Post: #1
Title: سلامتك يانزار...بعد الشر عليك
Author: سمية الحسن طلحة
Date: 01-19-2007, 03:50 PM
سلامتك يا نزار انشاء الله ما تشوف شر
سلامتك يا الهميم المن واجبه ما اتأخر
قدام في الصفوف ما بتجي تنجر
تبرا انشاء الله من الحمى والنيران ومن الحر
كدي اطرا العقاب جول بالخاطر اتذكر
سعيتاً مراح ورزقاً بالعساين فر
سادرة وواردة ، سارحة وعاقلة جوة الكر
تنسيك المرض تنفض الحرور والشر
سمية الحسن طلحة
|
Post: #2
Title: Re: سلامتك يانزار...بعد الشر عليك
Author: خالد المحرب
Date: 01-19-2007, 03:57 PM
Parent: #1
سميه نزار بستاهل راجل شيخ عرب
وكده انا متاكد بجيك من الاخر وبنسى
الحمى وبعدين لازم تكون قدره يانزار
تعالى بى هناك مع اخوالك بى هناك
|
Post: #56
Title: Re: سلامتك يانزار...بعد الشر عليك
Author: nazar hussien
Date: 01-22-2007, 04:22 PM
Parent: #2
Quote: سميه نزار بستاهل راجل شيخ عرب
وكده انا متاكد بجيك من الاخر وبنسى
الحمى وبعدين لازم تكون قدره يانزار
تعالى بى هناك مع اخوالك بى هناك |
تستاهل كل خير بسطا يزيدك عافية
يا اب أحمد سليل النم وأهل القافية
بت طلحة الكلام في لسانها جرعة وشافية
شن قدرناعوم بحر الدميرة الطافية
|
Post: #3
Title: Re: سلامتك يانزار...بعد الشر عليك
Author: abubakr
Date: 01-19-2007, 04:25 PM
Parent: #1
اللهم الشافي اشفي نزار
|
Post: #4
Title: Re: سلامتك يانزار...بعد الشر عليك
Author: سمية الحسن طلحة
Date: 01-19-2007, 05:10 PM
Parent: #3
تعرف ياأبوبكر
نزار ده سحروه فى العزاء العملو ود المحرب
لأنو زول مجامل وتعب معانا شديد فى العزاء
والله مفقود ربنا يشفيه.
|
Post: #58
Title: Re: سلامتك يانزار...بعد الشر عليك
Author: nazar hussien
Date: 01-22-2007, 04:38 PM
Parent: #4
Quote: تعرف ياأبوبكر
نزار ده سحروه فى العزاء العملو ود المحرب
لأنو زول مجامل وتعب معانا شديد فى العزاء
والله مفقود ربنا يشفيه |
ما يفقدوك في شينة...
وتعبك راحة للهمباتي أخوك يا الزينة...
كان ناس نحن ما جاملنا ..ما عزينا
شن فايدتنا كان يوم الليالي حزينة
|
Post: #57
Title: Re: سلامتك يانزار...بعد الشر عليك
Author: nazar hussien
Date: 01-22-2007, 04:25 PM
Parent: #3
| Quote: اللهم الشافي اشفي نزار |
وانا سأشهد لك بالصلاح يا ابا بكر...
تسلم من كل بلاء....يا صديق
|
Post: #5
Title: Re: سلامتك يانزار...بعد الشر عليك
Author: ناذر محمد الخليفة
Date: 01-19-2007, 05:26 PM
Parent: #1
نزار دا منو ؟؟!!
|
Post: #6
Title: Re: سلامتك يانزار...بعد الشر عليك
Author: سمية الحسن طلحة
Date: 01-19-2007, 05:51 PM
Parent: #5
مرحب ناذر
نزار ده عضو معانا هنا تعرفنا عليه من خلال المنبر.
شكرا للمرور
|
Post: #7
Title: Re: سلامتك يانزار...بعد الشر عليك
Author: خالد المحرب
Date: 01-19-2007, 05:57 PM
Parent: #6
ناذر اول ماشفت اسك قت ناذر دا بفهم فى الدوبيت
تراهه شلاقه منك ساهى 000 تحياتى
خالد المحرب
|
Post: #59
Title: Re: سلامتك يانزار...بعد الشر عليك
Author: nazar hussien
Date: 01-22-2007, 04:56 PM
Parent: #5
الفيك اتعرفت يا ناذر
بس قول عايزني ادفع حاضر
القسط الكان بيناتنا زمان
ما كان بالجد
ما كنت حريف
وبدون تخريف
وهسع بالجد عامل بتهاظر
نزار دا منو؟
دا المو فشار
بس ما بيعرف يقدل زي مختار
ولا بيعرف يضرع بالامتار
لّساتك عايز تعرف مين هو نزار؟
|
Post: #8
Title: Re: سلامتك يانزار...بعد الشر عليك
Author: abubakr
Date: 01-19-2007, 05:57 PM
Parent: #1
| Quote: نزار ده سحروه فى العزاء العملو ود المحرب |
اولا "عزاء" ؟؟ ما انا معاكم كل يوم وما كلمتوني يعني بشان رطان وجعتكم عايزة ليها مترجم ...اتلومتو تب ..
______________________________
يارب يا كريم احمي ام احمد حتي من الزكمة مدام ودالمحرب اصحابو سحاحيير
|
Post: #11
Title: Re: سلامتك يانزار...بعد الشر عليك
Author: سمية الحسن طلحة
Date: 01-19-2007, 06:18 PM
Parent: #8
| Quote: يارب يا كريم احمي ام احمد حتي من الزكمة مدام ودالمحرب اصحابو سحاحيير |
جاتنى عشراقة من الضحك
الله يجازى محنك ياود الناس
|
Post: #9
Title: Re: سلامتك يانزار...بعد الشر عليك
Author: Ahmed Yousif Abu Harira
Date: 01-19-2007, 06:13 PM
Parent: #1
ردا على سؤال أخونا ناذر
المقصود هو أخونا العزيز/ نزار حسين وله نقول:
أب رسوه البفك عٌقد الرباطها مشبك
تتعافى وتطيب بي جاه رسولك وربك
حليلو قصيدك الجزل البناهو ..مسبك
يطري الزول (فلانتنا) القرينها معبك
|
Post: #23
Title: Re: سلامتك يانزار...بعد الشر عليك
Author: سمية الحسن طلحة
Date: 01-20-2007, 10:22 AM
Parent: #9
صح لسانك باأحمد يوسف
الزبير قال ليك دى (.....؟) ولا شنو؟
واصل وأمتعنا
|
Post: #60
Title: Re: سلامتك يانزار...بعد الشر عليك
Author: nazar hussien
Date: 01-22-2007, 05:01 PM
Parent: #9
Quote: ردا على سؤال أخونا ناذر
المقصود هو أخونا العزيز/ نزار حسين وله نقول:
أب رسوه البفك عٌقد الرباطها مشبك
تتعافى وتطيب بي جاه رسولك وربك
حليلو قصيدك الجزل البناهو ..مسبك
يطري الزول (فلانتنا) القرينها معبك |
لله درّك يا ابا حريرة...
هنا الكلام بقيف يا أحمد
|
Post: #12
Title: Re: سلامتك يانزار...بعد الشر عليك
Author: abubakr
Date: 01-19-2007, 06:26 PM
Parent: #1
| Quote: طبعا بفهم في الدوبيت وبدوبي كمان .. |
بس دوبيتك ودوبيت البربرية الكانت بتدوبي دوبيت جنيات الخرتوم والقاهرة ما زي بتاعيين البوادي والعايزين ليهم مترجم.....
|
Post: #13
Title: Re: سلامتك يانزار...بعد الشر عليك
Author: ناذر محمد الخليفة
Date: 01-19-2007, 06:29 PM
Parent: #1
| Quote: بس دوبيتك ودوبيت البربرية الكانت بتدوبي دوبيت جنيات الخرتوم والقاهرة ما زي بتاعيين البوادي والعايزين ليهم مترجم..... |
|
Post: #14
Title: Re: سلامتك يانزار...بعد الشر عليك
Author: abubakr
Date: 01-19-2007, 06:34 PM
Parent: #1
Quote: جاتنى عشراقة من الضحك
الله يجازى محنك ياود الناس |
اتو يا تمرضو في العزاء يا تجيكم عشراقة من الضحك ...
|
Post: #15
Title: Re: سلامتك يانزار...بعد الشر عليك
Author: Muna Khugali
Date: 01-19-2007, 06:43 PM
Parent: #14
نزار حسين سلامتك وتقوم طيب ان شاء الله..
سـلام أهلنا
|
Post: #24
Title: Re: سلامتك يانزار...بعد الشر عليك
Author: سمية الحسن طلحة
Date: 01-20-2007, 10:25 AM
Parent: #15
منى مشتاقين
كل سنة وانت طيبة
|
Post: #67
Title: Re: سلامتك يانزار...بعد الشر عليك
Author: nazar hussien
Date: 01-23-2007, 08:29 AM
Parent: #15
Quote: نزار حسين سلامتك وتقوم طيب ان شاء الله..
سـلام أهلنا |
يا أم آية...لك من الشكر أخصه وأجزله...
عمك عتيق زمان كان بيقول...
الحب يا مناي في جوفي جزرو
ومدّو...
علّق روحي فوق وغرامي جاوز حدو
ما بنفع دفاع من سبدرات أو شدو
|
Post: #16
Title: Re: سلامتك يانزار...بعد الشر عليك
Author: خالد المحرب
Date: 01-19-2007, 06:46 PM
Parent: #14
قول يا نزار وده الولد
البهز بى الصارم البتار
اخو البنوت صديق المنو
ماقى كتار
يارب يرجع مكتبو
ويواصل المشوار
|
Post: #17
Title: Re: سلامتك يانزار...بعد الشر عليك
Author: خالد المحرب
Date: 01-19-2007, 06:55 PM
Parent: #16
ناذر
ناذر قولو دايرنك
تغنى معانا
ونستك حلوه
نتشرف تكون بى حدانا
خلوق وطروب وطروب
وطبعك بنيلو رضانا
00000000000000000
دفروب ساهى
المثل بقول عيب الزاد
ولا عيب سيدو
|
Post: #19
Title: Re: سلامتك يانزار...بعد الشر عليك
Author: خالد المحرب
Date: 01-19-2007, 07:02 PM
Parent: #17
الاخت منى مرحب بيك بت طلحة فتحت لينا راكوبه
طولنا من طلتك تحياتى0000 خالد المحرب
|
Post: #25
Title: Re: سلامتك يانزار...بعد الشر عليك
Author: سمية الحسن طلحة
Date: 01-20-2007, 10:30 AM
Parent: #17
Quote: المثل بقول عيب الزاد
ولا عيب سيدو |
حاشاك العيب بااب أحمد
كلامك كلو فى محلو
لاعدمناك
|
Post: #18
Title: Re: سلامتك يانزار...بعد الشر عليك
Author: abubakr
Date: 01-19-2007, 06:57 PM
Parent: #1
الشايقية ما بدوبو ؟؟؟ اكان بدوبو يانا الرطانة بقينا في محن ؟؟
|
Post: #20
Title: Re: سلامتك يانزار...بعد الشر عليك
Author: عفاف أبو حريرة
Date: 01-19-2007, 07:29 PM
Parent: #18
قالو متالم شويه يا سيدي بعد الشر عليك
ما تشوف شر يانزار
ام احمد
|
Post: #26
Title: Re: سلامتك يانزار...بعد الشر عليك
Author: سمية الحسن طلحة
Date: 01-20-2007, 10:39 AM
Parent: #20
Quote: قالو متالم شويه يا سيدي بعد الشر عليك
|
ياسلاااام ياعفاف
جبتى لى كلام ود الأمين كلو
أتعبتينى خلااااس
برضو ربنا يرفعو بالسلامة
تحياتى ياراقية
|
Post: #21
Title: سلامتك نزار
Author: فاروق حامد محمد
Date: 01-19-2007, 08:37 PM
Parent: #1
ألف سلامة ليك يا نزار وما تشوف شر
يا بت طلحة هو كان عندكم عزاء ؟؟؟؟
وبعدين نزار السحرو منو ؟؟؟؟
|
Post: #22
Title: Re: سلامتك نزار
Author: خالد المحرب
Date: 01-19-2007, 09:06 PM
Parent: #21
يالفاروق ات وين يااخى اليومين ديل لقين الهواء
وضريت عيشك0 ات عارف حتى الشيقوق قافل تلفونو
البركه فى البربرى الرطانى دايما حاضر00
|
Post: #27
Title: Re: سلامتك نزار
Author: سمية الحسن طلحة
Date: 01-20-2007, 10:49 AM
Parent: #21
Quote: يا بت طلحة هو كان عندكم عزاء ؟؟؟؟
وبعدين نزار السحرو منو ؟؟؟؟ |
فاروق أنا زعلانة منك ومخاصماك
بس عشان العام الهجرى الجديد بجاوب على أسئلتك
ج1 ـأنت عارف العزاء وكمان شاركت فبه
ج2 ـأنا ذاتى ماعارفة.
كل سنة وانت طبب
|
Post: #28
Title: Re: سلامتك يانزار...بعد الشر عليك
Author: Ahmed Yousif Abu Harira
Date: 01-20-2007, 11:12 AM
Parent: #1
Quote:
دى (.....؟) ولا شنو
|
قولي له قال لك ...لا لا...
اتقونن
|
Post: #29
Title: Re: سلامتك يانزار...بعد الشر عليك
Author: سمية الحسن طلحة
Date: 01-20-2007, 12:36 PM
Parent: #28
؟؟؟
دى شنى كمان؟
والله ياأحمد زى ماقال ودشعيت( دخلتونا فى دينا لم تعلموه )
انت والزبير
كدى أشرح لى دى قبلما يرجع الزبير
لأنها شحتفت روحىا
|
Post: #30
Title: Re: سلامتك يانزار...بعد الشر عليك
Author: ابو جهينة
Date: 01-20-2007, 01:37 PM
Parent: #29
سمية
Quote: سادرة وواردة ، سارحة وعاقلة جوة الكر
تنسيك المرض تنفض الحرور والشر |
سهل ممتنع ..
سأضع هذه الكلمات في بطاقة للمعايدة.
أتمنى أن تفتحي بوست للدوباى و المسادير ..
و للأخ نزار نقول أقبل مننا الأبيات أعلاه
|
Post: #35
Title: Re: سلامتك يانزار...بعد الشر عليك
Author: سمية الحسن طلحة
Date: 01-20-2007, 07:19 PM
Parent: #30
أخى أبوجهينة أهنئك بمناسبة صدور مجموعتك القصصية والى الأمام
وأهنئك بالعام الهجرى الجديد جعله الله عام خير وبركة
وأهنىء نفسى بهذا الإطراء الذى أتانى من أديب لايشق له غبار
أما عن بوست الدوباى والمسادير فمسادير أخى منصور المفتاح لايعلى عليها
لك منى كل الود
|
Post: #31
Title: Re: سلامتك يانزار...بعد الشر عليك
Author: saadeldin abdelrahman
Date: 01-20-2007, 03:10 PM
Parent: #1
الف لا بأس عليك يا نزار
تسلمي سمية اختي .
|
Post: #32
Title: Re: سلامتك يانزار...بعد الشر عليك
Author: عفاف أبو حريرة
Date: 01-20-2007, 05:46 PM
Parent: #31
يا ود النعيم اتلومتا لوم البي
ما تقوم بي نزار ده جاك محموم اهتهت
ورحب بيك وسوا الواجب تب يمين واجبه معاك
مكان جزره000000000000000000
البخلي المابعرف يغني اتهجم علي الغنا ويغني زي ود المحرب
والما كنتا عارفه انو بغنى احمد يوسف ابو حريره
اطلع من مدنيتو 0وادي نزار حقه ما بخليك انتا والغنا سيدو
تجامل بت طلحه و تقول فوق خاتي القول
اتلومتاتااااااااااااااااااااااااااااااب
ام احمد
|
Post: #36
Title: Re: سلامتك يانزار...بعد الشر عليك
Author: سمية الحسن طلحة
Date: 01-20-2007, 07:24 PM
Parent: #31
الله يسلمك أخى سعد الدين
لك الشكر الجزيل
|
Post: #72
Title: Re: سلامتك يانزار...بعد الشر عليك
Author: nazar hussien
Date: 01-24-2007, 07:38 AM
Parent: #31
شكرا ايها الصديق الجميل سعد الدين
|
Post: #33
Title: Re: سلامتك يانزار...بعد الشر عليك
Author: abubakr
Date: 01-20-2007, 06:18 PM
Parent: #1
Quote: يا ود النعيم اتلومتا لوم البي
ما تقوم بي نزار ده جاك محموم اهتهت
ورحب بيك وسوا الواجب تب يمين واجبه معاك
مكان جزره000000000000000000
البخلي المابعرف يغني اتهجم علي الغنا ويغني زي ود المحرب
والما كنتا عارفه انو بغنى احمد يوسف ابو حريره
اطلع من مدنيتو 0وادي نزار حقه ما بخليك انتا والغنا سيدو
تجامل بت طلحه و تقول فوق خاتي القول
اتلومتاتااااااااااااااااااااااااااااااب |
يام احمد انتي وودالمحرب بتلخبتوني .. هسع الكلام الكتير الفوق دة قريتو من كل الجهات اب سايد داون فروم بوتون تو توب كل الدويرات وال أأأأأأأ ت برضو وفي النهاية قت يمكن (خير اللهم خير ) انو زولكم ود النعيم ما عاود نزار المريض واتلوم مو كدة ؟؟ يعني لازم تدودورو (دي ما بعرفها شنو لكن الفارووق بيقولها وهو لبلب في العربي فقت اجربها كان طلعت اوت تبقي غلتة واعتمدت علي حيطة مايلة ) الرطاني ...
|
Post: #37
Title: Re: سلامتك يانزار...بعد الشر عليك
Author: عفاف أبو حريرة
Date: 01-20-2007, 08:02 PM
Parent: #33
والله يا ابوبكر ود المحرب يلخبط بلد، لكن برافو عليك بعد التعب ده كلو في الاخر فهمت الكلام ، انا خايفه بعد شويه تكون عاوز مترجم من العراريب عشان يترجم كلامك مع ساميه وتحصل عليك حكاية النكته ((واحد من العراريب قال عايز يعلم ولدو عشان يكون (modern) فجاب ليهو واحد خواجه عشان يعلمو اصول الاتيكيت ،دخلو مع الولد وقال ليهو بجيك بعد شهر ،عدا الشهر ورجع ودق الباب فتح ليهو الخواجه وقال ليهو(بتدور العوض) العوض ده اسم الولد ((انقلب السحر على الساحر))
|
Post: #34
Title: Re: سلامتك يانزار...بعد الشر عليك
Author: nourelhadi awad
Date: 01-20-2007, 07:14 PM
Parent: #1
سلامتك نزار
حسنة وأجر أن شاءالله
وما تشوف شر
وكفارة البيك يزول
.............................
رمية جابودي
واحد كان رايدلو واحدة وشوفتا بالحيل صعبت عليهو
مرض مرض عقلو وحماهو المرقة والناس جت عليها جات كفرتلو.. أكان هي الوحيده الما زارتو
الرمية بتقول:
ياالبخيت أنا لايم الجدي
سبعة يوم ناري موقده وناسي تمشي
ومالا ست الريد مابتجي
ربنا يديكم العافية
نورالهادي
|
Post: #38
Title: Re: سلامتك يانزار...بعد الشر عليك
Author: عفاف أبو حريرة
Date: 01-20-2007, 08:09 PM
Parent: #34
يا نور الهادي
من طول الغيبات جاب الغنايم وينك ما ظاهر
ام احمد
|
Post: #49
Title: Re: سلامتك يانزار...بعد الشر عليك
Author: سمية الحسن طلحة
Date: 01-22-2007, 03:12 PM
Parent: #34
نور الهادى
دى زى قصة واحد كان عيان وست الريد ماجاتو
قام لمة شفع الحلة كلهم وقالهم بكريكم بى خمسة قروش
يس كوركوا بى طول حسكم النار النار... طبعا قدام بيتا
طوالى مرقت ...ياجهلا !!النار وين؟ زولناالعيان طوالى
أشر على قلبو وقال ليها النار هنا.
ــــــــــــــــــــــــــــــــــــــــــــــــــــــــــــــــ
أبوبكر مامعنى الكروة ؟
|
Post: #39
Title: Re: سلامتك يانزار...بعد الشر عليك
Author: nourelhadi awad
Date: 01-20-2007, 08:24 PM
Parent: #1
أم أحمد
تظهري ماتغيبي
ماناسيكم والله ذكراكم جوة بالي
ماتشوفي شينة باقي اليومين ديل بلملم في بكيات المنبر
ولغاية ماأجي الحوش
بلملم في الورود وألون في الكلام أكان ألقى حاجة تشبهكم وما أظني
كوني دائما بخير
نورالهادي
|
Post: #40
Title: Re: سلامتك يانزار...بعد الشر عليك
Author: خالد المحرب
Date: 01-20-2007, 09:03 PM
Parent: #39
الاخت سميه طبعا نزار عرفت منو بالتلفون بكره بتواصل معانا
من الصباح وهو الان بصحه جيده والحمد لله
00000000000 ود المحرب
|
Post: #41
Title: Re: سلامتك يانزار...بعد الشر عليك
Author: nazar hussien
Date: 01-21-2007, 09:05 AM
Parent: #1
Quote: سلامتك يا نزار انشاء الله ما تشوف شر
سلامتك يا الهميم المن واجبه ما اتأخر
قدام في الصفوف ما بتجي تنجر
تبرا انشاء الله من الحمى والنيران ومن الحر
كدي اطرا العقاب جول بالخاطر اتذكر
سعيتاً مراح ورزقاً بالعساين فر
سادرة وواردة ، سارحة وعاقلة جوة الكر
تنسيك المرض تنفض الحرور والشر
سمية الحسن طلحة |
الشر بعيد من دار جدود ابواتك
يا بت طلحة شكرا للدعاء وصلواتك
نسلك من صلاح سيفهم مغمّض وفاتك
ودعوتهم نجيضتا تبقي انتي بياتك
(انتي بياتك) دي جمع انتي بايوتك
شكرا يا بت طلحة وسأعود بي مهل جدا لهذا البوست....وشكرا مخلصا ايها الهميم خالد والعزيزة سعاد ابوحريرة وكل من سأل عني هنا....ولا بد ....بل الواجب ان أعود عليكم فردا فردا وكلمة كلمة...
فغيابي عن العمل كل هذه الايام راكم علي ....كلاليق من الكتابة سأنتهي منها وأعودكم حرف حرف...
شكرا لكل الرائعين معي هنا...وان شاء الله دائما سالمين ونصيحين
|
Post: #50
Title: Re: سلامتك يانزار...بعد الشر عليك
Author: سمية الحسن طلحة
Date: 01-22-2007, 03:32 PM
Parent: #41
حمد الله على السلامة والشفا والعودة
ياسيد البصيرة النيرة مى مسدودة
لى رب العباد ايدينا دوم ممدودة
يحفظك الإله من كل شر وحسودة
|
Post: #66
Title: Re: سلامتك يانزار...بعد الشر عليك
Author: nazar hussien
Date: 01-23-2007, 08:23 AM
Parent: #50
Quote: حمد الله على السلامة والشفا والعودة
ياسيد البصيرة النيرة مى مسدودة
لى رب العباد ايدينا دوم ممدودة
يحفظك الإله من كل شر وحسودة
|
رب القدرة خالقكم كرام لي حكمة
سمحين في الطبع لبقين وخاتين بكمة
غير دعوات صلاحكم ما جفتني الزكمة
فنقلت الحبوب والمرضة بي فد لكمة
|
Post: #42
Title: Re: سلامتك يانزار...بعد الشر عليك
Author: abubakr
Date: 01-21-2007, 09:16 AM
Parent: #1
يا ام احمد ,ويا ملكة الدوبيت
زولكم نزار كمان طلع بدوبي وشاعر .. يعني انا البراي اشتر لا بدوبي ولا بكتب شعر ولا بفهم نضم ود المحرب والدوباتية ( دي من عندي !).. ما عندكم دوباتي وشاعر بالاشتراك يعني زي اسسوسيت ميمبر Associate Memeber
|
Post: #43
Title: Re: سلامتك يانزار...بعد الشر عليك
Author: munswor almophtah
Date: 01-21-2007, 09:26 AM
Parent: #42
يا البطاحين بشوفكم زى السدارنه ورودكم رباعى تحياتى لكم صر
منصور
|
Post: #44
Title: Re: سلامتك يانزار...بعد الشر عليك
Author: إسماعيل وراق
Date: 01-21-2007, 09:30 AM
Parent: #43
شرّك مقسّم فوق الدقشّم
.
.
سلامات نزار
|
Post: #52
Title: Re: سلامتك يانزار...بعد الشر عليك
Author: سمية الحسن طلحة
Date: 01-22-2007, 03:46 PM
Parent: #44
| Quote: شرّك مقسّم فوق الدقشّم |
اسماعيل وراف كيف الحال
انشاء الله لكن.....
الدقشم ديل زى منو ؟
|
Post: #45
Title: Re: سلامتك يانزار...بعد الشر عليك
Author: Ahmed Yousif Abu Harira
Date: 01-21-2007, 10:02 AM
Parent: #43
يا البطاحين بشوفكم زى السدارنه ورودكم رباعى
منصور
------------------------------------------------
أشرق يومنا ..بي طلة نزار .......النايره
مرحبتين حبابو السيرتو في الناس سايره
نحن برانا يا منصور نلوص ...في الدايره
نغلي وننصهر في نار قدرها ......الفايره
|
Post: #47
Title: Re: سلامتك يانزار...بعد الشر عليك
Author: خالد المحرب
Date: 01-21-2007, 10:16 AM
Parent: #45
ات عارف يااحمد الناس ما يسحروك لكن ان جاتك حمى خفيفه
مى كعبه عشان نغنى فوقك والله كلها اجيبه ليك كككككككككك
|
Post: #51
Title: Re: سلامتك يانزار...بعد الشر عليك
Author: سمية الحسن طلحة
Date: 01-22-2007, 03:39 PM
Parent: #43
حباب منصور
عجبناك ده كلام عجب ساكت
نحنا حلاتنا سكر لى البجى يحالينا
ولى العادانا أدهى وامر من كينا
وأقبل سلامنا صر
|
Post: #54
Title: Re: سلامتك يانزار...بعد الشر عليك
Author: سمية الحسن طلحة
Date: 01-22-2007, 03:52 PM
Parent: #42
عندكم دوباتي
دى على وزن حكواتى ولاشنو؟؟
لالاماعندنا...
|
Post: #46
Title: Re: سلامتك يانزار...بعد الشر عليك
Author: على احمد النعيم
Date: 01-21-2007, 10:16 AM
Parent: #1
ما تلومينى يا ام احمد تقولى مجافى
كفارة نزار يمين اركضلها حافى
تلبا زين منتدانا قول بديع وقوافى
كيف ابخل عليهو قولة سلام وعوافى
لك العتبى يا ام احمد حتى ترضى، وتحياتى للمحرب وانا حقيقة انشغلت كل الاسبوع الفائت ، واقول للاخ نزار:
يا القنديل سراج البيت حمدلا السلامة الجيت
وبركة الجيت اخ نزار وسلامتك من ام قشاقش ويلا قول اتحفنا قول
وبرجعلكم ان شاء الله
|
Post: #48
Title: Re: سلامتك يانزار...بعد الشر عليك
Author: خالد المحرب
Date: 01-21-2007, 10:40 AM
Parent: #46
الجعلى ها زول ات وين ليك يومين غايب عندك كديب ولا شنو
زولك نذار ده كان كتل فى البحرين ماك جايب ليه خبر
|
Post: #53
Title: Re: سلامتك يانزار...بعد الشر عليك
Author: Tragie Mustafa
Date: 01-22-2007, 03:48 PM
Parent: #48
سلامتك يا نزار
وربنا يقومك بالسلامه.
شكرا سميه
تراجي.
|
Post: #62
Title: Re: سلامتك يانزار...بعد الشر عليك
Author: سمية الحسن طلحة
Date: 01-22-2007, 10:29 PM
Parent: #53
الله يسلمك
تراجي مصطفى
تسلمي من كل سوء
سعدنا كثيرا بهذه المشاركة الصادقة
سمية الحسن طلحة
|
Post: #55
Title: Re: سلامتك يانزار...بعد الشر عليك
Author: سمية الحسن طلحة
Date: 01-22-2007, 04:05 PM
Parent: #46
التحيات لله يااهل الله
|
Post: #61
Title: Re: سلامتك يانزار...بعد الشر عليك
Author: عفاف أبو حريرة
Date: 01-22-2007, 05:17 PM
Parent: #46
يا ود النعيم والله اللوم ما بشبهك والزيك انتا حاشهو اللوم
انا كنت عارفه الكلام الزي ده ما بتحمله وبخليك تغني
انا عارفه المشاغل كتيره لكن عندنا عليك حق ماتنقطع شديد
ام احمد
|
Post: #63
Title: Re: سلامتك يانزار...بعد الشر عليك
Author: الطيب بشير
Date: 01-22-2007, 11:08 PM
Parent: #1
.
ألـف سـلامـة لـي شـيخ العروبـة نـزار
الكـلـس أب ضيـوفـآ سـووا بيتو مزار
بالشـفا و السـلامة تـخـفـف الأوزار
و يا بت الحـسـن جريتـي خـيت الزار
***
الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة الما كمل بي ضوقنا
غرقـنا الزمـن لكن نزار كان طوقنا
.
|
Post: #64
Title: Re: سلامتك يانزار...بعد الشر عليك
Author: على احمد النعيم
Date: 01-23-2007, 07:07 AM
Parent: #1
الاخ الطيب بشير طيب الله ايامك ياخى على الطلاق ضربتها فى الصميم
|
Post: #65
Title: Re: سلامتك يانزار...بعد الشر عليك
Author: Ahmed Yousif Abu Harira
Date: 01-23-2007, 07:33 AM
Parent: #64
Quote: الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة الما كمل بي ضوقنا
غرقـنا الزمـن لكن نزار كان طوقنا |
رائع يا شيخ الطيب...
صح لسانك
وما قصرت...
لكن انت قبل كت وين؟؟؟؟
|
Post: #68
Title: Re: سلامتك يانزار...بعد الشر عليك
Author: الطيب شيقوق
Date: 01-23-2007, 01:16 PM
Parent: #65
| Quote: يارب يا كريم احمي ام احمد حتي من الزكمة مدام ودالمحرب اصحابو سحاحيير |
يا رطاني انت سارح وين بت طلحة دى محجبة ومجصنة بذاتها من اى حاجة والله زى ابي درمبال كان فكيت فيها طلقة تجيك رادة .
بس حجابها شى بفسده في الدنيا وبودر مفعوله شئ واحد بس بيعرفه ود المحرب وام احمد انا ظنى تقرا ليهو الفاتحة بالقلبة تاني الهواب بجيب خبرها .
|
Post: #69
Title: Re: سلامتك يانزار...بعد الشر عليك
Author: الطيب بشير
Date: 01-23-2007, 02:11 PM
Parent: #65
.
مرحبتين الحبايب ود النعيم ..و ..ود أب حريرة
وجـوه قبايل و الله..أشكر لكم لطفكم معي
الأخـت الكريمة سمية الحســن جابت سيرة راجل مافي منو اتنين..
و قلنا نقول ليهو كفارة..
معزتي لكما و للجميع..
.
|
Post: #70
Title: Re: سلامتك يانزار...بعد الشر عليك
Author: nazar hussien
Date: 01-23-2007, 04:31 PM
Parent: #69
انا عاقب اللتر من فوق....عقبوني هنا ناسا عزاز بلحيل....
العزيز منصور المفتاح...والحبيب اسماعيل ود وراق...
شيخ دار جعل علي أحمد النعيم...المناضلة تراجي مصطفي...
...
لكم جميعا عميق شكري...
ولكم سمية ...عفاف...خالد...أحمد يوسف...كل المحبة...
أما ابو بشير...الصديق القديم فلابد من أن ندوبي ليه...
والليد في اللضان....دوبيتا بي نونايو
|
Post: #71
Title: Re: سلامتك يانزار...بعد الشر عليك
Author: nazar hussien
Date: 01-23-2007, 05:00 PM
Parent: #70
Quote: ألـف سـلامـة لـي شـيخ العروبـة نـزار
الكـلـس أب ضيـوفـآ سـووا بيتو مزار
بالشـفا و السـلامة تـخـفـف الأوزار
و يا بت الحـسـن جريتـي خـيت الزار
***
الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة الما كمل بي ضوقنا
غرقـنا الزمـن لكن نزار كان طوقنا
|
الطوق لابسو عزة وتاج محل ما تسير
وما بتغرق يمين ما دام وراك بشير
نضمك مشرقا فوق لي تقانتو غزير
مو رقابة, في قلبو العصير اكسير
|
Post: #73
Title: Re: سلامتك يانزار...بعد الشر عليك
Author: Ahmed Yousif Abu Harira
Date: 01-24-2007, 08:00 AM
Parent: #71
صباح الخير للجميع
نقطة نظام
بخصوص الردود أرجو الرد من آخر مداخلة حفاظا على التسلسل وحتى لا تضيع علينا فرصة الإطلاع على الجديد من المداخلات ولأن الرد على كل مداخلة في مكانها يفقدنا القدره على المتابعة...
ولا شنو ؟؟
تحياتي
|
Post: #74
Title: Re: سلامتك يانزار...بعد الشر عليك
Author: nazar hussien
Date: 01-24-2007, 08:26 AM
Parent: #73
نقطة نظامك في محلها.....يا أحمد...
كنت بحاول ان افي بوعدي...هناك...
|
Post: #75
Title: Re: سلامتك يانزار...بعد الشر عليك
Author: Ahmed Yousif Abu Harira
Date: 01-25-2007, 06:47 AM
Parent: #74
نزار كيفنك
شكرا على إقرارك نقطة النظام... تعرف مرات تشوف انو فلان عمل رد وتفتش لي ردو ما تلقاهو تستغرب..
لكن إنت الناس ديل مشوا وين
...ووين اهل الدار ؟؟؟
يا ناس أدو خبر
|
Post: #76
Title: Re: سلامتك يانزار...بعد الشر عليك
Author: خالد المحرب
Date: 01-25-2007, 07:42 AM
Parent: #75
ها ناس سلام عليكم
احمد ود النعيم اشتكى منك بى غادى
قال قافل الجدول منو دحين الزول افتحلو شوسه
ابعشرين الليلو فاضى
انا عارف مدير المويه طارق مافى لكن دبر لو شربه
حواشه بصلو ده مايحرق000000
نزار ات وين النعل الورده مارجعت فيك
شايف الجنا ودالبشير غناو بلحيل غناهو عجبنى والله غنايا
قاطع الشك تب 00000
بت طلحه طولت ما اتسلطت عليك مرسل كم رساله على الداخلى00
|
Post: #77
Title: Re: سلامتك يانزار...بعد الشر عليك
Author: Ahmed Yousif Abu Harira
Date: 01-25-2007, 07:52 AM
Parent: #76
Quote: دبر لو شربه
حواشه بصلو ده مايحرق |
والله خايفين نديهو المويه يقطع لنا الكهرباء يا أب احمد
|
Post: #78
Title: Re: سلامتك يانزار...بعد الشر عليك
Author: على احمد النعيم
Date: 01-25-2007, 08:02 AM
Parent: #77
برضو راى يا ود المحرب والله شنو؟؟ وبالمناسبة النعام بسلم عليك ويا اخوى نسيبتو ماتت وانا والله كلمت الرقيعة بى موتا ولقيتو زهجان مقبل على الحيطة وقال لى ما فقدنا براها. سلم لى عليهو عليك الله.
|
Post: #79
Title: Re: سلامتك يانزار...بعد الشر عليك
Author: سمية الحسن طلحة
Date: 01-25-2007, 09:16 AM
Parent: #78
Quote: ألـف سـلامـة لـي شـيخ العروبـة نـزار
الكـلـس أب ضيـوفـآ سـووا بيتو مزار
بالشـفا و السـلامة تـخـفـف الأوزار
و يا بت الحـسـن جريتـي خـيت الزار
***
الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة الما كمل بي ضوقنا
غرقـنا الزمـن لكن نزار كان طوقنا
|
ياجماعة سلام عليكم
الشى مابتفقدوا زولكم
البركة فى أحمد وديوسف فقدنى
والله أنا كمبيوترى
ده ليهو يومين متجانن على
هسع عرفت السبب
الجننو وجنن عبد القادر وجنن الأحمدين(وديوسف وودالنعيم)
تراهو كلام الطيب ودالبشير الخلانا نرجف ده
عفارم عليك يانزار سويت البدع فى ردك
ياناس حلفت عليكم المابردعلى كلام الطيب السمح
ده مايجى داخل هنا
وياأحمد يوسف ياخوى كيفن ماشفت الطيب عقبك بهناك
وجاب لينا شريط مافى منو اتنين بتلقاه فى (لاح لى من صعيد...
فى الصفحة الأولى
راجعة ليك ياالطيب كلامك سمح بالحيييل
|
Post: #80
Title: Re: سلامتك يانزار...بعد الشر عليك
Author: خالد المحرب
Date: 01-25-2007, 10:24 AM
Parent: #79
احمد والله بسويها سارقلو المويه افتحه ليه بسيط الزول ابعشرينو
كعب
|
Post: #81
Title: Re: سلامتك يانزار...بعد الشر عليك
Author: Ahmed Yousif Abu Harira
Date: 01-25-2007, 11:37 AM
Parent: #80
Quote: ياناس حلفت عليكم المابردعلى كلام الطيب السمح
ده مايجى داخل هنا
|
لتسجيل الحضور
Quote: الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة .....الما كمل.... بي ضوقنا
غرقـنا الزمـن .....لكن نزار ....كان طوقنا
|
يا الطيب غناك دفق ...الطرب في عروقنا
وزكرنا اللذيذ لهجو ........وموافق ذوقنا
الله إن راد عقب نرجع نعاود....... سوقنا
نخت هارينا في أكتافنا ونسوقهن ...نوقنا
|
Post: #82
Title: Re: سلامتك يانزار...بعد الشر عليك
Author: على احمد النعيم
Date: 01-25-2007, 12:19 PM
Parent: #81
جاد بيهو الوصف يا ود اب حريرة لسانك
ولى ود البشــير غير زيف نصــب ميزانــك
جب درر الكلام.. مــولاى يعــظــم شــانـك
وسـامـية سميـة تسـلم... فـورت بـركانـك
|
Post: #83
Title: Re: سلامتك يانزار...بعد الشر عليك
Author: nazar hussien
Date: 01-25-2007, 12:52 PM
Parent: #82
Quote: جاد بيهو الوصف يا ود اب حريرة لسانك
ولى ود البشــير غير زيف نصــب ميزانــك
جب درر الكلام.. مــولاى يعــظــم شــانـك
وسـامـية سميـة تسـلم... فـورت بـركانـك
|
قلنا نعقب معاكم
أحمد في الغنا قارحا لسانو مطرق
واب أحمد كمان حرا نجيض ومحرّق
ان قلنا ابو البشير كلسا ولا بتجرق
وين بت طلحة من غنياتها يوت نتبرّك
|
Post: #84
Title: Re: سلامتك يانزار...بعد الشر عليك
Author: خالد المحرب
Date: 01-25-2007, 01:46 PM
Parent: #83
عدم الدخله ببقالى وحار وفيه مراره
مابعرف اغنى لكن قليى فيه شراره
كان مو حلفك الغنا ماعندى فيه بصاره
ندلى دلونا ياربى توقف الجباره
000000000000000000000000000000
ات عارفه ياسميه انا لقيت رقبتى
يا اغنى الغنا الكعب ولا امشى مااجيكم راجع
|
Post: #89
Title: Re: سلامتك يانزار...بعد الشر عليك
Author: الطيب بشير
Date: 01-25-2007, 06:02 PM
Parent: #83
.
Quote: أحمد في الغنا قارحا لسانو مطرق
واب أحمد كمان حرا نجيض ومحرّق
ان قلنا ابو البشير كلسا ولا بتجرق
وين بت طلحة من غنياتها يوت نتبرّك |
حباب فارس المنامة الـلا جفل لا اتدرّق
الضهري الرزم و سحابو هـضـلـم و زرّق
أشـوف البوسـت عامر و زهرو بيكم ورّق
عامر جمعكم .. و ان شا الله ما يتفـرّق
.
|
Post: #88
Title: Re: سلامتك يانزار...بعد الشر عليك
Author: الطيب بشير
Date: 01-25-2007, 05:48 PM
Parent: #82
.
Quote: جاد بيهو الوصف يا ود اب حريرة لسانك
ولى ود البشــير غير زيف نصــب ميزانــك
جب درر الكلام.. مــولاى يعــظــم شــانـك
وسـامـية سميـة تسـلم... فـورت بـركانـك |
يا ود النعيم مرحـب حباب أوزانك
و قبلك ود حـمـد أداك إسـمآ زانك
شاحـد ربي ليك تزول جـميع أحـزانك
يا بحر الدميرة الما بتهاب (كيـزانك)
|
Post: #87
Title: Re: سلامتك يانزار...بعد الشر عليك
Author: الطيب بشير
Date: 01-25-2007, 05:30 PM
Parent: #81
.
ملحوظة لم أجد الشدة في الكيبورد
و اعتمدت على ذائقة القاريء في تشديد الفاء و فتحها في القافية .
Quote: يا الطيب غناك دفق ...الطرب في عروقنا
وزكرنا اللذيذ لهجو ........وموافق ذوقنا
الله إن راد عقب نرجع نعاود....... سوقنا
نخت هارينا في أكتافنا ونسوقهن ...نوقنا |
أشوف ود أب حريرة مع الخـيول الـلفــن
و الدوبيت قـلـب جمرآ قدييييم و مدفــن
اللهج اللذيذ .. ستاتو راحـن و قـفــن
المكـتول كـمـد دمعاتو طـب ما جــفــن
|
Post: #86
Title: Re: سلامتك يانزار...بعد الشر عليك
Author: الطيب بشير
Date: 01-25-2007, 04:58 PM
Parent: #79
Quote:
راجعة ليك ياالطيب كلامك سمح بالحيييل |
إن شا الله السمح فال الحبايب ضـمـة
يا بت الحـسـن ..سـيد شـباب الأمـة
شاحـد الله الكريم أملك..مناك ينتمٍِ~
ذكرتينا دوبيتنا و .. حلاة النمـة
.
|
Post: #85
Title: Re: سلامتك يانزار...بعد الشر عليك
Author: Alsa7afa_30
Date: 01-25-2007, 03:22 PM
Parent: #1
سلام و تحايا لكل المتداخلين..
نزار:
سلامتك و الألم بيزول و كفارة ليك يازول..
أجر و عافية..
|
Post: #98
Title: Re: سلامتك يانزار...بعد الشر عليك
Author: سمية الحسن طلحة
Date: 01-26-2007, 09:08 AM
Parent: #85
Alsa7afa_30
الله يسلمك ويعافيك
شكرا للزيارة
|
Post: #90
Title: Re: سلامتك يانزار...بعد الشر عليك
Author: الطيب بشير
Date: 01-25-2007, 06:11 PM
Parent: #1
.
الأخـت الكريمة سمية الحسن طلحة
و الأعزاء ضيوفها و ضيوف نزار
و الغالي نزار
سـلام تاني
أذكر في بوست من بوستات الدوبيت، لنزار أو مفتاح، كتبت مربع قلت أرفعو ليكم هسع في خيمتكم دي
..مع تحياتي
كـيف عاملين مع الدوبيت و نـمـو الحـالي
و فـرق أمـات شـليخ بـهـدلني غيـر حـالي
البوجـنـي بي عـشـم الغـرام أوحـى لـي
لا غـسـلـنـي..لا.. خـلاني فـي أوحـالـي
.
|
Post: #91
Title: Re: سلامتك يانزار...بعد الشر عليك
Author: سمية الحسن طلحة
Date: 01-25-2007, 11:04 PM
Parent: #90
Quote: الشر بعيد من دار جدود ابواتك
يا بت طلحة شكرا للدعاء وصلواتك
نسلك من صلاح سيفهم مغمّض وفاتك
ودعوتهم نجيضتا تبقي انتي بياتك
|
ياود الجدود الطاهرين وعواتِك
سايمين العمر لى حل حِجَن ومشابك
ياعريس الحسان أمات بخورا عابك
يدوم وصلك وسعدك يبقى ليك موارك
|
Post: #92
Title: Re: سلامتك يانزار...بعد الشر عليك
Author: سمية الحسن طلحة
Date: 01-25-2007, 11:12 PM
Parent: #91
Quote: ألـف سـلامـة لـي شـيخ العروبـة نـزار
الكـلـس أب ضيـوفـآ سـووا بيتو مزار
بالشـفا و السـلامة تـخـفـف الأوزار
و يا بت الحـسـن جريتـي خـيت الزار
***
الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة الما كمل بي ضوقنا
غرقـنا الزمـن لكن نزار كان طوقنا
. |
الطيبين رجال طابت ملوك الدار
بيكم دارنا ضوّت وبقـّت الأنوار
يابحر الدميرة الببلع الحجّـار
الدّر الأصيل مابيحجبو المحّار
الطيبين رجال طابت هناك في شروقنا
بالأشواق رمونا وجمعوا لى مفروقنا
سحابات خيرنا جمعن واتراففنلو بروقنا
جرى سيل حبهم مجري البيروي عروقنا
|
Post: #93
Title: Re: سلامتك يانزار...بعد الشر عليك
Author: سمية الحسن طلحة
Date: 01-25-2007, 11:38 PM
Parent: #92
Quote:
يا الطيب غناك دفق ...الطرب في عروقنا
وزكرنا اللذيذ لهجو ........وموافق ذوقنا
الله إن راد عقب نرجع نعاود....... سوقنا
نخت هارينا في أكتافنا ونسوقهن ...نوقنا |
عزّيت الحلف وديوسف صح لسانك
جردتو يراعك وحقبت ســِنانك
يافارس الملاقى معدوم نفر فرسانك
إنت الجلة والباقيين عجاج دخانك
|
Post: #94
Title: Re: سلامتك يانزار...بعد الشر عليك
Author: سمية الحسن طلحة
Date: 01-25-2007, 11:48 PM
Parent: #93
Quote: عدم الدخله ببقالى وحار وفيه مراره
مابعرف اغنى لكن قليى فيه شراره
كان مو حلفك الغنا ماعندى فيه بصاره
ندلى دلونا ياربى توقف الجباره
|
سلاحك رطن بارودو جابلو شرارة
أب أحمد نتر منّو الأسود تتجارا
جاب نظم القوافي السمح مسدارا
زي دهب الشبيك خالصة صافي عيارا
|
Post: #95
Title: Re: سلامتك يانزار...بعد الشر عليك
Author: سمية الحسن طلحة
Date: 01-26-2007, 00:09 AM
Parent: #94
Quote: البوجـنـي بي عـشـم الغـرام أوحـى لـي
لا غـسـلـنـي..لا.. خـلاني فـي أوحـالـي |
البوجنى...والله ياالطيب دى مافى زول صبقك عليها تب
كدى أنحاول أجربا لأول مرة
ياالله الكريم عالم تمام بى حالى
البوجنى فرقو صعيب وما ببقالى
سهران عينى لاجة والدموع بالا لى
ما طفت الغرام اللهيبو شوا لى
|
Post: #96
Title: Re: سلامتك يانزار...بعد الشر عليك
Author: الطيب بشير
Date: 01-26-2007, 02:21 AM
Parent: #95
.
الأخـت الكريمة سمية الحسـن
شـكرآ ليك و تقدير على الحماس
و الله أنا معجب جدآ بمقدرة دارجتنا الحبيبة على الإفصاح
يعني (البوجان) دة يعادل (حالة اللا حرب و اللا سلم)
يعني كلمة سغيرونة تعبر عنك بي مهلة
و لو لقيتي الجندرية و لا صديق الموج..أمانة ما يجيبو ليك دارج مميز
التحية ليك..
.
|
Post: #97
Title: Re: سلامتك يانزار...بعد الشر عليك
Author: سمية الحسن طلحة
Date: 01-26-2007, 08:45 AM
Parent: #96
الأخ الكريم/ الطيب بشير
انت من يستحق منا الشكر لأنك كنت سباق ودخلت علينا
تعرف أنارغم طول الغربة لكن ماغيرت لسانى أبدا
بس طولت من تداول هذه الكلمة والغريبة لما سألت
بنتى الصغيرة عن كلمة بوجان ومبوجنا وبوجنتيها
عرفت المعنى طوالى من كترة الدارج الأنا بصرفو معاهم.
لك منى كل الود.
|
Post: #99
Title: Re: سلامتك يانزار...بعد الشر عليك
Author: سمية الحسن طلحة
Date: 01-26-2007, 09:20 AM
Parent: #97
الخال الشيخ عبد العزيز( رحمه الله)
له كلام بهذا المعنى ( المبوجن )
أذكر منه:ـ
...من صلاتى سنحنى
لافكانى طبت ولا كتل ريحنى
ـــــــــــــــــــــــــــــــ
جيبو النجيض واختو المبوجن
و لكم التحية.
|
Post: #100
Title: Re: سلامتك يانزار...بعد الشر عليك
Author: nazar hussien
Date: 01-27-2007, 08:59 AM
Parent: #99
الكتلل...
هسي نبدأ ليكم من وين...
آخر قحة قحيتها أمس...والمرض نسيتو تب بي غناكم السمح دا...
كدي خلونا نقول نضم العافية...
ونبدأ ليكم من عمنا محمد أحمد عوض الكريم أبو سن...عشان كل زول يغزل غزلو هنا
لخلوخة تقوم متسايسة ومفروقة
بين التقنتين دفق البصير ماروقه
ان جلست معاك وان سمع منطوقه
علي المتشببات بلحيل بعيد معلوقه
|
Post: #101
Title: Re: سلامتك يانزار...بعد الشر عليك
Author: سمية الحسن طلحة
Date: 01-27-2007, 09:47 AM
Parent: #100
Quote: ان جلست معاك وان سمع منطوقه
علي المتشببات بلحيل بعيد معلوقه |
الخرابل....
ياأبواتى ألحقونى وسدوا ليا فروقا
ــــــــــــــــــــــــــــــــــ
نزار الحمدلله نفضت الحر والشرانشاءالله
والله فتحنا لنا بابا الله يقدرنا عليهو
بقى البمرض كلو بقول داير دوبيت
ماباقى إلا نسويهو كبسولات ونسوقو
هسع أبوبكر عيان وفاتح بوست
(وين بت طلحة من غنياتايوت نتبرك)
دايرين دوبيت،دحين أعقب عليهو
خت قدحك الزول زولنا بالحيل.
|
Post: #102
Title: Re: سلامتك يانزار...بعد الشر عليك
Author: الطيب شيقوق
Date: 01-28-2007, 11:08 AM
Parent: #100
هلا هلا
هلا هلا
الليلة شفنا صورة ود المحرب حرم ياكا الوجيه وتاري ام احمد كاتلة الجدادة وماكله جناها لكن يا ام احمد اعملي حسابك ياهو ذاتووووووووووو الحلو حلاة الغنت بيهو ندوية .
لكن فيهو سمات مضوى اسد البطانة وفيهو ملامح التاي ود ابو سمرة وفيهو شبه العجبة ود يوسف البيقلعوا حق الرجال ضحى سااااااااااااااااى .
انا حالف احجبو ليك يا ام احمد من راسو لي كرعيهو خايف عليهو من العين والله يطول عمره عينتو كان جاء بلدنا حرم كور المحاية قدامو تتطاقش وعينتو ان مات - الله يطول عمره - ينقلوا النور من قبره بالقليبة يتمسحوا بيهو من الشر .
|
Post: #103
Title: Re: سلامتك يانزار...بعد الشر عليك
Author: nazar hussien
Date: 01-28-2007, 12:05 PM
Parent: #102
يا بت طلحة نضمك بنسلين كبسولو
يطفي الحمي تب ويعقب يطيب زولو
كان بكوري ما اتضايق بلع بندولو
كان قام تر ترب بي مرضو قنب طولو
النضم السمح درقة ووقاية وبلسم
لي الزي حالنا ناس بكوري والبتعسم
النوم في عيونا خزاز وباقي مقسم
ما بطيبنا غيرو هوا البطانة النسم
|
Post: #104
Title: Re: سلامتك يانزار...بعد الشر عليك
Author: سمية الحسن طلحة
Date: 01-28-2007, 07:26 PM
Parent: #103
Quote: النضم السمح درقة ووقاية وبلسم
لي الزي حالنا ناس بكوري والبتعسم
النوم في عيونا خزاز وباقي مقسم
ما بطيبنا غيرو هوا البطانة النسم |
مالك علينا مذكرنا هوا البطانة ومطير نومنا
نحنا بالذات منطقتنا أجمل مافيها هواها...
الناس فتحوا شباكم هواهم نسم
وأنا كيف حال غميدى المن عيونى مقسم
حالى الفطرة ني ني جيدو ماهو معسم
وقا قنابلو لى قتلى وكمان بتبسم
القاسم ودالراوى
|
Post: #105
Title: Re: سلامتك يانزار...بعد الشر عليك
Author: abubakr
Date: 01-28-2007, 11:14 PM
Parent: #1
| Quote: يا بت طلحة نضمك بنسلين كبسولو |
ات حكايتك شنو ؟؟؟ ؟ بتحب المتنبي وبترطن وبتدوبي وكمان بتوزع بنسلين ات بربري فاتح شفخانة في البادية ؟؟
|
Post: #106
Title: Re: سلامتك يانزار...بعد الشر عليك
Author: سمية الحسن طلحة
Date: 01-28-2007, 11:26 PM
Parent: #105
Quote: كان بكوري ما اتضايق بلع بندولو
|
شوف ياأيويكر نزار مدلعك على الآخر ( بكورى )
حلوة دى ذاتا كبسولة تنسيك المرض
|
Post: #107
Title: Re: سلامتك يانزار...بعد الشر عليك
Author: Ahmed Yousif Abu Harira
Date: 01-30-2007, 07:13 AM
Parent: #106
نزار تحياتي ...
لجمتنا وعشان كدي وقفنا (تنقرن) وبعد (الغنا) الفوق ده نحن رفعنا البيرق والعلم الأبيض... إستسلام وإنسحاب تكتيكي.. خاصة بعد إيراد عبارات من قبيل (ترررر ترب) الفوق دي ... وده معناتو أن الزول ده أبعد ، وبعد كدي ما بتقابل..
سمية: إنت رأيك شنو ؟؟
يعني العبارة الفوق دي يخيل لي من النوع الذي يقال ولا يكتب. وإن كتبت عايزة تتشكل من كرعيها الأربعة ، حتى تفهم ولا بد من تقسيمها إلى قسمين: "تر" بكسر التاء وتشديد الراء (وحبذا لو كانت مجموعة من الراءات رررررر) و"ترب" كما في كلمة trip الإنكليزية..
توقعت أبوبكر يعترض عليها لكن يبدو انو الحكاية كترت عليهو... وقرر يشتري دماغه على قول ناس السافل..
إقتراح :
سمية
حقو تفتحو بوست جديد للونسة فقط..خاصة بعد ان منَ الله على أخونا نزار بنعمة الشفاء ..ولا شنو ؟؟؟
|
Post: #108
Title: Re: سلامتك يانزار...بعد الشر عليك
Author: nazar hussien
Date: 02-01-2007, 09:12 AM
Parent: #107
Quote: نزار تحياتي ...
لجمتنا وعشان كدي وقفنا (تنقرن) وبعد (الغنا) الفوق ده نحن رفعنا البيرق والعلم الأبيض... إستسلام وإنسحاب تكتيكي.. خاصة بعد إيراد عبارات من قبيل (ترررر ترب) الفوق دي ... وده معناتو أن الزول ده أبعد ، وبعد كدي ما بتقابل..
|
يا
شيخ أحمد
قول بسم الله...
وغنايا بلاكا
كان ركبتو فوق سرج النجم بتدلي
ماني خلاف نجيجيرا قعد واتسلي
بي كم باب بويت في عد صغير او حلة
الشعر انت سيدو وراسنو بي كم تلة
وارثو ودارسو بالفطرة البقت في محلّه
|
Post: #109
Title: Re: سلامتك يانزار...بعد الشر عليك
Author: سمية الحسن طلحة
Date: 02-01-2007, 09:50 AM
Parent: #108
نزار كيف الحال ياخى شفقتنا خفنا من الإنتكاسة رغم عالمن الكلو نكسات.
Quote: إقتراح :
سمية
حقو تفتحو بوست جديد للونسة فقط..خاصة بعد ان منَ الله على أخونا نزار بنعمة الشفاء ..ولا شنو ؟؟؟ |
جدا يا أحمد نأخد عنوانه من كل زول كلمة...مبوجن من الطيب بشير ومشكل منك (شكال البهيمة:القيد من خلاف) وترترب من نزار ...الداير يغنى يجى هنا والداير الونسة يطفر هناك.
|
Post: #110
Title: Re: سلامتك يانزار...بعد الشر عليك
Author: nazar hussien
Date: 02-01-2007, 10:17 AM
Parent: #109
الونسة والغنا الاتنين بندورن يا سمية...
لكن...وين اصحابي ناس ود المحرب...وعفاف...
وودالنعيم...
|
Post: #111
Title: Re: سلامتك يانزار...بعد الشر عليك
Author: abubakr
Date: 02-01-2007, 05:51 PM
Parent: #1
| Quote: بي كم باب بويت في عد صغير او حلة |
انا عرفت "حلة" ادوها ليها زمانك في سنة اولي حلفا الاميرية في اول حصة انجليزي "The man and the Pan " .. اها خلي العراريب اصحابك الما بيعرفو الحلة يونسوك
|
|