للكنيسة والناس منتظرة ونفس الشئ منظمة الحفل دعت الحضور بالصبر والابتسام وأخذ نفس طويل وأنه سيكون عرس مميز وهكذا، أخيراً قررت العروس عدم الرغبة في العريس وانها لا تحبه،،،، يشهد الله تعاطفت معه وكرهت النساء .... "من شاكلتها بالطبع" ...... والراجل والمرأة من البلاك أمريكان - المهم صاحبنا جعر جعيرة تور - وبكا بكاءً مراً - لولا تدارك -أخته - التي جعلتني أحب النساء "من شاكلة أخته" وعادت المياه لمجاريها،،، وأستنتجنا نحن معشر الرجال شيئ واحد - أن لا ننيأس ونكثر من البكاء فهو الكفيل بعودة المياه لمجاريها - ضحكت بشدة ،،،،، لا أدري فنحن معشر رجال بني سودان تربينا على الجسارة وأتمحطنا من أول أبتدائي ويا ويلك لو بكيت - ضحكت كيف يبكي هذا البلاك أمريكان،،،،

- يا أخوانا ---- د.فيل وأوبرا وغيرهم الناس البيجيبوهم ديل ممثلين ولا أصحاب القضايا نفسها وكيف بصورو الحاجات دي هل بيعودوا عملها من جديد بواسطة نفس الأفراد،،،،،،

- بالمناسبة - دور القانون في مثل هذاالنوع من الاغتيال ، عريس طفش أو عروس غيرت رأيها في آخر لحظة شنو - الا يستاهل الاعدام اذا كان دون مبررات،،،،
أذكر حادثة حصلت في السودان لجيران لنا غير العريس رأيه يوم العقد ولم يحضر انتهت بفقدان أعظم قيمة للانسان وهي العقل حتى لحظتها من قبل العروس،،،

لو كنت محل العروس اش بدك تعملي؟
-

Post: #27
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-15-2007, 09:19 AM
Parent: #26

Quote: أنشأت واحة جميلة يلتقي فيها الأحباب على أختلاف مشاربهم تحت مظلتك ورعايتك الكريمة ... بصراحة

يا بكري نحن سعداء وفخورين جدا بشخصك وبنتمنى ليك كل خير


عواطف اختى كتر خيرك وانت كبيرة في فكرك بس ابتلينا بادمان هذه الواحة وما عدنا نحتمل الجلوس مع اى شخص سواكم ايها الاخوة والاخوات بالمنبر العام .


معزتي

Post: #30
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-15-2007, 03:47 PM
Parent: #27

أخوي الحبيب الطيب

تحياتي لك وللسمحة أم ولدك

والله سمعت إنك جيت أبوظبي وانفرد بيك فاروق حامد ما عارفين القصة شنو ؟ ما سمعت بمن الحب ما قتل

تصدق أنا من شدة إدماني جاية من سفرة مدتها تلاتة ساعات وقاعدة أرد عليكم ياأخوانا دي مصيبة شنو

زي ما قال أخونا أبوبكر في حب يا أخوانا أكتر من كدا .. معزتي .

Post: #29
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-15-2007, 03:44 PM
Parent: #26

اخي العزيز عثمان

مودتي

شكري بلا حدود على عبورك الرزين و تحليلك المتأني ... فعلا العريس خيبان وحالته حالة والعروس لقت

راجل الحيرة وقالت خلاص البورة اتفكت لكن المفروض تحمد الله ربنا إنه ما عرسها لأنه كان حيسيبها في

أقرب منعطف أما حكاية لو كنت إنت العريس فأنا متأكدة إنه الزيك مافي واحدة تقدر تعمل فيه موقف

زي دة يعني أمها لسة ما ولدتها ليسا خوفا أو رعبا بل إحتراما وتقديرا .. أما صاحبنا الجعر والله

معاه حق أصلهن النسوان مرات عندهن حركات لا يعلم به إلا الله ( كيدهن عظيم ) هي عارفاه بحبها وعايزة

تأكد الكلام دا للناس ...

أما لو كنت أنا العروس فبخلي العريس يبيت عندناقبل العرس بيومين شو رأيك تئبر ألبي ؟

Post: #28
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-15-2007, 03:29 PM
Parent: #25

أخي العزيز ابو العزائم

والله حصار الحب ما عندنا معاه كلام لكن خايفاه يكون زي حصار أمريكا للعراق لا تقدر تعاين يمين ولا

شمال ..ربنا يديم المحبة والحصار..

لو كنت مكان العروس المشكوكشة كنت اتصرفت بسرعة شديدة جدا ...أحلى واحد في الحفلة أقوم أجره من

أيدو وأقعدو جنبي في الكوشة وأتصل بالمأذون أيه رايك يا محاصر ؟؟ أرقد قفا ..

Post: #31
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: مروة احمد مكى
Date: 02-15-2007, 09:52 PM
Parent: #28

استاذه عواطف
سلام
فى الحقيقه مواضيعك هادفه وموضوعيه وسردك جميل وشيق
انا من المتابعين لكتاباتك لكن غالبا لا يسعفنى الوقت للتداخل وابداء الراى . . .
بالنسبه للعريس الهرب فالعروس مفروض تحمد ربها وتفكر كويس قبل الارتباط مرة تانيه. لكن السؤال كيف واحده تقبل تتزوج شخص ما بتعرفه معرفه وثيقه زى مافى الامثله السقتيها عن عريس السعوديه العقد وهرب وغيره كتير من الامثله الحاصله فى الواقع . . عشان كده مفروض الواحده تعرف زوج المستقبل فالزواج حياه طويله ما مجامله.

ودمتى

Post: #32
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: هاشم أحمد خلف الله
Date: 02-15-2007, 10:14 PM
Parent: #31

اختي ( الحقارة ) عواطف

يعني الواحد عليك الله يشحدك عديل كده 000 عشان تتداخلي معاهو , يعني مدمن الحب ده

ما مالي عينك ولا شنو ؟؟؟ لا هو سياسة ولا كورة .

زورينا مرة وأختفي وإلا .... بس خلاص 0

Post: #41
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-17-2007, 09:41 AM
Parent: #32

اخي العزيز هاشم

مودتي

والله انا لاني حقارة ولا بخيلة ولكن يا بعد عمري ضيق الوقت عشان كدة برد على المداخلات عشان الناس

ما تزعل ولو في وقت بتداخل لكن ليك علي من الليلة حأكون قاعدة مستنياك في بوستاتك السابقة واللاحقة

وأنا ما زعلانة من كلامك قالو العتب من كتر المحبة ... مودتي .

Post: #33
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-15-2007, 10:17 PM
Parent: #31

Quote: والله سمعت إنك جيت أبوظبي وانفرد بيك فاروق حامد ما عارفين القصة شنو ؟


اختي عواطف والله العظيم والله العظيم تصدقي او لا تصدقي انا مشيت الاجازة مع اولادي وحاسي باني غريب رغم حبي لهم اللامحدود ولكني احس بان هنالك مساحة يلزم ان اكون فيها على الدوام .

صحيح اقتضى مسار الرحلة ان ابيت في ابو ظبي مثلما هو عند المغادرة للسودان . في الاولى كان الفاروق في استقبالي وهنا الكثير يقال عنه ولكنى احجم عن الافصاح عن ذلك تقديرا لمشاعره وفي الثانية كان ايضا الفاروق عند استقبالي في المطار ولحين المغادرة لمسقط مع العلم انني لم اره من قبل فقط علاقة إسفيرية عبر هذا المنبر فطوبى لك يا عزيزتي لما تفضلتي به من حديث عن الاخ الباشمهندس بكري ابو بكر .

والجايات اكتر من الرايحات يا عزيزتي


لك معزتي

شيقوق

Post: #42
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-17-2007, 09:43 AM
Parent: #33

العزيز ود شيقوق

مودتي

عموما إنت نورت البلد والجايات زي ما قلت أكتر من الرايحات ... تحياتي .

Post: #49
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-17-2007, 10:56 AM
Parent: #31

حبيبة القسا

مروة

مودتي وحبي ياغالية مع شكري اللامحدود على مرورك الزاهي واهتمامك بالشأن الإجتماعي بس عايزة

أقول ليك يا بعد عمري مهما حاولت تعرفي العريس قبل الزواج أو العروس بكونو حاجة وبعد ما الفاس

يقع في الراس بكونو حاجة تانية خالص ... مودتي .

Post: #34
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-16-2007, 05:56 AM
Parent: #1

عواطف .. انا مستعد انو ابشتف اي واحد مغترب زاغ بعد كتب الكتاب باني اخت صورتو في جرايد التابلويد (بالعربي والانجليزي )الكترت هنا مع سطريين تلات عن "سئ اعمالو" وكمان في المنابر الاليكترونية وممكن موقع اليكتروني عام ....

يالعرريب الحلبي ودشيقوق.. ياخي الفاروق ما كان كدة ؟ المرة الاولي لما قابلك وانت ماشي الخرتوم وقضيتو يومكم صرمحة بعد داك ما جاب لينا خبر ولا سال عنا وقلنا معليش وبعدين لما ات راجع وكمان قضيتوها ديسكوهات وقهاوي امهريات اتصلت بيه تاني يوم لقيتو قاعد وخاتي رجلينو في موية دافية بملح وقال الحوامة معاك امس هي السبب ومنها عيييييك لليوم قاطع اخبارو ؟؟؟؟ والغريبة ات البتسالنا عن اخبارو ...؟؟

Post: #35
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-16-2007, 07:14 AM
Parent: #34

Quote: يالعرريب الحلبي ودشيقوق.. ياخي الفاروق ما كان كدة ؟ المرة الاولي لما قابلك وانت ماشي الخرتوم وقضيتو يومكم صرمحة بعد داك ما جاب لينا خبر ولا سال عنا وقلنا معليش وبعدين لما ات راجع وكمان قضيتوها ديسكوهات وقهاوي امهريات اتصلت بيه تاني يوم لقيتو قاعد وخاتي رجلينو في موية دافية بملح وقال الحوامة معاك امس هي السبب ومنها عيييييك لليوم قاطع اخبارو ؟؟؟؟ والغريبة ات البتسالنا عن اخبارو ...؟؟


يا ابا بكر مالك كاشف حالنا مع الاستاذة نحن نتمسح وانتو تخربشو والله تعملوا كده انا والفاروق نديكم عرض اكتافنا عدييييييييل كده . وووووووووووووووب منك فكيت الحت والقروانة والنهر الجاف وجيت متلح الامهريات لكن والله بالجد الامهرية بتاعتكم دى فعلا هجين عديل الاب من قلب اثينا والام سلالة امهرا والتقينا وكانت قمم يا مرحى .

Post: #43
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-17-2007, 09:45 AM
Parent: #34

الأخ العزيز أبوبكر

رجل والرجال قليل .

Post: #36
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-16-2007, 08:05 AM
Parent: #1

Quote: والله بالجد الامهرية بتاعتكم دى فعلا هجين عديل الاب من قلب اثينا والام سلالة امهرا والتقينا وكانت قمم يا مرحى .


يااااااااااااااااااااام عبدالله ... الحقي الاكلتي ومسحتي وسمحتي وسمنتي الشهريين المضو بقي مطلوق ورا الامهريات ؟؟؟
وين الملكة وام احمد بشان يشهدن ؟؟؟
دة كلام ..... قال قمم يا مرحي قال ... عرريب وحلبي ؟؟

Post: #37
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-16-2007, 08:36 AM
Parent: #36

( أخي في البورد

ماذا كنت ستفعل لو كنت العريس ؟؟أختي في البورد بعد الشر عليك ماذا ستفعلين لو كنت العروس ؟

إجابة صريحة وخليتكم بعافية !!!!.)

ابو بكر خلى السمحة ام ولدى مع ضيوفها ما تشغلها بالامهريات هى عارفة ابا عبد الله كويس جبلا ما بتهزه امهرية .

الاستاذة طارحة ليك سؤال واضح فووووق اجب عليه بكل شفافية .

Post: #38
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-16-2007, 08:59 AM
Parent: #1

Quote: الاستاذة طارحة ليك سؤال واضح فووووق اجب عليه بكل شفافية


هي ما طرحت علي اي سؤال ...عموما انا امر العلاقات الزوجية محسوم عندي قبل وبعد الزواج ... علاقة يجب ان تكون شفافة فلذا التزمت بالشفافية ..امر سهل ...

Post: #39
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-16-2007, 12:19 PM
Parent: #38

هي ما طرحت علي اي سؤال ...عموما انا امر العلاقات الزوجية محسوم عندي قبل وبعد الزواج ... علاقة يجب ان تكون شفافة فلذا التزمت بالشفافية ..امر سهل ...


لانك طيب ودربك عديييييييييييييل ولكن تفتقر لدبلوماسية .............؟؟؟ ( راجع الفاروق ود حامد لاكمال نواقص الكلمات)

البوست ده نحن ضيوفه ستو استاذة صحفية اكان علقت ليها في طريف كليمة بتكشف حالنا عدييييييييييل

Post: #44
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-17-2007, 09:48 AM
Parent: #39

العزيز بن شيقوق

تحيتي

والله إنت حالك مستور وما عاش من يكشف حالك لكن نحنا بنكشف حال مكشوفين الحال فقط وهم عارفين روحهم.

Post: #40
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: REEL
Date: 02-16-2007, 12:45 PM
Parent: #1




الأخت العزيزة...
عواطف

من المتابعينك باستمرار...
لما تنقلينه من مشاهدات .. وما تطرحيه من مواضيع اجتماعية خطيرة..
ولطالما أيقنت
ان مجتمعنا لن يتغير للأحسن ما لم ترقى العلاقة بين المرأة والرجل...
وبين مختلف الشرائح وان اختلفت ممارسة الرقي ...


....
..
قرار الزواج ..أولا وأخيرا قرار شخصي ..
يصدر عن قناعات الشخص وتجاربه ومتطلبات روحه وعقله..
المصيبة
كما ذكرت
تلك الهيمنة الاجتماعية اللتي تؤثر على القرار نفسه بل تغيره تماما
وتضع
الكثيرات والكثيرين المغلوب على امرهم أو امرهن...
في مالا يتوقع .....
..
..
اجابة عن سؤالك...
وبعد الشر عليا يارب
بحرد العرس عديييييل
وأتنقب..


Post: #45
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-17-2007, 10:00 AM
Parent: #40

الحبيبة ريل

مودتي

اشكرك على مرورك الجميل وعلى متابعتك التي تؤكد إهتمامك بالِشأن الإجتماعي ولم تقولي سوى الحق

بالفعل قرار الزواج يفترض أن يكون قرارا شخصيا ولكن تدخل الإهل والأطراف الأخرى المعنية وغير

المعنية يؤدي إلى فشله وبعدين حكاية لو كنت العروس حتحردي العرس عديل كدا أقول ليك ألف بعد الشر

عليك إنشاء الله عدوينك .

Post: #46
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-17-2007, 10:00 AM
Parent: #40

والله إنت حالك مستور وما عاش من يكشف حالك لكن نحنا بنكشف حال مكشوفين الحال فقط وهم عارفين روحهم.

الاخت عواطف

تعودنا التداخل في البوستات بنوع من الدعابة والمرح ونخشى الا يكون هذا خصما من موضوعية الحوار النقاش .

اتحملينا نحن ناس حارة ساى لو تداخل واحدا مشاتر بنقعدو وبنونسو ليك لحدى يدي بوستك عرض اكتافو بطيب خاطر عدييييييييييييل كده .

ابو بكر يا اخوى
الفاروق ود حامد

هيا على الجد في طرح الاستاذة عواطف وتاني نرجع للحت .

Post: #47
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-17-2007, 10:14 AM
Parent: #46

بن شبقوق المحترم

شكرا يا الحبيب على المداخلة الطيبة وتداخل كما يحلو لك فبكم يحلو المقاش .

Post: #48
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: هاشم أحمد خلف الله
Date: 02-17-2007, 10:41 AM
Parent: #47

والله يا عواطف عرفتي تردي علي , واهنئك علي مستوي الذكاء العالي

الذي وهبه لك الله , وييارك ليك في زوجك وعيالك 0

انتي عارفة دمعتي نزلت وانا راجل , لكن والله محبة فيك وفي مواضيعك

الساحرة .

ولعلمك نحن رابطة أبناء مدينة الصحافة بالرياض , وانا احد أعضاء

اللجنة الثقافية , وقد إقمنا عدد كبير من المنتديات الأدبية بدار

الرابطة وإنشاء الله المرات القادمة نسمعك بعض منها , لكن إذا

شاهدت برامج العيد وحفل تكريم الفنان عثمان حسين يمكن تقتنعي بعملنا

والحمد لله ان مكني من عمل التاشيرات بحكم عملي في وزارة الخارجية

السعودية , ( ودي ما فشخره ) 0

Post: #50
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-17-2007, 11:01 AM
Parent: #48

الأخ الحبيب هاشم

معزتي

والله حاشاك الفشخرة إنت أدها وأدود وربنا يبارك ليكم في عملكم الطيب يا أبناء السودان بصفة عامة

وحي الصحافة المتفرد بصفة خاصة ودمعتك يا أخوا لبنات غالية وعزيزة ودي من أصلك الطيب وقليبك

الرهيف جاياك بالمهلة لموضوع إدمان الحب الذي قال عنه نزار إنه بعض من تصورنا ...

Post: #51
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-17-2007, 11:11 AM
Parent: #1

Quote: هيا على الجد في طرح الاستاذة عواطف وتاني نرجع للحت .


اها انت قالو ليك انا حتات واللا بتصرمح في مقاهي الامهريات .. اسال عني ست البوست ست عواطف ...
انا اي واحد يفكر سااي يزوغ بعلقو من نخرتو ...رجال مسخرة واخر زمن .. كان ما قدر العرس شن لزوم الفشخرة ... المجتمع الذكوري الاونطجي بتاعكم دة لازم يتكسر حتة حتة ..

Post: #52
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-17-2007, 12:04 PM
Parent: #51

Quote: انا اي واحد يفكر سااي يزوغ بعلقو من نخرتو


وووووووووووب وووووووب لكن بس ما تراوغ ورينا عديييل انت في حزبنا نحن الرومانسيون ام في حزب الروماااااااات؟؟؟؟؟؟؟؟ وين فاروق اكمل الحروف الساقطة بسبب الشهقة سرييييييييييييييع في انتظارك يا الفاروق .

Post: #54
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: صلاح الدين عبدالله محمد
Date: 02-17-2007, 01:55 PM
Parent: #52


اولا نحييك على اسلوبك السردى الرائع
ودوما متابعين لحروفك

ذكرتنى قصة واقعية
واحد صديق بالسودان ونحن موظفين حكومة وقمة الفلس والملطشة ,واخينا زول طموحاته عالية عاوز وعاوز وعاوز يعرس ,وقافلة ماديا معاة للاخر . وعمرة هبش الثلاثينات وهو بين الفول وفته الفول والغداء باص . كل مايملكة جزمة عبدالواحد زارت النقلتية عدة مرات, اثنين بنطلون وكم قميص احسن واحد فيهم لايصلح لان يتحاوم بيه فى الحلة ناهيك عن الشغل . المهم الظروف رمت فى طريقة واحدة عاوزه تعرس وخلاص ماعاوز اطول فى الحته فقط مواصفاتها فوق الاربعين حجمها خمسة فى اربعة (قاقول) اجمل منها بمراحل, اهلها يملكون المال , المهم خلال ونسة عامة شعرت بطموحاته ومشكلته المادية.
قدمت له عرض انها يمكنها مساعدته فى السفر(لندن) ليحضر دراسته التى يرغب فيها فقط علية باحضار الجواز وماعليه تانى . بداء الاجراءات. و شرطها السرية . والتزم بذلك حتى نحن القريبين لم نشعر بذلك كم مرة نصادفها معه بالمكتب لم نهتم فى البداية الا ان احد اصدقائنا لاحظ ان هناك جاتوهات وكيك وتوابعها تحضر يوميا منتصف النهار للمكتب صرنا نذهب فى هذه الاوقات ونلنا نصيبنا من الجاتوهات والبارد
وبرز سوال الزوله دى عاوزة شنو ؟؟ سالناه تنكر انت لازم .... نكر بشدة وقل حضوره لنا وطلوعة فى مشاويرنا
(اسف للاطالة)
قالت له انها مسافرة بعد اسبوعين لندن تحب نسافر مع بعض؟؟
ولية لا
طيب اهلى يقولى الزول دا منو اقول ليهم شنو ؟؟
...
...
..
قالت (طيب مانعقد ونسافر سواء وانا خدامتك طوال فترة دراستك )
قال لها ( موافق اولا ورينى الجوازيين عليهم التاشيرة والتذاكر )
جيب اهلك مرحلة اولى يقابلوا اهلى انا لدى فقط شقيقة واحدة وزوجها هنا
وهنا يبداء فلم محاورة اخر




قال(انا زول مقطوع من شجرة ممكن اجيب اى ناس من الشارع اقول ليك دا ابوى وداعمى )
لكن لازم تجيب اهلك شان اهلى
اذا كان المشكلة اهلك عشان ما اكون كذبت حا اجيب ناس
انا عاوزة خلفية كاملة عنك عشان افتح الموضوع مع اختى وزوجها
بسيطة بكرة حا اجيب سيرة ذاتية مكتوبة
وقد كانت فى ثلاث صفحات فلسكاب ذكر قصة حياة انسان من الالف للياء نسبها لنفسة(انا قراتها ودون ان اشعر ادخلت يدى فى جيبى ابحث عن شى لاعطية له وبيدى الاخرى اجفف دموعى )
تدخلنا هنا انا وبعض الاخوة وقلنا له (كن صادقا مع نفسك وابتعد) ولكنه اصر قررنا مواجهتا بالموضوع لاول مرة نتكلم معها فى هذا الامر . ولكنا فوجئنا وهو معنا بانها تعرف الكثير عنه من مصادر اخرى وهو يختلف عن ماقدمه لها مكتوب
وبكل اسف كانت متمسكة برايها( احضر اهلك ومافيش مشكلة ساقوم بكل ماتفقنا علية عندما تحدد تعال للموقع الفلانى قابل شخص اسمة كذا


واختفت ..

Post: #55
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-18-2007, 05:57 AM
Parent: #54

أخي العزيز صلاح

والله مداخلتك رائعة جدا وعايزة أقول ليك الكتير حول النصب والاحتيال لكن ماشة أفتتاح معرض الدفاع

الدولي بجيك راجعة خليك قاعد لمن أرجع فتك بعافية يابعد عمري .

Post: #56
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-18-2007, 07:52 AM
Parent: #55

Quote: اها انت قالو ليك انا حتات واللا بتصرمح في مقاهي الامهريات .. اسال عني ست البوست ست عواطف ...
انا اي واحد يفكر سااي يزوغ بعلقو من نخرتو ...رجال مسخرة واخر زمن .. كان ما قدر العرس شن لزوم الفشخرة ... المجتمع الذكوري الاونطجي بتاعكم دة لازم يتكسر حتة حتة ..


الفاروق بتصرمح يعني شنو؟ شوفها لينا لو ممكن تأهل لاقامة دعوى اشانة سمعة ضد الرطاني ده .

We have to substantiate our suit upon reasonable grounds

اذا اكان مافي قراوندس فلله العفو عما سلف .

Post: #57
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: امير عوض الجمري
Date: 02-18-2007, 11:09 AM
Parent: #1

سنة 96 مشينا انا من الرياض وحيدر ود عمي من ابوظبي
مشينا الخرطوم .. انا في اول اجازة لي .. وحيدر في
اجازتو الكمين كده .. المهم يا عواطف .. قلنا احسن
نفتش لينا حريم نتلمّ عليهن .. وبدينا رحلة البحث..
وحيدر طبعا بحكم انو خبير اجازات وبحث ما كان مستعجل
وكان شغال ينقّي ويحصحص ويمحص .. انا كنت لـسة برلوم
تفتيش لكن ما برلوم جكّيس .. المهم اتعرفت سريع على واحدة
وقلت يا ود اعمل خطوة جادّة وطوالي قلت اسوق منى اختي الأصغر
مني (طريدتي) ومعاي مجدي اخوي الأكبر مني ومعانا حيدر رفيق
الدرب (الأخضر) ويا زولة مشينا .. وطبعاً الجماعة استقبلونا
استقبال جميل جداً واكرمونا بالحاجة البااااااردة واخدنا ونستنا
والبت كانت طويلة وصفرااااء وصغيرة وسمحة يعني زي ما بقولوا اهلنا
(مكمّلة) وما ادت اختي اي ثغرة للتعليق .. المهم يا زولة اخدنا قعدتنا
ومرقنا وقعدتنا في العربية .. طوالي زولتك انت يا امير مالم (نسابتك) ديل
ما بدونا شاي بالبسكويت !!!! طبعاً قالت الجملة دي واخدت ليها ضحكة يعني دي
تلكيكة ساكت المهم .. طالما نعتيهم بانهم (نسابتي) دي براها خطوة كويسة ..

امي تقول والله حيدر وامير ديل حريمم لا اسي اماتن ما ولدوهن .. اختي الصغيرة الجاية في
اجازة من ابو ظبي برضو تقول ليها اجي يا امي كيفن ما ولدوهن .. والله انتي امير وحيدر العاجبنك سيقانم الطوال ديل الا تبوريهم واسي الزمن يمشي وشعرم يتمعط والله (فلانة) ديك ما ترضى بيهم وفلانة دي واحدة من القطار فاتم وفات وبتنوهو يتكسر حتة حتة ..
عليك الله يا حاجة خلي الاولاد يشوفوا ليهم حريم يتلموا عليهن .. وبي قدوم ممدود (بلا امير
وحيدر حريمم ما ولدوهن) وتاني تكرر اجي ..


طبعاً يا عواطف كل زول بشوف زولو ده مافي زيو .. عشان كده الأمهات والأخوات بشوفن ولدم ده سلطان
زمانو واي واحدة بشوفوها ما بتستاهلو لكن في النهاية وفي الغالب برضخوا لي رغبتو .. وبرضو البنات
امهاتن ووأخواتن بشوفوا الراجل ما بستاهل بتهم وده شيء طبيعي .. لكن مش ملاحظة انو الاعتراضات والتقييمات كلها من الحريم (امهات ، اخوات ، خالات ، عمات) وحتى بنات الجيران البكونن (حاريات) لو الوضع عريس و(حاسدات) كان الوضع عروس ..

Quote: قال ليها والله مرتي كانت متابعة الموضوع

من أولو ولما شافتني لبست البدلة والكرفتة وعايز أطلع قفلت باب الغرفة بالمفتاح ومشت أهلها و

ماجات إلا الصباح وبعد كدة ما عندي وش أمشي ليهم خفت أخوانا يضربوني بالعكاكيز .. أخي في البورد

ماذا كنت ستفعل لو كنت العريس

الشغلانية دي يا عواطف دايرة تجربة كدي خلينا نبقى في الوضع ده بالجد ونشوف حا نعمل شنو .. عشان الفي بر عوّااااام .. لكن الزول ده كان شاورني كنت بقول ليهو من الصباح خت البدلة عند العروس قول ليها بجي البس في الكوفير معاك واطلع العصر عادي وامشي الدافوري كمان واجي راجع ليها بعد اسبوع
بي ضرّة .

فتك بعافية وراجع ليك والله عندي ليك كترت قصص من النوع ده ..

Post: #58
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-18-2007, 02:04 PM
Parent: #57

أخي الحبيب أمير

مودتي

بتصدق مداخلاتك بالنسبة لي زي البندول بجي من برة ( شغل وحوامة وتحقيقات وصداع) ألقى مداخلة منك

أقعد أضحك براي لمن ناس المكتب بقولو دي مالها جنت في آخر عمرها ولا شنو؟؟؟ أنا طبعا ما بهمني كلامن

بسوي في البسوي في عموما أنا يا وأدمي الشمار كاتلني عرستو من ناس الشاي بدون بسكويت ولا لا ؟ وليه؟

وعليك الله يا الجمري ما تقطع الجوابات .

Post: #62
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: امير عوض الجمري
Date: 02-19-2007, 08:52 AM
Parent: #58

Quote: بتصدق مداخلاتك بالنسبة لي زي البندول بجي من برة ( شغل وحوامة وتحقيقات وصداع) ألقى مداخلة منك

أقعد أضحك براي لمن ناس المكتب بقولو دي مالها جنت في آخر عمرها ولا شنو؟؟؟



الحبوبة اخيتي عواطف

سلام يا الرائعة .. هو عليك الله ناس مكتبكم ديل انتي لمن تكوني مافيشة
ما قاعدين يكونوا خليج ساكت من غير زهرة .. وما ببقوا زهرة الخليج الا
وانتي في ..
وما تخافي يا ام المجاهد اجزخانتي مفتوحة 24 ساعة وكمان (شعبية) ورخيصة
وانشاء الله ما تحتاجي منها لغير البندول .. لكن اتخيل لي بتكوني دايرة ليك
حبوب مرارة (عارفم فقاعينة كتااار) ..

Quote: عرستو من ناس الشاي بدون بسكويت ولا لا ؟


لا وحاتك يا عواطف عرسنا ناس الكوكاكولا بس .. والسبب طوييييل وبجيك ليهو
عشان الاجزخانة تكون شغالة وما تقفل .. والبندول نديك ليهو حبة حبة ...





Post: #73
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-19-2007, 03:55 PM
Parent: #62

أخي العزيز أمير

سلام ... سلام الشجعان للجدعان يا جدع الحمدلله إنك عرست من نا الكوكاكولا عشان أنا ما بحب البيبسي

وطبعا دي عرسة موفقة بإذن الله أما بقية الشمارات فقاعدة منتظراها إنت عارف أكل عيشنا من الشمار

تانيا المكتب كله زهور كانت شفت إشي سوري وإشي لبناني وإشي مصري وإشي فلسطيني حديقة غناء والله

يديم المحبة أمبارح زرنا زميلتنا إماراتية خلفت بنت بع ولدين قعدنا نضحك ونتونس من الساعة 7

للساعة عشرة زي المجانين أيه رايك ؟؟ ما تقفل الصيدلية في ناس تانين كمان عايزين حبوب مرارة

قالو من البقروه في المنبر من شتايم ومهاترات كان الله في العون .

Post: #59
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-19-2007, 07:12 AM
Parent: #1

عواطف كتاباتك شيقه و عسل

Post: #60
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-19-2007, 08:01 AM
Parent: #59

Quote: عواطف كتاباتك شيقه و عسل


الراجل ده ظريف ومرهف يا استاذة ( وعايز يسمّع الجيران كلهم !!!!!!) المهم انا سمعت وانتي كيف؟

Post: #61
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-19-2007, 08:20 AM
Parent: #60

الاخ الطيب إنت شكلك بتاع شمارات

Post: #63
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-19-2007, 10:04 AM
Parent: #61

Quote: الاخ الطيب إنت شكلك بتاع شمارات


اخي نادر عفوا يا عشاء البايتات حاشاى انا من الشمارات بس اخوك دوما مبتسم ويحب ان يكون الناس حولي هكذا.

إت هسع يا استاذ مش شايف ابا بكر بقابلني دائما مبتسم؟

لك العتبى حتى تجاور الرسول (ص)

Post: #64
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-19-2007, 10:12 AM
Parent: #63

والله لم اقصد

Post: #76
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-19-2007, 04:06 PM
Parent: #64

العزيز نادر

تقصد ولا ما تقصد إنت عزيز وغالي وكلامك على العين والراس . والطيب كمان ما بقصد ..

Post: #65
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-19-2007, 10:23 AM
Parent: #63

اخوي الطيب مالك زولآ حار كده

Post: #66
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-19-2007, 10:31 AM
Parent: #65

Quote: اخوي الطيب مالك زولآ حار كده


تااااااااااااااااني نادر اخوى تتهمني بالحر انا والله بااااااااااااااااارد بس عجبني فيك انك انسان لمّاح بصورة ما عادية .

بالمناسبة اسم (ابو كدوك) ديه ياهو ابو كدوك الرجل العسكري الاسطورة والذى اعتقد شارك في انقلاب كبيدة؟



لك مودتي وللاخت عواطف ست البيت اطيب المنى

Post: #67
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-19-2007, 10:39 AM
Parent: #66

معليش ياعواطف ست البيت الظريفه لكن اخوناالطيب معرفته مكسب

Post: #68
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-19-2007, 11:54 AM
Parent: #67

Quote: معليش ياعواطف ست البيت الظريفه لكن اخوناالطيب معرفته مكسب


الله يطول عمرك

نادر اخوى ما تشغل عواطف خليها ربما يكون عندها تغطية صحفية هسع . بتجي ما تستعجل .

Post: #77
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-19-2007, 04:08 PM
Parent: #66

أخونا العزيز الطيب

مودتي

البيت بيتكم كلكم نلتقي ونفترق على المحبة ... معزتي

Post: #75
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-19-2007, 04:03 PM
Parent: #60

ابن شيقوق العزيز

مودتي

والله فعلا شكله مرهف وحساس لكن عليك أمان الله أنا الليلة من الصباح في معرض الدفاع الدولي كان شفت

جنس أسلحة متطورة والبنات السمحات بعد ما كانن عارضات أزياء بقن عارضات أسلحة بستغلن جمالهن

وذكائن للبيع أنا طبعا الشمشرة ما بتخليني مشيت عملت معاهن لقاءات عشان أعرف البخليهن يعرضن

الأسلحة شنو طالما الدموع هي سلاح المرأة الفتاك ؟؟ شكرا يا الحبيب سلام خاص للسمحة أم ولدك .

Post: #74
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-19-2007, 03:58 PM
Parent: #59

أخي العزيز ود أبو كدوك

إنشاء الله طيب يا الحبيب .

يا ربي الراجل الجدع أخو الأخوات اللواء بدرالدين أبو كدوك يكون عمك ولا من بقية عيلتك ؟.. تسلم

يا ظريف على هذا الإطراء .

Post: #80
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-20-2007, 07:06 AM
Parent: #74

إزيك يا عواطف يا راقية المقال و الآخلاق

ياهو يبقي عمي

Post: #83
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-20-2007, 07:47 AM
Parent: #80

العزيز ناادر

مودتي

لكن ما تقول لي ما عندك عم ! تصدق مرة عربيتي اتعطلت في الإشارة وفجأة ألقى ليك واحد سوداني نزل

من عربيته وطلع لي عربيتي من الإشارة ( دفر ولز) لغاية ما وصلها الباركنج وكنت جديدة في

السواقةوقام فتحها لقاها عدمانة الموية وبتطلع دخان وقربت تحرق لكن الحمد لله مشى السوبرماركت وجاب

موية وشغل العربية ومن اليوم داك قبل 10 سنة وماقادرة أنسى الموقف دة وبعد كدة أنا وفوزية زوجته

بقينا أصحاب وانضمت لينا د. فتحية وكمان د. عبدالمنعم بلة وقبل أسبوع كنا في مهرجان دبي للتسوق

مع بعض ونعم العم وهذا الشبل من ذاك الأسد .

Post: #85
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-20-2007, 07:56 AM
Parent: #83

بالغتي ما كان معاك موبايل اكان ضربتي لي كان لزيتا لمدرمان

Post: #69
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-19-2007, 12:29 PM
Parent: #1

اها يا لطيب بقيت تزرع "شمار" ؟ وبعدين مالك والعسكر والانقلابات .. بعدين من ابوكدوك العسكر القاعد في ابوظبي والمرة الجاية تجي قاطع حيوروك العجب .. ات عرريب قدر الجندرمة ؟

Post: #70
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-19-2007, 12:29 PM
Parent: #1

اها يا لطيب بقيت تزرع "شمار" ؟ وبعدين مالك والعسكر والانقلابات .. بعدين من ابوكدوك العسكر القاعد في ابوظبي والمرة الجاية تجي قاطع حيوروك العجب .. ات عرريب قدر الجندرمة ؟

Post: #71
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: ابوبكر يوسف إبراهيم
Date: 02-19-2007, 03:05 PM
Parent: #70

الأخت العزيزة عواطف
تحية ود خالص
أحكي ليك حكاية

أنا في يوم من الأيام نقلت إلى زالنجي حاضرة غرب دارفور وكانت هناك سيدة تدعي ( أم جمعة دقو رجال) وقد كان لي شرف التعرف بها ففي أول يوم لي بزالنجي إلتقيتها في مكتب صديق هو مامور السجن أحمد على الفكي وهي في زيارة له لأنها تعتبر نفسها شخصية عامة وثم قامت عرفتني بنفسها دون أن أبدي أي رغبة في ذلك مع ملاحظتي لما يعلو شفاه الأخ أحمد علي من إبتسامة لا تخلو من خبث ومكر ويا غافل ليك الله ثم بدأت على النحو التالي:

أنا الست أم جمعه
عضو اللجنة النسائية بالحزب الوطني الإتحادي
عضو فرقة فنون دارفور
ممرضة بالسلاح الطبي سابقاً

ثم أردفت ونطقت كفراً:
ودقيت حوالي (7) عرسان شردوا مني يوم العقد وتاني يوم مشيت ليهم في الشغل لككتهم( دلك تلكيكاً يعني دقتوا عدمتوا العافية).. أنا بقلبي قلت : إياك أعني فاسمعي يا جارة أو اللبيب بالإشارة يفهم.
طبعاً الولية عملاقة وضخمة .. بيني وبينك قلت أعمل حركة إستباقية وقائية فقمت قلت ليها : والله يا خالة أحسن حاجة عملتيها عشان إتأدبوا وما يلعبوا ببنات الناس!!.. فهمت مصطلح ( دُقّوا رجال) بعد ما أنا أصبحت من ضحاياها ولكن سوء عاقبتي كان بسبب عدم تغخيري الألفاظ المناسبة في مخاطبة السيدات .
والله يا عواطف أنا وهي وصديقنا مامور السجن في المكتب .. ما عارف الحصل شنو والأسباب شنو المهم ما شعرت وما حسيت إلا بنفسي مكوم في المستشفى من أثر بوكس ونوك آوت وبعد أن تماثلت للشفاء علمت من الأخ أحمد علي الفكي أسباب الإعتداء الآثم وملازمتي المستشفى حيث قال بأنني استفزيتها وقلت ليها: يا (خالة).. هي أصغر مني فكيف أقوليها خالة، وعشان كده ضربتتي بوكس وأعقبته بشلوت!! .. ويا ريت الموضوع إنتهى على كده مشت كمان جابت لي طلب من محكمة ( الديمنقاوي) وده هناك وفي الوقت داك أظرط من الحاكم بأمر الله أو قراقوش !!.. وتحاشياً لتطور الأمر إلى ما لايحمد عقباه دخلوا الجماعة جودية واضطريت دفعت ليها خمسة جنيه سنة1970 عارفه طبعاً ده مبلغ كان كبير في الوقت داك وذلك نظير سحب القضية وحتى تتنازل من شكواها لما لحق بها من أهانة بالغة وحالة ( نفساوية) كما قالت..!!

طيب قولي لي بالله عليكي ما ليهم حق العرسان يشردوامنها .. منو الممكن يتزوج أندريه العملاق؟!!

Post: #72
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-19-2007, 03:19 PM
Parent: #71

Quote: اها يا لطيب بقيت تزرع "شمار" ؟ وبعدين مالك والعسكر والانقلابات .. بعدين من ابوكدوك العسكر القاعد في ابوظبي والمرة الجاية تجي قاطع حيوروك العجب .. ات عرريب قدر الجندرمة ؟


ابو كدوك ابو ظبي ووووووووووووب منو والله اكان شفتو هيييييييييييييع يا بكوري

Post: #79
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-19-2007, 04:15 PM
Parent: #71

أخي العزيز د. ابوبكر

تحياتي

والله ما عارفة أقول ليك شنو موقف لا تحسد عليه إنت المفروض أول ما قامت تستعرض عضلاتها وإمكانياتها

تفل على طول وبعدين تكون ما عبرتها عشان كدا إتغاظت منك معليش تعيش وتاخد غيرها نحنا خايفين يوم

نلقى لينا واحد ( دقو نسوان ) وندخل في( حيص بيص ) سلمت يا الحبيب من كل بلا .

Post: #78
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-19-2007, 04:12 PM
Parent: #1

Quote: ابو كدوك ابو ظبي ووووووووووووب منو والله اكان شفتو هيييييييييييييع يا بكوري


شيل شلتك .. واحد منهم الفي ابوظبي عسكري وكان بتاع انقلابات ونسيب نسايبي اها ياكا ا ليوم بقيت في امرا صعيب ... ات لسانك دي بيوديك لظي ...اها داير واسطة؟

Post: #81
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-20-2007, 07:16 AM
Parent: #78

الواسطه ماإنت ياام روحاحلوه

Post: #82
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-20-2007, 07:30 AM
Parent: #81

Quote: الواسطه ماإنت ياام روحاحلوه


عواطف اختى الزول ده شايفاهو كيف وحياتك كلمي ليهو ابا بكر خليهو يقرعه ( يقرعه يا ابا بكر الرطاني تعني يلزمو حدو)

Post: #84
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-20-2007, 07:50 AM
Parent: #82

إبن شقيوق

مودتي

الزول دة بحبك حتى النخاع ما سمعت بالمثل البقول من الحب ما قتل .؟؟؟

Post: #86
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-20-2007, 07:57 AM
Parent: #84

Quote: الزول دة بحبك حتى النخاع ما سمعت بالمثل البقول من الحب ما قتل .؟؟؟


عواطف تقصدي منو؟ اخشى يكون نادر ود ابو كدوك !!!!!

آه انا بحبه ذاتي شدييييييييييد بس لو توازن عاطفيا يتعمق حبه اكثر .

ولو بتقصدي ابا بكر البيني وبينه انشاء الله اخوها عود ( اخوها عود يا عواطف - برضك يترجموا ليك؟ تعني انشاء الله خربانه .

Post: #87
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-20-2007, 08:01 AM
Parent: #86

أخوي الطيب

سلامات

الإتنين بحبوك عشان إنت شبه البترادو حتى أسال السمحة أم ولدك حتأكد ليك الكلام دة !

Post: #88
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-20-2007, 09:16 AM
Parent: #1

Quote: الواسطه ماإنت ياام روحاحلوه


ربنا يحلي ايامك...بس ود شيقوق قبل ما نتوسط ليهو لازم يمشي فوق العجين ما يلخبطوش ..ةالا اياها صفا وانتباه وزحف فوق الضريسة ...

Post: #89
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-20-2007, 09:30 AM
Parent: #88

Quote: الإتنين بحبوك عشان إنت شبه البترادو حتى أسال السمحة أم ولدك حتأكد ليك الكلام دة !


عواطف انت صحفية واكيد درستي مع الاعلام الاتي :

علوم سياسية : لي انا لاعاملك بالمثل حسب مقتضى قواعد الشفافية والافصاح
انثربولجي - للنوبيين وعرب البطانة
سايكولوجي - تعرفي بيها سايكلوجية نادر البجدّع من بعيد و ما عارف انتي عالمة بما فيه ينضح

بواصل جوني ضيوف عزاااااااااز

Post: #90
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-20-2007, 09:45 AM
Parent: #89

عزيزي بن شقيقوق

مودتي

قبل الدراسة هل نسيت أني إمرأة ؟؟؟ يعني دبلوماسية بالفطرة وبالسياسة أمعط شوارب الأسد ولا شنو رايك

نحنا في سودان مصغر علينا أن نحب بعضنا وإلا فالخور أولى بنا ولا أيه ؟؟؟

Post: #91
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-20-2007, 09:56 AM
Parent: #90

Quote: قبل الدراسة هل نسيت أني إمرأة ؟؟؟ يعني دبلوماسية بالفطرة وبالسياسة أمعط شوارب الأسد


عشان كده انا كنت جاييييك زول شر عديل قلت بس اجعل من هذا البوست (وادي بغيض) ؟؟؟؟؟؟؟؟؟؟؟؟ ولكن اجبرتيني لتغيير استراتيجية الوصول نبتة بلد النوبيين .

Post: #92
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-20-2007, 10:23 AM
Parent: #91

اثرت عدم الرد لكي لا افسدالبوست الرايع ده

ود ابكدوك

Post: #93
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-20-2007, 10:42 AM
Parent: #92

Quote: اثرت عدم الرد لكي لا افسدالبوست الرايع ده


نادر اخوي عليك الله ما تزعل اخوك بحب الضحك والاخت عواطف اخت حبوبة والله انت مش ملاحظها تتفرج وتتضحك كيف ولا خايف تصنفك وزن الريشة كلنا صنفتنا لكن صابرين وبطولة النفس تقدر نوريها اننا اخوان فاطنة وجمال شيل ونحضر بلاها ما نحضر عشاها.

لك عميق حبي يا نادر ( شايف كيف انا حريص انت بس امشى في دريب اخوك ده)

يعني (لك عميق حبي) الفوق دى لو تركتها دون الحاق عبارة (يا نادر ) ياكا المصنف عديييييييل على وزن الريشة

Post: #94
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: abubakr
Date: 02-20-2007, 10:50 AM
Parent: #1

Quote: انثربولجي - للنوبيين وعرب البطانة


ومتناسبيين (وينك يا ود عمي ابوجهينة) وهمباتة ( انا باخد من المابعرفو همبتة وبدي للبعرفوها ؟)

Post: #95
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-20-2007, 11:39 AM
Parent: #94

Quote: ومتناسبيين (وينك يا ود عمي ابوجهينة) وهمباتة ( انا باخد من المابعرفو همبتة وبدي للبعرفوها ؟)


اختنا عواطف عندها بوست بهنااااااااااك انا وقعت فيهو صدفه كنت بجي ماري فيهو سااااى لكن اوصيك ارح ليهو نخربو ونصرف الناس منو كشف حال عدييييييل . ولو قريت البوست داك حتعرف انو الهمبته ذاتها خشم بيوووووووت .

Post: #96
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: elameen
Date: 02-20-2007, 12:17 PM
Parent: #1


الاخت عواطف مواضيعك كلها حلوه واسلوبك لمناولة المواضيع احلى..... ((أصلو بكرة عندي محاضرة واحدة مع دكتور الواثق ( شاعر أمدرمان تحتضر) وأنا من يوم ما كتب القصيدة)) افيدينا بهذه القصيدة لو سمحتى...


الاجابه لسؤالك : اصلا ما حا اعمل شْئ لاني ماحااتزوج ثاني


تحياتي

امين

Post: #97
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-20-2007, 01:45 PM
Parent: #96

العزيز أمين

مودتي

شكرا على الثناء العاطر القصيدة في ديوان في البيت بحاول أرسلها ليك اليوم .. مودتي ...

Post: #98
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-21-2007, 06:45 AM
Parent: #96

أخي أمين

مودتي

القصيدة تحت عنوان نساء أمدرمان وهي من ضمن مجموعة الديوان الذي أسماه أمدرمان تحتضر الذي صدر

من بيروت عام 1967 ويشتمل الديوان على عدة قصائد عن مدينة أم درمان وكان أبشعها قصيدة نساء

أمدرمان ولأن القصيدة طويلة سوف أرسل ما تيسر علما أن د. الواثق صدر له ديوان الفارس العزل أيضا.

نساء أمدرمان :

إن زانها أدب

أو لونها ذهب

ما نفع مظهرها

لو جسمها خشب ؟

قل للألي ضاجعوا أمدرمانواغتربوا **** كيف المضاجع بعد اللهو تنقلب ؟

كيف العقارب في لبات غانية *** *** تخفي مساربها أثوابها القشب؟

أبدت مفاتنها هونا تراودهم ***** حتى استكانوأ وزالت دونها الحجب

لانت عريكتها حتى أريكتها *** ******** نامت عليها رجال بعضهم جنب

الليل ما بذلوت مهر البغي له ******* والكأس طاف في حافاتها الحبب

وغار كوكبهم ما أنفض سامرهم ******** الخمر تسلب وأمدرمان تستلب

حتى إذا انتبهت خرقاء من سنة ******** وقد تحجر في أجفانها التعب

تلمست جزعا أطمار عفتها ********** كان الذي افتقدت بعض ما نهبوا

ثم استشاطت وقامت كي تناجزهم ****** وصرح الشر في عينيها والغضب

لكنهم هربوا ..

حتى إذا همدت غلواء حدتها ******* عادت لسيرتها إذا شاقها الطرب

يا شيخة طرقت من قبل ما يفعت ****** مشت بسيرتها الركبان والحقب

يا أمنا من أبونا؟ وما حملت بنا **** إلا سفاحا فكيف اليم ننتسب ؟

هذي نساؤك يا أمدرمان قد رضعت ***** من عار ثديك لم يحفل بهن أب

بهرجة حريم بعضها نبهت ************ لكنها كرهت ما قالت الكتب

من كل ناعسة غيداء آنسة ************* أصباغها مسحة فالخد يلتهب

وصدرها هودج حينا ترجرجه ********* وردفها ما تباكت حوله العرب

والعرض يا سلعة أسواقها نفقت ***** ما كان يبتاعها إلا الألي ذهبوا

هذي رجالك يا أمدرمان تضطرب

بين المواخير ما عادت لهم همم ***** قد شلها القصف والإدمان والصخب

خرص العيون سمادير محنطة ******** لن يتركوا الكأس حتى ينضب العنب

ماذا فعلت بهم يا سوء من أنحدروا**** قد تردوا وقد هانوا وقد نكبوا

يا ليت شعري إيمحي ذنب غانية ****** وتغسل العر من ساحاتهل السحب

فقد لمحت نقاء في سيريرتها********** إن ذكر الطهر فأمدرمان تنتحب

تبكي لها حرق

صلاته... نسق

حديثه .. لبق

تبدو براءته

لكنه .. شبق

قل للألي ضاجعوا أمدرمان هل أرقوا *** بعد الحرام وهل في صمتهم غرقوا؟

أخي العزيز أمين القصيدة طويلة ومليئة بالإبداع ولكن أتوقف هنا و أتمنى أن أرسلها لك مع بقية

القصائد الأخرى وهي تحت عنوان : لا حبذا أنت يا أمدرمان من بلد ... ثعابين أمدرمان ... لكنما أنت يا

أمدرمان .... عصا التسيار ... نساء أمدرمان ....

ولد الدكتور محمد مصطفى الواثق عام 1936 بقرية ( النية ) محافظة الخرطوم ودرس بمدرسة وادي سيدنا

الثانوية ثم كلية الآداب جامعة الخرطوم حصل على شهادة الدكتوراة من جامعة كمبردج .

Post: #99
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: elameen
Date: 02-21-2007, 06:58 AM
Parent: #1

لك الشكر الكثير يا اختى عواطف

تحياتي

امين

Post: #100
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-21-2007, 08:58 AM
Parent: #99

أخي العزيز أمين

مودتي

لا شكر على واجب ...

Post: #101
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-21-2007, 09:21 AM
Parent: #100

الحفله مدوره ومازال الليل طفلا يحبو وينك يا استاذه

Post: #103
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-21-2007, 09:28 AM
Parent: #101

نادر يالنادر ...

مشيت الكوفير ....

Post: #102
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-21-2007, 09:24 AM
Parent: #100

عواطف اختي ابو بكر بيشعر بالسعادة واختار البعاد يعني ؟

طول مننا نحن مالنا الايام دى يا ربييييي جرح غياب الفاروق ما اندمل لحدى هسه وكما تتفتق جروح اخرى وجراحات اخر ؟؟؟؟؟؟

Post: #104
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-21-2007, 09:31 AM
Parent: #102

أبوبكر دة يالطيب لا يبعده إلا الشديد القوي أصله عنده إجتماعات من أنزل الله بها من سلطان أما سي

روءة فبكون غارق في أحزانه أصله زول حمال أسية .

Post: #105
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-21-2007, 10:19 AM
Parent: #104

Quote: أبوبكر دة يالطيب لا يبعده إلا الشديد القوي أصله عنده إجتماعات من أنزل الله بها من سلطان


عواطف الحنينة ربنا يعينه ويعين ابا ناصر

Post: #106
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-21-2007, 12:12 PM
Parent: #105

ويعين الجميع يا أخو البنات ...

Post: #107
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-21-2007, 04:44 PM
Parent: #106

Quote: ويعين الجميع يا أخو البنات ...


عواطف وين نادر انا فاقدو والله لو تاخر بعمل ليهو بوست نداء خااااااااص

Post: #108
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Nader Abu Kadouk
Date: 02-22-2007, 06:52 AM
Parent: #107

تسآل منك العافيه بس مشغول شويه

Post: #109
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-22-2007, 02:48 PM
Parent: #108

نادر !! وينك ؟؟

أخوك مستنيك ... ما تتأخر !

Post: #110
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-22-2007, 07:42 PM
Parent: #109

Quote: أخوك مستنيك ... ما تتأخر !


نادر اخوى ما تكسر خاطر عواطف السمحة بالله خلى لى بالك شديييييد من الاسبيس الفاضية وفسر بما يخدم مصالحك العاط.............

الفاروق وين يا العواطف سريييييييييييييييييييييييع

Post: #111
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: عواطف ادريس اسماعيل
Date: 02-22-2007, 08:10 PM
Parent: #110

الأخ الطيب

تحية

الفاروق حارس الحيكومة ما بقدر يطلع دون إذن

Post: #112
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Hani Arabi Mohamed
Date: 02-22-2007, 08:38 PM
Parent: #1

جميل جدا هذا البوست

Post: #113
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: الطيب شيقوق
Date: 02-22-2007, 09:19 PM
Parent: #112

Quote: الفاروق حارس الحيكومة ما بقدر يطلع دون إذن


عواطف انتي عارفه سبب علاقتي مع الفاروق هي ابداعه في فك الشفرات . عشان كده انا لما يغيب الفاروق بحس بحاجات كده - خليها عواطف اختى لحدى يجي اوريهو عبر .......... وهو ما محتاج اوريهو لانو لمااااااااااااااااااح

Post: #114
Title: Re: الحفلة مدورة للصباح والعريس ما جا رايك شنو يا بكري ؟؟؟
Author: Bakhaf
Date: 02-23-2007, 03:14 AM
Parent: #113

هاهاهاهاهاها

العريس كبه الزووغه عديل كده !!!!

صاحبتك دي الا تكون هي الاتكفلت مصاريف الزواج كلها , عشان كده أهلنا قالوا
الغالي بي غلاتوا بيضوقك حلاتو والرخيص بي رخصتوا يضوقك مغصتوا

القصص دي حقيقيه بالله؟ سؤال جادي والله .ِ